<a href="https://kyzylorda-news.kz/">Kyzylorda-news.kz</a>. Аймақта жыл басынан бері 344,7 млрд.теңгенің өнімі өндірілді. Яғни көрсеткіш өткен жылмен салыстырғанда 100,5 пайызды құрады. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық экономика және бюджеттік жоспарлау басқармасының басшысы Нұрғали Қордабай мәлімдеді.
<blockquote>
 «Өңір экономикасына 104,7 млрд. теңге инвестиция салынды. Сондай-ақ, 25,7 млрд.теңгеге құрылыс жұмыстары жүргізілді. 297,5 мың шаршы метр тұрғын үй пайдалануға берілді. Биыл жұмыссыздық деңгейі 4,9 пайыз. Жаңадан 16464 жұмыс орны ашылды. Оның 6328 тұрақты. Ал ауылшаруашылығының өнім көлемі 28,5 млрд.теңгеге жетті. Мәселен, жыл басынан бері 17,4 тонна мал және құс еті, сүт өнімі 40,9 мың тонна , 3,2 млн. дана жұмыртқа өндірілді»,-деді Нұрғали Рахымшаұлы.
</blockquote>
Биыл индустрияландыру бағдарламасы аясында 48,5 млрд. теңгені құрайтын 4 жобаны іске асыру жоспарланған. Атап айтқанда, табақша шыны шығару және өңдеу зауыты, қуаттылығы жылына 1500 тонна құс етін өндіру, ас тұзын өндіру, түйе сүтінен құрғақ ұнтақ шығару өндірісі. Жоба аясында 506 жұмыс орнын құру көзделген.
<blockquote>
 «Облыста инвестициялар көлемінің өсуі байқалады. Бүгінде инвестициялардың жаңа толқынын тарту бойынша жұмыстар жүргізілуде. Мұнан өзге, индустрияландыру бағдарламасының үшінші бесжылдығында құны 542,9 млрд.теңгені құрайтын 41 жоба жүзеге асырылатын болады. Нәтижесінде 7,4 мың адамды жұмыспен қамтылады»,-деді облыстық индустриялық-инновациялық даму басқармасы басшысының міндетін атқарушы Жанар Берденова.
</blockquote>

Қызылорда облысында 344,7 млрд теңгенің өнімі өндірілді

<a href="https://kyzylorda-news.kz/">Kyzylorda-news.kz</a>. Қызылорда облысында 193 мыңнан астам адам коронавирусқа қарсы вакцина салдырды, деп хабарлайды ҚазАқпарат.
Өңірде қатерлі індетке қарсы екпе қабылдау 1 ақпаннан басталды.
Нәтижесінде қазір вакцинаның бірінші компонентін алғандар 193 мыңнан асса, екінші компонентін 105 мыңнан астам адам салдырды.
Облыстық денсаулық сақтау басқармасының хабарлауынша, екпе қабылдағандар қатарында педагогтер, медицина саласының мамандары, құқық қорғау органы қызметкерлері, мемлекеттік қызметшілер, студенттер саны басым.
«Өңірде егде жастағы адамдар да қатерлі індетке қарсы вакцина қабылдауда. Вакцинадан кейін тұрғындарда асқыну болған жоқ», – деп мәлім етті Қызылорда облыстық денсаулық сақтау басқармасынан.
Тұрғындар «Спутник V», «QazVac» және «Hayat-Vax», «Корона Вак» вакциналарының бірін таңдай алады.
Еске салсақ. Қызылордада&nbsp;<a href="https://www.inform.kz/kz/kyzylordada-17-kasipkerlik-nysan-ashyq-zhobasynan-uakytsha-shettetildi_a3812083">17 кәсіпкерлік нысан</a>&nbsp;Ashyq жобасынан уақытша шеттетілді.

Қызылордада 193 мыңнан астам адам коронавирусқа қарсы вакцина салдырды

<h4 id="kyzylordanewskzhttpskyzylordanewskz202026215"><a href="https://kyzylorda-news.kz/">Kyzylorda-news.kz</a>. «Қызылорда электр тарату тораптары компаниясы» акционерлік қоғамының 2020 жылдың қорытындысы бойынша тарифтік сметасының орындалуына жүргізілген талдау барысында, «Табиғи монополиялар туралы» Қазақстан Республикасы Заңының 26-бабының 2-тармағының 15) тармақшасы, яғни бекітілген тарифтік сметаны орындау талабының сақталмағандығы анықталды.</h4>
Қайта қаржыландыру ставкасын қоса есептегенде «Қызылорда электр тарату тораптары компаниясы» акционерлік қоғамының электр энергиясын беру қызметі бойынша негізсіз алынған табысының сомасы 82 709 745 теңге болды.
ҚР ҰЭМ Табиғи монополияларды реттеу комитетінің Қызылорда облысы бойынша департаментімен «Қызылорда электр тарату тораптары компаниясы» акционерлік қоғамының электр энергиясын беру қызметіне 1 кВт.сағат ҚҚС-сыз енгізілу және қолданылу мерзімі 2021 жылдың 1 тамызынан 2021 жылдың 31 желтоқсаны аралығына 4,893 теңге мөлшерінде немесе қолданыстағы тарифтермен 4,976 теңге салыстырғанда 1,7 пайызға және 2022 жылдың&nbsp;1 қаңтарынан 2022 жылдың 31 шілдесі аралығына 4,810 теңге мөлшерінде немесе қолданыстағы тарифтермен 4,893 теңге салыстырғанда 1,7 пайызға төмендетіліп уақытша өтемдік тарифтер бекітілді.
ҚР ҰЭМ Табиғи монополияларды реттеу комитетінің Қызылорда облысы бойынша департаменті

Қызылордада электр энергиясының тарифі төмендеді

<a href="https://kyzylorda-news.kz/">Kyzylorda-news.kz</a>. Қазақстанда 15-17 шілде аралығында ауа райы құбылмалы болады. Кей жерде екпінді жел, оңтүстікте шаңды дауыл соғады, деп хабарлады Қазгидромет.
Оңтүстік аймақтарды қоспағанда, Қазақстанның барлық аумағында ауа райы құбылмалы болады. Күн күркіреп жаңбыр жауады.
Батыста ауа температурасы түнде +15…+23℃, күндіз +25…+38 градус. Республиканың солтүстігінде, солтүстік-батысында ауа температурасы түнде +6…+20℃ болса, күндіз сынап бағанасы +10…+28℃-ты көрсетеді.
Елдің орталығында және шығысында ауа температурасы түнде +7…+20℃, күндіз +15…+30℃, Қазақстанның оңтүстік және оңтүстік-шығысында түнде температура +12…+23°С, күндіз +27…+38°С болады.
Нұр-Сұлтан&nbsp;қаласында 15 шілдеде күн бұлтты болады, жаңбыр жауады. Ауа температурасы күндіз +15°С, түнде +10°С. Желдің жылдамдығы – 13 м/с.
16 шілдеде көшпелі бұлт шығады, аздаған жаңбыр жауады. Күндіз +17°С жылы болады, түнде ауа температурасы +11°С-ты көрсетеді. Желдің жылдамдығы – 12 м/с.
Ал 17 шілдеде көшпелі бұлт шығып, жаңбыр жауады. Күндіз +24°С, түнде +11°С жылы болады.
Алматыда&nbsp;15 шілдеде көшпелі бұлт шығады, аздаған жаңбыр жауып, найзағай ойнайды. Күндіз ауа температурасы +31°С, түнде +19°С болады. Желдің жылдамдығы – 9 м/с.
16 шілдеде қалада көшпелі бұлт шығады, аздаған жаңбыр жауады. Синоптиктер найзағай ойнайды деген болжам жасады. Ауа температурасы күндіз +25°С, түнде +19°С.
Ал сенбі, 17 шілдеде күн ашық болады. Күндіз +29°С жылы, түнде +20°С.
Шымкент&nbsp;қаласында 15 шілдеде күн ашық, ауа температурасы күндіз +31°С, түнде +18°С. Желдің жылдамдығы – 10м/с.
16 шілдеде де күн ашық, күндіз +32°С, түнде +18°С жылы болады. Сенбі, 17 шілдеде күн ашық болып, ауа температурасы +35°С-қа дейін көтеріледі. Түнде +21°С-ты көрсетеді.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен жол желісін дамыту және жолаушылар тасымалы бойынша атқарылып жатқан жұмыстарға қатысты жиын өтті. Онда облыстық жолаушылар көлігі және автомобиль жолдары басқармасының басшысы Мұрат Тілеуімбетов үстіміздегі жылдың І жарыжылдығында атқарылған жұмыстар мен алдағы жоспарлар туралы баяндады.
Қызылорда облысы аумағында автомобиль жолдарының жалпы ұзындығы – 3397 шақырымды құрайды. Оның 1016 км республикалық, 2381 км облыстық және аудандық маңызы бар автомобиль жолдары болып табылады. 
2021 жылы республикалық және облыстық бюджеттен барлығы 20,0 млрд теңге көлемінде қаражат бөлініп ұзындығы 360 шақырымды құрайтын автомобиль жолдары мен көпір өткелдері және көшелер жөндеуден өткізілуде.
Ағымдағы жылы республикалық бюджеттен төрт мемлекеттік бағдарламамен 10.8 млрд теңге көлемінде инвестиция тартылды.
Ағымдағы жылдың жартыжылдығымен жоспарланған 6,6 млрд теңге 100%-ға игеріліп, 50 шақырымнан астам автомобиль жолдары жөндеуден өткізілді.
Нәтижесінде, жыл қорытындысымен облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі жоспарлы 75% құрады.
Атап айтсақ, “Нұрлы жол” бағдарламасы аясында жалпы 11 647,0 млн. теңге бөлініп, 45 жоба жүзеге асырылып, ұзындығы 250 шақырымды құрайтын облыстық және аудандық маңызы бар автомобиль жолдары жөндеуден өткізілуде. “Өңірлерді дамыту” бағдарламасы аясында республикалық бюджеттен 1 774,3 млн. теңге бөлініп, Қызылорда қаласының сол жағалау бөлігін дамыту мақсатында үш жоба жүзеге асырылуда. “Ауыл ел – бесігі” бағдарламасы бойынша республикалық бюджеттен – 2 604,6 млн. теңге бөлініп, ұзындығы 80 шақырымнан астам елді мекендердің 64 көшесіне орташа жөндеу жұмыстары жүргізілуде. Ал, “Кіші қалаларды дамыту” бағдарламасы аясында 1 859,6 млн. теңге бөлініп, Арал қаласының ұзындығы 8,8 км құрайтын 8 көшені салуға және қайта жаңғыртуға, Қазалы қаласының ұзындығы 8,2 км 10 көшесін қайта жаңғыртуға жұмыс жасалуда. 
Қазалы ауданындағы Қарлан учаскесіндегі Сырдария өзені арқылы көпір салу жобасының мемсараптама қорытындысы алынды. Жобаның жалпы сметалық құны 4,4 млрд теңгені құрады. Жобаны ҚР Ұлттық экономика министрлігі арқылы 90/10 пайызбен қаржыландыру мақсатында бюджеттік ұсыным әзірленуде.
Сондай-ақ облыс тұрғындары үшін маңызды жобалардың бірі “Қызылорда-Жалағаш” автомобиль жолы. Ағымдағы жылы республикалық бюджеттен 1,0 млрд теңге көлемінде қаражат бөлініп, мемлекеттік сатып алу конкурсы аяқталуда. Жөндеу жұмыстары шілде айының соңына қарай басталады деп жоспарлануда.
Қазалы қаласы мен Әйтеке би көшесі аралығына қайта жаңарту жобасындағы 3 көпірге толықтай кеңейту жұмыстары атқарылды. Қазіргі кезде жол жабынын кеңейту және су құбыры мен газ жүйесін қайта орналастыру жұмыстары жүргізілуде.
Жергілікті маңызы бар жолдардың бойындағы көпірлердің техникалық жағдайы алаңдатушылық тудыруда. Қазіргі уақытта 5 апаттық жағдайдағы көпір өткелдері мемсараптамадан өткізілуде. Қорытындысы тамыз айында белгілі болады. Басқарма басшысы Шиелі ауданындағы 2 апаттық жағдайдағы көпірдің құрылысын биылдан қалдырмай бастау қажеттігі туындап отырғанын айтты. Осындай жұмыстар аудандық әкімшіліктерде де жүргізілуде. Қазалы ауданы 3 көпірге, Арал, Жалағаш аудандары теміржол үстінен өтетін автокөлік жолына және Жаңақорған ауданы 3 дана көпірдің жобасын әзірленуде.
Сондай-ақ облыс көлемінде 6 қалқымалы қайық өткелдері бар. Бүгінгі күні бұл қайықтардың да техникалық жағдайы бақылауда.
Арал ауданының Хан учаскесіндегі Сырдария өзеніне салынған қалқымалы қайық өткеліне күрделі жөндеу жүргізуге ЖСҚ әзірленген. Құны 357,4 млн. теңгені құрайды.
Жиында Қызылорда қаласындағы «Қорқыт Ата» әуежайы терминалын қайта жаңғырту және кеңейту жобалары және облыс аумағындағы темір жол вокзалдарының жәй күйі сөз болды.
Облыс әкімі Гүлшара Әбдіқалықова мемлекеттік бағдарламалар арқылы бөлінген қаржының уақытылы игеріліп, мақсатты жұмсалып, жөндеу жұмыстары сапалы жүргізілуін тапсырды. Сонымен қатар, көлік айналымы қызметін бақылауға алуды жүктеді.
<img src="https://kyzylorda-news.kz/wp-content/uploads/2021/07/217600458_3527972337305810_5063650930674838437_n.jpg" alt="" />

Қызылордада биыл 20 млрд теңгеге жол жөнделуде

<a href="https://kyzylorda-news.kz/">Kyzylorda-news.kz</a>. Соңғы уақытта әлем елдері бойынша коронавирус індетіне қатысты ахуал күрделеніп кетті. Қауіпті вирустың жаңа мутацияланған «Дельта- штам» түрі жұртшылықты алаңдатып отыр. «COVID – 19» жеңе алмай жатқан тұста, бұл ақ халатты абзал жандарға үлкен жауапкершілік жүктеп отыр. Бұл туралы бүгін Өңірлік коммуникациялар қызметінде өткен баспасөз конференциясында №4 қалалық емхананың медицина қызметкері Сезім Азаматова баяндады.
<blockquote>
 «Дельта- штам» туралы не білуіміз керек? Ең біріншіден, бұл дерттің адам денсаулығы мен өміріне үлкен қауіп төндіретінін естен шығармау керек. Қарапайым тұмау белгілері байқалған бойда медициналық көмекке жүгінген дұрыс. Клиникалық белгілерге мән бермеген жағдайда, сырқат асқынып кетеді. Бұл кезде медициналық көмек нәтиже бермеуі мүмкін. Дертті жұқтырмау үшін ертерек вакцина салдырып, ұжымдық иммунитетті қалыптастыруға үлес қосқан дұрыс», – деді Сезім Азаматқызы.
</blockquote>

Сезім Азаматова: Вакцина &#8211; кеселді жеңудің жалғыз жолы

<a href="https://kyzylorda-news.kz/">Kyzylorda-news.kz</a>. Қала аумағында суға шомылуға рұқсат етілген 2 жағажай бар. Олар «Сыр самалы» және Белкөл кентінде орналасқан «Абай» жағажайы. Қазіргі таңда Эдельвейс саяжайының жанында орналасқан коммуналдық жағажайдың құрылысы жүріп жатыр. Осы айда ашылады деп жоспарлануда. Бұл туралы бүгін Өңірлік коммуникациялар қызметінде өткен баспасөз конференциясында облыстық төтенше жағдайлар департаментінің бастығы Руслан Қайрақбаев мәлімдеді.
Жазғы суға шомылу маусымында облыс тұрғындарының қауіпсіздігін қамтамасыз ету мақсатында полиция қызметкерлерімен бірге рейдтік шаралар жасалуда. Осы уақытқа дейін су айдындарында 611 рейд өткізіліп, 6253 адамға ескерту берілді.
Нақтырақ айтқанда, ортақ су пайдалану қағидаларын бұзғаны үшін 34 адамға ескерту берілсе, қоғамдық орындарға масаң күйде жүрген 174 азаматқа 2 млн 114 мың 825 теңге айыппұл салынып, әкімшілік шара көрілді.
<blockquote>
 «Балық шаруашылығы инспекциясымен бірлесіп, заңсыз балық аулау бойынша 200 дерек тіркеліп, оның ішінде 139 жеке тұлғаға 2 млн 209 мың 400 тг айыппұл салынды», – деді Руслан Сламбекұлы.
</blockquote>

Судағы қауіпсіздік ережесін бұзғандар айыппұл төлейді

Kyzylorda-news.kz. Адамдардың көпшілігі вакцинаны ешқандай ерекше белгісіз өткізеді. Ал, кей адамдарда инъекция орнында аздап ауырсыну, қызару немесе ісіну, әлсіздік болуы мүмкін. Сонымен қатар, бұлшықеттерде аздап ыңғайсыздық болуы ықтимал. Кейде дененің қызуы көтерілуі, аздап қалтырау, жүрек айну және лимфа түйіндерінің шамалы ұлғаюы мүмкін. Мұның бәрі иммунитетті қалыптастырудағы қалыпты реакциялар. Қазіргі уақытта вакцинацияланған адам басқаларға қауіп төндірмейді.
Бұл туралы бүгін Өңірлік коммуникациялар қызметінде өткен баспасөз конференциясында №3 қалалық емхананың эпидемиолог-дәрігері Гүлнұр Ильясова мәлімдеді.
<blockquote>
 «Дегенмен, дене қызуын 38 градусқа дейін жоғарылатпау ұсынылады. Егер ол одан жоғары көтерілсе, әдетте суық тигенде қолданатын ыстық түсіретін дәріні қабылдауға болады. Ең жақсысы – парацетамол. Сирек жағдайларда дене қызуының көтерілуі екі-үш күнге созылуы мүмкін. Вакцинаның екінші компонентін салдырмаса, адамда иммунитет қалыптаспайды. Өйткені екеуінің құрамы екі түрлі. Сондықтан бір-бірінсіз адамның бойында иммунитет болмайды. Екінші компонентін міндетті түрде салдыру керек», – деді эпидемиолог-дәрігер.
</blockquote>
Сондай-ақ, екпені ағзаға енгізгеннен кейін, қауіпті аллергиялық реакция мүмкіндігін болдырмау үшін дәрігерлердің бақылауында біраз уақыт өткізу керек. Алайда осыдан кейін де күн соңына дейін көлік жүргізбеген абзал. Дәрігерлер мүмкіндігінше инъекциядан кейін бірнеше күн ішімдік ішуден бас тартуға кеңес береді. Өйткені қандағы алкоголь кез-келген аурудан иммунитеттің қалыптасуына жол бермейді.
Соңғы уақытта өңірдегі вирус деңгейінің күрделеніп, үнділік Дельта штамм белгілерінің таралуы сақтық шараларын қатаң сақтауды талап етеді.
Айта кету керек, шілде айының 13-ші жұлдызынан бастап емханаларда екпе егу кабинетінің жұмысы дүйсенбі мен жұма аралығында 8.00 – 22.00 дейін, ал демалыс күндері 9.00 – 18.00 аралығында жұмыс істейді.

Гүлнұр Ильясова: Вакцинадан кейінгі ауырсыну қалыпты жағдай

<a href="https://kyzylorda-news.kz/">Kyzylorda-news.kz</a>. 21 шілдеде Қазақстанның барлық аумағында телерадио хабар тарату уақытша тоқтатылады, деп хабарлады ақпарат және қоғамдық даму министрлігінің баспасөз қызметі.
<blockquote>
 “2021 жылдың 21 шілдесінде сағат 03.00-17.00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы профилактикалық жұмыстар жүргізіледі. Бұл уақытта Қазақстанның барлық аумағында телерадиоарналарды ретрансляциялау уақытша тоқтатылады”, – делінген ақпаратта.
</blockquote>
Айта кетейік, “Қазтелерадио” АҚ тоқсан сайын жоспарлы профилактикалық жұмыстар жүргізеді. 
Бұл жұмыстар телерадио хабарларын сапалы таратуды қамтамасыз ету үшін қажет. Ал тоқсан сайынғы жоспарлы профилактикалық жұмыстар сервисті ұзақ уақытқа өшіруге мүмкіндік береді. Сондықтан осы уақыт ішінде техникалық құралдарды жаңғырту бойынша қосымша жұмыстар да жүзеге асырылады.
“Қазтелерадио” АҚ – Қазақстандағы теле және радиохабар тарату саласындағы ұлттық оператор.

Телеарналар мен радиолар хабар таратуды уақытша тоқтатады

<a href="https://kyzylorda-news.kz/">Kyzylorda-news.kz</a>. Жақын арада ауылдық округ әкімдерін сайлау күтілуде. Сайлау-қоғамды заманауи демократияландырудың маңызды институты, халықтың мемлекеттік басқаруға қатысуының негізгі нысандарының бірі. Сайлау өткізу шарттарының бірі активтер мен міндеттемелер туралы декларацияны тапсыру.
Ауылдық округ әкімдігіне кандидат және оның зайыбы тіркелгенге дейін тұрғылықты жері бойынша Мемлекеттік кіріс органдарына салықтар мен бюджетке төленетін төлемдердің түсуін қамтамасыз ету саласында басшылықты жүзеге асыратын уәкілетті мемлекеттік орган белгілеген тәртіппен және нысанда ұсыну мерзімі басталатын айдың бірінші күніне арналған активтері мен міндеттемелері туралы декларацияны ұсынады.
Декларацияны үш тәсілмен: қолма-қол қағаз нұсқада (екі данада), пошта арқылы тапсырыс хатпен және электрондық нысанда тапсыруға болады. Ауыл әкімдігіне кандидаттардың және оның жұбайының декларацияларында ұсынылған мәліметтер облыстық департаменттер мен аудандық мемлекеттік кірістер органдарының басқармаларында тексеруден өтеді.
Декларацияларда көрсетілген мәліметтер, егер кірістер мен мүлік туралы толық емес деректер көрсетілсе, сомалары, саны, мүліктің атауы және т.б. бойынша айырмашылықтар анықталса, дұрыс емес деп есептеледі.
Мәселелер туындаған жағдайда, Мемлекеттік кіріс органдары салық міндеттемесінің туындауы, орындалуы және тоқтатылуы жөніндегі мәселелерді түсіндіруге және оларға түсінік беруге міндетті.

Ауыл әкімдігіне кандидаттар мен олардың әйелдері декларация тапсыруға міндетті

<a href="https://kyzylorda-news.kz/">Kyzylorda-news.kz</a>. Қызылорда қалалық полиция басқармасына жергілікті тұрғынның арызы бойынша, 27 жастағы азаматқа қатысты Қазақстан Республикасының Қылмыстық кодексінің 190 – бабы (Алаяқтық) бойынша сотқа дейінгі тергеп-тексеру амалдары бастады.
Ол мемлекетік қызметке орналасуға көмектесуге уәде&nbsp; беріп, 672 мың теңге көлемінде 2 дана ұялы телефондарын несие арқылы рәсімдетіп алып, алдап кеткен.
<blockquote>
 «Күдіктіге қатысты ешқайда кетпеу туралы қолхат түрінде бұлтартпау шарасы қолданылды. Қызылорда қалалық Полиция басқармасына азаматтарды алаяқтық жағдайларының жиілеп кетуіне байланысты сақ болуға шақырады», – делінген полиция департаментінің хабарламасында.
</blockquote>

Мемлекеттік қызметке тұрғызуға уәде берген алаяқ ұсталды

<a href="https://kyzylorda-news.kz/">Kyzylorda-news.kz</a>. ҚР Парламенті Сенатының депутаты Ақмарал Әлназарова мен қала әкімі Ғанибек Қазантаев тұрмыстық қатты қалдықтарды қайта өңдеу полигоны мен модульді жұқпалы аурулар стационарының жұмысына барды.
Алдымен қала іргесіндегі яғни, Белкөл кенті аумағында орналасқан жалпы жер көлемі 20 га құрайтын ескі тұрмыстық қатты қалдықтарды жинайтын полигонға барды. Бүгінде ескі қатты тұрмыстық қалдықтар полигоны қоршалмаған, санитарлық-экологиялық талаптарға сәйкес келмейді және қалдықтарды сұрыптау кешенімен жабдықталмаған. Арнайы қоршау болмауына байланысты ескі полигон аумағына бөгде адамдардың кіріп, түрлі металл қалдықтарын қазып соңынан өртеп кетуінен полигонда өртену оқиғалары жиі орын алады.
<blockquote>
 «Алдағы уақытта ескі полигон аумағына арнайы қоршау жүргізілуі және ескі полигон ауданының 20 гектар жеріне көму, қайта қалпына келтіру жұмыстары жүргізілуі қажет. Осы жұмыстар толық атқарылған жағдайда ескі қатты тұрмыстық қалдықтар полигонының қоршаған ортаға және адам денсаулығына тигізетін кері әсерлері толық жойылады. Полигон аумағындағы жинақталған тұрмыстық қатты қалдықтарды рекультивациялау мақсатында жоба-сметалық құжаттарын әзірлеу яғни қажетті қаражатты анықтау үшін тиісті есептеме жұмыстары жүргізіліп жатыр. Бұл аймақты толығымен залалсыздандырып, қалыпты жағдайға келтіру үшін республикалық бюджеттен қаржы бөліну қажет», – деді қала әкімі Ғанибек Қазантаев.
</blockquote>
Осы орайда Сенат депутаты Ақмарал Әлназарова қала тұрғындарына экологиялық зиян келтірмеу үшін тиісті жұмыстарды бірлесіп атқаратындығын жеткізді.
Одан әрі Сенатор өткен жылы өз жұмысын бастаған қала іргесіндегі қатты қалдықтарды қайта өңдеу полигонына барды. Жаңадан салынған қатты тұрмыстық қалдықтар полигоны 2020 жылы 65 000 тонна қатты тұрмыстық қалдықтарды қабылдаған. Осы қалдықтарды сұрыптау арқылы екінші қайтара пайдалануға жарамды 115 тонна (картон,түсті металл, шыны, пластмасса, т.б.) заттар алынды. Ағымдағы жылдың маусым айына дейін жаңа қатты тұрмыстық қалдықтар полигонына барлығы 26771 тонна қалдықтар қабылданды. Қалдықтардың 9637 тоннасы азық-түлік қалдықтары, 8566 тоннасы жарамсыз қағаз қалдықтары осы қалдықтар полигон аумағында шірітілуде. Шірітілген қалдықтарды полигон аумағын тыңайтуға пайдалану көзделуде.
Қызылорда қаласынан күніне орта есеппен 180 тонна көлемінде қалдықтар тасымалданады. Қазіргі уақытта қалдықтарды сұрыптау кешенінен орта есеппен күніне 30 тонна қалдықтар сұрыптаудан өткізілуде, бұл жұмыстарды 30 адам атқаруда. Осы 30 тонна сұрыптаудан өткен қалдықтардан 3-4 тонна көлемінде екінші қайтара пайдалануға жарамды шикізаттар алынады.
Одан әрі Сенатор мен қала әкімі облыс орталығындағы салынған 200 орындық модульді жұқпалы аурулар ауруханасында болды. Облыстық денсаулық сақтау басқармасының басшысы Сабит Пазилов мұндағы замануи ғимараттың жұмыстарымен таныстырды. Басқарма басшысының айтуынша, модульдік жұқпалы аурулар ауруханасының құрылысы аяқталған, мемлекеттік қабылдау жұмыстары жүргізілуде. Онда науқастарды емдеу үшін барлық жағдай жасалаған. Ендігі мәселе мемлекеттік сараптамадан өту жұмыстары тоқтап тұрғанын айтты. Өз кезегінде Ақмарал Шәріпбайқызы қазіргі кезде эпидемиологиялық ахуалдың ушығып тұрған шағында бұл жұмыстарды жеделдету керектігін айтты.
ҚР Парламенті Сенатының депутаты Ақмарал Әлназарова қала басшысына жоғарыда аталған нысандардың тиісті жұмыстарын бірлесіп атқаратындығын жеткізді.

Қазақстан және Қызылорда облысының жаңалықтары

Қызылорда облысында 344,7 млрд теңгенің өнімі өндірілді

Қызылордада 193 мыңнан астам адам коронавирусқа қарсы вакцина салдырды

Қызылордада электр энергиясының тарифі төмендеді

Алдағы үш күнге арналған ауа райы болжамы

Қызылордада биыл 20 млрд теңгеге жол жөнделуде

Сезім Азаматова: Вакцина – кеселді жеңудің жалғыз жолы

Судағы қауіпсіздік ережесін бұзғандар айыппұл төлейді

Гүлнұр Ильясова: Вакцинадан кейінгі ауырсыну қалыпты жағдай

Телеарналар мен радиолар хабар таратуды уақытша тоқтатады

Ауыл әкімдігіне кандидаттар мен олардың әйелдері декларация тапсыруға міндетті

Мемлекеттік қызметке тұрғызуға уәде берген алаяқ ұсталды

Сенат депутаты Ақмарал Әлназарова Қызылордаға келді

Қазақстан және Қызылорда облысының жаңалықтары

Қызылорда облысында 344,7 млрд теңгенің өнімі өндірілді

Қызылордада 193 мыңнан астам адам коронавирусқа қарсы вакцина салдырды

Қызылордада электр энергиясының тарифі төмендеді

Алдағы үш күнге арналған ауа райы болжамы

Қызылордада биыл 20 млрд теңгеге жол жөнделуде

Сезім Азаматова: Вакцина &#8211; кеселді жеңудің жалғыз жолы

Судағы қауіпсіздік ережесін бұзғандар айыппұл төлейді

Гүлнұр Ильясова: Вакцинадан кейінгі ауырсыну қалыпты жағдай

Телеарналар мен радиолар хабар таратуды уақытша тоқтатады

Ауыл әкімдігіне кандидаттар мен олардың әйелдері декларация тапсыруға міндетті

Мемлекеттік қызметке тұрғызуға уәде берген алаяқ ұсталды

Сенат депутаты Ақмарал Әлназарова Қызылордаға келді

Сезім Азаматова: Вакцина – кеселді жеңудің жалғыз жолы