Kyzylorda-news.kz. Қармақшы аудандық кезеңі «Kyzylorda Business Hub» үйлестірушілері мен «Қармақшы аудандық жастар ресурстық орталығы» КММ біріге ұйымдастырды.
StartUp Weekend Karmakshy іріктеу кезеңі 2 бөлімнен тұрды. Қатысушылар 3 тамыз күні онлайн-тренингке қатысса, 6 тамыз күні оффлайн-қорғау бөлімінде бақ сынады. Стартап жобалар байқауына аудан бойынша 16-29 жас аралығындағы 30-ға жуық жас кәсіпкер қатысты. Олардың 7-і оффлайн-қорғау бөлімінен өтуге өтінім білдірді.⠀⠀⠀⠀⠀⠀⠀⠀
Қазылар алқасы арнайы талаптарға сай Мерейлім Ібіраш, Динара Қалабаева, Сәбихан Жүнісов, Жазира Көбекова, Меруерт Төреахметова және Аружан Мұратбекова жартылай финал кезеңіне өтті.⠀⠀⠀⠀⠀⠀⠀⠀⠀
Байқау қорытындысы бойынша аудандық кезеңде I орынды Сәбихан Жүнісов, II орынды Меруерт Төреахметова, III орынды Мерейлім Ібіраш иеленді. Жеңімпаздар ақшалай сыйлықтарға ие болды.

«KYZYLORDA BUSINESS HUB» байқаудың аудандық кезеңі өз мәресіне жетті

Kyzylorda-news.kz. Денсаулық сақтау министрлігі коронавирустың екінші толқынына арналған болжамды әзірлеп жатыр, деп хабарлайды Sputnik Қазақстан.
Вице-министр Людмила Бюрабекованың айтуынша, шілде айында алдын ала есептеу жүргізіліп, коронавирустың таралуына қатысты болжам әзірленген болатын. Оған сәйкес, ауруханаларда қосымша төсек орындарды жасақтау жоспарланған. Жансақтау бөлімдерін кеңейту шаралары да қарастырылған.
Бастапқы болжамда коронавирусқа шалдыққан науқастар ғана есепке алынды. Ал 1 тамыздан бастап Қазақстанда коронавирус пен пневмонияның статистикасы біріктірілді. Осыған байланысты болжамды қайта қарау туралы шешім қабылданып отыр.
<blockquote>
 “Демек, бізге бәрін қайта есептеп шығу керек. Қазір әлем бойынша коранавирустың екінші толқыны туралы айтып жатыр. Күзде болады деп отырмыз. Сол кезде вирустық инфекциялар, тұмау сынды маусымдық аурулар да көбейеді. Осының бәрін болжамда көрсету керек. Жақын арада біз осы құжатты жариялаймыз”, – деді Бюрабекова орталық коммуникациялар қызметінде өткен онлайн брифингте.
</blockquote>

Денсаулық вице-министрі коронавирустың екінші толқыны туралы айтты

Kyzylorda-news.kz. Қазіргі уақытта жүргізілетін салықтық тексерулер саны айтарлықтай қысқарды. Ағымдағы жылдың 6 айында ғана облыс бойынша салықтық тексерулер саны 42 немесе 11,4% төмендеді.
Салықтық және кедендік әкімшілендіру, уәкілетті органдардың және әртүрлі көздерден алынған мәліметтермен жұмыс істеуге шоғырланған. Нәтижесінде биылғы жылдың 6 айында мемлекеттік бюджетке 5,7 млрд теңге, оның ішінде облыстың жергілікті бюджетіне 1,0 млрд теңге және республикалық бюджетке 4,7 млрд теңге сомасында қосымша резервтер анықталып, бюджетке өндірілді.
Ел экономикасында пандемиямен байланысты қалыптасқан дағдарыстық құбылыстарға, салықтық жеңілдіктер беруден болатын шығындарға және мұнай бағасының әлемдік құлдырауына қарамастан, мемлекеттік кіріс органдары облыс бюджетін толықтыруда резервтерді іздестіру бойынша жұмыстар жүргізуде.

Салықтық тексерулер қысқарды

Kyzylorda-news.kz. Бүгін ҚР Парламенті Сенатының депутаты Мұрат Бақтиярұлы Қазалы ауданына жұмыс сапарымен келіп, «Жұмыспен қамтудың 2020-2021 жылдарға арналған жол картасы» мемлекеттік бағдарламасы аясында атқарылып жатқан жұмыстармен танысу мақсатында бірқатар нысандарды аралады.
Қазалы ауданында «Жол картасы» бағдарламасымен құны 3 млрд 11 млн 89 мың теңге болатын 42 жоба іске асырылып жатыр. Аталған бағдарлама бойынша атқарылып жатқан жұмыстармен аудан әкімінің орынбасары Әліби Әбиев пен аудандық мәслихат хатшысы Күнтілес Назымбеков таныстырды. Сенат депутаты Әйтеке би кентіндегі С.Сейфуллин атындағы №165, Жанқожа батыр атындағы №70 мектеп, «Ақбота» балабақшасы, Қазалы қаласындағы №17 мектеп, Ғ.Мұратбаев ауылындағы «Балдәурен» балабақшасының ғимараттарына жүргізіліп жатқан құрылыс жұмыстарымен танысты. Сондай-ақ, Әйтеке би кентіндегі қайта жаңғыртудан өтіп жатқан М.Ғабдуллин көшесін, Ғ.Мұратбаев ауылын газдандыру жұмысын көріп, өз бағасын берді.–
<blockquote>
 “Қызылорда облысындағы іргелі аудан – Қазалыға «Жол картасы» бағдарламасы арқылы қомақты қаржы бөлінген. Негізгі мақсат – жол, мектеп, аурухана, емхана, мәдениет үйлерін ағымдағы және күрделі жөндеу, аулалар мен елді мекендерді абаттандыру сияқты жұмыстарды іске асыра отырып, жаңа жұмыс орындарын ашу арқылы халықты жұмыспен қамту болып табылады. Мемлекет тарапынан қолдау болған соң атқарылатын жұмыстардың сапасы жақсы болу қажет. Аудан басшылары жұмыстардың сапалы жүруіне үнемі бақылау жүргізіп отырады екен. Сондықтан да атқарылып жатқан жұмыстардың сапасы жақсы, – деді Мұрат Бақтиярұлы.
</blockquote>
Сапар барысында сенатор аудан орталығындағы темір-бетон зауытының жұмысымен де танысты. Мекеме басшысы Сәбит Өтегенов зауыт өндіретін темір-бетон өнімдеріне сұраныс жоғары екенін атап өтті.
<img src="https://kyzylorda-news.kz/wp-content/uploads/2020/08/fb_img_1596794565182.jpg" alt="" />
<img src="https://kyzylorda-news.kz/wp-content/uploads/2020/08/fb_img_1596794567303.jpg" alt="" />

ҚР Парламенті Сенатының депутаты Қазалы ауданында болды

Kyzylorda-news.kz. Бүгін облыс әкімі Гүлшара Әбдіқалықова жергілікті БАҚ құралдарының өкілдеріне арнап жаңа оқу жылына дайындық шаралары тақырыбында баспасөз конференциясын ұйымдастырды.
Аймақ басшысы өңірдегі білім мәселелеріне қатысты атқарылған жұмыстарға тоқталып, оқу жылын қашықтан өткізу форматының ерекшеліктеріне тоқталды. 
Биыл облыстағы 293 мектепте 168 мыңнан аса оқушы білім алады деп күтілуде. Ал, 1-сыныпқа 18 789 бала қабылданбақ. Өңірдегі оқушылардың 83%-ы, яғни 163 491 оқушы бірінші тоқсанды қашықтан оқуды бастайды.
Ал, аудан орталығынан шалғай орналасқан және шағын жинақталған 50 мектепте 4986 оқушыны барлық санитарлық талаптарды сақтай отыра штаттық режимде оқиды. Бұл өңірдегі оқушылардың 3 пайызын құрайды.
Аймақ басшысы Гүлшара Әбдіқалықова қашықтан оқыту кезінде мектеп оқушылары мен ұстаздары үшін электронды құрылғылармен қамтамасыз ету мәселесі шешімін тапқанын тілге тиек етті.
<blockquote>
 “Оқушылардың компьютер, планшет, ноутбук, смартфондармен қамтылуы талданды. Жетіспейтін құралдар, бірінші кезекте мектеп балансындағы техникаларды беру арқылы, екінші жергілікті жерде демеушілердің қолдауымен шешілуде. Бүгінгі күні Үкіметтен 22 мыңнан аса компьютерлік техникаларды сатып алуға 3,5 млрд.теңге қаржы бөлінуде. Ал, жергілікті бюджет есебінен 2 635 планшет алуға 176 млн.теңге бөлінуде”,-деді облыс әкімі.
</blockquote>
<img src="https://kyzylorda-news.kz/wp-content/uploads/2020/08/fb_img_1596793380278.jpg" alt="" />
Жаңа оқу жылында оқушылар мен қатар ұстаздарға да электронды құрылғылар табысталады. Аса қажеттілігіне қарай мектеп балансындағы компьютерлерден бөлек, 306 педагогқа ноутбук табысталады. 
Биылғы оқу жылында мектеп құрылыстары да қарқынды жүруде. Облыс әкімі бұл мәселеге де арнайы тоқталды.
<blockquote>
 “Қазіргі таңда өңірде 8 мектептің құрылысы жүргізілуде. Осы жылы Қызылорда қаласынан және Жалағаш ауданынан 2 мектеп құрылысы пайдалануға беріледі деп жоспарлануда. Сондай-ақ, 4 мектептің құрылысы жүргізілуде. Оның ішінде Қызылорда қаласынан 600 орындық, Арал ауданы, Сексеуіл кентіндегі 300 орындық мектептер жыл соңында аяқталады деп күтілуде”,-деді Г.Әбдіқалықова.
</blockquote>
Баспасөз конференциясында өңір басшысы журналистердің өзекті сауалына жауап берді. Мектеп оқулықтары, әжетханаларды ішке кіргізу, мектептерге бейнекамера орнату мәсәлелері жан-жақты талқыланды
Бала қауіпсіздігін сақтауға барлығымыз міндеттіміз. Осы мақсатта мектептерді жаңа талаптарға сай бейнекамералармен қамту үшін облыстық бюджеттен 250 млн.теңге қаржы бөлінді.
<blockquote>
 “Қазір 70 мектепке бейнекамераларды орнатылуда. Әлбетте, бұл бірден шешілетін мәселе емес, әрі көп қаражатты қажет етеді. Сондықтан кезең-кезеңімен шешетін боламыз. Сонымен бірге бүгінде бала қауіпсіздігі үшін салааралық іс-шаралар жоспары бекітілді. Бұл ата-аналар, оқушылармен жүйелі жұмыс жүргізуге жол ашады”,-деді облыс әкімі.
</blockquote>
Жиын соңында облыс әкімі қазіргі пандемия жағдайында балалардың қауіпсіздігі үшін ата-аналарды үй жағдайында сақтық шараларына мән беруге шақырды.

Қызылорда облысының жаңа оқу жылына дайындығы қалай?

Kyzylorda-news.kz. Қызылорда облысында қашықтан оқыту қолжетімді интернет платформалар арқылы жүргізіледі, деп хабарлайды <a href="https://24.kz/kz/zha-aly-tar/o-am/item/414625-yzylorda-oblysynda-o-ushylardy-83-ashy-tan-o-idy">«Хабар 24».</a>
Ол үшін өңірге арнайы сервер орнатылады. Жаңа оқу жылы облыстағы 293 мектепте 168 мыңнан аса оқушы білім алады деп күтілуде. 1-інші сыныпқа 19 мыңдай бала қабылданады. Олардың 83 проценті бірінші тоқсанды қашықтан оқиды. Ал шалғай орналасқан және шағын жинақталған 50 мектепте 4 мың 986 оқушыны барлық санитарлық талапты сақтай отыра штаттық режимде оқыту жоспарлануда. Бұл – өңірдегі оқушылардың 3 проценті. Облыста 9 мың 687 оқушыда мүлдем электрондық құрылғылар жоқ. Сонымен қатар, 8 мың 307 бала интернетпен қамтылмаған. Яғни, бұл 3 мың 853 отбасы. Құрылғысы жоқ оқушыларға мектеп балансындағы компьютерлер уақытша пайдалануға беріледі. Меценаттар мен демушілер есебінен ноутбуктер пен планшеттер беріледі. Сондай-ақ, мемлекеттен 22 мыңнан аса компьютер сатып алуға 3 жарым млрд.теңге қаржы бөлінген.
<blockquote>
 “Биыл облыстағы 55 білім беру нысаны жөндеуден өтуде. Оның 12-і балабақша, 33-і мектеп, 4-і мектептен тыс мекеме, 5-і колледж. Бұған 7 млрд тг қаржы бөлінді. Бүгінде жөндеу жұмыстарының 70 пайызы аяқталған. Қазіргі таңда облыста 8 мектептің құрылысы жүргізілуде. Оқу жылына Қызылорда қаласынан және Жалағаш ауданынан 2 мектеп құрылысы пайдалануға беріледі деп жоспарлануда”,- дейді облыс әкімі.
</blockquote>

Қызылорда облысында оқушылардың 83% қашықтан оқиды

<a href="https://kyzylorda-news.kz/wp-admin/post-new.php">Kyzylorda-news.kz.</a> Алдағы үш күнде оңтүстіктен ойысқан циклон Қазақстан аумағы арқылы өтеді, соған байланысты республикамыздың басым бөлігінде ауа-райы тұрақсыз болады.
<blockquote>
 Еліміздің басым бөлігінде күн жауын-шашынды болады, солтүстік-батыста қатты жаңбыр жауады деп күтіледі. Кей жерлерде бұршақ аралас жаңбыр жаууы мүмкін. Тек еліміздің шығысында ауа-райы жауын-шашынсыз болады. Республикамыздың кей өңірінде қатты жел тұрады, – деп хабарлайды “Қазгидромет” РМК.
</blockquote>

Еліміздің басым бөлігінде күн салқындайды

<a href="https://kyzylorda-news.kz/wp-admin/post-new.php">Kyzylorda-news.kz.</a> Қазақстан COVAX Facility халықаралық бағдарламасына қосылды. Келісім бойынша коронавирусқа қарсы вакцина шыққан бойда оны еліміздегі халықтың 20 процентіне бірден жеткізіп береді. Бұл туралы&nbsp; денсаулық сақтау министрлігінің ресми өкілі Бағдат Қожахмет мәлімдеді, деп хабарлайды <a href="https://sputniknews.kz/">Sputnik Қазақстан</a>.
<blockquote>
 “Бүгінде Қазақстанда халықтың саны 18,5 миллионнан асты. Соның 20 проценті 3 миллион 600 мың адам бола ма? Демек, 3,6 миллион вакцина бізге барлық мемлекеттермен бірдей уақытта түседі. Ол вакцина келгеннен кейін бәрін халыққа сатпаймыз ғой. Оны тегін алатын бірқатар азамат бар”, – деді Қожахмет.
</blockquote>
Оның айтуынша, бүгінде вакцина тегін алатындардың нақты саны анықталды. Барлығы 2 182 000 адам. Ішінде 65 жастан асқандар, жүрек-қан тамыр ауруы, қант диабеті және өкпенің обструктивті ауруы, созылмалы ауруы бар азаматтар бар. Медицина қызметкерлеріне де вакцина тегін салынады.&nbsp;
<blockquote>
 “Вакцинаны кез келген мемлекеттен аламыз. Қытай бірінші болып шығарса, Қытайдан аламыз. Ресей бірінші шығарса, сол мемлекеттен аламыз. Жамбыл облысындағы дәрі-дәрмек шығаратын зауыт бірінші болып шығарса, содан аламыз”, – деп атап көрсетті Қожахмет.
</blockquote>
Қазақстанға келетін 3 миллионнан астам вакцинаның басым бөлігі тегін таратылса, қалғаны сатылады. Бағасы&nbsp; 4,2-8 мың теңгенің айналасында болады.
<blockquote>
 “Адамдар өз еркімен вакцина салдырамын десе, өз ақшасына сатып алады”, – деді ол.&nbsp;&nbsp;
</blockquote>
Айта кетейік, COVAX Facility бағдарламасына бірқатар халықаралық ұйымдар бастамашы болды. Олар – Иммунизация мен вакциналар жөніндегі жаһандық альянс (GAVI), Эпидемияларға дайындықты қамтамасыз ету саласындағы инновациялар үшін коалиция, (CEPI) және Дүниежүзілік денсаулық ұйымы. Сондай-ақ, вакцина өндірушілер мен халықаралық корпорациялар қолдау білдірді.&nbsp;
GAVI-мен келісім жасайтын мемлекеттер 31 тамызға дейін 15 проценттік алдын ала төлемді аударып беруі тиіс. Ал вакцина түскенде толық сома төленеді.

Коронавирусқа қарсы вакцинаның құны қанша болады?

<a href="https://kyzylorda-news.kz/">Kyzylorda-news.kz.</a>Тауарларды өткізу, жұмыстарды орындау, қызметтерді көрсету кезінде &nbsp;кәсіпкерлердің басым бөлігінің бақылау кассалық машинасын пайдаланбай,&nbsp; тұтынушыға түбіртек берместен қолма-қол ақшамен есеп айырысатыны белгілі.&nbsp;
Қолма-қол ақшамен сауда жасау немесе қызмет көрсету – алынған кірісті жасырудың және салық салудан жалтарудың ең кең таралған схемаларының бірі.
Қалыптасқан&nbsp; жағдай тұтынушылардың &nbsp;сатып алынған тауарлар, көрсетілген қызметтер мен орындалған жұмыстар үшін кассалық&nbsp; түбіртек талап етпейтіндігін көрсетеді,&nbsp; яғни &nbsp;қолындағы тілімдей түбіртектің күні ертең&nbsp; сапасыз көрсетілген қызмет пен тауар үшін тұтынушылық құқығын талап етудің құжаты екендігін түсіне бермейді.
Қызылорда облысы бойынша мемлекеттік кірістер департаментінің дерегінше бақылау кассалық машинасын пайдаланбау және тұтынушыға чек бермеудің&nbsp;&nbsp; басым бөлігі сауда саласына тиесілі. Мәселен, 2020 жылдың 1 тоқсанымен салыстырғанда, 2 тоқсанда&nbsp; ұрылған чек айналымы 9,1 млн.теңгеден 8,6 млн.теңгеге дейін немесе 0,5 млн.теңгеге азайып отыр.
<blockquote>
 Аталған департаментке «Азаматтық бақылау – түбіртекті талап ет!» акциясы аясында&nbsp; тұтынушылардан&nbsp; 159 шағым келіп түскен, оның ішінде&nbsp; 104 хабарлама бойынша&nbsp; бұзушылықтар расталмай,&nbsp; 56 салық төлеушіге «ескерту» түрінде әкімшілік шара және екі кәсіпкерге&nbsp; 83,2 мың теңге көлемінде әкімшілік айыппұл салынған.
</blockquote>
Кәсіпкердің тұтынушыға БКМ &nbsp;түбіртегін беруі оның заңдық&nbsp; міндеттемесі.&nbsp; Кассадан чек талап ету – &nbsp;әр адамның белсенді азаматтық ұстанымы.
Сондықтан тауарларды, жұмыстарды және қызметтерді сатып алу кезінде қолма-қол ақшамен есеп айырыссаңыз, әрдайым түбіртек талап етіңіз.
Осы әрекетіңіз арқылы Сіз &nbsp;тұтынушы ретінде өзіңіздің мүддеңізді қорғауды қамтамасыз етіп, &nbsp;«көлеңкелі экономиканы» жоюға қатысасыз және кәсіпкерлер арасында адал бәсекелестікті ынталандырасыз.

Сауда орындарында чек талап етесіз бе?

<a href="https://kyzylorda-news.kz/date/2020/08/07/">Kyzylorda-news.kz.</a> Білім және ғылым министрі Асхат Аймағамбетов <a href="https://www.facebook.com/askhat.aimagambetov/posts/10216833904936185">Facebook</a>-те Қазақстандағы жоғары оқу орындарын әрі қарай дамытуға қатысты жазба жариялады. &nbsp;
Министр президент Қасым-Жомарт Тоқаев министрлікке жоғары оқу орындарының академиялық дербестігін одан әрі кеңейтуді тапсырғанын айтып өтті. 2018 жылы жоғары оқу орындарына академиялық және басқарушылық еркіндік беретін заң қабылданды.
<blockquote>
 “Осы заңды қабылдау қаншалықты маңызды қадам болғанын жақсы білемін. Қазір осы бағыттағы жұмысты одан әрі жалғастыру қажеттігін байқап отырмыз. Министрліктің қандай ұсыныстары бар? Жоғары білім беру жүйесін одан әрі жаңғыртуға және оның бәсекеге қабілеттілігін арттыруға негіз болатын “Жоғары білім беруді дамытудың дағдарысқа қарсы жоспары” әзірленді”, – деді министр.
</blockquote>
Сонымен қатар Аймағамбетов білім беруге бизнес пен өндіріс өкілдерін, шетелдік оқытушыларды тарту, өңіраралық деңгейде маман алмасуын жүйелеудің маңызды екенін айтып өтті.
<blockquote>
 “Осыған байланысты дәрежелілікке, штатқа, біліктілікті арттыруға және базалық білім беруге қатысты талаптарды қайта қарау қажет деп санаймын. Бұл өлшемдерді жою міндеті тұрған жоқ, дегенмен олар жоғары оқу орындарының еркіндігін шектемеуі керек”, – деп жазды Аймағамбетов Facebook парақшасында.
</blockquote>
Сонымен қатар дәстүрлі күндізгі оқумен үйлесетін қашықтан және аралас оқыту түрлерін енгізу мәселесін көтерді. Нақты қай форматта оқитынын студенттің өзі таңдайтын болады.
Сондай-ақ, министр ОЖСБ-ны жоюды ұсынды.
<blockquote>
 “Бақылаудың бұл түрі ешқашан аса тиімді болған емес. Академиялық дербестігі кеңейген әрбір ЖОО өз білім беру бағдарламасын дайындағанда ОЖСБ-ның іс жүзінде қажеттілігі жоқ”, – деді ол.
</blockquote>
Министрдің ұсыныстары қатарында докторанттардың оқудың бірінші семестрінде диссертацияларының тақырыбын бекітуі ғылыми зерттеудің бағытын анықтауда қолайсыздық тудыратынын, докторант пен оның жетекшісі диссертация тақырыбын бекіту мерзімін жұмыстың пысықталуына қарай өздері анықтауы тиіс екенін айтты.
<blockquote>
 “Қазір БҒМ мен жоғары оқу орындарының міндеті – білім беру сапасының жоғары деңгейін қамтамасыз етіп қана қоймай, білім алушылардың қаржылық жүктемесін де азайту”, – деп атап өтті министр.
</blockquote>

Асхат Аймағамбетов білім саласында қандай өзгерістер болатынын айтты

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты Мұрат Бақтиярұлы жұмыс сапарымен ауданда болды. 
Сапар барысында «Жұмыспен қамтудың жол картасы» мемлекеттік бағдарламасы аясында жүзеге асырылып жатқан және өзге де құрылыс жұмыстарымен танысып шықты.
Арал қаласындағы №2 мөлтек ауданы аумағынан 1 қабатты 4 пәтерлі 10 тұрғын үйдің құрылысы жүргізілуде. Сенат депутаты құрылыс басында болып, қарқынды жүріп жатқан жұмыстарды көрді.
Атап өту қажет, аталған жобаның қаржысы «Тұрғын үй құрылыс жинақ банкімен» келісім-шарт негізінде облыстық бюджет есебінен бөлініп отыр. Яғни, жаңа баспанаға «Тұрғын үй құрылыс жинақ банкі» арқылы кезекте тұрған салымшылар қол жеткізе алады.
Одан соң халық қалаулысы Абай көшесін абаттандыру және қала көшелерінде жүргізіліп жатқан орташа жол жөндеу жұмыстарымен танысты. Биылғы жылы қаладағы 33 көше орташа жөндеуден өткізіледі.
Содан кейін күрделі жөндеуден өтіп жатқан «Арал индустриалды-техникалық және «Арал көпсалалы колледждеріне барды. Күрделі жөндеу барысында аталған білім беру нысандары заман талабына сәйкес жаңартылып, білім алушылар үшін қолайлы жағдай жасалмақ.Екі бірдей білім беру нысанындағы құрылыс жұмыстарының жай-күйін бақылап өткен соң жөндеу жұмыстарына жауапты мамандар мен колледж директорларына құрылыс сапасының басты назарда болуы қажеттігін айтты.
Мұрат Бақтиярұлы ауданның индустриалды аймағында «Qazaq Camel» ЖШС-нің түйе сүтін өңдеп, одан құрғақ сүт өндіретін цехының құрылыс алаңында болды. Жылына 130 тоннадан астам түйе сүтінен құрғақ қоспалар өндіруге қауқарлы цехтың құрылыс жұмыстары ағымдағы жылдың соңында аяқталады деп жоспарлануда.
Сонымен қатар, аудандық архив ғимаратындағы күрделі жөндеу және бүгінде құрылысы аяқталған аудандық сот ғимаратының аумағын абаттандыру жұмыстарымен танысып өтті.
<blockquote>
 «Мемлекет тарапынан ауқымды қаржы бөлініп, маңызы зор нысандарда құрылыс қарқынды жүргізілуде. Бұл бағдарлама негізінде жергілікті жердің тұрғындары жұмыспен қамтылып отыр. Сондай-ақ, ғимараттар да жаңаша кейіпке енеді. Жүргізіліп жатқан жұмыстарға сәттілік тілеймін, барлығы оңынан болсын»- деп тілегін жеткізді Сенат депутаты Мұрат Бақтиярұлы.
</blockquote>

Сенат депутаты Мұрат Бақтиярұлы жұмыс сапарымен Арал ауданында болды

<a href="https://kyzylorda-news.kz/">Kyzylorda-news.kz.</a> Қызылордада автомобиль жолдарының сапасын сараптау саласында сыбайлас жемқорлықтың алдын алуға бағытталған тиімді тетіктер мен рәсімдерді қамтамасыз ету мақсатында былтырдан бері «Сапалы жол – Адалдық алаңы» жобалық кеңсесі жұмыс істеп келеді.
Жоба аясында Қазақстан Республикасының Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің, «Ұлттық жол активтері сапасы орталығы» РМК Қызылорда облысы бойынша филиалының қызметкерлері бірлесіп жергілікті маңызы бар автомобиль жолдарының проблемалық учаскелеріне бақылау жүргізілді. &nbsp;Жолдың қыс мезгіліндегі жай-күйіне, автомобиль жолдарын салу, реконструкциялау, жөндеу және күтіп-ұстауына жылжымалы зертханамен 10-рет шықты, сондай-ақ мекеме, мердігер ұйымдардың басшыларының қатысуымен&nbsp; 6-рет отырыс өткізіліп, 3-рет брифинг ұйымдастырылған.
Жылжымалы зертханамен шығу барысында жалпы 30 ақаулар анықталып, берілген ұсыныстар нәтижесінде 17-сі жойылды, 13 кемшілік бойынша зерделеу&nbsp; жұмыстары жүргізіліп, оны жою туралы ұсыныстар берілген. Аталған мәселелердің орындалуы бақылауға алынған.
Айта кетейік, жобалық кеңсенің негізгі тұжырымдамасы автомобиль жолдарын салу, қайта жаңарту және жөндеу кезінде жұмыстар мен материалдардың сапасын сараптау кезеңінде азаматтық қоғаммен тығыз өзара байланыста ашық бақылауды қамтамасыз етуге бағытталған.
Жобалық кеңсенің қызметінің бағыттары:
1)қоғамдық бақылауды қамтамасыз ету;
2)қазіргі заманғы сандық технологиялар мен сыбайлас жемқорлықтың алдын алу құралдарын енгізу;
3)парасаттылық, адалдық және сыбайлас жемқорлыққа төзбеушілік қағидаттарын енгізу;
4) бизнес-процестерді жетілдіру және оңтайландыру.

Қазақстан және Қызылорда облысының жаңалықтары