Kyzylorda-news.kz. «Елбасы ел тұтқасын қолға алған сәттен бастап, әлем тарихында жарқын із қалдыратын қыруар іс атқарды». Бұл пікірге мен толық келісемін.
Аймақ басшысы Гүлшара Әбдіқалықова елдің бас басылымы «Егемен Қазақстанға» берген «Елбасы және Сыр елі» мақаласында да Тұңғыш Президент Нұрсұлтан Назарбаевтың мемлекетіміздің қалыптасуы жолындағы ілкімді істерін, әсіресе, Сыр елінің көркеюіне қосқан үлесін сабақтап жазған.
Әсерлі мақалада Елбасының стратегиялық бастамалары, болашақты болжай білетін көрегендігі келтірілген. Бұдан бөлек, «Алаштың анасы» деп атаған Сыр елі әлемдік проблемасымен жеке-дара қалғандай кезең туғанда қажетті шараларды қолға алуы, 1992 жылы 30 маусымда «Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» заңның күшіне енуі ауқымды істердің қолға алынғанын көрсетеді. Ел ертеңіне сенген Елбасы Аралды сақтап қалу мақсатында ғасыр жобасы атанған – «Сырдария өзенінің арнасын реттеу және Арал теңізінің солтүстік бөлігін сақтау» (САРАТС) жобасы жөнінде тарихи шешім қабылдады. Мұны қазір саяси тұрғыдан да, экономикалық тұрғыдан да байыппен жасалған шешім деп айтуға болады.
Бүгінде еліміз, соның ішінде өңіріміз өрісті өркендеп келеді. Білім, мәдениет, спорт, өндіріс, кәсіпкерлікте айтарлықтай даму бар. Тұңғыш Президент Нұрсұлтан Назарбаевтың «Тәуелсіздік жылдарындағы жетістікті бір ғана Қызылорда облысынан көруге болады» деген сөзі қасиетті Сырдың қазіргі заманауи келбетін айқындап тұрғандай. Біздің ендігі мақсат – әлемде белең алған індеттен тезірек арылып, осы қарқынды дамуды жалғастыру. Біз бір елміз, тілегіміз де бір. Ол – тәуелсіз еліміздің көркеюі, елдің амандығы.
Алмагүл БОЖАНОВА,
Қызылорда облыстық «Ұрпақтан ұрпаққа»
бірлестігінің төрайымы

Алмагүл Божанова: Тәуелсіздік жылдарындағы жетістікті Қызылорда облысынан көруге болады

Kyzylorda-news.kz. Әйтеке би кентіндегі «Өндірістік аймақта» тағы бір кәсіпкерлік нысан іске қосылды. Ол сыйымдылығы 500 тоннаға арналған көкөніс, жеміс-жидек сақтау қоймасы.
«АгроОптСервис» ЖШС салған қойманың негізгі мақсаты ауданда азық-түлік бағасын тұрақтандыру болып табылады. Жеке кәсіпкер Бекболат Бибалаевтың айтуынша, қоймада сақталған көкөніс пен жеміс жидектер көтерме бағада және халыққа базар бағасының 10-15 пайызға төмен бағада сатылады. Ол үшін арнайы дүңгіршектер салынады. Сондай-ақ, аудан орталығынан шалғай жатқан ауылдарға барып, арзан бағада өткізуді жоспарлап отыр. Көкөністер Түркістан облысынан, Ресейден, жемістер Түркістан облысынан, Шымкент қаласынан, Түркия, Польшадан тасымалданады. Бүгін аудан әкімі Мұрат Ергешбаев қоймаға арнайы барып, жұмысымен танысты. Аудан басшысына жеке кәсіпкер қоймадағы көкөністер мен жеміс-жидектердің көлемін айтып, алдағы жоспарларымен бөлісті.
Қоймада жемістерді сақтайтын екі орын қарастырылған. Оған қажетті температураны ұстап түру үшін 2 тоңазытқыш сатып алынды. Ол үшін жеке кәсіпкер «Қазақстан Халық банкі» АҚ-ның Байқоңыр филиалы арқылы 21 млн теңге несие алған. Алдағы уақытта тоңазытқыштар орнатылатын қосалқы ғимарат салу, 2 рефрижатор жүк көліктерін алу көзделуде.
Қазіргі таңда қоймада Ресейден әкелінген 100 тонна картоп, 80 тонна жуа, 1,5 тонна қырыққабат бар. Одан бөлек, алма, жүзім, құрма сияқты жеміс-жидектер де бар.
<img src="https://kyzylorda-news.kz/wp-content/uploads/2020/11/fb_img_1606743088573.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606743079346.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606743091442.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606743094547.jpg" alt="" />

Қазалыда көкөніс және жеміс-жидек сақтайтын қойма ашылды

Kyzylorda-news.kz. Өңірде эпидемиологиялық ахуал тұрақты. Бүгінде инфекциялық стационардың анестезиологиялық және реанимациялық бөлімі керекті техникамен жабдықталған және 38 төсек орын бар. Қазіргі таңда, жансақтау бөлімінде ем алып жатқан науқас жоқ. Бұл туралы Өңірлік коммуникациялар қызметінің ақпараттық алаңында өткен брифингте облыс әкімінің орынбасары Наурызбай Байқадамов мәлімдеді.
<blockquote>
 “Еліміздегі эпид ахуал біршама күрделене бастағаны байқалады. Соңғы тәулікте 850-ге жуық науқас тіркелуде. Қыркүйек айында еліміз бойынша 71 адамға дейін төмендеген болатын. Яғни, бүгінде он үш есеге артуда. Пневмониямен қосқанда маусым айының бір күндік көрсеткішіне жеттік. Өткен аймен салыстырғанда вирус жұқтыру көрсеткіші 3,7 есеге өскен. Бес облыс коронавирустың “қызыл” аймағына енді. Шығыс Қазақстан, Солтүстік Қазақстан, Павлодар, Қостанай мен Ақмола облыстарында қатаң шектеу шаралары енгізілді. Алматы әзірге «сары аймақта» тұр. Ал, өңірде COVID-19 коронавирус инфекциясымен 3290 адам тіркелді. Әрбір анықталған науқастардың эпидемиологиялық ортасы есепке алынып, күнделікті саралануда. Эпидахуал тұрақты болуына қатысты арнайы іс-шаралар жасалып, жұмыстар жүргізілуде”, – деді Наурызбай Байқадамов.
</blockquote>
Бүгінде облыстағы медициналық ұйымдарда 60 рентген аппараты жұмыс жасайды. Сонымен қатар, қосымша 6 рентген және 4 дана флюро аппараты жергілікті бюджеттен алынатын болады.
<blockquote>
 “Жұқпалы дерттің таралуы вирустар көзге көрінбегенімен өте қауіпті. Олар кішкентай болғанымен мемлекетке өте үлкен көлемде зиян тигізе алады. Ал осыны түсінгісі келмейтіндердің рухани әлсіздігі вирустан да бірнеше есе қауіпті. «Дені саудың – жаны сау». Ал жаны сау адамның рухы әрдайым асқақ болары сөзсіз”, – деді облыс әкімінің орынбасары.
</blockquote>

Наурызбай Байқадамов: Өңірде эпидахуал тұрақты

<a href="https://kyzylorda-news.kz/">Kyzylorda-news.kz.</a> «Нұрсұлтан Назарбаев – жаһандық ауқымдағы саясаткер» халықаралық конференциясында сөйлеген сөзінде Мемлекеттік хатшы Қырымбек Көшербаев әлем өзінің әлеуметтік, экономикалық және саяси дамуындағы іргелі ілгерілеу кезеңіне аяқ басқанын атап өтті, деп хабарлайды <a href="https://www.inform.kz/kz/kyrymbek-kosherbaev-elbasy-bastamalary-alemdik-ekonomika-men-sayasatty-tubegeyli-zhanartu-ushin-kazhet_a3724871">ҚазАқпарат</a>.
<blockquote>
 «Демография мен көші-қон, мәдени-гуманитарлық және ғылыми-технологиялық салаларда, климаттық мәселелерде елеулі үдерістер орын алуда. Олар көп бағытты үрдістермен сипатталады және қазіргі мен болашақ әлемдік тәртіпке түбегейлі әсер етеді.
 COVID-19 пандемиясы белгілі бір дәрежеде осы ауыр өзгерістерді тездетіп, бүкіл жаһандық қауымдастық үшін бірқатар жаңа қиындықтар туғызды. Ол әлемнің осындай төтенше жағдайларға дайын еместігін көрсетті, басқару, ұйымдастыру, экономикалық және әлеуметтік салалардағы ірі кемшіліктерді ашты.
 Біз адамзат тарихындағы ең қарама-қайшылықты және күрделі кезеңдердің бірін бастан өткеріп жатырмыз», – деп атап өтті мемлекеттік хатшы.
 Сондықтан қазіргі жағдайларда үйлесімді әлемдік тәртіпті қалыптастыруға, жекелеген мемлекеттердің де, тұтас алғанда әлемнің де қауіпсіздігінің әлеуметтік негіздерін нығайтуға жаңа құралдар мен тәсілдер қажет. Бұл мәселеде біздің дәуіріміздің көрнекті көшбасшыларының басшылығымен әртүрлі елдерде жинақталған мемлекеттік құрылыстың және халықаралық өзара іс-қимылдың прогрессивті тәжірибесін жан-жақты түсіну маңызды. «Ғасырлар тоғысындағы ұлы қайта құрушылардың осы шағын шоғырына Қазақстанның Тұңғыш Президенті Нұрсұлтан Назарбаев та кіретіні сөзсіз. Мемлекет басшысы Қасым–Жомарт Тоқаев Нұрсұлтан Әбішұлының көпжылдық серігі және оның стратегиялық бағытын жалғастырушы өзінің бір кітабында былай деп жазды: «Бүкіл әлем «әлемнің екі бөлігі – Еуропа мен Азия, екі өркениет – Шығыс және Батыс, екі саяси жүйе – тоталитаризм мен демократияның қиылысында пайда болған «Назарбаев феномені» туралы айтады». Шынында да, кеңінен алып қарағанда, әлемде мұндай деңгейдегі саясаткерлерді табу қиын. Қазақстандағы барлық прогрессивті өзгерістер оның есімімен байланысты. Әлемде «тарихтың соңы» мен «өркениеттер қақтығысы» туралы концепциялар кеңінен тарағанда, құрлықтың алтыдан бір бөлігі дезинтеграцияға ұшырағанда, еліміз көптеген өткір проблемалармен жалғыз қалғанда, Қазақстанға шешуші, тәжірибелі және қоғамды біріктіре алатын ұлт көшбасшысы қажет болды», – деді Көшербаев.
</blockquote>
Ол Елбасының феноменалды көшбасшылығының, стратегиялық көрегендігі мен реформаторлық дарынының, болашақтың көкжиегін кеңейту қабілетінің арқасында Қазақстан мықты мемлекет, бастамашыл және жауапты халықаралық серіктес ретінде қалыптасқанын ерекше атап өтті.
Елімізде Кеңес Одағы ыдыраған соң 1990-шы жылдардың бірінші жартысындағы әлеуметтік-экономикалық коллапс қысқа мерзімде еңсерілді.
Жаңа қоғамдық-саяси институттар құрылып, экономика нарықтық жолға түсті, халықаралық байланыстар жаңадан орнатылды. «Алдымен – экономика, содан кейін – саясат» қағидаты табысты жұмыс істеді.
<blockquote>
 «Ел астанасын көшіруді Тұңғыш Президенттің теңдессіз қадамы, қуатты саяси ерік-жігерінің, көрегендігі мен батылдығының көрінісі деп атауға болады. Қысқа мерзім ішінде Қазақстанның шетсіз-шексіз даласында заманауи мегаполис пайда болды, бүгінде оған бас шабыт берушісі мен сәулетшісінің есімі берілді. Елбасының бастауымен қолжеткізілген еліміздің жетістіктері туралы ұзақ айтуға болады. Нұрсұлтан Назарбаевтың көшбасшылық феномені көп қырлы. Іс жүзінде ол Қазақстанның заманауи мемлекеттілігін құрды, елдің табысты және ұзақ мерзімді дамуының қуатты іргетасын салды. Бүгінде осының арқасында Қазақстанның көпұлтты халқы болашаққа сеніммен қарайды», – деп атап өтті Қырымбек Көшербаев Елбасының жаһандық ойлау деңгейін ерекше атап өтіп.
</blockquote>
Бұл үлкен халықаралық резонанс тудырған ядролық арсеналдан бас тарта отырып, Семей полигонын жабу туралы шешім; Азия құрлығында тұрақтылық пен қауіпсіздікті қамтамасыз ете отырып, бүгінде жиырмадан астам елді біріктіретін Азиядағы өзара іс-қимыл және сенім шаралары жөніндегі кеңесті құру бастамасы; өкінішке орай, бірер жыл өткен соң ғана іске асырылған, бірақ өзінің өзектілігін дәлелдеген Еуразиялық одаққа бірігу идеясы.
2015 жылы ортақ нарығы 185 миллион адамды құрайтын ЕАЭО өз жұмысын бастап, серпінді дамуын жалғастыруда.
<blockquote>
 «Елбасы Шанхай Ынтымақтастық Ұйымын құруға және дамытуға елеулі үлес қосты. Бұл халықаралық алаң 20 жылға жуық уақыт бойы ықпалы мен беделін арттыра отырып, өзінің тиімділігін көрсетіп келеді. Қазақстанның Тұңғыш Президентінің бастамасы бойынша елордамызда он бір жылдық үзілістен кейін ЕҚЫҰ Саммиті өткізілді. Қазақстан астанасында тұрақты, үш жылда бір рет өткізілетін Әлемдік және дәстүрлі діндер көшбасшыларының бірегей съездері кеңінен танымал. Олардың бастамашысы да Нұрсұлтан Назарбаев болды. Қазақстанның Тұңғыш Президенті әлемдік қоғамдастықта шебер және беделді келіссөз жүргізуші ретінде танылды. Нұрсұлтан Назарбаевтың бітімгершілік күш-жігерінің арқасында көптеген өңірлік проблемалар шешілді немесе дипломатиялық арнаға ауысты. Атап айтқанда, бұл жерде Сирия бойынша Астана процесі, Алматыдағы Иран мәселесі бойынша келіссөздер туралы айтуға болады. Нұрсұлтан Назарбаевтың жеке делдалдығының арқасында 2015-2016 жылдары Ресей-Түркия қатынастарындағы елеулі дағдарыс шешілді. Жалпы, диалог пен сенім сияқты қағидаттар Қазақстанның сыртқы саясатының айрықша белгісіне айналды», – деп түйіндеді еліміздің мемлекеттік хатшысы Елбасының сыртқы тректегі барлық бастамалары әлемдік экономика мен саясатты түбегейлі жаңарту үшін аса қажет екенін жеткізе отырып.
</blockquote>
Олар Нұрсұлтан Назарбаевтың терең дүниетанымынан туған, жасампаздық сипатқа ие және «ковидтан кейінгі» даму мен жаңа сын-қатерлер дәуірінде ұлттардың жаһандық қауымдастығының мүдделеріне сай келеді.

Қырымбек Көшербаев: Елбасы бастамалары әлемдік экономика мен саясатты түбегейлі жаңарту үшін қажет

<a href="https://kyzylorda-news.kz/">Kyzylorda-news.kz.</a>&nbsp;Қазақстанның қорғаныс министрлігі әскери салаға қатысы жоқ адамдарға камуфляж киюге қандай жағдайда тыйым салынатынын және форманы заңсыз кигені үшін айыппұл төлемеу үшін нені білу керектігін кеңірек айтып берді, деп хабарлады <a href="https://sputnik.kz/">Sputnik Қазақстан</a>.
<blockquote>
 “Айырым белгілері (шеврон, погон, Қарулы Күштерге, өзге әскерлерге және әскери құрамаларға тиесілі екенін білдіретін басқа да жолақтар) бар әскери киімді оған қатысы жоқ адамдарға киюге тыйым салынады. Айырым белгілері жоқ камуфляж костюмдерінің өзі әскери киім болып саналмайды. Олар базарлар мен дүкендерде сатылады, қарапайым адамдарға киюге тыйым салынбаған”, – деп хабарлады Қазақстан қорғаныс министрлігінің баспасөз қызметі.
</blockquote>

Қорғаныс министрлігі әскери киім киюге тыйым салынғанын ресми түрде жоққа шығарды

<a href="https://kyzylorda-news.kz/">Kyzylorda-news.kz.</a> Осындай болашағы бұлыңғыр, пандемия және бытыраңқылық дәуірінде мықты көшбасшылық халықаралық ынтымақтастықпен бірге барлық адамдар және біздің планетамыз үшін бейбіт, тұрақты, гүлденген болашақ қалыптастыруда өте маңызды.
Біріккен Ұлттар Ұйымының бұрынғы Бас хатшысы Пан Ги Мун «Нұрсұлтан Назарбаев – жаһандық ауқымдағы саясаткер» атты халықаралық конференцияда сөз сөйлеген алғашқы спикерлердің бірі. Ол ортақ болашақты құруға көмектесу үшін өткенімізде жаһандық бейбітшілік пен қауіпсіздікті ілгерілетуге уақтылы ықпал еткен ерен көшбасшылық көрініс тапқан кезеңдерді жеке дара көрсету өте маңызды екендігін атап өтті. Спикердің айтуынша, соңғы онжылдықтардағы осындай маңызды сәттердің бірі – Қазақстандағы Семей ядролық сынақ полигонының сәтті жабылуы және кеңестік стратегиялық ядролық арсеналдан өз еркімен бас тартуы болды. Бұл адамзат үшін, біздің планетамыз үшін тарихи шешім болды. полигонда жасалған 500-ден астам жарылыс жергілікті тұрғындардың денсаулығы мен қауіпсіздігіне, қоршаған ортаға үлкен зиянын тигізді.
<blockquote>
 “Аймақтық және халықаралық қауіпсіздікті нығайтқан бұл батыл қадам сонымен қатар Қазақстанның ядролық қарусыздану мен таратпау саласындағы жаһандық көшбасшылығының бастамасы болды, сондай-ақ сыртқы саясаттың табысты болуына және жас ұлттың жаңа қалыптасып келе жатқан дипломатиясының жаңа биіктерге көтерілуіне ықпал етті. Бұған 2002 жылғы мамырдағы Ядролық сынақтарға жаппай тыйым салу туралы келісімді ратификациялау; 2015 жылы Біріккен Ұлттар Ұйымы Бас Ассамблеясының Ядролық қарусыз әлем құру туралы маңызды декларациясын қабылдауға бастамашылық ету, және Біріккен Ұлттар Ұйымына 29 тамызды Халықаралық ядролық сынақтарға қарсы іс-қимыл күні деп жариялауға жәрдемдесу де кіреді. Біріккен Ұлттар Ұйымының бұрынғы Бас хатшысы ретінде мен шешуші көшбасшылық маңызды сәттерде жекелеген халықтардың ғана емес, бүкіл әлемнің траекториясын өзгертуге көмектесе алатындығына бірнеше рет куә болдым. Осы мүмкіндікті пайдаланып, барлық жаһандық көшбасшыларға БҰҰ-ның ядролық сынақтар мен таратуға тыйым салынған әлемді, сондай-ақ біз ядролық қарудан толығымен азат болатын әлемді құруға жәрдемдесуде күш-жігерін қайта жандандыруға шақырамын”, – деді Пан Ги Мун Елбасы Назарбаевқа сол тарихи шешімі үшін, сондай-ақ Қазақстанның жарқын әлемді құруға көмектесу жолында жалғасын тауып жатқан күш-жігері үшін зор ризашылығын білдіре отырып.
</blockquote>

Пан Ги Мун: Елбасыға ядролық полигонды жабу туралы тарихи шешімі үшін зор ризашылығымды білдіремін

<a href="https://kyzylorda-news.kz/">Kyzylorda-news.kz.</a> Қызылорда облысынан «Елбасы медалі» жобасына 1000-ға жуық өтінім түсіп, байқауға 436 жас тіркелді. Оның 336-сы қола деңгей, 51-і күміс, 49-ы алтын.
Әр деңгейдің өту мерзімі мен бағыттары нақтыланды. «Қола» деңгейді 6 айда, «Күміс» деңгейді 12 айда, «Алтын» деңгейді 18 айда орындайды.
<blockquote>
 «Жобаның мақсаты – өскелең ұрпақты тәрбиелеуге және олардың үйлесімді жетілуіне жағдай жасау. Бағдарламаға 14 пен 29 жас аралығындағы азаматтар қатысады. “Қола” деңгей 14 жастан үлкен, “Күміс” деңгей 15 жастан үлкен, “Алтын деңгей” 16 жастан үлкен қатысушыларға арналған. Облыстан «Қола» деңгейі бойынша қатысқан жастар өздерінің мерзімін аяқтады. Олар үстіміздегі жылдың 14 желтоқсанында «Елбасы медалімен» марапатталатын болады», – деді Елбасы жобасының Қызылорда облысы бойынша үйлестірушісі Нұрсұлтан Қожайбайұлы.
</blockquote>
Айта кетейік, « Елбасы медалі» жобасына тіркелу әлі де жалғасуда.
<img src="https://kyzylorda-news.kz/wp-content/uploads/2020/11/128425742_1179717535757090_8727670875036386903_o.jpg" alt="" />

«Елбасы медалы» жобасына 436 қызылордалық қатысуда

<a href="https://kyzylorda-news.kz/">Kyzylorda-news.kz.</a> Бүгін Назарбаев Зияткерлік мектептерінде Тұңғыш Президент күніне орай дәстүрлі «Ұлы дала мұрагерлері» мерекелік марафоны басталды.
Таңертең NIS-тің барлық YouTube арналарында бір уақытта Құрманғазы Сағырбайұлы мен Дәулеткерей Шығайұлының және Нұрғиса Тілендиевтің атақты күйлері орындалды.&nbsp; ⠀
Сыр өңірі зияткерлері,&nbsp; ұстаздары мен ата-аналарынан құралған өнерлі топ күй атасы – Құрманғазының көңілді «Балбырауын» шығармасымен көрермендерге мерекелік көңіл-күй сыйлады.
<blockquote>
 «Тұңғыш Президентіміз – Елбасының сүйікті аспабы домбыраны қолымызға алып, ұлттық өнерімізді насихаттауға&nbsp; ерекше қызығушылық таныттық. Себебі қазақ мәдениетін өркендетіп, рухани жаңғыруда бұл шараның маңызы зор», – деп бөлісті ойымен флешмоб қатысушысы, мектептің өзін-өзі басқару ұйымының Жангерей Зинелов.&nbsp;
</blockquote>
Бірінші желтоқсанға қызылордалық зияткерлер ауқымды бағдарлама жоспарлаған. &nbsp;Мерекелік марафон барысында «Елімнің бағы – Елбасы» атты онлайн концерт, эссе байқауы, Н.Назарбаевтың өмірі мен еңбек жолы тықырыбында шаңырақ сағаттары өткізілетін болады.
Сонымен қатар сынып белсенділері мен ата-аналар интеллектуалды ойындарда бас қосып, Ұлт көшбасшысының ел дамуына арналған жобалары мен ғылыми еңбектері жайында білімдерін шындайтын болады.
Мереке күндері&nbsp; «Туған елге тағзым» тарихи-өлкетану экспедициясы қорытындыланып, оқушылар жүргізген ғылыми-зерттеу жұмыстарын қорғайтын болады.
<img src="https://kyzylorda-news.kz/wp-content/uploads/2020/11/bezymjannyj3.png" alt="" />

Тұңғыш Президент күніне орай дәстүрлі марафон басталды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова ел игілігі жолында қызмет етіп жүрген бірқатар азаматтарды «Конституцияның 25 жылдығы» медалімен марапаттады. Аймақ басшысы Тәуелсіздікті тұғырлы етуде Ата заңның берік темірқазыққа айналғанын, егеменді елдің дамуына үлес қосқан азаматтардың еңбегі зор екенін атап өтті.
<blockquote>
 “Бүгін біз ҚР Тұңғыш Президенті күні мерекесі қарсаңында кездесіп отырмыз. Ел басқару қашанда оңай болған емес. Ал, Тәуелсіздікке қолы жаңа жеткен мемлекетті қалыптастыру әлемдік деңгейдегі қайраткердің ғана қолынан келетінін тарих сан мәрте дәлелдеген. Сондықтан, егеменді ел болып қалыптасудың бастауында тұрған бұл мерекенің баршамыз үшін тарихи маңызы зор. Осыдан 25 жыл бұрын Елбасының бастамасымен егеменді еліміздің Конституциясын қабылдау халықтың таңдауына берілді және қазақстандықтар оны бірауыздан қолдады. Ата Заңымыздың арқасында біз халқымыздың әл-ауқатын арттырып, экономикамызды дамыта алдық, Ұлы Дала төрінде қуатты мемлекет құрып, ұлттарды бірлік пен тату тірлікке ұйыстыра білдік”,-деді облыс әкімі Гүлшара Әбдіқалықова.
</blockquote>
Жиында облыс әкімі Конституцияда бекітілген нормалар бүгінде өзінің өміршеңдігін, заман талабына лайық екенін жан-жақты дәлелдегенін тілге тиек етіп, еліміздің өсіп-өркендеуіне үлес қосқан азаматтарға Мемлекет басшысының Жарлығымен «Конституцияның 25 жылдығы» мерекелік медалімен марапаттап, құрмет көрсетті.
<blockquote>
 “Биылғы жыл да еліміз үшін сындарлы уақыт кезеңі болды. Еліміз үшін осындай күрделі кезеңде Сыр халқы да ата-бабамыздан қалған асыл дәстүрден жаңылмай, бір-біріне демеу болып, елдігін көрсетіп, бірлігін танытты. Біздің облысымыздан да қоғамдық тұрақтылықты нығайту мен еліміздің әлеуметтік-экономикалық, мәдени-рухани дамуына үлес қосқан бірнеше азамат осы марапатқа лайықты деп танылып отыр”,-деді аймақ басшысы.
</blockquote>
Мерейлі мереке қарсаңында құрмет төріне шығып, марапат иеленген азаматтардың қатарында Қазақстан Мұсылмандары діни басқармасының облыс бойынша бас имамы Болат Абуов, облыстық энергетика және тұрғын-үй коммуналдық шаруашылық басқармасының басшысы Руслан Нұрмағанбетов, облыстық тексеру комиссиясының мүшесі Талғат Ілиясов, облыстық тексеру комиссиясының мемлекетік аудиторы Қаламқас Нұрымбетова да бар. Сондай-ақ, өңірдің рухани-мәдени дамуына елеулі үлес қосып жүрген облыстық филармония әртісі Ақмарал Ноғайбаева, облыстық халық шығармашылығын дамыту және мәдени-продюсерлік қызмет орталығының сектор меңгерушісі Майра Сәрсенбаева, облыстық кәсіподақтар бірлестігінің төрағасы Серік Сермағанбетов, волонтер Динара Эшатова мерекелік медальмен марапатталды.
<img src="https://kyzylorda-news.kz/wp-content/uploads/2020/11/128348465_2937437293025987_3394056012659608949_o.jpg" alt="" />

Облыс әкімі бірқатар азаматтарды «Конституцияның 25 жылдығы» медалімен марапаттады

<a href="https://kyzylorda-news.kz/">Kyzylorda-news.kz.</a> Тұңғыш Президент Күні қарсаңында партияның барлық филиалдарында «Nur Otan» партиясының қатарына салтанатты қабылдау рәсімі өтті.
«Nur Otan» партиясы Қызылорда облыстық филиалының төрағасы, облыс әкімі Г.Әбдіқалықова Тұңғыш Президент күні қарсаңында партия қатарына жаңа мүшелерді салтанатты түрде қабылдады, оларды партия Төрағасының стратегиялық жоспарын жүзеге асыру жолында белсенді жұмыс жасап, аймақтың өсіп – өркендеуіне партия мүшесі ретінде лайықты үлес қосатындарына сенім білдірді. Сонымен қатар «Халық алғысы» төсбелгісінің иегерлерін марапаттады. 
Партия қатарын кәсіпкерлер, мұғалімдер мен ғалымдар, журналистер, студенттер толықтырды.
Салтанатты шараның алғы сөзінде облыс әкімі Гүлшара Әбдіқалықова алдымен барлық қатысушыларды ҚР Тұңғыш Президенті күнімен құттықтап, Тәуелсіз қазақ мемлекетінің саяси сахнасында ерекше орын алған тарихи тұлға, Елбасы Нұрсұлтан Әбішұлы Назарбаевтың еңбегіне тоқталып, алдағы міндеттерді атап өтті.
<blockquote>
 «25 қарашада өткен кезектен тыс ХХ съезде Партия Төрағасы Нұрсұлтан Әбішұлы партия жұмысын жаңғыртуды қорытындылады.Партиямыздың мықты лидерлері айқындалып, алдағы бағдарлама бекітілді.Бұл тұрғыда барлық партияластарымыз үшін Нұрсұлтан Әбішұлының ХХ съездеатап өткен жауапкершілік, жұдырықтай жұмылу, ортақ мұрат-мақсаттарға адалдық қағидалары басшылыққа алынуы тиіс.Партияның негізгі үш қағидасын ұстану бізге Елбасы саясатының сабақтастығын қамтамасыз етуге мүмкіндік береді. Сондықтан бүгінгі салтанатты шара партия қатарына жаңадан қабылданушыларға үлкен жауапкершілік жүктеумен қатар, алдағы жұмыстарды атқаруға мол күш – қуат берері сөзсіз», – деді облыстық филиал төрағасы.
</blockquote>
Жаңадан партия қатарына қосылған азаматтар атынан сөз алған Қызылорда қалалық М.Ералиева атындағы мәдениет үйінің директоры, республикалық «Серпер» сыйлығының игері, айтыскер ақын Нұрмат Мансұров «Nur Otan» – Елбасының, елдің партиясы, халықтың қамқоршысы екенін атап өтіп, партия қатарына қосылған әрбір азамат еліміздің дамуы, халқымыздың әл ауқатының артуы жолында алдына мақсат қойып, сол мақсатының орныдалуына жұмыс жасау керек екенін айтты.
Тұңғыш Президент күні қарсаңында елмен бірге дамып, халықпен қатар жасасып, заман талабына сай жаңарып, жаңғырып келе жатқан «Nur Otan» партиясының қатарына қабылданғаным үшін шексіз ризамын ,- деді, қуанышымен бөліскен Мансұр Нұрмат.
Айта кетейік, партия қатарына 13 азамат қабылданып, 4 адам «Халық алғысы төсбелгісімен марапатталды. Бүгінгі күні «Nur Otan» партиясы Қызылорда облыстық филиалына қарасты 11 филиалға жалпы саны 43 810 партия мүшесі тіркелген.
<img src="https://kyzylorda-news.kz/wp-content/uploads/2020/11/128658053_2937451319691251_3227315957823117059_o.jpg" alt="" />
<img src="https://kyzylorda-news.kz/wp-content/uploads/2020/11/128564716_2937451483024568_7726592651131894838_o.jpg" alt="" />
<img src="https://kyzylorda-news.kz/wp-content/uploads/2020/11/128396939_2937451193024597_64464306326229329_o.jpg" alt="" />

Қызылорда: «Nur otan» партиясының қатары толықты

Kyzylorda-news.kz. Бүгін облыс әкімі Гүлшара Әбдіқалықова 1 желтоқсан – Қазақстан Республикасының Тұңғыш Президенті күні қарсаңында тұрғындарға 50 пәтерлік екі үй табыс етті.
Шарада аймақ басшысы пәтер иелерін мерекемен және баспаналы болуымен құттықтап, Қызылорда қаласын қарқынды құрылыс алаңына айналдырған Сыр құрылысшыларына алғысын білдірді.
<blockquote>
 “Бұл күн – Тәуелсіз еліміздің тарихындағы Тұңғыш Президентімізді айқындаған айтулы күн, халықтық мереке. Әр қазақстандықтың санасында Тәуелсіздік ұғымының бір баламасы болса, ол Елбасының биік есімімен тікелей байланысты. Бүгінгі таңда Мемлекет басшысы Қасым-Жомарт Кемелұлы Тоқаев – Елбасының кемеңгерлік стратегиясын, өнегелі үрдісін лайықты жалғастырып, баршаға ортақ игілік пен өрлеудің, сабақтастықтың жарқын үлгісін көрсетуде. Қазақстан тәуелсіздік жылдарында толымды табыстарға қол жеткізсе, оған Сыр елі де өз үлесін қосып келеді. Соңғы жылдары аймағымыз қарқынды құрылыс алаңына айналды. Биылғы жылы облыста барлық қаржыландыру көздерінен 1946 пәтерді құрайтын 94 тұрғын үйдің құрылысы басталды. Қызылорда қаласында жыл басынан бері 580 пәтерді құрайтын 13 тұрғын үй пайдалануға берілді. Тағы бір мақтанышпен айтатын жаңалығымыз жыл аяғына дейін қаламызда 680 пәтерді құрайтын 14 арендалық тұрғын үйдің құрылысы аяқталып, қабылданады. Бүгінгі пәтер иелерін қуаныштарымен және 1 желтоқсан – Қазақстан Республикасының Тұңғыш Президенті күні мерекесімен шын жүректен құттықтаймын! Жаңа баспаналарыңыз татулық пен берекенің ордасы болып, қуаныш пен бақыт, құт пен ырыс салтанат құрсын”, – деді облыс әкімі Г.Әбдіқалықова.
</blockquote>
Пайдалануға беріліп жатқан қос үйдің құрылысы 2019 жылдың маусым айында басталған. Құны 1 млрд. теңге болатын жобаны «Авангард» ЖШС және «Дәнекер» ЖШС мердігер мекемелер жүзеге асырды. Пәтер кезегінде тұрған тұрғындар «Нұрлы жер» бағдарламасы арқылы баспанаға қол жеткізді.
Қазіргі таңда Қызылорда қаласында 1741 пәтерлік 38 көпқабатты тұрғын үйдің құрылысы жүргізілуде.
Сырдария өзенінің сол жағалауында құрылысы жүргізіліп жатқан 725 пәтерлік 15 көпқабатты тұрғын үйдің 14-і ағымдағы жылы пайдалануға беріледі. 2021 жылы СПМК-70 тұрғын ауданы бойынша 13 көпқабатты тұрғын үйдің құрылысы аяқталып, пайдалануға берілмек. Пәтер кілтін алып, жайлы баспанаға қол жеткізген қаладағы №144 мектеп мұғәлімі Бибігүл Садықова аймақ басшысына алғысын білдірді. Шара соңында қалалық ардагерлер кеңесінің төрағасы Сайлаубай Әбішев қуаныш иелерін құттықтап, бата берді.
<img src="https://kyzylorda-news.kz/wp-content/uploads/2020/11/128402174_2937446873025029_3604601948201700530_o.jpg" alt="" />
<img src="https://kyzylorda-news.kz/wp-content/uploads/2020/11/128775982_2937446846358365_772409998312962225_o.jpg" alt="" />

Тұңғыш Президент күні қарсаңында қызылордалық 100 отбасыға пәтер кілті табысталды

<a href="https://kyzylorda-news.kz/">Kyzylorda-news.kz.</a> Қызылорда облысында ҚР Тұңғыш Президент күніне орай 300-ге жуық мерекелік іс-шаралар ұйымдастырылады.
Пандемияға байланысты мәдени шаралар онлайн форматта өткізіледі. Яғни, мәдениет және өнер мекемелерінің фейсбук әлеуметтік желісіндегі ресми парақшалары мен YOUTUBE желісіндегі «Сыр шаңырағы» каналынан көрсетіледі.
<blockquote>
 “Аймақта Елбасының ерен еңбегін насихаттап, Тәуелсіз Қазақстанның қалыптасу тарихын таныту мақсатында «Елбасының дара жолы» виртуалды кітап көрмесі, «Менің Тұңғыш Президентім» атты онлайн экскурсия, «Тәуелсіздік және Тұңғыш Президент» тақырыбында фотокөрме, «Ақмешіт» музейі филиалында «Елбасы және Сыр елі», «Ел тірегі – Елбасы» виртуалды және құжаттық көрмелері өткізіледі. Сондай-ақ, «Елбасы сүйетін әуендер» атты мерекелік онлайн фильм концерт, «Менің өмірімдегі көшбасшы» мерекелік онлайн концерті мен «Жырдан шашу шашайық» атты жыршы-жыраулардың онлайн фестивалі, Ақан Сатаевтың «Елбасы жолы. Астана» көркем фильмінің көрсетілімі ұйымдастырылады. Айтулы күнге байланысты шаралардың барлығы карантиндік талапты сақтай отыра өткізіледі”, – деді облыстық мәдениет, архивтер және құжаттама басқармасының басшысы Мира Әбуова.
</blockquote>
Мерекеге орай Н.Бекежанов атындағы қазақ академиялық музыкалық драма театрында Думан Рамазанның «Абылайханның арманы» спектаклінің премьерасы өтеді. Қойылымды көрермендер бүгін сағат 18:00-де және 1-ші желтоқсан күні сағат 15:00-де тамашалай алады.

Қазақстан және Қызылорда облысының жаңалықтары