Kyzylorda-news.kz. Биылғы жаңа оқу жылының алғашқы тоқсанында Сырдария ауданы бойынша 17 мектептің 15-інде 1-4 сыныптар аралығында кезекші сыныптар ұйымдастырылса, қалған сыныптың оқушылары қашықтан оқытылды. Ал аз комплектілі екі білім ошағында, атап айтқанда, Іңкәрдария мен Жетікөл ауылындағы орта мектепте барлық сыныпта дәстүрлі сабақ өткізілді.
Карантин жағдайындағы оқу жылының екінші тоқсаны 16 қарашадан басталады. Тиісінше, аз комплектілі Іңкәрдария, Жетікөл, А.Тоқмағамбетов, Қалжан ахун ауылындағы орта мектепте дәстүрлі сабақ жүргізіледі. Қалған 13 мектепте кезекші сыныптар ұйымдастырылады. Ал 6-11 сыныптар карантиндік шектеу талаптарына сәйкес онлайн оқитын болады. Осы ретте, оқушыларды планшет, ноутбук және компьютермен қамтамасыз ету мәселесі басты назарда.
Оқушылардың қашықтан білім алуына жағдай жасау үшін жаңа оқу жылында аудандық бюджет есебінен 157 планшет алынып, таратылған. Мектептер балансындағы 1074 компьютер мен ноутбук білім ізденушілерге уақытша пайдалануға берілсе, барлық білім беру ұйымдары бойынша елді мекендердегі кәсіпкерлердің демеушілігі есебінен 52 электронды құрылғы үлестірілген.
Облыстық білім басқармасы тарапынан «Dara Bilim» қоғамдық қоры арқылы үйден оқитын 13 мүмкіндігі шектеулі оқушыларға ноутбук берілді.
Ал республикалық бюджеттен 255 планшет тұрмысы төмен, көпбалалы отбасы балаларына таратылса, қазіргі таңда 197 компьютер мен 762 ноутбук аудандық білім бөліміне келді. Арнайы сарапшылар ақаулығы жоқтығын тексеріп бергеннен кейін электронды құрылғылар аудан оқушыларына таратылатын болады.

Сырдариялық оқушылар электронды құрылғымен қамтылды

Kyzylorda-news.kz. Облыс әкімі Гүлшара Әбдіқалықова «Бизнеске арналған Үкімет» кеңсесінің жұмысымен танысты. 
Өңір кәсіпкерлеріне «бір терезе» қағидатымен қызметтер көрсету мақсатында кәсіпкерлік саласындағы бірқатар мекемелер орталықтандырылып, «Бизнеске арналған Үкімет» кеңсесіне шоғырландырылған. Бұл жөнінде облыстық кәсіпкерлік және туризм басқармасының басшысы Фердоуси Қожабергенов аймақ басшысын жалпы Кеңсе жұмысымен таныстыру барысында мәлімдеді.
«Бизнеске арналған Үкімет» кеңсесінің жұмысымен таныстыру алдымен «Атамекен» өңірлік кәсіпкерлер палатасының жанынан ашылған Кәсіпкерлерге қызмет көрсету орталығынан басталды. Орталықтың негізгі қызмет бойынша Палата директоры Ғалымбек Жақсылықов таныстырды.
Одан кейін аймақ басшысына «Бизнеске арналған Үкімет» платформасының жұмысы баяндалды. 
Айта кету қажет, «Бизнеске арналған Үкімет» платформасы – бизнеске барынша қолайлы жағдай жасау бағытында Мемлекет басшысының ағымдағы жылдың 
24 қаңтарындағы Үкіметтің кеңейтілген отырысында берген тапсырмасы аясында іске асырылды.
Мекеме директоры Батыржан Аймағамбетов бүгінге дейін Платформа аясында өңір кәсіпкерлері мен инвесторларға 31 мыңға жуық қызметтер көрсетілгендігін атап өтті. 
Одан әрі облыс әкімі «Бизнеске арналған Үкімет» ғимаратында орналасқан облыстық кәсіпкерлік және туризм басқармасы, «Қызылорда» Өңірлік инвестициялық орталығы», сондай-ақ «Халық банкі» және «ВТБ банкі» Қызылорда филиалы және «Азаматтарға арналған Үкімет» мекемесінің жұмыстарымен танысты.
Таныстырылым соңында, аймақ басшысы Гүлшара Әбдіқалықова сала басшыларына қиын кезеңде кәсіпкерлерге барынша қолдау көрсетілу керек екенін атап өтіп, «Бизнеске арналған Үкімет» кеңсесінің жұмысын тиімді ұйымдастыруды тапсырды.
<img src="https://kyzylorda-news.kz/wp-content/uploads/2020/11/fb_img_1605327698105.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605327687977.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605327675975.jpg" alt="" />

Аймақ басшысы «Бизнеске арналған Үкімет» кеңсесінің жұмысымен танысты

<a href="https://kyzylorda-news.kz/">Kyzylorda-news.kz</a>. Мамандардың пікірінше, жыл мезгіліне байланысты адам ағзасына толық жұмыс істеу үшін белгілі бір дәрумендер қажет, деп хабарлайды&nbsp;<a href="https://stan.kz/">Stan.kz</a>&nbsp;.
Диетолог Марина Макиша&nbsp;күз бен қыста&nbsp;қандай дәрумендерді пайдалану қажет&nbsp;және қандай тағамдарға ерекше назар аудару керектігін айтты.
Дәрігердің айтуынша, суық мезгілде тамақ тәртібінде&nbsp;ақуыздың жеткілікті мөлшері болуы керек: ет, балық, жұмыртқа және сүт өнімдері, олар тамақтанудың негізгі компоненттері болып табылады. Сонымен қатар, ағзадағы ақуыздың жетіспеушілігі иммунитеттің төмендеуіне әкелуі мүмкін, бұл тыныс алу және вирустық аурулар кезінде өте жағымсыз әсер қалдырады.
Дәрігер тамақ тәртібінде кем дегенде аз мөлшерде мұздатылған немесе балғын&nbsp;жидектер, сондай-ақ, көкөністер мен жемістер болуы керек, олар дәрумендер мен антиоксиданттардың негізгі көзі болып табылады және әртүрлі ауруларға қарсы иммунитетті арттыруға көмектеседі.
<blockquote>
 Мысалы, тұздалған орамжапырақты&nbsp;қолдануға болады. Оны рационға қосып, жиі қолдануға болады.&nbsp;Бұл С дәрумені мен пайдалы бактериялардың көп мөлшері бар жақсы ашытылған өнім, ол ішек микрофлорасына әсер етеді, бұл иммунитетті сақтауға көмектеседі”, — деді диетолог.
</blockquote>
Бұдан өзге, күн сәулесі азайып бара жатқан соң, D витаминін бүкіл қыс бойы қабылдап шығуға кеңес беремін.

Дәрігер қыста ағзаға аса қажет дәрумендерді атады

<a href="https://kyzylorda-news.kz/">Kyzylorda-news.kz</a>, «Қазгидромет» РМК Қызылорда облысы бойынша филиалы 14 қарашаға арналған ауа райы болжамын жариялады.
Кәсіпорынның хабарлауынша 14 қарашада Қызылорда облысының кей жерлерінде көктайғақ күтіледі. Оңтүстік-батыстан, батыстан жел соғады, күші күндіз кей жерлерде 15-20 м/с күтіледі.
Ал Қызылорда қаласында күндіз 14 қарашада оңтүстік-батыстан, батыстан жел соғады, екпіні 15-20 м/с күтіледі.

14 қарашаға арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова бизнес-қоғамдастық өкілдерімен, қаржы институттарының басшыларымен кездесу өткізіп, инвестициялық жобалармен танысты.
Аймақ басшысы пандемия кезінде экономикалық табыс көлемін сақтап қалу үшін бизнесті әртараптандыру, жаңа инвестициялық жобалар тарту арқылы кәсіпкерлермен бірлесіп жұмыс істеудің тиімділігін атап өтті.
<blockquote>
 “Шағын және орта бизнес иелері кәсібінің тоқтап қалуы, мұнай өндірісі көлемінің азаюы экономикаға әсер етеді. Бұл жағдайдан шығу үшін әртүрлі қадамдар жасауға тиіспіз. Биыл біз 270-ке жуық әртүрлі жобалар қамтылған арнайы экономикалық даму картасын жасадық. Инвесторларды тарту арқылы да әртүрлі жобаларға қаржы бөлінбек. “Байқоңыр “ӘКК” АҚ барлық қаржы институттары мен екінші деңгейдегі банктерге әлеуетті жобаларды ұсынады, сондай-ақ өңір кәсіпкерлерінің проблемалық мәселелерін шешуге ықпал ететін болады. Бұл ретте банктердің назарынан тыс қалған жобаларды қолдау мақсатында ауыл кәсіпкерлерін жеңілдікпен несиелендіруге бағытталған «Қызылорда» өңірлік инвестициялық орталығының қызметін 2025 жылға дейін ұзарттық. Аймақтың дамуына, жаңа жұмыс орындардың ашылуына ықпал жасайтын жобаларды қолдауға әрқашан дайынбыз”,-деді облыс әкімі Гүлшара Әбдіқалықова.
</blockquote>
Кездесуде облыс әкіміне өндіріс, ауыл және балық шаруашылығы, халыққа қызмет көрсету салаларын дамытуды көздейтін ірі және шағын 12 инвестициялық жоба таныстырылып, 2 жоба қайта толықтырылуға берілді. Жалпы сомасы 3 613 млн.теңгені құрайтын бұл жобалар 262 жаңа тұрақты жұмыс орнын құруды көздейді. 
Жиынға шақырылған әрбір кәсіпкерлер өз жобаларының маңыздылығын қорғап, банк арқылы қаржыландыру тетіктеріне тоқталып, облыс әкімінің назарына ұсынды. Мәселен, арнайы техника сатып алу, құрылыс дүкенін ашу, сантехникалық бұйымдар өндірісі, мектеп оқушылары арасында барлық пәндер бойынша турнирлер ұйымдастыру сынды жобалар қаралды.
Сонымен бірге өңірдің өндірістік әлеуетін көтеруге арналған теңдесі жоқ әйнек өндірісі мен мұнай қалдықтарын өңдеу, жиһаз цехын іске қосатын жобалар қолға алынбақ. Ауыл шаруашылығы саласында да бірқатар жобалар таныстырылды. Атап айтқанда, кәсіпкерлер түйе және ірі қара мал өсіру, жантақ балын өндіру, жылыжай салу, балық шаруашылығын дамыту жобаларына қаржылай қолдау сұрады. 
Кездесу барысында екінші деңгейдегі банктер мен “Байқоңыр “ӘКК” АҚ бизнес-жобаларды одан әрі қаржыландыру және іске асыру үшін инвестициялық жобаларды іріктеп алып, кәсіпкерлердің бірқатар жобаларын қолдады. 
Өңір басшысы Гүлшара Әбдіқалықова жиын соңында “Байқоңыр “ӘКК” АҚ барлық қаржы институттарының интеграторы және өңірдегі әлеуетті жобаларды қолдау жөніндегі оператор болатынын атап өтіп, бірқатар тапсырма берді.
Айту қажет, мұндай кездесу төртінші рет өткізілуде. Инвестициялық жобаларға қаржылай қолдау білдіретін жиын алдағы кезде бизнес құрылымдарының басшыларымен бірге ашық форматта ұйымдастырылады.

Облыс әкімі бизнес-қоғамдастық өкілдерімен кездесті

Kyzylorda-news.kz. Эстетикалық топтық гимнастикадан өткен Қазақстан Республикасының онлайн чемпионатында Сыр гимнастшылары жақсы өнер көрсетіп, күміс, қола жүлделерді иеленді.
8-10 жас аралығында сынға түскен жерлестеріміз Ақерке Елеусінова, Айару Мухтақызы, Найля Нұғман, Ақтілек Серікбекқызы, Еркеназ Маратқызы жəне Інжу Асылбек күміс жүлдеге ие болды.
14-16 жас аралығында шеберлік байқасқан қыздарымыз Дана Садықова, Динара Ерғалиева, Раушан Аспандиярова, Əсел Марат, Ақбота Өтеген, Аянат Ерлан жəне Надира Сыражадин ел чемпионатының қола жүлдесін еншіледі.
Гимнастшылар 17-18 қарашада Шымкент қаласының, 28 қараша күні Жамбыл облысының онлайн жүйеде өтетін ашық чемпионаттарына дайындалуда.

Сыр гимнастшылары күміс, қола жүлделерді иеленді

**<a href="https://kyzylorda-news.kz/">Kyzylorda-news.kz</a>. Қызылорда облысы Мемлекеттік кірістер департаменті 2020 жылдың 31 желтоқсанында жеке тұлғалар үшін көлік құралдарына салық төлеу мерзімі аяқталатынын еске салады. 
**&nbsp;&nbsp; Меншік құқығында көлік құралдары бар жеке тұлғалар көлік құралдары салығын төлеушілер болып табылады. 
&nbsp;&nbsp;&nbsp; Салық төлеуші әрбір көлік құралы үшін салық мөлшерлемесі бойынша салық соммасын салықтық кезеңіне сәйкес өз бетінше есептеуге және төлеуге міндетті. 
&nbsp;&nbsp;&nbsp;&nbsp; ҚР тіркелген немесе есепте тұрған тіркемелерді қоспаған жағдайда, салық салу объектісі көлік құралдары болып табылады. 
Оларға: 
• жеңіл автомобильдер; 
• жүк машиналары; 
• арнайы автомобильдер; 
• автобустар; 
• темір жол көлігі; 
• шағын өзен және теңіз кемелері; 
• әуе көлігі және басқа да ұшу аппараттары; 
• пневматикалық немесе шынжыр табанды жүрісті өздігінен жүретін машиналар мен механизмдер, дөңгелекті тракторлар және жалпы пайдаланымдағы автомагистральдар бойынша қозғалыс үшін арналмаған өзге де механизмдер. 
&nbsp;&nbsp; Салық сомасын Мемлекеттік кірістер комитетінің <a href="http://www.kgd.gov.kz">интернет-ресурсында</a> іске асырылған калькулятордың көмегімен есептеуге болады. Сондай-ақ, “E – Salyq”мобильдік қосымшасының көмегімен “көлік құралдарына салынатын салықты есептеу” бөлімінде онлайн-режимде салынатын салық сомасын алуға мүмкіндік береді. 
&nbsp;&nbsp; Бұдан басқа, осы қосымшада салық салу объектілері бойынша деректерді түзету сервисі, сондай-ақ “салық әмияны” төлеу сервисі (салықты төлеу тұрғылықты жері бойынша жүргізіледі) іске асырылған. 
Сонымен қатар, жыл соңына дейін Қазақстандықтарда жеке тұлғалар үшін өсімпұлдарды есептен шығару бойынша салықтық рақымшылық бағдарламасын пайдалану мүмкіндігі бар, оның жалғыз шарты салықтар бойынша негізгі борышты төлеу болып табылады.

Қызылорда: Көлік салығы жыл аяғына дейін төленуі тиіс

<a href="https://kyzylorda-news.kz/">Kyzylorda-news.kz</a>. Еңбек және халықты әлеуметтік қорғау министрі Біржан Нұрымбетов «Еңбек» бағдарламасы бойынша әйелдерге несие беру көлемі ұлғайтылғанын мәлім етті, деп хабарлайды ҚазАқпарат.
<blockquote>
 «Ауылдың өркендеуіне әйелдердің қосып жатқан үлесі өте зор. Әйелдердің бастамаларына, ауыл әйелдеріне қолдау көрсету – маңызы бар іс. Бүгін де біздің еңбек нарығы жұмыспен қамтушы әйелдердің жоғары деңгейі мен білікті қызметкерлердің болуымен сипатталады. Ресми статистикаға жүгінсек, біздің елімізде экономикалық белсенді халықтың саны 9 млн 200 мыңға жетті. Оның жартысы – 4,5 миллионы әйелдер. Олардың 95 пайызы жұмыспен қамтылған. Оның ішінде 1 млн 100 мыңы ауылда еңбек етіп жатқан әйелдер», – деді Қазақстанның ауыл әйелдерінің III форумына онлайн режимінде қатысқан Біржан Нұрымбетов.
</blockquote>
Оның айтуынша министрлік өз тарапынан жұмыспен қамту, кәсіпкерлік бастамаларды қолдау, заманға сай дағдыларды үйрету бағытында бірқатар шаруа атқарылып келеді.
<blockquote>
 «Елімізде іске асырылып жатқан «Еңбек» бағдарламасы халқымызды жұмыспен қамтуға бағытталған. Біздің бағдарламада әйелдерге ерекше маңыз берілген. Биыл осы бағдарлама бойынша 246 мың әйел қатысты. Оның ішінде ауылда тұратындары – 123 мың адам. Осы жылы біз өз тарапымыздан бағдарламаға өзгеріс енгізіп, әйелдерге несие беру шаралары кеңейтілді. Бізде осы жылдан бастап көпбалалы аналар, аз қамтылған отбасылар несие алып жатыр. Олар 22 млн теңгеге дейін ала алады», – деді ол.
</blockquote>

Біржан Нұрымбетов: «Еңбек» бағдарламасы бойынша әйелдерге берілетін несие ұлғайтылды

<a href="https://kyzylorda-news.kz/">Kyzylorda-news.kz</a>&nbsp;.Бүгін Қазалыда қаржы саласының қызметкерлері кәсіби мерекесін атап өтті. Салтанатты шараға аудан әкімі Мұрат Ергешбаев қатысып, қаржыгерлерді мерекемен құттықтады.
<blockquote>
 “Тәуелсіздік алғаннан кейінгі біздің негізгі жетістіктеріміздің бірі ұлттық валюта – теңгенің пайда болуы. Қазір біздің валюта теңгемізді көптеген мемлекеттер біледі. Біздің теңгеміз өзінің дизайны жөнінен дүниежүзіндегі мықты валюталардың бірі болып есептеледі. Қаржыгерлердің ең негізгі міндеттерінің бірі – мемлекеттің ақшасын дер кезінде жинап, тиімді пайдаланып, мемлекеттің экономикасының дамуына жұмыс жасау. Бүгінде осы салада еңбек етіп жүрген қаржыгерлер ауданымыздың дамуына өз үлестерін қосуда. Сондықтан бүгінгі мерекеде барлық қаржыгерлер мен қаржы саласының қызметкерлерін кәсіби мерекелерімен құттықтаймын. Еңбектеріңізге табыс, дендеріңізге саулық тілеймін. Мерекелеріңіз құтты болсын”! –деді аудан басшысы.
</blockquote>
Құттықтау сөзінен кейін Мұрат Нәлхожаұлы бір топ қаржыгер мен банк қызметкерлерін облыс және аудан әкімінің «Алғыс хатымен» марапаттады.
Олардың қатарында «Ауылшаруашылығын қаржылай қолдау қоры» АҚ Қызылорда филиалының бас менеджері Қанат Сүйеубаев, аудандық қазынашылық басқармасының бас маман-бас қазынашысы Жаңылған Құлниязова, аудандық қаржы бөлімінің бас маманы Айгүл Досанова, «Ақкөгершін» бөбекжай балабақшасының есепшісі Райхан Сариева, «Банк Хоум Кредит» АҚ ЕБ Қазалы филиалының бизнесті дамыту менеджері Шамшырақ Оспанова, Тасарық ауылдық округі әкімі аппаратының есепшісі Ербол Байғара, «КМF Микро қаржылық ұйым» ЖШС-нің Қазалы аудандық бөлімшесінің несие сарапшысы Нұрқәділ Құдайберген, «Қазақстан Халық Банкі» АҚ Қазалы аудандық бөлімшесінің аға менеджері Аманкүл Ерқожақызы, «Ақбота» бөбекжай балабақшасының есепшісі Гаухар Жұмағамбет, аудандық эконмика және бюджеттік жоспарлау бөлімінің әдіскері Ақнұр Нұрғали бар.
Шарада сондай-ақ қаржы саласының ардагері Анаркүл Әлнияз жиналғандарға мерекелік лебізін білдіріп, қаржыгерлерді мерекелерімен құттықтады.
<img src="https://kyzylorda-news.kz/wp-content/uploads/2020/11/124975287_2912204622333799_3092118461213615613_o.jpg" alt="" />

Қазалыда қаржы саласының қызметкерлері марапатталды

<a href="https://kyzylorda-news.kz/">Kyzylorda-news.kz</a> Бүгін елордада «Үркер-2020» ұлттық сыйлығы жеңімпаздарының есімдері белгілі болды.
Сонымен «Жылдың үздік фотосуреті» аталымында тәуелсіз экологиялық шолушы Сәкен Ділдахмет жеңімпаз атанды. «Жылдың үздік репортажы» аталымы “Kyzylorda-news.kz” ақпараттық агенттігінің бас редакторы Нұрсұлтан Мықтыбаевқа, «Жылдың үздік аналитикалық материалы» аталымы Strategy2050.kz порталы журналисі Қайрат Жандыбаевқа, «Жылдың үздік журналистік зерттеуі» «Время» газетінен Михаил Козачковқа бұйырды.
Ал «Егемен Қазақстан» газетінің тілшісі Гүлбаршын Сабаева «Жылдың үздік сұхбаты», аталымында, «Sputnik Казахстан» агенттігінің тілшісі Тимур Ниталиев Жылдың үздік танымдық материалы» аталымында жеңімпаз болды. «Радиостанциядағы үздік жоба» аталымы «Atyray» радиостанциясының «Эфирде 102 FM» бағдарламасына бұйырса, TengriNews порталы «Жылдың үздік жаңалықтар порталы» аталымында жеңімпаз болды. «Жылдың үздік газеті» сыйлығы Жамбыл облыстық «AQ JOL» газетіне берілді. Сонымен қатар «Жылдың үздік журналы» «Жұлдыз» журналы жеңімпаз деп танылды. Ал Шерхан Мұртаза атындағы номинация Қайнар Олжайға бұйырды.
Мұнан бөлек, «Kazinform» халықаралық ақпараттық агенттігінің арнайы сыйлығы «ТАСС» агенттігі мен «Kaznews» Моңғолиядағы қазақтілді порталға берілсе, «Казахстанская правда» газетінің арнайы сыйлығы ардагер журналист Татьяна Костинаға табысталды.
Айта кетерлігі, 2020 жылдың 2 қазаны мен 5 қарашасы аралығында ұйымдастырылған «Үркер» ұлттық сыйлығының 11 аталым бойынша қатысушыларынан 470 өтінім келіп түсті. Бүгін әр аталым үздігіне «Үркер» естелік мүсіншесі және бір миллион теңге ақшалай сыйлық табыс етілді.
Ұлттық бәйгені ҚР Ақпарат және қоғамдық даму министрлігі мен «Медиа дамыту қоры» корпоративтік қоры ұйымдастырды.
<a href="https://lenta.inform.kz/kz/urker-2020-ulttyk-syylygynyn-zhenimpazdary-marapattaldy_a3718385">ҚазАқпарат</a>

«Үркер-2020»: &#8220;Kyzylorda-news.kz&#8221; ақпараттық агенттігінің бас редакторы Нұрсұлтан Мықтыбаев марапатталды

<a href="https://kyzylorda-news.kz/">Kyzylorda-news.kz</a>.&nbsp;Қазгидромет алдағы үш күнге арналған ауа райы болжамын жариялады.
<blockquote>
 «Алдағы үш тәулікте Қазақстанның басым бөлігінде ауа температурасының біртіндеп төмендеуіне Орталығы Екатеринбургте орналасқан ылғалды циклон әсер етеді. Кей жерлерде қар жауады, жел күшейеді, солтүстік жартысында бұрқасын болады», – делінген Қазгидромет хабарламасында.
</blockquote>
Еліміздің батыс аймақтарына суық солтүстік-батыс антициклонның жылжуымен 15 қарашадан бастап жауын-шашынның тоқтауы мүмкін. Түнгі уақыттарда еліміздің басым бөлігінде 10-18 градус аязға дейін, Қазақстанның оңтүстік-батысында, оңтүстігінде, оңтүстік-шығысында және шығысында 2-13 аязға дейін ауа температурасының біртіндеп төмендеуі күтілуде. Республика бойынша кей жерлерде тұман түсіп, оңтүстікте көктайғақ болады.

Демалыс күндері 18 градусқа дейін аяз болады

<a href="https://kyzylorda-news.kz/">Kyzylorda-news.kz</a>. Биылғы жылу маусымына облыс тұрғындарына 163,6 мың тонна көмір отыны қажет. Қазір соның 161,2 мың тоннасы келді. Тұрғындар мен әлеуметтік нысандарға көмір отынын сақтап, өткізетін 30 жинақтау қоймасы бар. Бесеуі Қызылорда қаласында, қалғаны аудандарда.
<blockquote>
 “Аймақта жылу 10-шы қазаннан бастап берілді. 1185 әлеуметтік нысан және 800-ге жуық тұрғын үй орталықтандырылған жылу жүйесіне қосылған. Орталықтандырылған жүйеге қосылған әлеуметтік нысандар&nbsp;мен тұрғын үйлерді жылытуға 39,5 мың тонна қатты және 26 мың тонна сұйық отын қажет. Бұл тұрғыдан ешқандай мәселе жоқ. Ал көмір тасымалдаушы мекемелермен келісім жасалған. Барлығы кестеге сәйкес жеткізіліп жатыр”, – деді облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жаңабаев.
</blockquote>
<img src="https://kyzylorda-news.kz/wp-content/uploads/2020/11/125313140_1166195403775970_8895158040010007894_o.jpg" alt="" />
Облыста 111 256 абонемент және 2 403 коммуналдық кәсіпорын көгілдір отын пайдаланады. Сала мамандары қауіпсіздік шарасына аса мән беруді ескертті.

Қазақстан және Қызылорда облысының жаңалықтары

Сырдариялық оқушылар электронды құрылғымен қамтылды

Аймақ басшысы «Бизнеске арналған Үкімет» кеңсесінің жұмысымен танысты

Дәрігер қыста ағзаға аса қажет дәрумендерді атады

14 қарашаға арналған ауа райы болжамы

Облыс әкімі бизнес-қоғамдастық өкілдерімен кездесті

Сыр гимнастшылары күміс, қола жүлделерді иеленді

Қызылорда: Көлік салығы жыл аяғына дейін төленуі тиіс

Біржан Нұрымбетов: «Еңбек» бағдарламасы бойынша әйелдерге берілетін несие ұлғайтылды

Қазалыда қаржы саласының қызметкерлері марапатталды

«Үркер-2020»: “Kyzylorda-news.kz” ақпараттық агенттігінің бас редакторы Нұрсұлтан Мықтыбаев марапатталды

Демалыс күндері 18 градусқа дейін аяз болады

Қызылорда облысына 161 мың тонна көмір келді

Қазақстан және Қызылорда облысының жаңалықтары

Сырдариялық оқушылар электронды құрылғымен қамтылды

Аймақ басшысы «Бизнеске арналған Үкімет» кеңсесінің жұмысымен танысты

Дәрігер қыста ағзаға аса қажет дәрумендерді атады

14 қарашаға арналған ауа райы болжамы

Облыс әкімі бизнес-қоғамдастық өкілдерімен кездесті

Сыр гимнастшылары күміс, қола жүлделерді иеленді

Қызылорда: Көлік салығы жыл аяғына дейін төленуі тиіс

Біржан Нұрымбетов: «Еңбек» бағдарламасы бойынша әйелдерге берілетін несие ұлғайтылды

Қазалыда қаржы саласының қызметкерлері марапатталды

«Үркер-2020»: &#8220;Kyzylorda-news.kz&#8221; ақпараттық агенттігінің бас редакторы Нұрсұлтан Мықтыбаев марапатталды

Демалыс күндері 18 градусқа дейін аяз болады

Қызылорда облысына 161 мың тонна көмір келді

«Үркер-2020»: “Kyzylorda-news.kz” ақпараттық агенттігінің бас редакторы Нұрсұлтан Мықтыбаев марапатталды