Kyzylorda-news.kz. Қызылорда облысындағы 300-ге жуық кәсіпкерге мүлік салығынан жеңілдік берілді. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы бойынша Мемлекеттік кірістер департаментінің басшысы Ғалымжан Орынов баяндады.
“Карантин кезінде қоғамдық тамақтану орны, қонақ үй және ірі сауда объектілері, ойын-сауық орталығы, театр, көрме залдары, спорт құрылыс жайларының объектілеріне салық төлеушілер «0»-дік коэффициент қолданады. Яғни аталған объектілер бойынша мүлік салығы есептелмейді. Сондай-ақ, салық салудың жалпыға белгіленген тәртібімен жұмыс істейтін кәсіпкерлердің жеке табыс салығының мөлшеріне де «0» түзету коэффициенті енгізілді, яғни 31-желтоқсанға дейін есептелетін жеке табыс салығының мөлшері “0” коэфициентімен есептеліп, аталған салық түрінен босатылады. Бұған қоса, жеке практикамен айналысатын тұлғаларға 1-қазанға дейін жеңілдік берілді», – деді Ғалымжан Қалдыкөзұлы.
Сонымен қатар, еңбек ақы төлеу қорынан ұсталатын төлемдерге де жеңілдіктер қарастырылған.
<blockquote>
 “Жұмыс беруші жұмыскеріне есептелетін төлем көзінен ұсталатын жеке табыс салығы және әлеуметтік төлемдерді төлеуден босатылды. Яғни микро, шағын, орта бизнес субьектілерінің аударуға тиіс жеке табыс салығы және әлеуметтік төлемдерін 1 қазанға дейін төлемейді”,- деді департамент басшысы.
</blockquote>
Брифингте департамент басшысы арнаулы салық режимін қолданатын, яғни оңайлатылған салық декларациясымен патент бойынша бірыңғай жер салығын төлеушілер 3 жыл мерзімге салық төлеуден босатылғанын айтты. Бірақ салық есептілігінде тапқан табыстарын толық көрсетіп, тиісті құжаттарын мерзімінде өткізіп, есептелген жеке табыс салығы мен әлеуметтік салық сомаларын 0-дік көрсеткішке түзей алады.

Қызылордалық кәсіпкерлер мүлік салығынан босатылған

Kyzylorda-news.kz. Қызылордада күзгі егінді жинау және дала жұмыстарын жүргізу үшін мемлекет тарапынан 12 514 тонна арзандатылған дизель отыны бөлінді. Бұл туралы Өңірлік коммуникациялар қызметінің ақпараттық алаңында облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 «Қазір дизель отынының 788 тоннасы облысқа жеткізілді, оның 275 тоннасы шаруашылықтарға таратылып, қалған бөлігі қазан айына дейін әкілінеді. Сондай-ақ, шаруашылық құрылымдары агротехникалық талаптарға сай ауыл шаруашылығы дақылдарын күтіп баптау жұмыстарымен айналысуда. Бұған қоса,облыста 8,33 гектар болатын 24 жылыжай жұмыс жасауда. Өткен жылы Шиелі ауданында 0,7 гектарды құрайтын 10 жылыжай пайдалануға берілсе, биыл шаһарда 2,2 гектар «КазАгроМир» ЖШС-нің заманауи автоматтандырылған жылыжай кешені толықтай іске қосылды», – деді сала басшысы.
</blockquote>
Сонымен қатар, облыста 6 тонна өнім жиналып, ішкі нарықты қияр өнімімен қамтамасыз етуде. Мұнан өзге, ауыл шаруашылығы өнімдерінің экспортын ұлғайту бағытында да тиісті жұмыстар жүргізілуде.

Қызылордада шаруалар арзандатылған жанармаймен қамтамасыз етіледі

Kyzylorda-news.kz. Сыр өңірінде эпидемиологиялық ахуалдың тұрақталып, індетпен ауырған науқастардың азаюына байланысты провизорлық, инфекциялық стационарлар жабылып, бірқатар ауруханалар қалыпты жұмысқа көшкен болатын. Соның бірі – көпбейінді қалалық аурухана.
Көпбейінді қалалық аурухана 10 тамыздан бастап жедел және жоспарлы келген науқастарды қабылдауды қайта бастады. Аурухана бұрынғы жұмыс жүйесіне көшкен күннен бастап, яғни 10 тамыз жедел қабылдау күніне сәйкес келуіне байланысты ауруханаға 80-ге жуық науқас қаралып, оның ішінде 30 науқас көрсеткіші бойынша ем алуға жатқызылды. Оның ішінде, кардиологиялық, терапиялық, гинекологиялық, травматологиялық, хирургиялық бейіндері бойынша науқастар жатқызылып, ота қажет ететін науқастарға оталары жасалды.
Сонымен қатар 11 тамыздан бастап амбулаторлы емханалар жолдамасы арқылы жоспарлы түрдегі науқастар портал бойынша ауруханаға жатқызылуда.
Айта кетейік, көпбейінді қалалық аурухана аптасына 4 күн, яғни аптаның дүйсенбі, сәрсенбі, бейсенбі, сенбі күндері науқастарды шұғыл түрде қабылдаса, жоспарлы ем алу қызметі өз жұмысын күнделікті жалғастыратын болады.

Қызылорда қалалық ауруханасы қалыпты жұмысқа көшті

Kyzylorda-news.kz. 14 тамызда солтүстік шығыстан соққан циклон және онымен байланысты ауа ағындары бөліктерінің әсерінен Қазақстан территориясының басым бөлігінде ауа райы құбылмалы болады, деп хабарлайды Қазгидромет.
Жұмада кей жерлерде жаңбыр жауады, шығыста күн күркіреп, найзағай ойнайды, дауыл, бұршақ жаууы ықтимал.
Тек елдің оңтүстігінде күн ашық болады. Республиканың кей жерлерінде жел күшейеді, солтүстігінде және орталығында тұман түседі.
Қарағанды, Шығыс Қазақстан облыстарының кей жерлерінде дауыл күтіледі, жел 15-20 м/с күшейеді, бұршақ жаууы ықтимал, Қарағанды ​​облысында тұман түседі.
Батыс Қазақстан, Атырау, күндіз Ақтөбе, Қостанай, түнде және таңертең Алматы облыстарының кей жерлеріңде 15-20 м/с жел күшейеді, Батыс Қазақстан облысының солтүстігінде кей жерлерінде бұршақ жаууы мүмкін.

14 тамызға арналған ауа райы болжамы

<a href="https://kyzylorda-news.kz/date/2020/08/13/">Kyzylorda-news.kz.</a> Жыл басынан бері Әдеп жөніндегі кеңестің 7 отырысы өткізіліп, 25 мәселе қаралған. Бұл туралы Әдеп жөніндегі кеңес төрағасы Нұрман Талқанбаев брифинг барысында мәлімдеді.
Әдеп жөніндегі кеңесте қаралған мәселелердің 14-і тәртіптік іс болған. Қалған мәселелер мемлекеттік қызмет және сыбайлас жемқорлыққа қарсы іс-қимыл туралы заңнамалары, Әдеп кодексі бұзушылықтарының профилактикасы және мемлекеттік органдардың Әдеп жөніндегі уәкілдердің есебіне бағытталған.
Әдеп жөніндегі кеңестің шешімімен Әдеп кодексі талаптарын бұзғаны үшін 2 мемлекеттік қызметшіге және мемлекеттік қызметке кір келтіретін тәртіптік теріс қылықтарға жол бергені үшін 6 мемлекеттік қызметшіге тәртіптік жаза көрілген.
Облыстағы мемлекеттік органдарда 26 тексеру жүргізіліп, 81 бұзушылық анықталған. Заңбұзушылықтардың негізгілері жұмыстан тыс уақытта артық жұмысқа тарту, «Б» корпусының бос әкімшілік лауазымына орналасуға жалпы конкурсты өткізу рәсімдерін бұзу және азаматтың және жұбайының салық заңнамасына сәйкес өзіне меншік құқығымен тиесілі мүлкі туралы анықтаманы ұсынбауы болып отыр.
<blockquote>
 «Ағымдағы жыл басынан бері бос мемлекеттік әкімшілік лауазымына орналасуға конкурстық іріктеу рәсімін бұзғаны үшін 15 әкімшілік іс қозғалып, мемлекет пайдасына 338010 теңге өндірілді», – деді Әдеп жөніндегі кеңес төрағасы Н.Талқанбаев.
</blockquote>

Қызылорда: Конкурстық іріктеу рәсімін бұзғаны үшін 15 әкімшілік іс қозғалды

Kyzylorda-news-kz. ҚР Парламенті Мәжілісінің депутаттары – әлеуметтік-мәдени даму комитетінің мүшесі Наталья Жұмаділдаева, заңнама және сот-құқықтық реформа комитетінің мүшесі Балайым Кесебаева Қызылорда қалалық білім бөлімінде болып, білім беру саласы бойынша мәселелерді талқылады.
Ең алдымен депутаттардың бастамасымен қаралып жатқан «ҚР білім беру саласындағы кейбір заңнамаларына өзгерістер мен толықтырулар енгізу туралы» Заң жобасын әдіскерлердің қатысуымен талқылау өткзілді. Талқылауға қалалық бөлім әдіскерлерімен қоса аудандық әдіскерлер Zoom қосымшасы арқылы қосылды. Депутаттар жалпы білім беру бойынша заңнаманы жетілдіру қажеттілігін атап, енгізілетін өзгерістер мен толықтыруларды талқыға салды. Әдіскерлер жергілікті деңгейде заңнаманың орындалу болжамын айтып, ұсыныстарын жеткізді.
Білім беру саласының және жалпы білім беру ұйымдарының басшылықтарымен Zoom қосымшасы арқылы кездесу өткізілді. Білім беру ұйымдарының карантиндік жағдайда жаңа оқу жылына дайындығы қаралды.
Облыс бойынша алдағы 2020-2021 оқу жылында 293 мектепте 
168 477 оқушы оқиды деп күтілуде. Оның ішінде 1 сыныпқа 18 114 бала қабылданады деп жоспарлануда.
Жаңа оқу жылына оқулықтар мен оқу-әдістемелік кешендерін сатып алуға барлығы жергілікті бюджеттен 1,2 млрд. теңге қаржы бөлініп, оның 33 пайызы немесе 396 млн. тг. жаңартылған білім беру мазмұнына көшетін 11 сыныптың оқулықтарын сатып алуға жұмсалуда. Қалған 804 млн. тг. басқа сыныптардың қажетті оқулық қорларын толықтыру үшін бағытталған.
Депутаттар мемлекеттік сатып алу процессінің оқулықтарды сатып алуға әсерін сұрап, сыбайластық қаупін азайта отырып, сатып алуды жеңілдету жолдарын талқылады.
Онлайн білім беру форматының ерекшелігі – интернет желісі сапасына тәуелді. Сол себепті елдегі интернет мәселесі сұралды.
Облыста 293 мектеп интернетке қосылған. Интернеттің жылдамдығы: 76 (26%) мектеп 8 мбит/с жоғары, 189 (65%) мектеп 4-8 мбит/с, 28 (9%) мектепте жылдамдық 4 мбит/с төмен.
Кейібір шет орналасан елді мекендер интернет желісіне қосылмаған. Бұл мәселе айналып келіп, қала мен ауыл оқушылары арасындағы білімге қол жетімділігін алшақтатады, біліктілігіне әсер етеді.
Н. Жұмаділдаева мен Б. Кесебаева ауылдағы интернет мәселесін көтеріп, тез арада шешуге жұмыс жасайтындығын жеткізді.
Одан бөлек, карантин талаптарын сақтау бойынша әрбір мектепке бөлінетін қаржы мен кезекші сыныпты енгізудегі талаптар талқыға салынып, жетілдіру бойынша ұсыныстар енгізілді.
Н. Жұмаділдаева «Нұр Отан» партиясы облыстық филиалында болып, филиал төрайымының орынбасары Л. Төрешовамен кездесті. Кездесу барысында тұрғындар тарапынан көп көтерілетін мәселелер аталып, оны жергілікті немесе орталық деңгейде шешу мүмкіндіктерін ортаға салды. Жүйелік мәселелер орталық атқарушы органдарға жеткізіліп, шешім қабылданатын болады.
<img src="https://kyzylorda-news.kz/wp-content/uploads/2020/08/img-20200811-wa0033.jpg" alt="" />

Қызылордада мәжіліс депутаттары білім беру мәселелерін талқылады

<a href="https://kyzylorda-news.kz/date/2020/08/13/">Kyzylorda-news.kz.</a> Әлеуметтік медициналық сақтандыру қорының сайтында аймақтар бойынша жоспарлы емдеуге жатқызуды қалпына келтіру күні көрсетілген медициналық ұйымдардың тізімі пайда болды.
&nbsp;&nbsp;&nbsp;&nbsp; 2020 жылдың 1 тамызынан бастап Қазақстанда жоспарлы медициналық көмек көрсету қайта жанданды. Бірінші кезекте, ауруханаға жатқызуды республикалық деңгейдегі мамандандырылған клиникалар, облыстық, қалалық және аудандық деңгейдегі көп бейінді ауруханалар COVID-19-мен күрес жөніндегі іс-шараларға қатыспайтын қалған стационарларды кезең-кезеңімен қоса отырып жүргізе бастады.
2020 жылдың 10 тамызына жүргізілген мониторинг қорытындысы бойынша елімізде медициналық сақтандыру қорының 15 медициналық ұйымы жоспарлы медициналық көмек, оның ішінде терапевтік, кардиологиялық, гастроэнтерологиялық, аллергологиялық, хирургиялық, неврологиялық, пульмонологиялық, реанимациялық, акушерлік – гинекологиялық, нейрохирургиялық, травматологиялық бейіндер, торакалдық хирургия, қалпына келтіру емі және медициналық оңалту қызметтерін көрсетеді. 
Жоспарлы медициналық көмек қызметтерін жеткізушілердің толық тізімімен Қордың сайтында танысуға болады. Тізім үнемі жаңартылып отырады.
<blockquote>
 «Коронавирусқа қарсы іс-шараларға қатыспайтын медициналық ұйымдар жұмысын қайта бастауға мүмкіндік алды. Әр аймақ эпидемиологиялық жағдайға байланысты әр түрлі болатын жоспарлы медициналық көмек көрсетуді бастаудың жеке жоспарын жасады. Оны аймақтық штаб бағалайды», –&nbsp; деп атап өтті Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Карантиндік шектеулерге байланысты көптеген медициналық қызметтер жоспарлы түрде тоқтатылды. Енді олардың қайта жандануымен жоспарлы медициналық көмекті тұтынудың айтарлықтай өсуі күтілуде. Қажетті санитарлық-эпидемиологиялық шараларды өткізгеннен кейін медициналық ұйымдарға стационарлар ашуға рұқсат беріледі.
<blockquote>
 «Медициналық қызметтерді тұтынудың болжамды өсуін ескере отырып, үшінші тоқсанда ағымдағы жылға жоспарланған көлемдер орындалуы мүмкін.&nbsp; Мысалы, бірінші тоқсанда жоспарлы емдеуге жатқызу өткен жылдың сәйкес кезеңімен салыстырғанда 38,4% – ға өсті. Тәулік бойы жұмыс істейтін стационарларда мамандандырылған медициналық көмек 39,0% – ға, медициналық оңалту 64,1% – ға ұлғайды. Қор өз тарапынан қаржыландыру жоспарына түзетулер енгізеді», – деді Бақыт Исмаханбетов.
</blockquote>

Қызылордада 15 медициналық ұйым жұмысын қайта бастады

<a href="https://kyzylorda-news.kz/date/2020/08/13/">Kyzylorda-news.kz.</a> Енді «Дипломмен ауылға» бағдарламасына кент және ауылдық округ әкімі аппаратының мемлекеттік қызметшілері де қатыса алады. Бұл туралы ҚР Мемлекеттік қызмет істері агенттігінің Қызылорда облысы бойынша департаментінің басшысы Нұрман Талқанбаев брифингте мәлімдеді.
2020 жылғы 3 шілдеде «ҚР кейбір заңнамалық актілеріне мемлекеттік қызмет мәселелері бойынша өзгерістер мен толықтырулар енгізу туралы» заң қабылданып, 1 кодекс пен 5 заңға өзгерістер енгізілген.
Енгізілген өзгерістерге сәйкес, кент және ауылдық округ әкімі аппараттарының мемлекеттік қызметшілеріне «Дипломмен ауылға» бағдарламасының игілігін көру мүмкіндігі жасалып отыр.
Тағы бір жаңа өзгеріс «А» корпусының мемлекеттік әкімшілік қызметінің кадр резерві жойылады.
<blockquote>
 «Басты өзгерістердің бірі мемлекеттік қызметке кіру үшін конкурстық рәсімдер оңтайландырылды. Атап айтқанда, конкурстық іріктеу 3 кезеңнен 2 кезеңге қысқартылды. Яғни барлық мемлекеттік органдардың мемлекеттік қызметшілері арасындағы ішкі конкурс пен жалпы конкурс біріктірілді», – деді Н.Талқанбаев.
</blockquote>
Осы кезге дейін конкурстардың үш түрін өткізу бос орындарды толтыру үшін көп уақытты талап ететін. Бос лауазымдарға орналасу конкурстарының барлық кезеңдерін өткізу үшін 50 жұмыс күніне дейін созылатын, ал қазіргі уақытта бұл рәсім 15 жұмыс күніне дейін қысқартылған.

Мемлекеттік қызметшілер де &#8220;Дипломмен ауылға&#8221; баратын болды

<a href="https://kyzylorda-news.kz/date/2020/08/13/">Kyzylorda-news.kz.</a> «Ұлттық аударма бюросы» қоғамдық қорының атқарушы директоры Рауан Кенжеханұлы «Рухани жаңғыру» бағдарламасы аясында қазақ тіліне аударылған 30 кітапты таныстырды, деп хабарлайды <a href="https://lenta.inform.kz/kz/ruhani-zhangyru-kazak-tiline-audarylgan-30-zhana-okulyk-tanystyryldy_a3683031">ҚазАқпарат</a>.
Кітаптар «Рухани жаңғыру» бағдарламасының «Жаңа гуманитарлық білім. Қазақ тіліндегі 100 жаңа оқулық» жобасы шеңберінде жарық көрді.
<blockquote>
 «2017 жылдан бері жалпы саны 77 оқулық аударылып, оқу орындарына таратылды. Оқулықтардың әрқайсысы 10 мың данамен басылып, Қазақстандағы 132 жоғары оқу орнының кітапхана қорларына жеткізілді. ЖОО кітап қорларында жалпы ереже бойынша екі студентке бір оқулық болуы тиіс деген талап бар. Соны толық орындау үшін қазіргі басылып отырған таралым 25 есе көбеюі керек. Бірақ, қазіргі бар технологияларды қолдана отырып, электронды нұсқаларына да рұқсат алдық. Сондықтан бұл кітаптардың қағазға басылған нұсқаларынан бөлек, электронды нұсқалары да Қазақстанның ашық университеті порталына тегін орналастырылған. Қазіргі таңда осы 77 оқулықтың барлығының электронды нұсқалары және осы кітаптардың негізінде құрастырылған онлайн-курстар, видеодәрістер барлық қазақстандық қолданушыларға тегін», – деді Рауан Кенжеханұлы Орталық коммуникациялар қызметіндегі баспасөз мәслихаты барысында.
</blockquote>
Осы ретте, ол биыл қазақ тілінде жарық көрген 30 жаңа оқулық кинотану, театртану, өнер, этика, эстетика, медиа, тарих, микро және макроэкономика мен бизнес, жеке қаражат, саясаттану, сондай-ақ азаматтық іс-жүргізу құқығы мен интеллектуалдық меншік құқығы, педагогика және статистика секілді салаларды қамтитындығын айтты.
Атап айтсақ, француз философы Жил Делөздің «Кино 1. Қозғалыс-бейне» және «Кино 2. Уақыт-бейне» атты екі томдық, киноны философиялық шығарма тұрғысынан таныстыратын классикалық туындысы тұңғыш рет қазақ тілінде жарық көрді. Сондай-ақ, жаңадан аударылған оқулықтардың ішінде кино мен телевизия мамандары үшін аса құнды болар «Киносценарий. Сценарий жазу негіздері» деп аталатын оқу құралы бар. Классикалық негіздегі бұл оқу құралы концептіден дайын сценарий шығаруға дейінгі сатылы нұсқаулық ұсынады. Оқулық 30 рет қайта басылып, әлемнің 20-дан аса тіліне аударылған. Ал кино өнерінің белгілі теоретигі Семен Фрейлихтің «Кино теориясы: Эйзенштейннен Тарковскийге дейін» еңбегінің зерттеу аясы аса ауқымды. Ол классикалық кинодан бастап, заманауи кино теориясына дейінгі негізгі ұғымдарды толық қамтып, сала туралы жан-жақты түсінік қалыптастырады. Тағы бір ерекше атап өту керек оқулықтардың бірі – Д.Бордуэлл бастаған авторлардың қырық жылдық ізденісінен туған «Кино өнеріне кіріспе» туындысы. Сондай-ақ, Томас Эльзессер мен Мальте Хагенердің «Кино теориясы. Сезім тұрғысынан кіріспе» деп аталатын еңбегі кино табиғатын көрермен мен экран арасындағы байланыстың түрлі ерекшеліктері арқылы зерттейді.
Музыкатану бағытында Кембридж университетінің баспасы дайындаған «Музыка тарихы» деп аталатын екі томдық жинақ қайта өрлеу кезеңінен постмодернге дейінгі музыка тарихын жан-жақты қарастырып, түрлі халықтардың музыка тарихынан хабар береді. Ал кейінгі жылдары жеке гуманитарлық пәнге айналған Кристофер Балмның «Театртану» оқулығы театр өнерін түрлі мәдени және тарихи астар арқылы түсіндіруге арналады. Театрдың аса күрделі табиғаты мен оны түрлі көзқараста зерттеу мүмкіндігін көрсетуге ден қойылған.
Белгілі ғалым, жазушы, ұзақ жылдар Ресей ғылым академиясы Әлем әдебиеті институтының теория бөлімін меңгерген Юрий Боревтің «Эстетика» еңбегі заманауи эстетиканың негізгі мәселелерін жан-жақты талдайды.
Медиаға арналған мәтін жазу қағидаларымен таныстыратын «Телевизия, радио және жаңа медиаға мәтін жазу» оқулығы да алғаш рет қазақ тіліне аударылды. Бұл еңбек оқырманға телевизия, радиомен қоса, онлайн медиаға мәтін жазудың өзіндік тәртібі мен ережелерін қарапайым әрі жүйелі түрде түсіндіреді.
Тарихи білім саласы бойынша бірқатар үздік еңбектер қамтылды. Тарихи білімнің кәсібилену процесін кешенді түрде зерттеген «Тарих білімінің тарихы», тарихи-антропологиялық бағыттағы ізденістерді топтастырған «Тарихи антропология», әлемнің этностық бет-бейнесімен таныстыратын «Тарихи этнология» оқулықтары жарық көрді.
Заң және құқықтану салаларын қамтитын бірқатар маңызды оқу құралдары да бар. Танымал ағылшын заңгері, құқықтанушы Нил Эндрюстің 2 томнан тұратын «Азаматтық іс-жүргізу: Сот өндірісі», «Азаматтық іс-жүргізу: Медиация және арбитраж» оқу құралдары, ағылшын келісімшарт құқығы тақырыбына арналған «Келісімшарт ережелері» атты оқулығы азаматтық іс жүргізу, медиация, арбитраж, ағылшын келісімшарт құқығы туралы жан-жақты ақпарат береді. Оксфорд университеті баспасынан шыққан 3 томдық «Интеллектуалдық меншік құқығы» оқу құралы авторлық құқық, патент, тауар белгісі тақырыптарына шолу жасайды. Бұл – зияткерлік меншікті қорғау тәртібі мен қазіргі халықаралық тәжірибеге арналған қазақ тіліндегі тұңғыш кешенді оқу құралы.
Этика саласы бойынша курс оқып жүрген студенттерге, сондай-ақ, жаһандық мәселелердің этикалық негізін танып-білуге қызыққан оқырманға арналған «Этика теориясы мен қазіргі мәселелері» оқулығының 9-басылымы, танымал философ ғалым Джонатан Уолфтың «Саясат философиясына кіріспе», Оксфорд баспасынан шыққан «Әлемдік саясаттың жаһандануы: халықаралық қатынастарға кіріспе» туындыларын студенттер жаңа оқу жылынан бастап қазақ тіліне оқиды.
Аударылған еңбектердің ішінде өте жылдам өзгеріп жатқан білім саласының соңғы жаңалықтарымен таныстыратын «Білім берудегі зерттеулер», бұған дейін қазақ тіліне аударыла қоймаған «Статистика негіздері», «Зерттеу жобасын жүргізу» оқулықтары да бар.
Экономика және жеке қаражат бағытында білім беруге қажетті оқулықтар қатарына Майкл Паркиннің «Макроэкономика», «Микроэкономика» еңбектері қосылды. Сондай-ақ, Е.Томас Гарман мен Рэймонд Е.Форгтың әрбір адамға жеке бюджетін жоспарлап, оны тиімді басқаруды үйрететін «Жеке қаражат» оқулығының 13-басылымын ерекше атап өту керек. Бұл еңбек Қазақстан жағдайына арнайы бейімделіп, біздің заңдар, қазақстандық қаржы және несие жүйесі, зейнетақы, сақтандыру, инвестициялар тәжірибесіне сәйкес қайта құрастырылды.

Рухани жаңғыру: Қазақ тіліне аударылған 30 жаңа оқулық таныстырылды

<a href="https://kyzylorda-news.kz/date/2020/08/13/">Kyzylorda-news.kz</a>. Тютерев Артем Олегович 1998 жылы 29 мамырда Алматы облысы, Алакөл ауданы, Ақши ауылында дүниеге келген. Ол қарапайым орта шаруа&nbsp; отбасында тәрбиеленген. Бала кезінен нысанды киім киіп, мемлекет игілігіне үлес қосуды армандады. &nbsp;Мектеп бітірер алдында оларға Алматы облысы ТЖ департаментінің қызметкерлері келіп, Көкшетау техникалық институтына түсу бойынша үгіт-насихат жұмыстарын жүргізді.
«Қазақстан &nbsp;Республикасындағы &nbsp;тiл &nbsp;туралы» 1997 жылғы 11 шiлдедегі Қазақстан Республикасы Заңының 4-бабынла &nbsp;көрсетілгендей ҚР Мемлекеттік тілі – қазақ тілі. Сондықтан мемлекеттік қызметке келген әрбір азамат оны білуге міндетті. Мемлекеттік тіліміз барлық &nbsp;ұлт өкілдерін бір шаңырақ астына біріктіретін, ынтымақ дарытатын тіл. Қазақ тілінің тағдырына отанын сүйетін әрбір қазақстандық жауапты. Тілді үйренуге ең басты қажет дүние – тілдік орта. Ол тілдік ортаны алдымен балабақша мен мектепте жасау керек. Сондықтан да ең алдымен Қазақстандағы &nbsp;балабақшаларды тіліне бөлмей барлығын да мемлекеттік тілде тәрбие беруге қолайлы жағдай туғызу керек.
<blockquote>
 «Мен он бір жыл білімді туып-өскен Ақши ауылымдағы Сәкен Сейфуллин атындағы қазақ орта мектебінен алдым. Кейін жоғарғы оқу орнын орыс тілінде оқыдым. Бірақ қазақ тілін ұмытқаным жоқ, қайта дамытуға тырысып, мемлекеттік тілде кітап оқуды әдеткен айналдырдым. Содан кейін менің таңдаған мамандығым төтенше жағдайларды жою мен алдын-алуға байланысты болады деп шештім. 2016 жылы медициналық комиссиядан өтіп, ұлттық бірыңғай тестілеуді тапсырғаннан кейін мен осы жоғары оқу орнына түскеніме қуаныштымын, онда мен “Азаматтық қорғаныстың командалық тактикалық күші” мамандығы бойынша 4 жыл оқыдым. 2020 жылы осы жоғары оқу орнын бітірдім. Алғашқы офицерлік “лейтенант” атағын алған соң, маған Қызылорда облысы Төтенше жағдайлар департаментінде Азаматтық қорғаныс бөлімінің офицері лауазымында жұмыс істеу сәті түсті. Қазіргі уақытта менің басты мақсатым – алған білімімді және спорттық дайындығымды осы қызметте көрсету. Құтқарушы мамандығын иелену – &nbsp;қиын сәтте адамдарға көмектесу және өз елінің игілігі үшін абыроймен қызмет ету бағытымен тартады. Сондай-ақ &nbsp;мен мектеп түлектері мен жастарды азаматтық қорғау қызметкері мамандығын таңдауға шақырамын»,- дейді Артем Олегович.
</blockquote>
<img src="https://kyzylorda-news.kz/wp-content/uploads/2020/08/img-20200208-wa0025.jpg" alt="" />

Артем Тютерев: Мемлекеттік қызметте қазақ тілін білу бірінші орында тұруы керек

Kyzylorda-news-kz. Халықаралық жастар күніне орай Қызылорда облыстық «Жастар ресурстық орталығында» жаңа SYRJASTARY.COM сайтының тұсаукесері өтті. Мұнда өңір жастарына қатысты күнделікті ақпараттар жарияланады. Сайтта көшбасшылар жайлы тың мәліметтер, қажетті кітап қорларының электронды нұсқасы да қамтылады.
Атаулы күнге орай орталықтағы ІТ парк базасында да ерекше шара ұйымдастырылды. Тұрғындар істен шыққан компьютерлерін ІТ паркке әкеліп, мамандар оның ішіндегі қажетті бөлшектерді пайдалана отырып, жаңа компьютер жасақтайды. Олар жаңа оқу жылына орай мұқтаж отбасы балаларына табысталатын болады.
Бұдан бөлек, орталықтағы IT кітапхана оқу орталығына айналды. Мұнда тұрмысы төмен, мүмкіндігі шектеулі балалар білімін жетілдіре алады. Оған қосымша арнайы волонтерлер, ерікті мұғалімдер тартылады. IT кітапханада бар жағдай қарастырылған, интернет желісі қолжетімді.

Қызылордада жастар сайты іске қосылды

<a href="https://kyzylorda-news.kz/date/2020/08/13/">Kyzylorda-news-kz.</a> Бүгінге дейін коронавирус инфекциясымен Қызылорда облысында тіркелген науқас саны – 3199. Оның ішінде Қызылорда қаласынан –1920, Арал ауданынан – 114, Қазалы ауданы– 101, Қармақшы ауданы – 137, Жалағаш ауданы – 111, Сырдария ауданы – 180, Шиелі ауданы – 283, Жаңақорған ауданынан – 353 дерек тіркелген.
Қызылорда облысында өткен тәулікте коронавирус инфекциясын жұқтырған 4 адам анықталды. Оның 3-уі Қызылорда қаласынан болса, 1 науқас Шиелі ауданынан тіркелді. Төртеуі де скринингтік тексеруден анықталған.
Кеше емделіп шыққан науқастар саны – 195. Оның 144-і Қызылорда қаласынан, Жалағаш ауданынан – 18 және Шиелі ауданынан – 33 науқас жазылып шықты. 
Жалпы емделіп шыққан науқастар саны – 2556. Ол облыс бойынша індетті жеңген науқастардың 80%-ын құрайды.
Бүгінгі күнге коронавирус инфекциясы анықталған азаматтармен байланыста болғандар саны – 14210, тікелей қарым-қатынаста – 11477, ықтимал қарым-қатынаста – 2733.
Қазіргі таңда коронавирус инфекциясымен – 47 науқас ем алып жатса, провизорлық стационарда – 192 пациент бақылауда.
Өткен тәулікте зертханаға тапсырылған сынамалар саны – 689, тексерілгені – 689. Қалдық тест саны – 2833. 
Жалпы эпид. маусым басталғалы бері барлығы 73979 сынама алынды.

Қазақстан және Қызылорда облысының жаңалықтары

Қызылордалық кәсіпкерлер мүлік салығынан босатылған

Қызылордада шаруалар арзандатылған жанармаймен қамтамасыз етіледі

Қызылорда қалалық ауруханасы қалыпты жұмысқа көшті

14 тамызға арналған ауа райы болжамы

Қызылорда: Конкурстық іріктеу рәсімін бұзғаны үшін 15 әкімшілік іс қозғалды

Қызылордада мәжіліс депутаттары білім беру мәселелерін талқылады

Қызылордада 15 медициналық ұйым жұмысын қайта бастады

Мемлекеттік қызметшілер де “Дипломмен ауылға” баратын болды

Рухани жаңғыру: Қазақ тіліне аударылған 30 жаңа оқулық таныстырылды

Артем Тютерев: Мемлекеттік қызметте қазақ тілін білу бірінші орында тұруы керек

Қызылордада жастар сайты іске қосылды

COVID-2019: Қызылордада науқастардың 80 пайызы індеттен айығып шықты

Қазақстан және Қызылорда облысының жаңалықтары

Қызылордалық кәсіпкерлер мүлік салығынан босатылған

Қызылордада шаруалар арзандатылған жанармаймен қамтамасыз етіледі

Қызылорда қалалық ауруханасы қалыпты жұмысқа көшті

14 тамызға арналған ауа райы болжамы

Қызылорда: Конкурстық іріктеу рәсімін бұзғаны үшін 15 әкімшілік іс қозғалды

Қызылордада мәжіліс депутаттары білім беру мәселелерін талқылады

Қызылордада 15 медициналық ұйым жұмысын қайта бастады

Мемлекеттік қызметшілер де &#8220;Дипломмен ауылға&#8221; баратын болды

Рухани жаңғыру: Қазақ тіліне аударылған 30 жаңа оқулық таныстырылды

Артем Тютерев: Мемлекеттік қызметте қазақ тілін білу бірінші орында тұруы керек

Қызылордада жастар сайты іске қосылды

COVID-2019: Қызылордада науқастардың 80 пайызы індеттен айығып шықты

Мемлекеттік қызметшілер де “Дипломмен ауылға” баратын болды