Kyzylorda-news.kz. Бүгін аймақ басшысы Гүлшара Әбдіқалықова мемлекеттік кірістер департаментінің басшысы Ғалымжан Орыновты қабылдады.
Кездесуде облыс әкіміне департамент басшысы мемлекеттік бюджетке түсетін кіріс көлемінің көрсеткіштеріне тоқталып, жоспарлы жұмыстарды баяндады.
Аймақта тамыз айына дейінгі меже бойынша мемлекеттік бюджетке межеленген жоспар 106,4% орындалып, 4,070 млрд теңге артығымен қамтамасыз етілген. Бұл ретте өңірдегі түсімдердің өсу қарқыны 81%-ға жеткен. Оның ішінде республикалық бюджетке 36,556 млрд теңге, жергілікті бюджетке 30,973 млрд теңге өндірілді. Қабылдау барысында облыс әкімі экономика салаларынан түсетін түсімдердің барысын саралап, салалар бойынша сараптамалық есеппен танысты. Соңғы 6 ай бойынша жергілікті бюджеттен түскен түсімдердің 14%-ы мұнай компанияларынан құраса, шағын және орта бизнес субъектілерінің түсімі 23%, ал бюджеттік саланың кірісі 28%-ға жеткен.Бүгінде құрылыс саласы бойынша кіріс 6,9%-ға, яғни бюджетке бұл саладан 4,115 млрд теңге түсім түскен. Бұл өткен жылмен салыстырғанда 17,6%-ға артық. Сауда саласында да түсім үлесі 19,4%-ға артқан. Ал, ауыл шаруашылығы саласында кіріс 1,6%, 966 млн.теңге түскен, өткен жылдан 242 млн.теңгеге артық.
Карантин жағдайы жылдық жоспардың орындалуына да әсер еткен. Жергілікті бюджеттің жылдық жоспары 47,650 млрд.тг көлемін құрады. Дегенмен, төтенше жағдайға байланысты шілде айында жоспар 3,058 млрд.тг азайтылып, 44,852 млрд.теңгеге жеткен. Дегенмен, қосымша резервтер есебінен салықтық және кедендік әкімшілендіру нәтижесінде мемлекеттік бюджетке 5,660 млрд теңге қосымша қаржы түскен.Мұнай өндіру көлемінің төмендеуі және нарықтағы шикі мұнай бағасының тұрақсыздығы салықтық түсімдердің түсуіне алып келуде. Мәселен, мұнай компанияларынан түсетін салықтық түсім өткен жылы 29%-ды құраса, биылғы жылдың 1-жарты жылдығында түсім 14%-ға жеткен. Департамент тарапы бүгінгі күні түсім көлемін межелі орындау үшін салық төлеушілер жанынан 28 баcым бағытта «Мақсатты топтар» белгілеп, әкімшілендіру істерін жүргізіп, түсім көлемін төмендетпеу бағытында жұмысты бастап кетті.

Өңірдегі бюджеттік түсім көрсеткіштері баяндалды

Kyzylorda-news.kz. Бітімгерлер ісі қоғам өміріне соңғы жылдары енген құбылыс емес. Екі жақты татуластыру, дауды екі тарапқа да тиімді етіп шешу – ата-бабадан қалған іс. Қазақ даласында болған билер институты қазіргі медиаторлар ісінің түп-тамыры десек, артық айтқандық емес. Бүгінгі тақырып бітімгерлікке арналғандықтан, ағымдағы жылдың 6 айындағы медиация құрылымының жұмысына тоқталмақпыз.
Жыл басынан бері Қызылорда облысында 615 қоғамдық медиатор тіркелген. Оның ішінде Қызылорда облыстық Қазақстан халқы ассамблеясымен бірлесіп жұмыс атқаратын 42 қоғамдық медиатордың тізімі жасақталды.
Биылғы жылдың бірінші жартыжылдығында облыс көлемінде медиация институтын насихаттауға бағытталған барлығы 21 түрлі форматты іс-шаралар ұйымдастырылды. Аталған шараларда 600-ден астам тұрғын қамтылды.
Медиаторлардың басты міндеті туындаған дауды шешіп, екі жақты келісімге келтіру. Осы орайда жыл басынан бері 6 ай ішінде аймақта қоғамдық медиаторлармен барлығы 268 дау шешілді. Оның ішінде 43 дау бойынша сотқа дейін, 71 дау бойынша сотта медиациялық келісім орнатылған. Ал 154 дау қоғамдық медиаторлардың кеңес беруі нәтижесінде тоқтатылды.
Медиация қызметін жандандыру мақсатында мемлекет тарапынан қаржылық қолдау да жүйелі түрде жүргізіліп келеді. Атап айтар болсақ, биыл «Аймақта медиация институтын ілгерілету» жобасы аясында облыстық бюджеттен 700 мың теңге қаржы бөлінді.
Аталған жоба аясында медиация институтын насихаттау бойынша ақпараттық материалдар әзірлеу, медиация мәселесіне байланысты семинар-тренингтер, ақпараттық-насихаттық кездесулер ұйымдастыру жоспарланған. Сонымен қатар облыстық деңгейде «Үздік мақала» және «Үздік репортаж» байқаулары мен оқушылар арасында ғылыми жобалар сайысын ұйымдастыру шараларын жүргізу қолға алынған.
Жер жаһанды шарпыған коронавирус індеті кезінде де қоғамдық және кәсіби медиаторлар қайырымдылық шараларымен айналысып, пандемия барысында халықтың осал топтарына тегін маска таратты.
Коронавирустың алдын алу мақсатында ұйымдастырылған қайырымдылық акциясына өңірдегі меценаттар, «Жаңғыру жолы» ЖҚ белсенділері және волонтерлер қолдау білдірді. Облыстық ҚХА мүшелері, «Қоғамдық келісім» КММ қызметкерлері, еріктілер, «Бітім» медиация орталығы, «Жаңғыру жолы» жастар қозғалысының белсенділері мата алып, масканы өздері тіккен болатын. Облыстық Қазақстан халқы ассамблеясының мүшелері күніне 500-ден астам медициналық маска тігіп, оны тарату үшін бірлесіп, белсенді жұмыс жасады.
Сондай-ақ Түркістан облысы Мақтаарал ауданында орын алған су тасқынан орай ұйымдастырылған қайырымдылық акцияларына белсене қатысып, қаржылай және материалдық көмектер көрсетті.
Қызылордалық бітімгерлер өздерінің білім көкжиегін кеңейту және біліктіліктерін арттыру мақсатында түрлі курстардантөтуде. Атап айтар болсақ, Қызылорда қаласының қоғамдық медиаторларына арналған «Жалпы медиация курсы» өз жұмысын бастады. Курсқа облыстық Қазақстан халқы ассамблеясының медиаторлары қатысуда. Курс барысында бітімгерлер дауды тиімді шешу технологиялары мен құралдарын толық меңгереді. Дау-дамайлардың алдын алуға және медиация технологияларын өз қызметтерінде қолдануға бағытталған бұл оқу курстарынан барлығы 100 қоғамдық медиатор оқытылатын болады.
Аймақтағы медиаторлардың жұмысы үздіксіз ақпараттандырылуда. Есепті кезеңде жергілікті басылым беттерінде барлығы 18 мақала жарық көріп, телеарналарда 5 репортаж көрсетіліп, медиацияның оңтайлы тұстары туралы халық арасында насихатталды. Медиация институтының күнделікті жұмысын, медиаторлардың халық үшін атқарып келе жатқан игі ісін кеңінен насихаттау мақсатында әлеуметтік желілерде де ақпараттық танымдық мақалалар жариялануда. Мәселен, алғашқы жартыжылдықта интернет порталдарда 36 жарияланым жарық көрсе, “Facebook” әлеуметтік желісіндегі ресми парақшаларда 38 жазба жарияланды.
Соңғы жылдары елімізде медиаторлардың көмегіне жүгінушілер қатар көбейіп келеді. Бұл халықтың бітімгерлерге деген сенім артқандығын аңғартады. Тиісінше, дауды дер кезінде шешу, екі тарапты татуластыру және келтірілген шығындардың да орнын толтыру мақсатында медиаторлар тиянақты жұмыс істеуде. Алдағы уақытта, олардың қоғамға тигізер көмегі әлі де орасан зор болатынына сенім артамыз.
Динара МАХАНОВА

Медиация &#8211; дауды шешудің ең тиімді тәсілі

Kyzylorda-news.kz. Қызылорда магистральдық желі бөлімшесінің Қазалы белгі беру және байланыс дистанциясының шеберханасында 1903 жылы Германияда жасалған «Niles» станогы әлі күнге жұмыс істеп тұр.
Қолданысқа енгеніне бір ғасырдан асқан станоктың музей қорынан орын алуына құқы бар. Тарихи жәдігер ғой. Дистанция алғаш ашылғанда осында орналастырылған станоктың әлі жұмысқа жарамды болуының басты себебі – күтімді ұсталуында. Соның арқасында, ескі болғанмен, осы қарапайым темір бұйым арқылы шеберлер өндіріске қажетті қосалқы бөлшектерін жасап алып жүр.
«Niles» станогының «тілін тапқан» токарь Қуат Нәбидің айтуынша, көне құрылғымен әлі күнге кез келген темірден қажетті затыңды оп-оңай жонып алуға болады. Дистанцияның электроматор және электрожетек жөндеу цехында құрылғыларды жөндеуші болып еңбек етіп жүрген қазалылық жігітті қарапайым станок та әлі ұятқа қалдыра қоймапты.
<blockquote>
 “Маған берілген тапсырма бойынша үлкенді-кішілі бөлшектерді әзірлеймін. Алдымен бөлшекті жасайтын темір таңдап алынған соң станоктың өлшемдерін қолмен ретке келтіремін. Ескі станок болғандықтан кейде жұмыс кезінде сәл-пәл ауытқу болғаны байқалады. Ондай сәтте құрылғыны бастапқы өлшем бабына қайта келтіріп аламын. Негізінен бекітпе бұрандаларды дайындауға көп тапсырыс беріледі. Қазір станоктың жұмысын толық меңгердім. Жыл өткен сайын тәжірибе жинақтап, темірден заттарды жонып шығаруға ізденіс жасап, әріптес­терімнің тапсырысын аз уақыт ішінде жасауға дағдыланып жүрмін. Әзірге тапсырыспен жасалған бөлшектерге қатысты ескерту алмаппын”, – дейді темір ұстасы Қуат Нәби.
</blockquote>

Қазалыда 117 жыл бұрынғы станок жұмыс істеп тұр

Kyzylorda-news.kz. Мектеп оқушыларына қашықтан оқуға мүмкіндік беретін компьютерлік техниканы сатып алуға арналған «OQY’SHYNY QOLDA!» Республикалық қайырымдылық акциясы басталады. Бұл туралы ОКҚ өткен онлайн-баспасөз конференциясында ҚР Білім және ғылым министрлігі Балалардың құқықтарын қорғау комитетінің төрағасы Есенғазы Иманғалиев айтты, деп хабарлайды <a href="https://www.inform.kz/kz/mektep-okushylaryna-komp-yuter-satyp-aluga-komektesetin-akciya-bastaldy_a3682272">ҚазАқпарат</a>.
<blockquote>
 «ҚР Білім және ғылым министрлігі «Атамекен» Ұлттық кәсіпкерлер палатасымен, сондай-ақ «Менің Атамекенім» қоғамдық бірлестігімен бірлесіп «Мектепке жол» қоғамдық қозғалысы аясында «OQY’SHYNY QOLDA!» Республикалық қайырымдылық акциясын бастады. Акция компьютерлік техниканы, ноутбуктерді, планшеттерді сатып алуға және оны қайтарымды негізде мұқтаж студенттерге беруге бағытталған. Компьютерлік жабдық демеушілер, меценаттар, еріктілер арқылы сатып алынады. Акция сонымен қатар, балалар мен жекелеген санаттағы отбасыларға жоғары жылдамдықты интернетке қол жеткізуді қамтамасыз етуге бағытталған», – деді Есенғазы Иманғалиев.
</blockquote>
Сонымен қатар, ол барлық қазақстандықтарға, отандық кәсіпорындар мен компанияларға үндеу тастап, барлығын акцияға қатысуға және балаларға қашықтықтан оқытуға көмектесуге шақырды.
<blockquote>
 «Министрлік мектептерде мониторинг жүргізіп, ақылы жабдықты алуда басымдықты анықтау кезінде ескерілетін өлшемдерді атады. Әлеуметтік аз қамтылған отбасы балалары мен жетім балаларға көмек көрсетіледі. Акция аясында жабдыққа тапсырыс беру үшін qoldau.edu.kz арнайы сайты іске қосылды. Сондай-ақ, АӘК алмаған, табысы күнкөріс деңгейінен төмен, ата-анасы мүгедек немесе жалғыз басты, көпбалалы отбасылардың балаларына көмек көрсетіледі», – деп толықтырды комитет төрағасы.
</blockquote>

Мектеп оқушыларына компьютер сатып алуға көмектесетін акция басталды

Kyzylorda-news.kz. Қазіргі таңда кәсіпкерлік саласын дамытуда жан-жақты қолдау бар. Осыған орай Сырдария ауданында кәсібін дөңгелетіп жатқан тұрғындар қатары жетерлік.
Кәсіпкерлік саласын дамыту бағытында Сырдария ауданы Тереңөзек кентінде «Ұн өндіру комбинатын іске қосу» жаңа инвестициялық жобасы жүзеге асырылуда.
Тың жоба Қызылорда облысының 2023 жылға дейінгі экономикалық даму жоспарында бекітілген. Жоба инвесторы – «Аққұм Жер» ЖШС. Құны 80 млн теңгені құрайтын жобаның қуаттылығы – тәулігіне 60 тонна ұн өндіру. Осы жобаның аясында 15 адам жұмыспен қамтылмақшы.
Қазіргі таңда Түркия мемлекетінен өндіріс комбинатына қажетті құрал-жабдықтар алынып, жұмыстар жүргізілуде.

Сырдарияда жаңа жоба іске асырылуда

Kyzylorda-news.kz. Қызылорда қаласында 200 армениялық көлік тіркелді.
Қазақстан Республикасы азаматтарының Армения Республикасында тіркелген жекелеген көлік құралдарын Қазақстан Республикасына әкелуі мен пайдалануының кейбір мәселелері туралы Қазақстан Республикасының Үкіметі қаулысына сәйкес, Қызылорда облысында ағымдағы жылдың 1 маусым – 1 қыркүйек аралығында Мамандандырылған халыққа қызмет көрсету орталығында Армения Республикасынан 2020 жылдың 1 ақпанына дейін әкелінген және Қазақстан азаматтарына тіркелген көлік құралдарын тіркеу жұмыстары жалғасуда.
Армения Республикасынан әкелінген көлік құралдарын Қазақстан Республикасы Салық кодексінің 615, 553-баптарында белгіленген тәртіпте мемлекеттік тіркеу үшін алым мен мемлекеттік баждар төлей отырып, басқару органдары сол жақта орналасқан, Армения Республикасының уәкілетті органдарында Қазақстан Республикасының азаматтарына тіркелген және Қазақстан Республикасына 2020 жылғы 1 ақпанға дейін әкелінген көлік құралдарын тіркеу жүзеге асырылуда.
Маусым айынан бері Қызылорда қаласының 200 тұрғыны Армения Республикасынан әкелінген көлік құралдарын Мамандандырылған халыққа қызмет көрсету орталығына қажетті құжаттарды ұсынып және мемлекеттік баж төлемдерін төлеу арқылы өз көлік құралдарын тіркеді. Есепке алынған машиналарға сары нөмір берілді. Оң жақ рөльді көліктер тіркеуге жатпайды.
Бүгінгі таңда Мамандандырылған халыққа қызмет көрсету орталығында Қызылорда облысы Полиция департаментінің Әкімшілік полиция басқармасының қызметкерлерімен тұрғындарға кеңес беріліп, Call –орталығы (тел: 8-7242-29-77-44) арқылы түсіндірме жұмыстары жүргізілуде. Тіркеу жұмыстарының 1 қыркүйекке дейін жүргізілетіндігін ескере отырып, Қызылорда облысының Полиция департаменті тұрғындардан Армения Республикасынан әкелінген автокөліктерді тіркеп үлгеруін сұрайды.

200 қызылордалық Армениядан әкелінген көліктерін тіркеді

Kyzylorda-news.kz. Бүгін Арал ауданаралық ауруханасына «Аралтұз» АҚ мен «Аралсода» ЖШС-нің демеушілігімен алынған медициналық құрал-жабдықтар табысталды.
Арал ауданының әкімі Мұхтар Оразбаев ауруханаға қажетті заттарды алуға ауқымды қаржы бөліп, демеушілік жасағаны үшін компания басшыларына аудан халқының атынан алғысын жеткізді. Сонымен қатар, аудан басшысы халықтың саулығы үшін қызмет етіп жүрген ақ халатты жандардың жұмыстарына табыс тіледі.
Аралтұз АҚ мен «Аралсода» ЖШС бюджетінен бөлінген 50 миллион теңге көлеміндегі ақшалай қаражатқа ауданның провизорлық стационарларының қажеттіліктері анықталып, керекті медициналық құралдар мен материалдар алынды. Қайырымдылық көмек аясында 23 оттегі концентраты, 200 медициналық төсек пен 400 төсек орын жабдығы, 200 медициналық қорғаныс құралы мен маска жиынтықтары табыс етілді. Көмек көрсетудің келесі кезеңінде, яғни, қыркүйек айында 2 жедел жәрдем машинасы, 100-ден астам газ баллон, сәулелендіргіш, медициналық функционалды төсек ауруханаға берілетін болады.
Айта кетейік, ауруханаға берілген төсек жабдықтарының барлығы «Арал қаласы бойынша мүмкіндігі шектеулі мүгедектерді қолдау мен қорғау бірлестігінің» төрайымы Индира Жұмашеваның тігін шеберханасында тігілген.
<blockquote>
 «Біз бәріміз де Қазақстанда тұрып, жұмыс істеп жатырмыз. Бұл біздің үйіміз. Осында менің жақындарым, менің балаларым өмір сүреді.Әлеуметік жауапты компанияның басшысы ретінде мен де ұжым да қалыс қала алмаймыз. Арал ауданында шұғыл медициналық қажеттіліктердің бар болғанын түсіне отырып ,аудандық аурухана үшін медициналық жабдықтарды сатып алуға шешім қабылдадық. Компания тобы Арал тұрғындарына барынша көп қолдау мен көмек көрсетуге тырысуда», – дейді «Аралтұз» АҚ Президенті Айдынбек Тауасаров.
</blockquote>
<img src="https://kyzylorda-news.kz/wp-content/uploads/2020/08/fb_img_1597138310023.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597138313449.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597138303890.jpg" alt="" />

Арал ауданаралық ауруханасына медициналық құрал-жабдықтар табысталды

Kyzylorda-news.kz. Қызылордалық полицейлер “Құқық тәртібі” шарасының кезінде 1800-дей әкімшілік құқық бұзушылықты анықтады.
Қызылорда облысы аумағында қоғамдық қауіпсіздікті қамтамасыз ету, қылмыстар мен құқық бұзушылықтардың алдын алу және ескерту мақсатында Қызылорда облысы Полиция департаментімен облыс көлемінде “Құқықтық тәртібі” жедел профилактикалық іс-шарасы өткізілді.​
Іс-шара барысында қоғамдық орындар мен қала көшелерінде құқық бұзушылықтардың алдын алу және жолын кесу бойынша қосымша шаралар қабылданып, жаяу жасақтардың патрульдеуі күшейтілді. Департаменттің 500-ге жуық қызметкерлері шараға жұмылдырылып, олармен барлығы 1 мың 763 әкімшілік құқық бұзушылықтар анықталды. Атап айтқанда, Қазақстан Республикасы Әкімшілік құқық бұзушылық туралы кодексінің 73-бабы “Отбасы-тұрмыстық қатынастар аясындағы құқыққа қарсы әрекеттер” бойынша 48 дерек, 127-бабы “Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау” бойынша бес дерек, 200-бап “Қазақстан Республикасы заңнамасының алкоголь өнімін өткізу жөніндегі талаптарын бұзу” бойынша сегіз дерек, 434-бабы “Ұсақ бұзақылық” бойынша 94 дерек, 440-бабы “Алкогольдік ішімдіктерді iшу немесе қоғамдық орындарға масаң күйде келу” бойынша 161 дерек, 442-бабы “Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы” бойынша 94 дерек, 482-бабы “Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы” бойынша үш дерек, 492-бабы “Қазақстан Республикасында тiркеусiз не жеке басты куәландыратын құжаттарсыз тұру” бойынша 529 дерегі, 591-бап “Көлiк құралын басқару кезiнде жүргiзушiнiң телефонды не радиостанцияны пайдалануы” бойынша 162 дерегі, 592-бабы “Белгiленген жүру жылдамдығын арттыру” бойынша 196 дерек, 593-бабы “Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау” бойынша 403 дерек, 596-бабы 3-бөлігі “Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау” бойынша 10 дерегі, 608-бабы “Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру” бойынша 29 дерегі анықталды.
Сонымен қатар, есірткі тасымалдудың екі дерегі, атыс қару тасымалдаудың бес дерегі және суық қару тасымалдаудың 14 дерегі анықталды.
Әкімшілік аймақтағы тұрғындар арасында өткізіліп жатқан іс-шараның маңыздылығын ескере отырып, 1 мың 538 пәтер, 2 мың 677 жеке үйлермен 123 саяжайлар тексерумен қамтылды.
Тәртіп сақшыларымен жүргізіліп жатқан бұл бағыттағы жұмыстар күнделікті жалғасуда.

Қызылордада 2 мыңға жуық құқық бұзушылық анықталды

Kyzylorda-news.kz. Карантин кезіндегі мемлекеттік қолдаудың нәтижесінде Қызылорда облысы тұрғындарының өнім өндіруге деген белсенділігі арта түскен.
Індет өршігелі Қармақшы ауданындағы 3 тойхана иесі бизнестегі бағытын өзгертті. Дүр Оңғар ауылынан ашылған темірбетон өнімдерін шығаратын цех ауыл азаматтарын жұмыспен қамтып, құрылыс материалдарын өндіруге жол ашты.
<blockquote>
 “Өз ауылымызда суға салатын кіші және үлкен лотоктар шығарамыз. Сондай-ақ, қабырға плиталарын шығарып жатырмыз. Автоматтық режимге қойса, зауыттың өнімділігі сағатына 12 куб шығарады”, – дейді серіктестік директорының орынбасары Оралбай Машарапов.
</blockquote>
Ауыл тұрғыны Ерсін Өтеев те өз кәсібін әртараптандыруды көздеп отыр. Ол шеге, тор, тікен сым сынды ауыл шаруашылығына керек өнім түрлерін шығаратын құрылғылар сатып алған. Ол үшін мемлекеттік қолдау аясында жеңіл несие алған. Жалпы, ауданда құны 28 миллион теңге болатын 4 жоба “Қарапайым заттар экономикасы” аясында жүзеге асқан.
<blockquote>
 “Жыл басынан бері 54 кәсіпкерге 296 миллион теңгеге несие алынған. Сондай-ақ, бұл кәсіпкерлер өз жұмыстарын істеп жатыр. Қазірдің өзінде кішігірім цехтардың 27-сін аштық. Болашақта бұл жұмыс жалғасады. Инвестиция 220%-ға, өндіру өнеркәсібі 134%-ға орындалған. Жалпы бізде макроэкономикалық көрсеткіш жақсы жағдайда”, – дейді Қармақшы ауданының әкімі Мұса Қалдарбеков.
</blockquote>
<img src="https://kyzylorda-news.kz/wp-content/uploads/2020/08/fb_img_1597133943587.jpg" alt="" />
Мамандардың айтуынша, карантин кезінде кәсіпкерлердің бірқатары ісін жаңа бағытқа бұра бастаған. Мәселен, оны тойханалардың басқа салаға бейімделе бастауынан көруге болады. 
Аудандағы тойханалардың бірінен тұшпара цехын, тағы бірінде құс шаруашылығын ашуға бетбұрыс жасалуда. Қазіргі таңда жаңа кәсіпке қатысты жобалар дайындауда.
<blockquote>
 “Тағы бір тойхана иесіне бағаны тұрақтандыру мақсатында желілік дүкен аштыруға жұмыс істеп жатырмыз. Оған қоса, кенттегі тойхана қонақ үй есебінде пайдаланылып жатыр”, – дейді Қармақшы аудандық кәсіпкерлік бөлімінің басшысы Еркебұлан Әбдікеров.
</blockquote>
<img src="https://kyzylorda-news.kz/wp-content/uploads/2020/08/fb_img_1597133946443.jpg" alt="" />

Қызылордада тойханалар өндіріс орнына айнала бастады

<a href="https://kyzylorda-news.kz/date/2020/08/11/">Kyzylorda-news.kz.</a> Қазалы ауданында мәслихаттың кезекті LXII сессиясы өтті. Сессияның күн тәртібінде бірнеше мәселе қаралды. Оның ең негізгісі аудан әкімі Мұрат Ергешбаевтың 2020 жылдың І жарты жылдығында атқарған жұмыстарының есебі болды.
Сондай-ақ аудандық мәслихаттың кезекті сессиясында «2020-2022 жылдарға арналған аудандық бюджет туралы» Қазалы аудандық мәслихаттың 2019 жылғы 24 желтоқсандағы №341 шешіміне өзгерістер енгізу туралы, «Кәмелетке толмағандардың істері және олардың құқықтарын қорғау жөніндегі аудан әкімдігі жанындағы комиссияның құрамын бекіту туралы» Қазалы аудандық мәслихаттың 2017 жылғы 31 наурыздағы №102 шешіміне өзгерістер енгізу туралы мәселелер қаралды.
Күн тәртібіндегі алғашқы мәселе бойынша баяндама жасаған аудан әкімі Мұрат Ергешбаев аудан көлемінде жыл басынан бері атқарылған жұмыстарға тоқталды.
<blockquote>
 “Негізінде, әрбір саланың тынымды тірлігінің арқасында аудан экономикасы тұрақты дамып келеді. Нақты дәлел, 2020 жылға нақтыланған бюджет көлемі 24 млрд. 64,8 млн. теңгені құрап отыр. Оның ішінде өз кірістеріміз 1,4 млрд. теңгеге жетті. Ал, 6 айда өнеркәсіп кәсіпорындарында 7 млрд. 378 млн. теңгенің өнімі өндірілді. Жұмыс істеп тұрған шағын және орта кәсіпкерлік субъектілерінің саны да артып, өткен жылмен салыстырғанда 112,8 пайызды құрады. Кәсіпкерлікті қолдау шаралары да біздің назарымыздан тыс қалған емес. Осының нәтижесінде жыл басынан бері аудан кәсіпкерлерінің 231 жобасы бойынша 973,0 млн. теңге несие, грант қаражатын алды”, – деген Мұрат Нәлхожаұлы ауданда «Жол картасы» және «Ауыл – ел бесігі» мемлекеттік бағдарламалары арқылы атқарылып жатқан жұмыстарды да тілге тиек етті.
</blockquote>
<img src="https://kyzylorda-news.kz/wp-content/uploads/2020/08/117444411_2822651884622407_3383184649054439612_o.jpg" alt="" />
Аудандық мәслихат сессиясында алғашқы жартыжылдықтағы ауданның әлеуметтік-экономикалық дамуының қорытындылары туралы есеп берген аудан басшысы алда тұрған міндеттер жөнінде жан-жақты баяндады.
Аудан әкімінің баяндамасынан соң аудандық мәслихат депутаттары Қасқырбек Мәмбетжан мен Ләззат Ізбасқанова туған жерде атқарылып жатқан жұмыстарға оң бағасын беріп, сайлаушылардың атынан алғыс айтты.
Сессия отырысында көтерілген өзге де мәселелер жайында хабарламашылар тыңдалып, аудандық мәслихат депуттары тарапынан оң шешім тапты.
<img src="https://kyzylorda-news.kz/wp-content/uploads/2020/08/117342056_2822651984622397_2972215267211692693_o.jpg" alt="" />

Қазалыда кәсіпкерлік субъектілерінің саны артты

<a href="https://kyzylorda-news.kz/date/2020/08/11/">Kyzylorda-news.kz.</a> Өңірде жастар күніне орай «Жастар апталығы» жарияланды. Бұл туралы Өңірлік коммуникациялар қызметінің ақпарат алаңында өткен брифингте облыстық “Жастар ресурстық орталығы” КММ-нің директоры Бауыржан Мастеков мәлімдеді.
<blockquote>
 «Жастар апталығында түрлі форматтағы 72 шара карантиндік режимді сақтай отырып, өткізіледі. Бұған қоса, жастар саясатының ақпараттық бағыттағы жұмыстарын күшейту мақсатында «Syr zhastary» сайты іске қосылады. Аталған интернет ресурсына өңір жастарына қатысты күнделікті ақпараттар мен жаңалықтар жарияланады. Көшбасшылар жайлы тың мәліметтер, қажетті кітап қорының электронды нұсқасы да қамтылатын болады. Жастардың қызығушылығын анықтау мақсатында сауалнамалар ұйымдастыру тетігі де қарастырылған. Сондай-ақ, Сыр жастары «Birgemiz: Asyl Mura» бағыты бойынша Қоғалыкөл іргесіндегі «Қыш қала» археологиялық аймағына экскурсия ұйымдастыруда. Себебі, төл тарихтың парақтарын ақтара отырып, әрбір азамат туған өлкесінің тарихын білуі керек»,-деді Бауыржан Қайырбекұлы.
 «Еліміздің өсіп-өркендеуіне орасан үлес қосып жүрген өңір жастарын айтулы мерекемен құттықтаймын. Сонымен қатар, жастар күніне орай өтетін шаралар легі карантиндік талаптарды сақтай отырып, жастарды белсене қатысуға шақырамыз»,- деді облыстық жастар саясаты мәселелері басқармасының басшысы Қуаныш Қуантқанұлы. 
</blockquote>
<img src="https://kyzylorda-news.kz/wp-content/uploads/2020/08/117806372_1086450791750432_8222108555505790036_o.jpg" alt="" />

Қызылордада жастар күні қарсаңында жаңа сайт іске қосылады

<a href="https://kyzylorda-news.kz/date/2020/08/11/">Kyzylorda-news.kz.</a> Қызылорда облысының денсаулық сақтау басқармасының басшысы Пазилов Сабит Бексеитұлы Арал ауданына жұмыс сапарымен барды.
Алдымен Арал ауданаралық ауруханасының жұмысымен танысқан басқарма басшысы аурухананың қазіргі ахуалымен, оның ішінде провизорлық, инфекциялық стационар жұмыстарына қанықты.
210 төсек орынға арналған Арал ауданаралық ауруханасында 1440 қызметкер жұмыс жасайды. 
Сондай-ақ, 100 провизорлық төсек орын, 20 инфекциялық төсек орын ұйымдастырылған.
Қазіргі таңда провизорлық стационарда 18 науқас ем алып жатса, инфекциялық стационарда ем алып жатқан науқас жоқ.
Эпидемиологиялық ахуал басталғалы бері провизорлық стационарда 225 науқас емделіп шықса, инфекциялық стационарда аудан бойынша 52 науқас емделіп шықты. 
Ауруханада 9 ИВЛ аппараты, 33 кислородты концентраторы бар. Аурухана 2017 жылы жаңа типтік ғимаратқа көшкен.
Одан соң, басқарма басшысы Сабит Бексеитұлы Сексеуіл ауылдық ауруханасына да барды. 25 төсек орынға арналған Сексеуіл ауылдық ауруханасында 15 емдеу бөлімі, 10 балалар бөлімі бар. Одан бөлек 20 провизорлық орын ашылған.
40 қызметкер жұмыс жасайтын ауруханада айына 70 науқаска дейін жоспарлы және шұғыл емделіп шығады. 
Эпидемиологиялық ахуал басталғалы бері провизорлық стационарда 60 науқас ем алып шықты. Ауылдық ауруханада 4 оттегі концентраторы бар.
Бүгінде Арал ауданында ахуал тұрақты. Кезекті жұмыс сапарымен жол тартқан басқарма басшысы ауданның ахуалды артта қалдырғаны, яғни коронавирус жұқтырып емделіп жатқан науқастың жоқтығы қуантарлық оң жайт екенін атап өтіп, дей тұрғанмен босаңсымай, алдағы уақытта індетпен күресте аянбай еңбек етуді тапсырды.

Қазақстан және Қызылорда облысының жаңалықтары

Өңірдегі бюджеттік түсім көрсеткіштері баяндалды

Медиация – дауды шешудің ең тиімді тәсілі

Қазалыда 117 жыл бұрынғы станок жұмыс істеп тұр

Мектеп оқушыларына компьютер сатып алуға көмектесетін акция басталды

Сырдарияда жаңа жоба іске асырылуда

200 қызылордалық Армениядан әкелінген көліктерін тіркеді

Арал ауданаралық ауруханасына медициналық құрал-жабдықтар табысталды

Қызылордада 2 мыңға жуық құқық бұзушылық анықталды

Қызылордада тойханалар өндіріс орнына айнала бастады

Қазалыда кәсіпкерлік субъектілерінің саны артты

Қызылордада жастар күні қарсаңында жаңа сайт іске қосылады

Арал ауданында эпидахуал тұрақты

Қазақстан және Қызылорда облысының жаңалықтары

Өңірдегі бюджеттік түсім көрсеткіштері баяндалды

Медиация &#8211; дауды шешудің ең тиімді тәсілі

Қазалыда 117 жыл бұрынғы станок жұмыс істеп тұр

Мектеп оқушыларына компьютер сатып алуға көмектесетін акция басталды

Сырдарияда жаңа жоба іске асырылуда

200 қызылордалық Армениядан әкелінген көліктерін тіркеді

Арал ауданаралық ауруханасына медициналық құрал-жабдықтар табысталды

Қызылордада 2 мыңға жуық құқық бұзушылық анықталды

Қызылордада тойханалар өндіріс орнына айнала бастады

Қазалыда кәсіпкерлік субъектілерінің саны артты

Қызылордада жастар күні қарсаңында жаңа сайт іске қосылады

Арал ауданында эпидахуал тұрақты

Медиация – дауды шешудің ең тиімді тәсілі