<a href="https://kyzylorda-news.kz/">Kyzylorda-news.kz</a>. Алайда шара басталмай жатып оның төңірегіндегі дау басылмай келеді, деп хабарлайды «Хабар 24».
Мәселен, бір күн қалғанда ашылу салтанатына жауапты режиссер қызметінен босатылды. Гвинея құрамасы шараға қатысудан бас тартты. Десе де, ұйымдастырушылар бәрі ойдағыдай өтіп, Токиодағы Олимпиада үміт пен бірліктің нышанына айналады деп отыр.
Токиодағы Олимпиада ойындары төңірегінде шу көп болды. Тұрғындардың біразы бір жылға шегерілген дүбірлі доданы тағы да кейінге қалдыру керек еді деген пікір білдірді. Соңғы әлеуметтік сауалнама нәтижелері көрсеткендей, халықтың 55%-і жарысқа қарсы екенін айтқан. Бір жағынан олар денсаулығына алаңдайды. Одан бөлек, шараның жергілікті тұрғындар үшін еш пайдасы жоқ дейді. Өйткені шетелдік көрермендер келмегесін туристерден табыс түспейді. Осы ретте наразылық акциялары әлі де басылмай тұр.
Енді бір топ Олимпиада ойындарын асыға күткенін айтып, спортшыларға жылы лебіздерін білдіріп жатыр.
Осы шара басталмай жатып түрлі жанжалдар шыққан еді. Соңғысы Олимпиада ойындарының ашылу салтанатындағы режиссермен байланысты. Ол доданың ресми басталуына бір күн қалғанда қызметінен босатылды. Бұған 23 жыл бұрын холокост туралы айтқан әзілі түрткі болды. Жуырда ашылу салтанатындағы бас композиторлардың бірі де сұхбатында кезінде мүмкіндігі шектеулі жандарды кемсіткені туралы айтып, отставкаға кетті. Аңдамай сөйлегені үшін көктемде Олимпиаданың креативті директоры мен ұйымдастыру комитетінің бірінші жетекшісі де қызметтерінен айырылған.
Одан бөлек, спортшылар Олимпиада қалашығындағы жағдайға шағымданып жатыр. Мәселен қайта өңделген қатты қағаздан жасалған төсектер көбінің көңілінен шықпағанға ұқсайды. Алайда әкімшілік бұл Жапонияның қоршаған ортаны қорғау бағытында ұстанып отырған саясатымен үндесетінін жеткізді. Тағы бір жанжал Угандадан келген спортшыға байланысты. Қонақ үйде ПТР-тест алар алдында оның қашып кеткені белгілі болды. Атлет Отанындағы қиын жағдайға байланысты үйіне қайтқысы келмейтіні туралы хат қалдырған. Алайда полицейлер оны тауып алып, Угандаға депортациялады.
Ал Гвинея құрамасы Олимпиада ойындарына қатыспайтын болды. Негізі Африкадағы бұл елден 5 спортшы келу керектін. Алайда билік эпидемиологиялық ахуалға байланысты атлеттердің денсаулығына алаңдайтынын жеткізді. Кейбір ақпарат құралдарының хабарлауынша, бұл қаржы тапшылығына байланысты қабылданған шешім болуы мүмкін.
<blockquote>
 «Гвинея билігі неге мұндай шешім қабылдады екен? Ұйымдастырушы ел Жапонияның өзі коронавирустан қорықпай, ойындарды өткізіп жатқанда біздің мемлекет неліктен бас тартты деген сұрақ маза берер емес», – дейді спортшы Фатумата Яри Камара.
</blockquote>
Коронавирус демекші, соңғы дерек бойынша Токиода бір күнде дерт жұқтырудың 1979 жаңа дерегі тіркелген. Бұл кейінгі жарты жылдағы ең үлкен көрсеткіш. Ал Олимпиада ойындарының қатысушыларына келсек, спортшылар мен делегаттар арасындағы вирус жұқыру оқиғалары 100-ге таяп қалды. Алайда ұйымдастырушылар алаңдауға негіз жоқ екенін айтады.
<blockquote>
 «Әлемде коронавирус жұқтыру оқиғалары тіркелмеген жер қалмады. Сондықтан жаңа деректердің пайда болары түсінікті. Ең бастысы – оларды тез анықтап, науқастарды оқшаулау керек. Ойындардың қауіпсіз өтуі үшін осы жайт маңызды», – дейді Токио 2020 ұйымдастыру комитетінің өкілі Хидэмаса Накамура.
</blockquote>
Ұйымдастырушылар Токиодағы Олимпиада ойындарының ашылу салтанаты алдында дайындық жұмыстарын пысықтап жатыр. Оған&nbsp; 950 ресми тұлға қатысатыны белгілі болды. Арасында 15 мемлекет пен халықаралық ұйымдардың басшылары бар. Стадионға жанкүйерлер жіберілмейді. Дүбірлі додаға қатысты теріс пікірлерге қарамастан, Жапония билігі де, ұйымдастырушылар да, барлығы ойдағыдай өтетініне сенімді. Халықаралық Олимпиада комитетінің басшысы Томас Бахтың айтуынша, бұл шара пандемияны еңсеретінімізге сенім ұялатып, үміт пен бірліктің нышанына айналуы тиіс. Басы қатты болса, аяғы тәтті боларына біз де сенейік!

Токио-2020: Олимпиада ойындарының ашылу салтанатына санаулы сағаттар қалды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2427 адам коронавирус індетінен емделіп шықты. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp; хабарлайды.
Аймақтар бойынша:
Нұр-Сұлтан қаласы – 237,
Алматы қаласы – 524,
Шымкент қаласы – 228,
Ақмола облысы – 119,
Ақтөбе облысы – 190,
Алматы облысы – 70,
Атырау облысы – 168,
Жамбыл облысы – 35,
Батыс Қазақстан облысы – 82,
Қарағанды облысы – 237,
Қостанай облысы – 97,
Қызылорда облысы – 43,
Маңғыстау облысы – 156,
Павлодар облысы – 115,
Солтүстік Қазақстан облысы – 86,
Түркістан облысы – 40.
Қазақстан бойынша жазылғандар саны – 441437.

COVID-19: Қызылордада 43 адам емделіп шықты

<a href="https://kyzylorda-news.kz/">Kyzylorda-news.kz</a>. Байқоңыр қаласының аумағында коронавирус инфекциясының таралуының алдын алу бойынша шектеу шараларының режимі 2021 жылғы 16 тамызда 00.00 сағатқа дейін ұзартылды,&nbsp;деп хабарлайды&nbsp;ҚазАқпарат.
Ресейдің «Байқоңыр» федералды биомедициналық агенттігі кешенінің аймақтық басқармасының күнделікті ақпаратына сәйкес, соңғы уақытта аурудың айтарлықтай өсуі байқалады.
Егер 2021 жылдың шілдесінің басында коронавирус жағдайларының жалпы саны (пандемия басталғаннан бері) 1465 болса, 21 шілдеде бұл көрсеткіш 1633-ке жетті.
Яғни, өткен үш аптада Байқоңырда 165 адам коронавируспен ауырған. 20 шілдеде бір күнде 33 КВИ жағдайы тіркеліп, антирекорд орнады.
Қазіргі уақытта инфекциялық стационарда 38 адам емделіп жатыр. Соңғы 20 күн ішінде 4 адам қайтыс болды: Covid-19 диагнозынан 87 байқоңырлық көз жұмды.
Байқоңыр қаласының әкімшілігі карантинді ұзартумен қатар, өзінің жаңа қаулысымен қоғамдық тамақтандыру қызметін көрсететін шағын және орта кәсіпкерлік субъектілерінің жұмысына белгіленген шектеуге өзгерістер енгізді.
Қызметтерді тек верандалар мен террастардағы жабық залдардан тыс жерде әйнексіз және жұмыс режимін 23 сағатқа дейін шектемей көрсетуге болады.
Бұл ретте верандалар мен террастардың үстел арасы кемінде 1,5 метр қашықтықта отыратын орындардың жалпы санынан 50%-дан аспайтын және келушілердің үстел басында 4 адамнан аспайтын отырғызылуы қамтамасыз етілуі тиіс.
Қаланың жедел штабы Байқоңырда бұрын жарияланған және қолданыстағы барлық шектеу іс-шаралары сақталатынын атап өтті.

Байқоңырда карантин 16 тамызға дейін ұзартылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6119 адамда коронавирус індеті ПТР арқылы расталып ауырғаны белгілі болды. Бұл туралы <a href="http://www.coronavirus2020.kz/">www.coronavirus2020.kz</a>&nbsp;хабарлайды.
Аймақтар бойынша:
Нұр-Сұлтан қаласы – 1381,
Алматы қаласы – 996,
Шымкент қаласы – 488,
Ақмола облысы – 189,
Ақтөбе облысы – 230,
Алматы облысы – 230,
Атырау облысы – 489,
Шығыс Қазақстан облысы – 78,
Жамбыл облысы – 105,
Батыс Қазақстан облысы – 235,
Қарағанды облысы – 794,
Қостанай облысы – 156,
Қызылорда облысы – 129,
Маңғыстау облысы – 205,
Павлодар облысы – 203,
Солтүстік Қазақстан облысы – 110,
Түркістан облысы – 101.
Жалпы ел бойынша ауырғандар саны 516117.
Еске салсақ, 22 шілдедегі мәлімет бойынша бір тәулікте&nbsp;<a href="https://www.inform.kz/kz/elimizde-bir-taulikte-5708-adamnan-koronavirus-anyktaldy_a3814747">5708 адамна</a>н ал 21 шілдедегі мәлімет бойынша&nbsp;<a href="https://www.inform.kz/kz/elimizde-koronaviruspen-auyrgandar-sany-zharty-millionnan-asty_a3814341">5179 адамнан</a>&nbsp;коронавирус анықталған еді.

Қызылордада 129 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. «Қазгидромет» болжамына сенсек, ертең 23 шілдеде республиканың басым бөлігінде атмосфералық фронттардың әсерінен тұрақсыз ауа райы сақталады. Ел аумағында жаңбыр, батыста нөсер жауын жауады.
Тек еліміздің солтүстігі мен оңтүстігінде жауын-шашын жаумайды, күн ашық болады. Батыста және оңтүстікте кей жерлерде шаңды дауыл күшейеді, республиканың батысы мен шығысында бұршақ жауады.
Қызылорда облысының басым бөлігінде аптап ыстық болады.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Украина ұлттық аграрлық ғылымдар академиясының академигі Николай Безуглый бастаған украиналық делегациямен кездесіп, аграрлық саладағы, оның ішінде күріш өсіру бойынша әріптестік мүмкіндіктерін талқылады.
Кездесуге «Ы.Жақаев атындағы Қазақ күріш шаруашылығы ҒЗИ» директорының міндетін атқарушы Нурбол Аппазов, «Ер-Әлі» ЖШС директоры Әліби Бекжанов және украиналық ұйымдардың өкілдері қатысты.
Аймақ басшысы Сыр еліне арнайы келген делегаттарға алғыс айтып, Қызылорда облысы табиғи-климаттық жағдай бойынша Украинаның күріш өсіруші оңтүстік аймақтарымен ұқсас екенін атап өтті.
<blockquote>
 «Аймағымыз республика бойынша күрішке қажеттіліктің 90%-ын қамтамасыз етеді. Соңғы жылдары шаруаларымыз рекордтық өнім алып жүр. Мәселен, 2020 жылы 500 мың тоннадам астам астық жиналды, күріш өнімділігі 61,8 цн/га құрады. Одан бөлек, басты дақылымыз әлемнің 10 еліне экспортталуда», – деді Гүлшара Әбдіқалықова.
</blockquote>
Атап өтейік, өткен жылы Украинаға Қызылорда облысынан 5,8 мың тонна күріш сыртқы нарыққа жіберіліп, экспорт көлемі 1,6 млн.долларды құрады. Ағымдағы жылдың 5 айында 1.5 млн.долларға 4,4 мың тонна күріш шығарылды.
Облыс әкімі аймақта негізінде ресейлік «Янтарь», «Лидер», «Новатор» сорттарымен қатар жергілікті «Маржан», «Әй-Керім», «Сыр сулуы» өсірілетінін ескертті.
<blockquote>
 «Мұнан бөлек, өткен жылдан бастап Жалағаш ауданындағы «Ер-Әлі» шаруашылығында украиналық «Виконт», «Фагот» және «Премиум» сорттары сынамадан өтті. Нәтижесі жаман емес. Күріш өнімділігі шамасымен 90 ц/га құрады. Биыл жаңа сұрыптар 160 гектар жерге отырғызылды», – деп атап өтті аймақ басшысы.
</blockquote>
Өз кезегінде, академик Безуглый Украина күздік бидайды өсіру бойынша көшбасшы елдердің үштігінде екенін атап өтіп, бұл дақылды өңірімізде өсіруді ұсынды.
<blockquote>
 «Біз әріптестік орнатуға мүдделіміз. Жақын арада Қазақстан делегациясының Украинаға тәжірибе алмасуға келуі жоспарланған, сіздерді де елімізге келуге шақырамын. Дәнді дақылдарды өсіру технологиялары мен жоғары өнімді сұрыптармен бөлісуге дайынбыз», – деді делегация басшысы.
</blockquote>
Кездесуді қорытындылаған облыс әкімі украиналық әріптестерінің жұмысына сәттілік тілеп, тиімді өңіраралық әріптестік орнатылуына сенім білдірді.
Айта кетейік, украиналық делегация бүгін «Ы.Жақаев атындағы Қазақ күріш ҒЗИ» басшылығымен өзара әріптестік мәселелері бойынша келіссөз жүргізетін болады және ертең Қызылорда облысының ауылшаруашылық тауар өндірушілерімен кездеспек.

Облыс әкімі украиналық делегациямен аграрлық саладағы негізгі мәселелерді талқылады

<a href="https://kyzylorda-news.kz/">Kyzylorda-news.kz</a>. Бүгін “Наука” көп мақсатты зертханалық модулінің ұшуға дайындығы жөнінде қорытынды шығарылды.&nbsp;
“Наука” ғарышкерлердің Халықаралық ғарыш станциясы бортындағы зерттеу бағдарламасын кеңейтуге мүмкіндік береді. Ғылым және әлеуметтік саладағы жаңа бағдарламаларды іске асыруға мүмкіндік беріп, ресурстарды арттырады.
Кешен Байқоңырдан ұшпас бұрын 700 рет сыналды. Электрлік тексеру мен вакуумдық камерадағы сынақ жүргізілді, деп хабарлады “Энергия” зымыран-ғарыш <a href="https://sputnik.kz/video/20210722/17660492/Bayqonyr-video.html">корпорациясында.</a>

Байқоңырдан &#8220;Наука&#8221; кешені ұшырылады

<a href="https://kyzylorda-news.kz/">Kyzylorda-news.kz</a>. Биылдан бастап тұтынушылардың құқықтарын қорғаудың мобильді қосымшасы жұмыс істеуде. Бірыңғай ақпараттық жүйе тұрғындар үшін өз тиімділігін беруде. www.e-tutynushy.kz қосымшасы арқылы әр тұрғын өзінің бұзылған құқықтары туралы мәлімдеме тастай алады. Уәкілетті органға хабарласпас бұрын тұтынушы мәселені сатушымен тікелей шешуге тырысуы керек. Алайда, егер 10 күн ішінде сатушы шағымға жауап бермесе, ол уәкілетті органға жүгінеді.Бұл жүйені пайдалану арқылы тұтынушы мен сатушының уақытын үнемдеуге жол ашады.
Тұтынушылардың құқықтарын қорғау комитетінің Қызылорда облысы бойынша департаментінің басшысы Ерқасым Сүлейменовтің айтуынша, бүгінде мобильді қосымша арқылы 19 арыз кеп түскен, оның 16-ы қанағаттандырылды, 3-не түсіндірме жасалды.
Осы орайда айта кету керек, көбіне тұрғындар тұтынушы міндетін жете түсіне бермейді. Сатып алынған барлық заттар көңіліңізден шықпаса, 14 күн ішінде кері қайтаруға болады. Кейбір санат бойынша кері қайтарылмайтын заттар бар. Олар, дәрілік заттар мен медициналық бұйымдарды, ішкиімді, шұлық-ұйық бұйымдарын, жануарлар мен өсімдіктерді, метрлеп сатылатын тауарларды, атап айтқанда, барлық түрдегі талшықтардан жасалған маталарды, тоқыма және перделікке не матаны, жасанды теріні, кілем бұйымдарын, тоқыма емес материалдарды, ленталарды, шілтерді, таспаны, сымдарды, бауларды, кәбілдерді, линолеумды, багетті, пленканы, клеенканы,ұялы байланыстың абоненттік құрылғысы. Бірақ, сапасыз дүние болса, онда оны міндетті түрде айырбастауға болады.
Сондай-ақ, алдағы уақытта тұтынушылар Ассоциациясы құрылмақ. Тұтынушылардың құқығын қорғау жөніндегі Омбудсмен институтын енгізудің концепциясы бекітілуде. Онда тұтынушыларды қорғауға жәрдемдесу, насихаттау және түсіндіру басты мақсат боп табылады. Омбудсменнің негізгі функцияларына – жекелеген азаматтардан, заңды тұлғалардан және ұйымдардан шағымдарды қабылдау және қарау, елдегі тұтынушылар құқықтарының жағдайына мониторинг жүргізу, ұсынымдар дайындау жатады. 
Бұл туралы толығырақ Өңірлік коммуникациялар қызметінде өткен баспасөз конференциясында айтылды.

Алған затыңыз көңіліңізден шықпаса, 14 күн ішінде кері қайтаруға болады

<a href="https://kyzylorda-news.kz/">Kyzylorda-news.kz</a>. Қазалы ауданында ауыл шаруашылығы саласында 4,4 млрд. теңгенің өнімі өндірілді. Бұл көрсеткіш өткен жылмен салыстырғанда 2,7 пайызға өсті. Бұл салаға жыл басынан бері 403,2 млн. теңгеден астам субсидия төленіп, 38,7 млн. теңге инвестиция тартылды.
Биыл аудан бойынша 17 090 га жерге ауыл шаруашылығы дақылдары егілді.
<blockquote>
 «Өздеріңіз білетіндей, біздің аудан ауыл шаруашылығына бейімделген аймақ.Биылғы жыл шаруалар үшін қиын жыл болып тұр. Қыста қардың аз түсуі, көктемде жауын-шашын болмауынан Сырдария өзеніндегі су көлемі төмен деңгейде. Салдарынан еліміздің бірқатар аймақтарында, оның ішінде біздің өңірімізде де қуаңшылық орын алып отыр. Бұл негізгі кәсібі егін және мал шаруашылығы болып табылатын аудан шаруалары үшін үлкен қиыншылық тудыруда.Алдын ала жүргізілген есепке сәйкес мал қыстату науқанына аудан бойынша 142 мың тонна шөп, 28,6 мың тонна жем қажет. Ауданымызға қажетті шөптің 65 пайызын, ал жемнің 20 пайызын өздігімізден қамтамасыз етіледі деп күтілуде. Жем-шөптің жетіспейтін бөлігін өзге аудандардан тасымалдау жұмыстарын ұйымдастыратын боламыз»,-деді Қазалы ауданының әкімі Мұхтар Оразбаев.
</blockquote>
Сондай-ақ, аудан аумағында мал азығын қымбаттатпау және мал шаруашылығы өнімдерінің бағасын тұрақтандыру жөнінде аудандық штаб құрылды.Бұған қоса, көршілес ауданның шаруа қожалықтарымен шөп дайындауға меморандумға отырған.
<blockquote>
 «Жақында аудандық штаб отырысы өткізіліп, онда алты шаруа қожалықтармен меморандумға қол қойылды. Ауылдық округтерден 15 шөп дайындау бригадасы жасақталынып, қол орақпен дайындалатын шөп көлемі белгіленді.Сонымен қатар, қазіргі таңда «Жалаңтөс батыр» және «Сыр Маржаны» ЖШС-нен көршілес Арал ауданының тұрғындарынан жасақталған бригадалар келіп, шөп дайындау жұмыстарын жүргізуде»,-деді аудан әкімі Мұхтар Әуесұлы.
</blockquote>
Сонымен қатар, жыл басынан бері Ресей, Украина, Қырғызстан, Ирак, Тәжікстан, Монғолия елдеріне 1 678,2 тонна ауыл шаруашылығы өнімі экспортталды.

Қазалы: 17 090 гектар жерге ауыл шаруашылығы дақылдары егілді

<a href="https://kyzylorda-news.kz/">Kyzylorda-news.kz</a>. Әлемді шарлаған індеттен арылудың бірден бір жолы-екпе салдырту екенін дүние жүзі мойындап отыр. Осы орайда тұрғындарды коронавирусқа қарсы екпе салдыруға белсене атсалысуға шақырамыз. Бұл туралы Өңірлік коммуникациялар қызметінде өткен баспасөз конференциясында №3 қалалық емхананың бөлім меңгерушісі Жанерке Жақсылық мәлімдеді.
<blockquote>
 «Адамдардың көпшілігі вакцинаны ешқандай ерекше белгісіз өткізеді. Ал, кей адамдарда инъекция орнында аздап ауырсыну, қызару немесе ісіну, әлсіздік болуы мүмкін. Кейде дененің қызуы көтерілуі, аздап қалтырау, жүрек айну және лимфа түйіндерінің шамалы ұлғаюы мүмкін. Мұның бәрі иммунитетті қалыптастырудағы қалыпты реакциялар. Қазіргі уақытта вакцинацияланған адам басқаларға қауіп төндірмейді. 
 Вакцинаның екінші компонентін салдырмаса, адамда иммунитет қалыптаспайды. Өйткені екеуінің құрамы екі түрлі. Сондықтан бір-бірінсіз адамның бойында иммунитет қалыптаспайды. Екінші компонентін міндетті түрде салдыру керек. 
 Соңғы уақытта өңірдегі вирус деңгейінің күрделеніп, үнділік Дельта штамм белгілерінің таралуы себепті көпшілікті сақтық шараларын қатаң сақтауға шақырамыз. Қазір вирустың мутацияланған белгілері анықталуда. Індетті жеңу үшін ұжымдық иммунитетті қалыптастырып, тұрғындарды белсенді түрде екпе егу жұмыстарына шақырамыз»,-деді Жанерке Алмасқызы.
</blockquote>

Вакцинаның екінші компонентін салдырмаса, адамда иммунитет қалыптаспайды

<a href="https://kyzylorda-news.kz/">Kyzylorda-news.kz</a>. 2020 жылғы Токио Олимпиадасы Қазақстанда тікелей эфирде көрсетіледі, деп хабарлайды Vesti.kz.
Қазақстандық арналар Олимпиаданы тарату құқығын сатып алу туралы келісімге келді. Осылайша, ойындарды Qazsport, Qazaqstan және “Хабар” көрсетеді.
Бұған дейін Олимпиада ойындарының трансляциясын тарататын компания Қазақстаннан өте үлкен соманы сұраған болатын.
Еске салайық, Олимпиада ойындары Токиода 23 шілде мен 8 тамыз аралығында өтеді. Қазақстан құрамасында спорттың 27 түрінен 97 лицензия бар. Төртжылдықтың басты додасында барлығы 339 медаль жиынтығы сарапқа салынады.

Токио-2020: Олимпиада Қазақстанда тікелей эфирде көрсетіледі

<a href="https://kyzylorda-news.kz/">Kyzylorda-news.kz</a>. Қазалыда жыл басынан бері 7,6 млрд. теңгенің өнімі өндірілді. Басым бөлігі өңдеу өнеркәсібінің үлесіне тиесілі. Бұл туралы Өңірлік коммуникациялар қызметінің ақпараттық алаңында өткен брифингте Қазалы ауданының әкімі Мұхтар Оразбаев мәлімдеді.
<blockquote>
 «Аудан экономикасы жылдан жылға артып келеді. Мәселен, жыл басында аудан бюджеті 21,6 млрд. теңге болып бекітілсе, алты айда 22,7 млрд. теңгеге жетті. Оның ішінде, өз кірістеріміз 1,9 млрд. теңгені құрады. Бюджетке түсетін салықтар және басқа да міндетті төлемдердің түсімі 799,6 млн. теңгеге жоспарланып, 126,7 пайызға орындалды»,-деді Мұхтар Әуесұлы.
</blockquote>
Аудан бюджетінің кіріс бөлігін ұлғайтудың бірден-бір көзі – жаппай кәсіпкерлікті дамыту. Бүгінде ауданда кәсіпкерлердің саны 5 510-ға жетті.
<blockquote>
 «Жыл басынан бері 636 кәсіпкер тіркелді. Бұл көрсеткіш өткен жылмен салыстырғанда 5,8 пайызға өсті. Бірінші жарты жылдықта түрлі мемлекеттік бағдарламалар аясында 517 адам 2,3 млрд. теңге қайтарымсыз грант пен несие алды. 10 кәсіпкерлік нысан толығымен пайдалануға берілді»,-деді аудан әкімі Мұхтар Оразбаев.
</blockquote>

Қазақстан және Қызылорда облысының жаңалықтары

Токио-2020: Олимпиада ойындарының ашылу салтанатына санаулы сағаттар қалды

COVID-19: Қызылордада 43 адам емделіп шықты

Байқоңырда карантин 16 тамызға дейін ұзартылды

Қызылордада 129 адам коронавирус жұқтырды

Жұмаға арналған ауа райы болжамы

Облыс әкімі украиналық делегациямен аграрлық саладағы негізгі мәселелерді талқылады

Байқоңырдан “Наука” кешені ұшырылады

Алған затыңыз көңіліңізден шықпаса, 14 күн ішінде кері қайтаруға болады

Қазалы: 17 090 гектар жерге ауыл шаруашылығы дақылдары егілді

Вакцинаның екінші компонентін салдырмаса, адамда иммунитет қалыптаспайды

Токио-2020: Олимпиада Қазақстанда тікелей эфирде көрсетіледі

Қазалыда кәсіпкерлік саласы қарқынды дамуда

Қазақстан және Қызылорда облысының жаңалықтары

Токио-2020: Олимпиада ойындарының ашылу салтанатына санаулы сағаттар қалды

COVID-19: Қызылордада 43 адам емделіп шықты

Байқоңырда карантин 16 тамызға дейін ұзартылды

Қызылордада 129 адам коронавирус жұқтырды

Жұмаға арналған ауа райы болжамы

Облыс әкімі украиналық делегациямен аграрлық саладағы негізгі мәселелерді талқылады

Байқоңырдан &#8220;Наука&#8221; кешені ұшырылады

Алған затыңыз көңіліңізден шықпаса, 14 күн ішінде кері қайтаруға болады

Қазалы: 17 090 гектар жерге ауыл шаруашылығы дақылдары егілді

Вакцинаның екінші компонентін салдырмаса, адамда иммунитет қалыптаспайды

Токио-2020: Олимпиада Қазақстанда тікелей эфирде көрсетіледі

Қазалыда кәсіпкерлік саласы қарқынды дамуда

Байқоңырдан “Наука” кешені ұшырылады