<a href="https://kyzylorda-news.kz/">Kyzylorda-news.kz</a> 3 шілде күні таңертең Ресей президенті Владимир Путин Астанаға келді, деп хабарлайды <a href="https://kaz.zakon.kz/kogam-tynysy/6045248-vladimir-putin-astanaa-keld.html">Zakon.kz.</a>Қазақстан үкіметінің баспасөз қызметінің хабарлауынша, Ресей Федерациясының Президенті Владимир Путинді әуежайда Қазақстан Республикасының Премьер-Министрі Олжас Бектенов қарсы алды.Владимир Путин Шанхай ынтымақтастық ұйымының саммитіне қатысады.ШЫҰ-ны 2001 жылы алты мемлекет — Қазақстан, Қытай, Ресей, Қырғызстан, Тәжікстан және Өзбекстан құрған. Кейінірек бірлестікке Иран, Үндістан және Пәкістан елдері қосылды.5 жыл ішінде Қазақстанның ШЫҰ елдерімен тауар айналымы 56,5%-ға өсіп, $66 млрд құрады. 2024 жылғы қаңтар-сәуірде ұйым ішіндегі өзара сауда көлемі $19,1 млрд құрады. Осы кезеңде ҚР мен РФ арасындағы тауар айналымы $7,4 млрд құрады.Ердоған мен Путиннің Астанада Украинадағы қақтығысты реттеу мәселесін талқылауды жоспарлап отырғанын бұған дейін хабарлаған едік.Сурет: primeminister.kz

Ресей Президенті Астанаға келді

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Батыс Қазақстан облысында 2 жасар&nbsp;баланы жылқы теуіп өлтірді. Бұл туралы <a href="https://stan.kz/bko-da-2-zhasar-balani-zhilki-teuip-oltirdi-402736/">Stan.kz</a> ақпарат агенттігі хабарлайды.Оқыс оқиға 30 маусым күні&nbsp;Бәйтерек ауданы,&nbsp;Щапов ауылында болған.Тұрғындардың айтуынша, үйінің есігінің алдында жүрген баланы жылқы тепкен. Оқиғаны көрші әйел көрген. Баланы ата-анасы облыстық көпбейінді балалар ауруханасына жеткізгенмен, алып қала алмаған.Қазіргі кезде оқиғаның жай-жапсары анықталуда.Щапов ауылдық округінің әкімі мен аудандық полиция бөлімі ақпаратты растады.Фото:&nbsp;Нұрболат Нұржаубай

БҚО-да 2 жасар баланы жылқы теуіп өлтірді

<a href="https://kyzylorda-news.kz/">Kyzylorda-news.kz</a> Ә.Тәжібаев атындағы облыстық әмбебап-ғылыми кітапханасында сырбойылық журналистер Қазақстан Журналистер одағына мүшелікке қабылданды. 28 маусым – Байланыс және ақпарат қызметкерлері күніне және облыстың ата басылымы «Сыр бойы» газетінің 95 жылдық мерейтойына орай олар одақтың куәлігі мен төсбелгісіне ие болды. Шараға облыстық қоғамдық даму басқармасының басшысы Алмасбек Есмаханов, ҚР Журналистер одағы облыстық филиалының төрағасы, облыстық «Сыр бойы» газетінің бас редакторы &nbsp;Қуат Шарабидинов, облыстық «Qyzylorda» телеарнасының директоры Нұрбек Әмиша және «Өрлеу»&nbsp;Қызылорда облысы бойынша филиалы директоры Бауыржан Елеусінов қатысты.<blockquote>– Ең алдымен барлығыңызды байланыс және ақпарат қызметкерлері күнімен шын жүректен құттықтаймын. Бұқара мен билік арасындағы алтын көпірге айналған журналистер қауымы қоғамның белді мүшелері десем қателеспеймін. Кәсіби мерекеде марапат төрінен көрініп, одаққа мүше болғалы тұрған жандарды құттықтай келе, еңбекте табысты болыңыздар дегім келеді. Сіздерге шығармашылықтың шыңына жететін күш-қуат тілеймін, – деді басқарма басшысы А.Есмаханов.</blockquote>Биыл мүшелікке қабылданғандардың дені жастар. Олардың қатарында өңірлік коммуникациялар қызметінің бөлім басшысы Нұрай Ақжігіт, облыстық денсаулық сақтау басқармасының баспасөз хатшысы Жанат Жалиева, облыстық «Ақмешіт жастары» газетінің тілшісі Аружан Оралбай, «Qogam TV» телеарнасының редакторы Нұрбол Серікбай және «Qogam TV» телеарнасының дикторы Шапағат Торғаева бар. Сонымен қатар қоғам белсендісі, газет авторы Баймырза Қожамберлиев, Әлімжан Қияс, Шиелі аудандық «Шарайна-Сейхун» газетінің тілшісі Ғазиза Рүстембек және Сандуғаш Рамберді одаққа мүше болды.<blockquote>– Жылдағы дәстүрге айналған іс-шара биылда өз жалғасын тапты. Қалам ұстап, қасиетті мамандықтың бел ортасында жүрген жандарды биыл мүшелікке қабылдау облыстық «Сыр бойы» газетінің 95 жылдығымен тұспа-тұс келіп отыр. Еңбектеріңіз еленіп, қашан да абырой биігінен көрінулеріңізге тілектеспін, – деді облыстық филиал төрағасы Қуат Әбішұлы.</blockquote>Сонымен бірге аталған іс-шарада аймақтың бірқатар журналистері Қазақстан Журналистер одағының марапатына ие болды.Айтар болсақ, БАҚ қызметкерлері арасында өткізілген республикалық конкурста жеңіске жеткен «Kzvesti.kz» ақпараттық агенттігінің шеф-редакторы Мира Жакибаева Қазақстан Журналистер одағы сыйлығының лауреаты атанды. Одан соң «Әлімсақ» және «Ұстаз мәртебесі» басылымдарының редакторы Нұрлан Көбегенұлы одақтың «Алтын медаль» иегері атанды. Бұл марапат биылдан бастап тұңғыш рет беріліп отыр.Сондай-ақ, отандық журналистиканың дамуына елеулі үлес қосқаны үшін бірқатар БАҚ саласының қызметкерлері «Құрмет грамотасымен» марапатталды. Олардың қатарында облыстық облыстық «Кызылординские вести» газетінің меншікті тілшісі Мақсұт Ибрашев, «Ақмешіт жастары» газеті бас редакторының орынбасары Айдана Жұмадинова, «Qyzylorda» &nbsp;телеарнасының арнаулы тілшісі Әкімжан Жолтаев, республикалық «Тіл сақшысы» газетінің жауапты хатшысы Жанар Сыдық, «Ақпарат.KZ»&nbsp; газеті бас редакторының орынбасары Думанай Абдулпаттаева, облыстық «Сыр бойы» газетінің тілшісі Тұрарбек Бекмырзаев және де «Жаңақорған тынысы» газетінің дизайнері Жасұлан Сейдеметов бар.Айта кетейік, Түрік әлемінің ортақ үнін жұртшылыққа жеткізуде қосқан үлесі үшін «Сыр бойы» газетінің жауапты хатшысы Дәуіржан Елубаев халықаралық «ТҮРКСОЙ» ұйымымының Алғыс хатымен марапатталды.Іс-шарада «Өрлеу»&nbsp;Қызылорда облысы бойынша филиалы директоры Бауыржан Елеусінов пен қоғам белсендісі Баймырза Қожамберлиев &nbsp;журналистер қауымын мерекемен құттықтап, шығармашылық табыс тіледі.

Журналистер одағы жаңа құраммен толықты

<a href="https://kyzylorda-news.kz/">Kyzylorda-news.kz</a> Таразда "маугли" отбасы табылды, - деп хабарлайды <a href="https://massaget.kz/">Massaget.kz</a>.Таразда 30 жыл бойы төрт қабырғаға қамалып өскен ағайынды адамдар табылды.<blockquote>"Шамамен 40 жастағы бауырлардың бірі ақыл-есінен айырылса, екіншісі тілден қалған. Үлкені аздап сөйлей алады. Ал інісі еңкейген күйде отыра береді. Олардың қазір тұрып жатқан үйі адамшошырлық күйде", - дейді еріктілер.</blockquote>Қос азамат асты табылса ғана жейді, болмаса шикі өнімдермен жүрек жалғайды екен. "Маугли" атанып кеткен екі азаматқа бұған дейін анасы күтім жасапты. Алайда ол 3 күн бұрын ауруханаға түсіп, ағайындылар қараусыз қалған.Бұл жағдайды көзбен көрген жергілікті әкімдік өкілдері азаматтарға көмектесетін болды. Олар алдымен екеуінің құжатын түгендемек.<blockquote>"Анасы емханадан шыққан соң, оған қамқоршылыққа тағайындауға құжатына көмек беріледі. Бала әрекет істеуге қабілеті жоқ деп танылса, жәрдемақы төлейміз", - деді қалалық жұмыспен қамту және әлеуметтік бағдарламалар бөлімінің басшысы Гауһар Олжабаева.</blockquote>Еске салайық, бұған дейін Алматыдан <a href="https://massaget.kz/basty-zhaalytar-438/88940/">"маугли" балалар табылғаны</a> хабарланды.Фото: Нұрболат Нұржаубай

30 жылдай қамалып өскен: Таразда "маугли" отбасы табылды

&nbsp;<a href="https://kyzylorda-news.kz/">Kyzylorda-news.kz</a> &nbsp;2023 жылдың 1 қаңтарынан бастап 2024 жылдың 1 қаңтарына дейін қолданылатын Салық кодексіне енгізілген өзгертулерге сәйкес, бірқатар тұлғалар активтері мен міндеттемелері туралы декларацияны тапсырудан босатылды. Бұл туралы Stan.kz ақпарат агенттігі хабарлайды.Осылайша, мемлекеттік органдардың қызметкерлері және олардың жұбайлары болатын&nbsp;резидент еместер, сондай-ақ квазимемлекеттік сектор субъектілерінің қызметкерлері және олардың жұбайлары (егер олар Салық кодексінің 630-бабының 1-тармағы 1-тармақшасында көрсетілген тұлғаларға жатпаса) 2023 және 2024 жылдарға арналған активтері мен міндеттемелері туралы декларацияны ұсынудан босатылады.Оларға мыналар кіреді:жауапты мемлекеттік лауазымды атқаратын тұлғалар және олардың жұбайлары; мемлекеттік функцияларды орындауға уәкілеттік берілген адамдар және олардың жұбайлары; мемлекеттік функцияларды орындауға уәкілеттік берілген адамдарға теңестірілген адамдар және олардың жұбайлары;"Қазақстан Республикасындағы сайлау туралы" Конституциялық заңға және "Сыбайлас жемқорлыққа қарсы іс-қимыл туралы", "Қазақстан Республикасындағы банктер және банк қызметі туралы", "Сақтандыру қызметі туралы", "Бағалы қағаздар нарығы туралы" заңдарға сәйкес декларацияны беруге жауапты адамдар.Сонымен қатар&nbsp;түзетулерге сәйкес резидент еместер, коммерциялық емес ұйымдардың құрылтайшылары (қатысушылары) және акционерлері кіреді. Олар:жоғарыда көрсетілген адамдарды қоспағанда, мемлекеттік органдардың қызметкерлері және олардың жұбайлары, сондай-ақ квазимемлекеттік сектор субъектілерінің қызметкерлері және олардың жұбайлары; заңды тұлғалардың басшылары, құрылтайшылары (қатысушылары) және олардың жұбайлары, дара кәсіпкерлер және олардың жұбайлары.Кірістер мен мүліктер туралы декларация жыл сайын активтер мен міндеттемелер туралы декларация табыс етілген жылдан кейінгі жылдан бастап есепті салық кезеңінің 31 желтоқсанындағы жағдай бойынша табыс етіледі."Салық кодексін қолданысқа енгізу туралы" Заңның 45-1-бабының 2 және 3-тармақшаларына және 45-3-бабына өзгерістер енгізілді. Ол&nbsp;13 шілдеден бастап қолданысқа енгізіледі.Фото: Нұрболат Нұржаубай

Салық кодексіне өзгерістер енгізілді: Декларация тапсырудан кімдер босатылады

&nbsp;<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласындағы бірқатар нысанды аралады.Алдымен өткен жылы пайдалануға берілген «Анаға тағзым» орталығына барды. Аналардың құрметіне бой көтерген орталық кәсіпкер Марат Дүйсенбаевтың демеушілігімен салынды. Президент тапсырмасына сәйкес бұл ғимаратта «Әйелдердің креативті индустрия орталығы» жұмысын бастады. Мемлекет басшысы Сыр өңіріне жұмыс сапары кезінде жаңа нысанның жұмысымен танысып, мұндай орталық жастарға тәлім-тәрбие беруде маңызды рөл атқаратынын айтты.<blockquote>«Анаға тағзым» орталығы ең алдымен тұрғындарға пайдалы болуы керек. Бастамаларын уақыт талабымен үндестіріп, жаңартып, жандандырып күнделікті жұмыс істеуі тиіс. Келушілерге жаңа идея, жаңа мүмкіндіктер ұсыну арқылы бағыты айқындала түспек», – деді аймақ басшысы.</blockquote>Одан әрі Нұрлыбек Машбекұлы өткен жылы дербес мекеме болып құрылған Теннис орталығына барды. Еске салсақ, Мемлекет басшысының тікелей бақылауындағы бұқаралық спортты дамытуға қатысты бастамаларды жүзеге асыру мақсатында облыс әкімінің қолдауымен мәдениет және спорт басқармасы жанынан теннис түрлері бойынша балалар мен жасөспірімдер спорт мектебі құрылды. Қазір орталықта 297 бала спортпен тегін шұғылданып, халықаралық, республикалық жарыстарға қатысып, жүлделі орындарға ие болуда.Балалар мен жасөспірімдердің тенниске қызығушылығын арттыру үшін жазғы теннис орталығын қайта жаңғыртудан өткізуге қаржы бөлінетін болды. Жаңғыртылған орталық спорттың осы түрімен айналысуға ұмтылған талапкерлерге жаңа мүмкіндіктер ұсынады.Алдағы уақытта қосымша үстел теннисі мен бадминтон бөлімшелері ашылады. Еске салсақ, Наурыз мерекесі қарсаңында Сыр өңірінде жаңа үстел теннисі орталығының құрылысы басталды.Әрі қарай облыс әкімі жуырда күрделі жөндеуден өткен «Орталық бейітке» барды.«Өлі риза болмай, тірі байымайды» деген сөз бар. Тұрғындармен кездесуде бейіт айналасын абаттандыру, кіреберіс жолын жөндеу туралы мәселе көтерілді. Бұл орынды күтіп ұстаудан аруақтарға құрметіміздің деңгейі көрінеді. Сондықтан осы жұмыстарды ұйымдастыруға жіті мән берілді», – деді Нұрлыбек Машбекұлы.Еске салайық, күрделі жөндеу жергілікті кәсіпкерлердің демеушілігімен жасалды. Бейіт аумағы абаттандырылып, көгалдандырылып, кіреберіс жол салынды. Оған 110 млн теңге қаржы жұмсалды.Елімізде Мемлекет басшысының бастамасымен қолға алынған «Таза Қазақстан» республикалық экологиялық акциясы жалғасуда. Апта сайын барлық елді мекенде өтетін сенбіліктерге мекеме, кәсіпорын қызметкерлері, еріктілер, жастар белсене қатысып, көркейту-абаттандыру жұмыстары атқарылуда.Фото: Қызылорда облысы әкімінің баспасөз қызметі

Аймақ басшысы қаладағы нысандарды аралады

&nbsp;<a href="https://kyzylorda-news.kz/">Kyzylorda-news.kz</a> Әлеуметтік желіде Ақтаудағы балалабақшалардың бірінде балаларға тамақ толыққанды берілмейтіні жайлы ақпарат тарады. Маңғыстау облыстық білім басқармасы Sputnik Қазақстан редакциясының осы мәселеге қатысты сауалына жауап берді.Әлеуметтік желіде тараған ақпарат бойынша Ақтаудың 9-ықшам ауданында орналасқан №29 балабақшада бүлдіршіндерге тамақ дұрыс берілмейді.<blockquote>"Видеоға қарағанда таңғы асқа 12 балаға тек бес порция тамақ, ал кешке 4 порция ғана ботқа берді. Тамақты кім алып үлгереді сол жейді, ал үлгермегені тамақ жеген баланың бетіне қарап отырады. Балабақшаға тексеру жүргізуді талап етеміз", - деп жазды ата-аналар әлеуметтік желіде.</blockquote>Бұл мәселеге қатысты Маңғыстау облыстық білім басқармасы түсініктеме берді.<blockquote>"28 маусымда ата-ананың шағымына байланысты бөбекжайдың бейнежазбасын қарау барысында 7-топтың тәрбиешісі таңғы ас мезгілінде тамақты жеткіліксіз салғандығы анықталды. Топтың тәрбиешісінен түсініктеме алынды. Тәрбиеші таңғы асты балалар жемейтінін, тамақ қалып қоятындықтан азғантай салғандығын айтты", - дейді облыстық білім басқармасы.</blockquote>Ведомствоның айтуынша, тәрбиешіге тәртіптік шара қолданылған. Бөбекжай әкімшілігі ата-анамен кездесіп, кешірім сұраған.<blockquote>"Алайда білім бөлімі жанынан арнайы комиссия құрылып, дүйсенбіден бастап зерделеу жұмыстары жүргізіліп жатыр. Зерделеу комиссиясының қорытындысы бойынша тиісті шаралар қабылданады", - дейді Маңғыстау облысының білім басқармасы.</blockquote>Фото: Нұрболат Нұржаубай

Ақтаудағы балабақшалардың бірінен шу шықты – білім басқармасы түсініктеме берді

&nbsp;<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының, Үкіметтің тұрақты қолдауымен және облыс әкімінің үйлестіруімен қала өмірінде өскелең өріс қанат жайды. Қарқынды құрылыс алаңына айналған шаһарымыз өсіп-өркендеумен қатар, еліміздегі ең таза қаланың бірі атанды. Оның бір дәлелі – «Таза Қазақстан» республикалық экологиялық акциясы арқылы ауқымды жұмыстар атқарылып, алдағы уақытқа да мол міндеттер жүктелді.«Акция – науқандық шара емес. Бұл бастаманы өмірлік дағдыға айналдыруымыз қажет». Міне, осындай ұстаныммен қала әкімі Серік Қожаниязов жексенбі күні шаһардағы сквер-аллеялар мен саябақтарды аралап, абаттандыру және көгалдандыру барысында атқарылған істің нәтижелерін, әлі де жасалуы тиіс жұмыстардың жайын сүзгіден өткізді.Алдымен қалалық мәдени және демалыс паркіндегі тазалық талаптарының орындалуына және ойын алаңдары мен аттракциондардың техникалық қауіпсіздігіне назар аударды.<blockquote>«Жаз маусымында қала халқының уақыттарын тиімді, әрі көңілді өткізуін қамтамасыз ету мақсатында барлық жағдай жасалуда. Десе де, саябақ таза демалыс аймағы болу керек. Жаз – еркін тынығуға қолайлы мекен іздейтін маусым. Саябақ сауда-саттық орны емес, ол тынығушылардың талғамына сай жабдықталып, сапалық стандарты сақталуы қажет» – деді, Серік Салауатұлы.</blockquote>Қыркүйек айынан бастап облыс әкімінің тапсырмасына сәйкес, осы паркте қайта жаңғырту жұмыстары басталады. Осылайша демалыс орталығы жаңаланып, жайлы тынығу орнына айналады.Мұнан кейін Серік Салауатұлы Б.Шөкенов атындағы саябақтың көріктендіру жұмыстарын көрді. Қала тұрғындары үшін табиғат аясында тынығуға мол мүмкіндік сыйлаған саябақтың эстетикалық күйі де қалыпқа келтірілуде.<blockquote>«Саябақтағы санитарлық тазалық шаралары жыл бойы жүргізілуі тиіс. Бұл жұмыстарды босаңсытуға болмайды» – деді, Серік Салауатұлы сала басшыларына.</blockquote>Мұндағы жасыл-желекті күтіп, балақтау, уақытылы аяқ су беру күнделікті атқарылуы қажет. Ашығын айту керек, аталған парктегі жерасты су ұңғымасында уақытша орын алған ақауға байланысты аяқ су кеш берілді, салдарынан талдарға күтім жасалмады. Мәселеге орай, «Жасыл-Қызылорда» мекемесіне «Сарқырама» каналы арқылы судың бағытын бұрып, биік жерлерге мотопомпаларды пайдалану тапсырылды.«Қорқыт ата» мемориалы аллеясы қаладағы демалыс орындарының бірі болса да, мақсатты пайдаланылмай келеді. Яғни, көпшілік кең көлемде тыныға бермейді. Себеп – саябақтың бүгінгі күйі халықты баурайтындай жағдайда болмай тұр. Осыған орай, сәулетшілердің ұсынған заманауи дизайнымен жаңғырту жұмыстары жүргізіледі. Бұл игі бастаманы жақын күндері бастау жоспарға енгізілген.<blockquote>«Аймақ басшысының тегеурінді талабымен, кәсіпкердің демеушілігімен жақында Орталық алаң қайта жаңғырып, ел игілігіне берілді. Қандай керемет, халықтың өмір сүру сапасын арттыру жолындағы маңызды қадам деп атасақ жарасымды. Бұл жердегі бір әттеген-айы, демалыс орындарын тиімді, сапалы, мәдениетті пайдалана алмауымыздан болып тұр. Қарасаңыз, бас-аяғы базар-ошар секілді бей-берекет дүние қаптап кетті. Біз мұндай берекесіздікке жол бермейміз. Демалыс аймағында халық еркін демалуы керек. Өз кезегінде «Қорқыт ата» мемориалы аллеясын да орталық алаң секілді қала халқының сүйікті орнына айналдыратын боламыз» – деді, Серік Салауатұлы.</blockquote>ҚР Тұңғыш Президент саябағы қазір халықтың қарасы үзілмейтін, отбасылық демалыс орны. Жасыл желекке оранған саябақта тынығушылар саны күн санап артып келеді. Шағын мерейтойларды атап өтудің де мүмкіндігі мол. Бір өкініштісі, қоршаған ортаға саналы көзқарасты қалыптастыруда және туған жердің тазалығын сақтау, табиғатын қорғауда әлі де бейқамдық бар. Осы жайларды ескерген қала әкімі саябақ көлемін кеңейту, ішкі тәртіп пен тазалықты сақтау мәселелерін жолға қоюды алға тартты.«Елге деп салынған әрбір нысан өз мақсатында жұмыс істеуі керек. Саябақты заманауи саябақ келбетінде көргенге не жетсін!? Сол үшін ешқандай қажеттілік пен мұқтаждық туындауы тиіс емес. Әрлеу керек пе, әрлейміз, абаттандыру десеңіз, оны да жасаймыз. Сонда ғана халық сұранысындағы демалыс мүмкіндігін сыйлай аламыз. Бұл жұмыстардың атқарылуына аймақ басшысы жан-жақты қолдау жасап отыр»– деді, шаһар басшысы.Президент паркінен денсаулық саябағына дейінгі аралық толық қамтылған, жан-жағында автокөліктер тұрағы бар, гүлзарлармен көмкерілген көркем келбет қалыптастырамыз. Оған мүмкіндік жеткілікті. Алдағы уақытта әрбір нысан зерттеле отырып, халықтың сұранасына сай тиісті үдеден шығуға жұмыс жасалады, – деп, бүгінгі сапардың сарабын жасады.Фото: Нұрболат Нұржаубай

Саябақтар мен гүлзарлар қайта жаңғыртылады

<a href="https://kyzylorda-news.kz/">Kyzylorda-news.kz</a> Ақтауда инкассатор 10 миллион теңге ұрлап, өз-өзіне қол жұмсаған, - деп хабарлайды <a href="https://massaget.kz/basty-zhaalytar-438/110722/">Massaget.kz.</a>Ұрлық және өлтіруге дейін жеткізу дерегі бойынша қылмыстық іс тіркелген. Бұл туралы Ақтау полиция басқармасының баспасөз қызметі өкілі мәлімдеді.WhatsApp-та 1981 жылы туған ер адам 14-шағынаудандағы банк ғимараттарының бірінен 10 миллион теңге ұрлап кеткені, кейін ғимараттың жертөлесіне тығылып, басына оқ атқаны туралы хабарлама тарады. Ақпаратты полиция растады."Тергеу жүргізіліп жатыр. Ұрлық және өлтіруге дейін жеткізу дерегі бойынша полиция басқармасы қылмыстық істі тіркеді", - деді ведомство өкілі.Тергеу мүддесі үшін өзге де мәліметтер жария етілмеді.Айта кетейік, оқиға 1 шілдеде болған.Фото: &nbsp;Нұрболат Нұржаубай

Жантүршігерлік жағдай: Ақтауда инкассатор 10 миллион теңге ұрлап, өзін атып жіберген

<a href="https://kyzylorda-news.kz/">Kyzylorda-news.kz</a> Кеше мәжіліс депутаты Мұрат Әбенов Шиелі ауданына арнайы жұмыс сапарымен барып, «Ауыл аманаты» жобасының игілігін көріп отырған кәсіпкерлермен кездесті.Кездесу барысында депутат Шиелі кентінде орналасқан «Шиелі құс еті» кәсіпорнына барды. Құс өсіруші Құрманбаева Гүлзада ауыл шаруашылығы кооперативін ашып, 27,8 млн теңгеге жеңілдетілген несие алған. Бүгінгі таңда 3 құс үйі орнатылып, онда 4500 дана тауық бар. Сонымен қатар, ауданды тауық етімен тиімді бағада қамтамасыз етіп отыр.Мұнан соң Мұрат Әбенов СПК «Айдын 777» қабырға блоктарын өндіру зауыттының жұмысын көрді. Өнім қазіргі таңда аудан орталығында тиімді бағада нарыққа шығарылуда. Жоба аясында ауданда СПК «Айдын 777» құрылып, мемлекет тарапынан қолдау тауып, 27,2 млн (жиырма жеті миллион екі жүз мың) теңге қаражат бөлінген болатын. Мәжіліс депутаты жоба аясындағы жұмыстарды оң бағалап, кәсіпті дамытуды, үздік тәжірибелерді батыл жасауды тапсырды.Сондай-ақ, кенттегі көркейту-көгалдындару жұмыстары барысында қолданылған тамшылатып суғару әдісін көрген мәжіліс депутаты таңданысын жасырмады.Мұнан бөлек, Мұрат Әбенов жеке кәсіпкер Бағлан Сейітмұратов ашқан ауданымыздағы алғашқы кинотеатрға барып, кәсіпкердің алдағы жұмысына сәттілік тіледі, әрі ел үшін жасаған еңбектің міндетті түрде қайтарымы болатындығын айтты.Келесі кезекте мәжіліс депутаты гидротехник, су саласының ардагері Әлияр Сейітовтың №21 бекетте орналасқан алма бақтың жұмысымен танысты.«Бағбан болсаң бақ өсір, балама деп тағы өсір» деген нақылды өмірлік ұран еткен ағамыздың бау-бақшасы жайқалып өсіп келеді. Әкесінің ізімен осынау кәсіпті жанына серік еткен кейіпкеріміз «Р-7» каналының 245-ші бекетінде орналасқан алма бақты 2014 жылы еккен. Жарты гектар жерді өңдеп, 135 түп көшет отырғызған.2014 жылдан Р-7 каналының 245 бекетіне 0,5 га жерге 135 алма ағашының 4 сортын егіп, қазіргі таңда 100 пайызы өсіп тұр. Атап айтқанда, «Крепсн», «Голден», «Белый налив», «Достар» жер аумағына 135 түп алма ағаштарының сорттарын «Клен», «Қараағаш», «Ясина» ағаштарды және «Панская роза», «Кан», «Гвоздика» гүлдерін жылда егеді.

Мәжіліс депутаты Мұрат Әбенов Шиелі ауданындағы тың жобалармен танысты

<a href="https://kyzylorda-news.kz/">Kyzylorda-news.kz</a> Аймақтың ауыл шаруашылығы саласындағы жұмыстарды бағамдау мақсатында келген ҚР Парламенті Мәжілісінің депутаттары С.Егізбаев, Е.Саурықов, Ж.Дайрабаев Қазалы ауданындағы іргелі шаруашылық «РЗА» акционерлік қоғамында болды.Депутаттар 660 басқа арналған тауарлы-сүт бағытындағы ірі қара өсіру кешенінің тыныс-тіршілігімен танысты. Тәулігіне 30 тонна сүт өнімдерін өңдейтін сүт зауытының жұмысын көрді.Өңірдегі барлық сүт бағытындағы мүйізді ірі қараның 60 пайызы да осы компанияның үлесінде. Ірі ауыл шаруашылығы құрылымы болып саналатын «РЗА» АҚ сүт өндіруді жолға қойған. Зауыт жабдықтары Италия, Голландия, Германиядан, ал сүтті ультрапастеризациялау желісі Италия елінен әкелінген. 2010 жылы Венгриядан асыл тұқымды 660 бас голштино-фриз мүйізді ірі қара сатып алынып, жерсіндірілді. Мұндағы асыл тұқымды сиырдың біреуі жылына 8479 литр сүт береді. Өнімділік облыстағы орташа көрсеткіштен 7 есе жоғары. Сондай-ақ мұнда «Дәмді» сауда маркасымен пастерленген, ультрапастерленген сүт, айран, қаймақ, ірімшік, сары май, сыр сияқты өнімдер шығарылады. Акционерлік қоғамның президенті С.Имандосов “Ауыл” партиясының төрағасы С.Егізбаевқа қолға алынып отырған жоба мақсатын қысқаша жеткізді.Халық қалаулылары азық-түлік және сүт өнімдерін өңдіруде үлкен үлес қосып отырған кәсіп иесінің жобасын толық қолдайтынын айтып, «РЗА» АҚ жұмысына оң баға берді.

Халық қалаулылары “РЗА-ның” жұмысымен танысты

<a href="https://kyzylorda-news.kz/">Kyzylorda-news.kz</a> Жемқорлыққа толып жатқан аймақтың креативін көтеруге емес, жемқорлығын жоятын кеңесші керек!Түркістан облысы әкімі Дархан Сатыбалдының өкімімен Нұрлан Қоянбаев Түркістан облысы әкімінің креативті индустрияны дамыту бағыты бойынша штаттан тыс кеңесшісі болып тағайындалды. Осы орайда белгілі заңгер Айгүл Орынбек әкімнің бұл шешіміне шүйліге кетті,&nbsp;деп хабарлайды&nbsp;<a href="https://sn.kz/sn-akparat-agyny/113985-kuireitin-eldi-rtister-baskarady-zanger-koianbaevtyn-kim-kenesshisi-bolyp-tagaiyndalganyna-shuilikti">Skifnews.kz&nbsp;</a>ақпарат порталы.<blockquote>Жемқорлыққа толып жатқан аймақтың креативін көтеруге емес, жемқорлығын жоятын кеңесші керек! Пиардан, өтірік есептен, шаршамадыңыздар ма? Бұл мемлекет өзімізге керек қой! Жемқорлық жүйелеп кеткен аймақта кретивіне емес, жергілікті басқару жүйесіне көңіл аударып, сыбайласқан жемқорлықты жою керек!, деді ол.</blockquote>Заңгердің сөзінше, Нұрлан Қоянбаевты ауыл аймаққа жіберу керек. Өйткені шалғай жерлерде қордаланған мәселе көп.<blockquote>Дархан Сатыбалды мырза! Түркістан облысының жемқорлығы мен былығын сайқымазақ актер арқылы креативно көтергіңіз келді ме?! Онда сізге кеңесім болсын, Түркістан тек қаладан тұрмайды, аудандар бар! Қоянбаевты ауылға жіберіңіз! Қоянбаевты ауыл-аймақтағы балабақшаларға жіберіңіз, айлық алмай отырған. Бейсен Тәжібаев бастаған Түркістан облысының басшылары, тәрбиешілердің айлығын айлап неге төлемей отырғанын креативно түсүндірсін, деп жазды Айгүл Орынбек.</blockquote>Ал желі қолданушыларының бірі заңгерді қолдаса, енді бірі Нұрлан Қоянбаевтың мықты іскер екенін жарыса жазды.<blockquote>"Күйрейтін елді әртістер басқарады", "Осы жаңалықты оқып таңданған едім", "Қоянбаев мықты іскер жігіт, уақыт көрсетеді", "Хайп пен пиардан алдамыз".&nbsp;</blockquote>Коллаж: sn.kz

Қазақстан және Қызылорда облысының жаңалықтары