<a href="https://kyzylorda-news.kz/">Kyzylorda-news.kz</a> Жаз мезгілі басталысымен балалардың қауіпсіздігі басты назарда болуы тиіс. Өткен жылы балалардың терезеден құлауының 16 жағдайы тіркеліп, 17 бала түрлі жарақаттар алса, биыл 4 жағдай анықталған. Балалардың терезеден құлау фактісінің басты себебі ата-аналардың балаларды бақылаусыз қалдыруы, терезеде уақытша бекіткіш торлардың болмауы, балалардың терезе алдында ойнауынан болып отыр,- дейді мамандар. Жыл басынан бері Қызылорда облысы ТЖ департаментінің құрылымдық бөлімшелерінің ұйытқы болуымен тұрғын үйлерге 115 дана терезе блоктары орнатылды. Бұл туралы ТЖД төтенше жағдайларды алдын-алу басқармасының бастығы Бейбітхан Спанов айтты.<blockquote>- Қызылорда облысы бойынша балалардың көпқабатты тұрғын үйлердің терезелерінен құлап зардап шегуін немесе қаза болуын болдырмау мақсатында үгіттеу-түсіндіру жұмыстарын жүргізілуде. Сонымен қатар қала аумағында орналасқан көпқабатты тұрғын үйлердің және мини-маркет, сауда орындарының кіре беріс есіктерінің тұсына үгіттеу-түсіндіру парақтары ілініп, тұрғын үй ауласында ескерту, түсіндіру іс-шаралары жүргізілуде. Осындай жағдайларды болдырмау бағытында “Терезе” жедел алдын-алу шарасы жолға қойылды. Мақсат біреу. Балардың денсаулығы бәрінен де маңызды. Оған бәріміз де жауапкершілікпен қарауымыз керек. Әсіресе, тұрмысы төмен отбасыларда тұратын балалардың қауіпсіздігіне баса мән беріліп отыр. Біз мұндай отбасылардың тұрғын үйлеріндегі терезелерге қорғаныш құрылғыларын орнатуды жоспарлап отырмыз. Профилактикалық жұмыс жүйелі түрде жалғасын табады,- деді Бейбітхан Оразайұлы.</blockquote><img src="https://knadmin.beoblood.kz/uploads/T_Zh_brifing_6a86b4d49e.jpg" alt="ТЖ брифинг.jpg">Фото: Нұрболат Нұржаубай

Бала өмірі – біздің жауапкершілік

<a href="https://kyzylorda-news.kz/">Kyzylorda-news.kz</a> Партия алаңында облыстық денсаулық сақтау басқармасының басшысы Искаков Олжас Ермекұлы қоғамдық қабылдау өткізіп, тұрғындардың өтініштері мен сала бойынша ұсыныстарын тыңдады.Қабылдауда тұрғындар тарапынан медициналық қызметтердің сапасы, ем алуға көмек көрсету және өзге де мәселелер көтерілді.Қоғамдық қабылдауға келген азаматтардың өтініш-тілектері бойынша «Денсаулық сақтау жүйесі туралы» ҚР Заңына сәйкес барлық міндетті жұмыстар жүргізілетіні айтылып, ем-дом сапасы, тегін дәрі-дәрмектер беру жұмыстары бойынша айтылған ұсыныстар мен шағымдар толықтай қаралып, қажетті шаралар қабылданатыны айтылды.Ем шаралары бойынша айтылған өтініштер жедел түрде қаралып, басқармаға қарасты мекемелерге тиісті тапсырмалар мен ұсыныстар берілді.Қабылдау барысындағы барлық мәселе басқарманың жеке бақылауында алынып, толыққанды шешілгенше назарда болатыны айтылды.

Денсаулық сақтау саласы бойынша өтініш-тілектер тыңдалды

<a href="https://kyzylorda-news.kz/">Kyzylorda-news.kz</a> 15 тамыз – Спорт күні мерекесіне орай “Ұлттық мұра” жобасы аясында ұлттық спорты дамытып, партия филиалымен тығыз байлыста жұмыс жасап жүрген спортшыларды марапаттап, «AMANAT» партиясы Жалағаш аудандық филиалы атынан алғыс білдіру шарасы өтті.Іс-шара барысында партия филиалының Атқарушы хатшысы Қаншагүл Мұстафаева сөз сөйлеп, спортшылардың аудан намысын қорғаудағы жетістіктерін ерекше атап өтті. Сондай-ақ, Жалағаш аудандық дене шынықтыру, спорт және туризм бөлімінің басшысы Еркен Жантуғанов спорт саласындағы табысты еңбектері үшін спортшыларды құттықтап, сәттілік тіледі.Бұл – спортты серік еткен азаматтарға көрсетілген құрмет пен қолдаудың айқын көрінісі.<img src="https://knadmin.beoblood.kz/uploads/Amanat_sportshylarmen_kezdesu_4b13433167.jpg" alt="Аманат спортшылармен кездесу.jpg">

“Ұлттық мұра”: Ұлттық спортты дамытуға үлес қосып жүрген азаматтармен кездесу өтті

<a href="https://kyzylorda-news.kz/">Kyzylorda-news.kz</a> Қызылорда медициналық жоғары колледжі 2024 жылдың сәуір айында Латвия мемлекетіндегі Рига медициналық колледжімен Евроодақ деңгейіндегі меморандумға отырды. Осы меморандум аясында былтыр 2 желтоқсанда облыстық денсаулық сақтау басқармасының басшысы Олжас Искаков Латвия елінде өткен халықаралық конференцияға қатысты.&nbsp;Іс-сапар барысында медициналық білім мен тәжірибе алмасу мақсатында &nbsp;Латвияның емдеу мекемелерінде болды. Ондағы пациенттерді және олардың туыстарына күтім жасауы &nbsp;және арнайы күтім шараларын оқыту әдістері ерекше қызығушылық білдірді.Биыл наурыз айынан бастап колледжде Латвия Республикасының 1-Рига медициналық колледжінің озық тәжірибесі негізінде "Пациенттерді және олардың туыстарына күтімді оқыту" атты арнайы мектеп ашылды.Аталған мектептің басты мақсаты – емделушілер мен олардың жақын туыстарына ауру кезінде немесе одан кейінгі күтімді тиімді әрі дұрыс ұйымдастыру жолдарын үйрету. Бұл бастама халықтың медициналық сауаттылығын арттырып қана қоймай, сондай-ақ науқастардың өмір сапасын жақсартуға бағытталған.– Үстіміздегі жылдың сәуір айында екі жақты келісім нәтижесінде Рига-1 медициналық колледжі Латвия Университетінің лекторы, Ригадағы 2 аурухананың мейіргерлік күтім бөлімшесінің аға мейіргерлері Mg.sc.sal.Инга Приеде және Mg.Pead.Сэндия Шпацс-Дагэмен &nbsp;және көпбейінді даму жөніндегі маманы Илзе Вациете колледжімізге келіп, емхана мейіргерлеріне және колледждің мейіргер ісі пәнінің оқытушыларына дәріс өтіп тренер сертификатын берді. Облыстық денсаулық сақтау басқармасының бұйрығымен кесте жасалып, колледж оқытушыларынан жасақталған тренерлераймақтағы барлық емханалардың мейіргерлері және науқастар мен оларға күтім жасайтын жақындары да оқытылуда. Бұл мектеп – халықаралық тәжірибе мен отандық медициналық білім беру жүйесінің ұтымды үйлесімі. Латвиялық әріптестеріміздің қатысуымен жүзеге асқан жоба кәсіби күтім мәдениетін дамытып, қоғамдағы медициналық жауапкершілікті арттырады. Пациенттерге және олардың туысқандарына төсек режиміндегі науқас күтімін, тағайындалған дәрілерді дұрыс қолдану туралы ережелерді, эргономика, инсульт, деменция т.б. диагнозы бар науқастардың реабилитациясын үйрету жұмыстары жүргізілуде. Бұл көмекті тікелей стандартталған пациенттерде ғана емес, виртуалды шынайы ортада жасалған әдістемелер бойынша да жүргізіп жатырмыз. Қазіргі таңда 15 пациенттің өздерін және туыстарын оқыттық, – деді Қызылорда медициналық жоғары колледжінің директоры Жанар Қалмақова.Мектеп аясында жалпы күтім көрсету негіздері (гигиена, тамақтану, қозғалыс режимі), созылмалы және егде жастағы пациенттерге күтім, паллиативтік көмек негіздері, психологиялық қолдау көрсету дағдылары, үй жағдайында күтім ұйымдастыру ерекшеліктері сынды дәрістер өткізіледі.– Күйеуім 8 ай бұрын инсульт алған болатын. Содан бері төсек режимінде. Біз 1-поликлиникаға қараламыз. Сол жақтың дәрігерлері осындай арнайы мектеп құрылғанын және сол жақтан төсек режиміндегі пациенттерге күтім жасау жолдарын үйрететінін айтты. Мен ойланбастан осында келіп, арнайы дәріс алдым. Маған қатты ұнады. Барлығын егжей-тегжейлі түсіндіріп берді. Енді алдағы уақытта күйеуіме үй жағдайында ешкімнен көмек сұрамай, өзім күтім жасайтын боламын. Осы бастамаға арқау болған облыстық денсаулық сақтау басқармасына және де Қызылорда медициналық колледж ұжымына алғысымды білдіремін, – деді қала тұрғыны Гүлнар Серікбекқызы.Сабақтар тәжірибелі мейіргерлер мен педагогтардың қатысуымен, теориялық және практикалық түрде өтеді. Арнайы тренингтер мен шеберлік сағаттары да қарастырылған. Мектеп жұмысы халық арасында күтім сапасын арттыруға, медицина қызметкерлері мен пациент туыстары арасындағы серіктестікке жол ашуға ықпал етеді.<img src="https://knadmin.beoblood.kz/uploads/Med_kolledzh_2_65bd3b1a74.jpeg" alt="Мед.колледж 2.jpeg">

Меморандум аясында күтім көрсету мектебі жұмыс жасауда

<a href="https://kyzylorda-news.kz/">Kyzylorda-news.kz</a> Қазақстанда инвестициялар жыл сайын пайда табудың және қаражат жинаудың танымал тәсіліне айналуда - сарапшылар тұрақты түрде жарияланымдар мен талдауларларын жариялап, немесе өз аккаунттарын осы тақырыпқа толығымен арнайды.&nbsp;Дегенмен де, бұл тақырып халық үшін әлі де түсініксіз, сондықтан Fingramota.kz түрлі салымдардың кемшіліктері мен артықшылықтарын саралап, инвестициялық алаяқтардың айла-амалдарына түсіп қалмау үшін пайдалы ұсынымдар беруді шешті.Алдымен ұзақ мерзімді және қысқа мерзімді инвестициялардың не екенін түсінейік. Ұзақ мерзімді инвестициялар — &nbsp;мерзімі бес немесе одан да көп жыл аралығындағы салымдар. Оларға акциялар, облигациялар, жылжымайтын мүлік жатады. Ұзақ мерзімді инвестициялау ұзақ уақыт шыдамдылықпен күтуге әзір және капиталын өсіру, жинақтау, зейнетақы және т. б. сияқты стратегиялық мақсаттар қоятындарға жарайды.Қысқа мерзімді инвестициялар бір жылға немесе бірнеше жылға дейінгі кезеңге арналған. &nbsp;Олар жоғары өтімділікті қамтамасыз етеді: оларға үш айдан бір жылға дейінгі мерзімге жинақтаушы депозиттер, өтеу мерзімі қысқа корпоративтік немесе мемлекеттік облигациялар, вексельдер, тиімді бағаммен сату есебімен валюта сатып алу және т.б. жатады.&nbsp;Дегенмен, сарапшылар инвестициялау нұсқаларының бірінде тоқтап қалмауға және мынадай схеманы қолданып көруге: 70-80% ұзақ мерзімді инвестициялауға, ал 20-30% қысқа мерзімді инвестицияларға қалдыруға кеңес береді. Бұл ретте, инвестиция түрін таңдаған кезде олардың әрқайсысының артықшылықтары, сондай-ақ кемшіліктері бар екенін түсіну керек.Ұзақ мерзімді инвестициялардың артықшылықтары<ul><li style="text-align:justify;">Капитал күрделі пайыздар арқылы өседі, нәтижесінде кіріс қайта инвестицияланады және жаңа табыс әкеледі.</li><li style="text-align:justify;">Тұрақтылық&nbsp;нарықтың құбылмалылығын&nbsp;реттейді - қысқа мерзімді ауытқулар сіз үшін маңызды емес және сіз нарықтағы өсу немесе құлдыраудың жалпы үрдісін зерттей отырып, жинақтау стратегияңызды әрқашан қайта қарай аласыз.</li><li style="text-align:justify;">Салықтық жеңілдіктер, капиталдың өсуіне жеңілдіктер, төмен транзакциялық шығындар және қысқа мерзімді инвестицияларға қарағанда сауда-саттықтың аз болуы.&nbsp;</li><li style="text-align:justify;">Психологиялық тыныштық — сізге нарықты үнемі қадағалап отырудың қажеті жоқ, жалпы үрдісті бақылап отыру жеткілікті. Нәтижесінде сіз ойланбаған және эмоционалды шешімдерді аз қабылдайсыз.</li></ul>Ұзақ мерзімді инвестициялардың кемшіліктері<ul><li style="text-align:justify;">Төмен өтімділік – активтерді тез сату немесе ақшаны шығынсыз алу қиын;&nbsp;</li><li style="text-align:justify;">Инфляция тәуекелдері – сіз қысқа мерзімді ауытқулардан қорғалған болсаңыз да, ақшаны немесе акцияларды ұзақ уақыт сақтау валюта құнының немесе компанияның беделінің төмендеуіне байланысты инвестицияларды құнсыздандыруы мүмкін.&nbsp;</li><li style="text-align:justify;">Ұзақ күту қажеттілігі – пайдасын бірден алу мүмкін емес, сондықтан көп шыдамдылық қажет, кейде өте көп шыдадылық қажет болады. Сізге тіпті бірнеше қызықты ұсыныстарды жіберіп алу қажет болуы мүмкін, себебі жайдан жай сіз ақша ала алмайсыз.</li></ul>Ұзақ мерзімді инвестициялардың артықшылықтары<ul><li style="text-align:justify;">&nbsp;Жоғары өтімділік және қаражатқа еркін қолжетімділік – сіз активтерді тез сатып, ақша ала аласыз.&nbsp;</li><li style="text-align:justify;">Жылдам пайда – сіз нарықтағы қысқа мерзімді өзгерістерді өзіңіз үшін үлкен пайдамен бірден пайдалана аласыз.&nbsp;</li><li style="text-align:justify;">Инфляция тәуекелі төмен – егер сіз ақшаны ұзақ уақыт сақтамасаңыз, онда олардың құнсыздануы сізге қауіп төндірмейді, себебі сіз салымдарға еркін қол жеткізе отырып, жағдайды өз пайдаңызға тез шешесіз.&nbsp;</li><li style="text-align:justify;">Икемділік – сіз өзіңіздің қаржылық стратегияңызды тез өзгерте аласыз және капиталды қалағаныңызша қайта бөле аласыз.&nbsp;</li><li style="text-align:justify;">&nbsp;Болжаудың қарапайымдылығы – қысқа мерзімде кірістілік пен қаржылық нәтижелерді болжау оңайырақ болады.</li></ul>Қысқа мерзімді инвестициялардың кемшіліктері<ul><li style="text-align:justify;">Ұзақ мерзімді салымдармен салыстырғанда төмен кірістілік. Соның салдарынан – күрделі пайыздар жоқ, себебі ақшаның ұзақ уақыт «жұмыс істеуге» уақыты жоқ.&nbsp;</li><li style="text-align:justify;">Нарықтың өсуін жіберіп алу тәуекелі – мұндай инвестициялар қаржылық операцияларды тез жасауға мүмкіндік беретіндіктен, сіз «ойыннан ерте шығып», тиімді мүмкіндіктерді жіберіп алуыңыз мүмкін.&nbsp;</li><li style="text-align:justify;">Жиі операциялар кезінде жоғары транзакциялық шығасылар – өкінішке орай, банктер барлығына комиссиялар мен салықтарды алады, әсіресе егер бұл өзінің пайыздар есептейтін салымдарға байланысты болса.&nbsp;</li><li style="text-align:justify;">Нарыққа көп көңіл бөлуді және үнемі шешім қабылдауды талап ету, бұл өз кезегінде стресс пен эмоционалды күйзеліске әкелуі мүмкін.</li></ul>Инвестициялау кезінде алаяқтардан қалай қорғануға боладыӨкінішке қарай, инвестициялар бұрыннан бері әр түрлі алаяқтардың — жалған брокерлердің, жалған қаржы ұйымдарының, қаржы пирамидаларының және т.б. сүйікті құралына айналды. Жыл сайын қазақстандықтар ондаған миллион теңгелерін жоғалтуда, себебі олар күнәмді адамдарға сенім артып, тез ақша табу жолында қауіпсіздік жайлы ұмытып кетті.Сондықтан біз инвестициялаудағы алаяқтықтың негізгі белгілерін тағы бір рет еске салғымыз келеді:<ul><li style="text-align:justify;">лицензияның болмауы немесе жалған құжаттар – алаяқтар көбіне жалған сертификаттарды пайдаланады немесе басқа компанияның лицензиясын көрсетеді. Деректердің түпнұсқалығын Қаржы нарығын реттеу және дамыту агенттігінің және ҚР Қаржылық мониторинг агенттігінің сайттары арқылы тексеруге болады;</li><li style="text-align:justify;">жоғары кепілдікпен пайда табуға уәде беру –&nbsp;инвестицияларда 100% кіріс кепілдігі жоқ, ал нарықтағы адал қатысушылар тәуекелдер туралы ескертіп отырады. Айына 20% таза пайда туралы хабарлау – алаяқтықтың айқын белгісі;</li><li style="text-align:justify;">агрессивті және айла-шарғыға негізделген маркетинг –&nbsp;«Бірегей мүмкіндікті жіберіп алмаңыз, содан кейін өкінесіз»&nbsp;немесе&nbsp;«Тек бүгін ғана салымдар бойынша тиімді пайыздар»&nbsp;деген сияқты тіркестер – эмоцияға берілуге, асығыс шешім қабылдауға арналған тіркестер. Сенімді брокер, керісінше, сіздің шешімді асықпай қабылдауыңызға мүдделі, себебі бұл – кепілдік, болашақта түсетін пайда;</li><li style="text-align:justify;">ақшаны шығарып алу проблемасы –&nbsp;егер ақшаны алу кешіктірілсе немесе 30% мөлшерінде «алу комиссиясын» төлеуді немесе шығарып алу үшін қосымша төлем жасауды талап етсе, бұл – алаяқтардың схемасы;</li><li style="text-align:justify;">басқа БҚ-ны орнатуды талап ету – тіркеуге көмектесетін қашықтан қол жеткізу бағдарламаларын (AnyDesk, TeamViewer) жүктеп алуды өтіну — компьютеріңізді және банктік деректеріңізді бақылауға алу әрекеті. Сенімді брокерлер мен компанияларға бұлар қажет емес, олар сенімді және тексерілген платформаларда жұмыс істейді, себебі олар үшін ақшаның қауіпсіз жерде болуы мен беделі маңызды.</li></ul>Қаржылық алаяқтардан қорғау үшін қандай қауіпсіздік қағидаларын &nbsp;сақтау керек:Әрқашан компанияның заңдылығын тексеріңіз — брокердің, қордың немесе платформаның лицензиясы бар екеніне және ҚР Қаржы нарығын реттеу және дамыту агенттігінің сайты арқылы ресми тізілімге кіретініне көз жеткізіңіз. Сондай-ақ, СТН/БСН, заңды мекенжайын және тіркелген күнін тексеріңіз.Инвестиция шарттарын зерттеңіз&nbsp;— сіз ақшаңызды неге салып жатқаныңызды және сіздің табысыңыз қалай қалыптасатынын нақты түсінуіңіз керек. Кез келген түсініксіз тұжырымдар мен нақты ақпараттың болмауына назар аударыңыз.&nbsp;Нарықтан жоғары кепілдендірілген кірістілік туралы уәделерден сақ болыңыз — бұған 20%, 30%, 50% және т.б. кірістілік туралы барлық ұсыныстар жатады. Сонымен қатар, бірде-бір сенімді брокер немесе компания сізге тәуекелдерден қорғаудың 100% кепілдігін бермейді, себебі нарық, әсіресе қазір, өте тұрақсыз.Тек сенімді ақша аудару арналарын пайдаланыңыз — жеке карталарға немесе компанияға тиесілі емес шоттарға ақша аудармаңыз. Түбіртектер мен аударым растауларын сақтаңыз.Өзіңізге психологиялық қысым жасамаңыз — алаяқтар сіздің көңіл-күйіңіз арқылы жұмыс істейді, жасырын түрде қорқытады және айла-шарғы жасайды. Сіз біреудің қысым көрсетуі арқылы жұмыс істеп жатқаныңызды сезсеңіз, сәл кідіріп, ақпаратты тексеріңіз.&nbsp;Шоттарыңызға кіру тәртібін үнемі сақтап отырыңыз&nbsp;- ешқашан логиндер, пароль, растау кодтарын тіпті «компания қызметкерлеріне» бермеңіз. Екі факторлы аутентификацияны орнатыңыз.Тәуелсіз сайттар, форумдар және БАҚ арқылы брокер мен компанияның беделін тексеріңіз. Олардың реттеушінің «қара тізімдеріне» кірмейтінін тексеріңіз.Салымдарды әртараптандырыңыз&nbsp;— барлық ақшаны бір жобаға, бұл сізге қаншалықты тиімді болып көрінсе де, түсініксіз жобаға салмаңыз.<figure class="image"><img src="https://knadmin.beoblood.kz/uploads/Fingramota_kaz_a46a8daf6e.png" alt="Финграмота каз.png"></figure>Fingramota.kz-пен бірге қаржылық және инвестициялық сауаттылықты арттырыңыз!Фото: Fingramota.kz

Ұзақ мерзімді vs қысқа мерзімді инвестициялар: қайсысын таңдау қажет? 

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Тереңөзек кентіндегі "Әдемі" тігін шеберханасының жұмысымен танысты.Мектеп формасын тігу, құрақ құрау және басқа да көптеген қызметтер көрсететін тігін цехы 2014 жылы жұмысын бастаған. Кәсіпкер Нұрсулу Ажарова «Ақниет» бағдарламасымен грант және «Микробизнес-Қызылорда» бағдарламасымен 3 млн. теңге несие алып, кәсібін дөңгелетуде.<blockquote>– Мемлекет басшысы Қасым-Жомарт Кемелұлы Тоқаевтың тапсырмасымен елімізде шағын және орта бизнестің дамуы үшін барынша қолайлы жағдай жасалуда. Өз кезегінде кәсіпкерлер өздеріне жүктелген міндетті, атап айтқанда салық төлеу, экономикаға инвестиция құю, жұмыс орындарын ашу, қызметкерлеріне қолайлы еңбек орта қалыптастыру секілді міндеттерді адал орындауы тиіс. Мемлекеттік қолдаулардың да тиімділігін пайдалану керек. Тігін шеберханасы жұмысын кеңейтуге мүмкіндіктерді қарастыру қажет, – деді Берік Әбдіғаппарұлы.</blockquote>Аудан басшысы кәсіпкердің ұсыныстарын тыңдап, тиісті сала орынбасалы мен бөлім басшысына тапсырма жүктеді.Айта кетейік, биыл Алматы қаласында «Аламан құрақ» ұлттық құрақшылар қауымдастығының ұйымдастыруымен еліміздің 20 өңірінен келген 660 құрақшы бір мезетте құрақ құрап, 1366,8 шаршы метрге 660 дана құрақ көрпесі тігілген. Дүниежүзілік рекордтар кітабы саналатын «GLOBAL BOOK OF RECORDS GBR» және халықаралық рекордтар тіркеу қызметі агенттігінің сүйемелдеуімен қазақ құрақшылары әлемдік рекорд орнатып, оның қатарында Нұрсұлу Ажарова болып, арнайы сертификатпен марапатталды. Сондай-ақ, жеке кәсіпкер 2022 жылы "Жыл үздігі" атанған,

 «Әдемі» тігін шеберханасының жұмысымен танысты

<a href="https://kyzylorda-news.kz/">Kyzylorda-news.kz</a> «Әлем жаңа технологиялық дәуірге қадам басты. Оның басты нышанын инновацияның қарқынды дамуы мен жасанды интеллектінің өмірімізге дендеп енуінен байқауға болады. Сондықтан бүгінде «озық ойлы ұлт» пен «технологиялық ұлт» ұғымдары егіз.Біздің міндетіміз – жаһандық үрдістерге бейімделу. Ол үшін білім беру жүйесіндегі цифрлық трансформацияның қарқынын үдету өте маңызды. Цифрландыру мен жасанды интеллектіні игеру білім саласындағы теңсіздікті еңсеріп, оқу сапасын айтарлықтай арттыруға үлес қосады.Бүгінде еліміздегі мектептердің 95 пайыздан астамы жылдам интернетпен қамтылған. Аталған көрсеткішті 100 пайызға жеткізу керек. Жерсерік жүйелерінің мүмкіндіктерін осы мақсатқа пайдалануға болады. Мұны жай ғана инфрақұрылымға теңдей қол жеткізу мәселесі емес, әлеуметтік әділдіктің маңызды идеологиялық қағидаты ретінде қарастырған жөн.Сонымен қатар озық инновациялық тәсілдер ерекше қажеттілігі бар балалардың толыққанды білім алуына жол ашып, инклюзивті орта қалыптастыруға мүмкіндік беруде. Елімізде мектепке немесе колледжге қабылдау, сондай-ақ басқа мектепке ауысу бойынша барлық негізгі қызметтер цифрлық жүйеге көшірілген. Электронды Үкіметтің мобильді қосымшасында білім саласына қатысты барлық ақпарат жиналған Bilim қызметі жұмыс істеп тұр». &nbsp;

Қасым-Жомарт Тоқаев білім беру үдерісіне цифрлық технологиялар мен жасанды интеллектіні жедел енгізуді тапсырды

<a href="https://kyzylorda-news.kz/">Kyzylorda-news.kz</a> «Біз бір ел, бір халық болып, Әділетті, Таза әрі Қуатты Қазақстанды құрып жатырмыз. Ұлттың жаңа сапасын қалыптастыру үшін нақты реформаларды қолға алдық. Бұл – ауқымды әрі күрделі жұмыс. Бүгінге дейін біраз шаруа атқарылды. Елдегі саяси жүйе толық жаңғырды. Ұлттық экономиканың жаңа бағдары айқындалды. Қоғамымыз дамып, азаматтардың сана-сезімі өзгеруде.Мемлекеттік қызметте меритократия қағидаты басты орынға шықты. Билікте де «отбасылық жүйе» жоқ. Азаматтарды қызметке тағайындау кезінде ең алдымен олардың білімі мен кәсіби білігі ескеріледі.Қазір елімізде рухы азат, ойы еркін ұрпақ өсіп келеді. Заңды сыйлау, тәртіпке бағыну қоғамның мызғымас қағидасына айнала бастады. Бір сөзбен айтқанда, Қазақстан жаңа сипатты ел болу жолына бет бұрды.Бірақ өзгерістерді жасау – бір бөлек болса, оны біржола орнықтыру – бір басқа мәселе. Ол үшін, ең алдымен, қоғам санасы түбегейлі жаңғыруы қажет. Осы ретте сіздерге, яғни ұстаздар қауымына зор жауапкершілік жүктеледі. Себебі, нағыз «Адал азамат» мектеп қабырғасында қалыптасады». &nbsp;

Мемлекет басшысы: «Мемлекеттік қызметте меритократия қағидаты басты орынға шықты. Билікте де «отбасылық жүйе» жоқ»

<a href="https://kyzylorda-news.kz/">Kyzylorda-news.kz</a> «Балалар өмірлік дағдының көбін мектепте меңгереді. Олар мұнда тәртіпке бағынып, жүріп-тұру ережелері мен әдеп нормаларын сақтауды үйренеді. Сондықтан мектеп өзара құрмет пен жанашырлыққа толы үйлесімді қоғамның үлгісі болуға тиіс.Балаларды жауапкершілікке баулып, оларға кез келген әрекеттің салдары болатынын түсіндіру маңызды. «Заң мен тәртіп» қағидаты тәрбие жұмысының ажырамас бөлшегіне айналуға тиіс. Ең басты міндет – осы тұжырымдаманың мән-маңызын түсінікті тілде, озық педагогикалық әдістер арқылы өскелең ұрпақтың санасына сіңіру.Бұл іске директордың тәрбие жұмыстары жөніндегі орынбасары, сынып жетекшілері мен мектеп психологтерінен бөлек, барша ұстаздар қауымы атсалысуға тиіс. Өйткені бұл – мемлекеттік маңызы бар міндет.Балаларды әлеуметтік кеселдерден қорғау үшін олардың сыни ойлау қабілетін ұштау қажет. Жас ұрпақтың көп уақытын Интернет пен әлеуметтік желілерде өткізетіні жасырын емес. Олар жалған идеялар мен мінез-құлықты бұзатын теріс тәрбиенің ықпалына оңай түсуі ықтимал. Сол себепті әр педагог балаларды өз эмоциясын ұстауға, кез келген нәрсеге немесе жағдайға байыппен қарап, дұрыс шешім қабылдауға үйретуі керек.Нашақорлық пен лудомания, тұрмыстық зорлық-зомбылық, буллинг және бұзақылық сынды зиянды әдеттермен күресуде мұғалімдер айрықша рөл атқарады. Жас ұрпақ арасындағы наркотизмге қарсы іс-қимылға бүкіл қоғам болып жұмылу керек. Мен бұл туралы жақында Қауіпсіз Кеңесінің отырысында айттым. Бірақ, ең бастысы, әртүрлі стимуляторлармен әуестену, тіпті ол зиянсыз &nbsp;болса да, түбі жарға жығатынын балалар мен жастарға түсіндіру қажет.Зиянды заттарды тұтыну немесе виртуалды ойындар арқылы шындықтан ажырап, қиялға ерік беру адамды айналасына жексұрын қылып, қоғамнан шеттетеді. Шын мәнінде, мұндай жандар өз болашағына балта шабады. Олар жақсы жұмыс тауып, берекелі отбасын құру мүмкіндігінен айырылады. Өзінің дарынын көрсетіп, биік мақсаттарға жете алмайды».Фото: Ақорда

Мемлекет басшысы: «Өскелең ұрпақты әлеуметтік кеселдерден сақтау маңызды»

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев «Білім келешегі: адал азамат, кәсіби маман” тақырыбында өтіп жатқан тамыз конференциясында :<blockquote>– Ең алдымен, баршаңызға дәстүрлі Тамыз конференциясының ашылуы құтты болсын! Бұл – өскелең ұрпаққа сапалы білім мен тағылымды тәрбие беру мәселесіне арналған өте маңызды басқосу.Ұстаз – ұлттың шамшырағы. Сіздер күнделікті қажырлы еңбектеріңіз арқылы ел дамуына өлшеусіз үлес қосып келесіздер. Жас ұрпақтың бойына білім нәрін сеуіп, озық ойлы ұлт тәрбиелеп жүрсіздер. Халқымыздың зияткерлік қуатын арттыруға белсене атсалысып жатсыздар.Бүгін мен еліміздегі ұстаздар қауымына шынайы ризашылығымды білдіремін! Шын мәнінде, Мұғалімдер мемлекеттік маңызы бар жұмысты атқарып жатыр. Ыбырай Алтынсарин «Жақсы оқытушыны бәрінен де қымбат көремін» деген. Елдің ертеңі мұғалімдерге тікелей байланысты. Сондықтан ұстаздың қоғамдағы орны бәрінен биік болуға тиіс, – деп сөз сөйледі.</blockquote>Фото: Ақорда&nbsp;

️Қасым-Жомарт Тоқаев: Елдің ертеңі мұғалімдерге тікелей байланысты

<a href="https://kyzylorda-news.kz/">Kyzylorda-news.kz</a> Елордадағы Тәуелсіздік сарайында Мемлекет басшысы Қасым-Жомарт Тоқаевтың қатысуымен ұстаздардың республикалық тамыз конференциясы басталды.Жаңа оқу жылының басталуына орай заман талабына сай адамгершілігі жоғары, кәсіби құзыретті және әлеуметтік жауапты тұлғаны қалыптастыруға бағытталған білім беру жүйесінің бүгіні мен болашағына бағдар беру мақсатындағы республикалық іс-шара “Білім келешегі: адал азамат, кәсіби маман” тақырыбымен өтіп жатыр.Конференцияның негізгі бағыттары мыналар:<ul><li style="text-align:justify;">«Адал азамат» бағдарламасы аясында оқыту мен тәрбиелеудің интеграциясы;</li><li style="text-align:justify;">техникалық және кәсіптік білім беру ұйымдарындағы кәсіби бағдар беру және болашақ (hard, soft, digital) дағдыларды қалыптастыру;</li><li style="text-align:justify;">әдеп, қауіпсіздік және сапаны ескере отырып, орта білім беруге жасанды интеллектіні енгізу;</li><li style="text-align:justify;">«Қазақстан балалары» стратегиясын жүзеге асыруда мүдделі органдардың өзара іс-қимылын дамыту;</li><li style="text-align:justify;">мектептерде инклюзивтік білім беру тәжірибесін жетілдіру.</li></ul>1 500-ден астам адам қатысып жатқан іс-шара аясында «Келешек мектептері», «Абай ұлттық мектебі», «Дарынды балалар – ел мақтанышы», «ТжКББ-дегі үздік тәжірибелер», «Білім берудегі цифрлық шешімдер» тақырыптық көрме аймақтары ұйымдастырылған. Мұнда жасанды интеллект пен цифрлық технологияларды білім беру жүйесіне енгізуге арналған ауқымды экспозиция, оның ішінде цифрлық құралдар, интерактивті платформалар, әдістемелік әзірлемелер мен икемді әрі тиімді оқу үдерісін ұйымдастырудың жаңа тәсілдерін таныстыратын технологиялар ұсынылады.Конференция қорытындысы бойынша педагог мәртебесін арттыруға бағытталған қарар қабылданады. Салтанатты бөлімде білім беру саласының үздік қызметкерлерін марапаттау рәсімі және қазақстандық әртістердің қатысуымен концерт өтетіндігі жоспарланған.Фото: Акорда&nbsp;

Қасым-Жомарт Тоқаевтың қатысуымен ұстаздардың тамыз конференциясы басталды  

<a href="https://kyzylorda-news.kz/">Kyzylorda-news.kz</a> Қызылжарма ауылдық округінің әкімі Шәріп Әбдірахманов бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Ауылдық округтегі 4 көшеге түнгі жарық бағанасы мен 4 дана аялдама орнатылды. Сонымен қатар, жолдарға ағымдағы жол жөндеу жұмыстары жүргізіліп, «Тағзым» алаңы абаттандырылды. Қазір 3 дана ауыз су ұңғымасының құрылысы және жалпы ұзындығы 50 шақырымды құрайтын 67 көшеге электр бағаналары орнату орнатылуда,- деді ауылдық округ әкімі Шәріп Әкбарұлы.</blockquote>Ауылдық округте 494 кәсіпкерлік нысан жұмыс істеуде. Кәсіпкерлікті дамытудың түрлі мемлекеттік бағдарламалары аясында 21 жоба мақұлданып, 84,7 млн.теңгеге қаржыландырылды. Құны 15,7 млн. теңгені құрайтын 10 жоба мемлекеттік грантқа ие болды.

Қазақстан және Қызылорда облысының жаңалықтары