<a href="https://kyzylorda-news.kz/">Kyzylorda-news.kz</a> Әйелі Салтанат Нүкенованы өлтіргені үшін 24 жылға сотталған Қуандық Бишімбаев әлі тергеу изоляторында, - деп хабарлайды <a href="https://massaget.kz/basty-zhaalytar-438/112014/">Massaget.kz</a>.Бұл туралы ІІМ қылмыстық-атқару жүйесі комитетінің төрағасы, әділет полковнигі Теңізжан Жәнібеков айтты<blockquote>"Біріншіден, Бишімбаев әлі тергеу изоляторында. Екіншіден, оның жұмыс істеуіне қатысты: өндірістік аймақтарда түрлі жұмыс бар. Ол "Еңбек" Республикалық мемлекеттік кәсіпорында мысалы ағаш, металл өңдеу саласына жұмысқа орналаса алады. Қай жерде бос орын болса сол жерге бара алады. &nbsp;</blockquote>Бұл мәселені жұмыспен қамту бөлімі шешеді, келгеннен кейін 15 күн карантинде болады. Біз оны зерттейміз, одан әрі тәрбие жұмысы жүргізіледі. Психологтар басқа тұтқындармен жұмыс істейтін болады", - дейді Жәнібеков.Еске салайық, әйелі Салтанат Нүкенованы өлтіргені үшін айыпталған Қуандық Бишімбаев 24 жылға сотталған болатын. Ал қылмысты жасырып қалған інісі Бақытжан Байжанов 4 жылға бас бостандығынан айырылды.&nbsp;Фото: © Tengrinews.kz

Қуандық Бишімбаев әлі тергеу изоляторында - ІІМ

<a href="https://kyzylorda-news.kz/">Kyzylorda-news.kz</a> &nbsp;Журналист Гүлмира Әбіқай Түркістан облысы, Сарыағаш ауданында 5 жасар қызды әлдекімнің қасақана дәретханаға түсіргенін айтты.Бұл туралы ол <a href="https://www.instagram.com/p/C9im7DvNiam/?igsh=MWptdTE4ZDJ5YXd0OQ==">Instagram</a>&nbsp; желісіндегі парақшасында жазды, деп хабарлады <a href="http://kaz.caravan.kz/">Caravan.kz&nbsp;</a> медиа порталы.<blockquote>«Дәретханаға түсіп өлді ме, әлде біреу түсірді ме? Дәл қазір осы сауал Түркістан облысы, Сарыағаш ауданы, Сіргелі ауылына үрей туғызуда. Естеріңізде болса, 16/05/24 осы ауылдың Мамаев көшесінде тұратын 3 жасар қыз жоғалып еді. Бүкіл ел болып іздеп, алаңдап, тілеуін тіледік. Өкінішке қарай, 3-ші тәулікте кішкентай Асылымның денесі көршінің дәретханасынан табылды. Бұл қалай деп талайымыз бас қатырдық, сенбедік, дегенмен, тергеу: жазатайым оқиға деп кінәлі жан табылмады. Енді қараңыз, сол ауылда сол көшеде, марқұммен көрші тұратын 5 жасар қыз да 2 күн бұрын дәл осындай оқиғаны бастан кешеді. Айтуына қарағанда оны бір адам “Жүр, кішкентай көжектер көрсетемін” деп шақырған. Ары қарай қорқынышты енді. Түн болыпты ғой, өзім қорқып кеттім…», — дейді ол.</blockquote>Фото - Caravan.kz

"Қыздарды дәретханаға тастаған": Журналист Сарыағаш ауданында белгісіз ер адамның кішкентай қыздарға тиісіп жатқанын айтып, дабыл қақты

&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгін 18 шілде-Халықаралық Нельсон Мандела күніне орай, &nbsp;Қызылорда облысы бойынша Қылмыстық-атқару жүйесі департаментінің 37 мекемесінде сотталғандардың туған-туыстарына арналған ашық есік күні өтті. Мекеме қызметкерлері ашық-есік күнің өткізудің мақсатымен таныстырып, мекеме аумағына экскурссия ұйымдастырды.&nbsp;Ашық есік күніне бірінің &nbsp;анасы, енді бірінің жұбайы, кейбір жазасын өтеушілердің аға-інілері келді. Олар жазасын өтеушілердің жатын орындарынан бастап, асхана, кітапхана, жуыну бөлмелерін аралап көрді. Сотталғандар туған-туыстарымен кездесіп, қал-жағдайларын сұрасып жатыр. Жазасын өтеушілердің туған-туыстары да көкейлерінде жүрген сұрақтарын қойып, енді бірі осындай кездесу ұйымдастырған мекеме әкімшілігіне алғыс білдірді.Алғыс айтқан ананың баласы осы мекемеде жазасын өтеп жатыр екен. Ұлы абайсызда жол көлік оқиғасын жасап, сот үкімімен бас бостандығынан айырылған. “Ана баласы үшін отқа да суға да түседі” демекші жағдайын өз көзіммен көруге келдім деп көзіне жас алды 70 &nbsp;жасты &nbsp;алқымдаған кейуана.<blockquote>– Ұлым қанша жаста болса да мен үшін әлі бала. “Сүрінбейтін тұяқ, жаңылмайтын жақ жоқ” демекші, балама аналық ақылымды айтуға келдім. Маңдайыңа осы жерде болу жазса қайтеміз енді, шүкір жағдайын көзбен көрдім. Жазасын өтеп, аман-есен ортамызға &nbsp;отбасына оралсын дейміз. Күнделікті телефон арқылы сөйлесіп тұрғанымызбен, көзбен көру бір бөлек. “Ер жігіттің басына не келіп, не кетпейді” деп ұлыма шыдамды, сабырлы бол жақсы күндерің алда деп ақылымды айттым. Осындай іс-шараны ұйымдастырылған мекеме әкімшілігіне аналық алғысым шексіз, – деді сотталғанның анасы.</blockquote>Мекемеде мұндай іс-шаралар тоқсан сайын &nbsp;өткізіліп тұрады. Жаза басып жаңылған азаматтарды түзетуге оң әсерін тигізіп, туған-туыстарымен байланысты &nbsp;қалыптастыруға көмектеседі. Бүгінгі шарада жазасын өтеушілердің ата-аналары, туған-туыстары олардың тұрмыстық жағдайымен танысты – деді мекеме бастығының орынбасары әділет подполковнигі Өмірзақ Сейдахметов.

Қызылордада сотталғандар туған-туыстарымен кездесті

<a href="https://kyzylorda-news.kz/">Kyzylorda-news.kz</a> Жамбыл облысы Қордай ауданында толассыз жауған жаңбырдың салдарынан мал қырып, электр жарығы сөніп, көпір бүлінді, деп хабарлайды El.kzақпарат агенттігі.«Береке» шаруа қожалығы аумағынан 671 бас ұсақ мал мен 10 бас жылқы суға кеткен. Бүгін бұл мәселені арнайы комиссия нақтылайдыАғын су салдарынан «Соғанды-Бетқайнар» автожолындағы көпір бүлінген. Жергілікті атқарушы органдар мен полиция қызметінің күшімен бекеттер қойылып, жол жүру қамтамасыз етілді.<blockquote>Жақын маңдағы елді мекендерге қауіп жоқ. Соңғы мәліметтер бойынша, жеке аула аумақтарын, сондай-ақ тұрғын үйлерді су басу фактілері тіркелген жоқ, - делінген облыс әкімдігінің хабарламасында.</blockquote>Сондай-ақ, Қордай ауданының бірқатар елді мекендерінде 17 шілде сағат 18:00-ден бастап қатты жел тұрған. Желдің жылдамдығы - 18-20 м/с, екпіні 25 м/с дейін жеткен.Ауа райының қолайсыздығына байланысты бірқатар елді мекендерде уақытша электр қуаты үзілген. Авариялық қызметтер барлық шақыруға жедел шығып, электр желілерін қосу шараларын атқарды. Қазіргі уақытта Соғанды ауылында (65 үй) ғана электрмен жабдықтау жұмыстары жалғасуда.

Толассыз жауған жаңбырдан төрт түлік мал қырылып қалды

&nbsp;<a href="https://kyzylorda-news.kz/">Kyzylorda-news.kz</a> IT-рекрутер, 200-ге жуық маманның шетелдік ірі компанияларға жұмысқа орналасуына көмектескен Мирас Топбаев "<a href="https://www.youtube.com/watch?v=g7d9k2z0r9I&amp;t=2401s">Көзқарас</a>" подкастында шетелде жұмыс істегісі келетін IT саласындағы мамандарға кеңес берді, - деп хабарлайды <a href="https://massaget.kz/">Massaget.kz</a>.&nbsp; Мирас Топбаев IT-рекрутер болып жұмыс істейді. Ол шетелдік компанияларға IT саласындағы мамандарды табуға көмектеседі.IT-рекрутер - бұл IT-индустрияға таланттарды табатын жұмысшы. Ол компанияның қажеттіліктерін жақсы түсінеді және ең жақсы үміткерлерді ұсыну үшін еңбек нарығын талдайды. IT-рекрутерлер жұмыс іздеушілердің кәсіби дағдыларын бағалау үшін сұхбат жүргізеді, түйіндеме мен портфолионы талдайды.Мирас Топбаевтың айтуынша, шетелдік компанияда жұмыс істеудің ең бірінші талабы - ағылшын тілін білу.<blockquote>"Ең бірінші және қарапайым талап - ағылшын тілін білу. Айналамызда ағылшын тілін үйрететін курстар қаптап тұр. Бірақ бізде әлі күнге дейін ағылшын тілін білмейтіндер көп. Уoutube-ты ашсаңыз, тегін білім толып тұр. Сонда да бізде ағылшын - проблема. Ағылшын тілі шамамен 5 жылдан кейін шешуші дағды емес, минималды талап болып кетеді. Оны үйренудің жолдары көп. Мысалы, мен өзім музыкамен үйрендім", - деді ол.</blockquote>Ол сондай-ақ шетелде жұмыс істегенге дейін Қазақстанда тәжірибе жинауды ұсынды.<blockquote>"Қазақстандық компанияда аз дегенде 2-3 жыл жұмыс істеңіз. Мен сізге бір лайфхак айтайын, американдық компанияға жұмысқа кіру үшін халықаралық тәжірибенің болуы міндетті емес. Егер ағылшын тіліңіз жақсы болса, өз ісіңіздің маманы болсаңыз, қандай компанияда жұмыс жасағаныңыз маңызды емес", - дейді Мирас Топбаев.</blockquote>Маман IT мамандығын оқымаған, алайда оны жақсы білетін адамдарда шетелдік компанияларға жұмысқа тұра алатынын атап өтті.<blockquote>"IT білімінің бар-жоғына қарамайды. Қазір бұл негізгі талап емес. IT мамандығын 4 жыл оқыса, әрине, бұл артықшылық. Кейбіреулер ақпараттық технологиялар мамандығын сұрауы мүмкін. Бірақ ол міндетті емес. Егер сен бәрін біліп тұрсаң, сол жобаны істей алатын болсаң, бізге бәрібір. Қазір IT-курстары бар. Соларды оқып та, жұмысқа тұруға болады. Алайда "3 айда IT-маманы болып кетесің деген" - дұрыс емес пікір. адам IT-дің базасын меңгеруі үшін аз дегенде 1 жыл керек. Содан кейін ғана бағыт таңдап бастайсың. Көпшілік IT саласына ақша үшін келеді. Бұл салада ақша көп деп ойлайды. Алайда әркез олай емес. Бұл да басқа салалар секілді уақытты қажет етеді. Мысалы, 500-600 мыңға шығу үшін ең аз дегенде 2-3 жыл керек. Бірақ бұл да өзіңізге байланысты", - деді ол.</blockquote>Фото: видеодан кадр

200-ге жуық адамға шетелдік компанияда жұмыс тауып берген маманнан кеңес

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында тұрғын үйдің ауласында орналасқан уақытша баспана мен гараж, монша және автокөлік жанып кетті. Оқиға Мырзабекұлы № 17 тұрғын үй ауласында орын алған.Ауданы 20×4 метр құрайтын гараж, уақытша баспана мен моншаның 10×4 метрі және гараждың төбе жабындысы, гараж ішіндегі «TOYOTA AVENSIS» маркалы автокөлік толығымен жанып, ондағы 15×4 метр шатыр асты ағаштары зақымдалды.

Қызылордада тұрғын үйден өрт шықты

&nbsp;<a href="https://kyzylorda-news.kz/">Kyzylorda-news.kz</a>&nbsp; Жүрек, ми, жұлын аурулары қазақстандықтар арасында жиі кездеседі. Сондықтан аталған дерт түрлерін емдеуге жеке клиникаларда да жіті көңіл бөлінеді. Міндетті әлеуметтік медициналық сақтандырудың арқасында пациенттер клиникаларда диагностикалық тексеруден, дәрі-дәрмекпен және физиоемдеуден өте алады.Қызылорда қаласының тұрғыны Мағрипа Сматова «Жуас» клиникасында ем алып жүр. Егде жастағы пациентке артрит, артроз, жарық (грыжа) диагноздары қойылған. Мағрипа апаның айтуынша, ауруханаға жатқызу порталының жолдамасымен ол қазір клиникада ешқандай кедергісіз және уақытылы ем алуда.<blockquote>«Бұрын да осында қаралғанмын. Оң нәтиже байқадым. Күш түскенде және қозғалғанда буын-буыным сырқырайтын. Қазір еркін қозғалатын болдым. Сондықтан қайтадан «Жуасқа» келдім. Денсаулығыңды күткен, ауруды асқындырып алмаған дұрыс қой. Клиникада медициналық қызмет, дәрі-дәрмекпен қамту, тамақ тегін екенін айтқым келеді», - дейді Мағрипа Сматова.</blockquote>«Жуас» клиникасында кардиологиялық, неврологиялық ауруға шалдыққан науқастардың да емделуіне мүмкіндігі бар. Тәулік бойғы және күндізгі стационарлар бар. Емдеудің мерзімі – 10 күн. Дәрі-дәрмек терапиясы, массаж, ЛФК, мануалды терапия және тағы басқалар қамтылған.&nbsp; Неврологиялық бөлім меңгерушісі Асхат Төлеповтың айтуынша, МӘМС пен жеке клиникаларда медициналық қызметтердің қолжетімділігінің арқасында пациенттер уақытылы ем қабылдай алады.«МӘМС аймақта инсульт кезіндегі көмек қызметінің қарыштап дамуына жол ашып отыр. Медициналық ұйымдарда КТ, МРТ аппараттары орнатылған. Ангиограф аппараты қолданысқа енгізілгелі буын, ми, аяқ-қол және өзге де ағзалар патологиясын ерте анықтау мүмкіндігі екі есе артты. Әлбетте, мұның бәрі кардиологиялық, неврологиялық аурулар бойынша мүгедектікке шығу көрсеткіші төмендеді», - дейді Асхат Төлепов.Әлеуметтік сақтандыру қорының Қызылорда облысы бойынша филиалы 2024 жылы 112 медициналық қызмет тасымалдаушымен (30-ы – мемлекеттік, 82-сі – жеке) жалпы көлемі 118,03 млрд теңге көлемінде келісімшарт жасасқан. Оның ішінде мемлекеттік медициналық ұйымдар тарапынан 103,55 млрд теңге, жеке ұйымдарға - 14,48 млрд теңге бөлінді.

МӘМС-тің арқасында жеке клиникаларда медициналық қызметтер қолжетімді

&nbsp;<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жұмыс сапарымен Астана қаласына барды. Сапар кезінде аймақ басшысы Президент Әкімшілігі, Үкімет және тиісті министрліктерге облыстың даму жобалары бойынша ұсыныстар енгізді.&nbsp;Дүйсенбіде Нұрлыбек Нәлібаев ҚР Премьер-министрінің орынбасары – Ұлттық экономика министрі Нұрлан Байбазаровпен кездесіп, аймақтың экономикалық өсіміне қатысты мәселелерді, алдағы жоспарды талқылады.Сейсенбіде ҚР Премьер-министрі Олжас Бектеновтің төрағалығымен өткен Үкімет отырысына қатысты. Күн тәртібінде газ саласын дамыту мәселелері талқыланды. Үкімет отырысынан кейінгі арнайы мәжілісте аталған мәселе бойынша аймақтағы жағдай қаралып, жауапты тұлғаларға бірқатар тапсырма берілді.&nbsp;Жиында сұйытылған газдың басқа облыстарға кетпеуін қадағалау, газ құю станцияларының тиісті заңнама талаптарын сақтауына мониторинг жүргізу қажеттігі ескертілді.Мұнан бөлек, елді мекендерді газдандыру жайы қаралды. Өткен жылдың қорытындысына қарасақ, тұрғындарды табиғи газбен қамту үлесі 75 пайыз болды, 12 елді мекен табиғи газға қосылды. Осылайша газдандырылған ауылдар саны 35-ке жетті.​ Биыл республикалық бюджеттен 20 жобаға 5,9 млрд теңге берілді. Бұдан бөлек, «Самұрық-Қазына» акционерлік қоғамы 16 газдандыру жобасын қаржыландыруға 24 млрд теңге бөлді. Жыл соңына дейін 11 ауылдық елді мекен табиғи газға қосылып, "көгілдір отынмен" қамту деңгейін 78 пайызға, газдандырылған елді мекен санын 46-ға жеткізу жоспарлануда.Бүгін облыс әкімі «Жайлы мектеп» ұлттық жобасын жүзеге асыру және жылу маусымына дайындық барысы талқыланған Президент Әкімшілігінің отырысына қатысты.Еске салайық, бұған дейін аймақ басшысы жауапты тұлғаларға сол жағалаудағы 900 орындық, Арал қаласындағы және Жаңақорған кентіндегі 600 орындық мектептерді 1 қыркүйекке дейін оқушылар игілігіне беруді, қалған 7 мектепті қараша айына дейін салып бітіруді жүктеген болатын.«Жайлы мектеп» ұлттық жобасы аясында облыста 12 300 орынға арналған 21 мектеп салу жоспарланған. Өткен жылы 6900 орындық 10 мектептің құрылысы басталса, биыл 5400 орындық 11 мектеп құрылысы басталады деп күтілуде. Қызылорда облысының әкімдігі мектептерге инфрақұрылым жеткізуге жергілікті бюджеттен 118,4 млн. теңге бөліп, жоба-сметалық құжаттары әзірленді. Сараптама қорытындысы алынды. Инфрақұрылым жүргізуге жергілікті бюджеттен 1,7 млрд. теңге бөлініп, 7 мектептің құрылыс-монтаж жұмыстары аяқталды.Жылы беру маусымына дайындық қарқынды жүруде. Бұл мақсатқа Үкімет барынша қолдау көрсетіп, сұратылған қаржы бөлінуде. Желілерді жаңғыртуға республикалық бюджеттен 6 млрд. 200 млн. теңге, «Қызылорда жылу-электр орталығының» «Bono energy» маркалы 3 бу қазандығын жаңғыртуға Үкімет резервінен 2 млрд. теңге, барлығы 8,3 млрд.теңге бөлінді.Биыл жылумен қамту нысандарын жаңғыртуға 12 млрд.теңге қаржы қаралды. Оның ішінде жоғарыда атап өтілгендей, республикалық бюджеттен 8,3 млрд.теңге, облыстық бюджеттен 3 млрд.теңге, «ҚЖЭО» өз қаржысы есебінен 566 млн.теңге. Жергілікті бюджет және кәсіпорын қаржысы есебінен 2 газотурбиналық қондырғының генераторы мен 11 қазандыққа күрделі жөндеу, 1 турбина мен 15 қазандыққа ағымдағы жөндеу жүргізілуде. Жылу желілерін жаңғыртудағы 6 жобаны іске асыруға 6 млрд. 900 млн. теңге қаржы бөлінді.Облыстағы 1 067 әлеуметтік нысанның дайындығы 51%, оның ішінде білім беру нысандары 48%, денсаулық сақтау 52%, мәдениет және спорт нысандары 55% әзір.Биыл «Қызылорда жылу-электр орталығының» газотурбиналық қондырғылары мен автономды қазандықтарын жөндеуге облыстық бюджеттен 2 млрд. теңгеге жуық қаржы бөлінді. Жауапты мекеме басшыларына осы жұмыстың сапалы әрі мерзімінде атқарылуын бақылау тапсырылды.Айта кету керек, Мемлекет басшысы Қасым-Жомарт Кемелұлының оңтүстік өңірлерде электр энергиясы тапшылығын болдырмау тапсырмасына және қолданыстағы орталықтың тозығы жетуіне байланысты түрік инвесторымен бірлесіп, құны 215 млрд теңге болатын жаңа жылу орталығының құрылысы басталғаны белгілі. Орталық 2025 жылы іске қосылады. Шетелдік инвестиция есебінен салынатын жаңа ЖЭО 240МВт электр қуатын өндіре алады. Жоба жүзеге асырылғанда Қызылорда облысы электр энергиясымен, Қызылорда қаласы жылу энергиясы және ыстық сумен толық қамтылатын болады.Биыл облыстағы 9 әлеуметтік нысанның қазандықтарын газға ауыстыруға қажетті қаржы бөлінді.Фото: Қызылорда облысы әкімінің баспасөз қызметі

Аймақ басшысы өңірдің экономикалық мәселелері бойынша Астана қаласына барды

<a href="https://kyzylorda-news.kz/">Kyzylorda-news.kz</a> &nbsp;Республикалық маңызы бар «Қызылорда-Жезқазған» жолы ұзақ жылдан бері күрмеуі шешілмей келген, халық арасында біраз талқыға салынған мәселелердің бірі еді. Мемлекет басшысы Қасым-Жомарт Тоқаев аталған автомобиль жолы құрылысын бастауды және жолаушылар қатынасына қолайлы, сапалы етіп салуды тапсырған болатын.&nbsp;Көлік министрі Марат Қарабаев Қызылорда облысына жұмыс сапарымен келіп, «Қызылорда-Жезқазған» автожолын қайта жаңғырту барысымен танысты. Сыр өңірін еліміздің орталығымен байланыстыратын күре жолдың ұзындығы – 424 шақырым. Қызылорда облысының аумағындағы 216 шақырымның 140 шақырымы осы жылы аяқталады. Жоба құны - 108,5 млрд. теңге.Бүгінде Ұлытау облысының аумағындағы сегіз учаскенің құрылысымен айналысатын төрт мердігер анықталған. Оларға биыл күзде жұмысқа кірісу міндеті қойылды.&nbsp;Ал Қызылорда облысындағы учаскелерде құрылыс жұмыстары 2022 жылы басталған. Оған шетелдік және жергілікті компаниялар жұмылдырылған. Бес асфальтбетон зауыты мен алты арнайы ұсақтау қондырғысы жұмыс жасайды. Аймақтағы бес учаскеде құрылыс қарқынды. Мердігерлерге 140 шақырымды биыл аяқтау міндеттелді.&nbsp;Бүгінде Қызылорда облысындағы жол учаскелеріне 120 шақырым жаңа асфальт төселді (төменгі қабат). Құрылысқа 900 маман және 450 арнайы техника жұмылдырылған.«Қызылорда-Жезқазған» автожолын қайта жаңғырту жұмыстарымен танысу барысында Көлік министрі М.Қарабаевтың қатысуымен арнайы мәжіліс өтті. Жиынға Қызылорда облысы әкімінің орынбасары А. Зебешев, Көлік министрлігі Автомобиль жолдары комитетінің төрағасы А. Тұрсынұлы, «ҚазАвтоЖол» ҰҚ» АҚ төрағасы Д.Иманшаев, Қызылорда облысының жолаушылар көлігі және автомобиль жолдары басқармасының басшысы Ж. Сыздықов, «ҚазАвтоЖол» ҰҚ» АҚ Қызылорда облысы филиалының директоры Е. Жүнісов қатысты.Сонымен қатар, кездесуде республикалық маңызы бар «Самара-Шымкент» автомобиль жолының Қызылорда қаласынан Ақтөбе облысы бағытындағы 566 шақырым бөлігін 4 жолақтыға (I-б техникалық санатқа) ауыстыру мәселесі қаралды. Жобалау-іздестіру жұмыстарын, техникалық-экономикалық негіздемесін, мердігерді осы жылы анықтау және жөндеу жұмыстарын 2025 жылдың 4-тоқсанында бастау жоспарлануда.Фото: Қызылорда облысы әкімінің баспасөз қызметі

Көлік министрі “Қызылорда-Жезқазған” жолының құрылыс барысын көрді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысына жұмыс сапарымен келген Су ресурстары және ирригация министрі Нұржан Нұржігітовке облыс әкімінің орынбасары Бахыт Жаханов Арал ауданы, Аманөткел ауылдық округі тұсындағы «Қамыстыбас» және «Ақшатау» көлдер жүйесін суландырудың жай-күйін таныстырды.Аталған көлдер жүйесінің аумағы – 40459 гектар, оның ішінде «Қамыстыбас» көлдер жүйесінің аумағы – 28029 гектар, «Ақшатау» көлдер жүйесінің аумағы – 12430 гектар.Еске салсақ, Арал ауданындағы 2021 жылғы қуаңшылыққа байланысты Сырдария өзенінің «Бұрмақұлақ» арнасы бөгеліп, «Аспай» ескі ағытқысы қалпына келтірілді. Осылайша көлдер жүйесі суландырылды.«Арал ауданындағы «Қамыстыбас» және «Ақшатау» көлдер жүйелерін суландыру үшін «Аманөткел» ауылының тұсына су торабын салу» жобасының техника-экономикалық негіздемесі әзірленіп, биыл «Мемсараптама» РМК-ға қарауға ұсынылған болатын. Жоба құны – 35 млрд.теңге. Республикалық бюджеттен жоба-сметалық құжат әзірлеу ұсынылды.Нұржан Нұржігітов «Қамыстыбас» пансионатында Арал ауданының тұрғындарымен кездесті. Кездесуде су шаруашылығы саласындағы өзекті мәселелер талқыланды.Биыл вегетация кезеңінде «Шардара» су қоймасына 3,7 млрд текше метр су түсуі болжанған еді. Осы жылдың 10 шілдесіндегі мәліметтерге қарағанда, нақты 3,8 млрд текше метр су түсіп, болжам 144 пайызға орындалды.Бүгінде «Шардараға» жоғарыдан секундына 204,7 текше метр су келіп, қоймадағы су көлемі 3 млрд текше метр болды. Бұл өткен жылдың сәйкес кезеңімен салыстырғанда 752 млн текше метрге артық.Облыс шекарасына өткен жылмен салыстырғанда 289 млн текше метр артық су түсті. Алқаптар вегетация кезеңінде сумен жеткілікті көлемде қамтылды. Өзен арқылы түскен артық су Арал теңізіне жіберілуде. Өткен жылы осы уақытта теңізге секундына 6 текше метр су жіберілсе, бүгінде 65-75 текше метр су баруда. Жыл басынан бері 1,3 млрд текше метр су құйылған.Әрі қарай министр «Әйтек» су торабы арқылы Солтүстік Аралға баратын су көлемін бақылап, Сырдария, Жалағаш аудандарының су пайдаланушыларымен кездеседі.Фото: Облыс әкімдігі

Су ресурстары және ирригация министрі Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz</a> ҚР ҰҚК Шекара қызметінің Қызылорда облысы бойынша департаменті азаматтарды келісім-шарт негізінде әскери қызметке қабылдау жүргізуді бастады. Сондай-ақ, ҰҚК Шекара академиясына, одан бөлек шет елдердің әскери оқу орындарына қабылданатын үміткерлерді де іріктейді. &nbsp;Өңірлік коммуникациялар қызметінің ақпарат алаңына сала мамандары келіп керек мағлұматтарымен бөлісті.– Шекара академиясы мектеп түлектерін оқуға қабылдау науқаны басталды.<blockquote>Бұл келесі жылдың наурыз айына дейін жүргізіледі. Шекара қызметіне жоғары немесе арнайы орта білімі бар, мерзімді әскери қызметін шекара бөлімдерінде өтеген 25 дейінгі азаматтар да үміткер бола алады. Сонымен қатар, жоғары білімі бар, алайда жұмыссыз жүрген облыс жастарын жұмысқа қабылдау науқаны жүріп жатыр. Оның белгілі бір мерзімі жоқ. Айта кету керек, жоғарғы оқу орнын бітірген,әскери кафедраны оқыған запастағы офицер мамандары да бізге қазіргі таңда қажет. Күнделікті қабылдау жүргіземіз. Таңғы сағат 09:00 мен кешкі 19:00 аралағындағы қабылдаймыз. Мемлекетіміздің шекара шебін күзететін жандарды күтеміз,- деді ҚР ҰҚК Шекара қызметі Қызылорда облысы бойынша департаменті, тәрбиелік идеологиялық және кадрлық жұмыстары бөлімшесінің бастығы Данияр Жұпарбеков.</blockquote>Әскери қызметке қабылдау жүргізілуде.<blockquote>– Шекара қауіпсіздігі – мемлекеттің тұрақты дамуының кепілі. Темірдей тәртіпке төзімді, қажыр-қайраты жететін мамандарды дайындап шығару біздің міндетіміз. Шекарашы болуды үлкен бақыт деп санаймын. Себебі елдің тыныштығын қызғыштай қорып, күзету мее үшін үлкен мәртебе. Ал бұл қабылдауды жастарға берілген тамаша мүмкіндік деп білемін. Есігіміз әрдайым ашық. Патриот азаматтарды күтетін боламыз, – деді «Застава тарландары» Республикалық қоғамдық бірлестігі Қызылорда облыстық филиалының төрағасы Асан Худаяров.</blockquote>Фото: Өңірлік коммуникациялар қызметі

Әскери қызметке қабылдау жүргізілуде

<a href="https://kyzylorda-news.kz/">Kyzylorda-news.kz</a> Қызылорда облысы Арал ауданындағы <a href="https://kaz.inform.kz/news/kizilorda-oblisinda-zhanarmay-kuyu-beketnen-ort-shikti-6df019/">жанармай құю бекеті</a>нде өрт болды.Облыстық төтенше жағдайлар департаментінің мәліметіне сүйенсек, 17 шілдеде сағат 11.43 шамасында аудандық №3 мамандандырылған өрт сөндіру бөлімінің 101 арнасына Арал қаласындағы «Sinooil май құю бекетінде» өрт шыққаны туралы хабарлама келіп түскен. Оқиға орнына аудандық 3 мамандандырылған өрт сөндіру бөлімінің 3 негізгі өрт сөндіру автокөлігі мен 10 қызметкер жұмылдырылған. Тілсіз жау 12:00-де толық сөндірілді.<blockquote>«Өрт жанар-жағармай материалдарына арналған резервуардың жануынан пайда болған. Зардап шеккендер тіркелген жоқ. Өрттің шығу себебі анықталуда», – деп мәлім етті Арал ауданы әкімдігінен.</blockquote>Еске салсақ, бұдан бұрын Қызылордада құрылыс заттары дүкенінен өрт шығып, ондағы тауарлар түгел жанып кетті.Фото: Арал ауданы

Қазақстан және Қызылорда облысының жаңалықтары