<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова облыстың барлық ауданы мен Қызылорда қаласының шаруа қауымы ұсынған дәстүрлі ауылшаруашылық жәрмеңкесіне барды. Жәрмеңке жыл сайын қала күні мерекесіне орай облыс орталығында ұйымдастырылуда.
Биылғы жәрмеңкеге Қызылорда қаласы мен аудандардың тауарөндірушілері 265,6 млн. теңге құрайтын 414 көлікпен жалпы 1&nbsp;555тонна тауарларын ұсынуда. Оның ішінде түрлі көкөніс, жеміс, күріш, ет, балық және сүт өнімдері бар. Ауылшаруашылығы өнімдері қала әкімдігінің белгілеген орындарында сатылуда.
Облыс әкімі қала және аудан әкімдеріне ауылшаруашылығы өнімдерінің бағасын негізсіз көтеру жағдайларын бақылауға алуды және санитарлық талаптардың сақталуын қадағалауды тапсырды.
<blockquote>
 «Шаруалар, диқандар ерте көктемнен бастап еңбек етіп, бүгін өнімдерін ұсынуда. Ауылшаруашылығы жәрмеңкесі тұрғындар асыға күтетін үлкен мереке. Негізсіз баға көтеру жағдайларыорын алмау керек. Санитарлық талаптар қатаң сақталсын», – деді облыс әкімі Гүлшара Әбдіқалықова.
</blockquote>
Айта кету керек, облыс орталығында жәрмеңке 1 желтоқсанға дейін ұйымдастырылатын болады. Әр сенбі күні екі аудан өз өнімдерін қала тұрғындарына ұсынады деп жоспарлануда.
Жалпы ағымдағы жылы Қызылорда облысы аграрлық саласы айтарлықтай жетістіктерге қол жеткізді.
Егіс көлемі 1,1 мың гектарға артып, 184,2 мың гектарды құрады. Барлық дәнді дақылдар 99,9 мың гектар, майлы дақылдар 5,7 мың гектар, мал азықтық дақылдар 61,0 мың гектар, картоп, көкөніс, басқа 17,6 мың гектарды құраса, негізгі дақыл күріштің көлемі 89,5 мың гектарды құрады.
Сыр елінің ауыл шаруашылығы өнімдері қазіргі таңда әлемнің 17 мемлекетіне экспортталуда. Экспортталған өнімнің 92,4 пайызы облыстың негізгі дақылы – күріш өнімі Ресей, Қырғызстан, Белоруссия, Әзірбайжан, Моңғолия, Тәжікстан, Украина, Түркменстан және Ирак мемлекеттеріне шығарылуда.
<img src="https://kyzylorda-news.kz/wp-content/uploads/2020/09/e5e61f0e-d033-4a12-b4c9-41d7efb0ec45.jpg" alt="" />
<img src="https://kyzylorda-news.kz/wp-content/uploads/2020/09/2c72d9ee-ea1b-491b-9dad-5adabeb0af8b.jpg" alt="" />
<img src="https://kyzylorda-news.kz/wp-content/uploads/2020/09/c379f130-ff06-4f05-8ba3-661a5ef7fb57.jpg" alt="" />
<img src="https://kyzylorda-news.kz/wp-content/uploads/2020/09/f57b1d80-af6f-4d28-9147-3a6b21f35556.jpg" alt="" />

Қызылордада ауылшаруашылық өнімдерінің жәрмеңкесі өтті

<a href="https://kyzylorda-news.kz/">Kyzylorda-news.kz.</a> Q-econ – экономиканы қызық әрі қарапайым тілде түсіндіретін Instagram-парақша. Оның авторы, экономист Мәулен Орынбасар Massaget.kz порталына депозит ашудың қыр-сырын, банкті қалай таңдау керегін және депозиттегі валюта туралы айтып берді.&nbsp;
Депозит – инвестицияның бір түрі. Оның негізгі мақсаты – ақшаны көбейту, яғни депозит деген – банкте сақталған ақшаны білдіретін қаржылық термин. Банк бұл ақшаны айналымға жіберіп, пайда табады. Осылайша депозит иесіне пайыздық мөлшерлеме төлейді. Депозит банк үшін қарыз ақша болғандықтан әрқашан салымшыға қайтарылады. Қазақстанда депозиттің үш түрі бар.
Мерзімсіз депозит. Ешқандай шектеусіз ақшаны алуға, салуға болады.
Мерзімді депозит. Ақшаны салуға лимит жоқ, салымды жартылай шығарып алуға болады, бірақ пайыздық мөлшерлемеден айырылып қаласыз.
Жинақ депозиті. Ақшаны шығаруға максимал лимит қойылған. Ең көп пайыздық мөлшерлеме осы депозитте болады.
Депозитте ақша ұстағанның қандай пайдасы не зияны бар?
Жақсы жақтары:
Оңай/қарапайым. Басқа инвестиция түрлерімен, қаржы құралдарымен салыстырғанда, әлдеқайда оңай. Депозитті бір ашқан соң, мерзімі аяқталғанша ол туралы бас қатырмайсыз. Қолайлылық үшін Қазақстанда көптеген банк депозитті онлайн ашу қызметін ұсынады.
Тұрақты пайыздық мөлшерлеме. Депозитті ашқандағы пайыздық мөлшерле оның мерзімі аяқталғанша сол күйінде сақталады. Мысалы, сіз 12% депозит ашсаңыз, кейін нарықтағы депозит пайыздық мөлшерлемесі 9% түссе, сіздікі 12% болып қала береді.
Сіздің ақшаңыз бұғатталады. Әдетте ақшаны жұмсауға ештеңе кедергі бола алмайды, бірақ ақшаңыз жедел депозитке салынған соң оны импульсті сатып алулар үшін пайдалана алмайсыз. Бұл ақша үнемдеуді жеңілдетеді.
Депозитіңіз мемлекет арқылы кепілдендірілген. Қазақстандық депозиттердегі кепілдік жүйенің арқасында риск жоқ. Егер депозит ашқан банк банкрот болса, 15 миллион теңгеге дейінгі негізгі салымды (пайыздық мөлшерлемені емес) мемлекет өтейді.
Жағымсыз жақтары:
Тұрақты пайыздық мөлшерлеме. Бұл оң әрі теріс жақтары да болуы мүмкін. Мысалы, сіз 10% депозит ашсаңыз, кейін барлық банктер 13 пайыздық мөлшерлемемен депозит аша бастаса, өкініп қалуыңыз мүмкін.
Төмен табыс. Депозит – ең қауіпсіз, сондай-ақ ең төмен табысты инвестицияның бірі. Егер ақшаңызды басқа инвестиция түріне аударсаңыз (құнды қағаздар, жылжымайтын мүлік), пайыздық мөлшереме әлдеқайда көп болады.
Ақшаңыз құлыптаулы. Тез арада ақшаңыз керек пе? Егер ақша банк шотында болса, бұл проблема емес. Бірақ егер сіздің ақшаңыз мерзімді депозитте болса, сізге айыппұл төлеуге және банкке 31 күн бұрын хабарлауға тура келеді.
Депозитке ақша саларда нені білу қажет?&nbsp;
Келісімшартта қаражатты орналастыру және пайыздық мөлшерлеме төлеу талаптары, салымды қайтару (толық немесе ішінара) талаптары, оны толықтыру мүмкіндігі туралы талаптар, салым мерзімі, банк салымы шартын ұзарту талаптары туралы жазылады. Әдетте олар жарнамада көрсетілгеннен өзгеше болуы мүмкін. Сондықтан банк депозитінің шартына қол қойғанға дейін оны мұқият зерттеу өте маңызды. Депозит ашуды жоспарлап отырған банктің сайтымен танысыңыз. Әдетте олар келісімшарт үлгілерін сайтқа жариялайды және депозит ашпас бұрын&nbsp;оның мәтінімен танысып алсаңыз болады.
Банкты қалай таңдаймыз?&nbsp;
Депозит ашпас бұрын, банк жайлы, оның ұсынатын депозит түрлерін анықтап алған дұрыс. Ұлттық банк сайтында көп ақпарат бар. Одан да құнды ақпаратпен&nbsp;Қазақстан қор биржасының сайтынан&nbsp;білуге болады. Мұнда әр банктың толық статистикасын қарауға болады. Алдымен депозитті қандай мерзімге ашқыңыз келетінін біліңіз. Егер ұзақ мерзімді депозит ашқыңыз келсе (он екі айдан көп), онда банк рейтингіне, қаржылық тұрақтылығына мән беріңіз.
Депозитке ақша саларда қандай қауіпті ескеру керек?
Рискті бағалау үшін Қазақстанның депозиттерге кепілдік беру қорының мүшелерімен танысып алған дұрыс. 2020 жылдың қыркүйегіндегі мәліметке сәйкес, 24 банктің депозиттері кепілдендірілген (банк бір жағдайға ұшыраса, ақшаңыз қайтарылады). Олардың тізімі ҚДКБҚ сайтында жарияланған.
Табыстың неше пайызын депозитке салған дұрыс?
Қаржы мамандарының арасында 50/30/20 ережесі кең таралған. Табысыңыздың 50%-ын қажетіңізге (needs), 30%-ын қалауыңызға (wants), 20%-ын инвестицияға (savings)&nbsp;аударыңыз.
Өсім жайлы не білу қажет?
Барлық депозитке арналған бір формула жоқ. Депозит түріне қарай ондаған формула бар.
Ақшаны депозитте сақтаған жөн бе әлде қолда ұстаған дұрыс па?
Әрине, депозитте. Адамдардың ақшаны қолда ұстағаны экономикаға кері әсер етеді. Адамдар үшін де тиімсіз. Себебі жылдық инфлияцияның әсерінен ақша құнсыздана береді. Жастық астында жатқан ақшадан гөрі, депозитте аз болса да, өсіп жатқан ақша әлдеқайда пайдалырақ. Экономика үшін де қаржының айналымда болғаны өте маңызды.
Қандай валютада сақтаған дұрыс?
Депозиттегі валютаның дұрыс-бұрыстығы кейін ақшаны қай валютада жұмсайтынына байланысты. Қазақстандықтардың көбі теңгеде сақтағанды жөн көреді.
Банк банкротқа ұшырағанда қайтарылатын кепілді сома қандай?
“Қазақстан Республикасындағы банктер және банк қызметі туралы” заңының 61-1-бабына сәйкес, депозиттерді Қазақстанның Депозиттерге Кепілдік Беру Қоры қорғайды. Егер банк лизенциясынан айырылса,&nbsp; депозиттерді қайтаруды ҚДКБҚ өз жауапкершілігіне алады. Оған қазір 24 банк мүше.
Кепілдіктер мынадай:
<img src="https://kyzylorda-news.kz/wp-content/uploads/2020/09/1600943218_l.jpg" alt="" />
Автопролонгацияны (келісімшарт мерзімін автоматты түрде ұзарту) өшірген дұрыс па?
Бұл сұраққа нақты иә не жоқ деп жауап беруге болмайды. Кейбір адамға автопролонгация өте қолайлы – артық әуресіз депозит әрі қарай жалғасады (банк кеңсесіне барудың қажеті жоқ). Кейбір келісімшартта пролонгация туралы жазылады. Егер депозит мерзімінен кейін әрі қарай ұзарғанын қаламасаңыз, депозит аяқталардан бір күн бұрын депозитті жауып, салымды алып алыңыз. Егер келісімшартта пролонгация көрсетілмесе, мерзімі аяқталған соң депозиттегі салым бірден ағымдағы шотқа аударылады. Есте сақтайтын маңызды нәрсе – пролонгация кезінде пайыздық мөлшерлеме өзгеруі мүмкін.
<a href="https://massaget.kz/layfstayl/zhadnama/63244/">Massaget</a>

Депозит ашарда нені білу керек?

<a href="https://kyzylorda-news.kz/">Kyzylorda-news.kz.</a> “Nur Otan” партиясының орталық аппараты Нұр-Сұлтан қаласында жаңа мүшелерді қабылдау кезінде тәртіп бұзушылықтар болғанын анықтады. Бұл туралы партиялық бақылау комитетінің отырысы барысында белгілі болды, деп&nbsp;<a href="https://nurotan.kz/news/news-detail/263989?lang=kz">хабарлады</a>&nbsp;ұйымның баспасөз қызметі.
“Nur Otan” орталық аппараты партияның жаңадан қабылданған мүшелері мен “Праймериз” ақпараттық жүйесінде тіркеуден өткендерге талдау жүргізеді.
Осылайша, кезекті тексеру барысында елордада “Азия Орталық Снаб” ЖШС бастауыш партия ұйымы қабылдаған 2466 жаңа партия мүшесінің есептік мәліметтері расталмады. 11 қыркүйектен 4 қазанға дейін партияға қабылдау тоқтатылғанына қарамастан, 12-17 қыркүйек аралығында азаматтар партия қатарына қабылданған.
Партиялық бақылау комитетінің төрағасы Павел Казанцевтің пікірінше, бұл – өрескел тәртіп бұзушылық. Партияға кейбір “қажетті” кандидаттарға дауыс беруді ұйымдастыру үшін өздерінің бір сәттік мәселелерін шешетіндер, жай ғана қара көбейтетіндер қажет емес.
<blockquote>
 “Сондықтан дауыс беру кезінде бұрмалауды болдырмау үшін праймериз кезеңінде партияға қабылдау тоқтатылды. Осы фактілерді ескере отырып, партияның астаналық филиалы “Азия Орталық Снаб” ЖШС БПҰ-дағы барлық партия мүшелерінің деректерін салыстырып, тексеруі тиіс”, – деп мәлімдеді Казанцев.
</blockquote>
Баспасөз қызметінің мәліметінше, партиялық бақылау комитетінің тексерісі барысында партия мүшелерін бір телефон нөмірімен тіркеу деректері анықталды.
Мысалы, Ақмола облысының Бурабай ауданында “Білім Бурабай” және “Бірлік Бурабай” БПҰ-да партияның 105 мүшесінің бір телефон нөмірі бар. Ал Қарағанды облысының Балқаш қаласында “Ардагер”, “Гүлдер”, “Балқаш станциясы” және “Шипагер” БПҰ-да бір телефон нөмірінің иелері 279 адам болды.
Отырыс қорытындысы бойынша аймақтық және аумақтық партиялық бақылау комиссияларына барлық айқындалған фактіні анықтап, кінәлілерді жазалау тапсырылды.
Партияның баспасөз қызметі барлық тәртіп бұзушылық деректері бойынша 8 (800) 080 4441 “жедел желіге” (қоңырау шалу тегін) немесе&nbsp;komek@nurotan.kz&nbsp;электронды поштасына &nbsp;хабарласуға болатынын атап өтті.

Nur Otan праймериз қарсаңында өрескел тәртіп бұзушылықтарды анықтады

Kyzylorda-news.kz. Бүгінгі күнге дейін облыста 11305 адам өзінің биометриялық мәліметін тіркеді. Яғни, биометриялық дерегі болса жеке куәліксіз, электронды қолтаңбасыз, СМС хабарламасыз банктік және мемлекеттік қызмет түрлерін пайдалана алады.
«Халыққа электрондық сервистерді қолдануды ыңғайлы ету үшін Президент мемлекеттік көрсетілетін қызметтерді алуда және жеке бизнесте биометрияны кеңінен қолдануды тапсырды. Соңғы жылдары бүкіл әлемде биометрия мен көп факторлы аутентификацияның пайдасына логин мен парольден бас тарту үрдісі байқалады. Мұндай сервисті алудың ыңғайлылығын біздің облысымыздың тұрғындары да сезінді. Бүгінгі күні республика бойынша биометриялық параметрлер арқылы мемлекеттік қызметтерді алу үш қалада жүзеге асырылуда – Нұр-Сұлтан, Алматы және Қызылорда», – деді облыстық цифрлық технологиялар басқармасының басшысы Юлия Тремасова.
Сондай-ақ, ауылдық жерлерді интернетпен қамту бағытында жұмыс істелуде. Облыста 230 ауылдық елді мекен бар. Оның 160-ы интернетпен қамтамасыз етілген. Яғни, 69 пайызды құрайды. 250-ден астам халық бар 70 ауылдың 23-іне жыл соңына дейін базалық станция салынады. Жергілікті атқарушы органдар тарапынан құрылыс үшін жер учаскелері бөлініп, электрмен жабдықтау мәселелері шешілуде.

Қызылордада 11305 адам өзінің биометриялық мәліметін тіркеді

Kyzylorda-news.kz. Алаштың рухани ордасы, қасиетті өлке, келбеті көркем, келешегі кемел сүйікті қаламыз – Қызылорда күніне арналған мерекелік шаралар легі шаһар басшысы Нұрлыбек Нәлібаевтың қатысуымен «Сыр Ана» алаңында қорытындыланды.
Қала әкімі Алаштың анасына, бақыттың қаласына айналған қос ғасырдан аса тарихы бар қазақ атын қайтарған алғашқы астана күнімен барша қызылордалықтарды құттықтап, ізгі лебізін білдірді. Алаш арыстарының табанының табы, ұлт зиялыларының ізі қалған, береке-бірлігі бұзылмаған Ұлы достықтың ордасы, Алаштың Ақмешіті атанған – Қызылорданың тарихын тарқатып, бүгінгі жетістіктері мен жаңалықтарына тоқталды.
Жыл көлемінде атқарылған тірліктерді тізбектеп, инфрақұрылым дамып, тұрғын үй құрылысының еселеп артқанын, өндіріс көлемі мен ауыл шаруашылығы саласының өркендегенін, кәсіпкерлік субъектілерінің саны артып, әлеуметтік нысандар құрылысын жүргізіп, қайта жаңғырту қарқын алғанын және қала бюджетінің ұлғайып 68,9 млрд. теңгеден 100 млрд. теңгеге жеткенін атап өтті.
Мерекелік бағдарлама қаланың әлеуметтік-экономикалық дамуына және қоғамдық-саяси өмірінің өсіп-өркендеуіне қосқан үлестері үшін бірқатар азаматтарға «Қызылорда қаласының Құрметті азаматы» атағын берумен жалғасты. Шаһар басшысы қаланың ең жоғарғы марапаты, Қызылорда қаласының құрметті азаматы атағын 17 адамға табыстады.
Құрметті атаққа еңбек жолын қарапайым жұмысшыдан бастап, қызметтің түрлі сатыларынан өтіп, еңбек көрігінде есейген, елге сыйлы, қызметте абыройлы бола білген, қаламыздың дамуына елеулі үлес қосқан еңбек ардагерлері, профессорлар, құқық қорғау, құрылыс, денсаулық, білім, мәдениет саласының ардагерлері ие болды.
Қала әкімі түрлі салада қажырлы еңбек етіп, абыройлы қызмет атқарған, Сырдың жанашыр азаматтарын марапаттарымен құттықтап, алдағы байырқалы бастамаларына табыс тіледі. 
Мерекелік шара соңында ағымдағы жылы өткен «Қызылорда LIVE» республикалық композиторлар байқауында үздік деп танылған әндер орындалып, «Қызылорда» атты жаңа әннің тұсауы кесілді.
<img src="https://kyzylorda-news.kz/wp-content/uploads/2020/09/fb_img_1601051986615.jpg" alt="" />
<img src="https://kyzylorda-news.kz/wp-content/uploads/2020/09/fb_img_1601051989660.jpg" alt="" />
<img src="https://kyzylorda-news.kz/wp-content/uploads/2020/09/fb_img_1601051992608.jpg" alt="" />

«Қызылорда қаласының Құрметті азаматы» атағы табысталды

Kyzylorda-news.kz. «Қазгидромет» РМК-сы 26 қыркүйек күнгі ауа райы болжамын жариялады.
Кәсіпорын таратқан мәліметтерге қарағанда, республиканың шығысы мен орталығында атмосфералық ағындардың өтуіне байланысты күн райы құбылмалы болады. Республиканың кей жерлерінде жауын-шашын, тұман болып, жел күшейеді. Оңтүстікте шаңды дауыл тұрады.
Қызылорда облысының кей жерлерінде топырақ бетінде 1-3 градус үсік жүреді.

26 қыркүйекке арналған ауа райы болжамы

Kyzylorda-news.kz. Қала күнінде облыс әкімі Гүлшара Әбдіқалықова мен шаһар басшысы Нұрлыбек Нәлібаев Сырдария өзенінің сол жағалауынан «Нұрлы Жер» бағдарламасы аясында бой көтерген несиелік үйлерді пайдалануға берді. Өңір басшысы кезекте тұрған 20 тұрғынға пәтер кілтін табыстап, қоныс тойымен құттықтады.
Баспаналы болған тұрғынның бірі білім саласының маманы Ұлбала Мұстафаева қуанышымен бөлісіп, мемлекет тарапынан көрсетіліп жатқан қолдауларға пәтер иелері атынан алғысын жеткізді.
Қала күнінде берілген №3 тұрғын аймағындағы үйлер құрылысын “Бақ – Береке 2030”, “Дәнекер”, “Сапақ”, және “Астана Сервис ЛТД” компаниялары жүргізген. Бес қабаттан тұратын 200 пәтерлік тұрғын үйдің жалпы ауданы 12 мың 619 шаршы метр.
Кейінгі жылдары Қызылорда қаласында 14 жаңа шағын аудан, 7 тұрғын үй кешені бой көтеріп, 10 мыңға жуық қызылордалық баспаналы болды. Соның ішінде тұрғын үй құрылысын еселеп арттырған Сырдария өзенінің сол жағалауындағы жаңа қалада соңғы екі жылда республикалық, облыстық бюджеттерден 620 пәтерлік 13 көпқабатты арендалық тұрғын үй мен 240 пәтерлік 4 көпқабатты несиелік тұрғын үйлердің, сондай-ақ жеке құрылыс салушылардың есебінен 604 пәтерді құрайтын 14 көпқабатты тұрғын үйдің құрылыстары жүргізіліп, ел игілігіне пайдалануға берілді.
Биылғы жылдың соңына дейін 680 пәтерлік арендалы 14 көпқабатты үйдің құрылысын аяқтау жоспарланып отыр. Жеке инвесторлардың қаражаты есебінен 86 пәтерлік 1 көпқабатты тұрғын үйдің құрылысы жүргізілуде.
<img src="https://kyzylorda-news.kz/wp-content/uploads/2020/09/fb_img_1601042130390.jpg" alt="" />
<img src="https://kyzylorda-news.kz/wp-content/uploads/2020/09/fb_img_1601042134291.jpg" alt="" />
<img src="https://kyzylorda-news.kz/wp-content/uploads/2020/09/fb_img_1601042149718.jpg" alt="" />

Қызылордада 20 тұрғын баспаналы болды

Kyzylorda-news.kz. Қазақстан президенті Қасым-Жомарт Тоқаев Алматыда И.Жекенова атындағы қалалық клиникалық жұқпалы аурулар ауруханасына барды. Палаталарды аралау барысында мемлекет басшысы коронавирустың екінші толқынына дайын болуға шақырды, деп хабарлайды&nbsp;<a href="http://www.akorda.kz/kz">Ақорда.</a>
Алматыға жұмыс сапары барысында Тоқаев, ең алдымен, И.Жекенова атындағы қалалық клиникалық жұқпалы аурулар ауруханасының жаңа филиалына барды. Президент 500 адамға стационарлық медициналық жәрдем беруге арналған және заманауи құрылғылармен жабдықталған палаталарды аралап көрді.
Мемлекет басшысы коронавирустың ықтимал жаңа толқынына дайын болудың маңызды екенін атап өтті. Осы ретте азаматтарымыздың өмірі мен денсаулығын сақтау үшін барлық ресурсты жұмылдыру қажеттігін айтты.
<blockquote>
 “Қазір бүкіл әлемдегі жағдай күрделі. Еуропа мен Америкада коронавирустың екінші толқыны өтіп жатыр. Осындай жағдайда біз қырағылық танытып, дайын болуымыз қажет”, – деді Тоқаев.
</blockquote>
Ол үкімет пандемияның бірінші толқынынан жақсы сабақ алғанын, бұл тәжірибенің пайдасы болғанын атап өтті.
<blockquote>
 “Әрине, қиын болды, қателіктер жіберілді, соның ішінде, денсаулық сақтау министрлігі тарапынан да ағаттықтар кетті. Бұл қателіктерді жұмыс барысында жөндеуге тура келді. Дегенмен, кез келген тәжірибенің, тіпті ауыр болса да, пайдасы бар.&nbsp; Сондықтан екінші толқынға дайын болайық. Содан кейін бүкіл дүние жүзімен, халықаралық қоғамдастықпен бірге барлық қиындықты лайықты түрде еңсеруге тиіспіз”, – деді президент.
</blockquote>
Мемлекет басшысына қаладағы медициналық-демографиялық ахуал және COVID-19 індетіне қарсы күресу үшін қабылданған шаралар, сондай-ақ, медициналық жедел жәрдем қызметінің жұмысы жөнінде баяндалды.
Президент медицина қызметкерлерімен әңгімелесу барысында ұлттық денсаулық сақтау саласын одан әрі дамыту, медициналық мекемелерді қажетті құрылғылармен жабдықтау, төсек-орын мен инфрақұрылымды жаңарту, сондай-ақ, дәрігерлердің еңбекақысын арттыру мәселелеріне тоқталды.
<blockquote>
 “2023 жылға қарай медицина қызметкерлерінің еңбекақысын бүкіл экономикадағы орташа жалақыдан екі есе жоғары деңгейге жеткізу міндеті қойылады. Алғашқы медициналық санитарлық жәрдем беру ісін дамытуға баса мән беріледі. Өкінішке қарай, біз бұл салаға уақытында назар аудармадық. Эпидемия мұндай іс-қимылдардың қате екенін көрсетті. Қазір жіберген қателіктерге дұрыс көңіл бөліп, оларды түзетуіміз керек. Әрине, медицина әрдайым басты назарымызда болады”, – деді Тоқаев.
</blockquote>
Кездесу саңында мемлекет басшысы пандемияға қарсы күрестің күрделі жағдайында атқарған қажырлы еңбегі үшін дәрігерлерге ризашылық білдірді.

Коронавирустың екінші толқынына дайын болайық – Президент

Kyzylorda-news.kz. Қала күніне орай облыс орталығында аймақ басшысы мен шаһар әкімі Нұрлыбек Нәлібаевтың қатысуымен Мемлекет және қоғам қайраткері, соғыс және еңбек ардагері Ыдырыс Қалиевтің ескерткіш-мүсіні ашылды.
Шара барысында Сыр халқына ҚР Мемлекеттік хатшысы Қырымбек Көшербаевтың жолдаған арнайы Үкіметтік құттықтау жеделхаты оқылып, облыс әкімі Гүлшара Әбдіқалықова ел ардақтысы туралы естеліктерімен бөлісті. Қайраткер бюстінің ашылу салтанатына асда тұлғаның жұбайы Қанзира Қалиева қатысып, ел азаматының еңбегін ұмыт қалдырмай, кейінгі ұрпақ жадында жаңғыртуды қолға алған жандарға алғысын айтып, ыстық ықыласын жеткізді.
Арда тұлға көзі тірісінде еселі еңбегімен аймағымыздың абыройын асырып, өз еліне, туған топырағына деген сүйіспеншілігі мен жанашырлығын іспен көрсетті.
Еткен еңбек, төккен тердің арқасында жауапты қызметтерді абыроймен еңсеріп, талай жылғы табанды тірліктің лайықты бағасындай «Еңбек Қызыл Ту» орденін 2 мәрте алып, Отан соғысы, «Құрмет белгісі» орденімен, бірнеше медальдармен марапатталып, Қазақ КСР Жоғарғы Кеңесінің депутаттығына алты рет, Қазақстан Компартия съездеріне, КОКП-ның ХХVII съезіне делагат болып сайланған. Сонымен қатар Тәуелсіз Қазақстанның «Құрмет» орденімен, «Ерен еңбегі үшін» және тағы да басқа медальдарымен марапатталған.
Қызылорда облысының, қаласының, Қазалы, Арал аудандарының Құрметті азаматы, Сыр өңірінің батагөйі, ақылман ақсақалы болды. 
Ы.Қалиевтің мүсіні Желтоқсан – А.Тоқмағамбетов көшелері қиылысына орнатылды. Қола металынан жасалған мүсіннің биіктігі – 1 метр болса, граниттен дайындалған тұғыр биіктігі – 2,3 метрді құрайды. Мүсін авторы Қазақстан Суретшілер одағының мүшесі, мүсінші Аманкелді Кененбаев.
<img src="https://kyzylorda-news.kz/wp-content/uploads/2020/09/fb_img_1601044364656.jpg" alt="" />
<img src="https://kyzylorda-news.kz/wp-content/uploads/2020/09/fb_img_1601044358561.jpg" alt="" />

Қызылордада Ыдырыс Қалиевтің ескерткіш-мүсіні ашылды

Kyzylorda-news.kz. Денсаулық сақтау министрлігінің ресми өкілі Бағдат Қожахмет қатаң карантин енгізудің басты талабын жариялады, деп хабарлайды&nbsp;<a href="https://sputniknews.kz/">Sputnik Қазақстан</a>. &nbsp;
<blockquote>
 “Бұған дейін біз қажет болса, коронавирусқа шалдыққандар үшін 70 мыңнан астам орын ашылуы мүмкін екенін айтқан едік. Соның ішінде 51 мың орын стационарларда, яғни ауруханаларда болады. Дүниежүзілік денсаулық сақтау ұйымының ұсынымына сәйкес, егер осы 51 мың орынның 70 проценті толып қалса, қатаң карантин шараларын енгізуге тура келеді”, – деді Қожахмет орталық коммуникациялар қызметінде өткен онлайн брифингте.
</blockquote>
Оның айтуынша, қатаң карантиндік шаралардың барлығы бас мемлекеттік санитарлық дәрігердің қаулысында көрсетілген.
<blockquote>
 “Дегенмен, оған дейін бармайды деп сенеміз. Қазіргі жағдай тұрақты, науқастар мен құрбандардың саны күн сайын төмендеп келеді. Бұл дегеніміз, санитарлық нормалар жақсы сақталып жатыр. Әрине, барлығы өзімізге, қоғамдық тәртіпке байланысты болады”, – деп атап өтті Қожахмет.
</blockquote>
Айта кетейік, бүгінде республика бойынша коронавирусқа шалдыққандардың жалпы саны 107 590 адамға жетті. Олардың ішінде 102 360 науқас жазылып шыққан. 3 515-і емделіп жатыр. 1 699 науқас осы індет салдарынан қайтыс болды.
Бұдан бөлек, 1 тамыздан бастап елімізде коронавирустың белгілері бар пневмонияның статистикасы бөлек жүргізіледі. Осы уақытқа дейін 31 991 адам пневмонияға шалдықты, 347 науқас қайтыс болды.
Соңғы бір тәуліктің ішінде COVID-19 бен пневмониядан бес адам көз жұмды.

Қатаң карантин қай кезде енгізіледі – денсаулық сақтау министрлігі түсініктеме берді

<a href="https://kyzylorda-news.kz/">Kyzylorda-news.kz</a>. Қызылорда қаласына қарасты Сабалақ елді мекенінің тұрғындары бірнеше рет бұқаралық ақпарат құралдарында таза ауыз су мәселесін көтерген болатын.
Бұл ретте, «Nur Otan» Қызылорда облыстық филиалында тиісті мемлекеттік органдар өкілдерімен, партиялық бақылау комиссия мүшелерімен аталған мәселе жан жақты талқыланды.
Қызылорда қаласы әкімдігінің мәліметі бойынша 2019 жылы Сабалақ елді мекеннің ауыз су жүйесі құрылысына республикалық бюджеттен қаржы бөлініп, тендер жеңімпазы «Дәнекер» ЖШС-і мемлекеттік сараптаманың оң қорытындысын алған жоба-сметалық құжаттарға сәйкес 21 көшеге 21,02 км су құбырын жүргізіп барлығы 579,733 млн теңгеге жұмыстар атқарды.
Биыл 2020 жылы қалған көшелеріне (2-ші кезеңге) толық ауыз су жүйелерін жүргізуге жоба-сметалық құжаттар дайындалып, мемлекеттік сараптаманың оң қорытындысы алынды. ЖСҚ бойынша Сабалақ елді мекенінің көшелеріне 581 млн теңгеге 44,5км сыртқы ауыз су жүйесі, тұтынушыларға дейін 22,7км құбыр тарту жұмыстары жүргізіледі.
Қазіргі уақытта құрылыс-монтаж жұмыстарын жүргізуге қалалық бюджеттен 111 мың теңге қаралып, мемлекеттік сатып алу конкурсы аяқталып «Мелиоратор» ЖШС женімпаз аталды. 
Сабалақ елді мекенінің тұрғын үйлеріне су құбырын жеткізу сервистік желісін салуға бюджеттік өтінімді тиісті мемлекеттік органдарға жедел тапсыруға ұсыныс жасалды.
Сабалақ елді мекенінің тұрғын үйлеріне су құбырын жеткізу сервистік желісі толық іске қосылғанға дейін таза сумен қамтамасыз ету бойынша балама жолдарын қарастыру ұсынылды.

Қызылорда: Сабалақ елді мекеніне ауыз су жүйесі тартылады

<a href="https://kyzylorda-news.kz/">Kyzylorda-news.kz.</a> Қызылордада патрульдік қызметтегі полицейлер мінген «Toyota Corolla» көлігі бетон қоршауына соқты, деп хабарлайды <a href="https://www.inform.kz/kz/kyzylordada-policiya-koligi-zhol-apatyna-ushyrady_a3698748">ҚазАқпарат</a>.
Оқиға 24 қыркүйекте болды. Сол сәтте «Audi С4» маркалы автокөлігінің иесі басты жолда келе жатқан полиция көлігіне жол бермей соқтығысқан. Соның салдарынан патрульдік қызмет көлігі бетон қоршауына соғылған.
<blockquote>
 «Жол-көлік оқиғасы бойынша «Audi С4» маркалы автокөлігінің жүргізушісіне қатысты ҚР Әкімшілік құқық бұзушылық туралы кодексінің 610-бабының 1-бөлігімен әкімшілік хаттама толтырылды. Жинақталған құжаттар сотқа жолданды. Жол-көлік оқиғасы салдарынан зардап шеккендер жоқ», – деп мәлім етті Қызылорда облыстық полиция департаментінің баспасөз қызметі.
</blockquote>
Сондай-ақ, Қызылордада жарық бағанасын соққан көлік жүргізушісі мерт болды.

Қазақстан және Қызылорда облысының жаңалықтары