<a href="http://kyzylorda-news.kz./">Kyzylorda-news.kz.</a> 2020 жылы Әлеуметтік медициналық сақтандыру қорының мамандары медициналық қызметтердің сапасы мен көлемі бойынша 1,2 миллионнан аса кемшілікті анықтады. Бұл туралы Денсаулық сақтау министрлігінің алқа отырысында Әлеуметтік медициналық сақтандыру қорының Басқарма Төрағасы Болат Төкежанов хабарлады.
Мониторинг көрсеткендей, ең көп таралған бұзушылық (60%) – бұл көмек көлемінің жасанды өсуі. Келесі кезекте – есеп құжаттарын қате толтыру – бұл барлық жайттың 15%-ы, ал емдеу және диагностика шараларын орындау барысында стандарттар мен клиникалық протоколдардан негізсіз ауытқу –&nbsp; 9,6%. Сондай-ақ, науқастардың диагнозын жасанды қиындату, ауруханаға жатқызбау немесе медициналық көмек көрсетпеу, қызметтер мен дәрі-дәрмектерді “берілді” деп жалған толтыру жайттары кездеседі. Медициналық ұйымдар айыппұлының жалпы сомасы 9,2 млрд теңгеден асады.
2020 жылдың қорытындысы бойынша ӘСМҚ 21 мыңнан астам қызметтің шын мәнінде орындалмағанын анықтады, олардың жалпы құны 290,9 млн теңгеге (экономикалық шараларды ескергенде) жетеді. Оның ішінде амбулаториялық-поликлиникалық көмек, кеңес беру және диагностика қызметтері деңгейінде – 167 млн теңге сомаға 20 122 кемшілік.
Биыл Қор сапаны бақылау жүйесіне өзгерістер енгізуді жоспарлап отыр. Медициналық қызметтерді көрсету тәртібі мен пациенттердің құқығын бұзуға әкеп соғатын жағдайлар мен себептерді анықтау және алдын алуға бағытталған проактивті мониторинг енгізіледі.
Бұдан былай кемшіліктер анықталған жағдайда қызметті ұсынушы қорытынды шығарылған сәттен бастап 45 күнтізбе күні ішінде анықталған кемшіліктерді жойып, орындалмаған міндеттерді орындауы тиіс. Әйтепесе, аталған мерзім өткен соң айыппұл салынатын болады.
Қорда атап өткендей, бұл өзгерістер медициналық қызметтердің қолжетімділігі мен сапасын арттырып, қызметті ұсынушылармен өзара сенімге негізделген қарым-қатынас орнатуға мүмкіндік береді.
<blockquote>
 «Медициналық ұйымдардың басшылары берілген мүмкіндікті пайдаланып, кемшіліктерді жойып, пациенттерді қолдау және сапаны сараптау қызметтерінің жұмысын күшейтуі тиіс. Орта медицина қызметкерлерінің медициналық құжаттарды дұрыс толтыруын, сонымен бірге дәрігердің тағайындауларын уақытылы орындауын жүйелі түрде тексеріп, сараптама жүргізіп отыру қажет», –&nbsp; дейді ӘМСҚ басшысы.
</blockquote>
Қор пациентттердің құқығын қорғауға мүдделі, сондықтан халықтан медициналық қызметтің сапасыз орындалуы немесе орындаудан бас тарту жайттарын кері байланыс арналарының бірі арқылы хабарлауды сұрайды – Qoldau 24/7 мобильді қосымшасы, @SaqtandyryBot телеграм-боты, fms.kz ресми сайты және 1406 байланыс орталығы.
<blockquote>
 «Мамандар әрбір шағымды қарастырып, шара қолданады. Мысалы,&nbsp; былтыр Қорға пациенттердің 214 шағымы түсіп, 78 рет қызмет көрсетілмегені расталды, нәтижесінде медициналық ұйымдарға 5 млн теңгеден астам сомада айыппұл салынған», – деп атап өтті Болат Төкежанов.
</blockquote>
<img src="https://kyzylorda-news.kz/wp-content/uploads/2021/03/defekty-kaz-1.jpeg" alt="" />

ӘМСҚ: 1,2 млн-нан аса кемшілік анықталды

<a href="http://kyzylorda-news.kz./">Kyzylorda-news.kz.</a> Қазақ: «Адамның күні – адаммен», – дейді. Адамдар белгілі бір қауымдастықта өмір сүруі үшін өзара ынтымақта, бірлікте болуы керек. Ал оның бастауы – адамгершілік.
Халықтық дүниетанымда адамгершілік дегеніміз – адамды қадірлеу, сыйлау, сену, ар-ұятты сақтау, имандылық пен рақымдылық, ізеттілік пен кішіпейілдік, әділдік, қанағатшылдық т.б.. Ата-бабаларымыз өзінің тұрмыс-тіршілігінде осы қағидаларды өзінің ұрпағының құлағына құйып, санасына сіңіре білген. Сондықтан да бұлар ұлы дала адамдарының ұлттық болмысы мен мінез-құлқын қалыптастырып, өмір сүру салтына, басты заңына айналған.
Адамгершіліктің осы аталған және аталмаған қағидалары қазақ қоғамның әлеуметтік-мәдени дамуының жемісі екендігін көрсетеді.
Осы қағидаттарды туғызған және ұстанған халық ешқашан біреуге жалтақтамай, не біреудің ала жібін аттамай әр уақытта тәуелсіз өмір сүрген, өзінің ұлылығын мойындата білген. Соның бір айғағы – кешегі зұлмат жылдарда талай жұрттың баласын бауырына басып, қамқорлығына алуы, қонақжайлық көрсетуі. Міне, қазақ халқының осы дархан мінезі мен қасиет тұтатын адамгершілігіне алғыс айтатын күн туды. Бұл Елбасы Жарлығымен 1 наурызға белгіленді. Бұл – тағдыр тәлкегімен елімізге еріксіз қоныс аударған түрлі этностардың миллиондаған өкілдерінің қазақ жері мен қонақжай қазақ халқына, оның адамгершілігіне терең тағызым ету күні. Қазақ ұлтына мың алғыс жаудыратын күн. Меніңше бұл мерекені адамдардың басқа қарым-қатынастарымен (мысалы, ата-анасына алғыс айту, ұзтазына, шәкіртіне, досына т.б.) алмастырмау керек. Ондай алғысты адамдар бір-біріне күн де айтса да артық емес. Ал бұл мерекеге саяси-қоғамдық, әлеуметтік-рухани мән берген жөн. Бұл алдымен қазақты қазаққа танытуды, өзге этностардың ел иесі, жер иесі қазаққа деген құрметін арттырып, бейбітшілікте, бірлікте қатар өмір сүруді үйретеді.
Аман Мәделханұлы АБАСИЛОВ, 
филология ғылымдарының кандидаты, 
Қорқыт ата атындағы ҚМУ-дың қауымдастырылған профессоры

Аман Абасилов: Қазақ халқына Алғыс жауатын күн

<a href="http://kyzylorda-news.kz./">Kyzylorda-news.kz.</a> Еліміздің ең басты саяси күшіне айналған партияның құрылған күніне орай, «Nur Otan» партиясының Қызылорда облыстық филиалында салтанатты жиын болып өтті.
Партия күніне арналған шараны облыстық партия филиалының төрағасы, облыс әкімі Гүлшара Әбдіқалықова ашып, партияластарды мерекемен құттықтап, жылы лебізін білдірді.
<blockquote>
 «Баршамыз ортақ іске жұмылған жұдырықтай кіріскенде ғана қуатты, демократиялы әрі бәсекеге қабілетті, жаңаша жаңғырған Қазақстанның жарқын болашағын жасай аламыз. Бірлігіміз бен барымызды бағалау арқылы берекеге қол жеткіземіз. Ынтымағымыз арқылы ғана ырысымыз артатынын ешқашан ұмытпауымыз қажет. Сондықтан біз алдағы уақыттарда да елдік биік мақсат пен халықтың игілігі жолында аянбай еңбек етіп, отанымыздың күш-қуатын еселей түсуге тиіспіз. Еліміз бен қазақылықтың қайнар мекені Сыр өңірінің өсіп өркендеуіне әрбіріңіздің лайықты үлес қосатындарыңызға сенім мол»-деді филиал төрағасы Гүлшара Әбдіқалықова.
</blockquote>
Жиын барысында партия қатары азаматтық қоғам, білім беру, денсаулық сақтау, өнеркәсіп, мәдениет пен спорт саласының өкілдерімен толықты.
Сондай-ақ, партияның мақсаттары мен міндеттерін орындауда белсенділік танытқан бірқатар партия мүшелері «Белсенді қызметі үшін» төсбелгісімен және партия төрағасының бірінші орынбасары Б.Байбектің «Құрмет грамотасымен» марапатталады.
<img src="https://kyzylorda-news.kz/wp-content/uploads/2021/03/155835473_1109886776090498_3993468552536786327_o.jpg" alt="" />
<img src="https://kyzylorda-news.kz/wp-content/uploads/2021/03/155973015_1109886879423821_1292051210697928108_o.jpg" alt="" />

Қызылордада партия қатары жаңа мүшелермен толықты

<a href="http://kyzylorda-news.kz./">Kyzylorda-news.kz.</a> Қызылорда қалалық прокуратурасының бастамасымен алаяқтық қылмыстарды болдырмау, алдын алу бағытында арнайы семинар кеңесі өтті.
Қызылорда қаласының прокуроры Ағыбай Жақановтың төрағалығымен өткен семинар кеңесіне қала әкімінің орынбасары, қалалық полиция басқармасының басшылық құрамы, Азаматтарға арналған үкімет мемлекеттік корпорациясының, Ұлттық Банк және байланыс операторларының өкілдерімен қала белсенділері қатысып, алаяқтық қылмыстарға тосқауыл қою жөніндегі мәселелер талқыланды.
Жиында қала көлемінде алаяқтық қылмыстардың орын алып отырған деректері және қылмыстық көрсеткіштердің жалпы төмендегенімен алаяқтардың арбауына түсіп жатқан тұлғалардың аз еместігі туралы баяндалды.
Қалалық прокуратурасының қылмыстық қудалау бөлімінің бастығы Бақай Махамбетжанов аталған тақырыпта баяндама жасады.
«Статистикалық мәліметтерге сәйкес, 2021 жылдың 2 айында қала көлемінде 505 қылмыстық құқық бұзуышылық тіркеліп, өткен жылдың дәл осы уақытымен салыстырғанда 23 пайызға түскенімен, алаяқтық қылмыстар 93-тен – 171-ге, яғни 84 пайызға өсіп облыс орталығында дәл осы қылмыстың ахуалы күрделі сипат алып отыр», – деді ол.
Бұл ретте, қалалық полиция басқармасы бастығының міндетін атқарушы Сәкен Сыздықов алаяқтық қылмыстар азаматтардың әлі де болса құқықтық сауаттарының төмендігінен орын алып жатқандығын және қазіргі уақытта осы қылмыстардың интернет, әлеуметтік желілерде кеңінен таралып отырғанын атап өтті.
Өз кезегінде Қызылорда қаласының прокуроры Ағыбай Қасымбайұлы мүдделі мемлекеттік органдарға алаяқтық қылмыстардың алдын алу мақсатында жүйелі түрде тиісті шаралар атқару жөнінде бірқатар тапсырмалар берді.
Осы ретте, азаматтарға алаяқтардың арбауының құрбаны болмас үшін өздерінің жеке басын куәландыратын құжаттарын, банк карточкалары жөніндегі мәліметтер және қосымша қандай да бір ақпараттарды екінші, үшінші тұлғаларға бермеу қажеттігі мен несие рәсімдеу кезінде тек құзырлы органдарға жүгіну қажеттігін ескертеміз.
<img src="https://kyzylorda-news.kz/wp-content/uploads/2021/03/155553792_2783693048564102_7988811840878519609_o.jpg" alt="" />

Қызылордада алаяқтық қылмысына тосқауыл қою шаралары талқыланды

<a href="http://kyzylorda-news.kz./">Kyzylorda-news.kz.</a>&nbsp; Қасиетті Тәуелсіздігімізді көзіміздің қарашығындай сақтап, өскелең ұрпаққа аманат ету – барша Қазақстан халқының асыл мұраты. Бұл туралы Қазақстан Тәуелсіздігінің 30 жылдығына және Алғыс айту күнінің 5 жылдығына арналған дөңгелек үстел барысында ҚР Мемлекеттік хатшысы Қырымбек Көшербаев айтты, деп хабарлайды <a href="https://lenta.inform.kz/kz/kyrymbek-kosherbaev-kasietti-tauelsizdigimizdi-kozdin-karashygynday-saktau-barsha-kazakstan-halkynyn-asyl-muraty_a3759032">ҚазАқпарат</a>.
<blockquote>
 «Елімізде көктемнің алғашқы күнін – Алғыс айту күні деп белгілеудің ерекше символикалық мәні бар. Ежелден еркін далада табиғатпен үндесіп тағдыр кешкен халқымыз үшін көктеммен бірге келетін әз-Наурыз – жаңару мен жасарудың, жақсылық пен ырыс-ынтымақтың нышан ретінде айшықталған. Бүгінгі БАҚ-та жарияланған Мемлекет басшысының, Елбасының, көптеген қазақстандықтардың жолдаған құттықтауларындағы игі тілектер қабыл болғай! Мың да бір рақмет, Тәңірге, тағдырға, отандастарға, қазақ халқына!», – деді Қырымбек Көшербаев Қазақстан Тәуелсіздігінің 30 жылдығына және Алғыс айту күнінің 5 жылдығына арналған дөңгелек үстел барысында.
</blockquote>
Осы ретте ол биыл тәу етер Тәуелсіздігімізге 30 жыл толып отырғанын атап өтті.
<blockquote>
 «Адамзат тарихында әрбір ел ежелгі замандардан бері азаттық пен еркіндік үшін арпалысып келе жатқаны белгілі. Біздің ата-бабаларымыз да арайлы азаттық үшін қанша ғасырлар бойы қанын төгіп, жанын берді. Егемендік үшін күресті, еркіндік үшін тіресті. Міне, осы қасиетті Тәуелсіздігімізді көзіміздің қарашығындай сақтап, қазығын бекітіп, өскелең ұрпаққа аманат етіп қалдыру біздің, яғни, барша Қазақстан халқының асыл мұраты, асыл парызы деп білеміз», – деді ол.
</blockquote>
Қырымбек Көшербаев тағдырында «талай тар жол, тайғақ кешуден» өтіп, «мың өліп, мың тірілген» қазақ халқы өткен ғасырдың өзінде мың сан алапат пен зұлматты бастан өткергенінтарихтан белгілі екендігіне назар аудартты.
<blockquote>
 «Соның ішінде халқымызды тең жартысынан айырған ашаршылық заманындағы орны толмас тақсірет, еркіндік жолындағы саяси қуғын-сүргінге ұшыраған Алаш арыстарының қасіретті тағдыры және басқа да қатерлі кезеңдер қазақ халқының сағын сындырып, жігерін мұқата алған жоқ. Тәуелсіздікке деген күрес ешқашан толастаған емес. Тағдырдың осындай талай сынағына төтеп бере жүріп, жаны жомарт, мінезі қайсар қазақ халқы кеңестер кезінде дүрбелеңге түсіп, депортацияға ұшыраған көптеген ұлттар мен ұлыстарға пана болды. Құшағын жайып, есігін ашты. Шиеттей бала-шағасының ауызынан жырып, бір түйір нанды бөлісіп жеді. Бәрі бір кісінің баласындай бауырмал тіршілік кешті. Халқымыздың сол ыстық ықыласы бүгінгі Тәуелсіздік жылдары іргесі сөгілмес береке мен бірліктің, ырысы мол тірліктің кепіліне айналып отыр», – деді Мемлекеттік хатшы.
</blockquote>
Бұл орайда ол Тәуелсіздіктің нығаюы мен еліміздегі сан этностардың ынтымақ пен бірлікте өмір сүруіне ықпал еткен Тұңғыш Президент – Елбасының арихи рөлі мен өлшеусіз еңбегін ерекше атап көрсетуіміз керектігін айтты.
<blockquote>
 «Этносаралық келісім, қоғамдық бейбітшілік пен тұрақтылық Тұңғыш Президент Нұрсұлтан Назарбаевтың мызғымас үш ұстанымына және саяси философиясының берік тұғырына айналды. Елбасының осы сарабдал саяси ұстанымын бүгінгі таңда Мемлекет басшысы Қасым-Жомарт Тоқаев терең пайыммен, орнықты бағытпен, тағлымы мол сабақтастықпен дәйекті түрде жалғастырып отыр», – деді Қырымбек Көшербаев.
</blockquote>

Қырымбек Көшербаев: Қасиетті Тәуелсіздігімізді көздің қарашығындай сақтау &#8211; барша Қазақстан халқының асыл мұраты

<a href="http://kyzylorda-news.kz./">Kyzylorda-news.kz.</a> Өңірде Дүниежүзілік Азаматтық қорғаныс күніне орай «Ұлттық экономиканы сақтау үшін мықты азаматтық қорғаныс» ұранымен ТЖД-нің іс-шаралары өтуде. Мұндағы мақсат – халықты апаттар мен авариялық жағдайда өздерін қорғауға үйрету.
Мәселен, 15 ақпаннан бастап білім ұйымдарында «Азаматтық қорғаныс саласындағы үздік мектеп» байқауы өтті. Сондай-ақ, 47 мектепте қауіпсіздік шараларын түсіндіруге байланысты онлайн сабақ ұйымдастырылды. Оған 1389 оқушы мен 156 мұғалім қатысты. Сонымен қатар, білім басқармасымен ұйымдастырылған байқауда құтқарушылар арасында «Донорлық….өмірді құтқару» қан тапсыру акциясы жарияланған. Нәтижесі бүгін шықпақ.
<blockquote>
 «Біз үшін тұрғындардың амандығы бірінші орында. Шыны керек, қазір қоғамда өрт, газдан иіс тию, суға кету секілді түрлі апатты жағдайлар жоқ емес. Біз осынау жағдайлардың алдын алу және азаматтардың қауіпсіздігін қамтамасыз ету мақсатында 15 ақпан мен 15 наурыз аралығында біршама жоспарларды іске асырмақпыз. Халық арасында бүгінде үгіт-насихат жұмыстары басталып, білім ұйымдарында түрлі деңгейде жарыстар мен дайындық жұмыстары қарқынды жүргізілуде. Мәселен, «Алғашқы әскери дайындық» және «Тыныс-тіршілік қауіпсіздігі негіздері» пәндері бойынша оқу орындарының оқытушыларына онлайн ZOOM қосымшасы арқылы сабақтар өткізілді. Жалпы, аталмыш шаралар тек қаламызда емес, аудандарда да жалғасын табуда», – деді облыстық ТЖД бастығының орынбасары Саид Молдақараев.
</blockquote>
Айта кетейік, бір айға созылған іс-шаралар жоспарында Азаматтық қорғаныс басқармасы қызметкерлері «АРТ-Тренинг» сурет салу шеберлік сағатын өткізген болатын. Бұған қаламыздың 13 мектебінен 18 оқушы қатысты. Ал арнайы ұйымдастырылған «Ашық есік күнінде» Қызылорда облысының волонтерлар фронт офисының еріктілері мен студенттер, оқушылар өрт сөндіру қызметінің негізі және арнайы техникаларымен танысты.
Жалпы, қауіпті алдын алу туралы үгіт-насихат жұмыстары облыста жыл бойы жалғасатын болады.
<img src="https://kyzylorda-news.kz/wp-content/uploads/2021/03/156154621_1240042869724556_6824652068407298932_o.jpg" alt="" />

Қызылорда: 47 мектепте қауіпсіздік шараларын түсіндіруге байланысты онлайн сабақ өткізілді

<a href="http://kyzylorda-news.kz./">Kyzylorda-news.kz.</a> Бүгін облыс әкімі Гүлшара Әбдіқалықова өрт салдарынан нәрестесі қаза болған Текебаевтар отбасына барып, көңіл айтты.
<blockquote>
 «Орын алған қайғының орнын толтыру мүмкін емес. Жалпы Сыр елі үшін бұл ауыр қаза болды. Көзге көрінген балаларымыз аман болсын! Періштенің жаны жәнәттә, топырағы торқа болсын», – деді облыс әкімі Гүлшара Әбдіқалықова.
</blockquote>
Қорлардың демеушілігімен жиналған қаржыға өрт салдарынан зардап шеккен Текебаевтар отбасына Арай мөлтек ауданынан 6 бөлмелі жаңа жер үй берілді. Аймақ басшысы үй иелерін жаңа баспанамен құттықтап, тұрмысқа қажетті сыйлықтар табыс етті. 
Еске салайық, 2021 жылдың 18 ақпанында Әл-Фараби мөлтек ауданы 13 көшесі, 11-ші үйде өрт оқиғасы орын алды. Аталған мекен-жайға шұғыл жеткен өрт сөндіру бөлімінен 3 техника 16 қызметкер жұмылдырып, толық өшірілді.
Өрт салдарынан 2020 жылы туылған Төреханқызы Ардақ есімді нәресте қайтыс болды.
Сонымен қатар, анасы 1993 жылы туылған Тоқбергенова Дамира1- ші дәрежелі көмір қышқыл газына улану және сол жақ білектің және 
2 алақанының термиялық күйік шалу нақтамасымен қалалық ауруханаға жатқызылды. Бүгінгі күні жағдайы қалыпты деңгейде.
Зардап шеккен көпбалалы отбасы әкімдік тарапынан, кәсіпкерлердің қолдауымен 1 айға жететін азық – түлік, мектеп құрал жабдықтарымен қамтамасыз етілді.
<img src="https://kyzylorda-news.kz/wp-content/uploads/2021/03/154575598_3164334887002892_6599934224014244626_o.jpg" alt="" />
<img src="https://kyzylorda-news.kz/wp-content/uploads/2021/03/155526666_3164334667002914_5967957051440944232_o.jpg" alt="" />
<img src="https://kyzylorda-news.kz/wp-content/uploads/2021/03/155982410_3164334677002913_8047781129864831530_o.jpg" alt="" />
<img src="https://kyzylorda-news.kz/wp-content/uploads/2021/03/156089270_3164334657002915_5463228852431716806_o.jpg" alt="" />
<img src="https://kyzylorda-news.kz/wp-content/uploads/2021/03/156181954_3164334977002883_6532552379191177709_o.jpg" alt="" />

Аймақ басшысы өрт салдарынан зардап шеккен Текебаевтар отбасына барды

<a href="http://kyzylorda-news.kz./">Kyzylorda-news.kz.</a> Бүгін облыс әкімі Гүлшара Әбдіқалықова “Қайырымды істер марафоны” жалпыұлттық жобасының облыстық деңгейдегі ашылу салтанатына қатысты. Ерекше жиынға қайырымдылықпен айналысып, волонтерлік көмек беріп, меценаттық қолдау білдіріп жүрген азаматтар шақырылды.
Аймақ басшысы марафон барысында қайырымдылық жасау адамзаттың бойындағы ізгі қасиет екенін ұлы ойшыл әл-Фарабидің «Қайырымды қала» еңбегімен сабақтастанын атап өтіп, қиындық кезеңде көппен бірге көмек беріп жүрген азаматтарға алғысын жеткізді.
<blockquote>
 «Бүгінде әлем елдері терең әрі қарқынды өзгерістер кезеңіне қадам басты. Пандемия дүниежүзілік экономиканың даму үдерісін тежеп, қалыпты тіршілігімізге кері әсерін тигізді. Бұл індет біздің аймағымыз үшін де үлкен сынақ болды. Осы тұста адамзат тағдыры кәсіби білікті мамандар мен іскер қоғам мүшелеріне, жомарт жүректі азаматтарға қарады. Эпидемиялық ахуалдың салдарымен күресте ел болашағына бей-жай қарамайтын сырбойылық азаматтар аталған сапта бой көрсетті. 
 Осы сәтті пайдалана отырып, қиындыққа мойымай, күрделі кезеңді еңсеруге атсалысқан ақ халатты абзал жандарға, құқық қорғау органдары мен әскери сала қызметкерлеріне, журналистерге, кәсіпкер меценаттарға, қайырымды жандар мен волонтерлерге және барша Сыр жұртшылығына шынайы алғысымды білдіремін»,-деді облыс әкімі Гүлшара Әбдіқалықова.
</blockquote>
Жиында түрлі бағыттарда қайырымдылықпен айналасын «Петро Қазақстан Құмкөл Ресорсиз» Акционерлік қоғамы төрағасының міндетін атқарушы Болат Көшербаев, «Orda school» жеке мектебінің директоры Рауаш Әлиева, «Ел-Арай» қоғамдық қорының директоры, облыстық «Жомарт жүрек» сыйлығының иегері Асхат Байдәулетов, «Қызылорда облысының Үкіметтік емес ұйымдарының Альянсы Ассоциациясының» төрағасы Анар Ізден, «Волонтерлар фронт-офисінің» жетекшісі Болатбек Айтбенбетов сөз алып, ел игілігі жолында бірлескен жұмыстарымен бөлісті.
Қайырымдылық марафонында бейнебайналыс арқылы әр ауданнан ізгі істер атқарып жүрген бірқатар азаматтар әлеуметтік бағыттағы медицина, білім, әлеуметтік салалардағы атқарылған шараларын сөз етті.
Жиында туған жерге қызмет етіп, игі істердің жанынан табылып, ортақ іске жұмылған белсенді жанашыр азаматтардың атынан «Абзал и К» толық серіктестігінің директоры, облыстық мәслихат депутаты Мағжан Ералиев Үндеу жолдады.
Өткен жылы облыста бюджеттен тыс қаражат көздерінен халықтың әлжуаз топтарына 1 млрд.634млн.теңгеге қайырымдылық көмектер көрсетілді. Ал, карантиндік шектеулер кезеңінде аймақтық «Birgemiz Qyzylorda» қоры арқылы жекелеген санттағы 30 мыңға жуық адамға 50,0 мың теңгеден жалпы көлемі 1 млрд. 478 млн. теңге болатын бір реттік көмек берілді.
«Біз Біргеміз» қайырымдылық акциясы шеңберінде 12 мыңнан астам отбасыға 134 млн.теңгеге азық-түліктей және тұрмысқа қажетті заттар жиынтығы түрінде көмек көрсетілді. Ал, желтоқсан айында аз қамтылған, көп балалы отбасылар, мүмкіндігі шектеулі азаматтарға «Шын ниетпен» қайырымдылық акциясы аясында 2430 адамға 27 млн.теңгегежуық қайырымдылық көмектер жасалды.
Мұнан бөлек, бастамашыл топ «Syr Volonterlary» орталығы азаматтық қоғам институттары, жастар ұйымдары және меценаттармен бірлесіп өңірімізде 521қайырымдылық шара өткізіп, 19669 адамға көмек көрсетілді.
Қайырымдылық марафоны соңында облыс әкімі қиындық кезеңде иық тіресіп, өңір халқының бірлігі мен болашағы үшін аянбай еңбек етіп жүрген қайырымды жандар мен белсенді азаматтарға алғысын білдіріп, сәттілік тіледі.
<img src="https://kyzylorda-news.kz/wp-content/uploads/2021/03/154754827_3164267080343006_5605640610729626103_o.jpg" alt="" />

Гүлшара Әбдіқалықова «Қайырымды істер марафоны» жалпыұлттық жобасының ашылу салтанатына қатысты

<a href="http://kyzylorda-news.kz./">Kyzylorda-news.kz.</a> «Ауыл шаруашылығын қаржылай қолдау қоры» екінші деңгейлі банк несиелеріне кепілдеме бере алады. Бұл туралы Қызылорда облысы кәсіпкерлер палатасының алаңында берген сұхбатында «Ауыл шаруашылығын қаржылай қолдау қоры» АҚ облыстық филиалының директоры Ерлан Сағидолдин айтты.
Палата алаңында бизнес өкілдерінің сауалына жауап берген Қордың аймақтық бөлімшесінің басшысы өзекті мәселелердің бірі – қаржы ұйымдарынан несие алу барысында қиындық тудыратын кепіл мүлікке қатысты жағымды жаңалықты жеткізді.
Ерлан Сағидолдиннің айтуынша, енді «Ауыл шаруашылығын қаржылай қолдау қоры» АҚ арқылы екінші деңгейлі банктердің кәсіпкерлік мақсатта ұсынатын несиелеріне кепілдік беруге болады.
Қордың бұл қадамға барып отырғандағы мақсаты – екінші деңгейлі банктердің ауыл шаруашылығына несие беруін ынталандыру. Сондай-ақ, банктердің несиелік тәуекелдерін бөлу және агроөнеркәсіптік кешен саласын қаржыландырудың тартымдылығын арттыру.
Қордан кепілдікті екінші деңгейлі банктердің несиелеуі арқылы инвестициялық жобаларды іске асыратын немесе іске асыруды жоспарлаған ауыл шаруашылығы тауарын өндірушілер ала алады.
Ол үшін қойылатын шарттар:
– 3 млрд.теңгеге дейінгі несиеге кепілдік мөлшері 50 пайызға дейін;
– басым инвестициялық жобаларды іске қосқанға дейінгі кепілдік мөлшері 85 пайызға дейін. Жоба іске қосылған соң кепілдік мөлшері стандартты шарттарға дейін төмендейді.
Кепілдендіруге жататын агроөнеркәсіптік кешен салалары:
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – көпжылдық дақылдар өсіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – өсімдіктерді тұрақты түрде өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – мал шаруашылығы;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – аралас ауыл шаруашылығы;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – балық шаруашылығы;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – етті қайта өңдеу мен консервілеу және ет өнімдерін өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – балық пен шаян тәрізді өнімдерді өңдеу мен консервілеу;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – жемістер мен көкөністерді өңдеу мен консервілеу;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – өсімдік және мал майлары мен тоң майларды өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – сүт өнімдерін өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – ұн тарту-жарма өнімдерін, крахмалдар мен крахмал өнімдерін өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – нан-тоқаш, макарон және ұннан жасалатын кондитерлік өнімдер өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – қант өндірісі;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – какао, шоколад және қантты кондитерлік өнімдер өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – дәмдеуіштер өндірісі;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – балалар тағамын және диеталық тамақ өнімдерін өндіру;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; – дайын мал азығын өндіру.
«Ауыл шаруашылығын қаржылай қолдау қоры» АҚ облыстық филиалына қатысты сауалдарыңыз болса байланыс телефондары: 8 /7242/ 26-20-74. Мекен-жайы: Қызылорда қаласы, Қонаев көшесі, 41.

«Ауыл шаруашылығын қаржылай қолдау қоры» екінші деңгейлі банк несиелеріне кепілдеме бере алады

<a href="https://kyzylorda-news.kz/">Kyzylorda-news.kz.</a>&nbsp; Нұр-Сұлтан қаласында қазақ күресінен 2006-2007 жылы туған кіші жасөспірімдер арасында Қазақстан Республикасының чемпинаты өтті. Айтулы додада жергілікті спортшылар облыс намысын абыроймен қорғап, өңір қоржынына 4 медаль салды.
50 келі салмақ дәрежесінде өнер көрсеткен №1 облыстық олимпиадалық резервтің мамандандырылған балалар-жасөспірімдер мектебінің (ОРМБЖМ) спортшысы Шейхрахман Бауыржанұлы жеңіс тұғырына көтерілді.
Ол финалда Жамбыл облысының спортшысымен белдесіп, оны таза жеңіспен тізе бүктірді. Жас спортшы алғашқы мәрте Қазақстан жеңімпазы атанды. Осы жарыс нәтижесімен ол спорт шеберіне үміткер нормативін орындады.
38 келіде Шиелі ауданының №9 ОРМБЖМ спортшысы Диас Маратұлы мен 42 келіде №10 БЖСМ спортшысы Марғұлан Қасымбек және 46 келіде Қызылорда қаласының №1 ОРМБЖМ спортшысы Нұржан Тумырзаев қола жүлделерді иеленді.
Спортшыларды жарысқа жасөспірімдер құрамасының аға жаттықтырушысы Берік Қасымбеков, жаттықтырушылар Қайрат Жолмырзаев, Мақсат Оспанов және Бауыржан Мырзалиев дайындады.
Сәуір айының соңында Орал қаласында қазақ күресінен жасөспірімдер арасында өтетін ел чемпионатына облыс құрамасы дайындалады.
<img src="https://kyzylorda-news.kz/wp-content/uploads/2021/03/155868967_5845298528829652_2626980539637389327_n.jpg" alt="" />

Сыр балуандары Қазақстан чемпионатында 4 медаль иеленді

<a href="https://kyzylorda-news.kz/">Kyzylorda-news.kz.</a> Қазақстанда мерзімді әскери қызметке шақыру науқаны басталды, деп хабарлады қорғаныс министрлігінің баспасөз қызметі.
Осы көктемде 13&nbsp;500-ден астам 18-27 жас аралығындағы мерзімді қызметтегі әскери қызметші ел Қарулы күштерінің, басқа да әскерлері мен әскери құралымдарының қатарын толықтырады. Қорғаныс ведомствосы әскерге шақыруды осы жылдың бірінші шілдесінде аяқтауды жоспарлап отыр.
Осы жылдың 5 ақпанында Қазақстан Республикасының президенті Қасым-Жомарт Тоқаев “Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2021 жылдың наурыз – шілдесінде және қыркүйек – желтоқсанында мерзімді әскери қызметке кезекті шақыру туралы” Жарлыққа қол қойды.
Коронавирус инфекциясының таралу қаупіне байланысты алдын алу шаралары қабылданды. Осы ретте әскерге шақырылушылардан екі рет, яғни, әскерге шақыру кезінде және әскери бөлімдерге келген кезде ПТР-талдама алынады. Жаңа шақырылушыларға екпе жүргізу қызмет өткеру орындарында ұйымдастырылады.
<blockquote>
 “Биыл әскерге шақыру барысында азаматтарды хабардар етудің жаңа тәсілі қолданылады. Пандемия жағдайында қарым-қатынасты азайту үшін цифрлық даму және аэроғарыш өнеркәсібі министрлігінің 1414 сервис қызметі пилоттық режимде SMS-хабарламалар жібереді”, – делінген хабарламада.
</blockquote>
Барлық әскерге шақыру жұмысы кеңес беру мүмкіндіктерін жеткізу арқылы барынша ашық түрде ұйымдастырылды. Осы мақсатта жергілікті әскери басқару органдары әлеуметтік желілерде пошта жәшіктері мен ресми аккаунттар құрды.
Әскери қызметке шақыру тәртібі жөнінде білу үшін қорғаныс министрлігінің сall-орталығына 8 (7172) 72 10 83, 72 16 06, 72 13 89; 72 13 82 телефондары арқылы хабарласуға болады.

Қазақстанда көктемгі әскери қызметке шақыру науқаны басталды

<a href="https://kyzylorda-news.kz/">Kyzylorda-news.kz.</a> Қызылорда облысында мемлекеттік қызметшілер арасындағы құқық бұзушылықтардың алдын алу мақсатында «Бірыңғай құқықтық оқыту» жобасы бастау алды.
ҚР Мемлекеттік қызмет істері агенттігінің Қызылорда облысы бойынша департаменті бастамасымен қолға алынған жоба аясында мемлекеттік қызметшілердің құқықтық сауаттылығын арттыру көзделіп отыр. Жыл көлемінде ай сайын құзырлы мемлекеттік органдармен құқықтық оқулар өткізілетін болады.
<blockquote>
 “Департаментпен облыстағы мемлекеттік органдардың тәртіптік тәжірибесіне талдау жүргізілді. Талдау нәтижесі көрсеткендей 2020 жылы 667 мемлекеттік қызметші құқық бұзушылықтарға жол бергені үшін тәртіптік жауапкершіліктерге тартылған. Бұл көрсеткіш 2019 жылмен салыстырғанда төмен, дегенмен де құқық бұзушылықтардың орын алуы себептерінің бірі нормативтік-құқықтық актілердің талаптарын жете білмеу болып отыр. Осыған орай «Бірыңғай құқықтық оқыту» жобасын бастап отырмыз. Құқықбұзушылықтар жиі орын алатын салалар бойынша құқықтық оқыту өткізетін құзырлы мемлекеттік органдардың тізімі жасақталды. Оқулар онлайн форматта өтеді. Құқықтық оқытулармен бір мезетте облыстың мемлекеттік қызметшілерінің басым бөлігі қамтылатын болады”, – деді департамент басшысы Рафхат Бисенов.
</blockquote>
ҚР Президентінің жанындағы Мемлекеттік басқару академиясының облыстық филиалы базасында өтетін онлайн оқулар тікелей эфирде «Zoom» платформасы және департаменттің әлеуметтік желілердегі ресми парақшалары арқылы жүргізіледі.
Бірыңғай құқықтық оқытудың алғашқы шарасына облыстық мемлекеттік кірістер департаментінің басшысы Ғалымжан Орынов қатысып, биылдан басталған жалпыға бірдей декларациялаудың бірінші кезеңінің маңыздылығына тоқталды. №250 нысанды «Активтер мен міндеттемелер туралы» декларацияны толтыру ережесін түсіндіріп, тақырыптық бейнеролик көрсетілді. Мемлекеттік қызметшілер тарапынан декларация тапсыруға, салық заңнамаларына байланысты қойылған сұрақтарға нақты жауаптар берілді.
Айта кету керек, биыл декларацияны мемлекеттік қызметшілер мен олардың жұбайлары (зайыптары), оларға теңестірілген тұлғалар мен олардың жұбайлары (зайыптары) тапсырады.

Қазақстан және Қызылорда облысының жаңалықтары

ӘМСҚ: 1,2 млн-нан аса кемшілік анықталды

Аман Абасилов: Қазақ халқына Алғыс жауатын күн

Қызылордада партия қатары жаңа мүшелермен толықты

Қызылордада алаяқтық қылмысына тосқауыл қою шаралары талқыланды

Қырымбек Көшербаев: Қасиетті Тәуелсіздігімізді көздің қарашығындай сақтау – барша Қазақстан халқының асыл мұраты

Қызылорда: 47 мектепте қауіпсіздік шараларын түсіндіруге байланысты онлайн сабақ өткізілді

Аймақ басшысы өрт салдарынан зардап шеккен Текебаевтар отбасына барды

Гүлшара Әбдіқалықова «Қайырымды істер марафоны» жалпыұлттық жобасының ашылу салтанатына қатысты

«Ауыл шаруашылығын қаржылай қолдау қоры» екінші деңгейлі банк несиелеріне кепілдеме бере алады

Сыр балуандары Қазақстан чемпионатында 4 медаль иеленді

Қазақстанда көктемгі әскери қызметке шақыру науқаны басталды

Қызылордада «Бірыңғай құқықтық оқыту» жобасы басталды

Қазақстан және Қызылорда облысының жаңалықтары

ӘМСҚ: 1,2 млн-нан аса кемшілік анықталды

Аман Абасилов: Қазақ халқына Алғыс жауатын күн

Қызылордада партия қатары жаңа мүшелермен толықты

Қызылордада алаяқтық қылмысына тосқауыл қою шаралары талқыланды

Қырымбек Көшербаев: Қасиетті Тәуелсіздігімізді көздің қарашығындай сақтау &#8211; барша Қазақстан халқының асыл мұраты

Қызылорда: 47 мектепте қауіпсіздік шараларын түсіндіруге байланысты онлайн сабақ өткізілді

Аймақ басшысы өрт салдарынан зардап шеккен Текебаевтар отбасына барды

Гүлшара Әбдіқалықова «Қайырымды істер марафоны» жалпыұлттық жобасының ашылу салтанатына қатысты

«Ауыл шаруашылығын қаржылай қолдау қоры» екінші деңгейлі банк несиелеріне кепілдеме бере алады

Сыр балуандары Қазақстан чемпионатында 4 медаль иеленді

Қазақстанда көктемгі әскери қызметке шақыру науқаны басталды

Қызылордада «Бірыңғай құқықтық оқыту» жобасы басталды

Қырымбек Көшербаев: Қасиетті Тәуелсіздігімізді көздің қарашығындай сақтау – барша Қазақстан халқының асыл мұраты