Kyzylorda-news. kz. Қазақстанда өткен тәулікте, 4568 адам коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 302, Алматы қаласы – 1169, Шымкент қаласы – 161, Ақмола облысы – 236, Ақтөбе облысы – 293, Алматы облысы – 327, Атырау облысы – 176, Шығыс Қазақстан облысы – 176, Жамбыл облысы – 101, Батыс Қазақстан облысы – 112, Қарағанды облысы – 504, Қостанай облысы – 227, Қызылорда облысы – 122, Маңғыстау облысы – 219, Павлодар облысы – 258, Солтүстік Қазақстан облысы – 87, Түркістан облысы – 98.
Жалпы ел бойынша ауырғандар саны 812999.

Қызылорда:  Өткен тәулікте 122 адам індет жұқтырған

Kyzylorda-news.kz. Қазгидромет 5 қыркүйекке арналған ауа райы болжамын ұсынады.
Республиканың батыс, солтүстік-батыс, солтүстік өңірлері циклон жырасының ықпалында және онымен байланысты атмосфералық фронтальды бөлімдерде болағандықтан жаңбыр жауады, найзағай жарқылдайды.
Еліміздің қалған аумағына антициклон жотасы әсер етеді, сондықтан басым бөлігінде жауын-шашынсыз ауа райы күтіледі. Республика бойынша желдің күшеюі, оңтүстігінде шаңды дауыл, батысында бұршақ жауып, дауыл соғады

Жексенбіде ауа райы қандай болады?

Kyzylorda-news.kz. Үлкен қалаға келген соң бәріне бірден бой үйрету оңай емес. Ешкімді танымайтын, білмейтін жерге тап болғанда, оқуға түскеніне қуану орнына, «қайдан келдім» күйге түсіп жүру әр студенттің басында болады. Түлеп ұшқан құстың тұрақтаған жеріне бейімделуі үшін бірнеше кеңесімізге құлақ түріңіз.
Бірінші.&nbsp;Тұрған орныңызды бағдарлай білмей – еш жерге бара алмайсыз.&nbsp;Қаламен танысыңыз.&nbsp;Қаланы жаяу аралауға күз айлары таптырмас мезгіл, бұл кезде ауа райы айтарлықтай тамаша болып тұрады. Жаныңызда серігіңіз болса, тіпті жақсы. Жаяу жүру арқылы қаланың бейтаныс жерлерін есіңізде жақсы сақтайсыз, қажет дегеніңізді жазып алсаңыз да артық етпейді.
Адасып қалудан қорықпаңыз. Қалада бірнеше жыл тұрған адамдардың өзі қала ішін толықтай жатқа білмейді. Тек кешкі мезгілге қалып қоймасаңыз болды, адасып қалсаңыз тұрған орныңыздан тұрғылықты мекенжайыңызға дейін такси ұстайсыз. Оған мүмкіндік болмаса, автобусқа отырасыз, сізге қалай баруды автобус шопырының өзі айтып жібереді. Смартфоныңызға 2Gis бағдарламасын жүктеп алсаңыз Алматы, Астана, Қарағанды қалаларында діттеген жеріңізге дөп басып бара аласыз. Қай жерге, қандай транспортпен, қанша уақытта, қандай қашықтық жүріп баратыныңызға дейін сонда көрсетілген.
Екінші.&nbsp;Ойға алған ісіңізді ұмытып қалмау үшін барлығын қойын дәптерге жазыңыз. Оған «қағаз шығарамын», «біреуге қоңырау шаламын» дегеннен бастап «болашақта осындай кафе ашу керек», «балама олай болмауын үйретемін» дегенге дейін бәрі-бәрін жазып қойыңыз. Сабақ кестесі мен аудитория нөмірін сұрап күн сайын топтастарыңызды мезі еткенше, ол да өзіңізде жазулы болсын.
Үшінші.&nbsp;Топтастарыңыздың барлығымен танысып, нөмір алмасыңыз. «Сен тимесең, мен тиме» деп жүре берсеңіз, оқшауланып, қаладан безіне бересіз. Сонымен бірге жақын таныстар қатарына жоғары курс студенттерін де қосыңыз. «Аға-апа» деп сыйлап тұрсаңыз, олар сізден көмегі мен кеңесін аямайды.
Төртінші.&nbsp;Жатақханаға орналасқан болсаңыз барлығымен тез арада жақын қарым-қатынас орнатыңыз. Әсіресе, көршіңізбен тату болыңыз. Қандай жағдай болмасын дұрыс түсінуге тырысыңыз, қандай болса да сол адаммен бір жыл бойы бір бөлмеде тұруға тура келеді. Жатақхананың басқа тұрғындарымен де тығыз қарым-қатынаста болыңыз. Уақыт өте келе араласатын адамдар сұрыпталады, кімнің кім екенін танып, өмірден сабақ аласыз.
Бесінші. Cабақ бірінші орында, дегенмен өз мүмкіндігііңізді көрсетуді де ұмытпаңыз. Студенттер кеңесі, Студенттер мәслихаты деген секілді ұйымдарға кіріп, белсенді болыңыз. Деканатқа барып қандай қоғамдық пайдалы іспен айналысуға болатынын сұрасаңыз, ол жердегілер сізге қуана-қуана жауап береді. Жатақханадан орын алу қиын болса, бірінші курста белсенді болған студент үшін бұл түк те мәселе емес.
Ешкімге зиян келтірмей, әрдайым адамдарға жылы шырай танытыңыз. Ештеңені жүрекке жақын алмай, қиындыққа күліп қарасаңыз, мәселе өзі-ақ күңіреніп кетіп қалады.
<a href="https://massaget.kz/layfstayl/zhadnama/66072/">Massaget.kz</a>

Жаңа ортаға тез бейімделу үшін…

Kyzylorda-news.kz. Әлеуметтік маңызы бар азық-түлік бағаларын тұрақтандыру мақсатында жүйелі шаралар қабылдануда.
Бұл ретте облыста тұрақтандыру қоры жұмыс жасайды. Қазіргі таңда тұрақтандыру қорында 1067,3 тонна өнім көлемі бар.
Бұдан бөлек, «айналым схемасы» бойынша кәсіпкерлерге заем беру тетіктері арқылы баға тұрақтандыру шаралары іске асырылуда. Қарыз алған кәсіпкерлік субъектілері аталған өнімдермен және тұрақтандыру қорының өнімдері Қызылорда қаласында орналасқан 34 әлеуметтік дүкен мен Қызылорда қаласының 5 ірі супермаркеттерінде («Мирас», «Аль-Асад» сауда үйінің 8 филиалы арқылы, «Ажар» сауда үйінің 2 филиалы арқылы, «Анвар», «Қызылорда Оптомаркет») келісім бойынша ашылған әлеуметтік бұрыштарда нарық бағасынан төмен бағада сатылуда.
Сонымен қатар, облыста әлеуметтік дүкендерді ұлғайту мақсатында 2021 жылы 10 әлеуметтік дүкеннің құрылысы жоспарланған болатын. Бүгінгі күні 5 әлеуметтік дүкен іске қосылса, қалған 5 әлеуметтік дүкен жыл ішінде қосылады.

Қызылорда: Тұрақтандыру қорында 1067,3 тонна өнім бар

Kyzylorda-news.kz. Индиялық ғалымдар ауа ластануының жоғары деңгейінің әсерінен балалардың семіздікке шалдығуын және демікпе қаупін арттыратынын анықтады, деп хабарлайды Stan.kz.
Өкпені күту қоры мен Pulmocare ғылыми-білім беру орталығы жүргізген зерттеуге Дели мен Үндістанның оңтүстігіндегі Коттаям мен Майсуру қалаларынан кездейсоқ таңдалған 12 мектепте оқитын 3 157 бала қатысқан. Бұл қалаларда ауа басқа жақтарға қарағанда салыстырмалы түрде таза.
Зерттеушілер Делидегі балалардың 39,8 пайызы ал Коттаям мен Майсуруда 16,4 пайызы артық салмақпен ауыратынын анықтады. Ғалымдардың айтуынша, бұл осы қалалардағы зиянды PM2.5 бөлшектерінің деңгейімен байланысты.&nbsp;
Сарапшылардың айтуынша, Делидегі мектеп оқушыларында астма мен аллергия белгілері, қышыма, көздің сулануы, жөтел мен бөртпе ауруларының Коттаям мен Майсуру қалаларына қарағанда “таралуы едәуір жоғары”.
<blockquote>
 “Зерттеу Дели балаларында респираторлық және аллергиялық симптомдардың, спирометриялық демікпе мен семіздіктің жоғары таралуын анықтады. Балаларымыздың болашағын сақтау үшін Дели мен басқа қалалардағы ауаның ластану мәселесін жүйелі түрде шешетін уақыт жетті”, – дейді өкпе күтімі қорының негізін қалаушы Арвинд Кумар.
</blockquote>
Зерттеу көрсеткендей, семіздікке шалдыққан балалардың демікпемен ауыруы 79 пайызға жоғары.
<blockquote>
 “Балалардағы семіздіктің көптеген себептері болуы мүмкін, бірақ қоршаған ортаның ластануы ең басты фактор”, – делінген зерттеуде.
</blockquote>
Дели – әлемдегі ең ластанған қалалардың бірі екенін айта кету қажет. Жыл сайын ондағы ауаның ластану деңгейі Дүниежүзілік денсаулық сақтау ұйымы (ДДҰ) қауіпсіз деп санайтын деңгейден шамамен 9 есеге асады.

Ғалымдар: Ауаның ластануы балалардың семіздігін тудырады

Kyzylorda-news.kz. Әлеуметтік маңызы бар азық-түлік бағаларын тұрақтандыру мақсатында қабылданып жатқан шаралардың негізінде бүгінгі күні аймақта көкөніс пен жеміс-жидек бағасы тұрақтанды.
Қазіргі таңда, нарықтағы картоптың бағасы-150 теңгеден, сәбіз-190 теңгеден сатылуда.
Әлеуметтік дүкен мен сауда орындарында ашылған әлеуметтік бұрыштарда құмшекер 270 теңгеден, өсімдік майы 630 теңгеден, картоп 130 теңгеден, сәбіз 180 теңгеден, басты пияз 80 теңгеден, қырыққабат 80 теңгеден, 1 сортты ұн 135 теңгеден, қарақұмық жармасы 400 теңгеден, күріш 210 теңгеден, макарон 210 теңгеден, сиыр еті 1650 теңгеден, тауық еті 785 теңгеден, жұмыртқа 24 теңгеден, сүт 280 теңгеден, айран 225 теңгеден, сүзбе 1283 теңгеден, сары май 2504 теңгеден және тұз 40 теңгеден, нанның килограммы 135 теңгеден сатылуда.
Жалпы әлеуметтік дүкендер мен бұрыштарда әлеуметтік маңызы бар азық-түлік тауарлары нарықтан біршама төмен бағада халыққа ұсынылуда.
<img src="https://kyzylorda-news.kz/wp-content/uploads/2021/09/fb_img_1630726376359.jpg" alt="" />

Қызылордада әлеуметтік маңызы бар өнімдер төмен бағада сатылуда

Kyzylorda-news.kz. Қарулы Күштерде әскерлерді қауырт тексеру басталды, деп хабарлайды ҚР Қорғаныс министрлігінің баспасөз қызметі.
Ел Президенті Қасым-Жомарт Тоқаевтың 2021 жылғы 1 қыркүйектегі Қазақстан халқына Жолдауында, сондай-ақ 2020 жылғы қарашада Қорғаныс министрлігінің алқасында белгіленген тапсырмаларын іске асыру аясында бірқатар өңірлік қолбасшылықтардың әскери бөлімдері, Десанттық-шабуылдау әскерлері, Әскери-теңіз күштері, Әскери-әуе күштері жауынгерлік әзірлікті тексеру мақсатында дабыл бойынша көтерілді.
Әскерлерді елдің өзге аймақтарына жіберуге бұйрық берілді.
Әскери қызметшілер әскери техникамен бірге теміржол эшелондарымен, әскери-көлік авиациясымен алыс жерлерге жіберіледі. Бұдан басқа, оқу-жаттығу мақсатында жеке құрамды тасымалдауға азаматтық авиакомпаниялардың ұшақтарын тарту жоспарланған.
Кейбір запастағы әскери міндеттілерді шақыруды жүзеге асыру үшін жергілікті әскери басқару органдарына нұсқау берілді. Бірнеше азаматқа әскерге шақыру қағаздары табыс етілді. Оның негізінде әскери бөлімдерді жасақтау үшін олар жинау пункттеріне келуі тиіс болды. Осылайша әскери-оқытылған резервті жұмылдыру мүмкіндіктері тексеріледі.
Белгіленген аудандарға келгеннен кейін әскерлер жауынгерлік оқу-жаттығу тапсырмаларын орындайды. Аталған тапсырмалардың мазмұны оларға қосымша жеткізіледі.

Әскерлерді қауырт тексеру басталды

Kyzylorda-news.kz. Қазақстанда өткен тәулікте 8384 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 1038,
Алматы қаласы – 2047,
Шымкент қаласы – 603,
Ақмола облысы – 283,
Ақтөбе облысы – 533,
Алматы облысы – 195,
Атырау облысы – 720,
Шығыс Қазақстан облысы – 145,
Жамбыл облысы – 221,
Батыс Қазақстан облысы – 139,
Қарағанды облысы – 1219,
Қостанай облысы – 104,
Қызылорда облысы – 176,
Маңғыстау облысы – 268,
Павлодар облысы – 488,
Солтүстік Қазақстан облысы – 93,
Түркістан облысы – 112.
Қазақстан бойынша жазылғандар саны – 710025.

Қызылордада 176 адам коронавирустан жазылды

Kyzylorda-news.kz. Қазақстанда өткен тәулікте 4830 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 308,
Алматы қаласы – 1267,
Шымкент қаласы – 207,
Ақмола облысы – 241,
Ақтөбе облысы – 324,
Алматы облысы – 340,
Атырау облысы – 190,
Шығыс Қазақстан облысы – 182,
Жамбыл облысы – 110,
Батыс Қазақстан облысы – 106,
Қарағанды облысы – 556,
Қостанай облысы – 231,
Қызылорда облысы – 145,
Маңғыстау облысы – 235,
Павлодар облысы – 263,
Солтүстік Қазақстан облысы – 68,
Түркістан облысы – 57.
Жалпы ел бойынша ауырғандар саны 808431.

145 қызылордалық коронавирус жұқтырды

Kyzylorda-news.kz. Сенбіде елімізде жел күшейеді, кей өңірлерде аспанды бұлт басып, жаңбыр-бұршақ жаууы мүмкін, найзағай ойнайды, деп хабарлайды Қазгидромет.
4 қыркүйекте еліміздің батыс, солтүстік-батыс өңірлері циклон ықпалында болағандықтан жаңбыр жауады, найзағай жарқылдайды.
Еліміздің қалған аумағына антициклон жотасы әсер етеді, сондықтан басым бөлігінде ауа райы ашық болады. Елімізде жел күшейіп, оңтүстікте шаңды дауыл соғады, батыста бұршақ жауады, дауыл тұруы ықтимал.
Батыс Қазақстан облысының солтүстігінде найзағай ойнап, дауыл соғады, бұршақ жауып, батыста жел күшеюі мүмкін, облыстың орталығында, шығысында жылдамдығы 15-20, екпіні 23 м/с күшейеді.
Ақтөбе облысында түнде басым бөлігінде, күндіз солтүстігінде, солтүстік-шығысында найзағай ойнап, түнде батысында, солтүстік-батысында, күндіз басым бөлігінде 15-20, екпіні 23 м/с жел күшейеді.
Атырау облысының түнде солтүстігінде және орталығында найзағай жарқылдайды, жел 15-20 м/с күшейеді.
Маңғыстау облысында түнде батысында, солтүстік-батысында бұлттап, найзағай ойнайды, түнде желдің екпіні 17-22, күндіз солтүстікте 15-20 м/с күшейеді.
Күндіз Қызылорда облысының орталығы мен батысында шаңды дауыл соғуы мүмкін, жел 15-20 м/с күшейеді.
Қостанай облысының батысында найзағай ойнап, бұршақ жауады, түнде батысында, күндіз басым бөлігінде желдің 15-20 м/с күшейеді, күндіз екпіні 23-28 м/с жетуі ықтимал.
Жамбыл облысының солтүстік-шығысында, оңтүстік-батысында, Ақмола облысының оңтүстік-батысында, солтүстігінде, күндіз Солтүстік Қазақстан облысының солтүстігінде, батысында, Қарағанды облысының батысында 15-20 м/с жел күшейеді.
Түркістан, Қызылорда облыстарының басым бөлігінде, Жамбыл облысының оңтүстігінде және оңтүстік-батысында, Атырау, Батыс Қазақстан облыстарының шығысында, Ақтөбе облысының оңтүстігінде және оңтүстік-шығысында, Қостанай облысының оңтүстігінде, Қарағанды облысының оңтүстік-батысында, Алматы облысының орталығы мен оңтүстігінде, Шығыс Қазақстан облысының оңтүстігінде, Ақмола облысының оңтүстік-батысында, Павлодар облыстарының орталығында төтенше өрт қаупі сақталады.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Байқоңыр қаласы әкімшілігінің басшысы Константин Бусыгинмен кездесті.
Отырысқа облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Серік Сүлейменов, ҚР Президентінің Байқоңыр кешеніндегі арнаулы өкілінің қызметін қамтамасыз ету басқармасының басшысы Жасұлан Абатов қатысты.
Жиын барысында тараптар арасындағы ортақ жоспарлар сөз болып, оның ішінде Байқоңырдағы жылу электр станциясын газға қосу арқылы тұрғындарға төлем құнын төмендету мәселесі талқыланды.
<blockquote>
 «Қазақстан мен Ресей Федерациясының мемлекеттік органдарының бірлескен нәтижелі жұмыстарының арқасында Байқоңыр қаласының және тұтастай кешеннің ұзақ мерзімде дамуын қамтамасыз ету мәселелері шешілуде. Қазіргі таңда Байқоңырда 5 тұрғын үйдің құрылысы мен инженерлік инфрақұрылымды жаңарту бойынша жұмыстар жүргізілуде. «Байқоңыр» кешенін газбен қамтамасыз ету бойынша келісім негізінде жұлдызды қаладағы көп қабатты тұрғын үйлер, шағын және орта бизнес нысандар көгілдір отынға қосылды», – деді облыс әкімі.
</blockquote>
Кездесу барысында Байқоңыр қаласы әкімшілігінің басшысы Константин Бусыгин жылу электр станциясын газға қосу мәселесіне қатысты бірлескен жұмыстардың маңыздылығын атап өтті. Бұл ретте «ҚазТрансГаз Аймақ» АҚ Қызылорда өндірістік филиалы директорының міндетін атқарушы Ермек Қалдығұлов, облыстық экология департаментінің басшысы Нұржан Өмірсерікұлы негізгі мәселелер бойынша жасалған жұмыстарды тізбелеп берді. Сондай-ақ, Байқоңыр қаласы аумағын қоқыстан тазартудың 2021-2023 жылдарға арналған Жол картасын жүзеге асыру, қоқысты сұрыптау кешенін іске қосу бағытында алдағы атқарылатын жұмыстарға тоқталды.
Кездесуді қорытындылаған облыс әкімі алдағы уақытта бірлескен жобалардың нәтижелі орындалатынына сенім білдірді.

Байқоңыр қаласын дамыту мәселелері талқыланды

<a href="https://kyzylorda-news.kz/">Kyzylorda-news.kz</a>.&nbsp; «Қандай ас ішемін, не киім киемін?» Қарап отырсақ, біз бұл сұрақтарға келгенде ұзақ ойланбаймыз. Аштықты көрген жоқпыз. Бейбіт өмірде ішкеніміз алдымызда, ішпегеніміз артымызда, ешкімге алақан жайып, жалтақтамаймыз. Ал, бұл жолда талай тарланның тақымындағы тер кеппеді. Ұлт-азаттық көтерілістер, Ұлы отан соғысы мен Желтоқсан оқиғасы, қатал сыннан өткен жандардың жан қияр ерліктері тарих қойнауында сақтаулы. «Қашан егемен ел боламыз?» деген бір кездегі мазалы сұрақ – бүгін біздің бақытымыз.
Тарих парағын ақтарсақ, тәуелсіздік жолында халқымыз түрлі сынақтан өтті. Ата-бабаларымыз жерді жауға бастырмады. Ұлын құл, қызын күң етпеуге барын салды, досына адал, дұшпанына қаталдық танытты. Қазақ елінің еркіндігі, тәуелсіздігі үшін тарихта ерекше орын алатын көтерілістер – Сырым Датұлы, Кенесары Қасымұлы, Махамбет Өтемісұлы мен Исатай Тайманұлы бастаған және 1916 жылғы ұлт-азаттық көтерілістер болды. Сонау «Ақтабан шұбырынды, Алқакөл сұлама» заманынан бастап, қынадай қырылған, ел тізгінін ұстаған азаматтардан 1938 жылдарына дейінгі аралықта халқымыздың осынау кең жақан далада өмір сүруі, тарих бетінен ұлт болып жойылып кету қаупі төніп тұрған еді. Қаракерей Қабанбай, Қанжығалы Бөгенбай батырлардан бастап, Иса, Досан, Шотан батырлар, беріректе Бауыржан, Мәншүк, Әлия сынды батырлар ел қорғауды ұран етіп, сол жолда құрбан болды. Тәуелсіздік үшін ақ білектің күшімен, ақ найзаның ұшымен елін қорғаған бабалар рухынан қуат алған ызғарлы Желтоқсан оқиғасы да кім кімді болмасын селт еткізбей қоймады. «Тәуелсіздік алдық, енді оны қалай сақтап қаламыз?» деген сауал көптің көкейін күпті еткен тағдырлы уақыт та болды. Ата-аналарымыз ол кезеңнің өтпелі болғанын, айлап-жылдап жалақы алмай, зейнетақыларына жете алмай зарыққан жандар жайлы күрсіне айтып отырады. Олар қиналды, бірақ, шыдады. Қиын күннің желдей есіп өтеріне сенгендіктен… 
Осыған қарап-ақ, қазақ деген елдің ежелден бергі арманы – азаттық екенін байқауға болады. Сол азаттық қаншама ғасырлар бойы қиын-қыстау кезеңдерден сүрінбей өткен қазақтың пешенесіне бұйырыпты.
Өзгелермен иық тірестіріп тұрып, тәуелсіздік алдық. Тәубе. Ақиқатын айтсақ, қаймана қазақ бұл жолда Тұңғыш Президент Нұрсұлтан Назарбаевқа қарыздар. Сонау 90-шы жылдардың басында жаңа заман туды. Осы қиын-қыстау тың жолда Қазақстанды сүріндірмей, адастырмай алып жүру екінің бірінің қолынан келмес еді. Бүгінде әлем сахнасынан сыйлы орынға жайғасып үлгерген егеменді еліміздің осынау жылдардың ішінде жеткен жетістігі мен бағындырған белесі биік. Экономикалық, саяси, әлеуметтік тұрғыда жедел қарқынмен дамып жатқан Қазақстан әлемді аузына қаратқан елге айналды. Тұңғыш Президент-Елбасы Нұрсұлтан Назарбаевтың арқасында еліміз әлемдік қауымдастықтардың ықпалды мүшесі атанды, халқына қауіпсіздік пен жарқын болашағы бар өмір сыйлай алды.
Табалдырығымыздан аттаған биылғы жылда Тәуелсіз ел атанғанымызға 30 жыл толып отыр. Мерейлі датаға орай Президент Қасым-Жомарт Тоқаев жариялаған «Тәуелсіздік бәрінен қымбат» мақаласында қазақ мемлекеттігінің, ата-бабаларымыз аңсаған азаттықтың тұғыры нығая түскеніне екпін берілген. Мемлекет басшысы «Азаттығымыздың айшықты белесіне шыққанда әрбір саналы азаматты «Отыз жылда біз қандай жетістіктерге жеттік?», «Келер ұрпаққа қандай елді аманаттаймыз?», «Мемлекеттігімізді нығайта түсу үшін тағы не істейміз?» деген сауал толғандырары анық. Осы тұрғыдан алғанда, бұл – арман-мақсаттарымызды тоғыстырып, болашаққа тың серпінмен қадам басу үшін өткенге тағы бір мәрте оралатын, жетістіктеріміз бен кемшіліктерімізді ой елегінен өткізетін маңызды мезет» деген орамды ой айтқан. Иә, тәуелсіздікті алу бар, бірақ оны қорғап қалу, баянды ету мың құбылған, алмағайып заманда оңай емес. Сондықтан да «Тәуелсіздік бәрінен қымбат» деген сөз мәңгілік ұранға айналғаны абзал. «Азаттық пен тыныштық, көксегенім» деп Абай атамыз жырлағандай, қазіргі қазақ қоғамына ең қажет дүние де – бейбіт өмір мен тату тірлік. Сондықтан әрбір азамат осы екеуінің қадірін біліп, соның қамын жемек керек. Өйткені, біз бақытты ұрпақпыз, алдағы жарқын болашақ та біздің қолда.
Қасым Аманжоловтың «Сен неткен бақытты ең, келер ұрпақ. Жүзіңе көп қараймын мен таңырқап» деген жалынды жырын да біздерге қарата айтуға болады. Менің де бала күнімде таңдаған құтқарушы мамандығын серік етуіме, арманыма қанат байлауыма себепші – ұрпақтарының алаңсыз өмірі жолында күрескен ата-бабамның ерлігі мен талай жылғы тар жол, тайғақ кешумен келген Тәуелсіздік. Жаратқан жаны жайсаң, дарқан жұртымызды бірлік-ынтымағынан ажыратпасын!
Хасен АМАНЖОЛОВ, 
Қызылорда қаласындағы №1 мамандандырылған өрт сөндіру бөлімінің бөлімше командирі, азаматтық қорғау сержанты
<img src="https://kyzylorda-news.kz/wp-content/uploads/2021/09/5c0b4405-a3b4-4641-9e23-6db8be490816.jpg" alt="" />

Қазақстан және Қызылорда облысының жаңалықтары

Қызылорда: Өткен тәулікте 122 адам індет жұқтырған