<a href="https://kyzylorda-news.kz/">Kyzylorda-news.kz</a>.&nbsp;ҚР Президенті Қасым-Жомарт Кемелұлы Тоқаевтың 1 қыркүйектегі Жолдауы – дипломатиялық әрі саяси білімнің салтанатын кезекті рет көрсетті.
Осы Жолдау­да ол Қазақстан аза­мат­­тарының тұрмыс-ахуалын арт­тыруды көздеген әлеуметтік шара­лар жасау тұрғысындағы мақса­т­тар­ды белгілеп отыр. Осы бастамалар ең басты капитал – адам екендігіне одан әрі көз жеткіздіріп, мемлекетті эко­но­микалық және саяси жетілудің шыңы­нан көрінуге нұсқайды. Жолдауда атап көр­сетіліп, Үкіметке тапсырма ретінде беріл­ген – білім және денсаулық сақтау саласын жетілдіру, еңбекақыныны одан әрі көбейту, халық табысын арттыру, мем­лекеттік қызмет көрсетулердің жақ­саруы – адам капиталын ин­вес­тициялауға жасалған осы шара­лар­дың бәрі қазақстандықтардың өмір са­пасының артуына кепіл болары сөз­сіз. Сонымен бірге Мемлекет басшысы Жолдауының орындалуы экономикалық тетіктермен бекітілгені, нақты жоспарлардың белгіленгені және орындалуын қадағалайтын қажетті бақылау жүйесімен астасқанын атап өтуге міндеттіміз.
Осы тұста Президент жолдауының жүзеге асырылуына Қазақстандық кәсіподақтар мен олардың мүшелері де асқан ұйымшылдықпен қолдау көрсетеді деп ойлаймын.
Мақсұт НӘЛІБАЕВ,
Қызылорда облыстық кәсіподақтар орталығының төрағасы,
облыстық мәслихат депутаты

Мақсұт Нәлібаев: Жолдау &#8211; еңбекқор азаматтарға қолдау

<a href="https://kyzylorda-news.kz/">Kyzylorda-news.kz</a>. Жалағаш ауданының әкімі Асылбек Шаменов Мәдениет ауылдық округіндегі «Сыр толқыны» шаруа қожалығы егін алқабына барып күрішке алғашқы орақ салу рәсіміне қатысты.
«Сыр толқыны» шаруа қожалығы қазіргі заманауи озық техникаларды пайдалана отырып, егіс алқаптарына мелиоративтік тегістеу жұмыстарын жүргізіп, 391 гектар жерге Сыр маржанын екті.
Шарада аудан әкімі Асылбек Шаменов, «Аграрлық несие корпорациясы» АҚ-ның Қызылорда облысы бойынша филиал директоры Маханбет Тұрмаханов сөз сөйлеп, диқандар қауымына биылғы егін жинау науқанында сәттілік тілеп, қамба дәнге толуға тілектестігін білдірді.
<img src="https://kyzylorda-news.kz/wp-content/uploads/2021/09/dsc_2594-scaled.jpg" alt="" />
<img src="https://kyzylorda-news.kz/wp-content/uploads/2021/09/dsc_2559-scaled.jpg" alt="" />

Жалағашта егінге алғашқы орақ түсті

<a href="https://kyzylorda-news.kz/">Kyzylorda-news.kz</a>.&nbsp; Бүгінде мемлекеттік тілдің мәртебесін көтеріп, қолданыс аясын кеңейту мақсатында тындырымды тірлік атқарып, жүйелі жұмыс істеп жүрген ұйымның бірі «Халықаралық «Қазақ тілі» қоғамы» Қоғамдық бірлестігінің Қызылорда облыстық филиалы.
Қазақ тілін білім мен ғылымның, мәдениет пен іс жүргізудің тіліне айналдыруды негізге алған Қоғамдық бірлестік 32 жылдан бері жеке дара ұйым ретінде әрекет етіп келеді. Өңірлік коммуникациялар қызметінің ақпарат алаңында өткен брифингте «Халықаралық «Қазақ тілі» қоғамы» Қоғамдық бірлестігінің облыстық филиалының төрағасы Сәдуақас Аңсат ұйымның атқарып жатқан жұмыстары мен алдағы жоспарларын ортаға салды.
5 қыркүйек – Қазақстан Халқы тілдері күніне орай өткен брифингте Сәдуақас Әбдіқадырұлы 1989 жылы қыркүйек айында кеңес одағы кезіндегі оңтүстік партия комитеті тұсында жеке дара ұйым болып құрылған Халықаралық қазақ тілі қоғамының тарихынан сыр шертер тың ақпараттармен бөлісіп, бүгінгі күні маңыз берген негізгі жұмыстарына тоқталды.
Айтуынша қазіргі таңда қала ішіндегі қоғамдық көлік аялдамаларына қазақша атау беру мәселесі қолға алынған. Ұйым бұл бастамасын облыстық ішкі саясат басқармасы және облыстық тілдерді оқыту орталығы арқылы жүзеге асыруда.
Айта кету керек, аялдамаларға қазақтың зиялы қауым өкілдерінің суреттерін қоюды да алғаш болып ұсынғандардың бірі «Халықаралық «Қазақ тілі» қоғамы» Қоғамдық бірлестігінің облыстық филиалы.

Қызылорда: Аялдамаларға қазақша атау беріледі

<a href="https://kyzylorda-news.kz/">Kyzylorda-news.kz</a>. Қысқы мал азығын даярлау үшін аймақта жан-жақты шаралар атқарылуда. Тиісінше облыс әкімімен арнайы іс-шара жоспары бекітіліп, соған сәйкес 769,9 мың тонна ірі азық пен 213,6 мың тонна жем даярлау межеленген. Жоспарды толығымен орындау мақсатында кәсіпкерлермен келісімдер жасалуда. Бұл туралы Өңірлік коммуникациялар қызметінде өткен брифингте облыстық ауыл шаруашылығы басқармасының басшысы Талғат Дүйсебаев мәлімдеді.
<blockquote>
 «Биылғы қысқа түсетін 534,7 мың шартты мал басына 769,9 мың тонна ірі азық дайындау жоспарланған болатын. Осыған орай, облыс бойынша 663,0 мың тонна шөп дайындалып, қажеттіліктің 86,1 пайызын құрап отыр. Сондай-ақ қажетті жемнің 14,2%-ын қамтылды. Күріш жинау науқаны басталуына орай, күріш сабанын өртемей, жоспарлы 172,5 мың тонна күріш сабанын жинап алу жоспарлануда. Сондай-ақ, өңірдегі күріш өңдеу кәсіпорындары арқылы өз өндірісімізден 114,7 мың тонна күріш қалдығын және күріш жемін өндіру жоспарда бар. Ол үшін жергілікті кәсіпкерлермен келіссөздер жүргізілді», – деді облыстық ауыл шаруашылығы басқармасының басшысы Талғат Тұрсынұлы.
</blockquote>
Арал ауданында қалыптасқан қуаңшылыққа байланысты шаруаларға көмек көрсету үшін тиісті шаралар атқарылуда. Аталған мақсатта облыс әкімінің резервінен 250 млн. теңге, «Аралым айдын шалқарым» атты қайырымдылық қоры арқылы жергілікті кәсіпкерлер, сондай-ақ аймақ фермерлері, түрлі қайырымдылық қорлары арқылы 262 млн. теңге түсті. Аудан шаруаларын тиісті жем-шөппен қамтамасыз ету әр аптаның сенбі күні Арал ауданда жем-шөп жәрмеңкесі ұйымдастырылуда.

Қызылордада қысқы мал азығын дайындау жүріп жатыр

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4930 адамда коронавирус індеті ПТР арқылы расталып ауырғаны белгілі болды, деп хабарлайды <a href="https://www.coronavirus2020.kz/kz">coronavirus2020.kz</a>&nbsp;сайты.
Аймақтар бойынша:
Нұр-Сұлтан қаласы – 318,
Алматы қаласы – 1287,
Шымкент қаласы – 223,
Ақмола облысы – 248,
Ақтөбе облысы – 339,
Алматы облысы – 295,
Атырау облысы – 195,
Шығыс Қазақстан облысы – 170,
Жамбыл облысы – 109,
Батыс Қазақстан облысы – 134,
Қарағанды облысы – 622,
Қостанай облысы – 232,
Қызылорда облысы – 112,
Маңғыстау облысы – 238,
Павлодар облысы – 268,
Солтүстік Қазақстан облысы – 70,
Түркістан облысы – 70.
Жалпы ел бойынша ауырғандар саны 803601.

Өткен тәулікте коронавирус жұқтырғандар саны белгілі болды

<a href="https://kyzylorda-news.kz/">Kyzylorda-news.kz</a>. Жұма күні елімізде жел күшейіп, жаңбыр жауады, кей өңірлерде тұман түсіп, түнде үсік жүруі ықтимал, деп хабарлайды Қазгидромет.
3 қыркүйекте антициклон республиканың басым бөлігіне әсер етеді, ауа райы жауын-шашынсыз болады. Тек батыс өңірлер циклон ықпалында, батыстажәне оңтүстік-шығыста жаңбыр жауады, найзағай жарқылдайды, күндіз еліміздің батысында нөсер жауады. Елімізде жел күшейіп, оңтүстік-батыста шаңды дауыл соғады, оңтүстік-шығыста, батыста бұршақ жаууы мүмкін, орталықта тұман түсуі ықтимал.
&nbsp;Қызылорда облысының орталығында жел 15-20 м/с күшейеді.

3 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының әкімі Гүлшара Әбдіқалықова сырбойылықтарды ұлттық санаққа ұйымшылдықпен, ауызбіршілікпен қатысуға шақырды.
<blockquote>
 «Құрметті облыс тұрғындары! 2021 жылдың 1 қыркүйегінде Қазақстанда жалпыұлттық халық санағы басталды. Елімізде үшінші кезекті ұлттық халық санағы 2021 жылғы1 қыркүйектен 15 қазанға дейін онлайн санақ және 1 қазан мен 30 қазан аралығында планшет қолдану арқылы жаппай сауалнама түрінде жүргізіледі.
 Ұлттық санақ басталған күні елімізде ең алғашқылардыңбірі болып халық санағына sanaq.gov.kz порталы арқылы онлайн режимде қатыстым. Бұл тәуелсіз еліміздің болашағы үшін өте маңызды. Тәуелсіздігіне 30 жыл толған сүйікті Отанымыздың алдағы кезеңдердегі әлеуметтік-экономикалық даму, демографиялық өсу жағдайын бағалау, сол арқылы тиісті шаралар қабылдау үшін аса қажет.
 Респонденттер Халыққа қызмет көрсету орталықтарында, әкімдіктерде, пошта бөлімшелерінде, мектептерде және т. б. нысандарда орналасатын арнайы ұйымдастырылған нұсқаушы учаскелерде санақтан өте алады.Қадірлі жерлестер!
 Ұлттық санаққа ұйымшылдықпен, ауызбіршілікпен қатысайық!», – деді облыс әкімі.
</blockquote>

Гүлшара Әбдіқалықова: Ұлттық санаққа ұйымшылдықпен, ауызбіршілікпен қатысайық

Kyzylorda-news.kz. ҚР Президенті Қасым-Жомарт Кемелұлы Қазақстан халқына Жолдауында «Халық бірлігі және жүйелі реформалар – ел өркендеуінің берік негізі», – деді.
Қашанда қоғамның даму жолында халықтың бірлігі – қымбат құндылық болған. Асыл дініміз ислам барша ұлтты татулықта, өзара құрмет пен келісім аясында өмір сүруге үндейді.
Бірлігі бекем елге береке орнайтыны баршамызға белгілі. Татулық және достық деген кезде жұдырық болып жұмылған, ынтымақ-бірлігі жарасқан ұлттар мен алауыздығы жоқ ел есімізге түседі. Қай ұлт, қай ел болса да бейбітшілік пен ашық аспанды, бақытты, терезесі тең, керегесі кең елдер қатарында болуды аңсайды. Өйткені, татулық пен келісім, бейбітшілік пен тұрақтылық бар елді бақыт өзі іздеп келеді.
Дана халқымыздың татулық пен адалдыққа шақырған өсиеттерін алға тартып, бейбіт еліміздің тыныштығын сақтай отырып, бүгінгі күнімізді бағалай білейік.
Алдағы уақытта жер бетінде жұқпалы індет жойылып, баршамыз қуанышты сәтте қауышып, болашағы баянды ел болайық.
Болатбек Әбуов,
ҚМДБ-ның Қызылорда облысы бойынша өкілі, «Ақмешіт-Сырдария» орталық мешітінің Бас имамы

Болатбек Әбуов: Халықтың бірлігі – қымбат құндылық

<a href="https://kyzylorda-news.kz/">Kyzylorda-news.kz</a>. Қызылорда облыстық ішкі саясат басқармасы Қазақстан халқы тілдерінің күні мерекесіне орай Қызылорда қаласындағы бірқатар балабақшаларда «Тілді сүю – талбесіктен» акциясын өткізді.
Шараның мақсаты – мемлекеттік тілдің мәртебесін көтеру, қолданыс аясын кеңейту, бүлдіршіндердің&nbsp; мемлекеттік тілге деген құрметін арттыру.
Акция барысында&nbsp; «Сыр шуағы», «Баларман» балабақшаларының ұжымдарына «Даналық әліппесі» – электрондық оқулығы, оқу – әдістемелік құралдары, сонымен бірге, бүлдіршіндердің танымын, ой – өрісін кеңейтуге арналған түрлі&nbsp; қазақ ертегілерінің&nbsp; жинақтары, қазақ тілін ойын арқылы үйренуге және сөздік қорын молайтуға бағытталған «Шаңырақ» лингвистикалық үстел ойыны жиынтығы тарту етілді.

Қызылордадағы балабақшаларда «Тілді сүю &#8211; талбесіктен» акциясы өтіп жатыр

<a href="https://kyzylorda-news.kz/">Kyzylorda-news.kz</a>.&nbsp;Қызылорда қалалық Полиция басқармасының учаскелік полиция испекторларымен құрылған мониторингтік топпен күнделікті сауда нысандары, ойын-сауық орындары, ресторандар мен кафелерде түсіндірме жұмыстары үздіксіз жүргізілуде.
Алайда, карантин талаптарын бұзу деректерін анықтау барысында мониторинг топтарымен бірлесіп жүргізілген жедел түсірілімдері туралы біршама жұмыстар атқарылуда.
Қызылорда қаласының арнайы мониторингтік топ құрамына басқарманың 16 учаскелік полиция инспекторлары бекітіліп, қазіргі таңда 16 мониторингтік топпен күнделікті рейдтік жұмыстарын жүргізуде.
Жүргізілген мониторингтік топ мүшелерімен жыл басынан карантин талаптарын бұзуға қатысты 5710-нан астам нысандар араланып, оның ішінде карантин талаптарын бұзған 306 құқық бұзушылық анықталып (оның 87-дерегі той, қалғаны жекелеген нысандар), жауапкершілікке тарту мақсатында құжаттар тиісті үйлестіру орталығына (СЭС) жолданып, қазіргі таңда, оның 159-на шара көрілді.
Қызылорда қалалық Полиция басқармасы қала тұрғындарына және кәсіп иелеріне карантиндік режим жалғасатынын және бас санитарлық дәрігердің қаулысының талаптарын сақтау керектігін қатаң ескертеді. Тәртіп бұзушылар қолданыстағы заңнамаға сәйкес жауапқа тартылатынын тағыда ескертеді.

Қызылордада карантин талаптарын бұзған 306 құқық бұзушы анықталды

Kyzylorda-news.kz. Қазақстан Республикасының Президенті Қасым-Жомарт Кемелұлы Тоқаев биылғы жолдауында ұлт деңгейіндегі кезек күттірмейтін мәселелерге қатысты тың бастамалар көтеріп, жауапты салаларды жұмыла жұмыс істеп, қоғамның өмір сүру деңгейін көтеруде күш салуға шақырды.
Соның бірі ретінде ауылшаруашылық саласына арқа сүйеп отырған экономикасы бар ел үшін маңызды ветеринария жүйесін реформалауға қатысты нақты шаралар қабылдану керектігі атап өтілді.
Өзекті мәселенің оң шешім тауып, аталмыш саланы жоғары санатты мамандар мен соңғы үлгідегі техникалық жабдықтаумен қамтамасыз етілуі бірінші кезекте қаралуы назардан тыс қалмауы тиіс.
Ветеринариядағы маман жетіспеушілігіне мардымсыз жалақының тигізіп отырған әсері де айтылмай қалмады.
<blockquote>
 «Ветеринария саласын да жетілдіру қажет. Бұл салада орталық пен өңірлер арасында міндеттер мен құзыреттер нақты бөлінуі керек. Мал басының амандығы және өнімділігі жергілікті ветеринарлардың тиімді жұмысына байланысты. Бұл түптеп келгенде ауылдағы ағайынның әл-ауқатына тікелей әсер етеді. Ветеринария қызметі қазіргі заман талабына сай болмаса, ауыл шаруашылығы өнімдерінің экспортын арттыру мүмкін емес», – деді Мемлекет басшысы.
</blockquote>
Дер кезінде көтеріліп отырған осындай маңызды мәселені шешу жолында тың ұсыныстарды ұсына білу біздің де міндетіміз. Жолдауда мұнан бөлек келер жылы ең төменгі жалақы 42500 теңгеден 60 мың теңгеге көтерілетіндігі, аталмыш бастама 1 миллионнан астам тұрғынды қамититыны туралы да қозғалып өтті. Бұл өз кезегінде көлеңкелі жалақы мәселесін жойып, ел экономикасына оңтайлы әсерін тигізеді.
Қорыта айтқанда, бұл жолдау халықтың өмір сүру сапасын арттырып, коронадағдарыстан экономиканы күйретпей, халықтың санын сиретпей шығуға бастайтын маңызды құжат.
Ибайдулла Тілеп,
Қызылорда облыстық мәслихат депутаты

Жолдау &#8211; халықтың өмір сапасын арттыратын құжат

<a href="https://kyzylorda-news.kz/">Kyzylorda-news.kz</a>.&nbsp;1- қыркүйек білім күнімен қатар келген ел Президенті Қасым-Жомарт Кемелұлы Тоқаевтың Қазақстан халқына жолдауы баршамызға жаңа серпінмен жаңалық алып келді. Аудан жастары тапжылмастан жолдауды тыңдап өз арамызда пікір алмастық.
Мемлекет басшысы сөзінде «Жастарымыз өзге тілдерді, соның ішінде орыс тілін жетік меңгерсе, бұдан еш ұтылмайды. Еліміз өркениетті диолог пен өзара сыйластық мәдениетін дәріптеуі керек» – деп барша жастарды жан-жақты дамуға, тіл үйреніп түрлі ұлттардың мәдениетін игеруге шақырды.
Сонымен қатар ел басшысы «Біздің білім беру жүйеміз инклюзивті болуға тиіс. Сонымен бірге жағымды жаңалығымызда бар. Биыл бірнеше оқушы халықаралық пән олимпиадаларының жеңімпаздары мен жүлдегерлері атанды. Ондай дарынды балаларға жан-жақты қолдау көрсету қажет. Біз оларға жоғары оқу орнына түсу үшін конкурстан тыс гранттар береміз. Бір реттік ақшалай сыйақы да төлейміз» – деп ізденісте жүретін, сауатты әрі дарынды оқушылардың мәртебесін көтеріп, олардың қашанда мемлекет тарапынан үлкен қолдауға ие екенін баса айтты.
Әрине, ел халқының әлеуетін көтеруге арналған жолдауда, тың жоба, жастарға деген қолдау, жаңашылдық және үлкен мотивация бар. Билік пен халық арасындағы тың өзгерістерге бастама болған жолдаудан күтеріміз көп және орындалуына барша жастар атсалысамыз деген ойдамын. Бағытымыз бен жүрер жолымыз айқын. Енді жастарға белсенділік танытып жақсы жұмыс нәтижесін көрсету басты міндет.
Шынболат Ертілеуұлы,
Арал аудандық жастар ресурстық орталығының қызметкері

Қазақстан және Қызылорда облысының жаңалықтары

Мақсұт Нәлібаев: Жолдау – еңбекқор азаматтарға қолдау

Жалағашта егінге алғашқы орақ түсті

Қызылорда: Аялдамаларға қазақша атау беріледі

Қызылордада қысқы мал азығын дайындау жүріп жатыр

Өткен тәулікте коронавирус жұқтырғандар саны белгілі болды

3 қыркүйекке арналған ауа райы болжамы

Гүлшара Әбдіқалықова: Ұлттық санаққа ұйымшылдықпен, ауызбіршілікпен қатысайық

Болатбек Әбуов: Халықтың бірлігі – қымбат құндылық

Қызылордадағы балабақшаларда «Тілді сүю – талбесіктен» акциясы өтіп жатыр

Қызылордада карантин талаптарын бұзған 306 құқық бұзушы анықталды

Жолдау – халықтың өмір сапасын арттыратын құжат

Шынболат Ертілеуұлы: Жолдау жастарды жігерлендірді

Қазақстан және Қызылорда облысының жаңалықтары

Мақсұт Нәлібаев: Жолдау &#8211; еңбекқор азаматтарға қолдау

Жалағашта егінге алғашқы орақ түсті

Қызылорда: Аялдамаларға қазақша атау беріледі

Қызылордада қысқы мал азығын дайындау жүріп жатыр

Өткен тәулікте коронавирус жұқтырғандар саны белгілі болды

3 қыркүйекке арналған ауа райы болжамы

Гүлшара Әбдіқалықова: Ұлттық санаққа ұйымшылдықпен, ауызбіршілікпен қатысайық

Болатбек Әбуов: Халықтың бірлігі – қымбат құндылық

Қызылордадағы балабақшаларда «Тілді сүю &#8211; талбесіктен» акциясы өтіп жатыр

Қызылордада карантин талаптарын бұзған 306 құқық бұзушы анықталды

Жолдау &#8211; халықтың өмір сапасын арттыратын құжат

Шынболат Ертілеуұлы: Жолдау жастарды жігерлендірді

Мақсұт Нәлібаев: Жолдау – еңбекқор азаматтарға қолдау

Қызылордадағы балабақшаларда «Тілді сүю – талбесіктен» акциясы өтіп жатыр

Жолдау – халықтың өмір сапасын арттыратын құжат