<a href="https://kyzylorda-news.kz/">Kyzylorda-news.kz</a>. Облыс көлемінде өтіп жатқан «Қару» жедел профилактикалық іс-шарасының 5 күнінде 2 512 қару иелері тексеріліп, 48 құқық&nbsp; бұзушылық&nbsp; анықталды.
Әкімшілік кодексінің 482 бабына сәйкес, заңсыз айналымнан 16 дана қару тәркіленген. &nbsp;
Кодекстің 484 бабына сәйкес (Қаруды сақтау&nbsp; ережесін бұзу) 16азаматқа, &nbsp;486 бабына сәйкес (Қару тасымалдау, тіркеу ережелерін бұзу) 16 азаматқа әкімшілік шара көрілген.

Қызылордада заңсыз айналымнан 16  қару тәркіленді

<a href="https://kyzylorda-news.kz/">Kyzylorda-news.kz</a>. Азаматтық келісімшарт жасасқан жеке тұлғалар мен қызметкерлер үшін (2018 және 2020 жылдарға дейінгі ретроспективті) міндетті зейнетақы төлемдері (МЗТ) үшін аударымдарды және міндетті медициналық сақтандыруға жарналарды қолдану кезінде күшіне енген нормалар қате болып есептелмейді. Бұл туралы ҚР Қаржы министрлігі Мемлекеттік кірістер комитетінен мәлім етті, деп хабарлайды <a href="https://lenta.inform.kz/kz/memlekettik-kirister-komiteti-zheke-tabys-salygyn-esepteuge-katysty-suraktarga-zhauap-berdi_a3748187">ҚазАқпарат</a>.
<blockquote>
 «Бұл нормалар заң шығару жұмысының кезеңінде қарастырылған және ҚР Ұлттық экономика министрлігі мен ҚР Парламентінің ресми сайттарында, Электрондық үкімет порталында орналастырылған. Сол уақытта ұсынылған өзгерістер бизнес қауымдастығымен бірлесе талқыланды», – деді Мемлекеттік кірістер комитеті.
</blockquote>
Ведомство сондай-ақ 2018 жылдың шілдесінен бастап МЗТ төлемі азаматтық-құқықтық келісімшарт негізінде жұмыс істейтін жеке тұлғаның міндеті болғанын және&nbsp;тек 2019 жылдан бастап мұндай төлем салық агентінің міндеті болып табылатындығын еске салды.
Тиісінше, егер 2018 жылдың екінші жартыжылдығында МЗТ-ны жеке тұлға өз бетінше төлемеген болса, жеке табыс салығын (ЖТС) қайта есептеу талап етілмейді және ЖТС бойынша 2018 жылғы салық есептілігіне түзетулер енгізудің қажеті жоқ.
«Осыны ескере отырып, салық агенттері салық есептілігін қайта есептеуге және өзгертуге жеткілікті уақыт бөлінген. Сонымен бірге, салық есептілігі нысанын 2021 жылдың наурызына дейін қайта есептеу және ұсыну қажеттілігі туралы таратылған ақпарат&nbsp;шындыққа сәйкес келмейтіні&nbsp;атап өтіледі», – деді комитеттен.
Айта кетейік, 2018 жылы міндетті зейнетақы төлемдерін өздігінен төлеген, ЖТС сомасы қайта есептеуге жататындар саны МЗТ төлеушілерінің 0,1%-нан аз.
«Бұл ретте салық агенті қосымша салық есептілігін ұсынуға құқылы. Бұл жағдайда төленген ЖТС сомасын қайтару туралы мәселе салық агентіне артық төленген салық сомасын қайтару туралы өтініш берген кезде қаралады.
Мәселен, мемлекеттік қызметтерді оңтайландыру мақсатында 2021 жылдан бастап салықтың артық төленген сомасын есепке жатқызу мен қайтару мерзімі он күннен бес жұмыс күніне дейін қысқартылды. Сондай артық төленген соманы алдағы төлемдер есебіне қалдыру мүмкіндігі қарастырылған.
Мемлекеттік кірістер комитеті ЖТС бойынша декларацияларды ұсыну тәуекелдерді басқару жүйесін бағалауға әсер етпейтіндігін ескертеді, өйткені ТБЖ қолдану критерийлері «ЖТС бойынша бірнеше рет өзгертуді енгізу» критерийін қамтымайды.
ТБЖ-ні бағалауға әсер ететін декларацияларды ұсынуға қатысты, «бұрын ұсынылған салық есептілігіне бірнеше рет енгізілген өзгерістер мен толықтырулар» критерийі құпия ақпарат болып табылмайды, бұл бизнес-қауымдастық үшін осы критерий сипаттамаларының ашықтығын және қолжетімділігін растайды.
Бұл критерий салық төлеуші ​​жалпы сомасы 10 (он) миллион теңгеден асатын корпоративті табыс салығын және (немесе) қосымша құн салығын азайту үшін 5-тен астам қосымша декларация тапсырған жағдайда ғана қолданылады.
Сондай-ақ, ЖТС үшін қосымша салық есептілігін ұсыну бухгалтерлердің жауапкершіліктеріне әкеп соқтырмайды», – деді комитеттен.

Мемлекеттік кірістер комитеті жеке табыс салығын есептеуге қатысты сұрақтарға жауап берді

<a href="https://kyzylorda-news.kz/">Kyzylorda-news.kz</a>. Мемлекет басшысының тапсырмаларын іске асыру үшін үш ұлттық жоба және бес кешенді жоспар қабылданады, деп хабарлайды <a href="https://24.kz/kz/zha-aly-tar/o-am/item/452748-aza-standa-sh-ltty-zhoba-bekitiledi">«Хабар 24»</a>.
Бұл туралы бүгінгі Үкімет отырысында ұлттық экономика министрі Әсет Ерғалиев айтты.
Ұлттық жобаның бірі агроөнеркәсіп саласын дамытуға бағытталса, екінші жоба су ресурстарын басқару тетіктерін реттейді. Сондай-ақ «Жасыл Қазақстан» ұлттық жобасы да бекітіледі. Кешенді жоспарлар қатарында заңсыз сауда айналымымен күрес, вакцинациялау және мектепке дейінгі білім беруді жетілдіру шаралары бар. Үкімет басшысы Асқар Мамин биыл экономикалық өсімді 3 процент деңгейінде қамтамасыз етіп, ауылшаруашылығындағы еңбек өнімділігін 1,4 есеге арттырып, негізгі капиталға инвестицияны 20 процентке жеткізу қажеттігін тапсырды.

Қазақстанда үш ұлттық жоба бекітіледі

<a href="https://kyzylorda-news.kz/">Kyzylorda-news.kz</a>.&nbsp;Қазақстанда бір тәулікте 1 195 адам коронавирус инфекциясынан жазылды, деп хабарлайды <a href="https://www.coronavirus2020.kz/kz">coronavirus2020.kz.</a>
Нұр-Сұлтан қаласында – 68,
Алматы қаласында – 80,
Шымкент қаласында – 3,
Ақмола облысында – 145,
Ақтөбе облысында – 25,
Алматы облысында – 109,
Атырау облысында – 79,
Шығыс Қазақстан облысында – 13,
Жамбыл облысында – 60,
Батыс Қазақстан облысында – 85,
Қарағанды облысында – 58,
Қостанай облысында – 122,
Қызылорда облысында – 3,
Маңғыстау облысында – 3,
Павлодар облысында – 222,
Солтүстік Қазақстан облысында – 105,
Түркістан облысында – 18.
Елімізде барлығы 169 963 адам COVID-19-дан емделіп, сауығып шықты.

Қызылордада 3 адам коронавирус індетінен айықты

<a href="https://kyzylorda-news.kz/">Kyzylorda-news.kz</a>.&nbsp;Жергілікті қамтуға қатысты өңірлерде көшпелі тексерулер өткізіледі. Бұл туралы Үкімет отырысында ҚР Индустрия және инфрақұрылымдық даму министрі Бейбіт Атамқұлов айтты, деп хабарлайды <a href="https://lenta.inform.kz/kz/prezident-tapsyrmasy-zhergilikti-kamtuga-katysty-onirlerde-tekseru-otkiziledi_a3748106">ҚазАқпарат.</a>
Оның айтуынша, Президенттің жергілікті қамту үлесіне қатысты сынына орай өңірлерге көшпелі тексерулер ұйымдастыру үшін мемлекеттік органдардың өкілдерімен Жұмыс тобы ұйымдастырылады. Отандық тауарлардың, жұмыстар мен қызметтердің қолданылуын растайтын барлық конкурстық құжаттар тексеріледі.
<blockquote>
 «Бүгінгі таңда жергілікті қамту үлесінің көрсеткіштері Павлодар, Ақтөбе, Батыс Қазақстан облыстарында төмен болып отыр. Бұл ретте, өңірлерге қатысты нақты көріністі тексеру қорытындылары бойынша көреміз», – деді ол.
</blockquote>
Министр Жұмыспен қамту жол картасының аясында 7 өңірде отандық өнімдерді қолдану көрсеткіші 90 пайыздан төмен екендігін баса айтты.
<blockquote>
 «Атап айтқанда, Алматы, Қызылорда, Маңғыстау (80%), Қостанай, Павлодар облыстарында және Шымкент, Нұр-Сұлтан қалаларында», – деді Бейбіт Атамқұлов.
</blockquote>

Қызылордада отандық өнімді қолдану көрсеткіші төмен

<a href="https://kyzylorda-news.kz/">Kyzylorda-news.kz.</a> Елімізде бір тәулікте коронавирус 1161 адамнан анықталды, деп хабарлайды coronavirus2020.kz.
«Коронавирус бойынша 1 ақпан, сағат 23:59-дағы эпидемиологиялық жағдай бойынша, Қазақстанда өткен тәулікте 1161 адамда коронавирус ПТР-сынама арқылы расталды», – делінген ақпаратта.
Өңірлер бойынша:
Нұр-Сұлтан қаласында -22360(+76), Алматы қаласында – 22215(+87), Шығыс Қазақстан облысында – 20326 (+86), Атырау облысында – 16144(+52), Қарағанды облысында – 13953(+80), Павлодар облысында – 13848(+238), Батыс Қазақстан облысында – 11113(+55), Солтүстік Қазақстан облысында – 11033(+79), Ақмола облысында – 11159(+195), Қостанай облысында – 10394(+85), Алматы облысында – 9362(+75), Шымкент қаласында -5883(+7), Жамбыл облысында – 5589(+8), Түркістан облысында – 4121(+19), Маңғыстау облысында – 4056(+8), Ақтөбе облысында -3958(+3), Қызылорда облысында -3617(+8).
Пандемия басталғалы коронавируспен ауырғандардың жалпы саны – 189 131.

Коронавирус: Қызылордада 8 адам тіркелді

<a href="https://kyzylorda-news.kz/">Kyzylorda-news.kz.</a> «Қазгидромет» РМК синоптиктері 2 ақпан күні Қазақстан аумағында ауа райы қандай болатынын жариялады.
Қазақстан территориясының ауа райында күрт өзгерістер болмайды.
Оңтүстік, оңтүстік-шығыс және шығыс аймақтарда фронттардың әсерінен жауын-шашын (жаңбыр, қар) жауады. Көктайғақ болып, жел күшейеді. Ал республиканың қалған бөлігінде антициклонға байланысты жауын-шашын жаумайды.
Еліміздің кей жерлерінде тұман түсіп, жел күшейеді.

Сейсенбіге арналған ауа райы болжамы

Kyzylorda-news.kz. Бүгін облыста коронавирус инфекциясына қарсы егу жұмыстары басталды. Бірінші кезекте аймақ басшысы, облыс әкімінің орынбасарлары, аппарат басшысы, денсаулық сақтау басқармасының басшысы және медицина қызметкерлері салдырды. Таңертеңнен бері екпені 70-тен астам адам қабылдады.
<blockquote>
 “Мен бүгін ерікті түрде өзіме екпе ектірдім. Вакцина салдырғаннан бері жеті сағат өтті, кері әсер берген жоқ. Сол себепті барша халықты коронавирустан қорғану үшін екпе салдыруға шақырамын. Әлемді жайлаған індеттің таралу қаупін тек екпе салдыру арқылы ғана төмендете аламыз”, – деді облыстың бас дәрігері Сәбит Пазилов.
</blockquote>
Бүгінде өңірге «Спутник V» ресейлік вакцинасының 1000 дозасы жеткізілді. Ал қалғаны кезең-кезеңімен әкелінетін болады. Екпе жұмыстарын жүргізуге №1, №3 және №6 қалалық емханадан 3 егу кабинеті дайындалды. 133 мейірбике және 89 дублер жұмысқа тартылды.
<blockquote>
 “Вакцина ерікті түрде жүргізіледі. Екпені салдырмас бұрын адам толықтай дәрігердің қарауынан өтуі керек. Анамнезі жақсы болған жағдайда барып, қабылдай алады. Сондай-ақ, вакцинаны коронавирус инфекциясымен ауырған кісілер алты айдан кейін салдыра алады”, – деді облыстың Бас мемлекеттік санитариялық дәрігері Динара Жаңабергенова.
</blockquote>
Айта кетейік, облыс бойынша 14 егу кабинеті мен 46 жылжымалы егу бригадасы іске қосылды.

Қызылордада 70-тен астам адам вакцина салдырды

<a href="https://kyzylorda-news.kz/">Kyzylorda-news.kz</a>. Мұз айдыны” СК-де “Спорт – нашақорлыққа қарсы” ұранымен баскетболдан балалар-жасөспірімдер спорт мектептерінің оқушылары арасында облыстық біріншілік өтті.
Жарысқа Қызылорда, Байқоңыр қалалары мен аудандардан 2004 ж.т. және одан кіші жасөспірім ұлдар мен қыздар қатысты.
Нəтижесінде ұлдар мен қыздар арасында Қызылорда қаласының #2 ОРМБЖМ мектебінің командасы жеңімпаз атанды.
Байқоңыр қаласының ұлдар мен қыздар командалары екінші орындарды иеленді.
Ұлдар арасында Жаңақорған ауданы №7 ОРМБЖМ, қыздар арасында Шиелі ауданы #9 ОРМБЖМ спортшылары үшінші орындардан көрінді. 
“Үздік ойыншы” – Алексей Ермоленко (Қызылорда), Диана Сейтенова (Байқоңыр), 
“Үздік шабуылшы” – Диас Досмұхамбетов (Байқоңыр), Наталья Паталаха, 
“Үздік қорғаушы” – Сұлтан Даулет (Жаңақорған), Мерей Аянбекқызы (Арал), 
“Үздік орталық ойыншы ” – Дмитрий Денисов (Қызылорда), Анжела Хегай (Шиелі), 
“Үздік айып добын орындаушы” – Еламан Жолымбет (Қазалы), Қарақат Талғатқызы (Жаңақорған).
<img src="https://kyzylorda-news.kz/wp-content/uploads/2021/02/145054586_5708631562496350_3996413397016872419_n.jpg" alt="" />

Қызылордада баскетболдан облыстық жарыс өтті

<a href="https://kyzylorda-news.kz/">Kyzylorda-news.kz</a>.&nbsp;Бірінші топтағы мүмкіндігі шектеулі адамдарға күтім жасап отырған жандарға алдағы уақытта жәрдемақы берілуі мүмкін, деп хабарлайды <a href="https://24.kz/kz/zha-aly-tar/o-am/item/452571-m-mkindigi-shekteuli-adamdar-a-k-tim-zhasap-otyr-an-zhandar-a-zh-rdema-y-berilui-m-mkin">«Хабар 24».</a>
Осылайша 24 мыңдай азамат қаржылай қолдауға ие болмақ. Мәжілістің әлеуметтік-мәдени даму комитетінің отырысында осы бағыттағы заң жобасы таныстырылды. Еңбек және халықты әлеуметтік қорғау министрі Серік Шәпкенов 7-ден 16 жасқа дейінгі балаларды мүгедектік топтары бойынша бөлуді ұсынды. Сол кезде жеткіншектердің жәрдемақысы да ұлғаймақ. Мүмкіндігі шектеулі жандарды еңбекпен қамтыған кезде 2023 жылдан бастап жұмыс берушілер үшін өтемақы жарналары енгізілмек. Бұл қаржы жұмыс берушілердің шығынын субсидиялауға, мүгедектігі бар адамдарды оқытуға мүмкіндік береді. Бұдан бөлек, мүгедектігі бар баланы күту кезеңін 16 емес, 18 жасқа дейін ұзарту ұсынылып отыр.

Мүмкіндігі шектеулі адамдарға күтім жасап отырған жандарға жәрдемақы берілуі мүмкін

<a href="https://kyzylorda-news.kz/">Kyzylorda-news.kz</a>.&nbsp;Кәсіпкерлер үшін айналым қаражатын толықтыруға арналған жеңілдетілген несиелеу бағдарламасының аяқталуына 2 ай қалды. Бұл туралы Қызылорда облысы кәсіпкерлер палатасының бөлім бастығы Мұрат Балабаев айтты.
Өткен жылы пандемияның салдарынан зардап шеккен кәсіпкерлерге айналым қаражаты үшін мемлекет тарапынан жеңілдетілген несие берілуде. Палата маманы аталған бағдарлама бойынша берілетін несиелердің мерзімі 2021 жылдың 31 наурызына дейін ұзартылғандығын жеткізді.
Мұрат Балабаевтың айтуынша, бағдарлама кәсіпкерлер арасында жоғары сұранысқа ие. Бүгінгі күнге аталмыш бағдарлама аясында аймақтың 108 кәсіпкері жалпы 8,3 млрд теңге несие алған.
Бағдарламаны жалғастыру үшін бюджеттен 200 млрд теңге бөлінген екен. Оның 100 млрд теңгесі ауыл шаруашылығы саласына өңдеу мен қайта өндіруге бағытталған. Бағдарламада өзгеріс те бар. Ендігі жерде жеңілдетілген несиені шағын және орта кәсіпкерліктерден өзге ірі кәсіпкерліктер де, сондай-ақ төтенше жағдайдан зардап шеккен ауыл шаруашылығы саласының кәсіпкерлері де ала алатын болды.
Несие 8 %-бен 12 айға беріледі. Кәсіпкерлерге берілетін қаржының лимиті бар. Жеке кәсіпкерлерге берілетін қаржы – 50 млн теңгеге дейін, шағын және орта бизнес өкілдеріне – 3 млрд теңгеге дейін, ірі кәсіпкерліктерге – 6 млрд теңгеге дейін несие. 2020 жылдың 16 наурызына дейін банктегі мерзімі өткен қарызы 90 күнтізбелік күннен асқан кәсіпкерлерге несие берілмейді.
Несиені Қызылорда облысында филиалдары бар 8 қаржы институтынан алуға болады. Атап айтар болсақ, Қазақстан Халық Банкі, АТФБанк, ForteBank, Jysan Bank, ЦентрКредит Банкі, Сбербанк, Еуразиялық банк, ВТБ банк, Аграрлы несие корпорациясы.
Осы бағдарлама аясында Аграрлық несие корпорациясына агроөнеркәсіптік кешендегі өндіріс пен қайта өңдеу саласындағы жобаларды несиелендіру үшін 30 млрд теңге бөлінді.
Несие алу барысында кепіл мүлікке қатысты мәселе болған жағдайда «Даму» қоры арқылы 50 пайызға дейін кепілдендіруге болады.
Мұрат Балабаев айналым капиталын толықтыруға арналған несиенің кәсіпкердің банктік шотына аударылатындығын жеткізді. Кәсіпкер төлемдерді келесі бағыттар бойынша қолма-қол ақшасыз жүзеге асырады:
<ul>
<li>тауарлар мен басқа да материалдар, жұмыстарды, қызметтерді сатып алу;</li>
<li>қорларды, шығын материалдары мен шикізатты толықтыру;</li>
<li>ассортиментті кеңейту;</li>
<li>шарттық міндеттемелерді орындау;</li>
<li>ағымдағы шығыстарды, оның ішінде әкімшілік шығыстарды жүзеге асыру (қызметкерлерге жалақы төлеу, салықтарды төлеу және т.б.).</li>
</ul>
Кәсіпкер жеңілдетілген несиеге қол жеткізу үшін келесі құжаттардың кез келгенін банкке ұсынуы керек: басқарушылық шоттар; тауарларды өткізуді есепке алу; дебиторлық берешек туралы есептер; қызметкерлердің ақысыз еңбек демалысы туралы өтініштері; төтенше жағдай режимінің енгізілуіне байланысты қарыз алушының қызметін тоқтата тұруды растайтын құжат; басқа құжаттар. Сондай-ақ, қаржы институттары өздерінің ішкі несиелік саясатына сәйкес қосымша құжаттар талап ете алады.
<blockquote>
 «Егер кәсіпкер жоғарыда айтылған жеңілдетілген несие бағдарламасына қатыса алмаған жағдайда өзге де «Қарапайым заттар экономикасы», «Бизнестің жол картасы – 2025», «Еңбек», «Даму-Өндіріс» бағдарламаларының әлеуетін қолдана алады», – дейді Кәсіпкерлер палатасының бөлім бастығы Мұрат Балабаев.
</blockquote>
Қосымша сұрақтар туындаған жағдайда Қызылорда облысы кәсіпкерлер палатасына хабарласуға болады. Мекен-жайы: Қызылорда қаласы 123, «Бизнеске арналған Үкімет» ғимаратының 3-қабаты. Байланыс телефоны: 8 /7242/ 40-09-81.

Пандемияның салдарынан зардап шеккен кәсіпкерлерге берілетін несиенің мерзімі ұзартылды

<a href="https://kyzylorda-news.kz/">Kyzylorda-news.kz</a>. Қызылорда облыстық ардагерлер кеңесінің төрағасы Серік Дүйсенбаев пандемияға қатысты үндеу жасады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Құрметті облыс тұрғындары!
Өздерінізге белгілі, бүгінде – жер-жаһанға қауіп төндірген пандемия індеті әлі де таралуын тоқтатпай, әлем халқына өз зардабын тигізуде.
Ақпарат көздерінен көріп отырғандарыңыздай еліміз бойынша эпидемиологиялық ахуал бүгінгі таңда қайтадан күрделеніп, вирус жұқтырған науқастар саны артып келеді.
Бұған дейінгі алғашқы толқындарда облыс тұрғындары пандемияны ауызбіршілік пен татулықтың арқасында қауіптің сейілуіне зор үлес қосты. Дегенмен, соңғы көрсеткіштерге сәйкес біздің аймақта да &nbsp;індеттің қайта өршіп, белең ала бастағанын байқауға болады.
Сол себепті&nbsp; қайта ауызбіршілік танытып, құнды қасиеттерімізді жоғалтпай, тұтастығымыз бен ынтымағымызды нығайта түсіп, індетпен күресте жұдырықтай жұмылып, бірлесіп жеңуге шақырамын.
Ол үшін барлық санитарлық талаптарды сақтай отырып, бетперде тағуды, антисептикті пайдалануды біздің күнделікті өмір салтымызға тұрақты енгізуіміз қажет.
Ал ең бастысы, бүгіннен бастап елімізде вакцинациялау процессі басталды. Бұл ерікті түрде жүргізіледі. Бұған қорқыныш сезіммен емес, бұл ең алдымен халықтың &nbsp;денсаулығы үшін қолға алынған нақты шара екенін назарға алуымыз тиіс.
Медицина тарихында талай індетті тежеген вакцинацияның адам деңсаулығы үшін маңызы орасан.
Сондықтан бұл шараға түсіністікпен қарап, өз денсаулығымызбен қатар ұлт денсаулығы үшін әрекет еткен жөн.
Ардақты ағайын, өкінішке орай елдегі &nbsp;ахуалға қарамай үйлену той, қыз ұзату, құдалық, бет ашар, ас беру секілді адамдар көп шоғырланытын жиындар толастар емес.
Осындай жиындарда вирус жұқтырған бір адам, тұтастай бір отбасынын, дүйім елдің тағдырына тікелей әсер етуі мүмкін екендігін біз ешқашан жадымыздан шығармауымыз қажет. Бұндай келеңсіз әрекеттерден аулық болып, барынша сақтық шараларын ұстауға шақырамыз.
Серік ДҮЙСЕНБАЕВ,
Қызылорда облыстық ардагерлер
кеңесінің төрағасы

Қазақстан және Қызылорда облысының жаңалықтары

Қызылордада заңсыз айналымнан 16 қару тәркіленді