<a href="https://kyzylorda-news.kz/">Kyzylorda-news.kz</a>. Қызылорда облысы бойынша ҚАЖ департаментінің бастығы әділет подполковнигі Ш.Есенкелдиев аудандық пробация қызметтерін аралап, инспекторларының жұмыс барысымен танысты. Департамент бастығы жұмыс сапарын Сырдария аудандық пробация қызметінен бастады.
Департамент бастығы аудан әкімі Т.Дүйсебаевпен және консультативтік -кеңесші орган төрағасы, аудан әкімінің орынбасары Т.Нұртазаевпен қызметтік кездесу өткізіп, пробация қызметі есебіндегі сотталғандардың әлеуметтік жағдайын жақсартуға, квота бойынша жұмысқа орналастыру төңірегінде өз ұсынысын айтып, алдағы атқарылуға тиісті жоспарларымен бөлісті. Сонымен қатар департамент бастығы аудан прокуроры Е.Алмазұлымен және аудандық полиция бөлімінің бастығы полиция полковнигі Н.Ибраевпен кездесті. Одан соң пробация қызметі есебінде тұрған сотталғандардың үйін аралап, қайта қылмыстар мен әкімшілік құқықбұзушылық жасамау керектігін ескертіп, түсіндірме жұмыстарын жүргізді. Жұмыс сапары Жалағаш, Қармақшы аудандық пробация қызметтерінде жалғасын тапты.
Іссапар барысында пробация қызметінің жұмысына қадағалау жүргізуші аудан прокуроры М.Маханбетжановпен, пробация қызметінің есебіндегі азаматтарға бірлесіп бақылау жүргізуші Қармақшы аудандық полиция бөлімі бастығының міндетін атқарушы полиция подполковнигі Бағдат Ақтаевпен және сотталған азаматтарға әлеуметтік-құқықтық көмек көрсететін жергілікті атқарушы органдарына жетекшілік ететін аудан әкімінің орынбасары Жарқынбек Омаровпен кездесу өткізіп, пробация қызметінде туындаған мәселелерді көтеріп, бірігіп жұмыс атқаруға шақырды. 
Қармақшы аудандық пробация қызметінің есебінде тұрған сотталған азаматтардың мекенжайларына барып, олардың әлеуметтік жағдайын зерделеді. Сұрақтарына жауап беріп, түсіндіру жұмыстарын жүргізді.
Департамент бастығының жұмыс сапары Байқоңыр қалалық &nbsp;пробация қызметінде жалғасын тапты. Пробация қызметкерлеріне заң талаптарын мұқият орындап, сыбайлас жемқорлық сипатындағы іс-әрекеттерді мүлдем болдырмау және оны түп-тамырымен шабуға бар күш-жігерімізбен күресуді тапсырды. Сонымен қоса, ҚР ІІМ Байқоңыр қаласындағы Өкілдігінің бастығы полиция полковнигі А. Ахметовпен кездесіп, пробация қызметімен өзара іс-қимыл жасасу жай-күйеуімен танысты.
Одан соң, қала прокуроры Н.Рахметовпен кездесіп, қызмет барысындағы сұрақтар талқыланды. Департамент бастығымен есептегі бірнеше&nbsp; сотталғанның тұрғылықты мекенжайы тексеріліп, олардың тұрмыс жағдайымен танысып, олармен қайта қылмыстың алдын алу бойынша түсіндірме жұмыстары жүргізілді.&nbsp;
<img src="https://kyzylorda-news.kz/wp-content/uploads/2021/02/img-20210217-wa0034.jpg" alt="" />
<img src="https://kyzylorda-news.kz/wp-content/uploads/2021/02/whatsapp-image-2021-02-17-at-17.17.54.jpeg" alt="" />
<img src="https://kyzylorda-news.kz/wp-content/uploads/2021/02/whatsapp-image-2021-02-17-at-17.17.58.jpeg" alt="" />

Департамент бастығы жұмыс сапарымен аудандық пробация қызметтерінде болды

<a href="https://kyzylorda-news.kz/">Kyzylorda-news.kz</a>. “Қайсар” жанкүйерлерінің сүйікті футболшысы Мақсат Байжанов бүгін қасқырлардың Түркиядағы жаттығуына келіп қосылды.
Мақсат жаңа маусымда өзі түлеткен команданың намысын қорғауға ниетті.
Айта кетейік, Мақсат Байжанов Ел біріншілігінде ең көп ойын көрсеткен футболшы. Сондай-ақ Байжанов отандық футболшылардың құрметіне берілетін Серік Жейлитбаев атындағы сыйлықтың иегері.

Мақсат Байжанов «Қайсарға» қосылды

<a href="https://kyzylorda-news.kz/">Kyzylorda-news.kz</a>. «Nur Otan» партиясы Қызылорда облыстық филиалының қоғамдық қабылдау бөлмесінде облыс прокуроры, аға әділет кеңесшісі Нұрлан Бижанов азаматтарды жеке мәселелері бойынша қабылдады.
Қабылдауда болған азаматтардың өтініштері негізінен азаматтық және әкімшілік істер заңдылығына байланысты болды.
Атап айтсақ облыс прокурорының қабылдауында болған азаматтар өздерін «Сыр Самалы» бөбекжай балабақшасының қызметкерлері екенін айтып, аталған балабақша меңгерушісінің іс-әрекеттеріне қатысты наразылықтарын білдірді.
Айтылған шағым бойынша Нұрлан Бижанов аталған арыз иелерінің бұған дейін білдірген арыздары тиісті салалық мекемелерге жолданғанын түсіндіріп, қосымша сұрақтарына қатысты нақты зерделу жұмыстарының жүретіндігін және тиісті жауабы берілетіндігін айтты.
Сондай-ақ, мәселеге орай қабылдауға қатысқан қалалық білім бөлімінің басшысына ұжымдағы ахуалды орнықтыруға қатысты ұсынысын жеткізді.
<img src="https://kyzylorda-news.kz/wp-content/uploads/2021/02/151432759_1102157393530103_7916714525257314420_o.jpg" alt="" />

«Сыр Самалы» балабақшасының қызметкерлері прокурорға шағымданды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 1061 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 79,
Алматы қаласы – 162,
Шымкент қаласы – 5,
Ақмола облысы – 196,
Алматы облысы – 40,
Атырау облысы – 90,
Шығыс Қазақстан облысы – 22,
Жамбыл облысы – 8,
Батыс Қазақстан облысы – 125,
Қарағанды облысы – 53,
Қостанай облысы – 107,
Қызылорда облысы – 5,
Маңғыстау облысы – 11,
Павлодар облысы – 94,
Солтүстік Қазақстан облысы – 41,
Түркістан облысы – 23.
Қазақстан бойынша жазылғандар саны – 188 606.

Коронавирус: 5 қызылордалық жазылып шықты

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 869 адамда коронавирус індеті ПТР арқылы расталды.
Аймақтар бойынша:
Нұр-Сұлтан қаласы – 105,
Алматы қаласы – 105,
Шымкент қаласы – 8,
Ақмола облысы – 72,
Ақтөбе облысы – 19,
Алматы облысы – 6,
Атырау облысы – 35,
Шығыс Қазақстан облысы – 71,
Жамбыл облысы – 11,
Батыс Қазақстан облысы – 84,
Қарағанды облысы – 65,
Қостанай облысы – 69,
Қызылорда облысы – 6,
Маңғыстау облысы – 4,
Павлодар облысы – 114,
Солтүстік Қазақстан облысы – 32,
Түркістан облысы – 8.
Жалпы ел бойынша ауырғандар саны – 204 924.

Қызылордада 6 адам коронавирус жұқтырды

&nbsp;<a href="https://kyzylorda-news.kz/">Kyzylorda-news.kz</a>. «Қазгидромет» РМК-сы ақпанның 18-і күнгі ауа райы болжамын жариялады.
Кәсіпорын таратқан мәліметтерге қарағанда, Қазақстанның басым бөлігінде Оңтүстік Каспий циклонының өтуімен байланысты жаңбыр мен қар жауады, солтүстік және батыс аудандарда жауын-шашын мол көлемде түседі.
Тек еліміздің оңтүстігінде антициклон жотасының әсерінен жауын-шашын болмайды.
Республиканың кей жерлерінде тұман түсіп көктайғақ, жел күшейіп, бұрқасын болады.
Қызылорда облысының кей жерлерінде тұман түсіп, жел 15-20 м/с жылдамдықпен еседі. Кей жерлерінде көктайғақ болады.

18 ақпанға арналған ауа райы болжамы

Kyzylorda-news.kz. Қызылорда облысының әкімі Гүлшара Наушақызының халық алдындағы есепті кездесуін облыс жұртшылығымен қатар онлайн форматта көрдім.
Өткен жылы әлемді жайлаған пандемия індеті бәрімізге де үлкен сынақ болды. Бірақ оған қарамастан облыстың әлеуметтік-экономикалық дамуында, халықтың әл-ауқатын жақсартуда, кәсіпкерлікті дамытуда жетістіктер жеткілікті. Жалпы, жыл көлемінде атқарылған жұмыстар аз емес. Қай салада болмасын даму, алға жылжу бар.
Былтыр пандемияға қарамастан, аймақта әлеуметтік нысандар қатары көбейіп, баспаналы болған қызылордалықтардың да саны артқан. Сонымен қатар жаңа жобалар іске асырылып, жұмыс орындары ашылды. Әрине, бұл халықтың әл-ауқатын арттыратыны сөзсіз. Бұл игі істер былтырғы жылдың қолайсыздық тудырғанына қарамастан атқарылды. Осы орайда біздің барша жетістіктеріміздің бастауы – бірлікте екенін айтқым келеді.
Бүгінгі күні облысымызда 35 түрлі этнос өкілдері достықта, татулықта өмір сүруде. Бірлігімізді тұмардай сақтай білсек, еліміз үшін алынбайтын белестер жоқ. Осы орайда бірлік, келісім, тұрақтылық деген маңызды құндылықтарды сақтауда және дамытуда облыстық Қазақстан халқы Ассамблеясының орны айрықша. Бұл саясаттың аясында құрылған 11 этномәдени бірлестіктер нәтижелі жұмыс жасауда. Сонымен қатар, облыстық Қазақстан халқы Ассамблеясының жанынан құрылған Қоғамдық келісім кеңесі, Аналар кеңесі, «Жаңғыру жолы» жастар қозғалысы және т.б. құрылымдар түрлі форматтағы шаралардың өткізілуіне белсене атсалысуда. Татулық пен бейбітшіліктің қара шаңырағына айналған Достық үйінде үнемі қоғамның түрлі әлеуметтік топтар өкілдерінің қатысуымен көптеген игі істер қызу атқарылуда.
Алдағы уақытта да әлі талай жұмыстар іске асады.
Рахима АХМЕТОВА,
Қызылорда облыстық ҚХА
Аналар кеңесінің төрайымы

Рахима Ахметова:  Барлық салада жетістіктер жеткілікті

<a href="https://kyzylorda-news.kz/">Kyzylorda-news.kz.</a> Қызылордада ғалым, кәсіпкер Самалбек Қосанов бау-бақша орталығын ашты. Ауыл шаруашылығы ғылымдарының кандидаты өңірде ғылымды кәсіпке айналдыруға болатынын дәлелдеп жүрген азаматтардың бірі.
Кәсіпкердің айтуынша, бүгінгі күнге дейін аймақ азаматтары сапалы бау-бақша тұқымдары мен көшеттерін, қаламшаларын көршілес облыстардан алуға мәжбүр екен. Кейде тіпті уақыттың тапшылығынан сырттан да іздемей базардан шығу тегі белгісіз өнімдерді де алатын сәттер жиі кездеседі дейді.&nbsp;&nbsp;
<blockquote>
 «Бұл орталықты ашудағы мақсат – облыс және қала халқын сапалы тұқымдармен қамтамасыз ету, аймақ тұрғындарының егіншілікке деген қызығушылығын ояту, яғни бақша шаруашылығын кіріс көзі ретінде қарастырғанын қалаймын. Тұқымның сапасына ерекше мән беріп отырмыз. Ол үшін өндірушілермен әріптестік байланыс орнатып, тұқымдарды оригинаторлардан алуды жолға қойдық. Тұқымды шет елдік компаниялармен қоса көрші Шымкент қаласынан, сондай-ақ Жаңақорған ауданындағы «Сыр табиғаты» тұқым бағынан да алып отырмыз. Жаңақорғандық әріптестеріміздің жергілікті жеміс және сәндік екпе ағаштарын облыс орталығына әкеліп халыққа ұсынатын боламыз», – дейді «Жаса Агро» орталығының басшысы Самалбек Қосанов.
</blockquote>
Орталықта сапалы тұқымдардан өзге бау-бақшаға тамшылатып суғару үшін қажетті құралдар, тыңайтқыштар, жылыжайға қажетті жабдықтарға дейін бар. Кәсіпкер орталық жанынан жылыжай да салып қойған. Аталмыш жылыжайдан биыл 50 мың дана көкөністердің көшетін нарыққа шығармақ, алдағы уақытта көлемін 150-200 мың көшетке дейін арттырамыз дейді. Көшеттердің маусымынан кейін орнына қияр егіледі екен.
Орталықтан тұқым немесе өзге де бау-бақшаға қажетті заттарды алған адамдарға Самалбек Қосановтың өзі қолдануына қатысты кеңес беріп, өнімді одан әрі жетілдіруге үлес қосатынын жеткізді.
Мұнан өзге, ғалым-кәсіпкер алдағы уақытта Жұмыспен қамту орталығымен тығыз байланыс орнатып, жұмыссыз жүрген жандарды бау-бақшаның қыр-сырына үйретуді, үйретіп қана қоймай оқыған жандардың біліктілігін айқындайтын сертификаттар беруді көздеп отыр.
<blockquote>
 «Осыдан бірнеше жыл бұрын өңір дихандары бау-бақша өнімдері үшін субсидия ала алмай келді. Біз облыстық ауыл шаруашылығы басқармасымен бірге бұл мәселені министрлікке жеткізіп, нәтижесінде 2019 жылдан бері аймақ тұрғындары жеміс-жидек, бау-бақша өсіргені үшін мемлекеттік қолдауға ие бола алды. Бүгінгі ашылып тұрған орталық өңірімізде жергілікті өнімдердің қатарын арттыруға, әртараптандыруға үлесін қосады деп сенеміз. Кәсіпкерлер палатасы тарапынан Самалбек Қосановпен тығыз байланыстамыз. Бұл кісі алғаш кәсіпке бет бұрғанда бастамасына толық сүйемелдеу жасадық әлі де қаржылай емес қолдау тетіктері арқылы көмек көрсетудеміз», – деді Қызылорда облысы кәсіпкерлер палатасы директорының орынбасары Пірмұхаммед Сыздықов.
</blockquote>
<img src="https://kyzylorda-news.kz/wp-content/uploads/2021/02/whatsapp-image-2021-02-17-at-12.04.28-1.jpeg" alt="" />
<img src="https://kyzylorda-news.kz/wp-content/uploads/2021/02/whatsapp-image-2021-02-17-at-12.01.37.jpeg" alt="" />
<img src="https://kyzylorda-news.kz/wp-content/uploads/2021/02/whatsapp-image-2021-02-17-at-12.04.28.jpeg" alt="" />

Қызылордада «Жаса Агро» бау-бақша орталығы ашылды

<a href="https://kyzylorda-news.kz/">Kyzylorda-news.kz.</a> Алматы әкімі Қазақ ұлттық университетінің жері ешкімге берілмейтінін айтты, деп хабарлайды&nbsp;<a href="https://sputnik.kz/">Sputnik Қазақстан</a>. Қала әкімі есеп беру кездесуінде оқу орнының жаңа басшысымен бұл мәселені талқылағанын жеткізді.
<blockquote>
 “Университеттің жері жекеменшікке берілейін деп жатқан жоқ. Қазір университет қарамағындағы жер телімінің бәрі университеттің өз құзіретінде”, – деді Бақытжан Сағынтаев.
</blockquote>
Айтуынша, оқу орны жерін басқаға бергісі келсе, әкімшілікке ұсыныс жасауы керек.
<blockquote>
 “Университет жерін басқа біреуге бергісі келсе, “мына жер маған керек емес, қайтып алыңыз” деп ұсыныс жасауы керек. Қазір университетке жаңа ректор (Жансейіт Түймебаев –&nbsp;<a href="https://sputnik.kz/">Sputnik</a>) тағайындалды. Біз ол кісімен кездестік. Бұл мәселе төңірегінде де әңгіме болды. Ол кісі университетті әрі қарай дамытуымыз керек деп, ешқандай жерді беруге болмайтынын айтты”, – деді қала әкімі.
</blockquote>
<h3 id="">ҚазҰУ төңірегіндегі дау</h3>
Бұған дейін әл-Фараби атындағы Қазақ ұлттық университеті жерінің бір бөлігі жекеменшікке берілгені туралы ақпарат тарады. Содан кейін оқу орнының баспасөз қызметі ол ақпаратты&nbsp;<a href="https://sputnik.kz/society/20210106/15935761/universitet-zherinin-satylgany-ras-pa.html">жоққа шығарды</a>.
<blockquote>
 “Қазақ ұлттық университетінің лауазымды тұлғалары да, университет те жер учаскесінің бір бөлігін үшінші тұлғалардың пайдасына иеліктен шығару жөнінде келісім бермеген және жер учаскесін басқа тәсілмен бөлуге қатысқан жоқ. Айта кетейік, барлық мүлік пен жер мемлекеттік актив болып табылады, сәйкесінше ЖОО-да оларды иелену, пайдалану және билік ету құқығы жоқ”, – делінген оқу орнының ресми жауабында.
</blockquote>
Оқу орны басшылықтың өз қалауы бойынша мемлекеттік мүлік пен жерді бере алмайтынын алға тартты. 
Ал оның алдында заңгер, жер құқығы саласындағы сарапшы Бақытжан Базарбек Facebook парақшасында ҚазҰУ жер учаскесі 73,2662 гектардан 72,4872 гектарға қысқарғанын жазды.
Содан кейін оқу орнының ректоры Ғалымқайыр Мұтанов қызметінен кетіп, Жансейіт Түймебаев ҚазҰУ&nbsp;<a href="https://sputnik.kz/society/20210210/16258597/prezident-Tyimebaev.html">ректоры болды</a>.

Сағынтаев ҚазҰУ жері жекеменшікке беріледі деген қауесетке жауап берді

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облысының әкімі Гүлшара Наушақызы Әбдіқалықованын тұрғындар алдындағы есебі коронавирус пандемиясымен күресуде облыста атқарылған жұмыстардан басталды. Бұл күрестен Дүние жүзі, соның ішінде біздің елімізде көптеген қиыншылықтарды, сынақтарды бастан өткерді.
Президентіміз Қасым-Жомарт Тоқаевтың 1 қыркүйектегі Жолдауында, “коронавирустан күресуде тиісті сабағымызды алып, алдағы уақытта індетті болдырмау үшін жұмыс жасауымыз қажет”деп, атап көрсетті.
Осыған орай, Қызылорда облысында халыққа сапалы медициналық көмек көрсетуде, ауруханалардың материалдық – техникалық базасын жарақтандыруда біршама жұмыстар атқарылды.
Қызылорда аудандар арасында апатты деп танылған Жалағаш аудандық ауруханасының қолданысқа берілуінің өзі, ауыл медицинасының қолжетімділігін арттырды.
Пандемияның әсерінен облысқа 14 флюро-рентген аппараттары алынған. Жасыратыны жоқ, аталған аппараттарды жаңалау қажеттілігі туындап тұрған болатын.
Президент Жолдауында, “көліктің медицинаны дамыту, соның ішінде шалғайдағы елді мекен тұрғындарына медицинаны жақындату” мәселесі айтылған болатын.
Бұл тұрғыда, облыста 2009 жылы алынған 3 жылжымалы медициналық кешеннің орнын, 2020 жылы жаңа екі жылжымалы кешенмен, 2021 жылы тағы да 3 кешенмен толықтырудың өзі, елді мекен халқына көрсетілетін көмектің жеңілдетеді деп білеміз.
Пандемиямен күресте, облыстың 13311 медицина қызметкері 2,5 млрд үстеме еңбек ақысын алды. Бұл да, облыс басшылығының республика көлемінде бірлесе шешкен мәселесі деп айтуға болады.
2020 жылы Дүниежүзілік Денсаулық сақтау ұйымының Қазақстанда орналасқан кеңсесімен бірге, облыс әкімшілігінің бірлесе атқарған жұмыстары да бар. Онда, біздің облысымыз үшін, экологиялық зардаптардан туындайтын аурулардың тізімін жасақтап алу.
Облыс әкімі Гүлшара Әбдіхалықова аталған Ұйым басшылығымен кездесті. Облыс халқының денсаулығын жіті тексеруде халықаралық ұйымдар мен ғалымдар осы жұмысқа тартылады. 2021 жылы бұл жұмыстар басталады.
Аталған жұмыстар Сыр халқының әлеуметтік көрсеткіштеріне тікелей әсер етеді деп есептеймін.
&nbsp;Ақмарал ӘЛНАЗАРОВА,
Қазақстан Республикасы Парламенті Сенатының&nbsp;депутаты

Ақмарал Әлназарова: Атқарылған жұмыстар ауқымды

<a href="https://kyzylorda-news.kz/">Kyzylorda-news.kz.</a>&nbsp;COVID-19 ауырғандардың 20%-нда аурудың белгілері ұзақ уақыт сақталады.
Нақты деректер жоқ, бірақ тәжірибеге сүйене отырып, үш айдан артық уақытқа дейін болуы мүмкін. Бұл туралы Орталық коммуникациялар қызметінде өткен брифингте Кардиология және ішкі аурулар ҒЗИ ішкі аурулар кафедрасының профессоры, м. ғ. д. Сәуле Қасенова мәлімдеді. Сәуле Қасенованың айтуынша, барлығы инфекция ағымының ауырлығына байланысты.
<blockquote>
 «Нақты мәліметтер жоқ, бірақ біз COVID-19-дан кейінгі әртүрлі белгілер үш айдан артық уақытқа сақталады. Жағдайы ауыр болған науқастарда екі жылға дейін болуы мүмкін. Коронавирустың жиі кездесетін асқынулары мен белгілерінің бірі – тұрақты жөтел, пациенттер ұзақ, құрғақ жөтел болады дейді. Тағы бір белгі – ентігу, әлсіздік, тіпті, адам бұрын оңай және тез жасай алған қарапайым іс-әрекеттерді орындай алмайды, біреулерде КВИ-дің бас ауруы, бас айналу сияқты белгілері болады, басқаларының жүрегінде немесе кеудесінде ауырсыну пайда болады. Кейбір адамдардың ұйқысы бұзылады, немесе қандай да бір түстер көреді, есте сақтау қабілеті төмендейді. Өкінішке орай, коронавирустан кейін осындай құбылыстар болады, олар туралы білуіңіз керек. Инфекциядан кейін оңалту мен қалпына келтірудің әртүрлі жолдары бар. Инфекцияның тарағанына бір жылдан асты және біз тәжірибе жинап жатырмыз. Постковидтік асқынулардың бұл белгілерін емдеуге болады. Ол үшін әрекет ету керек», – деп сендірді дәрігер.
</blockquote>
ДДСҰ ұсыныстарына сүйене отырып, Сәуле Қасенова КВИ жұқтырғандардың барлығына өздерін емдеуші дәрігерлерімен үнемі байланыста болуға кеңес берді.

Постковидтік синдром коронавируспен ауырған адамдардың 20 пайызында сақталады

<a href="https://kyzylorda-news.kz/">Kyzylorda-news.kz.</a>&nbsp;Аймақ басшысы Әбдіқалықова Гүлшара Наушақызының 2020 жылғы облыстың әлеуметтік-экономикалық дамуының қорытындылары бойынша халық алдындағы есепті кездесуі барысында Сыр өңірінің бүгіні мен ертеңгі келешегіне байланысты жан-жақты айтылуы маған өз әсерін қалдыра алды. Өзім білім саласында ұстаздық қызмет ететіндіктен осы саладағы өз ойымды білдіргім келді.
Мемлекетіміздің стратегиялық басым бағыттарының бірі білім беру саласы болғандықтан, қазіргі пандемия кезінде өскелең ұрпаққа сапалы білімді оффлайн және онлайн режимінде беру жүзеге асып келеді. 1-4 сыныптар және 5 сыныптарда кезекші сыныптардың ашылуымен қатар және 9 және 11 сыныптарда дәстүрлі оқу жүйесіне көшуі барысында мектептердің оқу жүйесінде жаңа серпіліс пайда болды. Алдымен ата-аналар зор сенім білдіріп балаларын оффлайн режимінде оқуға жібере бастауы ұстаздар қауымына үлкен күш берді. Мемлекет тарапынан қашықтықтан оқытуға байланысты туындаған мәселелерді шешуде мектептерге компьютер мен құрал-жабдықтарын беруді қолға алуы алдымен әлеуметтік жағдайы төмен отбасынан шыққан оқушылардың білім алуға деген сенімдерін одан әрі арттыра түсті. Биылғы оқу жылынан бастап білім ордаларын жан басы бойынша қаржыландырудың қолға алынуы негізінде қаржыландыру теңдігі мен әділдігі, мектептердің бәсекелесу қабілетінің артуы,&nbsp; педагогикалық ұжымның нәтижелі жұмысқа ынталануына, мемлекет қаражатын барынша тиімді пайдалануға, мектептердің материалдық оқу базасын нығайтуға кең жол ашты.
Сонымен қатар қашықтықтан оқыту интернет ресурстары көмегімен жүзеге асырылатындықтан, нақты іс-әрекетке көшу барысында Сыр өңірінің ауылдық мектептерінде ақпараттық қамтамасыз ету, оқу материалын игеру сапасы, білім мазмұны бар платформаларға байланысты екендігі ескеріліп, оң шешімдерін таба алды. Үш ауысымды мектептер мәселесін шешудің басты шарты жаңадан бой көтерген білім ордаларының есебінен шешілетіндіктен, осы бағыттағы жұмыстар өз шешімін таба алды. Қазіргі қиын кезеңде экономикамыздың даму ахуалы ортақ мақсат жолында жұмыла еңбек етуіміз және оқушыларымыздың білім игеруге деген құлшынысының артуы, &nbsp;ұстаздарымызға үлкен жауапкершілік жүгін артады.
Ләззат ӨТЕГЕНОВА,
Қызылорда қаласындағы №3 ІТ мектеп директоры

Қазақстан және Қызылорда облысының жаңалықтары