<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> “Отбасы банк” бүкіл республика бойынша тұрғын үйге кезекте тұрғандардың жаңартылған тізімін жариялады, деп хабарлайды Алматыдағы <a href="https://baq.kz/qazaqstanda-turgyn-uy-kezeginin-tizimi-zhanartyldy-200019544/">BAQ.KZ</a> тілшісі.</h4>2025 жылдың 24 мамырынан бастап барлық жаңа өтініштерді тек “Отбасы банк” қабылдайды. Бұған дейін мәліметтерді әкімдіктер ұзақ уақыт бойы базаға беріп келгендіктен, кезек тізімдерінде қателіктер болған.Өз мәртебеңізді тексеру жолдары:• otbasybank.kz сайтында “Қолжетімді баспана” бөлімін таңдап, өңіріңіз бойынша тізімді жүктей аласыз.• orken.otbasybank.kz сайтында ЭЦҚ арқылы кіріп, “Мәртебені тексеру” батырмасы арқылы кезекке тұрған күні мен санаты көрсетіледі.Кімдер кезекке тұра алады?• Соңғы 5 жылда меншігінде тұрғын үйі болмаған кәмелет жасқа толған ҚР азаматтары;• Жалғыз баспанасы апатты деп танылғандар.Өтініштер тәулік бойы қабылданады, қызмет көрсету мерзімі – 1 жұмыс күні.Фото Ru.freepik.com

Қазақстанда тұрғын үй кезегінің тізімі жаңартылды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты, «AMANAT» партиясының депутаттық фракциясының мүшесі Мұрат Ергешбаев Талсуат ауылдық округіндегі тігін цехінің жұмысымен танысты.«Расул» жеке кәсіпкерлігінің иесі Айгүл Ахметова өткен жылы «Ауыл аманаты» жобасы аясында 7 миллион теңге несие алып, кәсібін бастаған. Қазіргі таңда 2 адамды тұрақты жұмыспен қамтып отыр.Әзірге жергілікті мекемелердің мемлекеттік сатып алу конкурсына қатысу арқылы өз өнімдерін өткізіп отыр. Алдағы уақытта тігін цехін кеңейтуді жоспарлап, қазіргі таңда қосымша ғимараттың іргетасын құюды бастаған.<blockquote>"Фракция мүшесі Мұрат Нәлқожаұлы: Шағын кәсіпкерліктерді жан-жақты қолдау біздің басты мақсат. Жүйелі жұмыстардың қолға алынғанын көріп отырмын. Оның үстіне қосымша ғимарат салып, кәсіп аясын кеңейтуді бастаған екенсіз, бастамаңызға сәттілік тілеймін",-деді.</blockquote>Кәсіпкер соңғы үлгідегі түрлі тігін құралдарын алып, ұлттық киімдер, күнделікті қолданылатын киімдер мен ою, жазу тігу қызметтерін көрсетуде.

Фракция мүшесі тігін цехінің жұмысымен танысты

<a href="https://kyzylorda-news.kz/">Kyzylorda-news.kz</a> Қызылорда облысында ірі есірткі алқабы жойылды, – деп хабарлайды <a href="https://polisia.kz/qyzylorda-oblysynda-iri-esirtki-alqaby-zhojyldy-3/">Polisia.kz.</a>«Қарасора – 2025» жедел-профилактикалық іс-шарасы барысында ҚР ІІМ және Қызылорда облысы ПД есірткі қылмысына қарсы іс-қимыл басқармасының полицейлері заңсыз есірткі өсіру деректерін анықтау бағатында жедел шаралар өткізуде.Рейд барысында полиция қызметкерлері мен Ұлттық Ұланның «Бүркіт» арнайы жасағы Сырдария ауданы Бесарық ауылының маңынан ірі есірткі алқабын анықтады. Салмағы 58 келіге жуық 1156 түп есірткі тәркіленді. Бұдан бөлек, полицейлермен оқиға орнында жалпы салмағы 1 келі 610 гр. кептірілген марихуана анықталды.Оқиға орнында 42 және 33 жастағы облыс тұрғындары ұсталып, қамауға алынды. Сотқа дейінгі тергеп-тексеру әрекеттері жүргізілуде.«Қарасора – 2025» жедел-профилактикалық іс-шарасы басталғалы барлығы 172 есірткі құқық бұзушылықтары анықталды. 959 келі есірткі тәркіленді. 5 фитозертхана анықталды. Есірткі өсірумен айналысқан 36 адам ұсталды.

Қызылорда облысында ірі есірткі алқабы жойылды

<a href="https://kyzylorda-news.kz/">Kyzylorda-news.kz</a> Бүгін өңіріндегі жұмыс сапары барасында ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Ергешбаев Талсуат ауылдық округіндегі ерекше жобаның бірі бекіре тұқымды балық өсірумен айналысып отырған "Хан Бекіре 11" ауыл шаруашылығы өндірістік кооперативі жұмысымен танысты.&nbsp;«Хан Бекіре 11» ауыл шарушылығы өндірістік коопертиві иесі Ғалым Нағиев өткен жылы ауыл ішінен нысан салып, бекіре тұқымды балықтарын өсіруді қолға алған. Қазір тереңдігі 50 метрді құрайтын жерасты ұңғымасы арқылы тазарту сүзгісінен өткен судың көмегімен көптеген бекіре балықтарын өсіріп отыр. Балықтың басым бөлігі қарапайым бассейндерге жіберілген. Шабақтары бөлек сақталуда.<blockquote>"Бекіре балығында көптеген ауруларға қарсы иммунитет қалыптасқан. Балықтың өзі де таза, вируспен сирек аурады. Аталмыш балықтың уылдырықтарын да тұтынушыларға сату ойда бар. Бірақ, оған кемінде бес жылға жуық уақыт қажет. Алдағы уақытта"AMANAT" партиясының" Ауыл аманаты" жобасы аясында несие алып, толық жағдай жасауды жоспарлап отырмын", -дейді Ғалым Нағиев.&nbsp;</blockquote>"Ауыл аманаты" жобасы аясында жеңілдетілген 31 480 000 теңге қаржы алған жағдайда нысан ішін толықтай инфрақұрылыммен қамту жоспарланып отыр.&nbsp;Талсуат ауылдық округінің әкімі Ерлан Тұтқабайұлы: Алдағы уақытта кооператив нысаны орналасқан көшеге тас төсеу жұмыстарын жүргізу жоспарланған. Бұл арқылы шаруашылық тұтынушыларына қолайлы жағдай жасалмақ,-деп атап өтті.

Қызылордалық кәсіпкер бекіре шаруашылығымен айналысуда

<a href="https://kyzylorda-news.kz/">Kyzylorda-news.kz</a> Бұл ретте биыл 188,1 мың адамға төлем алғаш рет тағайындалды. Төлемдердің жалпы сомасы 73,2&nbsp;млрд теңге болды.<blockquote>–&nbsp;Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем жоғалған кірістің 45%-ына дейінгі мөлшерде МӘСҚ қаражаты есебінен жүзеге асырылады,&nbsp;– делінген&nbsp;Еңбек және халықты әлеуметтік қорғау министрлігі хабарламасында.&nbsp;</blockquote>Бұл туралы <a href="https://kaz.inform.kz/news/zhil-basinan-ber-zhumissiz-kalgandarga-732-mlrd-tenge-tolem-zhasaldi-ae86b1/">kaz.inform.kz</a> хабарлады.&nbsp;Төлем тағайындау үшін жұмыстан босатылған жұмыскерге:– eGov.kz порталында авторизациялану;–&nbsp;«Жұмысқа орналастыру және жұмыспен қамту» бөлімінде «Жұмыс іздеуші адамдарды тіркеу» қызметін таңдау;–&nbsp;онлайн-қызметке тапсырыс беріп, барлық жолдарды толтыру және оған ЭЦҚ-мен қол қойып, өтінімді жіберу қажет;–&nbsp;бір күн ішінде тұрғылықты жеріңіздегі мансап орталығы бос жұмыс орындарын ұсынады;–&nbsp;егер жұмыс табылмаса, 3 жұмыс күні ішінде қашықтықтан жұмыссыз мәртебесі беріледі (қажет болған жағдайда сізге МО&nbsp;қызметкері қосымша ақпарат жинау үшін хабарласады);Бұл қызметті онлайн режимінде Электрондық еңбек биржасы (enbek.kz) арқылы да&nbsp;алуға болады.–&nbsp;Жұмыссыз ретінде тіркелу туралы мәліметтер болған кезде Еңбекминінің ақпараттық жүйесі проактивті форматта МӘСҚ-тан төлемді тағайындау бойынша қызмет көрсетуге келісу үшін мобильді телефонға SMS-хабарлама жібереді. Келіскен жағдайда SMS-хабарламаға жауап беру қажет. Төлем автоматты түрде тағайындалады.Естеріңізге сала кетейік, МӘСҚ қаражаты есебінен жұмыстан айырылған жағдайда төленетін әлеуметтік төлем жұмыстан шығу себептеріне қарамастан жүзеге асырылады және жұмыссыз адамды ол&nbsp;жұмыс іздеген кезеңде қолдауға арналған,&nbsp;– делінген министрлік хабарламасында.Фото: Нұрболат Нұржаубай

Жыл басынан бері жұмыссыз қалғандарға 73,2 млрд теңге төлем жасалды  

<a href="https://kyzylorda-news.kz/">Kyzylorda-news.kz</a> &nbsp;Жеке кәсіпкер Алтынбек Жұмаділов Шиелі ауданына қарасты Майлытоғай ауылында 2021 жылдан бастап Омарта (ара) шаруашылығымен айналысып келеді. Кәсіпкер өз ісін алғашында 555 000 теңге көлемінде грант қаражатын жеңіп алып бастаған. Жобаның бастамасы сәтті болып, бал өнімдеріне деген сұраныс арта түскен.<blockquote>«Кәсіпкерлік жолымды небәрі 10 ара жәшігімен (ұямен) бастадым. Өзім — 3-топ мүгедегімін, әрі көп балалы әкемін. Отбасымды қамтамасыз ету және ауылдағы баламасы аз кәсіпті дамыту мақсатында осы бағытты таңдадым.», - дейді кәсіпкер.</blockquote>Кәсібін одан әрі дамыту мақсатында 2023 жылы «Қызылорда» Өңірлік инвестициялық орталығының «Іскер» бағдарламасы арқылы 4 миллион теңге көлемінде жеңілдетілген несие алып, өндіріс көлемін ұлғайтқан. Бұл қаражатқа қосымша 70 ара жәшіктерін, бал тарту құрылғысы мен басқа да қажетті құралдарын сатып алған.Қазіргі таңда кәсіпкердің ара ұялары Шиелі кенті мен Майлытоғай ауылындағы полигондарға орналастырылған.Бүгінде кәсіпкердің омартасы аймақтағы табысты шағын бизнестердің бірі. Ара шаруашылығынан алынатын өнім – табиғи балдың түрлері, прополис, балауыз және тозаң (пыльца) секілді басқа да ара өнімдеріне сұраныс жоғары. Тапсырыс тек Шиелі ауданынан ғана емес, сондай-ақ Қызылорда қаласы мен көршілес аудандардан да жиі түседі. Сонымен қатар жергілікті сауда дүкендері мен базарлар арқылы да сатылуда. Жылына 2000 келі жуық өнім жинайды.<blockquote>«Мемлекет тарапынан және жергілікті ұйымдардан көрсетілген қолдауды жоғары бағалаймын. Біз сияқты шағын кәсіпкерлерге нақты көмек көрсетіп отырған «Қызылорда» өңірлік инвестициялық орталығына алғысымды білдіремін. Бұл&nbsp;орталық&nbsp;ісін енді бастап жатқан кәсіпкерлерге тиімді шарттармен несие ұсынып, олардың аяқтан тұруына үлкен мүмкіндік жасап отыр», - дейді кәсіпкер Алтынбек Амангелдіұлы.</blockquote>Фото:&nbsp;«Қызылорда» Өңірлік инвестициялық орталығының баспасөз қызметі

Қайтарымсыз қаражат – үлкен қолдау

<a href="https://kyzylorda-news.kz/">Kyzylorda-news.kz</a> Әрбір күнімізде интернетті қолданып, алаяқтықтан сақ болу қажеттігін білсек те, алданып қалып жатқан азаматтарымызды көп естиміз. Әрине біз банк картамыз арқылы төлем жасаймыз, дүкеннен тауар аламыз, жұмыс іздейміз, тіпті ұсақ-түйек тұрмыстық шаруаларымызды да онлайн орындаймыз. Бірақ интернеттің пайдасымен бірге зияны да бар. Соның ішінде ең қауіптісі – интернет-алаяқтық. Өкінішке қарай, интернет-алаяқтықтан сақтану қажет екендігі жөнінде хабардар етілгенімен мұндай қылмыстар жылдан-жылға көбейіп келеді.Интернет-алаяқтық дегеніміз – адамды алдап, сеніміне кіріп, оның ақшасын немесе жеке деректерін иемдену. Бұл қылмыстың қауіптілігі – алаяқтар көбіне көзге көрінбейді, олардың «құрбаны» болған адам көп жағдайда кеш түсінеді.Алаяқтар түрлі тәсіл қолданады. Солардың ең жиі кездесетін түрлеріне тоқталып өтер болсақ, Мысалы:Фишинг;Бұл – жалған сайттар немесе жалған электронды хаттар арқылы жасалады. Мысалы, сізге банк атынан хат келеді, ішінде «Құпия сөзіңізді енгізіңіз, шотыңызды жаңартыңыз» деген жазу тұрады. Шындығында ол банк емес, алаяқтың сайты болуы мүмкін.Онлайн саудадағы алдау;Әлеуметтік желіде немесе сайтта арзан бағада телефон, киім-кешек, техника сатамыз деп жарнамалап, алдын ала төлем алған соң, тауарды жібермей қояды.Жалған жұмыс ұсыныстары;«Үйде отырып оңай ақша табасыз», «Шетелге жұмысқа шақырамыз» деп алдап, құжат рәсімдеу үшін немесе «қосымша шығындар» деп ақша сұрайды. Ақша алған соң, байланысқа шықпайды.Инвестициялық алаяқтық;Криптовалюта, қаржы пирамидалары немесе жалған инвестициялық платформалар арқылы «ақшаңды еселеп береміз» дейді. Алайда соңында қаражатты қайтармайды.SMS және мессенджер арқылы алдау;«Сізге сыйлық шықты», «Шотыңыз бұғатталды», «Жеңілдік ұтып алдыңыз» деген хабарламалар арқылы сілтемеге кіргізіп, жеке деректерді ұрлайды.Әлеуметтік инженерия;Алаяқтар телефон соғып, өзін банк қызметкері, полиция немесе курьер ретінде таныстырады. «Шотыңыздан күмәнді операция жүріп жатыр» деп қорқытып, картаның құпиясөзін алдап алады.Әрине интернет-алаяқтықтан сақтану тікелей өзімізге байланысты. Ол үшін не істеуіміз қажет?Алаяқтықтың алдын алудың ең тиімді жолы – әркімнің қырағы болуы. Мұнда бірнеше негізгі кеңес бар:• Жеке мәліметті ешкімге бермеңіз. Банк картасының нөмірін, CVV кодын, құпиясөзді мүлдем айтуға болмайды. • Бейтаныс сілтемелерге кірмеңіз. SMS немесе хат арқылы келген күмәнді сілтемелерді ашпаңыз. • Онлайн саудада абай болыңыз. Белгісіз адамға алдын ала ақша жібермеңіз. Әрқашан тауарды алған соң ғана төлеңіз немесе тек сенімді интернет-дүкендерді таңдаңыз. • Банк қызметкері ешқашан құпиясөз сұрамайтындығын есте сақтаңыз. Егер біреу телефонмен хабарласып, картаның мәліметтерін сұраса, ол міндетті түрде алаяқ. • Құжат рәсімдеуде сақ болыңыз. Жұмысқа шақырған ұйымның ресми тіркелгенін тексеріңіз. • Балаларды да үйрету керек. Өйткені жасөспірімдер жиі әлеуметтік желілер арқылы алданып қалады.Интернет-алаяқтық – бүгінде ең өзекті мәселелердің бірі. Мемлекет тарапынан заң күшейтіліп, құқық қорғау органдары белсенді жұмыс істеп жатыр. Мұндай фактілерді анықтау мақсатында облыстық полиция департаментінде киберқылмысқа қарсы іс-қимыл басқармасы құрылып, заманауи техникалармен жабдықталған. Құқық қорғаушылар бұл бағытта ауқымды жұмыстар жүргізуде.ҚР Қылмыстық кодексінің 190-бабына сәйкес, интернет арқылы жасалған алаяқтық үшін ірі көлемде айыппұлдан бастап, 7-10 жылға дейін бас бостандығынан айыру жазасы қарастырылған.Бірақ ең бастысы – әрбір адамның өз қауіпсіздігін ойлауы қажет.&nbsp;Интернетте сақтық шараларын ұстану – қаражат пен жеке деректерді қорғаудың ең сенімді жолы. Қарапайым ережелердің бірі egov.kz порталы арқылы «банктік несиелерді, микрокредиттерді алудан ерікті бас тарту» қызметін пайдаланып Сіздің атыңыздан онлайн несие ресімдеуге шектеу қоя аласыз. Мұндай қарапайым ережелерді сақтау арқылы біз алаяқтардың құрбаны болудан өзімізді және жақындарымызды сақтап қала аламыз.Қызылорда облысының мамандандырылған&nbsp; ауданаралық әкімшілік сотының бас маманы&nbsp; А.Өмірзақ&nbsp;Фото: Финграмота&nbsp;

Интернет-алаяқтықтан сақ болайық

<a href="https://kyzylorda-news.kz/">Kyzylorda-news.kz</a> Аймағымызда балалардың жолдағы қауіпсіздігін қамтамасыз ету мақсатында бірқатар кешенді жұмыстар атқарылуда. Жыл басынан бері «Қауіпсіз жол», «Тасымалдаушы», «Мотокөлік», «Абайлаңыз, балалар» атты жедел-профилактикалық іс-шаралар ұйымдастырылып, жол қозғалысына қатысушылар арасында түсіндірме жұмыстары жүргізілді. Сонымен қатар, тамыз айының 11-13 күндері өткен «Балабақша» іс-шарасы аясында мектепке дейінгі ұйымдардағы балаларды тасымалдаудың қауіпсіздігін арттыруға бағытталған жұмыстар жүзеге асырылды. Бұл туралы &nbsp;Өңірлік коммуникациялар қызметінің ақпарат алаңында облыстық Полиция департаменті Жергілікті полиция қызметі басқармасы бастығының орынбасары Рауан Әлдешов мәлімдеді.<blockquote>- Жол қауіпсіздігін қамтамасыз ету - ішкі істер органдары жұмысының басым бағыттарының бірі. Әсіресе, балалардың қатысуымен болатын жол-көлік оқиғаларына жол бермеу - басты назарда. Осы мақсатта жыл басынан бері облыс көлемінде жедел-профилактикалық іс-шаралар тұрақты түрде ұйымдастырылып келеді. Ағымдағы жылдың 11-13 тамыз күндері өткізілген «Балабақша» жедел-профилактикалық іс-шарасының басты мақсаты - мектепке дейінгі ұйымдардағы балалардың қауіпсіздігін қамтамасыз ету, сондай-ақ оларды тасымалдауды жүзеге асыратын жүргізушілердің тәртібін арттыру болды. Іс-шара барысында балабақша басшыларымен кездесулер өткізіліп, көлік құралдарының техникалық жағдайына, жүргізушілердің құжаттарына бақылау күшейтілді. Нәтижесінде 305 жүргізушіге әкімшілік шара қолданылды. Сонымен қатар, ата-аналарға балалардың жолдағы қауіпсіздігі бойынша түсіндіру жұмыстары жүргізіліп, тәрбиешілерге балаларды тек ересек адамдардан қабылдау және тапсыру мәселесін қатаң бақылауда ұстау ұсынылды. Балалардың өмірі мен денсаулығын қорғау - бәріміздің ортақ міндетіміз. Сондықтан бұл бағыттағы жұмыстар облыстық Полиция департаменті басшылығының қатаң бақылауында болып, алдағы уақытта да жалғасын таба береді,-деді Рауан Қырымұлы.</blockquote><img src="https://knadmin.beoblood.kz/uploads/536283578_2369188420143323_2469731179491574359_n_3e3a75c5d6.jpg" alt="536283578_2369188420143323_2469731179491574359_n.jpg">Фото: pexels

Балалар қауіпсіздігі - басты назарда

<a href="https://kyzylorda-news.kz/">Kyzylorda-news.kz</a> Жүрек ауруларынан қалай сақтануға болады? Қызылорда облысында міндетті әлеуметтік медициналық сақтандыру аясында қандай кардиохирургиялық оталар жасалады және оның құны қанша? Осы және басқа да сұрақтарға көп бейінді облыстық ауруханасының кардиохирургия орталығының жетекшісі Берік Дәуітбаев жауап берді.– Берік Русланұлы, кардиохирургия орталығында қандай медициналық қызметтер қолжетімді?<blockquote>– Жүрек-қан тамырлары аурулары – Қазақстанда ғана емес, бүкіл әлемде өлім-жітімнің және аурушаңдықтың басты себептерінің бірі. Сондықтан жүрек сырқаттарының алдын алу мен емдеу ісіне ерекше назар аударылады. Біздің орталықта тегін медициналық көмектің кепілдік берілген көлемі және міндетті әлеуметтік медициналық сақтандыру жүйесі аясында пациенттерге кең ауқымды қызметтер көрсетіледі. Мысалы, егер науқас ауруханаға жедел инфарктпен түссе, біз оған шұғыл түрде коронарография жасап (қан тамырларын зерттеу) және зақымдалған артерияға стент қоямыз. Бұл медициналық қызметтер адамның МӘМС жүйесіне қатысуына қарамастан тегін жүргізіледі. Ал жоспарлы түрде Емдеуге жатқызу бюросы порталы арқылы жолданған, МӘМС жүйесінде сақтандырылған науқастарға ашық жүрекке ота және басқа да кардиологиялық емдеу әдістерін жасаймыз.</blockquote>– Демек, егер науқас шұғыл жағдайда түссе, диспансерлік есепте тұрмаса да толық көмек көрсетіле ме?<blockquote>– Иә, мысал ретінде бір оқиғаны айтайын. Байқоңыр қаласының тұрғыны, Ресей Федерациясының азаматынан жоспарлы тексерістен өтіп жүргенде сол жақ коронарлық артерия сабауының қатты тарылғаны анықталды. Бұл жағдай бір тәулік ішінде шұғыл ота жасауды қажет етті. Біз оған дереу ота жасап, өмірін сақтап қалдық. Кейін ол МӘМС жарнасын төлегендіктен толық медициналық оңалтудан өтті.</blockquote>– Өз қалтасынан төлеп емделгендер де болды ма?<blockquote>– Болды, биыл 2 жағдай кездесті. Түбі Шиелі ауданынан шыққан Мәскеу тұрғынына аортокоронарлық шунттау жасалды. Сондай-ақ Өзбекстан азаматына да дәл осындай ота жасалды, құны - 3,5 млн теңге . Өзбекстанда мұндай оталардың басым бөлігі ақылы.</blockquote>– Жалпы жүрекке жасалатын оталардың бағасы қандай?<blockquote>– Стент қою бағасы 1 млн 700 мың теңге, аортокоронарлық шунттау 3,5 млн, кардиостимулятор орнату 2 млн теңгеден асады. Ең қымбаты - кардиовертер-дефибриллятор немесе үш камералы электрокардиостимулятор орнату, бағасы 10 млн теңгеге жетеді. Бірақ МӘМС жүйесіне қатысушылар үшін мұның бәрі тегін.</blockquote>– Бұрын жүрекке ота жасатқысы келгендер жылдап кезек күтіп жүретін еді. Қазір бұл жағдай қалай?<blockquote>– Қазақстанда жүрекке алғашқы ота 1960 жылдары А.Сызғанов атындағы Ұлттық ғылыми хирургия орталығында жасалды. Сол кезде жылына 600-700 ота жасалатын, ал қажеттілік 10 мыңнан асатын. Көп науқас кезегін күткенше өмірден өтіп кететін немесе отаға өте ауыр жағдайда түсетін. Қазір елімізде кардиохирургия қарқынды дамып келеді. Қызылорда облысында жыл сайын 200-ге жуық жүрекке ашық ота жасаймыз. Кезек жоқ, науқастар түскен бойда қабылданады.</blockquote>– Жүрек трансплантациясы отасын жасау жоспарда бар ма?<blockquote>– Біздің облыстық ауруханада бүйрек және бауыр трансплантациясы сәтті жасалады. Ал жүрек трансплантациясы қазір тек Астана, Алматы және Шымкент қалаларындағы орталықтарда жүргізіледі. Қызылордада әзірге мұндай қажеттілік аса жоғары емес.</blockquote>– Сіздің ең жас және ең егде жастағы науқастарыңыз кім болды?<blockquote>– Мен мамандығым бойынша жұмысымды балалар кардиохирургы болып бастағанмын. Мәскеуде оқып, Алматыдағы перинатология және балалар кардиохирургия орталығында жұмыс істегенде алғашқы науқастарым жаңа туған сәбилер болды. Перзентханадан бірден ота залына алып келген нәресте болды. Салмағы - небәрі 1 келі 300 грамм. Туабітті жүрек ақауы бар еді. Бұл - мен көрген ең кішкентай жүрек. Сол сәттің суреті әлі күнге дейін сақтаулы. Шүкір, аман қалды. Ал ең жасы үлкен науқас – 82 жастағы ақсақал. Оған аортокоронарлық шунттау жасадық, ота сәтті өтті.</blockquote>– Жүрек ауруларының алдын алу үшін не істеу керек?<blockquote>– Адам ағзасы да автокөлік секілді уақытылы «техосмотрдан» өтуі керек. Белгілі бір жастан кейін жыл сайын скринингтен өтіп, жүректің УДЗ-ын жасап, холестерин деңгейін тексеру қажет. Ең бастысы – жүйелі түрде тексерілу.</blockquote>Әңгімеңізге рахмет!<img src="https://knadmin.beoblood.kz/uploads/osms_operacziya_bf7ffe3b14.jpg" alt="осмс операция ">

Берік Дәуітбаев: "Жүрек ауруымен түскен пациенттер ота үшін кезек күтпейді"

<a href="https://kyzylorda-news.kz/">Kyzylorda-news.kz</a> Сырдария ауданына қарасты С.Сейфуллин ауылындағы №137 орта мектебінде жүргізіліп жатқан күрделі жөндеу жұмыстарының сапасына партиялық бақылау жасалды.Партиялық бақылау комиссиясының мүшелері білім беру нысанындағы жөндеу жұмыстары басталғаннан бері бірнеше рет партиялық бақылау іс-шаралары ұйымдастырылғанын айтып, нысан құрылысы ауыл халқы үшін өте маңызды екенін айтты.<blockquote>– Бұл ауыл халқы, оқушылар көптен күткен жұмыс. Мектептің күрделі жөндеуден өткізілуі, оған облыстық бюджеттен қажетті қаржының бөлінуі, депутаттық фракцияның қолдау білдіруі – бірлесе атқарылған жұмыстардың жемісі. Ендігі кезекте жаңа оқу жылында балалар жайлы, қолайлы, жаңа заман талаптарына сай сыныптарда білім алуы керек. Сондықтан белгіленген жұмысты барынша ертерек аяқтап, нысанды ел игілігіне табыстағанымыз дұрыс, – деді «AMANAT» партиясы Сырдария аудандық филиалының Атқарушы хатшысы, партиялық бақылау комиссиясының мүшесі Ақтөре Ибрагимұлы.</blockquote>Өз кезегінде аудандық мәслихат депутаты, «AMANAT» партиясы депутаттық фракцияның мүшесі Марат Бакуов пен «С.Сейфуллин» БПҰ төрағасы Қайрат Есекеев құрылыстың сапалы жүргізілуі қатаң бақылауда екенін айтып, бұған дейін Парламент Мәжілісінің депутаттары, аудан әкімі, салалық басқармалар мен бөлімдер тарапынан бақылау жасалғанын атап өтті. Сонымен қатар нысан пайдалануға берілгенде ауданның білім саласындағы жаңа ғимараттардың саны артатынын жеткізді. Бұл оқушылардың сапалы білім алуына жасалған үлкен қолдау болмақ.Партиялық бақылау комиссиясының мүшелері мердігер мекеме өкілдерімен, мектеп дирекциясымен бірге нысанды аралап, атқарылған жұмыстармен танысты.<img class="image_resized" style="width:93.51%;" src="https://knadmin.beoblood.kz/uploads/Partiyaly_ba_ylau_2_1555966df0.jpg" alt="Партиялық бақылау 2.jpg">

«AMANAT»: Партиялық бақылау жасалды

<a href="https://kyzylorda-news.kz/">Kyzylorda-news.kz</a> «Ауыл аманаты» жобасы – ел тұрғындарын аграрлық бизнеске тарту, азық-түлік қауіпсіздігі және азаматтардың өмір сүру сапасын жақсартуға байланысты мәселелерді шешуге бағытталған. Яғни, жоба аясында ауылдық жердегі халықтың табысын арттыру негізгі шарт саналады.Арал қаласының тұрғыны Аңсаған Мұхиядинқызы пайыздық мөлшерлемесі әлдеқайда төмен жобаның 7 млн. 130 мың теңге қаржылай қолдауына ие болды. Бұл қаржыға кәсіп иесі кондитерлік өнімдер шығаратын цех ашты. Бүгіні таңда цехта 7 қызметкер жұмыс жасайды. Жеке кәсіпкер несие арқасында өнімдер дайындайтын арнайы аппараттар мен құрал жабдықтар алған атап айтқанда италияндық смек пештерін кондитерлік өнімдерді пісіретін қосалқы пештерді алған. Цехта торттың 10, мини десерттің 6 түрі дайындалып күніне 400 ге жуық өнім аудан орталығымен ауылдық жерлерге сатылымға шығады.Аңсаған Мұхиядинқызы алдағы уақытта өз кәсібін дамытып цехты үлкейтуді және нан өнімдерін дайындайтын қосымша жұмыс көзін ашуға ниетті.–Қазір еңбек етемін деген азаматқа мүмкіндік көп. Соның ішінде «AMANAT» партиясының «Ауыл аманаты» жобасын ерекше атап өтер едім. Азаматтар үшін өте тиімді жоба. Пайыздық мөлшері, төлеу шарты барлығы кәсіпкердің аяғына тұрып кетуіне ойластырылған.Жоба нәтижесінде осы кәсіпті бастадым. Алдағы уақытта алғашқы қарызымды қайтарып, қосымша жаңа кәсіп көзін ашсам деген ниетім бар, – деді ол.«Ауыл аманаты» жобасының игілігін көрген жеке кәсіпкер алдағы уақытта кәсібін кеңейтуді де көздейді.

«Ауыл аманаты» - тиімді жоба

<a href="https://kyzylorda-news.kz/">Kyzylorda-news.kz</a> Қызылорда облысы Қазалы ауданының Ақтан батыр ауылында Ақтан батыр Ақайұлының 255 жылдық мерейтойы аясында республикалық ат бәйгесі өтті. Аудан әкімдігінің баспасөз қызметі хабарлағандай, бәйге тай жарысы, құнан бәйге, ошақ бәйге және аламан бәйгені қамтыды. Дода басталмас бұрын ел ағалары мен ардагерлер сөз сөйледі, атбегілерге ақ батасын беріп, жарысқа сәттілік тіледі.<blockquote>— Алғашқы сайыс — тай жарысы. 6 шақырымдық қашықтықта 32 жүйріктің тұяғы дүбірледі. Бұл сыннан Жамбыл облысының шабандозы Дамирдің Зымыран атты торы тайы топ жарды. Екінші орынды Қармақшы ауданының Дүр Оңғар ауылынан келген Нұржан Шөмекейдің Карамель атты күрең-қасқасы иеленсе, үшінші орын Бекарыстан би ауылының шабандозы Нұрболаттың Ұлытау атты жүйрігіне бұйырды. Келесі кезекте құнан бәйге ұйымдастырылып, 12 шақырымдық төрт айналымда 18 құнан бақ сынады. Додада Жамбыл облысынан келген Мирас тізгіндеген Лафиза жүйрігі алдына жан салған жоқ. Созақ ауданынан Мейір шабандоздың Алтынқасқа атты торы аты екінші болып жетсе, Қызылорда қаласынан келген Нұртастың Пономеро атты тұлпары үшінші орынға ілікті, — делінген хабарламада.</blockquote>21 шақырымға созылған ошақ бәйгедегі 7 айналымда 16 тұлпар бақ сынады. Нәтижесінде Қазалы ауданының намысын қорғаған Нұрым шабандоздың Бақторы атты тұлпары алдына қара салмай мәреге бірінші болып жетті. Екінші орын да осы ауданның өкілі Абылайдың Секрет атты жүйрігіне бұйырды. Ал үшінші орынды Тұмар атты тұлпарымен Ерасыл шабандоз иеленді.&nbsp;Ал ат бәйгесі қорытындыланған аламанда Алматы облысының Әмір есімді шабандозы Мажор деген жүйрігімен бірінші орынды жеңіп алды. Одан кейінгі екі орынды аралдық Рауан тізгіндеген Қозыкүрең мен жамбылдық Дамирдің Талмас есімді торы аты өзара бөлісті.Жеңімпаздар мен жүлдегерлерге қомақты сыйлықтар табысталды.

Қазақстан және Қызылорда облысының жаңалықтары