Kyzylorda-news.kz. Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Парасаттылық департаментінің басшысы Ғанижан Асанұлы және Агенттік жанынан құрылған Республикалық ақпараттық-ағартушылық штабының жетекшісі Ырза Тұрсынзада облысқа жұмыс сапары барысында білім беру ұйымдарының басшыларымен кездесті.
Жиын барысында Қызылорда облысының бас ұстазы Ақзира Қасымова өскелең ұрпақты рухани – адамгершілікке, парасаттылыққа және азаматтық-патриоттыққа тәрбиелеу мақсатында өңірдегі атқарылып жатқан жұмыстар бойынша, әділетті және парасатты тұлғаны тәрбиелеу барысында “Саналы ұрпақ” және “Адал ұрпақ” клубтарының маңыздылығы туралы қатысушылармен ой бөлісті.
Өз кезегінде Ғанижан Асанұлы қоғамдағы сыбайлас жемқорлықпен күрес жүйелі әрі ұзақ мерзімді қажет ететін мемлекеттік саясат екендігін атап өтіп, ұжымда жемқорлыққа мүлдем төзбеушілік ахуалын қалыптастыру үшін жүйелі түрде профилактикалық шараларды өткізу қажеттігін басты назарға алуды ұсынды.
Кездесу соңында Республикалық ақпараттық-ағартушылық штабының жетекшісі Ырза Тұрсынзада білім алушылардың бойына адалдық, парасаттылық, әділдік, сенім құндылықтарын сіңірудегі және парасатты қоғам тәрбиелеудегі білім саласының орны орасан зор екендігін атап өтті.
Кездесуге Қызылорда қаласындағы жоғарғы және арнаулы орта білім беру ұйымдарының басшылары, БАҚ өкілдері қатысып, ал қалалық және аудандық мектепке дейінгі, орта білім беру ұйымдары мен интернаттардың директорлары Zoom платформасы арқылы қосылды.
<img src="https://kyzylorda-news.kz/wp-content/uploads/2020/11/fb_img_1604326976431.jpg" alt="" />

Агенттік өкілдері білім беру ұйымдарының басшыларымен кездесті

<a href="https://kyzylorda-news.kz/">Kyzylorda-news.kz.</a> 11-18 қараша аралығында Перуде жасөспірімдер арасында Əлем кубогі өтеді.
Онлайн жүйеде алғашқы мəрте өтетін байрақты бəсекеге Сыр елінен төрт спортшы қатысады.
Атап айтсақ, Азамат Төлеген (61 келі), Мейрамбек Əбдіхалық (73 келі), Айсамал Сансызбаева (+81 келі) жəне Рахат Бекболат (96 келі) Қазақстан намысын қорғайды.
Əлем кубогіне Қазақстаннан жеті спортшы бақ сынасатын болса, оның төртеуі Қызылорда облысының спортшылары.
Спортшылардың шығатын уақыты:
А. Төлеген, 12 қараша 13:30; 
М. Әбдіхалық, 14 қараша 16:30; 
Р. Бекболат, 17 қараша 11:00; 
А. Сансызбаева, 18 қараша 13:00.

Қызылордалық зілтеміршілер онлайн əлем кубогіне қатысады

<a href="https://kyzylorda-news.kz/">Kyzylotda-news.</a> Арал ауданына қарасты Жақсықылыш кентінде “Қарапайым заттар экономикасы” яғни Қазақстанда жеңілдікті несиелендіру бағдарламасы іске асырылуда.
Бағдарлама аясында “Аралтұз-АҚ” заводынан тағы да бір жаңа цехтың іргесі қаланды. Жоба жүзеге асырылған жағдайда қосымша 250-300 жұмыс орны ашылмақ. Бұл-кентте жұмыссыздар санын одан әрі азайтуға өз септігін тигізеді деген сөз. 
Сонымен қатар, сырттан келіп вахталық әдіспен жұмыс жасайтын жұмысшы-қызметкерлер үшін кент орталығынан “Аралтұз-АҚ”- на қарасты жаңа қонақ үйінің құрылыс-монтаж жұмыстары жүргізілуде.

Арал ауданында жаңа цехтың іргетасы қаланды

<a href="https://kyzylorda-news.kz/">Kyzylorda-news.kz.</a> Қызылордалық 6 бастауыш сынып оқушысына «AIDYN NURY Қайырымдылық қорының» атынан планшет таратылды. Олар Арал ауданындағы №62 мектептің 2 оқушысына, № 260 мектептің 1 оқушысына, Қызылорда қаласындағы № 271 мектептің 2, № 187 мектептің 1 оқушысына берілді. 
Планшетті Кәсіпкерлер палатасының мамандары мектеп басшылығымен бірлесе отырып жүзеге асырды. Ерекше тоқталып өтетін жайт, Кәсіпкерлер палатасы өздігінен планшет немесе ноутбук қажет отбасылардың тізімін жасақтамайды. Тізімде бар-жоғын білгісі келетін отбасылар www.qoldau.edu.kz сайтынан балаларының ЖСН нөмірінің соңғы 6 санын теріп тексере алады. Ал балаларды тізімге қосу жұмыстарын мектептердің әлеуметтік педагогтары аудандық немесе қалалық білім бөлімі арқылы жүзеге асырады. 
Айта кетейік, ҚР Білім және ғылым министрлігі «Менің Атамекенім» қоғамдық бірлестігімен бірлесе отырып, мектеп білімінің онлайн режиміне өтуіне байланысты Қазақстан оқушыларын қажетті техникамен қамтамасыз етуге бағытталған «Oqýshyny qolda» қайырымдылық акциясын бастаған болатын. (www.qoldau.edu.kz) 
Басты мақсат – мектеп білімінің онлайн режимге өтуіне байланысты Қазақстандағы мүмкіндігі шектеулі, жетім, ата-анасының қамқорлығынсыз қалған балаларды, сондай-ақ аз қамтылған отбасылардан шыққан балаларды қажетті техникамен, атап айтар болсақ, бастауыш сынып оқушыларын планшетпен, жоғарғы сынып оқушыларын ноутбукпен қамтамасыз ету. Әрбір оқушы оқуын жалғастыруға мүмкіндік алуы мақсатында қажетті техниканы сатып алу үшін қоғам мен бизнес өкілдерін жұмылдыру. 
Аталмыш акцияға «AIDYN NURY Қайырымдылық қоры» қолдау білдіріп, қаражат бөліп, жетпіс шақты планшеттермен қамтамасыз етті. Ал өңірлердегі «Атамекен» кәсіпкерлер палатасының өкілдері логистика жағынан жеткізіп беру үлесін қосып жатыр.
<img src="https://kyzylorda-news.kz/wp-content/uploads/2020/11/66.jpg" alt="" />

«Oqýshyny qolda» қайырымдылық акциясы аясында қызылордалық оқушыларға планшет берілді

<a href="https://kyzylorda-news.kz/">Kyzylorda-news.kz.</a> Алдағы жылдың жазында Токиода өтетін олимпиада және паралимпиада эстафеталарында қолданылатын екі алау дүйсенбіде Жапония астанасында сегіз айлық турды бастады, деп хабарлайды <a href="https://www.inform.kz/kz/tokioda-olimpiada-zhane-paralimpiada-alauynyn-8-aylyk-tury-bastaldy_a3713646">ҚазАқпарат</a>.
Олимпиада және паралимпиада алауы турдың бірінші күні Токио үкіметінің ғимаратында көпшілік назарына ұсынылады. Сондай-ақ барлық 62 қаланы, аудандарды, кенттер мен ауылдарды аралайды, тур 3 шілдеге дейін жалғасады. Адамдар алауды тек жақын жерден ғана көре алады, бірақ оны ұстауға рұқсат етілмейді.
Олимпиадалық алау эстафетасы 25 наурызда Фукусима префектурасында Олимпиаданың ашылу салтанатында от жағылған кезде басталып, 9-23 шілде аралығында өтеді. Ал паралимпиадалық алау эстафетасы 12 тамызда бастау алып, 20-24 тамыз аралығында, екінші паралимпиада 
ойындары өтіп жатқан кезде Токиоға аттанады.

Токиода олимпиада және паралимпиада алауының 8 айлық туры басталды

**<a href="https://kyzylorda-news.kz/">Kyzylorda-news.kz</a>. Бүгінгі таңда енгізілген карантин талаптарының сақталуын қамтамасыз ету мақсатында облыс бойынша жүргізілген рейдтер барысында 384 мекемелер мен ойын-сауық орындары тексеріліп, 781 құқық бұзушылық анықталды. 
**
Оның ішінде кафе, мейрамханаларда 450 той жасаудың дерегі анықталса, компътерлік клубтар, букмекерлік кеңселер тарапынан карантин талаптарын бұзудың 59 дерегі, шаштараздармен 8, дүкендер және базарлармен 88, демалыс орындарымен 4, санитарлық дәрігердің қаулысында көрсетілген басқа 172 құқық бұзушылықтар анықталды. 
Карантин талаптарының сақталуын қадағалау мақсатындағы жергілікті атқарушы органдар, Тауарлар мен көрсетілетін қызметтердің сапасы мен қауіпсіздігін бақылау департаменті, еріктілер, қоғамдық көмекшілер, бұқаралық ақпарат құралдарымен құрылған мобильдік топпен жұмыстар жалғасуда.
<img src="https://kyzylorda-news.kz/wp-content/uploads/2020/11/79.jpg" alt="" />

Қызылордада тұрғындар карантин талаптарын сақтамай отыр

<a href="https://kyzylorda-news.kz/">Kyzylorda-news.kz.</a> ІІ тоқсанда контингенті 300 оқушыға дейінгі қалалық және ауылдық мектептер дәстүрлі оқыту форматына көшіріледі. Бұл туралы ҚР Премьер-Министрінің орынбасары Ералы Тоғжановтың Сенат депутаттары сауалына берген жауабында айтылған, деп хабарлайды <a href="https://www.inform.kz/kz/ekinshi-toksanda-okushy-sany-300-den-aspaytyn-mektepter-dasturli-okytu-formatyna-koshedi_a3713550">ҚазАқпарат.</a>
Айта кетерлігі, Сенат депутаттары контингенті 181-ден 600 адамға дейінгі, бір сыныптағы балалардың саны 15 оқушыдан аспайтын ауылдық жерлерде орналасқан мектептердің жұмысын кезең-кезеңімен қайта бастауға қатысты депутаттық сауал жүолдаған еді.
<blockquote>
 «Үкімет мектеп оқушыларын қашықтан оқытуға көшіру туралы шешімді факторлар кешенін, оның ішінде мектеп оқушылары арасында COVID-19-дың таралуының эпидемиологиялық тәуекелдерін, бастауыш сынып оқушыларының қашықтықтан оқытуға бейімділігін, мектептердің шамадан тыс тығыздалуын қоса алғанда, материалдық-техникалық жарақтандырылуын ескере отырып қабылдады. Мектептерде балалар арасында сырқаттанушылықтың алдын алуына бағытталған негізгі шаралар сыныпта және мектепте көп жиналуға жол бермеу, оқу және үзілістер кезінде қашықтықты сақтау мүмкіндігі, мектепте маска режимін және эпидемияға қарсы қатаң шараларды сақтау болып саналады. Бұл ретте, оқушылардың, әсіресе орта және жоғары сынып оқушыларының мектепте көрсетілген талаптарды сақтауын қамтамасыз ету айтарлықтай күрделі. Бұдан басқа, карантин режимінің белгіленген талаптары сақталмаған кезде жабық үй-жайларда балалардың көп шоғырлануы аурудың таралу қаупін тудырады», – дейді Үкімет басшысының орынбасары депуттарға қайтарған жауабында.
</blockquote>
Сонымен қатар ол бастауыш сынып оқушылары ата-аналарының өтініштері бойынша санитариялық-эпидемиологиялық талаптарды қатаң сақтай отырып, кезекші сыныпта білім алып жатқанына назар аудартады. Бұл ретте сыныпты 15 баладан кіші топтарға бөлу, ауысымдар мен кіші ауысымдардың санын ұлғайту, кабинеттік жүйені алып тастау, әр түрлі уақыттағы үзілістер, біржақты қозғалыс жүйесі, кіреберісте күнделікті температураны өлшеу, сыныптағы балалардың жай-күйін бақылау, желдету, кварцтау, үй-жайларды ылғалды жинау, медициналық кабинеттер мен изоляторлардың үздіксіз жұмыс істеуі, мектепте қатаң маска режимі қамтамасыз етілген.
<blockquote>
 «Бұдан басқа, жіті респираторлық инфекциялардың күтілетін ағымдық жағдайында ұйымдастырылған жабық ұжымдарды қалыптастыру коронавирустық инфекцияның берілу тәуекелін едәуір арттыратынын атап айту керек, бұл инфекцияның білім алушылар, педагогтар мен ата-аналар арасында тез таралуына әкелуі мүмкін. Осыған байланысты Денсаулық сақтау министрлігі барлық мектептерді штаттық оқыту форматына көшіруді ерте деп санайды. Бүгінгі күні бірқатар шет елдерде (Германияда, Ресейде, Англияда, Польшада, Францияда, АҚШ-та, Оңтүстік Кореяда, Үндістанда) күндізгі оқу кезінде коронавирустың тез таралуына байланысты мектептер карантинге жабылуда», – дейді ол.
</blockquote>
Үкімет басшысы орынбасарының дерегінше, осы жылғы 25 қазанда елімізде оқушылар арасында COVID-19 ауруының 298 жағдайы тіркелді. Оның 127-сі офлайн режимде және 171-і қашықтан оқыған.
<blockquote>
 «ҚР аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссия 2020 жылғы 26 қазанда 2020-2021 оқу жылының екінші тоқсанынан бастап контингенті 300 оқушыға дейінгі қалалық және ауылдық мектептерді дәстүрлі оқыту форматына көшіру, ата-аналардың өтініші бойынша жалпы білім беретін мектептерде 1-ден 5-сыныпқа дейін, халықаралық мектептерде 7 сыныпқа дейін кезекші сыныптарда оқытуға рұқсат ету туралы шешім қабылдады. Білім беру процесінің сапасын қамтамасыз ету, қашықтықтан оқыту кезеңінде балалардың біліміндегі ықтимал олқылықтардың орнын толтыру мақсатында Білім және ғылым министрлігі жергілікті атқарушы органдармен бірлесіп негізгі пәндер бойынша білім қималарын диагностикалау, балалардың оқу жетістіктерін ата-аналарға түсіндіру, артта қалған оқушылар үшін жеке консультациялар, каникулдық мектептер және ата-аналар мен балалардың қалауы бойынша консультациялық онкүндіктер өткізу бойынша жұмыс жүргізуде», – дейді Ералы Тоғжанов.
</blockquote>
Премьер-Министр орынбасары еліміздің Денсаулық сақтау министрлігі халық арасында, оның ішінде мектеп оқушылары мен білім беру ұйымдарының персоналы арасындағы сырқаттанушылыққа күнделікті талдау жүргізетіндігін, мектептердің карантин режимінде жұмыс істеуге дайындығын бағалайтындығын атап өтеді.
<blockquote>
 «Осының бәрін ескере отырып, ДСМ мүдделі мемлекеттік органдармен бірлесіп, қаулыға контингенті 300 оқушыға дейінгі қалалық және ауылдық мектептерді дәстүрлі оқыту форматына көшіру, 1-5 сыныптардың кезекші сыныптарында (ата-аналардың өтініші бойынша), халықаралық мектептерде 7 сыныпқа дейін (2020-2021 оқу жылының екінші тоқсанынан бастап) оқытуға рұқсат ету бөлігінде өзгеріс енгізеді», – дейді Үкімет басшысының орынбасары.
</blockquote>

Екінші тоқсанда кімдер мектепке барады?

<a href="https://kyzylorda-news.kz/">Kyzylorda-newz.kz.</a> «Қазгидромет» мамандарының болжамынша, 3-5 қараша аралығында солтүстікте тұман түсіп, көктайғақ болады.
Алдағы үш тәулікте Қазақстан аумағы шығыс Еуропа аймағынан келетін антициклонның ықпалында болады. Соның әсерінен негізінен күн ашық болып, жауын-шашынсыз ауа райы күтіледі.Тек шығыс пен оңтүстік-шығыста жауын-шашын болады. Алғашқы күндері елдің солтүстігінде жаңбыр мен қар жауады. Еліміздің солтүстігі мен оңтүстігінде жел күшейеді, түнде және таңертең кей жерлерде тұман түсіп, көктайғақ болады.

Алдағы үш күнгеарналған ауа райы болжамы

<a href="https://kyzylorda-news.kz/">Kyzylorda-news.kz.</a> Ыбырай Алтынсарин атындағы Ұлттық білім академиясы орта білім орталығының директоры Манара Адамова “Әліппе” алдымен кириллица қарпімен шығарылатынын мәлімдеді, деп хабарлайды <a href="https://m.sputnik.kz/society/20201102/15363898/alippe-kirillitsa-BGM.html">Sputnik Қазақстан</a><a href="https://m.sputnik.kz/society/20201102/15363898/alippe-kirillitsa-BGM.html">.</a>
<blockquote>
 “Қазір біз кириллица әліпбиіне негізделген әріптерді пайдаланатын болғандықтан, сол 42 әріпке негізделген “Әліппенің” оқу бағдарламасы дайындалды. Бірақ алдымызда латын графикасына көшу мақсаты тұр. Олай болған жағдайда біз ол бағдарламаны латын әліпбиіне ауыстырамыз. Ол қатар жасалды, бағарламаның жобасы бар”, – деді Адамова орталық коммуникациялар қызметінде өткен онлайн брифингте.
</blockquote>
Бүгін білім және ғылым вице-министрі Шолпан Каринова “Әліппе” оқулығының бекітілгенін мәлімеді. Оның айтуынша, алдағы уақытта оқулықты шығару жұмыстары басталды. Бірақ алдымен оны 2021 жылдың қаңтар айында апробациядан өткізеді. Ол үшін пилоттық мектептердің тізімі бекітілді.
<blockquote>
 “Осылайша, сараптамадан өткен оқулықтар жаңа оқу жылында мектептерге енгізіледі. Жалпы, “Әліппе” оқулығын 2021-2022 оқу жылына енгізу жоспарланған. Осы жоспарға сай жұмыс жүргізіліп жатыр. Сосын өздеріңізге белгілі, желтоқсан айында “Әліппемен” қоштасу өткізілетін. Қазіргі принцип те соған негізделген. Одан ары қарай “Ана тіліне” көшеді “, – деп түйіндеді Каринова.
</blockquote>

&#8220;Әліппеде&#8221; кириллица қарпі қолданылады

<a href="https://kyzylorda-news.kz/">Kyzylorda-news.kz</a>. Тас жолда жаяу жүргіншіні қағып кетіп, оқиға орнынан бой тасалаған көлік жүргізушісі ұсталды.“Шымкент-Самара” тас жолындағы Тартоғай ауылының тұсында жолды кесіп өтпекші болған 48 жастағы ауыл тұрғынын Шымкент қаласына қарай кетіп бара жатқан белгісіз автокөлік қағып, оқиға орнынан қашып кеткен. Жол-көлік оқиғасы салдарынан азаматша түрлі дене жарақатымен аудандық ауруханаға жеткізілді.
Бұл факт бойынша патрульдік полиция ротасының қызметкерлері жүргiзген жедел-іздестіру іс-шараларының нәтижесінде Бәйгеқұм елді мекенінің тұсында жүк тасымалдайтын “Газель” автокөлігіне “Мерседес” автокөлігін тиеп кетпекші болған жүргізуші ұсталды.Тексеру барысында жол-көлік оқиғасы орын алған жерден бой тасалаған жүргізушінің Түркістан облысы Қазығұрт ауылының 24 жастағы тұрғыны екені анықталды.Аталған дерек бойынша Қазақстан Республикасы Қылмыстық кодексінің 345-бабының 1-бөлігімен (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) сотқа дейінгі тергеп-тексеру амалдары жүргізілуде.

Қызылордада адам қағып, оқиға орнынан қашып кеткен жүргізуші ұсталды

<a href="https://kyzylorda-news.kz/">Kyzylorda-news.kz.</a> Қызылорда гарнизонында Қазақстан Республикасы Қорғаныс Министрлігі «Әскери-техникалық мектебінің» курсанттары қарудан оқ атты.
Қызылорда қаласы әскери-техникалық мектебінің 14 сарбазы санитарлық-эпидемиологиялық талаптар мен нормаларды сақтай отырып, өздерінің әскери ант қабылдау рәсімі алдындағы кезекті қарудан оқ ату іс-тәжірибесінен өтті. Тактикалық дайындық пен қаруды қалай қолдану керектігін меңгерген сарбаздардың көрсеткен нәтижелері алғашқыларына қарағанда әлдеқайда жоғары. Аз уақыт ішінде әскери тәртіппен танысып, түрлі әскери теориялық сабақтарды оқып үйренді. Оқыған білімдерін, тәжірибе жүзінде қолданып жатқан сарбаздардың жүзінен қуаныш сезімдерін байқауға болады. Ал, жастық шағында әскери өмірге қызыққан біраз түлектер алдағы бір аптадан кейін өтетін әскери ант қабылдау күнін асыға күтуде. 
<blockquote>
 _«Осы мектептің офицерлері өз ісінің нағыз маманы дер едім. Бізді осы 40 күн ішінде Отан сүйгіштікке, патриотизмге және әскери өмірге практикалық, теориялық тұрғыдан өте жоғары деңгейде даярлап жатыр. Осы мектепте, мен, өз Отан алдындағы борышымды өтеп жатқанымды мақтан етемін. Болашақта Қазақстан Республикасының Қарулы Күштеріне қызмет еткім келеді», – дейді Қызылорда қаласы әскери-техникалық мектебінің түлегі, курсант Құтымбай Еркебұлан. 
 _
</blockquote>
Қызылорда қаласы әскери-техникалық мектебібастығының орынбасары, Баймаханов Қайраддин әскери мектеп қысқа мерзім ішінде жас өрендердің қарудан оқ атудан басқа да, әскери өмірдің қыр-сырын меңгеруіне мүмкіндік беретіндігін,курсанттардың «атқыш» мамандығын аяқтағаннан кейін Қарулы Күштерімізге қызмет ететін азаматтардың саны артқанын атап өтті. 
Бұл, әскери-техникалық мектепті тәмамдап отырған түлектердің соңы емес. Қызылорда қаласы әскери-техникалық мектебі алдағы уақытта да Отанға адал қызмет ететін мамандарды қабылдайтын болады.
<img src="https://kyzylorda-news.kz/wp-content/uploads/2020/11/02.jpg" alt="" />

Әскери-техникалық  мектептің түлектері тәжірибеден өтті

Kyzylorda-news.kz. Мәжіліс сайлауы алдағы жылдың 10 қаңтарында өтетіні ресми жарияланды 21 қазанда, деп жазады <a href="https://texter.kz/2020/11/02/partia-sailau-2021.html">Texter</a> сайты.
<blockquote>
 «Барлық саяси партиялардың бұл сайлау науқанына қатысуға дайындалуына, сайлау алдындағы платформасын әзірлеуіне, партиялық инфрақұрылымдарды жетілдіруіне уақыты жеткілікті болды. Орталық сайлау комиссиясы мен Бас прокуратура сайлаудың заңдылығын, ашықтығын және әділдігін сақтау үшін тұрақты бақылау жүргізіп отырады», — деген еді мемлекет басшысы Тоқаев.
</blockquote>
Сайлауға 2 ай уақыт қалды. 2021 жылы болатыны бұрыннан айтылып жүрген еді, яғни партиялар іштей дайындықтарын бұрыннан бастаған болулары керек. Қазіргі заманда әлеуметтік желілер үгіт-насихат жұмыстары үшін қолайлы платформа болғандықтан, әлемдік тәжірибеде кеңінен қолданылатын әдіс болғандықтан Қазақстандағы сайлауға қатысатын саяси партиялардың қазіргі жағдайларын саралап көріп едім. Есепке тек соңғы 4 аптаның (28 күннің) мәліметтері алынды. 05 қазан 2020 — 01 қараша 2020 уақыты аралығында саяси партиялардың әлеуметтік желідегі жағдайы мынадай:
Facebook парақшалары:
<img src="https://texter.kz/uploads/media/topic/2020/11/02/11/dbcd53e1c7019e86fa44.png" alt="" />
Facebook-та оқырман әлбетте Nur Otan партиясында көп. Пост жиілігіне қарасақ, Ауыл партиясы белсенділік танытып жатыр. Ақжол партиясында пост саны аз, бірақ орташа реакция бойынша 2-орында. Ал Қазақстан коммунистері жазылған оқырман саны аз болғанымен, орташа реакция бойынша басқалардан алда тұр. ЖСДП-да оқырман саны басқаларға қарағанда бар болғанымен, қарау ауқымы төмен. Бірлік партиясында жеке сайты да, әлеуметтік желіде ешқандай парақшасы да жоқ.
Жалпы Facebook әлеуметтік желіден гөрі саяси-қоғамдық пікірталас алаңына айналды. Саяси партиялар бұл платформаны дұрыс қолданулары керек еді. Алайда цифрларға қарасақ, жұмыстары өте сылбыр екені байқалады. Nur Otan партиясы жазылған адам саны басқаларға қарағанда анағұрлым көп болғанымен, әр посттың реакциясы бойынша тек 3-орында. Ауыл партиясында жаңалық көп, бірақ реакция жоқ еді, тек соңғы уақытта ғана таргетинг қоса бастаған сияқты, өйткені соңғы аптадағы жазбаларының статистикасы жақсы. ЖСДП оппозициялық бағыттағы қолданушыларға ақпаратын жеткізе алмай отырғандай. Бұл желіде олар соңғы орында. ҚКХП мен Ақжол алғашқы орындарда көрінгенімен, жалпы статистика саяси партияға жараспайды әрине. Бұл Мәжіліс сайлауы! Қыз сыны, Жігіт сұлтаны немесе Жайдарман фестивалі емес. Белсендірек, қыздар, белсендірек. Уақыт аз қалды.
Instagram
<img src="https://texter.kz/uploads/media/topic/2020/11/02/11/34e49bd9b43f4f3928e3.png" alt="" />
Instagram-да оқырман саны әжептәуір бар. ЖСДП бұл жерде де пассив болса, Ауыл күніне кем дегенде 2 постпен тым белсенді. Бірақ бұл жерде де коммунистердің жанкештілігін айта кету керек. Адам саны аз болғанымен, Ақжолға қарағанда 20 есе аз оқырманы болса да, орташа реакция бойынша 2-орында. 218 мыңдық армиясы бар Nur Otan әр постқа орташа есеппен 438 лайк жинайды. Instagram-ның ерекшеліктерін ескеру керек партияларға. Бұл жерде көбіне жас аудитория және еркектерге қарағанда әйелдер көбірек отыратын ескеріп, соған лайық контент жасаған дұрыс дер едім. Әсіресе әйелдерге әлеуметтік инженерия, манипуляция жасау оңайырақ. Сайлауға қатыссам, Instagram-ды, сондағы инфлюенсерді жақсы пайдаланар едім. Жалпы қарағанда партиялардың бұл жерде де тіршілігі байқалады. Бірақ аз, Бәке, аз.
Youtube
<img src="https://texter.kz/uploads/media/topic/2020/11/02/11/6be4b6b862b949458599.png" alt="" />
Видеолар бойынша таза аутсайдер Бірліктің қасына ауыл партиясын қосып қояйық. Ресми сайттарында көрсетілген Youtube каналында тек 10 адам жазылған және біраз уақыттан бері пассив. Бұрын қолданылған тағы бір каналы табылды, бірақ ол да қазір қолданыста емес екен. Жазылғандар саны бойынша Nur Otan әрине бұл жерде де лидер. ЖСДП статистикасы басқалармен салыстырғанда жақсы, бірақ қанша адам жазылғаны белгісіз, бұл жерін жауып қойыпты өздерінше. Жарайд, Асеке, 1 млн болмаса да, 500 мың бар шығар, ә? Орташа қаралымдар 29, 49, 164, 409 болған кезде не айтуға болады? Максимум қаралым ЖСДП-да — 1482. Youtube-да жақсы аудитория бар. Мұны тиімді пайдалану керек. Бірақ 2 айда не істей аласыздар? Иә, дұрыс айтасыздар — дым. Бұрын жасалмаған нәрсе қысқа уақытта қалай пайда бола қойсын? Youtube серверілерін босқа мазалап, қоқыс контент салып жатқандарыңызға мына жақта мен ұялып кеттім.
Twitter
<img src="https://texter.kz/uploads/media/topic/2020/11/02/11/767d14558af76ef97b2a.png" alt="" />
Twitter-дегі белсенділік бойынша ҚКХП, Ауыл, Ақжол және Бірлік партиялары бірдей ұпай жинап отыр. Нөл! 
ЖСДП 2-орынға жайғасыпты. 105 оқырманы бар социал-демократтар өткен айда 6 пост жазыпты. Демек Twitter-дің құпиясөзін ұмытпаған біреу бар, сол салып қойып отыр. Және 1 лайктары бар! Ал құрметті 1-орында кім деп ойлайсыз? Дұрыс, Nur Otan партиясы. Оларда 23694 оқырман бар, әр постқа 3 адам реакция көрсетеді. 
Twitter-де адам жоқ, бізге пайда жоқ деп ойлайтын шығар бәлкім? Ок, солай болсын десек, басқа желіде де нашар ғой стат. Ал Twitter саясаткерлерге, партияларға, брендтерге престиж, репутация үшін керек. Әлемде жұрт жаңалықтарын алдымен сонда шығарады. Сондықтан бұл маңызды, қыздар.
Жалпы қазіргі көрініс осындай. Әлі 2 ай уақыт бар десек, кей нәрселерді әлде де күшейтуге болады. Партиялар өздерінің қай желіде артықшылығы бар екенін, қарсылас партиялардың қай желіде кемшілігі бар екенін саралап отырса, нәтижеге жетулеріне болады. Көшедегі билбордтардан, қағаз брошюралардан әлеуметтік желідегі бір таргетинг жарнамасы мың есе артық эффект береді. Сондықтан қаржыны оффлайннан гөрі онлайнға қарай бұру керек. Кейде сәтті бір видеоның өзі мәселені шешіп кетуі мүмкін. Аз уақыт ішінде партиялардан креатив контент, сәтті қадам, сапалы пиар күтеміз бе? Бұл тұрғыда пессимистпін. Бұрыннан жоқ нәрсе, қысқа уақытта болады деп ойламаймын. Алдағы уақытта да желідегі белсенділікті бақылайтын боламын. Сәттілік, қыздар!

Қазақстан және Қызылорда облысының жаңалықтары

Агенттік өкілдері білім беру ұйымдарының басшыларымен кездесті

Қызылордалық зілтеміршілер онлайн əлем кубогіне қатысады

Арал ауданында жаңа цехтың іргетасы қаланды

«Oqýshyny qolda» қайырымдылық акциясы аясында қызылордалық оқушыларға планшет берілді

Токиода олимпиада және паралимпиада алауының 8 айлық туры басталды

Қызылордада тұрғындар карантин талаптарын сақтамай отыр

Екінші тоқсанда кімдер мектепке барады?

Алдағы үш күнгеарналған ауа райы болжамы

“Әліппеде” кириллица қарпі қолданылады

Қызылордада адам қағып, оқиға орнынан қашып кеткен жүргізуші ұсталды

Әскери-техникалық мектептің түлектері тәжірибеден өтті

Саяси партиялар әлеуметтік желідегі үгіт-насихатқа қаншалықты дайын?

Қазақстан және Қызылорда облысының жаңалықтары

Агенттік өкілдері білім беру ұйымдарының басшыларымен кездесті

Қызылордалық зілтеміршілер онлайн əлем кубогіне қатысады

Арал ауданында жаңа цехтың іргетасы қаланды

«Oqýshyny qolda» қайырымдылық акциясы аясында қызылордалық оқушыларға планшет берілді

Токиода олимпиада және паралимпиада алауының 8 айлық туры басталды

Қызылордада тұрғындар карантин талаптарын сақтамай отыр

Екінші тоқсанда кімдер мектепке барады?

Алдағы үш күнгеарналған ауа райы болжамы

&#8220;Әліппеде&#8221; кириллица қарпі қолданылады

Қызылордада адам қағып, оқиға орнынан қашып кеткен жүргізуші ұсталды

Әскери-техникалық мектептің түлектері тәжірибеден өтті

Саяси партиялар әлеуметтік желідегі үгіт-насихатқа қаншалықты дайын?

“Әліппеде” кириллица қарпі қолданылады