<a href="https://kyzylorda-news.kz/">Kyzylorda-news.kz.</a> Қызылорда облысының Полиция департаменті қызметкерлерімен жүргізілген жедел іс-шаралар барысында жыл басынан экстремистік бағытта 6 қылмыстық құқық бұзушылық анықталды. 
Сонымен қатар, деструктивті діни ағым ұстанушыларына қатысты 2 қылмыстық дерек тіркелді. 
<blockquote>
 “Экстремизмге қарсы іс-қимыл басқармасы қызметкерлерімен жүргізілген жедел іздестіру іс-шаралары барысында деструктивті діни ағым ұстанушысының қаруды сақтау ережелерін бұзғаны анықталған. Оған тиісті шара көріліп, қаруы тәркіленді. 
Есепті мерзімде деструктивті діни ағым ұстанушылармен жасалған 59 әкімшілік құқық бұзушылықтар анықталды”, делінген полиция департментінің хабарламасында.
</blockquote>

Қызылордада деструктивті діни ағым өкілдері әкімшілік жауапкершілікке тартылды

<a href="https://kyzylorda-news.kz/">Kyzylorda-news.kz.</a> Халықаралық қоғамдастықтың күш-жігерін терроризмге, адамзатты жеккөрушілік идеологиясы мен әрекетіне қарсы тиімді біріктіру керек. Бұл туралы&nbsp;<a href="https://twitter.com/tokayevkz/status/1323562477263663104?s=28">Twitter-де</a>&nbsp;ҚР Президенті Қасым-Жомарт Тоқаев жазды.
<blockquote>
 «Венадағы жантүршігерлік терактіні ешқандай ақтап алуға болмайды. Австрия Үкіметі мен халқының қайғысына ортақпын. Халықаралық қоғамдастықтың күш-жігерін терроризмге, адамзатты жеккөрушілік идеологиясы мен әрекетіне қарсы тиімді біріктіру керек», – деді Мемлекет басшысы.
</blockquote>

Қасым-Жомарт Тоқаев халықаралық қоғамдастықты терроризммен күресте күш біріктіруге шақырды

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасы “Борат-2” фильмін қолдау мақсатында өткен флешмоб қатысушыларының мемлекеттік туды қорлауына байланысты мәлімдеме жасады.
Еске салсақ, жуырда Австралия жағажайында “Борат-2” фильмін қолдау мақсатында ұйымдастырылған флешмоб қазақстандықтардың ашуына тиді.&nbsp;Видеодан&nbsp;жағажайда жалаңаш билеген бірнеше шетелдіктің Қазақстанның мемлекеттік туын мазақ еткенін көруге болады.
<blockquote>
 “Қазақстан мұсылмандары діни басқармасы жағажайда жалаңаш күйде туымызға құрметсіздік жасаған шетел азаматтарының өрескел әрекетін қатаң айыптайды”, – делінген&nbsp;<a href="https://www.muftyat.kz/kk/news/resmi-kuzhattar/2020-11-02/33737-memlekettik-tudy-korgau-turaly-kmdb-mlimdemesi/">мәлімдемеде.</a>&nbsp;
</blockquote>
Мүфтият Исламда мемлекеттік маңызы бар рәміздерге мән берілгенін атап өтті.
<blockquote>
 “Хадис ғалымдары өз кітаптарында ту мен жалаудың қадірі мен құрметі жайлы арнайы тарау арнаған. Ардақты Пайғамбарымыз Мұхаммед (оған Алланың салауаты мен сәлемі болсын) туды және ту ұстаған сахабалардың ерлігін ерекше атап өткен және оны құрмет тұтудың маңызы жайында тағылымды өсиетін қалдырған”, – деді ҚМДБ-дан.
</blockquote>
Отан деген сөз кез келген азамат үшін қымбат ұғым болса, әр адамның өзге елден ерекшелеп тұратын Әнұраны, Елтаңбасы мен Туы да – құрметке лайық құндылықтар. Туымыз көтеріліп, әнұранымыз шырқалғанда орнымыздан тұрып, құрмет көрсетуіміз – шариғатта құпталған іс, деп түсіндірді діни басқарма.&nbsp;
<blockquote>
 “Туға, әнұранға, елтаңбаға құрмет көрсету – өз еліміз бен жерімізге, рәміздерге құрмет көрсету. Алла Тағала көк туымыздың әрдайым көкте желбіреп тұруын, мемлекеттік рәміздеріміздің абыройын асқақтатып, халқымыздың бірлік пен берекеде өмір сүруін нәсіп еткей”, – деп түйіндеді ҚМДБ.
</blockquote>

&#8220;Борат&#8221; төңірегіндегі дау: ҚМДБ туды қорлағандарға қатысты мәлімдеме жасады

<a href="https://kyzylorda-news.kz/">Kyzylorda-news.kz.</a> «Nur Otan» партиясы өңірлік филиалдарында өтетін конференциялардың кестесін жариялады. Оның барысында барлық деңгейдегі мәслихаттарға партиялық тізімдер және әр өңірден Мәжіліске партиялық тізімге кандидаттар анықталады.
Сонымен, конференция 10 қарашада – Шымкент қаласында, 11 қарашада – Алматы қаласында, 12 қарашада – Нұр-сұлтан қаласында өтеді. Алматы, Қарағанды және Қызылорда облыстарында – 16 қарашада, ал Ақмола, Шығыс Қазақстан, Жамбыл, Батыс Қазақстан, Түркістан, Атырау, Қостанай, Маңғыстау, Павлодар және Солтүстік Қазақстан облыстарында – 17 қарашада өтпек.
Партияның баспасөз қызметі хабарлағандай, пандемия жағдайына байланысты партиялық конференциялар барлық санитарлық-эпидемиологиялық талаптарды сақтай отырып ұйымдастырылады. Бұл ретте партияның ресми аккаунттарында барлық өңірлік конференциялардың онлайн-көрсетілімі қамтамасыз етіледі.
Конференцияларда шешім қатысушы делегаттардың көпшілік дауысымен қабылданады. Дауыс беру «Праймериз» ақпараттық жүйесінде өтетін пікірсайыстардың қорытындылары бойынша дауыс беруді қоспағанда, делегаттың қол немесе мандатын көтеруі арқылы өткізіледі.
Конференция барысында қатысушылар арасында пікірсайыс ұйымдастырылады. Бірінші раундта үміткерлер аудан немесе қаланың мәселелерін шешуге қатысты өздерінің көзқарастарын ұсынуы керек. Екінші раунд – «сұрақ-жауап» форматындағы пікірталас сессиясы.
Партияның Орталық аппараты бекіткен филиал конференцияларының әрбір кезеңін регламенттейтін нұсқаулыққа сәйкес, Мәжіліске үміткерлер, республикалық маңызы бар қалаларды қоспағанда, екі рет – аудандық, қалалық және облыстық конференцияларда пікірсайыс өткізеді.
Парламент төменгі палатасының қазір қызметтігі депутаттары бірден облыстық, сондай-ақ республикалық маңызы бар қалалардағы конференциялардың пікірсайыстарына қатыса алады.
Пікірсайыс қорытындысы бойынша ең көп дауыс жинаған кандидат Мәжілістің партиялық тізіміне пікірсайысқа қатысушы ретінде облыстық конференцияға ұсынылады. Әрбір аудан, қала Мәжілістің партиялық тізіміне пікірсайысқа бір қатысушыны ұсынады. Облыс орталығы Мәжілістің партиялық тізіміндегі өңірдің өкілдік квотасына тең санда пікірсайысқа қатысушыларды ұсынады.
Облыстық мәслихаттарға партиялық тізімдер тиісті конференцияларда, ал Мәжіліске қорытынды тізім «Nur Otan» съезінде бекітіледі.
Айта кетейік, өңірлік конференцияларда үміткерлер арасында пікірсайыстар праймериздің екінші кезеңі аясында өткізіледі.
Партияішілік іріктеудің бірінші кезеңіне 10 мыңға жуық кандидат қатысты. Олардың 37%-ті – әйелдер, 29%-ті – 35 жасқа дейінгі жастар. Бастауыш партия ұйымдарынан кандидаттардың 30%-і ұсынылса, ал 70%-і – өзін-өзі ұсынушылар. Кандидаттардың орташа жасы – 43 жас. Бұл ретте дауыс беруге 662 мыңнан аса партиялық қатысты.
Партияішілік праймериз – Елбасы, «Nur Otan» партиясының Лидері Нұрсұлтан Назарбаевтың бастамасымен қолға алынған партия жұмысын қайта жандандыру бағдарламасының қорытынды кезеңдерінің бірі.
Бұл туралы толығырақ ақпаратпен&nbsp;<a href="http://www.primaries.kz/">primaries.kz</a>&nbsp;сайтынан танысуға болады.

«Nur Otan» партиясының конференциясы Қызылордада 16 қарашада өтеді

<a href="https://kyzylorda-news.kz/">Kyzylorda-news.kz.</a> Коронавирус төмен температурада жойылмайды. Күн суық болғанда вирус қатып қалады, алайда жылы ортаға түскенде қайтадан күшейеді.
Сонымен қатар суық мезгілде COVID-19 инфекциясының таралуы күшеюі мүмкін. Себебі ол уақытта адамның иммунитеті төмендейді. Бұған күн суық кезде бөлменің аз желдетілетіні, адамдардың көшеге қарағанда жабық ғимарат ішінде көп жүретіні де әсер етеді. Бұл пікірді сарапшыларға сілтеме жасап РИА Новости хабарлады.
“Температура неғұрлым төмен болса, вирус сыртқы ортада соғұрлым ұзақ сақталады. Қатып қалған кезде вирус белсенді болмайды, бірақ жылы болған кезде қайта жанданады. Барлық инфекция осылай әрекет етеді”, – деді инфекционист, вакцинолог Евгений Тимаков. 
Бұл пікірмен вирусолог, медицина ғылымдарының докторы Анатолий Альтштейн де келіседі. Ол да вирустардың ешқашан суықтан өлмейтінін, минус 196 градуста да, минус 20 градуста да жақсы сақталатынын айтты.
Альтштейн күннің суытуы адамдардың иммунитетін төмендетуі мүмкін екенін, ол аурудың таралуына да әсер ететінін айтты.
<blockquote>
 “Суық ауа коронавирустың таралуына әсер етеді, өйткені салқын болған сайын адамдар терезені жауып, аз желдетеді. Көшеге қарағанда үй-жай ішінде көбірек уақыт өткізеді. Соған байланысты вирус адамдармен тығыз қарым-қатынас кезінде желдетілмеген жерде таралады”, – деп атап өтті Тимаков.
</blockquote>
<a href="https://m.sputnik.kz/society/20201103/15374116/mamandar-kun-koronavirus.html">Sputnik</a>

Мамандар күннің суытуы коронавирусқа қалай әсер ететінін айтты

Kyzylorda-news.kz. Қызылорда облысы бойынша COVID-19 коронавирус инфекциясын ПТР әдісімен анықтау 4 зертханада жүзеге асырылады. Олар «Ұлттық сараптама орталығының» Қызылорда облыстық филиалы, облыстық фтизиопульмонология орталығының бактериологиялық зертханасы және мемлекеттік тапсырыс бойынша келісім шарт арқылы «Олимп» пен «Инвиво» жеке клиникаларында жүргізіледі.
Бұдан бөлек, коронавирус инфекциясы бойынша эпидемиологиялық ахуал күрделенген жағдайда облыстық ЖИТС және «М.Айқымбаев атындағы аса қауіпті инфекциялар Ұлттық ғылыми орталығы» Қызылорда обаға қарсы күрес станциясының ПТР зертханалары жұмысқа қосылуға дайын.
Бүгінгі күні облыс бойынша барлық зертханалардың бір күндік жалпы қуаттылығы 1820 анализді зерттеуге қауқарлы. Ағымдағы кезеңде COVID-19 анықтауға күніне 500-800-ге дейін ақылы және мемлекеттік тапсырыс бойынша сынамалар жүргізілуде.
Жыл басынан бері облыс бойынша COVID-19 анықтауға барлығы 123 027 сынама (ақылы және мемлекеттік тапсырысқа сәйкес) жүргізілді, оның 3262 коронавирустық инфекцияға оң нәтиже анықталды.

Қызылордада эпидахуал күрделенсе зертханалар дайын ба?

<a href="https://kyzylorda-news.kz/">Kyzylorda-news.kz.</a> Статистика саласының қызметкерлері пайдаланушыларға ыңғайлы болу үшін Stat.kz мобильді қосымшасын іске қосты. Мәселен жыл басынан бері 150 000 статистика есептеліп, оның 85 пайызы онлайн режимде қабылданды.
<blockquote>
 “Ресми статистикалық ақпаратқа пайдаланушылардың қолжетімділігі артуда. Статистикалық ақпаратты жинаудың сапасын жақсарту мақсатында пікіртерім жүргізудің компьютерлендірілген жүйесі мен телефон арқылы сұрау әдісі әзірленді. Сондай-ақ, тез талдауға мүмкіндік беретін “Талдау” Ақпараттық-сараптамалық жүйесі құрылды”,-деді облыс бойынша статистика департаментінің басшысы Мариям Баекеева.
</blockquote>
<img src="https://kyzylorda-news.kz/wp-content/uploads/2020/11/fb_img_1604382623770.jpg" alt="" />
Өңірде жыл сайын 150-ге жуық статистикалық бақылау жүргізіледі. Атап айтқанда: «Мүгедектігі бар тұлғалардың өмір сапасы», «Халықтың құқық қорғау органдарына сенімділік деңгейі», «Тұрмыстық зорлық-зомбылық», «Ұрпақ және Гендер», әлеуметтік және демография мәселе бойынша зерттеулер.

Stat.kz мобильді қосымшасы іске қосылды

<a href="https://kyzylorda-news.kz/">Kyzylorda-news.kz</a>. Футболдан Қазақстан ұлттық құрамасының бас бапкері Михал Билек қараша айындағы матчтарға шақырылған ойыншылар тізімін жария етті, деп хабарлайды <a href="https://www.inform.kz/kz/futboldan-kazakstan-ulttyk-kuramasyna-shakyrylgan-oyynshylar-belgili-boldy_a3713995">ҚазАқпарат</a>.
Қазақстан футбол федерациясы мәлім еткеніндей, оқу-жаттығу жиыны 9 қарашада басталады.
Негізгі құрам:
Қақпашылар: Стас Покатилов («Қайрат»), Дмитрий Непогодов («Астана»), Мұхаммеджан Сейсен («Тараз»);
Қорғаушылар: Ғафуржан Сүйімбаев, Нұралы Әліп (екеуі де – «Қайрат»), Абзал Бейсебеков, Юрий Логвиненко («Астана»), Марат Быстров («Ахмат», Ресей), Ян Вороговский («Беерсхот», Бельгия), Сергей Малый, Темірлан Ерланов (екеуі де – «Тобыл»), Александр Марочкин («Қайсар»), Олжас Керімжанов («Жетісу»), Тимур Досмағамбетов («Ордабасы»);
Жартылай қорғаушылар: Бауыржан Исламхан («Аль-Айн», БАӘ), Бактиер Зайнутдинов (ЦСКА, Ресей), Исламбек Қуат («Химки», Ресей), Айбол Әбікен («Қайрат»), Асхат Тағыберген, Думан Нәрзілдаев (екеуі де – «Қайсар»), Владислав Васильев («Рух», Беларусь), Серікжан Мужиков («Тобыл»);
Шабуылшылар: Абат Айымбетов («Қайрат»), Алексей Щёткин («Астана»), Максим Федин («Қайсар»), Сергей Хижниченко («Ордабасы»).
Қосалқы құрам:
Қақпашылар: Владимир Плотников («Ордабасы»), Игорь Шацкий («Тобыл»), Данил Устименко («Қайрат»);
Қорғаушылар: Дмитрий Шомко («Астана»), Александр Соколенко («Қызыл-Жар»), Виктор Дмитренко («Ордабасы»);
Жартылай қорғаушылар: Юрий Перцух («Астана»), Аслан Дарабаев («Жетісу»), Азат Нұрғалиев («Тобыл»), Еркебұлан Тұңғышбаев («Қайрат»);
Шабуылшылар: Айбар Жақсылықов («Жетісу»), Тоқтар Жаңғылышбай («Ордабасы»), Бауыржан Тұрысбек («Тараз»), Роман Муртазаев, Оралхан Өміртаев (екеуі де – «Тобыл»), Артур Шушеначев («Қайрат»).
М.Билек біраз үзілістен кейін «астаналық» Юрий Логвиненко мен «Тобылдың» жартылай қорғаушысы Серікжан Мужиковты негізгі құрамға қайта шақырып отыр.
Қазақстан құрамасы әуелі 11 қарашада сырт алаңда Черногориямен жолдастық кездесу өткізеді. Содан кейін Ұлттар лигасы аясында 15 қарашада сырт алаңда Албаниямен, 18-інде Алматыда Литвамен шеберлік байқасады.

&#8220;Қайсардың&#8221; 4 ойыншысы Қазақстан ұлттық құрамасына шақырылды

<a href="https://kyzylorda-news.kz/">Kyzylorda-news.kz</a>. «Алтын Қамба» Агроөнеркәсіптік комбинаты» ЖШС өңірлік азық-түлік тауарларының тұрақтандыру қорының операторы болып табылады.
<blockquote>
 “Қазіргі таңда, тұрақтандыру қорында жалпы құны 446,5 млн. теңгенің 3248 тонна өнімі бар. Оның ішінде: 1259,6 тонна ұн, 382,1 күріш, 112,5 тонна макарон, 682,5 тонна картоп, 9,3 тонна өсімдік майы, 23,6 тонна сиыр еті, 45,7 тонна тауық еті, 31,2 тонна сүт, 11,9 тонна 2,5 пайыздық айран, 307 мың дана жұмыртқа, 6,4 тонна ас тұзы, 494,7 тонна басты пияз және 200 тонна сәбіз өнімдері”, делінген «Байқоңыр» ӘКК» хабарламасында.
</blockquote>
Тұрақтандыру қорының өнімдері, «Байқоңыр» ӘКК» АҚ-ның еншілес кәсіпорыны «Алтын Қамба» АӨК» ЖШС-нің қоймаларында сақталып, арнайы көліктермен әлеуметтік дүкендерге тасымалданады. Аталған өнімдер Қызылорда қаласында орналасқан 29 әлеуметтік дүкенге белгіленген бағада сатылады. Оның ішінде қалаға алыс орналасқан, халық көп шоғырланған елді-мекендерге де Байтеректе «Баламекен», Наурыз, Белкөл, Ақжарма (МИС), Қараөзек, Комсомол, Эдельвейс саяжайында жұмыс жасайды.
<blockquote>
 “Әлеуметтік дүкендерде тұрақтандыру қорының өнімдері төмендегі шектелген бағада сатылуда: 
 Картоп- 100 теңге, сәбіз-100 теңге, басты пияз- 70 теңге, қырыққабат -60 теңге, бірінші сортты ұн-127 теңге, макарон 200 теңге, қарақұмық жармасы – 294 теңге, күріш-210 теңге, сүт – 280 теңге, өсімдік майы-400 теңге, ас тұзы- 40 теңге, сиыр еті- 1600 теңге, тауық еті 790 теңге, С1 категриялы тауық жұмыртқасы -28 теңгеден сатылуда. Бұл көрсеткіш нарықтан 20 пайызға дейінгі төмен бағаны көрсетіп отыр”, делінген хабарламада.
</blockquote>
Әлеуметтік дүкендер негізінен тауарөндірушілерге және жеке кәсіпкерлерге Серіктестік арасында жасалған жалға беру шартымен беріледі. Келісім-шартта тұрақтандыру қорындағы өнімдер белгіленген бағада және әлеуметтік маңызы бар азық-түлік өнімдері нарықтан 10-15 пайыз төмен бағада сатылуы жөнінде міндеттеме қойылған. Әлеуметтік маңызы бар тауарларға енгізілмеген басқа да өнімдер, мәселен, жеміс-жидектер, көкөніс түрлеріне (қияр, қызанақ және т.б.) бағаны нарық реттейді. Олардың бағасына шектеу қою құзыреті болмайды.
Айта кетейік, әлеуметтік дүкендердің санитарлық талаптары сақталған. Арнайы антисептик құралдар мен сатушылары маска мен қауіпсіздік шаралары ұйымдастырылған. 
Жалпы тұрақтандыру қорының өнімдерін тұрғындарға тиімді бағада ұсынылып, нарықтағы өнімдердің бағасын тұрақтандыру бағытындағы атқарып жатқан шаралар өзінің оң әсерін беруде.

Қызылорда: Тұрақтандыру қорында 3248 тонна өнім бар

<a href="https://kyzylorda-news.kz/">Kyzylorda-news.kz</a>. Қараша – қыс алдындағы маусымның алғашқы айы. Қазаннан қарашаға дейін ауа температурасының айтарлықтай төмендеуі байқалады. Ұзақ мерзімді мәліметтерге сүйенсек, республика аумағының басым бөлігінде ол 7-10 ° С-қа, ал солтүстік-шығыста 12-14 ° С-қа төмендейді. Ауаның орташа айлық температурасы оңтүстікте ғана оң болып қалады + 1 + 6 ° С, ал қалған аумақта ол қазірдің өзінде суық: солтүстік облыстарда -6-9 ° С,&nbsp;шығыста -11-14 ° С, қалған аумақта 0, -5 ° С, – деп хабарлады «Қазгидромет» РМК.
Жауын-шашынның айлық мөлшері республиканың солтүстігінде, сондай-ақ шығыс пен оңтүстік-шығыстағы таулы және тау бөктеріндегі аймақтарда азаяды, ал керісінше, қалған аумақта көбейеді.
Бір ай ішінде жауын-шашын (негізінен қар), бұрқасынмен жел, көктайғақ, тұман күтіледі.
Қарашаның басында Қазақстан Республикасының солтүстігінде және орталығында, одан кейін шығыста жауын-шашын (жаңбыр, қар) және ауа температурасы түнде -3-11 ° C дейін олады, күндіз -5 + 3 ° C дейін төмендейді. Содан кейін, бірінші онкүндіктің екінші жартысында ауа температурасы түнде -6 + 2 ° С, күндіз + 3 + 8 ° С дейін, онкүндіктің соңында ауа температурасы түнде -5-13 ° С, күндіз 0, -8 дейін төмендейді деп күтілуде.&nbsp;
Еліміздің батысы мен оңтүстік-батысында жаңбыр жауып, ауа температурасы күндіз + 13 + 22 ° С дейін жоғарылауы күтіледі. Жауын-шашын (жаңбыр, қар) болады және ауа температурасының төмендеуі бірінші онкүндіктің соңында түнде -5-10 ° С, оңтүстік-батыста -3 ° С, күндіз -3 + 5 ° С-қа&nbsp;дейін күтіледі.
Республиканың оңтүстігі мен оңтүстік-шығысында бірінші және екінші онкүндіктің&nbsp;соңында жауын-шашын болады деп күтілуде. Бірінші онкүндіктің бірінші жартысында ауа күндіз + 10 + 18 ° С-қа дейін жылиды, онкүндіктің ортасында және соңында ауа температурасы түнде -5 + 3, оңтүстік-шығыста -10 ° С, күндіз + 3 + 10 ° С-қа дейін төмендейді деп күтілуде.&nbsp;Алматы облысының таулы аймақтарында 0 ° С-қа&nbsp;дейін болмақ.
Екінші және үшінші онкүндіктің соңында республиканың солтүстік жартысында ең суық күндер болады деп болжануда, термометрлер түнде -10-20 ° С-қа дейін, алыс солтүстікте -22-27 ° С дейін, күндіз -5-18 ° С дейін төмендейді. Еліміздің оңтүстік жартысында үшінші онкүндікте айтарлықтай төмендеу күтіледі – түнде ауа температурасы -5-12 ° С дейін, күндіз -1 + 5 ° С дейін төмендейді. Бірінші онкүндіктің ортасында ең жылы күндер күтілуде, ауа температурасы + 5 + 12 ° С, ал елдің оңтүстігінде бірінші онкүндіктің соңында + 12 + 20 ° С жетеді.
Осылайша, Қазақстанның басым бөлігінде ауа температурасы нормадан жоғары болады деп күтілуде, республиканың солтүстік-батыс жартысында – нормадан 1 ° С жоғары, оңтүстікте, оңтүстік-шығыста және шығыстағы таулы және тау бөктерінде – 1 ° С төмен.
Қарашада шөгінді болады деп күтілуде, тек республиканың оңтүстік-батыс жартысында жауын-шашын мөлшері нормадан аз болады деп болжануда.
Ұзақ мерзімді мәліметтер бойынша,&nbsp;солтүстік және шығыс облыстарда – бірінші онкүндіктің аяғында және қарашаның ортасына, Қазақстанның орталық бөлігінде – қарашаның екінші жартысында, елдің батысы мен оңтүстік-шығысында – қарашаның аяғында және желтоқсанның бірінші жартысында, республиканың оңтүстігі мен оңтүстік-батысында тіпті кешірек – желтоқсанның үшінші онкүндігінде қар басады.

Қазақстанда қараша айында ауа райы қандай болады?

<a href="https://kyzylorda-news.kz/date/2020/11/03/">Kyzylorda-news.kz</a>. Қазақстанда 57 елдің азаматтары үшін визасыз режимді тоқтата тұру мерзімі ұзартылды, деп хабарлайды <a href="https://lenta.inform.kz/kz/kazakstanga-vizasyz-kelu-rezhimi-2021-zhylga-sheyin-toktatyldy_a3713918">ҚазАқпарат</a>.
ҚР аумағында коронавирус инфекциясының таралуына жол бермеу жөніндегі ведомствоаралық комиссия визасыз режим бойынша шешім қабылдады:
57 елдің азаматтары үшін визасыз режимді тоқтата тұруды 2021 жылғы 1 мамырға дейін ұзарту:
ҚХР мен Үндістаннан келетін транзиттік жолаушылардың ҚР аумағында 72 сағат визасыз болуын тоқтата тұруды 2021 жылғы 1 қаңтарға дейін ұзарту.

Қазақстанға визасыз келу режимі 2021 жылға дейін тоқтатылды

<a href="https://kyzylorda-news.kz/">Kyzylorda-news.kz.</a> Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Парасаттылық департаментінің басшысы Ғанижан Асанұлы, Агенттік жанынан құрылған Республикалық ақпараттық-ағартушылық штабының жетекшісі Ырза Тұрсынзада және облыс әкімінің орынбасары Ахмет Серік Әбжәліұлы облыс активімен кездесу өткізді.
Облыс әкімінің орынбасары Серік Әбжәліұлы өңірімізде сыбайлас жемқорлық профилактикасына күн санап баса көңіл бөлінуде екендігін атап өтіп, облысымыздағы сыбайлас жемқорлықтың алдын алу бағытында атқарылып жатқан жұмыстар жайлы баяндама жасады.
Кездесу барысында Ғанижан Асанұлы –бүгінгі таңда қоғамның сыбайлас жемқорлықты барынша азайтуға деген талпынысы бұрынғыдан да зор екендігін атап өтіп, Қазақстанда сыбайлас жемқорлық сипатындағы құқықбұзушылықтардың төмендеуі бұл – экономикалық өсу мен азаматтардың әл-ауқатын арттырудың негізгі шарты болып табылатынын атап өтті. Бүгінгі күні сыбайлас жемқорлық көріністерінің ең алғашқы сатыларында сыбайлас жемқорлықтың алдын алуға бағытталған комплаенс қызметі қалыптасуда. Сондай-ақ облыс орталығында және облыстың барлық аудан орталықтарында мемлекеттік қызмет көрсетудің сервистік моделі енгізілгенін атап өткім келеді.
Сонымен бірге, Ырза Тұрсынзада – адалдық, адамгершілік, шыншылдық, тазалық принциптерін ұстануға шақырып, парасатты қоғам құруға бағытталған шаралардың тиімділігін арттыру үшін барлығымыз атсалысуымыз қажет екендігін хабарлады.
Мәжіліске жергілікті билік, құқық қорғау және орталық атқарушы орган басшылары, үкіметтік емес ұйымдар мен бұқаралық ақпарат құралдары өкілдері қатысты.

Қазақстан және Қызылорда облысының жаңалықтары

Қызылордада деструктивті діни ағым өкілдері әкімшілік жауапкершілікке тартылды

Қасым-Жомарт Тоқаев халықаралық қоғамдастықты терроризммен күресте күш біріктіруге шақырды

“Борат” төңірегіндегі дау: ҚМДБ туды қорлағандарға қатысты мәлімдеме жасады

«Nur Otan» партиясының конференциясы Қызылордада 16 қарашада өтеді

Мамандар күннің суытуы коронавирусқа қалай әсер ететінін айтты

Қызылордада эпидахуал күрделенсе зертханалар дайын ба?

Stat.kz мобильді қосымшасы іске қосылды

“Қайсардың” 4 ойыншысы Қазақстан ұлттық құрамасына шақырылды

Қызылорда: Тұрақтандыру қорында 3248 тонна өнім бар

Қазақстанда қараша айында ауа райы қандай болады?

Қазақстанға визасыз келу режимі 2021 жылға дейін тоқтатылды

Жемқорлықпен күрес – маңызды басымдықтың бірі

Қазақстан және Қызылорда облысының жаңалықтары

Қызылордада деструктивті діни ағым өкілдері әкімшілік жауапкершілікке тартылды

Қасым-Жомарт Тоқаев халықаралық қоғамдастықты терроризммен күресте күш біріктіруге шақырды

&#8220;Борат&#8221; төңірегіндегі дау: ҚМДБ туды қорлағандарға қатысты мәлімдеме жасады

«Nur Otan» партиясының конференциясы Қызылордада 16 қарашада өтеді

Мамандар күннің суытуы коронавирусқа қалай әсер ететінін айтты

Қызылордада эпидахуал күрделенсе зертханалар дайын ба?

Stat.kz мобильді қосымшасы іске қосылды

&#8220;Қайсардың&#8221; 4 ойыншысы Қазақстан ұлттық құрамасына шақырылды

Қызылорда: Тұрақтандыру қорында 3248 тонна өнім бар

Қазақстанда қараша айында ауа райы қандай болады?

Қазақстанға визасыз келу режимі 2021 жылға дейін тоқтатылды

Жемқорлықпен күрес – маңызды басымдықтың бірі

“Борат” төңірегіндегі дау: ҚМДБ туды қорлағандарға қатысты мәлімдеме жасады

“Қайсардың” 4 ойыншысы Қазақстан ұлттық құрамасына шақырылды