<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 11 сәуірде&nbsp;Сауд Арабиясының Жоғарғы Соты бұл күні ешкім жаңа айдың туғанын көре алмағандықтан&nbsp;Парсы шығанағы елдерінде қасиетті Рамазан айы дүйсенбіде басталмайтынын мәлімдеді,&nbsp;деп хабарлайды&nbsp;<a href="https://stan.kz/">Stan.kz</a>.
<blockquote>
 “Жаңа жарты айдың пайда болуын байқай алмауына байланысты сот Рамазан айының басталуы туралы шешім қабылдау үшін ертең кешке жиналады”, – делінген сот хабарламасында.
</blockquote>
Сауд Арабиясының бұл мәселедегі пікірін көптеген басқа араб елдері ұстанады, дегенмен олардың әрқайсысы өз астрономдары мен теологтарының куәліктеріне сүйенеді.
<blockquote>
 “Шаабан айының 29-шы&nbsp; күні жаңа айдың аспанда пайда болуын бақылау жөніндегі комитеттің оның тууына куә болу туралы үндеуіне ешкім жауап бермеді, сондықтан комитеттің жұмысы дүйсенбіде жалғасады және ертең өз пікірін айтады”, – деді&nbsp;Катардың&nbsp;вакуфтар және ислам істері министрлігі.
</blockquote>
Сонымен қатар дүйсенбіде Египет, Ирак, Тунис, Ливан, Кувейт, Йемен, Оман, Біріккен Араб Әмірліктерінде де ораза айы басталмайды.
Егер бұл елдерде айдың пайда болуы дүйсенбіде көрінбесе, Рамазан көптеген араб елдерінде сейсенбіде Шаабанның айы аяқталғаннан кейін басталуы мүмкін. Дегенмен кейбір елдерде, соның ішінде Сауд Арабиясында, Шаабан айының басталған күніне күмән бар, ол кезде жаңа ай шаңды ауа-райына байланысты көрінбеген, сондықтан Рамазан сәрсенбіде де келуі мүмкін.
Биыл Парсы шығанағы елдерінде, былтырғыдай, Рамазан коронавирус пандемиясы&nbsp;жағдайында қатаң шектеулер жағдайында өтеді. Кувейтте, Оманда кештен бастап келесі күннің таңына дейін коменданттық сағат енгізілді, Катарда Рамазан айының алдында дүкендер мен дәріханалардан басқа барлық мекемелер жабылды, саябақтарда, жағалауларда және жағажайларда спортпен шұғылдануға тыйым салынады.
Сондай-ақ Рамазан айында дәстүрлі тарауық намазын мешіттерде емес, үйде оқиды.&nbsp;Парсы шығанағының барлық елдерінде дәстүрлі Рамазан шатырлары алынып тасталды,&nbsp;ифтар мен сухурға баруға тыйым салынады.

Бірнеше елде Рамазанның басталуы кейінге қалдырылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облысының әкімі Гүлшара Әбдіқалықова Сыр халқын бірнеше мерекемен құттықтады.
Қадірлі жерлестер!
Бүгін – бірнеше атаулы мерекенің басы тоғысқан күн.
Алдымен айтсақ, бүгін – бүкіл адамзат баласының сан мыңдаған жылдар жұлдыздар әлеміне қадам бассам деген арманы орындалған күн!
Осыдан алпыс жыл бұрын қазақ жерінде, қасиетті Сыр елінде орналасқан «Байқоңыр» ғарыш айлағынан 1961 жылдың 12 сәуірінде кеңес ғарышкері Юрий Гагарин «Восток-1» кораблімен алғаш рет жер орбитасын 108 минут айналып ұшты. Осы оқиғадан соң ғылыми-техникалық революцияға ерекше серпін беріліп, спутник арқылы экономиканың түрлі салаларында, метеорологияда бақылау, бағдарлау секілді заманауи игіліктерге жол ашыла бастады. Қазіргі таңда заманауи интернет, телефон желісі, цифрлық дәуірдің дамуына тұғыр болып саналуда.
Авиация және космонавтика күніне халықаралық мәртебе 1968 жылы Халықаралық авиация федерациясының конференциясында берілді. 2011 жылы БҰҰ Бас Ассамблеясының арнайы пленарлық отырысында ғарыш кеңістігін игеру ісіндегі алғашқы қадамға 50 жыл толуына орай арнайы қарар қабылданып, Адамның ғарышқа ұшуының халықаралық күні деген атау қосылды.
Біз адамзат баласы алғаш рет ғарыштық кеңістікке біздің жерімізден аттанды деп бір мақтансақ, осыдан отыз жыл бұрын алғашқы ғарышкер қазақ ұшты деп екі есе мақтанышпен айтамыз. Ұлт мақтаныштары Тоқтар Әубәкіров, Талғат Мусабаев, Айдын Айымбетовтер салған ғарыш жолын жалғастыратын қазақ баласы әлі талай шығады деп сенемін!
Сонымен бірге, 12 сәуір – Ғылым қызметкерлерінің күні.
Соңғы жылдары елімізде ғылым саласында айтарлықтай өзгерістер жасалуда. «Ғылым туралы» заң қабылданып, ғылымды басқарудың жаңа үлгісі мен қаржыландырудың жаңа тетіктері жұмыс істей бастады.
Әлемдік ақпараттық ресурстар мен ғылыми басылымдар қолжетімді болып, ғылыми-техникалық сараптаманың халықаралық жүйесі енгізілді, ғылым мен білімнің, өндірістің интеграциясы қарқынды дамып келеді.
Қазақстанның ғылыми әлеуеті қашанда жоғары екені белгілі. Ғылым саласында біртұтас мектептің негізін салып, ғылыми жетістіктерге қол жеткізген ғалымдарымыз көптеп саналады.
Өзгесін айтпағанда, Сыр еліндегі жергілікті жоғары оқу орындары – Қорқыт Ата атындағы Қызылорда, «Болашақ» университеттерінің, Ы.Жақаев атындағы қазақ күріш шаруашылығы ғылыми институтының ғалымдары Қызылорда облысын кешенді дамытуға елеулі үлес қосуда.
Қазақстан ғылымын дамытуға зор үлес қосып отырған ғалымдарымызды Ғылыми қызметкерлердің кәсіби мерекесі күнімен шын жүректен құттықтай отырып, еңбектеріне зор ғылыми табыс, шаңырақтарына шаттық, бақ-береке тілеймін!
Бұл күні Қазақстан геологтары ғылыми мектебінің негізін қалаушы, қазақстандық металлогения ғылымының негізін салушы, геология-минерология ғылымдарының докторы, профессор, Қазақстан Ғылым академиясын ұйымдастырушылардың бірі әрі президенті, КСРО және Қазақстан Ғылым академияларының академигі, Тәжікстан Ғылым академиясының құрметті мүшесі, қоғам қайраткері, КСРО Мемлекеттік және Лениндік сыйлықтарының лауреаты Қаныш Имантайұлы Сәтбаев дүниеге келген.
Сәтбаев – геологиядан басқа да ғылым салаларында, мәдениет пен тарихта із қалдырған ғалым. Қазақстанның қала, ауылдарында Сәтбаев есімімен аталатын жүздеген көше, 40-тан астам мектеп және ғалымның көптеген ескерткіштері бар. Оның есімі Қазақстан Ғылым академиясының Геология ғылымдары институтына, бір қала мен ғаламшарға, еліміздің ең ірі техникалық оқу орны Қазақ ұлттық техникалық университетіне берілген.
Сәтбаевтың құрметіне Жоңғар (Жетісу) Алатауы жотасындағы мұздық пен шың, Қаратаудағы ваннадий кен орнынан табылған «Сәтбаевит» минералы, «Академик Сәтбаев» гладиолиус гүлі аталған.

Гүлшара Әбдіқалықова қызылордалықтарды мерекемен құттықтады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстанда өткен тәулікте 2290 адамнан коронавирус індеті ПТР арқылы расталды, деп хабарлайды coronavirus2020.kz.
_Аймақтар бойынша: 
_Нұр-Сұлтан қаласы – 398 
Алматы қаласы – 610 
Шымкент қаласы – 53 
Ақмола облысы – 108 
Ақтөбе облысы – 105 
Алматы облысы – 283 
Атырау облысы – 110 
Шығыс Қазақстан облысы – 33 
Жамбыл облысы – 53 
Батыс Қазақстан облысы – 118 
Қарағанды облысы – 205 
Қостанай облысы – 31 
Қызылорда облысы – 35 
Маңғыстау облысы – 37 
Павлодар облысы – 48 
Солтүстік Қазақстан облысы – 36 
Түркістан облысы – 27 
Жалпы ел бойынша ауырғандар саны 271809.

COVID-19: Қызылордада бір тәулікте 35 адам жұқтырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қазгидромет 12 cәуірге арналған ауа райы болжамын ұсынады.
Республиканың басым бөлігіне жоғарғы қысым аумағы ықпал етуіне байланысты, жауын-шашынсыз ауа райы сақталады.
Тек республиканың оңтүстігінде, оңтүстік-шығысында фронталды бөлімдердің өтуіне байланысты кей жерлерде жауын-шашын күтіледі. Кей жерлерде тұман, желдің күшеюі, оңтүстік, оңтүстік-батыста найзағай, шаңды дауыл болады, оңтүстікте бұршақ күтіледі.
Қызылорда облысында таңертең және күндіз найзағай күтіледі, жел шаңды дауылмен 15-20 м/с күшейеді.

12 сәуірге арналған ауа райы болжамы

<h4 id="kyzylordanewskz30">Kyzylorda-news.kz. Бағдарлама бойынша тұрғын үйдің ең жоғарғы құны – 30 млн теңге.</h4>
Жаңа бағдарлама несиені 15% бастапқы жарнамен немесе депозитке салым салмай-ақ рәсімдеуге мүмкіндік береді. Бағдарлама бойынша несие&nbsp; мөлшерлемесі 12% және алдағы уақытта, яғни тұрғын үй заемына аусқан кезде несие мөлшерлемесі 3,5%-ға дейін төмендейтін болады. Бағдарлама бойынша тұрғын үйдің ең жоғарғы құны – 30 млн теңгеге дейін. Бағдарламаға қатысу үшін отбасының жалпы табысы 320 мың теңгеден аспауы тиіс. 
“Ұмай” әйелдер ипотекасы бойынша қаражатты тұрғын үйді алғашқы немесе қайталама нарықтан сатып алуға да, жылжымайтын мүлікті жөндеуге де пайдалануға болады. 
Жөндеу жұмыстарына 3 700 000 теңгеге дейін алуға болады. Шарт бойынша клиент жөндеу жүргізілетін тұрғын үйдің меншік иесі немесе бірнеше меншіктерінің бірі болуы тиіс. Несие рәсімдеушінің атында баспана бар-жоғы тексерілмейді. 
Егер клиенттің табысы жеткіліксіз болса онда кез келген 1 немесе 2 адамды қоса қарыз алушы ретінде шақыруына болады. Ал несиенің ең ұзақ мерзімі – 25 жыл.
Informburo

Отбасы банк &#8220;Ұмай&#8221; әйелдер ипотекасын 12 сәуірден бастап іске қосады

Kyzylorda-news.kz. Қызылорда облысында 23 наурыздан бері хабарсыз кеткен 54 жастағы азаматқа іздеу жарияланды. Бұл жөнінде Қызылорда облыстық Полиция департаменті криминалдық полиция басқармасынан мәлім етті.
1966 жылы дүниеге келген Бектұрғанов Тұяқбай Укатшаұлы биылғы жылдың 23 наурызында үйінен жұмыс іздеу мақсатында белгісіз бағытқа шығып кеткен. Содан бері хабарсыз кетіп, үйіне қайта оралмаған.
«Осыған байланысты Қызылорда облысының полиция департаменті іздеу салады.
Жоғалған азаматтың белгілері – бойы 1,60-1,65 см, арық денелі, шашы қысқа қоңыр түсті, көзі қоңыр түсті, іш тұсында отадан қалған тыртығы бар. Ол қара түсті бас киім, қанық көк түсті куртка, қоңыр түсті жағалы жемпір, қара түсті джинсы шалбар, аяғына қара түсті кроссовка киген. Қандай да бір ақпарат немесе жүрген жері туралы мәлімет білген жағдайда 8(7242)-29-70-10, 8(7242)-29-75-20, 8(7242)-29-75-02, 8-705-255-81-25 немесе 102 телефон нөмірлеріне хабар берулеріңізді сұраймыз», – деп мәлім етті Қызылорда облыстық полиция департаментінен.

Қызылордада 54 жастағы азаматқа іздеу жарияланды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Реттелген күн тәртібі баланың оқу үлгеріміне ғана емес, денсаулығына да оң әсер етеді. Сол себепті күн тәртібін жүйелеу, сақтау өте маңызды. Назарларыңызға&nbsp;мектепке баратын балаларға және барлық мектеп оқушыларына пайдалы бес кеңесті ұсынамыз.
Баланың өмірдің жаңа ырғағына үйренуіне, сабақ пен демалысты дұрыс үйлестіруіне бірнеше фактор әсер етеді. Олар: жүйеленген ұйқы, дұрыс тамақтану және уақытылы серуендеу. Ал сабақ үлгеріміне ерте басталған алдын ала дайындықтар көмектеспек.
<h4 id="">Оқушы қанша сағат ұйықтауы керек?</h4>
Оқушының жас ерекшелігіне қарай ұйқы нормасы әртүрлі болады. ҚР Денсаулық сақтау министрлігінің мәліметінше, оқушылар үшін түнгі ұйқының шамаланған нормасы төмендегідей болуы керек:
1-4-сыныпта
10-10,5 сағат
4-7-сыныпта
9,5-10 сағат
8-9-сыныпта
9-9,5 сағат
10-11-сыныпта
8-9-сағат
Бұған қоса, 1-сынып оқушылары күндіз 2 сағатқа дейін ұйықтап алғаны жөн. Емтихан, бақылау жұмысы немесе басқа да ақыл-ой еңбегін ерекше талап ететін кезеңде әдеттегі ұйқы уақытын (кемінде 1 сағатқа) ұзартқан пайдалы.
<blockquote>
 Сонымен қатар&nbsp;ата-аналар мынаны ескеруі тиіс:&nbsp;2-2,5 сағатқа ерте оянып, ұйқысы қанбайтын балалардың сабақтағы еңбек белсенділігі 30%-ға төмендейді. Сол себепті ұйқының қанық болуына ерекше көңіл бөлу керек.
</blockquote>
<h4 id="-1">Дұрыс тамақтану оқу үлгеріміне әсер етеді</h4>
Әр баланың ағзасы әртүрлі болса да, оның дұрыс өсуі мен дамуы үшін тамақтану рационына мыналар енгізілуі тиіс: сүт өнімдері, ет, балық, жұмыртқа, жарма және макарон өнімдері, көкөніс, жаңа піскен жеміс, табиғи шырын, жаңғақ, құрғақ жеміс, бал.
<blockquote>
 Тұрақты тамақтану баланың дамуына, эмоциялық және физикалық тұрғыдан мықты болуына тікелей әсер етеді. Әсіресе, емтихан кезінде оқушының тамақтану режиміне ерекше назар аударыңыз. Бұл кезеңде ас мәзіріндегі тамақ түрінің қайланбағаны дұрыс.
</blockquote>
<h4 id="-2">Бала мектеп асханасынан тамақтанғысы келмесе, не істеу керек?</h4>
Оқушы мектеп асханасында тамақтанбаса немесе тамақ ішкісі келмесе, не істеу керек? Бұның бір ғана жолы бар: бала тамақты өзімен бірге алып келуі керек. Үйде дайындалған екінші таңғы ас және түскі ас бутерброд тәрізді “құрғақ тағам” болмағаны дұрыс.
<h4 id="-3">Оқушы қанша уақыт серуендеуі керек?</h4>
Белсенді қозғалу, таза ауада серуендеу мидың жақсы жұмыс істеуіне көмектеседі. Кіші жастағы балалар кемінде 3-3,5 сағат серуендеп, дене қозғалысын талап ететін ойындар ойнағаны дұрыс. Ал жоғары сынып оқушыларының таза ауада 2,5 сағаттан кем емес уақыт тыныққаны жөн.
<a href="https://baribar.kz/153050/ubt-2021-tulekter-qaj-pandi-tanhdap-qandaj-mamandyqqa-tuse-alady/">Baribar</a>

Бірінші сыныпқа баратын балалардың ата-анасына бес кеңес

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Әлеуметтік желіде кеңінен танылған диетолог Нұрила Азизқызы қасиетті Рамазан айында ораза тұтатын жандарды дұрыс тамақтануға шақырды. Оның айтуынша, күні бойы аш жүріп, кешке апыл-ғұпыл тамақ жеу асқазанға күш түсіріп қана қоймай, денсаулықтың нашарлауына алып келуі мүмкін. Сондықтан, ауыз бекіту және ауыз ашу кезінде пайдалы әрі құнарлы тағамдар жеген дұрыс. <a href="https://kaz.nur.kz/kaleidoscope/1907348-keske-deiin-qarnyn-aspaidy-dietolog-oraza-kezinde-qalai-tamaqtanu-kerektigin-aitty/">KAZ.NUR.KZ</a> Ораза қарсаңында маман кеңесін назарларыңызға ұсынады.
<blockquote>
 “Ораза кезінде күні бойы тамақсыз жүру көптеген жанға ауыр соғатыны сөзсіз. Ал егер ораза кезінде дұрыс тамақтанатын болсаңыз, күніңіз жеңіл және қандай да бір стрессіз өтеді. Артық желінген тамақ пен артық салмақ сізге тек кері әсерін ғана тигізеді. Сәресінен ауыз ашқанға дейін аш жүретіндіктен, қандағы глюкозаның деңгейі төмендеп кетеді. Егер тамаққа бірден тойып алсаңыз, үлкен көлемдегі калория организмге көп күш түсіреді. Сондықтан, тағы да қайталап айтамын, дұрыс тамақтану керек”, – дейді диетолог.
</blockquote>
Осы орайда, Нұрила Азизқызы ауыз бекіткенде және ауыз ашқанда қандай пайдалы тағамдар жеу керектігін айтты.
<blockquote>
 “Алдымен судың нормасын есептейміз. Бұл жерде норманы 20 пайызға дейін азайтуға болады. Бұрын салмағымызды отызға көбейтсек, енді жиырмаға көбейтеміз. Мәселен, 50*20=1000. Демек, бір литр жетеді. Көпшілік сәресіне тұра алмай, тек сумен жауып жатады. Бұл барлық жағынан дұрыс емес. Егер ораза тұтатын болсаңыз, сәресіне 30 минут бұрын тұрып, бір стакан жылы су ішкен дұрыс. Ауыз бекіткен кездегі тамақтар күрделі көмірсу және пайдалы майдан тұрса, кешке дейін тоқ жүресіз. Өзімізді энергиямен қамтып, күнімізді жеңіл өткіземіз. Өйткені, күрделі көмірсудан құралатын тағамдарды қорытуға 8-9 сағат өтеді. Күрделі көмірсуларға жарма түрлері, яғни, қарақұмық, арпа жармасы, талқан, тары, тұтас дәнді нандар жатады. Оның қасына грек жаңғағы, күнжіт, авакадо, кешью, миндаль сияқты пайдалы майларды қосқан жөн. Тәттіден бал, құрма, мейіз, өрік, қауын жеген пайдалы”, – дейді диетолог.
</blockquote>
Маман ораза тұтушыларды ауыз ашқан соң бірден бас салып, тамақ жемеуге шақырды.
<blockquote>
 “Кешке дейін аш жүріп, кешкісін тамаққа тойып алғанның асқазан, ішек жолдарына түсіретін салмағы көп. Ас дұрыс қорытылмағасын ауруға ұшырауымыз мүмкін. Сондықтан, ауыз ашарда бір стакан жылы су ішіп, 30 минуттан кейін ғана асықпай тамақ жеңіз. Ыстық тамаққа ақуыз бен жасұнықтан (клечатка) жасалған тағамдарды ішкен өте пайдалы. Еттің кез келген түрі мен сүт тағамдары ақуызға жатады. Бұл жерде қойдың етінен бас тартуға кеңес беремін. Ал жасұныққа негізінен көкөністер жатады. Тамақтанып болған соң өзіміздің салмағымызға сай су ішіп, екі сағаттан кейін жүрек жалғауға болады. Жеңіл салат, қышқыл сүт тағамдары мен жеміс-жидек деген өте пайдалы”, – дейді Нұрила Азизқызы. ⠀
</blockquote>

Диетолог ораза кезінде қалай тамақтану керектігін айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Түркістан қаласында Орталық Азиядағы ең ірі «Керуен-сарай» көпфункционалды туристік кешенінің ашылу рәсімі өтті. Инвестициялық жобаны «Turkistan Tourism City» компаниясы іске асырды, кешен құрылысы 2019 жылы желтоқсан айында басталды.
Нысан Қожа Ахмет Яссауи кесенесіне қарама-қарсы «Әзірет Сұлтан» мәдени қорығының буферлік аймағында 20,5 га аумақта орналасқан. Мұнда 4 мыңнан астам тұрақты жұмыс орны құрылды. Кешенге Жібек жолы дәуіріндегі саудагерлер мен қолөнершілер көшесі, «ұшатын театр», ат шоуын өткізуге арналған амфитеатр, Шығыс базары, сауда сөрелері мен бутиктер, қонақ үйлер мен мейрамханалар, СПА және фитнес-орталық, кинотеатр, отбасылық ойын-сауық орталығы кіреді. Бұл ретте, барлық құрылымдар су арнасы арқылы байланыстырылған, онда судағы «қайық шеруі» театрландырылған шоуы өткізіледі. «Керуен-сарай» кешенінің Орталық Азияда баламасы жоқ және ол Қожа Ахмет Яссауи кесенесінен кейін өңірге туристер мен инвестицияларды тартатын басты орталыққа айналуы тиіс.
«Керуен-сарай» кешенінің ашылу салтанатына Премьер-Министр Асқар Мамин, Түркістан облысының әкімі Өмірзақ Шөкеев, мәдениет және спорт министрі Ақтоты Райымқұлова, сондай-ақ инвестор компанияның өкілі Қуанышбек Құдайберген қатысты. А. Мамин Түркістандағы Қазақ музыкалық драма театрына барды.
Ғимараттың жалпы ауданы 11 мың шаршы метрден асады. Бұл аса жаңа жабдықтармен және театр жұмысына қажетті барлық бөлмелермен жабдықталған заманауи кешен. Көрермендер залының сыйымдылығы 510 адамды құрайды.Үкімет басшысы облыстық ғылыми-әмбебап кітапханамен танысты. Бұл ақпарат пен шығармашылыққа арналған бірегей хаб. Ғимараттың үш қабаты оқу залдары, коворкинг-орталықтары, фото-, бейне- және аудиожазба, каллиграфия, қыш өнері студиялары, шеберханалары, оның ішінде 3D-модельдерді жасауға арналған шеберханалары, сондай-ақ киноконцерт залы, кофеханалары, кітап кәдесыйлары мен қолдан жасалған бұйымдар дүкендері қамтылған зоналарға бөлінген.
Кітапхананың ғылыми-зерттеу орталығында кітап сақтау қоймасы, сирек кездесетін кітаптар мен көне заманғы қолжазбаларды сақтауға арналған бөлім, құжаттарды, кітаптарды цифрландыру және консервациялау цехтары, оның ішінде Орталық Азиядағы тотығуға қарсы жабдықпен жабдықталған бірден-бір цех бар.
Жұмыс сапары аясында Премьер-Министр сондай-ақ Түркістан қаласында басқа да инвестициялық жобалардың іске асырылу барысын тексерді.
<img src="https://kyzylorda-news.kz/wp-content/uploads/2021/04/171831578_3760779087371736_5449109305228828888_n.jpg" alt="" />
<img src="https://kyzylorda-news.kz/wp-content/uploads/2021/04/171530487_3760722050710773_7587846627225887014_n.jpg" alt="" />
<img src="https://kyzylorda-news.kz/wp-content/uploads/2021/04/172226223_3760779060705072_575265620045942261_n.jpg" alt="" />

Түркістанда Орталық Азиядағы ең ірі «Керуен-сарай» туристік кешені ашылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Байқоңыр қаласында адам баласының ғарышқа алғаш ұшуының 60 жылдығына арналған салтанатты кездесу өтті. Оған еліміздің Премьер-министрі Асқар Мамин, «Роскосмос» мемлекеттік корпорациясының басшысы Дмитрий Рогозин, Цифрлық даму, инновациялар және аэроғарыш өнеркәсібі министрі Бағдат Мусин, NASA әкімшісінің орынбасары Кеннет Бауэрскок, ғарышкер Тоқтар Әубәкіров, ҚР Парламенті Сенатының депутаты Талғат Мұсабаев және басқалар қатысты.
Кездесуге қатысушылар алдында сөз сөйлеген ғарышкер-сенатор Талғат Мұсабаев қазақтандық ғарыш саласының бастауында Қазақстан Республикасының Тұңғыш Президенті – Елбасы тұрғанын, себебі сол кісінің Жарлығымен Ұлттық ғарыш агенттігі құрылғанын атап өтті. Депутат сонымен қатар адамның ғарышқа ұшуы – дүниежүзілік маңызы бар оқиға екеніне тоқталды. Ал осы оқиғаның Қазақстан жерінде орын алғаны ерекше маңызды деп айтты.
<blockquote>
 «Біз, қазақстандықтар, Байқоңырдың табысты жұмысы, бүкіл адамзаттың игілігі, ғарыштық жобалардың дамуы үшін ерекше мақтаныш пен жауапкершілік сезінеміз. Қазақстан ғарышты игерудің өзіндік күрделі жолымен жүріп келеді. Біздің еліміз экономиканың жоғары технологиялық және ғылымды қажетсінетін секторы – ғарыш саласын дамытуда маңызды қадамдар жасады»&nbsp;– деді Талғат Мұсабаев.
</blockquote>
Сенатор бүгінгі таңда біздің еліміз ғарыш аппараттарының орбиталық топтарының екі жүйесін іске қосқанын айтты. Ұлттық ғарыштық зерттеулер мен технологиялар орталығы, «Бәйтерек» қазақстандық-ресейлік кәсіпорны және тағы өзге де мамандандырылған кәсіпорындар ашылды. Алайда, сенатордың айтуынша, бұл салада проблемалар бар. Талғат Мұсабаев қазіргі таңда жоғары білікті мамандардан айрылу қаупі жоғары екенін атап өтті. Оның пайымдауынша, бұрын құрылған ғарыш саласын басқару жүйесі, атап айтқанда кадрларды іріктеу және орналастыру жүйесі құлдырай бастады.
<blockquote>
 «Ғарыш саласының табысты жұмысының басты факторы туралы тағы да айтқым келеді. Бұл – адамдар, мамандар. Қазақстандық ғарыш саласын құрудағы барлық қиындықтардан бірге өткен әріптестерім, ғалымдар, ғарышқа ұмтылған жас мамандар болмаса, ештеңе де болмас еді»,&nbsp;– деді Талғат Мұсабаев.
</blockquote>

Ғарыш: Талғат Мұсабаев қазіргі таңда жоғары білікті мамандардан айрылу қаупі жоғары екенін айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; ҚР Денсаулық сақтау министрлігі коронавирус инфекциясынан емделіп жатқан науқастардың жағдайы туралы мәлімет ұсынды.
11 сәуірдегі деректерге сәйкес, короновирустан 32 899 адам (32 241 КВИ+ және 658 КВИ-) емделуде, олардың ішінде 12 003 пациент стационарда, 20 896 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
– 546 адамның жағдайы ауыр;
– 163 пациенттің жағдайы өте ауыр;
– 99 науқас өкпені жасанды желдету аппаратына қосылған.

Қазақстанда 546 адамның жағдайы ауыр

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қалай адам ауыра бастайды, солай ол өз кеудесінен кешірім етілуі қажет адамды іздеуі керек. Егер сіз кешірім жасалуы өте қиын адамды тапсаңыз, онда тап сол адамды кешіру керек. Кешіру-демек, азат болу. Сізге қалай кешіруді білу қажет емес.
Ең керегі-кешіруге құлықтылық. Ары қарай сізге Жаратушының өзі көмекке келеді. Біз өз қиналысымызды жақсы түсінеміз. Бірақ кешірім жасауға тиісті адамдардың да қиналысты басынан өткеретінін қабылдау бізге қалай қиын. Сол сәтте олардың өзгеше іс-қимыл жасай алмағандығын түсіну қажет.
Маған адамдар кеңес алуға келген кезде, олардың проблемасының шығу негізіне басым ауырмайды, бұл денсаулықтың нашарлығы ма, ақшаның жетімсіздігі ме, қарым-қатынастың нашарлығы немесе дамымаған талант па-мен бірден тек қана бір нәрсеме, өз-өзіңді жақсы көруді қалай дамыту керектігімен жұмыс жасай бастаймын.
Өзіңді жақсы көруді дамыту
Біз өзімізді жақсы көрген кезде, өз іс-әрекетімізді мақұлдаған кезде және өз-өзімізбен қалған кезде біздің өміріміз жайнай түседі, тіпті сөзбен айтып жеткізе алмайсың. Барлық жерде-кішкентай ғажайыптар. Денсаулық жақсарады, қолға ақшаның өзі келеді, біздің басқалармен қарым-қатынасымыз гүлдене түседі, біз өзіміздің тұлғалық қасиетімізді шығармашылық негізде білдіре бастаймыз. Біз өзімізді бар жан-тәнімізбен жақсы көріп, құрметтеген кезде және өз іс-әркетімізді мақұлдаған кезде біз ақылдың белгілі бір ұйымын жасаймыз. Осыдан-қоршағандармен ғажайып қарым-қатынас, жаңа жұмыс: біз тіптен жүдейміз, өзіміздің қалыпты салмағымызға ораламыз.
Өзіңді мақұлдау мен өзіңді қабылдау-біздің өміріміздегі оң өзгерістердің кілті
Өзіңді бұлай жақсы көру ешқашан, ешбір жағдайда да өзіңді сынауға болмайтынын сезіну фактісінен басталады. Өз басмызды сынау біздің құтылуға тырысқан ойдың бейнесіне әсер етеді. Өз-өзіңді түсіну сиқырланған құрсаудан шығып кетуге көмектеседі.
Сіз жылдар бойы өзіңізді сынадыңыз, сонда да бұдан ешқандай жақсылық шықпағанын естен шығармаңыз 
Өзіңізді жақсы көруге тырысып көріңіз және бұдан не шығады екен, байқаңыз.
Өзіңді жақсы көру деп ешқандай эгоистік жақсы көруді немесе «өзін жақсы көруді» нысана ету емес. Өзін жақсы көру-демек, өз басыңның тірлік кешу фактісін мерекелеу мен өмірдегі сыйы үшін құдайға шүкірлік ету.
Өзіңді жақсы көру-демек, бәрінен бұрын, өз басыңды құрметтеу. 
Мен жақсы көруді сезінемін: 
*өмір процесінің өзіне деген; 
Тірі болғаныма қуанамын; 
Өзім көріп тұрған сұлулыққа; 
Басқа адамға деген; 
Білімге деген; 
Ойлау поцесіне деген; 
Біздің денемізге және оның құрылымына; 
Жануарларға, құстарға және барлық тірі құбылысқа деген; 
Жаратылысықа және оның қалай құрылуына деген. 
Сіз жеке өзіңіз бұл тізімге не қоса алар едіңіз? 
Ал енді, біз өзімізді қалай жақсы көретінімзді байқайық: 
*Біз үнемі өзімізге ұрсамыз және өзімізді сынаймыз; 
*Біз өзімізді тамақпен, ішімдікпен және есірткімен улаймыз; 
*Бізді ешкім жақсы көрмейді деген сенімді таңдаймыз; 
*Біз толық хаос пен берекесіздікте өмір сүрудеміз; 
*Біз өзімізге қарыз бен төзгісіз ауыртпалықты жасаймыз; 
*Біз қадір-қасиетті аяққа басатын ашыналар мен күйеуді (әйелді) өзімізге тартамыз.
Қандай жағдай да, егер сіз өзіңіздің жетістігіңізді жоққа шығарсаңыз, бұл сіздің өзіңізді жақсы көрмейтініңізді білдіреді. Менің есіме көзілдірік киген өзімнің бір пациенткам түседі. Бір сабақ бойына ол өзін түп негізі балалық шақта жатқан бір қорқынышынан азат етті. Келесі күні ол оянады да, көзілдіріктің өзіне енді қажеті жоқ екенін түсінеді. Оның жанары 100 пайыз көреді. Бірақ үнемі өзіне: «мен бұған сенбеймін, мен бұған сенбеймін», деп айтып бүкіл күнді өткізеді. Сөйтіп, ол келесі күні тағы да көзілдірік киеді. Біздің санамыздан тысқары ойымызда юмор сезімі жоқ. Ол өзінде 100 пайыз көретін жанар пайда болғанына тіпті де сене алмайды.
Кішкентай балалардың мінсіздігі
Сәби болған кездеріңізде сіздер қандай мінсіз едіңіздер! Балаларға мінсіз болу үшін ештеңе істеудің қажеті жоқ. Олар мінсіздіктің өзі. Және де біледі,олар- Жаратылыс аясы. Олар нені керек етсе соны сұраудан қорықпайды. Өздерінің эмоциясын еркін білдіреді. Сәби ренжіген кезде, бұл туралы көршілердің бәрінің білетінін сіз білесіз.
Сондай-ақ сіз сәби шаттанған кезде оның күлкісі бүкіл дүниені нұрға бөлейтінін де білесіз. Балалар махаббатқа толы. Кішкентай балалар махабббатттың жоқтығына төзе алмайды. Өсе келе, біз махабббатсыз өмір сүруді үйренеміз. Сондай-ақ балалар денесінің әрбір бөлшегін жақсы көреді, тіпті өзінің қалдығын да.
Сіздер де сондай болғансыздар! Ал сосын сол уақытқа дейін қорқуға үйреніп алған үлкендерді тыңдай бастадыңыздар, сөйтіп сіздер біртіндеп өз мінсіздіктерімізді жоққа шығара бастадыңыздар. 
Біздің ойымыздағыдай елестеткен «проблеманың» нағыз проблема болып шығу сирек кездеседі.
Мысалы, артық салмақты алайық. Адамдар жылдар бойы артық салмақпен күреседі, бірақ бәрібір семіз күйінде қалады. Сонда олар өмірлеріндегі барлық проблема-олардың толықтығынан деп айта бастайды. Артық салмақ-тереңірек ішкі проблеманың сыртқы көрінісі. Менің пікірімше,-бұл әрқашан да қорқыныш пен қорғанысқа деген қажеттілік. Біз қорқыныш пен өзімізге сенімсіздікті сезінген кезде біз соншалықты «жақсы» емеспіз деп ойлаймыз, көбіміз біздің ағзамызда қорғаныс қызметін атқаратын майлармен қапталамазы.
Семіз болғаның үшін үнемі өзіңді тұқырту, артық желінген кесіктер үшін өзіңді кінәлі сезіну-уақыттты босқа өткізу. 20 жыл өткеннен кейін де сіз семіз боласыз, өйткені сіз нағыз проблемаға тіпті де маңайлаған жоқсыз. Сондықтан мен жеке өз басым әртүрлі диеталардан бас тартмаын. Диета көмектеспейді. Жалғыз ғана ұсынысым-бұл жаман ойлар диетасы. Менің клиенттерім семіз болғандықтан өздерін жақсы көрмейміз деп айтады. Ал, мен түсіндіремін: олар өздерін жақсы көрмегендіктен семіз.
Сіз айнаға қарап, «Мен сені жақсы көремін және сен қандай болсаң да сол күйіңде қабылдаймын»,-деп қашан соңғы рет осындай жаттығу жасап көрдіңіз. Мұндай жаттығу күнде азанда қайталанып тұрса, сіз күн өткен сайын өзіңізге деген құрмет оянатынынан сеніңіз. 
Біз өзімізді жақсы көріп, құрметтей бастаған кезде барлығы да автоматты түрде ғайып болады…
Нағыз проблема
Сонымен, зиянсыз, құртақандай айнаға қарайды да, пациенттің көңілі бұзылады. Мен масаттаынп күліп: «тамаша, енді біз нағыз проблеманы көреміз» деймін. Мен онымен өзіңе деген махаббатттың маңыздылығы туралы қажеттілікпен әңгімелесемін. Ешқашан, ешқандай сылтаумен ештеңе үшін өзіңді мінеуге болмайды, содан өзің деген махаббат басталады деймін мен. Мен өз пациенттерімнен не үшін олар өздерін сынайды деп сұраймын да, соның ұзын тізімін жасаймын. Олар өте семіз немесе өте арық, өте ақылды немесе өте ақөымақ, өте көріксіз (бұны өте әдемілері айтады). Аңғарсаңыз-әрқашан «өте». Ақырында, істің анығына жетеміз: «мен соншалықты жақсы емеспін». Ура! Міне, нағыз проблемаға жетеміз. Олар өздерін сынайды, себебі олар жақсы емеспін дегенге сенуге үйренген.
Біз бүкіл энергиямызды бір проблеманы шешуге жұмсауымыз керек: махаббат жетімсіздігі және өзіңе құрмет!
<a href="http://otbasybakyty.kz/posts/category/%d0%be%d1%82%d0%b1%d0%b0%d1%81%d1%8b-%d0%b1%d0%b0%d2%9b%d1%8b%d1%82%d1%8b">Отбасы бақыты</a>

Қазақстан және Қызылорда облысының жаңалықтары

Бірнеше елде Рамазанның басталуы кейінге қалдырылды

Гүлшара Әбдіқалықова қызылордалықтарды мерекемен құттықтады

COVID-19: Қызылордада бір тәулікте 35 адам жұқтырды

12 сәуірге арналған ауа райы болжамы

Отбасы банк “Ұмай” әйелдер ипотекасын 12 сәуірден бастап іске қосады

Қызылордада 54 жастағы азаматқа іздеу жарияланды

Бірінші сыныпқа баратын балалардың ата-анасына бес кеңес

Диетолог ораза кезінде қалай тамақтану керектігін айтты

Түркістанда Орталық Азиядағы ең ірі «Керуен-сарай» туристік кешені ашылды

Ғарыш: Талғат Мұсабаев қазіргі таңда жоғары білікті мамандардан айрылу қаупі жоғары екенін айтты

Қазақстанда 546 адамның жағдайы ауыр

Барлық ауру кешірмегеннен болады

Қазақстан және Қызылорда облысының жаңалықтары

Бірнеше елде Рамазанның басталуы кейінге қалдырылды

Гүлшара Әбдіқалықова қызылордалықтарды мерекемен құттықтады

COVID-19: Қызылордада бір тәулікте 35 адам жұқтырды

12 сәуірге арналған ауа райы болжамы

Отбасы банк &#8220;Ұмай&#8221; әйелдер ипотекасын 12 сәуірден бастап іске қосады

Қызылордада 54 жастағы азаматқа іздеу жарияланды

Бірінші сыныпқа баратын балалардың ата-анасына бес кеңес

Диетолог ораза кезінде қалай тамақтану керектігін айтты

Түркістанда Орталық Азиядағы ең ірі «Керуен-сарай» туристік кешені ашылды

Ғарыш: Талғат Мұсабаев қазіргі таңда жоғары білікті мамандардан айрылу қаупі жоғары екенін айтты

Қазақстанда 546 адамның жағдайы ауыр

Барлық ауру кешірмегеннен болады

Отбасы банк “Ұмай” әйелдер ипотекасын 12 сәуірден бастап іске қосады