<a href="https://kyzylorda-news.kz/">Kyzylorda-news.kz</a>. «Қазгидромет» РМК Қызылорда облысы бойынша филиалы 12 қарашаға арналған ауа райы болжамын жариялады.
Кәсіпорынның хабарлауынша 12 қарашада Қызылорда облысының кей жерлерінде көктайғақ күтіледі. Батыстан жел соғады, күші таңертең және күндіз кей жерлерде 15-20 м/с күтіледі.

Бейсенбіге арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова Дүниежүзілік денсаулық сақтау ұйымының Қазақстандағы Елдік кеңсесінің жетекшісі Кэролайн Кларинвалмен кездесіп, Сovid-19 және денсаулыққа әсер ететін экология мәселелерін талқылады.
Сонымен қатар кездесуде кеңесші-дәрігер Омар Салеха және Дүниежүзілік денсаулық сақтау ұйымының денсаулық және қоршаған ортаны қорғау саласының сарапшысы, дәрігер Осама Магер қатысып, қоршаған орта мен экологияның адам өміріне әсер ететін факторлары туралы ой бөлісті.
Аймақ басшысы тәжірибесімен бөлісуге келген мәртебелі меймандарға бірлескен жұмыстар үшін алғысын айтып, өңірде вирус індетінен сақтануға қарсы жұмыстар мен дайындық барысын сөз етті.
<blockquote>
 “Дәл қазіргідей күрделі өтпелі шақта әрбір адамның денсаулығы аса маңызды. Мұндай кездесудің берері мол. Себебі қазіргі жағдайда ең өткір проблемаларды анықтап, бірлескен бағдарламаларды жүзеге асыруда күш біріктіру арқылы ғана біз өз мақсатымызға қол жеткізе аламыз. Сіздердің Арал өңіріндегі проблемаларды зерттеуге деген ынталарыңыз және халық денсаулығын сақтауға арналған кешенді жұмыстарыңыз біз үшін қажет. Пандемияның болжамды екінші толқыны кезінде біз медицинаның дайындығын күшейтіп, жаңа аурухана салып, қажетті медициналық препараттардың мол қорын жасаудамыз”,-деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/11/fb_img_1605105273222.jpg" alt="" />
Қабылдау барысында Елдік кеңсесінің жетекшісі, медицина докторы Кэролайн Кларинвал қоршаған ортадағы экологияның адам ағзасына әсерін зерттеу арқылы медицинадағы бірақатар проблемаларды шешуге болатынын айтты. Ал, дәрігер Омар Салеха Арал теңізінің экологияға тигізер әсерін зерделеу керектігін қаперге салып, бұл іргелі ізденістерді қажет ететінін тілге тиек етті.
Медицина маманы, қоршаған ортаны қорғау саласының сарапшысы Осама Магер қоршаған ортаның ластануы тыныс алу, аллергия және онкологиялық аурулардың жиі көтерілуіне алып келетінін назарға салды. Бұл ретте әр өңірдің ерекшелігіне қарай жұмыс жүргізу керектігін жеткізді.
Жиын соңында облыс әкімі Гүлшара Әбдіқалықова арнайы жұмыс сапарымен келген білікті медицина мамандарына еңбегін атап өтіп, ортақ мәселелерді шешудегі ықпалдастығы үшін алғысын білдірді.
Айта кетейік, Дүниежүзілік денсаулық сақтау ұйымының өкілдері 3 күн сапары аясында арнайы дөңгелек үстелге қатысып, өңірдің емдеу мекемелеріне барып, медициналық ахуалымен танысады. Сонымен бірге кіші Аралға сапар жасайды.
<img src="https://kyzylorda-news.kz/wp-content/uploads/2020/11/fb_img_1605105269316.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605105277457.jpg" alt="" />

Облыс әкімі ДДСҰ-ның Қазақстандағы Елдік кеңсесінің жетекшісімен  кездесті

<a href="https://kyzylorda-news.kz/date/2020/11/11/?doing_wp_cron=1605093208.2204530239105224609375">Kyzylorda-news.kz.</a> Қызылорда облысының тұрғыны ұрланған аккумуляторларын тауып берген полиция қызметкерлеріне алғысын білдірді.
9 қараша күні Қызылорда қаласында белгісіз біреулер “КамАЗ” автокөлігінің “Токлер-190” екі дана аккумуляторын ұрлап кеткен.
<blockquote>
 “Ұрыларды табу оңай болған жоқ, алайда полиция қызметкерлерінің кәсіби шеберлігінің арқасында үш күдікті “ізін суытпай” ұсталды. Олар облыс орталығының тұрғындары болып шықты. Полиция қызметкерлері ұрланған мүлікті тәркілеп, заңды иесіне қайтарды”, – дейді полиция қызметкерлері.
</blockquote>

Қызылордада ұрланған аккумуляторлар иесіне қайтарылды

<a href="https://kyzylorda-news.kz/date/2020/11/11/?doing_wp_cron=1605093208.2204530239105224609375">Kyzylorda-news.kz.</a>&nbsp;Қазақстанның 7 облысында ауа райының күрт құбылуына байланысты ескерту жарияланды, деп хабарлайды «Қазгидромет» РМК.
12 қарашада&nbsp;Жамбыл облысының&nbsp;кей жерлерінде оңтүстік-батыс, батыстан жел соғады, күші 15-20, екпіні 23-28 м/с, облыстың оңтүстік-батысында 30 м/с және одан асады.
Күндіз 12 қарашада&nbsp;Қарағанды облысының&nbsp;кей жерлерінде жауын-шашын (қар, жаңбыр) түседі. 12-13 қарашада кей жерлерінде тұман, көктайғақ, бұрқасын күтіледі. Оңтүстік-батыстан жел соғады, кей жерлерінде күші 15-20, екпіні 23-28 м/с болады.
Қарағанды қаласында&nbsp;12 қарашада көктайғақ, бұрқасын, тұман болады, күндіз оңтүстік-батыстан жел соғады: екпіні 15-20 м/с.
Жезқазған қаласында&nbsp;12 қарашада тұман, көктайғақ күтіледі.
12 қарашада&nbsp;Шығыс Қазақстан облысының&nbsp;күндіз кей жерлерінде қатты жауын-шашын (жаңбыр, қар) күтіледі. Кей жерлерінде тұман, көктайғақ, жаяу бұрқасын күтіледі. Оңтүстік-шығыстан соғатын жел оңтүстік-батысқа ауысады, күші кей жерлерінде 15-20, екпіні 23-28 м/с.
Өскемен қаласында&nbsp;12 қарашада оңтүстік-шығыстан соғатын жел оңтүстік-батысқа ауысады, екпіні 15-20 м/с болады.
Семей қаласында&nbsp;12 қарашада оңтүстік-шығыстан соғатын жел оңтүстік-батысқа ауысады, екпіні 15-20 м/с болады.
12 қарашада&nbsp;Ақмола облысында&nbsp;кей жерлерде тұман, көктайғақ, бұрқасын күтіледі. Оңтүстік-батыстан, батыстан жел соғады, кей жерлерде жылдамдығы 15-20 м/с болмақ.
12 қарашада&nbsp;Қызылорда облысының&nbsp;кей жерлерінде көктайғақ күтіледі. Батыстан жел соғады, күші таңертең және күндіз кей жерлерде 15-20 м/с болады.
12 қарашада&nbsp;Ақтөбе облысында&nbsp;кей жерлерде тұман, көктайғақ, бұрқасын болады.
12 қараша&nbsp;Батыс Қазақстан облысының&nbsp;кей жерлерінде тұман, көктайғақ күтіледі.
Жел батыстан, солтүстік-батыстан соғады, күші күндіз кей жерлерде 15-20 м/с-ға жетеді.
Орал қаласында&nbsp;12 қарашада түнде және таңертең тұман күтіледі.

Жел, көктайғақ. Қызылордада ауа райына қатысты ескерту жарияланды

<a href="https://kyzylorda-news.kz/date/2020/11/11/?doing_wp_cron=1605093208.2204530239105224609375">Kyzylorda-news.kz.</a> 12 қараша – Дүниежүзілік пневмониямен күрес күні. Біздің өмірімізге COVID-19 келуімен бұл аурумен күрес жаңа мәртебеге ие болды. Дәрігерлер барлық күш-жігерін науқастарды емдеуге жұмсады: мобильді топтар жұмыс істей бастады, үйдегі стационарлар ұйымдастырылды.
2020 жылдың шілде айында коронавирустық инфекцияның жоғары өсу кезеңінде, Қызылорда қаласының тұрғыны Дәметкен Айтжанова пневмониямен ауырды. Дәрігерлердің бақылауы қажет болды, өйткені қант диабеті және жоғары қан қысымы болды. Сол қиын кезеңде емханалар жұмыс істемегендіктен, Дәметкен Айтжанова емді үйде алатын.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Емхананың дәрігерлері маған тиімді дәрі-дәрмектер жазып берді, үйге әкелді және олар күн сайын барлық қажетті медициналық көмекті жасады. Мен тез қалпыма келдім, қазір өкпем таза. Дәрігерлерге адал еңбектері үшін алғыс айтамын. Мұқият болыңыз, қауіпті вирустан қорғаудың барлық шараларын қолданыңыз», – дейді Дәметкен Айтжанова.
</blockquote>
Шілде айында COVID-19 вирустың өршу кезеңінде №6 емхананың мамандары 300-ден астам тұрғынға үйде медициналық көмек көрсетті. Көбісі пневмониямен ауырған науқастар.
<blockquote>
 «Дәрігерлер, медбикелер қорғаныш костюмдерімен әр науқасқа барды. Сол қиын кезеңде біздің медицина қызметкерлер де пневмониямен ауырды. Біз коронавирустық инфекция толқынына дайынбыз. Дәрі-дәрмектер жеткілікті. Тұмау ауруының жоғарылау кезеңінде науқас адамдармен қарым – қатынастан аулақ болуға, қолыңызды жиі жууға, тыныс алу жүйесін қорғау үшін бет-пердені қолдануға кеңес береміз және адамдар көп жиналатын орындарға барудан аулақ болыңыз», – деп атап өтті терапевт-реабилитолог, №6 емхананың күндізгі стационарының меңгерушісі Ләззат Күлекешова.
</blockquote>
&nbsp;Жыл басынан бері Әлеуметтік медициналық сақтандыру қорының Қызылорда облысы бойынша филиалы аймақтың 1 327 тұрғынына үйдегі стационар медициналық қызметіне 29,9 млн. теңге бағыттады.
COVID-19 вирустың өршуі кезінде, ағымдағы жылдың шілде айында Қор филиалы жалпы сомасы 774,7 млн.теңгеге пневмонияның 4 334 жағдайын емдеуді қаржыландырды.
<img src="https://kyzylorda-news.kz/wp-content/uploads/2020/11/dnev-stacionar.jpg" alt="" />

Сақтандыру қоры: Үйдегі стационар жұмысы қалай ұйымдастырылған?

<a href="https://kyzylorda-news.kz/date/2020/11/11/?doing_wp_cron=1605093208.2204530239105224609375">Kyzylorda-news.kz.</a> Батырхан Шукеновке арналған пошта маркасы айналымға енді. Бұл туралы “Қазпошта” АҚ-ның баспасөз қызметі хабарлады.
“Қазақстан Республикасының Цифрлық даму, инновациялар және аэроғарыш өнеркәсібі министрлігі 2020 жылдың 30 қазаннан «Батырхан Шукенов» тақырыбындағы «Өнер қайраткерлері бағдарламасы» сериясына арналған пошта маркасы айналымға енгізеді”, – делінген хабарламада.

Батырхан Шукенов бейнеленген пошта маркасы айналымға енді

<a href="https://kyzylorda-news.kz/date/2020/11/11/?doing_wp_cron=1605093208.2204530239105224609375">Kyzylorda-news.kz.</a> Қала әкімінің бастамасымен жол жөндеу жұмыстарына жыл сайын бөлінетін қаражат көлемі 2020 жылы 2 есеге ұлғайтылған болатын.
Нәтижесінде жыл көлемінде басты назар аударып отырған барлығы 260 жол салынуда. Оның 210 орташа жөндеуден өтсе, 50 көшеге қиыршық тас төселді. Сонымен қатар, 68 жаяу жүргінші жолы да бар.
Бүгінде қаланың Әл-Фараби, Титов, Гагарин, Шанхай, Коммунизм, КБИ мөлтек аудандарында осы игілікті істер жүйелі жалғасын тапқан.
Тас-топырақ жол қабаттарын төсеп, оны түп түзу етіп тегістеу сатысынан өткеннен кейін асфальт қабатын төсеу жұмыстары бастау алады. Айтқанда оңай көрінетін бұл жұмыстар іс жүзінде әлде қайда ауыр.
Мәселен, асфальт жол төсеудің негізін салу, яғни құм төсеп, оны тегістеу жұмыстары Әл-Фараби ауданындағы Көктем көшесінде басталды. Ұзындығы 2,0 шақырым болатын бұл көшеде «Қызылорда жолдары» ЖШС Самал көшесінен Қызылжарма каналына дейін орташа жөндеу жұмыстарын жүргізеді.
Жол төсеудің келесі сатысы, Әл-Фараби ауданындағы Әшірбеков көшесінде жүргізілуде. Яғни, ұзындығы 3,5 шақырым болатын аталған көшеге тас төсеу жұмыстарын бастаған «РБ-Строй» мекемесі Сағымбаев көшесінен Әл-Фараби көшесіне дейінгі аралыққа асфальт жолын төсемек.
«Арай» тұрғын ауданындағы Жахаев көшесінде орташа жол жөндеу жұмыстарының қорытынды сатысы, асфальт төсеу жұмыстары жүргізілуде. Ұзындығы 0,48 шақырым болатын бұл көшедегі жұмыстарды «Ақнұр-Авто» мердігер мекемесі атқаруда.
Жөндеуден өтіп жатқан көшелерге жолыңыз түссе, қала тұрғындарының игілігі үшін жөндеу жұмыстарына атсалысқан азаматтарға алғысымызды айтамыз, – деген қала тұрғындарын жиі кезіктіруге болады.
Бұл игі істердің легі “Жұмыспен қамту 2020” жол картасы бағдарламасы шеңберінде атқарылуда.
<img src="https://kyzylorda-news.kz/wp-content/uploads/2020/11/124599538_2706712712928803_3051420595683869669_o.jpg" alt="" />
<img src="https://kyzylorda-news.kz/wp-content/uploads/2020/11/125090331_2706708902929184_8739448791060593290_o.jpg" alt="" />

Қызылордада жол салу жұмыстары қарқынды

<a href="https://kyzylorda-news.kz/">Kyzylorda-news.kz</a>.Әр бала мектеп бітіргенде қазақ тілінде сөйлейтіндей жағдай жасауымыз керек Бұл туралы бүгін Қазақстан халқы Ассамблеясы кеңесінің отырысында ҚР Тұңғыш Президенті – Елбасы, ҚХА төрағасы Нұрсұлтан Назарбаев айтты, деп хабарлайды ҚазАқпарат .
<blockquote>
 «Елімізде 5 644 ұйым балаларды мемлекеттік тілде оқытады. Шамамен 3,8 мың қазақ мектебі жұмыс істеп тұр. Бұған қоса, орыс тілі мемлекеттік ұйымдар мен жергілікті өзін-өзі басқару органдарында қазақ тілімен қатар қолданылатын тіл болып қала береді. Конституцияда солай жазылған. «Рухани жаңғыру» бағдарламасы аясында қазақ әдебиетінің шығармалары БҰҰ-ға мүше елдердің 6 тіліне аударылды. Біз мұны алғаш рет қазақ әдебиеті мен мәдениеті бүкіл әлемде танымал болуы үшін жасадық. Ғылымның жетекші салаларындағы алдыңғы қатарлы еңбектерді қазақ тіліне аудардық. Бұл жұмыс жалғасып та жатыр. Біздің жоғары оқу орындарымыз физика, химия және өзге де ғылымдар бойынша ағылшын тіліндегі оқулықтар жайында алғаш рет білді. Қазақ поэзиясы антологиясының тұсаукесері әлемдік мәдениет астаналарында өткізілді», – деді ҚР Тұңғыш Президенті.
</blockquote>
Елбасы бейбітшілік, келісім және бірлік мемлекеттік саясаттың басты басымдығы болғанын және солай болып та қала беретіндігін баса айтты.
<blockquote>
 «Сондықтан да дәл осы құндылықтардың арқасында біз дамып, елімізді байытамыз, адамдарымыз үшін жақсы өмірге жағдай жасаймыз. Бұл этносаралық қозғалыс саласындағы түбегейлі ұстаным және ол өзгермейді. Ассамблея барлық этностарды біздің ортақ қазақстандық құндылықтарымыздың төңірегіне топтастыру үшін жұмыс істеуі керек. Қазақ тілінің біріктіруші факторға айналуына, еліміздің халқының бірлігін мұнан ары да нығайтуға әлеуеті бар. Ол этносаралық қарым-қатынас тіліне айналуы үшін кеңең-кезеңімен аясын кеңейтіп, оны оқитын адамдардың санын арттыру қажет», – деді Нұрсұлтан Назарбаев.
</blockquote>
ҚР Тұңғыш Президентінің дерегінше, елімізде қазақ тіліне тегін оқытатын 90 орталық жұмыс істеп тұр.
<blockquote>
 «Жұмсартып айтқанда, олардың тиімділігіне қатысты әділ сауалдар туындайды. Сондықтан Мәдениет және спорт, Білім және ғылым министрліктері мемлекеттік тілді меңгеру жүйесінің тиімділігін барынша арттыруы керек. Біз әрбір бала мектеп бітіргеннен кейін қазақ тілін меңгеріп, оқи, жаза және сөйлей алатындай жағдай жасауымыз керек. Бұл оларға мемлекеттік қызметтің барлық саласында, экономикада және басқа да қызметте жұмыс істеуіне мүмкіндік береді», – деді Елбасы.
</blockquote>

Әр бала мектеп бітіргенде қазақ тілінде сөйлейтіндей жағдай жасауымыз керек  &#8211; Елбасы

<a href="https://kyzylorda-news.kz/">Kyzylorda-news.kz</a>. «Азаматтарға арналған үкімет» мемлекеттік корпорациясы соңғы айда &nbsp;азаматтарға қоңырау шалып, тексеріс үшін жеке басының мәліметтерін сұрайтын алаяқтардың әрекеті жиілеп кеткенін ескертеді. Олар өзін ХҚО қызметкері ретінде таныстырып, қарызын төлеуді талап етеді.
Келеңсіз жайттарды болдырмау үшін мемлекеттік корпорация қызметкерлерінің ешкімге қоңырау шалмайды. Сондай-ақ борышкерлердің мәліметтер базасын көре алмайтынын және коллекторлық компаниялардың жұмысына еш қатысы жоқ.
«Азаматтарға арналған үкімет» пен қызмет алушылар арасындағы кез келген байланыс 1414 нөмірінен жолданатын SMS хабарлама түрінде ғана болуы мүмкін, азаматтарға брондау, құжаттар мерзімінің аяқталуы, құжаттың дайын болғаны немесе композит қызметтеріне қатысты хабарламалар жолданады.
«Азаматтарға арналған үкімет» мемлекеттік корпорациясы тұрғындарға мұқият болып, жеке деректерді үшінші тұлғаларға таратпауға кеңес береді. Аталған мәселе бойынша алаяқтардың әрекетінен зардап шеккендер құқық қорғау органдарына хабарласа алады.

Қызылорда: ХҚО қызметкерлерінің атынан хабарласатын алаяқтар көбейген

<a href="https://kyzylorda-news.kz/">Kyzylorda-news.kz</a>. Қызылорда гарнизонында Қазақстан Республикасы Қарулы Күштеріне күзгі науқандағы мерзімді әскери қызметке шақыру жұмыстары жалғасуда.
Шақырылым жұмыстары санитарлық-эпидемиологиялық талаптар мен нормаларды сақтай отырып жүзеге асырылуда. Осы жылы Қызылорда облысынан 800-ге жуық жасты әскерге аттандыру жоспарланған. Ал, қазіргі таңда 450-ге жуық жас шақырушылар әскерге аттанып та үлгерді. Әскер қатарына дене дайындығы жақсы, психологиялық тест нәтижелері жоғары жастар алынуда.
Шақырушыларға әскери бөлімдерге жіберілместен бұрын ПТР-тесті әдісі арқылы зерттеу жұмыстары жүргізілуде. Мерзімді әскери қызметке шақыру медициналық комиссиялардың тікелей қатысуымен өтуде. Таңдау барысында жастардың мамандығы мен денсаулығына мән беріледі. Қарулы Күштердің, басқа да әскерлері мен әскери құрылымдарының қатарын толықтыруға ниет білдірушілер саны көбеюде.
<blockquote>
 «Сыр елінің азаматтары Отан алдындағы борыштарын өтеуге белсенділік танытуда. Күзгі әскерге шақыру науқаны осы жылдың желтоқан айының аяғына дейін жалғасады», – дейді Қызылорда облысы Қорғаныс істері жөніндегі департаменті жасақтау басқармасының мерзімді әскери қызметке шақыру бөлімінің бастығы, майор Нұржан Мелдебеков.
</blockquote>
Жоғары білімі бар азаматтар өздерінің жақсы қырынан көрсету арқылы келісімшарт бойынша әскери қызметке орналаса алады. Жалпы әскерге шақыру науқаны осы жылдың 29 желтоқсанында, яғни, әскерге шақырылушылардың соңғы легі бөлімге қызметке келген кезде аяқталады.

Қызылордада әскери қызметке шақыру жұмыстары жалғасуда

<a href="https://kyzylorda-news.kz/">Kyzylorda-news.kz</a>.&nbsp;Ресей астанасының мэрі Сергей Собянин коронавирус пандемиясына қатысты “Жоғары дайындық режимін енгізуге байланысты қойылған шектеулерді жою кезеңдері туралы” қаулыға қол қойды. Құжатта мәскеуліктердің жаңа жылдық мерекелерді қалай және қай жерде тойлайтындығы анықталды, деп хабарлайды <a href="https://kaz.zakon.kz/">zakon.kz.</a>
Құжатқа сәйкес, биылғы жылдың 13 қарашасынан 2021 жылдың 15 қаңтарына дейін Мәскеуде барлық ойын-сауық шаралары тоқтатылады; кинотеатрларда, концерт залдарында және театрларда көрермендер саны мекеменің жалпы сыйымдылығының 25% -ымен шектелген; кафелер, мейрамханалар, түнгі клубтар, боулингтер, дискотекалар және басқа да осыған ұқсас мекемелер сағат 23-00-ден таңғы 6-ға дейін жабық болуы керек.
Осылайша, дәстүрлі өмірі түнгі 23-тен кейін басталатын түнгі клубтар толық жұмыс істей алмайды, сонымен қатар, 2021 жылдың 15 қаңтарына дейін бұқаралық іс-шараларға тыйым салу жаңа жылдық корпоративті кештердің, сондай-ақ&nbsp;Жаңа жылды қарсы алуға арналған&nbsp;үлкен іс-шаралардың орын алуы екіталай екендігін білдіреді.

Жаңа жылдық кештерді өткізуге тыйым салынды

<a href="https://kyzylorda-news.kz/">Kyzylorda-news.kz</a>.&nbsp;ҚР Тұңғыш Президенті – Елбасы, Қазақстан халқы Ассамблеясының төрағасы Нұрсұлтан Назарбаевтың қатысуымен ҚХА кеңесінің отырысы өтіп жатыр, деп хабарлайды ҚазАқпарат.
<blockquote>
 «Қиын жағдайға байланысты кеңес отырысын бейнебайланыс түрінде өткізіп отырмыз. Бұл жиынымыз Қазақстан халқы Ассамблеясының 25 жылдық мерейтойына арналады. Баршаңызды осы мерекемен құттықтаймын. Мерейтойлық меже өткенге көз жүгіртіп, атқарылған жұмысты қорытындылауға себеп болып отыр. Ассамблеяның қандай қиын уақытта құрылғанын бәріміз білеміз. Бұрынғы КСРО-ның ыдырауы, Тәуелсіз мемлекеттер достастығының қалыптасуы, тарихи шиеленісті, ертеңгі өмірге деген сенімсіздік заманында құрылды. Бірақ, біз дәл сол кезде өзіміз үшін бір нәрсені қабылдадық. Ұлтаралық татулық біздің басты байлығымыз болуы керек», – деді кеңес отырысын ашқан Елбасы.
</blockquote>
Мемлекет басшысы 1992 жылдың 14 желтоқсанда өткен Қазақстан халықаралық форумында жұртымыздың келісімі мен бірлігіне негізделген Ассамблея құру жөнінде бастама көтергенін еске салып өтті.
<blockquote>
 «1995 жылы 1 наурызда Қазақстан халқы Ассамблеясын құру туралы Жарлыққа қол қойылды», – деді Нұрсұлтан Назарбаев.
</blockquote>

Қазақстан және Қызылорда облысының жаңалықтары

Бейсенбіге арналған ауа райы болжамы

Облыс әкімі ДДСҰ-ның Қазақстандағы Елдік кеңсесінің жетекшісімен кездесті

Қызылордада ұрланған аккумуляторлар иесіне қайтарылды

Жел, көктайғақ. Қызылордада ауа райына қатысты ескерту жарияланды

Сақтандыру қоры: Үйдегі стационар жұмысы қалай ұйымдастырылған?

Батырхан Шукенов бейнеленген пошта маркасы айналымға енді

Қызылордада жол салу жұмыстары қарқынды

Әр бала мектеп бітіргенде қазақ тілінде сөйлейтіндей жағдай жасауымыз керек – Елбасы

Қызылорда: ХҚО қызметкерлерінің атынан хабарласатын алаяқтар көбейген

Қызылордада әскери қызметке шақыру жұмыстары жалғасуда

Жаңа жылдық кештерді өткізуге тыйым салынды

Ұлтаралық татулық біздің басты байлығымыз болуы керек – Нұрсұлтан Назарбаев

Қазақстан және Қызылорда облысының жаңалықтары

Бейсенбіге арналған ауа райы болжамы

Облыс әкімі ДДСҰ-ның Қазақстандағы Елдік кеңсесінің жетекшісімен кездесті

Қызылордада ұрланған аккумуляторлар иесіне қайтарылды

Жел, көктайғақ. Қызылордада ауа райына қатысты ескерту жарияланды

Сақтандыру қоры: Үйдегі стационар жұмысы қалай ұйымдастырылған?

Батырхан Шукенов бейнеленген пошта маркасы айналымға енді

Қызылордада жол салу жұмыстары қарқынды

Әр бала мектеп бітіргенде қазақ тілінде сөйлейтіндей жағдай жасауымыз керек &#8211; Елбасы

Қызылорда: ХҚО қызметкерлерінің атынан хабарласатын алаяқтар көбейген

Қызылордада әскери қызметке шақыру жұмыстары жалғасуда

Жаңа жылдық кештерді өткізуге тыйым салынды

Ұлтаралық татулық біздің басты байлығымыз болуы керек &#8211; Нұрсұлтан Назарбаев

Әр бала мектеп бітіргенде қазақ тілінде сөйлейтіндей жағдай жасауымыз керек – Елбасы

Ұлтаралық татулық біздің басты байлығымыз болуы керек – Нұрсұлтан Назарбаев