<a href="https://kyzylorda-news.kz/">Kyzylorda-news.kz</a>.&nbsp; Жастар арасындағы мәдениет деңгейін анықтау үшін олардың бос уақытты қалай өткізетінін зерттеу керек. Бос уақыт жеке тұлғаның қалыптасуына әсер етеді, адам хобби арқылы қоғамдық өмірге және жалпы мәдениетке араласа бастайды.
Жастар өзінің қажеттіліктері мен құндылық бағдарына қарай бос уақытты өткізудің алуан түрін таңдайды. Жастардың бос уақыты құрылымындағы ең танымал іс-әрекет – айналасымен байланыс. Респонденттер аптасына 10 сағаттан астам уақытты отбасы (37,7 %) және достарымен (8,9&nbsp; %) өткізеді. Уақыт мөлшері бір сағаттан 10 сағатқа дейін өзгерсе де, бұл екі санат тең дәрежеде өзгеріссіз қалып отыр.
Жастар аптасына 1-3 сағат өз бетімен білім алып (25,9 %), спортпен (24 %) айналысады. Жастардың төмен белсенділігі волонтерлік және шығармашылық қызметте байқалады.
<img src="https://ruh.kz/source/uploads/%D0%A1%D2%B1%D0%BB%D1%82%D0%B0%D0%BD/social-1.jpg" alt="" />
«Жастар» ҒЗО жүргізген сараптамалық фокус-топтық зерттеудің сарапшылары жастардың спорт секцияларына, сауықтыру үйірмелеріне шектеулі қол жеткізу (оның ішінде қаржылық тұрғыдан) проблемасына, көшедегі спорт алаңдары аздығына назар аударды. Бұл жастардың жалпы денсаулық жағдайына теріс әсер етеді. Спорт ғимараттарының коммерциялануы жағдайды күрделендіре түскен. Спорт ғимараттарына қол жеткізу проблемасы өңірлерде, ауылдық жерлерде өте өзекті.
Жастар бос уақытының маңызды бөлігі – интернет. Бұл қолданушыларға ақпарат іздеу және алу, білім, кәсіби қызмет, қарым-қатынас және т.б. көптеген қажетін өтеуге мүмкіндік беретін дүние. Сондықтан интернет – уақыт өткізудің бір түрі, жастардың едәуір бөлігі күн сайын дерлік қолданатын қажеттілік.
<img src="https://ruh.kz/source/uploads/%D0%A1%D2%B1%D0%BB%D1%82%D0%B0%D0%BD/Sotovyi-operator-Atlas-5.jpg" alt="" />
Сауалнама нәтижелері көрсеткендей, жастардың көпшілігі (42,7 %-ы) күн сайын 2-5 сағаттан астам уақытын интернетте өткізеді. Респонденттердің 27 %-ы интернетке күніне 1-2 сағат, 24,9 %-ы алты сағаттан артық уақыт бөледі. Респонденттердің 1,4 %-ы ғана интернет қолданбайтынын айтқан.
Сондай-ақ, сауалнама жастардың интернетті әртүрлі мақсаттарда қолданатынын көрсетті. Респонденттердің жартысынан көбі оны достарымен араласу үшін (59,3 %-ы), 45,5 %-ы көңіл көтеруге, 44 %-ы әлеуметтік желілерде уақыт өткізуге, ал 42,5 %-ы жаңалық көру, оқу үшін қолданатынын айтты. Респонденттер атап өткендей, интернет оларға оқу (31 %-ына) және жұмыс істеуге (25,8 %-ына) қажет.
<img src="https://ruh.kz/source/uploads/%D0%A1%D2%B1%D0%BB%D1%82%D0%B0%D0%BD/sosyalmedya4.jpg" alt="" />
Бұл мәселені жас топтары тұрғысынан қарастыру орташа тенденцияларға қатысты кейбір айырмашылықтарды анықтауға мүмкіндік береді. Сонымен, барлық жастағы топтар үшін интернеттегі достармен байланыс бірінші орында тұр. Қазір заманауи жастардың бос уақытын зерттеу жастардың денсаулығын немесе құндылық бағдарларын зерттеу аясында шағын бөлімдермен шектелген. Дегенмен, бос уақытты өткізу ерекшеліктері жастарға үлкен әсер етеді.
<a href="https://ruh.kz/kz">RUH.KZ</a>

Жастар бос уақытын қалай пайдаланады?

Kyzylorda-news.kz. ҚР Президенті Қасым-Жомарт Тоқаев қазақстандықтарды Көрісу күнімен құттықтады.
<blockquote>
 «Баршаңызды бүгінгі Көрісу күнімен құттықтаймын! Ежелден келе жатқан ата салтымыз бойынша жастар осы күні үлкендерге сәлем беріп, батасын алады. Жұрт бір-біріне ақ тілектерін арнайды. Бұл – нағыз береке-бірлік пен ырыс-ынтымақтың мейрамы», – деп жазды Президент Twitter-дегі парақшасында .
</blockquote>

Қасым-Жомарт Тоқаев қазақстандықтарды Көрісу күнімен құттықтады

Kyzylorda-news.kz. «Қазгидромет» синоптиктері 14 наурызда ауа райы қандай болатынын айтты.
Қазақстан аумағының оңтүстік, оңтүстік-шығыс және шығыс аудандарында атмосфералық фронттарға байланысты тұрақсыз ауа райы сақталады: кей жерлерде жаңбыр мен қар жауады, бұрқасын соғады, көктайғақ болып, жел күшейеді.
Республиканың қалған өңірлерінде антициклон әсерінен жауын-шашынсыз ауа райы сақталады. Кей жерлерде тұман түседі.
Қызылорда облысының кей жерлерінде көктайғақ пен боран соғады. Жел жылдамдығы 15-20 м/с жетеді.

Жексенбіге арналған ауа райы болжамы

Kyzylorda-news.kz. Алматыда әскери ұшақ құлаған жерде құтқарушылар жұмыс істеп жатыр, деп хабарлайды ҚР Төтенше жағдайлар министрлігінің баспасөз қызметі.
Бүгін сағат 17:25-те Алматы қаласы әуежайының диспетчерлік қызметіне сағат 17:22-де Нұр-Сұлтан – Алматы бағытындағы АН-26 әскери ұшағы радардан жоғалып, Алматы әуежайының маңына апатты жағдайда қонғаны туралы ақпарат келіп жетті.
Оқиға орнында Өрт сөндіру 11-бөлімінің (1,2) қызметкерлері, республикалық жедел-құтқару отрядынан 9 адам, 1 техника, 1 кинологиялық қызметкер, сонымен қатар Алматының құтқару қызметінен 5 адам мен 1 техника жұмыс істеп жатыр.
Сонымен қатар, оқиға орнында Ұшудың іздеу-апаттық қамтамасыз ету қызметінің 4 техникасы мен Алматы облысы Өрт сөндіру және құтқару қызметінің 2 техникасы бар. Ұшақта шыққан өрт ауыздықталды.
Сондай-ақ ол жерде Алматы қалалық қоғамдық денсаулық сақтау департаментінің жедел-құтқару жасағының 10 тобы жұмыс істеп жатыр.
Расталған мәлімет бойынша, әскери ұшақ апатынан 4 адам қаза тауып, 2 адам Іле ауданындағы ауруханаға жеткізілді.

Алматы әуежайы маңындағы ұшақ апатынан 4 адам қаза тапты

<a href="https://kyzylorda-news.kz/">Kyzylorda-news.kz</a>. Зерттеушілер дүние есігін ашып жатқан егіздердің саны бұрынғыға қарағанда көп екенін, қазір әлемде бұл бойынша көрсеткіш ең жоғары деңгейге жетуі мүмкін екенін айтуда, деп хабарлайды <a href="https://lenta.inform.kz/kz/alemde-duniege-kelgen-egizder-sany-kurt-kobeydi_a3763592">ҚазАқпарат</a>.
Жыл сайын әлемде 1,6 миллионға жуық егіздер дүниеге келеді екен. Бұл әр 42-бала егіз болып туады дегенді білдіреді.
Бала туудың кешігуіне және ЭКО сияқты медициналық әдістерді қолдануға байланысты 1980 жылдардан бастап егздерді туу жиілігі үштен бірге өсті.
<a href="https://academic.oup.com/humrep/advance-article/doi/10.1093/humrep/deab029/6168658">Human Reproduction</a>&nbsp;журналында жарияланған жаһандық шолуға сәйкес, 30 жыл ішінде барлық аймақтарда Азияда 32%-дан Солтүстік Америкада 71%-ға дейін егіздердің санының едәуір өсуіне байланысты көрсеткіштің ең жоғары шегіне қол жеткізілді.
Зерттеушілер 2010-2015 жылдардағы 165 елдің бауырластық көрсеткіштері туралы ақпарат жинап, оларды 1980-1985 жылдардағы деректермен салыстырды.

Әлемде дүниеге келген егіздер саны күрт көбейді

Kyzylorda-news.kz. Қармақшы ауданында жырау Алмас Нұрмаханұлының 65 жасқа толу мерейтойына орай «Жауһарлы жырдың тұлғалы перзенті» атты кездесу өтті.
Кездесуде Қармақшы ауданының әкімі Мұса Қалдарбеков талантты өнер қайраткерін арнайы құттықтап, сый-құрмет жасады.
<blockquote>
 «Сыр елі- жыр елі» деп танылған жердің дәстүрлі жыраулық өнерін дамытып, кейінге жеткізу жолындағы еңбегіңізді халқыңыз жоғары бағалайды. Өлкеміздегі ұлттық өнерді асқақтату жолында зор үлес қосып, ізіңізден ерген талантты шәкірттер тәрбиеледіңіз. Ел үшін еткен еңбегіңіз – ұрпаққа ұлағат, болашаққа сарқылмас байлық болып, әрқашанда мәртебеңіз биік, мерейіңіз үстем болсын», – деді аудан әкімі.
</blockquote>
Сонымен қатар мерейтой иесін Қызылорда облыстық мәслихат хатшысы Байқадамов Наурызбай Сейітқалиұлы мен экономика ғылымдарының кандидаты, профессор Қазыбай Құдайбергенов арнайы құттықтап, жылы лебіздерін білдірді.
Алтын дауысты жырау, профессор Қазақстан Республикасының Мәдениет қайраткері, Қазақстанның еңбек сіңірген қайраткері, «Парасат» орденінің иегері Алмас Алматовтың дәстүрлі жыр көшін жалғастырып жүрген шет елдерге, республикаға танымал шәкірттері «Құрмет» орденінің иегері, жырау-әнші Шолпан Бимбетова, «Ерен еңбегі үшін» медалінің иегері жырау Руслан Ахметов, «Мәдениет саласының үздігі» төсбелгісінің иегері, жырау Майра Сәрсенбаева, Халықаралық байқаулардың жеңімпазы, жырау Серік Жақсығұлов, Мемлекеттік «Дарын» жастар сыйлығының иегері, жырау Күнсұлу Түрікпен, әнші Мұхамедәлі Бекпейісовтер жыршы термешілер терме-толғауларын орындады.
Тағылымы мол өткен кездесуде арнайы сахна төріне шыққан жырау ұстаз Алмас Нұрмаханұлы жыр кешін қорытындылап, жырдан шашу шашты.
<img src="https://kyzylorda-news.kz/wp-content/uploads/2021/03/fb_img_1615628367747.jpg" alt="" />
<img src="https://kyzylorda-news.kz/wp-content/uploads/2021/03/fb_img_1615628372134.jpg" alt="" />
<img src="https://kyzylorda-news.kz/wp-content/uploads/2021/03/fb_img_1615628374612.jpg" alt="" />
<img src="https://kyzylorda-news.kz/wp-content/uploads/2021/03/fb_img_1615628377524.jpg" alt="" />

Жырау Алмас Алматов &#8211; 65 жаста

<h5 id="kyzylordanewskzhttpskyzylordanewskz"><a href="https://kyzylorda-news.kz/">Kyzylorda-news.kz</a>. Онкологиялық ауруы бар науқастарға вакцина салдыруға бола ма? Бұл сауалға «Онкология және радиология ҚазОРҒЗИ» АҚ Басқарма төрайымы, медицина ғылымдарының докторы, ҚР Ұлттық Ғылым академиясының Академигі, Қазақстан онкологтар қауымдастығының төрайымы Диляра Қайдарова жауап берді.</h5>
<blockquote>
 «Қазір барлық онкологтар қауымдастығы онкологиялық ауру бар науқастарға вакцина салдыру мүмкіндігі туралы мәселені талқыға салуда. 2021 жылдың ақпан айында Америкалық онкологтар қауымдастығының мұндай науқастардың белгілі бір категориясына арналған вакцинациялау жөніндегі хаттамасы дайын болды. Мысалы, пациент ремиссия деңгейінде болса, онда олар толық диагностикалық тексеруден өткеннен кейін вакцина алуына болады. Бірақ, бұл әлі түйіні қойылмаған мәселе. Дегенмен, америкалық және уеропалық онкоқауымдастықтар онкологиялық ауру бар науқастарға өлі вирусы бар вакцина салуды ұсынып отыр. Сондықтан, біз осы стандарттарға сай келетін өзіміздің отандық вакцинаның қолданысқа берілуін күтіп отырмыз», – деді ол.
</blockquote>
<a href="https://baq.kz/news/othernews/kazakstanda-34-mynnan-astam-adamga-vakcina-salyndy/">Baq.kz</a>

Онкологиялық ауруы бар науқастарға вакцина салдыруға бола ма?

<a href="https://kyzylorda-news.kz/">Kyzylorda-news.kz</a>. Таяуда Олимпиада ойындарының екі дүркін күміс жүлдегері Әділбек Ниязымбетов басшылық қызметке тағайындалды. Елімізде спортшыларды мемлекеттік қызметке қою бұрыннан қалыптасқан құбылыс. Олимпиада чемпионы Бақтияр Артаев 10 жылдан аса уақыттан бері мемлекеттік қызметте жүр.&nbsp;
Әділбек Ниязымбетов
<img src="https://kyzylorda-news.kz/wp-content/uploads/2021/03/97e2e962c7c9c1f0cb619ea7509ea374.jpeg" alt="" />
Әділбек Ниязымбетов 1989 жылы 19 мамырда Өзбекстанның Нүкіс қаласында туған. Кішкентай кезінде Ақтауға көшіп барған.
31 жастағы Әділбек бокстағы карьерасымен елге танымал. 2011 және 2013 жылдары әлем чемпионатында күміс медаль таққан. 2012 және 2016 жылдары өткен Олимпиада ойындарында да финалда сүрініп, елге “күміспен” оралған. Карьерасында Азия ойындарының жеңімпазы, Азия чемпионы секілді жетістіктер бар.
Ол карьерасын 2018 жылы аяқтады. 2019 жылдан бері Нұр-Сұлтандағы Олимпиада орталығында қызмет етті. Ал былтыр Шоқыр Бөлтекұлы атындағы Маңғыстау облыстық жоғары спорт жетістіктері мектебі директорының орынбасары болды.
Таяуда Ниязымбетов осы мектептің директоры қызметіне тағайындалды.
Динара Сәдуақасова
<img src="https://kyzylorda-news.kz/wp-content/uploads/2021/03/d3d18f9f25b3eb8fd0f53e29e8d886ba.jpeg" alt="" />
Осыдан бірнеше күн бұрын шахматтан әлем чемпионы Динара Сәдуақасова да басшылық қызметке тағайындалды. Ол елімізде емес, халықаралық ұйымда қызмет етеді. Дәлірек айтқанда, 24 жастағы Динара FIDE халықаралық шахмат федерациясы спортшыларының комиссиясын басқарады.
<blockquote>
 «Қуанышты жаңалығымды бөлісіп отырмын – FIDE спортшылары комиссиясының төрағасы болып тағайындалдым», – деп жазды Сәдуақасова Instagram-парақшасында.
</blockquote>
Шахматшы 1996 жылы 31 қазанда Нұр-Сұлтанда дүниеге келген. Бес жасынан бері шахмат ойнайды. 2018 жылы FIDE әлемдік рейтингінде ТОП-15 қатарына енген.
Ал 2019 жылы әйелдер арасында Азия чемпионатында топ жарған алғашқы қазақстандық атанды. 14, 17, 18 жасқа дейінгі қыздар арасында әлем чемпионы болған.
Мұхтархан Ділдәбеков
<img src="https://kyzylorda-news.kz/wp-content/uploads/2021/03/6bec998041e24396784e1c0c07b7a7be.jpeg" alt="" />
Жыл басында танымал боксшы Мұхтархан Ділдәбеков те басшы атанды. Ол “Шымкент қаласының №1 олимпиада резервінің мамандандырылған балалар-жасөспірімдер спорт мектебінің” директоры болып тағайындалды.
Спорт мектебі 1997 жылы ашылған. Мектепте спорттың 8 түрі бар: каратэ, таеквондо, кикбокс, бокс, дзюдо, еркін күрес, әйелдер күресі және грек-рим күресі.
Мұхтархан Ділдәбеков 1976 жылы наурызда қазіргі Түркістан облысы Жамбыл аулында туған. Ауыр салмақта халықаралық деңгейде сәтті өнер көрсеткен алғашқы қазақстандық боксшы саналады. 1999 жылғы әлем чемпионатында, сол жылғы Азия чемпионатында күміс жүлде иеленген. 2000 жылы Сиднейдегі Олимпиада ойындарында да күміс медаль таққан.
Азия ойындарында үш мәрте жүлдегерлер қатарынан көрінген. 1998 жылы Азия ойындарының жеңімпазы атанса, 2002 және 2006 жылдары финалда сүрінген.
Бұған дейін ол республикалық “Көкпар” федерациясын басқарған болатын.
Илья Ильин
<img src="https://kyzylorda-news.kz/wp-content/uploads/2021/03/18954d823089359d33136676c73359ca.jpeg" alt="" />
Ауыратлет Илья Ильин былтыр бірнеше қызметке тағайындалды. Мамырда зілтемірші спорттағы карьерасын аяқтағаны хабарланды. Көп ұзамай ол Қызылорда қаласындағы “Мұз айдыны” кешенінің директоры атанды.
Ал қыркүйекте тағы бір лауазымға ие болды. Бұл жолы Қызылорда облысының қазақстандық спортшылар одағының филиалын басқаратыны хабарланды.
Желтоқсанда Ильин “Ұлттық ғылыми-практикалық дене тәрбиесі орталығының” бас ғылыми қызметкері болғаны жарияланды.
32 жастағы ауыратлет – 2005, 2006, 2011 және 2014 жылдағы әлем чемпионаттарының жеңімпазы. 2016 жылы ол допингке қайта тест тапсырғаннан кейін 2008 және 2012 жылдары Олимпиада ойындарында жеңген алтын медальдарынан айырылып, екі жылға жарыстардан шеттетілген болатын.
Ильин екі салмақ дәрежесінде төрт бірдей әлем рекордын орнатқан. 2005, 2006, 2014, 2015 жылдары әлемнің үздің ауыратлеті атанған.
Ақжүрек Таңатаров
<img src="https://kyzylorda-news.kz/wp-content/uploads/2021/03/44b9d864d78a8555ebf69a4c996d8ad6.jpeg" alt="" />
Олимпиада жүлдегері атанған тағы бір қазақстандық Ақжүрек Таңатаров та қазір басшылық қызметте. Ол 2018 жылы Жамбыл облысына қарасты “Облыстық мамандандырылған балалар-жасөспірімдер спорт мектебінің” директоры болып тағайындалды.
Ақжүрек 1986 жылы Таразда туған. Еркін күрестен Қазақстанның бірнеше дүркін чемпионы атанған. Басты жетістігі – 2012 жылы Лондонда өткен Олимпиада ойындарындағы қола медалі.
2017 жылы да қанжығасын бірнеше медальмен толтырған. Парижде өткен әлем чемпионатында қола медаль иеленген. Ал Нью-Дели Азия чемпионы атанған.
Асхат Шахаров
<img src="https://kyzylorda-news.kz/wp-content/uploads/2021/03/065de8a47f0cb00b4052c6401a06f359.jpeg" alt="" />
Дзюдошы Асхат Шахаров білдей бір қаланы басқарып отыр. Ол былтыр наурызда Ақтөбе қаласының әкімі болып тағайындалған.
Спортшы 1978 жылы қазанда Орынбор облысы Ақбұлақ аулында дүниеге келген. Дзюдодан 2000 жылы Азия чемпионатында күміс, 2001 жылы әлем чемпионатында қола медаль иеленген. Самбодан үш дүркін әлем чемпионы атанған.
Спорттағы карьерасын аяқтаған соң Шахаров Ақтөбедегі университеттердің бірінде оқытушы болып жұмыс істеген. Бірнеше жыл бойы қалалық, облыстық мәслихат депутаты болған.
Артынша БҚО-дағы Қаратөбе мен Зеленовский аудандарының әкімі қызметін атқарған. 16 наурызда Шахаровтың Ақтөбе әкімі атанғанына бір жыл болады.
Серік Сәпиев
<img src="https://kyzylorda-news.kz/wp-content/uploads/2021/03/e1ae5aecf9c19941b22f4676b04853a7.jpeg" alt="" />
Серік Сәпиевтің де жоғары лауазымдарда жүргеніне бірнеше жыл болды. Болашақ боксшы 1983 жылы қарашада Қарағанды облысы Абай қаласында туған. Бокстағы карьерасында жетістігі мол. 2012 жылы Лондон Олимпиадасында топ жарған. Екі дүркін әлем чемпионы, екі дүркін Азия чемпионы атағы бар. 2010 жылы Азия ойындарының жеңімпазы атанған.
Олимпиададан кейін Сәпиев Лондонда оқып қайтып, 2014 жылы Astana Arlans клубының президенті қызметіне тағайындалды. 2017 жылы Мәжіліс депутаты атанып, бір жылдан кейін өкілеттілігін тоқтатты.
2019 жылы қаңтарда боксшы Мәдениет және спорт министрлігі Спорт және дене шынықтыру істері комитетінің төрағасы болып тағайындалды. Ал жарты жылдан кейін Серік Сәпиев ТМД-ға мүше мемлекеттердің дене шынықтыру және спорт кеңесінің төрағасы атанды.
<a href="https://kaz.tengrinews.kz/">Tengrinews.kz</a>

Басшылық қызметтегі спортшылар

Көрісу күні қалай пайда болған?

<a href="https://kyzylorda-news.kz/">Kyzylorda-news.kz</a>. Аустралия ұлттық университетінің геофизигі Джоанн Стивенсон әріптестері мен бірігіп Жердің өзегінде белгісіз құрылымдық ерекшеліктерді анықтады.
Ғалымдар Жердің өзегі біртекті емес екенін және кіші көлемдегі тағы бір «ішкі» ядроны бар екенін анықтады.
<blockquote>
 «Бұл өте қызықты, болашақта біздің теориямыз дәлелденсе тарихты қайта жазу керек болады», – дейді ғалымдар.
</blockquote>
Дәстүрлі болжам бойынша Жер 4 негізгі қабаттардан тұрады. Олар: Жер қыртысы, мантия, сыртқы және ішкі ядро.
Алайда, Жер қыртысының астындағы қабаттар туралы білім жанартаулар мен сейсмикалық толқындар туралы білімге негізделген.
Аустралиялық геофизиктер ондаған жылдар бойына сейсмикалық толқындардың Жер арқылы қалай өтетіндігі туралы мәліметтерді салыстыру үшін арнайы алгоритмді түзген.
Зерттеу барысында ішкі ядроның тереңдігінде айтарлықтай өзгерістер болған жоқ. Алайда толқындардың бағыты 54 градусқа өзгергені анықталды.
<blockquote>
 «Біз темір құрылымның өзгеріп жатқандығына дәлел таптық. Бұл планетамыздың тарихында екі бөлек мұз дәуірі кезеңі болғанын білдіреді», – деп түсіндірді Стивенсон.
</blockquote>
Жаңалық кейбір эксперименттік мәліметтердің Жер құрылымының қазіргі модельдеріне неге сәйкес келмейтіндігін түсіндіруі мүмкін. Кейінгі жылдары ғалымдар «ішкі ядроның» бар екендігі туралы ой қозғауда, себебі ішкі ядроны құрайтын темір кристалдары әртүрлі құрылымдық орналасуларға ие.
<a href="https://massaget.kz/layfstayl/alemtanu/64640/">M</a><a href="https://massaget.kz/layfstayl/alemtanu/64640/">assaget.kz</a>

Жердің ортасында ғылымға белгісіз құрылым анықталды

<a href="https://kyzylorda-news.kz/">Kyzylorda-news.kz</a>. Әлемде коронавирус пандемиясының жарияланғанына бүгін 1 жыл болды. Осы уақыт аралығында жер бетінде 117 миллионнан астам адам вирус жұқтырды, деп хабарлайды <a href="https://24.kz/kz/zha-aly-tar/lemde/item/460696-lemde-koronavirus-pandemiyasyny-366-k-ni-alaj-tti">«Хабар 24»</a>.
2 миллион 600 мың жан қайтыс болды. Кеңінен етек жайған індетті тоқтату үшін әлем елдерінде төтенше жағдай жарияланып, шекарадан кіріп-шығу шектелді. Қоғамдық орындар мен мектептер жабылды. Мекемелер амалсыз қашықтан жұмыс істеуге көшті. Індет келген бір жылда әлемде не өзгерді?
Бір жыл бұрын өмір басқаша еді. Күйбең тіршілік, гуілдеген көлік дауысы. Бітпейтін жұмыс, таусылмас тірліктің соңынан тырбаңдап жүрген адамдар. Қашан, қай жерде тоқтарымызды ешкім де дөп басып айта алмайтын кез еді.
Бірақ бәрі бір заматта өзгеріп шыға келді. Әп-сәтте әлемдегі тіршілік тоқтап қалғандай болды. Бәрі алты құрлыққа ауыз салған коронавирустың кесірі.
<blockquote>
 «Коронавирустың жылдам таралуына қатты алаңдап отырмыз. Жағдайды жіті зерттеп, COVID-19-ды пандемия деп атауға болатынына көз жеткіздік». – дейді ДДСҰ басшысы Тедрос Адханом Гебрейесус.
</blockquote>
Бірақ бұл жаңалыққа алғашында әлем жұрты аса қатты мән бермеді. Тіпті елемегендей болды. Халыққа талай рет ауызбен айтылып, видеомен көрсетіліп жатса да, ел оған сенуден бас тартты. Ол – ол ма, індетті жоққа шығарып келген саясаткерлер де болды.
<blockquote>
 «Инфекцияға шалдыққаннан кейін президент Жаир Болсонару COVID-19-ға қатысты ойын өзгертетін шығар деп үміттендік. Бірақ ол әлі күнге дейін ауруды жоққа шығарып келеді». – дейді эпидемиолог Роберто Медронхо.
</blockquote>
Коронавирус жаһан жұртын жалмап, өз дегенін істеп жатты. Билік өкілдері шұғыл шара да қабылдады. Карантин де жариялады. Әлем жұрты тосыннан төрт қабырғаға қамалды да қалды. Біреулер бұған ашуланды, келесісі қайғырды. Бірақ бұрынғыша болмайтынын ұқты. Дүниені дүрліктірген вирусты қабылдап, оған бейімделе өмір сүруге көшті.
Сөйтіп, «Саулық сақтықта» деген сөз қоғамның жаңа ұранына айналды. Барша жұрт бетперде тағу, әлеуметтік арақашықтық сақтаудың қаншалықты маңызды екенін түсінді. Күн сайын жүз мыңдаған адамның вирус жұқтырғанын көзбен көрген ел денсаулықтың қадірін білді.
<blockquote>
 «Әр минут сайын отбасының бір мүшесі қайтыс болып жатыр. Бұл сұмдық жағдай. Сондықтан азаматтар ахуалдың күрделілігін түсінулері керек. Өкінішке қарай, адамдар өзгелердің жауапкершілік танытпауынан зардап шегіп отыр», – дейді тұрғын Памела Габриэла Орозко.
</blockquote>
Індет талай жанның тағдырын жалмап, сан түрлі саланы шатқаяқтатқанда, вирустан құтылудың амалы пайда болды. Қауіпті инфекцияға қарсы жаңа дәріні жарыса іздеген әлем ғалымдары бірінен соң бірі вакцинаның пайда болғанын хабарлады.
<blockquote>
 «Бұл вирустың ағзадағы жасушаларға желімдей жабысып алатын қасиеті бар. Антиденелердің көмегімен біз оны бұзуға тырыстық». – дейді ғалым Грегори Гленн.
</blockquote>
Қазір дүниежүзі бойынша 10-ға жуық вакцина бар. Ендігі мәселе – жер тұрғындарының бәрін препараттармен қамту. Бұл әрине, өте ауқымды әрі күрделі жұмыс екені сөзсіз. Десе де, қысқа мерзім ішінде жеткен жетістіктер жоқ емес. Бүгінде әлемнің ондаған елінде халықты жаппай вакциналау науқаны жүріп жатыр. Бұған қоса, Дүниежүзілік денсаулық сақтау ұйымы «келер жылдың басында адамзат пандемияны еңсереді» деп қуантып отыр.

Әлемде коронавирус пандемиясының 1 жылы қалай өтті?

Kyzylorda-news.kz. Қазақстанда 12 наурыздағы эпидемиологиялық жағдай бойынша ПТР тестінің оң нәтижесі бар коронавирус инфекциясын жұқтырған 1 002 жағдай тіркелді, деп хабарлайды coronavirus2020.kz.
Елімізде коронавирус инфекциясын жұқтырғандар саны 222 671-ге жетті.
Оның ішінде:
Нұр-Сұлтан қаласында – 26 276 (+152),
Алматы қаласында – 27 001 (+293),
Шығыс Қазақстан облысында – 22 429 (+35),
Атырау облысында – 17 624 (+42),
Павлодар облысында – 18 413 (+50),
Қарағанды облысында – 16 039 (+74),
Ақмола облысында – 14 397 (+50),
Батыс Қазақстан облысында – 13 735 (+68),
Солтүстік Қазақстан облысында – 12 700 (+21),
Қостанай облысында – 13 021 (+48),
Алматы облысында – 11 533 (+90),
Шымкент қаласында – 6 344 (+25),
Жамбыл облысында – 6 112(+13),
Түркістан облысында – 4 344 (+4),
Маңғыстау облысында – 4 295 (+3),
Ақтөбе облысында – 4 492 (+29),
Қызылорда облысында – 3 916 (+5).

Қазақстан және Қызылорда облысының жаңалықтары

Жастар бос уақытын қалай пайдаланады?

Қасым-Жомарт Тоқаев қазақстандықтарды Көрісу күнімен құттықтады

Жексенбіге арналған ауа райы болжамы

Алматы әуежайы маңындағы ұшақ апатынан 4 адам қаза тапты

Әлемде дүниеге келген егіздер саны күрт көбейді

Жырау Алмас Алматов – 65 жаста

Онкологиялық ауруы бар науқастарға вакцина салдыруға бола ма?

Басшылық қызметтегі спортшылар

Көрісу күні қалай пайда болған?

Жердің ортасында ғылымға белгісіз құрылым анықталды

Әлемде коронавирус пандемиясының 1 жылы қалай өтті?

Қызылордада 5 адам коронавирус жұқтырды

Қазақстан және Қызылорда облысының жаңалықтары

Жастар бос уақытын қалай пайдаланады?

Қасым-Жомарт Тоқаев қазақстандықтарды Көрісу күнімен құттықтады

Жексенбіге арналған ауа райы болжамы

Алматы әуежайы маңындағы ұшақ апатынан 4 адам қаза тапты

Әлемде дүниеге келген егіздер саны күрт көбейді

Жырау Алмас Алматов &#8211; 65 жаста

Онкологиялық ауруы бар науқастарға вакцина салдыруға бола ма?

Басшылық қызметтегі спортшылар

Көрісу күні қалай пайда болған?

Жердің ортасында ғылымға белгісіз құрылым анықталды

Әлемде коронавирус пандемиясының 1 жылы қалай өтті?

Қызылордада 5 адам коронавирус жұқтырды

Жырау Алмас Алматов – 65 жаста