<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1958 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 104,
Алматы қаласы – 594,
Шымкент қаласы – 150,
Ақмола облысы – 49,
Ақтөбе облысы – 116,
Алматы облысы – 24,
Атырау облысы – 66,
Шығыс Қазақстан облысы – 191,
Жамбыл облысы – 23,
Батыс Қазақстан облысы – 14,
Қарағанды облысы – 139,
Қостанай облысы – 182,
Қызылорда облысы – 45,
Маңғыстау облысы – 10,
Павлодар облысы – 105,
Солтүстік Қазақстан облысы – 133,
Түркістан облысы – 13.
Қазақстан бойынша жазылғандар саны – 850849.

45 қызылордалық коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1707 адамда коронавирус індеті ПТР арқылы расталып ауырғаны белгілі болды, деп хабарлайды <a href="https://www.coronavirus2020.kz/kz">coronavirus2020.kz</a>.
_Аймақтар бойынша: 
_Нұр-Сұлтан қаласы – 240 
Алматы қаласы – 269 
Шымкент қаласы – 63 
Ақмола облысы – 115 
Ақтөбе облысы – 77 
Алматы облысы – 137 
Атырау облысы – 43 
Шығыс Қазақстан облысы – 74 
Жамбыл облысы – 25 
Батыс Қазақстан облысы – 49 
Қарағанды облысы – 158 
Қостанай облысы – 98 
Қызылорда облысы – 28 
Маңғыстау облысы – 14 
Павлодар облысы – 150 
Солтүстік Қазақстан облысы – 136 
Түркістан облысы – 31 
Жалпы ел бойынша ауырғандар саны 908847.

Қызылордада 28 адамнан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Сәрсенбіде антициклон республиканың басым бөлігіне әсерін сақтайды, сондықтан көбінесе жауын-шашынсыз ауа райы күтіледі, деп хабарлайды Қазгидромет.
Солтүстік пен шығыста қар жаууы ықтимал. Ал еліміздің батысында, оңтүстігінде, оңтүстік-шығысында желдің күшеюі, оңтүстігінде және батысында шаңды дауыл, солтүстігінде, шығысында, оңтүстік шығысында тұман күтіледі.
Жамбыл облысының таулы және тау бөктеріндегі аудандарында тұман түседі, облыстың оңтүстік-батысында, солтүстік-шығысында және таулы аудандарында желдің күшеюі 15-20, екпіні 23-28 м/с. Маңғыстау облысының батысында, орталығында күндіз шаңды дауыл көтеріледі, желдің жылдамдығы 23 м/с жетеді.
Түркістан облысының таулы аудандарында жел тұрады – 15-20, екпіні 23 м/с.
Алматы облысының Алакөл көлдері ауданында, күндіз Атырау облысының батысы мен орталығында жел 17-22 м/с, Атырау облысында шаңды дауыл күтіледі.
Қызылорда облысының орталығында жел шаңды дауылмен 15-20 м/с күшейеді.
Солтүстік Қазақстан облысының шығысында, түнде Павлодар облысының солтүстігінде, Шығыс Қазақстан облысының шығысында тұман түсуі ықтимал.

Сәрсенбіге арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Соңғы мәлімет бойынша 424083 (51,53%) респондент онлайн санақтан өтті. Олардың 364817-і sanaq.gov.kz сайтында, 34461 Egov порталында тіркелу арқылы жауап берсе, 24805 адам санаққа Аitu қосымшасы арқылы қатысты. Бұл туралы бүгін Өңірлік коммуникациялар қызметінде өткен баспасөз конференциясында облыстық статистика департаментінің бастығы Мариям Баекеева хабарлады.
2021 жылғы Ұлттық халық санағы аясында азаматтарға олардың экономикалық, әлеуметтік жағдайы, тұрғын үй жағдайларының жай-күйі және т.б. туралы 91 сұрақ қойылады. Халық санағын өткізу үшін 91 сұрақтан тұратын санақ парақтары әзірленді. 8 сұрақ бірге тұратын отбасы мүшелеріне, тұрғын-үй жағдайына, 60 сұрақ жеке басына қатысты және т.б. Санақ қорытындысы бойынша халықтың саны мен жыныстық-жас құрылымын бағалау үшін бастапқы база қалыптасатынын, халықтың әртүрлі әлеуметтік-демографиялық топтарының жағдайын сипаттайтын ақпарат.
Жалпы, санақ жұмыстарының II-кезеңіне 1113 адам уақытша жұмысқа тартылады, оның ішінде 139 нұсқаушы-бақылаушы, 974 сұқбатшы. Оларды уақытша жұмысқа тартылуы үшін stat.gov.kz, www.enbek.kz сайтына, әлеуметтік желілерге хабарлама беріліп, «Жастар ресурстық орталығымен» бірлесіп жұмыстар жасалып, құжаттар қабылдануда.
Айта кету керек, ҚР халық санағын өткізу кезеңінде санақ персоналына куәлік (бейдж үшін қосымша бет) берілді. Куәлікте сұқбатшының немесе нұсқаушы-бақылаушының суреті болады, сонымен қатар мынадай деректемелер: тегі, аты, әкесінің аты, берілген күні және оның жарамдылық мерзімі, аумақтық статистика органының қолы мен мөрі көрсетілген. Халық санағының белгісі бар көк түсті мойынорағыш, портфелі бар.

Қызылордада 420 мыңнан астам адам онлайн санақтан өтті

<a href="https://kyzylorda-news.kz/ru/obshestvo/">Kyzylorda-news.kz</a>. Аймақ басшысы Гүлшара Әбдіқалықова Қызылорда облысы бойынша санитариялық-эпидемиологиялық бақылау департаментінің басшысы Динара Жаңабергеновамен кездесті. Жиында өңірдегі эпидемиологиялық ахуал сөз болды.
Жыл басынан бері жауапты департаментпен жоспардан тыс 815 тексеру жүргізіліп, 323 заң бұзушылық анықталып, қорытындысымен жалпы сомасы 37 180 457 теңгені құрайтын айыппұл салынды. Мекеме білім беру ұйымдарына да тексеріс жұмыстарын жүргізген.
Кездесуде облыс әкіміне коронавируспен күрес амалдары, вакцинациялау қарқыны және тұмау мен туберкулезге қарсы екпе жұмыстарын жүйелі ұйымдастыру мәселесі қаралды.
Аймақ басшысы өңірді коронавирус және басқа да инфекциялық аукруларға қарсы дәрі-дәрмек қорымен толық қамтамасыз етуді, халық арасында ковид-19 індетіне қарсы екпе туралы түсіндірме жұмыстарын жандандыруды міндеттеді. Мұнан бөлек, балалар арасында туберкулез ауруына қарсы вакцина салдыру мәселесі (БЦЖ) туралы ата-аналар арасында ақпараттық жұмыстарды күшейту қажеттігін еске салды.
<img src="https://kyzylorda-news.kz/wp-content/uploads/2021/10/obbb.jpg" alt="" />

Қызылордада эпидемиялогиялық ахуал бойынша 323 заң бұзушылық анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова облыс бойынша медициналық және фармацевтикалық бақылау мен облыстық санитариялық-эпидемиологиялық бақылау департаменттерінің басшыларымен кездесіп, атқарылған жұмыстарды саралады.
Алдымен медициналық және фармацевтикалық бақылау департаментінің басшысы Ғалия Байменова 9 айда атқарылған негізгі жұмыстарға тоқталып, өңірдегі ахуалды баяндады.
Жыл басынан бері департаментпен көрсетілетін медициналық қызмет пен фармацевтикалық нысандарға жоспардан тыс 131, жоспар бойынша 28 тексеріс ұйымдастырылған. Нәтижесінде түрлі дәрежедегі 56 әкімшілік құқық бұзушылық анықталып, жалпы көлемі 3,5 миллион теңгеге жуық айыппұл салынды. Департаментке келіп түскен шағымдардың басым бөлігі медициналық қызметке, емханалардың жұмысына байланысты туындаған. 
Мекеме басшысының айтуынша, бүгінде дәрі-дәрмек қорында тапшылық жоқ. «СҚ-Фармация» ЖШС дәрілік қоймасында ковидке қарсы 3,69 миллион теңгенің дәрі қоры сақталған.
Өңір басшысы шалғай елді мекендегі дәріханаларда препараттардың қорын тексеріп, қажеттілікке қарай анализ жүргізу қажеттігін еске салды.
<blockquote>
 «Көрші Ресейде эпидемиологиялық жағдайдың ушығуына байланысты бізге де нақты іс-шаралар жоспарын бекіту қажет. Әсіресе, шалғай ауылдар мен аудандарда дәрі тапшылығының орын алмауын қамтамасыз ету керек. Тұрғындардың шағымдарын ескеріп, департаментке түскен өтініштер бойынша тексеру, бақылау жұмыстарын әлде де күшейтуді тапсырамын», – деді облыс әкімі.
</blockquote>
Айта кетейік, облыс әкімдігінің қолдауымен фармацевтикалық ұйымдарды қажетті дәрілік препараттармен қамтамасыз ету үшін 488 миллион теңге қаражат бөлінді. Қазіргі таңда аймақтағы 17 мекеме бір жылға 1 пайыз мөлшерлемемен несие берілді.
<img src="https://kyzylorda-news.kz/wp-content/uploads/2021/10/ob.jpg" alt="" />

Гүлшара Әбдіқалықова: Шалғай ауылдар мен аудандарда дәрі тапшылығының орын алмауын қамтамасыз ету керек

<a href="https://kyzylorda-news.kz/ru/obshestvo/">Kyzylorda-news.kz</a>. Қызылордада облыстық татар этномәдени бірлестігінің ұйымдастыруымен және өңірлік Қазақстан халқы Ассамблеясының қолдауымен «Қазан ұлттық жартылай марафоны – 2021» өтті.
Іс-шараға облыстық ішкі саясат басқармасының «Қоғамдық келісім» КММ директоры Болатбек Айтбенбетов, этномәдени бірлестіктердің өкілдері және қала тұрғындары қатысты.
Тәуелсіздіктің 30 жылдығы мен қала күніне орайластырылған бұл жарыс Қызылордада алғаш рет өткізіліп отыр.
Шараның алғы сөзінде «Қоғамдық келісім» КММ директоры Болатбек Айтбенбетов пен татар этномәдени бірлестігінің төрайымы Галия Гизатуллина барлық қатысушыларға сәттілік тіледі.
Марафонға 7-ден 85 жасқа дейінгі тұрғындар қатысты. Ерлер мен әйелдер арасында жас санаттары бойынша барлық жеңімпаздар мен жүлдегерлер дипломдармен, медальдармен және кубоктармен марапатталды.
<img src="https://kyzylorda-news.kz/wp-content/uploads/2021/10/marafonn-scaled.jpg" alt="" />

Қызылордада алғаш рет «Қазан жартылай марафоны» өтті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Дүниежүзілік денсаулық сақтау ұйымы жыл соңына дейін «Спутник Ви» вакцинасын мақұлдауы мүмкін.
Бірақ ол үшін алдағы күндері тиісті құжаттарға қол қою ісі аяқталуы керек. Бұл туралы аталған ұйымның аға ғылыми қызметкері Сумия Сваминатан «РИА Новостиге» берген сұхбат барысында мәлімдеді. Бұған дейін Дүниежүзілік денсаулық сақтау ұйымы кейбір заң процестерінің жоқ болуына байланысты «Спутник Виді» тексеруді тоқтатқан еді.
Айта кетейік, бүгінде мақұлданған вакциналар қатарында Пфайзер ((Pfizer-BioNTech)), Модерна ((Moderna)), Синовак ((Sinovac)) және АстразЭнэка ((АstraZeneca)) өнімдері бар. Ал ресейлік препарат әлемнің 70 елінде мойындалған.
<a href="https://24.kz/kz/zha-aly-tar/lemde/item/503874-sputnik-v-vkatsinasy-ma-ldanuy-m-mkin">Хабар 24</a>

«Sputnik V» вакцинасы мақұлдануы мүмкін

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облыстық «Жастар ресурстық орталығы» мекемесінің ұйымдастыруымен ақпараттық түсіндірме топ мүшелері білім беру ұйымдарында жастармен кездесті.
Кездесудің мақсаты – Қазақстан Республикасының Президенті Қасым-Жомарт Кемелұлы Тоқаевтың Қазақстан халқына жариялаған «Халық бірлігі және жүйелі реформалар – ел өркендеуінің берік негізі» атты кезекті жолдауын жастарға насихаттау, сонымен қатар жастар арасындағы діни экстремизм мен терроризмнің алдын алу және діни сауаттылығының жоқтығынан теріс діни ағымның жетегінде кетіп жатқан жастарға түсіндірме жұмыстарын жүргізу, сондай-ақ жастар арасында құқық бұзушылықтың алдын алу болып табылады.
Кездесуде «Ақмешіт» гуманитарлық – техникалық институтының студент жастарына облыстық «Жастар ресурстық орталығы» КММ-нің «Жастар шығармашылығы және бұқаралық спортты дамыту» бөлімінің басшысы Әлиби Басаров «Бүгінде жастардың қызығушылықтары қай салада? Шығармашылық ортаға қалай тез бейімделу керек? Жетістікке жету үшін бүгінгі жастарға не жетіспейді?» деген сынды сауалдарды қамти отырып, бүгінгі жастар арасындағы негізгі мәселелерді айтып, сөз соңын түйіндеді. Сондай-ақ, жастар арасында қылмыстық әрекеттер де жоқ емес. Соның алдын алу мақсатында ҚПБ ЖПҚБ ЮПБ полиция майоры С.Исаев қандай да қылмыстың өтеуі жаза екенін сонымен қатар, жетістікке тек тәртіп пен білімнің нәтижесінде жететінін жеткізді.
Осы ретте, «Дін мәселелерін зерттеу орталығының» дінтанушы маманы Асхат Ерубай қатысып, бүгінде жастардың тез иланатын ортасы әлеуметтік желі екенін атап айтты. Сондықтан қандай да бір ақпаратты алар немесе, бөлісер алдында көз жеткізіп алғаны абзал екенін алға тартып айтты.
Кездесу соңында түсіндірме топ мүшелері аталған тақырыптар төңірегінде түсіндірме жұмыстарын жүргізіп, жастарды теріс әрекеттерден аулақ болуға шақырды.
<img src="https://kyzylorda-news.kz/wp-content/uploads/2021/10/245422248_995412781016792_5433561246118756217_n.jpg" alt="" />

Қызылордада ақпараттық түсіндірме топ мүшелері жастармен кездесті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласында 14 қазан күні сағат 20.00-ден бастап 15 қазан күнгі сағат 06.00-ге дейін орталық ауыз су жүйелеріне және «Әл-Фараби», «Шанхай», «КБИ» тұрғын аудандарының су жүйелеріне жоспарлы жуу, шаю және залалсыздандыру жұмыстары жүргізіледі. Осыған байланысты қала орталығының ауыз су жүйелерінде судың қысымы уақытша төмендетіледі.
«Әл-Фараби», «Шанхай», «КБИ» тұрғын аудандарында 2021 жылдың 14 қазан күні сағат 20.00-ден 15 қазан күні сағат 06.00-ге дейін ауыз су беру уақытша тоқтатылады.
Ауыз суды пайдаланар алдында кранды ашып хлордың иісі толық кеткенше ауыз суды пайдаланбауды сұраймыз.
Ведомстволық мекемелерде 2021 жылы 15 қазан күні 06.00-ден бастап суды ағызып хлордың иісі толық жойылғанға дейін жауапты кісілерді бекіту қажет.
<img src="https://kyzylorda-news.kz/wp-content/uploads/2021/10/cw-scaled.jpg" alt="" />

Қызылордада ауыз су уақытша тоқтайды

<a href="https://kyzylorda-news.kz/ru/obshestvo/">Kyzylorda-news.kz</a>. Арал ауданының әкімі Серік Сермағамбетовтың төрағалығымен кезекті аппарат мәжілісі өткізілді. Мәжілістің күн тәртібінде ұлттық халық санағының жүргізілу барысы және аудан бюджетінің 2021 жылдың 9 айдағы игерілу мәселелері талқыланды.
Бірінші мәселе бойынша аудандық статиска басқармасының басшысы Еламан Қапанов баяндама жасады. Бүгінгі күні аудан бойынша санақтан онлайн режимде халықтың 59,5 пайызы өткен. Аудан бойынша 14 нұсқаушы-бақылаушы, 85 интервьюерлер жұмыс жасауы қажет болса, қазір интервьюерлердің 64-і жұмыс жасауда. Қазақстан Республикасы халқының ұлттық санағын өткізудің ІІ кезеңі 15 қазанға дейін онлайн режимінде жүргізу жалғасуда, 30 қазанға дейін санақшылар планшет құрылғысымен үй аралауды жүргізеді.
Халық санағының орындалу көрсеткіші көңіл көншітпейтіндігін айтқан аудан басшысы Арал қаласы, Сексеуіл, Жақсықылыш кенттері мен Қосаман, Жетес би, Аманөткел ауылдық округінің әкімдерінен жеке-жеке бұл жұмыстардың баяу орындалып жатқан себебін сұрады. Сондай-ақ, онлайн санақтың аяқталуына аз ғана уақыт қалғанын айтып, жұмыстарды жандандыруды тапсырды. Бұл мәселеге байланысты жауапты басшыларға халық санағының екінші кезеңінің орындалуын қамтамасыз ету, бұқаралық ақпарат құралдарында кеңінен ақпараттандыру жүктелді.
Одан әрі мәжілісте сөз тізгінін алған аудандық қаржы бөлімінің басшысы Мақпалбай Көлдеев аудан бюджетінің 9 айдағы игерілу көрсеткіші туралы хабарлама жасады. Атап өтейік, аудан бюджетінен қаржыландырылатын бюджеттік бағдарлама әкімшілері 2021 жылдың 1 қазанына белгіленген шығындар бойынша жоспардың 97,6 % орындалған.
Хабарламашының сөзінше, Қызылорда облысы бойынша ішкі аудит департаментінің тексеруіне байланысты жұмыстың уақытша тоқтатылуынан және мемлекеттік сатып алу конкурстарының қорытындысы шықпауынан, конкурстардың қайта жариялануынан, мердігерлер тарапынан жұмыстардың орындалмауынан және қаржылық үнемдеулер негізінде игерілмеген.
Игерілмеген қаржының негізгі бөлігі аудандық құрылыс, сәулет және қала құрылысы, аудандық тұрғын үй-коммуналдық шаруашылығы, жолаушылар көлігі бөлімі және қала, кент, ауылдық округ әкімі аппараттарында қалыптасқан. Бұл көрсеткіштер бойынша да жекелей талдау жасап өткен аудан әкімі бюджет қаржысын мерзімінде игермеу жағдайлары орын алған бөлім басшыларын қатаң сынға алды.
Мәжіліс қорытындысымен аудан әкімі қаржы игерілуіне байланысты жауапты бөлім басшыларына әрбір мердігер мекемемен жекелей талдау жүргізу алдағы кезеңдерде бюджетті дұрыс жоспарлап, қаражатты орналастыру, өз орнымен жұмсау мәселелеріне қатысты тапсырмалар берді. Сонымен қатар берілген тапсырмалар мен міндеттемелерді орындауда ешқандай кемшілікке жол берілмеуін қатаң ескертті.

Аралда халық санағының орындалу көрсеткіші төмен

<a href="https://kyzylorda-news.kz/ru/obshestvo/">Kyzylorda-news.kz</a>. Тәуелсіздік жылдарынан бері Сыр өңіріндегі археологиялық ізденістерді жүргізу Қорқыт Ата атындағы Қызылорда университетінің тұрақты бағыты ретінде қалыптасты. Биыл «Археология және этнология» мамандығының ашылғанына 25 жыл, орталықтың құрылғанына 10 жыл толды. Осы орайда, ҚР Тәуелсіздігінің 30 жылдығы аясында «Қош келдің, археолог!» атты кездесу кеші өтті.
<blockquote>
 «Археология және этнография ғылыми-зерттеу орталығының негізгі мақсаты – Қызылорда облысы территориясындағы тарихи-мәдени мұраны зерттеу және қорғау, археология және этнография салалары бойынша ғылыми зерттеулер жүргізу және тарихи құндылықтарды насихаттау. Сондай-ақ, университеттің тарихшы, археолог және этнограф ғалымдары тәжірибе алмасатын, археология ғылымдарының жетістіктері мен даму жолдарын айқындайтын орталығына айналды», – деді «Тарих және Қазақстан халқы Ассамблеясы» кафедрасының меңгерушісі, т.ғ.к, доцент Айтжан Оразбақов.
</blockquote>
Бүгінге дейін ғылыми зерттеу орталығы 3 халықаралық жоба, ҚР БҒМ Ғылым комитетінің 4 гранттық жобасын, 12 облыстық жобаны орындады. Атап айтсақ, «Wenner-Gren» антропологиялық қорының гранты шеңберінде 2011 жылы Жанкент қала жұртында археологиялық қазба жұмыстары жасалды. 2018-2020 жылдар аралығында Ұлы Жібек жолының солтүстік аймағындағы көшпенділер мемлекетінің қалыптасуы және урбанизациялануы, Ерте орта ғасырдағы Жанкент қаласы туралы халықаралық жоба жүзеге асырылды. Сонымен қатар, Хорезм экспедициясының Сыр өңіріндегі зерттеулерінің тарихы кітап-альбом түрінде жарыққа шықты.
Орталық облыс көлемінде орналасқан жүздеген ескерткіштің паспортын, тарихи-мәдени сараптамаларын жасау мен қорғау аймағын анықтау жұмыстарын тұрақты жүргізіп келеді. Қазіргі таңда 10-нан аса монография, 300-ге жуық ғылыми еңбектер жариялады.
Археологиялық заттарды сипаттап, өңдеп қалпына келтіретін зертханасы және жәдігерлерді қоятын көрме залы бар.
<blockquote>
 «Орталықтың құрылған күнінен бастап ғылыми жетекшілік жасаған белгілі археологтар Ж.Құрманқұлов пен И.А.Аржанцеваның еңбектері зор. Сонымен қатар, халықаралық жобаларды орындауда Тюбинген университетінің профессоры Г.Харкенің орны ерекше», – деді Айтжан Оразбақов.
</blockquote>
Қазақ тарихының тереңдігі мен көп қырлылығының куәсі болып табылатын археологиялық ескерткіштерге деген қамқорлық пен жауаптылық, жан-жақты табанды зерттеулер Қорқыт Ата атындағы Қызылорда университетінің құнды қызметінің бірі болып қала бермек.
<img src="https://kyzylorda-news.kz/wp-content/uploads/2021/10/8-scaled.jpg" alt="" />

Қазақстан және Қызылорда облысының жаңалықтары