<a href="https://kyzylorda-news.kz/">Kyzylorda-news.kz</a>&nbsp; Ара шаруашылығымен айналысу оңтүстікте кенжелеу кәсіптің бірі. Бүгінде оның пайдасы мен тиімділігін білгендер бал арасын ұстауға, одан көл-көсір пайда келетінін білді. Соның бірі омарташы – Елшат Қалиев.<blockquote>– Бал арасын өсіру оңай емес. Бұл жұмыс тиянақтылықты аса қажет етеді. Болашақ омартаның айналасында орман немесе ағаш шоғырларының, бау-бақшалардың болуы тиіс. Бұған Сырдың өңірінің жидесі, жыңғылы, жантағы гүлдегенде бал арасының белсенді әрекеті күшейеді. Сонда барып бала арасы сіздің үмітіңізді ақтайды.</blockquote>Жалпы, мен 1992 жылдан бері омарташы болып келемін. Ұстазым – әкем. Тәжірибем жеткілікті. Жақында бал дүкенін ашсам деймін. Қазір омартада 100-ге жуық ұя бар. Көктем енді келді, енді қызу жұмыс басталады, – дейді Елшат Хамитұы.Елшат Әбілхайыр хан көшесі, № 53 мекенжайында тұрады. Яғни қала тұрғыны. Омарташының айтуынша, бал арасы үлкен бизнеске жол бастар кәсіп. Әсіресе, жергілікті жердің өніміне сұраныс жоғары.Айта кету керек, шырын балды ежелден тағам ретінде тұтынумен қатар, халықтық емдеу дәстүрінде де түрлі сырқаттарға жиі қолданған. Сол себепті де оны тек тағам ретінде ғана емес, түрлі емге пайдалануға болады. Ең бастысы, Қызылорданың таза табиғи өнімін пайдаланып, ем шараларын дұрыс жасай білсек екен.<img src="https://knadmin.beoblood.kz/uploads/Omartashy_1_37a95cc898.jpg" alt="Омарташы 1.jpg"><img src="https://knadmin.beoblood.kz/uploads/2_martashy_475b9ef37d.jpg" alt="2 марташы.jpg"><img src="https://knadmin.beoblood.kz/uploads/3_Omartashy_6ec359e415.jpg" alt="3 Омарташы.jpg">

Омарташы

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде &nbsp;«Таза Қазақстан» экологиялық мәдениетті дамыту жобасы аясында «Eco life» студенттік экологиялық клубы ашылды.Жиынға Әлеуметтік және тәрбие жұмыстар проректоры Жандос Базартай қатысып, оқу орнында ашылған жиырма екінші студенттік ұйым жұмысына сәттілік тіледі. Экоклубқа 100 студент қабылданып, оларға алдағы міндет-жоспарлар таныстырылды.Ашылу рәсімі 22 наурыз – Дүниежүзілік су күні мен 26 наурыз – Арал теңізі күніне орай ұйымдастырылды. Осы ретте, клуб жетекшісі, «Электр энергетикасы, техносфералық қауіпсіздік және экология» білім беру бағдарламасының аға оқытушысы Светлана Кужамбердиева клубқа қабылданушы студенттерге су экологиясы мен ресурстарын тиімді басқарудың маңыздылығын айтты.<blockquote>«Су – тіршіліктің көзі. Экологиялық клубты дәл осы күні ашуымыздың басты мақсаты – білім алушыларға судың экологиялық жүйенің негізі болып табылатынын түсіндіру. Адамдардың іс-әрекеті салдарынан өңіріміздегі Арал теңізінің экосистемаларға қалай әсер еткені – соның айқын мысалы. Қазіргі кезде Аралды құтқару бағытында жоспарлы түрде ғылыми негізде жұмыстар жүргізілуде. Әлем назарындағы Арал теңізін сақтап қалу үшін жастарды экологиялық мәселелерді шешуде ғылыми зерттеулер жүргізуге, жалпы қоршаған ортаны қорғауға баулу басты міндетіміз»,-деді Светлана Кужамбердиева.</blockquote>Экоклубтың мақсаты – студенттердің қоршаған ортаға деген саналы көзқарасын қалыптастыру, экологиялық мәдениетті дамыту, табиғатты қорғауға белсенді қатысу, университетте және одан тыс жерлерде экологиялық мәселелерді шешу, сонымен қатар тұрақты даму ұстанымдары мен экологиялық таза технологияларды насихаттау.<blockquote>«Eco life» клубы құрамында болу маған экологиялық мәселелерге қатысты түсінігімді тереңдетуге мүмкіндік береді. Әрбір адам өз іс-әрекетімен табиғаттың тепе-теңдігін бұзбай, айналамызға деген жауапкершіліктің маңыздылығын түсінуі керек. Клубта өзім сияқты көптеген жастар табиғатты қорғау үшін не істей алатынын талқылап, өзара пікір алмасуға мүмкіндіктері бар. Алдағы уақытта экологиялық мәселерді шешуде ғылыми жобалар мен зерттеулер жүргізіп, өз үлесімді қосамын деген сенімдемін. Және барлық жастарды белсенді болуға шақырамын!», - деді клуб мүшесі Жібек Ақнұрова.</blockquote>Айта кетейік, экоклуб мүшелерінің зерттеу жұмыстарын жүргізіп, іс-шаралар ұйымдастыруына қолайлы орта қалыптастыру негізінде қайта жаңғыртудан өткен дәрісхана пайдалануға берілді. Сонымен қатар, қалдықтарды қайта өңдеу, су мен энергияны үнемдеу, табиғат ресурстарын сақтауға бағытталған көрме қойылды. Жаңа студенттік ұйымға экологиялық мәдениетті қалыптастыруға үлес қосамын деген университеттің студенттері мүшелікке қабылданады. Осы арқылы экологиялық мәдениетті дамытуға, студенттердің бастамаларын қолдауға бағытталған қадам болмақ.<img src="https://knadmin.beoblood.kz/uploads/2_f961d6d702.jpg" alt="2.jpg">

Қорқыт ата атындағы Қызылорда университетінде экоклуб құрылды

<a href="https://kyzylorda-news.kz/">Kyzylorda-news.kz</a> &nbsp;Сағындырған Рамазан айының да аяқталуына аз қалды. 30 наурыз – Ораза айт мейрамы.&nbsp;Қазақстан мұсылмандары діни басқармасы осы күні оқылатын Ораза айт намазының еліміз бойынша әзірленген кестесін назарларыңызға ұсынады.<img src="https://knadmin.beoblood.kz/uploads/1_450de5f1ec.jpg" alt="1.jpg">Фото: ҚМДБ

2025 жылғы Ораза айт намазының кестесі

<a href="https://kyzylorda-news.kz/">Kyzylorda-news.kz</a> Сыр елі өнерпаздарының Наурыз мерекесінің тарихи-мәдени маңызын түсіндіру, тәжірибе алмасу мақсатындағы өнер сапары жалғасуда.Халқымыздың ұлттық мұрасын әлем жұртшылығына таныстыратын «NAURYZ – CELEBRATION OF SPRING» концерті бұл жолы Эстонияның Таллин қаласында өтті. Қазақтың дәстүрлі музыкасы мен өнерін ұлықтаған Қызылорда облыстық филармониясының өнерпаздары қазақтың ән-жырын әуелетіп, көрермен ықыласына бөленді.Шараны 30 мемлекеттің елшілері мен дипломаттары, жергілікті қазақтар мен таллиндіктер барлығы 200-ден астам көрермен тамашалады. Келуші қонақтарға қазақтың түрлі ұлттық тағамдары ұсынылып, наурыз дәмі үлестірілді.Эстон фольклоры қазақ ауыз әдебиеті секілді ұрпақ бойына сан ғасырлық тағылым сіңіретін мұраға бай, яғни біздің халықтың мәдениетімен мазмұндас келеді. Терең тәрбие мен сыйластыққа шақырады. Сол себепті жиналған қауым өнер сапарымен келген шығармашылық ұжымды зор қошеметпен қолдады. Мерекелік концерт «Жарапазан» жырымен басталып, қазақ дәстүрімен шашу шашылды. «Тойбастар» шырқалып, Наурыз-думанға қатысқан қала тұрғындары мен қонақтары, диаспора мүшелері мен шетелдік студенттер қазақ музыкасы және дәстүрлері жайлы мол мағлұмат алды.Ұлттық музыканың ұлы жауһарларын төрткүл дүниеге танытып жүрген «Ақмешіт» фольклорлық ансамблінің (Жетекшісі – Нұрғиса Нұрбай), Сыр мәдениетінің майталмандары Руслан Ахметов, Шолпан Бимбетова, Самал Байсейтова, Ақмарал Ноғайбаева, Марат Сүгірбай, айтыскер ақын Мұхтар Ниязов, халықаралық және республикалық конкурстардың лауреаттары Бағдәулет Қарғабаев, Сымбат Тасбергенова, Мағжан Аманжолов, Ақылбек Табынбаев, Тоқтар Ағыраев, Ақнұр Аманбаева, Сәбит Ділдабаев, Алмас Әлжанов, Заманбек Нысанбаев, Арман Төлештің өнерін таллиндік талғампаз көрермен жоғары бағалады.Концертке келушілерге ұлттық нақышта жасалған сый-сияпаттар берілді.Фото: Қызылорда облысы әкімінің баспасөз қызметі

Ұлыстың Ұлы күніне арналған концерт Эстонияда жалғасты

<a href="https://kyzylorda-news.kz/">Kyzylorda-news.kz</a> Қадір түні Сыр өңірінің бас имамы Дастан Жанасұлы Қызылорда облыстық «Ақмешіт-Сырдария» орталық мешітінде уағыз айтты.Нақтырақ айтар болсақ, аймақтың бас мешітіндегі қасиетті кеш ауызашардан басталып, бас имамның «Қадір түні - қасиетім» тақырыбындағы тарауық уағызына ұласты.Сондай-ақ тарауық намазынан соң Құран Хатым дұғасы жасалып, сауабы ата-баба рухына бағышталды.Айта кетейік, мың айдан да қайырлы болған рухани түн облыс көлеміндегі мешіттерде арнайы дайындалған бағдарлама бойынша өткізілді. Жоспарға сәйкес, түрлі тақырыпта уағыздар айтылды. Құран Хатым етіліп, жамағатпен және жеке құлшылықтар орындалады, сергіту мақсатында сұрақ-жауап ойындары ойнатылып, белсенділері сый-сияпаттармен марапатталды.<img src="https://knadmin.beoblood.kz/uploads/1_Oblysty_meshitte_ran_Hatym_d_asy_zhasaldy_83c2e13727.jpg" alt="1 Облыстық мешітте Құран Хатым дұғасы жасалды.jpg">Фото: ҚМДБ-ның Қызылорда облысы бойынша өкілдігінің баспасөз қызметі

Рамазан-2025: Облыстық мешітте Құран Хатым дұғасы жасалды

<a href="https://kyzylorda-news.kz/">Kyzylorda-news.kz</a> Мұрағатқа иек артқанымызбен құнды құжаттардың қолды болып кетпеуін қадағалап, көздің қарашығындай сақтап жүрген мұрағатшының еңбегін бағалай бермейтініміз рас. Мұрағатта жатқан әрбір құжатты, адамның тағдырына қатысты нағыз айғақ, сонымен қатар шешім қабылдауға негіз бола алатын баға жетпес дерек деп білсек, ал мұрағатшы – осы құжаттарды ретке келтіріп, үмітсіз болып көрінетін құжаттардың үйінділерін сұрыптап, сақтау оның жауапкершілігіндегі іс.Солай демекші Қызылорда қалалық ҚАЖ департаментіне қарасты №60 мекемесінің Мұрағат ісінің тәжірибелі маманы Айгүл Жагыпарованың ұжым арасында беделді, адамгершілігі мол, қарапайым, бойында шығармашылық қасиеттері бар, жас мамандарға жол көрсетуден аянбайтын, ұжымның абройын көтеріп, әріптестерінің зор ықыласына бөленген қызметкер ретінде білеміз. Ия, расында Айгүл Берікболқызының жұмыстағы ұқыптылығы, құжаттармен жұмыс істеуге бейімділігі, ауқымды ақпаратты талдай алу және жүйелей алу қабілеті өте зор. Сонымен қатар оның қызметінде ана тілі, әдебиет, қоғамтану, тарих пәндерін жақсы білу, кітапхана ісін меңгеруі өте маңызды. Оның негізгі лауазымдық міндеттері мұрағат ісін электронды немесе қағаз түрінде ұйымдастыру, кіріс құжаттарды қабылдау және мұрағатқа енгізу, мұрағаттық құжаттарды немесе оның көшірмелерін уақытша пайдалануға беру, сұрау түскен ұйымға мұрағаттық құжаттарды жеткізу болып табылады.Кез келген адам мұрағатшы бола алмайды. Алдымен, білім, екіншіден, мұрағаттық терминологияны білу шарт. Ал, үшіншіден, құқықтық жағынан сауатты, ең бастысы, қазіргі заманға сай, компьютерлік технологияның құлағында ойнау қажет. Ал, әріптесіміздің осындай кәсіпқойлығымен жай-жапсарға деген мұқияттылығының арқасында әрбір құжат өз орнында.Фото: ҚАЖД №60 мекеме баспасөз қызметі

Аманатқа адал мұрағатшы 

<a href="https://kyzylorda-news.kz/">Kyzylorda-news.kz</a>&nbsp;Биыл «Дипломмен ауылға» бағдарламасы аясында 2,8 мыңнан аса маманға 25 млрд теңге бюджеттік кредит беріледі. Бұл туралы Орталық коммуникациялар қызметіндегі брифингте Ұлттық экономика вице-министрі Бауыржан Омарбеков айтты, – деп хабарлайды <a href="https://kaz.inform.kz/news/diplommen-auilga-timdlgn-korsett-uem-789399/">Қазақпарат.</a><blockquote>— Ауылдарда кадр тапшылығын шешу үшін «Дипломмен ауылға» жобасы іске сәтті жүзеге асырылып жатыр. 2024 жылы 3,7 мың маманға тұрғын үй сатып алуға 30 млрд теңге көлемінде қаржы бөлінді. Осы жылы 2,8 мыңнан аса маманға 25 млрд теңге көлемінде бюджеттік кредит беру жоспарланып отыр. Жалпы, осы «Дипломмен ауылға» бағдарламасының тиімділігін зерделеп көрдік. Осы уақытқа дейін берілген бюджеттік несиелерді, көтерме қолдау алған азаматтардың 95 пайызы өздеріне алған міндеттемелерін — 3 жыл жұмысын атқарып, көпшілігі ары қарай сол ауылдарда қызмет етуге қалғанын көріп отырмыз, — деді Бауыржан Омарбеков.</blockquote>Сонымен қатар ауылдарда жаңа бизнес идеяларды жүзеге асыруға қолдау ретінде 1,5&nbsp;млрд теңгеге 400 грант беру жоспарланып отырғанын айтты.Фото: freepik.com

«Дипломмен ауылға» тиімділігін көрсетті — ҰЭМ  

<a href="https://kyzylorda-news.kz/">Kyzylorda-news.kz</a>&nbsp;27 наурызда еліміздің 11 өңірінде ауа райына байланысты ескерту жасалды, деп хабарлайды <a href="https://baq.kz/zhanbyr-qar-tuman-birneshe-onirde-dauyldy-eskertu-zhariyalandy-200010391/">BAQ.KZ</a> "Қазгидромет" РМК-ға сілтеме жасап.Қызылорда облысында жел солтүстік-шығыстан соғады, облыстың солтүстігінде, орталығында күші 15-20 м/с күтіледі.Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">freepik.com

Бірнеше өңірде дауылды ескерту жарияланды

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы Жаңақорған ауданындағы №286 орта мектептің 6-сынып оқушысы Нұрсері Айтжан адам өмірі үшін қауіпсіз лифт жобасын ойлап тапты, – деп хабарлайды <a href="https://kaz.inform.kz/news/kizilordalik-okushi-kaupsz-lift-zhobasin-oylap-tapti-871d5d/">Қазақпарат.</a>Статистикаға сүйенсек, Қазақстандағы әрбір төртінші лифт қауіпті. Басым бөлігі жөндеуді немесе толық ауыстыруды қажет етеді. Жалпы лифттің қауіпсіздігіне ешкім кепілдік бере алмайды.Талапты жастың жобасында қауіпсіздік мәселесіне айрықша көңіл бөлінген.<blockquote>- Қазіргі лифт тростары өте әлсіз, үзіліп кетсе, адамды аман алып қалу мүмкін емес. Сондықтан оған автокөліктегі сияқты қауіпсіздік жастығын орнатуды жөн көрдім. Қандай да бір ақау шыққан жағдайда жастық ашылып, адам өмірін сақтап қалуға көмектеседі, - деді Нұсрері Айтжан.</blockquote>Оқушы көркем еңбек пәнінің мұғалімдері Өркен Ақбаев, Құдабай Тастанбеков, Ерлан Райымбек және робототехника мұғалімі Айдос Арасаттың көмегімен су диірмені, су үсті көпірі сияқты өзге де ерекше жобалар жасап шығарды.&nbsp;Фото: Назерке Саниязова/Қазақпарат

Қызылордалық оқушы қауіпсіз лифт жобасын ойлап тапты

<a href="https://kyzylorda-news.kz/">Kyzylorda-news.kz</a>&nbsp;Мемлекет басшысы "Ұлы Отан соғысындағы Жеңіске 80 жыл" медалі туралы Жарлыққа қол қойды. Бұл туралы <a href="https://stan.kz/ardagerler-medalmen-marapattaladi-tokaev-zharlikka-kol-415557/">Stan.kz</a> ақпарат агенттігі хабарлайды.Жарлыққа сәйкес Ұлы Отан соғысының ардагерлері, тыл еңбеккерлері және басқа да тұлғалар "Ұлы Отан соғысындағы Жеңіске 80 жыл" бірыңғай мерейтойлық медалімен марапатталатын болады.Жарлықтың&nbsp;әзірленуіне ТМД мемлекет басшылары кеңесінің 2024 жылғы 10 маусымдағы "1941-1945 жылдардағы Ұлы Отан соғысының 80 жылдығына арналған бірыңғай мерейтойлық медальді белгілеу туралы" шешімі негіз болғаны айтылған.Ұлы Отан соғысының 80 жылдығына арналған мерейтойлық медальмен соғыс кезінде армия, флот, штабтар мен әскери мекемелерде қызмет еткен әскери қызметшілер, партизандар мен астыртын әрекет етушілер, сондай-ақ соғыс кезінде жарақат, контузия, мертігу немесе ауруға шалдығу салдарынан мүгедектік белгіленген әскери қызметшілер, жұмысшылар мен қызметшілер марапатталады.Бұдан бөлек, соғыс ардагерлері мен партизандардың, сондай-ақ "Ленинградты қорғағаны үшін" медалімен марапатталғандардың қайта некеге тұрмаған жұбайлары және соғыста қаза тапқан жауынгерлердің жесірлері де медальмен марапатталады.<blockquote>"Мерейтойлық медальді тапсыру Қазақстан Республикасының жергілікті атқарушы органдары арқылы Қазақстан Республикасының Президенті атынан және оның тапсырмасы бойынша наградталушылар тізімдері бекітілген күннен бастап алты айдан кешіктірілмей жүзеге асырылады. Медаль наградталушы тұлғаның тізімге енгізілген жерінде табысталады", – делінген жарлыққа берілген түсіндірмеде.</blockquote>Мерейтойлық медальмен бірге марапатталушыға медаль куәлігі де тапсырылады. Жарлық ресми жарияланған күнінен бастап күшіне енеді.Фото: Ақорда

Ардагерлер медальмен марапатталады: Мемлекет басшысы Жарлыққа қол қойды 

<a href="https://kyzylorda-news.kz/">Kyzylorda-news.kz</a>&nbsp;Аймақта наурыз айының 17-21 аралығында облыс көлемінде салынған айыппұлдарды өндіру мақсатында «Борышкер» жедел профилактикалық шарасы өтті. Іс-шараға 143 қызметкер жұмылдырылып, 3 782 әкімшілік іске қатысты 54 827 388 теңге өндірілген. Бұл туралы Өңірлік коммуникациялар қызметінің ақпарат алаңында облыстық ПД Әкімшілік полиция басқармасы бастығының орынбасары Нұркен Бақтияров айтты.<blockquote>– Жалпы 3 782 әкімшілік істің 1 745-і арнайы техникалық құрылғылармен анықталды. Қала-аудандық полиция бөліністерімен салынған әкімшілік айыппұлдарын төлеуден жалтарып жүрген 72 автокөлік айып алаңына қойылды. Сондай-ақ, жеке сот орындаушылар палатасына мәжбүрлеп өндірту үшін жолданған әкімшілік қаулылар бойынша салынған 983 мың теңге көлеміндегі айыппұлдар мемлекеттің пайдасына өндірілді. «Борышкер» іс-шарасы бойынша патрульдік полиция батальоны, департаменттің әкімшілік полиция басқармасының қызметкерлері және аумақтық жеке сот орындаушылармен бірлесе мобильді топ құрылды. «Екин-Патруль» мобильді кешендерінің мүмкіндігін пайдалана отырып қала аумағында 207 автокөліктің айыппұлдары бар-жоғы тексеріліп, нәтижесінде 51 автокөлікке қатысты жалпы 3 533 163 теңге айыппұл өндірілді,- деді Нұркен Пралиұлы.</blockquote>Сонымен қатар, Қызылорда облысының Полиция департаменті 5 сәуірге дейін мопедтерді тіркеу қажеттігі туралы ескертті.<blockquote>– 5 сәуірден бастап заңнамалық өзгерістер күшіне еніп, мопедтер механикалық көлік құралдарына теңестірілетін болады. Аталған күннен бастап мопедтрді пайдалану тек полицияда тіркеуден өткен, А1, А және В санатындағы жүргізуші куәлігі, техникалық тексеруден өткен, азаматтық-құқықтық жауапкершілікті сақтандырған жағдайда ғана рұқсат етіледі. Мопедтерді тіркеп үлгеру үшін 10 күн ғана уақыт қалды, заң бойынша 5 сәуірден кейін тіркелмеген мопедті басқаруға тыйым салынады. Қазіргі уақытта облыс бойынша 185 мопед тіркелді. Осы орайда мопед иелерін алдын ала тіркеуден өтуге және жүргізуші куәлігі жоқ адамдарға мопед жүргізу құқығын алу үшін автокөлік мектептерінде оқуға кеңес береміз,- деді Нұркен Бақтияров.</blockquote>Фото: Қызылорда облысының өңірлік коммуникациялар қызметі

"Борышкер" жедел профилактикалық шарасы өтті

<a href="https://kyzylorda-news.kz/">Kyzylorda-news.kz</a> Денсаулық сақтау министрі Ақмарал Әлназарова міндетті әлеуметтік медициналық сақтандыру (МӘМС) жүйесінің қаржылық тұрақтылығын қамтамасыз ету мақсатында бірқатар өзгерістер енгізілетінін мәлімдеді, деп хабарлайды <a href="https://baq.kz/endi-qazaqstandyqtar-mams-ke-kobirek-tolem-audaruy-mumkin-200010363/">BAQ.KZ</a>Министрдің айтуынша, жаңа заң жобасы мемлекеттің, жұмыс берушілердің және азаматтардың ортақ жауапкершілігін арттыруға бағытталған екі негізгі бастаманы қамтиды:1. Қызметкерлердің жарналарын есептеу базасының жоғарғы шегін арттыру. 2. Мемлекеттің МӘМС жүйесіне жарна төлеу мөлшерлемесін ұлғайту.2026 жылдың 1 қаңтарынан бастап МӘМС жүйесіне жарналарды есептеу үшін ең жоғарғы шек қазіргі 10 ең төменгі жалақыдан (ЕТЖ) 50 ЕТЖ-ға дейін арттырылады.<blockquote>Бұл өзгерістер 508 мың адамға, яғни барлық жалдамалы жұмысшылар мен олардың жұмыс берушілерінің шамамен 9%-ына әсер етпек. Себебі қазіргі жүйеде табысы жоғары азаматтар өз табысына сай жарна төлемейді, яғни пропорционалды төлем әділетсіздігі орын алып отыр, - деді министр.</blockquote>Министрлік бұл бастама МӘМС жүйесінің қаржылық тұрақтылығын арттыруға және азаматтарға көрсетілетін медициналық көмектің сапасын жақсартуға ықпал етеді деп отыр.Фото: freepik.com

Қазақстан және Қызылорда облысының жаңалықтары