<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанның басым бөлігі әлі де Атлантикалық циклонның ықпалында болғандықтан республикамыздың басым бөлігінде қар жауады, деп хабарлайды Қазгидромет.
Күндіз республиканың шығысында қатты жауын-шашын болады.
Республиканың басым бөлігінде – көктайғақ, күшті жел, бұрқасын, көктайғақ, батысында – тұман сақталады.
Тек елдің оңтүстігінде, оңтүстік-шығысында жауын-шашын жаумайды.
Шығыс Қазақстан облысында желдің күші – 15-20 м/с, облыстың батысында, шығысында жел жылдамдығы 23-28 м/с жетеді, батысында, солтүстік және шығысында бұрқасын, көктайғақ болады.
Қарағанды облысында желдің күші – 15-20 м/с, облыстың батысы мен солтүстігінде жел екпіні 23-28 м/с дейін күшейеді. Батысында, солтүстігі мен шығысында – бұрқасын, көктайғақ, облыстың оңтүстігінде – тұман түседі.
Солтүстік Қазақстан облысында желдің күші – 15-20 м/с, күндіз облыстың солтүстігінде, шығыс және оңтүстік-шығысында жел қарқыны 23-28 м/с жетеді, облыстың солтүстігінде, шығыс және оңтүстік-шығысында бұрқасын, көктайғақ күтіледі.
Павлодар облысында желдің күші – 15-20 м/с. Облыстың батысы және оңтүстігінде жел екпіні 23-28 м/с жетеді. Облыстың батысы мен оңтүстігінде – жаяу бұрқасын, көктайғақ болады.
Қостанай облысында желдің күші – 15-20 м/с, облыстың оңтүстігінде екпіні 23-28 м/с шамасында болады. Облыстың шығысында және оңтүстігінде – бұрқасын, көктайғақ, тұман күтіледі.
Ақмола облысында бұрқасын, желдің күші – 15-20 м/с. Облыстың солтүстігінде, шығысында жел екпіні 23-28 м/с дейін күшейеді.
Ақтөбе облысының солтүстігінде бұрқасын, көктайғақ, түнде облыстың шығысында желдің қарқыны 15-20 м/с жетеді.
Жамбыл облысының солтүстігінде және таулы аудандарында тұман, облыстың оңтүстік-батыста және таулы аудандарда желдің жылдамдығы – 15-20 м/с.
Түнде Қызылорда облысының солтүстігінде жел қарқыны 15-20 м/с дейін күшейеді.
Атырау облысының батысында, орталығында, Маңғыстау облысының солтүстігінде тұман түседі.
Батыс Қазақстан облысының солтүстігінде, батысында тұман, көктайғақ болады.
Алматы облысының Алакөл ауданында жел екпіні 15-20 м/с жетеді.

Бүгін ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Жуырда Қызылорда қаласынан ашылған «Ten kogam» орталығында айтыскер ақын, «Серпер» жастар сыйлығының иегері, Сырдария ауданының құрметті азаматы Нұрмат Мансұровпен кездесу өтті.
Оған Ақын Жұмабай Шерниязов, жыршы Қуаныш Алғазиевтер де қатысып, орталық қызметін пайдаланушы жандармен жүздесті. Шара барысында орталыққа келушілермен өнер, шығармашылық турасында сұхбат ұйымдастырылып, жырдан шашу шашылды.
<blockquote>
 «Мұндай рухани кешті ұйымдастырушы орталық қызметкерлеріне алғысым шексіз. «Жақсымен өткізген жарты сағат жаманның өтіп кеткендей өміріндей» дегендей тағылымды шарадан ерекше әсер алып қайттым. Халықтың қошеметіне ие болған атақ-абыройдан кенде емес өнердегі азаматтарымыздың кең пейілі мен биік парасатына тәнті болды. Біздің жүрегімізге ерекше жылулық сыйлады. Көңіліміз көтеріліп, бір марқайып қалдық», – дейді орталыққа келген Ақылбай Аханов.
</blockquote>
Шара соңында өз өлеңдерін оқыған Зәуре Өксімбаева қонақтарға алғашқы кітабын сыйға тартты.
Айта кетейік, «Ten kogam» орталығы әлеуметтік осал топтарға арналған. Қаладағы өмірлік қиын жағдайда жүрген, тәрбиеленуінде мүмкіндігі шектеулі балалары бар немесе өздері де сол санаттағы тұрмысы төмен көп балалы отбасылар орталық қызметіне жүгіне алады.

«Ten kogam»: Қызылордалық ақындар мүмкіндігі шектеулі жандармен кездесті

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова Қазақстандағы Біріккен Ұлттар Ұйымының гендерлік тендік және әйелдердің құқықтары мен мүмкіндіктерін кеңейту мәселелері жөніндегі құрылымының өкілдерін қабылдады.
Жиынға Қазақстандағы Біріккен Ұлттар Ұйымының гендерлік тендік және әйелдердің құқықтары мен мүмкіндіктерін кеңейту мәселелері жөніндегі құрылымының өкілі Мария Доценко, ҚР Парламенті Сенатының депутаты, ҚР Президенті жанындағы әйелдер істері және отбасылық-демографиялық саясат жөніндегі Ұлттық комиссия төрайымының орынбасары Ляззат Сүлеймен, ҚР Президенті жанындағы әйелдер істері және отбасылық-демографиялық саясат жөніндегі Ұлттық комиссияның мүшесі Аида Абибуллаева және тиісті сала басшылары қатысты.
Кездесуде аймақ басшысы гендерлік саясатты дамыту бағытындағы Біріккен Ұлттар Ұйымының жұмысына тоқталып, ел Президентінің әйелдер үлесін 30%-ға дейін арттыру жөніндегі тапсырмасы өңірде жүйелі түрде жүзеге асырылатынын жеткізді. Сондай-ақ, өңірде әйелдердің тұрмыстық мәселелерін арнайы эксперттік мамандармен бірге кешенді түрді зерттейтін жобаларды пысықтау жұмыстары басталатынын тілге тиек етті.
<blockquote>
 «Биыл қастерлі Тәуелсіздігіміздің 30 жылдығы аясында өздеріңізбен жүздесіп отырғаныма қуаныштымын. Сіздер ҚР Үкіметімен белсенді ынтымақтаса отырып, мемлекеттің ұлттық даму саласындағы бірінші кезектегі міндеттерін іске асыруға және әйелдердің экономикалық мүмкіндіктерін кеңейту, әйелдер мен қыздарға қатысты зорлық-зомбылықты жою, әйелдерді шешім қабылдау деңгейіне көтеру, сондай-ақ әйелдердің бітімгершілік процестердегі рөлін күшейту сияқты бағыттарды, гендерлік теңдікті қамтамасыз ету бойынша елдің халықаралық міндеттемелерді орындауына қолдау көрсетіп келесіздер. Біріккен Ұлттар Ұйымына қатысушы елдерге гендерлік сезімтал заңдарды, саясаттарды, жоспарлар мен бағдарламаларды әзірлеу мен іске асыруда жан-жақты қолдау көрсетулеріңізге алғысымды білдіремін. Алдағы уақытта да бұл бағытта бірлесіп жұмыс атқарамыз деп сенім білдіремін», – деді Гүлшара Әбдіқалықова.
</blockquote>
Жиында Мария Доценко гендерлік теңдікті сақтау бағытында бірқатар ұсыныстарын жеткізіп, көрсетілген құрметке ризашылығын білдірді.
<blockquote>
 «Қазақстанда гендірлік саясатты дамытып, әйелдердің жоғары лауазымдарда қызмет етуіне мүмкіндік берілгені қуантады. Біздің мақсат гендірлік теңдікті сақтай отырып, әйелдерді зорлық-зомбылықтан қорғау, шешім қабылдау деңгейіне көтеру және осы бағыттағы басқа да маңызды бастамаларды жалғастыру. Әйелдер үшін экономикалық мүмкіндіктерді кеңейту маңызды. Сіздің бұл саладағы көп жылдық еңбегіңіз бен тәжіриебеңізді ескере отырып, алдағы уақытта да жаңа жобаларды жүзеге асырамыз деп ойлаймын. Бүгінгі кездесу үшін ризашылығымды білдіремін», – деді Мария Доценко.
</blockquote>
Ал, Қазақстан Республикасы Парламенті Сенатының депутаты, Қазақстан Республикасы Президенті жанындағы әйелдер істері және отбасылық-демографиялық саясат жөніндегі Ұлттық комиссия төрайымының орынбасары Ляззат Сүлеймен әйелдердің тұрмыстық зорлық-зомбылыққа қарсы әлеуметтік қолдау көрсету мәселеріне қатысты маңызды ұсыныстарды ескеруге дайын екендігін мәлімдеді.
Айта кетейік, Біріккен Ұлттар Ұйымының қолдауымен «Caravan of Knowledge» (Караван знаний – Білім керуені) қоғамдық қоры Қазақстанда STEEM бойынша білім беру саласын дамытуды, әсіресе жалпы білім беретін мектептердің оқушылар мен мұғалімдерін қолдау мақсатында «STEM Kyzdar» жобасын өткізді. Жобаға облыс бойынша 600-ге жуық қыздар қатысып, олардың 35-і жеңімпаз атанды.
Жиын соңында облыс әкімі «БҰҰ-әйелдері» құрылымының жұмысына табыс тіледі.
Еске салайық, «БҰҰ-әйелдері» құрылымының өкілі Қызылордаға сапары аясында білім беру ұйымдарын аралап, үкіметтік емес ұйымдардың өкілдерімен кездесп, әйелдердің құқықтық және әлеуметтік мәселелері бойынша ортақ кездесу өткізеді.

Гүлшара Әбдіқалықова «БҰҰ-әйелдері» құрылымының өкілі Мария Доценкомен кездесті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласының жастарына арналған «Самғау» сыйлығы бұған дейін 9 жыл қатарынан дәстүрлі түрде ұйымдастырылып, Қызылорда қаласынан 90 жас марапатталған.
Биыл 10-шы рет ұйымдастырылғалы отырған «Самғау» сыйлығына құжат қабылдау 22 қараша мен 5 желтоқсан күндері аралығында жүргізіледі.
Ереже талаптарына сәйкес сыйлыққа үміткер ретінде 14 пен 28 жас аралығындағы Қызылорда қаласының жастары қатыса алады және арнайы құрылған комиссия қорытындысымен лайық деп табылған 10 жасқа 100 мың теңге көлеміндегі сыйақы табысталады.
Сыйлық келесі номинациялар бойынша беріледі:
– «Ғылыми ізденіс» (ғылым саласы);
– «Жас қалам» (журналистика саласы);
– «Жігерлі жас» (белсенді жас);
– «Серпін» (спорт саласы);
– «Батыл жүрек» (ерлігі үшін);
– «Жас дарын» (мәдениет саласы);
– «Озық ой» (IT саласы);
– «Өндіріс өрені» (өндіріс саласы);
– «Мейірім» (әлеуметтік сала қызметкері);
– «Абзал жан» (медицина саласы).
Сұрақтар бойынша: +7 776 567 32 32 (Qosyl whatsapp), (Толық ереже Qosyl телеграм каналында).
<img src="https://kyzylorda-news.kz/wp-content/uploads/2021/11/260151644_2968279810105424_4335388245299484358_n.jpg" alt="" />
<img src="https://kyzylorda-news.kz/wp-content/uploads/2021/11/260223290_2968279843438754_2501070938583900320_n.jpg" alt="" />
<img src="https://kyzylorda-news.kz/wp-content/uploads/2021/11/260306924_2968279883438750_5456882772541858480_n.jpg" alt="" />

«Самғау» жастар сыйлығына өтінім қабылдау басталды

<a href="https://kyzylorda-news.kz/ru/obshestvo/">Kyzylorda-news.kz</a>. Әділет министрлігінде мемлекеттік білім беру ұйымдарының бірінші басшыларын ротациялау қағидалары тіркелді. Бұл туралы білім және ғылым министрі Асхат Аймағамбетов мәлімдеді, деп хабарлайды <a href="https://sputnik.kz/bilim/20211122/18722901/bilim-beru-yiymdary.html">Sputnik Қазақстан</a>.
Министрдің хабарлауынша, білім беру жүйесінде мектеп, колледж және балабақша директорларын ротациялау институты пайда болды.
<blockquote>
 “Білім беру саласында он мыңнан астам мемлекеттік ұйым бар. Көптеген басшы мерзімсіз еңбек келісімшартын жасасқан. Осыған байланысты бір ұйымда 10-15 жыл және одан да көп жұмыс істейтіндер аз емес. Әрине, олардың арасында өз жұмысын жақсы білетін, білім беру ұйымының дамуына елеулі үлес қосатын басшылар бар. Дегенмен 10-15 жыл бойы бір орында отырып, өздерінің бастамашылдығы мен дамуға деген ынтасын жоғалтатын мектеп директорлары да бар”, – деп жазды министр Facebook парақшасында.
</blockquote>
Егер басшы ұзақ жыл бойы бір білім беру ұйымын басқарса, бұл мотивацияның төмендеуіне, жұмыс барысында жаңа тәсілдердің болмауына әкелуі мүмкін.
<blockquote>
 “Басшылық ететін ұйымның ауысуы өзгерістерді енгізуге және басшының жұмыстағы тиімділігін арттыруға мүмкіндік береді”, – деді Аймағамбетов.
</blockquote>
**Ереженің басым бағыттары 
**Біріншіден, бір білім беру ұйымында 4 немесе 7 жылдан астам жұмыс істеген басшылар ротацияланады.
Осы білім беру ұйымында лауазымға тағайындалған күннен бастап 4 жыл жұмыс атқарған бірінші басшы ротациядан өтініші негізінде босатылып, тиісінше, қолданыстағы еңбек шарты шеңберінде өз жұмысын жалғастыра алады.
Алайда егер басшы сол ұйымда 7 жылдан астам уақыт жұмыс істесе, онда ол міндетті түрде ротацияланады. Осылайша, бір білім беру ұйымына жетекшілік ету мерзімі 7 жылдан аспауға тиіс.
Екіншіден, ротациялаудың бірнеше шарты бар:
– ротациялауды облыстардың және республикалық маңызы бар қалалардың білім басқармалары жүзеге асырады;
– ротация бір елді мекен аумағында жүргізіледі;
– ротациялауды бір деңгейдегі ұйым басшылары арасында жүргізеді;
– ротациялау кезінде бірінші басшылардың біліктілік санаты, яғни аталған санат үшін төленетін қосымша ақы да мерзімі аяқталғанға дейін сақталады.
Ашықтық пен объективтілікті қамтамасыз ету үшін ротациялау туралы мәселені қарау үшін комиссия жұмыс істейді.
Ротациялау жүйесінің тиімді жұмыс істеуі және бұл қағидалардың жергілікті жерлерде дұрыс іске асырылуы үшін министрлік мониторинг жүргізеді.

Білім беру ұйымдары басшыларын ротациялау қағидалары жарияланды

<a href="https://kyzylorda-news.kz/ru/obshestvo/">Kyzylorda-news.kz</a>. Алматы полиция қызметкері&nbsp;үш баласы бар әйелдің өзіне қол жұмсауының алдын ала себебін атады.
Оқиға 22 қараша күні Жетісу шағын ауданында болған.
<blockquote>
 “9-қабаттан үш баламен секірген&nbsp;әйелдің іс-әрекетінің алдын&nbsp;ала себебі анықталды. Бұл отбасылық-тұрмыстық қарым-қатынас негізінде болған жұбайы арасында болған келіспеушілік. Өлер алдында хат жазып қалдырған, –&nbsp;&nbsp;деп хабарлады қалалық полиция департаменті.
</blockquote>
<a href="https://ru.sputnik.kz/incidents/20211122/18722594/Tragicheskaya-smert-zhenschiny-i-3-detey-v-Almaty-sosedi-rasskazali-o-seme.html">Sputnik Қазақстан</a>&nbsp;тілшісіне&nbsp; құқық қорғау органдарынан хабарламасына сәйкес, мұндай шешімді қабылдауына ешкімді кінәламаған.
Оның мұндай қорқынышты шешім қабылдағаны үшін нақты кінәлілер жазбада көрсетілмегенін хабарлады.
<blockquote>
 “Жалпы мағынасына сүйенсек, сынақтарға төтеп бере алмай, өмірден баз кешкен. Ешкімді кінәламайды, бірақ кінәлілер өздері кінәсін&nbsp;біледі деп жазылған”,&nbsp;– делінген басылымдағы мәліметте.
</blockquote>
Белгілі болғандай отбасы толыққанды болған, бірақ трагедия уақытында&nbsp;30 жастағы отбасы басшысы үйде болмаған. Үй ішінен құлыпталған болды,&nbsp;сондықтан оны бұзуға тура келген.

«Өлер алдында хат жазып қалдырған»: Үш баласымен терезеден секірген әйел өлімінің себебі анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Осыдан бірнеше күн бұрын Тәуелсіздіктің 30 жылдығы қарсаңында Көкшетау қаласында көрнекті мемлекет және қоғам қайраткері, Социалисттік Еңбек Ері Еркін Әуелбековтің еңселі ескерткішінің салтанатты ашылу рәсімі болды.
Тарихи тұлғаға арналған нысан құрылысына қызылордалықтар да ерекше үлес қосты. Сырбойылық азаматтардың демеушілігімен ескерткіштің бой көтеруіне 8 млн теңге қаражат жиналған. Танымал тұлға тұғырын орнатуға атсалысқан жергілікті азаматарды «Еркін Әуелбеков» қоры облыстық филиалының төрағасы Сәдуақас Аңсат «Еркін Әуелбеков» медалімен марапаттады.
Қоғам қайраткері Еркін Әуелбеков Солтүстік Қазақстан, Көкшетау, Торғай, Қызылорда облыстарында басшылық лауазымда болып, аталған аймақтардың экономикалық-әлеуметтік дамуы жолында еңбек еткен. Бірнеше мәрте ауыл шаруашылығы министрі ретінде аграрлы саланың өрістеуіне елеулі үлес қосқан. Елдің дамуы жолында аянбай тер төккен тұлғаны ардақтау мақсатында өткен жылы Еркін Әуелбековтің Қызылорда облысында 90 жылдығы кең көлемде аталып өтті.

Қызылордалық азаматтар «Еркін Әуелбеков» медалімен марапатталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазалы ауданының орталығы – Әйтеке би кентінде 250 орындық мектептің құрылысы басталды.
Бүгін аудан әкімі Мұхтар Оразбаев аудандық мәслихат хатшысы Бақытжан Жарылқап, облыстық мәслихат депутаттары Ібайдулла Тілеп, Мнажадин Өтеев, аудандық ардагерлер кеңесінің төрағасы Оразғали Бекбановтар мектептің алғашқы кірпіштерін қалап, тұрғындарды айтулы қуаныштарымен құттықтады.
Достық көшесінің бойында бұрынғы №170 мектептің орнынан бой көтеріп жатқан білім ордасының құрылысын «SCS Инжиниринг» ЖШС құрылысшылары жүргізуде. Мектеп 2 қабатты. Ғимараттың жалпы аумағы 2712,51 шаршы метр.
<img src="https://kyzylorda-news.kz/wp-content/uploads/2021/11/260366810_3211854395702152_1556406997365272112_n.jpg" alt="" />
<img src="https://kyzylorda-news.kz/wp-content/uploads/2021/11/260168759_3211854732368785_7115217475094340332_n.jpg" alt="" />

Қазалыда 250 орындық мектептің іргетасы қаланды

<a href="https://kyzylorda-news.kz/ru/obshestvo/">Kyzylorda-news.kz</a>. Алматыда 28 жастағы әйел үш баласымен тұрғын үйдің 9-қабатынан секіріп қаза болды. Куәгерлер оқиға қалай болғанын айтып берді, деп хабарлайды&nbsp;<a href="https://kaz.tengrinews.kz/">Tengrinews.kz</a>.
Қайғылы оқиға Алматыдағы тұрғын үйлердің бірінде болды. Марқұммен көрші тұрған ер адам оқиға туралы айтып берді.
<blockquote>
 “Мен оқиғаны көрмедім, бірақ көршілер әйел алдымен үш баланы терезеден лақтырып, кейін өзі секіргенін айтты. Мен бұл отбасымен іс жүзінде сөйлескен емеспін, олармен амандаспаймыз да. Өз алдына жүрген отбасы. 8-ші қабаттағы көршім олардың үстінен шағымданып жүретінін білетінмін”, – деді ер адам.
</blockquote>
<img src="https://kaz.tengrinews.kz/userdata/u279/2021-11/resize/387049d7fe9a6b55f084517fd52103c5.jpeg" alt="" />
Әйелдің тағы бір көршісі қайғылы оқиға күндізгі бірлер шамасында болғанын айтты.
<blockquote>
 “Үш пен жеті жас аралығындағы үш бала жерде жатты. Дәрігерлер олардың өмірін сақтап қалуға тырысты, өкінішке қарай, екеуі сол жерде қаза болды. Балалар жалаңаш болды, тіпті олардың біреуінде шалбары да болмады. Мұны көргенде жүрегім ауырды. Ата-ана баласының өміріне осылай қарауы сұмдық”, – дейді оқиға куәгері Назар Рефан.
</blockquote>
<img src="https://kaz.tengrinews.kz/userdata/u279/2021-11/resize/c7abdde6396a6180e7c573fcf6f4e6c6.jpeg" alt="" />
Төмендегі қабатта тұратын әйел де көршісімен мүлде араласпағанын айтты.
<blockquote>
 “Оларды шынымен ешкім танымайтын. Осындай жас келіншек өмірден өткені өкінішті”, – дейді ол.
</blockquote>

Куәгерлер Алматыдағы қайғылы оқиғаның мән-жайын айтты (ФОТО)

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының Арал ауданына қарасты Аманөткел ауылында мал суаруға барған тұрғын суға батып кеткен, деп хабарлайды Sputnik Қазақстан.
Қызылорда облысы төтенше жағдайлар департаментінің баспасөз қызметінің ақпаратына сүйнесек, оқиға Арал ауданына қарасты Аманөткел ауылында болған. 62 жастағы азамат ауылдағы “Жасұлан” каналына мал суаруға барған. Сол кезде мұз ойылып кетіп, әлгі адам суға батып кеткен. Тұрғындар судан тек оның денесін шығарып алған. Бұл оқиға төтенше жағдайлар қызметі мен полицияға кейіннен хабарланған.
<blockquote>
 “Біз тұрғындардан қысқы уақытта мұзда жүрген кезде сақтық шараларын сақтауды сұраймыз. Қауіпсіздікке баса назар аударылуы қажет”, – дейді Қызылорда облысы төтенше жағдайлар департаменті баспасөз қызметінің бас маманы Айгүл Нұрманова.
</blockquote>

Аралдың 62 жастағы тұрғыны суға батып кетті

<a href="https://kyzylorda-news.kz/ru/obshestvo/">Kyzylorda-news.kz</a>. Алматыда әйел кішкентай үш баласымен 9-қабаттан секіріп кетті.
Алматы қалалық Полиция департаменті мәліметінше, Жетісу шағынауданындағы көпқабатты үйлердің бірінің терезесінен 28 жастағы әйел үш баласымен секіріп кеткен. Балалар 2015, 2016 және 2019 жылы туған.
<blockquote>
 “Оқиға орнында әйел мен екі бала қаза тапты. Жедел жәрдем көлігінде тағы бір бала қайтыс болды. Қазіргі уақытта қайғылы оқиғаның себептері мен басқа да мән-жайын анықтау үшін Алматы қалалық ІІД-де жедел-тергеу тобы құрылды”, – деді полиция өкілдері.
</blockquote>
Қазіргі уақытта қайғылы оқиғаның себептері мен басқа да мән-жайларын анықтау мақсатында Алматы қаласы ПД-де жедел-тергеу тобы құрылды. Аталған дерек Қазақстан Республикасы Қылмыстық кодексінің 105-бабы бойынша сотқа дейінгі тергеп-тексерудің бірыңғай тізіліміне тіркелді.

Алматылық әйел кішкентай 3 баласымен бірге 9-қабаттан секіріп кеткен

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Елімізде бүгіннен бастап ревакцинациялау науқаны басталды. КВИ-ге қарсы ревакцинациялауды алғаш болып жүргізетіндер : медицина қызметкерлері, педагогтар, күш құрылымдары, әлеуметтік сала қызметкерлері, 60 жастан асқандар мен антидене тесті теріс нәтиже көрсеткен азаматтар.
«Спутник V» алған жағдайда ревакцинация мерзімі – 9 ай, «QazVac», «Sinovac», «Pfizer», «VeroCell» вакциналары – 6 айдан кейін жасалады. Бұл жөнінде Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов хабарлады.
<blockquote>
 «ҚР Бас санитарлық дәрігердің №49 Қаулысына сәйкес елімізде ревакцинация жұмыстары бүгіннен бастап жүргізіледі. Ақпан және наурыз айларында вакцина қабылдаған тұрғындар өздерінің иммунитеттерін нығайту мақсатында ревакцинациялаудан өтуіне болады. Жалпы әлемдегі 50 мемлекет ревакцинация жұмыстарына кірісті. Қазіргі таңда коронавируске қарсы қайта вакцинациялау облыстағы барлық емханаларда ұйымдастырылып жатыр. Бұл ревакцинация 1 дозалық. Яғни 1 компонентін алғаннан кейін ағзада тұрақты иммунитет қалыптасады. Одан бөлек, өңірде 1590 тұрғын «Pfizer» вакцинасын салдырды. Оның ішінде жасөспірімдер – 1156 , жүкті әйелдер – 233 және бала босанғаннан кейінгі аналар – 201. Ендігі жағдайды ушықтырмау сіз бен біздің қолымызда. Сол себепті вакцина салдырып, ұжымдық иммунитет қалыптастыруға асығайық!», – деді басқарма басшысының орынбасары Жангелді Мырзагелдіұлы.
</blockquote>
Облыстағы эпидемиологиялық ахуалға келер болсақ, өткен тәулікте індет жұқтырған 6 тұрғын тіркелді. Жалпы емделіп шыққандар 97 пайызды құрайды. Ал инфекциялық стационарда – 153 науқас ем қабылдауда.

Қазақстан және Қызылорда облысының жаңалықтары