<a href="https://kyzylorda-news.kz/">Kyzylorda-news.kz</a>. Қызылорда облысы тұрғындарының 65 пайызы табиғи газға қосылды.
Биыл Жосалы және Жалағаш кенттеріндегі газдандыру жұмыстарын толық аяқтап, пайдалануға беру жоспарлануда. Сондай-ақ, жыл соңына дейін Қазалы қаласы мен Шиелі ауданындағы Н.Бекежанов және Ш.Қодаманов ауыл тұрғындары табиғи газға қол жеткізетін болады. Бұл туралы Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқарма басшысының орынбасары Ерлан Жаңабаев мәлімдеді.
<blockquote>
 «Биыл республикалық бюджеттің бірінші нақтылану барысында Қызылорда қаласына қарасты Наурыз және Ж.Махамбетов елді мекендерін газдандыру жұмыстарын бастауға тиісті қаржы бөлінді. Жобаны толығымен аяқтау мақсатында 2022 жылға Энергетика министрлігіне бюджеттік өтінім жолданды. Қазіргі таңда газбен жабдықтауға 8 жобаның сметалық құжаттамасы әзірленуде», – деді Ерлан Жаңабаев.
</blockquote>

Ерлан Жаңабаев: Наурыз және Ж.Махамбетов ауылдарын газдандыруға қаржы бөлінді

<a href="https://kyzylorda-news.kz/">Kyzylorda-news.kz</a>. «28 маусым – Бұқаралық ақпарат құралдары қызметкерлері күніне арналған салтанатты шарасын ұйымдастыру» жобасы аясында Қазақстан Республикасы Тәуелсіздігінің 30 жылдығына орай өтетін облыстық шығарма (эссе) жазу байқауы Қызылорда облысының жастар одақтары қоғамдық бірлестігі Қызылорда облысының ішкі саясат басқармасымен бірлесе отырып ұйымдастырады.
Байқаудың мақсаты
1. Журналистердің шығармашылығының дамуына қолдау көрсету
2. ҚР Тәуелсіздігінің 30 жылдығын кеңінен ақпараттандыру
Қатысушыларға
қойылатын талаптар
3. Қазақстан Республикасы Тәуелсіздігінің 30 жылдығына орай өтетін облыстық шығарма (эссе) жазу байқауына 18-35 жас арасындағы журналистер қатыса алады.
Шығармаға қойылатын талаптар
4. Шығармада Тәуелсіздіктің 30 жылында Қазақстанның жетістіктерін пайымдау.
5. Өз Отаныңа, туған жеріңе, еліңе деген сүйіспеншілікті көрсету
6. Тақырыптың маңыздылығы толығымен ашылуы қажет.
7. Шығармада нақты ақпараттарды пайдаланып, өз ойымен байланыстыру.
8. Оқырманға эмоционалды әсері болуы тиіс.
9. Шығарма интернет, әлеуметтік желіден көшірілмеуі тиіс.
Байқауға қатысушылар ұсынылатын материалдарды өз фейсбук парақшаларында суретімен бірге 2021 жылдың 17 маусымына дейін Ішкі саясат басқармасы мен Жастар Одақтары Қоғамдық Бірлестігі фейсбук парақшасын тегтеп жариялау қажет.
Байқау жеңімпазы фейсбук парақшада жарияланған материалының көпшілік оқырманның бағасы (лүпіл) және пікірімен анықталатын болады. Үздік жеңімпаз деп танылған қатысушы «Алғыс хат» және статуэткамен марапатталады.
Қосымша мәліметтер бойынша 8-747-530-47-07 байланыс нөміріне хабарласуға болады.

Қызылордада журналистерге арналған байқау ұйымдастырылады

<a href="https://kyzylorda-news.kz/">Kyzylorda-news.kz</a>. 2021 жылдың 10 маусымында Қызылорда қаласындағы Назарбаев Зияткерлік мектебінде педагогикалық қызметкерлер арасында конкурстық іріктеу өткізіледі.
Бос орындар:
Педагог-ұйымдастырушы-куратор – 1 (уақытша);
Орыс тілі мен әдебиеті – 1 (Я1);
География – 1 (қазақ тілді);
Информатика – 1 (орыс тілді).
Кандидаттарды тіркеу уақыты – сағат 08.00-08.45 аралығында, тестілеу сағат 10.00-де басталады.
Байқауға жоғары педагогикалық білімі бар үміткерлер ғана қатыса алады!

Қызылорда: Назарбаев Зияткерлік мектебіне қызметкерлер қабылданады

<a href="https://kyzylorda-news.kz/">Kyzylorda-news.kz</a>. Қызылордада пайдаланылған газға төлемейтіндердің саны артты.
Қазіргі кезде Қызылорда облысы бойынша тұтынушылардың қарызы 1 миллиард 246 млн теңгені құрайды.
<blockquote>
 «Жылыту маусымы аяқталуына байланысты және келесі жылыту маусымының алдында дайындық ретінде, қарызды жинау мақсатында, «ҚазТрансГаз Аймақ» АҚ Қызылорда өндірістік филиалы қарызы бар тұтынушыларды газ жабдықтау жүйелерінен ажыратуға мәжбүр болып отыр. Өйткені тұтынушы түбіртекке сәйкес пайдаланылған газдың ақысын келесі айдың 25-не дейін төлеуі керек. Өз тарапымыздан әрдайым тұтынушыларға газ жеткізушіден тез арада төлем жасау туралы және газ жеткізуді шектеу мүмкін екені туралы ескертулер үнемі беріледі. Алайда хабарламалар жиі еленбейді», – деді «ҚазТрансГаз Аймақ» АҚ Қызылорда өндірістік филиалы директорының бірінші орынбасары Ермек Қалдығұлов.
</blockquote>
Газ есептегіш құрылғыларын күтіп ұстауға және уақытылы тексеруден өткізуге меншік иесі жауапты. Газ есептегіш құрылғыларын тексеру, құрылғының шығарылған күнінен бастап, аралық тексеруге сәйкес жүргізіледі. Газ есептегіш құрылғыларының тексеру мерзімі өткен жағдайда тұтынылған тұрмыстық газ көлемін есептеу – тұтыну нормалары Қағида талаптарына сәйкес жүргізіледі.Яғни, газ есептегіш құрылғының көрсеткіші есепке алынбайды және тұтынылған газдың көлемін есептеу соңғы тексеру мерзімі өткен күннен бастап жүргізіледі.
<blockquote>
 «Тұтынушылар электрондық газ есептегіштерді механикалыққа ауыстырғаннан кейін, газ учаскелеріне бармай-ақ, kaspi.kz, homebank.kz ұялы қосымшалар арқылы онлайн сервистерді пайдалануға болады. Сондай-ақ Qiwi, Касса24 терминалдары арқылы төлей алады. Яғни, газ есептегіш смарт карталарына ақша салу үшін газ учаскелеріне барып, кезекте тұрудың қажеті жоқ. Біздің тарапымыздан берешегі бар газ тұтынушыларға қосымша шығындарды болдырмау үшін пайдаланылған газ үшін толық төлем уақытылы жасауға шақырамыз», – деді Ермек Қалдығұлов.
</blockquote>

Қызылордалықтардың табиғи газға қарызы өскен

<a href="https://kyzylorda-news.kz/">Kyzylorda-news.kz</a>. Қызылорда қаласының аумағында тұрмыстық зорлық-зомбылықтың алдын алу бағытында маусым айының 9-16 аралығында «Тұрмыс» жедел-профилактикалық іс-шарасы өткізіледі.&nbsp;
«Тұрмыс» жедел-профилактикалық іс-шарасының негізгі мақсаты облыс аумағында ІІО күштері мен құралдарын, мүдделі мемлекеттік органдарын, Үкіметтік емес ұйымдарын, Әйелдер кеңестерін тарта отырып, криминогендік ахуалды тұрақтандыруға, ауыр және аса ауыр қылмыстардың және әкімшілік құқық бұзушылықтардың алдын алу,болдырмау, ізін суытпай ашу бағытында профилактика&nbsp; жұмыстарын жүргізу.
Сонымен қатар, қала аумағына қарасты әкімшілік аймақта «маскүнем», «нашақор», «қорғау нұсқамасы», «ерекше талаптар», бұрын сотты болған, шартты түрде мерзімінен босатылған адамдарды тексерумен қатар,&nbsp; отбасылық тыныштығын алатындар мен қолайсыз отбасыларды аралап, түсіндірме жұмыстары жүргізіледі.

Қызылордада «Тұрмыс» іс-шарасы басталады

<a href="https://kyzylorda-news.kz/">Kyzylorda-news.kz</a>. ҚР Білім және ғылым министрі Асхат Аймағамбетов республикадағы мектеп директорларының ротациясы туралы айтты, деп хабарлайды&nbsp;<a href="https://stan.kz/">Stan.kz</a>.
<blockquote>
 «Қазір бұл ұсынысқа қатысты пікірталас болып жатыр.&nbsp; Бұл бір күнде 7500 мектептің директоры жұмыс орнын ауыстырады деген сөз емес.&nbsp;&nbsp;Оған қоса, Павлодар облысынан Қарағандыға, Түркістан облысына ауыстырады деген түсінік қалыптаспауы керек. Олай болмайды», – деді Аймағамбетов.
</blockquote>
Халықаралық тәжірибе зерделенді, шешім барлық оң және теріс жақтарын ескере отырып қабылданады, деп жалғастырды ол.
<blockquote>
 «Біз әріптестерімізбен директорлардың орнын ауыстыру&nbsp;ережелерін талқылап жатырмыз.&nbsp;Нюанстар өте көп. Біз бұл жүйенің жеке мүдде үшін қолданылғанын қаламаймыз. Әртүрлі жағдайлар болады. Алпыс жастағы отыз жылдық тәжірибесі бар мұғалім де сұранысқа ие бола алады. Бірақ мұндай жағдайлар өте сирек.&nbsp;Бірақ, тәжірибе кадрларды ауыстыру үлкен&nbsp;маңызға ие екенін көрсетеді», – деп толықтырды министр.
</blockquote>
«Open NРA» порталында мемлекеттік білім беру ұйымдарының бірінші басшыларын ротациялау ережесінің жобасы ұсынылды. Мектеп директорларын үш жыл сайын аттестаттау және олардың қызметінің тиімділігін жыл сайынғы бағалау нәтижелері бойынша ауыстыру ұсынылады.
Жобада ротация жойылса, еңбек келісімшарты тағы 3 жылға ұзартылатыны айтылған. Бірақ екінші&nbsp;рет бас тартқан жағдайда білім беру ұйымының басшысы қызметінен босатылады.
Осылайша, мектеп директорының ең ұзақ қызмет мерзімі 6 жылды құрайды. Ереже жобасында зейнетке шыққанға дейін үш жыл немесе одан аз уақыт бар адамдар ротациядан босатылуы мүмкін екендігі айтылған.

Қазақстанда мектеп директорлары 3 жыл сайын ауыстырылады &#8211; министр жаңа ережемен таныстырды

<a href="https://kyzylorda-news.kz/">Kyzylorda-news.kz</a>. ҚР Ішкі істер министрі Ерлан Тұрғымбаев Қызылорда облысының учаскелік полиция инспекторларымен кездесті.
Бүгін Ішкі істер министрі Ерлан Тұрғымбаев жұмыс сапарымен Қызылорда облысына келді. Бас прокурордың, ​ Ішкі істер министрінің және облыс әкімінің қатысуымен облыстық прокуратурада өткен кеңесте қылмыстық процестің үш буынды моделін​ енгізу​ мәселелері қаралды.​
Министр Қызылорда облысы Полиция департаментінің жұмысымен танысты. Жедел басқару орталығын, учаскелік полиция пунктін, сондай-ақ модульдік полиция бекеттерін аралады. Облыс орталығында орналасқан осындай 14 бекет халыққа тәулік бойы, сапалы және уақтылы көмек көрсету мақсатында барлық қажетті заманауи жабдықтармен жабдықталған. Бүгінгі күні облыс аумағында барлығы 272 бейнекамера орнатылған, олардың көмегімен жыл басынан бері тоғыз мыңға жуық құқық бұзушылық анықталып, 54 қылмыс ашылды.
<blockquote>
 «Қазір дамыған елдердің тәжірибесі негізінде криминогендік учаскелерде заманауи стационарлық полиция бекеттері орнатылуда. Бейнебақылау желісі кеңеюде. Бұл жұмыс әкімдіктің тікелей қолдауымен жүргізілуде», – деп атап өтті Ерлан Тұрғымбаев.
</blockquote>
Министр өңірдің үздік учаскелік полиция​ инспекторларымен кездесіп, Шиелі ауданы Жиделі – арық ауылдық округінің учаскелік полиция инспекторы Тоқтарбай&nbsp;Дулатовты “Құқық тәртібін қамтамасыз етуге қосқан үлесі үшін” төсбелгісімен марапаттады. Бұл ауылдық округте соңғы екі жылда бірде бір қылмыс орын алмаған. Тыныштық пен қауіпсіздік орнаған осы ауылдың ақсақалдары учаскелік полиция инспекторының жұмысына жоғары баға беріп отыр.
<blockquote>
 «Жергілікті полиция қызметін жетілдірудегі біздің басты міндетіміз азаматтардың қауіпсіздігі. Сондықтан ұлттық сервистік моделінің негізгі тұлғасы – учаскелік полиция инспекторының тиімді қызмет атқаруы үшін біз барлық жағдайларды жасауды жалғастыратын боламыз», – деді министр.
</blockquote>
Ерлан Тұрғымбаев полиция нысандарын аралау кезінде ел басшылығының құқық қорғау органдарын реформалау жөніндегі тапсырмаларының орындалуын тексерді, сондай-ақ жеке құраммен кездесуде өңірдегі полиция қызметінің басым бағыттарын айқындады.
<img src="https://kyzylorda-news.kz/wp-content/uploads/2021/06/197650494_894851301065307_2163422910592905879_n.jpg" alt="" />

Ерлан Тұрғымбаев Қызылорда облысы Полиция департаментінің жұмысымен танысты

<a href="https://kyzylorda-news.kz/">Kyzylorda-news.kz</a>. Моңғол жұрты осымен алтыншы мемлекет басшысын таңдамақ, деп хабарлайды <a href="https://24.kz/kz/zha-aly-tar/lemde/item/478963-mo-oliyada-erte-prezident-sajlauy-tedi">«Хабар 24».</a>
Саяси додада халық партиясының, оппозицияның демократиялық партиясының және оңшылдар коалициясының көшбасшылары бақ сынамақ. Айта кетейік, ел астанасы Ұлан-Батырда президенттік сайлау алдындағы үгіт-насихат науқаны коронавирус пандемиясының салдарынан белсенді ұйымдастырыла алмады. Сарапшылар елдегі эпидахуалдың ушығуына байланысты сайлауға қатысу көрсеткіші де төмен болуы мүмкін деп топшылайды.

Ертең президент сайлауы өтеді

<a href="https://kyzylorda-news.kz/">Kyzylorda-news.kz</a>. Бүгін Қазақстан Республикасының Бас Прокурор Ғизат Нұрдәулетов пен Ішкі істер министрі Ерлан Тұрғымбаев Қызылорда облысына жұмыс сапарымен келді.
Облыстық прокуратура ғимаратында облыс әкімі Гүлшара Әбдіқалықова және ведомстволардың басшылары прокурорлар мен сотқа дейінгі тергеп-тексеру органдарының жаңа іс жүргізу жағдайындағы өзара іс-қимыл тәртібімен танысты.
Айта кетсек, Мемлекет басшысының тапсырмасымен Қазақстан ЕЭЫҰ елдерінің үлгісі бойынша қылмыстық процестің үш буынды моделіне көшуді бастаған. Полиция дәлелдемелерді жинап, прокуратура оларға құқықтық баға береді, ал сот үкім шығаратын болады. Бұл тәсілдің артықшылығы тежемелік әрі тепе-теңдік жүйесі болып табылады, азаматтардың құқықтарын қорғау механизмі күшейтіледі.
Қазіргі уақытта өзгерістердің бірінші кезеңі – прокурорлардың тергеу органдарының негізгі шешімдерін электрондық форматта келісуі іске асырылуда. Бұрын тергеуші азаматтарды қылмыстық шеңберге тарту мәселесін дербес шешсе, енді оның шешімдері прокурор келіскеннен кейін ғана күшіне енеді. Жаңажағдайларда прокурор тергеу процесіне белсенді қатысады және заңсыз шешімдерге уақытылы ден қояды. Жыл басынан бері елімізде прокурорлар 133 мың шешіммен келісіп, 1,5 мыңнан астам азаматты қылмыстық процеске негізсіз тартудың алдын алған.
Мұнан соң Бас Прокурор Ғизат Нұрдәулетов пен облыс Әкімі Гүлшара Әбдіқалықова өңірдегі құқық қорғау және арнайы органдар басшыларымен қылмысқа қарсы күрес және құқық бұзушылықтың алдын алу мәселелері жөнінде кеңес өткізді.
Прокурорларға қылмыстық процесте қадағалауды күшейту және органдар басшыларымен бірлесіп, нақты өзара іс-қимылды жолға қою тапсырылды. Іс шара қорытындысы бойынша басшыларға басқа да бірқатар тапсырмалар берілді.

Қызылорда облысына Бас Прокурор мен Ішкі істер министрі жұмыс сапарымен келді

<a href="https://kyzylorda-news.kz/">Kyzylorda-news.kz</a>. Ертең, 9 маусым күні мемлекеттік қызметші күніне орай облыс әкімінің жүлдесіне арналған мемлекеттік және ведомство қызметкерлері арасында дәстүрлі спартакиада өтеді.
Биыл жиырма алтыншы мәрте ұйымдастырылатын жарысқа 31 команда 1000-нан аса мемлекеттік қызметшілер спорттың 9 түрінен: пневматикалық мылтықпен ату, шахмат, тоғызқұмалақ, шағын футбол, үстел теннисі, бильярд, арқан тарту, жүзу және волейболдан сынға түседі.
Спорттың әр түрінен жеңіске жеткен және жүлдегер атанған командаларға облыстық дене шынықтыру және спорт басқармасының естелік сыйлықтары, дипломдары берілсе, жалпы есепте жеңіске ие болған командалар ауыспалы кубок, дипломдармен марапатталады.Спартакиада 22 маусым күні қорытындыланады.

Қызылордада мемлекеттік қызметшілер спартакиадасы басталады

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаев Әйтеке би кентіндегі әлеуметтік нысандардың тыныс-тіршілігімен танысты.
Аудан әкімі орталықтағы Қазалы теміржол ауруханасы, Қазалы локомотив жөндеу зауыты, Қазалы вагон жөндеу депосы, Қазалы көлік-техникалық колледжі мен Қазалы темірбетон бұйымдарын шығару зауытына арнайы барып, жұмысымен танысты.
Аудан басшысы ең алдымен ғасырдан астам тарихы бар Қазалы теміржол ауруханасына ат басын бұрып, дәрігерлермен тілдесті. Қазалы теміржол ауруханасы тіркелімдегі тұрғындарға, теміржолшыларға және олардың жанұясына сапалы медициналық көмек көрсетеді. Медициналық ұйымның жұмысы туралы «Қазалы теміржол ауруханасы» ЖШС директоры Құбыл Ршымбетов жан-жақты баяндап, хирургия, реанимация сияқты бөлімдердің жұмыстарымен таныстырды.
Мұнан соң аудан әкімі Мұхтар Оразбаев Нұрлан Алмағамбетов басшылық жасайтын Қазалы локомотив жөндеу зауыты мен Талғат Әліпбаев басқаратын Қазалы вагон жөндеу депосының жұмысымен танысты.
Шойын жолдағы қос ұжымның қол жеткізген табыстары көз қуантарлықтай. Республиканың әр аймағынан алынған тапсырыстар уақытылы орындалып, қызметкерлер жемісті еңбек етуде. Бұл жөнінде теміржол мекемелерінің басшылары егжей-тегжейлі айтып берді.
Қазалы көлік-техникалық жоғары колледжі аудандағы теміржолшыдарды дайындайтын бірден-бір оқу орны. Өткен ғасырдың 30 жылдары ашылған оқу ордасының қол жеткізген жетістіктері де жетерлік. Қазіргі таңда оқу орны еңбек нарығына аса қажетті 11 мамандық бойынша жан-жақты кәсіпқой жұмысшы мамандарды оқытып, дайындауда. Колледждегі 600-ге жуық студентке 120 инженер-педагог білім беруде.
Колледжге арнайы келген аудан басшысына колледж директоры Болатбек Ахметов оқу орнының материалдық-техникалық базасымен, колледж жанынандағы өлкетану мұражайымен таныстырды. Сонымен қатар, бүгінгі күні колледжге «Жас маман» жобасымен құны 300 млннан асатын заманауи құрал-жабдықтар келіп жатқанын қуанышпен жеткізді. Өз кезегінде аудан әкімі Мұхтар Оразбаев теміржол саласына қажетті сапалы мамандарды даярлау ісіне сәттілік тіледі.
Аудан басшысы аялдаған келесі нысан Қазалы темірбетон бұйымдарын дайындау зауыты болды. Республиканың әр түкпірінен темірбетон бұйымдарын дайындауға тапсырыс қабылдап отырған мекеменің директоры Сәбит Өтегенов зауыт жұмысымен таныстырды.
Аудандағы темірбетон зауытының тарихы 1978 жылдан басталады. Қазіргі таңда зауыт негізінен аудандағы құрылыс нысандарын бетонмен қамтамасыз етуде. Одан бөлек, үй құрылысына қажетті құрылыс заттарынан бөлек жолға, көпірге қажетті темірбетон бұйымдарын дайындауда. Мекеме 2021 жылдың 1 тоқсанында құны 195,9 млн теңге болатын 14 мың текше метр бетон шығарды.
<img src="https://kyzylorda-news.kz/wp-content/uploads/2021/06/99880ab4-cb7d-4004-b883-b10bbc2f139d.jpg" alt="" />

Қазалы ауданының әкімі теміржол мекемелерін аралады

<a href="https://kyzylorda-news.kz/">Kyzylorda-news.kz</a>. Дүйсенбі күні найзағай соғып, кем дегенде 20 адам мерт болды, тағы үшеуі зардап шеккен, деп хабарлайды <a href="https://lenta.inform.kz/kz/undistanda-nayzagay-sogyp-20-adam-kaza-tapty_a3798168">ҚазАқпарат.</a>
Оқиға Үндістанның Батыс Бенгалия штатында орын алған.
Жергілікті БАҚ-тың хабарлауынша, сол күні Батыс Бенгалияда көптеген адам қаза тауып, зардап шеккен. Осылайша, Муршидабад және Хугли округтерінде ауа-райының қолайсыз жағдайы салдарынан тоғыз адам мерт болған. Зардап шеккендер медициналық мекемелерге жеткізілді.
Үндістан премьер-министрі Нарендра Моди сол күні адамдардың қазасына байланысты көңіл айтып, мерт болғандар мен зардап шеккендердің отбасы мүшелеріне ақшалай көмек көрсетілетінін мәлімдеді.
Әдетте, Үндістанда найзағайлы жаңбыр маусымы жыл сайын маусым айынан қыркүйекке дейін жалғасады.

Қазақстан және Қызылорда облысының жаңалықтары

Ерлан Жаңабаев: Наурыз және Ж.Махамбетов ауылдарын газдандыруға қаржы бөлінді

Қызылордада журналистерге арналған байқау ұйымдастырылады

Қызылорда: Назарбаев Зияткерлік мектебіне қызметкерлер қабылданады

Қызылордалықтардың табиғи газға қарызы өскен

Қызылордада «Тұрмыс» іс-шарасы басталады

Қазақстанда мектеп директорлары 3 жыл сайын ауыстырылады – министр жаңа ережемен таныстырды

Ерлан Тұрғымбаев Қызылорда облысы Полиция департаментінің жұмысымен танысты

Ертең президент сайлауы өтеді

Қызылорда облысына Бас Прокурор мен Ішкі істер министрі жұмыс сапарымен келді

Қызылордада мемлекеттік қызметшілер спартакиадасы басталады

Қазалы ауданының әкімі теміржол мекемелерін аралады

Найзағай соғып, 20 адам қаза тапты

Қазақстан және Қызылорда облысының жаңалықтары

Ерлан Жаңабаев: Наурыз және Ж.Махамбетов ауылдарын газдандыруға қаржы бөлінді

Қызылордада журналистерге арналған байқау ұйымдастырылады

Қызылорда: Назарбаев Зияткерлік мектебіне қызметкерлер қабылданады

Қызылордалықтардың табиғи газға қарызы өскен

Қызылордада «Тұрмыс» іс-шарасы басталады

Қазақстанда мектеп директорлары 3 жыл сайын ауыстырылады &#8211; министр жаңа ережемен таныстырды

Ерлан Тұрғымбаев Қызылорда облысы Полиция департаментінің жұмысымен танысты

Ертең президент сайлауы өтеді

Қызылорда облысына Бас Прокурор мен Ішкі істер министрі жұмыс сапарымен келді

Қызылордада мемлекеттік қызметшілер спартакиадасы басталады

Қазалы ауданының әкімі теміржол мекемелерін аралады

Найзағай соғып, 20 адам қаза тапты

Қазақстанда мектеп директорлары 3 жыл сайын ауыстырылады – министр жаңа ережемен таныстырды