<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаев өз Жолдауында жалпы спорт саласын дамыту үшін ең бірінші спорт инфрақұрылымын кезең-кезеңімен салуды қамтамасыз етуді тапсырды.
Осыған орай ауданда спорт саласының материалдық-техникалық базасын нығайту мақсатында Қайыржан Құлтекеновтың жеке қаражаты есебінен Жалағаш кентінде құны 320 млн. теңгені құрайтын жабық бассейн кешені салынып, пайдалануға берілді.
Кешенде 19 адам жұмыспен қамтамасыз етіліп, үйірмеге 100-ге жуық балалар қамтылып, күніне 30 адамға дейін ақылы қызмет көрсетуде.
Аудан орталығынан демеушілік қаражат есебінен балаларға арнап спорт және ойын алаңы салынып, пайдалануға берілді. Аудандық бюджеттен бөлінген 14 млн. теңгеге 3 шағын спорт алаңы салынды.
Жалағаш кентінде жалпы құны 471 млн теңгені құрайтын дене шынықтыру-сауықтыру кешенінің құрылысына 217,3 млн. теңге қаржысы бөлініп, құрылыс жұмыстары жүргізілуде. 2022 жылы нысан пайдалануға беріледі. 
Жыл аяғына дейін кент орталығынан “Айбар-Ш” ЖШС демеушілік есебінен балаларға арналған Стритбол алаңы салынып, аудан тұрғындарының игілігіне беріледі.
Спорт – денсаулық кепілі десек, ұлттық бұқаралық спортпен тұрақты түрде айналысатын аудан халқы саны 10 664 яғни 30,3 пайызды құрайды. 
Алдағы уақытта 2025 жылға дейін бұл көрсеткішті 35 пайызға дейін жеткізу жоспарлануда.

Жалағаш кентінде жабық бассейн кешені пайдалануға берілді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 1392 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 118,
Алматы қаласы – 212,
Шымкент қаласы – 30,
Ақмола облысы – 87,
Ақтөбе облысы – 9,
Алматы облысы – 95,
Атырау облысы – 8,
Шығыс Қазақстан облысы – 44,
Жамбыл облысы – 11,
Батыс Қазақстан облысы – 138,
Қарағанды облысы – 151,
Қостанай облысы – 302,
Қызылорда облысы – 18,
Маңғыстау облысы – 1,
Павлодар облысы – 59,
Солтүстік Қазақстан облысы – 97,
Түркістан облысы – 12.
Қазақстан бойынша жазылғандар саны – 930512.

18 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықованың төрағалығымен саяси қуғын-сүргін құрбандарын ақтау жөніндегі өңірлік комиссия отырысы өтті. Жиынға өңірлік комиссия және облыстық жұмысшы тобының мүшелері, онлайн форматта қала және аудандық жұмысшы топ мүшелері қатысты.
Күн тәртібінде екі мәселе қаралды. Өңірлік комиссия және жұмысшы топ мүшелерімен облыс көлеміндегі саяси қуғын-сүргінге ұшыраған азаматтар жерленген жерлерді анықтау, жазықсыз сотталған және қуғын-сүргінге ұшыраған адамдарды ақтау мәселесін ғылыми тұрғыда зерделеу жұмыстары туралы облыстық мәслихат хатшысы, республикалық комиссия мүшесі Наурызбай Байқадамов баяндап берді. Ал, саяси қуғын-сүргін құрбандарын ақтау жөніндегі өңірлік комиссия жұмысын үйлестіру бойынша атқарылған жұмыстар мен алдағы жоспарларды облыстық ішкі саясат басқармасының басшысы, өңірлік комиссия хатшысы Мира Қазбекова тізбектеді.
Аймақ басшысы саяси қуғын-сүргін құрбандарын ақтау бағытында біршама жұмыстардың атқарылғанын тілге тиек етіп, алдағы міндеттерді айқындады.
<blockquote>
 «Қазақ халқының асылдарын қынадай қырған нәубет – саяси қуғын-сүргін Сыр жұртшылығын да айналып өткен жоқ. Қолда бар мәліметтерге қарағанда, тоталитарлық жүйе жүргізген саясаттың салдарынан облыс бойынша 4038 отбасы қуғынға ұшырап, 1153 адам атылған. Саяси қуғын-сүргін құрбандарын ақтау жөніндегі біршама жұмыстар жүргізілді, осы жұмыстар алдағы уақытта да өз жалғасын табуы қажет», – деді Гүлшара Әбдіқалықова.
</blockquote>
Наурызбай Байқадамов баяндамасында саяси қуғын-сүргін құрбандарын толық ақтау жөніндегі өңірлік комиссияның жұмыс тобы бүгінде құпия қорлармен жұмыс істеп, көптеген материалдарға қол жеткізгенін атап өтіп, ғалымдар мен зерттеушілердің пайым-пікірлері негізінде ортақ ойды ортаға салды. Мәселен, Қызылорда облысының Полиция департаменті мұрағатында жалпы саны 3 қор бойынша 4669 тұлғаға қатысты, 3016 дана қылмыстық іс бар, сақтау бірлігі 6058 дананы құрайды.
<img src="https://kyzylorda-news.kz/wp-content/uploads/2021/11/260696289_192613069726612_6531335305299514734_n.jpg" alt="" />
Жұмыс барысында ХХ ғасырдың өң бойында өткен ұлт-азаттық қозғалыс және саяси қуғын-сүргін құрбандарын, күштеп көшірілген халықтар мен арнайы қоныстанушылар бойынша құжаттарды анықтау, соғыс жылдары кеңестік әскери тұтқындар қатарынан құрылған Түркістан легионы сарбаздарының істері негізінде ақталмаған азаматтарды ақтау бойынша ұсыныстар әзірленуде.
Басқарма басшысы Мира Қазбекованың айтуынша, бүгінге дейін өңірлік комиссия және жұмысшы топтың 4 отырысы өткізілген. Қазіргі таңда комиссия және жұмысшы топ құрамына енгізілген ғалымдар бекітілген кестеге сәйкес тиісті мемлекеттік мекемелер мен облыстық архивте әр сәрсенбі және бейсенбі күндері мұрағаттарда сақтаулы тұрған құпия құжаттармен айналысуда.
<img src="https://kyzylorda-news.kz/wp-content/uploads/2021/11/260805152_192613123059940_5996893988609671645_n.jpg" alt="" />
Жұмысшы топ мүшелерінің, ғалымдардың тиімді әрі нәтижелі жұмыс жүргізуі үшін Қорқыт Ата атындағы Қызылорда университетінің базасындағы «Мұстафа Шоқай» ғылыми-зерттеу орталығы жанынан және облыс орталығындағы мұрағаттарда, Ә.Тәжібаев атындағы облыстық әмбебап кітапхананың базасында арнайы жұмыс бөлмелері белгіленген.
Саяси қуғын-сүргін құрбандарын толық ақтау жөніндегі өңірлік комиссияның жұмысын үйлестіруге облыстық бюджеттен қаржы қаралып, «Саяси қуғын-сүргін құрбандарын ақтау мәселелері жөніндегі өңірлік экспедиция жұмысын үйлестіру» әлеуметтік жобасы жүзеге асырылуда.
Жиынды қорытындылаған облыс әкімі саяси қуғын-сүргін құрбандарын ақтау жөніндегі өңірлік комиссияның жұмысын жандандыру мақсатында облыстық ішкі саясат басқармасына бірқатар тапсырма жүктеді.
<blockquote>
 «Республикалық комиссия тарапынан енгізілген ұсыныстар хаттамалық тапсырмаға енгізілсін және облыстық жұмысшы топ мүшелерінің зерттеген материалдары мен тың жазбалары туралы жинақ шығаруға қажетті қаржы ұсыныстарын берсін. 2022 жылға арналған жұмысшы топ құрамын қайта қарап, мәдениет, архив және музей саласының мамандарын қосуды қамтамасыз ету қажет. Саяси қуғын сүргін құрбандарын ақтау жөніндегі жұмысшы тобының жұмыстарын 2022 жылы ақпараттандыруға арналған кешенді медиа-жоспар әзірлеп, бекітуге ұсыныңыздар», – деді Г.Әбдіқалықова.
</blockquote>
Сонымен қатар облыстық мәдениет, архивтер және құжаттама басқармасына облыс көлеміндегі архивтердегі саяси қуғын-сүргін құрбандар туралы құжаттарға қосымша зерделеу жұмыстары жүргізіліп, облыстық жұмысшы тобымен бірлесіп талдау тапсырылды. Саяси қуғын-сүргін құрбандарының жаппай жерленген жерлеріне белгі қою, саяси қуғын-сүргін кезіндегі халық үшін күрескен батырлар мен қоғам қайраткерлері туралы арнайы ақпараттық кітапшалар әзірлеу міндеттелді.
Ал, облыстық прокуратура, Ұлттық қауіпсіздік комитеті, Ішкі істер департаментіне саяси қуғын-сүргін құрбандары туралы жабық архив қорларындағы құжаттарды жан-жақты зерделеу және оларды кезең-кезеңімен құпиясыздандыру жөнінде тиісті жұмыстардың жүргізілуіне ықпал жасау жүктелді.
Жиын соңында облыс әкімі қала және аудан әкімдіктері аудандық жұмысшы топтардың атқарған жұмыстары туралы ақпараттарды 2021 жылдың желтоқсан айының 15-не дейін облыстық ішкі саясат басқармасына енгізіп, Қала және аудан көлемінде жаппай жерленген жерлерге белгі қою жұмыстарын облыстық мәдениет, архивтер және құжаттама басқармасымен бірлесіп, ұсыныстар беруді тапсырды.
<img src="https://kyzylorda-news.kz/wp-content/uploads/2021/11/260640222_192613199726599_564417964200732839_n.jpg" alt="" />

Қуғын-сүргін құрбандарын ақтау:  Қызылордада 4038 отбасы қуғынға ұшыраған

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 946 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 128,
Алматы қаласы – 119,
Шымкент қаласы – 11,
Ақмола облысы – 63,
Ақтөбе облысы – 14,
Алматы облысы – 47,
Атырау облысы – 17,
Шығыс Қазақстан облысы – 53,
Жамбыл облысы – 9,
Батыс Қазақстан облысы – 25,
Қарағанды облысы – 107,
Қостанай облысы – 101,
Қызылорда облысы – 5,
Маңғыстау облысы – 6,
Павлодар облысы – 105,
Солтүстік Қазақстан облысы – 124,
Түркістан облысы – 12.
Жалпы ел бойынша ауырғандар саны 967369.

Қызылордада 5 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бейсенбі күні еліміздің басым бөлігінде көктайғақ болады, боран соғады, жел күшеюі ықтимал, деп хабарлайды Қазгидромет.
25 қарашада атмосфералық ағындардың әсерінен еліміздің басым бөлігінде ауа райы құбылмалы болып, жауын-шашын түседі, күндіз елдің оңтүстік-шығысындағы таулы аумақтарда және шығысында жаңбыр, қар жауады. Тек республиканың батысында антициклон әсерінен күн райы ашық болуы мүмкін. Еліміздің басым бөлігінде көктайғақ болады, боран соғады, жел күшеюі ықтимал. Еліміздің батыс және орталық бөлігінде тұман түсуі мүмкін.
Күндіз Түркістан облысының солтүстігінде, батысында шаңды дауыл соғуы ықтимал, түнде таулы аудандарда жел күшейіп жылдамдығы 15-20 м/с, күндіз – 15-20 м/с болады, таулы аудандарда екпіні 23-28 м/с жетеді.
Шығыс Қазақстан облысының солтүстік жартысында жаяу боран соғады, жолдарда көктайғақ болады, облыстың солтүстігінде, батысында жел күшейіп, 15-20 м/с, екпіні 25 м/с жетеді.
Қарағанды облысының солтүстігінде, батысында, шығысында жаяу боран соғады, көктайғақ болады, облыстың оңтүстігінде тұман түседі, шығысында, орталығында жел жылдамдығы 15-20 м/с жетеді, екпіні 23 м/с болмақ.
Жамбыл облысының солтүстік-шығысында, оңтүстік-батысында және таулы аудандарында желдің жылдамдығы 15-20 м/с болады, күндіз екпіні 23-28 м/с жетеді.
Павлодар облысының солтүстігінде, шығысында жаяу боран соғады, көктайғақ болады, облыстың оңтүстігінде, шығысында жел күшейіп, жылдамдығы 15-20 м/с жетеді.
Қызылорда облысының солтүстігінде, орталығында, түнде Маңғыстаудың батысында, күндіз Ақмола облысының шығысында, Алматы облысының солтүстігінде, солтүстік-батысында, Батыс Қазақстан облысының солтүстік-батысында жел 15-20 м/с күшейеді.
Ақмола облысының оңтүстік-шығысында жаяу боран соғады, көктайғақ болады, Маңғыстау облысының солтүстігінде, солтүстік – батысында көктайғақ болады, тұман түседі, Қызылорда облысының солтүстігінде көктайғақ болуы ықтимал.
Қостанай облысының оңтүстігінде, шығысында тұман түсіп, көктайғақ болуы мүмкін.
Ақтөбе облысының оңтүстігінде көктайғақ болады.
Атырау облысының батысында тұман түсуі мүмкін.

Ауа райы: Жел, боран соғып, көктайғақ болады

Kyzylorda-news.kz. Азаматтарды баспанамен қамтамасыз ету мәселесі – күн тәртібіндегі өзекті мәселелердің бірі. Осы бағытта Жалағаш ауданын да аз қамтылған көп балалы отбасыларын тұрғын үймен қамтамасыз ету үшін 30 тұрғын үй сатып алуға ҚР Ұлттық қорынан 277 млн. теңге бөлініп, қазіргі таңда тиісті жұмыстары атқарылуда. 
Биылғы жылы аудан бойынша тұрғын үй кезегінде 426 адам тіркелген.
Жалағаш кентінің өсу динамикасына сәйкес «Ақтерек» тұрғын үй салу аумағына инженерлік инфрақұрылыммен қамтамасыз ету мақсатында жобалық-сметалық құжаттар дайындауға облыстық бюджеттен 64 млн. теңге қаралып, жоба-сметалық құжаттар әзірленуде. 
Сонымен қатар, жеке тұрғын үй салушылар қатары жыл сайын артып келеді. Жеке сектор есебінен ағымдағы жылдың 9 айында жалпы алаңы 12 297 шаршы метрді құрайтын тұрғын үй салынды, бұл көрсеткіш өткен жылмен салыстырғанда 0,7 пайызға артты. 
Аудан орталығындағы көппәтерлі тұрғын үйлердің күрделі жөндеу жұмыстары да назардан тыс қалған жоқ. 2020 жылы аудандық бюджеттен бөлінген 6,0 млн. теңгеге Жалағаш кентіндегі 5 көппәтерлі тұрғын үйге (Қазыбек би көшесі №34, №46, Желтоқсан көшесі №2, М.Шәменов көшесі №76, №78) күрделі жөндеу жұмыстарын жүргізуге жоба-сметалық құжаттары әзірленді. 2022 жылға қаржыландыруға ұсынылып, мақұлданып тұр. Жоба құны 43 млн. теңге. 
Сонымен қатар ағымдағы жылы демеушілердің көмегімен 8 көппәтерлі үйлердің қас беттеріне сырлау-әктеу жұмыстары жүргізіліп, 6 үйдің шатыры ауыстырылды.

Жалағашта Ұлттық қор есебінен 30 тұрғын үй салынуда

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова «Жұмыспен қамту жол картасы» бағдарламасының орындалуы мәселелері бойынша атқарылған жұмыстарды саралады.
Аймақ басшысына облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова «Жұмыспен қамту жол картасы» аясында жүзеге асырылған инфрақұрылымдық жобалар мен жаппай кәсіпкерлікті дамыту жұмыстарын баяндады.
Жол картасы аясында инфрақұрылымдық жобаларды іске асыруға ағымдағы жылы 3,7 млрд.теңге, оның ішінде ҚР Ұлттық қоры есебінен – 2,5 млрд.теңге, мемлекеттік бағалы қағаздар (облигациялар) бойынша 2020 жылғы үнемделген қаражат есебінен – 1,2 млрд. теңге көзделген.
Биылғы жылдың 8 қарашасындағы ведомствоаралық комиссияның хаттамасына сәйкес қаражатты қайта бөлу есебінен жобалар саны 9-дан 18 жобаға дейін ұлғайды. Аталған жобалар аясында 454 жаңа жұмыс орны құрылды.
Сондай-ақ, басқарма басшысы «Бастау Бизнес» жобасы түлектерінің бизнес-жобаларын шағын несиелендіру мақсатында облыс үшін 1 млрд. теңге сомасында бюджеттік несие бөлінгенін мәлімдеді. Ағымдағы жылы облыс бойынша «Бастау Бизнес» жобасы бойынша кәсіпкерлік негіздеріне оқытудан 2793 адам өтті. Бүгінгі күні несие алуға 158 өтінім келіп түсті, оның ішінде жалпы құны 60,3 млн. теңгені құрайтын 16 жоба қаржыландырылды. Қалған жобалар қарау және пысықтау сатысында.
Өңірдегі жұмыспен қамту барысын саралаған облыс әкімі басқарма басшысына жоспарланған іс-шараларды мерзімінде аяқтауды тапсырды.

Қызылордада «Жұмыспен қамту жол картасы» бағдарламасы қалай жүзеге асып жатыр?

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Ақпарат және қоғамдық даму министрлігі жария талқылау және барлық мүдделі орталық және жергілікті мемлекеттік органдарымен келісу рәсімінен кейін «Журналистердің құқықтары бұзылған жағдайда олардың құқықтарын қорғау регламентін» ресми сайтта орналастырды, деп хабарлайды ҚазАқпарат.
Регламентте журналистердің, мемлекеттік органдардың құқықтары мен міндеттері және журналистердің құқықтары бұзылған жағдайдағы Министрліктің іс-әрекеттері көзделген.
Регламенттің негізгі мақсаты журналистердің құқықтары бұзылған жағдайда олардың құқықтарын қорғаудың қосымша тетіктерін әзірлеу болып табылады. Регламент мемлекеттік органдар мен БАҚ өкілдері үшін ақпараттық-түсіндіру сипатындағы әдістемелік құрал болып табылады.
Министрлік үшін журналистердің құқықтарын қорғау маңызды басымдық болып қала береді, сондықтан бұл мәселе әрқашан Министрліктің ерекше бақылауында болады. Журналист өз құқықтарының бұзылу фактісі анықталған жағдайда, мәселені шешуге көмек көрсету үшін Министрлікке жүгінуге құқылы. Журналистерден келіп түскен барлық өтініштерді қарау барысы ҚР Ақпарат және қоғамдық даму министрінің тұрақты бақылауында.
Регламентпен көрсетілген&nbsp;<a href="https://www.gov.kz/memleket/entities/qogam/documents/details/237031?lang=kk">сілтеме</a>&nbsp;бойынша танысуға болады.

Журналистердің құқығын қорғау регламенті жарияланды

<a href="https://kyzylorda-news.kz/">Kyzylorda-news.kz.</a>&nbsp; «Birgemiz: Asyl мura» жалпыұлттық жобасын жүзеге асыру мақсатында жарияланған шағын грант байқауында Қорқыт ата атындағы Қызылорда университеті студентінің жобасы қолдау тапты.
Экономика және басқару кафедрасының аға оқытушысы Ағжан Карбозованың ғылыми жетекшілігімен Мұрат Төлеудің «Тарихи және мәдени жәдігерлерді цифрландыру» тақырыбындағы жобасы Қазалы ауданы, Қ.Пірімов ауылында жүзеге асырылды.
<blockquote>
 «Жоба нәтижесінде ескерткішке QR код&nbsp; тақтайшасы орнатылды. Бұл Ұлы Отан соғысы ардагерлерінің тек есімін ғана біліп қоймай, олардың фото, видеоларын өз ұля телефондары арқылы танып-білуге мүмкіндік береді.&nbsp; Жобаның мақсаты – Қ.Пірімов&nbsp; ауылының&nbsp; тарихи-мәдени ескерткіштерінің дамуына үлес қосып, цифрландыру жұмыстарын жүргізу», – деді «Экономика және басқару» кафедрасының аға оқытушысы Ағжан Карбозова.
</blockquote>
Бұдан бөлек жоба аясында жастарға ауыл көшелерінің аталу тарихы да насихатталды. Алдағы уақытта білім алушылардың ғылымға, білімге деген қызығушылығын одан әрі дамытып, қолдау мақсатындағы жұмыстар өз жалғасын табады.
<img src="https://kyzylorda-news.kz/wp-content/uploads/2021/11/ae18b33b-1e0a-4667-a726-22a9da74d815-1.jpg" alt="" />

Тарихи-мәдени ескерткіштерді цифрландыру жобасы жүзеге асырылды

<a href="https://kyzylorda-news.kz/">Kyzylorda-news.kz.</a> Аудан әкімі Мұхтар Оразбаев Ғани Мұратбаев ауылына арнайы барып, елді мекеннің еңбеккерлері мен еңбек ардагерлерін ауыл шаруашылығы саласы қызметкерлері күні мерекесімен құттықтады.
Басқосуда аудан басшысы құттықтау сөз сөйлеп, ауыл шаруашылығы саласының ардагерлері мен бірқатар азаматтарды ҚР Ауыл шаруашылығы ардагерлер кеңесі қоғамдық бірлестігінің «Құрметті ардагер» төсбелгісімен және ҚР Ауыл шаруашылығы қызметкерлерінің салалық кәсіподағының «Елеулі еңбегі үшін» медалімен марапаттады.
Сондай-ақ, Ғани Мұратбаев ауылының тумасы, республикалық деңгейде түрлі жауапты қызмет атқарған Асанхан Жұмашты зейнет демалысына шығуымен құттықтады. Мұхтар Әуесұлы жерлесіміздің иығына қазақы дәстүрге сай шапан жауып, құрмет көрсетті.
Айта кетейік, Асанхан Жұмашұлы 1958 жылы Ғ.Мұратбаев ауылына қарасты Дихан ауылында дүниеге келген. Алғашқы еңбек жолын Ғ.Мұратбаев атындағы ұжымшарда шопан болудан бастаған. Алматы зоотехникалық-малдәрігерлік институтын ойдағыдай аяқтағаннан кейін, 2014 жылға дейін Ақтөбе облысында еңбек етті. Одан кейін ауыл шаруашылығы министрлігінің Ветеринариялық бақылау және қадағалау комитетінде жауапты қызметтер атқарды. Ағамыздың ұзақ жылғы еңбегі лайықты бағаланып, түрлі марапаттарға ие болды.
<img src="https://kyzylorda-news.kz/wp-content/uploads/2021/11/258872372_3212811992273059_5765146427893857370_n.jpg" alt="" />

Қазалы ауданында еңбек адамдары марапатталды

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының кеңесшілері 10 айда 3352 азаматқа кәсіпкерлік саласына қатысты 8462 кеңес беріп, жоспарды 33 %-ға артық орындады. Осылайша аймақтың Кәсіпкерлер палатасы ақпараттық-талдамалық қамтамасыз ету қызметі бойынша республика көлемінде 1 орында.
Ақпараттық-талдамалық қамтамасыз ету қызметі кәсіпкерлерге және кәсіпкерлік бастамасы бар тұрғындарға облыстың барлық аудандарында орналасқан Палата жанындағы Кәсіпкерлерді қолдау орталықтарында, сонымен қатар <a href="https://g4b.kz/">https://g4b.kz/</a> порталы арқылы онлайн режимде көрсетіледі.
<blockquote>
 &nbsp;«Ақпараттық-талдамалық қамтамасыз ету қызметі облысқа қарасты 7 аудан мен Байқоңыр қаласында көрсетіледі. Кәсіпкерлікке қатысты мемлекеттік бағдарламалар, қолдау тетіктеріне қатысты кеңес алуда Қазалы ауданының азаматтары өте белсенді. 10 айда Кәсіпкерлерге қызмет көрсету орталықтарынан 1037 қазалылық кеңес алған. Одан кейінгі белсенділік Қармақшы және Шиелі аудандарына тиесілі», – дейді Қызылорда облысы кәсіпкерлер палатасының директоры Ғалымбек Жақсылықов.
</blockquote>
&nbsp;Палата басшысы кеңесшілерден бағыт-бағдар алған азаматтар одан кейін салаға қатысты түрлі бағдарламаларға қатысып, қаржы ұйымдары арқылы жобаларын қаржыландыруға қол жеткізіп жатқандығын да жеткізді. Мәселен, 10 айда кеңес алған үш мыңнан астам азаматтың 884-інің жобалары 708,5 млн теңгеге қаржыландырылған.
Кәсіпкерлікпен айналысқысы келетін азаматтарды Қызылорда облысы кәсіпкерлер палатасы кеңесшілерінен кеңес алуға шақырамыз. Қызметтердің барлығы ақысыз – тегін.
Кәсіпкерлерді қолдау орталықтарының&nbsp; (КҚО бөлімдері) мекен-жайы:
Арал ауданы – Арал қ., Бақтыбай батыр к-сі, №46 үй, тел.:8/72433/79199;
Қазалы ауданы – Әйтеке би кенті–ке би, № 9 үй, тел.:8/72438/79243;
Қармақшы ауданы – Жосалы кенті, Көшербаев к-сі, №36 үй, тел.:8/72437/79120;
Қармақшы ауданы – Байқоңыр қаласы, Абай даңғылы №16, тел.: 8/33622/23527;
Жалағаш ауданы –&nbsp; Жалағаш кенті, Қазыбек би, №55 үй, тел.: 8/72431/79199;
Сырдария ауданы – Сырдария кенті, Қонаев к-сі, № 12 А үй, тел.: 8/72436/79179;
Шиелі ауданы – Шиелі кенті, Рысқұлов к-сі, №5 үй, тел.:8/72432/79255;
Жаңақорған ауданы –&nbsp; Жаңақорған кенті, ул.Хорасан ата, №177 б үй, тел.:8/72435/79120;
Қызылорда қаласы – Қызылорда қаласы, Қорқыт ата к-сі 123, тел.: 8 /7242/ 40-08-74, 40-02-02.
Анықтама үшін телефон: 40-08-74, 40-02-02
Сall-Center – 1432.

Кәсіпкерлер палатасының аудандардағы кеңесшілері 3352 азаматқа кеңес берді

<a href="https://kyzylorda-news.kz/">Kyzylorda-news.kz.</a> Каспий теңізі – мемлекет үшін көптеген игіліктің қайнар көзі. Мұнда мұнайдың да, өзге балықтың да қоры мол. Ең бастысы біздің аумақтық суларымыз – Каспийдегі бекіре тұқымдас балықтардың уылдырық шашатын жалғыз учаскесі. Шетелдік және жергілікті браконьерлерді қызықтыратын басқа да байлықтар бар. Сондықтан бастапқыда теңіз шекарашыларының міндеттерінде Каспий биоресурстарын қорғау, мемлекеттік шекараны бұзушылармен, контрабандашылармен, браконьерлермен де ымырасыз күрес те кіретін.
Өңірде көктем құқықбұзушылар мен тәртіп сақшыларының, оның ішінде шекарашылармен арадағы тайталаспен басталады.
<img src="https://kyzylorda-news.kz/wp-content/uploads/2021/11/image-82.png" alt="" />
2012 жылғы 30 наурызда Шекара қызметі Жағалау күзеті өңірлік басқармасының «Жеңіс» шекара кемесі жауынгерлік кезекшілікке шықты. Теңіз шекарашылары өздерінің жауапкершілік аймағында экипажы бекіре тұқымдас балықтарды браконьерлік жолмен аулаған кемені анықтады. Кеме халықаралық қауіпсіздік арнасы бойынша берілген радиосауалға жауап бермеді. Шекара кораблі жақындаған кезде де үн қатпады. Керісінше, Қазақстан Республикасының аумақтық суларынан жоғары жылдамдықтарын қосып, шекарашылардың құрығынан сытылып кетуге тырысты.
Кеме корпусы мен оның бағыты бойынша атылған ескерту оғы да нәтиже бермеді. Теңіз үстіндегі қуғын шамамен 30 минутқа созылды. Содан кейін шекарашылар кемені мәжбүрлеп тоқтатуға шешім қабылдайды. Бұл үшін тексеру тобын шекара бұзушылардың кемесінің бортына десант түсіру керек болады. Теңізші шекарашылар жақындай бергенде браконьерлер мінген кеменің қауіпті қозғалыс жасауының салдарынан артиллериялық жауынгерлік бөлімшесінің командирі, екінші сыныпты старшина Бағжан Ақыпбеков қайғылы жағдайда қаза тапты.
<img src="https://kyzylorda-news.kz/wp-content/uploads/2021/11/image-83.png" alt="" />
Браконьерлердің соңынан қуу кезінде олар өздерінің қылмыстық әрекеттерінің айғақтарын жоюға тырысады. Бірақ олар арам пиғылдарын соңына дейін орындап үлгермеді. Алты адамнан тұратын қылмыстық кеменің экипажы ұсталып, «Баутино» портына жеткізілді.
Тексеру барысында балықты заңсыз аулаумен айналысқан су құралының Түрікменстанға тиесілі екені анықталды. Кемеден 140-тан астам бекіре тұқымдас балықпен бірге каллада секілді тыйым салынған аулау құралдары бар алты жәшік табылды.
Браконьерлерге қатысты бірден үш бап бойынша қылмыстық іс қозғалды. Балықшылар шекарадан заңсыз өткендері үшін және заңсыз бекіре тұқымдас балық аулағандары үшін айыпталды. Сонымен қатар тоқтату кезіндегі көрсеткен заңға қайшы әрекеттері үшін жаза арқалайды.
<img src="https://kyzylorda-news.kz/wp-content/uploads/2021/11/image-84.png" alt="" />
Екінші сыныпты старшина Бағжан Ақыпбеков 1990 жылы 3 желтоқсанда жер жәннаты Жетісудың Лепсі ауылында дүниеге келген. Мерзімді әскери қызметін ҰҚК Шекара қызметі Жағалау күзеті өңірлік басқармасының шекара корабльдері мен катерлер дивизионында өткерді. Бірнеше рет мемлекеттік шекараны бұзушылар мен браконьерлерді ұстауға қатысты. Сол үшін ол басшылық құрамның марапаттарын иеленді.
– Старшина Бағжан Ақыпбеков жауынгерлік қызметте қажет кезде дұрыс шешім қабылдай алатын батыл және кәсіби жағынан білімді әскери қызметші болды, – дейді оның әріптесі Павел Турчинков. – Жолдастарының арасында беделді, үнемі көңілді жүретін, өмірге құштар болатын. Болашағына деген жоспарлары көп еді. Қарулас достарына көмектесуге үнемі әзір болатын. Біз әріптесімізді, қаруласымыз­ды ғана жоғалтқан жоқпыз, адал досымыздан айырылдық.
Өзінің Отан алдындағы әскери борышын өтеу кезінде мезгілсіз қаза тапқан Бағжан Ақыпбековтің артында аяулы жары мен кішкентай қызы қалды.
<img src="https://kyzylorda-news.kz/wp-content/uploads/2021/11/image-85.png" alt="" />
Тәуелсіз еліміздің Мемлекеттік шекарасын күзету кезінде көрсеткен ерлігі, батылдығы мен батырлығы үшін екінші сыныпты старшина Бағжан Нұрланұлы Ақыпбеков Қазақстан Республикасы Президентінің Жарлығымен III дәрежелі «Айбын» орденімен марапатталды (қайтыс болғаннан кейін).
Батыл оғлан Бағжан Ақыпбековті еске алуға арналған шаралар жыл сайын теңізші шекарашының туған жерінде, Қазақстан Республикасы ҰҚК Шекара қызметінің бөлімдері мен құрамаларында өтіп тұрады.

Қазақстан және Қызылорда облысының жаңалықтары

Жалағаш кентінде жабық бассейн кешені пайдалануға берілді

18 қызылордалық коронавирустан жазылды

Қуғын-сүргін құрбандарын ақтау: Қызылордада 4038 отбасы қуғынға ұшыраған

Қызылордада 5 адамнан коронавирус анықталды

Ауа райы: Жел, боран соғып, көктайғақ болады

Жалағашта Ұлттық қор есебінен 30 тұрғын үй салынуда

Қызылордада «Жұмыспен қамту жол картасы» бағдарламасы қалай жүзеге асып жатыр?

Журналистердің құқығын қорғау регламенті жарияланды

Тарихи-мәдени ескерткіштерді цифрландыру жобасы жүзеге асырылды

Қазалы ауданында еңбек адамдары марапатталды

Кәсіпкерлер палатасының аудандардағы кеңесшілері 3352 азаматқа кеңес берді

Қатардағы жауынгері… Теңіздің

Қазақстан және Қызылорда облысының жаңалықтары

Жалағаш кентінде жабық бассейн кешені пайдалануға берілді

18 қызылордалық коронавирустан жазылды

Қуғын-сүргін құрбандарын ақтау: Қызылордада 4038 отбасы қуғынға ұшыраған

Қызылордада 5 адамнан коронавирус анықталды

Ауа райы: Жел, боран соғып, көктайғақ болады

Жалағашта Ұлттық қор есебінен 30 тұрғын үй салынуда

Қызылордада «Жұмыспен қамту жол картасы» бағдарламасы қалай жүзеге асып жатыр?

Журналистердің құқығын қорғау регламенті жарияланды

Тарихи-мәдени ескерткіштерді цифрландыру жобасы жүзеге асырылды

Қазалы ауданында еңбек адамдары марапатталды

Кәсіпкерлер палатасының аудандардағы кеңесшілері 3352 азаматқа кеңес берді

Қатардағы жауынгері&#8230; Теңіздің

Қатардағы жауынгері… Теңіздің