<a href="https://kyzylorda-news.kz/">Kyzylorda-news.kz</a>. Қызылорда облысында «Сыр дарыны» байқауы жарияланды.
Қызылордада Тәуелсіздіктің 30 жылдығына орай «Сыр дарыны» жастар шығармашылық байқауы жарияланды. Байқаудың мақсаты – облыс жастарының шығармашылық қабілеттерін шыңдау және насихаттау болып табылады. Сондай-ақ, Сыр сүлейлерінің шығармашылығын дәріптеу арқылы өнер мектептерінің мәртебесін арттыру. Бұл туралы Өңірлік коммуникаицялар қызметінің ақпарат алаңында Қызылорда қалалық мәдениет және тілдерді дамыту бөлімінің басшысы Мұхтар Ниязов баяндады.
<blockquote>
 «Байқау облыстық ішкі саясат басқармасы, қала және аудан әкімдіктері, «Ақ сөйле» қоғамдық бірлестігінің ұйымдастыруымен өтеді. Іріктеу кезеңі 10-18 маусым аралығында қала және аудандарда өтіп, республикалық жас ақындар айтысымен түйінделеді. Байқау жазба ақындық өнер, айтыс, дәстүрлі ән және жыр-терме бағыттары бойынша өткізіледі», – деді облыстық Жастар ресурстық орталығы КММ директорының орынбасары Мақсат Дауылбай.
</blockquote>
Сонымен қатар, облыс бойынша іріктеуден өткен жеңімпаздарға сала мамандарының, танымал дәстүрлі өнер иелерінің танымдық семинарлары, мастер-класс оқытулары жүргізіледі. Барлық қатысушыларға арнайы диплом және алғыс хаттар табысталады. Ұйымдастырушылармен байланыс телефоны 30-01-21,е-mail: molodezh_kyz@mail.ru

«Сыр дарыны» байқауы жарияланды

<a href="https://kyzylorda-news.kz/">Kyzylorda-news.kz</a>. «Қазгидромет» РМК 10-12 маусым күндергі ауа райы болжамын ұсынды.
«Қозғалысы баяу оңтүстік циклоны Қазақстан аумағында әлі де тұрақтайды. Осыған байланысты алдағы үш тәулікте еліміздің басым бөлігінде жаңбыр күтіледі, орталықта және оңтүстік-шығыста нөсер жаңбыр жауып, екпінді жел, бұршақ болжанады. Сондай-ақ оңтүстікте шаңды дауыл тұрады.
Республиканың солтүстік, орталық және шығыс бөлігіндегі ауа температурасының төмендеуіне скандинавиялық кезекті суық антициклон ықпал етеді. Бұл аймақтарда термометр бағандары түнде 2-10 жылыға дейін, күндіз 15-20 жылыға дейін, оңтүстікте 7-18 жылыға дейін, күндіз 22-35 жылыға дейін төмендейді. Батыс өңірлерде ауа температурасы түнде 15-23 жылыға, күндіз 25-37 жылыға дейін өзгереді.

Қазақстанда күн салқындайды

<a href="https://kyzylorda-news.kz/">Kyzylorda-news.kz</a>.&nbsp; Қызылорда қаласында COVID-19 коронавирустық инфекциясын 5 айда 1838 адам жұқтырған. Бұл туралы Қызылорда қалалық санитариялық – эпидемиологиялық бақылау басқармасының басшысы Ерлан Ұзақбаев мәлімдеді.
Басқарма басшысының айтуынша COVID-19 инфекциясына қарсы күресте тиімді шара – вакцинация.
<blockquote>
 «СОVID-19 коронавирус инфекциясына қарсы ұжымдық иммунитетке қол жеткізу үшін еліміздің ересек адамдардың 60 %-ын вакцинациямен қамту қажет. Вакцинациялау қалалық емханаларда арнайы екпе бөлмелерінде, көшпелі егу жұмыстары «Арай Сити молл», «Жібек жолы» және «Қорқыт» сауда орталықтарында жүргізілуде. Ресей Федерациясының «Спутник V» немесе «ГамКовидВак» вакцинасы, отандық «QazVak» вакцинасы және Араб елінің Қытай технологиясы бойынша өндірілген вакцинасы «Sinofarm-HayatVax» вакцинасы қолданыста»,- деді Ерлан Амантайұлы.
</blockquote>
Сонымен қатар, ҚР Денсаулық сақтау министрлігі СОVID-19-ға шалдыққан науқастар мен олармен байланыста болған адамдар үшін оқшаулаудың міндетті режимін көздейтін санитарлық ережелерді бекітті. Осы талаптарды орындамағаны үшін азаматтарға әкімшілік жаза қолданылатын болады. Ережелер 2021 жылғы 10 маусымда күшіне енеді. Денсаулық сақтау министрлігінің бұйрығына сәйкес, өзін – өзі оқшаулау режимін бұзушылар «Ashyq» ақпараттық платформасы арқылы анықталмақ. Жүйе мәліметтері «Ashyq» жобасына қатысатын қоғамдық нысандарға кіру кезінде анықталған «қызыл» мәртебесі бар адамдарды тіркеу фактісін растау болып саналады. Карантиндегі науқас адамның санитариялық – эпидемиологиялық талаптарды сақтамауы ӘҚБтК-нің 802-бабына сәйкес әкімшілік құқық бұзушылық туралы іс қозғауға және оған әкімшілік жазаны қолдануға себеп болады. Егер азамат өзінің СОVID-19-ға шалдыққанын біле тұра, оқшаулану режимін бұзып, айналасындағы адамдарға қасақана қауіп төндірсе, оған 30 АЕК немесе 87 510 теңге мөлшерінде әкімшілік айыппұл салынады.
Бұған дейін, басқармаға «Ashyq» жобасымен жұмыс істеп отырған объектілерден 25 хабарламалар түскен. Оның 18-і сары түсті, яғни COVID-19 инфекциясына шалдыққан науқаспен тығыз қарым-қатынаста болған және 7-еуі қызыл түсті, яғни COVID-19 инфекциясына шалдыққан науқастар, белгіленген мерзім аралығында үй жағдайында оқшаулану, карантиндік шараларды сақтамай, халықтың денсаулығына қауіп төнгізген.
Бұдан бөлек, бүгінде қалаға қарасты 10 елді мекендер мен аумақтар биыл қолайсыз аймақтар тізіміне енгізіліп, кенелерге қарсы дезинсекция жұмыстары жүргізілген. Өткен жылдың 5 айында КҚГҚ-ның бірде-бір дерегі тіркелмеген болса, биылғы жылдың салыстырмалы эпидмаусымында бір жағдай тіркелді. Ауру ошағында кешенді эпидемиялық – эпизоотиялық, дезинсекциялық іс-шаралар толық атқарылды. Егер кене шағу, ит, мысық т.б. жануарлармен тістеу, тырнау, сілекейлеу жағдайлары орын алғанда міндетті түрде медицина қызметіне жүгіну қажет.
Ағымды жылдың 5 ай қорытындысымен қалада жіті ішек инфекциясының 207 оқиғасы тіркелсе, туберкулезбен 80 науқас жаңадан анықталды. Жедел ішек ауруларының алдын алу мақсатында аурулардың басты таралу себептерін: үй жағдайында дайындау технологиясы бұзылған немесе дұрыс сақталмаған тағамдар, сүт өнімдері, сусындар, дұрыс жуылмаған, тазартылмаған жеміс-жидектер, қайнамаған су және бала күтімінің нашарлығы т.б. болдырмау қажет.

Ерлан Ұзақбаев: Ұжымдық иммунитетті қалыптастыру үшін халықтың 60% вакцина алу керек

<a href="https://kyzylorda-news.kz/">Kyzylorda-news.kz</a>.&nbsp; Ғалымдардың есептеуінше, адам үшін 20-25 градус ыстық жайлы ауа райы саналады екен. Егер ауа температурасы небәрі 1 градусқа көтерілсе, оны адам терісіндегі терморецепторлар, терең тканьдер және органдар бірден сезеді. Айналадағы температура дене температурасынан (36,5-37,5) жоғары болса, біз салқындау үшін терлей бастаймыз.&nbsp;Салдарынан көп сұйық жоғалтамыз. Адам ағзасына күн өтеді. Күн өтуден көбіне қарт адамдар зардап шегеді екен. Ал ауа температурасы 40 градустан асқанда, далада да, кеңседе де жұмыс істеу өте қиын болады.
<ol>
<li>Жеңіл киініңіз. Табиғи талшықтардан жасалған, ашық түсті, ауа өткізетін киімдерді таңдаңыз;</li>
<li>Шляпасыз және көзілдіріксіз жұмысқа бармаңыз. Теріңізді күннен қорғайтын креммен “достасыңыз”;</li>
<li>Теріге майлы кремдер мен шамадан тыс косметика жағудан аулақ болыңыз;</li>
<li>Мүмкіндігінше газсыз су ішіңіз, оған лимон немесе жалбыз қосуға болады. Көк шай, компоттар да ыстықта ішуге болатын сусындар. Кофе мен алкогольден аулақ болыңыз;</li>
<li>Ас қорыту үшін жеңіл тамақ ішіңіз. Жаңа піскен жемістер, балмұздақ және түрлі көкөністер – жаз маусымы үшін өте қолайлы тағам;</li>
<li>Ең дұрысы демалысқа бару және тауда демалу;</li>
</ol>
Көшедегі жұмысшылар ыстықтан қалай сақтану керек?
Күні бойы құрылысшылар, жүк тасушылар, трактор жүргізушілері, парк күзетшілері және көше қызметкерлері кеңседе отырып жұмыс істейтін қызметкерлерден гөрі күн нұрымен көбірек бетпе-бет келеді. Оның үстіне, олардың көпшілігі қалың формада жүреді.
<ol>
<li>Көшеде көп жүретін жұмысшылар ішуге де, жуынуға да мүмкіндігінше көбірек су алуы керек;</li>
<li>Лас алақанмен немесе киіміңіздің жеңімен бетіңізді сүртпеңіз. Бұл жағдай үшін әрқашан қалтаңызда ылғал сүлгі ұстаңыз;</li>
<li>Үзіліс жасаңыз. Жұмыста әр сағат сайын 10 минут демалыңыз. Немесе екі сағаттық жұмыстан кейін 15 минуттан демалу керек;</li>
<li>Көлеңкеде жұмыс істеуге тырысыңыз. Бұл мүмкін болмаса – анда-санда көлеңкеледе демалыңыз;</li>
<li>Егер сіздің жұмыс орныңыз автокөлік салоны болса – оның терезелеріне күнқағар орнатыңыз. Бұл әдіс автомобиль ішіндегі температураны 5-7 градусқа төмендетеді;</li>
</ol>
Кеңсені ыстықтан қалай қорғауға болады?
Кеңседе жұмыс істеу оңайырақ. Бірақ кеңседе кондиционер болмаса қиын. Желдеткіштің өзін ұзақ уақыт қосуға болмайды. Салқын жел денсаулығыңызға айтарлықтай әсер етеді.
<ol>
<li>Барлық маңызды жұмыстар мен кездесулерді күннің бірінші жартысында – күн әлі көтерілмеген кезде жоспарлаңыз;</li>
<li>Жұмыс үстеліне ыдысқа&nbsp; су толтырып қойыңыз. Буланған су ауаны да салқындатады;</li>
<li>Су бүріккіш сатып алыңыз және оған суық су құйыңыз;</li>
<li>Қолыңызды жиі жуыңыз. Бұл суық сумен шайынуға тағы бір сылтау;</li>
<li>Терезені күннен қорғайтын фольгамен жабыңыз;</li>
<li>Бөлмені жиі желдетіңіз;</li>
<li>Бөлмедегі қарапайым шамды жарықдиодты шамдармен ауыстырыңыз. Себебі қарапайым шам жылуды көп бөледі;</li>
<li>Жаздың ыстық күндерінде жұмысқа таңертең ерте жетіңіз. Ол үшін суық су алып алуды ұмытпаңыз. Әсіресе, бұл қоғамдық көліктерде өміріңізді сақтауға көмектеседі;</li>
</ol>
Егер сіз ыстықта жұмыс істегендіктен әлсіздік, ентігу, бас айналу, бас ауру, көз қарауыту, жүрек соғысының жылдамдығын сезінсеңіз, абай болыңыз, бұл күн өткеннің айқын белгілері. Алғашқы белгілер пайда болған кезде дәрігерге көрінуді ұмытпаңыз.
<a href="https://massaget.kz/arnayyi_jobalar/zdorove/65326/?fbclid=IwAR2IwQ3J9LO0oyH9CUlTfk8LyZx-Pje6QdLTKiD-8Sl-aXx6sxFz2rtFiqg">Massaget</a>

Көшедегі жұмысшылар ыстықтан қалай сақтану керек?

<a href="https://kyzylorda-news.kz/">Kyzylorda-news.kz</a>.&nbsp; Аудан әкімі Мұхтар Оразбаев «Батыс Еуропа – Батыс Қытай» автодәлізінің бойында орналасқан кәсіпкерлік нысандардың жұмысын аралап көрді.
Аудан басшысы ең алдымен Майлыбас ауылдық округінің №99 бекетінің жанынан салынып жатқан қызмет көрсету кешенінің құрылысымен танысты.
Жалпы құны 100 млн теңге болатын кешенді жеке кәсіпкер Арзана Байсуғанова салып жатыр. Құрылыс жұмыстары аяқталған уақытта мұнда жолаушылар мен автокөлік жүргізушілеріне қонақ үй, монша, тамақтану орны,автотұрақ және шағын маркет қызметі жұмыс істейтін болады.
Аудан әкімі Мұхтар Оразбаев мұнан соң жол бойындағы «Мирас» және «Арзан city» кешендеріне ат басын бұрды. &nbsp;
2017 жылы іске қосылған «Мирас» кешенінде 40 адамға арналған дәмхана, 20 орындық қонақ үй, дәріхана, шағын маркет, автокөлікке техникалық қызмет көрсету орталығы, жеңіл және жүк көліктеріне арналған тұрақ және жанар-жағар май құю бекеті бар.
Аудан орталығы – Әйтеке би кентіне жақын орналасқан «Арзан City» кешені де 2017 жылы ашылған. Мұнда «Батыс Еуропа – Батыс Қытай» автодәлізінің бойымен жүретін жолаушылар мен автокөлік жүргізушілеріне қажеттілердің барлығы да бар. Кешенде 120 адамға арналған кафе, 20 орындық қонақ үй, монша, автакөлік жуу орталығы, шағын маркет, автокөлікке техникалық қызмет көрсету орталығы 24 сағат жұмыс істейді.
Ұлы жолдың бойынан жақында тағы бір кәсіпкерлік нысан бой көтерді. «Қашқансу» учаскесінен жеке кәсіпкер Бақытбек Ерхатов жалпы құны 377 млн теңге болатын көпсалалы қызмет көрсету кешенін салып, ел игілігіне пайдалануға беріп жатыр. Бұл жердің бір ерекшелігі жазды күні кешеннің жанында орналасқан көлге шомылып, балық аулауға болады.
<img src="https://kyzylorda-news.kz/wp-content/uploads/2021/06/27e00a6d-80c2-4296-a62b-893c587a2607.jpg" alt="" />
<img src="https://kyzylorda-news.kz/wp-content/uploads/2021/06/d65056e9-6860-48a9-8617-829dca5c06ac.jpg" alt="" />

Қазалы: Жол бойындағы бизнес қалай дамып жатыр?

<a href="https://kyzylorda-news.kz/">Kyzylorda-news.kz</a>.&nbsp; Шілдеде аптасына бес күн жұмыс істейтін қазақстандықтар 11 күн демалады. Бұл айда Елорда күні мен Құрбан айт мерекесі бар.
Үкімет қаулысына сәйкес, аптасына 5 күн жұмыс істейтіндер 4, 5 және 6 шілдеде демалады. Ал аптасына 6 күн жұмыс істейтіндер 4 және 6 шілдеде демалады.
Содан кейін Құрбан айт мерекесі болады. Құрбан айттың бірінші күні 20 шілдеге түсіп тұр, бұл күн демалыс деп бекітілген.
6 шілдеде Қазақстанда астана күні тойланады. 1998 жылы дәл осы күні Қазақстан Республикасы президентінің жарлығына сәйкес Ақмола атауы Астана деп өзгерді.
2019 жылдың наурызында Қасым-Жомарт Тоқаевтың жарлығымен Астана Нұр-Сұлтан болып өзгерді.
Бұрын астана күні 10 маусымда қалалық деңгейде тойланатын. 2006 жылы мереке 6 шілдеге ауыстырылды: ресми ақпарат бойынша, дәл осы күні 1994 жылы астананы Ақмолаға ауыстыру туралы шешім қабылданған. 6 шілде – Қазақстанның Тұңғыш президенті Нұрсұлтан Назарбаевтың туған күні.
2021 жылы Құрбан айт 20-22 шілде аралығында өтеді. Құрбан айт Ораза айттан 70 күн өткен соң басталып, 3 күнге созылады.

Қазақстандықтар шілде айында қанша күн демалады?

<a href="https://kyzylorda-news.kz/">Kyzylorda-news.kz</a>.&nbsp; Байқауға мемлекеттік және орыс тілдерінде жазылған, &nbsp;2021 жылғы 1 наурыздан 1 тамызға дейін БАҚ-та, &nbsp;оның&nbsp; ішінде,&nbsp; этноБАҚ-та және газетте жарияланған баспасөз материалдары, бейнесюжеттер қабылданады.
Конкурстың мақсаты – этносаралық қатынастар тақырыбын жазып-көрсететін журналистерді ынталандыру арқылы елдегі қоғамдық келісім мен жалпыұлттық бірлікті нығайту.
ҚР Тәуелсіздігінің 30 жылдығына орай елдегі татулық пен бірліктің беріктігін насихаттау.
Қоғамдық келісім мен жалпыұлттық бірлік тақырыбын жазып-көрсететін қазақстандық БАҚ өкілдерінің рөлдері мен жауапкершіліктерін арттыру болып табылады.
Байқау келесі номинациялар бойынша өткізіледі:
– ақпараттық жаңалықтар мен телевизиялық бағдарламалардың қоғамдық келісім мен жалпыұлттық бірлікті нығайтуға бағытталған&nbsp; ең үздік &nbsp;репортаж;&nbsp;
– баспа басылымдардағы қоғамдық келісім мен жалпыұлттық бірлікті нығайтуға бағытталған&nbsp; ең үздік мақалалар;
–&nbsp; интернет ресурстағы қазақ және орыс тіліндегі ең үздік жариялымдар.
Байқаудың толық ережесін Қызылорда. Ассамблея facebook парақшасында, «Сыр бірлігі» YouTube каналында,&nbsp; Kyzylorda.assambleya &nbsp;instagram парақшасында&nbsp; көруге болады.
Байланыс телефоны:&nbsp; 8 7242 70 03 92; 8&nbsp;777&nbsp;451 22 77.

Тәуелсіздікке 30 жыл: «Шаңырақ» шығармашылық байқауы жарияланды

<a href="https://kyzylorda-news.kz/">Kyzylorda-news.kz</a>.&nbsp; «Nur Otan» партиясы Қызылорда облыстық филиалының төрағасы, облыс әкімі Гүлшара Әбдіқалықованың төрағалығымен партия филиалының Саяси кеңесі бюросының отырысы өтті. Онлайн ұйымдастырылған отырыста облыс бойынша «Жастар – Отанға» бағдарламасын іске асырудың «Жол картасы» бекітілді.
Жиында партия филиалының төрағасы Гүлшара Әбдіқалықова «Жастар – Отанға» бағдарламасының алдағы 5 жылға бағытталып, жастарды ел дамуының ортақ мақсаты төңірегінде біріктіруге және жастардың өзін-өзі дамытуы үшін жан-жақты қолдауды қамтамасыз ету негізінде Елбасы, «Nur Otan» партиясының Төрағасы Нұрсұлтан Әбішұлы Назарбаевтың тапсырмасына сәйкес дайындалғандығын атап өтті.
Бюро отырсында бағдарламаны тиімді іске асыру үшін, арнайы жол картасы бекітілді. Жол картада 76 іс-шараны жүзеге асыру жоспарланып, 27 индикаторлар белгіленген. Олар жастардың азаматтық белсенділігін арттыруға, сапалы білім алуына жағдай жасауға, жұмысқа орналасуына, жас отбасыларды қолдауға және басқа да жастардың мүдделеріне байланысты мәселелерді қамтиды.
Осыған орай, жол картасы бірауыздан бекітіліп, оны белсенді жүзеге асыру жөнінде тапсырмалар берілді.

«Жастар &#8211; Отанға»: Қызылордада «Жол картасы» бекітілді

<a href="https://kyzylorda-news.kz/">Kyzylorda-news.kz</a>.&nbsp; Қызылордалық «Қайсарды» енді 64 жастағы білікті бапкер Владимир Никитенко баптайды. Тәжірибелі жаттықтырушы бұған дейін де команданың жаттықтырушысы болған.
2008 жылы тізгінді ұстап, ел біріншілігінде табысты нәтижеге қол жеткізді. Сондай-ақ 2012 жылы «Қайсарға» қайта оралып, премьер-лигадағы орнын сақтап қалуға үлес қосты. Владимир Никитенко еліміздегі ең нәтижелі, жетістіктері мол бапкерлердің санатында.
Қазақстан чемпионатының екі дүркін жеңімпазы, бірнеше мәрте Қазақстан кубогын еншілеген, екі мәрте Қазақстан суперкубогын жеңіп алса, бірнеше рет ел чемпионатының жүлдегері атанған. Сондай-ақ Ресей федерациясы кубогының иегері.
Бапкерлік еңбегі жолында 40-тан аса спорт шеберін, 30-дан аса футболшыны Ұлттық құрама сапына даярлады.

«Қайсарға» жаңа бапкер тағайындалды

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықованың төрағалығымен шағын және орта бизнестің даму барысы жөнінде кеңейтілген отырыс өтті. Жиынға тиісті сала басшылары және селекторлық режимде Қызылорда қаласы мен аудан әкімдері қатысты. Күн тәртібінде 2021 жылдың төрт ай қорытындысы бойынша шағын және орта бизнестің даму барысы, ауылдық елді-мекен кәсіпкерлерін шағын несиелендіру нәтижесі және алдағы жоспар, шағын және орта бизнес субъектілерін қаржыландыру барысы туралы айтылды.
Бірінші мәселе бойынша облыстық кәсіпкерлік және туризм басқармасының басшысы Фердоуси Қожабергенов баяндады.
Биылғы жылы кәсіпкерлік саласындағы бірқатар көрсеткіштерде оң динамикалық өсім байқалады. Атап айтақанда, тіркелген кәсіпкерлік субъектілер санының өсу қарқынына сәйкес облыс республика бойынша – 1 орынға орналасты. Сондай-ақ, жұмыс жасап тұрған кәсіпкерлер саны бойынша – 2 орында.
Ағымдағы жылдың 1 мамырында облыста тіркелген шағын және орта кәсіпкерлік субъектілері7,7 пайызға ұлғайып, 55 498 бірлікті құрады. Ал жұмыс жасап тұрғандардың саны 7,5 пайызға артып, 49 434 бірлікке жетті. 
Бөлшек сауда айналымы 94,2 млрд. теңгені құрап, 2020 жылдың сәйкес кезеңіне 100,1%-ға шықса, көтерме сауда айналымы 56,9 млрд. теңгеге жетіп, 102,5%-ды құрады. Жалпы соңғы бес жылдықта өңірде шағын және орта бизнестің өңірлік өнімдегі үлесі 3,5 пайызға дейін ұлғайды.
Биылғы жылы бизнесті жеңілдікпен несиелендіру өз жалғасын тапты. Жыл басынан бері облыста банктермен шағын және орта бизнеске берілген кредиттер портфелі 11 млрд. теңгені құрады. Несиенің 52%-ы саудаға, 9,6%-ы көлік және қоймалау, ауыл шаруашылығы салаларына,3,3%-ы құрылысқа және2,5%-ы өнеркәсіпке, қалған 32,1%-ы өндірістік емес салаға бағытталды. Облыс Бағдарлама аясында жобаларды субсидиялау бойынша өңірлер арасында алғашқы бестік енген.
“Қарапайым заттар экономикасы” бағдарламасы аясында 2019 жылдан бастап жалпы 9,6 млрд. теңгеге119 жоба, оның ішінде биылғы жылы 300 млн. теңгеге 10 жоба қаржыландырылды.
Бұдан өзге, қаржы ұйымдары арқылы “Еңбек” мемлекеттік бағдарламасы аясында жыл басынан бері 120 адам 521 млн. теңге шағын несиемен қамтамасыз етілді. Ауыл кәсіпкерлерінің үлкен сұранысына ие болған “Қызылорда” өңірлік инвестициялық орталығының жұмысы биылғы жылы да жалғасуда. Орталықпен микрокредит беруге жалпы 800 млн. теңге, оның ішінде облыстық бюджеттен 300 млн.теңге қарастырылған. 
Аймақ басшысы қала және аудан әкімдері мен жауапты сала басшыларына бірқатар тапсырма берді.
<blockquote>
 «Қала және аудан әкімдеріне Ұлттық статистика бюросы және салық органымен бірлесе отырып, макроэкономикалық көрсеткіштердің өсімін қамтамасыз ету бағытында тиісті шараларды қабылдауды тапсырамын. Мемлекеттік кірістер департаменті облыс көлемінде салық органдарының базасында жалпылама қызмет көрсету түрімен тіркеліп, техникалық қызмет көрсету және жөндеу бағытында жұмыс жасап жатқан кәсіпорындардың санын анықтап, тізімін шығару керек. Ұлттық статистика бюросының облыстық департаменті қала және аудан әкімдіктерімен бірлесіп, анықталған тізім бойынша нәтижелі көрсеткішке қол жеткізу үшін тиісті шаралар қабылдасын. Тек бұл ғана емес, жыл қорытындысымен кәсіпкерлік саласының негізгі көрсеткіштерінде оң динамика қалыптастыруды қатаң бақылауда ұстау қажет», – деді Гүлшара Әбдіқалықова.
</blockquote>
Ауылдық елді-мекен кәсіпкерлерін шағын несиелендіру нәтижесі және алдағы жоспар туралы «Қызылорда» Өңірлік инвестициялық орталығы» МҚҰ» ЖШС-нің директоры Самат Ерниязов баяндама жасады.
Қазіргі кезде, орталықтың жобаларды қаржыландыру процессі орта есеппен 10 күннен 15 күн ішінде жүргізілуде. 
Жалпы 2015 жылданбастап бүгінгі күнге дейін Орталықпен жалпы құны 8 млрд. 267 млн.теңгені құрайтын 1 928 кәсіпкерлердің жобалары қаржыландырылып, соның арқасында шамамен 2 320 жұмыс орындары құрылды. 
Оның ішінде, ауылдық елді мекендердегі жобалардың саны 1830, қаржыландыру көлемі 7 млрд. 116 млн. теңге. Яғни, барлық қаржыландырылған жобалар бойынша несие құнының 90 пайызы ауылдық елді-мекендердегі жобаларға тиесілі болды.
Күн тәртібіндегі үшінші мәселе бойынша “Даму” КДҚ” АҚ-ы Қызылорда облысы бойынша аймақтық филиалының директоры Ерлан Түктібаев айтты.
Облыс әкімі Гүлшара Әбдіқалықова мемлекеттік бағдарламаларды тиімді пайдалана отырып, өндірістік, өңдеу өнеркәсібі бағытындағы жобаларды іске асыруға басымдық беруді және инвестиция көлемін ұлғайтуды жүктеді. Сондай-ақ, биылғы жылы Экономикалық дамыту Картасы аясындағы және өзге де жобаларды сүйемелдеуге алып, қолдау шараларын көрсету қажет екенін атап өтті.
<img src="https://kyzylorda-news.kz/wp-content/uploads/2021/06/196972836_3434869443282767_1313009087698725545_n.jpg" alt="" />

Қызылорда: Шағын және орта бизнестің даму барысы бақылауда

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте коронавирус инфекциясы 1000 адамнан анықталды.
Аймақтар бойынша:
–&nbsp;Нұр-Сұлтан қаласында – 203,
–&nbsp;Алматы қаласында – 138,
–&nbsp;Шымкент қаласында – 31,
–&nbsp;Ақмола облысында – 59,
–&nbsp;Ақтөбе облысында – 16,
–&nbsp;Алматы облысында – 40,
–&nbsp;Атырау облысында – 55,
–&nbsp;Шығыс Қазақстан облысында – 65,
–&nbsp;Жамбыл облысында – 17,
–&nbsp;Батыс Қазақстан облысында – 97,
–&nbsp;Қарағанды облысында – 142,
–&nbsp;Қостанай облысында – 36,
–&nbsp;Қызылорда облысында – 6,
–&nbsp;Маңғыстау облысында – 20,
–&nbsp;Павлодар облысында – 48,
–&nbsp;Солтүстік Қазақстан облысында – 11,
–&nbsp;Түркістан облысында – 16.
Пандемия басталғалы індет барлығы 396 832 адамнан тіркелді.

Өткен тәулікте Қызылордада коронавирус жұқтырғандар бар

<a href="https://kyzylorda-news.kz/">Kyzylorda-news.kz</a>. 9 маусымда, сәрсенбі күні елімізде аптап ыстық болып, кей жерлерде жаңбыр немесе бұршақ жауады, жел күшейеді, деп хабарлайды Қазгидрометке.
Синоптиктердің болжауынша, бүгін оңтүстік циклонның атмосфералық бөліктер әлі де Қазақстанның басым бөлігінде өз ықпалын сақтайды. Сондықтан найзағайлы жаңбыр жауады, кей жерлерде бұршақ жауады, дауылды жел соғып, оңтүстікте шаңды дауылға айналады, солтүстікте түнде және таңертең тұман түсуі ықтимал.
Күндіз Қызылорда облыстарының кей жерлерінде шаңды дауыл соғады, желдің жылдамдығы 15-23 м/с жетеді, Түркістан облысында дауылды жел күндіз 26 м/с дейін күшейеді.
Қызылорда облысының жекелеген аудандарында өрт қауіпі өте жоғары.

Қазақстан және Қызылорда облысының жаңалықтары

«Сыр дарыны» байқауы жарияланды

Қазақстанда күн салқындайды

Ерлан Ұзақбаев: Ұжымдық иммунитетті қалыптастыру үшін халықтың 60% вакцина алу керек

Көшедегі жұмысшылар ыстықтан қалай сақтану керек?

Қазалы: Жол бойындағы бизнес қалай дамып жатыр?

Қазақстандықтар шілде айында қанша күн демалады?

Тәуелсіздікке 30 жыл: «Шаңырақ» шығармашылық байқауы жарияланды

«Жастар – Отанға»: Қызылордада «Жол картасы» бекітілді

«Қайсарға» жаңа бапкер тағайындалды

Қызылорда: Шағын және орта бизнестің даму барысы бақылауда

Өткен тәулікте Қызылордада коронавирус жұқтырғандар бар

9 маусымға арналған ауа райы болжамы

Қазақстан және Қызылорда облысының жаңалықтары

«Сыр дарыны» байқауы жарияланды

Қазақстанда күн салқындайды

Ерлан Ұзақбаев: Ұжымдық иммунитетті қалыптастыру үшін халықтың 60% вакцина алу керек

Көшедегі жұмысшылар ыстықтан қалай сақтану керек?

Қазалы: Жол бойындағы бизнес қалай дамып жатыр?

Қазақстандықтар шілде айында қанша күн демалады?

Тәуелсіздікке 30 жыл: «Шаңырақ» шығармашылық байқауы жарияланды

«Жастар &#8211; Отанға»: Қызылордада «Жол картасы» бекітілді

«Қайсарға» жаңа бапкер тағайындалды

Қызылорда: Шағын және орта бизнестің даму барысы бақылауда

Өткен тәулікте Қызылордада коронавирус жұқтырғандар бар

9 маусымға арналған ауа райы болжамы

«Жастар – Отанға»: Қызылордада «Жол картасы» бекітілді