<a href="https://kyzylorda-news.kz/">Kyzylorda-news.kz</a>. Бүгін футболдан 2020 жылғы Еуропа чемпионатының финалдық кезеңі басталады.
Дүбірлі дода шымылдығы Түркия мен Италия құрамаларының кездесуімен түріледі. Ойын Италия астанасы Рим қаласындағы Олимпиадалық стадионда өткізіледі. Бұл матчта нидерландылық Данни Маккели бас қазы болса, оған отандастары Хессел Стегстра мен Ян де Врис көмекшілік жасайды. Қосалқы төреші – франциялық Стефани Фраппар.
Ойын елорда уақытымен 00:50-де «Qazaqstan» және «Qazsport» телеарналарынан тікелей эфирде көрсетіледі.
Бұған дейін екі құрама 14 мәрте кездескен. Оның 10-ында италиялық футболшылар басым түссе, 4-еуінде қос құрама тең нәтижені қанағат тұтты. Әлі күнге дейін түркиялық футболшылар аталған қарсыласынан басым түсіп көрген емес.
Еске салайық, құрлықтық дода он алтыншы мәрте өткізіліп отыр. Кәрі құрлықта 1960 жылы алғашқы Еуропа біріншілігі ұйымдастырылды. Аталған доп додасы 2021 жылы 12 маусым мен 12 шілде аралығында өткізілуі жоспарланған. Былтыр әлемді жайлаған коронавирус инфекцясына байланысты ол бір жылға кейін шегерілді. Ойындар дүбірлі дода тарихында тұңғыш рет Еуропаның 10 мемлекетінде орналасқан 11 стадионда болады. Бұл дүбірлі доданың 60 жылдық мерейтойына орай ұйымдастырылған.
Биылғы біріншілікте барлығы 24 құрама сынға түседі. Әрбір топтан үздік екі команда мен көрсеткіші жоғары төрт құрама жарысты жалғастыруға мүмкіндік алады.
Құрамалар төмендегі топтарға бөлінген:
А тобы: Уэльс, Швейцария, Түркия, Италия;
В тобы: Финляндия, Бельгия, Ресей, Дания;
С тобы: Украина, Австрия, Солтүстік Македония, Нидерланды;
D тобы: Хорватия, Шотландия, Чехия, Англия;
E тобы: Швеция, Польша, Словакия, Испания;
F тобы: Германия, Венгрия; Португалия, Франция;
<a href="https://lenta.inform.kz/kz/futbol-bugin-europa-birinshiligi-bastalady_a3799842">ҚазАқпарат</a>

Футбол: Бүгін Еуропа біріншілігі басталады

<a href="https://kyzylorda-news.kz/">Kyzylorda-news.kz</a>.&nbsp; Бүгін орталық стадионда футболдан КСРО спорт шебері, ҚР еңбек сіңірген жаттықтырушысы Тимур Сегізбаевты еске алуға арналған 2009 жылы туылған жасөспірімдер арасында облыстық турнирдің салтанатты ашылу рәсімі өтті.
Турнирдің салтанатты ашылуында облыстық мәслихат хатшысы Наурызбай Байқадамов пен облыстық футбол федерациясының бірінші вице-президенті Болат Көшербаев қатысушыларды құттықтап, аты аңызға айналған футболшы Тимур Санжарұлын еске алуға арналған турнирдің өңірде жасөспірім спортшыларды тәрбиелеуде маңызы зор екенін атап өтті.
Қазақстан Тәуелсіздігінің 30 жылдығы аясында ұйымдастырылған футбол додасына Байқоңыр, Қызылорда қалаларынан және аудандардан 8 команда 120 спортшы қатысуда.
Облыста бұқаралық спортты, футболды дамыту мақсатында Тимур Сегізбаев атындағы облыстық турнир биылғы жылы он екінші мәрте ұйымдастырылуда.
Турнирдің жеңімпаз және жүлдегер командалары 13 маусым күні белгілі болады. Ойындар орталық стадионның қосалқы алаңында өтуде.
<img src="https://kyzylorda-news.kz/wp-content/uploads/2021/06/199218575_6362303407129159_3567415484304452219_n.jpg" alt="" />
<img src="https://kyzylorda-news.kz/wp-content/uploads/2021/06/199246622_6362303990462434_5373735073061842968_n.jpg" alt="" />

Қызылордада футболдан Тимур Сегізбаевты еске алу турнирі басталды

<a href="https://kyzylorda-news.kz/">Kyzylorda-news.kz</a>. «Қазгидромет» РМК 12-14 маусым күндергі ауа райы болжамын ұсынды.
<blockquote>
 «Жылы және құрғақ ауа массалары Қазақстанның оңтүстік өңірлерінде жауын-шашынсыз ыстық ауа райының қалыптасуына ықпал етті. Алайда, Скандинавия өңірлерінен келетін суық антициклонның әсерінен, елдің солтүстік жартысында ғана емес, оңтүстік облыстарда да ауа температурасы төмендейді. Егер оңтүстікте ауа температурасы аздап төмендесе, оңтүстік-шығыста термометр бағандары түнде 5…13°С-қа дейін, күндіз 20…28°С-қа дейін төмендейді.
</blockquote>
Атмосфералық фронттардың өтуімен байланысты жекелеген өңірлерде найзағай ойнап, жаңбыр жауады.
12-13 маусымда оңтүстіктің, оңтүстік-шығыс пен шығыстың таулы аудандарында нөсер жаңбыр жауады, жекелеген аудандарда дауыл тұрып, бұршақ жаууы мүмкін», – деді Қазгидрометтен.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz</a>. Қызылорда қаласы және аудан әкімдіктерімен суға түсуге қауіпті аймақтарға 188 ескерту тақтайшалары орнатылды. Бұл туралы Өңірлік коммуникациялар қызметінің ақпарат алаңында облыстық жұмылдыру дайындығы басқармасы басшысының міндетін атқарушысы Талғат Исмағұлов баяндады.
<blockquote>
 «Жыл басынан бері су айдындарында 18 адам қаза болса, оның 12-і кәмелеттік жасқа толмағандар. Су айдындарында адамдардың қаза болуының негізгі себептері – бұл балық аулау кезіндегі абайсыздық, су айдындарында қауіпсіздік шараларын сақтамау және балаларды ата-аналарының қарауынсыз қалдыру»,-деді Талғат Исмағұлов.
</blockquote>
Халық арасында үгіт-насихат және қауіпті учаскелерге бақылау жүргізу мақсатында облыстық төтенше жағдайлар департаменті тарапынан күнделікті сағат 15:00-ден кешкі 22:00-ге дейін рейдтік шаралар ұйымдастырылуда.
<blockquote>
 «Облыста суға түсуге рұқсат етілген 2 жағажай бар. Жақында суға түсуге рұқсат етілген және қауіпті жерлер туралы облыс әкімінің Қаулысы шығады. Сол кезде облыс тұрғындарына хабарлайтын боламыз. Сонымен қатар, қазір қала әкімдігімен бірлесіп коммуникалдық жағажай ашу жоспарлануда. Оған қоса, біздің тарапымыздан аймақта модульдік бассейндер ашу ұсынылды. Бұл жұмыстар суға кету жағдайының алдын алады деп сенеміз»,-деді облыстық төтенше жағдай департаменті бастығының орынбасары Бауыржан Ізбасаров.
</blockquote>
Қазіргі кезде судағы қауіпсіздік ережелерін бұзғаны үшін 13 адамға әкімшілік хаттама толтырылып, ескерту шарасы көрілді.

Қызылордада модульдік бассейндер ашу жоспарлануда

<a href="https://kyzylorda-news.kz/">Kyzylorda-news.kz</a>. Ішкі істер министрлігі елде электр самокатпен жүруге қатысты шектеулер енгізуі мүмкін, деп хабарлайды&nbsp;Sputnik Қазақстан.
Ішкі істер министрі Ерлан Тұрғымбаевтың айтуынша, қолданыстағы жол қозғалысы туралы заңға сәйкес, елде самокат деген көлік құралы жоқ. Оған бірнеше себеп бар. Біріншіден, аталған техниканың сертификаты жоқ, екіншіден ол көліктерге қойылатын талаптарға сай келмейді: доңғалағының диаметрі, тежегіш жүйесі, айналары, қауіпсіздік жүйесі.
<blockquote>
 “Яғни бүгінгі таңда электр самокаттармен трассалар мен жолдарда жүруге үзілді-кесілді тыйым салынады”, -деді министр халыққа есеп беру кездесуінде.
</blockquote>
Ол қазір ведомство веложолдар және тротуарларда электр самокатпен жүру мәселесін қарастырып жатқанын атап өтті.
“Бірқатар самокаттың жылдамдығы сағатына 20 шақырымнан асады. Кейбір елдерде шектеулер енгізілген”, – деді Тұрғымбаев.
Мәселен, Ұлыбританияда самокатты тек жекеменшік аумақта ғана пайдалануға болады. Басқа еуропалық елдерде самокаттардың жылдамдығына қарай шектеу енгізілген – велосипед жолдарында сағатына 20 шақырымға дейін, жаяу жүргіншілер жолында 12 шақырымнан төмен.
<blockquote>
 “Біздің елде бұл мәселе реттелмеген. Қазіргі таңда барлық мүдделі органның қызметкерлерінен жұмыс тобы құрылды. Заңнамаға өзгерістер енгізіледі немесе ұсыныстар қаралады деп ойлаймын”, – деді министр.
</blockquote>
Бұған дейін Алматыда самокат мінген қызды жүк көлігі қағып кетті. Куәгерлер мен жүргізушінің айтуынша, Jac жүк көлігі Ақсу көшесімен батыс бағытқа қарай келе жатқан. Қиядан төмен қарай самокатпен түскен қызды жүргізуші тым кеш байқаған. Алайда тоқтауға тырысқан әрекеті нәтижесіз болып, бүлдіршінді басып өткен. 2013 жылғы қыз оқиға орнында көз жұмды.

Қазақстанда самокат мінетіндерге шектеу енгізілуі мүмкін

<a href="https://kyzylorda-news.kz/">Kyzylorda-news.kz</a>. Қазақстанда зейнетақы мен жәрдемақыны тағайындаумен айналысатын мемлекеттік әлеуметтік қор құруды жоспарлап отыр. Бұл туралы еңбек және халықты әлеуметтік қорғау министрі Серік Шапкенов мәлімдеді.
Осы уақытта әлеуметтік код жасалуда. Тұжырымдама дайындалып, негізгі тәсілдер қалыптасты.
Шапкеновтың айтуынша, осы кодекстің шеңберінде «әлеуметтік институттарды реформалау», сондай-ақ оған зейнетақы мен жәрдемақы тағайындау функцияларын бере отырып, мемлекеттік әлеуметтік сақтандыру негізінде мемлекеттік әлеуметтік қор құру жоспарланған.
Әлеуметтік кодекс азаматтардың құқықтық сауаттылығын арттыруды және мұқтаж отбасыларға әлеуметтік қолдау институтын дамытуды көздейді.
<blockquote>
 «Әлеуметтік кодты әзірлеу барысында әлеуметтік қамсыздандыру жүйесін сапалы жетілдіруге бағытталған негізгі тәсілдер қалыптасты», – деді&nbsp;Еңбек және халықты әлеуметтік қорғау министрі Серік Шәпенов.
</blockquote>
<a href="https://stan.kz/kazakstanda-zeynetaki-men-zhardemaki-tagayindaytin-kor-347911/">Stan.kz</a>

Қазақстанда зейнетақы мен жәрдемақы тағайындайтын қор пайда болуы мүмкін

<a href="https://kyzylorda-news.kz/">Kyzylorda-news.kz</a>. Бес институттық реформаның негізінде қабылданған «100 нақты қадам» Ұлт жоспарының 12 қадамына сәйкес,Мемлекет басшысының 2015 жылғы 29 желтоқсандағы Жарлығымен мемлекеттік қызметшілердің мінез-құлық стандарттары белгіленген Әдеп кодексі қабылданып, өңірлерде Әдеп жөніндегі кеңестер құрылды.
Әдеп жөніндегі кеңестер – мемлекеттік қызметшілердің қызметтік әдеп нормаларын бұзушылықтарын, мемлекеттік қызметке кір келтіретін тәртіптік теріс қылықтарын қараумен қатар,мемлекеттік қызмет заңнамалары мен Әдеп кодексі бұзушылықтарының профилактикасын жүзеге асырады.
Қызылорда облысындағы Әдеп жөніндегі кеңеспен 2021 жылдың 4 айында өткізілген 4 отырыста24 мәселе қаралды.
Күн тәртібіндегі мәселелердің 7-уі тәртіптік істер, одан бөлек мемлекеттік орган басшыларының мемлекеттік қызмет және сыбайлас жемқорлыққа қарсы іс-қимыл туралы заңнамалары бұзушылықтарының профилактикасы бойынша атқарған жұмыстарының қорытындылары, Әдеп жөніндегі уәкілдер мен тәртіптік комиссиялар жұмысының нәтижелері қаралды.
Әдеп жөніндегі кеңестің шешімімен Әдеп кодексі талаптарын бұзғаны үшін – 1, мемлекеттік қызметке кір келтіретін тәртіптік теріс қылықтарға жол бергені үшін – 2 мемлекеттік қызметші тәртіптік жауапкершілікке тартылды. Оның ішінде, 1 қызметші атқаратын қызметінен босатылды.
Мемлекеттік қызмет істері агенттігінің Қызылорда облысы бойынша департаменті тоқсан сайын мемлекеттік органдардың тәртіптік тәжірибесіне талдау жүргізіп, талдау қорытындысыӘдеп жөніндегі кеңес отырысында қаралады.
Осының нәтижесінде, 2020 жылы,тәртіптік жаза қолдану барысында «Қазақстан Республикасының мемлекеттік қызметі туралы» Заңының 44-бабының және «Мемлекеттік қызметшілерге тәртіптік жаза қолдану» Қағидаларының(бұдан әрі – Қағида)35-тармағының талаптарын бұза отырып қолданылған тәртіптік жазалардың күші Әдеп жөніндегі кеңестің шешімімен жойылып, 2 мемлекеттік қызметшінің құқықтары қалпына келтірілді.
Ағымдағы жылдың 4 айында дәл осындай заң талаптарын сақтамай, 3 мемлекеттік қызметшіге қолданылған тәртіптік жазалардың күші жойылып, аталған қызметшілердің құқықтары қалпына келтірілді.
Мемлекеттік қызметшіөзінің жазбаша түсінігінде теріс қылық жасау фактісімен келіспеген жағдайда, Қағиданың 35-тармағына сәйкес қызметтік тергеп-тексеру жүргізіліп, теріс қылыққа жол беру немесе бермеу мәселесі толыққанды зерттелу қажет.Қызметтік тергеп-тексеру қорытындысы міндетті түрде мемлекеттік органның тәртіптік комиссиясы отырысында жан-жақты қаралып, шешім қабылдануы тиіс.
Дегенмен, кейбір мемлекеттік органдарда аталған Қағида талаптары сақталмай, мемлекеттік қызметшілердің құқықтары бұзылуда.Атап айтқанда, Қызылорда қаласы, Қарауылтөбе ауылдық округі әкімі аппаратының жетекші маманы Г.Б. мен Қызылорда қаласының құрылыс бөлімінің жетекші маманы Т.Н. өздерінің жазбаша түсініктерінде теріс қылық жасау фактілерімен келіспесе де, оларға қызметтік тергеп-тексеру жүргізбестен бірден тәртіптік жаза қолданылған.
Ал, облыстық денсаулық сақтау басқармасының бас маманы Ш.Д.-ғақатысты қызметтік тергеп-тексеру жүргізілген. Дейтұрғанмен, аталған басқарма тарапынан Қағиданың 56-тармағының талаптары сақталмай, бас маманныңқызметтік тергеп-тексеру қорытындысымен таныстырылмағандығы және жан-жақты, объективті қарау үшін облыс әкімі аппаратының бірыңғай тәртіптік комиссиясына ұсынылмағандығы анықталды.
Өз кезегінде, Әдеп жөніндегі кеңес, Қағида талаптарының бұзылуын ескере отырып, жоғарыда аталған мемлекеттік қызметшілерге қолданылған тәртіптік жазалардың күшін жойды.
Қазақстан Республикасының Мемлекеттік қызмет істері агенттігінің Қызылорда облысы бойынша департаменті тарапынан 2020 жылы жеке және заңды тұлғалардың, мемлекеттік қызметшілердің өтініштерінегізінде жүргізілген тексерулер нәтижесімен 107 бұзушылық анықталып, 14 азаматтың құқықтары қалпына келтірілді.
Мысалы, Департаментке облыстық санитариялық-эпидемиологиялық бақылау департаменті қызметкерінің мемлекеттік орган қайта ұйымдастырылғаннан кейін оған тиісті лауазым ұсынылмағаны жөнінде өтініші түсіп, тексеру жұмыстары жүргізілді.Тексеру қорытындысымен аталған тұлғаның құқығы қалпына келтіріліп, бұрын атқарған қызметі, бөлім басшысы лауазымына тағайындалды.
Бұдан бөлек, Қызылорда қалалық санитариялық-эпидемиологиялық қадағалау басқармасының жетекші маманының «мемлекеттік лауазымын төмендету» түріндегі тәртіптік жазаға келіспейтіндігі туралы Департаментке жазған өтініші бойынша жоспардан тыс тексеру жүргізілді.Тексеру барысында, облыстық санитариялық-эпидемиологиялық бақылау департаментімен Қағиданың талаптары сақталмай, оған заңсыз тәртіптік жаза қолданылғандығы анықталды.Департаменттің ұсынысы негізінде қызметкергетәртіптік жаза қолдану туралы бұйрықтың күші жойылды.
Ал, ағымдағы жылдың 4 айында Департамент тарапынан 3 азаматтың құқықтары қалпына келтірілді.
Нақтырақ айтқанда, Шиелі ауданы, Талаптан ауылдық округі әкімі аппаратының жетекші маманының өзін қызметтен заңсыз босатқаны туралы шағымы бойынша жоспардан тыс тексеру жүргізілді.Тексеріс барысында жетекші маман қызметтік тергеп-тексерусізлауазымынан босату түрiндегi тәртіптік жазаға тартылғандығы анықталды.Осыған орай, аудан әкімі аппараты жанындағы тәртіптік комиссия отырысының хаттамалық шешімінің және лауазымнан босату туралы Талаптан ауылдық округі әкімі өкімінің күші жойылды. Өкімді қабылдаған тұлғаға Қазақстан Республикасының Әкімшілік құқық бұзушылық туралы кодексінің 99-бабы 2-тармағына сәйкес, әкімшілік жауапкершілігін қарау үшін сотқа жолданды.
Сонымен қатар, Жаңақорған аудандық жер қатынастары бөлімінің жетекші маманы бос мемлекеттік әкімшілік лауазымына жарияланған конкурс нәтижесіне қатысты Департаментке өтініш түсті. Өтініш негізінде жоспардан тыс тексеру жұмыстары жүргізіліп, конкурсқа қатысты тиісті құжаттар мен конкурс бейнежазбасы зерделенді.Тексеріс нәтижесімен, конкурсқа қатысқан кейбір үміткерлерге сұраққа дұрыс жауап бергеніне қарамастан балл берілмегендігі, ал бір үміткердің кәсіби тәжірибесі жоқ бола тұра, оған комиссияның барлық мүшелері артық балл беріп, оның жеңімпаз болуына жол бергендігі анықталды.Осыған орай, Қазақстан Республикасының Әкімшілік құқық бұзушылық туралы кодексінің 99-бабы 1-тармағына сәйкес, конкурстың іріктеу рәсімін бұзғандары үшін комиссия мүшелері әкімшілік жауапкершілікке тартылып, комиссия хатшысына тәртіптік жаза қолданылды және конкурстық комиссия қорытындысының күші жойылды.
Азаматтардың құқықтары мен заңды мүдделерін қорғау – Қазақстан Республикасының Мемлекеттік қызмет істері агенттігінің Қызылорда облысы бойынша департаменті қызметінің басты бағыттарының бірі. Алдағы уақытта да бұл бағыттағы жұмыстар Департаменттің айрықша назарында болады.
Берікбол БАЙХОЖАЕВ,
ҚР Мемлекеттік қызмет істері агенттігінің Қызылорда облысы бойынша департаменті басшысының орынбасары, Әдеп жөніндегі кеңес хатшылығының меңгерушісі

Берікбол Байхожаев: Азаматтардың құқығын қорғау &#8211; қызметіміздің басты бағытының бірі

&nbsp;<a href="https://kyzylorda-news.kz/">Kyzylorda-news.kz</a>. «Сапалы жол-Адалдық алаңы» жобасы аясында ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен, «Ұлттық жол активтері сапасы орталығы» РМК Қызылорда облысы бойынша филиалының қызметкерлері, қоғам өкілдерімен бірлесіп Қызылорда қаласында 2020-2021 жылы салынған Жас Алаш және Жеңіс көшелеріне мониторинг жұмыстары жүргізілді.
«Сапалы жол-Адалдық алаңы» жобалық кеңсенің негізгі тұжырымдамасы автомобиль жолдарын салу, қайта жаңарту және жөндеу кезінде жұмыстар мен материалдардың сапасын сараптау кезеңінде азаматтық қоғаммен тығыз өзара байланыста ашық бақылауды қамтамасыз етуге бағытталған.
Аталған жоба аясында биыл 4 айда 7 рет мониторинг жасалып, 16 ақау анықталды.&nbsp;
Жоғарыда аталған көшелерден «Ұлттық жол активтері сапасы орталығы» РМК Қызылорда облысы бойынша филиалының қызметкерлерімен тиісті сынамалар алынып, жол сапасын зертхананың қортындысынан кейін қосымша хабарлайтын боламыз.

Қызылордада жол сапасы тексерілді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1656 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 217, 
Алматы қаласы – 198, 
Шымкент қаласы – 194, 
Ақмола облысы – 90, 
Ақтөбе облысы – 85, 
Алматы облысы – 50, 
Атырау облысы – 112, 
Шығыс Қазақстан облысы – 72, 
Батыс Қазақстан облысы – 115, 
Қарағанды облысы – 212, 
Қостанай облысы – 117, 
Қызылорда облысы – 14, 
Маңғыстау облысы – 35, 
Павлодар облысы – 91, 
Солтүстік Қазақстан облысы – 31, 
Түркістан облысы – 23.
Қазақстан бойынша жазылғандар саны – 374070.

Қызылордада 14 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қызылорда қаласында 28 пәтер терезелеріне арнайы қауіпсіздік ілмешегі орнатылды. Бұл туралы бүгін қала әкімдігінің баспасөз орталығында өткен брифингте қалалық Төтенше жағдайлар басқармасының бастығы Жасұлан Түйменов хабарлады.
Брифинг барысында Қызылорда қаласы Төтенше жағдайлар басқармасы қала аумағында жасөспірім балалардың терезеден құлау жағдайлары жиі орын алып жатқанына тоқталып өтті.
<blockquote>
 «Көп жағдайда 2 жастан 7 жасқа дейінгі балалар терезеден құлау қаупіне жиі ұшырайды. Осы жағдайды болдырмас үшін қала аумағындағы көпқабатты тұрғын үйлердің тұрғындарына түсіндіру жұмыстарын әр-аптаның жұма күні жүйелі жүргізудеміз. Шара барысында арнайы дайындалған үнпарақтар кіре беріс есіктерге ілінуде және тұрғындарға таратылуда. Сонымен қатар, терезелерге арналған қауіпсіздік құлыптарын орнату туралы тұрғындарға, мектеп басшыларына түсіндірілуде.Осы жұмыстардың нәтижесінде, көпбалалы аналар тарапынан 28 пәтердің терезелеріне арнайы қауіпсіздік ілмешегі орнатылды», – деді басқарма бастығы.
</blockquote>
Сонымен қатар, мамыр айынан бастап азаматтардың судағы қауіпсіздік шараларын қамтамасыз ету бағытындағы жұмыстар бастау алды. «Суға шомылуға тыйым салынады!» тақтайшаларынан жаңадан 5 дана орнатылып, қазіргі таңда тақтайшалардың жалпы саны 37 дана тақтайшаға ұлғайды.
Сала мамандарымен күшейтілген түрде Сырдария өзені жағалауында және қала аумағында орналасқан су айдындарында сағат 13.00-ден сағат 20.00-ге дейін рейдтік іс-шаралары жүргізілуде. Рейд барысында белігіленбеген аймақта суға шомылып жүрген 13 жеке тұлғаға ҚР ӘҚБтК 364 бабы бойынша әкімшілік хаттама толтырылған.

Қызылордада 28 пәтер терезелеріне қауіпсіздік ілмешегі орнатылды

<a href="https://kyzylorda-news.kz/">Kyzylorda-news.kz</a>. Қазақстан территориясының басым бөлігінде атмосфералық фронттарға байланысты құбылмалы, тұрақсыз ауа райы сақталады, деп хабарлайды Қазгидромет.
Жаңбыр жауады, найзағай жарқылдайды. Республиканың оңтүстік-шығысында, таулы аудандарда қатты жаңбыр жауады. Кей жерлерде дауыл тұрып, бұршақ жауады, жел күшейеді.
Оңтүстік және оңтүстік-шығыста шаңды дауыл соғады, солтүстікте түнде және таңертең тұман болады.
Жамбыл облысының кей жерлерінде шаңды дауыл тұрады, бұршақ жауады. Жел жылдамдығы 23-28 м/с болады.
Түркістан облысының кей жерлерінде шаңды дауыл соғады, жел қарқыны 15-20, күндіз 25 м/с жетеді. Таулы аудандарда дауыл болады.
Алматы облысының кей жерлерінде дауыл, бұршақ күтіліп, найзағай кезінде жел екпіні 25 м/с дейін күшейеді.
Ақмола, Батыс Қазақстан, Қарағанды облыстарының кей жерлерінде бұршақ жауып, желдің күші 15-20 м/с жетеді. Қарағанды облысының кей жерлерінде дауыл тұрады.
Солтүстік Қазақстан, Шығыс Қазақстан облыстарының кей жерлерінде дауыл көтеріліп, бұршақ жауады. Күндіз жел жылдамдығы – 25 м/с.
Солтүстік Қазақстан облысының кей жерлерінде түнде және таңертең тұман түседі.
Ақтөбе, түнде Маңғыстау, күндіз Қостанай, Павлодар облыстарының кей жерлерінде жел қарқыны 15-20 м/с дейін күшейеді.
Қызылорда, Түркістан, Жамбыл, Ақтөбе облыстарының басым бөлігінде, Қарағанды, Алматы, Қостанай, Батыс Қазақстан облыстарының кей жерлерінде, Ақмола, Павлодар, Шығыс Қазақстан облыстарының жекелеген аудандарында төтенше өрт қаупі сақталады.

11 маусымға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1120 адамда коронавирус індеті ПТР-сынама арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 205, 
Алматы қаласы – 137, 
Шымкент қаласы – 40, 
Ақмола облысы – 50, 
Ақтөбе облысы – 20, 
Алматы облысы – 55, 
Атырау облысы – 63, 
Шығыс Қазақстан облысы – 88, 
Жамбыл облысы – 32, 
Батыс Қазақстан облысы – 86, 
Қарағанды облысы – 173, 
Қостанай облысы – 35, 
Қызылорда облысы – 18, 
Маңғыстау облысы – 47, 
Павлодар облысы – 37, 
Солтүстік Қазақстан облысы – 21, 
Түркістан облысы – 13.
Жалпы ел бойынша ауырғандар саны 399096.

Қазақстан және Қызылорда облысының жаңалықтары

Футбол: Бүгін Еуропа біріншілігі басталады

Қызылордада футболдан Тимур Сегізбаевты еске алу турнирі басталды

Демалыс күндері ауа райы қандай болады?

Қызылордада модульдік бассейндер ашу жоспарлануда

Қазақстанда самокат мінетіндерге шектеу енгізілуі мүмкін

Қазақстанда зейнетақы мен жәрдемақы тағайындайтын қор пайда болуы мүмкін

Берікбол Байхожаев: Азаматтардың құқығын қорғау – қызметіміздің басты бағытының бірі

Қызылордада жол сапасы тексерілді

Қызылордада 14 адам коронавирустан жазылды

Қызылордада 28 пәтер терезелеріне қауіпсіздік ілмешегі орнатылды

11 маусымға арналған ауа райы болжамы

Қызылордада өткен тәулікте 18 адам коронавирус жұқтырды

Қазақстан және Қызылорда облысының жаңалықтары

Футбол: Бүгін Еуропа біріншілігі басталады

Қызылордада футболдан Тимур Сегізбаевты еске алу турнирі басталды

Демалыс күндері ауа райы қандай болады?

Қызылордада модульдік бассейндер ашу жоспарлануда

Қазақстанда самокат мінетіндерге шектеу енгізілуі мүмкін

Қазақстанда зейнетақы мен жәрдемақы тағайындайтын қор пайда болуы мүмкін

Берікбол Байхожаев: Азаматтардың құқығын қорғау &#8211; қызметіміздің басты бағытының бірі

Қызылордада жол сапасы тексерілді

Қызылордада 14 адам коронавирустан жазылды

Қызылордада 28 пәтер терезелеріне қауіпсіздік ілмешегі орнатылды

11 маусымға арналған ауа райы болжамы

Қызылордада өткен тәулікте 18 адам коронавирус жұқтырды

Берікбол Байхожаев: Азаматтардың құқығын қорғау – қызметіміздің басты бағытының бірі