<a href="https://kyzylorda-news.kz/">Kyzylorda-news.kz</a>. Сот «Яндекс.Такси» компаниясының Қазақстандағы қызметін шектеген жоқ, аппеляция жүріп жатқан кезде компания жұмысын жалғастыра алады, деп&nbsp;<a href="https://sputnik.kz/society/20210612/17327983/Sot-YandeksTaksi.html">түсіндірді</a>&nbsp;Алматы экономикалық соты.
<blockquote>
 «Шешім заңды күшіне енген жоқ және мәжбүрлеп орындау туралы ештеңе айтылмады. Істі қарау аясында сот компанияның қызметін шектеген жоқ», – делінген хабарламада.
</blockquote>
Айта кетейік, «Яндекс. Такси» тапсырысы ресімделетін ақпараттық жүйені пайдалану патентіне байланысты дау сотқа дейін жетті.
Шағымға сәйкес, «Яндекс.Такси Б.В.» тапсырыс беру жүйесін қолданған кезде патенттік құқықты бұзған. Себебі жүйедегі лицензиялық құқық «G-Taxi» қызметіне тиесілі.
19 мамырда Алматы мамандандырылған ауданаралық экономикалық соты «Яндекс. Такси» қызметін Қазақстанда тоқтату туралы шешім қабылдады. Бұл шешім күшіне енбеді және шағымдануға болатыны айтылды.
Іс қаралып жатқанда компания өз қызметін жалғастыра алады, деп түсіндірді сот.
«Яндекс. Такси» сот талқылауларына түсініктеме беріп, бұл қызметтің республика аумағында жұмысын жалғастыратынын, сот шешіміне шағым түсіретінін айтты.

«Яндекс.Такси» компаниясының Қазақстандағы қызметі шектелді ме?

<a href="https://kyzylorda-news.kz/">Kyzylorda-news.kz</a>. Бүгін – барлық білім ордаларында мектеп бітіруші түлектерге аттестат тапсыру күні. 11 жыл білім алған шәкірттер «Алтын белгі», «Үздік аттестат» алып, мектептерімен қоштасады. Ерекше күнде түлектердің қуанышына ортақтасқан облыстық білім басқармасының басшысы Ақзира Қасымова Қызылорда қаласындағы №218 мектепке барып, шәкірттерді құттықтап, игі тілегін арнады.
Білім ұясында 16 оқушы 11-сыныпты аяқтап отыр. Оның 3-і “Алтын белгі” иегері. Оқушылардың барлығы Ұлттық тестке қатысып, жоғары ұпай иеленуде.
Салтанатты шарада түлектер ән айтып, вальс биледі. Ата-аналар ақ тілектерін арнап, шәкірттер ұстаздарына алғысын білдірді.
Басқарма басшысы мектеп бітіру салтанатынан кейін білім ұясының жағдайымен танысып, сыныптарды аралап, ұстаздармен тілдесті.
Айта кетейік, аймақта биыл 7007 оқушы мектеп бітірді. Оның 597-і ” Алтын белгі” иегері атанса, 493-і Үздік аттестат иегері. Өңірде Ұлттық тесттен ең жоғары 137 ұпайды екі оқушы иеленді. Оның біреуі Қызылорда қаласының, екіншісі Сырдария ауданының түлегі.
<img src="https://kyzylorda-news.kz/wp-content/uploads/2021/06/195509890_1137187306784473_2800762542890428534_n.jpg" alt="" />
<img src="https://kyzylorda-news.kz/wp-content/uploads/2021/06/198832307_1137187346784469_2417319750803282629_n.jpg" alt="" />

Қызылорда облысында биыл 7007 оқушы мектеп бітірді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1387 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 292, 
Алматы қаласы – 221, 
Шымкент қаласы – 76, 
Ақмола облысы – 40, 
Ақтөбе облысы – 61, 
Алматы облысы – 40, 
Атырау облысы – 24, 
Шығыс Қазақстан облысы – 97, 
Жамбыл облысы – 5, 
Батыс Қазақстан облысы – 99, 
Қарағанды облысы – 195, 
Қостанай облысы – 105, 
Қызылорда облысы – 9, 
Маңғыстау облысы – 35, 
Павлодар облысы – 53, 
Түркістан облысы – 35.
Қазақстан бойынша жазылғандар саны – 375457.

Өткен тәулікте қанша адам коронавирус инфекциясынан жазылып шықты?

<a href="https://kyzylorda-news.kz/">Kyzylorda-news.kz</a>. Елордада Президенттік жастар кадрлық резерві форумы басталды. ҚР Президентінің көмекшісі Ерлан Қарин Қасым-Жомарт Тоқаевтың құттықтау хатын оқып берді, деп хабарлайды ҚазАқпарат.
<blockquote>
 «Құрметті достар! Баршаңызды Президенттік жастар кадрлық резерві форумының ашылуымен құттықтаймын. Бұл – жүзден жүйрік, мыңнан тұлпар шыққан үздіктердің басқосуы. Мен жас ұрпақтың елдік мүддеге берік, мемлекетшіл тұлға болып өсуіне баса мән беремін. Білімді де білікті, белсенді әрі отаншыл өрендерге жол ашу – маңызды міндеттердің бірі. Біз олардың жауапты қызмет атқарып, шыңдала түсуіне толық жағдай жасаймыз», – делінген Президент құттықтауында.
</blockquote>
Президент мемлекеттік басқару ісіндегі сабақтастықты сақтай отырып, басшылардың жаңа шоғыры қалыптастырылатынын, сол үшін арнайы құрылған комиссия конкурс жариялап, аңдаулы 300 адамды іріктеп алғанын еске салды.
<blockquote>
 «Мен байқау жеңімпаздарымен былтыр қаңтар айында кездестім. Алдағы міндеттер туралы ойымды ортаға салып, бағыт-бағдар бердім. Содан бері көпшілігіңіз түрлі лауазымға тағайындалдыңыздар. Биыл араларыңыздан Мәжіліске екі депутат сайланды. Сонымен бірге, екі азамат Ұлттық қоғамдық сенім кеңесіне мүше болды. Өңірлерге барып еңбек етіп жүрген қыз-жігіттерді де білемін. Жас мамандардың елмен етене жұмыс істеуі – құптарлық қадам. Себебі бұл – нағыз өмір мектебі», – дейді Мемлекет басшысы.
</blockquote>
Қ. Тоқаев жастардың жан-жақты ізденіп, ауқымды бастамалар мен нақты жобалар ұсынғанын атап өтті.
<blockquote>
 «Мұның бәрі жас өркенің әлеуеті қаншалықты зор екенін көрсетеді. Президенттік кадр резервінде болу – талапты жастар үшін таптырмас мүмкіндік екені анық. Алайда оны билікке жетудің емес, халыққа қызмет етудің төте жолы деп білу керек. Шын мәнінде ең үлкен мәртебе де, абырой да осында. Биыл қастерлі Тәуелсіздігімізге 30 жыл толады. Сіздер – еркін елде туып-өскен рухы азат, санасы ашық азаматсыздар. Қазақстанды одан әрі өркендеру – өздеріңізге жүктелетін үлкен жауапкершілік. Осы орайда өскелең ұрпақ ел үмітін ақтайды деп сенемін. Баршаңызға мықты денсаулық, бақ-береке тілеймін. Форумның жұмысы табысты болсын», – дейді Қасым-Жомарт Тоқаев.
</blockquote>

Президенттік кадр резерві – билікке жетудің емес, халыққа қызмет етудің төте жолы &#8211; Тоқаев

<a href="https://kyzylorda-news.kz/">Kyzylorda-news.kz</a>.&nbsp; Футболдан 2020 жылғы Еуропа чемпионатының финалдық кезеңі жалауын көтерді.
Аталған турнирдің шымылдығы Түркия және Италия құрамаларының кездесуімен ашылды. Ойын Италия астанасы Рим қаласындағы Олимпиада стадионында өтті.
Айта кетейік, екі құрама бұған дейін 14 мәрте кездескен.
Оның 10-ында италиялық футболшылар басым түссе, 4-еуінде қос құрама тең нәтижені қанағат тұтқан.
Түркиялық футболшылар аталған қарсыласынан ешқашан&nbsp;басым түсіп көрген емес.
Бүгінгі ойында да италиялық футболшылар басымдығын танытты. Кездесудің алғашқы минутынан тізгінді өз қолына алуға тырысты. Нәтижесінде алғашқы болып есеп ашты.
Оны 53-минутта түркиялық Мерих Демирал өзінің қақпасына соғып алды.
Ал 66-минутта Чиро Иммобиле есепті үстемелей түсті. Ал 79-минутта италиялық тағы бір футболшы Лоренцо Инсинье мергендік танытты.
Кездесуде Италия қарсыласынан 3:0 есебімен басым түсті.
Айта кетейік, екі құрама А тобында сынға түседі. Қарсыластары – Уэльс, Швейцария және Италия.
Еуропа біріншілігі ойындары бүгін, 12 маусымда жалғасады.
Бұл күні А тобында Уэльс пен Швейіария (сағат 18:50), В тобындағы Дания мен Финляндия (сағат 21:50), Бельгия мен Ресей (сағат 00:50) құрамалары кездеседі.
<a href="https://lenta.inform.kz/kz/futboldan-europa-chempionaty-italiya-turkiyany-iri-eseppen-zhendi_a3800081">ҚазАқпарат</a>

Италия Еуро-2020 ойынының ашылуында Түркияны жеңді

Kyzylorda-news.kz. Қазақстанда өткен тәулікте 1118 адамда коронавирус індеті ПТР-сынама арқылы расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 286, Алматы қаласы – 124, Шымкент қаласы – 29, Ақмола облысы – 52, Ақтөбе облысы – 19, Алматы облысы – 50, Атырау облысы – 48, Шығыс Қазақстан облысы – 85, Жамбыл облысы – 19, Батыс Қазақстан облысы – 80, Қарағанды облысы – 174, Қостанай облысы – 34, Қызылорда облысы – 13, Маңғыстау облысы – 35, Павлодар облысы – 42, Солтүстік Қазақстан облысы – 16, Түркістан облысы – 12.
Жалпы ел бойынша ауырғандар саны 400214.

Қызылордада 13 адамнан коронавирус анықталды

Kyzylorda-news.kz. Францияның Париж қаласында каратэден өтіп жатқан соңғы лицензиялық турнирде жерлесіміз Мөлдір Жаңбырбай 55 келі салмақ дәрежесінде күміс жүлдегер атанып, Токио Олимпиадасының жолдамасына ие болды.
Жарыс ережесі бойынша алғашқы үш орынды иеленген спортшыларға ғана Олимпиада жолдамасы табысталады.
Айта кетейік, қызылордалық спортшыларда Токио Олимпиадасына үш лицензия бар. Олар: ҚР еңбек сіңірген спорт шеберлері, боксшы Қамшыбек Қоңқабаев, еркін күрес балуаны Дәулет Ниязбеков және ҚР халықаралық дәрежедегі спорт шебері, каратэші Мөлдір Жаңбырбай.
Мөлдір Жаңбырбайды жеңісімен және жолдама алуымен шын жүректен құттықтаймыз!
Спортшыларымыз Токиода еліміздің абыройын асқақтатып, көк туымызды көкке көтереді деген сенімдеміз!

Қызылордалық Мөлдір Жаңбырбай Токио олимпиадасының жолдамасына ие болды

Kyzylorda-news.kz. Синоптиктер 12 маусымға арналған ауа райы болжамын жариялады, деп хабарлайды «Қазгидромет» РМК баспасөз қызметі.
Қазақстанның солтүстік және орталық аудандары антициклонның ықпалында болады. Сондықтан көбіне жауын-шашын жаумайды, күн ашық болады.
Ал еліміздің басқа аумақтарында атмосфералық фронттарға байланысты ауа райы құбылмалы сипатта болады. Найзағай жарқылдап, жаңбыр жауады, дауыл соғады. Жел күшейеді. Оңтүстік-шығыста таулы аудандарда қатты жаңбыр жауады.
Республиканың кей жерлерінде бұршақ жауады, дауыл тұрады, күшті жел соғады.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстандық арналарындағы UEFA EURO 2020 матчтарының трансляция кестесі жарияланды.
Айта кетейік, UEFA EURO-2020 турнирі 11 маусым – 11 шілде аралығында өтеді.
Футболдан Еуропа біріншілігі өткен жылы өтуі тиіс еді. Алайда коронавирус пандемиясына байланысты бір жылға шегерілген болатын.
Қазақстандық жанкүйерлер чемпионаттың барлық ойындарын «Qazaqstan» мен «Qazsport» арналарынан тікелей эфирде көре алады. Еуропа чемпионатының финалдық кезеңіне шыққан 24 құрама 6 топқа бөлінген.
Назарларыңызға телеарналардан көрсетілетін трансляциялар кестесін ұсынамыз:
11 маусым, 00:50 – А тобы: Түркия – Италия, Live «Qazaqstan» және «Qazsport»
12 маусым, 18:50 – А тобы: Уэльс – Швейцария, Live «Qazsport»
12 маусым, 21:50 – В тобы: Дания – Финляндия, Live «Qazaqstan»
12 маусым, 00:50 – В тобы: Бельгия – Ресей, Live «Qazaqstan»
13 маусым, 18:50 – D тобы: Англия – Хорватия, Live «Qazaqstan»
13 маусым, 21:50 – C тобы: Австрия – Солтүстік Македония, Live «Qazaqstan»
13 маусым, 00:50 – C тобы: Нидерланд – Украина, Live «Qazsport»
14 маусым, 18:50 – D тобы: Шотландия – Чехия, Live «Qazsport»
14 маусым, 21:50 – E тобы: Польша – Словакия, Live «Qazsport»
14 маусым, 00:50 – E тобы: Испания – Швеция, Live «Qazaqstan»
15 маусым, 21:50 – F тобы: Венгрия – Португалия, Live «Qazsport»
15 маусым, 00:50 – F тобы:Франция – Германия, Live «Qazaqstan»
16 маусым, 18:50 – B тобы: Финляндия – Ресей, Live «Qazaqstan»
16 маусым, 21:50 – А тобы: Түркия – Уэльс, Live «Qazsport»
16 маусым, 00:50 – А тобы: Италия – Швейцария, Live «Qazaqstan»
17 маусым, 18:50 – C тобы: Украина – Солтүстік Македония, Live «Qazsport»
17 маусым, 21:50 – B тобы: Дания – Бельгия, Live «Qazaqstan»
17 маусым, 00:50 – C тобы: Нидерланд – Австрия, Live «Qazsport»
18 маусым, 18:50 – E тобы: Швеция – Словакия, Live «Qazsport»
18 маусым, 21:50 – D тобы: Хорватия – Чехия, Live «Qazaqstan»
18 маусым, 00:50 – D тобы: Англия – Шотландия, Live «Qazaqstan»
19 маусым, 18:50 – F тобы: Венгрия – Франция, Live «Qazsport»
19 маусым, 21:50 – F тобы: Португалия – Германия, Live «Qazaqstan»
19 маусым, 00:50 – E тобы: Испания – Польша, Live «Qazaqstan»
20 маусым, 21:50 – A тобы: Швейцария – Түркия, Live «Qazsport»
20 маусым, 21:50 – A тобы: Италия – Уэльс, Live «Qazaqstan»
21 маусым, 21:50 – С тобы: Солтүстік Македония – Нидерланд, Live «Qazsport»
21 маусым, 21:50 – С тобы Украина – Австрия, Live «Qazaqstan»
21 маусым, 00:50 – B тобы: Ресей – Дания, Live «Qazaqstan»
21 маусым, 00:50 – B тобы: Финляндия – Бельгия, Live «Qazsport»
22 маусым, 00:50 – D тобы: Хорватия – Шотландия, Live «Qazsport»
22 маусым, 00:50 – D тобы: Чехия – Англия, Live «Qazaqstan»
23 маусым, 21:50 – Е тобы: Словакия – Испания, Live «Qazsport»
23 маусым, 21:50 – Е тобы: Швеция – Польша, Live «Qazaqstan»
23 маусым, 00:50 – F тобы: Португалия – Франция, Live «Qazaqstan»
23 маусым, 00:50 – F тобы: Германия – Венгрия, Live «Qazsport»
26 маусым, 21:50 – 1/8 финал, Live «Qazaqstan»
26 маусым, 00:50 – 1/8 финал, Live «Qazsport»
27 маусым, 21:50 – 1/8 финал, Live «Qazaqstan»
27 маусым, 00:50 – 1/8 финал, Live «Qazsport»
28 маусым, 21:50 – 1/8 финал, Live «Qazaqstan»
28 маусым, 00:50 – 1/8 финал, Live «Qazsport»
29 маусым, 21:50 – 1/8 финал, Live «Qazaqstan»
29 маусым, 00:50 – 1/8 финал, Live «Qazsport»
2 шілде, 21:50 – 1/4 финал, Live «Qazaqstan» және «Qazsport»
2 шілде, 00:50 – 1/4 финал, Live «Qazaqstan
3 шілде, 21:50 – 1/4 финал, Live «Qazaqstan» және «Qazsport»
3 шілде, 00:50 – 1/4 финал, Live «Qazaqstan» және «Qazsport»
6 шілде, 00:50 – 1/2 финал, Live «Qazaqstan» және «Qazsport»
7 шілде, 00:50 – 1/2 финал, Live «Qazaqstan» және «Qazsport»
11 шілде, 00:50 – Финал, Live «Qazaqstan» және «Qazsport».
60 жылдық тарихы бар турнир алғаш рет 11 қалада – Амстердам (Нидерланд), Баку (Әзірбайжан), Бухарест (Румыния), Будапешт (Венгрия), Копенгаген (Дания), Глазго (Шотландия), Лондон (Англия), Мюнхен (Германия), Рим (Италия), Санкт-Петербург (Ресей), Севильяда (Испания) бірдей өтпек.
<a href="https://www.inform.kz/kz">ҚазАқпарат</a>

Футболдан Еуропа біріншілігі: Турнир кестесі жарияланды

<a href="https://kyzylorda-news.kz/">Kyzylorda-news.kz</a>. Білім және ғылым министрі Асхат Аймағамбетов жаңа оқу жылында мектептер ашылуы мүмкін екенін жоққа шығармады.
<blockquote>
 “Жаңа оқу жылында біз мектептерді ашып, оқушылар дәстүрлі форматқа оралады деген үміттеміз. Бірақ әрине бұл үшін ең негізгі шарттар орындалуы керек: бұл қарапайым санитарлық-эпидемиологиялық талаптарды сақтау және вакциналау. Сондай-ақ өңір “қызыл” аймақта тұрмауға тиіс, “жасыл” аймақта болғаны жақсы”, – деді Аймағамбетов орталық коммуникациялар қызметінде өткен баспасөз мәслихатында.
</blockquote>
Министр вакиналау қарқыны мен аурушаңдықтың төмендеуі оқу жылының басталуына оптимистік көзқараспен қарауға мүмкіндік беретінін атап өтті.

Қыркүйекте оқушылар мектепке бара ма?

2021 жылға субсидияланатын биологиялық заттардың нормалары

<a href="https://kyzylorda-news.kz/">Kyzylorda-news.kz</a>. Қызылорда облысында Абылай ханның 310 жылдығына арналған республикалық ғылыми-тәжірибелік конференция өтті.
«Абылай хан және оның тарихи дәуірі» атты жиынды Қорқыт ата атындағы Қызылорда университеті мен Рухани жаңғыру орталығы ұйымдастырды.
Орталық директоры Уәлихан Ибраев алғысөзінде ұрпаққа мұра, ұлтқа ұран болған тұлға есімін ұлықтаудың маңызы ерекше екенін атап өтті.
<blockquote>
 «Ол – қазақ тарихындағы тағдырлы кезеңнің күллі тауқыметін бойына жүктеген тұтас бітімді тұлға. Алаш баласының азаттықты ардақ тұтқан асқақ арман-аңсауы мен ерiк-жiгерi бабамыздың бойында тамаша тоғысқан. Абылай ханның басшылығымен қазақ халқының туған жерi, отанын жаудан азат ету жолындағы қиян-кескi ұрысы, күрделi геосаяси жағдайда айналадағы мемлекеттермен қарым-қатынаста дербестiк сақтауға қол жеткiзуi – ұлттық тарихымыздың жарқын беттерi», – деді ол.
</blockquote>
Шара барысында Ұлттық ғылым академиясының академигі, тарих ғылымдарының докторы, профессор Берекет Кәрібаев, Қазақстанның еңбек сіңірген қайраткері, филология ғылымдарының кандидады Зарқын Тайшыбай, сондай-ақ университет ғалымдары халқына дана, еліне пана болған ханның өмірі, ұстанған саясаты мен халыққа сіңірген еңбегіне тоқталды.
<blockquote>
 «Абылай аңсаған асқақ арманға, ұлы мұратқа бүгінгі ұрпақ жетті. Мұхтар Әуезов атындағы әдебиет және өнер институтының қолжазбалар қорында тұлға туралы 15 тарихи жыр сақтаулы. Әлі көптеген дерек ашылған жоқ. Оны танып-білу үшін осы жағын тереңірек зерттеу керек», – деді тарих ғылымдарының магистрі, Қорқыт ата атындағы Қызылорда университетінің аға оқытушысы Бақытжан Ахметбек.
</blockquote>

Қазақстан және Қызылорда облысының жаңалықтары

«Яндекс.Такси» компаниясының Қазақстандағы қызметі шектелді ме?

Қызылорда облысында биыл 7007 оқушы мектеп бітірді

Өткен тәулікте қанша адам коронавирус инфекциясынан жазылып шықты?

Президенттік кадр резерві – билікке жетудің емес, халыққа қызмет етудің төте жолы – Тоқаев

Италия Еуро-2020 ойынының ашылуында Түркияны жеңді

Қызылордада 13 адамнан коронавирус анықталды

Қызылордалық Мөлдір Жаңбырбай Токио олимпиадасының жолдамасына ие болды

Сенбіге арналған ауа райы болжамы

Футболдан Еуропа біріншілігі: Турнир кестесі жарияланды

Қыркүйекте оқушылар мектепке бара ма?

2021 жылға субсидияланатын биологиялық заттардың нормалары

Қызылордада Абылай ханның 310 жылдығына арналған республикалық конференция өтті

Қазақстан және Қызылорда облысының жаңалықтары

«Яндекс.Такси» компаниясының Қазақстандағы қызметі шектелді ме?

Қызылорда облысында биыл 7007 оқушы мектеп бітірді

Өткен тәулікте қанша адам коронавирус инфекциясынан жазылып шықты?

Президенттік кадр резерві – билікке жетудің емес, халыққа қызмет етудің төте жолы &#8211; Тоқаев

Италия Еуро-2020 ойынының ашылуында Түркияны жеңді

Қызылордада 13 адамнан коронавирус анықталды

Қызылордалық Мөлдір Жаңбырбай Токио олимпиадасының жолдамасына ие болды

Сенбіге арналған ауа райы болжамы

Футболдан Еуропа біріншілігі: Турнир кестесі жарияланды

Қыркүйекте оқушылар мектепке бара ма?

2021 жылға субсидияланатын биологиялық заттардың нормалары

Қызылордада Абылай ханның 310 жылдығына арналған республикалық конференция өтті

Президенттік кадр резерві – билікке жетудің емес, халыққа қызмет етудің төте жолы – Тоқаев