Kyzylorda-news.kz. Белгілі журналист, Қызылорда облысы әкімінің баспасөз хатшысы қызметін атқарып келген Бақытжан Омар ҚР Мәдениет және спорт министрлігінің халықаралық ТҮРКСОЙ ұйымындағы өкілі ретінде тағайындалды.
Бақытжан Бауыржанұлы Омаров 1987 жылдың 30 мамырында дүниеге келген. Л.Н.Гумилев атындағы Еуразия ұлттық университетінің халықаралық қатынастар бакалавры, Л.Н.Гумилев атындағы Еуразия ұлттық университеті журналистика ғылымының магистры.
Еңбек жолын «Қазақстан»арнасынын редактор-аудармашысы ретінде бастады. Жаңалықтар бөлімінің арнайы тілшісі, Түркиядағы меншікті тілшісі, аға тілшісі қызметтерін атқарды. Түркия телерадиокорпорациясы жаңалықтарының жүргізушісі болды. 2018 жылы “Хабар24” арнасы жаңалықтар бөлімінің бас редакторы болды. 
Бақытжан Омар «ТҮРКСОЙ» ұйымының халықаралық арнайы сыйлығының, ҚХА “Мейірім” төсбелгісінің иегері, «Серпер» жастар сыйлығының лауреаты

Белгілі журналист Бақытжан Омар жаңа қызметке тағайындалды

<a href="https://kyzylorda-news.kz/">Kyzylorda-news.kz</a>. Шиелі ауданы бойынша егіс көлеміне беріліп отырған су көлемі секундына 60 текше метрді құрайды. Бұл туралы Өңірлік коммуникациялар қызметінің ақпарат алаңында Шиелі ауданы әкімінің орынбасары Ерсұлтан Апетов баяндады.
<blockquote>
 «Көктемгі су алу және су жүйелерін тазарту жұмыстарына сәйкес, шаруашылықаралық және ішкі шаруашылық каналдар, гидротехникалық құрылыстарды жөндеу жұмыстары мен насос қондырғыларын орнату жұмыстары толығымен орындалып, 4 130 гектар шабындық жерлер суарылды»,-деді Шиелі ауданы әкімінің орынбасары Ерсұлтан Апетов.
</blockquote>
Биыл орта мерзімдік даму жоспары бойынша ауданда 30 836 гектар жерге ауыл шаруашылығы дақылдары орналастырылды.Оның ішінде: күздік бидай 1 889 га, жаздық бидай 800 га, арпа 20 га, тары 150 га, дән жүгері 60 га, сүрлем жүгері 50 га, мақсары 992 га, соя 70 га, жаңа жоңышқа 4 013 га, ескі жоңышқа 5 448 га, мал жемдік асқабақ 150 га, сондай ақ картоп 1 200 га,көкөніс 1 600 га және 2 357 га бақша дақылдары егілді. Ал, негізгі дақыл күріш 12037 гектарды құрайды.
<blockquote>
 «Биыл ауданда егін шаруашылығын әртараптандыру жұмыстарына басымдық беріліп, былтырғы жылмен салыстырғанда бидай 1 092 гектарға, жүгері 65 гектарға, тары 65 гектарға, арпа 20 гектарға артық егілсе, 70 гектарға соя дақылы орналастырылды. Ауданымызда негізгі дақылы күріш көлемін анықтау мақсатында мониторингтік топ құрылып, ауыл шаруашылығы бөлімі және су шаруашылығы тарапынан биылғы жылы болжамды су тапшылығы туралы шаруашылық құрылымдарына және ауыл округі әкімдеріне түсіндірме жұмыстары жүргізілуде»,- деді Шиелі ауданы әкімінің орынбасары Ерсұлтан Амантайұлы .
</blockquote>

Шиеліде суды аз тұтынатын дақылдар көлемі артты

<a href="https://kyzylorda-news.kz/">Kyzylorda-news.kz</a>. Бүгіннен бастап «Ashyq» жүйесі арқылы «қызыл» мәртебесі анықталған тұлғалар бойынша, бұрынғыдай ескерту емес, әкімшілік жауапкершілік белгіленеді. Егер азамат өзінің коронавирусқа шалдыққанын біле тұра, оқшаулану режимін бұзса, оған 30 АЕК немесе 87 510 теңге мөлшерінде әкімшілік айыппұл салынады. Бұл туралы Өңірлік коммуникациялар қызметінің ақпарат алаңында Қызылорда облысының санитариялық-эпидемиологиялық бақылау департаменті басшысының орынбасары Ұлбосын Аханаева баяндады.
<blockquote>
 «Бүгінге дейін қалалық санитариялық-эпидемиологиялық бақылау басқармасына қызыл, сары мәртебелері анықталғандығы туралы 25 хабарлама келіп түсті. Оның 18-і сары, 7-уі қызыл түс. Олар кинотеатр мен қоғамдық тамақтану орындарына кіру барысында анықталған. Бұл фактілер бойынша жекелеген тұлғаларға қаланың Бас мемлекеттік санитариялық дәрігерінің Қаулысы шығарылып, табысталды»,-деді Ұлбосын Аханаева.
</blockquote>
Қазіргі таңда кәсіпкерліктің 23 саласы бойынша қызмет көрсетушілер «Ashyq» жобасына қатыса отырып, карантин кезінде де өз жұмыстарын бастай алады. Атап айтқанда, кинотеатрлар, фитнес-клубтар, спа-орталықтар, сауналар, бассейндер, компьютерлік клубтар мен боулинг орталықтары сияқты кәсіпкерлік субъектілерінде іске асырылуда.
<blockquote>
 «Қызметкерлердің қауіпсіздігін қамтамасыз ету және COVID-19-дың таралуын барынша азайту үшін «Ashyq» мобильді қосымшасын кез келген ЖОО, банктер, өнеркәсіптік кәсіпорындар, жеке медициналық орталықтар және басқалары ерікті қатысушы ретінде осы жобамен өз жұмысын жүзеге асыра алады. Жаңа қатысушылар «Ashyq» ақпараттық жүйесіне қатысуға өтінімдерді InfoKazakhstan.kz сайты арқылы береді. Ал кинотеатрлар, қоғамдық тамақтану объектілері салалық қауымдастық арқылы жүгінуіне болады»,-деді Қызылорда облысы кәсіпкерлер палатасы директорының орынбасары Пірмұхаммед Сыздықов.
</blockquote>

«Ashyq» жүйесінде «қызыл» мәртебесі анықталған тұлғалар әкімшілік жауапкершілікке тартылады

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қорының сарапшылары мемлекет тегін медициналық көмектің кепілдік берілген көлемі шеңберінде және МӘМС пакеті бойынша қор филиалымен келісім-шартқа отырған медициналық мекемелердің қызмет сапасы мен көлеміне жүйелі түрде мониторинг жүргізіп отырады.
Биыл 1 тоқсанда халыққа медициналық көмек көрсету кезінде 16,6 мыңдай түрлі кемшілік анықталған. Медициналық ұйымдарға салынған айыппұл сомасы 158 млн теңгеден асты. Барлық медициналық көмек түрлері бойынша жиі кездесетін ақаулар: «емдеу-диагностикалық іс-шаралардың, қызмет көрсетудің денсаулық сақтау саласындағы стандарттардан, ережелерден, клиникалық хаттамалардан негізсіз ауытқуы және пациенттердің деректерін денсаулық сақтаудың ақпараттық жүйелеріне дәйексіз, уақтылы емес, толық емес және сапасыз енгізуі болып отыр.
<blockquote>
 «ТМККК және МӘМС пакеттері бойынша медициналық қызмет көрсетушілер халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай – ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының медициналық қызметтер сапасын мониторингілеу бөлімінің басшысы Гүлнар Кенжебаева.
</blockquote>
Бөлімінің басшысы түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 17,6 млн теңге болатын 13,9 мыңнан астам осындай ақау тіркелді.
Тексеру кезінде ШЖҚ МКК «№4 қалалық емхана» – 2&nbsp;824, ШЖҚ МКК «Шиелі аудан аралық ауруханасы» – 1323, ШЖҚ МКК «№5 қалалық емхана» – 1108, ЖШС «Казалы теміржол ауруханасы» -1082 қателік анықталды.
Сондай-ақ, амбулаториялық-емханалық көмек көрсету кезінде 1197 &nbsp;ақау олар ШЖҚ МКК «№5 қалалық емхана» – 137, ШЖҚ МКК «Сырдария аудандық ауруханасы» – 113 және ШЖҚ МКК «Шиелі ауданаралық ауруханасы» -94 ақау.
Тәулік бойы жұмыс істейтін көп бейінді стационарларда медициналық көмек көрсету кезінде 1307 кемшілік:
«Көпбейінді облыстық аурухана» – 162;
«Арал ауданаралық аурухана» – 149;
«Көпбейінді қалалық аурухана»-126;
Ауылдық стационарларда анықталған 141 ақаулардың басым бөлігі Шиелі, Жаңақорған және Арал аудан аралық ауруханалары бойынша.
Шағым немесе өтініш беру үшін 1406 телефонына немесе Qoldau – 24/7 мобильді қосымшасы арқылы хабарласу қажет.

МӘМС қорымен келісім-шартқа отырған мекемелердің қызмет сапасы тексерілді

<a href="https://kyzylorda-news.kz/">Kyzylorda-news.kz</a>. Қалпына келтіру емінің сауатты кешенді бағдарламасы емделушіге әдеттегі өмір салтына оралуға мүмкіндік береді. Жалағаш ауданының тұрғыны Берік Майбасаров медициналық оңалтудың барлық үш кезеңінен өтті.
Міндетті әлеуметтік медициналық сақтандыру жүйесінің арқасында Нұр-сұлтан қаласындағы Ұлттық ғылыми кардиохирургиялық орталықта науқасқа аортокоронарлы шунттау отасы жасалды. Онда Берік Майбасаров оңалтудың операциядан кейінгі бірінші кезеңінен өтті. Содан кейін, екінші кезеңде облыстық оңалту орталығында ем қабылдады. Үшінші кезең аясында Жалағаш аудандық ауруханасының күндізгі стационарында қалпына келтіру емдеу курстарын жалғастыруда.
<blockquote>
 «Мен мұғалім болып жұмыс істеймін, міндетті әлеуметтік медициналық сақтандыру жүйесінде сақтандырылғанмын, соның арқасында маған барлық қажетті медициналық оңалту қызметтері қолжетімді: лимфодренаж, электрофорез, магнитотерапия, массаж. Бұл процедураларды күндізгі стационар аясында алуға болатынына өте қуаныштымын, өйткені мен аурухананың жанында тұрамын. Қазір мен бұрыңғыдай ентікпеймін, жүрегім мазаламайды. Аурухананың дәрігерлеріне, медбикелері мен психологтарына алғыс айтамын», – дейді Берік Майбасаров.
</blockquote>
Көп жағдайда медициналық оңалту бөліміне инсульт алған науқастар түседі. «Артромот» құрылғысы пациенттерге жоғалған дербес қозғалу қабілетін қалпына келтіруге, толыққанды өмірге оралуға көмектеседі, дейді дәрігерлер.
<blockquote>
 «Біздің ауруханада оңалтудың заманауи, жоғары технологиялық түрі қолжетімді. Отадан немесе жарақаттан кейін науқас «Артромот» құрылғысы арқылы аяқ-қолдарды, жамбас буындарын дамыта бастайды, олардың жұмыс қабілеттілігі тезірек қалпына келеді. Осындай бірегей құрылғы басқа аудандық ауруханаларында жоқ», – дейді Жалағаш аудандық ауруханасының дәрігер-реабилитологы Әсем Шамитаева.
</blockquote>
Қызылорда облысында биыл медициналық оңалту қызметтерін көрсету үшін Әлеуметтік медициналық сақтандыру қорының филиалы 27 медициналық ұйымымен келісімшарт жасасты.

Берік Майбасаров: Қажетті медициналық оңалту қызметтері қолжетімді

<a href="https://kyzylorda-news.kz/">Kyzylorda-news.kz</a>. ҚР Президенті жанындағы Орталық коммуникациялар қызметінде өткен баспасөз конференциясында Қызылорда облысының әкімі Гүлшара Әбдіқалықова «Әйел адамға облыс әкімі болу ауыр емес пе?» деген сауалға жауап берді.
<blockquote>
 «Кез-келген адам белгілі бір саланың қандай да бір мектебінен өтсе, оны басқара алады деп есептеймін. Мемлекет басшысы сеніп тапсырған қызметті абыроймен атқару үшін алған білімім мен жиған тәжірибемді жұмсаймын. Өзіңіз білесіз, мен төтенше жағдай кезінде аймақты басқаруға келдім. Сондықтан, мен мұның қандай үлкен жауапкершілік екенін түсіндім. Бір жағынан, бұл – менің туған жерім. Бұл жерде үлкендердің көбіcін білемін. 90-шы жылдары осы өңірде еңбек жолын бастадым. Туған жеріңнің топырағы да ыстық дейді ғой. Сондықтан, жерлестерімнің қолдау көрсетуі маған дем береді. Қолдан келген бар мүмкіндікті қолданып, жұмысты бастап кеттік. Бүгінгі таңда өңірдегі проблемаларға қатысты дұрыс шешім қабылдау үшін орталықтың да, өңірдің де тиісті сала мамандарымен ақылдасып отырамын. Үкімет тарапынан қабылданған дағдарысқа қарсы жедел шараларды өңірімізде барынша жүзеге асырдық. Мәселелерді барынша шешуге тырысамын. Әрине, атқарылған жұмыстың бағасын халық береді. Ең бастысы, өңірдің дамуына аянбай қызмет етемін», – дейді облыс әкімі.
</blockquote>

Қызылорда: Әйел адамға облыс әкімі болу ауыр емес пе?

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова елордада өткен баспасөз конференциясында БАҚ өкілдерінің сауалдарына жауап берді.
Шыны зауыты құрылысына қатысты сауалға аймақ басшысы оның облыс үшін стратегиялық маңызды жобалардың бірі екенін айтып, жобаны іске асыру өзінің жеке бақылауында болатын айтты.
<blockquote>
 «Шыны зауыты – бұл облыс үшін стратегиялық маңызды жобалардың бірі. Сондықтан жобаны іске асыру менің жеке бақылауымда. Құрылыс алаңына үнемі барып тұрамын, зауыттың басшыларымен бірге туындаған мәселелерді шешудеміз. Біз өз тарапымыздан – зауыт үшін инженерлік инфрақұрылым тарту бойынша барлық жұмыстарды орындадық. Енді қалғаны – балқыту ваннасы мен күйдіру пешінің жабдығын монтаждау жұмыстары. Бұл жұмыстарды орындау елімізде жоқ, жоғары білікті мамандарды қажет етеді. Өкінішке орай, карантинге байланысты былтырғы жылы жабдықты монтаждау үшіншетел мамандары келе алмады. Биыл мамандар Қытай елінен шығу үшін 2 кезеңнен тұратын ковидке қарсы вакцинация процесстерінен өтті. Сонымен қатар, олар Қытайдың әр аймағында тұратын болғандықтан, виза алу үшін, арнайы кесте дайындалды. Нәтижесінде, қазіргі таңда, алғашқы 35 шетелдік&nbsp; маман зауытқа келіп, негізгі қондырғы күйдіру пешін өруді бастады. Қалған мамандар кестеге сәйкес маусым айынан бастап келеді», – деді облыс әкімі.
</blockquote>
Қазіргі таңда 147 қытай маманына ҚР Ведомствоаралық коммисияның шешімімен елімізге кіруге рұқсат алынды.
<blockquote>
 «Бүгінгі күні зауыттың құрылыс жұмыстары 81,4%-ға, қондырғыларды монтаждау 34,5%ға – орындалды. Балқыту ваннасы және күйдіру пешін монтаждау үшін 4 ай уақыт қажет. Осыған байланысты, зауытты іске қосу мерзімі биылғы жылдың II жартыжылдығына жоспарлануда. Атап өту қажет, шыны зауытының іске қосылуымен кемінде 8&nbsp;ілеспе өндіріс құруды көздеп отырмыз. Біз қазірдің өзінде шыны зауытының айналасында инвесторлармен 3 жобаны іске асыруды бастадық. Бұл – шыны талшық (1,5 млрд.теңге), айна (4,5 млрд. теңге), шыны ыдыс (10 млрд. теңге) өндірісі. Жаңа кәсіптерді игере отырып, шамамен 400 жұмыс орны құрылады», – дейді Гүлшара Әбдіқалықова.
</blockquote>

Гүлшара Әбдіқалықова: Шыны зауыты менің жеке бақылауымда

<a href="https://kyzylorda-news.kz/">Kyzylorda-news.kz</a>.&nbsp; ҚР Бәсекелестікті қорғау және дамыту агенттігінің төрағасы Серік Жұманғарин Қазақстанда құрылыс материалдарының қымбаттау себептерін түсіндірді, деп хабарлайды ҚазАқпарат.
<blockquote>
 «Агенттік жүргізген баға мониторингіне сәйкес, зауыттан тұтынушыға дейінгі цемент құнының өсуі 25%-ды көрсеткен. Алдын ала ақпарат бойынша, бағаның негізгі өсуі көтерме-бөлшек бөлімінде байқалады. Бірқатар ірі өндіруші цемент сатуды тек өздерінің сауда және сату компаниялары арқылы жүргізеді. Қазақстан теміржол ақпараты бойынша, мамыр айында өткен жылмен салыстырғанда цемент тасымалдау көлемі 14%-дан астам (900 мың тонна) өскен. Бұл ретте магистральдық теміржол желісі тарифінің ұлғаюы цемент бағасының өсуі 5%-дан аспайтынына әсер етті. Цемент бағасының нақты өсуінің себептері байқалып отырған жоқ, Сондықтан, бағаның өсуіне байланысты басты назар көтерме-бөлшек саудаға аударылады», – деді С. Жұманғарин бүгінгі Үкімет отырысында.
</blockquote>
Оның айтуынша, Қазақстан өзін цементпен 100% қамтамасыз етеді, цементтің 20%-дан астамы экспортталады.
<blockquote>
 «Кірпіш нарығында республика бойынша 88 негізгі өндіруші бар. Жергілікті нарықтарда, облыстардың шекараларында бірқатар қатысушылардың басымдығы орын алуда. Сонымен бірге, ішкі нарықтың 50%-ы керамикалық кірпішті импорттау арқылы қамтылады, ал біз өзімізді силикат кірпішпен қамтамасыз етеміз. Импорттың жоғары үлесін ескере отырып, керамикалық кірпішке бағаның ең жоғары өсуі байқалып отыр (30%), дегенмен Ресей Федерациясында керамикалық кірпіштің қымбаттауы 5-10% көрсеткен», – дейді спикер.
</blockquote>
Республика бойынша арматура нарығында 5 өндіруші жұмыс істейді, олардың негізгілері – өндіріс қуаты 400 мың тонна Қарағандыдағы «АрселорМиттал Теміртау» АҚ және Қостанайдағы «ЕвразКаспиан Сталь» ЖШС (450 мың тонна). Сонымен қатар, импорт 65% болғандықтан, нарық импортқа тәуелді. Арматураның әлемдік бағасы 70%-дан жоғары болып отыр.
<blockquote>
 «Сондай-ақ, полиэтилен құбырларына бағаның өсуі байқалады. Қазақстан бойынша орташа өсім – 10%, оның ішінде Ақмола облысында – 62%, Шымкент қаласында және Ақтөбе облысында – 19%, Қарағанды облысында-14% . Бұл ретте, Ақмола облысында «Қазинжиниринг» АҚ еншілес кәсіпорны «Тыныс» АҚ бағаны 62%-ға көтерген, ал шикізат бағасы 10%-дан аспаған. Аталған факті бойынша монополияға қарсы заңнаманы бұзушылықтарды жою туралы хабарлама шығарылды.
</blockquote>
Полиэтилен құбырларын өндіруге арналған шикізат толығымен импортталғанын атап өткен жөн (РФ). Сонымен қатар, Ресей Федерациясында полиэтилен шикізаті бағасы 10-15% қымбаттаған», – деп түсіндірді С. Жұманғарин.
<blockquote>
 «Осылайша біз ең алдымен, құрылыс материалдары бағасының алыпсатарлық өсуін көріп отырмыз. Осыған байланысты агенттік бағалық уағдаласудың анықталған белгілері бойынша әрекет ету шараларын қабылдайды», – деді агенттік төрағасы.
</blockquote>

Құрылыс материалдары алыпсатарлықтан қымбаттауы мүмкін

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Премьер-Министр Асқар Маминді қабылдады.
Премьер-Министр Қасым-Жомарт Тоқаевқа Қазақстанның биылғы қаңтар-мамыр айларындағы әлеуметтік-экономикалық дамуының қорытындылары, еліміздегі санитарлық-эпидемиологиялық ахуал мен егіс науқанының аяқталғаны жөнінде есеп берілді.&nbsp;
Премьер-Министр Қазақстан экономикасының пандемиядан кейінгі қайта қалпына келу сатысына өткені туралы айтты. Биылғы қаңтар-мамыр айларындағы ішкі жалпы өнім өсімінің қарқыны былтырғы осы кезеңмен салыстырғанда 1,6 пайызды құрады.
Асқар Маминнің айтуынша, дамудың негізгі қозғаушы күші 7,2 пайыздық өсім деңгейін көрсетіп отырған өңдеу өнеркәсібі (машина жасау, құрылыс материалдарын өндіру, жеңіл өнеркәсіп және т.б. салаларда қарқынды өсім бар), құрылыс секторы болып отыр.
Экономиканың өндірмейтін секторларында жоғары инвестициялық белсенділік байқалады. Негізгі капиталға құйылған инвестицияның өсімі тау-кен саласын есепке алмағанда 25,5 пайызға жеткен.
Президентке көктемгі егін егу жұмыстарының нәтижесінде егіс алқаптары 78,2 мың гектарға ұлғайып, 22,7 миллион гектарға дейін артқаны жөнінде баяндалды.
Үкімет көктемгі егіс науқанын қаржылық, материалдық-техникалық тұрғыдан қамтамасыз ету үшін барлық қажетті шешімдерді қабылдады. Көктемгі егіс жұмыстарына 128 миллиард теңге қаржы бөлініп, 380 мың тонна жанармай нарықтағы бағадан 14 пайызға төмен сатылған және 405,3 мың тонна тыңайтқыш берілген.&nbsp;&nbsp;
Премьер-Министр еліміздегі санитарлық-эпидемиологиялық ахуалдың жақсарғанын айтып, Covid-19 індетінің таралуы бойынша Қазақстан «сары» аймақтан «жасыл» аймаққа өткенін жеткізді. Бір апта ішінде індет жұқтыру деңгейі 30 пайызға азайып, коронавирустың таралу индексі 0,84-ке дейін төмендеген. Жұқпалы аурулар бөлімдерінің 24 пайызында, жан сақтау бөлімдерінің 21 пайызында науқастар ем қабылдап жатыр.&nbsp;
Нұр-Сұлтан қаласы «қызыл» аймақта, Алматы қаласы, Атырау, Павлодар, Батыс Қазақстан, Ақмола және Қарағанды облыстары «сары» аймақта. Қалған 10 облыс – «жасыл» аймақта.
Қазіргі таңда 2,4 миллион адам екпенің бірінші компонентін алды, 1,3 миллионға жуық адамға екпенің екінші компоненті салынған.
Мемлекет басшысы тұрғындарға вакцина салу қарқынын бәсеңдетпеудің және эпидемияға қарсы шараларды жалғастырудың маңызды екенін атап өтті.
Кездесу қорытындысы бойынша Президент әлеуметтік маңызы бар азық-түлік тауарларының бағасын ұстап тұру, құрылыс материалдарының бағасын реттеу, сыртқы және ішкі инвестиция көлемін арттыру, өңдеу секторын дамытып, өсімін қамтамасыз ету арқылы экономиканың құрылымдарын әртараптандыру жөніндегі шараларды жүзеге асыруға баса мән беруді тапсырды.

Президент азық-түлік тауарларының бағасын тұрақтандыруды тапсырды

<a href="https://kyzylorda-news.kz/">Kyzylorda-news.kz</a>. Қызылордада тойханалар бизнесін өзге бағыттарға қайта бағыттау жұмыстары жүруде.
<blockquote>
 «Бүгінгі күні 16 тойхана өз бизнесін қайта бағдарлады. Мәселен, нан өнімдерін шығару, қоғамдық тамақтандыру, тігін шеберханасы, спорт кешені, құрылыс заттары және тағы да басқа кәсіпорындары жұмыстарын бастады», – дейді аймақ басшысы.
</blockquote>
Айта кетейік, пандемиямен күрес аясында бүгінде халықтың басым бөлігімен жұмыс істейтін шағын және орта кәсіпкерліктің 142 ірі субъектісі (510-ның 28%-ы) «Ашық» қосымшасын пайдаланады. Негізінен, бұл қоғамдық тамақтану объектілері, бассейндер, фитнес залдар, спа-орталықтар және компьютерлік клубтар.

Қызылордада 16 тойхана өз бизнесін қайта бағдарлады

<a href="https://kyzylorda-news.kz/">Kyzylorda-news.kz</a>. Қызылорда өңірінде индустрияландырудың үшінші бесжылдық жоспары аясында құны 543 миллиард теңгеден асатын 41 инвестициялық жобаны іске асыру жоспарлануда. Нәтижесінде, 7 мыңнан аса жұмыс орны ашылмақ. Бұл туралы облыс әкімі Гүлшара Әбдіқалықова елордада өткен баспасөз конференциясында айтты.
Аймақта жаңа өнім өндіру бағытында инвесторлармен бірлескен жобалар іске асырылады. Мәселен, аймақта отандық инвесторлармен бірге қызанақ өнімдерін өндіру, ет және жұмыртқа өндірісі бойынша құс фабрикасын салу жобалары басталмақ.
Жергілікті билік шетелдік компанияларымен бірлесіп, тері мен жүнді өндеу және соңғы өнімді шығару ісін қолға алмақ. Ал, алдағы кезеңде инвесторлармен бірге күріш сабанынан целлюлоза өндіретін кәсіпорын құру жоспарланған.
Ерекше айту керек, Сыр елінде халықаралық компаниямен бірлескен жаңа жобаға келіссөздер жүргізілуде. Яғни енді қызылордалықтар&nbsp; чех технологиясын қолданып сусындар мен шырындар шығаруға ниетті.

Қызылордада 543 млрд. теңгеден асатын 41 инвестициялық жобаны іске асыру жоспарлануда

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова елордада өтіп жатқан баспасөз конференциясында өңірде мал шаруашылығын дамыту мақсатында жүйелі жұмыстар жүріп жатқанын айтты.
<blockquote>
 «Мал басының барлық түрінен өсім байқалып отыр. Атап айтар болсақ, мүйізді ірі қара – 3,9%, қой – 8,5%, жылқы – 10,4%, түйе – 7,1%, құс – 6,1% құрады. Бұл ретте, жайылымдық жерлердің тиімділігін арттыруға айрықша басымдық берілуде», – дейді облыс әкімі.
</blockquote>
Сонымен қатар балық шаруашылығын дамытудың&nbsp;2030 жылға дейінгі аймақтық бағдарламасы жүзеге асуда.
Бұл тауарлы балық көлемін 16 мың тоннаға дейін жеткізе отырып, 100 еседен артық көбейтуге, ал, балық өнімдерінің экспортын 2 есе – 8,5 мың тоннаға дейін арттыруға мүмкіндік береді.
<blockquote>
 «Алдағы 5 жылда Агроөнеркәсіптік кешен саласында жалпы құны 58 млрд теңгеге 76 инвестжобаны жүзеге асыруды жоспарлаудамыз. Оның 42-сі азық-түлік қауіпсіздігін қамтамасыз етуге бағытталған. 2021 жылы&nbsp;8,7 млрд теңгеге 21 жоба жүзеге асырылады. Жыл басынан бері 8 – егін шаруашылығында&nbsp;4, бал арасын өсіруде 2, мал шаруашылығында 2 жоба жүзеге асты», – дейді аймақ басшы.
</blockquote>

Қазақстан және Қызылорда облысының жаңалықтары