<a href="https://kyzylorda-news.kz/">Kyzylorda-news.kz.</a> Мемлекеттік қызметшілерге жұмыстан бос уақытта қосымша пайда табуға рұқсат беріледі. Бұл туралы мемлекеттік қызмет істер агенттігінің төрағасы Анар Жайылғанова мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Бүгінде ондай норма жоқ. Бірақ болашақта оны заңға кіргізуді ойластырып жатырмыз. Мысалы, жұмыстан бос уақытта айналыса алады. Дәл қазір заңнамада жоқ. Бірақ оны дайындап жатырмыз. Неге біз оларға қосымша жұмыс істеуге мүмкіндік бермейміз?”, – деді Жайылғанова орталық коммуникациялар қызметінде өткен брифингте.
</blockquote>
Осы орайда тілшілер нақты қандай қосымша жұмыспен айналысуға рұқсат берілетінін сұрады.
<blockquote>
 “Жоқ, кәсіпкерлікпен емес. Қосымша басқа да жұмыстар болады ғой. Мысалы, жұмыстан бос уақытта такси жүргізуші болып жұмыс істегісі келеді. Отбасыны асырауға қосымша қаражат қажет болса, соған рұқсат беру үшін заңнамаға өзгерістерді дайындап жатырмыз. Бірақ ол әлі қабылданған жоқ. Ал кәсіпкерлікпен айналысуға болмайды”, – деп нақтылады Жайылғанова.
</blockquote>

Мемлекеттік қызметшілерге қосымша жұмыс істеуге рұқсат беріледі

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облыстық футбол федерациясының вице президенті Болат Көшербаев пен облыстық дене шынықтыру және спорт басқармасының басшысы Асылжан Жаманқұл қасқырлардың бас бапкерін таныстырды. Қызылордалық “Қайсарды” жаңа маусымда жергілікті маман Сұлтан Әбілдаев жаттықтырады.
Сұлтан Әбілдаев 1970 жылы 21 наурызда Қызылорда қаласында дүниеге келген. Кәсіби футболшы. Алаңда жартылай қорғаушы қызметін атқарған. Мансабының басым бөлігін «Қайсар» футбол кубында өткізген.
Сұлтан Әбілдаев «Қайсар» футбол клубының тарихында ең көп ойын өткізген футболшы. Қазақстан Ұлттық Құрамасының намысын қорғаған.
2005 жылы мансабын аяқтаған соң, бапкерлік қызметке ден қояды. Алдымен футбол орталығында шәкірт тәрбиелеумен айналысса, 2009 жылы «Қайсар» командасын жаттықтырады.
2010 жылы бас бапкердің көмекшісі қызметін абыроймен атқарды.
2016 жылға дейін клубта түрлі бағытта қызмет атқарып, 2016 жылы «Қайсар» футбол клубына бас бапкер қызметіне тағайындалып, команданы Бірінші лигадан Премьер-лигаға шығарады. Сол жылы Бірінші лига арасында ең үздік бапкер атағына ие болды.
Айта кетейік, жаңа маусымда “Қайсар” футбол клубына премьер-лига жолдамасын жеңіп алу мақсаты қойылды.
<img src="https://kyzylorda-news.kz/wp-content/uploads/2021/12/swltan.jpg" alt="" />

«Қайсарды» кім жаттықтырады?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 15-16 желтоқсан күндері «Inno.Fest» Qyzylorda инновациялық идеялар фестивалі өткен болатын. «Цифрлық Қазақстан» мемлекеттік бағдарламасын жүзеге асыру және облыс тұрғындарының IT-саласына қызығушылығын арттыру және инновациялық IT жобаларды қолдау мақсатында өткен республикалық фестивальді ұйымдастырушылар Өңірлік коммуникациялар қызметінің баспасөз алаңында брифинг өткізіп, шараны қорытындылады.
Бұл іс-шара жаңа перспективалы инновациялық IT жобаларды анықтауға, өз идеясын жүзеге асыруға, ресурстарды, инвесторларды табуға, жобаны көпшілікке ұсынуға мүмкіндік береді.
<blockquote>
 «Фестивальде 1500-ге жуық қатысушы мен 200-ге жуық команда тіркелді. Фестивальге облыс жастарынан басқа Нұр-Сұлтан, Шымкент, Байқоңыр қалаларынан және Түркістан облысынан қатысушылар да қатысты. Жүлде қоры 2 400 000 теңгені құрады. Фестиваль қорытындысы бойынша әр секциядан 3 команда жеңіске лайық деп танылды. Әр жеңімпаз командаға 1 орын – 300 000 теңге, 2 орын – 200 000 теңге, 3 орын-100 000 теңге сертификаттары табысталды. Сонымен қатар, Қорқыт Ата атындағы Қызылорда университеті ректорының грантын «Кемеңгер», «IT жастары», «Эксклюзив», «Target», командаларынан 4 қатысушы, «Болашақ» университеті ректорының грантын «Smart Qyzylorda» секциясында бақ сынаған «Respond» командасының 4 қатысушы иеленді және «Болашақ» университеті таңдауы бойынша «Үздік жоба» номинациясы және 50 000 теңге сертификатпен «Ауыл teenagers» және «Falcon» командалары марапатталды», – деді «Ақпараттық технологиялар орталығы» КММ директоры Сәбит Ибадулла.
</blockquote>
«Ақпараттық технологиялар» секциясындағы «WinX» және «Nauan Engуneering» командалары Нұрсұлтан Назарбаев қорынан арнайы рюкзактарға (powerbank, фирмалық киім, сымсыз құлаққаптар, bottle) ие болды. Фестивальдің ең жас қатысушысы Қармақшы ауданы Т.Көмекбаев ауылынан 6 жасар Бағдәулет Ерболатұлына арнайы сыйлық берілді. Сонымен қатар, фестиваль барысында ерекшеленген командаларға фестиваль ұйымдастырушысы «Ақпараттық технологиялар орталығы» КММ атынан бағалы сыйлықтар табысталды.
Аstana Hub халықаралық технопаркі және Қызылорда қаласының IT паркімен бірлесіп, жүлделі орындарға ие болған жобаларды, сондай-ақ грант иегерлерін одан әрі дамыту жоспарлануда. Сонымен қатар, фестивальдің барлық қатысушыларына Қызылорда IT паркінде бағдарламалау бойынша курстарға 70% жеңілдік беріледі.

«Inno.Fest» Qyzylorda: Фестивальде 1500 қатысушы мен 200 команда тіркелді

<a href="https://kyzylorda-news.kz/">Kyzylorda-news.kz.</a> Қызылордада тіркелмеген қару алып жүрген аудан тұрғыны анықталды.
Қызылорда облысы Полиция департаментінің Қармақшы аудандық полиция бөлімінің Табиғатты қорғау полиция тобының инспекторы қызмет атқару барысында Қармақшы ауданы 48 жастағы тұрғынын далалық жерде тоқтатқан. Тексеру кезінде тұрғынның 1 ұңғылы, 16 калибрлі, ішкі істер органдарында тіркелмеген аңшы мылтығын алып жүргені анықталды.
Мылтық айғақ зат ретінде алынып, Қызылорда облысы Полиция департаментінің жедел-криминалистикалық бөліміне зерттеуге жіберілді.
Аталған дерек бойынша Қазақстан Республикасы Әкімшілік құқық бұзушылық кодексінің 482 бабымен (Iшкi iстер органдарында тiркелмеген тегiс ұңғылы, газды қару мен олардың патрондарын, сол сияқты электрлі қаруды, үрлемелi қуаты 7,5 Джоульдан жоғары, калибрi 4,5 миллиметрден асатын пневматикалық қаруды заңсыз иеленіп алу, беру, өткiзу, сақтау, алып жүру, тасымалдау) әкімшілік хаттама рәсімделіп, сотқа жолданады.

Қызылордада тіркелмеген қару алып жүрген тұрғын анықталды

<a href="https://kyzylorda-news.kz/">Kyzylorda-news.kz.</a>&nbsp;Синоптиктер желтоқсан айының соңғы күндері ауа райы қандай болатынын хабарлады.
Олардың болжамынша, солтүстік-батыс циклоны елдің солтүстігіне, солтүстік-батысына және шығысына әсер етеді. Соның әсерінен қар жауып, боран соғып, жел күшейеді.
Артынша суық ауа массалары ығысып, республиканың басым бөлігінде жауын-шашын тоқтайды, ауа температурасы төмендейді. Тек шығыс пен оңтүстік-шығыста ғана ауа райы құбылмалы болады деп болжанып отыр.
Республиканың солтүстік жартысында түнде термометр бағаны 25-32 градусқа дейін, орталықта 15-25 градусқа дейін, оңтүстік және шығыс өңірлерде 10-18 градусқа дейін төмендейді.

Қазақстанда 32 градус аяз болады

<a href="https://kyzylorda-news.kz/">Kyzylorda-news.kz.</a> 2022 жылы халықаралық әйелдер күні мен Конституция мерекесінде жұмыс және демалыс күндері ауыстырылады. Ең ұзақ демалыс – Наурыз мейрамы қарсаңындағы 5 күн болмақ, деп хабарлайды <a href="https://www.inform.kz/kz">ҚазАқпарат</a>.
Елімізде қаңтардың 1 мен 2-сі күндері Жаңа жылға орай ресми түрде демалыс күні саналады. Ал 2022 жылдары бұл күндер сенбі мен жексенбіге дөп келіп тұр. Демек, 3-і мен 4-і дүйсенбі мен сейсенбі де қазақстандықтар үшін демалыс болады. Өйткені, мереке күндері сенбі мен жексенбіге тура келгенде демалыс келесі күндерге созылады.
Қазақстанда 2 діни мереке күндері демалыс деп жарияланған. Келер жылдың 7 қаңтары – Рождество мерекесі жұма күніне түсіп, 7, 8, 9 қаңтар демалыс күні болады. Осылайша жалпы сенбі-жексенбі күндерін қосқанда, қазақстандықтарды қаңтар айында 13 демалыс күні күтіп тұр.
Сонымен бірге, қазан айында Үкімет басшысы Асқар Мамин 2022 жылдың демалыс күндерін ауыстыру туралы қаулыға қол қойған еді. Осыған орай, демалыс 2022 жылғы 5 наурыз сенбіден 2022 жылғы 7 наурыздағы дүйсенбіге ауыстырылды. Тиісінше, қазақстандықтар 5 наурызда жұмыс істеп, халықаралық әйелдер күніне 6, 7, 8 наурыз күндері үш күн және Наурыз мейрамында – 19-23 аралығында бес күн демалады.
Мамырда қазақстандықтар 3 мерекені атап өтеді. Дәлірек айтқанда, 1 мамыр – Қазақстан халқының бірлігі мерекесі жексенбіге келгендіктен, 2 мамыр да демалыс болып саналады. Ал 7 мамыр – Отан қорғаушылары күні мен 9 мамыр – Жеңіс күніне орай 4 күн демалыс беріледі.
6 шілде – Астана күні сәрсенбіде және Құрбан айттың бірінші күні өтетін 20 шілде – тағы да сәрсенбі күні демалыс болады.
Конституция күні тойланатын 30 тамыз биыл сейсенбіге тура келеді. Сондықтан жоғарыда аталған Үкімет басшысының қаулысымен демалыс 2022 жылғы 27 тамыз сенбіден 2022 жылғы 29 тамыз дүйсенбіге ауыстырылған. Осылайша, қазақстандықтар 37 тамызда жұмыс істеп, 29, 30 тамыз күндері демалады.
Ал 1 желтоқсанда елімізде Қазақстанның Тұңғыш Президенті күні тойланады. Яғни, бейсенбі күні демалады.
Сондай-ақ Тәуелсіздік күніне орай 16-нан 19-ына дейін үш күн демалыс болады. Сондай-ақ, 2022 жылдың соңғы күні 31 желтоқсан сенбі – демалыс күніне сәйкес келеді.
Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/2022-zhylgy-mereke-kunderi-kazakstandyktar-neshe-kun-demalady_a3878569

2022 жылғы мереке күндері – қазақстандықтар неше күн демалады

<a href="https://kyzylorda-news.kz/">Kyzylorda-news.kz.</a> Токиодағы Мэйджи университетінің жапон ғалымы Хомей Мишият бір топ студенттермен бірге бұрын соңды болмаған теледидар экранының прототипін жасады. Теледидар&nbsp;тағамның дәмін экран арқылы бере алады, бұл сенсорлық қабылдауды күшейте түсудің&nbsp;тағы бір қадамы.&nbsp;Құрылғы&nbsp;Taste the TV деп аталады (теледидардың дәмін татыңыз). Бұл туралы Guardian басылымына сілтеме беріп&nbsp;<a href="https://stan.kz/">Stan.kz</a>.
Құрылғының ішіне әртүрлі тағамның дәмін беретін қоспалар салынған он контейнер бар. Содан кейін тағамның дәмін көрермен теледидардың жалпақ экранындағы гигиеналық пленка арқылы тата алады.
Мияшита коронавирустық пандемия дәуірінде мұндай технологиялар адамдардың сыртқы әлеммен байланысы мен өзара әрекеттесуін жақсарта алатынына сенімді. Оның айтуынша, бұл құрылғыны ойлап табудағы мақсат – адамдарға өз үйінен әлемнің екінші жағындағы мейрамханада тамақ ішуге мүмкіндік беру.
Мэйджи университетінің студенті, 22 жастағы Юки Хоу журналистерге құрылғының қалай жұмыс істейтінін көрсетіп, экранға шоколадтың дәмін татқысы келетінін айтты. Автоматтандырылған дауыс команданы қайталап, қоспаның дәмін пленкаға шашыратады.

Тамақтың дәмін бере алатын теледидар ойлап табылды

<a href="https://kyzylorda-news.kz/">Kyzylorda-news.kz.</a> Қызылорда облысында Ел Тәуелсіздігінің 30 жылдығы аясында табысты жетістіктерді саралап, үздіктерді марапаттау үшін білім және ғылым қызметкерлерінің кәсіподағымен бірлесе жылдың қорытынды кеші өтті.
Салтанатты шараға облыстық білім басқармасының басшысы Ақзира Қасымова, білім саласының майталман ардагер ұстаздары мен білім жанашырлары, педагогтар қатысты.
Жылдың қорытынды кешінің алғы сөзін Ақзира Бақтыбайқызы ашып, келе жатқан жаңа жыл мерекесімен құттықтады. Сондай-ақ, басқарма басшысы жыл бойы атқарылған ауқымды жұмыстар мен жеткен жетістіктерді атап өтіп, біршама білім саласының қызметкерлеріне төсбелгі мен алғыс хаттар табыстады.
<blockquote>
 «Аймағымыздың білім саласы жылды табысты қорытындылап отыр. Тың жоба, серпінді бағдарлама, ілкімді істердің барлығы – зияткер ұрпақ тәрбиелеудегі нақты қадам. Саннан сапаға, сөзден іске, жоспардан әрекетке көшіп, өздеріңізбен бірталай жетістікке қол жеткіздік. Жаңа жыл жарқын жетістіктерге, толайым табыстарға толы болсын», – деді Ақзира Бақтыбайқызы.
</blockquote>
Жиында ҚР Білім және ғылым министрлігінің «Ы.Алтынсарин» төсбелгісімен – Ғани Серікбаев, Райхан Айтимова марапатталса, Жанна Құрмантайқызына ҚР Білім және ғылым министрлігінің «Білім беру ісінің құрметті қызметкері» төсбелгісі табысталды.
Сонымен қоса, ҚР Кәсіподақтар Федерациясының «Кәсіподақ ардагері» төсбелгісі, «Білім және ғылым қызметкерлерінің кәсіподағына сіңірген айрықша еңбегі үшін» белгісі,&nbsp;«Қызылорда облысының білім беру саласын дамытудағы еңбегі үшін жергілікті ерекшелік белгісі» мен Құрмет грамоталары табыс етілді.
Басқарма басшысы Ақзира Бақтыбайқызы мен комитет төрағасы Гүлнар Бабабекқызы аймағымыздың абыройын асқақтатып жүрген республикалық байқау жүлдегерлеріне арналған «Жыл үздігі» және жыл қорытындысы бойынша тынымсыз еңбек еткен қызметкерлер мен білім жанашырларына «Жыл жаңалығы», «Қуатты қалам», «Жаңалық жаршысы», «Ақпарат үздігі», «Білім шыңы», «Зерделі зейін», «Білім жанашыры» атты арнайы номинацияларын табыс етті.
Сонымен қатар, жыл көлемінде табысты жұмыс жасап, жетістіктерге жеткен үздік білім ошақтарына Үздік әлеуметтік әріптес, Үздік идеялар жаршысы, Үздік ұйымшыл ұйым номинацияларымен директорлар марапатталды.
Шара соңында ардагер ұстаздарға құрмет көрсетіліп, мерекелік концерттік бағдарламамен жалғасын тапты.
<img src="https://kyzylorda-news.kz/wp-content/uploads/2021/12/1-1.jpeg" alt="" />
<img src="https://kyzylorda-news.kz/wp-content/uploads/2021/12/3.jpeg" alt="" />
<img src="https://kyzylorda-news.kz/wp-content/uploads/2021/12/4.jpeg" alt="" />
<img src="https://kyzylorda-news.kz/wp-content/uploads/2021/12/5.jpeg" alt="" />

Қызылордада білім саласының қызметкерлері жылды қорытындылады

<a href="https://kyzylorda-news.kz/">Kyzylorda-news.kz.</a>&nbsp;2022 жылы Қазақстан коронавирус пандемиясымен күрес стратегиясын өзгертуі мүмкін бе? Осы және өзге де сұрақтарға ҚР Денсаулық сақтау министрінің орынбасары, елдің бас санитар дәрігері Ерлан Қиясов жауап берді, деп хабарлайды <a href="https://www.inform.kz/kz">ҚазАқпарат.</a>
– Жаңа жыл мерекесі жақындаған сайын ұжымдық кештер ұйымдастыру қаншалықты орынды әрі заңды деген сауалдың төңірегінде қызу пікірталас жүріп жатыр. Тіпті тұтас ұжымның осындай шарада бас қосқаны туралы видеолар тарады. Бірі «Жасыл» аймақтағы өңірлерде Жаңа жыл кештеріне рұқсат етілгенін айтса, тағы бір топ талап бәріне бірдей болу керек дегенді айтып жатыр. Осыған байланысты нақты түсініктеме бере кетсеңіз. «Жасыл» аймақта орналасқан өңірлерде Жаңа жыл кешін тойлаудың қандай шектеулері бар?
– Қазіргі таңда қатысушылардың саны талаптағы мөлшерден асатын болса, көпшілік іс-шараларды өткізуге рұқсат етілмейді. Ashyq жобасына қатысатын шағын және орта бизнес объектілері қатысушылардың бәрінде «жасыл» мәртебесі болған жағдайда және санитарлық карантин талаптарын сақтаса ғана жұмыс ондай кештер өткізе алады. Әр өңірдегі шектеу талаптары қандай аймақта орналасқанына байланысты.
– «Жасыл» аймақта шара өтетін залдың сыйымдылығы 50%-ға дейін ғана пайдаланылуы керек. Оның өзінде адам саны 100-ден аспауы шарт.
– «Сары» аймақта кешеннің сыйымдылығын 50%-ға дейін, бірақ келушілер санын 70 орыннан асырмай пайдалану қажет.
– «Қызыл» аймақта келушілер саны 50 адамнан аспауға тиіс. Ал залдың сыйымдылығы бұл талаптан төмен болса, 50% ғана жүктелім болуы шарт.
– «Қызыл» аймақ туралы айтып қалдыңыз. Қазақстан бойынша «қызыл» аймаққа жатқызылған елді мекендер бар ма?
– Қазіргі таңда 3 өңір «сары» аймақта, қалған өңірлердің бәрі «жасыл» аймақта орналасқан.
– Жалпы талап түсінікті әрі нақты болғанымен «Жаңа жыл кешіне барсам ба, әлде қауіпті ме» деп екі ойлы болып жұрген адамдарға қандай кеңес бересіз?
– Ashyq жобасына қатысатын объектілерде салтанатты кештерді, отбасылық және еске алу шараларын өткізуге рұқсат етілгенімен, коронавирус инфекциясының таралу қаупі өте жоғары. Сондықтан, адамкөп жиналатын орындарға барудан мейлінше тартынып, дәстүрлі Жаңа жыл кештеріне қатыспауға кеңес береміз.
– Дүниежүзілік денсаулық сақтау ұйымының басшысы 2022 жылдың аяғына қарай адамзат коронавирус пандемиясын еңсеруі мүмкін екенін айтты. Осыған байланысты мынандай сұрақ туындайды. Келесі жылы Қазақстан шектеу шараларын қазіргіден жеңілдетуді жоспарлап отыр ма? Жалпы індетпен күрес стратегиясында жаңа қадамдар қолға алынуы мүмкін бе?
– Коронавирус инфекциясының таралуына жол бермеу үшін ҚР Үкіметінің қаулысымен COVID-19 пандемиясына қарсы іс-қимыл жөніндегі 2021-2022 жылдарға арналған жедел іс-қимыл жоспары (04.11.2021 жыл, № 781) бекітіліп, күрестің негізгі стратегиясы айқындалған.
Сол жоспар аясында емделушілерге уақтылы медициналық көмек көрсету, дәрілік заттармен қамтамасыз ету, мемлекеттік шекарадағы өткізу пункттерінде бақылауды күшейту, эпидемиологиялық жағдайды ескере отырып, санитарлық карантин шараларын жүргізу әрі қарай жалғасады.

«Жасыл» аймақта Жаңа жыл кештерін өткізудің талабы қандай?

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 422 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 75,
Алматы қаласы – 25,
Ақмола облысы – 59,
Алматы облысы – 20,
Атырау облысы – 1,
Шығыс Қазақстан облысы – 23,
Жамбыл облысы – 9,
Қарағанды облысы – 124,
Қостанай облысы – 63,
Қызылорда облысы – 1,
Маңғыстау облысы – 4,
Павлодар облысы – 3,
Солтүстік Қазақстан облысы – 14,
Түркістан облысы – 1.
Қазақстан бойынша жазылғандар саны – 957 689.

Қызылордада коронавирустан 1 адам жазылды

<a href="https://kyzylorda-news.kz/">Kyzylorda-news.kz.</a> Қазақстандағы коронавирусқа қатысты 26 желтоқсандағы эпидемиологиялық жағдай бойынша ПТР арқылы 342 адамның коронавируспен ауырғаны расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 65,
Алматы қаласы – 41,
Шымкент қаласы – 3,
Ақмола облысы – 48,
Алматы облысы – 10,
Атырау облысы – 3,
Шығыс Қазақстан облысы – 12,
Жамбыл облысы – 2,
Батыс Қазақстан облысы – 8,
Қарағанды облысы – 51,
Қостанай облысы – 17,
Қызылорда облысы – 2,
Павлодар облысы – 44,
Солтүстік Қазақстан облысы – 35,
Түркістан облысы – 1.
Жалпы ел бойынша ауырғандар саны 986 199.

Қызылордада 2 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Атмосфералық фронталды бөліктердің өтуіне байланысты ҚР басым бөлігінде қар, батысында жауын-шашын жауады, солтүстігінде, батысында, шығысында және оңтүстік-шығыстың таулы аудандарында жаяу бұрқасынмен дауыл күшейеді, тұман болады, батысында, оңтүстігінде, оңтүстік-шығысында көктайғақ күтіледі, деп хабарлайды Қазгидромет.
Қостанай облысының солтүстік-батысында, шығысында жаяу бұрқасын, тұман күтіледі, түнде солтүстік-батысында жел 15-20 м/с, күндіз 15-20, облыстың шығысында 23-28 м/с күшейеді.
Ақтөбе облысында түнде жел 15-20 м/с, солтүстік-шығысында жаяу бұрқасынмен күшейеді.
Күндіз Солтүстік Қазақстан облысының батысында, солтүстігінде жаяу бұрқасын күтіледі, түнде батысында, күндіз басым бөлігінде жел 15-20 м/с, күндіз екпіні 23-28 м/с күшейеді.
Шығыс Қазақстан облысының батысында, орталығында жаяу бұрқасын күтіледі, шығысында, орталығында желдің 15-20 м/с күшеюі, түнде екпіні 23 м/с күшеюі күтіледі.
Қарағанды облысының шығысында күндіз жаяу бұрқасын, көктайғақ, орталығында тұман күтіледі.
Жамбыл облысының солтүстігінде және орталығында тұман, көктайғақ күтіледі, түнде және таңертең таулы аудандарында жел 15-20 м/с күшейеді.
Батыс Қазақстан облысының солтүстік-шығысында, оңтүстік-шығысында жаяу бұрқасын күтіледі, түнде жел 15-20 м/с күшейеді.
Күндіз Ақмола облысының солтүстік-батысында желдің жаяу бұрқасынмен 15-20 м/с күшеюі күтіледі.
Алматы облысының оңтүстігінде, солтүстігінде түнде және таңертең тұман, көктайғақ күтіледі, Алакөл ауданында жел 18-23 м/с күшейеді.
Атырау облысының солтүстігінде, шығысында, орталығында тұман, көктайғақ үтіледі, облыстың солтүстігінде жел 15-20 м/с күшейеді.
Түнде Маңғыстау облысында желдің 15-20 м/с күшеюі күтіледі.
Түркістан облысының таулы аудандарында түнде және таңертең тұман, көктайғақ күтіледі.
Павлодар облысының оңтүстігінде тұман күтіледі.

Қазақстан және Қызылорда облысының жаңалықтары