Kyzylorda-news.kz. Қазақстанның бас санитар дәрігерінің қаулысына өзгерістер мен толықтырулар енгізілді, деп хабарлайды&nbsp;<a href="https://sputnik.kz/">Sputnik Қазақстан</a>.
Соған сәйкес, Қазақстанның мемлекеттік шекарасында автомобиль өткізу жолдарында өткізу пунктері арқылы елге COVID-19-дың бар-жоғы туралы анықтамасыз келген Қазақстан азаматтары карантиндік стационарға жіберіледі.
Сондай-ақ, жетім балаларды асырап алу мақсатында балалар үйіне баруға рұқсат етіледі. Ол үшін азаматтың коронавирустың бар-жоғын анықтайтын ПТР тест тапсырғанына 3 тәуліктен аспауы қажет немесе вакцинация немесе ревакцинациядан өткенін растайтын құжаты болуы керек. Мұндай жағдайда вакцинаның толық курсын салдырғанына 6 айдан аспағаны жөн. Соңғы 3 айда COVID-19 инфекциясымен ауырғанын растайтын құжатын көрсете алады.
Дәл осындай талаптар медициналық-әлеуметтік нысандарға (қарттар, мүгедектер үйі, балалар үйі) баруға мүмкіндік береді.
Құжатқа сәйкес, босану процесіне серіктес ретінде ПТР арқылы коронавирустың жоқ екенін көрсететін анықтамамен қатысуға болады. Мұндай жағдайда анықтаманың жарамдылық мерзімі 3 тәуліктен аспайды.
Қаулының толық мәтінін&nbsp;<a href="https://www.gov.kz/memleket/entities/kkkbtu/press/news/details/315584?lang=kk">мына жерден</a>&nbsp;оқуға болады.

Бас санитар дәрігердің жаңа қаулысы шықты

Kyzylorda-news.kz. Осы жылы жергілікті маңызы бар автомобиль жолдары мен көшелерді және көпір өткелдерін жөндеуге 12,7 млрд. теңге бөлінді. Сонымен қатар, ұзындығы 239 шақырым жол желісін жөндеуден өткізу жоспарлануда.
Бұл туралы Өңірлік коммуникациялар қызметінде өткен баспасөз конференциясында облыстық жолаушылар көлігі және автомобиль жолдары басқармасының басшысы Мұрат Тлеумбетов.
<blockquote>
 «Биыл “Нұрлы жол” бағдарламасы аясында облыстық және аудандық маңызы бар ұзындығы 183 шақырымды құрайтын 34 жоба жүзеге асырылады. Соның ішінде ең маңыздысы 9 көпір өткелі. 18 жаңа, 16-ы 2021 жылдан өтпелі жобалар бар. Нәтижесінде, облыстық және аудандық маңызы бар жолдардың жақсы және қанағаттанарлық индикаторлық көрсеткішінің үлесін 82%-ға жеткізу жоспарланған. Ал, “Ауыл – ел бесігі” бағдарламасы бойынша Арал, Жалағаш, Сырдария, Шиелі ауданының бірқатар ауылдарының көшелеріне орташа жөндеу жұмыстары жүргізілмек», – деді Мұрат Жолкелдіұлы.
</blockquote>

&#8220;Нұрлы жол&#8221;: Қызылордада 34 жоба жүзеге асырылады

Kyzylorda-news.kz. Қызылорда облысының білім басқармасының бұйрығына сәйкес, “Цифрлық түзету” пилоттық жобасы №5 көру қабілеті бұзылған балалардың 
арнайы (тузету) мектеп-интернатына ендіріліп, тірек білім беру ұйымы ретінде бекітілген болатын. Ерекше қажеттілігі бар балаларға цифрлық білім беруді мақсат тұтқан жоба бүгінде тиімді жүзеге асырылуда. Бүгін қаламызда орналасқан №5 мектеп-интернатына барған облыстық білім басқармасының басшысы Ақзира Қасымоваға осы бағыттағы жүйелі жұмыстар таныстырылды.
“Цифрлық түзету” пилоттық жобасын ендіруге дайындық жұмыстары өткен жылдан бастау алған. Бүгінде аталған жоба аясында цифрлыққа негізделген білім беру ұйымына 9 интерактивті панельі мен робототехника құрылғылары, музыкалық аппарат алынып, кабинет жасақталды. Көру қабілеті нашар балалардың білім алуына қолайлы 8 ноутбук-планшет жене 2 моноблоктармен жасақталып, “Bilimland”,” I-Mektep”,” Twig-bilim ” цифрлық білім беру ресурстарына қолжетімділік қамтамасыз етілді.
Барлық компьютерлер мен интерактивті панельдер интернет желісіне толық косылу арқылы балаларға көзге арналған жаттығулар аудио және видео түрінде жүргізіліп, түзетуге арналған ресурстардың базасы жинақталуда.
Сонымен қатар, экологиялық-биологиялық білім беруді дамыту бағытында шағын жылыжай іске қосылып, бүгінде түрлі тәжірибелер жасалынуда. Балалардың бос уақытын тиімді ұйымдастыру мақсатында шеберхана мен спорт алаңы жабдықталып, кітапхана Coworking-аймақ ретінде бейімделіп, керкем әдебиеттер мен арнайы кітаптармен толықтырылды.
<blockquote>
 Аймағымызда 35 интернаттық мекемелер жұмыс жасайды. Бүгінде мектеп-интернаттары көрсетіліп жатқан қолдаулардан кейін жағдайлары жақсаруда. Соның бір көрінісі осы №5 көру қабілеті бұзылған балалардың арнайы (тузету) мектеп-интернаты. Аталмыш білім беру ұйымы өткен жылы толық жөндеуден өтіп, жаңа спорт алаңдары мен жылыжай іске қосылып, қазіргі таңда балалардың білім алу жағдайларын жақсарту мақсатында жобалар енгізілуде, – деді Ақзира Бақтыбайқызы.
</blockquote>
“Цифрлық түзету” жобасы аясында қаламыздағы Жасыл мектеп, IT-мектептердің тәжірибесі осы интернатқа ендірілетіндігін айта кету керек.
Басқарма басшысы мектеп-интернатын аралап, балалардың оқулықтары мен оқу-әдістемелік базасымен танысып, жүргізілген күрделі жөндеу мен цифрлық жоба аясында атқарылып жатқан жұмыстарға өзінің оң бағасын берді.
Сондай-ақ, Ақзира Бақтыбайқызы алдағы уақытта аймақтық олимпиадаларға ерекше білім беруді қажет ететін балаларды да қатыстырып, ол үшін арнайы секция ашуды тапсырды.
<img src="https://kyzylorda-news.kz/wp-content/uploads/2022/01/fb_img_1642760712053.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642760718630.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642760722247.jpg" alt="" />

“Цифрлық түзету” пилоттық жобасы өз нәтижесін беруде

Kyzylorda-news.kz. Биыл өнеркәсіп көлемінің өсуін 101 пайызға жеткізу басты меженің бірі болмақ. Сонымен қатар, аймақта бірнеше ірі инвестициялық жобалар іске қосылмақ. Бұл туралы бүгін Өңірлік коммуникациялар қызметінде өткен баспасөз конференциясында облыстық индустриялық-инновациялық даму басқармасының басшысы Ринат Сұлтангереев мәлімдеді.
<blockquote>
 «Олар Арал ауданында «Дана кварц» серіктестігінің құрғақ құрылыс қоспалар өндірісі, Қармақшы ауданында «Тұрған тамы» шаруа қожалығының балық өңдеу цехы және «Қармақшы құс» серіктестігінің құс фабрикасы. Сонымен қатар, Қызылорда қаласындағы ет комбинаты, асфальт зауыты және шағын арматура зауыты, Жаңақорған ауданында құс фабрикасы, Қазалы ауданында балық қалдықтарынан ұн өндірісін өндіретін зауыттардың құрылысы өз жұмысын жалғастырмақ. Сондай-ақ, осы жылы Шалқия» кен орнында қорғасын-мырыш өңдеу комбинаты және кальциленген сода өндірістері құрылысы жүргізілмек», – деді Ринат Қалдыбекұлы.
</blockquote>
Облыстағы индустриялық аймақтарда құны 136 млн теңгені құрайтын 4 жоба да іске қосылмақ. Олар «Балық қалдығынан балық ұнын өндіру», «Жылыжай кешені», «Құрылыс бұйымдарын шығару», «Сүт және ет бағытында асыл тұқымды ешкі өсіру».

Қызылорда облысында 3 инвестициялық жоба іске қосылады

<h4 id="kyzylordanewskznbsp2224nbsp">Kyzylorda-news.kz. Қазгидромет&nbsp;22-24 қаңтар күндеріне&nbsp;арналған ауа райы болжамын жариялады.</h4>
Батыс антициклон жотасының әсерінен, еліміздің басым бөлігінде жауын-шашынсыз ауа райы, Қазақстан бойынша тұман, республиканың оңтүстік өңірлерінде көктайғақ күтіледі.
Тек батыста, оңтүстік-шығыста, сондай-ақ 24 қаңтарда елдің орталығы мен шығысында, оңтүстік циклонның ықпалымен жауын-шашын болады, жел 15-23 м/с дейін күшейеді.
Республиканың батысындағы ауа температурасының негізінен&nbsp;түнде 3-18°C аяз, күндіз 1-13°C аяз, Маңғыстау облысында күндіз +2+7°C болады деп&nbsp;болжанады.
Еліміздің солтүстігінде, солтүстік-батысында түнде 18-28°C аяз, күндіз 10-20°C аяз болады. Орталық пен шығыста түнде 8-26°C аяз, күндіз 5 … 20 аяз. Ал оңтүстік пен оңтүстік-шығыста түнде 2-20°C аяз, күндіз -5+5°C&nbsp;болады.

Алдағы үш күнде ауа райы қандай болады?

Kyzylorda-news.kz. Бүгін облыс әкімі Гүлшара Әбдіқалықова Сырдария ауданына жұмыс сапары барысында көпбалалы және аз қамтылған отбасыға жаңа пәтер кілтін табыстады.
Аймақ басшысы аудан орталығы Тереңөзек кентінде 10 екі пәтерлік тұрғын үй пайдалануға беру рәсіміне қатысып, қоныс той иелерін құттықтады.
<blockquote>
 «Мемлекет Басшысы Қасым-Жомарт Кемелұлы Тоқаев өз Жолдауында «Тұрғын үй азаматтарымыз үшін – қашанда басты мәселе. «Баспана хит» және «7-20-25» сияқты тұрғын үй бағдарламаларының мерзімі таяу арада аяқталады. Осыған орай, бірыңғай тұрғын үй бағдарламасы әзірленеді» деген болатын. Міне, осыған орай, мемлекет тарапынан бөлінген қаржыға осындай әсем үйлер салынып, Сіздерге табысталуда. 
 Өздеріңізге белгілі, Қызылорда облысы соңғы жылдары қарқынды құрылыс алаңына айналуда. Өткен жылдың өзінде 654,5 мың шаршы метр тұрғын үй табысталса, биыл 682,7 мың шаршы метр тұрғын үй салынады. 
 Жаңа қоныстарыңыз құтты болсын, іші шаттыққа толсын! Сіздерге зор денсаулық, отбастарыңызға аманшылық тілеймін!»,- деді аймақ басшысы.
</blockquote>
Баспана бақытына кенелген көпбалалы ана Әбдіразақова Алтыншаш тұрғындар атынан сөз алып, қуанышымен бөлісті. 
Табысталған тұрғын үйлер Сырдария ауданы халқының әлеуметтік жағынан әлсіз және аз қамтылған отбасыларды баспанамен қамту жобасы аясында сатып алынған. Бір пәтердің жалпы ауданы 72 шаршы метр, әр үйдің жер учаскесінің көлемі – 10 сотық.
Еске сала кетейік, өткен жылы Сырдария ауданы бойынша 69 көпбалалы отбасы баспанамен қамтылды. 
Гүлшара Әбдіқалықова жеке кәсіпкер Мәдина Омарованың «Серікбол» сауда үйінің жұмысымен де танысты. Тойхана ретінде ашылған бизнес нысанының қызметі пандемия кезеңінің талаптарына сай өткен жылы сауда үйі болып өзгертілді. «Бизнестің жол картасы-2020» бағдарламасының субсидиялау тетігі бойынша «Айналым қаражатын толықтыру» жобасына 40 млн. теңге несие алған кәсіпкер індетке қарамастан кәсібін тоқтатпай, жерлестерін де жұмыспен қамтып отыр.
Облыс әкімі сауда үйін аралап, өзгеріске жол ашқан кәсіпкердің қадамына сәттілік тілеп, мұндай сауда үйінің ашылғаны аудан халқы үшін маңызды екенін тілге тиек етті.
<img src="https://kyzylorda-news.kz/wp-content/uploads/2022/01/fb_img_1642754766456.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642754771837.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642754769022.jpg" alt="" />

Сырдариялық 20 көпбалалы отбасы баспаналы болды

Kyzylorda-news.kz. Қазақстан президенті Қасым-Жомарт Тоқаев “Самұрық-Қазына” қорының газ саласындағы жұмысын реформалау қажеттігін мәлімдеді, деп хабарлайды Sputnik Қазақстан.
Президент бизнесмендермен кездесуінде үкіметке мұнай өнімдерімен қамтамасыз ету, телекоммуникация нарығы, фармацевтика және басқа да бірқатар салада тәртіп орнату қажеттігін хабарлады. Бұл ретте жаңа өндірістерді ынталандыруда табиғи газбен қамтамасыз ету де ерекше рөл атқарады.
<blockquote>
 “Самұрық-Қазынаны” &nbsp;реформалау аясында ішкі нарықты газбен қамтамасыз етуге басымдық берілуге тиіс. Кәсіпкерлер ғана емес, облыс әкімдері де үкіметке, тіпті маған индустриялды жобаларды жүзеге асыру үшін газ бөлу туралы өтініштерін айтып жатыр. Ал газ жоқ. Газды отандық өндірісті іске қосу үшін пайдаланудың орнына экспортқа шығаратын жағдайға енді жол берілмейді”, – деді республика президенті.
</blockquote>

Мемлекет басшысы:  Газды экспорттауға енді жол берілмейді

Мемлекет басшысы отандық бизнес өкілдерімен кездесті

Kyzylorda-news.kz. Өткен аптада облыс әкімі Гүлшара Әбдіқалықова әлеуметтік маңызы бар азық-түлік тауарлары және жанар-жағармай бағаларын саралау үшін бірқатар сауда үйлері мен жанармай құю бекеттерін аралаған еді. Басты мәселе – азық-түлік қорында жетіспеушілікті болдырмау және негізгі азық-түлік өнімдерінің бағасын шекті мәннен асырмау. Бұл ретте бүгін облыс әкімі азық-түлік және жанар-жағармай мәселелері бойынша жиын өткізді.
<img src="https://kyzylorda-news.kz/wp-content/uploads/2022/01/fb_img_1642752235593.jpg" alt="" />
Отырысқа облыс әкімі аппаратының басшысы Ерлан Райғаниев, ауыл шаруашылығы басқармасының басшысы Талғат Дүйсебаев, облыстық кәсіпкерлік және туризм басқармасының басшысы Фердоуси Қожабергенов, «Байқоңыр» ӘКК» АҚ басқарма төрағасы Ерлан Нұрланбаев және департамент басшылары қатысты.
Басқарма басшысы Талғат Дүйсебаев азық-түлік қорына қатысты нақты шаралардың орындалу барысын тізбеледі.
Бүгінде 34 әлеуметтік дүкен мен 18 супермаркеттің әлеуметтік бұрыштарында 19 түрлі өнім шекті бағада сатылады. Сондай-ақ, елімізде жарияланған төтенше жағдайға байланысты өңірдегі сауда желілерінде азық-түлік тапшылығын болдырмау мақсатында Түркістан облысынан азық-түлік өнімдерін тасымалдайтын 122 жеке кәсіпкердің тізімі жасалды.
Тұрақтандыру қорында 291,4 млн.теңгені құрайтын 1393 тоннаның өнімі бар. Оның ішінде бірінші сұрыпты бидай ұны, қарақұмық жармасы, күріш, макарон, күнбағыс майы, қант және көкөніс өнімдері секілді 19 әлеуметтік маңызы бар азық-түлік қоры жиналған. Мұнан бөлек, «Байқоңыр» ӘКК» арқылы «айналым схемасы» бойынша бағаны тұрақтандыру үшін кәсіпкерлік субъектілеріне несие беруге 500 млн.теңгеге келісім- шарт жасалуда.
Ал, «Байқоңыр» әлеуметтік-кәсіпкерлік корпорациясының» басқарма төрағасы Ерлан Нұрланбаев қырыққабат пен картоп бағасында өсімнің барын айтып, Тұрақтандыру қорының өнімдерімен жәрмеңке ұйымдастыру арқылы бағаны ұстап тұру туралы ұсынысын жеткізді. 
Жиында өңірдегі жанар-жағармай қоры туралы да сөз болды. Облыстық кәсіпкерлік және туризм басқармасының басшысы Фердоуси Қожабергенов облыс аумағындағы мұнай өнімдерінің саудалануы туралы баяндады. Бүгінде бағаның шекті мәннен аспауына күнделікті мониторинг жүргізілуде. Аймақта 147 жанармай құю бекеті бар. АИ-92 маркалы бензинінің 4 574,1 тонна, дизель отынының 3 339,6 тонна қоры сақтаулы.
Жиынды қорытындылаған облыс әкімі азық-түлік пен көрсетілетін қызметтерге қатысты баға мониторингін әлі де күшейтуді тапсырды.
<img src="https://kyzylorda-news.kz/wp-content/uploads/2022/01/fb_img_1642752233021.jpg" alt="" />

Қызылорда:   Тұрақтандыру қорында 1393 тонна өнім бар

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова Қазақстанның Еңбек Ері Абзал Ералиевпен бірге Ұлы Отан соғысының ардагері Яхия Тасыровты 100 жас мерейтойымен құттықтап, Сыр халқы атынан автокөлік кілтін табыстады. Бұл туралы облыс әкімінің баспасөз хатшысы хабарлады.
Ғасыр куәгері береке-бірлік бар жерде ғана істің алға басатынын тілге тиек етіп, жастардың бейбіт күнде туған еліне адалдықпен, жанашырлықпен қарауы қажет екенін айтып, ақ батасын арнады.
Ардагер Сталинград, Курск қалалары мен Беларусь, Польша, Германия елдерінде шайқасқа қатысқан. Көптеген орден және медаль иегері, Сырдария ауданы мен Қызылорда облысының Құрметті азаматы. 2018 жылдың қорытындысы бойынша «Жыл адамы» атағын алған.
<img src="blob:https://kyzylorda-news.kz/c5c6ad13-d70e-4486-8ff1-36481af06cda" alt="" />

Гүлшара Әбдіқалықова соғыс ардагерін 100 жасымен құттықтады

<a href="https://kyzylorda-news.kz/">Kyzylorda-news.kz.</a> ҚР Президентінің төтенше жағдайды енгізу туралы жарлықтарының негізінде Қызылордадағы ҚАЖ мекемелерінде биылғы жылдың 19 қаңтарына дейін шектеу шаралары енгізілген болатын. Шектеу шараларын қолдану кезеңінде ҚАЖ мекемелерінің ішкі күн тәртібі уақытша өзгертілді.
Кездесулердің барлық түрлері және телефон арқылы сөйлесулер, оның ішінде бейнебайланыс арқылы сөйлесулер шектелген болатын. Алайда, төтенше жағдай режимі аяқталған соң кездесулер жанданып, телефон арқылы сөйлесулер жолға қойылды.
Қауіпсіздігі барынша төмен мекемесіндегі жазасын өтеушілер отбасымен телефон арқылы байланысқа шығып, балаларын көріп, отбасының амандығын біліп, көңілдеріне медеу тұтып, бір қуанып қалды.
<blockquote>
 «Төтенше жағдай режимі кезінде отбасыммен сөйлесе алмадым. Қазір ғана балаларыммен сөйлесіп амандығын біліп, қуанып отырмын. Мен үшін отбасымның амандығы бірінші кезекте, балаларым баға жетпес байлықтарым. Аман –есен жазамды өтеп отбасыма тезірек оралсам деймін. Балаларыммен сөйлесуге мүмкіндік берген мекеме әкімшілігіне алғысым шексіз», – деді сотталған азамат.
</blockquote>

Қызылордада сотталғандардың бейнебайланыс арқылы тілдесуі жанданды

<a href="https://kyzylorda-news.kz/">Kyzylorda-news.kz.</a> Карантин талаптарының сақталуын қадағалау мақсатында Қызылорда қаласы әкімдігі жанынан құрылған мониторингтік топ бірқатар нысандарды аралады.
Мониторинг барысында Қызылорда облысының Бас мемлекеттік санитариялық дәрігерінің 2022 жылғы 14 қаңтардағы №1 қаулы талаптары мен коронавирус инфекциясының таралуына жол бермеу мақсатында карантиндік шараларды сақтаудың маңыздылығы түсіндірілді.
Топ мүшелері қала тұрғындары мен қонақтарын бетперделік режимі мен әлеуметтік қашықтықты қатаң сақтауға шақырады.
Сонымен қатар, вирустан сақтануда тұрғындардың вакцинация мен ревакцинациядан өтуі, санитариялық-эпидемиологиялық талаптарды орындауы, халық көп жиналатын орындарға баруды шектеуі, шетелдік сапарларды кейінге шегеруі аса маңызды шаралардың бірі.
<img src="https://kyzylorda-news.kz/wp-content/uploads/2022/01/fb_img_1642744785184.jpg" alt="" />

Қазақстан және Қызылорда облысының жаңалықтары

Бас санитар дәрігердің жаңа қаулысы шықты

“Нұрлы жол”: Қызылордада 34 жоба жүзеге асырылады

“Цифрлық түзету” пилоттық жобасы өз нәтижесін беруде

Қызылорда облысында 3 инвестициялық жоба іске қосылады

Алдағы үш күнде ауа райы қандай болады?

Сырдариялық 20 көпбалалы отбасы баспаналы болды

Мемлекет басшысы: Газды экспорттауға енді жол берілмейді

Мемлекет басшысы отандық бизнес өкілдерімен кездесті

Қызылорда: Тұрақтандыру қорында 1393 тонна өнім бар

Гүлшара Әбдіқалықова соғыс ардагерін 100 жасымен құттықтады

Қызылордада сотталғандардың бейнебайланыс арқылы тілдесуі жанданды

Карантин: Қызылордада мониторинг жұмыстары жалғасуда

Қазақстан және Қызылорда облысының жаңалықтары

Бас санитар дәрігердің жаңа қаулысы шықты

&#8220;Нұрлы жол&#8221;: Қызылордада 34 жоба жүзеге асырылады

“Цифрлық түзету” пилоттық жобасы өз нәтижесін беруде

Қызылорда облысында 3 инвестициялық жоба іске қосылады

Алдағы үш күнде ауа райы қандай болады?

Сырдариялық 20 көпбалалы отбасы баспаналы болды

Мемлекет басшысы: Газды экспорттауға енді жол берілмейді

Мемлекет басшысы отандық бизнес өкілдерімен кездесті

Қызылорда: Тұрақтандыру қорында 1393 тонна өнім бар

Гүлшара Әбдіқалықова соғыс ардагерін 100 жасымен құттықтады

Қызылордада сотталғандардың бейнебайланыс арқылы тілдесуі жанданды

Карантин: Қызылордада мониторинг жұмыстары жалғасуда

“Нұрлы жол”: Қызылордада 34 жоба жүзеге асырылады