Kyzylorda-news.kz. «7-20-25» және «Баспана хит» клиенттеріне 90 күнге дейін төлемді кейінге қалдыру ұсынылды. Бұл туралы «Қазақстанның орнықтылық қорынан» мәлім етті, деп хабарлайды ҚазАқпарат.
<blockquote>
 «Қазақстанның орнықтылық қоры» АҚ басқармасының шешімімен төтенше жағдай режимінің енгізілуінен зардап шеккен қарыз алушыларды қолдау іс-шараларын іске асыру аясында «7-20-25» және «Баспана хит» ипотекалық бағдарламаларының клиенттеріне айыппұлдар мен өсімпұлдар есептелмей, 2022 жылғы 5 қаңтардан бастап 90 күнге дейін төлемді кейінге қалдыру ұсынылды. ҚР Қаржы нарығын реттеу және дамыту агенттігінің 2022 жылғы 10 қаңтардағы бұйрығымен төтенше жағдай режимін енгізу салдарынан зардап шеккен жеке және заңды тұлғалардың қарыздары бойынша төлемдерді кейінге қалдыруды ұсыну тәртібі бекітілді», – делінген таратылған ақпаратта.
</blockquote>
Қор мәліметінше, аталған тәртіпке сәйкес банктер төлемдерді 2022 жылғы 5 қаңтардан 5 сәуірге дейінгі кезеңге кейінге қалдыруды ұсынады.
<blockquote>
 «Төлемді кейінге қалдыру қарыз алушының кредиттік тарихына әсер етпейді. Төлемді кейінге қалдыру мүмкіндігін алу үшін қаржылық жағдайының нашарлағанын растайтын құжаттарды қоса бере отырып, банкке еркін түрде өтініш білдіру керек. Өтініш электрондық поштаның, «банк-клиент» онлайн-жүйесінің, интернет-ресурстың, мобильдік қосымшаның, басқа да байланыс құралдарының көмегімен немесе қарыз алушының банк бөлімшесіне келуі арқылы беріледі. Өтініштерді қарастыру мерзімі он жұмыс күнін құрайды. Төлемді кейінге қалдыру туралы өтініштер 2022 жылғы 4 сәуірге дейін (қоса алғанда) қабылданады», – деп атап өтеді қордан.
</blockquote>

«7-20-25» және «Баспана хит» клиенттерінің ипотекалық төлемі 90 күнге шегерілді

<a href="https://kyzylorda-news.kz/">Kyzylorda-news.kz.</a>&nbsp;“Қазгидромет” синоптиктері 25-27 қаңтарда ауа райы қандай болатынын болжады.
Қазақстанның басым бөлігінде ауа райы жауын-шашынды болады, қар жауып, екпінді жел соғады, батыс, солтүстік, орталық және шығыс өңірлерде бұрқасындатуы мүмкін.
Республиканың оңтүстігі мен оңтүстік-шығысында көктайғақ болады. Түнде және таңертең кей жерлерде тұман түседі деп болжанып отыр.
27 қаңтарға қарай күндізгі температура жоғарылайды: батыс аймақтарда минус 0…8 градусқа дейін, солтүстік, орталық аймақтарда минус 7…15 градусқа дейін, елдің шығысында минус 7…20 градусқа дейін, оңтүстік аймақтарда плюс 0…10 градусқа дейін жылынады.

Синоптиктер үш күнге болжам жасады

<a href="https://kyzylorda-news.kz/">Kyzylorda-news.kz.</a> Облыста соңғы тәулікте коронавирусқа қатысты 124 жағдай анықталды. Оның 43-нен ауру беліглері байқалса, 81-і симптомсыз. Ал инфекциялық стационарда – 368 науқас ем қабылдауда.
Өңірде ревакцинация жұмыстары белсенді жүргізілуде. 39 537 облыс тұрғыны коронавирусқа қарсы вакцинаның үшінші дозасын қабылдады. Бұл жөнінде Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шайымбетов хабарлады.
<blockquote>
 Қазіргі таңда өңіріміз «қызыл» аймақтар қатарында. Індет жұқтырушылар қатары күн сайын артып барады. Осы күрделі кезеңде тұрғындарды вакцинациялау маңызды. Қазіргі таңда 1 комнонентін алғандар 92,6 пайыз болса, ІІ компонентімен 87,8 пайызды құрады. Ал облыстағы 39 537 тұрғын ревакцинациядан өтті. Сондай-ақ, өңірімізге 8 мың доза «Спутник-V» вакцинасы жеткізіліп, барлық емханаларға жөнелтуде. Ал «pfizer» вакцинасын 22 333 тұрғын қабылдады. Жалпы барлық емханалар штаттық режимде жұмыс істеуде, – деді Жангелді Шайымбетов.
</blockquote>
Облыста індеттің ірі ошағы Қызылорда қаласы. Аудандар үлесі бойынша індет ошақтары Шиелі және Жаңақорғанда анықталды.
<blockquote>
 Жас ерекшеліктері бойынша жіктейтін болсақ, 20-29, 30-39 жас аралығындағы жастар арасында вирустың таралу деңгейі жоғары. Сондай-ақ 14 жасқа дейінгі балалар арасында белсенділік байқалады, оның ішінде 1 жасқа дейінгі сәбилердің үлесі басым. Облыста коронавирус инфекциясынан бөлек, жіті репираторлық вирусты инфекциялардың эпидахуалы күрделеніп тұр. Соңғы аптадағы көрсеткіштер өткен кезеңдермен салыстырғанда 1,5 есеге артқан, – деді Әлия Әбдіқайымова.
</blockquote>
<img src="https://kyzylorda-news.kz/wp-content/uploads/2022/01/fb_img_1643017697082.jpg" alt="" />

39 537 қызылордалық вакцинаның үшінші дозасын қабылдады

<a href="https://kyzylorda-news.kz/">Kyzylorda-news.kz.</a> 2022 жылдың 1 қыркүйегінен бастап студенттердің шәкіртақысы 20%-ке, магистранттар мен докторанттардың стипендиясы 15%-ке өседі.
Бұл шара президенттің тапсырмасы бойынша жүзеге асады, деп хабарлайды білім және ғылым министрлігінің баспасөз қызметі.
<blockquote>
 “Осы жылдың қыркүйек айынан бастап студенттердің стипендиясы тағы да 20%-ке өседі. Мысалы, педагогика мамандарын даярлау бағыты бойынша оқитын студенттер 58 мың теңгеден астам, басқа бағыттар бойынша білім алатындар 37 мың теңгеге жуық шәкіртақы ала бастайды”, – деді БҒМ Жоғары және жоғары оқу орнынан кейінгі білім департаментінің директоры Әділет Тойбаев.
</blockquote>
Ал магистранттардың шәкіртақысы 86 987 теңгеге дейін, докторанттардың стипендиясы 195 000 теңгеге дейін өседі.
Еске салсақ, студенттер мен магистранттардың стипендиясы былтыр қыркүйекте көтерілген болатын. Осылайша қазір студенттер 31 423 теңге, магистранттар 76 950 теңге, ал докторанттар 172 500 теңге алады.

Студенттердің шәкіртақысы тағы да өседі

<a href="https://kyzylorda-news.kz/">Kyzylorda-news.kz.</a> Сыбайлас жемқорлық қазіргі таңда өзегі тереңге кеткен қауіпті құбылыс. Ата-бабаларымыз «Тура биде туған жоқ, туғанды биде иман жоқ» деп дөп басып айтқан. Олардың әділдік пен турашылдықты ту еткендігін Төле би, Қазыбек би, Әйтеке би және тағы да басқа біртуар билер мен шешендердің өмірі дәлел болатындығын біз тарихтан жақсы білеміз.
Қазақстан Республикасының заңнамаларына сәйкес, сыбайлас жемқорлық қылмыстарға негізінен лауазымды қылмыстар жатады. Атап айтсақ, қызмет өкілеттігін теріс пайдалану, билікті не қызметтік өкілеттікті асыра пайдалану, пара алу, пара беру, парақорлыққа делдал болу, қызметтік жалғандық жасау, көрінеу жалған сөз жеткізу, сеніп тапсырылған бөтен мүлікті иеленіп алу немесе ысырап ету, көрінеу жалған жауап беру, сарапшының жалған қорытыңдысы немесе қате аудару, жалған жауап беруге немесе жауап беруден жалтаруға, жалған қорытынды беруге не қате аударуға сатып алу, лауазымды адамдардың сот үкімін, сот шешімін немесе өзге де сот актісін орындамау, осындай қылмыстардың барлығы жемқорлық сыбайластық байланыстарды пайдалану арқылы жасалады.
Бүгінде сыбайлас жемқорлықпен күрес елімізде мемлекеттік маңызы бар түйткілді мәселеге айналды. Себебі, бұндай әрекеттің мемлекеттік қызметкерлер тарапынан көрініс табуы елдің дамуына кедергі келтіріп қана қоймай, қоғамда билікке деген сенімсіздік тудырады. Өкінішке орай, жең ұшынан жалғасын табатын, көз қысты-бармақ басты әдет әлі де болса қалмай келеді. Бұл дерт еліміздің дамуына, экономиканың өркендеп өсуіне өрескел кедергі келтіретіні даусыз. 
Мемлекеттік сатып алу, мемлекет қаржысын талан-тараж етіп, ысырап қылу, жер учаскесін заңсыз беру, дүние-мүлкін, ақша капиталын салық декларациясынан, яғни мемлекеттен жасырып қалу сияқты мемлекет қалтасына қауіп төндіретін жат қылықтар бүгін де әлі де орын алуда.
Елімізде 2015 жылдың 18 қарашасында «Сыбайлас жемқорлыққа қарсы іс-қимыл туралы» Заң қабылданғаны да баршаға мәлім. Заңға сәйкес, сыбайлас жемқорлыққа қарсы күрес шаралары, сыбайлас жемқорлықтың алдын-алу шаралары барынша қамтылған. Алайда азаматтардың құқықтық мәдениетінің төмендігі, тұрмыстық сананың нашарлауы салдарынан сыбайлас жемқорлық құбылыстарының орын алу жағдайлары тіркелуде.
Жемқорлыққа қарсы күресте барлық адамдар заң мен сот алдында тең. Жеке және заңды тұлғалардың бұзылған құқықтары мен заңды мүдделерін қалпына келтіру, сыбайлас жемқорлық пен құқық бұзушылықтың зиянды зардаптарын жою, олардың алдын-алу және барлық мемлекеттік органдар мен лауазымды адамдар өз құзіреті шегінде күрес жүргізу, яғни жемқорлықпен күресу – жалпыға ортақ міндет.
Мемлекеттік қызметкердің атына кір келтіретін әрекеттерден әркімнің де аулақ болғаны жөн. Бүгінгі студент ертеңгі мемлекеттік қызметкер отбасынан, университет қабырғасынан сыбайлас жемқорлыққа қарсы мәдениетті бойына қалыптастыру керек. Осы бағытта Қорқыт Ата атындағы Қызылорда университетінің Құқықтану мамандығы бойынша білім алушыларға «Сыбайлас жемқорлыққа қарсы іс-қимылдың құқықтық негіздері» пәні жүргізіледі. Сонымен бірге, ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментімен бірлескен түрлі іс-шаралар ұйымдастырылады. Студенттер арасында сыбайлас жемқорлыққа қарсы мәдениетті қалыптастыру мақсатында лекциялар, кездесулер, сайыстар, дебаттар тұрақты түрде жүргізіледі.
Сыбайлас жемқорлық – бұл қауіпті құбылыс. Әрбір азамат, әрбір мемлекеттік қызметкер, әрбір ата-ана сыбайлас жемқорлыққа деген иммунитеті мықты болса, онды біздің бақытты мемлекет болғанымыз.
Еркемай Саниязова, 
Қорқыт Ата атындағы Қызылорда 
универсиетінің аға оқытушысы, 
заңтану магистрі

Еркемай Саниязова: Сыбайлас жемқорлыққа қарсы күрес – жалпыға ортақ міндет

<a href="https://kyzylorda-news.kz/">Kyzylorda-news.kz.</a> Қызылорда қаласында 5 қаңтар күні орын алған жаппай тәртіпсіздік кезінде қолды болған әскери қызметкерлерге тиесілі қару табылды.
Тергеу барысында осы іске қатысы бар күдіктінің үйінен әскери қызметшілерге тиесілі 1 дана АК-74 және 1 дана ГП-25 қаруы табылып, қылмыстық іске заттай дәлелдеме ретінде тіркелді.
<blockquote>
 “Қазіргі таңда қылмыстық Кодекстің бірнеше бабы бойынша сотқа дейінгі тергеп – тексеру амалдары жүргізілуде. Күдікті уақытша ұстау абақтысына оқшауландырылды”, — делінген полиция департаментінің хабарламасында.
</blockquote>

Қызылордада әскери қызметкерлерге тиесілі қару табылды

Kyzylorda-news.kz. Тар бейінді дәрігерлердің консультациялары, КТ/МРТ, рентген және диагностиканың басқа да түрлерінің қызметтері сақтандырылған азаматтарға МӘМС жүйесінде емдеуші дәрігердің жолдамасы бойынша көрсетіледі. Олар үшін қосымша ақы талап етілмеуі керек, деп атап өтті Әлеуметтік медициналық сақтандыру қоры.
Егер емхана осы қызметтерді өзі ұсына алмаса, онда оны орындау шарты бойынша пациентке басқа клиникада қабылдауды қамтамасыз етуі қажет.
Қорда консультативтік-диагностикалық қызмет алу мүмкіндіктері туралы толығырақ айтылды.
Міндетті әлеуметтік медициналық сақтандыру жүйесін енгізу есебінен денсаулық сақтауды қаржыландырудың едәуір өсуі көптеген сұранысқа ие бағыттар бойынша медициналық көмек көлемін ұлғайтуға мүмкіндік берді.
Қызмет көрсету көлемі өсуде
Осылайша, компьютерлік томография қызметтерінің саны 3 еседен астамға өсті. Өткен жылдың 12 айының қорытындысы бойынша пациенттер 747 мың комьютерлік томография сеансын алды, ал 2020 жылы-232 мың қызмет алынған. МРТ зерттеулері бойынша өткен жылдың қаңтар-қараша айларында 554 мың қызмет көрсетілді, ал бір жыл бұрын-шамамен 218 мың қызмет көрсетілген.
Тар бейінді дәрігерлер өткізген консультациялар саны айтарлықтай өсті. 2020 жылы 29 миллионнан астам осындай қабылдаулар өткізілді, ал бір жылдан кейін тар бейінді дәрігерлердің консультацияларының саны 35 миллионнан асты. Жүргізілген диагностикалық зерттеулер саны 50% – ға артты-2020 жылғы 9,9 млн қызметтен 2021 жылы 15 млн-нан астам қызметке дейін.
КДҚ-ны қалай алуға болады?
Пациентке кез келген консультациялық-диагностикалық қызметті емдеуші дәрігер тағайындайды. Ол науқастың жағдайын, шағымдарын, аурудың белгілерін зерттейді. Тиісті көрсетілімдер болған кезде дәрігер КТ, МРТ немесе басқа да зерттеулер жүргізуге жолдама жазады. Қызметті жоспарлы түрде алу үшін пациент «Сақтандырылған» мәртебесіне ие болуы тиіс, өйткені емхана деңгейінде бұл қызметтер МӘМС шеңберінде көрсетіледі.
Егер КДҚ-ны көрсетуден бас тартылса … 
ТМККК шеңберінде және МӘМС жүйесінде қызмет көрсететін медициналық ұйым Әлеуметтік медициналық сақтандыру қорымен тиісті шарт жасасады және пациенттерге осы қызметтерді ұсыну бойынша міндеттемені орындауға тиіс.
<blockquote>
 «Біз азаматтардан емхана көрсетілімдер болған кезде, оны өткізу мүмкіндігінің жоқтығына сілтеме жасай отырып, консультациялық-диагностикалық қызметке жіберуден бас тартады деген өтініштерді жиі аламыз. Алайда, мұндай жағдайда Өнім беруші Қор базасында тұратын медициналық ұйымдар қатарынан бірлесіп орындаушыны тартуға міндетті. Егер бірлесіп орындау шарты ешкіммен жасалмаса, онда пациентті осы қызмет түрі бойынша Қордың Өнім берушілерінің біріне жіберуге тиіс, шарт бағыт бойынша қызмет көрсету қорытындылары бойынша автоматты түрде жасалады», – деп атап өтті ӘМСҚ Басқарма Төрағасының орынбасары Ілияс Мұхамеджан.
</blockquote>
Алайда пациент емханаға бармай, КДҚ-ны ақылы негізде алу үшін тікелей жіберілетін басқа да жағдайлар бар.
<blockquote>
 «Кейде біз әлеуметтік желілерде пациентке жолдама берілмегені және олар ақылы түрде қызмет алғаны, мысалы, КТ туралы шағымдарды көреміз. Мұндай жағдайларда пациенттің құқығын қорғаушы ретінде Қор іске қосылады. Алайда, нәтижесінде пациент тіпті өз емханасына жүгінбеген, бірақ дереу басқа жерде ақылы тексеруден өтуге шешім қабылдаған болып шығады. Біз азаматтарды ТМККК шеңберінде және МӘМС жүйесінде медициналық қызметтерді пайдалануға шақырамыз. Егер проблемалар туындаса, Пациентті қолдау қызметіне хабарласыңыз және өз құқықтарыңызды қорғаңыз», – деп Ілияс Мұхамеджан атап өтті.
</blockquote>
Әлеуметтік медициналық сақтандыру қорында атап өтілгендей, 2022 жылы халыққа медициналық көмекті қаржыландыруға 2,049 трлн теңге, оның ішінде ТМККК бойынша – 1,2 трлн, МӘМС бойынша – 838 млрд теңге бағыттау жоспарлануда.
Бұл ретте консультациялық-диагностикалық қызметтерді қаржыландыру едәуір ұлғайтылады. Бұл мақсаттарға 231 млрд теңгеден астам қаражат қарастырылған, оның ішінде МӘМС бойынша – 187,7 млрд теңгеден астам. Салыстыру үшін: бір жыл бұрын 203 млрд теңге бағытталды, оның ішінде 167 млрд теңгесі МӘМС бойынша.
Егер сізде консультациялық-диагностикалық қызметтерді алуға қатысты сұрақтар туындаса немесе сіз оларды көрсетуге қол жеткізе алмасаңыз, онда өз емханаңыздың Пациентті қолдау қызметіне хабарласуыңыз қажет. Ұзақ күтуге байланысты өз аймағыңызда томографиядан немесе басқа да қызметтерден өту мүмкіндігі болмаған жағдайда, сіз өз аймағыңыздың денсаулық сақтау басқармасындағы жағдайды нақтылай аласыз. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

МӘМС:  Көрсетілген қызметтер көлемі 3 есеге артты

<a href="https://kyzylorda-news.kz/">Kyzylorda-news.kz.</a> 2022 жылдың 3 ақпанына дейін Байқоңырда жарияланған террористік қауіптіліктің «көк» деңгейі бүгіннен бастап тоқтатылды, деп хабарлайды <a href="https://www.inform.kz/kz/baykonyrda-zhogary-terroristik-kauip-dengeyinin-kushi-zhoyyldy_a3889990">ҚазАқпарат</a>.
Байқоңыр қаласының терроризмге қарсы комиссиясының төрағасы, Байқоңыр қаласы әкімшілігінің басшысы Константин Бусыгиннің шешімімен бұрын Байқоңыр аумағында белгіленген террористік қауіптіліктің жоғары («көк») деңгейі 2022 жылдың 24 қаңтары 24 сағат 00 минуттан бастап жойылды, делінген қала әкімшілігінің баспасөз қызметінің хабарламасында.
«Құқық қорғау органдары қабылдаған шараларға байланысты Байқоңыр қаласының аумағында террористік қауіп жойылды», – делінген хабарламада. Бірақ Байқоңыр аумағында коронавирустың өршуіне байланысты карантин 2022 жылдың 30 қаңтарына дейін сақталады.

Байқоңырда жоғары террористік қауіп деңгейінің күші жойылды

<a href="https://kyzylorda-news.kz/">Kyzylorda-news.kz.</a> Ертеңнен бастап, яғни 25 қаңтардан 22 ақпанға дейін Ұлттық бірыңғай тестілеу басталады. Бұл туралы облыстық білім басқармасының басшысы Ақзира Қасымова мәлімдеді.
<blockquote>
 «Естеріңізге сала кетейін, бұл тестілеуге шартты түрде ақылы негізде күндізгі оқу нысаны бойынша жоғары оқу орындарына қабылданған, жазғы ҰБТ нәтижелері бойынша шекті балл жинамағандар, сондай-ақ мектеп бітіретін түлектер университеттерге ақылы негізде түсу үшін қатысады. Аймақтағы 7514 мектеп бітіруші түлектің 6106-ы немесе 81% қатысуға өтініш білдірді. Алғашқы тестілеу күнінде 203 түлек қатысады деп жоспарлануда. Ол үшін 3 тестілеу пункті жұмыс жасайды», – деді Ақзира Бақтыбайқызы.
</blockquote>
Айта кету керек, барлық білім беру ұйымдары күшейтілген санитарлық-дезинфекциялық режиммен жұмыс жасайтын болады.

Ертең Ұлттық бірыңғай тестілеу басталады

<a href="https://kyzylorda-news.kz/">Kyzylorda-news.kz.</a> Әнуар Жанғозин “Болашақ” Халықаралық бағдарламалар орталығының басқарма төрағасы болып тағайындалды, деп хабарлайды білім және ғылым министрлігінің баспасөз қызметі.
Жанғозин – президенттік жастар кадрлық резервінің мүшесі.
Ол 1986 жылы дүниеге келген. М.В. Ломоносов атындағы Мәскеу мемлекеттік университетін “Математика” мамандығы бойынша және “Назарбаев университетінің” магистратурасын “Білім беруді басқару” мамандығы бойынша тәмамдаған.
2008-2011 жылдары “Назарбаев Зияткерлік мектептері” әдістемелік процесс департаментінің менеджері, директордың орынбасары болып жұмыс істеді. 2011 жылдан 2016 жылға дейін Нұр-Сұлтан қаласында “Назарбаев Зияткерлік мектебінде” математика пәнінің мұғалімі, директор қызметін атқарған.
2017-2019 жылдары Нұр-Сұлтан қаласы білім басқармасының басшысы болды.
Қазақ, орыс және ағылшын тілдерін меңгерген.
<img src="https://kyzylorda-news.kz/wp-content/uploads/2022/01/15705699.jpg" alt="" />

&#8220;Болашақ&#8221; президенттік бағдарламасына жаңа басшы келді

2022 жылы төленетін көпбалалы отбасылардың жәрдемақысы

<a href="https://kyzylorda-news.kz/">Kyzylorda-news.kz.</a> Оқу форматына қатысты өзгерістер енгізілді. 1-4 бастауыш сынып оқушылары штаттық форматта яғни мектепке барып білім алады. 600 оқушысы бар ауыл, қала мектептері де штаттық форматта жұмыс жасайды.
Бұл туралы бүгін Өңірлік коммуникациялар қызметінде өткен баспасөз конференциясында облыстық білім басқармасының басшысы Ақзира Қасымова мәлімдеді.
Сондай-ақ, колледждер аралас форматта оқиды. Практикалық, зертханалық, семинар сабақтар, өндірістік практика икемді кесте бойынша штаттық режимде, дәрістер онлайн түрде өткізіледі.
<blockquote>
 “Вакцина алған студенттер оқу ордасына келіп, сабаққа қатыса алады. Бүгіннен бастап аймақтағы 30 колледждегі 19 692 студент үшін екінші семестр аралас форматта басталды”,- дейді басқарма басшысы.
</blockquote>

Қазақстан және Қызылорда облысының жаңалықтары

«7-20-25» және «Баспана хит» клиенттерінің ипотекалық төлемі 90 күнге шегерілді

Синоптиктер үш күнге болжам жасады

39 537 қызылордалық вакцинаның үшінші дозасын қабылдады

Студенттердің шәкіртақысы тағы да өседі

Еркемай Саниязова: Сыбайлас жемқорлыққа қарсы күрес – жалпыға ортақ міндет

Қызылордада әскери қызметкерлерге тиесілі қару табылды

МӘМС: Көрсетілген қызметтер көлемі 3 есеге артты

Байқоңырда жоғары террористік қауіп деңгейінің күші жойылды

Ертең Ұлттық бірыңғай тестілеу басталады

“Болашақ” президенттік бағдарламасына жаңа басшы келді

2022 жылы төленетін көпбалалы отбасылардың жәрдемақысы

Ақзира Қасымова: Оқу форматына қатысты өзгерістер енгізілді

Қазақстан және Қызылорда облысының жаңалықтары

«7-20-25» және «Баспана хит» клиенттерінің ипотекалық төлемі 90 күнге шегерілді

Синоптиктер үш күнге болжам жасады

39 537 қызылордалық вакцинаның үшінші дозасын қабылдады

Студенттердің шәкіртақысы тағы да өседі

Еркемай Саниязова: Сыбайлас жемқорлыққа қарсы күрес – жалпыға ортақ міндет

Қызылордада әскери қызметкерлерге тиесілі қару табылды

МӘМС: Көрсетілген қызметтер көлемі 3 есеге артты

Байқоңырда жоғары террористік қауіп деңгейінің күші жойылды

Ертең Ұлттық бірыңғай тестілеу басталады

&#8220;Болашақ&#8221; президенттік бағдарламасына жаңа басшы келді

2022 жылы төленетін көпбалалы отбасылардың жәрдемақысы

Ақзира Қасымова: Оқу форматына қатысты өзгерістер енгізілді

“Болашақ” президенттік бағдарламасына жаңа басшы келді