<a href="https://kyzylorda-news.kz/">Kyzylorda-news.kz</a>. Қызылорда облысындағы көне қалашықтардың пайда болуы, гүлденуі, қалыптасуы бойынша зерттеулер жалғасуда.
Оның ішінде ең маңыздысы бүгінде қазба жұмыстары жүргізіліп жатқан оғыздардың қаласы Жаркент. Зерттеу жұмыстары биыл басталды. Бұл туралы Өңірлік коммуникациялар қызметінде өткен арнайы брифингте Қорқыт ата атындағы ҚМУ археология және этнография ғылыми орталығының жетекшісі Әзілхан Тәжікеев жеткізді.
<blockquote>
 «Жаркенттің бір ерекшелігі тек қана археологиялық зерттеулер ғана емес, сонымен қатар жаратылыстану ғылымының әдістерін пайдаланып зерттеп жатырмыз. Заманауи лабораториялар арқылы яғни Ресей, Англия, Германия мемлекеттерінің зертханаларында Жаркенттің құрылған жылын, жасын анықтадық. Бұрын біз бұл қалашықты 9-11 ғасырда тұрғызылды деп жүрсек, бүгінде 7 ғасырда негізі қаланғанын дәлелдедік. Сонымен бірге, бұл жаңалығымыз халықаралық басылымдарда жаряланып, әлемдегі ең үздік 100 мақаланың ішіне енді. Биыл бұл ескерткіш маңында нысандарды тұмшалау жұмыстары жүргізілуде», – деді Ә.Тәжікеев.
</blockquote>
<img src="https://kyzylorda-news.kz/wp-content/uploads/2021/08/236183398_1349817258747116_3495055392900970585_n.jpg" alt="" />

Жаркент қалашығының құрылған жылы анықталды

<a href="https://kyzylorda-news.kz/">Kyzylorda-news.kz</a>.&nbsp;Ақорданың ресми сайты Мемлекет басшысының Қазақстан Республикасының мемлекеттік наградаларымен наградтау туралы Жарлығын жариялады.
Мемлекет басшысының Қазақстан Республикасының мемлекеттік наградаларымен наградтау туралы Қаулысында Токио-2020 ХХХII Жазғы Олимпиада ойындарындағы жоғары спорттық жетістіктері үшін 8 спортшы наградталды.
ІІІ дәрежелі «Барыс» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Сметов Елдос Бақтыбайұлы наградталды.
ІІ дәрежелі «Достық» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Чиншанло Зульфия Салахаровна наградталды.
«Құрмет» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Асәділов Дархан Абсадықұлы, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Берульцева Софья Полихроновна, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Бибосынов Сәкен Исмадияр угли, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Қоңқабаев Қамшыбек Бисенбайұлы, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Санаев Нурислам Валентинович, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Сон Игорь Сергеевич наградталды.
Жарлық қол қойылған күнінен бастап қолданысқа енгізіледі.

Қамшыбек Қоңқабаев «Құрмет» орденімен марапатталды

<a href="https://kyzylorda-news.kz/">Kyzylorda-news.kz</a>.&nbsp;Жамбыл облысы Мойынқұм ауданынан Қызылорда облысына 1000 тең шөп жөнелтілді, деп хабарлайды ҚазАқпарат.
Мойынқұм ауданының әкімі Мәден Мұсаевтың қолдауымен және Қарабөгет ауылдық округінің әкімі Бағдат Сатыбалдиевтің ұйымдастыруымен Қызылорда облысы, Сексеуіл ауылына 1 вагон (1000 тең) шөп жөнелтілді.
Бұл ілкімді іске ерекше атсалысқан Қарабөгет ауылдық округіне қарасты Құмөзек ауылының «Мақпал» шаруа қожалығының жетекшісі Нұржан Байұзақов пен «Айтжан» шаруа қожалығының жетекшісі Жарас Саулебаевтың еңбектерінің көп екенін айта кеткен жөн.
<blockquote>
 «Мойынқұм – шөбі шүйгін, тастай салған таяғы тамырланған тал боп өсетін топырағы құнарлы нағыз шөптің отаны деуге болады. Асан қайғы бабамыздың «…Жеті жыл қатарынан жұт келсе де аша тұяқ мал қалса сенің бауырыңда қалады екен» деп жоғары баға беруіде сондықтан болар. Қазір елімізде болып жатқан қуаңшылықта «малым жанымның садағасы» деп мал азығы үшін жанын шүберекке түйіп, шөптен таршылық көріп отырған аймақтар қатары азаяр емес. Оларға Үкіметтің және жаны жомарт жеке кәсіпкерлердің қолдауымен республикамыздың түкпір-түкпірінен көптеген көмектер көрсетілуде. Бұл тұрғыда қашанда қайырымды істің қатарынан қалмайтын мойынқұмдықтар да белсенділік танытуда», – дейді аудан әкімі.
</blockquote>

Қызылордаға Мойынқұмнан 1 вагон шөп жіберілді

<a href="https://kyzylorda-news.kz/">Kyzylorda-news.kz</a>. Бүгін Қорқыт ата атындағы Қызылорда университетінің ректоры Бейбіткүл Кәрімова Токио-2020 Олимпиадасының қола жүлдегері&nbsp;Қамшыбек Қоңқабаев және каратэ-додан Олимпиадаға қатысушы&nbsp;Мөлдір Жаңбырбаймен кездесті. Кездесу барысында Қамшыбек Қоңқабаев «Қорқыт ата атындағы Алтын медальмен»,&nbsp;Мөлдір Жаңбырбай «Үздік түлек» медалімен марапатталды.
<blockquote>
 «Халықаралық жастар күні қарсаңында туған жерге табаны тиген, Сыр елінің ғана емес еліміздің намысын қорғаған спортшыларымызға зор алғыс білдіремін. Біз өз түлектеріміздің аяқ алысын, жетістіктерін үнемі назарда ұстап отырамыз. Осы орайда Қамшыбек пен Мөлдір Токио олимпиадасында өнер көрсеткенде екі есе жанкүйер болдық. Себебі ұстаз әрдайым шәкіртімен мақтанады. Алдағы уақытта талай шаршы алаңда ел намысын қолдан бермей, көк туымызды көкте желбірете беріңіздер. Бүгін Сіздердің кеуделеріңізге таққан марапатымыз – университетіміздің үлкен ықыласы», – деді университет ректоры.
</blockquote>
Өз кезегінде Олимпиада жүлдегері де университет ұжымына өз алғысын білдірді.
<blockquote>
 «Ғалым да, шахтер да, спортшы да ұстазға бас иеді. Қазір ғана облыс әкімінің қабылдауында болдық. Артынша өзіміз білім алған оқу ордамызға ат басын тіредік. Бізге білім, кәсіби бағдар беріп және спортпен айналысуымызға студент кезімізден жағдай жасаған оқу ордамызға алғысымыз шексіз. Біздің жетер жетістігіміз әлі алда деп есептеймін. Қай кезеңде болмасын бар күш-жігерімізді ел намысы үшін аянып қалмауға тырысамыз», – деді Қамшыбек Қоңқабаев.
</blockquote>
Қамшыбектің ұстазы, «Құқықтану» кафедрасының меңгерушісі&nbsp;Ләззат Майлыбайқызы да шәкіртінің студент кезі туралы өз естелігін айтты.
<blockquote>
 «Қамшыбек университетімізде «Құқықтану» мамандығы бойынша білім алып, 4 жыл оқыған еңбегінің нәтижесі ретінде «Заңгер»&nbsp;біліктілігінің дипломын алған болатын. Ол облыстық, республикалық және халықаралық деңгейдегі жарыстарға қатыса отырып, оқуын ойынан шығарған емес. Берілген тапсырмаларды орындауда жауапкершілік танытатын. Оның тәртіп пен нақтылықтың адамы екенін аңғардық. Қазіргі таңда Қамшыбек халықаралық деңгейдегі спортшы ғана емес, Қызылорда қалалық Полиция басқармасының ювеналды полиция бөлімінің аға лейтенанты. Қамшыбек 4 жылда бір болатын дүниежүзілік дода да қазақ елінің туын алып жүру мәртебесіне ие болды. Сол бір көріністі асыға күтіп, теледидардан шәкіртіміздің жүзін көргенде төбеміз көкке жеткендей қуандық»-, деді Ләззат Майлыбайқызы.
</blockquote>
Нәзік те болса талай додаларда топ жарып жүрген&nbsp;каратэ-додан ҚР халықаралық дәрежедегі спорт шебері, жастар арасында Әлем чемпионы Мөлдір Жаңбырбайдың да спортқа қосқан үлесі орасан. Алдағы уақытта университеттің қос түлегі талай додаларда көк туды көкте желбірететініне сенім білдірілді.
<img src="https://kyzylorda-news.kz/wp-content/uploads/2021/08/moldir-1.jpg" alt="" />

Сыр спортшылары университеттің жоғары марапатына ие болды

<a href="https://kyzylorda-news.kz/">Kyzylorda-news.kz</a>. Арал ауданының әкімі Серік Сермағамбетовтың төрағалығымен төтенше жағдайлардың алдын алу және оларды жою жөніндегі аудандық комиссияның кезектен тыс отырысы өтті.
Басқосуға комиссия мүшелері мен тиісті мекеме басшылары сондай-ақ, кент және ауылдық округ әкімдері «Zoom» платформасы арқылы қатысты.
Комиссияның күн тәртібінде ауданда орын алған төтенше жағдайға байланысты атқарылған жұмыстардың есебі туралы бір мәселе қаралды.
Аталған мәселе бойынша аудан әкімінің орынбасары Еркін Әбішев сөз алып, төтенше жағдай кезеңіндегі атқарылған жұмыстар жайын тарқатып өтті.
Нақтырақ тоқтала кетсек, осы кезге дейін аудандағы мал басының есебі жүргізіліп, нәтижесінде барлығы 205 822 бас төрт түлік малға 180 күнге 184 640 тонна шөп қажет екендігі есептеліп нақтыланды.
Осы қажеттілікке сәйкес бүгінгі күні ауданға 11596 тонна шөп азығы және 535,6 тонна жем азығы жеткізілді. Сонымен қатар облыстық бюджеттен бөлінген қаржыға Қызылжар елді мекені тұсындағы «Бектау» каналын қазу, Аманөткел елді мекеніндегі «Бұрмақұлақ» учаскесінде дария арнасын бөгеу және Мергенсай елді мекені «Үшшоқы» мал жайылымдық жерінде су ұңғымасын қазу жұмыстары басталып кетті.
Бұдан бөлек, ауданымыздағы қуаңшылық жағдайына сәйкес жерлесіміз, қоғам қайраткері, меценат Болат Өтемұратовтың қорынан бөлінген 213 млн тенге қаржы аясында бірішні кезекте аудандағы аз қамтылған тұрмысы төмен отбасыларына 900 тонна бидай кебегі жемін алып беру бағытындағы жұмыстар ұйымдастырылды. Қазіргі таңда Қостанай, Ақтөбе облыстарынан 484 тонна жем тасымалданып, жергілікті жердегі қоғамдық кеңестің шешімімен күтімде 5-6 ірі қара және 10-нан астам уақ малы бар тұрғындарға беріле бастады.
Бұған қоса, қор қаржысы есебінен Аманөткел елді мекеніндегі «Аспай» су ағытқысын іске қосу бағытында құрылыс жұмыстары басталып кетті.
Сондай-ақ, алдағы уақытта мал азығын дайындайтын сервистік орталықтар құру мақсатында 2 селолық тұтыну кооперативіне жуық арада екі бірлік МТЗ-82.1 жиынтығын алу жұмыстары жоспарлануда.
Мұнан өзге, ауданға қарасты Беларан ауылдық округіндегі «Жыңғылдықақ» мал жайылымдылық алқабына су ұңғымасын қазуға қаржы бөлу және ауыз судан қиындық көріп отырған Құланды, Ақбасты және Тастүбек елді мекендеріне су таситын водовоз көлігін алу бағытында тиісті шаралар қабылдануда.
Жалпы төтенше жағдайларды жою бағытында аудан әкімдігі тарапынан арнайы мамандармен құрылған жұмысшы тобымен арнайы штаб күнделікті атқарылатын шараларды, қабылданатын шешімдерді қатаң бақылауға алып, тиісті жұмыстарды жүргізіп келеді.
Осылайша жоғарыда аталып өткен жұмыстардың жайы кеңнен талданған комиссия отырысының қорытындысымен аудан басшысы тиісті сала басшылары мен қала, кент, ауылдық округ әкімдеріне &nbsp;алдағы уақытта атқарылу тиіс шаралар мен жұмыстардың бағытына сәйкес нақты тапсырмалар жүктеді. Соның ішінде әрбір атқарылатын жұмыстардың мерзімге сәйкес сапалы орындалуын және ашық ақпарат көздері арқылы тұрақты түрде халық назарына жеткізілуін қамтамасыз ету қажеттігін ескертті.
Еске сала кетейік, Арал ауданында «Табиғи сипаттағы төтенше жағдайды жариялау туралы» шешім 2021 жылдың 12 шілдесінен бастап күніне енгізілген болатын.

Аралда төтенше жағдай енгізілгеніне бір ай болды

<a href="https://kyzylorda-news.kz/">Kyzylorda-news.kz</a>. Бүгіннен бастап ҚР Мемлекеттік хатшысы Хатшылығының меңгерушісі қызметіне Самитов Мажит Самитұлы тағайындалды.
Мажит Самитұлы әл-Фараби атындағы Қазақ Ұлттық университетін заңгер, Қорқыт ата атындағы Қызылорда мемлекеттік университетін экономика және менеджмент мамандықтары бойынша тәмамдаған.
Ол әр жылдары ҚР прокуратура органдарында, оның ішінде Бас прокуратурада түрлі қызметтер атқарған. Сондай-ақ, Қызылорда облысы Қармақшы ауданы әкімінің орынбасары, ҚР Президенті Әкімшілігі Басшысының Хатшылығы меңгерушісінің орынбасары болған. Осы кезге дейін ҚР Мемлекеттік хатшысы Хатшылығы меңгерушісінің орынбасары қызметін атқарып келді.
<img src="https://kyzylorda-news.kz/wp-content/uploads/2021/08/mazhit.jpg" alt="" />

ҚР Мемлекеттік хатшысы Хатшылығының меңгерушісі тағайындалды

**<a href="https://kyzylorda-news.kz/">Kyzylorda-news.kz</a>.&nbsp;Қызылорда облысына Үкімет резерві тарапынан *1,7 млрд. теңге***, *Маңғыстау облысына* 1,9 млрд теңге бөлінді. Бұл қаражат жергілікті бюджетке жетті, бүгінде әкімшілік оны үлестіре бастады. Бұл туралы Орталық коммуникациялар қызметінде өткен брифингте ҚР Ауыл шаруашылығы министрінің міндетін атқарушы Ербол Қарашөкеев мәлімдеді.
<blockquote>
 «Жеке қосалқы қожалықтарға және шаруа қожалықтарына берілетін бұл ақша мал азығын арзандатуға арналған. Оны жергілікті әкімшіліктер жеке қосалқы шаруашылықтардың, шаруа қожалықтарының тізімдерін нақтылап таратады. Бұл қаржы сатып алған мал азығын, жемшөпті арзандатуға ақшалай түрде алынатын болады. Қаражат тамыз айының соңына дейін игерілмек. Резервтен бөлінген қаржы арнайы мал азығының бағасын арзандатуға ғана арналған. Басқа ешқандай мақсатта жұмсалмайды», – деді Ербол Қарашөкеев.&nbsp;
</blockquote>
Сонымен қатар, қыркүйек айынан кейін шөптің болмау қаупіне байланысты жемшөп резервін құру үшін 5,3 млрд. теңге қарастырылған. Маңғыстау облысының әкімшілігі 25 мың тонна шөп, 35 мың тонна жем сатып алуды жоспарлап отыр.

Ербол Қарашөкеев: Резервтен бөлінген қаржы арнайы мал азығының бағасын арзандатуға ғана арналған

<a href="https://kyzylorda-news.kz/">Kyzylorda-news.kz</a>.&nbsp;Қазгидромет 14-16 тамызға арналған ауа райы болжамын жариялады.
Салқын Атлантикалық ауамен қуатталатын ауқымды антициклон, Қазақстан аумағы арқылы жылжуын жалғастырады және енді оңтүстік, оңтүстік-шығыс және шығыс өңірлерінде температураның төмендеуіне алып келеді. Оңтүстікте термометрлер күндіз 22…30 жылуға, оңтүстік-шығыста 17…25 жылуға, ал шығыста 15…25 жылуға дейін төмендейді. Бірақ солтүстік аймақтар аздап жылынуды күтуде. Мұнда температура 23…28 жылуға дейін көтеріледі. Қазақстанның батыс жартысына ғана, Иран аудандарынан келетін жылы және құрғақ ауа массалары, жауын-шашынсыз ауа райын сақтайды және температураның негізгі аясын 32…40 жылу аралығында болады.

Елімізде ауа температурасы төмендейді

<a href="https://kyzylorda-news.kz/">Kyzylorda-news.kz</a>. Аудан әкімі аудан аумағында орналасқан өндірістік нысандарды аралады, деп хабарлайды Шиелі ауданы әкімдігінің баспасөз қызметі.
Нысандарды аралау барысында, «Гежуба Шиелі Цемент» зауытының басшыларымен кездесіп, зауыттың ішкі жұмыстарымен танысты.
Аудандағы «Гежуба Шиелі Цемент» зауыты қазіргі таңда аудан халқының тіршілігіне септесіп, жұмыссыздық дерегінің төмендеуіне үлес қосып келеді. Атап айтқанда, «Гежуба Шиелі Цемент» зауытында 266 адам жұмыс жасайды. Оның 222 жергілікті тұрғын. Сонымен қатар, «Гежуба Шиелі Цемент» зауыты жыл басынан бері 640 мың тонна цемент өнімін шығарып, жергілікті бюджетке 22,2 млн теңге табыс салығын түсірсе, жергілікті салық базасына 300 млн теңге қаражат аударған.
Мұнан соң, аудан әкімі «КНК Кемикал» ЖШС-ның құбыр зауытының жұмысымен танысты.
«КНК Кемикал» ЖШС-ның құбыр зауыты сұраныстың артуына байланысты бүгінгі күні сапалы полиэтилендік пластмассалы құбырлардың сан түрін көптеп шығаруды қолға алған. Сондай-ақ, мұнай, су және газға арналған құбырлар еуропалық аппараттармен шығарылады. Қазір зауытта тәулігіне 20 мың метрге жуық құбыр дайындалады. «КНК Кемикал» зауытының өнімдері әлем стандартына сай. Шетелдік озық технологиямен жасалған бұйымдар суық пен ыстыққа және жоғары қысымға төтеп бере алады. Биыл Ш.Қодаманов ауылына көгілдір отынмен қамтамасыз ету жұмыстары аясында «КНК Кемикал» ЖШС-нен өндірілетін құбырларын пайдаланып отыр.
Аудан әкімі өндірістік нысандарды аралау барысында тиісті сала басшыларына нақты ұсыныстар мен тапсырмалар берді. Оның ішінде экологияға және өндіріс саласында жұмыс істеп жатқан жергілікті тұрғындардың жалақысы уақытылы түсіп тұруына баса назар аударуды тапсырды.
<img src="https://kyzylorda-news.kz/wp-content/uploads/2021/08/236261435_1135003997030058_614587995378123206_n.jpg" alt="" />

Шиеліде тәулігіне 20 мың метр құбыр дайындалады

<a href="https://kyzylorda-news.kz/">Kyzylorda-news.kz</a>.&nbsp;Қазалы ауданында алдағы қыркүйек айында 6 тұрғын үй пайдалануға берілмек.
Ауданда бұған дейін 6 көпқабатты тұрғын үй пайдалануға беріліп, 108 тұрғын баспанамен қамтамасыз етілген болатын.
Қазіргі таңда Әйтеке би кентіндегі «Аймақаш» мөлтек ауданынан жеке кәсіпкерлер үйлердің іргетасын қалап, құрылыс жұмыстарын қарқынды жүргізуде. Қазалы ауданының әкімі Мұхтар Оразбаев аталған үйлердің құрылыс жұмыстарымен танысып, жеке кәсіпкерлермен кездесті.
Кездесуде кәсіпкерлер үйдің құрылыс жұмыстары аяқталуға жақын қалғанын жеткізді. Олардың айтуынша, қыркүйек айына дейін 6 үй дайын болады. Аудан басшысы үйлердің ішін аралап, құрылыс жұмыстарының сапасына аса қатты мән беруді тапсырды.
Айта кетейік, биыл баспана мәселесін шешу мақсатында жалға берілетін үйлерді сатып алуға бюджеттен қаржы бөлінді. Бөлінген қаржыға көлемі 60 шаршы метрден кем болмайтын 35 пәтер сатып алу жоспарлануда. Бұл пәтерлер тұрғын үйге мұқтаж адамдардың тізімінде тұрған жандарға беріледі.
Аудан әкімі Мұхтар Оразбаев мұнан соң 5 квартал аймағындағы 4 пәтерлі 10 тұрғын үйдің құрылысымен танысты. Тұрғын үйдің құрылысы аяқталып, бүгінгі күні инфрақұрылыммен қамтамасыз етілген. Қазіргі таңда абаттандыру жұмыстары жүргізілуде. Бұл жұмыстарды «Жылу – ХХІ» ЖШС атқаруда.
Аудан әкімі «Арал-Сарбұлақ» топтық су құбырын пайдаланушы Қазалы өндірістік бөлімшесінің басшысы Әділхан Ахмет және Әйтеке би кенті газ шаруашылығының директоры Қуаныш Сансызбаевпен кездесіп, тұрғын үйлерді табиғи газ және ауыз сумен қамтамасыз ету жұмыстарын талқылады. Аудандық құрылыс, сәулет және қала құрылысы бөлімінің басшысы Нұрбек Күзембаевқа аталған мекемелермен бірлесіп, бұл мәселені уақытылы шешуді тапсырды.
Сонымен қатар аудан әкімі осы маңда тұратын тұрғындармен кездесті. Олар бұл маңда құбырлар тартылып тұрғанымен ауыз су және газ мәселесі шемімін таппағандығын жеткізді.
Өз кезегінде аудан басшысы неліктен осы аумаққа ауыз су мен газ келмей тұрғанын түсіндіріп, бұл мәселе жақын арада шешімін табатынын тілге тиек етті. Бұл мәселені шешу үшін «Арал-Сарбұлақ» топтық су құбырын пайдаланушы Қазалы өндірістік бөлімшесінің басшысы Әділхан Ахмет және Әйтеке би кенті газ шаруашылығының директоры Қуаныш Сансызбаев та қолдан келгенін аянып қалмайтындықтарын айтты.
<img src="https://kyzylorda-news.kz/wp-content/uploads/2021/08/235418459_3128299040724355_1954448363099742970_n.jpg" alt="" />
<img src="https://kyzylorda-news.kz/wp-content/uploads/2021/08/235619950_3128299360724323_8738142504439984027_n.jpg" alt="" />
<img src="https://kyzylorda-news.kz/wp-content/uploads/2021/08/236244912_3128299247391001_1747863765674829277_n.jpg" alt="" />
<img src="https://kyzylorda-news.kz/wp-content/uploads/2021/08/235702942_3128299000724359_1922059368060496240_n.jpg" alt="" />

Қазалыда 6 тұрғын үй пайдалануға беріледі

<a href="https://kyzylorda-news.kz/">Kyzylorda-news.kz</a>. 12 тамыз – Халықаралық жастар күніне орай Жалағаш ауданының әкімі Асылбек Өмірбекұлы аудандағы әр түрлі салада еңбек етіп, мемлекеттік жастар саясатының дамуына өзіндік үлесін қосып жүрген бірқатар белсенді жастарды марапаттады.
Олардың қатарында Жайдарман сайыстарының республикалық премьер-лига ойындарының қатысушылары «Аққыр» құрамасы, «Жалынды жас» еріктілер тобының белсенді мүшелері, «Бір жыл, бір баспана» ерікті студенттер бастамасының жетекшісі, білім беру, медицина, полиция саласы, гранттық байқаулар жобасының жеңімпазы, ұлттық қолөнер бұйымдарын жасау шебері бар. Бүгінгі күні ауданда 7970 жас тіркелген. Бұл жалпы халық санының 22,7 пайызын құрайды.
Айта кетейік, жастар арасында мемлекеттік әлеуметтік тапсырыс аясында 4 әлеуметтік жоба жүзеге асырылуда.
Биылғы жылы студент жастардың бастамасымен «Бір жыл, бір баспана» атты қайырымдылық тобы құрылып, тұрмысы төмен кент тұрғынына ерікті жандарды тарта отырып, тұрғын үйдің іргетасы қаланып, қазіргі таңда құрылыс жұмыстары қарқынды жүргізілуде.
<img src="https://kyzylorda-news.kz/wp-content/uploads/2021/08/236016663_1272132896572119_3485448385352243519_n.jpg" alt="" />
<img src="https://kyzylorda-news.kz/wp-content/uploads/2021/08/236058191_1272132766572132_8576079685751787639_n.jpg" alt="" />
<img src="https://kyzylorda-news.kz/wp-content/uploads/2021/08/235418468_1272132783238797_6657498741417969112_n.jpg" alt="" />

Жалағашта «Бір жыл, бір баспана» қайырымдылық қоры тұрғын үй құрылысын бастады

<a href="https://kyzylorda-news.kz/">Kyzylorda-news.kz</a>.&nbsp;Сыр дихандарының тіршілік нәрі су тапшылығы кезінде қолда барды ұқсатып, қажырлы қарекет жасаудың нәтижесінде, биылғы жылы егілген 83,6 мың гектар күріш алқабын толығымен ораққа түсіріп, одан жоғары өнім алу жоспарлануда. Бұл туралы Қызылорда облысы әкімдігінің баспасөз қызметі хабарлады.
Биылғы жылғы вегетациялық кезеңде ауыл шаруашылығы дақылдарын суару барысында көптеген қиыншылықтар болды. Қашыртқыдан су алып, насос арқылы қайтадан егістікке су беру технологиясы тиімді қолданылды. Нақты жасалған шаралардың арқасында күріштің судан қалу көлемі орын алған жоқ.
Осы жұмыстарды жүргізу үшін облыс бойынша Сырдария&nbsp; өзеніндегі су тапшылығы салдарынан егілген егісті вегетациялық кезеңге судан қалдырмау мақсатында облыс бойынша барлығы 93 дана су тартатын насос қондырғылары пайдаланылды.
Айта кету қажет, «GoldenBridgeTuran» компаниясымен бірге «Қазақ ғылыми-зерттеу институты» 175 гектарға күрішті көшеттеп егу әдісі арқылы жұмысты бастады. Бұл жоба өнімділікті арттыруға және суармалы суды үнемдеуге мүмкіндік береді.
Сонымен қатар, су үнемдеу мақсатында биылғы жылы егілген күріш көлеміне себілген тұқымдардың 14%-ына қысқа мерзімде пісіп жетілетін жергілікті «Сыр сұлуы» күріш сорты себілді.

Қазақстан және Қызылорда облысының жаңалықтары