<a href="https://kyzylorda-news.kz/">Kyzylorda-news.kz.</a> Индустрия және инфрақұрылымдық даму министрлігі жеңілдетілген автокредит бағдарламасын қайта іске қосудың бірнеше нұсқасын қарастырып жатыр.
<blockquote>
 “Отандық автомобильдерді халыққа қолжетімді ету үшін министрлік жеңілдікпен несие беру бағдарламасына бюджеттен қосымша қаражат бөлу мәселесін пысықтауда”, – делінген ведомство хабарламасында.
</blockquote>
Бұдан бөлек, президенттің тапсырмасымен халыққа жеңілдетілген автокредит берудің жаңа бағдарламасы әзірленеді.
Қазіргі уақытта бағдарламаны қайта іске қосудың бірнеше нұсқасы қарастырылып жатыр. &nbsp;
Соның бірі&nbsp;көпбалалы отбасыларды, күш құрылымы қызметкерлерін, дәрігерлер мен мұғалімдерді қолдау&nbsp;жөнінде кіші бағдарламаны қосу ұсынылды.
Сондай-ақ&nbsp;“Бірінші отбасылық автомобиль” кіші бағдарламасын қосу мүмкіндігі қарастырылған.
Жеңілдетілген автокредит бағдарламасы 2015 жылы іске қосылды. Ол 20 жылға есептелген және “жаңартпалы” әдіске негізделген.
Қаржыландырудың жалпы лимиті – &nbsp;82 миллиард теңге. Бағдарлама іске асырылған сәттен бастап қайтарымды қаражатты ескергенде 159 миллиард теңгеге 30 525 қарыз берілді. 80 мыңға жуық адам отандық автокөлік сатып алды.
Жеңілдетілген автокредит бағдарламасының шарттары:
<ul>
<li>1 жеңіл автокөліктің құны 15 миллион теңгеден аспайды;</li>
<li>несие мерзімі – 7 жылға дейін;</li>
<li>қарыз алушы үшін номиналдық сыйақы мөлшерлемесі жылдық 4%-тен аспауға тиіс;</li>
<li>қарыз алушы банк алдындағы несиесін өтеген кезде қайтарылған қаражат есебінен отандық автокөлік сатып алушыларға қайта кредит беріледі.</li>
</ul>
Бүгінгі таңда осы бағдарламамен елімізде құрастырылған Hyundai, KIA, JAC, Chevrolet және LADA сияқты автокөліктерді сатып алуға болады.
<a href="https://m.sputnik.kz/economy/20220129/19239071/otbasylar-avtokredit.html">Sputnik.kz</a>

Қазақстанда көлігі жоқ отбасыларға жеңілдетілген автокредит берілуі мүмкін

<a href="https://kyzylorda-news.kz/">Kyzylorda-news.kz.</a> Өңірде «Ashyq» жүйесі бойынша оқшаулану тәртібін бұзғандар кездеседі. Олардың арасында «қызыл» және «сары» мәртебеге ие тұрғындар бар.
<blockquote>
 «Жыл басынан бері облыс көлемінде «Ashyq» жүйесі үй карантинінде оқшаулану тәртібін бұзған 49 адам белгілі болды. Оның ішінде 48-і адам «қызыл», біреуі «сары» мәртебеге ие. Бұл бойынша «қызыл» мәртебедегі адамдарға тиісті айыппұл салынып, «сары» мәртебедегілерге оқшаулану тәртібін сақтау жөнінде хаттама берілді», – деді облыстық санитарлық-эпидемиологиялық бақылау департаменті баспасөз хатшысы Айман Жанахаева.
</blockquote>
Сондай-ақ облыста қазір 167 мониторингтік топ жұмыс істейді. Жыл басынан бері топ мүшелері 48 мәрте рейд жүргізді. Рейд барысында 196 нысан қамтылды.

Қызылордада биыл оқшаулану тәртібін бұзған 49 адам анықталды

<a href="https://kyzylorda-news.kz/">Kyzylorda-news.kz.</a> Манчестер университетінің зерттеулері төсек-орындарда жиі кездесетін споралардың түрлері ауру тудыруы мүмкін екенін көрсетті. Осындай споралардың бірі – Aspergillus fumigatus.
Бұл зең спорасы денсаулыққа қатысты әртүрлі проблемаларға әкелуі мүмкін. Зерттеу лейкемиямен ауыратын науқастарда және жілік майы трансплантациялаған пациенттерде өлімнің жетекші инфекциялық себебі болды деп хабарлайды.
Зерттеу тобы төсек-орын жабдықтарда споралардың бар-жоғын зерттеп, қауырсынды да, синтетикалық жастықтарды да мұқият қараған.
Олар қолданылған жастықтан зеңнің бірнеше мың спорасын анықтады. Осылайша, бір жастық миллионнан астам спораны сақтай алады. Зерттеуде жастықтың 16 түрі болған, алайда синтетикалық жастық ең нашары болып табылды.
Сондай-ақ бұл аллергиялық синуситке де әкелуі мүмкін. Демікпеге келетін болсақ, зерттеушілер зең ересектерде бұл жағдайды нашарлатуы мүмкін деп бөлісті. Жастықтардан басқа, Aspergillus fumigatus ауада, жертөлелерде, тұрмыстық құмыраларда, компьютерлерде және дәмдеуіштерде де кездеседі. Зерттеушілер иммунитеті төмен адамдар зеңнің бұл түрін жұқтыру қаупі жоғары деген қорытындыға келді.
Сондықтан мамандар егер жастығыңыз синтетикалық болса, оны гипоаллергенді жастыққа ауыстыруға кеңес береді.
<a href="https://24.kz/kz/zha-aly-tar/bylu-manyzdy/item/524261-sintetikaly-zhasty-demikpe-auruyn-tudyruy-m-mkin-alymdar">Хабар 24</a>

Ғалымдар: Синтетикалық жастық демікпе ауруын тудыруы мүмкін

<a href="https://kyzylorda-news.kz/">Kyzylorda-news.kz.</a> Қазір 3 жастағы балалардың көбі дұрыс сөйлей алмайды, бірақ планшеттен сүйікті мультфилімін оңай таба алады. Біз гаджеттердің арасында өмір сүріп үйреніп қалдық, алайда олардың бала миына қалай әсер ететінін ұмытып барамыз.
Бала тамақты тауысып қоюы үшін, оны киіндіріп жатқанда жыламас үшін немесе кезекте тұрғанда баланы тыныштандыру үшін оған телефоннан мультфильм қосып беруіңіз мүмкін. Бір күнде болған барлық жағдайды еске түсірсеңіз, кейде экран алдындағы уақыт бір сағаттан асып кетеді. Мысалы, 1 жасқа толмаған бала үшін бұл уақыт өте қауіпті: ол бала дамуын бұзады. Бүкіләлемдік денсаулық сақтау ұйымының ойынша, 1 жасқа толмаған балаларға кез келген экранды мүлдем қарауға болмайды.
Балалар өз өмірінің алғашқы жылында жоғары қарқынмен дамиды, тіпті, аз экрандық уақыттың өзі оның дамуына қауіп төндіреді. Көзге шамадан тыс күш түскен кезде бас миының қанмен қамтамасыз етілуі бұзылады.
Ал 2 жас пен 4 жас аралығындағы балалардың экрандық уақыты күніне 1 сағаттан аспауы керек. Бұл жерде баланың экрандық уақытты қалай алып жатқаны маңызды емес: ол мультфильм қарауы, планшетте ойын ойнауы немесе теледидар жай фон ретінде қосулы тұруы мүмкін.
Фон ретінде қосулы тұрған теледидар да бала үшін қауіпті
Көпшілік үйде теледидарды ешкім қарамаса да, ол күні бойы фон ретінде қосулы тұрады. Ата-ана ол балаға ешқандай зиянын келтірмейді деп ойлайды. Олар баланың жөнді теледидарға қарап отпағанын айтады. Алайда қарапайым фонның өзі де экрандық уақыт болып саналады. Дәрігерлердің пікірінше, фондық шулар — балаларда сөйлеу дамуының кешігуінің негізгі себептерінің бірі.
Көпшілік невролог-дәрігерлердің ойынша, бала тілінің кеш шығуының екі негізгі себебі бар. Біріншісі — ми ишемиясы, яғни, оттек жетіспеуі. Екіншісі — фондық шулар. Оларға барлық алаңдатушы факторлар жатады: теледидар, ұялы телефон, планшет, радио, тіпті, қаланың өте қатты шулары.
Экранға тәуелділік
Экрандар миға есірткі секілді әсер ететіні ешкімге құпия емес. Экрандарға қарау кезінде ләззат гормоны бөлінеді, сондықтан да ми оны қайта-қайта сұрай береді. Ашық түстер, жиі жылтылдайтын суреттер, жылжымалы эффекттер, интерактивті элементтер және түрлі өткір дыбыстар миға күшті ынталандырушы әсер береді. Бала оған қараған кезде «теледидар қосылды — ми сөндірілді» эффектісі іске қосылады.
Экранға тәуелділіктің салдарлары:
– жиі ашуланшақтық;
– ұйқы проблемалары;
– жылауықтық;
– гипербелсенділік;
– өздігінен ойнай алмау;
– әлеуметтік проблемалар;
– шығармашылық ойлаудың төмендеуі;
– қиялдың жетіспеуі.
Ата-ананың балаға бере алатын ең құнды нәрсесі — уақыт. Баламен бірге ойнау, онымен әңгімелесу, оған назар аудару, сүйіспеншілік пен қамқорлық сыйлау — баланың дұрыс әрі толыққанды дамуына қажетті негіз. Оны ешбір мультфильмдер мен гаджеттер алмастыра алмайды.
<a href="https://massaget.kz/kyizdarga/shayra/67287/">massaget.kz</a>

Жай қосулы тұрған теледидар балаға несімен қауіпті?

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 12533 адам коронавирус індетінен емделіп шықты, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 6694,
Алматы қаласы – 1421,
Шымкент қаласы – 74,
Ақмола облысы – 330,
Алматы облысы – 447,
Атырау облысы – 402,
Шығыс Қазақстан облысы – 289,
Жамбыл облысы – 59,
Батыс Қазақстан облысы – 82,
Қарағанды облысы – 1201,
Қостанай облысы – 202,
Қызылорда облысы – 300,
Маңғыстау облысы – 161,
Павлодар облысы – 542,
Солтүстік Қазақстан облысы – 36,
Түркістан облысы – 293.
Жалпы, пандемия басталғалы Қазақстанда коронавирус 1 216 522 адамнан анықталса, соның ішінде 1045172 жазылып шықты.

Өткен тәулікте 300 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a> Өткен тәулікте елімізде коронавирус инфекциясын жұқтырудың 11 753 жағдайытіркелді, деп хабарлайды coronavirus2020.kz.
Өңірлер бойынша:
Нұр-Сұлтан қаласында – 1 930,
Алматы қаласында – 2 253,
Шымкент қаласында – 130,
Ақмола облысында – 877,
Ақтөбе облысында – 408,
Алматы облысында – 582,
Атырау облысында – 267,
Шығыс Қазақстан облысында – 407,
Жамбыл облысында – 302,
Батыс Қазақстан облысында – 495,
Қарағанды облысында – 1 797,
Қостанай облысында – 595,
Қызылорда облысында – 97,
Маңғыстау облысында – 147,
Павлодар облысында – 970,
Солтүстік Қазақстан облысында – 430,
Түркістан облысында – 66.
Жалпы, пандемия басталғалы Қазақстанда коронавирус 1 216 522 адамнан анықталды.

Қызылордада 97 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Қызылорда облысында ауа райының қолайсыз болуынан «Шымкент-Самара» тасжолының бірқатар бөлігінде жол жабылды.
Қызылорда облыстық төтенше жағдайлар департаментінің мәліметіне сәйкес, «Шымкент-Самара» тасжолының 1473-1939 шақырым аралығында көліктің барлық түрінің қозғалысына жол жабық. Бұл Қазалы ауданының орталығы Әйтеке би және Шиелі кентінің аралығын қамтиды.
Сонымен қатар, 28 қаңтар Нұр-Сұлтан уақытымен сағат 00.00 бастап республикалық маңызы бар «Қызылорда-Павлодар-Успенка» автомобиль жолының Қызылорда қаласынан бастап Қарағанды облысының шекарасына дейінгі бөлігінде бүкіл көліктердің жүруіне тыйым салынды.
Сондай-ақ облыс орталығындағы көшелерде де көктайғақ көрініс берді. Осыған орай қала әкімдігі мәлімдеме жасады.
<blockquote>
 «Қазір көктайғақты болдырмау үшін коммуналды сала қызметкерлері күшейтілген режимде жұмыс жүргізуде. Оған «Қызылорда Тазалығы» ЖШС-нің 32 бірлік арнайы техникасы мен 120 қызметкері жұмылдырылды. Мамандар тәулік бойы ауысыммен жұмыс жасайды. Қала тұрғындарынан жолда абай болуын және жүргізушілерден көлік жылдамдығын үдетпеуін сұраймыз», – делінген хабарламада.
</blockquote>

Көктайғақ: Қызылордада жол жабылды

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев «Nur Otan» партиясының кезектен тыс ХХІ съезінде елдің дамуына қатысты маңызды мәселелерді көтерді.
Атап айтар болсақ, Мемлекет басышысы қоғамдық құндылықтар жүйесіне, саяси және әлеуметтік-экономикалық салаларға түбегейлі өзгеріс енгізу қажет екенін айтып, бұл мәселеге баса назар аударды. Азаматтық қоғам институттарына зор міндет жүктелетініне тоқталды. Осы орайда еліміздің дамуына бағытталған реформалардың жүзеге асуына ықпал етіп, мемлекеттің түрлі салада нақты жетістіктерге жетуіне үлес қосқан «Nur Otan» партиясының рөлі айрықша екенін атап өтті.
Президент сондай-ақ «қасіретті қаңтар» оқиғасын Тәуелсіздіктің 30 жылындағы ауыр сынақ болғанын айтты. Бұл оқыс оқиғалардың барлық себептері талданып, тиісті шаралар көрілетінін айтты. Сонымен қатар «қасіретті қаңтар» оқиғасынан сабақ алу қажет екенін нықтап айтты.
Аманжол ОҢҒАРБАЕВ,
Қызылорда облыстық мәслихат депутаты

Президент «Nur Otan» съезінде маңызды мәселелер көтерді

Kyzylorda-news.kz. Бүгін қала әкімі Ғанибек Қазантаев әлеуметтік маңызы бар тауарлардың бағасын тұрақтандыру мақсатында кешенді шараларды қабылдау қажеттілігін тапсырды. Ол үшін облыстық ауылшаруашылығы басқармасы, «Байқоңыр» ӘКК-сы қала әкімдігімен бірлесіп, бағаны тежеу бойынша жедел жұмыс жоспарын құруы тиіс.
Бүгінгі таңда азық-түліктің шекті құны белгіленгенімен, кейбір сауда желілерінде баға ауытқушылықтары орын алуда. Атап айтар болсақ, соңғы бір апта көлемінде сәбіз 150 теңгеден 152 теңгеге, пияз 76 теңгеден 80 теңгеге көтерілген. Нан бағасы да әркелкі.
«Қызылорда» оптомаркетінде -85 теңге; 
«Анвар» сауда үйінде – 79 теңге; 
«Мирас» сауда үйінде – 85 теңге; 
«Смол» сауда үйінде – 73 теңге; 
«Магнум» сауда үйінде – 77 теңге; 
«Ажар» сауда үйінде – 73/55 теңге; 
«Аль-Асад» сауда үйінде – 85/55 теңге аралығында.
Өңірлік тұрақтандыру қорынан алынған ұн 6 наубайханаға төмен бағада жеткізіледі. Олардан 55 теңгеден босатылып, әлеуметтік дүкендерде үстеме қойылмай сол бағада сатылуда.
Облыс орталығындағы 34 әлеуметтік дүкеннің 2-уі «KZO ET» жеке кәсіпкерлігіне сиыр етін 1650 теңгеден сату үшін берілген. Қалған 32 дүкен кәсіпкерлік субъектілеріне өтеусіз пайдалануға ұсынылған.
Тұрақтандыру қорының өнімдері 32 әлеуметтік дүкен арқылы және 15 сауда үйіне арнайы қойылған әлеуметтік бұрыштар арқылы сатылады. 
Жиын барысында әр аптаның сәрсенбісі мен сенбісінде жылжымалы сауда нүктелерін қою ұсынысы айтылды. Бұл бастама арқылы қала халқына қолжетімді бағамен сапалы азық-түлік тауарлары сатылып, өсімнің алдын алуға сеп болады.
<img src="https://kyzylorda-news.kz/wp-content/uploads/2022/01/fb_img_1643371496757.jpg" alt="" />

Қызылордада әлеуметтік азық-түліктің бағасы қанша?

<a href="https://kyzylorda-news.kz/">Kyzylorda-news.kz.</a> Биыл Қазақстан және КСРО Халық әртісі, Халық қаһарманы, Сыр елінің тумасы Роза Бағланованың 100 жылдық мерейтойы республика көлемінде аталып өтпек. Осыған орай шаһарда Роза Бағланованың ескерткішінің ашылу салтанаты мен жыл көлемінде әншінің шығармашылығына арналған ауқымды шара өткізілмек. Сондай-ақ, облыста жыл бойына өткізілетін мәдени шаралар легі көбейеді.
Жыл көлемінде қазақ өнерінің біртуар азаматтарына арналған ауқымды іс-шаралар басталмақ. Соның бірі – ақпан айында ғазиз ғұмыр иесінің 100 жылдығына орай «Дала қызғалдағы» атты Роза Тәжібайқызына арналған концерт өткізіледі. Ал сәуір айында «Ақмаңдайлым» атты республикалық байқауы мен қазан айында туған жері Қазалыда «Іңкәрім-ай» атты аймақтық әншілер конкурсы ұйымдастырылады.
<blockquote>
 “Сыр сүлейі, жырау Базар Оңдасынұлының 180 жылдығына арналған «Құмарын тарқат алқаның» атты республикалық жыршы-жыраулар байқауы мен «Базар жырау шығармашылығы рухани құндылықтар» атты ғылыми-танымдық конференциялар өткізу жоспарлануда. Күйші Әлшекей Бектібайұлының 175 жылдығына арналған «Дәуірлер бейнесі домбыра үнінде» атты республикалық күйшілер байқауы, Жаңақорған ауданында Әлшекей атындағы ұлт аспаптар оркестрінің концерті және «Күй абызы – Әлшекей» атты облыстық ұлт-аспаптар оркестрінің байқауы жыл бойына өтетін болады. Әнші, композитор, ҚР Еңбек сіңірген қайраткері Батырхан Шөкеновтің 60 жылдығына орай әншінің шығармашылығын кеңінен насихаттау мақсатында «Отан Ана» атты республикалық жас орындаушылар байқауы мен гала-концерт дәстүрлі түрде ұйымдастырылады. Биыл облысымыздағы кәсіби өнер ұжымы облыстық филармонияға 50 жыл. Осыған байланысты қазақ эстрада жұлдыздарының қатысуымен гала-концерт және филармонияның өнер ұжымдары мен жеке орындаушылардың концерттері жоспарға енгізілді, – деді облыстық мәдениет, архивтер және құжаттама басқармасының басшысы Асқарбек Есжанов.
</blockquote>
Айта кетейік, Мемлекет басшысы биылғы жылды «Балалар жылы» деп жариялаған болатын. Сол себепті балалардың бос уақытын тиімді өткізу мақсатында облыс кітапханалары оның ішінде балалар кітапханалары балаларға арналған жаңа әдебиеттермен толықтырылады.

Роза Бағланованың 100 жылдық мерейтойы республика көлемінде аталып өтеді

<a href="https://kyzylorda-news.kz/">Kyzylorda-news.kz.</a> Қызылорда облысында жастар саясаты саласына өзгерістер мен жаңа жұмыс бағыттары қажеттілігі туындап отыр. Осы орайда, түрлі сала өкілдерінен құралған қоғамдық кеңес өз жұмысын бастады.
Кеңес құрамына облыстық, қалалық, аудандық мәслихат депутаттары, ерекше жандар өкілдері, Тәжік-Ауған соғысының ардагерлері, ауыл жастарының өкілдері, ЖОО-ның проректорлары, жастар ұйымдарының мүшелері, қоғам белсенділері, кәсіподақ пен партия өкілдері және т.б. түрлі сала өкілдері енгізілген.
Кеңестің шешімімен кеңес төрағасы болып облыстық мәслихат депутаты, облыс әкімінің жастар мәселелері жөніндегі штаттан тыс кеңесшісі, “Сыр үміті” жастар қауымдастығының төрағасы Мағжан Абзалұлы Ералиев сайланды.

Қызылордада облыстық жастар қоғамдық кеңесі құрылды

<a href="https://kyzylorda-news.kz/">Kyzylorda-news.kz.</a> Бүгін «Nur Otan»&nbsp;партиясының кезектен тыс&nbsp;XXI Съезі өтіп, оған еліміздің барлық өңірінен 389 делегат онлайн-форматта қатысты, деп хабарлайды партияның баспасөз қызметі.&nbsp;
Жиын қарсаңында партияның Саяси кеңесінің қаулысымен бекітілген күн тәртібіне сәйкес қатысушылар үш мәселені қарады: 1. Партияның Төрағасын сайлау туралы; 2. Жарғыға өзгерістер мен толықтырулар енгізу туралы; 3. Саяси кеңес құрамына өзгерістер енгізу туралы.
1. Партияның Төрағасын сайлау туралы
Партияның кезектен тыс&nbsp;XXI Съезінің шешімімен елдің Тұңғыш Президенті – Елбасы Нұрсұлтан Әбішұлы Назарбаевтың ұсынысы бойынша Қазақстан Республикасының Президенті Қасым-Жомарт Кемелұлы Тоқаев бірауыздан «Nur Otan» партиясының Төрағасы болып сайланды.
2. Жарғыға өзгерістер енгізу туралы
Осы уақытқа дейін партиялық жарна жалақының ең төменгі мөлшеріне байланыстырылып, ең төменгі жалақының 0,7%-ін немесе жылына 3570 теңгені құрағаны белгілі.&nbsp;
Мемлекет басшысының шешіміне сәйкес осы жылдың қаңтарынан бастап барлық мемлекеттік төлемдерді ең төменгі жалақыға байланыстыру алынып тасталды.&nbsp;
Партия Жарғысына сәйкес партиялық жарнаның мөлшерін бекіту Съездің айрықша құзыретіне жататындықтан, бүгін делегаттар партиялық жарнаны айлық есептік көрсеткішке байланыстыра отырып есептеу туралы шешім қабылдады. Бұл айлық есептік көрсеткіштің 0,1-ін, яғни жылына 3676 теңгені құрайды.&nbsp;
Съездің 389 делегатының 389-ы Жарғыға өзгерістер енгізуге дауыс берді.
3. Партияның Саяси кеңесінің құрамына өзгерістер енгізу туралы
389 делегаттың 389-ы Саяси кеңес құрамының өзгерістеріне дауыс берді.&nbsp;
Оған партия мүшелерінің санына пропорционалды түрде барлық өңірдің өкілдері енді.&nbsp;
Жалпы, партияның жоғары өкілді органы 55%-ке жаңарды.
Әйелдердің үлесі 33,7%-ке дейін өсті. 35 жасқа дейінгі жастардың үлесі 6 есеге, 13%-ке дейін артты. Орташа жас мөлшері 4 жылға төмендеп, 47 жасты құрады. Мемлекеттік қызметшілер саны үштен бірге қысқарды.
Саяси кеңестің құрамында азаматтық сектордың өкілдері айтарлықтай артты.
Білім беру саласының өкілдері 2 есеге (10%) артты. ҮЕҰ мен БАҚ үлесі 2 еседен астамға, 15,2%-ке ұлғайды.&nbsp;
&nbsp;<a href="https://nurotan.kz/api/file/2751668">Партияның Саяси кеңесінің құрамы</a>

Қазақстан және Қызылорда облысының жаңалықтары