<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6951 адамн коронавирустан жазылды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 469,
Алматы қаласы – 1152,
Шымкент қаласы – 627,
Ақмола облысы – 263,
Ақтөбе облысы – 539,
Алматы облысы – 295,
Атырау облысы – 482,
Шығыс Қазақстан облысы – 106,
Жамбыл облысы – 157,
Батыс Қазақстан облысы – 141,
Қарағанды облысы – 1298,
Қостанай облысы – 283,
Қызылорда облысы – 210,
Маңғыстау облысы – 179,
Павлодар облысы – 476,
Солтүстік Қазақстан облысы – 143,
Түркістан облысы – 131.
Қазақстан бойынша жазылғандар саны – 604801.

210 қызылордалық коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7117 адамның коронавируспен ауырғаны ПТР арқылы расталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-20-tamyz-23-59-dagy-epidemiologiyalyk-zhagday_a3826607">coronavirus2020.kz</a>.
Аймақтар бойынша:
Нұр-Сұлтан қаласы – 951,
Алматы қаласы – 1625,
Шымкент қаласы – 328,
Ақмола облысы – 283,
Ақтөбе облысы – 450,
Алматы облысы – 400,
Атырау облысы – 300,
Шығыс Қазақстан облысы – 199,
Жамбыл облысы – 221,
Батыс Қазақстан облысы – 133,
Қарағанды облысы – 933,
Қостанай облысы – 259,
Қызылорда облысы – 162,
Маңғыстау облысы – 234,
Павлодар облысы – 373,
Солтүстік Қазақстан облысы – 164,
Түркістан облысы – 102.
Жалпы ел бойынша ауырғандар саны 730181.

Қызылордада 162 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қазақстан аумағының басым бөлігінде антициклон әсерінен жауын-шашынсыз ауа райы күтіледі, деп хабарлайды Қазгидромет.
Тек оңтүстік-шығысында және оңтүстігінде таулы аудандарында атмосфералық фронталды бөліктердің өтуімен жаңбыр жауады, найзағай болады. Республика бойынша желдің күшейюі, оңтүстікте шаңды дауыл, оңтүстік-шығысында бұршақ күтіледі.
Күндіз Жамбыл облысының таулы және тау бөктеріндегі аудандарда найзағай, бұршақ күтіледі, облыстың солтүстік-шығысында шаңды дауыл, облыстың солтүстік-шығысында және оңтүстік-батысында жел 15-20 м/с күшейеді.
Күндіз Алматы облысының таулы аудандарында найзағай күтіледі, облыстың солтүстік-шығысында жел 15-20 м/с күшейеді. Түркістан облысының батысында шаңды дауыл күтіледі, таулы аудандарында және батысында жел 15-20, күндіз екпіні 25 м/с күшейеді, күндіз таулы аудандарында найзағай болады.
Қызылорда облысының оңтүстік–шығысында және оңтүстігінде жел 15-20 м/с күшейеді, күндіз шаңды дауыл күтіледі. Қарағанды облысының оңтүстігінде, Шығыс Қазақстан облысының таулы аудандарында және оңтүстік-батысында, күндіз Батыс Қазақстан облысының оңтүстік-батысында жел 15-20 м/с күшейеді.
Күндіз Атырау, Батыс Қазақстан, Ақтөбе облыстарында қатты ыстық сақталады, Маңғыстау, Қостанай облыстарының оңтүстігінде қатты ыстық сақталады, Ақмола облысының оңтүстік-батысында қатты ыстық болады.
Маңғыстау, Батыс Қазақстан облысы, Атырау, Ақтөбе, Қызылорда, Түркістан, Жамбыл, Алматы облыстарының басым бөлігінде, Қарағанды облысының батысында, Қостанай, Ақмола, Шығыс Қазақстан облыстарының оңтүстігінде төтенше өрт қаупі сақталады.

21 тамызға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықованың төрағалығымен өткен мәжілісте егін жинау жұмыстарына дайындық және мал азығын дайындау барысы талқыланды.
Жиынға облыс әкімінің орынбасары Бахыт Жаханов, облыстық ауыл шаруашылығы басқармасының басшысы Талғат Дүйсебаев, облыстық табиғи ресурстар және табиғат пайдалануды реттеу басқармасының басшысы Бауыржан Шәменов, «Қазсушар» республикалық мемлекеттік кәсіпорны Қызылорда филиалы директорының орынбасары Жорабек Ерназаров, Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясы басшысы Сейілбек Нұрымбетов, «Байқоңыр» ӘКК» АҚ-ның басқарма төрағасы Ерлан Нұрланбаев, қала және аудан әкімдіктері онлайн селекторлық байланыс арқылы қатысты.
Жиында облыс әкімі аяқ су тапшылығын ескере отыра, ауыл шаруашылығы саласында бірқатар маңызды міндет қойылғанын атап өтті.
<blockquote>
 “Сонғы жылдардағы судың жетіспеушілігі салдарынан облыстың шаруашылық құрылымдары қиын жағдайда жұмыс жасап келеді. Биыл да су тапшылығы қайталанып, ауылшаруашылығы өндірісіне кері әсерін тигізуде. Су тапшылығын ескере отырып, біз күріш көлемін қысқартуға мәжбүр болдық. Дегенмен суды аз қажет ететін ауылшаруашылығы дақылдары есебінен жалпы егіс көлемін өткен жылмен салыстырғанда 3,9 мың гектарға ұлғайттық. Мемлекеттік қолдаудың және дихандардың еңбегінің арқасында көктемгі егін егу жұмыстары оңтайлы жүргізілді. Алда негізгі дақыл – күріштен жоғары өнім жинау міндеті тұр. Сондықтан қолда бар мүмкіндіктерді тиімді пайдаланып, егінді ысырапсыз, мерзімінде жинау және мал азығы қорын дайындау жұмыстарын сапалы атқаруымыз қажет”, – деді аймақ басшысы.
</blockquote>
Отырыста облыстық ауыл шаруашылығы басқармасының басшысы Талғат Дүйсебаев жем-шөппен қамтамасыз ету және егін жинау науқанына дайындық барысын баяндады. Биыл облыс бойынша егінге орақ салу жұмыстары тамыз айының үшінші он күндігінде бастауды және егін жинау науқанын ағымдағы жылдың 10 қазанынан кешіктірмей аяқтау жоспарлануда. Бүгінгі күнге 551,5 мың тонна шөп, немесе қажеттіліктің 71,6%-ы дайындалған.
Мұнан бөлек, 17 мың тонна жемдік астық және күріш өңдеу зауыттарынан 114,7 мың тонна күріш қалдығы өндірілетін болады. Сондай-ақ, басқарма басшысы қалған жетіспейтін жем көлемін «Азық–түлік келісімшарт» ҰК» АҚ арқылы сатып алынатынын жеткізді.
Отырыс барысында Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясы басшысы Сейілбек Нұрымбетов Шардара су қоймасындағы су көлемі және төменге су жіберу барысы туралы айтса, аудан әкімдері қысқа мал азығын дайындау жұмыстары барысы бойынша есеп берді.
Жиынды қорытындылаған облыс әкімі сала басшыларына бірқатар тапсырма берді. Мәселен, облыстық ауыл шаруашылығы басқармасына егін жинау және мал азығын дайындау жұмыстарына жеңілдетілген бағамен облысқа бөлінген дизель отынын бекітілген кестеге сәйкес мерзімінде жеткізілуін бақылауды және Арал ауданында апта сайын өтетін жәрмеңкелерге мал азығының бекітілген көлемде жеткізілуін қадағалауды тапсырды. Сондай-ақ, Қызылорда қаласы және аудан әкімдерімен бірлесіп, жиналған өнімді уақытылы әрі тиімді пайдалануын бақылау жүктелді.
Мұнан бөлек, тиісті мекеме басшыларына жұмыстар барысы туралы уақытылы есеп беріп, сапалы жүргізілуін қамтамасыз ету, ауыл шаруашылығы жануарларының ауруын болдырмау және «Азық-түлік келісімшарт корпорациясы» акционерлік қоғамы арқылы жемдік азықтарды сатып алу жұмыстарын үйлестіру жөнінде тапсырма берілді. Ал, Арал ауданының әкімдігіне алдағы уақытта шаруа қожалықтарына жем-шөп қорын дайындауды алдын-ала жүзеге асыру қажеттігін түсіндіру міндеттелді.
<blockquote>
 “Қысылтаяң кезеңде жем-шөп дайындауға көмек көрсетіп, қолдау білдірген Жамбыл, Ақтөбе, Түркістан облыстарына, көрші аудандарға алғыс айтамыз. Дегенмен, алдағы уақытта шаруаларымыз өз бетінше алдын-ала қамдану керек. Жұмыс істеу алгоритмін жасап, жүйелі дайындық шараларын ұйымдастыру қажет”, – деп ескертті аймақ басшысы.
</blockquote>
Жиында көтерілген тапсырмалардың орындалуын бақылау және үйлестіру облыс әкімінің орынбасары Бахыт Жахановқа жүктелді.
<img src="https://kyzylorda-news.kz/wp-content/uploads/2021/08/fb_img_1629471616052.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629471623248.jpg" alt="" />

Гүлшара Әбдіқалықова: Егінді ысырапсыз жинау, мал азығы қорын дайындау жұмыстарын сапалы атқаруымыз қажет

<a href="https://kyzylorda-news.kz/">Kyzylorda-news.kz</a>. Бүгін Достық үйінің мәжіліс залында Тәуелсіздіктің 30 жылдық мерекесіне орай облыстық Қазақстан халқы Ассамблеясының ұйымдастыруымен этножурналистика саласындағы облыстық «Шаңырақ» шығармашылық байқауының жеңімпаздары марапатталды.
Жүлдегерлерді облыстық ішкі саясат басқармасының «Қоғамдық келісім» КММ директорының міндетін атқарушы Фархат Әбдібағдатұлы марапаттап, бұқаралық ақпарат құралдары өкілдеріне этносаралық татулық пен бірліктің нығаюына қосқан елеулі еңбектері үшін ризашылығын білдірді.
Жыл сайын Қазақстан халқы Ассамблеясының қолдауымен барлық өңірлерде ел бірлігін сақтау жолында, ауызбіршілікті одан әрі дамыту ниетінде кеңінен қалам тербеп жүрген ақпарат құралдарының өкілдері арасында дәстүрлі түрде шығармашылық байқаулар өткізіліп келеді.
Бұл жолғы байқаудың мақсаты – Тәуелсіздіктің 30 жылдығына орай елдегі татулық пен бірліктің беріктігін насихаттау, этносаралық қатынастар тақырыбын жазып, көрсететін журналистерді ынталандыру арқылы елдегі қоғамдық келісімді нығайту болып табылады.
Биылғы жылдың 1 наурызынан бастап байқауға бірнеше өтінімдер келіп түсті. Республикалық, облыстық, қалалық, аудандық телеарна мен баспасөзден 17 өтінім қабылданып, қаралды.
Қазылар алқасының төрағасы облыстық «Сыр бойы» газетінің бас редакторы Қуат Шарабидинов, құрамында белді де беделді, өз саласының білгірлері «Егемен Қазақстан» газетінің Қызылорда облысы бойынша меншікті тілшісі Мұрат Жетпісбаев, Журналистер мен сарапшылар клубының төрайымы, Назарбаев Зияткерлік мектебінің баспасөз хатшысы Елена Рыбина және Қорқыт ата атындағы Қызылорда университетінің Қазақ тілі мен әдебиеті және журналистика кафедрасының меңгерушісі, PhD докторы Ақерке Жолмаханова болып, барлық шығармашылық жұмыстарды қарап, саралап тиісті бағаларын қойды.
Нәтижесінде, қазылар алқасының шешімі бойынша «Үздік репортаж» номинациясы бойынша облыстық «Қызылорда» телеарнасының тілшісі Гүлфайруз Пірмағанбет, «Танымдық мақала» номинациясы бойынша Сырдария аудандық «Тіршілік тынысы» газетінің тілшісі Балтабай Ордабеков, «Үздік мақала» номинациясы бойынша облыстық «Кызылординские вести» газетінің меншікті тілшісі Максут Ибрашев, «Өзекті мақала» номинациясы бойынша қалалық «Ақмешіт апталығы» газетінің тілшісі Ерсін Шамшадин, «Ең үздік телевизиялық репортаж» номинациясымен республикалық «Хабар24» телеарнасының облыстағы меншікті тілшісі Нұрлан Жақыпбеков, «Ең үздік мақала» номинациясымен облыстық «Сыр бойы» газетінің тілшісі Ержан Қожас марапатталды.
Барлық жеңімпаздарға ақшалай сертификаттар табысталды.

&#8220;Тәуелсіздіктің 30 жылдығы&#8221;: Қызылордада &#8220;Шаңырақ&#8221; байқауы қорытындыланды

*<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова қаладағы бірқатар білім мекемелеріне барып, мектептердің жаңа оқу жылына дайындығын саралады.*
Алдымен аймақ басшысы Әли Мүсілімов атындағы №101 мектеп-лицейіне барып, оқу процесіне әзірлікті бақылады. Білім ошағында 230 педагог қызмет істесе, оның 99 пайызы коронавирусқа қарсы екпенің толық курсын алған. Қазір мектепте оқитын 2200-ден аса оқушының ата-анасына екпенің маңыздылығы, «Ashyq» қосымшасы туралы түсіндірме жұмыстары жүргізіліп жатыр.
Биыл мектепте 1-сыныпқа 258 бала қабылданбақ. Олардың қауіпсіздігі үшін “бір сынып, бір кабинет” жүйесі сақталған. Өңір басшысы оқушылардың толыққанды, кедергісіз білім алуы үшін карантиндік талаптарды қатаң сақтауды назарға салып, дәстүрлі форматта білім алуға оралған әрбір оқушының денсаулығына жете мән беру керектігін қатаң тапсырды.
<blockquote>
 «Дәстүрлі форматта балаларымыз мектепке келіп оқитындықтан балалардың карантин талаптарын нақты орындап, сақтық шараларын сақтауына көңіл бөлінуі тиіс. Оқушылар арасында түсіндірме жұмыстарын күшейту қажет. Ал, әрбір педагог балалардың денсаулығы үшін екпенің толық курсын алуы маңызды» – деді облыс әкімі.
</blockquote>
Мұнан кейін облыс әкімі Жанәбіл Нұрманов атындағы №198 орта мектептің оқу жылына дайындығын саралады. Негізі 1966 жылы қаланған мектепте 2000-нан аса оқушы білім алады. Өткен оқу жылында 287 оқушы дәстүрлі форматта, қалған 1875 білім алушы онлайн форматта оқыған. Биыл бұл мектепте 1-сыныпқа 785 бала қабылданады. Жаңа оқу жылындағы тағы бір жаңалық – қазақ сыныбының ашылуы.
Гүлшара Әбдіқалықова қалыптасқан жағдайды ескере отырып, мектепке оралатын оқушылардың қауіпсіздігі үшін мұғалімдер мен ата-аналардың жауапкершілігі аса маңызды екенін тілге тиек етті. Білім нысандарын бақылауға алған облыс әкімі С.Толыбеков атындағы №3 мектеп-лицейінде де болды. Мұнда екі мыңнан аса бала білім алады. Ұстаздардың 100 пайызы екпе салдырған. Оқушы санының көптігіне байланысты мектеп үш ауысымға ауысу қаупінде тұр. Бұған байланысты облыс әкімі білім басқармасының басшысы Ақзира Қасымоваға аталған мәселені шешу тетіктерін қарастыруды және адам шоғырын шектеу үшін жаңа оқу жылында барлық мектептерге «бір сынып – бір кабинет» жүйесін қолдануды тапсырды. Оқудың дәстүрлі форматта өтуіне байланысты барлық мектептер «ASHYQ» қосымшасына қосылған. Сонымен бірге, мектеп оқушыларының күнделікті дене қызуын өлшеніп, маскалық режимнің сақталуы, кварцтау, желдету, дезинфекциялау шараларын қатаң сақтауы тиіс.
Айта кетейік, аймақтағы 177 196 оқушының он пайызы мектеп табалдырығын алғаш аттайды. Яғни 18 мыңнан аса оқушы үшін “Әліппе” мен «Ана тілі» оқулығы беріледі. Білім ошақтарын аралаған облыс әкімі жаңа оқу жылына дайындық барысын тағы бір пысықтап, санитарлық-эпидемиологиялық шараларды толық бақылауда ұстап, қажетті қадамдарды уақытылы орындау қажет деді.
<img src="https://kyzylorda-news.kz/wp-content/uploads/2021/08/fb_img_1629471737133.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629471742900.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629471756284.jpg" alt="" />

Гүлшара Әбдіқалықова жаңа оқу жылына дайындық барысын саралады

<a href="https://kyzylorda-news.kz/">Kyzylorda-news.kz</a>. Бүгін аудан әкімі Мұхтар Оразбаев мал қыстату науқанына дайындық жұмыстарымен танысу үшін Бозкөл, Аранды, Бірлік және Өркендеу ауылдық округтеріне арнайы барды.
Бозкөл ауылының тұрғыны Аман Дәулетбаев «Тайкеткен» учаскесіндегі шабындық жерден пресс шөп дайындауда. Шабындық басындағы азаматтардың қимылы ширақ. Олардың бірі техникалардың көмегімен шөпты орып жатса, екіншілері орылған шөпті пресстеуде.
Аранды ауылдық округіндегі «Агро-Өркен» ЖШС егіс алқабынан көршілес Қожабақы, Бозкөл, Бірлік ауылдық округтерімен қатар, Қазалы қаласы және Ақсуат ауылының тұрғындары шөп дайындауда.
Серіктестік директоры Нүркен Әлиев аудан басшысына қысқы мал азығын дайындау барысы туралы кеңінен айтып берді.
<blockquote>
 “Қазіргі таңда біз жаңа жоңышқаны орып жатырмыз. Дайын жоңышқа шөбін аудан тұрғындарына сатып жатырмыз. Серіктестіктің жұмысшылары мен ауылдағы мүмкіндігі шектеулі азаматтарға өз есебімізден 4500 пресс шөбін тегін үлестірдік. Одан бөлек, егістік жерінен тұрғындар орақпен шөп орып жатыр. Бүгінгі күннің өзінде 10-нан астам машина шөп алып кетті”, – дейді серіктестік директоры.
</blockquote>
Бірлік ауылдық округінің тұрғындары қысқы мал азығын негізінен «Алшын» ЖШС егістік алқабынан дайындайды. Судың кеш берілуіне байланысты мұндағы шөптің бойы аласа. Аздаған күннен соң ауылдағы шөп оратын бригадалар пішен оруға білек сыбана кіріседі. Бұл туралы аудан басшысы Мұхтар Оразбаевқа Бірлік ауылдық округінің әкімі Өміртай Өтеп-Әлі айтып берді.
Аудан әкімі Мұхтар Оразбаев мұнан соң «Айдәулет» шаруа қожалығының шабындығына жол тартып, шөп дайындаушылармен кездесті.
Кездесуде шаруа қожалықтың төрағасы, Жанкент ауылының тұрғыны Берік Жиеналиев шаруаның жайымен таныстырды. Шаруа қожалықтың иелігінде 210 гектар шабындық жер бар. Бұған дейін 30 гектар жерден 3500 пресс дайындап, аудан тұрғындарына сатып жатыр.
<blockquote>
 “Осы жерде отбасыммен бірге еңбек етіп жатырған жайымыз бар. Үлкен ұлым трактормен шөп шауып, оны пресстейді. Демалыстағы немерелерім шөп жинауға қолғабысын тигізіп жатыр. Әзірге тек қана пішен пресс дайындап жатырмыз. Өкінішке орай биылғы жылы еккен жоңышқаларымыз шықпай қалды”, – деген Берік Жиеналиев шөптің бағасы тұрғындар үшін тиімді екенін айтты.Шаруашылық төрағасының айтуынша, пресстің бағасы ауыл тұрғындары үшін 500-550 теңге болса, сырттағыларға 600 теңгеден екен.
</blockquote>
Шабындық басындағы жігіттердің қимылына риза болған аудан басшысы олардың жұмысына сәттілік тіледі. Мұхтар Әуесұлы шаруа қожалықтың төрағаларына ауыл тұрғындарына шөпті мүмкіндігіне қарай арзан бағамен беру жөнінде ұсыныс айтты.Аудан әкімі Мұхтар Оразбаев Бозкөл ауылына сапары кезінде тұрғындардың «Дөненбай» каналының етегіне еккен бақшасына барды.
Бұл жерде Байболат Жүсіпов бақша дақылдарын еккен. Ерте көктемнен басталған тынымсыз тірліктің арқасында мұнда қауын-қарбыздан бөлек, картоп, сәбіз, жуа да бітік шыққан. «Жерді баптай білсең, ол өз жемісін береді. Ең бастысы жақсы күтім қажет» деген аудан әкімі Мұхтар Оразбаев дала диқандарының еңбегі көпке үлгі екенін айтты.
Аудан әкімі Мұхтар Оразбаев Бозкөл, Қожабақы, Бірлік және Жанкент ауылдарына сапары кезінде ветеринариялық пункттерге арнайы соғып, жұмыстарымен танысты.
<img src="https://kyzylorda-news.kz/wp-content/uploads/2021/08/kazaly-1.jpg" alt="" />
<img src="https://kyzylorda-news.kz/wp-content/uploads/2021/08/kazaly-2.jpg" alt="" />

Қазалы ауданының әкімі мал қыстату науқанына дайындық жұмыстарымен танысты

<a href="https://kyzylorda-news.kz/">Kyzylorda-news.kz</a>. Бүгін Қызылорда қаласында аймақтағы тұңғыш техника ғылымдарының кандидаты Базарбек Қашқынбаев атына көше берілді, деп хабарлайды университет медиа орталығы.
Қызылорда қаласындағы Саяхат-5 көшесі енді ғалым-ағартушы, Қорқыт ата атындағы Қызылорда университетінің&nbsp; профессоры, техника ғылымдарының кандидаты Базарбек Қашқынбаев есімімен аталатын болады. Шараның ашылуына қала әкімінің орынбасары Асқарбек Есжанов, ҚР Парламенті Сенаты әлеуметтік – мәдени даму және ғылым комитетінің&nbsp; төрағасы Мұрат Бақтиярұлы және техника ғылымдарының докторы, Қызылорда қаласының «Құрметті азаматы» Қылышбай Бисенов, Қорқыт ата атындағы Қызылорда университеті ардагерлер кеңесінің төрағасы Қазыбай Құдайбергенов, Қорқыт ата атындағы Қызылорда университетінің әлеуметтік және тәрбие жұмыстары жөніндегі проректоры Жандос Базартай, профессор-оқытушылар, зиялы қауым өкілдері мен қала тұрғындары қатысты.
<blockquote>
 «Ұлағатты ұстаздың есіміне құрмет көрсетіп, Қазақстан Республикасы Үкіметінің жанындағы Республикалық ономастика комиссиясының 2021 жылғы 3 ақпандағы қорытындысына сәйкес, Қызылорда облыстық мәслихатының шешімімен Қызылорда қаласынан Қашқынбаев Базарбек Қашқынбайұлы&nbsp; атына көше берілді. Қорқыт Ата атындағы Қызылорда университетінде профессордың атында арнайы дәрісхана бар. Ғылымдағы салған сара бағыты мен ізденістері жалғасын табуда. Қазіргі таңда облысымызда білім және ғылым саласында қызмет еткен тұлғаларды насихаттау жұмыстары қарқынды жүруде. Бұл біз үшін үлкен қуаныш. Алдағы уақытта да өз жалғасын табады деп сенеміз»,-деді Қазыбай Құдайбергенов.
</blockquote>
<img src="https://kyzylorda-news.kz/wp-content/uploads/2021/08/01-1-scaled.jpg" alt="" />

Профессор Базарбек Қашқынбаев атына көше берілді

<a href="https://kyzylorda-news.kz/">Kyzylorda-news.kz</a>. Қызылорда қаласындағы ірі мұнай компаниялардың басшысы Қызылорда облысы Полиция департаментінің Сырдария аудандық полиция бөліміне тамыз айының 16-на қараған түні мұнай кешенінде белгісіз біреулердің 500 дана темір трубаларын ұрлап кеткені туралы арызданған. Жалпы келтірілген шығын көлемі 990 мың теңгені құрады.
Аталған дерек бойынша тіркеліп, тергеп-тексеру амалдары жүргізілуде.&nbsp;Жүргізілген жедел-тергеу жұмыстарының нәтижесінде осы қылмысқа қатысы бар екі күдікті азамат анықталып, ұсталды. Олар қала орталығының тұрғындары екені белгілі болды.
Қазіргі таңда күдіктілерге қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды. Оқиғаның мән-жайы анықталуда.

Қызылордада мекеменің мүлкін тонаған күдіктілер қолға түсті

<a href="https://kyzylorda-news.kz/">Kyzylorda-news.kz</a>. Балық шаруашылығы дүние жүзінде халықты азық-түліктің құнды, бағалы балық өнімдерімен қамтамасыз ететін, халық шаруашылығының белгілі бір басты маңызды саласы болып табылады.
Сондықтан да, дүние жүзінің барлық елдерінде балық шаруашылығы өндірісі ғылыми жолға қойылған. Қазіргі таңда, Елбасының Қазақстан халқына 50 елдің қатарына ену саясатына байланысты, жаппай өндірістің жандана бастаған кезінде, халықты бірден-бір азық-түлікпен қамтамасыз етіп қана қоймай, балық өнімдерін басқа елдерге көрсете алатындай дәрежеге жеткізуге Қызылорда облысында негіз бар.
Қызылорда облысы аумағынан ағып жатқан Сырдария өзенінен суармалы егістікке су алатын 19 ірі каналдар бар, бұл каналдар басы Басықара каналы 1928 жылы, басқалары 1953, 1966, 1976 жылдары, соңы Сунақата каналы 1984 жылы пайдалануға берілген. Осы каналдарды қазу, іске қосу кезінде жобалық сметалық құжаттарында балықтарды қорғау құрылғылары қаралмаған.
Қызылорда облысы аумағында жыл сайын шамамен 200 мыңдаған гектар егістік алқаптарында (оның ішінде: күріш, дәнді-дақыл, шөп, жеміс-жидек және т.б.) егін егіледі. Қызылорда облысы аумағынан ағып жатқан Сырдария өзені суының көп бөлігі осы егістік алқаптары мен ирригациялық (суландыру) жүйелерге жіберіледі. Соның салдарынан, жылда миллиондаған балық шабақтары осы егістік алқаптары мен су жүйелеріне осы каналдар арқылы өтіп өсіп-өнеді, жаз аяғына каналдарды жабу барысында балық шабақтары бөлектенген суларда қалып, қырылу қауіпі фактілері туындауы ықтимал.
Оның алдын алу мақсатында, Арал-Сырдария облысаралық бассейндік балық шаруашылығы инспекциясының қадағалауымен акция ұйымдастырылып, балық шаруашылығына маңызы бар су айдындарының және (немесе) учаскелерінің жануарлар дүниесін пайдаланушыларының өздеріне жүктелген міндеттемелеріне сәйкес, егістік алқаптарынан, ирригациялық жүйлерінен және бөлектенген су айдындарынан және (немесе) учаскелерінен қалған балық шабақтарын құтқару жұмыстарын жүргізіп, болмаса балық өсіретін питомниктерден балық шабақтарын сатып алып, балық шаруашылығына маңызы бар су айдындарын және (немесе) учаскелерін балықтандырулары қажет.
Сонымен қатар, Қызылорда облысы әкімдігімен Қызылорда облысы көлеміндегі күріштік алқаптардағы балық шабақтарын құтқару жұмыстарының іс-шаралар жоспары бекітіліп, ағымдағы жылдың тамыз айының аяғынан бастап балықтандыру науқаны басталып, қараша айы аралығында өз жалғасын табады. Статистика бойынша су айдындарына жіберілген балық шабақтарының 70-80 пайызы әрі қарай өсіп жетіледі екен. Мұндай игі шара биыл да жалғасын тауып, сусыз тіршілік ете алмайтын балық шабақтары Қызылорда облысы көлеміндегі су айдындарына және (немесе) учаскелеріне жіберіліп, балық қорын молайту мүмкіндігі артты.
Тағы айта кететіні, «Балық ресурстары мен басқа да су жануарларын сақтау және өсімін молайту» бюджеттік бағдарламасы бойынша «Қамыстыбас балық питомнигі» республикалық мемлекеттік қазынашылық кәсіпорны мемлекеттік тапсырманы орындау мақсатында, жыл сайын 14,8 млн. осы жаздық, 0,42 млн. екі жаздық тұқы, дөңмаңдай, ақ амур балық шабақтарын тоғандарда өсіреді.
«Қазақ балық шаруашылығы ғылыми-зерттеу институты» ЖШС-нің Арал филиалы тоғандарда өсірілген балық шабақтарын балық шаруашылығына маңызы бар су айдындарына және (немесе) учаскелеріне жіберу орнын айқындайды.
«Қамыстыбас балық питомнигі» Республикалық мемлекеттік қазынашылық кәсіпорны балық шаруашылығына маңызы бар су айдындарына және (немесе) учаскелеріне жіберілетін өсірілген балық шабақтары өнімінің есебін алып, ағымдағы жылдың қыркүйек айының аяғынан бастап қазан айы аралығында өсірілген бір және екі жаздық балық шабақтары айқындалған орындарына, яғни Арал ауданында орналасқан Қамбаш көлі мен Кіші Арал теңізіне жіберу науқаны басталады. Су айдындарына және (немесе) учаскелеріне жіберілетін барлық балық шабақтарының саны: бір жаздық – 14 млн. 800 мың дана және екі жаздық – 420 мың дана.
Балықтандыру жөнінде жүргізіліп жатқан іс-шаралар жайында жұртшылықты хабардар ету мақсатында облыстық пен жергілікті бұқаралық ақпарат құралдарының және Қызылорда облысындағы телеарналарының өкілдері қатыстырылады.
Су объектілерін балық шаруашылық мелиорациялау жөніндегі жұмыстарының бірі – ол балықтың қырылу қаупі бар және бөлшектенген су айдындарынан балықтар мен олардың шабақтарын қорғау, құтқару.
Су айдындарына балық жіберу – өз өсімін өзі молайтатын популяцияларды жасау, құнды, бағалы, сирек кездесетін және құрып бара жатқан балықтардың түрлерін сақтау және тауарлық өнім алу мақсатында, балық шаруашылығына маңызы бар су айдындарында және (немесе) учаскелерінде балық өсіру материалдары мен балық ресурстарын және басқа да су жануарларын жіберу (балықтандыру).
Осыған орай, келешек ұрпаққа балық қорын сақтауға ел болып ат салысайық!
Ербол Құшқынбаев,
Арал-Сырдария облысаралық бассейндік
балық шаруашылығы инспекциясының
Балық шаруашылығы бөлімінің бас маманы

Ербол Құшқынбаев: Келешек ұрпаққа балық қорын сақтауымыз керек

<a href="https://kyzylorda-news.kz/">Kyzylorda-news.kz</a>. Жалағаш ауданының әкімі Асылбек Шаменовтың қатысуымен Аламесек ауылдық округінде «Туған жерге тағзым» жобасы аясында елді мекенді көркейту-көгалдандыру, абаттандыруға байланысты өзара ынтымақтастық жөніндегі меморандумына қол қою рәсімі өтті.
Аудан басшысы жоба аясында осы уақытқа дейін атқарылған жұмыстарды баяндап шықты.
<blockquote>
 «Ауылдың жағдайын жақсартамын, елді мекенді көркейту-көгалдандыру, абаттандыру жұмыстарына өз үлесімді қосамын деп біздің ұсынысымызға бей-жай қарамай ынтымақтастық қолын созған азаматтарға ауыл халқы атынан алғысымды білдіремін. Алдағы уақытта «Қарабура Ата» фермерлік қожалығы құны 5 млн. теңгені құрайтын елді мекендегі кіре беріс жолын жарықтандыру жұмыстарын, «Жаңа арық» шаруа қожалығы 6 млн. теңгені құрайтын осы жолды абаттандыру жұмыстарын қолға алмақ. Сонымен қатар, құны 5 млн. теңге болатын «Ипподром» құрылыс салу жұмыстарын «Көктөбе» шаруа қожалығы, 4 млн. теңге болатын Өмірбай шешен көшесін абаттандыру жұмыстарын «Нағи» шаруа қожалығы жүзеге асырмақ. Игілікті істің бастамасына сәттілік тілеймін»,-деді Асылбек Шәменов.
</blockquote>
Кездесуде “Қарабура ата”, “Жаңа арық”, “Көктөбе”, “Нағи” шаруа қожалықтарының төрағаларымен меморандум жасалып, ақсақалдар батасын берді.

«Туған жерге тағзым»: Жалағаштық кәсіпкерлер меморандумға қол қойды

<a href="https://kyzylorda-news.kz/">Kyzylorda-news.kz</a>. Қазақстанда уран өндіруші компанияларды күкірт қышқылымен қамтамасыз ететін қызылордалық «СКЗ-U» ЖШС-де 260 адам жұмыс істейді. Бүгінде компанияның 3 қызметкері ғана денсаулық жағдайына байланысты екпе салдырмаған.
Компанияның өндірістік қауіпсіздік жөніндегі бас техникалық жетекшісі Дүйсен Шардарбеков үзіліссіз жұмыс істеп тұрған күкірт қышқылы зауыты қызметкерлерінің қауіпсіздігі үшін екпеге қатысты шаралардың кең ауқымда және кешенді жүргізілгенін атап өтті.
<blockquote>
 «Екпе шаралары басталған алғашқы уақытта санитарлық-эпидемиологиялық саланың мамандарын зауытқа арнайы шақырттық. Әрине, бастапқыда бәріміздің де сұрағымыз көп болды. Мамандардың кеңесінен кейін жұмысшылар біртіндеп екпе ала бастады», – деді «СКЗ-U» ЖШС маманы Дүйсен Шардарбеков.
</blockquote>
Компания сала мамандарының кеңесінен бөлек, екпе алған әр қызметкерге екі күн демалыс, сондай-ақ 15 000 теңге сыйақы берген.
Бұдан басқа, әртүрлі номинация тағайындап, заттай сыйлықтар да табысталған. Тіпті зауыттағы қызметкерлер «біріміз бәріміз үшін, бәріміз біріміз үшін» деген ұранмен өзара жарыс ұйымдастырып, толықекпе алған бөлімдер де болған.
<blockquote>
 «Мұндай шаралар қызметкерлерімізді ынталандыру үшін жасалды. Мамандарымызға ыңғайлы болу үшін медицина қызметкерлері екпені зауытқа келіп салды. Жұмысшыларға тағы бір тиімді тұсы – олардың алдында бірінші компонентін жұмыста, екіншісін өзге жерде аламын деген мәселе болған жоқ. Себебі вахталық әдіспен бір ай жұмыс істегендіктенекі компонентті де бір жерден алды», – деді компания маманы.
</blockquote>
Бүгінде «СКЗ-U» ЖШС-да жұмыс істейтін 260 қызметкердің 257-сі бірінші компонентін, 253-і екінші компонентін салдырған. Ал қалған үш қызметкергедәрігерлерденсаулығына байланыстыәзірге рұқсат бермей отыр.
<blockquote>
 «Олар денсаулығы жақсарған соң алатынын айтты. Жалпы қызметкерлеріміз өздерінің ғана емес ұжымдастарының, сондай-ақ туған-туыстарының денсаулығы үшін екпе алудың қаншалықты маңызды екенін жақсы түсінеді. Екпе алуда белсенді болуы да осы азаматтық ұстанымын көрсетеді», – дейді компанияның өндірістік қауіпсіздік жөніндегі бас техникалық жетекшісі Дүйсен Шардарбеков.
</blockquote>
Қызылорда облысы кәсіпкерлер палатасының директоры Ғалымбек Жақсылықов ұжымдар арасында аталмыш мәселеге қатысты түсіндірме жұмыстары тұрақты жүргізіліп жатқанын айтты. Бүгінге дейін облыста кәсіпкерлік субъектілерінде жұмыс істейтін 14 мыңға жуық азамат екпе алған. &nbsp;
<img src="https://kyzylorda-news.kz/wp-content/uploads/2021/08/3fca841d-bef2-49ba-bba6-6a081e02367a.jpg" alt="" />
<img src="https://kyzylorda-news.kz/wp-content/uploads/2021/08/0f0ec78b-271f-4501-81b8-8e4849804a40.jpg" alt="" />

Қазақстан және Қызылорда облысының жаңалықтары

210 қызылордалық коронавирустан жазылды

Қызылордада 162 адамнан коронавирус анықталды

21 тамызға арналған ауа райы болжамы

Гүлшара Әбдіқалықова: Егінді ысырапсыз жинау, мал азығы қорын дайындау жұмыстарын сапалы атқаруымыз қажет

“Тәуелсіздіктің 30 жылдығы”: Қызылордада “Шаңырақ” байқауы қорытындыланды

Гүлшара Әбдіқалықова жаңа оқу жылына дайындық барысын саралады

Қазалы ауданының әкімі мал қыстату науқанына дайындық жұмыстарымен танысты

Профессор Базарбек Қашқынбаев атына көше берілді

Қызылордада мекеменің мүлкін тонаған күдіктілер қолға түсті

Ербол Құшқынбаев: Келешек ұрпаққа балық қорын сақтауымыз керек

«Туған жерге тағзым»: Жалағаштық кәсіпкерлер меморандумға қол қойды

Қызылорда: «СКЗ-U» серіктестік қызметкерлерінің 99 пайызы вакцина салдырды

Қазақстан және Қызылорда облысының жаңалықтары

210 қызылордалық коронавирустан жазылды

Қызылордада 162 адамнан коронавирус анықталды

21 тамызға арналған ауа райы болжамы

Гүлшара Әбдіқалықова: Егінді ысырапсыз жинау, мал азығы қорын дайындау жұмыстарын сапалы атқаруымыз қажет

&#8220;Тәуелсіздіктің 30 жылдығы&#8221;: Қызылордада &#8220;Шаңырақ&#8221; байқауы қорытындыланды

Гүлшара Әбдіқалықова жаңа оқу жылына дайындық барысын саралады

Қазалы ауданының әкімі мал қыстату науқанына дайындық жұмыстарымен танысты

Профессор Базарбек Қашқынбаев атына көше берілді

Қызылордада мекеменің мүлкін тонаған күдіктілер қолға түсті

Ербол Құшқынбаев: Келешек ұрпаққа балық қорын сақтауымыз керек

«Туған жерге тағзым»: Жалағаштық кәсіпкерлер меморандумға қол қойды

Қызылорда: «СКЗ-U» серіктестік қызметкерлерінің 99 пайызы вакцина салдырды

“Тәуелсіздіктің 30 жылдығы”: Қызылордада “Шаңырақ” байқауы қорытындыланды