<a href="https://kyzylorda-news.kz/">Kyzylorda-news.kz.</a> Қызылордада жаппай тәртіпсіздік кезінде белгісіз тұлғалар ұялы телефон аксессуарларының дүкеніне ұрлыққа түскен.
Жүргізілген жедел-іздестіру шараларының нәтижесінде күдікті азамат ұсталды.
Оның тұрғылықты мекен жайын тінту барысында 3 дана «M26 PLUS» үлгісіндегі смарт сағаты, 2 – дана​ «AіR Pods», 1 – дана «Samsung» құлаққабы айғақ зат ретінде алынды.
Қазіргі таңда аталған дерек бойынша Қазақстан Республикасының Қылмыстық кодексінің 188-бабының 3-бөлігінің 3-тармағы (Ұрлық, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотқа дейінгі тергеп-тексеру амалдары жүргізілуде.

Жаппай тәртіпсіздік: Қызылордада ұялы телефон аксессуарлар дүкенін тонаған тұрғын ұсталды

<a href="https://kyzylorda-news.kz/">Kyzylorda-news.kz.</a> Мерзімді түрде әлеуметтік желілерде медициналық сақтандырусыз көмек қажет болған кезде оны алу мүмкін емес деген қате пікір қалыптастыратын жарияланымдар пайда болады.
Әлеуметтік медициналық сақтандыру қоры МӘМС жүйесінде сақтандырылмаған пациенттердің қандай медициналық көмекке сенім арта алатындығын және ол қызметтің қалай көрсетілетінін еске салуға шешім қабылдады. Әлеуметтік медициналық сақтандыру қоры медициналық көмектің бірыңғай сатып алушысы болып табылады және тегін медициналық көмектің кепілдік берілген көлемі (ТМККК) шеңберінде және міндетті медициналық сақтандыру (МӘМС) жүйесінде халыққа көрсетілген медициналық қызметтер үшін ақы төлеуді жүргізеді.
МӘМС тізбесіндегі қызметтер
«САҚТАНДЫРЫЛҒАН» мәртебесі бар азаматтарға ұсынылады.
Сақтандырылмаған пациенттер қандай көмек күте алады?
Оларға ТМККК-де көзделген медициналық көмектің түрлері ұсынылады. ТМККК кімге тиесілі? Тегін медициналық көмектің кепілдік берілген көлемі бюджет қаражатынан төленеді және олар:
– Қазақстан Республикасының азаматтарына, – қандастарға,
– босқындарға,
– Қазақстан Республикасының аумағында тұрақты тұратын (және тұруға ықтиярхаты бар) шетелдіктерге,
– Қазақстан Республикасының аумағында тұрақты тұратын (және тұруға ықтиярхаты бар) азаматтығы жоқ адамдарға.
Қазақстан Республикасында уақытша болатын шетелдіктер мен азаматтығы жоқ адамдардың, пана іздеген адамдардың айналасындағыларға қауіп төндіретін аурулары болған кезде ТМККК алуға құқығы бар.
ТМККК – ге не кіреді?
Тегін медициналық көмектің кепілдік берілген көлеміне мыналар кіреді:
1. Жедел жәрдем қызметтері, оның ішінде белгілі бір жағдайларда медициналық авиацияны тарта отырып (яғни шұғыл көмек қажет болған жағдайда пациентке оның сақтандырылғанына немесе сақтандырылмағанына қарамастан көрсетілуі тиіс);
2. Медициналық-санитарлық алғашқы көмек қызметтері (МСАК, яғни бұл негізінен сіздің емханаңыздың учаскелік қызмет деңгейінде көрсетілетін негізгі қызметтер), оның ішінде:
1) ең көп таралған ауруларды диагностикалау, емдеу және басқару;
2) халықтың нысаналы топтарын (балаларды, ересектерді) профилактикалық тексеру;
3) иммундау (вакцинация);
4) салауатты өмір салтын қалыптастыру және насихаттау;
5) ұрпақты болу денсаулығын қорғау жөніндегі іс-шаралар;
6) жүкті және босанғаннан кейінгі кезеңдегі әйелдерді бақылау;
7) инфекциялық аурулар ошақтарындағы санитариялық-эпидемияға қарсы және санитариялық-профилактикалық іс-шаралар.
3. Амбулаториялық жағдайда мамандандырылған медициналық көмек (бұл емхана деңгейінде, оның ішінде есепте тұрғандар үшін және шұғыл жағдайлар туындаған кезде көрсетілетін қызметтер):
1) АИТВ-инфекциясының және туберкулездің профилактикасы және диагностикасы;
2) жарақаттар, уланулар немесе басқа да шұғыл жағдайлар кезіндегі қызметтер, оның ішінде елдегі эпидемиологиялық жағдайдың нашарлауын тудыратын аурулар кезіндегі және оларға күдік туындаған жағдайларда сақтандырылған мәртебесіне қарамастан барлық адамдар үшін мобильді бригаданың қызметтері;
3) әлеуметтік маңызды аурулар кезіндегі диагностика және емдеу;
4) динамикалық бақылауға жататын созылмалы аурулар кезіндегі диагностика және емдеу.
4. Стационарды алмастыратын жағдайларда мамандандырылған медициналық көмек (айтпақшы, бұл коронавируспен ауырған науқастарды үйде емдеуді де қамтиды):
1) әлеуметтік мәні бар ауруларды емдеу кезінде;
2) елдегі эпидемиологиялық ахуалдың нашарлауын тудыратын аурулар кезінде және оларға күдік туындаған жағдайларда сақтандырылған мәртебесіне қарамастан барлығы үшін үйдегі стационардың қызметтері;
3) динамикалық бақылауға жататын созылмалы аурулар кезінде емдеу.
5. Стационарлық жағдайдағы мамандандырылған медициналық көмек (пациенттердің белгілі бір санаттары үшін ауруханада емдеу):
1) айналасындағыларға қауіп төндіретін инфекциялық немесе паразиттік аурумен ауыратын науқаспен қатынаста болған адамдарды, сондай-ақ бактерия тасымалдаушыларды, вирус тасымалдаушыларды және қауіп төндіретін инфекциялық немесе паразиттік ауруға күдікті адамдарды оқшаулау кезінде;
2) инфекциялық, паразиттік ауруларды және айналасындағыларға қауіп төндіретін ауруларды емдеу кезінде;
3) сақтандырылу мәртебесіне қарамастан адамдарға шұғыл көмек көрсету, оның ішінде тәулік бойы стационардың қабылдау бөлімшесінде емдеу-диагностикалық іс-шаралар өткізу;
4) жоспарлы тәртіпте.
6. Медициналық оңалту:
1) негізгі ауруды емдеуде;
2) туберкулезбен ауыратын науқастар үшін.
7. Паллиативті медициналық көмек;
8. Мамандандырылған медициналық көмек көрсету кезінде медициналық көрсетілімдер болған кезде қан препараттарымен және оның компоненттерімен қамтамасыз ету;
9. Амбулаториялық, стационарды алмастыратын және стационарлық жағдайларда мамандандырылған медициналық көмек көрсету кезіндегі патологиялық-анатомиялық диагностика;
10. Қазақстандықтарды шетелге емделуге жіберу және (немесе) отандық медициналық ұйымдарда емделу үшін шетелдік мамандарды тарту;
11. Дәрілік заттармен, медициналық бұйымдармен, мамандандырылған емдік өнімдермен, иммундық-биологиялық дәрілік препараттармен қамтамасыз ету. (Әлеуметтік маңызы бар, созылмалы аурулары бар динамикалық есепте тұрған адамдар үшін қарастырылған. Бүгінгі күні амбулаториялық деңгейде ТМККК шеңберінде дәрілік заттар мен медициналық бұйымдардың 347 атауы бойынша 49 нозология қамтамасыз етіледі. Тізбе ҚР Денсаулық сақтау министрінің № 75 бұйрығымен бекітілген).
Аталған барлық жағдайларда сақтандырылмаған азаматтар мемлекет кепілдік берген тегін медициналық көмек көлемі шеңберінде оларға көрсетілетін қажетті көмекке сене алады.
<blockquote>
 «Егер сізге шұғыл көмек қажет болса, ал сізге МӘМС-де сақтандырылу мәртебесінің жоқтығына сілтеме жасай отырып, оны көрсетуден бас тартылса, дәрігерге пациенттің өз құқықтары туралы мәлімдеу және олардың сақталуын талап ету қажет. Қорға осындай өтініштер жиі келіп тұрады, сондықтан азаматтарды өз құқықтарын білуге шақырамыз», – деп ӘМСҚ Басқарма Төрағасының орынбасары Ілияс Мұхамеджан түсіндірді.
</blockquote>
Егер МӘМС үшін жарналар төлемесе, пациенттер тіпті емханаға жүгінбейтін де фактілер бар.
Еске сала кетейік, жоғарыда аталған жағдайлар бойынша тегін көмектен Сізге бас тартпау керек.
Сонымен бірге, Қор медициналық қызметтердің кең тізімін пайдалану үшін МӘМС жүйесінің қатысушысы болуды ұсынады. Атап айтқанда, бұл тар бейінді мамандардың консультациялары, диагностикалық зерттеулер, жоспарлы операциялар, соның ішінде қымбат тұратын операциялар.
Қосымша сұрақтар туындаған жағдайда оларды емхананың анықтама қызметіне қоюға немесе жағдайды шешу үшін Пациенттерді қолдау қызметіне хабарласуға болады. Егер сол жерде түсіністікке қол жеткізу мүмкін болмаса, сіз үшін ыңғайлы байланыс арнасы бойынша Әлеуметтік медициналық сақтандыру қорына хабарласуыңыз керек: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

«Сақтандырылмаған» мәртебесі: Қандай медициналық көмек көрсетіледі?

<a href="https://kyzylorda-news.kz/">Kyzylorda-news.kz.</a> Қазақстанның алты өңірінде ауа райына байланысты ескерту жарияланды, деп хабарлайды Қазгидромет.
28 қаңтарда Атырау облысының солтүстігінде, шығысында және орталығында тұман түсуі ықтимал.
28 қаңтарда Батыс Қазақстан облысының батысында, солтүстігінде тұман түседі.
28 қаңтарда Түркістан облысының таулы аудандарында қатты жауын-шашын (көбінесе жаңбыр) жауады. Түнде облыстың оңтүстігінде, батысында және таулы, тау бөктерлі аудандарда тұман cақталады. Оңтүстік-батыстан жел соғады, күндіз облыстың батысында, солтүстігінде және таулы, тау бөктерлі аудандарда күші 15-20, екпіні 23 м/с.
28 қаңтарда түстен кейін Қызылорда облысының басым бөлігінде жауын-шашын (жаңбыр, қар), орталығында көктайғақ, бұрқасын күтіледі. Облыстың солтүстігінде және орталығында тұман сақталады. Жел шығыстан, оңтүстік-шығыстан соғады, облыстың орталығында күші 15-20 м/с жетеді.
28 қаңтарда Маңғыстау облысының батысында, оңтүстігінде, шығысында көктайғақ. Облыстың солтүстігінде тұман күтіледі. Солтүстік-батыстан жел соғады, облыстың батысында, шығысында екпіні 15-20 м/с жетуі мүмкін.
28 қаңтарда Қарағанды облысының батысында, оңтүстігінде шығыстан, оңтүстік-шығыстан жел соғады, жылдамдығы -15-20 м/с.
28 қаңтарда Жамбыл облысының солтүстігінде, таулы және тау бөктерлі аудандарында тұман түседі, ал 29 қаңтарда көктайғақ болады.
Солтүстік-шығыстан соғатын жел оңтүстік-батысқа ауысады, облыстың солтүстік-шығысында, оңтүстік-батысында және таулы аудандарында 15-20 м/с, 29 қаңтарда екпіні 23-28 м/с жетеді.

Қызылорда облысында ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Қармақшы ауданының тұрғыны заңсыз қару сақтаған.
«Құқық тәртібі» жедел-профилактикалық іс шарасы барысында 27 қаңтар күні сағат 15:06 шамасында Қызылорда облысы Полиция департаментінің Қармақшы аудандық полиция бөлімінің қызметкерлерімен қызмет атқару барысында 31 жастағы ауыл тұрғынының үйінде ІІО тіркеуде жоқ, 16-калибрлі, 1 ұңғылы, құжатсыз, нөмірсіз аңшы мылтығын заңсыз сақтағаны анықталды.
Анықталған дерек бойынша Қазақстан Республикасы Әкімшілік құқық бұзушылық кодексінің 482–бабының 1-бөлігімен (Iшкi iстер органдарында тiркелмеген тегiс ұңғылы, газды қару мен олардың патрондарын, сол сияқты электрлі қаруды, үрлемелi қуаты 7,5 Джоульдан жоғары, калибрi 4,5 миллиметрден асатын пневматикалық қаруды заңсыз иеленіп алу, беру, өткiзу, сақтау, алып жүру, тасымалдау) әкімшілік хаттама рәсімделіп, сотқа жолданады.
​

Қармақшыда заңсыз қару сақтаған тұрғын анықталды

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Ләззат Молдабекқызы Қалтаева Қазақстан Республикасы Парламенті Сенатының депутаты болып тағайындалды, деп хабарлайды Ақорданың баспасөз қызметі.
Ләззат Қалтаева Қызылорда қаласында 1965 жылдың 4 ақпанында дүниеге келді.
1987 жылдың маусым айынан бастап Фрунзе аудандық мүгедектер қоғамында хатшы-референт, одан кейін басшының орынбасары ретінде қызмет атқарды.
1990 жылдан бастап 1997 жылға дейін «Тұмар» ЖШС-де және «Виктория» ЖШС-де маркетинг инженері қызметінде болды.
1997 жылдан бастап 2000 жылға дейін «ДАЭКО» ЖАҚ-да, «Дәнекер» ЖАҚ-на, «Қазақстанаудит» ЖАҚ-да бағалы қағаздармен мәмілелер жасау жөніндегі маман болды.
2001 жылдан бастап осы уақытқа дейін – «Шырақ» мүгедектігі бар әйелдер қауыдастығы« ҚБ, «Мүгедектігі бар адамдардың Орталық-Азиялық форумы« ЗТБ төрайымы.
Білімі жоғары, Каспий қоғамдық университетін «заңгер« мамандығы бойынша тәмамдаған.
Мемлекеттік марапаттары: «ҚР Тәуелсіздігіне 20 жыл« мерейтойлық медалі, «Құрмет« ордені.

Мемлекет басшысы Ләззат Қалтаеваны Сенат депутаты етіп тағайындады

<a href="https://kyzylorda-news.kz/">Kyzylorda-news.kz.</a> Премьер-министр Әлихан Смайылов “Қазақстан Республикасы азаматтарының төлем қабілеттілігін қалпына келтіру және банкроттығы туралы” заң жобасын 4 ақпанға дейін үкімет кеңсесіне енгізуді тапсырды.
Заң жобасында жеке тұлғалардың банкроттық рәсімдерінің түрлері, оларды қолдану негіздері және басқа да ережелер қарастырылған.
Үкімет басшысы баспасөз қызметінің мәліметінше, осыған орай 18 заңнамалық актіге – 7 кодекс пен 11 заңға түзету енгізу жоспарланған.
<blockquote>
 “Заң жобасын талқылауға жұртшылық пен сарапшыларды тартуды тапсырамын”, – деді Смайылов.
</blockquote>
Айта кетейік, Қазақстанда жеке азаматтардың банкроттығы туралы заңды қабылдау мәселесі талай рет көтерілді. Бірақ осы уақытқа дейін қолға алынбады.
Жуырда депутаттар жеке тұлғаның банкроттығы туралы заң қабылдауды ұсынды. Мақсат – банкке қарызын төлей алмай, күнін әрең көріп жүрген қазақты жалғыз баспанасынан айырмау.
<a href="https://m.sputnik.kz/economy/20220128/19231787/kredit-adam-zan.html">Sputnik.kz</a>

Кредитті төлей алмайтын адамдарға қатысты заң әзірленіп жатыр

<a href="https://kyzylorda-news.kz/">Kyzylorda-news.kz.</a> Қызылорда қалалық полиция қызметкерлері жедел-іздестіру шараларын жүргізу барысында​ «Фольсваген Вента», «Фольсваген Пассат» және​ «Ваз – 2107» маркалы автокөліктеріне ұрлыққа​ түскен күдіктіні ұстады.
Тергеу барысында анықталғаны, күдікті автокөліктердің ашық қалған артқы есігін пайдаланып, автокөлік иелеріне тиесілі заттарды қолды еткен. Қазіргі таңда шығындары есептелуде.
Аталған дерек бойынша, Қазақстан Республикасының Қылмыстық кодексінің 188-бабының 3-бөлігінің 3-тармағы (Ұрлық, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотқа дейінгі тергеп-тексеру амалдары жүргізілуде. Күдікті уақытша ұстау абақтысына қамалды. Оқиғаның мән-жайлары анықталуда.

Қызылордада бірнеше көлікке ұрлыққа түскен күдікті ұсталды​

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 11424 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 6003,
Алматы қаласы – 1641,
Шымкент қаласы – 118,
Ақмола облысы – 290,
Ақтөбе облысы – 49,
Алматы облысы – 378,
Атырау облысы – 236,
Шығыс Қазақстан облысы – 308,
Жамбыл облысы – 112,
Батыс Қазақстан облысы – 59,
Қарағанды облысы – 1036,
Қостанай облысы – 160,
Қызылорда облысы – 380,
Маңғыстау облысы – 165,
Павлодар облысы – 434,
Солтүстік Қазақстан облысы – 48,
Түркістан облысы – 7.
Қазақстан бойынша жазылғандар саны – 1032639.

Covid-19: Қызылордада өткен тәулікте жазылғандар көп

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 12558 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 2124,
Алматы қаласы – 2307,
Шымкент қаласы – 154,
Ақмола облысы – 901,
Ақтөбе облысы – 479,
Алматы облысы – 455,
Атырау облысы – 354,
Шығыс Қазақстан облысы – 451,
Жамбыл облысы – 230,
Батыс Қазақстан облысы – 513,
Қарағанды облысы – 2043,
Қостанай облысы – 583,
Қызылорда облысы – 124,
Маңғыстау облысы – 154,
Павлодар облысы – 1140,
Солтүстік Қазақстан облысы – 453,
Түркістан облысы – 93.
Жалпы ел бойынша ауырғандар саны 1204769.

Қызылордада 124 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Атмосфералық фронттар Қазақстан аумағының басым бөлігінде ауа райының тұрақсыз сипатына себепші болады, деп хабарлайды Қазгидромет.
Жауын-шашын болады, күндіз оңтүстіктің таулы аудандарында қатты жауын-шашын (жаңбыр, қар) жауады. Жел күшейіп, бұрқасын соғады, көктайғақ болады. Тек еліміздің орталығы мен шығысында антициклон ықпалымен жауын-шашынсыз ауа райы күтіледі. Республика бойынша кей жерлерде тұман түседі.
Маңғыстау облысының батысында, оңтүстігінде, шығысында – көктайғақ, солтүстігінде – тұман, батысында және шығысында – желдің күші 15-20 м/с жетеді.
Түнде Түркістан облысының оңтүстігінде батысында, таулы аудандарында тұман түседі. Таңертең және күндіз өңірдің батысында, солтүстігінде, таулы аудандарда жел екпіні 23 м/с болады.
Қызылорда облысының солтүстігінде, орталығында тұман, орталықта жел қарқыны 15-20 м/с дейін күшейеді. Күннің екінші жартысында көктайғақ болады, бұрқасын соғады.
Жамбыл облысының солтүстігінде, таулы аудандарында тұман түседі, солтүстік-шығысында күндіз жел екпіні 23 м/с жетеді. Күндіз облыстың оңтүстік-батысында, таулы аудандарда көктайғақ болады.
Қарағанды облысының батысы мен оңтүстігінде желдің жылдамдығы – 15-20 м/с.
Батыс Қазақстан облысының батысы мен оңтүстігінде жел 15-20 м/с дейін күшейеді.
Батыс Қазақстан облысының батысында, солтүстігінде, Атырау облысының солтүстігінде, шығысында, орталығында, Ақтөбе облысының солтүстік-шығысында, Солтүстік Қазақстан облысының батысында, Павлодар облысының оңтүстігінде, Шығыс Қазақстан облысының солтүстігінде, оңтүстігінде, түнде және таңертең Алматы облысының оңтүстігінде, Ақмола облысының батысында тұман түседі.

Бүгін ауа райы қандай болады?

Kyzylorda-news.kz. Тұрғындардың өмір сапасын жақсартуда елді мекендерді ауыз сумен қамту маңызды. Бұл ретте өңірдегі 230 елді мекенді сапалы ауыз сумен қамту міндеті бар. Бүгінгі күні аймақта 230 елді мекеннің 198-інде ауыз желілері барған. Нәтижесінде халықтың 97 пайызы орталықтандырылған ауыз сумен қамтылған. Қалған ауылдарға кезең-кезеңімен ауыз су тартылады. Бүгін облыс әкімі Гүлшара Әбдіқалықова энергетика және тұрғын үй-коммуналдық шаруашылық саласында атқарылған жұмыстардың есебін тыңдады.
Жиынға облыс әкімі аппаратының басшысы Ерлан Райғаниев, облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев қатысты.
Алдымен елді-мекендерді газдандыру мәселесі қозғалды. Бүгінде аймақтағы барлық аудан орталықтары толыққанды табиғи газға қосылған. Биыл өткен жылы басталған 5 жобаның құрылысы жүргізілуде. Оның ішінде, Қызылорда қаласындағы Наурыз және Махамбет, Қазалы қаласы, Шиелі ауданындағы Алғабас, Ақмая, Тереңөзек кентіндегі «Ақ дақтар» жобасы бар. Сондай-ақ, осы жылы «Ауыл – ел бесігі» бағдарламасы арқылы Қазалы ауданындағы Жалаңтөс батыр, Пірімов, Басықара ауылдарын газдандыру жұмыстары басталады.
Биыл 6 елді мекен газдандыру үшін Энергетика министрлігіне өтінім берілді. Яғни Аралдағы Сексеуіл кентіне АГТС орнату және кентішілік газдандыру, Қармақшыдағы Төретам және Ақай елді мекендеріне, Шиелі ауданы Шоқай АГТС орнату мен Жаңақорғандағы Бірлік, Қыраш ауылдарына газ тарту межеленіп отыр.
Облыс әкімі құрылыс-монтаж жұмыстарын сапалы жүргізіп, уақытылы аяқтауды жүктеді. Табиғи газ бағасын бақылауда ұстау қажет екенін баса айтты. 
Биыл Қызылорда қаласындағы 4 қосалқы станцияны жаңғырту құрылысы жалғасуда. Ал, Ұлттық экономика министрлігіне 2 жобаға бюджеттік өтінім ұсынылған. Сонымен қатар, Қызылорда қаласындағы Сырдария өзенінің сол жақ жағалау бөлігін электрмен жабдықтау және Шиелі кентіндегі қосалқы станциясын қайта жаңғырту бойынша 2 жоба әзірленуде.
Аймақ басшысы аталған жобалар бойынша бірқатар тапсырма беріп, коммуналдық тарифтердің көтерілуіне жол бермеу керек екенін атап өтті.
Еске салайық, аймақта жылу тарифі 2021 жылдың 1 қыркүйегінен бастап 1 Гкал жылу энергиясы үшін уақытша өтемдік тариф енгізіліп, 2020 жылдың деңгейімен салыстырғанда 13,4%-ға, газ тарифі 2020 жылмен салыстырғанда 5,9% төмендетілді.
Жылумен қамтамасыз ету бойынша да жүйелі жұмыс жүргізілуде. 2022 жылға «Ауыл-ел бесігі» бағдарламасы арқылы әлеуметтік нысандардың жылу қазандықтарын қайта жаңғырту бойынша 4 жобаға республикалық бюджеттен қаржы бөлінді. 
Жиын соңында облыс әкімі жылу беру маусымын ақаусыз аяқтап, ауыз сумен қамту, газдандыру мәселелеріне кешенді түрде талдау жасау нақты шешімдерді қабылдау қажеттігін еске салды.
<img src="https://kyzylorda-news.kz/wp-content/uploads/2022/01/fb_img_1643289464341.jpg" alt="" />

Биыл Қызылорда облысында 6 елді мекенге газ жүргізіледі

Kyzylorda-news.kz. Бүгін қала әкімі Ғанибек Қазантаев газдандыру жобасындағы құрылыс-монтаж жұмыстарының жүру барысын көрді. Мердігер мекеме «Әлия-Сервис» жауапкершілігі шектеулі серіктестігі құбырларды дәнекерлеп, арнайы техникамен жер қазу шараларын атқаруда. Серіктестік мамандары газ желісін тартуда кедергілердің жоқ екендігін айтып, наурыз айына дейін құбырларды жалғап болатындығын жеткізді.
Жоспар бойынша жоғары қысымды көгілдір отын шыны зауыты жанындағы газ тарату стансасынан алынады. Екі аралықтағы темір жол, авто жолға және Шіркейлі каналына залал келтірмей құбырларды өткізу үшін озық үлгідегі техниканың көмегімен бұрғылау әдісі қолданылады.
Бастау алған игілікті іске қолдау білдіруге келген ақсуаттық ағайын шаһар басшысымен жүздесті. Кездесуде Ғанибек Қонысбекұлы тұрғындарға жобаның жай-жапсарын таныстырды. Алдағы уақытта ауыл көшелері қазылып, құбырлар орналастырыла бастайды. Сол кездері қауіпсіздік шараларына ерекше ден қойып, талаптарды орындау қажет. Ал, мердігер мекеме қазылған жерге құбыр қойылған соң, қайта көму жұмысын жедел жүргізуді жауапкершілігіне алады.
Көше бойымен жүргізілген газ құбырынан тұрғындар өз есептерінен үйлеріне газ кіргізетіндіктері белгілі. Бұл тұста, лицензиясы бар мекемелермен келісім-шартқа отыру керектігі ескертілді. Ғанибек Қонысбекұлы осындай мәселелердің алдын алу мақсатында ауыл әкімі Мәмбетәлі Ақмырзаевқа бірқатар міндеттер жүктеп, мердігер мекемеге жұмыстың сапалы әрі жүйелі жүргізілуін қамтамасыз етуді тапсырды.
<img src="https://kyzylorda-news.kz/wp-content/uploads/2022/01/fb_img_1643284263425.jpg" alt="" />
<img src="https://kyzylorda-news.kz/wp-content/uploads/2022/01/fb_img_1643284257027.jpg" alt="" />
<img src="https://kyzylorda-news.kz/wp-content/uploads/2022/01/fb_img_1643284269469.jpg" alt="" />

Қазақстан және Қызылорда облысының жаңалықтары

Жаппай тәртіпсіздік: Қызылордада ұялы телефон аксессуарлар дүкенін тонаған тұрғын ұсталды

«Сақтандырылмаған» мәртебесі: Қандай медициналық көмек көрсетіледі?

Қызылорда облысында ауа райына байланысты ескерту жарияланды

Қармақшыда заңсыз қару сақтаған тұрғын анықталды

Мемлекет басшысы Ләззат Қалтаеваны Сенат депутаты етіп тағайындады

Кредитті төлей алмайтын адамдарға қатысты заң әзірленіп жатыр

Қызылордада бірнеше көлікке ұрлыққа түскен күдікті ұсталды

Covid-19: Қызылордада өткен тәулікте жазылғандар көп

Қызылордада 124 адамнан коронавирус анықталды

Бүгін ауа райы қандай болады?

Биыл Қызылорда облысында 6 елді мекенге газ жүргізіледі

Ақсуат ауылдық округі мен Наурыз елді мекенінде газ жүйесінің құрылысы қарқынды жүргізіліп жатыр

Қазақстан және Қызылорда облысының жаңалықтары

Жаппай тәртіпсіздік: Қызылордада ұялы телефон аксессуарлар дүкенін тонаған тұрғын ұсталды

«Сақтандырылмаған» мәртебесі: Қандай медициналық көмек көрсетіледі?

Қызылорда облысында ауа райына байланысты ескерту жарияланды

Қармақшыда заңсыз қару сақтаған тұрғын анықталды

Мемлекет басшысы Ләззат Қалтаеваны Сенат депутаты етіп тағайындады

Кредитті төлей алмайтын адамдарға қатысты заң әзірленіп жатыр

Қызылордада бірнеше көлікке ұрлыққа түскен күдікті ұсталды​

Covid-19: Қызылордада өткен тәулікте жазылғандар көп

Қызылордада 124 адамнан коронавирус анықталды

Бүгін ауа райы қандай болады?

Биыл Қызылорда облысында 6 елді мекенге газ жүргізіледі

Ақсуат ауылдық округі мен Наурыз елді мекенінде газ жүйесінің құрылысы қарқынды жүргізіліп жатыр

Қызылордада бірнеше көлікке ұрлыққа түскен күдікті ұсталды