<a href="https://kyzylorda-news.kz/">Kyzylorda-news.kz.</a> Қала аумағын тазалау және тұрғын үйлерді ауыз сумен қамту ісінде коммуналдық қызметтердің бір арнадан басқарылып, қызмет ету аясын оңтайландыру маңызды. Осы себепті де өткен жылдың соңында «Қызылорда тазалығы» ЖШС мен «Қызылорда су жүйесі» кәсіпорны қызметі біріктіріліп, қайта жұмысын бастады. Дегенмен, екі кәсіпорынның жұмысын жолға қоюда бірқатар мәселелер бар. Осы себепті бүгін облыс әкімі Гүлшара Әбдіқалықова «Қызылорда тазалығы» ЖШС-не барып, мамандармен пікірлесіп, ортақ мәселелерді ашық талқылады.
Талқылау жиынына облыстық мәслихат хатшысы Наурызбай Байқадамов, қала әкімі Ғанибек Қазантаев, облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев және кәсіпорын басшылығы қатысты.
Қызылорда қаласының әкімінің орынбасары Ғабит Жаңабаев кәсіпорын жұмысын ілгерілету ісіне қажетті жоспарлар жасалғанын тілге тиек етті. Мәселен, өткен жылы екі кәсіпорын атқаратын қызметтер біріктіріліп, 1590 адам тұрақты жұмыспен қамтылды. Дегенмен, коммуналдық қызметтерді атқаратын техникалардың 77 пайызы тозғандықтан, жаңа көліктерді алудың қажеттілігі туындағанын атап өтті. Себебі қала ішіндегі көше тазалау жұмыстарының ауқымы кеңеюіне байланысты арнайы техникаларды дайындау маңызды.
Кәсіпорын жұмысын зерделеген облыс әкімі бюджет мүмкіндігіне қарай мәселені жан-жақты сараптап, техникаға қажетті қаржыны табу ісі қаралатынын жеткізді.
<img src="https://kyzylorda-news.kz/wp-content/uploads/2022/03/274724950_255743746746877_1323936017819257693_n.jpg" alt="" />

Қызылорда қаласындағы коммуналдық қызметтердің басқару ісі оңтайландырылды

<a href="https://kyzylorda-news.kz/">Kyzylorda-news.kz.</a> Мүгедектігі бар жандар қиындыққа қарамай іс бастап, қоғам дамуына қызмет етуде. Олардың әрбірі туған жерді өркендету ісінде өзіндік қолтаңбасын қалдыруда. Бүгін облыс әкімі Гүлшара Әбдіқалықова ерекше жандардың орталықтарына барып, қайсар азаматтардың мәселесіне құлақ түріп, пікірлесті.
Алдымен аймақ басшысы А.Иманов көшесінде орналасқан «Қазақ соқырлар қоғамы» қоғамдық бірлестігіне барды. Орталық 2014 жылы грант ұтып, арнайы құрал-жабдықтарын сатып алды. Өз бастамаларымен 16 адамды қосымша жұмысқа тартты. Ал, 30-ға тарта азаматқа қайта даярлау тігін курсын оқытып, сертификат берді.
Қазіргі таңда орталықтың жанында ашылған оқу-өндірістік кәсіпорнында тігін цехы мен картон өңдеу цехы жұмыс жасауда.
Мекеме төрағасының міндетін атқарушы Данияр Нұрымбетов облыс әкіміне кәсіпорындағы өндірістерді таныстырып, ғимаратты абаттандыру және қосымша құрылыс салу жұмыстарына қолдау көрсетуді сұрады. 
Өз кезегінде Гүлшара Әбдіқалықова қаладағы бірқатар кәсіпкерлерге орталықтың шағын көлемдегі жөндеу жұмыстарына көмек көрсетуге ықпал жасау қажет екенін қаперге салды.
Әрі қарай аймақ басшысы «Қызылорда облыстық мүгедектер қоғамы» қоғамдық бірлестігі құрған орталыққа келді. Арнайы орталық мүгедектігі бар азаматтарға әлеуметтік қолдау көрсетіп, психологиялық тренингтер өткізіп, құқықтық кеңес береді. Мұнан бөлек, инва-СТО, арба жөндеуді үйрету және өзге де қызметтері де бар.
Бірлестік төрағасы, белсенді жас Сағатбек Сиюов орталықта жұмыс істейтін ерекше жандардың әрбір ісін таныстып, бастамалы жұмыстарын тізбелеп берді. Яғни мұнда қолөнермен айналысып, төмен бағамен шаштараз қызметін ұсынып, маникюр жасайды.
Облыс әкімі талпынысы ерек жандардың жұмысын көріп, олардың табанды ісі мен дамуға деген ұмтылысы көптеген азаматтарға үлгі-өнеге екенін жеткізді. Сондай-ақ, олардың ұсыныс-негіздерін ескеріп, әрбір бастамаларына қолдау болатынын айтты.
<img src="https://kyzylorda-news.kz/wp-content/uploads/2022/03/274997705_255742526746999_4356789761464823189_n.jpg" alt="" />

Мүмкіндігі шектеулі жандарға қолдау көрсетіледі

<a href="https://kyzylorda-news.kz/">Kyzylorda-news.kz.</a> Өмірін ел тыныштығын қорғауға арнап, жауапкершілігі зор салада ерлермен бірдей қызмет атқаратын нәзік жандылар қатары ішкі істер саласында күн санап артып келеді. Солардың &nbsp;қатарында Қызылорда облысы бойынша қылмыстық-атқару жүйесі департаментінде мықты, батыл, ер азаматтармен қатар қызмет атқаратын нәзік жанды &nbsp;арулар аз емес. Әрқайсысы өз саласының майталманы. Бүгінгі әңгіме еткелі отырған нәзік жандылар,&nbsp; Қызылорда қалалық пробация қызметінің погон таққан арулары.
Қызылорда қалалық пробация қызметінің бастығы әділет майоры Жалғас Есмахановтың айтуынша қалалық пробация қызметінде 22 қызметкер жұмыс істесе оның он бесі нәзік жандар. Погон таққан арулар қылмыскерлерді өмірге қайта бейімдеп, &nbsp;әлеуметтік-құқықтық көмек көрсетіп, қайта қылмыс жасамауы үшін де профилактикалық жұмыстар жүргізеді.
&nbsp;Олар жұмыс барысында сотталғандардың іс-құжаттарына байланысты &nbsp;соттарға қатысады. Прокуратурамен байланысып, жергілікті атқарушы органдармен байланыс жасап қарамағындағы әлеуметтік-құқықтық жұмыстарын шешу үшін қызмет атқарады. Ал кешкі уақытта жергілікті прокуратура өкілдері, учаскелік полиция инспекторларымен бірлесіп, сотталғандардың мекенжайынан тексереді. Олардың жақындарымен сұхбат&nbsp; жүргізіп, тұрғылықты жерінен шықпау, қылмысқа бармау жөнінде түсіндірме жұмыстар жүргізеді.
&nbsp;Өзі нәзік болса да 10 жылға жуық&nbsp; ерлермен иық тіресе жұмыс жасап келе жатқан Қызылорда қалалық пробация қызметінің инспекторы әділет капитаны Мөлдір Серікбайқызы. Ол Қорқыт ата атындағы Қызылорда мемлекеттік университетінің түлегі. Екі жоғары мамандық иесі еңбек жолын Қызылорда қаласындағы тергеу изоляторынан бастаған. Жас маман өзіне жүктелген қызметті абыроймен атқарып, осы саланың ыстығына күйіп, суығына тоңып қызметтік қабілетін шыңдады.&nbsp;
Тәжірибе жинаған соң 2014 жылы Қызылорда облысы бойынша ҚАЖ департаментінің Байқоңыр қалалық пробация қызметінің инспекторы лауазымына тағайындалады.
Пробация қызметінде қызмет еткен &nbsp;8 жыл ішінде ауқымды жұмыстар атқарып, бас бостандығынан айыру орындарынан босатылған және қоғамнан оқшаулаумен байланысты емес жаза түріне сотталған азаматтардың қоғамға қайта бейімдеп, психологиялық, құқықтық әлеуетін жетілдіруге зор ықпалын тигізеді.
<blockquote>
 «Бала кезден құқық қорғау қызметкерлерінің ант қабылдап, еліне адал қызмет етіп, батырлығы мен батылдығына қызығып өстім. Содан да болар, осы саланы таңдағаныма өкінбеймін. Бала арманым орындалып, ҚАЖ саласын қиын болса да үйреніп, капитан шенін иемдендім. Отбасыммен қызметімді қатар алып жүрмін. Баламды да тәрбиелеп, үй жұмысына үлгеремін. Жолдасым қызметіме түсіністікпен қарайды» – деді нәзік жанды әділет капитаны.
</blockquote>

Пробация қызметінде  15 әйел жұмыс істейді

&nbsp;<a href="https://kyzylorda-news.kz/">Kyzylorda-news.kz.</a> Өткен тәулікте коронавирус инфекциясын жұқтырған 220 жағдай тіркелді, деп хабарлайды <a href="https://www.coronavirus2020.kz/kz">coronavirus2020.kz</a>.
Елімізде коронавирус инфекциясын жұқтырғандар саны 1 303 536 жетті.Оның ішінде: 
Нұр-Сұлтан қаласында – 18, 
Алматы қаласында – 66, 
Шымкент қаласында – 4, 
Ақмола облысында – 7, 
Ақтөбе облысында 3, 
Алматы облысында – 11, 
Атырау облысында – 0, 
Шығыс Қазақстан облысында – 10, 
Жамбыл облысында – 5, 
Батыс Қазақстан облысында – 5, 
Қарағанды облысында – 6, 
Қостанай облысында -31, 
Қызылорда облысында -0, 
Маңғыстау облысында – 2, 
Павлодар облысында – 12, 
Солтүстік Қазақстан облысында – 37, 
Түркістан облысында – 3.

Қызылорда: Өткен тәулікте  коронавирус тіркелген жоқ

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы 5 наурыз күнгі күн райы болжамын жариялады.
Кәсіпорын таратқан деректерге қарағанда, Каспий теңізінің аудандарынан келген циклонның әсерінен Қазақстан аумағында күн райы құбылмалы болады, көбіне жауын-шашын болады.
Қызылорда облысының орталығында желдің жылдамдығы секундына 15-20 метрге, күндіз екпіні 25 м/с жетуі ықтимал.

5 наурызға арналған ауа райы болжамы

Kyzylorda-news.kz. Құрылыс материалдарының бағасы күн санап көтеріліп барады. Мұның себебі қажеттінің бәрі сырттан тасымалданатындығымен, оны жеткізудегі шығынның көптігімен байланыстырылады. Дегенмен, қазіргі таңда өз елімізде шығарылатын цемент, қиыршық тас пен құмның құны да көтерілуде.
Экономиканың қай саласы да бір-бірімен байланысып жатыр. Әрқайсысын жеке дара ажыратып қарау тіпті мүмкін емес. Нарықтық экономика жағдайында бір проблеманың себебін бір саладан іздеу одан әрі қиындай түседі. Әр сәт бағасы аспандап, отандық баспана нарығына да зардабын тигізіп тұратын бір түйткіл – құрылыс материалдарының қымбаттауы.
Бүгін осы мақсатта ҚР Парламенті Сенатының депутаттары М. Бақтиярұлы мен А. Әлназарова және облыстық мәслихат хатшысы Н. Байқадамов қалалық мәслихатта облыстағы құрылысшылармен кездесіп, құрылыс саласындағы өзекті мәселелер мен құрылыс материалдарының қымбаттауы туралы ой-пікір алмасып, жан-жақты талқылады.
Қызылорда облысы бойынша Қазақстан құрылысшылар Одағының төрағасы М. Еспенбетовтың айтуынша бүгінде құрылыс материалдары&nbsp; орта есеппен 100% пайызға қымбаттаған. 
Осыған орай алдағы уақытта тұрғын үй нарығында баға өзгеруі мүмкін. Себебі қандай нысанның болмасын, кем дегенде 50% пайызы құрылыс материалдарынан тұратыны анық. Мәселен, жаңа тұрғын үйдегі 3 бөлмелі пәтердің құны бұрын 9-10 млн болса енді 12-13 миллионға дейін қымбаттайды. Өйткені құрылысқа қажетті тауарлар құны биыл шектен тыс қымбаттап, құрылыс компаниялары шығынға ұшыраған. Былтырғы жылы тоннасы 17 мың теңге тұратын Шиеліден шығатын цемент қазір 31-35 мыңға дейін көтерілді. Бұдан бөлек Қызылордадан шығатын қыштың өзі былтыр 40 теңгеден болса, биыл 70 теңгеге дейін көтерілген. Арматура 220000-454000-ға дейін көтерілді.
Дәл қазір облыста құрылысқа қажетті тауар өндіретін 50-ге жуық кәсіпорын бар. Бірақ құрылысқа қажетті пластик құбыр, шатыр жабындысын шығаратын кәсіпорындар жоқ. Алғашқы 4 айда құрылыстағы жергілікті өнімнің үлесі бар болғаны 69%-ды құраған, қалғаны сырттан тасымалданған.
Одан бөлек, кездесуде құрылысшылар тарапынан тендер мәселесі, кадрлардың жетіспеушілігі, жеке үй салу мәселесіндегі инвестиция салу туралы да мәселелер көтерілді.
Жиын соңында, Парламент депутаттары талқыланған мәселелердің өзекті екендігін айтып, алдағы уақытта құрылыс мәселесіне байланысты Парламенттік тыңдау өткізілетіндігін жеткізді. Сондай-ақ аталған кей мәселелерді шешу жолында депутаттық сауалмен Үкіметке жіберу туралы да ойымен бөлісті.

Парламент депутаттары мен облыстық мәслихат хатшысы құрылысшылармен кездесті

<a href="https://kyzylorda-news.kz/">Kyzylorda-news.kz.</a> Ауыр салмақтағы қазақстандық боксшы Қамшыбек Қоңқабаевтың (4-0, 3КО) келесі қарсыласы белгілі болды, деп хабарлайды ҚазАқпарат.
25 наурызда Токио Олимпиадасының қола жүлдегері және әуесқойлар арасындағы Әлем чемпионатының екі дүркін күміс жүлдегері Қамшыбек Қоңқабаев Джонни Мюллер (23-9-2, 14КО) есімді оңтүстік африкалық боксшымен кездеседі.
Оңтүстік африкалық атлет 2009 жылдан бері кәсіпқой рингте өнер көрсетіп келеді. Ол барлық жекпе-жегін өз елінде өткізген, шет мемлекеттерде үш рет айқасқан. Соның ішінде 2015 жылы Украинада Александр Усикпен (12 раундтық жекпе-жектің 3-раундында нокаутпен жеңілген) кездесті. 2014 жылы ол WBC International Silver титулына ие болды.
Қоңқабаев пен Мюллер жекпе-жегінде WBA Gold белдігі сарапқа салынады.

Қамшыбек Қоңқабаев WBA титулы үшін жекпе-жек өткізеді

<a href="https://kyzylorda-news.kz/">Kyzylorda-news.kz.</a> Бүгін 8 наурыз – Халықаралық әйелдер күніне орай Қызылорда облысы Полиция департаменті бастығының кубогына арналған Макаров тапаншасынан атудан жарыс өтті.
Қызылорда облысы Полиция департаменті бастығының кубогына арналған құқық қорғау органдарының қыз-келіншектер арасында Полиция департаментінің Жылдам қимылдайтын арнайы жасақтың спорт кешенінде Макаров тапаншасынан атудан жарыс өткізілді. Жарыс ПД Арнайы жұмылдыру даярлық басқармасымен ұйымдастырылды. Жарысқа 32 команда қатысты.
Турнирдің салтанатты ашылу рәсімінде Қызылорда облысы Полиция департаменті бастығының бірінші орынбасары полиция полковнигі Шамшидин Амитов сөз сөйлеп, қатысушыларға сәттілік тіледі.
Жарыс қорытындысында «Жеңіске деген жігері үшін» атты дипломмен Қызылорда қалалық ПБ патрульдік полиция батальонының қызмет инспекторы полиция майоры Айымкүл Сағынадинова марапатталды.
Тапанша ату сайысында қарсыластарынан оза шапқан Жылдам қимылдайтын арнайы жасақтың құрама командасы І орын иеленді. Ал ІІ орынды Арал аудандық полиция бөлімінің командасы жеңіп алды. Сондай-ақ ІІІ орын Қазалы аудандық полиция бөлімінің командасына бұйырды.
Жарыста жекелей сынға түскен қыздар арасында І орынды Жылдам қимылдайтын арнайы жасақтың инспекторы полиция подполковнигі Бақыткүл Самратова жеңіп алды. ІІ орынға Қазалы АПБ-нің ювеналды полиция тобының аға учаскелік полиция инспекторы полиция майоры Махаббат Бегалиева және ІІІ орынға Қызылорда облысы Арал аудандық полиция бөлімінің штаб тобының аға инспекторы полиция майоры Гүлнар Есенжолова ие болды.
Жеңімпаздар кубок медаль және алғыс хаттармен марапатталып, «Динамо» ДШСҚ спорттық киімі сыйға тартылды.
<img src="https://kyzylorda-news.kz/wp-content/uploads/2022/03/275200045_1052365755313860_8010489319063924862_n.jpg" alt="" />

Қызылордада әйелдер тапанша атып жарысты

<a href="https://kyzylorda-news.kz/">Kyzylorda-news.kz.</a> Қазақстан мен Түркия арасында әуе жолдарының географиясы кеңейтіліп, тұрақты рейстердің саны артуы мүмкін. Бүгін премьер-министр Әлихан Смайылов пен Түркия вице-президенті Фуат Октайдың төрағалығымен сауда-экономикалық ынтымақтастық жөніндегі Қазақстан-Түркия үкіметаралық комиссиясының XII-ші отырысы өтті.
Бауырлас екі елдің өкілдері көлік транзиті, өнеркәсіп, туризм, геология, денсаулық сақтау және агроөнеркәсіптік кешен салаларындағы байланысты талқылады. Вице-президент Фуат Октай Түркия Қазақстанмен барлық бағыт бойынша екіжақты ынтымақтастықты әрі қарай нығайтуға дайын екенін жеткізді. Жалпы бүгінде түрік бизнесі Қазақстанда жалпы құны бес жарым миллиард долларды құрайтын инвестициялық жобаларды жүзеге асырып жатыр.
<a href="https://24.kz/kz/zha-aly-tar/sayasat/item/531556-aza-stan-men-t-rkiya-yntyma-ayasyn-ke-ejtedi">Хабар 24</a>

Қазақстан мен Түркия ынтымақ аясын кеңейтеді

<a href="https://kyzylorda-news.kz/">Kyzylorda-news.kz.</a> Бүгін облыстық білім басқарамасына қарасты «Дарын» қосымша білім беру орталығынан «Qabilet» қызметі ашылды. Шараға аймақ басшысының орынбасары Балжан Шаменова мен облыстық білім басқармасының басшысы Ақзира Қасымова қатысып, жобаның лентасын салтанатты түрде қиды.
Енді балаларының қабілетін аша алмай жүрген ата-аналар үшін «Qabilet» қызметі көмек көрсетуге дайын. Оқушылардың қабілеті мен кәсіби бағдарлануын диагностикалаудың ұлттық жүйесін құруды мақсат тұтқан орталықта 5 жастан бастап баланың қандай қабілетке ие екендігін анықтап, балаларға тәжірибесі бар мамандар жан-жақты қызмет көрсететін болады.
Орталықтың ашылу салтанатына арнайы келген облыс әкімінің орынбасары Балжан Мөрәліқызы жобаның мақсат-міндеттері мен облысымызда жүзеге асырылу барысы туралы атап өтті.
<blockquote>
 «Qabilet» қызметі аймақ оқушыларының қабілетін кең ауқымда анықтауға бағытталған жақсы жоба. Тест тапсыру арқылы баланың таланты қай бағытқа қарай сай келетінін анықтап, мамандық таңдауға жақсы көмек көрсетілуі қажет. Сонымен қатар, баланы дамыту жолында ата-аналарға да кеңес берілуі тиіс. Нәтижесінде, еліміздің жарқын болашағын бірлесіп қалаптастыратын боламыз, – деді Балжан Шаменова.
</blockquote>
Айта кетейік, 4 кезеңнен тұратын жобада биылғы жылы 10-11 жастағы оқушылар қабілеттерді диагностикалау тестінен өткізіледі. Бүгінгі күні облыс бойынша 1353 оқушы диагностикалық тестілеудің І кезеңін тапсырып, 3 оқушы жобаның ІІ кезеңіне өтті. Диагностика мен қабілеттерді анықтау Елбасы Академиясының qabilet.elbasyacademy.kz онлайн платформасында және «Дарын» өңірлік орталығының базасында жүзеге асырылады. Қызмет кез келген оқушыға қолжетімді, тегін.
Шара соңында Балжан Мөрәліқызы «Елбасы медалі» жобасының жеңімпаздарымен кездесіп, оларға медальдар мен сертификаттар табыстады.
<img src="https://kyzylorda-news.kz/wp-content/uploads/2022/03/275127109_1308387449664457_7387730082804799406_n.jpg" alt="" />
<img src="https://kyzylorda-news.kz/wp-content/uploads/2022/03/275129458_1308387502997785_6975323748502189047_n.jpg" alt="" />
<img src="https://kyzylorda-news.kz/wp-content/uploads/2022/03/275074149_1308387562997779_8379461838304330451_n.jpg" alt="" />

Қызылордада «Qabilet» қызметі ашылды

<a href="https://kyzylorda-news.kz/">Kyzylorda-news.kz.</a> Биылғы жылдың 2 наурызында Қызылорда қаласының көктемгі дала жұмыстарына дайындық барысына арналған мәжіліс өтті.
Жиынға облыстық ауыл шаруашылығы басқармасы басшысы Т.Дүйсебаев, табиғи ресурстар және табиғат пайдалануды реттеу басқармасы бөлімінің басшысы Ж.Айтжанова, «Арал-Сырдария» бассейндік инспекциясы басшысы С.Нұрымбетов, «Ы.Жақаев атындағы қазақ күріш шаруашылығы ғылыми-зерттеу институты» ЖШС-нің басқарма төрағасы орынбасары Ә.Тоқтамысов және шаруашылық басшылары қатысты.
Күн тәртібіндегі мәселеге байланысты «Арал-Сырдария» бассейндік инспекциясының басшысы С.Нұрымбетов Сырдария өзені бойындағы су шаруашылығы жағдайы, «Қазсушар» мекемесі Қызылорда филиалы директорының орынбасары Ж.Ерназаров ауыл шаруашылығы дақылдарын вегетация кезінде суармалы сумен қамтамасыз ету мәселесі, «Ы.Жақаев атындағы қазақ күріш шаруашылығы ғылыми-зерттеу институты» ЖШС-нің ғалымы К.Шермағамбетов су тапшылығы жағдайында егін шаруашылығында су қорларын тиімді пайдалану, күріш дақылын өсіруде аквагель тыңайтқышын қолдану, әртараптандыру бағытында күздік бидайды егістікте қолдану жөнінде ұсыныстар беріп, табиғи ресурстар және табиғат пайдалануды реттеу басқармасы бөлімінің басшысы Ж.Айтжанова дала жұмыстарына дайындық кезеңінде тазалау мен жөндеуден өткен каналдар және қолдау тапқан су жинау ұңғымалары жайлы ақпарат беріп өтті.
Облыстық ауыл шаруашылығы басқармасы басшысы Т.Дүйсебаев көктемгі дала жұмыстарына дайындық барысы және ауыл шаруашылығы дақылдарын орналастыру сызбасын қайта қарау бағытындағы жұмыстар жөнінде хабарлама жасап, әртараптандыру, субсидия төлеу, суарудың тиімділігі, мал азығы бағасының қымбаттауы бойынша мәселелерге тоқталды.
<img src="https://kyzylorda-news.kz/wp-content/uploads/2022/03/275273171_3105585356381361_7779744091320016486_n.jpg" alt="" />
<img src="https://kyzylorda-news.kz/wp-content/uploads/2022/03/275178347_3105586259714604_1529336815055331486_n.jpg" alt="" />

Қызылордада көктемгі дала жұмыстарына дайындық барысы талқыланды

<a href="https://kyzylorda-news.kz/">Kyzylorda-news.kz.</a> Бүгінде қоғамда ерлермен қатар еңбек етіп жүрген әйел азаматшалар көп. Мемлекет басшысы қай жерде де аналардың еңбегін ерекше бағалайды. Әйел-аналарымыз ел тәуелсіздігінің нығаюына, экономиканың дамуына, ел бірлігін нығайтуға өзіндік үлесін қосуда. Ең бастысы, олар еңбек ете жүріп, өмірге ұрпақ әкеліп, тәрбиелеп отыр.
Ішкі істер органдарында қызмет етіп жүрген қыз-келіншектер де аз емес. Солардың бірі – қалалық полиция басқармасы тергеу бөлімінің аға тергеушісі, полиция аға лейтенанты Индира Абдыхаппар.
Жалпы білім беретін орта мектепті бітірген соң, «Болашақ» университетінде заңгер мамандығын үздікке бітіріп шыққан. Әділдікті жаны сүйетін Индира 2017 жылы Қызылорда қалалық полиция басқармасының тергеу бөлімінің меншігіне қарсы қылмыстарды тергеу тобының тергеушісі болып қызметке орналасады. Алтын уақытымен санаспай, қиындыққа мойымауды әдетке айналдырған әйел-полицей еңбекқорлығымен, өз ісіне жауаптылығымен аға тергеуші лауазымына көтеріледі. Ер азаматтармен қатар жүріп, аса ауыр қылмысты тергеу әйел затына оңай соқпасы белгілі. Бойында батылдық пен қайсарлығы бар Индира осы жылдар бойы ішкі істер бөлімінде қызметін мінсіз атқарып келеді. Әріптестері арасында үлкен сый мен құрметке ие Индира бүгінде полиция аға лейтенанты, қыз бен ұлды тәрбиелеп отырған аяулы ана. Ұлы Бахытжан «Арай» бастауыш мектебінің 1 сынып оқушысы, қызы Аяна 2 жаста.
<blockquote>
 «Тергеу ісі – тыңғылықтылық пен тиянақтылықты талап ететін күрделі қызмет. Бұл салада істеген ісіңді аяғына дейін істеуге тура келгендіктен, адам бойында ұқыптылық пен тиянақтылық болуы шарт. Тергеуші қызметінің ауыртпалықтары болса да, бұл салаға келгеніме еш өкініп көрген емеспін» – дейді аға тергеуші.
</blockquote>
Аталған қызметінің арқасында департамент, басқарма бастықтарының бірнеше мәрте «Алғыс хатпен» марапатталған.

Қазақстан және Қызылорда облысының жаңалықтары