<a href="https://kyzylorda-news.kz/">Kyzylorda-news.kz.</a> Қазалы ауданында полиция шақырып, өзі туған нәрестені көшеден тауып алғаны жөнінде жалған айтқан әйелге қатысты қылмыстық іс қозғалды.
Оқиға аудан орталығы – Әйтеке би кентінің шеткі аймағында болған. Кент тұрғыны өзі дүниеге алып келген шақалақты көшеден тауып алдым деп полицияға жалған айтқан.
<blockquote>
 «Әйел қазір босанған шақалақ екеуі перзентханада ем қабылдауда. Оқиға бойынша ҚР Қылмыстық кодексінің 119-бабы 1-бөлігімен сотқа дейінгі тергеп-тексеру басталды», – делінген Қызылорда облыстық полиция департаментінің хабарламасында.
</blockquote>

Қазалылық әйел өз баласын «көшеден тауып алдым» деп полиция шақырған

<a href="https://kyzylorda-news.kz/">Kyzylorda-news.kz.</a> 21-23 сәуірде солтүстік аймақтарда ауа температурасы төмендейді, деп хабарлайды Қазгидромет.
<blockquote>
 «Көктем солтүстік аймақ тұрғындарын жылы ауа-райымен ұзақ қуантпады. 22 сәуірден бастап елдің солтүстік жартысына суық солтүстік-батыс антициклоны жетеді. Ол таза арктикалық ауаны алып келеді. Қараралас жаңбыр жауып, ауа температурасы төмендейді», – делінген хабарламада.
</blockquote>
Елдің батысы мен шығысында қатты жаңбыр болып, шығыста қарға ұласады.
Оңтүстік өңірлерде жылы ауа райы сақталады. Олар Оңтүстік ауа массаларының ықпалында болады. Найзағай ойнап, азын-аулақ жаңбыр жауады. Бірақ жылы ауа райы сақталады.

Алдағы үш күнге ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда қаласының тұрғындары ауыз сумен Қызылжарма және Қызылорда жер асты су кені арқылы қамтамасыз етіледі.
Қазіргі таңда күнделікті 58 ұңғымадан тәулігіне 70 мың текше метр ауыз су өндіріліп тұтынушыға таратылып отыр. Бұл туралы «Қызылорда су жүйесі» мекемесі басшысының бірінші орынбасары Нұрлан Өтепов баяндады.
<blockquote>
 «Бүгінгі күнге кәсіпорын 82 671 тұтынушыға қызмет көрсетеді. Тұтынушылардың басым көпшілігі ауыз суды жасыл-желектер мен бау-бақшаларды суаруға пайдаланады. Бұл өз кезегінде ауыз су қысымының төмендеуіне әкеледі. Үнемдеу мәселелерін тұтынушыларға түсіндіру мақсатында ауыз суды көгалдандыру жұмыстарына белгіленген уақыт аралығында, яғни түнгі 00:00 мен 06:00 аралығында пайдалануды ескертіп, түсіндірме жұмыстары жүргізіліп келеді. Су ысырабына жол бермеу мақсатында кәсіпорынның инспектор-бақылаушыларымен күнделікті рейд жұмыстары ұйымдастырылып, заң бұзушылықтар дер кезінде анықталып қалыпқа келтірілуде», – деді Нұрлан Кеңесұлы.
</blockquote>

Қызылордада 58 ұңғымадан тәулігіне 70 мың текше метр ауыз су шығады

<a href="https://kyzylorda-news.kz/">Kyzylorda-news.kz.</a> 15 сәуірден бастап қандай қаржы аударымдарының табыс болып есептелетінін белгілейтін Қаржы министрлігінің мобильді аударымдар туралы бұйрығы күшіне енді.
Жаңа ережелер үш кезеңде жүзеге асады. 2023 жылы мемлекеттік қызметкерлер мен олардың жұбайлары, сондай-ақ квазимемлекеттік сектор қызметкерлерінің деректері ғана беріледі. 2024 жылдан бастап жеке кәсіпкерлер мен компания басшылары қосылады. Ал тек 2025 жылдан бастап – тұтынушылардың басқа санаттарына қатысты болмақ. Бұл туралы Қызылорда облысы бойынша мемлекеттік кірістер департаментінің басқарма басшысы Гүлжамал Шортанбаева мәлімдеді.
<blockquote>
 «Жаңа бұйрық негізінде барлық мәліметтер мемлекеттік кіріс органдарына беріледі екен деген ақпарат негізсіз тарауда. Алаңдауға ешқандай негіз жоқ. Тек 2025 жылдан бастап әлеуетті «бұзушылар» тәуекелдерді басқару жүйесімен анықталатын болады, оның өлшемшарттарының бірі – бір адамға күнтізбелік үш ай қатарынан ай сайын 80-100 адамнан көп аударым түсіру кәсіпкерлік қызметті жүзеге асыру белгісі ретінде негізге алынады. Егер де жеке тұлға мобильді аударымдар жасайтын болса, банктік құпияны сақтау талаптары бойынша аударымдар туралы ақпарат кірістер органдарына берілмейді. Бұл бұйрық жеке тұлғалардың, адал салық төлеушілердің жеке аударымдарын қозғамайды және салық мониторингін жүргізу кезінде тиімділікті арттыруға, ҚР заңнамасының нормаларын сақтауға және салық төлеуден жалтарудың алдын-алуға бағытталған. Салық салу туралы толық ақпаратты 1414 телефоны арқылы білуге болады», – деді Гүлжамал Шортанбаева.
</blockquote>
Сонымен қатар, басқарма басшысы жеке кәсіпкерлерді «e-Salyq-Business» мобильді қосымшасын пайдалануға шақырып, бұл арқылы онлайн режимде бірнеше қызмет түрін алуға болатындығын және кәсіпкерлерге салық міндеттемелерін орындауды жеңілдететіндігін атап өтті.
Мәселен, мобильді қосымша жеке кәсіпкер ретінде тіркелуге, салық режимін таңдауға және өзгертуге, чектер беруге, кірістер тізілімін қалыптастыруға және салық және әлеуметтік төлемдер бойынша міндеттемелерді қосымшамен автоматты түрде есептеу үшін қызметкерлердің кірістерінің есебін жүргізуге және оңайлатылған декларацияның тиісті жолдарын толтыруға мүмкіндік береді.

Биыл кімдердің мобильді аударымдары тексеріледі?

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда қалалық санитариялық-эпидемиологиялық бақылау басқармасының басшысы Ерлан Ұзақбаевтың қатысуымен өткен брифингте Қызылорда қаласында Конго-Қырым геморрагиялық қызбасы ауруының эпидемиологиялық ахуалы және алдын алуда атқарылатын шаралар туралы ақпарат берілді.
Биыл қала бойынша конго-қырым геморрагиялық қызбасы ауруының қолайсыз аймақтары ретінде 11 ошақ есепке алынды. Олар: Қызылорда қаласы («КБИ» аймағы), Тасбөгет кенті, Белкөл кенті («Көкжиде» аймағы), Абай, Баймұрат-Ақжарма, Досан, Ж.Махамбетов, Иіркөл, Қарауылтөбе, Талсуат елді-мекендерінде және Қараөзек станциясы. Осыған байланысты кезекті эпидемиялық маусымда 14 сәуірден бастап аурушаңдықтың алдын алу мақсатында залалсыздандыру жұмыстары басталды.
Кенеге қарсы дезинсекциялау 2 рет кезеңмен ҚР ДСМ СЭБК «Ұлттық сараптама орталығы» Қызылорда облысы бойынша филиалы және «Satti tulik» ЖШС мекемесімен атқарылады.
<blockquote>
 «Биыл эпидемиялық маусымында кенеге қарсы дезинфекция жұмыстары алдында жүргізілген энтомологиялық барлау барысында Иіркөл, Тасбөгет, Белкөл қолайсыз аймақтарда табиғаттан және ауыл шаруашылық малдарынан серопозитивті кенелер анықталып отыр. Осы орайда, көктемгі эпидмаусымда барынша сақтық шараларын қатаң сақтауымыз керек. Кене малдың үстінде болатындығын ескере отырып, малды алдын ала ерте көктемде кенеге қарсы егіп, мал қорада кенеге қарсы улау жұмыстарын жүргізу керек және мал күтімімен айналысу барысында бөлек арнайы киім пайдалану қажет», – деді басқарма басшысы.
</blockquote>
Айта кету керек, былтырғы жылы Қызылорда қаласында Конго-Қырым геморрагиялық қызбасының алғашқы диагнозымен 6 жағдайы тіркелген. Оның 4 жағдайы клиникалық және зертханалық расталды. Жүргізілген эпидемиологиялық тексеріп-зерттеу қорытындысымен расталған жағдайлардың екеуі жеке шаруашылығында ауылшаруашылық мал бастарын бағып-асыраса, қалған екеуі далалықтағы бақшада және кірпіш зауытында жұмыс жасайтындығы және барлық науқастар өз ауруларын кене шағумен байланыстырғандығы анықталды. Ал биылғы жылы эпидемиялық мерзім басталғаннан бастап бүгінгі күнге дейін ауру белгілері тіркелмеген.

Қызылорда қаласында Конго-қырым қанды безгегінің 11 ошағы анықталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында 5 млн. теңгенің құрылыс заттарын ұрлаған күдікті қолға түсті.
​16 сәуір күні Қызылорда қаласының тұрғыны Полиция басқармасының кезекші бөліміне келіп, меншік үйдің ауласында тұрған жалпы құны 5 миллион теңге тұратын құрылыс заттарын ұрлап кеткендігі жөнінде арыз берген болатын.
​Ұрлыққа қарсы бағдарлама барысында тәртіп сақшылары 45 жастағы қала тұрғынын анықтап, оны қолға түсірді.
​Аталған дерек Қазақстан Республикасының Қылмыстық кодексінің кодексінің188-бабы 3-бөлігінің 1 – 3 тармағымен (Ұрлық яғни, ірi мөлшерде, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) сотқа дейінгі тергеп-тексеру әрекеттері жүргізілуде. Күдікті уақытша ұстау изоляторына қамалды.

Қызылордада 5 млн. теңгенің құрылыс заттарын ұрлаған күдікті ұсталды

<a href="https://kyzylorda-news.kz/">Kyzylorda-news.kz.</a> Қазалы ауданының орталығынан шалғай орналасқан Кәукей ауылында 100 орындық клубтың іргетасы қаланды.
Аудан әкімі Мұхтар Оразбаев бой көтеріп жатқан жаңа нысанның ауыл тұрғындары үшін аса пайдалы екенін айтып, балалардың мәдениетке, білім мен ғылымға деген ынта-ықыласы арта түсуіне септігі мол екенін тілге тиек етті.
Мұнан соң аудан басшысы Мұхтар Әуесұлы халықтың қуанышымен бөлісуге арнайы келген аудандық мәслихат хатшысы Бақытжан Жарылқап, «AMANAT» партиясы аудандық филиалының атқарушы хатшысы Нұрғиса Жалғасбаев, аудандық қоғамдық кеңестің төрағасы Талайлы Бөріқұлақов, облыстық мәслихат депутаты Ібайдулла Тілеп, аудандық мәслихат депутаттары Ғазиз Әліш, Райымбек Бөлебаевтармен бірге жаңа нысанның іргетасын қалады.
Айта кетейік, облыстық бюджеттен бөлінген қаржыға құрылысы басталған жаңа нысан келесі жылы пайдалануға беріледі. Құрылыс жұмыстарын «SCS Инжиниринг» ЖШС жүргізуде.
<img src="https://kyzylorda-news.kz/wp-content/uploads/2022/04/fb_img_1650407622381.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650407641498.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650407628440.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650407610682.jpg" alt="" />

Қазалының ауылында жаңа клубтың іргетасы қаланды

*<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Жаңақорған ауданында бірқатар нысандарды аралап, аудан активімен кездесті.*
Алдымен аймақ басшысы «Абдулла» шаруа қожалығының құс фабрикасының құрылысымен танысты. Жобаның құрылысы өткен жылы «Аграрлық несие корпорациясы» АҚ қолдауымен бастау алды. Толық іске қосылғаннан кейін фабрика облыс халқы тұтынатын құс етінің 33 пайызын қамтамасыз етпек. Неміс технологиясымен салынатын нысанда 120 жергілікті маман жұмыспен қамтылатын болады. 
Құрылыс жұмыстарымен танысқан облыс әкімі мұндай өзекті әрі тиімді жобаларды қолдау қажет екенін жеткізіп, өндірісті уақытылы іске қосылуына жұмыс жүргізу қажет екенін алға тартты.
Мұнан соң облыс әкімі Жаңақорған кентінде салынып жатқан 300 орындық мектептің жағдайымен танысты. Құрылыстың бас мердігері – «ҚазҚұрылыс» ЖШС. Білім ордасының құрылысы пандемия шектеуі салдарынан кешіктіріліп, жаңа оқу жылында пайдалануға берілмек. Аймақ басшысы мердігер компания басшысына мектеп құрылысын сапалы әрі уақытылы жүргізуді міндеттеді.
Әрі қарай актив отырысында Нұрлыбек Нәлібаев жаңа аудан әкімі Мұрат Тілеумбетовті таныстырып, бұрынғы аудан басшысы Руслан Рүстемовке абыройлы қызметі үшін алғысын жеткізді. Сондай-ақ, аудан экономикасын дамытуға бағытталған инвестициялар мен жобалардың сәтті жүзеге асқанын тілге тиек етті.
<blockquote>
 “Өткен жылы әлемдік пандемияның салдарынан қалыптасқан дағдарысқа қарамастан Қызылорда қаласы мен аудандар арасында Жаңақорған ауданы барлық негізгі макроэкономикалық көрсеткіштер бойынша жоспарлы межені асыра орындаған бірегей аудан болды. Облысқа тартылған инвестициялардың 11 пайызы осы ауданға тиесілі. Мал шаруашылығы бойынша 2021 жылдың қорытындысымен «Озат аудан» атанды. Облыста тұңғыш рет кәсіпкерлік мақсаттағы жер учаскелері электронды форматтағы аукционмен өткізілді. Нәтижесінде, жер сатудан бюджетке түсетін түсім 10 есеге дейін артты. Қазіргі уақытта Жаңақорған кентінде жылына 3,5 мың тонна құс етін өндіретін құс фабрикасының құрылысы жүруде”, – деді Н.Нәлібаев.
</blockquote>
Жиында аймақ басшысы индустрияландыру, шағын және орта бизнесті қолдау және ауыл шаруашылығы саласын жаңа бағытта дамыту қажеттігін еске салып, Президенттің «Жаңа Қазақстан» бастамасына қолдау білдіріп, әріптестерін ел дамуы жолында аянбай еңбек етуге шақырды.
Жиын соңында аудан ардагерлері Зинабдин Шермаганбетов пен Серқожа Ыдырысов игі лебіздерін білдіріп, ақ батасын берді.
<img src="https://kyzylorda-news.kz/wp-content/uploads/2022/04/fb_img_1650407132929.jpg" alt="" />
<hr />
<img src="https://kyzylorda-news.kz/wp-content/uploads/2022/04/fb_img_1650407141192.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650407147499.jpg" alt="" />

Нұрлыбек Нәлібаев Жаңақорған ауданына барды

*<a href="https://kyzylorda-news.kz/">Kyzylorda-news.kz.</a> Бүгін атмосфералық фронталды бөліктердің өтуіне байланысты еліміздің басым бөлігінде жаңбыр жауады, деп хабарлайды Қазгидромет.*
Республиканың шығысында қар аралас жаңбыр күтіледі. Тек батыс өңірлерде жауын-шашынсыз ауа райы болжанады. Солтүстікте – тұман, оңтүстікте, оңтүстік-шығыста – найзағай, бұршақ, дауыл, батыста шаңды дауыл болады. Сонымен бірге барлық өңірде желдің күшеюі байқалады.
Күндіз Қызылорда облысының оңтүстігінде найзағай күтіледі, облыс орталығында жел 15-20 м/с артады.

Сәрсенбі күнге арналған ауа райы болжамы

Kyzylorda-news.kz. Бүгін облыс әкімі Нұрлыбек Нәлібаев «Аралтұз» АҚ Директорлар кеңесінің төрағасы Дәурен Мұқашевпен кездесті.
Басқосуда өндіріс қызметкерлерінің жағдайы, компания атынан әлеуметтік қолдау шараларын ұйымдастыру мәселелері сөз болды.
Сонымен қатар өндірістік қызметті әртараптандыру мақсатында «Кальциленген сода өндіру зауыты» жобасын іске асыру сұрағы көтерілді.
Жобаны жүзеге асыру үшін мемлекет тарапынан барлық қажетті шаралар қабылданып, жер телімдері берілді. Инженерлік инфрақұрылымның 5 нысанын жүргізу «Бизнестің жол картасы – 2025» мемлекеттік бағдарламасы шеңберінде жүргізілуде. Жалпы құны – 4,8 млрд теңге. Қажетті шикізатпен қамтамасыз ету мақсатында кен орындарын игеруге рұқсаттар берілді. Бұл еліміздің осы өнімге қажеттілігінің 75% жабатын, республикадағы кальциленген сода шығаратын ірі зауыт болады.
Аймақ басшысы барлық мүмкіндікті пайдаланып, зауыт құрылысын жуық арада бастау қажет екенін атап өтті.

Облыс әкімі «Аралтұз» АҚ Директорлар кеңесінің төрағасымен кездесті

Kyzylorda-news.kz. Қазақстан Республикасы Президенті Әкімшілігі мен Жаңақорған аудандық мәслихатының келісімдері бойынша облыс әкімінің өкімімен Жаңақорған ауданының әкімі лауазымына Тілеумбетов Мұрат Жолкелдіұлы тағайындалды.
Облыс әкімі Нұрлыбек Нәлібаев жаңа аудан әкімін таныстырып, қызметіне сәттілік тіледі.
Мұрат Тілеумбетов 1963 жылы Қызылорда облысында дүниеге келген.
Ол Жамбыл гидромелиоративтік құрылыс институтын «инженер-құрылысшы» және Қорқыт Ата атындағы Қызылорда мемлекеттік университетін «экономист» мамандықтары бойынша бітірген.
Еңбек жолын 1985 жылы Қызылорда құрылыс трестінің жұмысшысы ретінде бастап, аталған мекемеде мастер, инженер-жабдықтаушы және шағын кәсіпорын директоры лауазымында 1995 жылға дейін қызмет атқарған.
1995-2010 жылдары «Интертич-Кезнар» шағын өндірістік кәсіпорнының өкілі, «Ақ маржан» акционерлік қоғамына қарасты «Реалбаза» мекемесінің директоры, «Жабдықтау» жауапкершілігі шектеулі серіктестігінің бас директоры болған.
2010-2013 жылдары Қызылорда облысының мемлекеттік мүлік және жекешелендіру департаментінің бас маманы, бөлім бастығы;
2013-2014 жылдары Қызылорда қаласы әкімінің орынбасары;
2014-2017 жылдары Қызылорда облысының құрылыс, сәулет және қала құрылысы басқармасының басшысы;
2017-2019 жылдары «Жаңақұрылыс», «Қызылорда тазалығы», «Автобус паркі» ЖШС-де басшылық қызметтер атқарған.
2017-2019 жылдары Қылылорда облысының жолаушылар көлігі және автомобиль жолдары басқармасының бөлім басшысы, басқарма басшының орынбасары болған.
2020 жылдың сәуір айынан бастап Қызылорда облысының жолаушылар көлігі және автомобиль жолдары басқармасының басшысы қызметін атқарып келді.

Жаңақорған ауданының әкімі тағайындалды

Kyzylorda-news.kz. Бүгін ҚР Премьер-Министрі Әлихан Смайыловтың төрағалығымен селекторлық режимде Үкімет отырысы өткізіліп, елдегі шағын және орта бизнесті дамыту және кәсіптік білім беру оқу орындарында маман даярлау мәселелері қаралды.
Жиынға тиісті сала басшылары мен барлық өңірдің әкімдері қатысты.
Үкімет басшысы Ұлттық экономика министрлігіне «Атамекен» ҰКП-мен бірге “Шағын және орта кәсіпкерлікті дамыту” тұжырымдамасын сапалы іске асыруды, мемлекеттік органдармен бірге тәуекелдерді басқару жүйесінің негізінде бизнесті мемлекеттік бақылау жүйесін автоматтандыру жөніндегі Жол картасын әзірлеуді тапсырды.
Жиыннан кейін Нұрлыбек Нәлібаев облыстық кәсіпкерлік және туризм басқармасының басшысына шағын және орта бизнесті дамытуға ынталы кәсіпкерлерді белсенді түрде тартып, оларды мемлекеттік бағдарламалар шеңберінде қолдау қажет екенін, ал білім басқармасының басшысына мамандарды даярлау бағытында еңбек нарығында жоғары сұранысқа ие жұмысшы кадрларды оқыту бойынша әрбір басқармадан ұсыныс жинақтап, талдау жасауды тапсырды.

Қазақстан және Қызылорда облысының жаңалықтары