<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының табиғи ресурстар және табиғат пайдалануды реттеу басқармасының жанынан «WhatsApp» мессенджерінде «Эко – патруль Қызылорда» жобасы жұмыс жасайды.
Жобаның мақсаты – аймақтағы санитариялық тазалық жағдайын бақылау жасау және санитариялық талаптарға сәйкес келмейтін орындарды анықтап, тазарту болып табылады.
«Whatsapp» мессенджерге келіп түскен ақпараттар тиісті құзырлы органдардың назарына жеткізіліп, тиісті шаралар қолданылады.
Жоба бойынша +7 747 104 56 67 «WhatsApp» мессенджеріне хабарласуға болады.

«Эко &#8211; патруль Қызылорда» жобасының жұмысы басталды

*<a href="https://kyzylorda-news.kz/">Kyzylorda-news.kz.</a>&nbsp;«Болашақ» бағдарламасының тізіміне 40 жаңа мамандық қосылды.&nbsp;Тізім еңбек нарығының трендтерін талдау нәтижесінде толықтырылған. Бұл туралы «Халықаралық бағдарламалар орталығы» АҚ Басқарма төрағасы Әнуар Жанғозин «<a href="https://www.facebook.com/azhangozin/posts/10227437147692569">Facebook</a>» парақшасында хабарлады.*
Мамандықтар тізімі инновациялар, жаңа технологиялар, медицина және индустриялық инженерия, жаратылыстану ғылымдары саласы бойынша толықтырылды.
<blockquote>
 «17 мамандықтың атауы кеңейтіліп, бұрыннан бар мамандықтар қатарына қосылса, 23-і жаңа мамандық ретінде енгізіліп отыр. Жалпы алғанда, басым мамандықтардың тізімі техникалық бағыттағы мамандықтармен 30%-ға кеңейтілді», – дейді Әнуар Жанғозин.
</blockquote>
Орталық басым мамандықтарды анықтау үшін мемлекеттік органдар мен ұйымдардың жоғары және жоғары оқу орнынан кейінгі білімі бар кадрлар қажеттілігіне қатысты 70-ке жуық өтініміне талдау жасаған.
<blockquote>
 «Кадрлық нарықтың орта мерзімді болжамы ескерілді. Мемлекеттік органдар, ЖОО, ғылыми орталықтар, индустрия және бизнес өкілдерінің қатысуымен сараптамалық кездесулер өткіздік», – деп жазады ол.
</blockquote>
Биылғы жылы шетелдік жоғары оқу орындарында білім алуға арналған басым мамандықтар тізіміне жалпы академиялық оқу бойынша 92 мамандық және тағылымдамадан өтуге 158 мамандық кірді.
Тізімді «<a href="https://bolashak.gov.kz/kz/mamandytar?fbclid=IwAR2tfWMIuzAgYBA7Sjfe6UCqbl2KxamNygOZvAW7tmIW811xM6j2AgE393E">Халықаралық бағдарламалар орталығы</a>» АҚ ресми сайтынан қарауға болады.

«Болашақ» бағдарламасының тізіміне 40 жаңа мамандық қосылды

<a href="https://kyzylorda-news.kz/">Kyzylorda-news.kz.</a>&nbsp; Американың Пенсильвания штатындағы Филадельфия қаласында тұңғыш қазақ мектебі ашылды.
Бұл мектепте АҚШ-та туып, өсіп келе жатқан қазақ балалары ана тілімізбен және төл тарихымызбен сусындап, салт-дәстүрлерімізді санасына сіңіріп, Әнұранымызды шырқап, Құран сүрелерін жаттап, Домбыра үйренетін болады.
Мектепке 6-16 жас аралығындағы бүлдіршіндер мен жасөспірімдер қабылданады.
Айта кетейік, аталған қазақ мектебінің құрылтайшысы – Пенсильвания штатындағы Kazakh American қауымдастығының басшысы Жұлдызай Исмаилова.

Америкада тұңғыш қазақ мектебі ашылды

Кеңес отырысына облыстық мәслихат хатшысы Наурызбай Байқадамов, облыстық жұмысшы топ мүшелері мен облыстық Қоғамдық кеңестің жаңадан қалыптастырылған мүшелері қатысты.
<blockquote>
 «Наурыз айындағы конкурс негізінде қоғамдық ұйымдардың өкілдері мен өзін өзі ұсынған жалпы 62 кандидаттан ұсыныс түсті. Жұмыс тобының мүшелері тарапынан әр кандидатпен жеке-жеке әңгімелесу жүргізілді. Нәтижесінде облыстың саяси-әлеуметтік, экономикалық салаларын дамытуға үлес қосып, түрлі салаларда көп жылдар бойы қызмет атқарып мол тәжірибе жинақтаған азаматтар қатарынан 30 кандидат Қоғамдық кеңестің мүшелігіне ұсынылып, облыстық мәслихат сессиясында мақұлданды» – деді Райкүл Байназарова.
</blockquote>
Сонымен қатар облыстық мәслихат хатшысы Наурызбай Байқадамов мемлекеттік бағдарламалардың орындалуын бақылауды жүзеге асыру және билік пен азаматтық қоғам арасындағы байланысты қамтамасыз етуде Қоғамдық кеңеске артылар жауапкершілік одан әрі күшейе түсетінін және кеңес алаңында көтерілген әрбір мәселе бірінші кезекте әлеуметтік мәселелерді шешуге, халықтың сұранысы мен талабын қанағаттандыруға бағытталуы тиіс екендігін атап өтті.
Күн тәртібіндегі мәселе бойынша Қоғамдық кеңестің ережесі таныстырылып, кеңес мүшелері арасынан ашық дауыс беру арқылы Қызылорда облыстық Қоғамдық кеңестің жаңа төрағасы болып Хожбанов Әріп Битілеуұлы сайланды.

Қызылорда облыстық Қоғамдық кеңестің алғашқы отырысы өтті

<a href="https://kyzylorda-news.kz/">Kyzylorda-news.kz.</a>&nbsp;Жаңақорған ауданында 2-сынып оқушысы педофилдің құрбаны болған. Бұл туралы <a href="https://www.facebook.com/hashtag/%D0%BD%D0%B5%D0%BC%D0%BE%D0%BB%D1%87%D0%B8kz?__eep__=6&__cft__[0]=AZWOuGvR3iqDB7lgiP3T9a4HVVND8xXgHQjqeKAtmbOJPd3nwr7Wi9mdDA6UKcorzseWraS71drg3LMT5zq9XD2Qa6lblJ2vz6DBwEb5ts9Nmfqd7Ke3GQosasgelI7RsSA&__tn__=*NK-R">#НеМолчиKZ</a> қорының басшысы Дина Таңсәрі «<a href="https://www.facebook.com/dina.tansari.kz">Facebook</a>»&nbsp;парақшасында хабарлады.
<blockquote>
 «#НеМолчиKZ қорына анонимді хабарлама келіп түсті, бұл жағдай туралы пікір білдіруді сұраймыз. Егер қылмыс расымен орын алса, қандай шара қабылданды, кішкентай балаға қандай көмек көрсетілді?», – делінген жазбада.
</blockquote>
Қор басшысы мұнан соң, өз парақшасында анонимді хабарламаның мәтінін жариялады.
<blockquote>
 «Бір апта бұрын 2-сынып оқушысы зорланды. Қыздың анасының жүрегі ұстап қалды, ауырып жатыр, әкесі есеңгіреп қалған. Күдікті қызды алдап, мектепке дейін жеткізетінін айтқан. Көлікке отырғызып, алып кетіп, зорлаған. Кейін алып кеткен орнына қайта әкеп тастаған», – делінген хабарламада.
</blockquote>
Облыстық полиция департаментінің баспасөз қызметінде аталған деректі растады.
<blockquote>
 «Аталған дерек сотқа дейінгі бірыңғай тергеу реестрінде Қылмыстық кодекстің 121-бабы, 4-бөлігі бойынша тіркелді. Күдікті тұтқындалып, уақытша ұстау изоляторына қамалды. Сараптама тағайындалды. Қазақстан Республикасы Қылмыстық-процестік кодексі 201-бабының талаптарына сәйкес сотқа дейінгі тергеп-тексеру деректері жария етілмейді», – деп мәлім етті облыстық полиция департаментінің баспасөз қызметі.
</blockquote>

Жаңақорғанда педофил тұтқындалды

<a href="https://kyzylorda-news.kz/">Kyzylorda-news.kz.</a> ЗК-169/1 тергеу изоляторында қасиетті Рамазан айының келуіне&nbsp; байланысты, мекемедегі ішкі тәртіп ережелерін сақтай отырып,&nbsp;қамаудағы&nbsp;азаматтар арасында&nbsp;ауыз бекітіп ораза тұтқандар да бар.
Осыған орай,&nbsp;облыстық әкімдік пен мешіт имамдары тарапынан, оразадағы жандарға &nbsp;бір күндік ауыз ашар пакеттері таратылды.&nbsp;Жинақталған&nbsp;қалтаның ішінде ыстық палау мен құрма,&nbsp;қатық және сусын бар.
<blockquote>
 «Бүгін біз, істі болып, қылмысқа тартылған жандарға ауыз-ашар азық-түліктерін әкелдік. Ауыз бекітерден бір күн бұрын осында келіп, Рамазан айының ерекшеліктері мен ораза ұстау тәртібі жайында түсіндірме жұмыстарын жүргізген болатынбыз. Бүгін де, әр қапасқа кіріп, асыл дініміздің адамгершілік тұрғыдағы артықшылықтары жайында әңгімелеп бердік. Жалпы мекеменің тәрбие бөлімімен бірлесе отырып өткізілетін іс-шараларымыздың басты мақсаты: адасқан жандардың өз қателіктерін түсініп, дұрыс жолға түсуіне себепкер болу. Сондай-ақ, айтылатын имани насихаттарымыз арқылы,&nbsp; олардың рухани иммунитетін көтеру болып табылады», – дейді, Қызылорда&nbsp; облыстық орталық Ақмешіт&nbsp; мешітінің наиб иманы Ислам Маратұлы.
 «Мен бұл уақытқа дейін ораза ұстап көрмедім. Бостандықта жүргенде, шыдамсыз, алып- ұшпа көңілде болатынмын. Сол қызуқандылықпен&nbsp; жасаған қадамымның нәтежиесінде міне, темірторда отырмын. Ораза &nbsp;ұстаумен пенде бойындағы құмар мен нәпсісін тежеуді үйренеді екен. Ал бұл өз кезегінде сауаптың мол болып, күнәлардың кешірілуіне және шайтанға қарсы тұра білуге алып келеді. Ауыз ашар алдында, жасаған қылмысыма өкініп,&nbsp; алла алдағы уақытта дұрыс жолға бастасын деп дұға&nbsp; тілеймін. Сонымен қатар,&nbsp; бүгінгі ауыз аштырған жандарға алғысымды білдіремін», – дейді, айыпталушы.
</blockquote>

Қызылордада қамаудағыларға ауызашар қалтасы берілді

<a href="https://kyzylorda-news.kz/">Kyzylorda-news.kz.</a> 2022 жылы жоғары оқу орындарында берілетін білім гранттарының саны рекордтық 73 мыңға дейін артады.
ҚР БҒМ баспаөз қызметінің мәліметінше, бұл ретте жоғары оқу орындары мен колледждер студенттерінің көп бөлігі мемлекет есебінен тегін оқу мүмкіндігін алады. Бұл туралы бүгін Үкімет отырысында ҚР білім және ғылым министрі Асхат Аймағамбетов мәлімдеді.
<blockquote>
 «Президенттің қолдауының арқасында мектеп түлектерінің бюджет есебінен оқуға мүмкіндігі артып келеді. Колледждерде білім алу үшін биыл білім беру гранттарының саны да рекордтық көрсеткішке, яғни 31 мың грантқа дейін ұлғайып отыр. Гранттардың басым бөлігі техникалық мамандықтар бойынша беріледі. Сондай-ақ біз емтихандарды алып тастадық және азаматтардың әлеуметтік осал санаттары үшін арнайы квоталарды енгіздік. Гранттар барлық колледжге берілмейді. Студент грантты жеңіп алып, белгілі бір колледжді таңдайды. Осылайша қаржыландыру студент таңдаған колледжге жіберіледі. Яғни бұл жерде «ақша студенттің соңынан ереді» қағидасы жұмыс істейді. Бұл кадрларды даярлау бойынша колледждердің бәсекеге қабілеттілігін арттырады. Ең бастысы – еңбек нарығының сұранысына сай болу», – деп айтты ҚР білім және ғылым министрі Асхат Аймағамбетов.
</blockquote>
Айта кетейік, гранттарды бөлу кезінде халықтың әлеуметтік осал топтарынан шыққан балаларға арналған квоталар саны ұлғайтылады. Яғни көп балалы немесе толық емес отбасылардың балалары, сондай-ақ ерекше қажеттіліктері бар балаларды тәрбиелеп отырған отбасыдан шыққан үміткерлердің грант алу мүмкіндігі әлдеқайда жоғары болады. Сонымен бірге биыл мемлекеттік білім беру тапсырысын бөлу кезінде инженерлік, өңдеу, құрылыс салаларына, сондай-ақ педагогикалық және жаратылыстану ғылымдарына ерекше көңіл бөлінеді. 2022 жылы Мемлекет басшысының тапсырмасы бойынша техникалық кадрларды даярлау және техникалық бағыттар бойынша мемлекеттік тапсырыс үлесі 60%-ке дейін артты.
Студенттер арасында сұранысқа ие және қажетті мамандықтарға жаңа гранттар бөлінеді.
<a href="https://24.kz/kz/zha-aly-tar/bilim-zh-ne-ylym/item/539711-biyl-universitetterge-beriletin-granttar-sany-73-my-a-dejin-artady">Хабар 24</a>

Биыл университеттерге берілетін гранттар саны 73 мыңға дейін артады

<a href="https://kyzylorda-news.kz/">Kyzylorda-news.kz.</a> Арал ауданына сапарлап, әлеуметтік нысандарды саралаған облыс әкімі Нұрлыбек Нәлібаев кеңейтілген жиын өткізіп, ауданның өзекті мәселелерін саралады.
Актив отырысына облыстық мәслихат хатшысы, ауданның зиялы қауым өкілдері, аудан ардагерлері, мәслихат депутаттары, түрлі мекеме, кәсіпорын және құқық қорғау органдарының басшылары қатысты.
Жиында аймақ басшысы аудан үшін өзекті шешімін күттірмейтін мәселелерді тізбектеп, алдағы жоспарларымен бөлісті.
<blockquote>
 «Әр азаматтың туған жеріне адал әрі жауапкершілікпен қызмет етуі перзенттік парызы деп санаймын. Қашанда халық бірлігі сарай салып, қамал алғызған. Әрбір қолға алған ісімізді бірлікпен, асқан жауапкершілікпен атқарсақ ғана кез келген қиындықтан сыр бермей шығамыз. Бұл жолда Президент ұсынған «Жаңа Қазақстан» бастамасын қолдай отырып, әрбір мәселені өзектілігіне қарай кезең-кезеңімен орнықты түрде шешетін боламыз. Киелі топырағында талай сындарлы кезеңдерді бастан өткерген Арал, бүгінде теңізі мен су маржаны арқылы әлемге әйгілі. Таңертеңнен бері бірқатар проблемалық нысандарды аралап, тұрғындармен кездестім. Елдің ахуалын, тұрғындардың жағдайы мен халықтың тұрмыс-тіршілігін көзбен көріп келемін. Ел игілігі үшін салынған, ғасыр жобасына баланған «Көкарал» бөгеті де бүгінде тікжақтауын су шаюына байланысты біршама бұзылған. Осыған байланысты жөндеу жұмыстарына техникалық-экономикалық негіздемесі әзірленіп, жоба-сметалық құжаттарын жасауға республикалық бюджеттен тиісті қаржысы бөлінді. САРАТС жобасы екінші кезеңінің толықтай жүзеге асуын теңізді өлкенің тұрғындары үлкен үмітпен күтетіндіктен, Арал өңірінің жағдайы әрдайым Мемлекет басшысының назарында», – деді облыс әкімі.
</blockquote>
Аймақ басшысы пандемия салдарынан 2 жылдан бері өткізілмеген дәстүрлі «Балықшылар слеті» биыл ұйымдастырылатынын және Қазақстан мен Өзбекстан арасындағы ынтымақтастық жөніндегі комиссияның 2-ші отырысын Арал қаласында өткізу жоспарланғанын мәлімдеді.
Жиында аудан әкімі Серік Сермағамбетов атқарылған жұмыстарды тізбелеп, түйткілді мәселелерді шешу бағытындағы жоспарымен бөлісті. Аймақ басшысы әрбір мәселенің өзектілігіне қарай түйінін тарқатуды және бюджет қаражатын тиянақты түрде жұмсау қажет екенін еске салды.
<blockquote>
 «Экономика салаларына, оның ішінде әсіресе балық шаруашылығына инвестициялар тарту, салық базасын ұлғайту, саяси тұрақтылықты сақтау, жаңа жұмыс орындарын құру және кәсіпкерлік саласын дамыту бойынша нақты жұмыстар жүргізу қажет. Қазіргі дағдарыс жағдайында бюджеттің әрбір тиыны есептеулі. Осы ретте, бюджеттен бөлінген қаражаттарды мерзімінде және толық игеріп, жобалардың сапалы жүзеге асуын қамтамасыз етіңіз», – деді облыс әкімі.
</blockquote>
Жиында мемлекет және қоғам қайраткері, Арал ауданының құрметті азаматы, бұрынғы Қазақ ССР балық шаруашылығының министрі Құдайберген Саржанов пен ардагер Шындалы Әбдраманов елім дейтін азаматтарды әрдайым қолдайтынын жеткізіп, елді бірлікке шақырса, кәсіпкер, облыстық мәслихаттың депутаты Мейрамбек Жұмашев облыс көлемінде кәсіпкерлікті қолдау қадылданған шараларға өз пікірін қосты.

Аралда биыл балықшылар слеті өтеді

<a href="https://kyzylorda-news.kz/">Kyzylorda-news.kz.</a> Қазалы ауданындағы бірқатар нысанды аралап, жұмысын саралаған облыс әкімі Нұрлыбек Нәлібаев ауданда кеңейтілген актив отырысын өткізді.
Жиынға облыстық мәслихат хатшысы Наурызбай Байқадамов, аудан әкімі Мұхтар Оразбаев, жауапты сала басшылары мен еңбек ардагерлері қатысты. Басқосуда Сырдария өзенінің су деңгейі, Қазалы ауданының әлеуметтік-экономикалық көрсеткіштері, алға қойған жоспарлар сөз болды.
Облыс әкімі вегетациялық кезеңде су тапшылығы орын алу қауіпі бар екенін атап өтіп, кешенді шаралар қабылдау бойынша нақты тапсырма берді.
<blockquote>
 «Мемлекет басшысы Қасым-Жомарт Кемелұлы Тоқаев үлкен сенім білдіріп, маған туған жеріме қызмет етуге мүмкіндік берді. Халықтың әл-ауқатын көтеру – біздің бірінші кезектегі басты міндетіміз. Қазақта «Біріккен білек жер қопарады» деген дана сөз бар. Туған жерді дамытуға күш біріктіріп, тізе қосып, кесімді пікір мен келелі шешім қабылдау үшін Өздеріңізбен кеңесіп отырудың орны бөлек. Сонымен қатар, «Қарлан» учаскесіндегі көпір құрылысының басталуы – дарияның арғы бетіндегі ағайынның бұрыннан келе жатқан тілегі болса, 250 келушіге арналған емхана құрылысының аяқталуына санаулы күндер қалды. Жыл сайын Сырдария өзеніндегі судың азайып жатқандығы бәрімізге мәлім. Өткен жылы орын алған қуаңшылық шаруаларға қиындықтар туғызды. Дегенмен, өтпелі қиындыққа мойымай, бірлікпен іс атқардық. Қазіргі кезде өзендегі су деңгейінің көтерілуіне қарамастан, вегетациялық кезеңде су тапшылығы орын алады деген болжам бар. Бүгін осы мәселелерді Өздеріңізбен толығырақ талқылау мақсатында жиналып отырмыз», – деді облыс әкімі Нұрлыбек Нәлібаев.
</blockquote>
Актив отырысында аудан әкімі Мұхтар Оразбаев ауданның макроэкономикалық көрсеткіштер бойынша есеп беріп, өзекті мәселелер бойынша ұсынысын жолдады.
Мұнымен қоса, «РЗА» АҚ-ның директоры Самұрат Имандосов пен аудандық ардагерлер кеңесінің төрағасы Оразғали Бекбанов елге тілеулес екендігін айтып, тұрғындар атынан лебізін білдірді.
Облыс әкімі экономиканың барлық салалары бойынша әлеуметтік-экономикалық дамудың оң параметрлеріне қол жеткізуді қамтамасыз етуді тапсырды. Сонымен қатар экономика салаларына инвестициялар тарту, салық базасын ұлғайту, саяси тұрақтылықты сақтау, жаңа жұмыс орындарын құру және кәсіпкерлік саласын дамыту бойынша нақты жұмыстар жүргізу қажет екенін айтты.
<blockquote>
 «Қазіргі дағдарыс жағдайында бюджеттің әрбір тиыны есептеулі. ретте, бюджеттен бөлінген қаражаттар мерзімінде және толық игеріп, жобалардың сапалы жүзеге асуын қамтамасыз етіңіз», – деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2022/04/orazbaev.jpg" alt="" />
<img src="https://kyzylorda-news.kz/wp-content/uploads/2022/04/kazaly.jpg" alt="" />

Нұрлыбек Нәлібаев: Әрбір ауданның әлеуетін арттыру үшін өңірге инвестиция тарту керек

<a href="https://kyzylorda-news.kz/">Kyzylorda-news.kz.</a>&nbsp;Қызылордада жеңіл өнеркәсіппен айналысатын «Ас-кА» ЖШС директоры Дина Махатова шағын индустриялық аймақтарға қатысты мәселені көтеріп жүрген кәсіпкер.
Арнайы жұмысшы киімдерін тігумен айналысатын ол өңірде шағын индустриялық аймақтардың жұмысын жандандыру қажет деп санайды.
<blockquote>
 «Облыста осындай 6 аймақ құрылып, жұмыс жасап жатыр. Дегенмен бұл өндірістік аймақтардың жобалармен қамтылуы төмен. Есесіне жергілікті кәсіпкерлер тарапынан бос өндірістік ғимараттарда немесе ангарларларда орналасқан шағын индустриялық аймақтарға сұраныс бар», – дейді кәсіпкер.
</blockquote>
Дина Махатова тігін, жиһаз, тамақ және құрылыс материалдары өндірісімен айналысатын жергілікті кәсіпкерлер жеткілікті тәжірибе жинақтады деп санайды және осы саладағы кәсіпкерлерді кластерлік негізде топтастырып, бос орын-жайлармен қамтамасыз ету қажеттігін атап өтті.
<blockquote>
 «Мұндай шағын индустриялық аймақтар Өзбекстанды айтпағанда, еліміздің бірқатар қалаларында ашылған. Үлгі ретінде Алматы қаласын айтуға болады. Онда бұл жоба табысты жүзеге асырылуда. Кәсіпкерлерге арзан жалдау бағасымен өндірістік орындар беріледі, коммуналдық мәселелері шешілген, санитарлық қадағалау органдарымен проблема жоқ. Орынжайды сатып алғысы келетіндерге арзан әрі 2 пайызбен жеңілдетілген несие береді», – деді Дина Махатова.
</blockquote>
Кәсіпкер Дина Махатова Қызылорда облысы кәсіпкерлер палатасы Өңірлік кеңесінің мүшесі ретінде бұл мәселені облыс әкімінің орынбасарымен өткен кездесуде де көтеріп, салалық басқарма басшыларымен өзге өңірлердің тәжірибесімен бірге танысуға дайын екендігін жеткізді.

Қызылордалық кәсіпкерлер шағын индустриялық аймақ жұмысына көмек сұрап отыр

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрі Асхат Аймағамбетов Алматыдағы қайғылы оқиғадан кейін мұғалімдер үшін біліктілік тесті алынып тастай ма деген сұраққа жауап берді, деп хабарлайды <a href="https://sputnik.kz/20220419/aymagambetov-biliktilik-testi-piar-24300074.html">Sputnik Қазақстан</a>.
Оның айтуынша, министрлікке біліктілік тестін алып тастау туралы өте көп ұсыныс түседі.
<blockquote>
 «2018 жылдан бастап аттестация рәсімі енгізілді. Осы тестілеуді алып тастаймын десек, барлығы бөркін аспанға лақтырып, қуанатыны түсінікті. Бірақ бізге мұндай арзан пиар қажет емес. Бізге ең керегі – білім беру сапасы. Ең бастысы, балалардың жақсы білім алғаны. Сондықтан біз біреуге ұнау үшін, біреудің тілін табу үшін мұндай шешім қабылдамаймыз. Біз елге қажетті шешімдерді қабылдаймыз. Бұл өте маңызды, мен қоғам назарын осыған аударамын», – деді Аймағамбетов үкімет үйінде өткен баспасөз мәслихатында.
</blockquote>
Ол Алматыда біліктілік тесті кезінде қаза болған мұғалімнің білімді әрі білікті маман болғанын атап өтті.
<blockquote>
 «Ол өз пәнін жақсы білгендіктен және өзіне сенімді болғаннан кейін, аттестация тапсыру қажеттілігі болмаса да, өз еркімен жазылып, қалай да болса тапсырамын деп шешім қабылдаған. Тестілеуге барар алдында, жақындарының айтуынша, мазасы болмаған. Сондықтан туыстары аздап тынығып, бүгін тестілеуге бармай-ақ қой деп өтінген. Бірақ неге мен бармаймын, мен бұл пәнді жақсы білемін деп тестілеуге барған», – деді министр.
</blockquote>
Аймағамбетов әріптестері марқұмның үйіне барып, отбасына көңіл айтқанын мәлімдеді. Отбасына тиісті көмек көрсетіледі.

Асхат Аймағамбетов: Бізге арзан пиар қажет емес

<a href="https://kyzylorda-news.kz/">Kyzylorda-news.kz.</a> Тегін экстракорпоральды ұрықтандыруға кім өтініш бере алады, қайда жүгіну керек және процедураның көрсеткіштері қандай? Бұл туралы Әлеуметтік медициналық сақтандыру қорының Қызылорда облысы бойынша филиалында айтылды.
Президент Қасым-Жомарт Тоқаевтың тапсырмасымен 2021 жылдан Қазақстанда «Аңсаған сәби» әлеуметтік бағдарламасы басталды, оның мақсаты – қосалқы репродуктивтік технологиялардың (ҚРТ) көмегімен отбасылық-демографиялық проблемаларды шешуге жәрдемдесу.
<blockquote>
 «Әлеуметтік медициналық сақтандыру қоры 2018 жылдан бастап тегін медициналық көмектің кепілдік берілген көлемі шеңберінде ЭКҰ бағдарламаларын қаржыландыруды жүргізеді. ЭКҰ-ға жолдама алу үшін тіркелген жері бойынша емханаға жүгіну қажет. Мамандар пациентті бедеулігі бар диспансерлік пациенттердің электрондық тіркеліміне қосады және бірқатар тексерулер тағайындайды. 12 ай ішінде емхананың бейінді маманның қорытындысы негізінде пациенттің құжаттарын жоғары технологиялық медициналық қызметтер жөніндегі жергілікті комиссияға жібереді. Оң шешім қабылданған жағдайда, әйел «Емдеуге жатқызу бюросы» порталында тіркеліп, рәсімге дайындала бастайды. Пациент экстракорпоралдық ұрықтандыру үшін клиниканы өз бетінше таңдауға құқылы. Жеткізушілер тізімімен қор <a href="https://fms.kz/kz/useful-to-know/vybrat-kliniku/">сайтында</a> танысуға болады», – деп хабарлады ӘМСҚ облыстық филиалының директоры Бақыт Исмаханбетов.
</blockquote>
ЭКҰ кімдерге арналған? Процедура терапевтік жолмен емдеуге келмейтін бедеулік диагнозы қойылғандарға арналған. ЭКО-ға отбасылық жұптар да, жеке адам да қатыса алады. Міндетті түрде үміткердің ерікті жазбаша келісімі болуы керек.
Қазақстан азаматы болуы және денсаулық сақтау министрлігі белгілеген медициналық параметрлерге сәйкес келуі қажет – бұл репродуктивті жас (18-ден 42 жасқа дейін), қалыпты соматикалық және эндокриндік мәртебе, жоғары фолликулярлық резерв.
Науқасқа ұрықтандырудан бас тарту бірнеше жағдайда әсер етуі мүмкін: жатырдың туа біткен немесе жүре біткен ауытқулары, соматикалық және психикалық бұзылулар, аналық без ісіктері, жедел қабыну және кез-келген локализацияның онкологиясы.
Айта кету керек, жылына бір рет МӘМС бойынша ЭКҰ процедурасынан тегін өтуге болады. МӘМС жүйесінде ЭКҰ жүргізу алдында ерлі-зайыптыларды тексеру көлемі көзделген тізбеге сәйкес жүзеге асырылады.
МӘМС жүйесінде ЭКҰ – циклдің базалық бағдарламасы көзделген, онда суперовуляцияны стимуляциялау, аналық бездердің трансвагинальды пункциясы, мұздатылған (желденген) эмбриондарды ауыстыруды қоса алғанда, асқынулардың жоғары тәуекелдерінің болуымен және эмбриондарды ынталандырылған циклде (овуляцияны стимуляциялау аясында эндометрия гиперплазиясы, эндометрия гипоплазиясы), кез келген локализацияның жіті қабыну аурулары кезінде ЭКҰ нәтижелілігін айқын төмендететін факторлардың болуымен байланысты кейінге қалдырылған тасымалдар жағдайларында жүргізіледі.
Жүктілікті диагностикалау ұрықтандырудан 12-14 күн өткен соң жүргізіледі, ультрадыбыстық зерттеу 21 күнге тағайындалады. Егер науқаста жағымсыз асқынулардың бірі пайда болса – көп жүктілік, бұл әйел денесіне жүктемені арттырады және жүктілік болжамын нашарлатады, ол резекция жасайды. Дамып келе жатқан ұрық санын азайту операциясы пациенттің жазбаша келісімі болған жағдайда ғана жүзеге асырылады.
ЭКҰ жүргізу қағидалары және ілеспе іс-шаралар туралы толық ақпарат Қазақстан Республикасы Денсаулық сақтау министрінің 2020 жылғы 15 желтоқсандағы № ҚР ДСМ-272/2020 «Қосалқы репродуктивтік әдістер мен технологияларды жүргізу қағидалары мен шарттарын бекіту туралы» бұйрығында жарияланды.
Қызылорда облысында «Аңсаған сәби» бағдарламасы аясында ЭКҰ-ға кезекте 792 әйел тұр. Өткен жылы өңірде 281 квота игерілді, оның 53 пайызы нәтижелі болды. Биыл 277 квота қарастырылған. Қызылорда облысында ЭҚҰ процедуралары жүргізілмейді.

Қазақстан және Қызылорда облысының жаңалықтары

«Эко – патруль Қызылорда» жобасының жұмысы басталды

«Болашақ» бағдарламасының тізіміне 40 жаңа мамандық қосылды

Америкада тұңғыш қазақ мектебі ашылды

Қызылорда облыстық Қоғамдық кеңестің алғашқы отырысы өтті

Жаңақорғанда педофил тұтқындалды

Қызылордада қамаудағыларға ауызашар қалтасы берілді

Биыл университеттерге берілетін гранттар саны 73 мыңға дейін артады

Аралда биыл балықшылар слеті өтеді

Нұрлыбек Нәлібаев: Әрбір ауданның әлеуетін арттыру үшін өңірге инвестиция тарту керек

Қызылордалық кәсіпкерлер шағын индустриялық аймақ жұмысына көмек сұрап отыр

Асхат Аймағамбетов: Бізге арзан пиар қажет емес

МӘМС бойынша тегін ЭКҰ-ға кім өтініш бере алады?

Қазақстан және Қызылорда облысының жаңалықтары

«Эко &#8211; патруль Қызылорда» жобасының жұмысы басталды

«Болашақ» бағдарламасының тізіміне 40 жаңа мамандық қосылды

Америкада тұңғыш қазақ мектебі ашылды

Қызылорда облыстық Қоғамдық кеңестің алғашқы отырысы өтті

Жаңақорғанда педофил тұтқындалды

Қызылордада қамаудағыларға ауызашар қалтасы берілді

Биыл университеттерге берілетін гранттар саны 73 мыңға дейін артады

Аралда биыл балықшылар слеті өтеді

Нұрлыбек Нәлібаев: Әрбір ауданның әлеуетін арттыру үшін өңірге инвестиция тарту керек

Қызылордалық кәсіпкерлер шағын индустриялық аймақ жұмысына көмек сұрап отыр

Асхат Аймағамбетов: Бізге арзан пиар қажет емес

МӘМС бойынша тегін ЭКҰ-ға кім өтініш бере алады?

«Эко – патруль Қызылорда» жобасының жұмысы басталды