<a href="https://kyzylorda-news.kz/">Kyzylorda-news.kz.</a> Ұлттық Банк заманауи өнерді қолдау және Батырхан Шүкеновті мәңгі есте қалдыру мақсатында 18 мамырдан бастап Street art. BATYR BEINESI коллекциялық монеталарын сатылымға шығарады.
Биыл әнші-композитор, аңыз адамның туғанына 60 жыл. Осыған орай Batyr Beinesi монетасы жарық көрді.
Мұның басты маңыздылығы заманауи өнер мен Батырхан Шүкеновті мәңгі есте сақтау.
Монетаның дизайнында Қазақстан стрит-артының ең жарқын жұмыстарының бірі – REPAS командасының «Батыр бейнесі» граффитиі бейнеленген.
Әнші 2015 жылдың 28 сәуір күні Мәскеу қаласындағы іс-сапарында кенеттен жүрегі тоқтап өмірден озды. Көзі тірі болса 60 жасқа толар еді.

Батырхан Шүкеновтің 60 жылдығына орай коллекциялық монета шықты

<a href="https://kyzylorda-news.kz/">Kyzylorda-news.kz.</a> «AMANAT» партиясының Қызылорда облыстық филиалы жанындағы мобильді топтың өкілдері Қазалы ауданындағы Қожабақы және Бозкөл ауылының тұрғындарына арналған қабылдау жүргізді.
Қоғамдық қабылдау барысында Бозкөлдік азаматтар ауылды көркейту бойынша өзекті деген мәселелерін және нақты ұсыныстарын жеткізді. Осы орайда, қабылдауға келген ауыл тұрғыны, кәсіпкер А.Ізменбетов ауыл ішіндегі электр бағаналары ауыстырылып, трансформаторлар жаңаланса деген ұсыныс білдірсе, ауыл ардагері Ж.Келімбетов жаңадан балабақша салу керектігін және ауыл мектебінің қатты желден бір блогының шатыры ұшып кеткенін айтып, оны қалыпқа келтіру бойынша өтінішін жеткізді.
Ал, Қожабақылықтарды ауылдағы негізгі орталық Т.Емешұлы көшесінің түнгі жарық шамдарын ауыстыру және елді-мекен биік жерге орналасқандықтан аяқ-судың келуі қиындық тудыратынын, осы орайда аяқ суды жүргізетін электр насостарын жаңалау төңірегінде мәселе көтерді.
Келіп түскен сауалдар бойынша мобильді топ өкілдері заң талаптарына сәйкес жауаптар берсе, ауыл мәселесі аясында көтерілген мәселелер аясында жергілікті атқарушы органдармен бірлесе отырып, оңтайлы шешілуіне қажетті шаралар қабылдайтындықтарын жеткізді.
Қоғамдық қабылдау барысында мобильді топтың өкілдері Ата заңға өзгерістер мен толықтырулар енгізу жөніндегі республикалық референдум өткізудің маңыздылығы жайында ақпарат берді. 
Еліміздің алдағы болашағынан зор үміт күтетін ауыл тұрғындары Президенттің бұл бастамасын толық қолдайтынын жеткізді.

Мобильді топ мүшелері қазалылықтарға кеңес беріп, референдумның маңыздылығын түсіндірді

<a href="https://kyzylorda-news.kz/">Kyzylorda-news.kz.</a> Қызылорда облысында ерте егілетін ақ егістен 5,6 мың гектар жаздық бидай, 375 гектар жаздық арпа, 5,2 мың гектар мақсары, 312 гектар қант құмайы, 24,0 мың гектар жаңа жоңышқа дақылдары егіліп, 44,7 мың гектар ескі жоңышқа мен 5,6 мың гектар күздік бидай толық суғарылып, күтімге алынды.
Сонымен қатар, бүгінгі күнге дейін межеленген дәндік жүгерінің 197 гектары, сүрлемдік жүгерінің 140 гектары, мал жемдік асқабақтың 35 гектары, күнбағыстың 42 гектары, картоптың 874,5 гектары, көкөністің 1440,5 гектары, бақшаның 1745 гектары егілді.
Бүгінде негізгі дақыл күріш егу жұмыстары барлық аудандар мен Қызылорда қаласында жаппай жүргізілуде.
Қазіргі таңда, 50 015 гектарға дән себіліп, оның 36 937 гектары суға бастырылды.

Сыр өңірінде көктемгі дала және егін егу жұмыстары жүргізілуде

<a href="https://kyzylorda-news.kz/">Kyzylorda-news.kz.</a> «AMANAT» партиясы жанындағы республикалық штабтың мүшелері, Қазақстан Республикасы Парламенті Мәжілісінің депутаттары Б.Смағұл мен Г.Шиповских референдумның маңыздылығын түсіндіру мақсатында Арал ауданының Абай ауылы тұрғындарымен кездесті.
Сайлаушылармен басқосуда ел Конституциясына енгізілетін өзгерістер мен толықтырулар жайында айтқан аманаттықтар реформаның басымдық сипаттары жайлы да баяндап өтті.
<blockquote>
 «Бұл – Қазақстанның болашағын айқындайтын қадам. Жолдауда жарияланған реформалар халықтың таңдауы арқылы құқықтық тұрғыда беки түседі. Жұрт өз таңдауы арқылы еліміздің саяси дамуының жаңа кезеңіне қадам жасайды. Тарихқа көз жүгіртсек, Конституцияға өзгертулер мен толықтырулар енгізілуі әлемде бар тенденция. Алысқа бармай-ақ көршілес елдерде мұндай саяси процесстер жақын жылдарда болған. Сол себепті 27 жылдан кейін өткізілгелі отырған референдумға үрке қараудың еш жөні жоқ. Тиісінше, бұл қадам Конституциямызда айқындалған әр азаматтық конституциялық құқын растап, елдегі өзгерістерді өз таңдауына қалдырып отыр»,- деді «AMANAT» партиясы фракциясының мүшесі Бақытбек Смағұл.
</blockquote>
Мұнан соң штаб мүшесі Геннадий Шиповских Ата заңға енгелі отырған өзгерістердің ешқайсысы азаматтардың бірде-бір құқығын шектемейтінін, керісінше құқықтарды кеңейтетінін атап өтті. 
Кездесуге қатысқан ауыл азаматтары депутаттардың айтқандарымен келісіп, реформалардың расында да қажет екеніне көз жеткізгендерін атап өтті.
<img src="https://kyzylorda-news.kz/wp-content/uploads/2022/05/281866188_377916621040647_870423513600707898_n.jpg" alt="" />

Бақытбек Смағұл: Бұл – Қазақстанның болашағын айқындайтын қадам

<a href="https://kyzylorda-news.kz/">Kyzylorda-news.kz.</a> 18 мамырда Қазақстанның шығысында жауын-шашынсыз күн райы қалыптасады, деп хабарлайды Қазгидромет.
\Өзге аумақтарда жаңбыр күтіледі, оңтүстік пен солтүстікте қатты жаңбыр жауады, сондай-ақ найзағай, бұршақ, дауыл, болжанады. Батыс пен оңтүстікте – шаңды дауыл, солтүстікте түнде және таңертең тұман болады.
Қызылорда облысының орталығында желдің күші 15-20 м/с артады. Сондай-ақ аймақта шаңды дауыл тұрады.

18 мамырда ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;«Қызылорда облыстық мүгедектер» қоғамдық бірлестігі «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының Мамандандырылған бөлімі жұмысымен танысты. Мүгедектігі бар азаматтар бөлімнің автодромында арнайы жасақталған көлікті айдап, жүргізуші куәлігін алу үшін тапсырылатын практикалық эмтихан туралы мәліметтерге қанықты.
Айта кетейік, аталған бөлімдегі «Zaz Chance» маркалы механикалық қорапты автокөлігі жүру қабілетінен айрылған азаматтар үшін қолмен басқарылатын етіп жасақталған. Мүмкіндігі шектеулі азаматтар теориялық сынақтан сәтті өтсе, практикалық емтиханды арнайы көлікпен тапсырады. 
Арнайы көлікті жүргізіп көрген «Қызылорда облыстық мүгедектер» қоғамдық бірлестігінің төрағасы Сағатбек Сиюов мүгедектігі бар адамдар үшін практикалық сынақ тапсыру көлігінің қолайлы екендігін жеткізді.
<blockquote>
 «Мен осы автодромда көлікті жүргізіп көрдім. Механикалық қорапты болғанымен мүгедектігі бар адамдар үшін арнайы жасақталған көлік өте ыңғайлы. Теориялық сынақтан сәтті өткен тағдырластарымыз, дайындалса бұл сынақтан да өтеді деп ойлаймын. Мүгедектігі бар адамдардың көбі көлік жүргізуге мүмкіндігіміз жоқ деп ойлайды. Алайда, ынтасы бар адамдар бұл қорқынышты жеңе алады», – дейді «Қызылорда облыстық мүгедектер» қоғамдық бірлестігінің төрағасы Сағатбек Сиюов.
</blockquote>
Шара барысында «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының директоры Айнұр Тобаева мамандандырылған бөлімнің жыл басынан бері атқарған жұмыстарын да айтып өтті. Айтуынша ағымдағы жылдың 5 айында аталған бөлім жеке және заңды тұлғалардан түскен 17 мың 904 өтінішті рәсімдеген. Оның ішінде «Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу» қызметі бойынша 13 мың 792, «Жүргізуші куәлігін беру» қызметі бойынша 4 мың 112 қызмет көрсетілген. Филиал директоры кей мемлекеттік қызметтердің онлайн түрде оңтайландырылғандығын да тілге тиек етті.
<blockquote>
 «Пандемия бізге онлайн жұмыстың тиімділігін көрсетті. Қазіргі таңда көптеген мемлекеттік қызметті Халыққа қызмет көрсету орталықтарын бармай-ақ «egov.kz» порталы арқылы алуға болады.Қазіргі таңда көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу қызметін жоғарыда айтып өткендей «egov.kz» порталы мен «eGov mobile»,«kaspi.kz» қосымшасы арқылы қол жеткізу мүмкіндігі бар. Жыл басынан бері автокөлікті онлайн тіркеу бойынша 5 мың 642 қызмет көрсетілген. Сондай-ақ, ағымдағы жылдың 5 айында мерзімі өткен жүргізуші куәліктерін ауыстыру үшін онлайн түрде 109 қызмет орындалды. Бұл екі қызметтіонлайн түрде рәсімдегендер куәлікті, көлік құжаты мен нөмірін қала сыртындағы мамандандырылған бөлімге бармай-ақ, Астана даңғылы 46 үй мекен-жайындағы №2 ХҚО-нан алуына болады», – деді Айнұр Тобаева.
</blockquote>
Жыл басынан бері мамандандырылған бөлімге 5 мың 852 адам жүргізуші куәлігін алу мақсатында жүгінген. Оның ішінде куәлікті алғаш алуға 1 мың 509 азамат өтініш білдірсе, 336-сы сынақтардан сәтті өтіп, жүргізуші куәлігін алған.
Осы аралықта жол ережесін бұзып, жүргізуші куәлігінен айрылған 759 адам қайта куәлік алу мақсатында жүгінген. Олардың 80-ітеориялық емтиханды сәтті тапсырып, куәлігін қайта алды. Айта кетейік, бұл санаттағылар практикалық емтихан тапсырмайды.
Сондай-ақ, 5 ай ішінде қосымша категория алу үшін 85 қызмет алушыдан өтініш келіп түсті. Олардың 12-сі сынақтардан өтіп, қалаған қызметтеріне қол жеткізді.
Мамандандырылған бөлімде 2022 жылдың 5 айында 228 жоғары сұранысқа ие мемлекеттік тіркеу нөмірлік белгісі, яғни, «VIP»санаттағы нөмірлер сатылыпбюджетке 61 млн 342 мың 701 теңге түсті.
<img src="https://kyzylorda-news.kz/wp-content/uploads/2022/05/07605b2e-a524-48d6-8b81-e5e6c9bf7189.jpg" alt="" />

Мүгедектігі бар адамдардың да жүргізуші куәлігін алуға мүмкіндігі бар

<a href="https://kyzylorda-news.kz/">Kyzylorda-news.kz.</a>&nbsp;«AMANAT» партиясы республикалық штабының мүшесі, ҚР Парламенті Мәжілісінің депутаты, фракция мүшесі Ғалым Әміреев Қызылорда қаласының жастарымен кездесу өткізеді.
Кездесу 18 мамыр күні, сағат 11:00-де Қызылорда қаласы, Жахаев көшесі 15А, «AMANAT» партиясы Қызылорда қалалық филиалының мәжіліс залында өтеді.
Кездесуге «AMANAT» партиясы республикалық штабының мүшесі, ҚР Парламенті Мәжілісінің депутаты, фракция мүшесі Ғалым Әміреев, республикалық штаб мүшесі Б.Танбаева, облыстық штаб мүшесі, «Jas Otan»ЖҚ Қызылорда облыстық филалының төрағасы М.Жорабек, «AMANAT» партиясы Қызылорда қалалық филиалының Атқарушы хатшысы, қалалық штаб төрағасы Ш. Әбдірахманов, жастар белсенділері мен студенттер қатысты.
Жиынның мақсаты – 5 маусымда өтетін Конституцияға түзетулер енгізу бойынша республикалық референдумға байланысты Конституцияға енетін өзгерістер мен түзетулердің маңыздылығын түсіндіру және жастардың жеке ұсыныстарын тыңдау және талқылау.

Қызылордада Ғалым Әміреев жастармен кездеседі

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев әнші-композитор Батырхан Шөкеновтің 60 жылдығына арналған «Отан-Ана» атты республикалық әншілер конкурсының ашылу салтанатына қатысты.
<blockquote>
 «Сыр елі – жыр елі» атанған өнерлі өлкемізде Қазақстанды ғана емес, шет елді де мойындатқан тума таланттар аз болмаған. Батырхан Камалұлы – отандық және ресейлік эстрадада қатар танылған біртуар өнер иесі, әнші, музыкант. Бүгінгі «Отан-Ана» республикалық әншілер конкурсы көктемде туған жеріне сағынышпен келген жыл құсындай барша өнерсүйер қауымды әдемі әсерге бөлеп отыр. Талантқа көрсетілер құрмет оның мерейтойы аясында ғана атқарылып қоймайды. Алдағы уақытта Б.Шөкенов шығармаларын орындаушылар конкурсы, джаз айтушылар және саксофоншылар сайысы секілді түрлі мәдени іс-шаралармен толығатын болады. Сыр бойының талантты ұлы, өнер тарланы Батырхан Шөкеновтің есімі халқының жүрегінде мәңгі сақталады. Жарқ етіп өткен жұлдыздың ән-ғұмыры елі барда ешқашан үзілмек емес», – деді Н.Нәлібаев.
</blockquote>
Салтанатты жиында аймақ басшысы Батырхан Шөкеновтей талантты тұлғаны өмірге әкелген анасы Дилара Ибрагимқызына Сыр халқы атынан құрмет білдіріп, иығына зерлі қамзол жапты.
Жиылған әнсүйер қауым өнер көгінде биікке самғаған Батырханның анасына құрмет-қошеметін көрсетті.
«Отан – ана» атты республикалық әншілер конкурсына әр өңірден келген 20 жас өнерпаз қатысуда. Олар Батырхан Шөкеновтың репертуарынан ән орындап, өзара сайысқа түсетін болады. 
Қазылар алқасының құрамында композитор, музыкант, оранжировшик, халықаралық конкурстардың лауреаты, қазылар алқасының төрағасы Ринат Гайсин, әнші-композитор, «Құрмет» орденінің иегері, мәдениет саласының үздігі Қайрат Баекенов, әнші, Қазақстанның еңбек сіңірген қайраткері Мадина Сәдуақасова, әнші Динара Каирова және композитор, мәдениет саласының үздігі Сәбит Ұлықпанұлы бар.
Айта кету керек, республикалық конкурс екі күнге жалғасады.
<img src="https://kyzylorda-news.kz/wp-content/uploads/2022/05/281704139_303688275285757_9169763118539932848_n.jpg" alt="" />
<img src="https://kyzylorda-news.kz/wp-content/uploads/2022/05/281835506_303688195285765_2298284159672324461_n.jpg" alt="" />
<img src="https://kyzylorda-news.kz/wp-content/uploads/2022/05/281581915_303688145285770_3609508295153086311_n.jpg" alt="" />

Нұрлыбек Нәлібаев: Жарқ етіп өткен жұлдыздың ән-ғұмыры елі барда ешқашан үзілмек емес

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылордада №9 дарынды балаларға арналған облыстық «Білім-инновация» лицей-интернатында мемлекет және қоғам қайраткері Сейілбек Шаухамановты еске алу іс-шарасы өтті. Бірнеше жыл Сыр өңірін басқарып, аймақтың дамуына зор үлес қосқан ел азаматының атындағы білім ордасында С.Шаухамановтың ескерткіш-мүсініне тағзым гүлі қойылып, тарихи қоғамдық музейдің жұмысы таныстырылды.
Жиынға облыс әкімі Нұрлыбек Нәлібаев, облыстық мәслихат хатшысы Наурызбай Байқадамов, облыстық Ардагерлер кеңесінің төрағасы Серік Дүйсенбаев, медицина саласының құрметті ардагері Тұрғанбай Маханов, Сейілбек Шаухамановтың жұбайы Жұпаркүл Сматова мен зиялы қауым өкілдері қатысты.
Аймақ басшысы Сейілбек Шаухаманұлының дара еңбек жолы мен өңір дамуына қосқан елеулі үлесін атап өтіп, тау тұлғаның аты халық жадында мәңгілік жаңғыратынын жеткізді.
<blockquote>
 – «Тау алыстаған сайын биіктейді» деген тағылымы мол тәмсіл бар. Бар өмірін Сыр бойының өркендеуіне арнап, әділеттіліктің, адалдық пен туралықтың, кемелдіктің, кемеңгерліктің үлгісін көрсеткен үлкен парасат иесі Сейілбек Шаухаманұлы осы сөзге дәлел бола білді. Ол – туған жері Сыр өңірінің дамуы, гүлденіп, көркеюі үшін барын салды. Сейілбек ағамыздың елге сіңірген қажырлы еңбегін, еселі қызметін көріп, қалың Сыр жұртшылығы «Шаршамайтын Шаухаманов» атап кеткен еді. Бұл – халықтың берген шынайы бағасы.
 Ұлт жанашыры, Сырдың абыз ақсақалы атанған Сейілбек Шаухамановтың рухына қандай құрмет көрсетсек те бәрі жарасымды. Көрнекті қайраткерге Сыр жұртшылығы атынан бүгінгі жасаған тағзым ниетіміз қабыл болсын!, – деді облыс әкімі.
</blockquote>
Қайраткердің үзеңгілес жолдасы болған медицина саласының құрметті ардагері Тұрғанбай Маханов пен Сейілбек Шаухаманұлының жұбайы Жұпаркүл Сматова оның жоғары адами қасиеттері мен өнегелі өмірінен сыр шертті.
Сыр жұртшылығы атынан мемлекет және қоғам қайраткері Сейілбек Шаухамановтың ескерткіш-мүсініне облыс әкімінің тағзым гүлі қойылды.
Іс-шара соңында жиналған жұрт Сейілбек Шаухаманұлының еңбек жолы мен өмірлік ұстанымын дәріптейтін тарихи қоғамдық музейінің жұмысымен танысты. Музейде ардагердің жеке құжаттары мен жазбалары, жинақ ретінде шығарған кітаптары мен өзге де құнды жәдігерлер сақтаулы тұр.
<img src="https://kyzylorda-news.kz/wp-content/uploads/2022/05/2-1.jpg" alt="" />
<img src="https://kyzylorda-news.kz/wp-content/uploads/2022/05/5-1.jpg" alt="" />
<img src="https://kyzylorda-news.kz/wp-content/uploads/2022/05/3-1.jpg" alt="" />

Мемлекет және қоғам қайраткері Сейілбек Шаухамановтың есімі ұлықталды

<a href="https://kyzylorda-news.kz/">Kyzylorda-news.kz.</a> Сырдария аудандық ауруханасының дәрігерлерінің кәсіби шеберлегінің туралы атақ облыста және басқа аймақтарда да белгілі. Ақ халатты жандар талай науқастарды аяғына тұрғызды.
Қазалы ауданының тұрғыны, бірінші топтағы мүгедек Сырдария аудандық ауруханасына арнайы келген. Ал бұл Тереңөзек кентіне дейін 300 шақырымдай. Психикалық дамуы тежелген, мылқау саңырау азаматтың сол жақ аяғының сынығы анықталды. Оның жарақат алғанын туыстарының ешқайсысы білмеген. Аяғы ісіп, жүрмей қалғанда ғана олар аландады. Науқасқа міндетті әлеуметтік медициналық сақтандыру аясында жоспарлы ота жасалды.
Сырдариялық дәрігерлерге үміт артып, Төретам кентінің жеке кәсіпкері де келді. Иық сүйегі сынған әйел емшілерге жүгінді. Сүйек дұрыс жазылмаған. Хирургтер МӘМС аясында жоспарлы отаны сәтті жасады. Екі науқас қатарға оралды.
<blockquote>
 «Патологияның нақты орнын анықтау үшін науқастың денесін тексеруге мүмкіндік беретін С-дуга рентген аппаратын сатып алдық. Науқастардың көбінесе артроз, артрит, қант диабетімен ауырады. Бұған дейін, жоғары технологиялық ота қажет болған кезде, науқас облыс орталығына жіберілетін. Енді басқа аудандардан да тұрғындар келіп жатыр», – деді хирургия бөлімінің меңгерушісі Дәурхан Тағыбергенов.
</blockquote>
Жыл басынан бері Сырдария аудандық ауруханасында 60-қа жуық ота жасалды. Көбінесе тегін медициналық көмектің кепілдендірілген көлемі аясында.
<img src="https://kyzylorda-news.kz/wp-content/uploads/2022/05/syrdarija-hirwrgija-1.jpg" alt="" />

МӘМС аясында ауылдық ауруханалар өз мүмкіндіктерін кеңейтуде

<a href="https://kyzylorda-news.kz/">Kyzylorda-news.kz.</a>&nbsp; Бүгін қала әкімі А.Шәменов қалалық мәслихаттың хатшысы И.Құттықожаевпен бірге қазақ музыкасын әлемге танытқан әнші-композитор, Қазақстанның Еңбек сіңірген қайраткері, БҰҰ-ның Қазақстандағы тұңғыш ізгі ниет елшісі Батырхан Шүкеновтің анасы Дилара Шүкенованың шаңырағына барып, 70 жылдан аса уақыт қала тұрғыны болып табылатын абзал ананың 85 жасымен және ұлы Батырхан Камалұлының ел көлемінде аталып өткелі жатқан 60 жылдық мерейтойымен құттықтады.
<blockquote>
 Аға ұрпақтың елге сіңірген еңбегі, қоғамды алға жылжытуға қосқан үлесі текке кеткен жоқ. Осынау ұлы істердің басы-қасындағы ағаларымыздың қолдаушысы, тірегі – Сіз сияқты аналарымыз болғанын білеміз. Сіз де еңбектен шет қалмай, ошақтың отын маздатып, ұрпақты отансүйгіштікке, адамгершілікке тәрбиеледіңіз. 
 Туғанына 60 жыл толған Батырханыңыздың қазақ музыка өнеріндегі орны, эстраданың тұтас дәуірін құраған еңбегі ешқашан жадымыздан өшпейді. Өйткені, хас таланттың қашан да бәсі бөлек. Қазақстандықтардан бөлек оны Ресей, кешегі одақтас мемлекеттердің де әнсүйер қауымы өз перзентіндей көріп, ерекше құрметтейді,-деп лебізін білдірген қала әкімі Асылбек Өмірбекұлы
</blockquote>
Дилара Ибрагимқызыны Сыр жұртшылығы атынан арнайы сый-тарту жасады.
<img src="https://kyzylorda-news.kz/wp-content/uploads/2022/05/280757027_3091704451096292_1961805647838910735_n.jpg" alt="" />
<img src="https://kyzylorda-news.kz/wp-content/uploads/2022/05/282098015_3091704544429616_5137941316363941760_n.jpg" alt="" />

Батырхан Шүкеновтің анасына құрмет көрсетілді

<a href="https://kyzylorda-news.kz/">Kyzylorda-news.kz.</a>&nbsp; Қазақстанның синоптиктері алдағы жаз күндеріне арналған ауа райы болжамын ұсынады.
<blockquote>
 “Келер жаз, ауа райының тұрақсыз сипаты бар күндермен — нөсер жаңбырлы, найзағайлы және желді, сондай-ақ ашық күндермен сипатталады. Жазғы консультативтік маусымдық болжамға сәйкес, жаздың алғашқы екі айында республиканың батыс жартысында ауа температурасы нормадан жоғары, ал елдің шығыс жартысында — нормаға жақын болады деп болжануда. Тамыз айы салқын болады деп күтілуде — Қазақстанның көптеген облыстарында температуралық фон климаттық норма шегінде болмақ, нормадан жоғары тек Қазақстанның шеткі солтүстігінде ғана болады деп болжанады”, – делінген сейсенбі күнгі тараған Қазгидромет мәлімдемесінде.
</blockquote>
Маусым айында Қазақстанның басым бөлігінде жауын-шашын нормадан аз болады, республиканың солтүстік-шығыс жартысында, елдің оңтүстігі мен оңтүстік-шығысының таулы және тау бөктеріндегі аудандарда жаңбыр жаууы ықтимал. Шілде мен тамыз айларында болса керісінше, елдің көп бөлігінде жауын-шашын болады — климаттық нормаға жақын.

Қазақстан және Қызылорда облысының жаңалықтары