<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 650 мыңнан астам адам «Сақтандырылған» мәртебесіне ие болса, МӘМС жүйесінен тыс – 133,5 мың тұрғын. Егер сіз сақтандырылған мәртебеңізді және өзіңіз үшін жарналардың түсетінін не түспейтінін білмесеңіз, оны бірнеше жолмен тексеруге болады. Сақтандырылғандарға МӘМС бойынша қажетті медициналық қызметтерді қалай алуға болатынын, Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова айтып берді.
Көптеген адамдар міндетті әлеуметтік медициналық сақтандыру шеңберінде медициналық көмекті қалай алуға болады деп ойлайды, өйткені МӘМС бойынша тар бейінді дәрігерлердің консультациялары, гормондарға талдаулар, КТ/МРТ және басқа да қажетті диагностикалық қызметтер қолжетімді болып келеді.
Бірінші қадам – өзіңіздің сақтандыру мәртебеңізді тексеру.
Міндетті медициналық сақтандыру жүйесіндегі мәртебеңізді бірнеше жолмен тексеруге болады:
1. **Egov.kz. электрондық үкімет порталы 
**Ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН-ді енгізу қажет. Нәтиже 10 минут ішінде пайда болады.
2. **Әлеуметтік медициналық сақтандыру қорының fms.kz ресми сайты 
**«Мәртебені анықтау» қалқымалы терезесі сайт бетінің оң жақ бұрышында орналасқан. Оны басу және ЖСН-ді енгізу жеткілікті.
3. **Goldau 24/7 мобильді қосымшасы 
**PlayMarket немесе AppStore-да қосымшаны жүктеп алыңыз. Мәзірде «Сақтандырылу мәртебесін тексеру» бөлімін таңдап, ЖСН-ді енгізу қажет. Терезеде мәртебе және алдыңғы 12 айға төлемдердің болуы туралы ақпарат пайда болады.
4. **Telegram-дағы @SaqtandyrýBot. 
**Ботты іске қосу үшін келесі сілтемені ашу керек: https://t.me/SaqtandyryBot немесе іздеу жолына оның атын енгізіңіз, содан кейін «Сақтандыру мәртебесін анықтау» бөлімін таңдаңыз, ЖСН-ді енгізіңіз. Алдыңғы 12 айдағы төлемдердің жағдайы мен бар – жоғы туралы ақпарат көрсетіледі.
Сақтандырылған мәртебеңіздің бар екенін тексергеннен кейін, сіздің МӘМС тізбесі бойынша сақтандырылған азаматтарға көрсетілетін медициналық қызметтерді пайдалануға құқығыңыз бар. Ол үшін Әлеуметтік медициналық сақтандыру қорының жеткізушісі болып табылатын алғашқы медициналық-санитарлық көмек көрсететін медициналық ұйымдардың біріне бекітілгеніңізді тексеру қажет. Бекітілмеген жағдайда, egov.kz. сайты арқылы бекітілуге өтінім беріңіз.
Енді сіз өзіңіздің учаскелік дәрігеріңіздің қабылдауына жазыла аласыз. Көрсетілімдер болған кезде дәрігер базалық немесе кеңейтілген талдаулар тізбесіне жолдама жазады, қажет болған жағдайда сіздің денсаулығыңыздың жай-күйін бағалау және емдеуді тағайындау үшін диагностикалық тексеруге немесе тар бейінді маманның консультациясына жібереді. Бұл қызметтердің барлығын МӘМС аясында Әлеуметтік медициналық сақтандыру қоры төлейді, пациент олар үшін ақы төлемеуі керек.
Егер сізде медициналық көмектің сапасы мен уақтылығы туралы сұрақтар туындаса, сіз емхананың Пациенттерді қолдау және ішкі аудит қызметіне хабарласа аласыз. Егер жағдайды шешу мүмкін болмаса, Әлеуметтік медициналық сақтандыру қорына келесі кері байланыс арналары арқылы өтініш жіберуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyrýBot.

МӘМС жүйесіндегі мәртебеңізді қалай білуге болады?

<a href="https://kyzylorda-news.kz/">Kyzylorda-news.kz.</a> Қармақшы ауданында «Қорқыт ата» мемориалдық кешенінде және аудандық тарихи-өлкетану мұражайында тағылымы мол, мәдени көпшілік іс-шаралар өтті.
Айтулы күнде «Қорқыт ата» мемориалдық кешенінде ашық есік күні мен «Қорқыт: Ақиқат пен аңыз» атты іс-шара ұйымдастырылды. Мәдени іс-шараға аудан басшысы Әділбек Ерсұлтанов қатысып музей қызметкерлерін кәсіби мерекелерімен құттықтап, алдағы жұмыстарына сәттілік тіледі.
Мерекелік іс-шарада жас жыршылар жырдан шашу шашып, «Тұсау кесер» салтының көрінісі қойылып, викториналық ойындар мен ұлттық спорт түрлерінен сайыстар ұйымдастырылды. Сондай-ақ, Қазақстан Республикасының суретшілер одағының мүшесі, саяхатшы М.Төтеевтің шеберлік сағаты өтті.
Әрі қарай мәдени көпшілік іс-шаралар тізбегі аудандық тарихи-өлкетану мұражайында «Музей – мәдени құндылықтар мекені» атты іс-шарамен жалғасты.
Іс-шарада «Қасиет қонған Қармақшы» композициялық көрінісі қойылып, мұражай ғимаратында көркем сурет залының ашылу салтанаты өтті. Сондай-ақ, Сыр сүлейлері Тұрмағамбет Ізтілеуұлының 140 жылдығы және Балқы Базар Оңдасұлының 180 жылдығына орай жырдан шашу шашылды. 
Сонымен қатар, музей күніне орай арнайы көрмелер ұйымдастырылып, «Музей түні» жобасы аясында мұражайдың экспозициялық залдары бойынша сағат 00.00-ге дейін экскурсиялар ұйымдастырылды.
<img src="https://kyzylorda-news.kz/wp-content/uploads/2022/05/mwzej2.jpg" alt="" />
<img src="https://kyzylorda-news.kz/wp-content/uploads/2022/05/mwzej1.jpg" alt="" />
<img src="https://kyzylorda-news.kz/wp-content/uploads/2022/05/mwzej3.jpg" alt="" />
<img src="https://kyzylorda-news.kz/wp-content/uploads/2022/05/mwzej3-1.jpg" alt="" />
<img src="https://kyzylorda-news.kz/wp-content/uploads/2022/05/mwzej4.jpg" alt="" />

Қармақшыда музей күні аталып өтті

<a href="https://kyzylorda-news.kz/">Kyzylorda-news.kz.</a> ҚР Президенті жариялаған “Бала жылы” аясында балалардың денсаулығын қорғау жөніндегі шараларды іске асыру бөлігінде Қазақстан денсаулық сақтау министрлігі аурулардың алдын алуға ерекше назар аударады. Бұл туралы ҚР Президенті жанындағы Орталық коммуникациялар қызметінің брифингінде ДСМ басшысы Ажар Ғиният хабарлады.
<blockquote>
 “Өздеріңіз білетіндей, Қазақстан Республикасының Президенті 2022 жылды “Бала жылы” деп жариялады. Балалардың денсаулығын қорғау жөніндегі іс-шараларды іске асыру шеңберінде Министрлік алдын алуға ерекше назар аударатын болады. Осыған байланысты жүргізіліп жатқан зерттеулердің ағымдағы көлемін ескере отырып, балаларды профилактикалық тексеру пакеттері кеңейтілетін болады”, – деп атап өтті министр.
</blockquote>
Сонымен қатар, республикалық бюджет қаражатынан 16,4 млрд теңге мөлшерінде қаржыландыру, сирек кездесетін 9 ауруы бар, оның ішінде жұлын-бұлшық ет атрофиясы және эпилепсиясы бар балаларды емдеу үшін дәрілік заттардың 24 позициясын сатып алу көзделген.
2021 жылдан бастап Қазақстан Республикасы Президентінің тапсырмасы бойынша “Аңсаған сәби” арнайы бағдарламасы іске қосылды, онда 2026 жылға дейін ЭКҰ-ға жыл сайын 7000 квота бөлу көзделген. Ағымдағы жылдың сәуір айындағы жағдай бойынша ЭКҰ арқылы 3063 әйел жүкті болды, 1307 бала дүниеге келді.
Сонымен қатар, ведомство басшысы өз сөзінде аурухана инфрақұрылымын жаңғырту туралы айтқан болатын, осы тапсырманы іске асыру аясында ағымдағы жылы 20 медициналық нысан ашу жоспарланған, 2023 жылы 37 нысан пайдалануға беріледі деп күтілуде. Сонымен қатар, 2025 жылға қарай 500 МСАК нысанының құрылысы жоспарланған.
Мемлекет басшысының тапсырмаларын іске асыру аясында министрлік медициналық техниканы орталықтандырылған сатып алу механикасын әзірледі, дәрілік заттар мен медициналық бұйымдардың отандық өндірісінің үлесін арттыруды қамтамасыз ету үшін нақты шаралар қабылдады.

Балалар жылы: Министрлік балалардың денсаулығын қорғау бойынша қандай шараларды жүзеге асырады?

<a href="https://kyzylorda-news.kz/">Kyzylorda-news.kz.</a> Бүгін «Қайырымдылық керуені» апталығы аясында «Қоғамдық келісім» КММ ұйымдастыруымен Талсуат және Тасбөгет оңалту орталықтарындағы ерекше жандарға арналған спартакиада өтті.
«Жарысқа шық жанұя» спартакиадасына ем алушы 10 жеткіншек ата-анасымен бірге қатысты.
Көңілді әрі тартысты ойынға облыстық қоғамдық даму басқармасының «Қоғамдық келісім» КММ директорының орынбасары Айбек Дайрабай, төрт дүркін әлем чемпионы Илья Ильин, облыстық ҚХА жанындағы волонтерлар орталығының үйлестірушісі Мақпал Тілеубекова қазылық етті.
Жеңімпаздар мен барлық қатысушыларға бағалы сыйлықтар мен дипломдар табысталды.
<img src="https://kyzylorda-news.kz/wp-content/uploads/2022/05/img_4574-1-scaled.jpg" alt="" />
<img src="https://kyzylorda-news.kz/wp-content/uploads/2022/05/img_4618-scaled.jpg" alt="" />

Қызылордада ерекше жандарға арналған отбасылық спартакиада өтті

<a href="https://kyzylorda-news.kz/">Kyzylorda-news.kz.</a> Жеңілдетілген автонесие іске қосылғанымен, қазақстандықтардың басым бөлігі бағдарлама талаптарына наразы. Сөздерінше, мұның кесірінен үш есеге артық төлеуге мәжбүр екен, деп хабарлайды&nbsp;<a href="https://stan.kz/">Stan.kz</a>.
Сатып алушылар өздеріне лайықты көлікті таңдай алмағандарын айтқан. Себебі сұраныс көп болғандықтан, салондарда көлік таусылып қалған. Ал кейбірі бастапқыда басқа баға айтылса, сатып алар кезде мүлде басқа баға шығады дейді.&nbsp;
<blockquote>
 «Өзіме базалық жиынтықтағы көлік қарап жүрмін. 10 миллионнан қымбат емес көлік аламын деп жоспарлағанмын. Бірақ қазір ғана міндетті сақтандыру және қосымша баптаулар үшін көбірек төлеу керегін білдім. Енді арзанырақ нұсқа іздеймін», –&nbsp;деді сатып алушылардың бірі Ақтілек Әбділдаева.&nbsp;
</blockquote>
Қазір базалық жиынтықтағы көліктерге сұраныс артқан. Өйткені қосымша баптауларды өз қалауыңызша қосасыз. Әрі автосалон ұсынған баптаулар үшін&nbsp;артық төлемейсіз. Алайда сатушылар толық жиынтықтағы&nbsp;көлік&nbsp;сатып алуды ұсынады екен. Мұны басқа көліктердің таусылып қалуымен түсіндірген.&nbsp;
Көлік сатып алғысы келетіндер салондардың осылайша пайда көргісі келетінін айтады. Ал салон иелері мұндай қызметкерлерді бірден жұмыстан шығарып жатқанын мәлімдеді. Ал автоблогерлер менеджерлер құрығына түсіп қалмау үшін бірнеше кеңес берді.
<blockquote>
 «Егер көлікте бағасы 1,5-2 миллионға жететін баптаулар өте көп болса, мұндай менеджерден аулақ болыңыз. Бірден сату бөлімінің басшысына жүгініңіз. Мұндай баптауларды алып тастау керек. Немесе жедел желіге қоңырау шалыңыз», –&nbsp;деді блогер Роман Масленников.&nbsp;
</blockquote>
Егер нарықтағы көлік тапшылығына тап болсаңыз, сәл күте тұрыңыз. Өйткені ірі көлік салондары өз базасын екі апта сайын жаңартады екен. Мәселен, Индустрия және инфрақұрылымдық даму министрлігі жаңа көліктердің мамыр айының соңында әкелінетінін мәлімдеген. Дилерлер 8,5 мың көлікпен қамтылады.&nbsp;
<blockquote>
 «Автоөндірушілер мен салондар сатушыларға қандай да бір қызметті міндеттеуге тыйым салатын арнайы бұйрық шығарған. Яғни көлікті қосымша баптауларсыз сатып алуға болады», –&nbsp;деді Қазақстандық автобизнес ассоциациясы заңды тұлғалардың стратегиялық даму бойынша бірлестігінің директоры Қайрат Еламанов.&nbsp;
</blockquote>
Сарапшылар сатып алатын көлікті алдын ала таңдауға кеңес береді. Бағасын анықтап, соған қарай қаржыны жоспарлау қажет. Алайда КАСКО сақтандыру бойынша артық төлем жасалады. Себебі бұл кез келген нарықтағы міндетті талап.

Жеңілдетілген автонесие бағдарламасы: Мамандар көлік аларда артық төлемеу үшін бірнеше кеңес берді

<a href="https://kyzylorda-news.kz/">Kyzylorda-news.kz.</a>&nbsp;БҰҰ дерегінше, 2050 жылы әрбір алтыншы адам 65 жастан асады. Демек, адамзат қартайып барады. Бірақ барлық мемлекетте қариялардың алаңсыз өмір сүруіне жағдай жасала бермейді.
Мамырда қазақстандықтардың орташа зейнетақы мөлшері 105 мың теңгеден асты. Бір айдағы өсім 151 теңге. Бұл үшін республикалық бюджеттен 235 млрд теңге жұмсалған. Оның 71 млрд базалық зейнетақы. Қазір елімізде 2 млн аса адам зейнет жасында. Олардың саны анағұрлым көп болар ма еді? Бірақ 2017 жылы әйелдердің зейнет жасын 63 жасқа дейін жеткізу шешімі қабылданды. Бірден емес, 2027 жылға дейін кезең-кезеңмен ұлғайтылады. Биыл 60-тан асқандардың кезегі келді. Бірақ қазақстандықтар елдегі зейнеткерлік жасын төмендетуді сұрап жүр. Жақында Премьер-Министрдің орынбасары Ералы Тоғжанов бұл мәселенің жыл соңында қарастырылуы мүмкін екенін айтты. Алдымен әлеуметтік кодекс аясында талқыланады.
<blockquote>
 «Халықаралық тәжірибені де қараймыз. Адамды зейнетке жібермес бұрын әуелі оның зейнетақысының қандай деңгейде қалыптасатынын есептеу керек, елмен ақылдасамыз. Зейнетке ерте шыққан соң зейнетақы көлемі төмен болуы мүмкін. Сондықтан жылдың аяғына дейін осының бәрін ақылдасамыз. Ал экономист Сапарбай Жобаев әйелдердің зейнеткерлікке шығу жасын ұзарту себебін еске салды. Мәселе 2015 жылы талқылана бастаған. Ол тұста бұл шешімнің дұрыс екеніне айғақ көп-тін. Елде әйелдердің орташа өмір сүру ұзақтығы 67-77 жыл болса, еркектер 67-68 жыл жасайды», – деді Премьер-министрдің орынбасары Ералы Тоғжанов.
</blockquote>
Ал 1998 жылдан бері еңбек етіп келе жатқан азаматтар зейнетақы шотын өздері толтыруы тиіс. Есептей келе олардың көп қаржы жинай алмайтыны белгілі болды. Қорды толтыруға мүмкіндік ретінде зейнет жасын ұзарту қажет болған. Сапарбай Жобаев биылғы бюджет 18 трлн теңге дейді. Оның 4-5 трлн ұлттық қордың ақшасы. Міне осы қазынаның 2-3 трлн теңгесі зейнетақыға жұмсалады. Сарапшы зейнет жасын төмендету бюджетке салмақ салатынын айтады. Оның ойынша, көп балалы аналар, қорында жеткілікті ақшасы бар немесе зиянды жұмыс істейтін әйелдерге ғана сондай жағдай жасалу керек. Ол «әйелдердің зейнет жасын ұлғайтпаған кезде қазіргі шығын 4 трлн теңгеден асып кетер еді» дейді.
<blockquote>
 «Жасты бұрынғыдай 58-ге қайтаратын болсақ, бүгінгі күнде Қазақстандағы ең кіші кепілдендірілген 19 мыңдық зейнетақы алып жатқан адамдар бар. Олардікін біз не 15 мыңға түсіруіміз керек пе? Олардікін еш болмаса минималды себетке, 36 мыңға көтеру мақсатын көтеріп жатырмыз. 36 мыңға көтеретін болсақ, ұлттық қордан бүгінгі күндегідей 4-5 трлн, 6-7 трлн алып, ұлттық қордағы ақшаны 5-6 жылда ада қылуымыз керек. Осыған шешім қабылдайсыздар ма? Осы мәселені өте үлкен, асықпастан шешуіміз керек», – дейді экономист Сапарбай Жобаев.
</blockquote>
Әлемдегі зейнетақы қалай есептеледі?
Ал әлемде зейнетақы азаматтардың еңбекке қабілеті бар кезінде алған орташа жалақысына сәйкестендіріледі. Осылайша Хорватия зейнеткерлеріне жалақының 129%-і, Түркияда 102, ал Нидерландта 101%-і есептеледі. Қытайда бұл мөлшерлеме 83 процентке тең. Жапония, Корея және өзге де Балтық маңы елдерінде көрсеткіш 40%-тен аспайды. Еуроодақта – 67% шамасында.
Зерттеулерге сүйенсек, ең жетілген зейнетақы жүйесі Исландия, Финляндия және Данияда жүзеге асырылады. Оған зейнеткерлердің кірістілігі ғана емес, жүйенің тұрақтылығы, медициналық және әлеуметтік қолдаулардың қолжетімділігі, тіпті қарттарды жұмыспен қамту мүмкіндігі де назарға алынады. Бүкіләлемдік банк сарапшылары зейнетақы қорлары тығырыққа тірелетінін болжайды. Себебі жаһанда медициналық қызметтер жетілдіріліп, адамның өмір сүруі ұзарды. Сол себепті «зейнет жасын ұлғайту қажет» деген пікірде.
<a href="https://24.kz/kz/zha-aly-tar/ekonomika-zhnalyktary/item/544708-zejnet-zhasy-ajta-araluy-m-mkin">Хабар 24</a>

Зейнет жасы қайта қаралуы мүмкін

<a href="https://kyzylorda-news.kz/">Kyzylorda-news.kz.</a>&nbsp; «Мемлекеттік аппарат қызметінің бюрократиясыздандыру жөніндегі шаралар туралы» Қазақстан Республикасы Президентінің 2022 жылғы 13 сәуірдегі №872 Жарлығына сәйкес құжат айналымы мен есептілікті қысқарту, типтік құжаттар тізбесін оңтайландыру бойынша шаралар белгіленді.
Шетелдіктердің ЖСН-ін түзету, жою және қалпына келтіру бойынша жүгіну кезінде әуре-сарсанға салуды болдырмау мақсатында;
Шетелдік азаматқа ЖСН алу үшін, Қызылорда облысы аумағында орналасқан жергілікті ХҚКО-да жүзеге асырылады.
Мекен жайлары:
1.Қызылорда қаласы, Астана даңғылы №46, Ғ.Мұратбаев көшесі №2Е, Ақмешіт мөлтек ауданы 1Бүй.
2.Арал ауданы, Арал қаласы, Қарасақал-Ерімбет көшесі №67 үй.
3.Қазалы ауданы, Әйтеке кенті, Нұрмағамбетұлы көшесі №126А үй.
4.Қармақшы ауданы, Жосалы кенті, Абай көшесі.
5.Жалағаш ауданы, Жалағаш кенті, Қазбек би көшесі №40 үй.
6.Сырдария ауданы, Тереңөзек кенті, Амангелді Иманов көшесі №76 үй
<ol start="7">
<li>Шиелі ауданы, Шиелі кенті, Смайл Каримбаев көшесі №16А үй.</li>
</ol>
8. Жаңақорған ауданы, Жаңақорған кенті, Сығанақ № 2 үй.
Шетелдіктер үшін ЖСН қалыптастыру, түзету, күшін жою және қалпына келтіру, Қызылорда облысы Полиция департаментінің көші-қон қызметі басқармасымен жүзеге асырылатынын хабарлаймыз.
Байланыс телефоны:+7/7242/23-73-57.

Қызылордаға келген шетелдіктер ЖСН-ді қайдан алады?

<a href="https://kyzylorda-news.kz/">Kyzylorda-news.kz.</a> Арал ауданында жылқыға соққан көлік жүргізушісі оқиға орнында көз жұмды.
Оқиға Арал ауданына қарасты Қамбаш елді мекенінің тұсында болды. «Audi» маркалы көлік иесі «Батыс Европа-Батыс Қытай» тас жолының бойында жылқы малына соқты. Көлік жүргізушісі оқиға орнында көз жұмды. Көлік ішінде болған жолаушылар түрлі дене жарақатымен Арал аудандық ауруханасына жеткізілген.
Аталған дерек бойынша ҚР Қылмыстық кодексінің 345-бабының 3-бөлігімен сотқа дейінгі тергеп-тексеру әрекеттері жүргізілуде. Қылмыстық іс бойынша тиісті сараптамалар тағайындалып, қорытындылары күтілуде. Жылқының иесін анықтау мақсатында тиісті сала қызметкерлеріне тапсырма берілді.

Аралда жылқыға соққан көлік жүргізушісі көз жұмды

<a href="https://kyzylorda-news.kz/">Kyzylorda-news.kz.</a> Бүгін Қазақстан территориясына антициклон ықпалын тигізеді, деп хабарлайды Қазгидромет.
Еліміздің басым бөлігінде жаңбыр, солтүстік пен оңтүстік-шығыста қатты жаңбыр жауады, найзағай, бұршақ, дауыл, желдің күшеюі, батыс, солтүстік пен орталықта түнде және таңертең тұман түседі.
Күндіз Қызылорда облысының орталығында желдің күші 15-20 м/с болады. Сондай-ақ өрт қауіпі жоғарлайды.

Бейсенбіге арналған ауа райы болжамы

Kyzylorda-news.kz. Бүгін облыстық қоғамдық штаб мүшелері жастар орталығында белсенді жастар, студенттер, «Жасыл ел» еңбек жасағы өкілдерімен референдумды насихаттау бойынша кездесу өткізді. Онда еліміздің Конституциялық заңына енгізілетін өзгерістер мен толықтырулар және ел көлемінде өткізгелі отырған референдумның мән-мағынасы түсіндірілді.
Республикалық референдум өткізудің тәртібі мен міндеттері, конституциялық реформаның бағыттары, жаңа Қазақстанды құрудағы референдумның маңызы, мемлекеттік жастар саясаты саласында атқарылған жұмыстар, жастарды жұмыспен қамту мәселелері туралы айтылды.
Басқосуға қатысқан “Қауырсын” жас ақындар үйірмесінің жетекшісі, облыстық қоғамдық штаб мүшесі Мамыр Байдәулетов референдумның жарқын болашақ пен жаңа өмірге қадам жасайтын маңызды сәт екенін баса жеткізді.
Іс-шара барысында жастар тарапынан экологиялық мәдениетті көтерудің маңыздылығын жеткізіп, қатарластарын саяси науқанға белсенді қатысуға үндеді.
<img src="https://kyzylorda-news.kz/wp-content/uploads/2022/05/screenshot_20220518-192934_facebook.jpg" alt="" />

Референдум: Облыстық штаб мүшелері белсенді жастармен кездесті

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасы Парламенті Мәжілісінің депутаты Ғалым Әміреев «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалы мамандарымен кездесті.
Халыққа қызмет көрсету орталығында өткен кездесу депутат ағымдағы жылдың 5 маусымы күні өтетін референдумның маңыздылығы жайында әңгіме өрбітті.
<blockquote>
 «Ел Президенті реформа жасау халықтың келешегі үшін қажет екенін атап өтті. Конституциялық реформа билік тармақтары арасындағы қарым-қатынас-тың тепе-теңдігін және оңтайлы болуын қалыптастыратыны байқалады. Сондай-ақ президенттік институттың барынша дербес болуын қамтамасыз ететіні көрінеді.Облыстар, республикалық маңызы бар қалалар мен астана әкімдерінің құзіретке ие болу тәртібі де едәуір өзгеретіні нақтыланды. Жергілікті билікке қатысты Президенттің өкілеттігі азайып, ол мәслихаттардың рөлін айтарлықтай арттыру арқылы өңірлік деңгейдегі әкімдердің қолына жинақталады.Сондықтан, халық өз таңдауын жасап, талапқа сай бірлігімізді, біртұтас екенімізді көрсетеді деп ойлаймын», – деді Ғалым Әміреев.
</blockquote>
Кездесуде ХҚО мамандары мәжіліс депутатына сауалдарын жолдап, Конституцияға енгізілетін өзгерістер жайлы мағлұмат алды.
Жиын соңында «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалы директоры Айнұр Тобаева келелі кездесу үшін Қазақстан Республикасы Парламенті Мәжілісінің депутаты Ғалым Әміреевке алғысын жеткізді.
<img src="https://kyzylorda-news.kz/wp-content/uploads/2022/05/whatsapp-image-2022-05-18-at-17.39.17.jpeg" alt="" />

Мәжіліс депутаты ХҚКО мамандарымен кездесті

<a href="https://kyzylorda-news.kz/">Kyzylorda-news.kz.</a>&nbsp; Облыстық партия филиалы жанындағы референдумды қолдауға арналған штаб мүшелері зиялы қауым өкілдерімен кездесті.
Жиын барысында «AMANAT» партиясы облыстық филиалының Атқарушы хатшысы, штаб төрағасы Ләйлә Төрешова Президенттің «Жаңа Қазақстан: Жаңару мен жаңғыру жолы» атты Жолдауындағы негізгі басымдықтары жөнінде әңгімелеп, референдум өткізу – демокартиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті. Сондай-ақ, елге оң өзгеріс әкелуге септігін тигізетін, еліміздің Ата заңы – Конституцияға енгізіліп жатқан өзгерістер төңірегінде ой бөлісіп, пікірлерін тыңдады.
Кездесу барысында кезек-кезек сөз алған интеллигенция өкілдері еліміз жаңғыру алдында тұрғанын, үміт пен күдік аралас бұл кезеңде халық болып жұмылу керек екенін айтты.
Мәселен, қоғам қайраткері Қожахмет Баймаханов «халық референдумға қатысып дауыс беруді Президент немесе мәжіліс депутаттын сайлап жатырмыз деген теріс көзқараста болмауы керек. Бұл түзетулер қазіргі трансформация кезеңінен өтіп жатқан қоғамға бағдарланып отырғандықтан, жаңа Қазақстанның іргетасын қалауға, балаларының болашағына дауыс беріп отырғанын түсіну керек»,- деді.
Зиялы қауым өкілдері ортақ істен шет қалмай, азаматтық ұстанымдарын танытатындықтарын тілге тиек етіп, халық арысында насихат жұмыстарын жүргізуге қатысты ұсыныстарын айтты. 
Ата Заңның 33 бабына түзетулер енгізілемек.
<blockquote>
 «Бұл – тұтас Конституцияның үштен бір бөлігі. Осы өзгерістерді қабылдауда референдумның маңыздылығын халыққа жеткізу мақсатында партия жанынан арнайы штабтар құрылып, түсіндіру жұмыстары жүргізілуде. Әрине, бұл жұмыстарда сөзі дуалы, көргені мен түйгені мол қоғам зиялылары Сіздердің ой пікреліріңіз аса маңызды. Сондықтан кездесу барысында айтылған ұсыныс пікірлердің жұмыс барысында ескерілетінін жеткізді «AMANAT» партиясы облыстық филиалының Атқарушы хатшысы Ләйлә Төрешова.
</blockquote>
<img src="https://kyzylorda-news.kz/wp-content/uploads/2022/05/281992586_378528020979507_2015895418161682590_n.jpg" alt="" />
<img src="https://kyzylorda-news.kz/wp-content/uploads/2022/05/282132211_378528224312820_6303890049702273604_n.jpg" alt="" />

Қазақстан және Қызылорда облысының жаңалықтары