<a href="https://kyzylorda-news.kz/">Kyzylorda-news.kz.</a> Бүгін Ә.Тыныбаев атындағы 11 мектеп-лицейінде 1990 жығы түлектердің демеушілігімен 2000-нан астам оқушының рухани тәрбиеленуіне үлес қосатын домбыра сыныбы ашылды.
Домбыра сыныбын Қазақстан Республикасының еңбек сіңірген қайраткері Байбосынова Ұлжан Мәлікайдарқызы мен үш дүркін «Алтын домбыра» иегері, ақын Мұхтар Ниязов салтанатты түрде лентасын қиды.
Салтанатты шарада домбыра сыныбының ашылуына мұрындық болған қазақтың жыр өнерін әлемге паш етіп жүрген жыршы, филология ғылымдарының кандидаты, ҚР еңбек сіңірген қайраткері Байбосынова Ұлжан Мәлікайдарқызы мектеп оқушыларына өз атынан 20 домбыра тарту етті.

Қызылорда қаласындағы мектепте домбыра сыныбы ашылды

<a href="https://kyzylorda-news.kz/">Kyzylorda-news.kz.</a>&nbsp;Міндетті әлеуметтік медициналық сақтандыру жүйесінің аясында қымбат тұратын медициналық қызметтер, еліміздің клиникаларында емделу қолжетімді.
Қызылорда облысы Шиелі ауданы Қарғалы ауылының тұрғыны Шырынкүл Әбілтаева көп жылдан бері ревматоидты артритпен ауыруда. Жыл сайын аудандық және облыстық ауруханалардыңда емделеді. Сондай-ақ, дәрігерлер Түркістан мен Шымкент қалаларының медициналық ұйымдарына емделуге жолдама береді.
<blockquote>
 «Біздің және Оңтүстік Қазақстан аймғында да мықты дәрігерлер жұмыс істейді. Ревматоидты артрит – бұл жүйелі, қабыну ауруы. Сондықтан динамикалық емдеу қажет. Осы, аудандық ауруханаға буындардағы қатты ауырсынумен түстім. Қазір физио емдеу және барлық қажетті процедуралар, дәрі-дәрмектерді қабылдап жүрмін. Міндетті әлеуметтік медициналық сақтандыру жүйесінде сақтандырылғандықтан, маған барлық медициналық қызметтер қолжетімді. Сондай – ақ, емханадан ай сайын гормондық дәрі-дәрмектерді аламын», – дейді пациент.
</blockquote>
Шиелі кентінің тұрғыны Күлтай Ерқонысова аудандық ауруханаға ауыр жағдайда түсті. 75 жастағы кейуана көптеген жылдар бойы аритмиямен, жоғары қан қысымымен ауырады. Қазір Күлтай апа өз қалпына келді.
<blockquote>
 «Мені зембілмен әкелді, бұл инсульт деп уайымдадым. Денсаулық жағдайым қалай жақсарды, дәрігерлер мені облыс орталығының клиникаларының біріне апарып, МРТ-ға түсірді. Шүкір, инсульт жоқ. Дәрігерлерге алғысым шексіз» – дейді Күлтай Ерқонысова.
</blockquote>
Шиелі аудандық ауруханасының терапия бөлімінің меңгерушісі Бақыт Исмағұлованың айтуынша, МӘМС аясында қымбат тұратын анализдерді тапсыру, УДЗ, МРТ түсіру және т. б сақтандырылған азаматтар үшін тегін.
<blockquote>
 «Біз телемедицинаны кеңінен қолданамыз, санавиация белсенді жұмыс істейді. Егер бұрын нақты диагноз қою үшін біздің науқастар облыс орталығына және басқа өңірлерге барса, қазір телемедицина арқылы еліміздің жетекші дәрігерлерімен кеңесеміз», – деп хабарлады Бақыт Исмағұлова.
</blockquote>
Жыл басынан Шиелі аудандық ауруханасының терапия бөлімінде 2 мыңға жуық адам ем қабылдады. Бұл мақсатқа Әлеуметтік медициналық сақтандыру қоры филиалынан 296,9 млн теңге бөлінді.

МӘМС: Клиникаларда емделу, қымбат медициналық қызметтер қолжетімді

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы биыл қаңтар-қазан аралығында өңірде түрлі қиындыққа тап болған мыңнан аса кәсіпкердің құқығын қорғаған. Бұл туралы Қызылорда облысы кәсіпкерлер палатасының директоры Ғалымбек Жақсылықов айтты.
Палата басшысы кәсіпкерлердің өтініші бойынша жұмыс екі бағытта өрбитінін атап өтті. Бірінші бағытта заңгерлер түскен өтінішке сәйкес жан-жақты зерделеу жұмыстарын жүргізіп, тиісті мемлекеттік органдармен бірге шешу жолдарын қарастырады.
<blockquote>
 «Кәсіпкерлер палатасында менің құқықтық мәселелер жөніндегі орынбасарымнан өзге 2 заңгер бар. Аймақ кәсіпкерлерінің құқығын қорғау үшін уақытпен санаспай, жұмыс істейтін осы үш маман. Бір өтініш үшін ондаған нормативтік-құқықтық құжатты оқып, бірнеше мемлекеттік органмен байланыс орнатады, түрлі ұйымға хат жолдайды. Былай айтқанда, шешілген әр өтініштің артында апталап жасалған еңбек жатыр. Биылдың өзінде Палатаға кәсіпкерлерден 119 өтініш түсті. Әзірге оның 44-і оң шешіліп, 700-ден аса кәсіпкердің құқығы қорғалды», – дейді Ғалымбек Жақсылықов.
</blockquote>
Оң шешілген өтініштер негізінде бизнес өкілдерінің 721,1 млн теңгесі сақталып қалды. Бұл қаржы күші жойылған айыппұлдар, өсімпұлдардан, мемлекет тарапынан қайтарылған қаражат есебінен, сақталып қалған бизнес мүлкінің құнынан және басқаларынан құралған.
Екінші бағытта жиі, жүйелі кездесетін мәселелер Палата жанындағы Кәсіпкерлер құқығын қорғау және сыбайлас жемқорлыққа қарсы іс-қимыл кеңесінде қаралады.
Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан осы жылы өткен кеңестің 11 отырысында 14 мәселе қаралғанын айтты. Кеңес кәсіпкерлердің құқығын қорғау бойынша мемлекеттік органдарға 19 ұсыныс беріп, оның 11-і қолдау тапқан. Кеңес жұмысының нәтижесінде 400-ден аса кәсіпкердің құқығы қорғалды.
<blockquote>
 «Бір ғана мысал айтайын, кеңестің қазандағы отырысында Қызылорда облысына қарасты Жалағаш аудандық білім бөлімінің «салынып жатқан балабақшаға қаржы беріледі» деген желеумен жұмыс істеп тұрған балабақшаға қолдау көрсете алмайтыны жазылған ресми хат қаралды. Мемлекеттік орган хатында мектепке дейінгі тәрбие беру ұйымынан бала қабылдауды тоқтатуын да сұраған. Мәселе кеңесте қаралды. Кәсіпкерге құқықтық қолдау көрсетіліп, кәсіпкерлік қызметіне қатысты ескерілетін тұстары түсіндірілді. Ал кәсіпкердің қызметіне кедергі келтіруге тырысқан хат бойынша облыстық білім басқармасы қызметтік тексеру жүргізді. Нәтижесімен Жалағаш аудандық білім бөлімінің үш қызметкері «ескерту» түріндегі тәртіптік жазаға тартылды» – деді Салават Құлмахан.
</blockquote>

Қызылорда облысының кәсіпкерлер палатасы мыңнан аса кәсіпкердің құқығын қорғады

<a href="https://kyzylorda-news.kz/">Kyzylorda-news.kz.</a>&nbsp; Коронавирус қайтадан күш ала бастады. Жаңа «омикрон» штаммы қауіп төндіруде. Алғаш рет Оңтүстік Африкада анықталған бұл штамм бүгінгі күні Еуропаға да жетті. Әлем елдері шектеу шараларын күшейте бастады. Біздің елде де коронавирустың осы түрі анықталған елдерге қатысты бірқатар шектеулер енгізілуде.
<blockquote>
 «Омикрон» бұрынғы штаммдарға қарағанда қауіпті бола ма деген алаңдаушылық бар. Себебі бұған дейін төртінші толқынды тудырған «дельтаның» 13 мутациясы болса, ғалымдардың алдын ала болжамы бойынша «омикронның» 50 мутациясы анықталған. Сондай-ақ Ухань штамы пайда болған кезеңде елімізде 1 күнде 2000 дерек тіркелген болса, жұқпалылығы 4 есеге артқан «дельта» штамының әсерінен тәулігіне 8000 расталған жағдай анықталды. Өлім-жітім көрсеткіші 1,4 есеге артты. Ал мутациясы 4 есеге көп «омикрон» штамы бірнеше есе қауіпті болуы әбден мүмкін. Бүгінгі күні әлем ғалымдары жаңа штамды егжей-тегжейлі зерттеуге кірісті», – дейді Қызылорда облысының Бас мемлекеттік санитариялық дәрігері – Динара Жанабергенова.
</blockquote>
Қазір дүниежүзінде коронавирус пандемиясын жеңу үшін вакцинациядан басқа ешқандай құрал жоқ. Соңғы деректер бойынша вакцинаның бірінші компонентімен облыс бойынша екпе алғандар саны – 403 574, бұл тиісті контингенттің 89,2% құрайды, ал толық вакцинациядан өткендер саны – 345 089, бұл тиісті контингенттің 76,3%. Облыста тұрақты ұжымдық иммунитет толық қалыптасты деп айта алмаймыз, вакцинацияланғандардың арасында екпе төлқұжаттарын сатып алғандардың болатындығын да ескеруіміз керек, сондықтан әлі де қорғаныс деңгейін арттыру қажет.
<blockquote>
 «Аймағымызда коронавирус жұқтырудың тәуліктік көрсеткіштері азайғанымен, әлемдегі жағдай сақтық шараларын әлсіретпеуді қажет етеді. Өткен тәулікте 6 дерек анықталды. Оның 5-еуі вакцина алмаған адамдар арасында анықталып отыр. 
 Коронавирус инфекциясына қарсы тек ересек адамдарды егу пандемияны түбегейлі жеңіп шығуға жеткіліксіз, себебі жасөспірімдер де бұл инфекцияны жұқтырып, вирус тасымалдаушы болып табылады. Ағымдағы жылы коронавирус инфекциясы мектеп оқушылары, студенттер арасында жиі тіркелді. Вакцинация басталған 2 апта ішінде «Pfizer» вакцинасымен 12-17 жас аралығындағы 3 713 жасөспірім екпе алды. 22 қарашадан бастап студенттер арасында КВИ жұқтырудың бірде-бір дерегі тіркелген жоқ. Сондай-ақ «Pfizer» вакцинасымен иммунизацияланған жүкті әйелдер саны – 686 және лактация кезеңіндегі әйелдер саны – 648», – дейді Динара Жанабергенова.
</blockquote>
Бассанитардың айтуынша әлемнің бірнеше елінде анықталып үлгерген бұл «омикрон» біздің елге де тасымалдануы ықтимал жағдай, себебі халықаралық миграция бар. Жаңа штамға тек вакцинациялау арқылы ғана төтеп беруге болады. Сондықтан коррнавирустың жаңа штамдарына қарсы тұру үшін ревакцинациядан өтудің де маңыздылығы жоғары. Себебі қорғаныш деңгейі әлсіреген ағза вирус жұқтыруға бейім келеді. Облысымызда ревакцинациялау 22 қарашада басталды, содан бері барлығы 202 адам қосымша екпе салдырды.

Динара Жанабергенова: «Омикрон» бұрынғы штаммдарға қарағанда қауіпті болуы мүмкін

<a href="https://kyzylorda-news.kz/">Kyzylorda-news.kz.</a> Жыл сайын Қазақстанның медициналық ұйымдарына 500 мыңнан астам бала емдеуге жатқызылады. Балаларды &nbsp;ауруханаға жатқызу шұғыл, сонымен қатар жоспарлы да тәртіпте жүзеге асырылады.
Уақытылы медициналық көмек көрсетілмеген кезде &nbsp;баланың өміріне қауіп төндіретін жағдайлар шұғыл болып саналады. Мысалы, жедел іріңді аурулар, жарақаттар, ауыр өтетін ішек инфекциялары, іштің қатты ауыруы, улану, күйік және т.б. Мұндай жағдайларда баланы ауруханаға жедел жәрдем бригадасы немесе ата-анасы өзі жеткізеді. Жоспарлы емдеуге жатқызу балаға стационар жағдайында емдеу курсын жүргізу қажет болғанда немесе жоспарлы операция жасалатын уақытта &nbsp;жүзеге асырылады.
2021 жылдың 10 айында 592 400 қазақстандық бала тәулік бойы стационар жағдайында 270 млрд теңгеден астам сомаға ем қабылдады. Балаларды ауруханаға жатқызудың негізгі себептері жұқпалы аурулар, тыныс алу органдарының аурулары, өмірінің бірінші айында пайда болатын жіті жағдайлар, туа біткен аурулар және жедел хирургиялық патология болды.
Стационарлық көмек көрсету ережелеріне сәйкес, ата-анасының біреуі немесе жақын туыстарының бірі (әжесі/атасы, кәмелетке толған ағасы/әпкесі) нотариалды куәландырылған сенімхатпен ауруханада 5 жасқа дейінгі баланы ертіп жүре алады. Гематологиялық онкологиямен ауыратын 18 жасқа дейінгі науқастар ересек адамның сүйемелдеуімен ауруханаға жатқызылады. Жекелеген ауыр жағдайларда 5 жастан асқан балалар да аурухана бөлімшесінің меңгерушісімен келісілгеннен кейін ересектермен бірге ауруханаға жатқызылуы мүмкін. Қажет болған жағдайда ертіп жүруші еңбекке уақытша жарамсыздық парағын ала алады.
Жоспарлы емдеуге жатқызуды Емдеуге жатқызу бюросы порталы арқылы тұрғылықты жері бойынша учаскелік дәрігер (Жалпы практика дәрігері, педиатр) ресімдейді. Стационармен жоспарлы емдеуге жатқызу күні расталған кезде учаскелік дәрігер қажетті зерттеулер мен талдаулардың нәтижелері бар баланың медициналық картасынан үзінді көшірме жасайды. Бұл тізбе медициналық көмектің бейініне байланысты ерекшеленуі мүмкін, мысалы, Педиатрия және хирургия ғылыми орталығының міндетті тізіміне мынадай құжаттар кіреді: бала үшін – стационарға емдеуге жатқызуға жолдама, портал бойынша жоспарлы емдеуге жатқызу талоны, баланың даму тарихынан үзінді, егу картасы, соңғы айдағы баланың эпидемиологиялық ортасы туралы анықтама, қышыма, дерматомикоз, педикулез, жалпы қан талдауы, микрореакцияға қан, бак. патогенді флораға нәжіс, гепатит вирусына маркерлер, АИТВ-ға қан, Covid-19-ға ПТР, гельминт жұмыртқаларына қырынды. Еріп жүретін ересек адам үшін – флюорография, микрореакцияға қан, гельминт жұмыртқаларына қырынды, Covid-19-ға ПТР, ертіп жүретін адамға баланың заңды өкілінің сенімхаты (нотариалды куәландырылған).
Ауруханаға жатқызу кезінде науқасқа еріп жүретін ересек адам не күте алады?
Қазақстан Республикасының «Халық денсаулығы және денсаулық сақтау жүйесі туралы» кодексіне сәйкес бейініне қарамастан кез келген ауруханада бір жасқа дейінгі баланы емізетін ана сол жерде жатқан барлық кезеңде тегін тамақпен қамтамасыз етіледі. 5 жасқа дейінгі балаларды ертіп жүретін адам төсек орынмен қамтамасыз етіледі.
Мектеп жасына дейінгі балалардың бос уақыты мен стационар базасында мектеп оқушыларының оқу процесі қалай құрылады?
Әрбір жеке медициналық ұйым оқу процесін медициналық көмек көрсету ерекшеліктерін ескере отырып, ішкі тәртіп ережелеріне сәйкес құрады. Мысалы, ПБХҒО-да білім беру мектебі жұмыс істейді (Алматы қ. ББ №70 ЖББМ бекітілген), барлық пәндер бойынша 33 оқытушыдан тұратын құрам күн сайын екі ауысымда жұмыс істейді. Сондай-ақ, орталықта психологтар, тәрбиешілер тобы жұмыс істейді, қажет болған жағдайда басқа да мамандар тартылады. &nbsp;Әр бөлімшеде жиһазбен, кабельді теледидармен, ойыншықтармен жабдықталған ойын бөлмелері бар. Смарт-сыныптарда, ойын бөлмелерінде топтық және жеке дамыту сабақтары өткізіледі, бөлімшелерде тұрақты негізде мерекелер, мастер-кластар және т. б. іс-шаралар өткізіледі.
Қандай жағдайларда (оның ішінде медициналық көрсеткіштер бойынша) стационарда ересек адамның болуына жол берілмейді?
Бала күтімі жөніндегі стационарға жіті инфекциялық аурулар, оның ішінде туберкулез, COVID-19 белгілері бар, сондай-ақ психикалық, тері-венерологиялық аурулары, алкоголизм, нашақорлық, 24 аптадан астам жүктілік жағдайындағы, 65 жастан асқан адамдар жіберілмейді.
Туыстардың пациенттерге келуінің, сәлемдемелер қабылдаудың ережесі.
Covid-19 бойынша карантиндік шараларға байланысты стационарлар туыстарына келу және сәлемдемелер қабылдау ережелерін қайта қарады. Мысалы, ПБХҒО кіре берісінде туыстардан сәлемдемелер қабылдау пункті ұйымдастырылды. Берілетін пакеттерді сыртқы өңдеуден кейін оны әрбір пациентке палатаға дейін жеке жеткізу жүргізіледі.
Стационарға өзіңізбен бірге алып баруға ұсынылатын жеке заттар мен керек-жарақтар.
<ol>
<li>Құжаттар: ауруханаға жатқызуға жолдама, талон, ауру тарихынан үзінді, баланың туу туралы куәлігі, ересек адамның жеке куәлігі, амбулаториялық карточка және пациенттің ауруына байланысты тексеру нәтижелері.</li>
<li>Стационарға арналған киім.</li>
<li>Ауыстырылатын аяқ киім: тәпішке (резеңкеден болғаны дұрыс).</li>
<li>Жеке гигиена құралдары.&nbsp;</li>
<li>Ұялы телефон және қуаттағыш.</li>
<li>Жеке ыдыс-аяқ (қажет болса).</li>
</ol>
Егер сізде қосымша сұрақтар туындаған жағдайда, сіз емхананың анықтама қызметіне немесе өзіңізге ыңғайлы байланыс арнасы арқылы Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

Қазақстанда балаларды ауруханаға жатқызу туралы нені білу қажет?

<a href="https://kyzylorda-news.kz/">Kyzylorda-news.kz.</a> Қазақстан коронавирус инфекциясының жаңа штамының пайда болуына орай 3 желтоқсаннан шектеу іс-шараларын күшейтеді. Бұл туралы Үкімет отырысында ҚР Денсаулық сақтау бірінші вице-министрі Марат Шоранов айтты, деп хабарлайды ҚазАқпарат.
<blockquote>
 «Коронавирустық инфекцияның «Омикрон» штамының жаңа нұсқасының пайда болуын ескере отырып, оны республика аумағына әкелуге жол бермеу мақсатында ведомствоаралық комиссияда ағымдағы жылғы 3 желтоқсаннан бастап мынадай шектеу іс-шараларын енгізу туралы шешім қабылданды. Бірінші – Ботсвана, Лесото, Намибия, Зимбабве, Мозамбик, Мадагаскар, Эсватини, Малави, Онтүстік Африка, Танзания және Гонконгтан шетел азаматтарының Қазақстанға келуін шектеу», – деді бірінші вице-министр.
</blockquote>
Оның атап өтуінше, екіншіден, «Омикрон» нұсқасынан туындаған КВИ жағдайлары анықталған Израиль, Чехия, Нидерланды, Бельгия, Ұлыбритания, Италия, Германия, Австралия, Канада және Египеттен келетін адамдар үшін вакцинациясы бар-жоғына қарамастан міндетті ПТР тестілеудің бар болуы енгізіледі.
<blockquote>
 «Үшіншіден, «Омикрон»-нан туындаған КВИ жағдайлары анықталған елдерден келген адамдар ПТР нәтижесіне қарамастан 7 күнге үй карантинге оқшаулануы тиіс. Осыған орай, санитарлық-эпидемиологиялық комитетінің департаменттары, шетелден келген азаматтар туралы ақпаратты жергілікті атқарушы органдарға уақтылы беруді, ал әкімдіктер бұл тұлғаларды поликлиникалар деңгейінде қашықтықтан бақылауды қамтамасыз етуі қажет», – деді Марат Шоранов.
</blockquote>

Омикрон: Қазақстан шектеу шараларын күшейтеді

<a href="https://kyzylorda-news.kz/">Kyzylorda-news.kz.</a>&nbsp;Түркістан қаласында өткен «Халықаралық «Қазақтілі» қоғамы» қоғамдық бірлестігінің VI Құрылтайында мемлекеттік тілдің дамуына қосқан айрықша үлесі үшін қоғамдық бірлестіктің Қызылорда облыстық филиалының төрағасы, «Тіл сақшысы» газетінің бас редакторы, «Тіл жанашыры» белгісінің иегері Сәдуақас Аңсат Президент Жарлығымен бекітілген «Парасат» орденімен марапатталды.
Алқалы жиында орденді Қазақстан Республикасының Мемлекеттік хатшысы Қырымбек Көшербаев табыстады.
Барша сырбойылықтардың атынан қоғам жанашыры Сәдуақас Әбдіқадырұлына облыс әкімінің Алғысы табысталды. Мемлекеттік тілдің мәртебесін асқақ етуге табанды еңбек етіп, ана тілдің беделін көтеруде байыпты бастамалар жасап жүрген азаматқа облыс әкімінің құттықтау хатын облыстық ішкі саясат басқармасының басшысы Мира Қазбекова жеткізіп, құрмет көрсетті.
Сәдуақас Аңсат 1945 жылдың 12 қаңтарында Қызылорда облысы, Қармақшы ауданының Жосалы кентінде дүниеге келген. Сол кенттегі №26 қазақ-орта мектебін 1962 жылы бітіріп, Шымкент қаласындағы қазақ химия-технологиялық институтына түсіп, 1967 жылы «құрылыс-технологі инженері» мамандығын үздік дипломмен аяқтайды.
Еңбек жолын Шымкенттегі темір-бетон зауыттарында бетоншы, арматуршы болып бастаған. Мемлекеттік қызметте, қоғамдық бірлестіктерде жауапты лауазымды қызмет атқарып, елдің әлеуметтік-экономикалық дамуына айрықша үлес қосқан.
Қызылорда қаласында қызмет атқарған жылдары бірнеше мәрте облыстық партия комитеті мүшелігіне кандидат, қалалық кеңестің депутаты болып сайланған.
­Сәдуақас ­Әбдіқадырұлы «КСРО Еңбек ардагері», «Қазақстан Респуликасы Тәуелсіздігіне 20 жыл», «Қазақстан халық Ассамблеясына 10, 20 жыл», «Ұлы Октябрь Революциясына 100 жыл», «Халықаралық «Қазақтілі» қоғамының «Ана тілі» айрықша белгісі», Республикалық «Тіл жанашыры» құрмет белгісі, «Қызылорда қаласына 190 жыл», «Қармақшы ауданына 80 жыл», «Қызылорда облысына 70 жыл», «Комсомолға 100 жыл» мерекелік медальдарымен марапатталған.
Сондай-ақ Қызылорда облыс әкімі мен мәслихатының Құрмет грамотасымен, «Халықаралық Қазақ тілі» қоғамының ҚР көші-қон және демография агенттігінің құрмет грамоталарымен, ел тәуелсіздігінің 10 жылдығына, Қазақстан Үкімет басшысының Алғыс хатының иегері.

Тіл жанашыры Сәдуақас Аңсат «Парасат» орденімен марапатталды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1137 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 151,
Алматы қаласы – 68,
Шымкент қаласы – 4,
Ақмола облысы – 67,
Ақтөбе облысы – 27,
Атырау облысы – 16,
Шығыс Қазақстан облысы – 50,
Жамбыл облысы – 7,
Батыс Қазақстан облысы – 110,
Қарағанды облысы – 123,
Қостанай облысы – 178,
Қызылорда облысы – 21,
Павлодар облысы – 170,
Солтүстік Қазақстан облысы – 116,
Түркістан облысы – 29.
Қазақстан бойынша жазылғандар саны – 935950.

21 қызылордалық коронавирустан сауығып шықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 654адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 108,
Алматы қаласы – 34,
Шымкент қаласы – 3,
Ақмола облысы – 63,
Ақтөбе облысы – 8,
Алматы облысы – 27,
Атырау облысы – 4,
Шығыс Қазақстан облысы – 30,
Жамбыл облысы – 8,
Батыс Қазақстан облысы – 9,
Қарағанды облысы – 103,
Қостанай облысы – 68,
Қызылорда облысы – 6,
Маңғыстау облысы – 3,
Павлодар облысы – 90,
Солтүстік Қазақстан облысы – 85,
Түркістан облысы – 5.
Жалпы ел бойынша ауырғандар саны 971541.

COVID-19: Өткен тәуліктегі мәлімет жарияланды

&nbsp;<a href="https://kyzylorda-news.kz/">Kyzylorda-news.kz.</a> 30 қарашада ауқымды антициклон жотасы әлі де республиканың басым бөлігіндегі ауа райын анықтайды. Соған орай жауын-шашынсыз күн райы күтіледі.
Республиканың тек батысында еуропалық циклон жырасы әсерінен жауын-шашын (жаңбыр мен қар түрінде), көктайғақ, тұман, екпінді жел болжанады, деп хабарлайды Қазгидромет.
&nbsp;Қызылорда облысының&nbsp;солтүстігінде тұман күтіледі.

30 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> «Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы» ҚР Заңына қол қойылып, заңды күшіне енген болатын. Аталған заң жобасы бойынша бірінші топтағы мүгедектерге күтім көрсететін адамдарға ең төменгі күнкөріс деңгейі мөлшерінде яғни, 48023 теңге көлемінде жаңадан мемлекеттік жәрдемақы берілмек.
Бұл жөнінде Өңірлік коммуникациялар қызметінде өткен брифингте Еңбек, әлеуметтік қорғау және көші-қон комитетінің Қызылорда облысы бойынша департаменті басшысының әлеуметтік мәселелер жөніндегі орынбасары Айгүл Маханова мәлімдеді.
<blockquote>
 «Бірінші топтағы мүгедектерге күтім жасайтын адамдарға осы жәрдемақыны тағдайындау үшін «Азаматтарға арналған үкімет» мемлекеттік корпорациясының» тұрғылықты жері бойынша бөлімшелеріне, электрондық үкімет веб-порталы арқылы және бірінші топтағы мүгедектік алғаш рет белгіленген кезде медициналық әлеуметтік сараптама бөлімшесіне өтініш беруге құқығы бар. Сондай-ақ, елімізде мүмкіндігі шектеулі балалар 16 жастан бастап 18 жасқа дейін ғана топтарға бөлінетін болса, енді 7 жастан 16 жасқа дейінгі балаларды сырқатының ауырлық дәрежесіне қарай бөлінетін болды. Сәйкесінше, мүгедектік тобына қарай төленетін жәрдемақының мөлшері 16,7 пайыздан 37 пайызға дейін өсті», – деді Айгүл Байтұрсынқызы.
</blockquote>
Айта кететін жәйт, бұрын «мүгедек бала» санаты бойынша белгіленген мүгедекті кезеңіне медициналық-әлеуметтік сараптама актісінде бар деректер сараптамалық қорытынды негізінде автоматтандырылған режимде жүргізілетін болады.
<blockquote>
 «Мүгедектік топтарды автоматтандыру түрде белгілеу «Медициналық-әлеуметтік сараптама жүргізу қағидаларын бекіту туралы» ҚР Еңбек және халықты әлеуметтік қорғау министрлігінің бұйрығына сәйкес бір рет жүргізіледі. Осылайша, 7 жастан асқан мүмкіндігі шектеулі балалардың заңды өкілдері мүгедектік тобын белгілеу мақсатында қайта куаландыру үшін медициналық ұйымдар мен МӘС бөлімдеріне жүгінудің қажеті жоқ», – деді Еңбек, әлеуметтік қорғау және көші-қон комитетінің Қызылорда облысы бойынша департаментінің МӘС мәселелері жөніндегі орынбасары Тілеукүл Мырзахметова.
</blockquote>

Қызылорда: Жәрдемақы мөлшері өсті

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Тең қоғам» орталығында 1 желтоқсан – Тұңғыш Президент күніне орай «Елін сүйген Елбасы» тақырыбында кітап көрмесі өтті.
Көрмеге Елбасының өмір жолы мен қызмет еткен жылдары, Қазақстанның жеткен жетістіктері баяндалған еңбектерден тұратын 57 кітап қойылды. Тарихи кітаптар оқырмандардың ерекше назарын аударды. Шара барысында кітапханашылар қатысушыларға Қазақстан республикасының Тұңғыш Президенті Н.Ә.Назарбаевтың&nbsp; Тәуелсіз мемлекетіміздің қалыптасуындағы тарихи рөлі, оның&nbsp; балалық шағы мен жастық шағы, қайраткер болып қалыптасу жылдары және қол&nbsp; жеткізген&nbsp; жетісітктері&nbsp; туралы&nbsp; ақпарат&nbsp; берді. Оқырмандар &nbsp;Елбасының көрегендігі мен еліміздің жетістіктері жөнінде ойларымен бөлісті.
Айта кетейік, көрмені ұйымдастырып, тың ақпараттармен бөліскен Қызылорда қалалық орталықтандырылған кітапханалар жүйесіне қарасты А.С.Пушкин кітапханасының библиографы&nbsp; Римма Кенжешева мен №6 кітапхананың қызметкерлері Кенже Аманова, Гүлзат Залиева.
<img src="https://kyzylorda-news.kz/wp-content/uploads/2021/11/25d9f0c3-3ac9-4a10-b224-65e74c1daacf.jpg" alt="" />
<img src="https://kyzylorda-news.kz/wp-content/uploads/2021/11/c2d4c61d-db9e-4007-a01c-f36c4bbab260.jpg" alt="" />
<img src="https://kyzylorda-news.kz/wp-content/uploads/2021/11/d87f747a-b5e4-48e9-99e6-000d50330018.jpg" alt="" />

Қазақстан және Қызылорда облысының жаңалықтары