<a href="https://kyzylorda-news.kz/">Kyzylorda-news.kz.</a> “AMANAT” партиясы жанындағы Мемлекеттік басқаруды дамыту және сыбайлас жемқорлыққа қарсы іс-қимыл жөніндегі республикалық қоғамдық Кеңестің отырысын өтті.
Жиында Конституцияға өзгерістер жөнінде бүкілхалықтық референдум мәселесі қаралды. 
Талқылау және пікір алмасу форматында өткен жиынға облыстық қоғамдық кеңес төрағасы Мақсұт Нәлібаев және Кеңес мүшелері қатысты.
<blockquote>
 Басқосуда республикалық Кеңес төрағасының бірінші орынбасары Қайырбек Сүлейменов “Конституцияға өзгерістер коррупциямен жүйелі күресті күшейтіп, Қазақстан халқының құқықтарын терең қорғауға жол ашады” деп атап өтті.
 Кеңес мүшесі Меруерт Қазбекова “Референдум Қазақстанның саяси жүйесін бейбіт өзгертудің құралы. Референдум демократия процессін жеделдете отырып, саяси жүйені орнықты жасауға бағытталған”, -дейді.
</blockquote>
Саясаттанушы Бауыржан Серікбаев референдумдардың жалпы тарихына тоқтала келе, “референдум еліміздегі жаңа саяси мәдениет қалыптастырудың фундаменті” деп атап өтті.
Жиын барысында Конституцияға өзгерістердің мәні мен мазмұны, логикасы жөнінде сұрақтар қойылып, ұсыныстар айтылды.
<img src="https://kyzylorda-news.kz/wp-content/uploads/2022/05/283930118_382684960563813_297264482889593807_n.jpg" alt="" />
<img src="https://kyzylorda-news.kz/wp-content/uploads/2022/05/283637447_382685220563787_6272533999142131903_n.jpg" alt="" />

Референдум кеңес отырысында талқыланды

<a href="https://kyzylorda-news.kz/">Kyzylorda-news.kz.</a> Отбасы банкінің басшысы Ләззат Ибрагимова “Бақытты отбасы” бағдарламасын бастау уақыты екі аптаға шегерілгенін мәлімдеді, деп хабарлайды Sputnik Қазақстан.
<blockquote>
 “Биыл біз “Бақытты отбасы” бағдарламасын шамамен 15 маусымда бастаймыз. 1 маусымда өтінім қабылдауды іске қосамыз деп жоспарлағанбыз, бұқаралық ақпарат құралдарында да жарияладық. Бірақ бүгінде тұрғын үй төлемдерін субсидиялау жобасын аяқтау қажет. Сондықтан “Бақытты отбасы” бағдарламасын шегеруге шешім қабылдадық”, – деді Ибрагимова орталық коммуникациялар қызметінде өткен брифингте.
</blockquote>
Банк басшысының айтуынша, биыл “Бақытты отбасы” бағдарламасына 51 миллиард теңге бөлініп отыр. Осы ақшаға шамамен 5 000 адамға 2 проценттік ипотека беріледі.
“Өтінім саны әлдеқайда көп болатын шығар. Мәселен, былтырғы статистика бойынша 7 мың ипотекаға 35 мың адам өтінім жіберген. Биыл олардың саны одан да көп болатын сияқты. Қазірдің өзінде әлеуметтік желідегі парақшамызда “Бақытты отбасыны қашан бастайды?” деген сұрақ жиі қойылады”, – деп атап өтті Ибрагимова.
Айта кетері, “Бақытты отбасы” бағдарламасы бойынша 2 проценттік ипотека алуға болады. Бастапқы жарнасы – 10%. Кредит 18 жылға дейін беріледі. Бірақ қарыз сомасы бойынша шектеулер бар. 
Нұр-Сұлтан, Алматы, Шымкент, Ақтау мен Атырауда алынатын ең қымбат баспана құны – 15 миллион. Басқа аймақтарда пәтердің ең жоғары бағасы 10 миллион болады.
Осы ақшаға жаңадан салынған үйден де, ескі үйден де пәтер сатып алуға болады. Жеке тұрғын үй рәсімдеу мүмкіндігі қарастырылған. Екі проценттік ипотека тек мұқтаж адамдарға ғана беріледі. Сондықтан табысқа қатысты талап бар.
Оған сәйкес, соңғы алты айда әрбір отбасы мүшесінің бір айлық табысы ең төмен күнкөріс деңгейінің (36 018 теңге) 3,1 еселенген шамасынан аспауға тиіс, яғн, әрбір мүшесіне келетін табыс 111 655,80 теңгеден артық болмауы шарт. Ал отбасыда алты адам болса, бір айлық табыстың мөлшері 663 934 теңгеден асып кетпеуі керек.
Қазіргі кезде бағдарламаға көпбалалы, толық емес және мүгедек баланы тәрбиелеп отырған отбасылар қатыса алады. Алдағы уақытта тағы екі санат – жетімдер және I-II топтағы мүгедектер қосылады.

«Бақытты отбасы» бағдарламасы қашан басталады?

<a href="https://kyzylorda-news.kz/">Kyzylorda-news.kz</a>.&nbsp; Қазақстан Республикасы Қаржы министрлігінің Мемлекеттік кірістер комитеті «Ақ қантты және құрақ қанты шикізатын әкетудің кейбір мәселелері туралы» Қазақстан Республикасы Ауыл шаруашылығы министрінің 2022 жылғы 4 мамырдағы № 140 бұйрығы 2022 жылғы 23 мамырдан бастап күшіне енетінін хабарлайды.
Сонымен қатар «Қазақстан Республикасындағы кедендік реттеу туралы» Қазақстан Республикасы Кодексінің 32-бабының 3-тармағына сәйкес тауарлар Еуразиялық экономикалық одақтың кедендік аумағына келген немесе тауарлар Еуразиялық экономикалық одақтың кедендік аумағынан кеткен кезде тыйым салулар мен шектеулердің сақталмағаны анықталған жағдайда, кеден органы тауарларды Еуразиялық экономикалық одақтың кедендік аумағына әкелуге немесе тауарларды Еуразиялық экономикалық одақтың кедендік аумағынан әкетуге тыйым салу туралы шешім қабылдайды. &nbsp;Оны кеден органы тыйым салу туралы осындай шешім қабылдаған кезден бастап үш сағаттан кешіктірмей, көліктік (тасымалдау) құжаттарға тауарларды Еуразиялық экономикалық одақтың кедендік аумағына әкелуге немесе тауарларды Еуразиялық экономикалық одақтың кедендік аумағынан әкетуге тыйым салу туралы белгі қою арқылы немесе кеден органының ақпараттық жүйесі мен тасымалдаушының ақпараттық жүйесі арасында өзара іс-қимыл боған кезде, осындай тыйым салу туралы хабарламаны электрондық нысанда жіберу арқылы – тасымалдаушының, ал ол болмаған кезде тауарларды Еуразиялық экономикалық одақтың кедендік аумағына әкелу кезінде немесе Еуразиялық экономикалық одақтың кедендік аумағынан әкету кезінде тауарларды иелену, пайдалану және (немесе) оларға билік ету құқығына ие тұлғаның назарына жеткізетінін хабарлаймыз.

Кірістер комитеті ақ және құрақ қант шикізатын әкетудің кейбір мәселелері туралы мәлімдеме жасады

<a href="https://kyzylorda-news.kz/">Kyzylorda-news.kz.</a> Жыл басынан бері облыс аумағындағы су айдындарында 8 адам суға кеткен. Оның ішінде кәмелет жасына толмаған 4 бала қаза тапқан. Дегенмен, былтырғы жылмен салыстырғанда суға кету оқиғалары 33 пайызға төмендеген. Төтенше жағдайлар департаментінің қызметкерлері қауіпті аймақтарда суға шомылуға болмайтынын ескертеді.
Облыста суға шомылуға рұқсат етілген 2 жеке жағажай жұмыс істейді. Оның бірі – қаладағы «Сыр самалы» демалыс орны, екіншісі – Белкөл кентінде орналасқан «Абай» демалыс орны. Қазіргі таңда 4 коммуналдық жағажайдың қаулысы әзірленуде. Жалпы су айдындарында суға шомылуға қауіпті деп танылған 64 учаске белгіленген. Мұнда 270 ескерту тақтайшасы орнатылған. Облыс тұрғындарынан суға шомылу маусымы кезінде барынша қауіпсіздік шараларын сақтауға шақырамын, – деді облыстық ТЖД бастығының орынбасары Саид Молдақараев.
Суға шомылу маусымында жасөспірімдерге арналған 8 лагерь жұмыс істейді. Онда алты мыңға жуық бала жүзуге үйретілмек.
Білім беру ұйымдарында төтенше жағдайлардың алдын алу және түсіндірме жұмыстары жүргізілуде. Сондай-ақ, №264 мектеп-лицейіндегі бассейн іске қосылып, суға жүзу тәсілдері үйретіледі. Қазіргі таңда білім беру ұйымдары мен төтенше жағдайлар департаментінің қызметкерлері күнделікті рейд жүргізуде. Білім алушылар рұқсат етілмеген аумақтарда жүргені анықталса тиісті шаралар қолданылатын болады, – деді облыстық білім басқармасының бөлім басшысы Берік Мәмбетов.

Жыл басынан бері облыс аумағында 8 адам суға кеткен

Kyzylorda-news.kz. Қала әкімінің 2022 жылғы 23 мамырдағы өкімімен Қызылорда қаласы әкімінің орынбасары лауазымына Нұрмағанбетов Руслан Аймұрзаұлы тағайындалды.
Руслан Аймұрзаұлы 1983 жылы Қызылорда қаласында дүниеге келген. Жоғары білімді. 
2006 жылы Қаныш Сәтбаев атындағы Қазақ Ұлттық техникалық университетін «Технологиялық кешендердің электр жетегі және автоматтандырылуы» мамандығы, 2009 жылы «Болашақ» университетін «Экономика» мамандығы бойынша бітірген. 
Еңбек жолын 2006 жылы «Энергомонтаж автоматика» ЖШС-де инженер-бағдарламашы ретінде бастаған.
2007-2014 ж.ж Қызылорда облыстық қаржы департаментінде, облыстық энергетика және коммуналдық шаруашылық басқармасында, облыстық энергетикалық қадағалау және бақылау басқармасында жауапты қызметтерді атқарған.
2014-2015 ж.ж Қызылорда облыстық энергетика және тұрғын 
үй-коммуналдық шаруашылық басқармасы басшысының орынбасары;
2015-2017 ж.ж «Қызылорда электр тарату тораптары компаниясы» АҚ директорының орынбасары;
2017-2020 ж.ж «Қызылорда жылу электр орталығы» мекемесінің директоры;
2020-2021 ж.ж Қызылорда облыстық энергетика және тұрғын 
үй-коммуналдық шаруашылық басқармасының басшысы;
2021 жылдан бастап осы кезге дейін ҚР Энергетика министрлігі «Жаңартылатын энергия көздері департаменті» мекемесінде басқарма басшысы қызметін атқарып келді.
Руслан Аймұрзаұлы қаланың құрылыс, сәулет және қалақұрылысы, тұрғын үй коммуналдық шаруашылығы, қоғамдық көлік, мемлекеттік сатып алу және тұрғын үй инспекциясы саласына жетекшілік ететін болады.
<img src="https://kyzylorda-news.kz/wp-content/uploads/2022/05/fb_img_1653371826823.jpg" alt="" />

Қызылорда қаласы әкімінің орынбасары тағайындалды

<a href="https://kyzylorda-news.kz/">Kyzylorda-news.kz.</a> Қазалы ауданының полиция бөліміне жергілікті тұрғын арызданған. Оның айтуынша, белгісіз біреудің аудандағы дәріханада тұрған терминалды бұзып, ақша ұрлаған. Сөйтіп жәбірленушіге жалпы 2 млн 580 мың теңге шығын келтірілген.
Жедел іздестіру жұмыстарының нәтижесінде ақша ұрлығы қылмысын жасаған күдікті азаматша анықталып, ұсталды. Күдіктіден ешқайда кетпеу туралы қол хат&nbsp; алынды.
Аталған дерек бойынша Қазақстан Республикасы Қылмыстық кодексінің 188-бабының 1-бөлігімен&nbsp;(Ұрлық,яғни бөтеннің мүлкін жасырынжымқыру)&nbsp;сотқа дейінгі&nbsp; тергеп-тексеру әрекеттері жүргізілуде.

Қазалыда төлем терминалын бұзып, ақша ұрлаған күдікті ұсталды

<a href="https://kyzylorda-news.kz/">Kyzylorda-news.kz.</a> Еліміз бойынша 3,5 млн-нан астам оқушы үшін ертең соңғы қоңырау соғылады.
Сондай-ақ 1 қыркүйек және 25 мамыр қарсаңында мұғалімге гүл сыйлауға болады.
Бұл туралы Мектепке дейінгі және орта білім комитетінің төрайымы Гүлмира Кәрімова мәлімдеді.
Мектеп бітіру кешін білім беру ұйымы өзі ұйымдастырып өткізуі керек.
Аттестатты салтанатты түрде тапсыру рәсімі 2022 жылғы 16-17 маусымда өтеді.

Биыл 170 мыңнан астам түлек мектеппен қоштасады

<a href="https://kyzylorda-news.kz/">Kyzylorda-news.kz.</a> Денсаулық сақтау саласындағы нормативтік құқықтық актілер белгілі бір аурулар болған кезде еліміздегі азаматтардың ТМККК (Тегін медициналық көмектің кепілдендірілген көлемі) және МӘМС &nbsp;қаражаты есебінен амбулаториялық деңгейде дәрілік заттар мен медициналық бұйымдарға сенім арта алатынын регламенттейді. ҚР Денсаулық сақтау министрінің 2021 жылғы 5 тамыздағы № 75 бұйрығымен бекітілген Нозологиялар мен қолжетімді дәрілердің тізбесімен&nbsp;<a href="https://fms.kz/upload/files/lskaz.pdf">мына жерде</a>&nbsp;танысуға болады.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың ақпараты бойынша, бүгінгі күні амбулаториялық деңгейде ТМККК шеңберінде дәрілік заттар мен медициналық бұйымдардың 347 атауы бойынша 49 нозология, МӘМС жүйесінде дәрілік заттар мен медициналық бұйымдардың 265 атауы бойынша 79 нозология қамтамасыз етіледі.
Дәрі – дәрмек алу үшін науқас өзінің учаскелік дәрігеріне (медбикесіне) жүгінуі тиіс. Учаскелік дәрігер/медбике науқастың жағдайын бағалайды және қажет болған жағдайда дәрілік заттарды алуға рецепт жазады. Сіз жеке басыңызды куәландыратын құжатпен және рецептімен емхананың дәріханасына хабарласуыңыз керек.
2022 жылы амбулаториялық дәрі-дәрмекпен қамтамасыз етуге 140,3 млрд теңге, оның ішінде МӘМС жүйесінде 45 млрд теңге қарастырылған.
Естеріңізге сала кетейік, жедел, стационарлық және стационарды алмастыратын көмек көрсету кезінде барлық дәрілік заттар тегін беріледі.
<img src="https://kyzylorda-news.kz/wp-content/uploads/2022/05/alo-dostwpno-kaz.jpg" alt="" />

МӘМС: Халық тегін дәрі-дәрмекті қайдан алады?

<a href="https://kyzylorda-news.kz/">Kyzylorda-news.kz.</a> Су үнемдеу шараларының аясында биыл Қызылорда облысында 5 мың гектар күріш алқабы қысқарды.
Экология, геология және табиғи ресурстар министрі Серікқали Брекешев Үкімет отырысында осындай дерек келтірді. «Алматы облысында су ресурстарының тапшылығын қысқарту мақсатында облыс әкімдігі ылғал сыйымды дақылдардың, оның ішінде Балқаш ауданында күріштің егістігін 1 мың гектарға азайтты. Облыстың барлық су қоймалары вегетациялық кезеңге бекітілген кестеге сәйкес жұмыс істейді.
Жамбыл облысында да, бұрын айтылғандай, мемлекетаралық пайдалану объектілеріне су беру кестелері бекітілді. Сондай-ақ, қазіргі уақытта облыс аумағында суару желілерін реконструкциялау бағытында ауқымды жұмыстар жүргізіліп жатқанын атап өту қажет. Суармалы су беру айналма каналдар арқылы жүзеге асырылуда», – деді ведомство басшысы. Оның мәліметінше, Түркістан облысында биыл күріш алқабы 600 гектарға дейін қысқартылған.
<blockquote>
 «Қызылорда облысында күріш алқабы 78,3 мың гектарға дейін төмендеді. Бұл өткен жылмен салыстырғанда, 5 мың гектарға аз. Сондай-ақ, Үкімет резервінен ұңғымаларды жөндеу мен бұрғылауға, сорғы қондырғыларын сатып алуға 3,6 млрд теңге сомасында қаражат бөлінді», – деді Серікқали Брекешев. Министрдің айтуынша, биыл Шардараға 5 млрд текше метр су жинауға мүмкіндік бар.
</blockquote>

Қызылорда облысында 5 мың гектар күріш алқабы қысқарды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің 85 жылдық мерейтойына арналған «Студенттік көктем-2022» өнер фестивалі мәресіне жетті. Белсенді жастардың басын қосқан ауқымды шара 18-20 мамыр аралығында ұйымдастырылды.
«Студенттік көктем-2022» өнер фестивалі – оқу орнында дәстүрлі түрде өткізілетін ең ауқымды шаралардың бірі.
Фестивальде қатысушылар «Таныстыру», «DANCE» заманауи және ретро билер, «Шырқайық бірге» эстрада әндері, бейнероликтер байқауы және көрініс қою кезеңдері бойынша бақ сынады. 
Студенттердің қоғамдағы белсенділігін, мәдени-шығармашылық әлеуетін арттыру мақсатында өткізілген фестивальге 5 институт бойынша дарынды жастар қатысты.
Шарада университеттің Басқарма Төрағасы – Ректоры Бейбіткүл Кәрімова білімді де өнерлі жастар ел мақтанышы екенін атап өтті.
<blockquote>
 «Студенттік шақ – өмірдегі ең жарқын сәттердің бірі. Жастардың осындай ерекше кезеңде білім алып қана қоймай, шығармашылық қабілеттерін шыңдағанына қуаныштымын. Үш күнге созылған байқаудың биылғы ерекшелігі – профессор-оқытушылар студенттермен бірге өнер көрсетті. Ұстаздардың қолдауы байқаудың жоғары деңгейде өтуіне серпін берді деген сенімдемін. 
 Сыр еліндегі білім мен ғылымның қара шаңырағы – Қорқыт ата атындағы Қызылорда университеті осы кезге дейін жүзмыңдаған түлектің жарқын болашағына жолдама берді. Қазіргі уақытта біздің университтен түлеп ұшқан шәкірттер еліміздің әр аймағында табысты қызмет атқаруда», – деді Бейбіткүл Сәрсемханқызы.
</blockquote>
Айта кету керек, дәстүрлі шара карантиндік шектеулерге байланысты екі жылдан кейін өткізілді. 
Байқау нәтижесінде І орынды “Экономика және құқық” институтының студенттері иеленсе, ІІ орынды “Гуманитарлық педагогикалық” институты, ІІІ орынды “Дәстүрлі өнер” институтының білім алушылары еншіледі.
Сондай-ақ, шара барысында институттар арнайы номинациялармен марапатталды.
<img src="https://kyzylorda-news.kz/wp-content/uploads/2022/05/282567176_2566681953469215_7435981858356532214_n.jpg" alt="" />
<img src="https://kyzylorda-news.kz/wp-content/uploads/2022/05/280648552_2566682310135846_8046228047023335808_n.jpg" alt="" />
<img src="https://kyzylorda-news.kz/wp-content/uploads/2022/05/imgl2376-1-scaled.jpg" alt="" />
<img src="https://kyzylorda-news.kz/wp-content/uploads/2022/05/imgl2454-1-scaled.jpg" alt="" />

«Студенттік көктем – 2022» байқауының жеңімпаздары анықталды

<a href="https://kyzylorda-news.kz/">Kyzylorda-news.kz.</a>&nbsp; Бюджет қаражатын тиімді пайдалану мақсатында жоспарланған құрылыс нысандарының жобаларын қарау жөнінде облыстық кеңестің кезекті отырысы өтті.
Қызылорда облысы әкімінің орынбасары Мархабат Жайымбетовтың төрағалығымен өткен кеңесте Сырдария ауданының әкімі Мұрат Ергешбаев ауданның әлеуметтік дамуына үлес қосатын 57 жобаны ұсынды.
Басқосуда ұсынылған жобалардың қаржыландыру көздеріне тоқталды. Бірқатар ұсыныстар әлі де зерделеніп, оңтайландыру қажеттігі айтылды.
Облыс әкімінің орынбасары Мархабат Жайымбетұлы білім, мәдениет, спорт, жалпы әлеуметтік саланың дамығанын қолдайтынын білдірді. Дегенмен, бірінші кезекте тұрғындарға ауыз су, газ, жол инфрақұрылымдарын жеткізу, осы мәселелерді шешу маңыздырақ екеніне көңіл бөлудің кезі екені жеткізді.
Қазіргі уақытта аудандар мен Қызылорда қаласында жоба-сметалық құжаттарға қаржы бөлу тоқтатылды. Облыс бойынша 205 дайын жоба бар. Оны іске асыруға 124 млрд теңге қажет. 
Айта кету керек, Кеңес мүшелері жоба құжаттарының өзектілігін, тиімділігін және сәулеттік келбетінің үйлесімділігін қарайды. Ол үшін Кеңес құрамына белгілі қаржыгерлер, құрылысшылар, жобалаушылар, өз саласының білікті мамандары тартылған.

Құрылыс нысандарының жобаларын қарау жөніндегі кеңестің отырысы өтті

<h2 id="nbspstankzhttpsstankznbsp">Мексикалық боксшы Сауль Канело Альварес қазақстандық боксшы Геннадий Головкинмен үшінші жекпе-жек өткізетінін мәлімдеді, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.</h2>
“Алдағы бірнеше күнде біз қыркүйек айындағы жекпе-жекті жариялаймыз,&nbsp;әрине, ол GGG-ге қарсы болады, өйткені бізде бұл келісім болған, бірақ мен Биволмен де кейінірек қайтадан жекпе-жек өткіземін”, – деп келтіреді Альварестің сөзін ESPN KnockOut.
Трилогияны өткізу мүмкіндігі жақында белгілі болды. Ол үшін Головкин ақыры нокаутқа түсірген жапондық Риота Мурата мен Альварес – Биволды жеңуі керек еді.
Канело мен GGG арасындағы үшінші жекпе-жек 17 қыркүйекте өтеді деп күтілуде. Өтетін орны әзірге белгісіз, фаворит Лас-Вегас қаласы болып табылады, онда боксшылардың алдыңғы екі жекпе-жегі өткен – біріншісі 2017 жылдың қыркүйегінде жанжалды тең аяқталса, екіншісі – бір жылдан кейін – боксшылардың жеңісімен аяқталды.&nbsp;
Альварес – Головкин жекпе-жек өткізетін супер орта салмақтағы сөзсіз чемпион. Қазақстандық өз кезегінде WBA Super, IBF және IBO тұжырымдары бойынша орта салмақтағы чемпион.

Қазақстан және Қызылорда облысының жаңалықтары