<h2 id="nbspstankzhttpsstankznbsp">Мексикалық боксшы Сауль Канело Альварес қазақстандық боксшы Геннадий Головкинмен үшінші жекпе-жек өткізетінін мәлімдеді, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.</h2>
“Алдағы бірнеше күнде біз қыркүйек айындағы жекпе-жекті жариялаймыз,&nbsp;әрине, ол GGG-ге қарсы болады, өйткені бізде бұл келісім болған, бірақ мен Биволмен де кейінірек қайтадан жекпе-жек өткіземін”, – деп келтіреді Альварестің сөзін ESPN KnockOut.
Трилогияны өткізу мүмкіндігі жақында белгілі болды. Ол үшін Головкин ақыры нокаутқа түсірген жапондық Риота Мурата мен Альварес – Биволды жеңуі керек еді.
Канело мен GGG арасындағы үшінші жекпе-жек 17 қыркүйекте өтеді деп күтілуде. Өтетін орны әзірге белгісіз, фаворит Лас-Вегас қаласы болып табылады, онда боксшылардың алдыңғы екі жекпе-жегі өткен – біріншісі 2017 жылдың қыркүйегінде жанжалды тең аяқталса, екіншісі – бір жылдан кейін – боксшылардың жеңісімен аяқталды.&nbsp;
Альварес – Головкин жекпе-жек өткізетін супер орта салмақтағы сөзсіз чемпион. Қазақстандық өз кезегінде WBA Super, IBF және IBO тұжырымдары бойынша орта салмақтағы чемпион.

Канело Геннадий Головкинмен үшінші жекпе-жек өткізетінін мәлімдеді

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы Қызылорда облыстық филиалының ғимаратында ҚР Парламенті Сенатының депутаты Ақмарал Әлназарова аймағымыздағы қоғам өміріне белсенді араласып жүрген әйелдермен кездесті. Онда еліміздің Конституциялық заңына енгізілетін өзгерістер мен толықтырулар және ел көлемінде өткізілгелі отырған референдумның мән-мағынасы талқыланды.
Нәзік жандармен өткен басқосуға облыстық партия филиалының атқарушы хатшысы Ләйлә Төрешова сондай-ақ, облыстық штаб мүшелері қатысты.
Басқосу кезінде жалпыхалықтық референдумның маңызына тоқталған сенат депутаты Ақмарал Әлназарова әйелдер қауымына дауыс берудің ережелері мен шарттарын түсіндірді.
Қатысушылардың сұрағына нақты жауап берген сентор әр баптың өзгерісіне жеке-жеке тоқталды. Атап айтқанда суперпрезиденттік басқару формасынан түпкілікті бас тарту, Президент туыстарының квазимемлекеттік сектор мен мемлекеттік қызметте басшылыққа тағайындалмайтындығы жөніндегі өзгертулерге кеңінен түсініктеме берді. Жер және жер қойнауы – халықтың меншігі, «Өлім жазасына» тыйым салу, Президент және судьялар, сайлау комиссиясының өкілдері ешқандай партияның мүшелігінде болмауы тиіс екенін айтты.
Кездесу барысында әйелдер қауымы депутатпен бірге өңірді дамытуға қатысты бірқатар маңызды мәселелерді талқылап, референдумға қатысты ой-пікірлерін ортаға салды.
Басқосуға қатысқан облыстық штаб мүшелері А.Божанова мен Р.Байназарова референдумның жарқын болашақ пен жаңа өмірге қадам жасайтын маңызды сәт екенін баса жеткізіп, барша азаматшаларды саяси науқанға белсенді қатысуға үндеді.

Ақмарал Әлназарова белсенді әйелдермен кездесті

<a href="https://kyzylorda-news.kz/">Kyzylorda-news.kz.</a>&nbsp; Қазақстанның бас санитар дәрігері Айжан Есмағамбетова ревакцинацияға қатысты жаңа қаулыға қол қойды.
“Қазақстанның аумағында 3 және одан да көп ай тұратын шетел азаматтарын қоса алғанда, барлық адамдар коронавирусқа қарсы ревакцинацияға жатады”, – делінген қаулыда.
Коронавирусқа қарсы ревакцинация алдыңғы профилактикалық екпеден кейін 6 ай аралықпен коронавирусқа қарсы вакцинацияның толық курсын және бұрын бірінші ревакцинацияны алған адамдарға жүргізіледі.
Ревакцинация алгоритмінің 130-тармағына төмендегідей редакция енгізілді.
Коронавирусті жұқтыру қаупі жоғары (басымдылығы бойынша) мына адамдар коронавирусқа қарсы қайта ревакцинациялауға жатады: 
медицина қызметкерлері; 
медициналық-әлеуметтік мекемелердің контингенті мен персоналы; 
күш құрылымдарының қызметкерлері; 
педагогтар; 
пенитенциарлық (қылмыстық-атқару) жүйе мекемелерінің контингенті; 
50 жастан асқан адамдар. 
Осы қаулы 2022 жылға 25 мамырдан бастап қолданысқа енгізіледі.

Бас санитар дәрігер ревакцинация туралы қаулыға қол қойды

<a href="https://kyzylorda-news.kz/">Kyzylorda-news.kz.</a>&nbsp; Қазақстан дамудың келесі кезеңіне – әділетті Қазақстанды құруға аяқ басты. Сол жолда бүкіл халықтың қатысуымен ел тағдырын анықтайтын референдум өткізу жоспарлануда.
Президент Қ.Тоқаев суперпрезиденттік республикадан қуатты Парламенті бар президенттік республикаға көшу және азаматтардың игілігі үшін Конституцияның 30-дан астам бабына өзгеріс енгізу және 20-дан астам заңды қабылдау қажеттілігі жөнінде айтты. Парламент палаталарының рөлін күшейту, Мәжілісті қалыптастырудың аралас моделін енгізу, Парламенттің бақылау функцияларын кеңейту арқылы азаматтардың мүддесін қорғау механизмінің күшейетіндігі де айтылды. Сонымен қатар, сот шешіміне көңілі толмаған азаматтар Конституциялық сотқа тікелей арыздана алатындығы және саяси партиялар арасында бәсекелестікті қалыптастырып, азаматтардың ел дамуына атсалысуына үлкен мүмкіндік жасайтынын да айтуға болады. Бұл елдің дамуы үшін жасалған игі қадамдардың бірі деп білемін.
Жердің және табиғи ресурстардың иесі халық деген норманы Конституцияда біржола бекітудің де саяси мәні зор. Уақыт озған сайын заман талабы өзгеріп келеді. Елдің құқықтық жүйесінің басым көпшілігінің өзгерісі және азаматтардың ол туралы біліп, оқып, оған қатысуы өте маңызды. Сондықтан бұл ретте азаматтардың белсенділік танытқаны жөн. Баршаңызды 5 маусымда референдумға қатысуға және дауыс беруге шақырамын.
Гүлжауһар Раева,
«Қазақ тілі» қоғамы ҚБ Қармақшы аудандық филиалының төрайымы
<img src="https://kyzylorda-news.kz/wp-content/uploads/2022/05/283901334_343221217917265_2593577037872647839_n.jpg" alt="" />

Гүлжауһар Раева: Жаңа бағытқа бастар жол

<a href="https://kyzylorda-news.kz/">Kyzylorda-news.kz.</a> А.Тоқмағамбетов атындағы мәдениет үйінде «Қуатты өңірлер-ел дамуының драйвері» ұлттық жобасы аясында «Қоныс аудару» бағдарламасы бойынша Солтүстік өңірлерден келген жұмыс тобының қатысуымен «Бос жұмыс орындары жәрмеңкесі» өткізілді.
Солтүстік Қазақстан, Павлодар, Қостанай және Қарағанды облыстарының жұмыс берушілері тарапынан 3 000-ға жуық бос жұмыс орындары ұсынылып, қоныс аударуға ниетті 100-ге жуық отбасымен сұхбат жүргізілді.
Сонымен қатар, қала бойынша 24 мекемеден 160 бос жұмыс орны және жастар тәжірибесі бойынша 9 мекемеден 80 жұмыс орны ұсынылды.
Алдағы аптаның ішінде калаға карасты кент, ауылдық округтерде түсіндірме жұмыстары жалғасын табады.
<img src="https://kyzylorda-news.kz/wp-content/uploads/2022/05/283688132_520295289820450_799229747170946593_n.jpg" alt="" />

Қызылордадан 100-ге жуық отбасы солтүстікке көшуге ниетті

<a href="https://kyzylorda-news.kz/">Kyzylorda-news.kz.</a> Қайғылы оқиға 2018 жылы 17 желтоқсанда болған. Марқұмдар фазендадан келе жатқан. Күн бұзылып, олар жолды көрмеген. Сөйтіп, көлік Қараөзек каналына құлап кеткен. Жұқа мұз жарылып, көлік жүргізушісі жолаушымен бірге су астына батып кеткен.
<blockquote>
 “Көлік дәл сол күні табылды, жүргізушінің денесі алты ай өткен соң табылды. Бірақ ол кезде 1973 жылы туған жолаушының денесін табылмады. Іздеу біраз уақытқа созылды, бірақ кейін тоқтатылды”, – деді Қызылорда облысы ТЖД өрт сөндіру және апат-құтқару жұмыстары қызметінің баспасөз хатшысы <a href="https://nege.kz/news/el/kizilorda_oblisinda_suga_batip_ketken_er_adamnin_denesi_4_zhildan_keiin_tabildi_20220523155612">Әлия Ережепова</a>.
</blockquote>
Жақында құтқарушыларға жоғалған ер адамның туыстары жүгінген. Олар суға батып кеткен туысының аяқ киімін тапқанын айтқан. Осылайша, іздеу жұмыстары қайта басталған.
<blockquote>
 “20 мамырда құтқарушылар 9 сағат бойы қайықпен суға батып кеткен ер адамның денесін іздестірді. 13.45-те көлік құлаған тұстан 50 шақырым жерде екі метр тереңдікте дене бөліктері мен киім қалдықтары табылды. Туыстары марқұмды таныды”, – деп толықтырды ведомствоның баспасөз қызметі өкілі.
</blockquote>
Еске салайық, жыл басынан бері облыстың су айдындарында 8 адам суға батып кеткен болатын, оның төртеуі – бала.

Қызылордада суға батып кеткен ер адамның денесі 4 жылдан кейін табылды

<a href="https://kyzylorda-news.kz/">Kyzylorda-news.kz.</a> Белгілі зілтемірші Илья Ильин оқырмандарға шашын тақырлап алып тастағанын айтып, көпті таң қалдырды. Кейін белгілі болғандай спортшы шашын қалыңдату үшін Түркияға барып, арнайы кішігірім ота жасатқан.
Бұл туралы спортшы өзінің Instagram желісіндегі парақшасында жазды.&nbsp;
<blockquote>
 «Ешкімге айтқым келмеп еді, бірақ бәрібір сұрайсыздар. Мен неліктен шашымды тақырлап алып тастап, онда не себепті мынадай кішкентай тіліктер пайда болды деп ойлайсыздар? Себебі «шаш ауыстырдым». Мен мұны бұрыннан бері жасағым келіп жүрген, енді міне сәті түсті, құттықтап қойсаңыздар болады!«, –&nbsp;деп жазды ол.&nbsp;
</blockquote>
Желі қолданушылары әйгілі зілтеміршіні қолдап, жылы сөздерін жаудырған.
<blockquote>
 &nbsp;«Қазақтарда басың аман болсын деген сөз бар, сол сияқты басыңыз аман болса, шаш қайда барады?», «Сізге тақырбас болу да жарасады екен», «Тездетіп сауығып кетіңіз», «Әп-әдемі, бәрі оңынан болсын» деп жазды олар.&nbsp;
</blockquote>
Айта кету керек, мұндай процедурасы сиреп қалған шашты қалыңдату үшін арнайы ота арқылы жасалады. Адамның бас терісіне шаш талшықтары орналастырылады. Ота жергілікті анестезия арқылы жүзеге асырылады. &nbsp;
<a href="https://kaz.nur.kz/health/1970584-ilya-ilyan-sasyn-qalyndatu-usin-turkiyada-ota-zasatty/">KAZ.NUR.KZ</a>

Илья Ильин Түркияда ота жасатты

<a href="https://kyzylorda-news.kz/">Kyzylorda-news.kz.</a> «Қазгидромет» кәсіпорны 24-26 мамыр аралығында ауа райы қандай болатынын жария етті.
Екатеринбург аймағынан келетін циклонға байланысты атмосфералық фронттар республиканың көптеген аймақтарында күн райының тұрақсызданып, бұзылуына әкеледі.
Салдарынан жаңбыр жауады, найзағай жарқылдап, жел күшейеді.
Бұршақ жаууы мүмкін.
Ал 26 мамырда түнде солтүстік-батыста қатты жаңбыр күтіледі.
Үшінші күнге қарай елдің батысына және солтүстік-батыс антициклон тарайды.
Осылайша жауын-шашын тоқтап, ауа температурасы аздап төмендейді.
24 мамыр – түнде және таңертең орталықта, шығыста, 26 мамыр – батыста топырақ бетінде 2 градусқа дейін аяз болып, үсік жүруі мүмкін.

Алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Конституциялық реформа және жаңа Қазақстан» атты республикалық ғылыми-тәжірибелік конференциясы өтті. Жиында ҚР Сенатының депутаты Мұрат Бақтиярұлы Қазақстан Республикасының Конституциясына енгізілетін түзетулердің мәнін түсіндірді.
Шараға Қазақстан Республикасы Парламенті Сенатының депутаты, саяси ғылымдар докторы Мұрат Мұхамедов, облыстық мәслихат хатшысы Наурызбай Байқадамов, Қорқыт ата атындағы Қызылорда университетінің Басқарма Төрағасы-ректоры Бейбіткүл Кәрімова және профессор-оқытушылар қатысты.
Конференция барысында философия ғылымдарының докторы, Қорқыт ата атындағы «Философия және әлеуметтік-гуманитарлық» пәндер кафедрасының профессоры Баймырза Қожамберлиев , саяси ғылымдарының кандидаты, облыстық «Рухани жаңғыру орталығы» коммуналдық мемлекеттік мекемесі директорының орынбасары Саулет Сахиев, заң ғылымдарының кандидаты, «Құқықтану» кафедрасының меңгерушісі Ерлан Алтаев, PhD, «Тарих» кафедрасының аға оқытушысы Дәулет Омаров, экономика ғылымдарының кандидаты, «Экономика және басқару» кафедрасының аға оқытушысы Абай Шайнуров, PhD, «Құқықтану» кафедрасының аға оқытушысы Айнұр Исаева, заң ғылымдарының кандидаты, «Құқықтану» кафедрасының доценті Жанна Исаева, экономика ғылымдарының магистрі, «Қаржы, есеп және аудит» кафедрасының аға оқытушысы Мұрат Смайлов баяндама жасады.
Айта кетейік, 5 маусым күні елімізде республикалық референдум өтеді. Осыған орай сенаторлар өңірлерді аралап, алдағы референдумның маңыздылығы және Ата заңға ензілетін өзгерістердің мән-жайы туралы халыққа түсіндірме жұмыстарын жүргізуде.
<img src="https://kyzylorda-news.kz/wp-content/uploads/2022/05/283605984_2568581093279301_3924025540570714652_n.jpg" alt="" />
<img src="https://kyzylorda-news.kz/wp-content/uploads/2022/05/283670918_2568581079945969_9005948589433928246_n.jpg" alt="" />

Қызылордада республикалық ғылыми-тәжірибелік конференциясы өтті

<a href="https://kyzylorda-news.kz/">Kyzylorda-news.kz.</a> 4 проценттік автокредит бағдарламасына қатысып жатқан банктер үміткерлерді қалай іріктейтінін жариялады, деп хабарлайды <a href="https://sputnik.kz/20220523/zhenildetilgen-avtokredit-bank-24999958.html">Sputnik Қазақстан.</a>
Негізгі талап – төлем қабілеттілігі. Автокредитке өтінім берген адам соңғы алты айда тұрақты түрде зейнетақы жарнасын аударған болуы шарт. Екіншіден, табысы бір айлық шығыннан кем дегенде 50 процентке артық болуы керек.
<blockquote>
 “Мәселен, ай сайынғы табысы 100 мың делік, онда шығыны 50 проценттен, яғни 50 мың теңгеден аспауға тиіс”, – деп түсіндірді банк өкілдері орталық коммуникациялар қызметінде өткен брифингте.
</blockquote>
Ал клиенттің ай сайын 30 мың төлеп тұратын басқа кредиті болса, онда 20 мың ғана қалады. Ол ақша жеңілдетілген автокредит алуға жетпейді. Осыған байланысты банк өкілдері алдымен қаржы мүмкіндігін жан-жақты бағалауға кеңес беріп отыр. Содан кейін ғана автокредитке өтінім берген дұрыс.
Айта кетері, 16 мамырда республика бойынша 4 проценттік автокредит бағдарламасы іске қосылды. Банк ЦентКредит бірінші болып өтінім қабылдауды бастады. Артынан оған Еуразиялық банк пен Halyk bank қосылды. Бүгін Forte bank өтініш қабылдауды бастайды деген жоспар бар. Жалпы, бағдарламаға 100 миллиард теңге бөлінеді.
20 мамырда Еуразиялық банк жеңілдетілген автокредит бойынша өтінім қабылдауды уақытша тоқтатты. Банк баспасөз қызметінің хабарлауынша, бағдарлама іске қосылған төрт күн ішінде бөлінген мемлекеттік лимит таусылып қалған. 16 мамырдан бері 9 мың өтінім қабылданды. Банк келесі транш бөлінгенде өтінім қабылдауды қайта іске қосатынын мәлімдеді.

Автокредит: Банк қандай жағдайда өтінімді мақұлдамайды?

<a href="https://kyzylorda-news.kz/">Kyzylorda-news.kz.</a> Өткен сенбіде облыс аумағында қатты жел, шаңды дауыл соғып, ауа райы қолайсыздығынан Жаңақорған және Шиелі аудандарында табиғи төтенше жағдайлар тіркелді.
Желдің жылдамдығы 24-22 метр секунд болған. Бұл туралы бүгін Өңірлік коммуникациялар қызметінде өткен брифингте облыстық төтенше жағдайлар департаменті бастығының орынбасары Саид Молдақараев мәлімдеді.
<blockquote>
 «Жаңақорған ауданы бойынша 2 ғимараттың шатыры құлады. Ол Бесарық ауылындағы ауылдық клубы және Төменарық ауылындағы нысан. Ал, Шиелі ауданы бойынша 7 ғимараттың шатыры жарамсыз қалды. Қаза болғандар мен зардап шеккендер жоқ. Бүгінгі таңда ЖАО комиссия жұмыс жасауда», – деді Саид Шазындаұлы.
</blockquote>

Шаңды дауыл соғып, төтенше жағдай тіркелді

<a href="https://kyzylorda-news.kz/">Kyzylorda-news.kz.</a> Облыстық референдум комиссиясы&nbsp; республикалық референдумға дайындық және оны өткізудің құқықтық аспектілері тақырыбында оқыту семинарын өткізді.
Іс-шара Арал, Қазалы, Қармақшы аудандарында ұйымдастырылды. Жиналғандар&nbsp; ағымдағы жылғы 5 маусымға тағайындалған республикалық референдум туралы, «Қазақстан Республикасының Конституциясына өзгерістер мен толықтырулар енгізу туралы» заң жобасы, респуб­ли­калық референдумды дайындау мен өткізу, қаржыландыру, үгіт, элек­тораттық оқытуды ұйым­дас­тыру, дауыс беруді байқау про­цесінің ерекшеліктері, сон­дай-ақ референдум туралы заң­наманы бұзғаны үшін жауап­кер­шілік мәселелері бойынша ойларын ортаға салды.
&nbsp;«Республикалық референдум өткізудің кейбір ерекшеліктері туралы» 
облыстық референдум комиссиясының төрағасы Ғалым Баймырзаев, «Референдум комиссияларының қызметін құжаттамалық қамтамасыз етудің ережелері мен есеп берудің тәртібі туралы» облыстық референдум комиссиясы төрағасының орынбасары Болат Накипов, «Референдумға қатысушылардың құқықтық жауапкершілігі туралы» Қармақшы ауданы прокурорының орынбасары Әнуар Муратов&nbsp; хабарлама жасады.
Семинар соңында Облыстық референдум комиссиясының және уәкілетті мемлекеттік ор­ган­дардың өкілдері семинарға қаты­сушылардың сұрақтарына толыққанды жауап берді.

Қазақстан және Қызылорда облысының жаңалықтары