<a href="https://kyzylorda-news.kz/">Kyzylorda-news.kz</a> Қызылорда облысында «Есірткі – ғасыр дерті» тақырыбында есірткіге қарсы дөңгелек үстел байқауы өтті.&nbsp;Іс-шараны Қызылорда облысы Полиция департаментінің Есірткі қылмысына қарсы іс-қимыл басқармасы жастар арасында есірткі қолданудың алдын алу, құқықтық сауаттылықты арттыру, өз денсаулығына жауапкершілікпен қарауды қалыптастыру және салауатты өмір салтын насихаттау мақсатында ұйымдастырды.Байқау барысында қатысушылар өз баяндамаларын ұсынып, есірткі қолданудың салдары, нашақорлықтың алдын алу мәселелерін талқылап, жастардың есірткі құралдарының заңсыз айналымына тартылуының алдын алу бойынша нақты ұсыныстарын ортаға салды. Командалардың пікірталасқа белсенді қатысуына, есірткіге қарсы баннерлерді, плакаттар мен басқа да көрнекі материалдарды пайдалануына ерекше назар аударылды.Байқау қорытындысы бойынша *І орынға* Қазалы ауданының №16 мектеп-лицейі, Қызылорда қаласының №217 мектеп-лицейі және Қармақшы ауданының №199 орта мектебі; *ІІ орынға* Қазалы ауданының №276, №17 орта мектептері, Шиелі ауданының №49 орта мектебі және №48 мектеп-лицейі; *ІІІ орынға* Арал ауданының №13 орта мектебі, Қызылорда қаласының №212 мектеп-лицейі және Арал ауданының №14 мектеп-лицейі ие болды.Мұндай іс-шараларды өткізу жастардың есірткі қолданудың салдары туралы хабардарлығын арттыруға, құқықтық мәдениетін нығайтуға және салауатты әрі қауіпсіз болашаққа бағытталған берік өмірлік ұстанымын қалыптастыруға ықпал етеді.<img src="https://knadmin.beoblood.kz/uploads/V_Kyzylordinskoj_oblasti_proveden_konkurs_antinarkoticheskih_kruglyh_stolov1_8a6207afed.jpg" alt="В Кызылординской области проведен конкурс антинаркотических круглых столов1.jpg">

Қызылорда облысында есірткіге қарсы дөңгелек үстел байқауы өтті

<a href="https://kyzylorda-news.kz/">Kyzylorda-news.kz</a> Шиелі ауданында ауыл шаруашылығы өндірісін әртараптандыру және су ресурстарын тиімді пайдалану бағытында бірқатар тәжірибелік жұмыстар жүргізілуде.Атап айтқанда, «Бала би-2004» өндірістік кооперативінің егіс алқабында 2 гектар жерге сорго (құмай) дақылы тамшылатып суару технологиясын қолдану арқылы егілді.Тәжірибелік алқапта дақылдың жергілікті климаттық жағдайға бейімделуі, суару технологиясының тиімділігі, өсіп-даму ерекшеліктері мен өнімділік көрсеткіштері бақылауға алынды.Қант құмайы – қуаңшылыққа салыстырмалы түрде төзімді, су қажеттілігі төмен және жемшөптік маңызы жоғары дақылдардың бірі.&nbsp;Осыған байланысты оны су тапшылығы жағдайында ауыл шаруашылығы дақылдарын әртараптандырудың перспективалы бағыттарының бірі ретінде қарастыруға болады.Жүргізілген тәжірибенің нәтижесі оң болған жағдайда, келесі жылы қант құмайы егісінің көлемін ұлғайту жоспарланып, тұқым қорын қалыптастыру жұмыстары жүргізілуде.Бұл бағыттағы жұмыстар ауданның егіс құрылымын әртараптандыруға, су ресурстарын ұтымды пайдалануға және жаңа агротехнологияларды өндіріске енгізуге мүмкіндік береді.<img src="https://knadmin.beoblood.kz/uploads/Shieli_audany_ant_majy_2_7708139fe2.jpg" alt="Шиелі ауданы қант құмайы 2.jpg">

Қант құмайы дақылын өсіру бойынша тәжірибелік жұмыстар жүргізілуде

<a href="https://kyzylorda-news.kz/">Kyzylorda-news.kz</a> Облыстық ауыл шаруашылығы басқармасының басшысы Шиелі ауданындағы егін жинау науқанының барысын бақылау мақсатында егіс алқаптарын зерделеу жұмыстарын жүргізді.Жұмыс барысында аудан көлеміндегі егіс алқаптары араланып, шаруашылықтардың егін жинау жұмыстарының қарқыны, техникалардың дайындығы және дала жұмыстарын ұйымдастыру барысы назарға алынды.Сонымен қатар, негізгі дақылдардың бірі саналатын күріш алқаптарының қазіргі жай-күйі көріліп, егіннің пісіп-жетілу деңгейі мен алдағы жинау жұмыстарының барысы талқыланды.Егін жинау науқанының уақытылы әрі сапалы жүргізілуі, техникалардың тиімді пайдаланылуы және өнімді ысырапсыз жинау мәселелері басты назарда.Ауданның агроөнеркәсіптік кешеніндегі жұмыстарды тұрақты бақылауда ұстап, шаруаларға қажетті қолдау көрсету бағытындағы жұмыстар жалғасуда.<img src="https://knadmin.beoblood.kz/uploads/Shieli_audany_egin_zhinau_a73fbf80a0.jpg" alt="Шиелі ауданы егін жинау.jpg">

Ауыл шаруашылығы техникаларының дайындығы және дала жұмыстарын ұйымдастыру барысын назарға алды

<a href="https://kyzylorda-news.kz/">Kyzylorda-news.kz</a> Педагогтердің жасанды интеллект мүмкіндіктерін білім беру үдерісінде тиімді пайдалану тәжірибесін арттыру, жеке оқу траекториясын қалыптастыруға бағытталған пәндік ЖИ-ассистенттерді әзірлеуді ынталандыру мақсатында «Үздік ЖИ-ассистент (цифрлық ұстаз) – 2026» облыстық байқауының қалалық кезеңі өтті.Байқау 3 турдан тұрды. Әр кезеңде қатысушылардың жасанды интеллектіні сабақ үдерісіне тиімді кіріктіруі, цифрлық өнім әзірлеуі және оның білім сапасын арттырудағы мүмкіндіктері жан-жақты бағаланды.І тур – «Цифрлық ұстаз»Бұл кезеңде мұғалім өзінің жұмыс істейтін пәндік ЖИ-платформасын таныстырды. ЖИ-ассистенттің функционалдығы мен техникалық жұмыс істеуі, пәндік мазмұнының сапасы және оқу бағдарламасына сәйкестігі, оқушыға бейімделуі мен жеке тапсырма ұсынуы, кері байланыс пен қатемен жұмыс жасауы, ЖИ құралдарын тиімді әрі мақсатты қолдануы, педагогикалық тиімділігі мен креативтілігі бағаланды.ІІ тур – «Білім сапасын арттыру»Қатысушылар ЖИ-ассистент арқылы нақты оқу тапсырмасын орындап, оның білім сапасын арттырудағы мүмкіндігін көрсетті. Бұл кезеңде білім деңгейін диагностикалау және талдау, деңгейлік және сараланған тапсырмаларды әзірлеу, функционалдық сауаттылық пен PISA бағытындағы тапсырмаларды қолдану, қателерді интеллектуалды талдау және түзету, жеке оқу траекториясын қалыптастыру, оқу нәтижесін бағалау және динамикасын көрсету назарға алынды.ІІІ тур – «PROMPT LAB – пәндік ЖИ-шеберхана»Қатысушыларға белгілі бір пәндік тақырып беріліп, сол тақырып бойынша өз промпттарын әзірлеп, ЖИ көмегімен цифрлық өнім жасады және оны сабақта қолдану жолдарын көрсетті. Бұл кезеңде промпттың сапасы мен құрылымдылығы, пәндік мазмұнның дұрыстығы және оқу бағдарламасына сәйкестігі, цифрлық өнімнің сапасы мен функционалдығы, ЖИ мүмкіндіктерін тиімді пайдалану, педагогикалық тиімділік, креативтілік пен инновациялық шешім, өнімді сабақта қолдану сценарийі және нәтижені қорғау шеберлігі бағаланды.Қазылар алқасының қорытынды бағалауы бойынша жүлделі орындар анықталды:<ul><li style="text-align:justify;">І ОРЫН – 98 балл&nbsp;</li><li style="text-align:justify;">Жәли Қорқыт Жеңісұлы</li><li style="text-align:justify;">Ж. Кизатов атындағы №23 мектеп-лицейінің математика пәні мұғалімі</li></ul>ІІ ОРЫН – 90 балл<ul><li style="text-align:justify;">Арқабаев Нұрқанат – №143 орта мектеп, математика пәні</li><li style="text-align:justify;">Сағынбаев Әлішер Нұрланұлы – С. Толыбеков атындағы №3 ІТ мектеп-лицей, физика пәні</li><li style="text-align:justify;">Елдеева Динара Кенжебаевна – «Зерде» жалпы білім беру мектебі, информатика пәні</li></ul>ІІІ ОРЫН – 88 балл<ul><li style="text-align:justify;">Раманкулов Берик Мирамханович – №290 орта мектебі, математика пәні</li><li style="text-align:justify;">Абекова Асия – №140 мектеп, информатика пәні</li><li style="text-align:justify;">Жеткергенова Эльмира – Т. Есетов атындағы №264 мектеп-лицейі, қазақ тілі пәні</li><li style="text-align:justify;">Кенжеев Ержан Султанбекович – Т. Рысқұлов атындағы №222 мектеп-лицей, физика пәні</li></ul>

«Үздік ЖИ-ассистент (цифрлық ұстаз) – 2026» облыстық байқауының қалалық кезеңі қорытындыланды

<a href="https://kyzylorda-news.kz/">Kyzylorda-news.kz</a> Қызылорда қаласы бойынша білім бөлімінде кеңейтілген мәжіліс өтті. Оған білім бөлімінің басшысы Бағдат Бердаулетов, бөлім қызметкерлері, білім беру ұйымдары басшылары мен директор орынбасарлары қатысты.Жиында білім беру жүйесіндегі өзекті мәселелер, оқу сапасын арттыру, ерекше білім беруді қажет ететін балаларды қолдау және кәмелетке толмағандар арасындағы құқық бұзушылықтың алдын алу мәселелері қаралды.Күн тәртібіндегі алғашқы мәселе білім алушылардың білім беру деңгейлері арасындағы сабақтастықты қамтамасыз етуге арналды. Атап айтқанда, бірінші сынып оқушыларының мектепке бейімделуі, жаңа оқу ортасына үйренуі және білім беру үдерісіне қалыпты қатысуына жағдай жасау мәселелері назарға алынды.Сонымен қатар жалпы орта білім беру ұйымдарының 2025–2026 оқу жылындағы білім сапасы, Ұлттық бірыңғай тестілеу нәтижелері мен мектеп бітірушілердің оқуын жалғастыру көрсеткіштері талқыланды. Бұл бағыттағы жұмыстардың нәтижелері білім беру ұйымдарының алдағы міндеттерін айқындауда маңызды рөл атқарады.Мәжілісте ерекше білім беруді қажет ететін балаларды қолдау қызметінің жұмысы да күн тәртібіне енгізілді. Балалардың білім алуына қолайлы жағдай жасау, олардың жеке қажеттіліктеріне сәйкес қолдау көрсету мәселелері қарастырылды.Бұдан бөлек, кәмелетке толмағандар арасындағы қылмыс пен құқық бұзушылықтың алдын алу мәселесіне басымдық берілді. Бұл ретте білім беру ұйымдарындағы тәрбие жұмысының маңызы мен балалардың қауіпсіздігін қамтамасыз ету мәселелері күн тәртібінен түскен жоқ.Мәжіліс барысында бөлім басшысы Бағдат Бердаулетов күн тәртібіндегі мәселелер бойынша білім беру ұйымдарының басшыларына тиісті тапсырмалар беріп, олардың орындалуын жүйелі бақылауда ұстауды тапсырды.<img src="https://knadmin.beoblood.kz/uploads/Ke_ejtilgen_m_zhilis_2_79eec2b62c.jpg" alt="Кеңейтілген мәжіліс 2.jpg">

Білім берудегі өзекті мәселелер кеңейтілген мәжілісте талқыланды

<a href="https://kyzylorda-news.kz/">Kyzylorda-news.kz</a> Қызылорда облысының балалардың құқықтарын қорғау басқармасының бастамасымен «Ана Үйі» қоғамдық қоры мен бірқатар мемлекеттік органдар және қоғамдық ұйымдар арасында өзара ынтымақтастық туралы меморандумға қол қойылды.Меморандумның негізгі мақсаты – өмірлік қиын жағдайға тап болған әйелдер мен балаларға көрсетілетін көмекті бір жүйеге біріктіріп, әр отбасының қажеттілігіне қарай медициналық, әлеуметтік, психологиялық және құқықтық қолдауды уақытылы ұйымдастыру.<img src="https://knadmin.beoblood.kz/uploads/Whats_App_Image_2026_09_28_at_11_00_06_dd5a1f8c21.jpeg" alt="Меморандум.jpeg">Осы бағытта басқарма балалардың құқықтары мен заңды мүдделерін қорғау, баланың отбасында тәрбиеленуіне жағдай жасау, әлеуметтік жетімдіктің алдын алу және отбасының тұрақтылығын сақтауға бағытталған ведомствоаралық жұмысты үйлестіруге басымдық береді.Меморандум аясында денсаулық сақтау, әлеуметтік қорғау, қоғамдық даму салалары, полиция қызметі және қоғамдық ұйымдардың мүмкіндіктері өзара сабақтастырылып, жүктілік кезеңіндегі және өмірлік қиын жағдайға тап болған әйелдерге, жас аналар мен олардың балаларына кешенді қолдау көрсету тетіктері күшейтіледі.Басқарма үшін басты міндет – мәселе туындағаннан кейін ғана әрекет ету емес, тәуекелді ерте анықтап, отбасыға қажетті көмекті дер кезінде ұйымдастыру. Осы тұрғыда мемлекеттік органдар мен азаматтық сектордың бірлескен жұмысы әрбір баланың қауіпсіз әрі қолайлы отбасылық ортада өмір сүруіне мүмкіндік беретін маңызды тетік болмақ.<img src="https://knadmin.beoblood.kz/uploads/Whats_App_Image_2026_09_28_at_11_00_04_d1ce656dab.jpeg" alt="Меморандум.jpeg">

Ана мен баланы қолдауға арналған меморандумға қол қойылды

<a href="https://kyzylorda-news.kz/">Kyzylorda-news.kz</a> Сыбайлас жемқорлықтың алдын алу, құқықтық сауаттылықты арттыру және мемлекеттік мекемелердегі ашықтықты қамтамасыз ету қоғамның тұрақты дамуына септігін тигізеді. Бұл бағытта заң талаптарын түсіндірумен қатар, сыбайлас жемқорлық тәуекелдерін алдын ала анықтап, олардың туындауына ықпал ететін себептер мен жағдайларды жоюға ерекше мән беріледі.2026 жылғы 15 наурызда республикалық референдумда қабылданып, 1 шілдеден бастап күшіне енген Қазақстан Республикасының жаңа Конституциясына сәйкес бірқатар заңнамалық актілерге өзгерістер енгізілді. Соның ішінде сыбайлас жемқорлыққа қарсы іс-қимылдың құқықтық тетіктерін жетілдіруге бағытталған нормалар да қамтылды.Осы талаптарды білім беру ұйымдары деңгейінде тиімді іске асыру мақсатында Қызылорда қаласы бойынша білім бөлімінің жұмыс жоспарына сәйкес сала басшылары мен жауапты комплаенс қызметкерлерінің қатысуымен көшпелі құқықтық семинар-кеңестер ұйымдастырылды.Қызылорда қаласындағы білім беру ұйымдарының орналасу ерекшелігі ескеріліп, олар жеті аймаққа бөлінді. 21-25 қыркүйек аралығында №9, 23, 101, 197, 235, 261 мектептер мен «Күнекей» бөбекжай-бақшасының мәжіліс залдарында семинар-кеңестер өткізілді.Іс-шараларға Қорқыт ата атындағы Қызылорда университетінің комплаенс офицері Әлібек Жаппасбаев пен Қызылорда қаласы бойынша білім бөлімінің заңгері Аралбек Нұрмаханов қатысып, қолданыстағы заңнама талаптарын жан-жақты түсіндірді.Семинар барысында сыбайлас жемқорлық тәуекелдеріне ішкі талдау жүргізудің жаңартылған тәртібі, оны білім беру ұйымдарында ұйымдастырудың ерекшеліктері және талдау қорытындысы бойынша қабылдануы тиіс шаралар талқыланды. Сондай-ақ сыбайлас жемқорлыққа қарсы іс-қимыл саласындағы арнайы заңнамалардың талаптарына тоқталып, құқық бұзушылықтардың алдын алудағы жауапкершілік мәселелері түсіндірілді.Кездесуде пара ұғымының тек ақша қаражатымен шектелмейтініне де ерекше назар аударылды. Заң талаптарына сәйкес, заңсыз сыйақыға мүлік, мүлікке құқық немесе мүліктік пайда да жатуы мүмкін екені түсіндірілді. Бұл ретте білім беру ұйымдарында қызметтік міндеттерді орындау кезінде құқықтық нормаларды сақтау әр қызметкердің жауапкершілігі екені атап өтілді.Бұдан бөлек, білім беру процесінде мемлекеттік саясаттың негізгі қағидаттарын сақтау, мемлекеттік сатып алу саласындағы заңнама талаптарын орындау, қызметтік шешімдер қабылдау кезінде мүдделер қақтығысына жол бермеу мәселелері кеңінен қозғалды.<img src="https://knadmin.beoblood.kz/uploads/seminar_0c86b82c9b.jpg" alt="семинар.jpg">

Білім саласында сыбайлас жемқорлық тәуекелдерінің алдын алуға басымдық берілді

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаев Каспийдегі оқу-жаттығу кезінде қаза тапқан әскери қызметшілерді марапаттады.ҚАУЛЫ ЕТЕМІН:1. Әскери борышын атқару үстінде көрсеткен ерлігі мен жанқиярлығы үшін мына азаматтар марапатталсын:Бауыржан Момышұлы атындағы ІІ дәрежелі «Айбын» орденіменМұхтарұлы Олжас (марқұм) – Қорғаныс министрлігі 29011 әскери бөлімі взводының командирі;Рахымжан Қошқарбаев атындағы ІІІ дәрежелі «Айбын» орденіменАяпберген Сержан Талғатұлы (марқұм) – Қорғаныс министрлігі 29011 әскери бөлімі бөлімшесінің командирі;Бегей Дастан Нұрболұлы (марқұм) – Қорғаныс министрлігі 29011 әскери бөлімінің аға матросы (аға атқышы);Бердіханов Мейрамбек Ермұханұлы (марқұм) – Қорғаныс министрлігі 29011 әскери бөлімі бөлімшесінің командирі;Гилаж Ақжайық Болатбекұлы (марқұм) – Қорғаныс министрлігі 29011 әскери бөлімінің матросы (граната атқышы);Ғұмаров Мансұр Айтбайұлы (марқұм) – Қорғаныс министрлігі 29011 әскери бөлімі бөлімшесінің командирі;Диханбаев Олжас Тәжібайұлы (марқұм) – Қорғаныс министрлігі 29011 әскери бөлімі бөлімшесінің командирі;Жаңабай Әсет Саматұлы (марқұм) – Қорғаныс министрлігі 29011 әскери бөлімінің маманы (көздеушісі);Көбенов Алмас Жүсіпұлы (марқұм) – Қорғаныс министрлігі 29011 әскери бөлімінің матросы (граната атқышы);Мәдіхан Азамат Болатбекұлы (марқұм) – Қорғаныс министрлігі 29011 әскери бөлімінің матросы (граната атқыштың көмекшісі);Өмірзақ Өмірбек Өмірболатұлы (марқұм) – Қорғаныс министрлігі 29011 әскери бөлімінің матросы (граната атқышы);Темірғалиев Жеңіс Тілеуішұлы (марқұм) – Қорғаныс министрлігі 29011 әскери бөлімінің матросы (оқшашар атқыштың көмекшісі);Төлеген Ақылбек Қабденұлы (марқұм) – Қорғаныс министрлігі 29011 әскери бөлімінің аға матросы (аға атқышы);Тұрдыбекұлы Мирас (марқұм) – Қорғаныс министрлігі 29011 әскери бөлімінің матросы (атқышы).2. Осы Жарлық қол қойылған күнінен бастап қолданысқа енгізіледі.Қазақстан Республикасының Президенті &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Қ.ТоқаевАстана, Ақорда, 2026 жылғы 27 қыркүйек№ 1504Сурет: Ақорда

Президент Каспийдегі оқу-жаттығу кезінде қаза тапқан әскери қызметшілерді марапаттады

<a href="https://kyzylorda-news.kz/">Kyzylorda-news.kz</a> Ұлттық қауіпсіздік комитеті Ішкі істер министрлігімен бірлесе және прокуратураның үйлестіруімен еліміздің 10 өңірінде ұйымдасқан қылмыстық топ қатысушыларының, шекара маңындағы, сондай-ақ қылмыстық-атқару жүйесі мекемелеріндегі қылмыстық схемалардың заңсыз әрекетінің жолын кесу бойынша бір мезгілде арнайы операция жүргізді.Ауыр және аса ауыр қылмыстар жасады деген күдікпен 29 адам ұсталды, оның 9-ы уақытша ұстау изоляторына қамалды.Операция барысында заңсыз айналымнан 25 бірлік қару, 2 граната және 236 бірлік оқ-дәрі тәркіленді. Аталған фактілер бойынша сотқа дейінгі тергеп-тексерулер жүргізілуде. Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.

Қылмыстық схемалардың заңсыз әрекетінің жолын кесу бойынша арнайы операция жүргізді

<a href="https://kyzylorda-news.kz/">Kyzylorda-news.kz</a> Қалалық мәслихаттың кезектен тыс 57-ші сессиясы өтті. Онда қала әкімі Нұржан Ахатов халық қалаулыларына биылғы жылдың сегіз айындағы әлеуметтік-экономикалық даму қорытындылары туралы есеп берді.Сыр елінің бас шаһарында негізгі макроэкономикалық көрсеткіштердің жүйелі өсімі қамтамасыз етіліп келеді. Қаланың бюджеті жыл басында 94 млрд. 200 млн. теңге болып бекітіліп, қазіргі таңда облыстық бюджеттен бөлінген трансферттер арқылы 230 млрд. теңгеге жетті. Қаржылар құрылыс, коммуналдық шаруашылық, әлеуметтік қамсыздандыру және кенттер мен ауылдық округтерді дамытуға бағытталуда.&nbsp;Қыркүйек айына қала бюджетінің түсімдері 117 млрд. 906,6 млн. теңгеге орындалып, өткен жылдың осы кезеңімен салыстырғанда 148,1 пайызға өсті. Негізгі капиталға салынған инвестиция көлемі 244 млрд. 385 млн.теңгені құрады. Оның ішінде, жеке инвестиция көлемі 180 млрд. 224,1 млн. теңге, ол өткен жылдың салыстырмалы кезеңімен 116,1 %-ға артты. Құрылыс жұмыстарының көлемі болса 113 млрд. 570 млн. теңгеге жетіп, 111,8%-ға орындалды. Ал, пайдалануға берілген тұрғын үйлердің жалпы ауданы 364 601 шаршы метрді құрап, өткен жылмен салыстырғанда 104,7%-ды межеледі. Ауыл шаруашылығы өнімінің көлемі 7 млрд. 130 млн. теңгені құрады. Өсім әлі де қалыптасуда.<blockquote>«Алдымызда жүзеге асыратын ірі жобаларымыз жетерлік. Ол – «Қызылорда қаласының орталық көшелерін реновациялау» жобасы. Жоспарға жалпы ұзындығы 3,8 шақырым болатын А. Тоқмағамбетов, Қазыбек би, К.Байсейітова және Сұлтан Бейбарыс көшелерін жаңартуды енгіздік. Жоба аясында жаяу жүргіншілер аймағын кеңейту, бірыңғай сәулеттік дизайн-кодты енгізу, көгалдандыру мен абаттандыру жұмыстарын күшейту, сондай-ақ көше бойындағы бос жатқан аумақтарды тиімді игеру қарастырылған. Жобаның жалпы құны 5,4 млрд теңге. Бұл бастаманың басты ерекшелігі оны &nbsp;іске асыру моделінде. Жоба EPC – «дайын күйде тапсыру» қағидатымен жүзеге асады. Яғни, жеңімпаз мердігер компания жобалау-сметалық құжаттаманы әзірлеп, оны мемлекеттік сараптамадан өткізеді және құрылыс жұмыстарын толықтай аяқтап, пайдалануға береді», – деді Нұржан Сәбитұлы.</blockquote>Тағы бір игі бастама – «Эдельвейс» саяжайындағы көл жағасында «Балалар мен жасөспірімдер спорты мен белсенді демалысты дамытуға арналған көпфункционалды орталықтың» құрылысы жоспарлануда. Бұл нысан да EPC моделімен салынбақ. Мұнда екі қабатты әкімшілік ғимарат, заманауи су сырғанау аймағы, бассейндер, пирс, велосипед тебу, триатлон және жүгіруге арналған алаңдар ашылады. Сонымен қатар, Әл-Фараби шағын ауданында инновациялық-шығармашылық орталығы бой көтереді. Бүгінгі таңда құрылыстың бастапқы кезеңіне облыстық бюджеттен қажетті қаражат бөлінді.Сонымен қатар, Тасбөгет кенті тұрғындарының ұзақ жылдар бойғы арман-тілегі орындалатын уақыты жақын қалды. Өйткені, кент орталығындағы Есенов көшесінің бойынан жаңа 400 орындық типтік емхана құрылысын салу үшін 1,5 гектар жер учаскесі белгіленді. Қазір жер құжаттары рәсімделуде. &nbsp;Сессияда депутаттар қаланың дамуын бағытын айқындайтын басқа да жобалармен танысып, көкейдегі сауалдарын қойып, нақты жауаптар алды.<img src="https://knadmin.beoblood.kz/uploads/ala_kimdigi_sessiya_2_f90a1f1c27.jpg" alt="Қала әкімдігі сессия 2.jpg">

Қала әкімі әлеуметтік-экономикалық даму қорытындылары туралы есеп берді

Қармақшы ауданы Жосалы кенті әкімдігінде &nbsp;VIII шақырылымдағы аудандық мәслихаттың кезекті 52-сессиясы өтті.Сессия барысында аудан әкімі Жандос Еркінбек 2026 жылдың алғашқы жартыжылдығында атқарылған жұмыстарға тоқталып, аудан экономикасының негізгі көрсеткіштері бойынша оң динамика қалыптасқанын атап өтті. Өнеркәсіп, ауыл шаруашылығы, құрылыс, инвестиция тарту, кәсіпкерлік және әлеуметтік салаларында жұмыстар жүйелі жүзеге асырылып, ауданның дамуына бағытталған жобалар өз кезеңімен іске асырылуда.Жақында 2 млрд теңгеге жуық қаржыға жаңғыртылған Жосалы және Төретам теміржол вокзалдары облыс әкімі Мұрат Нәлқожаұлының қатысуымен ел игілігіне пайдалануға берілді. Сонымен қатар Жосалы кентіндегі дендро саябақты қайта жаңғырту жұмыстары жүргізіліп, тұрғындардың демалысы мен бос уақытын тиімді өткізуіне қолайлы қоғамдық орта қалыптасып келеді.Жандос Еркінбек алдағы кезеңдегі басым бағыттарға да тоқталып, бірқатар ауқымды жобалардың жүзеге асырылатынын жеткізді. Оның ішінде Иіркөл және Төребай би елді мекендерді газдандыру, әлеуметтік осал топтар үшін 200 пәтерлі 100 тұрғын үйдің мәселесін шешуге бағытталған жобалар, сондай-ақ балалардың денсаулығы мен салауатты өмір салтын қалыптастыруға қажетті спорттық және әлеуметтік нысандарды пайдалануға беру жұмыстары бар.Жиында аудандық қоғамдық кеңес төрағасы Әбдірахман Құлдүйсенов сөз алып, барлық бастамаларға сәттілік тіледі.<blockquote>«Ауданның әлеуметтік-экономикалық дамуында барлық негізгі бағыт бойынша өсім қалыптасып отыр. Ең бастысы – жүзеге асырылып жатқан әрбір жобаның нәтижесі тұрғындардың өмір сапасынан көрінуі қажет. Алдағы уақытта да елді мекендерді дамыту бағытындағы жұмыстар жалғасады», – деді аудан басшысы.</blockquote>

Қармақшы аудандық мәслихатының кезекті 52-сессиясы өтті

Астанадағы Президент орталығында Премьер-министр Олжас Бектеновтің қатысуымен Еңбек күніне арналған «Еңбек – ел мұраты» атты республикалық форум өтті.Еске салайық, елімізде Еңбек күні 2013 жылдан бері атаулы күндер қатарында. &nbsp; Бұл форум түрлі салада ел игілігіне адал қызмет етіп, өнегелі ісімен көпке үлгі болып жүрген еңбек адамдарын кеңінен насихаттауға бағытталады.&nbsp;Аталған іс-шараға Сыр өңірінің делегациясы да қатысып, арнайы номинациялар бойынша марапаттарға ие болды.<img src="https://knadmin.beoblood.kz/uploads/FB_IMG_1790536172200_1668d281a4.jpg" alt="FB_IMG_1790536172200.jpg">Атап айтқанда, «Үздік еңбек әулеті» номинациясын &nbsp;қызылордалық Абдрахмановтар әулеті алды. Бұл әулеттің төрт буыны теміржол саласында &nbsp;еңбек етіп келеді, жалпы еңбек өтілі 318 жыл. Салаға сіңірген еңбек жоғары бағаланып, әр жылдары әулет мүшелері «Ленин», «Қызыл жұлдыз», «Еңбек даңқы» ордендеріне, &nbsp;түрлі деңгейдегі марапаттарға ие болған.Бұдан бөлек, Мемлекет басшысының Жарлығымен қырық жылдан астам «Жаңа жол» ЖШС механизаторы болып еңбек еткен Талғат Байымбетов, 31 жыл бойы «Шалқия Цинк ЛТД» ЖШС-ның тас қалаушысы Мырза Малкенов «Ерен еңбегі үшін» медалімен марапатталды.<img src="https://knadmin.beoblood.kz/uploads/FB_IMG_1790536147801_945a0cf5c9.jpg" alt="FB_IMG_1790536147801.jpg">

Қазақстан және Қызылорда облысының жаңалықтары