<a href="https://kyzylorda-news.kz/">Kyzylorda-news.kz</a> Қызылордада полицейлер аса ірі мөлшердегі синтетикалық есірткіні тасымалдаған азаматшаны ұстады, – деп хабарлайды <a href="https://polisia.kz/qyzylordada-politsejler-asa-iri-molsherdegi-sintetikalyq-esirtkini-tasymaldaghan-azamatshany-ustady/">Polisia.kz</a>.Қызылорда облысында ҚР Ішкі істер министрлігінің Байқоңыр қаласындағы өкілдігі қызметкерлері облыстық прокуратураның үйлестіруімен «Нашақорлыққа жол жоқ» жобасы аясында арнайы жедел-іздестіру шараларын жүргізді.Осы шаралардың нәтижесінде 16 желтоқсанда Ақтөбе қаласынан Байқоңырға дейін 5,66 грамм көлеміндегі аса ірі мөлшердегі синтетикалық есірткі – мефедронды заңсыз иемденіп, тасымалдаған азаматша ұсталды.Күдіктіге қатысты сот шешімімен екі ай мерзімге қамауда ұстау түріндегі бұлтартпау шарасы қолданылды.Қазіргі уақытта істің мән-жайы анықталып, тергеу амалдары жүргізілуде. Құқық қорғау органдары есірткіге қарсы күресті күшейту мақсатында жүйелі жұмыстар атқаруда. Бұл жағдай қоғамның қауіпсіздігі мен жастардың болашағын қорғау жолындағы кезекті қадам екенін атап өтуге болады.<img src="https://polisia.kz/wp-content/uploads/sites/2/2024/12/whatsapp-image-2024-12-24-at-160127-1.jpeg" alt="Қызылорда облысында «синтетика» тасымалдаған күдікті ұсталды">Фото: Polisia.kz

Қызылорда облысында «синтетика» тасымалдаған күдікті ұсталды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтың төрағалығымен «Smart Data Ukimet» ақпараттық жүйесінің жұмысы талқыланған Үкімет отырысы өтті.Үкімет отырысынан кейін онда көтерілген мәселелерге орай жиын өткізіліп, жауапты сала басшыларына тапсырмалар жүктелді.Жиында «Smart Data Ukimet» ақпараттық-талдау жүйесіне жасанды интеллектіні енгізу, отбасылардың әлеуметтік жағдайының төмендеуіне ең көп әсер ететін факторларды анықтайтын модульді жүзеге асыру тапсырылды.Айта кетейік, бүгінде «Smart Data Ukimet» ақпараттық-талдау жүйесінде барлық деңгейдегі әкімдер, облыстық басқармаларға 160 есептік жазба ашылып, ішіндегі кейстер мен дэшбордтарды күнделікті жұмыста пайдалануда. «Отбасының цифрлық картасы» ақпараттық жүйесінде Қызылорда облысының 224 187 отбасы немесе 852 944 адам тіркелген. Азаматтарға белсенді қызмет көрсету бағытында әл-ауқат деңгейі, экономикалық, әлеуметтік және тұрғын үй жағдайлары, денсаулық сақтау, білім саласы бойынша тиісті мемлекеттік органдар адрестік жұмыс жүргізуде.Мәжілісте бюджеттің толық игерілуі, мереке күндері коммуналдық қызметтердің тұрақты әрі қалыпты режимде жұмыс істеуі, әлеуметтік маңызы бар азық-түлік бағаларының негізсіз өсуін болдырмау, өрт және санитарлық талаптардың қатаң сақталуын, бейберекет саудаға жол берілмеуін қамтамасыз ету қатаң тапсырылды.Айта кету керек, коммуналдық қызметтердің күшейтілген режимде үздіксіз қызмет көрсетуін, қоғамдық-саяси ахуалдың тұрақтылығын бақылауда ұстау үшін облыс аумағында тәулік бойы кезекшілік ұйымдастырылған.Қала, аудан әкімдері мен облыстық басқарма басшылары алдағы жоспарларды іске асыруға әзірлікті пысықтауы тиіс. Атап айтқанда, бюджеттің игерілуі, аймақтағы қоғамдық-саяси ахуал және өзге де маңызды мәселелер ұдайы бақылауда болуы керек.​Сонымен қатар, мәжілісте ауа райының суытуына байланысты «Таза Қазақстан» экологиялық бағдарламасы аясындағы сенбілік жұмыстары уақытша тоқтатылып, коммуналдық тазалық мекемелері штатық режимде жұмыс жасау керектігі атап өтілді.<img src="https://knadmin.beoblood.kz/uploads/Barly_m_sele_dajy_ba_ylauda_boluy_tiis_2_673643968a.jpg" alt="Барлық мәселе ұдайы бақылауда болуы тиіс 2.jpg"><img src="https://knadmin.beoblood.kz/uploads/Barly_m_sele_dajy_ba_ylauda_boluy_tiis_1_465054f3d1.jpg" alt="Барлық мәселе ұдайы бақылауда болуы тиіс 1.jpg">Фото: Қызылорда облысы әкімінің баспасөз қызметі

Барлық мәселе ұдайы бақылауда болуы тиіс

<a href="https://kyzylorda-news.kz/">Kyzylorda-news.kz</a> Қазақстан Республикасы мәслихаттарының құрылғанына 30 жыл толуына орай аудандық мәдениет үйінде салтанатты шара шымылдық түрді.Сонау 1994 жылғы 7 наурызда «Қазақстан Республикасы Жоғарғы Кеңесі мен жергілікті өкілді органдары депутаттарының сайлауы» өткізілді. Бірінші шақырылған Арал аудандық Мәслихат-Депутаттар жиналысының 1994 жылғы 26 наурыздағы І сессиясының қаулысымен Арал аудандық Мәслихат-Депутаттар жиналысының хатшысы болып Әбдісәмет Жанбосынов, қоғамдық негізде жұмыс жасайтын тексеру комиссиясының төрағалығына Құдайберген Нұрболатов, сала бойынша 2 тұрақты комиссиясының төрағалығына Лепес Қалиев пен Талас Шүкіров сайланды. Міне, содан бері заң мен тәртіп үстемдік құрып, халық пен билік арасындағы алтын көпірдің мызғымас сабақтастығы жалғасып келеді.Шарада ең алдымен жергілікті мәслихаттардың құрылғанына 30 жыл толуына арналған арнайы бейнеролик көрсетілді.Халық қалаулылары бас қосқан мерекелік кеште аудан әкімі Аманжол Оңғарбаев сөз алып, қоғамдағы өз рөлін айқындаған мәслихат депутаттарын мерекемен құттықтады.<blockquote>– Құрметті депутаттар! Алдымен ел мәслихаттарының құрылғанына 30 жыл толуымен баршаңызды құттықтаймын! Мәслихат – қоғамның сөзін айтып, азаматтардың құқықтары мен мүдделерін қорғайтын сенімді саяси институт. Сол институттың ел дамуындағы жүйелі жұмыстарының нәтижесінде Қазақстан орнықты әрі демократиялы елге айналды. Аудандық мәслихаттың осы 30 жылдағы жұмысы ауданымыздың әлеуметтік-экономикалық дамуында маңызды рөл атқарды. Мәслихат әрдайым халықтың мүддесін қорғап, заң үстемдігін қамтамасыз етуші саяси институт ретінде әлеуметтік жобалармен белсенді жұмыс істеп келеді. Баршаңызды тағы да мәслихаттың 30 жылдық мерейтойымен құттықтай отырып, өз уақытысында мәслихат мінберінде болған барша аға-апаларға, іні-қарындастарға бақыт, денсаулық және ұзақ ғұмыр тілеймін, – деді аудан басшысы А.Оңғарбаев.</blockquote>Салтанатты шарада Арал ауданының әлеуметтік және экономикалық дамуына белсене араласып, өңірдің өсіп-өркендеуіне қосқан үлесі үшін облыстық мәслихат төрағасы Тілеуімбетов Мұрат Жолкелдіұлына Арал аудандық мәслихатының шешімімен «Арал ауданының «Құрметті азаматы» атағы берілді.Мұрат Жолкелдіұлы облыстық құрылыс және жол саласындағы басқармаларда басшылық қызмет атқарған тұста аудандағы бірнеше білім, мәдениет нысандары мен жол құрылыстарының сапалы жүргізілуіне атсалысып, өзіндік үлесін қосты.Өз кезегінде туған жерден алып жатқан мұндай құрметтің орны ерекше екенін алға тартқан М.Тілеуімбетов жерлестеріне ризашылығын жеткізді.Мұнан соң Арал ауданының әлеуметтік және экономикалық дамуына ерекше үлес қосып, елге қызмет істеп жүрген бірнеше азаматтар «Қазақстан Республикасы мәслихаттарына 30 жыл» мерекелік медалімен, облыс әкімінің Алғыс хатымен және аудан әкімінің Алғыс хаты, мерекелік Құттықтауымен марапатталды.Халық қалаулыларының құрметіне өткен салтанатты шара одан әрі аудан өнерпаздарының мерекелік концертіне ұласып, көпшілікке көтеріңкі көңіл-күй сыйлады.Фото: Арал ауданы

Ел мәслихаттарына 30 жыл толуына орай мерекелік кеш өтті

<a href="https://kyzylorda-news.kz/">Kyzylorda-news.kz</a> Қазақстандағы ең төменгі жалақы мөлшері бұрынғы деңгейде қалатындықтан, МӘМС төлемдерінің көбісі өзгермейді.Әлеуметтік медициналық сақтандыру қорында дербес төлеушілер мен жеке кәсіпкерлер үшін жарналарды есептеу негізі ретінде ең төменгі жалақыны алатынын еске салды. 2025 жылы оның мөлшері сол күйінде қалады – 85 000 теңге. Демек, жарналар мөлшері де өзгермейді.Жұмыс берушілер мен жұмысшылар үшін ставкалар да өзгеріссіз қалады – сәйкесінше 3% және 2%.Тек біржолғы төлем мөлшері өзгереді – 21,5%-дан 23,8%-ға дейін, сондай-ақ жеңілдетілген категориядағы азаматтар үшін мемлекет тарапынан жарналар мөлшері өзгереді – орташа айлық жалақының 1,9%-ынан 2%-ына дейін, бұл көрсеткіш өткен екі жылдағы ағымдағы қаржы жылының орташа айлық жалақысынан есептеледі. Бұл мәліметті мемлекеттік статистика саласындағы уәкілетті орган анықтайды. Қазақстан Республикасы Ұлттық статистика бюросының мәліметі бойынша 2023 жылдың қорытындысы бойынша Қазақстан Республикасының орташа айлық жалақысы 364 295 теңгені құрады.Осылайша, 2025 жылы МӘМС төлемдерінің мөлшері келесідей болады:<ul style="list-style-type:disc;"><li style="text-align:justify;">Жұмыс берушілердің жарналары – қызметкердің табысынан 3%;</li><li style="text-align:justify;">Жұмысшылардың жарналары – табыстың 2%-ы;</li><li style="text-align:justify;">Біржолғы төлем төлеушілер – жалақы қорынан 23,8%;</li><li style="text-align:justify;">Азаматтық-құқықтық шарттар бойынша жұмыс істейтін жеке тұлғалардың жарналары – табыстың 2%-ы;</li><li style="text-align:justify;">Жеке кәсіпкерлердің, жеке практикамен айналысатын тұлғалардың жарналары – 5 950 теңге (АЕК-тің 1,4 еселенген мөлшерінің 5%-ы, сәйкес қаржы жылының республикалық бюджет заңымен бекітілген);</li><li style="text-align:justify;">Дербес төлеушілердің жарналары – &nbsp;4 250 теңге (АЕК-тің 5%-ы);</li><li style="text-align:justify;">Мемлекет тарапынан МӘМС-ке төленетін жарналар – &nbsp;7 285,9 теңге.</li></ul>МӘМС жарналарын «Қазпошта» АҚ, екінші деңгейлі банктердің кассалары мен мобильді қосымшалары, сондай-ақ терминалдар арқылы төлеуге болады.Еске салайық, МӘМС жүйесіндегі мәртебені келесі жолдармен тексеруге болады:<ul><li style="text-align:justify;">Әлеуметтік медициналық сақтандыру қорының сайты:&nbsp;<a href="https://msqory.kz/">msqory.kz</a></li><li style="text-align:justify;">Telegram-бот (<a href="https://t.me/SaqtandyryBot">https://t.me/SaqtandyryBot</a>)</li><li style="text-align:justify;">Qoldau 24/7 мобильді қосымшасы</li><li style="text-align:justify;">Кейбір екінші деңгейлі банктердің мобильді қосымшалары</li><li style="text-align:justify;"><a href="https://egov.kz/">egov.kz</a>&nbsp; электронды үкімет сайтының «Медициналық қызметтерді тұтынушы ретінде қатысу және міндетті әлеуметтік медициналық сақтандыру жүйесіндегі төлемдер мен жарналар туралы ақпарат беру» мемлекеттік қызметі арқылы.&nbsp;</li></ul>

2025 жылы МӘМС-ке қанша төлейміз?

<a href="https://kyzylorda-news.kz/">Kyzylorda-news.kz</a> ҚР Президентінің Телерадиокешені «Jibek joly» телеарнасының ұйымдастыруымен өткен «Жақсы адам-2024» арнайы сыйлығының дәстүрлі іс-шарасы биыл үшінші мәрте өткізіліп отыр. Бұл - телеарна көрермендерінің көзайымына айналған «Жақсы адамдарым» бағдарламасының жаңажылдық қорытынды жобасы.Биыл арнайы сыйлықпен көктемгі су тасқыны кезінде ерен еңбегімен ерекшеленген құтқарушылар, қоршаған ортаға қорған болған экобелсенділер, саналы ғұмырын ауыл медицинасына арнаған абзал жан мен білім бәйгесінде әлемді мойындатқан озық ойлы оқушы, өзгенің өмірі үшін өз басын қатерге тіккен бүгінгі күннің батыры, ата-анасынан айрылған егіз балаға ерекше бақыт сыйлаған қамқор отбасы марапатталды. Жылдағы дәстүр бойынша «Жақсы адам-2024» арнайы сыйлығын және 1 000 000 теңге қаржылай сыйлық алған 7 адамның қатарында қызылордалық жерлесіміз Әлихан Жақсылық та бар.Әлихан Жақсылық — 25 жаста, Қызылорда қаласының тумасы. Оның батып бара жатқан кішкентай баланы құтқарған ерлік ісін бұқаралық ақпарат құралдары жарыса жариялады. Оқиға 27 қазан күнгі түскі екі шамасында Алматыдағы Есентай өзенінде болған. Алып шаһардан жалдамалы пәтер іздеп жүрген Әлихан Есентай өзені мен Мақатаев көшесінің қиылысындағы жағалауда жас балалардың көмек сұрап айқайлағанын естиді. Байқаса, топ баланың біреуі Есентай өзенінің каскадында тұрып суға құлаған. Ал өзендегі ағынның қарқыны қатты болып, бала бірнеше рет суға батып та кетеді. Не істеу керегін бірден ұққан Әлихан қас қағым сәтте темір қоршаудан секіріп өтіп, көзілдірігі мен иығындағы сөмкесін шешпестен ағынды суда жан алысып-жан берісіп жатқан балаға тұра ұмтылады. Күздің қара суығы мен судың салқындығын ол ыстық қайраты мен от жігерінің арқасында жеңіп, баланы жағаға аман алып шыққан.<blockquote>«Өзен жағасында ойнап жүрген баланың суға құлап кеткенін көргенде жай қарап тұра алмадым. Бала дін аман алғашқы көмекті қажет етпеді. Құтқарылған баланың жақындары кейіннен хабарласып, алғысын білдірді. Менің орнымда кім болса да солай жасар еді. Өзімнің ісімді ерлік деп санамаймын. Бұл сыйлық басқаларға үлгі ретінде, өзгенің жағдайына бей-жай қарамай, айналамызға көмек қолын созып жүруді насихаттау мақсатында беріліп отыр деп есептеймін»,- дейді Әлихан Жақсылық.</blockquote>

Қызылордалық Әлихан Жақсылық «Жақсы адам-2024» сыйлығын алды 

<a href="https://kyzylorda-news.kz/">Kyzylorda-news.kz</a> Семейде шыршаны безендіру кезінде зардап шеккен мұғалім ауыр жарақатпен ауруханаға түскен болатын. Дәрігерлер науқастың өмірін әрең дегенде аман сақтап қалғанын айтты. Бұл туралы <a href="http://sn.kz/">Skifnews.kz</a>&nbsp;ақпарат порталы arnapress.kz сайтына сілтеме жасай отырып хабарлайды.&nbsp;Мұғалімнің қандай жарақат алғанын Семей медицина университетіне қарасты госпитальдің нейрохирургы Рәшид Ишмұхаметов түсіндірген. Оның пікірінше, науқас өліп кетуі мүмкін еді.<blockquote>"Ол ауруханаға жарақат алғаннан бір сағаттан кейін ауыр жағдайда түсті. Кезекші дәрігер бірден компьютерлік томография жасап, мәліметті чатқа жариялады. Біз оны тез арада талқылап, хирургиялық ота жасау керек деп шештік. Дәрігер ота жасады. Хирургиялық ота сәтті шығып, науқастық жағдайы әлдеқайда жақсарды. Қазір ол жалпы палатада емделіп жатыр", - дейді дәрігер.</blockquote>Нейрохирург науқастың ауруханаға бас-сүйек жарақатымен түскенін, миына қан кеткенін айтты.<blockquote>"Субдуральды гематома" деген түсінік бар. Жарақат салдарынан бас сүйегіндегі тамырлар жарылып, қан жиналып қалады. Ол біртіндеп жиналады. Гематома үлкейіп кетпей тұрғанда хирургиялық ота жасап үлгеру керек, әйтпесе науқастың өміріне қауіп төнеді. Гематоманы тез алып тастамаса, ол өліп кетуі де мүмкін", - деп түсіндірді нейрохирург.</blockquote>Дәрігердің айтуынша, мұғалімге енді тағы бір ота жасау керек, бірақ ол аса қауіпті емес.<blockquote>"Бас сүйегінде жарақат бар. Хирургиялық ота жасау кезінде науқастың өмірін аман сақтап қалу үшін гематома жиналған жердегі сүйектің бір бөлігін алып тастадық. 2-3 айдың ішінде пластикалық ота жасап, бас сүйегіндегі жарақатты жоямыз. Бірақ ол жоспармен жүзеге асатын дүние. Ол да ота, бірақ денсаулыққа аса қауіпті емес. Әйтпесе соның салдарынан бас ауырып, науқастың талмасы ұстап қалуы мүмкін. Оның үстіне, бас сүйектің жоқтығы салдарынан абайсызда басын жаралап алуы ғажап емес", - дейді дәрігер.</blockquote>Оның айтуынша, бас жарақатынан бөлек науқастың басқа жерінде жарақат жоқ. Мұғалімге денсаулығын жақсартып, жұмысқа қайта оралуы үшін 2-3 ай уақыт керек. Бұған дейін Семейде шырша безендіруде зардап шеккен мұғалім Қуат Айтқалиевтің әйелі Сымбат Аянқызы күйеуі зардап шеккен оқиға туралы айтып берген еді.&nbsp;Фото: Pixabay

«Өліп кетуі мүмкін еді»: Дәрігер биіктен құлаған мұғалімнің қандай жарақат алғанын айтты

<a href="https://kyzylorda-news.kz/">Kyzylorda-news.kz</a> Кеше қала әкімінің орынбасары Пакуатдин Шамұратов жауапты сала өкілдерімен қаладағы сауда нысандарын аралады. Аралауда сауда үйлері мен базарлардағы санитарлық талаптардың сақталуы мен өрт қауіпсіздігі тексеріліп, баға тұрақтылығына байланысты түсіндірме жүргізілді.Пакуатдин Сражадинұлы мереке қарсаңында әлеуметтік маңызы бар азық-түлік тауарларының бағасын негізсіз өсірмеу, бейберекет саудаға жол бермеу, сауда орындарының аумағында тазалықты сақтау және қауіпсіздік шаралары бойынша, оның ішінде кәсіп иелеріне лицензиясыз пиротехникалық жарылғыш заттарды сатқан жағдайда ереже талаптарын сақтамаған азаматтарға Қазақстан Республикасының тиісті заң талаптарына сәйкес әкімшілік шара қолданылатындығы жөнінде түсіндірді.Сонымен қатар, жауапты сала өкілдеріне сауда желілеріндегі қауіпсіздік пен баға тұрақтылығын қамтамасыз етуге бағытталған бақылау шараларын күнделікті жүргізуді қатаң тапсырды.<img src="https://knadmin.beoblood.kz/uploads/6_3454e8eda6.jpg" alt="6.jpg"><img src="https://knadmin.beoblood.kz/uploads/7_4fe058ece0.jpg" alt="7.jpg">

Сауда нысандарын аралады

<a href="https://kyzylorda-news.kz/">Kyzylorda-news.kz</a> Ересектер арасында бокстан Қазақстан чемпионатында алғаш рет сынға түскен Төрехан Сабырхан (67 келі) чемпион<a href="https://kaz.inform.kz/news/torehan-sabirhan-tungish-ret-eresekter-arasinda-kazakstan-chempioni-atandi-c263c0/"> атанды.</a>Ол бүгін финалда маңғыстаулық Санатәли Төлтаевпен кездесуі тиіс еді. Қарсыласының жарақат алуына байланысты жеңіс Төреханға берілді.Айта кетсек, Төрехан жастар және жасөспірімдер арасында төрт дүркін Азия чемпионы атағын жеңіп алған.Төрехан биыл қараша айында Черногорияның Будва қаласында өткен жастар арасындағы бокстан әлем чемпионатының алтын медалін жеңіп алды.Сарапшылар оны көптен бері қазақстандық бокстың болашақ жұлдызы деп атайды. Енді ұлттық құраманың бапкерлер құрамы оны алдағы уақытта ересектер арасында халықаралық жарыстарда сынап көруі мүмкін.Оның ағасы Махмуд Сабырхан 2023 жылы әлем чемпионы атанса, 2024 жылы Азия чемпионатында жеңіс тұғырына көтерілді.Айта кетсек, Назым Қызайбай Қарағанды қаласында өтіп жатқан ересектер арасындағы Қазақстан біріншілігінде чемпион атанды.Сондай-ақ әлем (2021), екі дүркін Азия чемпионы (2013, 2019) атағын жеңіп алған боксшы Теміртас Жүсіпов (48 келі) ересектер арасындағы 2024 жылғы Қазақстан біріншілігінде жеңіс тұғырына көтерілді.Айта кетсек, ел біріншілігінің финалында 92 келіден жоғары салмақта ағайынды Нұрлан Сапарбай мен Даниял Сапарбай кездесуінде Нұрлан алтын медаль алды.Ал 51 келі салмақтағы финалда Даниял Сәбит (Батыс Қазақстан облысы) Бекзат Алдамжаровты (Ақтөбе облысы) жеңіп, ел чемпионы атанды.&nbsp;Фото: Olympic.kz

Төрехан Сабырхан тұңғыш рет ересектер арасында Қазақстан чемпионы атанды  

<a href="https://kyzylorda-news.kz/">Kyzylorda-news.kz</a> Қай кезде де еңбек адамына деген құрметтің ерекше екені белгілі. Қайнаған еңбектің ортасында жүріп еңсесін тіктеген жандар қашанда алғыс арқалайды. Әсіресе, туған елдің өркендеуі үшін жұмыс істеп, қамбасын дәнге толтыратын диқандар қауымына ел-жұрт дән риза. Көктемнің ызғарлы желіне қақталып, жаздың ми қайнатар ыстығына апталып еңбек ететін диқандар биыл да күріштен мол өнім жинап, ел ырысын арттырды. Шиелі ауданындағы іргелі шаруашылықтың бірі саналатын «Ақмая» шаруа қожалығында жиын өткізіліп, еңбек озаттары марапатталды. &nbsp;Берекелі бірлік бар жерде, нәтижелі тірлік болары сөзсіз. Әсіресе, тағдырларын жермен байланыстырған еңбек адамдары бірлікболмай, тірлік болмайтынын жақсы біледі. «Әлемнің әміршісі – еңбек» екенін қағида етіп ұстайтын ақмаялық еңбеккерлер талайға үлгі көрсетіп келеді.Ауылдағы жиынға тұрғындар көптеп қатысты. Олардың бал-бұл жайнаған жүздерінен көңіл-күйлерінің көтеріңкі екені сезіліп тұрды.Ақмая ауылындағы мәдениет ошағында өткен шараны Шиелі ауданы әкімінің орынбасары Бағлан Сағындықов ашып, дала еңбеккерлерін жетістіктерімен құттықтады. Салтанатты шараға аудандық мәслихат төрағасы Мұрат Тұрабаев, «Аманат» партиясы Шиелі аудандық филиалының төрағасы Болат Сыздық,«Шарайна-Сейхун» газетінің бас редакторы, жазушы-журналист Нұрмахан Елтай,«Өскен өңір» газетінің бас редакторы Нұрболат Пірімбетов қатысты.Жылды қорытындылаған шаруашылық төрағасы көпшілік алдында жыл бойғы жұмысының да есебін берді. Шаруашылық төрағасының сөзіне сенсек, биыл 1300 гектар жерге негізгі дақыл күріш егіп, нәтижесінде 5609 тонна 680 келі астық жинап, орта есеппен 43 центнерден өнім алған. Атап айтар болсақ, Гүлсім Дәрібаева басқаратын №1 бригада 390 гектар жерден 46 центнерден орташа өнімге қол жеткізген. Ал Қайрат Тастанбеков №2 бригада 390 гектар жерден 40 центнерден өнім алса, Азамат Кемелов жетекшілік ететін №3 бригада 240 гектар жерден 38 центнер астық жинаған. Осынау игі жолды жалғаған Ерлан Сұлтанов басқаратын №4 бригада 397 гектар 42 центнер өнім жинаған.Қазір шаруасы шираған қожалықта ілкімді істі еңбекпен игеріп отырған 120 адам, оның ішінде 50 адам тұрақты, ал 70 адам маусымдық жұмыспен қамтылған. Бірі – егіс даласындағы қызу тірлікке араласса, енді бірі – шаруа қожалықтың фермадағы жұмысын тиянақты атқарып жүр. Еңбектің мәні мен маңызын түсінген ауыл азаматтарының осынау жүйелі ісінің арқасында ауыл іші көркейіп, жұмысы қарқындап тұр.– Барлық жиналған 5609 тонна 608 кг өнімнің, 4827 тонна 580 кг ИП «Байдалиев»-ке келісім-шарт бойынша берілді. Келесі жылға тұқымға №1 қоймада 280 тонна 700 кг, №2 қоймаға тұқымдық күріш 420 тонна 600 кг кіргізілді, 80 тонна 700 кг диірменге ақтауға кетті.<blockquote>2024 жылы шаруашылық 178 гектар жерге бидай егіп, 114 тонна 770 кг астық жинады. Оның ішінде 72 тонна бидай тұқымдыққа тазаланып, 368 гектар жерге күздік бидай егілді. 2024 жылғы ескі жоңышқа 631 га, жаңа жоңышқа 178 га, барлығы 809 га жоңышқа шөбінен 20 мың 014 рулон шөп жиналды. Оның ішінде фермаға 11 мың 770 рулон, жер үлес есебінен 7 мың 609 рулон, сатылғаны 635 рулон. Табиғи шөптен 3 мың 228 рулон, сабан шөптен 1 мың 785 рулон шөп жиналды, – деді шаруа қожалық төрағасы Дәулет Жұмбеков.</blockquote>Шаруашылық төрағасы Дәулет Жұмбеков халыққа берген есебінен соң, жыл бойына еңбек еткен, күріште мол өнім жинаған азаматтарды ақшалай сыйақымен марапаттады. Темір тұлпарды тізгіндеп, шаруашылықта механизатор болып жұмыс істейтін 27 азаматқа 100-150 мың теңге аралығында ақшалай сыйлық берілді. Негізгі дақыл күрішті өсіруде елеулі үлес қосқан 12 звено жетекшілері мен сушыларға 100-450 мың аралығында және үздік өнім жинаған еңбек озаты Бейсенбек Култупановқа 1 000 000 теңге, еңбек майталманы Нұрбол Байжановқа 1 300 000 мың теңге қаржылай сертификат табыс етілді.Сондай-ақ үздік механизатор Ермекбай ­Ибрагимов, Төрехан Алтаев, Әділхан Қасымбекке ақшалай сыйақымен қоса, дәстүрге сай Жаңақорған шипажайына жолдама берілді.Шаруашылық ұжымы биыл зейнет жасына жеткен қызметкерлерді де қалыс қалдырмады. Шаруашылық жұмысының ширақ болып, өнімді жұмыс істеуіне сүбелі үлес қосқан Асқарбай Абдраманов, Берікбай Ибрагимов, Әбдібек Тілеубаевқа арнайы сый-құрмет көрсетіп, үстеріне шапан жапты.Одан соң шаруашылықта үздік қызмет еткен азаматтарға, еңбек ардагерлеріне «Ерен еңбегі үшін», «Еңбек даңқы» «Ардақты ардагер» аталымдарымен орден-медальдар тағылды.Тағы бір атап өтерлігі, «Озат майталман – 2024» номинациясы звено жетекшісі Сәулебек Әлтайға, механизаторлар Бейсенбай Қасымұлына, Досбол Хайырбекұлына автокөлік кілті табысталды. Сондай-ақ шаруашылық тірлігін түлетіп отырған облыстық мәслихат депутаты, «Ақмая» шаруа қожалығының төрағасы Дәулет Жұмбековке шаруашылық инвесторы Қанат Байдалиев темір тұлпар мінгізді.Кезінде бұл ауылдан 16 Социалистік Еңбек Ері шығып, күллі кеңес одағына үлгі болған. Омыраулары орден-медальдармен жарқырап жалт-жұлт етіп келе жатқан еңбек майталмандарын көргенде бейнебір аспан түгілі жердің бетінде жұлдыздар жүргендей әсер қалдырады екен. Мұның барлығы сол кезеңдегі еңбек адамдарына деген жасалған құрмет. Бұл үрдіс арада қанша уақыт өтсе де тоқтаған емес. Сол игілікті тірліктің айғағындай болып, ауданымызда жыл сайын «Алтын күз» мерекесі өтіп, еңбекте озат болған жандар марапатталып келеді. Биыл «Ақмая» шаруа қожалығы аудан бойынша озаттардың көшін бастады. Осының өзі бұл ауылдағы адамдардың барынша еңбекке жақын екенін аңғартады.Шара барысында ауыл ақсақалдары шаруашылық төрағасы Дәулет Жұмбековтің атқарған жұмысына оң баға беріп, алдағы уақытта бұдан да биік белестерді бағындыруына тілектестігін білдірді.&nbsp;<img src="https://knadmin.beoblood.kz/uploads/2_d7f2049577.jpg" alt="2.jpg"><img src="https://knadmin.beoblood.kz/uploads/3_872cf94ab3.jpg" alt="3.jpg"><img src="https://knadmin.beoblood.kz/uploads/9e9b9c04_f8cb_4585_8025_3dc9137b984f_8b0f72a38f.jpg" alt="9e9b9c04-f8cb-4585-8025-3dc9137b984f.jpg">

 Ақмаялық еңбеккерлерге тамаша тарту жасалды

<a href="https://kyzylorda-news.kz/">Kyzylorda-news.kz</a> Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті 2022 жылғы тарифтік сметалар мен қабылданған инвестициялық міндеттемелердің орындалуы жөніндегі есептерді талдау қорытындысы бойынша Департаменттің бұйрықтарымен 14 табиғи монополия субъектісіне қолданыстағы тарифтерді 0,1% - дан 47,7%-ға дейін төмендете отырып, 20 уақытша өтемдік тарифтер бекітілді, онда тұтынушыларға келтірілген залалды қайтару қаражат сомасы шамамен 523,38 млн. теңгені, оның ішінде реттелетін салалар бойынша:- жылу энергетикасы-1 субъектіге 3,04 млн. теңгені;- электр энергетикасы - 1 субъектіге 123,92 млн. теңгені;- кірме жолдар-8 субъектіге 12,33 млн. теңгені;- сумен жабдықтау және су бұру – 3 субъектіге 351,82 млн. теңгені;- газ тасымалдау- 1 субъектіге 32,27 млн.теңгені құрады.Мысалы, уақытша өтемдік тарифтер ҚҚС-сыз:-&nbsp;«Қазсушар» РМК «Сыр суы» филиалы (бұрын «Нұра топтық су құбыры» РМК «Арал» БЖСБ филиалы) суды магистральдық құбырлар мен тарату желілері арқылы беру қызметіне тариф 1 м3 үшін 492,22 теңгеден 468,59 теңгеге дейін немесе 4,8 пайызға, суды тарату желілері арқылы беру қызметіне тариф 1 м3 үшін 421,22 теңгеден 377,48 теңгеге дейін немесе 10,4 пайызға төмендетіліп;- «Қызылорда электр тарату тораптары компаниясы» АҚ-ның электр энергиясын беру қызметіне тариф 1 кВт.сағатқа 7,206 теңгеден 7,08 теңгеге дейін немесе 1,75 пайызға&nbsp;төмендетіліп;- «Қызылорда газ тарату жүйесі» КМК-ның тауарлық газды бөлшек саудада өткізу қызметі бойынша Қызылорда облысы Жалағаш және Жосалы кенттерінің тұтынушылары үшін тариф 1000 текше метр үшін 7446 теңгеден 7145 теңгеге немесе 4,04 пайызға, Қызылорда облысы Тереңөзек кентінің тұтынушылары үшін тариф 7431 теңгеден 6997 теңгеге немесе 5,84 пайызға төмендетіліп;- «Техоснастка-Ремсервис» ЖШС-ніңкірме жолдар қызметіне тариф &nbsp; 1 вагон/сағатқа 1355,90 теңгеден 799,76 теңгеге немесе 41,02 пайызға төмендетіліп;- «Жаңақорған-Құрылыс-2010» ЖШС-несарқынды суды бұру қызметінетариф 1 м3-ге76,34 теңгеден 59,71 теңгеге дейін немесе 21,8 пайызға төмендетіліп бекітілді.&nbsp;ҚР ҰЭМ Табиғи монополияларды&nbsp; реттеу комитетінің Қызылордаоблысы бойынша департаментіФото: <a href="https://kaz.inform.kz/news/kyzylorda-oblysynda-kommunaldyk-kyzmettin-tarifteri-tomendetildi_a3633009/">None</a>

Қызылорда облысында реттелетін қызметтерге тарифтер төмендетілді

<a href="https://kyzylorda-news.kz/">Kyzylorda-news.kz</a> Азық-түлік өнімдері мен ауыл шаруашылығы тауарларының&nbsp;қазақстандық&nbsp;тұтынушылар үшін қауіпсіздігін қамтамасыз ету үшін олардың импортын бақылауды арттыруға қатысты өзекті міндеттер AMANAT партиясының&nbsp;Аграрлық-өнеркәсіптік кешен (АӨК) жөніндегі кеңесінің 2025 жылға арналған жұмыс жоспарына енгізіледі.Жоғарыдағы&nbsp;мәселелерҚР тамақ секторы салалық одақтарының бастамасымен өткен AMANAT партиясыныңАӨК кеңесінің кезекті отырысы барысында талқыланды. ОтырысқаҚР Ауыл шаруашылығы министрлігі Ветеринариялық бақылау және қадағалау комитетінің және Денсаулық сақтау министрлігі&nbsp;Санитариялық-эпидемиологиялық бақылау комитетінің өкілдері, ҚР Мәжілісінің депутаттары және AMANAT партиясының сарапшылары қатысты.Талқылау барысында салалық одақтар бүгінде Қазақстанның шекарасы қазақстандық заңнамалық талаптарға, атап айтқанда, тамақ өнімдерінің қауіпсіздігі жөніндегі талаптарға сәйкес келмейтін азық-түлік өнімдерін әкелуден толықтай шектелмегенін, біздің елімізге тамақ өнімдерін өткізуді бақылауды жүзеге асыратын мемлекеттік ведомстволардың міндеттері мен функцияларында сәйкессіздіктердің барын мәлімдеді. Атап айтқанда, бұл жағдай мемлекеттік органдар әртүрлі бағдарламалар мен мәліметтер базасын қолданатындықтан туындайды, мысалы, Шекара қызметі Ветеринарлық бақылау қызметіне азық-түлік тауарлары тиелгенжүктіңшекарадан өтетіндігі туралы әрдайым хабарлауға мүмкіндігі бола бермейді. Сондықтан Ветеринариялық бақылау азық-түлік және ауылшаруашылық тауарлары бар жүктердің барлық партияларын қауіпсіздік нормалары мен жергілікті заңнамалық талаптарға сәйкестігін бақылай алмайды. Нәтижесінде тексерілмеген және бақылаусыз өнімдердің үлкен легі шекарадан өтіп, тікелей жергілікті базарлар мен көтерме сауда орындарына түседі.Салалық кәсіподақтардың болжамды бағалауы бойынша азық-түлік тауарларының әртүрлі санаттары бойынша нарықтың 40%-ға дейінгі бөлігін Қазақстанға «сұр» схема бойынша әкелінетін импорттық өнімдер алып отыр.Бұл тауарлардан бүгінде салық түсімдерін қажет ететін мемлекеттік бюджетке ешкім салық төлемейді, сонымен қатар бұл тауарлар тұтынушылар үшін олардың қауіпсіздігі&nbsp;тұрғысынан тексерілмейді. Осылайша,&nbsp;қазақстандықтардың дастарханына жарамдылық мерзімі өтіп кеткен, суық тізбекті сақтамай, тиісті емес жағдайларда сақталған, мемлекеттік тілде таңбаланбаған және басқа да бұзушылықтармен көптеген өнімдер тікелей түседі.Бұл әдетте төмен сортты және сапасы күмән тудыратынимпортталғанөнімдер ең төменгі бағамен сатылады, сондықтан оларды сатып алушылар белсенді түрде алады. Ал барлық инстанциялармен тексерілген, барлық салықтар төленген сапалы қазақстандық өнімдер талап етілмеген күйінде қалып отыр.Отандық азық-түлік өндірушілері бұны импорттың әділетсіз бәсекелестігінің айқын фактісі деп санайды және мемлекеттен осы жағымсыз тәжірибені өзгертуді талап етеді. Салалық одақтар альянсы сапасыз және бүлінген шетелдік өнімдерге тосқауыл қоюға, барлық импорттаушыларды электронды түрде есепке алуға мүмкіндік беріп,&nbsp;оларды Қазақстанда салық төлеуге және жергілікті заңдарды, сондай-ақ тамақ қауіпсіздігі талаптарын сақтауға мәжбүрлеуге арналған ұсыныстар пакетін дайындады.AMANAT партиясының АӨК жөніндегі кеңесінің отырысында осы ұсыныстарға оң баға беріліп, оларды тартылған мемлекеттік ведомстволардың өкілдерімен&nbsp;бірлесіппрактикалық талқылау&nbsp;жасады. Барлық ұсыныстар қазір&nbsp;Ауыл шаруашылығы министрлігіндедайындалып жатқан«Ветеринария туралы» заң жобасына енгізіледі деп шешілді.Құжат жақын арада депутаттарға ұсынылады және одан әрі жұмыс істеу үшін Парламент Мәжілісіне тапсырылады деп жоспарлануда.«Біз мемлекеттік органдардың шекарадан өтетін барлық тауарлар туралы мағұлматты қамтитын бірыңғай электрондық базасы жоқ екенін көріп отырмыз. Сондықтан Қазақстанға келетін азық-түлік пен ауыл шаруашылығы тауарларының бір бөлігі мемлекеттің бақылауынан тыс&nbsp;қалып, тұтынушылардың денсаулығына қауіп төндіретін және адал отандық өндірушілер үшін әділетсіз бәсекелестік тудыратын нарықтарға түседі. Біз осындай тауарларға тосқауыл қоюымыз керек деген оймен,&nbsp;Салалық одақтар&nbsp;альянсы әзірлеген түзетулерді қолдап, оларды қазіргі таңда дайындалып жатқан&nbsp;«Ветеринария туралы» жаңа заң шеңберіңдеталқылау туралы шешім қабылданды, - деп атап өтті AMANAT партиясының АӨК жөніндегі республикалық кеңесінің төрағасы, ҚР Мәжілісінің депутаты Нұржан Әшімбетов.Бұған дейін Қазақстанда көлік құралдарының тамақ өнімдерін тасымалдау кезінде қауіпсіздік шарттарын сақтауға дайын екендігін тану тәртібін регламенттейтін ережелер қолданылған, ал бұл көлік үшін жарамдылығын растайтын құжат – көлік құралына санитарлық паспорт болған. Яғни, уәкілетті орган тасымалдаушының тамақ өнімдерінің қауіпсіздігі нормаларының талаптарын сақтау үшін көліктің шынымен техникалық қамтамасыз етілгеніне көз жеткізді. Қазіргі уақытта мұндай ережелер жойылды және тасымалдау шарттарын қамтамасыз ету жөніндегі нормалардың сақталуы бұдан былай бақыланбайды және импорттаушының/тасымалдаушының адалдығы мәселесіне жатқызылады.Жоғарыда аталған ережелер негізінен тасымалдаушыларды бақылаудың мүмкін&nbsp;еместігіне байланысты жойылғандықтан, салалық одақтар импорттаушыларға ғана қатысты импорттық өнімдер мен жануарлардан алынатын шикізаттың әкелінуіне ветеринариялық бақылауды қамтамасыз ететін ережелерді заңнамалық түрде енгізуді ұсынды, өйткені олар тасымалдаушыларды іріктеуді жүзеге асырады және сәйкесінше импорттаушы тасымалдау кезінде қауіпсіздік нормаларының сақталуына жауап береді. Бұл ұсыныс отандық өнімді де бақылаудың ұқсас талаптарын белгілейді.Әкелінетін тамақ өнімдері мен жануарлардан алынатын шикізатты тіркеу халықтың азық-түлік қауіпсіздігін және оның денсаулығын сақтауды қамтамасыз етіп қана қоймай, еркін сауда қағидаттарын бұзбайды.<blockquote>"Отандық өндіріс үшін&nbsp;«сұр» схемалар бойынша әкелінген азық-түлік тауарларының болуы өзекті мәселе. Бұл тауарлардың барлығы ресми статистикада есепке алынбайды және мемлекеттік органдардың қандай да бір есептеріне кірмейді. Осылайша, істің нақты жағдайы бұрмаланады және көбінесе мемлекеттік органдар біздің нарықтағыимпорт жағдайы туралы объективті ақпараттан алыс. Олар контрабандалық және&nbsp;«сұр»&nbsp;схемалар бойынша әкелінген тауарларды есепке алмайтые ірі сауда желілерінің деректерін басшылыққа алады, сондықтан бізде қазақстандық өндірістің азық-түлік өнімдері сөзсіз басым болып көрінеді. Бірақ егер жағдайды тұтастайалсақ, көптеген базарлар мен көтерме сауда орындарындағы заңсыз көлемді қоса алғанда, Қазақстан нарығында отандық өнімдерден гөрі импорттық азық-түлік өнімдерінің көп екені белгілі болады. Біз оның көп бөлігі&nbsp;«сұр» схемаларға сәйкес келетінін түсінеміз және онымен күресті жандандыру керек. Әрине, салалық одақтар өздерінің ұсыныстарын&nbsp;«Ветеринария туралы» жаңа заңға енгізу туралы шешімді құптайды, -&nbsp;деді&nbsp;«Қазақстанның Сүт одағы»&nbsp;директоры Владимир Кожевников.</blockquote>Отандық өндірушілер&nbsp;«Ветеринария туралы» жаңа заңның олардың ұсыныстарын ескере отырып, жақын арада қабылданытынына және Қазақстандағы қауіпті азық-түліктің&nbsp;«сұр»импорты ақыры жойылатынына сенеді. Сондай-ақ, мемлекетте азық-түлік өнімдерін әкелуді, олардың тұтынушылар үшін толық қауіпсіздігін қамтамасыз етуді бақылаудың тиімді жүйесі құрылып, қазақстандықтардың денсаулығы үшін осы күрделі, бірақ өте маңызды міндетті шешу үшін барлық бейінді мемлекеттік органдарға қажетті ресурстар бөлінетін болады.&nbsp;

Астанада қауіпсіздік шаралары мен азық түлік импортын бақылауды күшейту мәселесі талқыланды

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының жанындағы «Әйелдер қанатының» психологиялық бағыты бойынша «Психологиялық қызмет: заманауи көзқарас және кәсіби дағдыдан шеберлікке» тақырыбында тренинг өтті. Басқосуға қаладағы білім ордаларының психолог мамандары қатысты.&nbsp;Шара шымылдығын «Әйелдер қанатының» облыс бойынша жетекшісі Алтынай Молжанова ашып, тренингке қатысушыларға сәттілік тіледі.&nbsp;Тренинг барысында Phd doctor Philosophy, тәжірибелі психолог, Еуропалық гештальт терапия қауымдастығының (EAGT) аккредитациялық талаптарына сәйкес сертификатталған Гештальт терапевт, Қазақстан Психологтар Одағының төрайым орынбасары Асанова Салтанат Сайлауқызы, Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалының доценті, психол. ғ.к., «AMANAT» партиясының облыстық филиалы бойынша Қоғамның әл-ауқатын қолдау мақсатында психологиялық қызмет институтын дамытуға жәрдемдесу бағытының жетекшісі Аяғанова Алмагүл Жанділдақызы және Анаға тағзым орталығының Психолог маманы Ергеш Аруна Асылбекқызы қажетті білім дағдыларымен бөлісті.

Қазақстан және Қызылорда облысының жаңалықтары