<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Баку қаласына (Әзербайжан) жұмыс сапары аясында Әзербайжан Республикасының Президенті Ильхам Әлиевтің Түркі мемлекеттері ұйымына қатысушы елдер делегацияларының басшыларымен ұжымдық қабылдауына, сондай-ақ ТМҰ мемлекеттерінің үкімет басшылары мен вице-президентінің кездесуіне қатысты.Әзербайжан Президентімен өткен кездесуде сауда-экономикалық ынтымақтастық пен бірлескен жобаларды жүзеге асыру мәселелеріне назар аударылды.Олжас Бектенов Қазақстан Республикасының Президенті Қасым-Жомарт Кемелұлы Тоқаевтың ыстық сәлемі мен шынайы лебіздерін жеткізді. Екі ел басшыларының парасатты әрі сындарлы саясатының арқасында екіжақты ынтымақтастық нығая түсетіні атап өтілді. Бұл тұрғыда Қазақстан Үкіметі өнеркәсіп, көлік-транзит, ауыл шаруашылығы, энергетика, цифрландыру және ЖИ сияқты басқа да негізгі салалардағы әріптестікті одан әрі тереңдетуге бар күш-жігерін салуда.Түркі мемлекеттері ұйымы үкіметтері басшылары мен вице-президентінің екінші кездесуіне Әзербайжан Республикасының Премьер-министрі Әли Асадов, Қырғыз Республикасы Министрлер кабинетінің төрағасы – Президенті Әкімшілігінің басшысы Адылбек Касымалиев, Түркия Республикасының вице-президенті Джевдет Йылмаз, Өзбекстан Республикасының Премьер-министрі Абдулла Арипов, ТМҰ Бас хатшысы Кубанычбек Өміралиев, сондай-ақ бақылаушылар қатысты.Кездесуде ТМҰ мемлекеттері басшыларының тапсырмаларын орындау барысы қаралды. Өңірлік және жаһандық сын-қатерлер жағдайындағы өзара іс-қимыл, сауда-экономикалық және инвестициялық байланыстарды кеңейту, көлік инфрақұрылымын дамыту және Орта дәліздің цифрлық интеграциясы, энергетикалық қауіпсіздікті нығайту перспективалары талқыланды.Сөз сөйлеу барысында ҚР Премьер-министрі Олжас Бектенов экономикалық ынтымақтастықты нығайтуда және бірлескен күш-жігерді үйлестіруде ТМҰ-ның өсіп келе жатқан рөлін атап өтті.&nbsp;<blockquote>«Қазақстан Президенті Қасым-Жомарт Кемелұлы Тоқаев атап өткендей, бүгінде жаһан жұрты бізді зор сын-қатерлерге төтеп бере алатын, беделі мықты, ынтымағы жарасқан мемлекеттер ретінде таниды. Ұйымның іргетасын қалаушылардың бірі ретінде біз әуел бастан түркі интеграциясын ұзақмерзімді, прагматикалық әрі экономикалық тұрғыдан бағдарланған үдеріс ретінде қарастырып келеміз. 2025 жылдың қорытындысы бойынша Қазақстанның Түркі мемлекеттері ұйымына мүше елдермен өзара сауда көлемі $12,9 млрд-қа жетті. Біз бірлестігіміздің бар мүмкіндіктерін пайдалана отырып, сауда-экономикалық және инвестициялық қатынастарды одан әрі тереңдетуге мүдделіміз», — деп атап өтті Олжас Бектенов.</blockquote>Түркі елдерінің сауда-өнеркәсіп палаталары одағын күшейту және оны Түркі инвестициялық қорымен тығыз үйлестіру қажеттігі атап өтілді. Бұл ТМҰ экономикалық институттарының анағұрлым тиімді өзара іс-қимылына ықпал етеді.Өзара сауда көлемін ұлғайту және бизнес үшін цифрлық ортаны қалыптастыру мақсатында Қазақстан Бішкекте өткен ТМҰ-ның XI саммитінде қол қойылған Цифрлық экономика саласындағы әріптестік туралы келісімді (DEPA) ратификациялауды тездетіп аяқтауға ниетті. Өзара іс-қимылды одан әрі тереңдету мақсатында Түркі мемлекеттерінің өңірлік метрологиялық ұйымын (TURKMET) құру және оны толық іске қосу жұмыстарын аяқтауды жеделдету ұсынылды.Қазіргі уақытта Түркістанда бизнеске қолдау көрсетудің нақты қадамы ретінде «Тұран» арнайы экономикалық аймағы құрылған. Қазақстан осы аймақта оның ішінде Түркі мемлекеттері ұйымына мүше елдер серіктестерінің қатысуымен жаңа бірлескен өндірістерді құруға және технологиялық кластерлерді дамытуға дайын екенін растады.Көлік-транзит саласындағы ынтымақтастық мәселесіне ерекше назар аударылды. Орта дәліздің мәртебесін нығайту мақсатында биыл Қазақстан мен Әзербайжан арасында үкіметаралық келісімге қол қою жоспарлануда. Олжас Бектенов Зангезур дәлізінің ашылуын ескере отырып, Транскаспий халықаралық көлік бағытын одан әрі дамыту қажеттігін атап өтті. Қасым-Жомарт Тоқаев ұсынған ТМҰ Цифрлық мониторинг орталығы Орта дәлізді дамытуға қосымша серпін бере алады. Осыған орай, бұл бастаманы тезірек жүзеге асыру үшін арнайы жұмыс тобын шұғыл түрде құруды ұсынылды.Олжас Бектенов озық экологиялық шешімдер мен трансшекаралық энергетикалық инфрақұрылымды нығайту аса қажет екенін атап өтті. Қазіргі уақытта Қазақстан Үкіметі Мемлекет басшысының тапсырмасы бойынша энергия тиімділігі жөніндегі озық тәжірибелер кеңесін құруды және Орталық Азияда су ресурстарын тиімді пайдалану бойынша бірлескен бағдарламаны әзірлеу жұмыстарын аяқтауда.Сонымен қатар Қазақстан Біріккен Ұлттар Ұйымының Азия және Тынық мұхиты аймағына арналған экономикалық және әлеуметтік комиссиясы (АзТМЭӘК) аясында Цифрлық шешімдер орталығын құру жөнінде бастама көтеруде.Кездесу қорытындысы бойынша қатысушылар Бірлескен мәлімдеме қабылдады. Құжатта Әзербайжанның Түркі мемлекеттері ұйымы аясындағы төрағалығына және басым бағыттар бойынша практикалық ынтымақтастықты дамытуға бағытталған күш-жігеріне қолдау көрсетілетіні расталды.

Олжас Бектенов ТМҰ-ға мүше елдерінің үкімет басшыларының кездесуіне қатысты

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов елімізде Мемлекет басшысы Қасым-Жомарт Кемелұлы Тоқаевтың бастамасын жүзеге асқан «Таза Қазақстан» жалпыұлттық тазалық акциясы аясында Әйтеке би кентіндегі көше комитеттерінің төрағаларымен және тұрғындармен кездесті.Әйтеке би кенттік Мәдениет үйінде өткен кездесуде аудан басшысы алдымен «Таза Қазақстан» экологиялық акциясы аясында өңірімізде аймақ басшысы Нұрлыбек Машбекұлының қолдауымен жүзеге асып жатқан жүйелі жұмыстар және алдағы уақытта жоспарланған ауқымды жобалар жайында айтып өтті.<blockquote>2025 жылы жүргізілген абаттандыру жұмыстарының нәтижесінде «Қазалы» мәдени демалыс кешені мен Орталық алаң қайта жаңғыртылса, «Руханият» сквері пайдалануға берілді. Бұған қоса, Жанқожа батыр, Р. Бағланова және Қ. Пірімов көшелеріне жаяу жүргіншілерге арналған жолдар салынды. 2026 жылдың қаңтар айында аймақ басшысының қатысуымен құны 1 млрд. 300 млн. теңге болатын теміржол арқылы өтетін көпірді ел игілігіне пайдалануға берсек, жанындағы теміржол ғимараты қайта жаңғыртудан өтуде. Жоба құны 1 млрд. 600 млн. теңге. Сонымен қатар, 92 млн. теңгеге теміржол вокзалы алдындағы Әйтеке би ескерткішінің аумағы қайта жаңғыртылуда. Бұдан бөлек, Қазалы ауданында Президентіміздің қолдауымен Қашақбай Пірімов, Үрмәш Түктібаев және Бекарыстан би ауылдарынан бұқаралық спортты дамыту мақсатында заманауи спорт кешендері спорт кешені пайдалануға берілді. Биыл «Ауыл – ел бесігі» бағдарламасы аясында Әйтеке би кенті мен Қожабақы ауылдарында спорт кешендерінің құрылысы қарқынды жүргізілуде. Бұл нысандарды да жақын арада пайдалануға беруді жоспарлап отырмыз. Сондай-ақ, 2026 жылы Әйтеке би кентінің 16 көшесіне күрделі және орташа жөндеу жұмыстары жүргізілуде. Осы жылы 493,5 млн. теңгеге Әйтеке би кентіндегі Ағайынды Талқанбаевтар және Жаңқожа батыр көшесінің айналма жолына күрделі жөндеу жұмыстары жүргізілуде, - деді аудан әкімі Алмасбек Әбілқасымұлы.</blockquote>Жиында «Таза Қазақстан» акциясы аясында Әйтеке би кенті бойынша атқарылып жатқан жұмыстар мен алдағы міндеттер жөнінде Әйтеке би кентінің әкімі Әліби Әбиев баяндама жасаса, көше комитеттерінің төрағаларымен тұрғындар кенттің шет аймақтарындағы көшелерді жөндеу, аяқ су арықтарын қазу, көшелерді жарықтандыру, санитарлық тазалық мәселесіне қатысты өз ұсыныс-пікірлерін жеткізді.Кездесу барысында аудан әкімі Әйтеке би кентінің әкімі мен тиісті сала басшыларына тұрғындар тарапынан көтерілген мәселелер бойынша және өзгеде бірқатар маңызды мәселелерге қатысты құқық бұзушылықтарды алдын алу, қоғамдық мүлікті қорғау және рейдтік жұмыстарды күшейту, автомобиль жолдарының сапасы, кәріз жүйелерінің жағдайы, нысандардың қасбеттерін біркелкілеу, қоқыс шығару тәртібі мен қоғамдық орындардың санитарлық талаптардың сақталуына қатысты нақты тапсырмалар жүктеді.&nbsp;Жиынды қорытындылаған аудан басшысы «Туған жеріміздің тазалығы –ортақ міндет әрі жауапкершілік» екенін айтып, барша тұрғындарды тазалыққа, абаттандыруға, көркейту-көгалдандыру жұмыстарына бірлесе атсалысуға шақырды.<img src="https://knadmin.beoblood.kz/uploads/azaly_t_r_yndarmen_kezdesu_tazaly_m_selesi_2_8b8f4738d8.jpg" alt="Қазалы тұрғындармен кездесу тазалық мәселесі 2.jpg">

Тазалық – ортақ міндет әрі жауапкершілік

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев еңбек ардагерлері Сайлаубай Әбішевті 80, Салхадин Мырзабековті 70 жас мерейтойымен құттықтап, адал еңбекті бағалаудың маңызын атап өтті.<blockquote>«Президентіміз Қасым-Жомарт Кемелұлы: «Әділетті Қазақстанда еңбек адамына ерекше құрмет көрсетілуге тиіс. Еңбек адамдары – еліміз бен мемлекетіміздің тірегі» деген болатын. Сыр өңірінде адал қызмет атқарып, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген азаматтарды ардақтауды дәстүрге айналдырдық. Бүгінгі ресми жиынымыз өнегелі істердің ұйытқысы болған, жұртшылыққа етене таныс Әбішев Сайлаубай Әбішұлы ағамыздың 80 жасқа, Мырзабеков Салхадин Мырзабекұлы ағамыздың 70 жасқа толған мерейтойына арналады. Сіздердің жылдар бойы туған өлкенің игілігі жолында атқарған еңбектеріңіз, адал қызметтеріңіз шынайы құрметке лайық. Сыр жұртшылығы аймақтың дамуына зор үлес қосқан Өздеріңіздей жерлестерімен мақтанады. Тілеулес, ақадал ниетті азаматтардың атынан бүгінгі мерейтойларыңызбен шын жүректен құттықтап, дендеріңізге саулық, отбасыларыңызға амандық тілейміз!», – деді Нұрлыбек Машбекұлы.</blockquote><img src="https://knadmin.beoblood.kz/uploads/E_bek_ardagerlerin_marapattady_2_90a57447f7.jpg" alt="Еңбек ардагерлерін марапаттады 2.jpg">Жиында облыс әкімі мерейтой иелеріне Қызылорда облысының Құрмет грамотасы мен Алғыс хат табыстап, дәстүрге сай құрмет көрсетті. Ел ағалары Дайрабай Ысқақов, Бекмырза Еламанов, Биғали Қаюпов сөз сөйлеп, ізгі тілек білдірді.Сайлаубай Әбішұлы еңбек жолын мұғалімдіктен бастап, кейін комсомол органдарында, Шиелі ауданында басшылық қызметтер атқарған. Әр жылдары колхоз төрағасы, совхоз директоры, аудандық бөлім басшысы және «Білім жабдық» мекемесінің директоры қызметтерінде болған.&nbsp;Қоғамдық-саяси жұмыстарға белсене араласып, партия құрылымдарында 20 жылға жуық еңбек етті, 8 шақырылым бойы аудандық кеңес депутаты болып сайланған.Салхадин Мырзабекұлы еңбек жолын 1973 жылы жұмысшы болып бастап, кейін бас экономист, аудан әкімінің орынбасары, салық комитетінің төрағасы, кеңшар директоры қызметтерін атқарған. 1996-1999 жылдары Жаңақорған ауданының әкімі ретінде өңірдің дамуына үлес қосты.&nbsp;Экономика ғылымдарының кандидаты, ауыл шаруашылығы саласында ғылыми зерттеулер жүргізген. Жиырма жылдан астам әлеуметтік қорғау саласында еңбек етіп, облыстық департаменттерді және мемлекеттік зейнетақы төлеу орталығының өңірлік филиалын басқарды.

Аймақ басшысы еңбек ардагерлерін мерейтойымен құттықтады

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен жоспарға сай аудан әкімдігі жанындағы сыбайлас жемқорлыққа қарсы іс-қимыл мәселелері жөніндегі аудандық комиссияның кезекті отырысы өтті.&nbsp;Сыбайлас жемқорлыққа қарсы іс-қимыл қоғамдағы адалдық пен ашықтықты нығайту жолындағы маңызды қадам ретінде бағаланады. Сыбайлас жемқорлыққа қарсы &nbsp;іс-қимыл тек заң талаптарын орындаумен шектелмей, әрқайсысымыздың азаматтық жауапкершілігімізді, кәсіби адалдығымызды талап етеді.Жиында алдымен Арал ауданының қоғамдық даму бөлімінің басшысы М.Марат Арал ауданының қоғамдық даму бөлімімен сыбайлас жемқорлыққа қарсы іс-қимыл бағытында атқарылған шаралар туралы хабарлама жасады. Мұнын соң Арал ауданының дене тәрбиесі, спорт және туризм бөлімімен сыбайлас жемқорлыққа қарсы іс-қимыл бағытында атқарылған шаралар туралы бөлім басшысы Т.Әлжанов баяндады.&nbsp;Аудан әкімі Аманжол Сақыпұлы баяндамашылардың аталған мәселе төңірегінде атқарған жұмыстарына қанығып, кейбір кемшіліктер бойынша жұмысты жандандыруды тапсырды.Сонымен бірге қызмет барысында заңсыздықтарға жол бермей, мемлекеттік сатып алу, көрсетілетін мемлекеттік қызметтің ашықтығын қамтамасыз етуге байланысты бірқатар тапсырмалар беріп, мерзімінде орындалуы қатаң бақылауда болатынын жеткізді.&nbsp;<img src="https://knadmin.beoblood.kz/uploads/Aral_sybajlas_zhem_orly_m_zhilis_2_8c0581a416.jpg" alt="Арал сыбайлас жемқорлық мәжіліс 2.jpg">

Сыбайлас жемқорлыққа қарсы іс-қимыл мәселелері қаралды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың кезекті жұмыс сапары аудан орталығынан шалғай орналасқан Құланды ауылында жалғасты. Көк айдынның жағасында қоныстанған бұл ауыл тұрғындарының негізгі күнкөрісі – мал шаруашылығы. Жағалаудың алыстауына байланысты ата кәсіп – балық шаруашылығы қарқынды дамымаса да, ара-тұра жылым тартатын балықшылар бар.Аудан әкімі жұмыс сапары барысында алдымен «Беларан төбе» шыңындағы Ә.Нұрпейісовке арналған мемориалдық белгіге барды. Қазақ әдебиетінің көрнекті өкілі, шығармаларында дәуір шындығын шебер бейнелеген қарымды қаламгер Әбдіжәміл Кәрімұлы Нұрпейісовтің есімі әлем әдебиеті мен қазақ руханиятында айрықша орын алады. Жазушының әдебиеттегі сара жолы мен ұлт руханиятына қосқан өлшеусіз үлесі ел жадында мәңгі сақталады. Осы орайда Беларан төбесінде жазушы рухына Құран бағышталып, тағзым жасалды.Ауыл халқымен өткен кездесуде аудан басшысы теңізді өңірде жыл басынан бері атқарылған жұмыстарды баяндап, жүзеге асырылып жатқан ірі жобаларға тоқталды. Кездесу барысында тұрғындар тарапынан ел өміріне қажетті бірқатар өзекті мәселелер көтерілді. Аудан әкімі әр мәселені назарға алып, оларды кезең-кезеңімен шешу бағытында тиісті жұмыстар жүргізілетінін жеткізді.Кездесу барысында аудан прокуроры Д.Әбіш қазіргі таңда жиі орын алатын интернет алаяқтық, мал ұрлығына қатысты сақтық шараларын сақтау жөнінде түсіндірме жұмыстарын жүргізді.<img src="https://knadmin.beoblood.kz/uploads/Aral_t_r_yndarmen_zh_zdesu_2_059d44357f.jpg" alt="Арал тұрғындармен жүздесу 2.jpg">

Тұрғындардың тілегін тыңдады

<a href="https://kyzylorda-news.kz/">Kyzylorda-news.kz</a> Қармақшы ауданында «Таза бейсенбі» экологиялық акциясы ұйымдастырылып, игі шараға тұрғындар &nbsp;белсенді қатысты.&nbsp;Ауданның көркеюіне бағытталған бұл шараға «AMANAT» партиясы Қармақшы аудандық филиалына қарасты бастауыш партия ұйымының мүшелері жұмыла кірісіп, Жосалы кенті орталығындағы А.Иманов және А.Құнанбаев көшелерінің бойын тазалап, қоршаған ортаны абаттандыруға өз үлестерін қосты.Акция барысында аталған көшелер бойындағы 0,7 тонна күл-қоқыстар тазартылып, 150 түп ағаштардың түбі қопсытылды.&nbsp; Осындай ортақ еңбек – тек тазалықты сақтап қана қоймай, тұрғындардың туған жерге деген жанашырлығын арттыра түсетіні анық.Іс-шараға қатысқан Қармақшы аудандық мәслихатындағы “AMANAT” партиясы депутаттық фракция мүшесі Марат Асылов бұл бастаманың маңыздылығына тоқталып өтті.&nbsp;<blockquote>«Тазалық – бұл бір күндік шара емес, ол – әрбір азаматтың күнделікті дағдысына айналуы тиіс. Бүгінгі акция – соның жарқын дәлелі. Қармақшы жұртшылығының белсенділігі бізді қуантады. Осындай бірлік пен жанашырлықтың арқасында ауданымыз одан әрі көркейе беретініне сенімдімін. Әр тұрғын өз ауласынан бастап тазалықты сақтаса, еліміздің де келбеті айшықтала түседі», – деді депутат.</blockquote>«Таза бейсенбі» акциясы – тек тазалық шарасы ғана емес, ол – экологиялық мәдениетті қалыптастыратын, қоғамды ортақ іске жұмылдыратын маңызды бастама.

“Таза бейсенбі”: Тұрғындар тазалық шарасына атсалысты

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудандық мәслихат төрағасы Ғазиз Әлішпен бірге Қарлан көпірінің құрылысы, Қожабақы ауылындағы спорт кешені және «Қазалы – Қожабақы – Бозкөл – Кәукей» аудандық маңызы бар автомобиль жолының 32,1 шақырымындағы темірбетон көпірді күрделі жөндеу жұмыстарының сапасын бақылады.Алдымен облыс әкімі Нұрлыбек Нәлібаевтың қолдауымен Қарлан учаскесіндегі Сырдария өзені арқылы салынып жатқан көпір құрылысының барысын көрді. Жоба аясында бүгінде көпірдің негізгі құрылыс жұмыстары қарқынды жүргізілуде. Қазіргі таңда 84 дана свай қағу жұмыстары толық аяқталып, 8 тіректің 4-і орнатылған. Құрылыс алаңында 14 арнайы техника мен 25 жұмысшы жұмылдырылған. Нысанның жалпы ұзындығы 2,5 шақырымды құраса, көпірдің ұзындығы 248,29 метрді құрайды.Мұнан соң аудан басшысы Қожабақы ауылындағы спорт кешенінің құрылыс алаңына барды. Жоба құны 537,1 млн теңгені құрайтын нысан «Ауыл – Ел бесігі» бағдарламасы аясында жүзеге асуда. Бүгінде ғимараттың сыртқы құрылыс жұмыстары толық аяқталып, ішкі әрлеу және сырлау жұмыстары жүргізілуде. Инженерлік желілер толық тартылып, нысанды пайдалануға беру үшін қалған жұмыстар жоспарлы түрде атқарылуда.Аудан әкімі Қожабақы ауылындағы «Қазалы – Қожабақы – Бозкөл – Кәукей» автожолының 32,1 шақырымындағы көпірді күрделі жөндеу жұмыстарымен де танысты. 1975 жылы салынған көпірдің апаттық жағдайда екені анықталып, оны толық жаңадан салу туралы шешім қабылданған болатын. Қазіргі таңда мердігер мекеме «Гүлнұр МК» ЖШС-і тарапынан жаңа көпір құрылысы басталуда. Жобаға сәйкес көпірдің ұзындығы 21,69 метр болса, жалпы өткел ұзындығы 375,13 метрді құрайды.Аудан әкімі нысандарды аралау барысында мердігер мекемелерге құрылыс сапасы мен мерзімін қатаң бақылауда ұстауды тапсырып, тұрғындар үшін маңызды жобаларды уақытылы әрі сапалы аяқтаудың маңыздылығын ескертті.<img src="https://knadmin.beoblood.kz/uploads/azaly_rylys_nysandary_2_a68bde2043.jpg" alt="Қазалы құрылыс нысандары 2.jpg">

Құрылыс нысандарының сапасы бақылауда

<a href="https://kyzylorda-news.kz/">Kyzylorda-news.kz</a> &nbsp; Депутат Дәулет Тұрлыхановтың ұлы Нұрасыл Болат бостандыққа<a href="https://kaz.inform.kz/news/daulet-turlihanovtin-uli-bostandikka-shikti-kazhk-0d1a00/"> шықты.</a>Бұл туралы Қылмыстық-атқару жүйесі комитетінің баспасөз қызметі хабарлады.<blockquote>- Сотталушы сот тағайындаған жаза мерзімін толық өтеуіне байланысты босатылды, - деп хабарлады ҚАЖК.</blockquote>Еске салайық, 2023 жылы ақпанда Нұрасыл Болат Алматыда заңгер Анна Дмитриевич пен оның күйеуі Олег Черновты соққыға жыққан еді.2023 жылдың 9 қазанында Алматы қалалық әскери сотында Нұрасыл Болатқа қатысты сот үкімі шықты.Сот үкімімен ол ҚК 107-бабының 2-бөлігі 1 және 5-тармақтарында көзделген қылмыс жасағаны үшін кінәлі деп танылып, оған жаза түрінде 1 млн 700 мың теңге айыппұл тағайындалды.Кейін әлеуметтік желіде Нұрасыл Болаттың түнгі уақытта емін-еркін жүрген видеосы тарады. Осыған байланысты Медеу ауданының № 2 аудандық соты пробация қызметінің Нұрасыл Болатқа қатысты жазаны — бас бостандығын шектеуді одан айырумен ауыстыру туралы өтінішхатын негіз деп танып, оны 1 жыл 5 ай 10 күнге бас бостандығынан айырды.Фото: видеодан алынған кадр

Дәулет Тұрлыхановтың ұлы бостандыққа шықты - ҚАЖК 

<a href="https://kyzylorda-news.kz/">Kyzylorda-news.kz</a> Қызылордада интернет-алаяқтық 6,5%-ға төмендеді, - деп хабарлайды <a href="https://polisia.kz/qyzylordada-internet-alayaqtyq-derekteri-tomendedi/">Polisia.kz.&nbsp;</a>Қазіргі таңда интернет кеңістігі тек мүмкіндіктер алаңы ғана емес, қылмыстық әрекеттердің де жаңа өрісіне айналып отыр. Әсіресе, алаяқтар заманауи технологияларды шебер пайдаланып, күн сайын айла-тәсілдерін түрлендіруде. Соның салдарынан көптеген азаматтар сенімге алданып, адал еңбегімен тапқан қаражатынан айырылып қалып жатыр.Көп жағдайда алаяқтар жұмысқа орналастыру, мемлекеттік жәрдемақы рәсімдеу немесе түрлі әлеуметтік мәселелерді "оңай шешіп беруге" уәде беріп, адамдарды алдап соғады. Осыған байланысты Қызылорда облысының полицейлері интернет-алаяқтықтың алдын алуға бағытталған жүйелі профилактикалық жұмыстар жүргізуде.&nbsp;Тәртіп сақшылары алаяқтардың кең таралған тәсілдерін, олардың әрекет ету жолдарын түсіндіріп, тұрғындарды сақ болуға шақыруда. Ауқымды түсіндіру шаралары базарларда, сауда үйлерінде және қоғамдық орындарда ұйымдастырылып, азаматтарға банк карталарын қауіпсіз пайдалану, жеке деректерді қорғау, күмәнді ұсыныстардан сақтану жолдары жан-жақты баяндалуда. Сонымен қатар Жедел басқару орталығының кезекшілері облыс орталығында орнатылған 12 "SOS" жедел шақыру жүйесі арқылы сақтық шаралары жөнінде үздіксіз аудиохабарламалар таратуда. Жүргізілген профилактикалық жұмыстар өз нәтижесін беруде. Жыл басынан бері интернет-алаяқтық фактілері 6,5%-ға төмендеді. Ал мұндай қылмыстарды ашу көрсеткіші айтарлықтай өсіп, 43,8%-дан 76,2%-ға жетті.&nbsp;Бұдан бөлек, облыстық әкімдікпен бірлесе отырып, барлық мекемелер мен ұйымдардың ресми парақшаларында алаяқтық схемалары мен одан сақтану жолдары көрсетілген жадынамалар кеңінен жариялануда. Сондай-ақ интернет-алаяқтыққа қатысы бар "дропперлерге" қатысты енгізілген жаңа заң нормалары (ҚР ҚК 232-1-бабы) тұрғындарға түсіндірілуде. Мәселен, Қызылорда облысында тұрғынның қаражатын заңсыз иемденген алаяққа қатысты қылмыстық іс қаралды. Тергеу барысында күдіктінің әлеуметтік желі арқылы сенімге кіріп, алдау жолымен ақша иемденгені анықталды. Жәбірленуші TikTok желісіндегі арзан бағамен кілем сатуға арналған тікелей эфирге сеніп, көрсетілген есепшотқа 50 мың теңге аударған.&nbsp;Алайда уәде етілген тауар жеткізілмеген. Жедел-іздестіру шаралары нәтижесінде Қазақстан Республикасы ІІМ-нің Байқоңыр қаласындағы өкілдігі мен Ресей Федерациясы ІІМ Байқоңыр кешені полиция басқармасы қызметкерлері бірлесіп, 38 жастағы күдіктіні ұстады. Тексеру барысында оның осыған ұқсас тағы төрт дерекке қатысы бары белгілі болды.&nbsp;Аталған іс айыптау актісімен сотқа жолданып, 2026 жылғы 5 наурызда Қызылорда қалалық сотының үкімімен сотталушы кінәлі деп танылды. Оған 3 жыл мерзімге бас бостандығын шектеу жазасы тағайындалды. Тәртіп сақшылары азаматтарды қырағылық танытып, әлеуметтік желілердегі күмәнді ұсыныстарға сенбеуге, бейтаныс адамдарға жеке деректерін бермеуге шақырады.Фото: polisia.kz

Қызылордада интернет-алаяқтық деректері төмендеді  

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің оқытушылары академиялық ұтқырлық бағдарламасы аясында 30 наурыз бен 10 сәуір аралығында Ташкент KIMYO халықаралық университетінде дәрістер оқуда.Аталған бағдарламаға Экономика және басқару білім беру бағдарламасының доценті, э.ғ.к. Алмакүл Абдимомынова және аға оқытушы, э.ғ.м. Ұлжан Берикболова қатысып, білім алушыларға өз тәжірибелерімен бөлісуде.Ташкент KIMYO халықаралық университеті – Орта Азиядағы ірі жеке жоғары оқу орындарының бірі. Университетте 38 бакалавриат және 22 магистрлік бағдарлама бойынша шамамен 82 мыңға жуық білім алушы өзбек, орыс және ағылшын тілдерінде білім алады.&nbsp;Іс-сапар барысында оқытушылар «Менеджмент және маркетинг» кафедрасының профессор-оқытушылар құрамымен кездесіп, халықаралық деңгейде тәжірибе алмасты. Сонымен қатар, ғылыми-академиялық байланыстарды нығайту және болашақтағы бірлескен жобаларды жүзеге асыру мәселелері талқыланды.Сапар аясында оқытушылар университеттің ғылым және инновациялар жөніндегі проректоры, профессор Джамшид Каниев және «Менеджмент және маркетинг» кафедрасының меңгерушісі, Дилшода Рамазановнамен кездесіп, академиялық ынтымақтастықты дамыту бағыттарын талқылады.&nbsp;Академиялық ұтқырлық бағдарламасы оқытушылардың кәсіби тәжірибесін жетілдіріп қана қоймай, екі оқу орны арасындағы халықаралық серіктестікті нығайтуға мүмкіндік береді.

Қорқыт ата университетінің оқытушылары Ташкентте дәріс оқуда

<a href="https://kyzylorda-news.kz/">Kyzylorda-news.kz</a> Қазақстан Республикасы Президенті Әкімшілігі басшысының 2026 жылғы 26 наурыздағы бұйрығымен «2026 жылғы 15 наурызда қабылданған ҚР Конституциясын іске асыру жөніндегі шаралар туралы» Президент Жарлығын орындауды бақылауды бекіту құжаты мақұлданды, деп хабарлайды <a href="https://kaz.zakon.kz/quqiq/6079100-azastanda-zhaa-konstitutsiyaa-baylanysty-bratar-za-abyldanady.html">Zakon.kz.</a>Құжатта бірқатар іс-шаралар көзделген.Атап айтқанда:«Қазақстан Республикасының Президенті туралы» Конституциялық заң жобасын дайындау – 2026 жылғы 30 сәуірге дейін; «Қазақстан Халық Кеңесі туралы» Конституциялық заң жобасын әзірлеу – 2026 жылғы 30 сәуірге дейін; «Қазақстан Республикасының астанасының мәртебесі туралы» Конституциялық заң жобасын дайындау – 30 сәуірге дейін; «Қазақстан Республикасының әкімшілік-аумақтық құрылысы туралы» Конституциялық заң жобасын әзірлеу – 30 сәуірге дейін.Сонымен қатар, Қазақстан Республикасы Үкіметіне, орталық және жергілікті мемлекеттік органдарға 2026 жылғы 1 шілдеге дейін қолданыстағы нормативтік құқықтық актілерді Конституция талаптарына сәйкестендіру бойынша қажетті шараларды қабылдау тапсырылды.Үкіметке бұдан бөлек 2026 жылғы 7 сәуірге дейін Қазақстан Республикасының Конституциясын ілгерілету жөніндегі жоспарды бекіту міндеттелді.Құжатта құрылымдық бөлімшелерге бекітілген тапсырмалардың уақытылы әрі толық орындалуын қамтамасыз ету жүктелген.Аталған бұйрық қол қойылған күнінен бастап күшіне енді.Айта кетейік, бұған дейін Қазақстанда «Астананың мәртебесі туралы» Конституциялық заң жобасы әзірленгені хабарланған болатын.Жаңа Конституцияның мәтіні 2026 жылғы 18 наурызда ресми түрде жарияланған.Фото: akorda.kz

Қазақстанда жаңа Конституцияға байланысты бірқатар заң қабылданады

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде ұйымдастырылған &nbsp;«Дәстүр – ұлт діңгегі» атты этнофестиваль жоғары деңгейде өтті. Іс-шараға университеттің өзге ұлт өкілдерінің студенттері белсене қатысып, халқымыздың рухани бірлігін айшықтай түсті.Этнофестивальдің басты мақсаты – түрлі этностардың ұлттық құндылықтарын дәріптеу, салт-дәстүрлерді насихаттау және жастар арасындағы достық пен өзара құрметті нығайту болды. Кешті Жастар ісі жөніндегі комитет төрағасы Салтанат Бижігітқызы жүргізіп, қатысушылар мен қонақтарға жүрекжарды лебізін білдірді.Фестиваль аясында ұлттық ойындар ұйымдастырылып, жиналғандар арқан тартыс, гір көтеру, асық ату сынды дәстүрлі ойындарда өз бақтарын сынады. Сонымен қатар қазақ, түрікмен және корей халықтарының ұлттық киімдері мен тағамдарынан құралған көрме көпшілік назарына ұсынылды.<img src="https://knadmin.beoblood.kz/uploads/Whats_App_Image_2026_04_02_at_09_38_50_1_bd5ab2d234.jpeg" alt="WhatsApp Image 2026-04-02 at 09.38.50 (1).jpeg">Концерттік бағдарламада студенттер ұлттық өнердің түрлі жанрларын паш етті. Күй күмбірлеп, әсем әндер шырқалып, қазақ, кәріс және түркімен халықтарының билері сахналанды. Әсіресе «Қазағым», «Қазақ осы», «Ақжайнақ», «Мен қазақтың ұлымын» секілді патриоттық әндер көрермендердің ерекше ықыласына бөленді.Іс-шара барысында қазақ халқының маңызды салт-дәстүрлері – «Сырға салу», «Қыз ұзату», «Тұсаукесер» көрініс ретінде сахналанып, жастарға ұлттық тәрбиенің терең мәні түсіндірілді. Бұл көріністер көрермендерге ерекше әсер сыйлап, ата-баба мұрасына деген құрметті арттырды.Этнофестиваль достық пен бірліктің, мәдени әртүрліліктің жарқын көрінісіне айналып, түрлі мәдениеттердің үндестігін көрсеткен тағылымы мол кеш болды.

Қазақстан және Қызылорда облысының жаңалықтары