Kyzylorda-news.kz. Президент Қасым-Жомарт Тоқаев қазақстандықтарды Мемлекеттік рәміздер күнімен құттықтады.
<blockquote>
 «Қасиетті нышандарымызда қазақтың мың жылдық арман-тілегі, мақсат-мұраты түгел тоғысқан. Ту халқымыз үшін қашанда ерлік пен елдіктің символы саналған. Көк байрағымыз – мызғымас мемлекеттіліктің белгісі. Елтаңбамыз – азаттықтың айшықты көрінісі. Ал, Әнұранымыз – еркіндік пен елдіктің үні. Тәуелсіздіктің осы үш символы халқымызға ерекше рух береді. Әрқайсымыздың кеудемізге мақтаныш ұялатады. Өйткені, бұл – бабаларымыздың орындалған арманы», – деді Мемлекет басшысы Қасым-Жомарт Тоқаев.
</blockquote>

Мемлекет басшысы қазақстандықтарды  рәміздер күнімен құттықтады

Kyzylorda-news.kz. Қызылорда қаласында екі күннен бері хабарсыз кеткен 14 және 16 жастағы жасөспірім қыздар Алматыдан табылды, деп хабарлайды ҚазАқпарат.
<blockquote>
 «Полиция қызметкерлері мен туыстары іздестіру жұмыстарын жүргізді. Нәтижесінде, олар Алматы қаласынан табылды. Қызылорда қалалық Полиция басқармасының қызметкерлері жасөспірімдерді Қызылордаға жеткізіп ата-анасына табыстау үшін Алматы қаласына іссапарға жіберілді», – деп мәлім етті Қызылорда қалалық Полиция басқармасының баспасөз қызметінен.
</blockquote>

Қызылордада жоғалған жасөспірім қыздар Алматыдан табылды

Kyzylorda-news.kz. Жексенбі – 5 маусым күні Қазақстан азаматтары Ата заңымызға енгізілетін өзгертулер мен толықтыруларға қатысты тағдыршешті шешім қабылдайды. Ал дәл қазірден, сағат 00-00-ден бастап республикалық референдумға қатысты үгіт жұмыстарын жүргізуге тыйым салынады. Яғни, тыныштық күні басталды, деп хабарлайды ҚазАқпарат.
«Республикалық референдум туралы» Конституциялық Заңның 7-бабы 4-тармағына сәйкес референдум қарсаңындағы күн мен референдум өтетін күні кез келген үгіт жүргізуге тыйым салынады. Демек, 4 және 5 маусымда бұқаралық ақпарат құралдарында, оның ішінде интернетте референдум бойынша үгіт жүргізуге болмайды.
Ақпарат және қоғамдық даму министрлігінің түсіндіруінше, «үгіт» ұғымының мәнін және мазмұнын негізге ала отырып, референдумға шығарылған сұраққа сайлаушыларды «келісемін» немесе «қарсымын» деп дауыс беруге түрткі болатын материалдар үгіт материалдары ретінде қарастырылады.
Бұл ретте, аталған бұзушылыққа жол берген жеке тұлғалар да, заңды тұлғалар да, оның ішінде әлеуметтік желілерді пайдаланушылар да әкімшілік жауапкершілікке тартылуы мүмкін. Интернет-ресурстарда бұрын жарияланған үгіт материалдар бастапқы орындарында сақталуына жол беріледі, оларды сайттың басты бетінде шығаруға тыйым салынады.
Сондай-ақ, референдумды өткізу күні, шарттары, дауыс беру тәртібі, оның ішінде жарнамалық баннерлер, референдумға дейінгі күндерді кері санау және басқа да туралы түсіндірме сипаттағы бұрын жарияланған ақпараттық материалдар интернет-ресурстар мен телеарналарда олардың бастапқы орындарында сақталуына жол беріледі.
ҚР Бас прокурорының орынбасары Болат Дембаев айтуынша, үгітке тыйым салынған кезеңде бұл іс-шаралар жүргізілген жағдайда ҚР Әкімшілік құқық бұзушылық туралы кодексінің (ӘҚБтК) 102-бабы бойынша жауапкершілік ескерілген.
<blockquote>
 «Екі немесе одан да көп рет немесе басқа біреу үшін дауыс беру, сондай-ақ учаскелік референдум комиссиясы мүшесінің азаматтарға өзге адамдар үшін дауыс беруге мүмкіндік жасау мақсатында бюллетеньдерді беру әрекеті ӘҚБтК-нің 108 және 110-баптары бойынша жауаптылыққа әкеп соғатынына да назар аударамыз», – дейді Бас прокурордың орынбасары.
</blockquote>

Бүгін &#8211; референдум алдындағы тыныштық күні

Kyzylorda-news.kz. Облыс әкімі Нұрлыбек Нәлібаев отандық автокөлік және арнайы техникалар өндірісімен айналысатын «АгромашХолдинг KZ» акционерлік қоғамы және «Сарыарқа Авто Пром» мен «QazTehna» серіктестігінің өкілдерімен кездесті.
Жиында презентация арқылы қоғамдық көлік, медицина, полиция, ауылшаруашылық салаларына қажетті арнайы техникалар таныстырылды.
Өз кезегінде облыс әкімі қала аумағында қатынайтын қоғамдық көліктердің санын көбейту, арнайы техникаларды алу жұмыстарын жүргізуде алдын ала талдау жұмыстарын жүргізіп, нақты қажеттілікті ескеру керектігін алға тартты.
Талқылау соңында аймақ басшысы өңірдің тұрмыс-тіршілігіне қажетті техникаларды жаңартудың маңыздылығына тоқталып, жауапты сала басшыларына техниканы алу жолдарын заң аясында қарап, нақты ұсыныс беруді тапсырды.
<img src="https://kyzylorda-news.kz/wp-content/uploads/2022/06/fb_img_1654275339681.jpg" alt="" />

Облыс әкімі отандық автокөлік және арнайы техника өндіретін кәсіпорын өкілдерімен кездесті

Синоптиктер 4 маусымға Қазақстанның ауа райы болжамын ұсынды. Нөсер жаңбыр, найзағай, жел, бұршақ күтіледі.
Солтүстік антициклонының жотасы еліміздің батысында жауын-шашынсыз ауа райын сақтайтын болады. Қазақстанның қалған территориясында атмосфералық фронталды бөліктердің әсерінен жаңбыр, солтүстік пен оңтүстік-шығыста қатты жаңбыр, найзағай, бұршақ, дауыл, желдің күшейюі, оңтүстікте шаңды дауыл күтіледі.
Қызылорда облысының орталығында 15-20 м/с жел күшеіп,&nbsp;төтенше өрт қауіпі сақталады.

Сенбіге арналған ауа райы болжамы

Kyzylorda-news.kz. Облыс әкімі Нұрлыбек Нәлібаев «ҚазМұнайГаз» ұлттық компаниясы басқарма төрағасының барлау және өндіру жөніндегі орынбасары Құрманғазы Есқазиевпен кездесіп, өңір үшін ортақ мәселелерді талқылады. Оның ішінде, келісім-шарт міндеттемелерін орындау, әсіресе бизнестің әлеуметтік жауапкершілігі аясында Қызылорда облысында әлеуметтік нысандарды салу мәселесі сөз болды.
Басқосуда аймақ басшысы Талдықорған, Петропавл, Көкшетау қаласындағы секілді заманауи оқушылар сарайын салу және құрылыс жұмыстарын биылдан қалдырмауды тапсырды. Сондай-ақ, кездесу барысында «ҚазГерМұнай» еншілес компаниясы жұмысшыларының жалақысын кезең-кезеңімен көтеру мәселесі қаралды.
Облыс әкімі аймақ экономикасының негізі саналатын мұнайды өндіру, экспорт көлемін арттыруда салалық министрліктен қолдау білдіру туралы нақты ұсыныстарды жеткізгенін тілге тиек етіп, бұрғылау тереңдігін ұлғайту сынды өндірістік мәселелерді назарда ұстау керектігін қаперге салды.
<img src="https://kyzylorda-news.kz/wp-content/uploads/2022/06/fb_img_1654261107531-1.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654261104024.jpg" alt="" />

Мұнай компаниясы Қызылордада заманауи оқушылар сарайын салады

Kyzylorda-news.kz. Биыл ҚР Мемлекеттік рәміздерінің қабылданғанына 30 жыл. Атаулы датаға орай аймақта жыл көлемінде 300-ге жуық әртүрлі форматтағы іс шаралар ұйымдастырылды. Сондай-ақ, барлық аудандарда Мемлекеттік рәміздер күні кең көлемде өткізілмек.
Бүгін Өңірлік коммуникациялар қызметінде өткен баспасөз конференциясында Қызылорда облысы әкімі аппаратының басшысы Шахмардан Байманов БАҚ өкілдеріне облыста өткізілетін негізгі шаралар тізбесін баяндады.
<blockquote>
 Облыста ҚР Мемлекеттік рәміздер күнін тиісті ұйымдастыру жұмыстары мамыр айынан бастау алған болатын. Атап айтқанда, елді мекендерде, мемлекеттік мекемелер мен кәсіпорындарда, ірі сауда орталықтарында тақырыптық безендіру жұмыстары жүргізілді. Ал 2-ші маусымнан бастап әрбір сала бойынша елге танымал, беделді тұлғалардың қатысуымен «Менің туым – менің мақтанышым!» республикалық интернет кампаниясы ұйымдастырылды. Сонымен қатар, барлық елді мекендердегі Рәміздер аллеялары мен алаңдарында тұрғындар мен еріктілердің қатысуымен сенбіліктер өтті. Бүгінгі күні облыс көлемінде әртүрлі форматтағы 45 шара ұйымдастырылды. Ал 3-4 маусым күндері 100-ден астам іс шара өткізіледі деп жоспарлануда. Байқоңыр қаласында жалпыхалықтық «Менің Туым- Менің Отаным» атты патриоттық шеру болды. Патриоттық шара барысы «Қазғарыш» сапары ғимаратынан басталып, «Арбат» аллеясына дейін жалғасты. Жалпы аудандар бойынша білім беру ұйымдарында ғылыми-практикалық конференциялар ұйымдастырылып, балаларға арналған жазғы лагерьлерде Елтаңба авторы, жерлесіміз Жандарбек Мәлібековтың еңбектерін кеңінен насихаттауға бағыттылған шараларды өткізуді жоспарлаудамыз. Ерекше тоқтала кетейін, еліміздің Елтаңба авторларының бірі жерлесіміз, танымал сәулетші Жандарбек Мәлібеков биыл мерейлі 80 жасқа толды. Ендігі кезекте облыс орталығында 4 маусым күні өтетін шаралар тізбесін баяндасам, «Рәміздер алаңында» аймақ басшысының қатысуымен мерекелік шара өтеді. Шара аясында 20-дан астам жеңіл көліктер, 10 мото, 200-ден астам вело шабандоздардың қатысуымен «АВТО, МОТО, ВЕЛОШЕРУ» ұйымдастырылады. Осы күні республика көлемінде ҚР Мемлекеттік Гимнін орындау патриоттық акциясы өтеді. Бұл акция аясында бір мезгілде барлық ұжымдарда, кәсіпорындарда, ірі сауда орталықтарында Мемлекеттік Гимн орындалады. Сондай-ақ, «Туымыз төрімізде» республикалық акциясы шеңберінде қаланың орталық көшелері мен мөлтек аудандарда арнайы шара өткізу жоспарлануда. Осы ретте барлық облыс тұрғындарын осы патриоттық акцияға белсенді қатысуға шақырамын! Көк туымызды төрімізге шығарып, мәртебесін арттыру баршамызға ортақ парыз, – деді Қызылорда облысы әкімі аппаратының басшысы Шахмардан Байманов.
</blockquote>
Айта кетейік, Рәміздер күніне арналған шаралар легі бұқаралық ақпарат құралдары мен әлеуметтік желілерде ақпараттандырылатын болады.
<img src="https://kyzylorda-news.kz/wp-content/uploads/2022/06/fb_img_1654275562812.jpg" alt="" />

Қызылордада Мемлекеттік рәміздер күні кең көлемде өткізіледі

<a href="https://kyzylorda-news.kz/">Kyzylorda-news.kz.</a> Бүгін түнде елде референдумды насихаттауға тыйым салынады. Бас прокуратура өкілдері «тыныштық» күні үгіт-насихат жүргізуге болмайтынын ескертіп отыр, деп хабарлайды <a href="https://24.kz/kz/zha-aly-tar/sayasat/item/547619-prokuror-referendumdy-nasikhattau-a-bolmajdy">«Хабар 24»</a>.
Егер осы талапты бұзғандар анықталса, әкімшілік жауапкершілікке тартылады деді. Прокурорлар әлеуметтік желілерді жіті тексереміз деп кесіп айтты.
<blockquote>
 «Бүгін түнде референдум алдындағы үгіт-насихат жүргізу жұмыстары аяқталады. Ертең, сосын 5 маусым күні қандай да бір дәріптеу жұмыстарын жүргізуге болмайды. Жұрттан сауалнама жинауға да рұқсат етілмейді. Ондай жайттар тіркелсе, әлгі адамдар әкімшілік кодекстің 102-бабы бойынша жауапқа тартылады», – дейді ҚР Бас прокурорының орынбасары Болат Дембаев.
</blockquote>
Сайлау учаскелерінің барлығы тас-түйін дайын. Орталық сайлау комиссиясының төрағасы журналистерге арналған брифингте осылай деді. Отандастарымыз өздері бекітілген орынға барып дауыс беру керек. Егер жоспарлары өзгеріп жатса, ертең кешкі 6-ға дейін есептен шығару куәлігін алып, кез келген учаскеге барып тіркеле алады.

Прокурор: Бүгін түнде елде референдумды насихаттауға тыйым салынады

<a href="https://kyzylorda-news.kz/">Kyzylorda-news.kz.</a>&nbsp;Республикамыздың атмосфералық фронталды бөліктердің өтуімен 4-6 маусым күндері республиканың барлық аумағында ауа райы құбылмалы болады, деп хабарлайды Қазгидромет.
Синоптиктердің мәліметінше, 5 маусымда жаңбыр болжанады, республиканың шығысы мен орталығында найзағай ойнап, жел күшейеді, бұршақ жаууы мүмкін.
Дегенмен, термометр бағанында ерекше өзгерістер күтілмейді: батыста 22-33 градус жылы, оңтүстік-батыста 29-37 градус жылы болса, солтүстік-батыста 15-25-тен 20-33-ке дейін жылы болады.&nbsp;
Елдің солтүстігінде, шығысында және орталығында күндіз термометрлер 15-26 градусқа дейін көтеріледі. Ал республиканың оңтүстігінде 27-37 градус жылы. Қазақстанның оңтүстік-шығысында 22-32 градус жылы болады.

Алдағы демалыс күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін партия жанындағы республикалық штабтың мүшелері, ҚР Парламенті Мәжілісінің депутатты Бақытек Смағұл мен Геннадий Шиповских Талсуат ауылындағы мүгедектерді оңалту орталығының ұжымымен кездесу өткізді.
Республика бойынша өткізілетін референдум төңірегіндегі маңызды сұрақтарға жан-жақты жауап берген депутаттар қоғамдық ой-пікірді талқылап-таразылады.
<blockquote>
 «Конституцияға енгізілгелі отырған өзгерістерде мемлекеттің басты капиталы – халқы және елдің, жердің иесі де сол халқы екенін айқындайтын басымдықтар бар. Өзгеріс өзімізге керек. Конституциямызға енгізілетін өзгерістерді бекіту үшін өтетін референдумның мәні мен маңызы осында. Елдегі реформаларға құқықтық негіз болатын өзгерістер халық талқысына салынып отыр. Ендеше, оны қолдап, дауыс беру – елге жүктелген жауапкершілік. Тәуелсіз Қазақстанның ең басты құжаты – Конституциясы. Ал ондағы жазылған әрбір сөз, әрбір тыныс белгісі маңызды рөл атқаратынын жастар түсінуі керек. Қазірден елдегі орын алып жатқан өзгерістерді дұрыс саралап, ой түйіп, немқұрайлылық танытпау қажет», – деді ҚР Парламенті Мәжілісінің депутаты Бақытбек Смағұл.
</blockquote>
Жалпы Жолдау аясында Қазақстанның жалпы жүйелік трансформациясына ықпал ететін және мемлекеттің ұзақ мерзімді дамуының жаңа парадигмасын айқындайтын саяси реформалардың 10 басым бағыты белгіленгені белгілі. Конституцияға енгізілетін өзгерістер сол бағыттарды жүзеге асырудың заңдық негізі болады. Өйткені реформа саяси, құқықтық, партиялық жүйені, мемлекеттік билік бөлінісінің принципін өзгертеді. «AMANAT» партиясы фракциясының мүшесі оңалту орталығының еңбек ұжымына алдағы өзгерістерден нақты не күтуге болатынын түсіндіріп, мемлекет үшін маңызды сәттен қалыс қалмауға шақырды.
Жиын барысында орталық қызметкерлері референдумға қатысты мәліметтерді мұқият тыңдап, 5 маусым күні дауыс беруге бірауыздан баратындарын айтты.
<img src="https://kyzylorda-news.kz/wp-content/uploads/2022/06/8a6c9955-3218-409d-87e5-fe1eec1a5524.jpg" alt="" />

Оңалту орталығының ұжымы оң өзгерістер күтеді

<a href="https://kyzylorda-news.kz/">Kyzylorda-news.kz.</a> 4 маусым – Қазақстан Республикасының мемлекеттік рәміздері күніне орай Байқоңыр қаласының тұрғындары, жастары, түрлі сала өкілдері 3 маусым күні бір мезгілде ҚР Мемлекеттік Гимнін орындады.
Шара барысында Байқоныр тұрғындарының рухы көтеріліп, егемендігімізді айқындайтын мемлекеттік рәміздерге құрметі шексіз екендігін жеткізді.
Байқоңыр жастарымен қатар түрлі сала өкілдері белсене қатысып, шараның жоғары деңгейде өтуіне септігін тигізді. Атап айтсақ: мемлекеттік қызметкерлер, құқық қорқау органдарының қызметкерлері, ардагерлер, денсаулық саласының мамандары, қаржы саласының мамандары, жұмыспен қамту орталығы, ішкі істер министрлігінің өкілдері, «Amanat» партиясы және шекара қызметкерлері болды. Жалпы жиынға жиналғандар 200 адамды құрап, шеру соңында жастардың қатысуымен ҚР рәміздерінің 30 жылдығы бейнеленген санымен қорытындыланды.
Еліміздің көк байрағы бейбіт аспан астында желбіреп, халқымыздың рухы, болашаққа деген арманы асқақтап, әлемге таныла берсін.
<img src="https://kyzylorda-news.kz/wp-content/uploads/2022/06/2179ad02-23fa-47a5-ace6-67d0e794ba29.jpg" alt="" />
<img src="https://kyzylorda-news.kz/wp-content/uploads/2022/06/b3609bbd-5d18-4bc8-8531-206417545fda.jpg" alt="" />

Байқоңырда 200-ден аса адам ҚР Мемлекеттік Гимнін шырқады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде ҚР Мемлекеттік рәміздерінің 30 жылдығына арналған «Мемлекеттік рәміздер – Тәуелсіздіктің символы» атты ғылыми-тәжірибелік конференция өтті.
Кездесуді Қызылорда облыстық қоғамдық даму басқармасының басшысы Мира Қазбекова ашып, тәуелсіздігіміздің тұмарына айналған мемлекеттік рәміздер күнімен құттықтады. Ал Қорқыт ата атындағы Қызылорда университетінің Әлеуметтік және тәрбие жұмыстары жөніндегі проректоры Жандос Базартай мемлекеттік рәміздерді ерекше қадірлеу қажеттігін айтып, оны кейінгі ұрпаққа насихаттаудың маңыздылығына тоқталды.
Шараға университеттің профессор-оқытушылары мен білім алушылары, зиялы қауым өкілдері қатысты. Конференция барысында қатысушылар ой-пікірлерін білдіріп, сауалдарға жауап берді.
<blockquote>
 «Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырамас нышандарының бірі. Биыл еліміз өркениетті елдер шоғырында еңсесін биіктетіп, көк байрағын асқақ желбіреткен Қазақстан Республикасының рәміздеріне 30 жыл толып отыр. Еліміз тұғыры биік Туымен, айбынды Елтаңбасымен, асқақ Гимнімен әлемге танылды. Желбіреген көк Ту халық арманын асқақтатып, еліміздің рухын биікке көтереді. Елтаңба – берік шаңырақ және халық татулығын дәлелдесе, ата-бабамыздың ғасырлық арманын «Менің Қазақстаным» әні жеткізеді. Бұлар – Қазақстанның жаңа тарихының қастерлі беттері», – деді «Тарих» кафедрасының аға оқытушысы, тарих ғылымдарының магистрі Аманкүл Әзірбекова.
</blockquote>
Сонымен қатар, Қорқыт ата атындағы Қызылорда университетінің «Философия және әлеуметтік-гуманитарлық пәндер» кафедрасының профессоры, философия ғылымдарының докторы Баймырза Қожамберлиев, «Құқықтану» кафедрасының аға оқытушысы, заң ғылымдарының кандидаты Ақзада Мадалиева, «Философия және әлеуметтік-гуманитарлық пәндер» кафедрасының аға оқытушысы, философия ғылымдарының кандидаты Болат Апенов, «Сәулет және құрылыс өндірісі» кафедрасының аға оқытушысы, техника ғылымдарының кандидаты Нұрлыбек Келмағамбетов, «Тарих» кафедрасының аға оқытушысы, педагогика ғылымдарының магистрі Бақытжан Ахметбек баяндама жасады.
<img src="https://kyzylorda-news.kz/wp-content/uploads/2022/06/imgl2432-scaled.jpg" alt="" />

Қазақстан және Қызылорда облысының жаңалықтары

Мемлекет басшысы қазақстандықтарды рәміздер күнімен құттықтады

Қызылордада жоғалған жасөспірім қыздар Алматыдан табылды

Бүгін – референдум алдындағы тыныштық күні

Облыс әкімі отандық автокөлік және арнайы техника өндіретін кәсіпорын өкілдерімен кездесті

Сенбіге арналған ауа райы болжамы

Мұнай компаниясы Қызылордада заманауи оқушылар сарайын салады

Қызылордада Мемлекеттік рәміздер күні кең көлемде өткізіледі

Прокурор: Бүгін түнде елде референдумды насихаттауға тыйым салынады

Алдағы демалыс күндерге арналған ауа райы болжамы

Оңалту орталығының ұжымы оң өзгерістер күтеді

Байқоңырда 200-ден аса адам ҚР Мемлекеттік Гимнін шырқады

Университетте рәміздер күніне арналған ғылыми-тәжірибелік конференция өтті

Қазақстан және Қызылорда облысының жаңалықтары

Мемлекет басшысы қазақстандықтарды рәміздер күнімен құттықтады

Қызылордада жоғалған жасөспірім қыздар Алматыдан табылды

Бүгін &#8211; референдум алдындағы тыныштық күні

Облыс әкімі отандық автокөлік және арнайы техника өндіретін кәсіпорын өкілдерімен кездесті

Сенбіге арналған ауа райы болжамы

Мұнай компаниясы Қызылордада заманауи оқушылар сарайын салады

Қызылордада Мемлекеттік рәміздер күні кең көлемде өткізіледі

Прокурор: Бүгін түнде елде референдумды насихаттауға тыйым салынады

Алдағы демалыс күндерге арналған ауа райы болжамы

Оңалту орталығының ұжымы оң өзгерістер күтеді

Байқоңырда 200-ден аса адам ҚР Мемлекеттік Гимнін шырқады

Университетте рәміздер күніне арналған ғылыми-тәжірибелік конференция өтті

Бүгін – референдум алдындағы тыныштық күні