<a href="https://kyzylorda-news.kz/">Kyzylorda-news.kz.</a> Қызылорда облысы ЗК-169/1 тергеу изоляторының тылмен қамтамасыз ету бөлімінің жұмысы қашанда қарбалас. Өйткені бұл бөлім мекеменің тіршілік көзі. Мекеме қамауындағыларды жылумен, тамақпен, күнделікті тұрмысқа қажетті заттармен, дәрі-дәрмекпен қамтамасыз ету мұндағы қызметкерлердің басты міндеті.
&nbsp;Бөлім бастығы Қанат Сейіловтің айтуы бойынша, тыл бөлім &nbsp;ҚР Үкіметінің&nbsp; 2014 ж 28 қарашадағы № 1255 қаулысын басшылыққа ала отырып, сотталғандар мен тергеудегілерді арнайы тамақтану, киіну, жеке-гигеналық заттарды үлестіру, төсек-орын жабдығымен қамтамасыз ету нормалары бойынша&nbsp; жұмыс жасайды. Мұнда тұтқындар тұтастай камералық жүйемен ұсталады. Камераларға теледидар орнатылған. &nbsp;Онда барлық &nbsp;санитарлық-гигиеналық талаптар сақталады. &nbsp;Камералар жылу жүйесімен жабдықталған, &nbsp;және түнгі уақыттарда электр жарығы берілген.
<blockquote>
 »Біздің мекемеде тұтқындағылардың тұрмыстық жағдайлары күн тәртібінен түспейтін мәселе. Өйткені мұнда, келіп түскендердің әрқайсысына бірінші кезектегі қажетті материалдық- тұрмыстық жеке төсек орын, матрас, жастық және жапқыш жеке керует беріліп, оның ақ жаймасы апта сайын ауыстырылып отырылады. Аптасына бір рет моншаға түеді. Шаш, сақал мұрттары алынып, сыртқы бейне көріністерін жинақылықта ұсталуына да жағдай жасалынған» – дейді &nbsp;комендант Қайрат Сыздықов.
</blockquote>
Мекеме&nbsp; «тұрғындарын» азық-түлікпен қамтамасыз ету&nbsp; деңгейі &nbsp;де, өте жоғары. Мүгедектер мен белгілі бір сырқаты &nbsp;бар адамдарға&nbsp; арнайы норма бойынша ас-су дайындалады. Короновирустық инфекциянының алдын алу мен суық&nbsp; маусымдық кезеңдерге өту кезінде &nbsp;иммунитетті көтеру мақсатында, құрамында дәрумені мол тағамдар жиірек берілді.
<blockquote>
 «Маған &nbsp;ҚР ҚК- нің&nbsp; 272 – бабы бойынша айып тағылған. Ісім тергеуде. Жұмыссыз болғандықтан әржерден тапқан табысыма артық таңсық тағамдарды сатып&nbsp; алуға қаражатым жете бермейтін. Ал, бұл мекемеде ас&nbsp; әртүрлі мәзірмен дайындалады. &nbsp;Ыстық тағамдарға сиыр, тауық еттері үздіксіз қосылып жасалады. Бұдан бөлек, балық пен сүт өнімдері, &nbsp;жұмыртқа, кофе мен компот, сок және жеміс-жидектер соның ішінде&nbsp;&nbsp; лимон мен алма күнделікті беріліп тұрады» –&nbsp; деді жазасын өтеуші.
</blockquote>
<img src="https://kyzylorda-news.kz/wp-content/uploads/2022/02/readmsg.jpg" alt="" />
<img src="https://kyzylorda-news.kz/wp-content/uploads/2022/02/img_20220223_154244.jpg" alt="" />

Қызылордада қамауда жатқандардың материялдық-тұрмыстық жағдайы қандай?

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Ғанибек Қазантаев қалаға арнайы келген түркиялық «DEMS constraction» және «Tremesheli Holding» компанияларының басшыларын қабылдады. Кездесуде қос инвестор облыс орталығынан 9 және 14 қабатты тұрғын үй кешенін салуға ниетті екендіктерін жеткізді, деп хабарлайды қала әкімдігі.
Құрылысы қарқынды, зәулім ғимараттар бой түзеген Қызылорда қаласы үшін бұл ерекше ұсыныс. 20 жылға жуық шет мемлекеттерге инвестиция құйып, ғимараттар тұрғызған қос компанияның тәжірибелері мол, нарықта беделі жоғары. Сондықтан олар еліміздің алғашқы астанасы атанған Қызылорданың төрінен соңғы үлгідегі көпқабатты үй салуды мақсат етіп отыр.
Жоспар бойынша мың пәтерлік көпқабатты үй салынады. Кешенді құрылысқа емхана, мектеп, балабақша, спорттық алаңдар кіреді. Аталған инвесторлар жобалау жасаса, облысымызға танымал «ДорСтрой» ЖШС құрылыс жұмыстарын жүргізеді. Нысан түсетін орын да белгіленіп тұр.
Ғанибек Қонысбекұлы инвесторларға қала әкімдігі тарапынан барынша қолдау білдіріліп, инфрақұрылым жүргізу жұмыстарын жеделдететіндігін жеткізді. Сонымен қатар, оларға сырттан ешбір маман әкелмей, кәсіптік оқуын тәмамдаған қызылордалық жас мамандарды қайта даярлап, жұмысқа қабылдаулары қажеттігі басты талап екендігін айтты. Осылайша қос тарап ортақ мәмілеге келіп, сәуір айында нақты эскиздік жобаны талқылауға уағдаласты.
<img src="https://kyzylorda-news.kz/wp-content/uploads/2022/02/274672622_3032112670388804_9029372076491941350_n.jpg" alt="" />

Инвесторлар Қызылордада көпқабатты тұрғын үй салуға ниетті

<a href="https://kyzylorda-news.kz/">Kyzylorda-news.kz.</a> Қызылорда облысында қону кезінде Ан-2 ұшағында өрт шықты, деп хабарлады азаматтық авиация комитеті.
Оқиға 23 ақпанда сағат 12:30-да Арал елдімекенінен он шақырым жерде болған.
Жеңіл моторлы ұшақ “Қызылорда – Арал” бағыты бойынша санитарлық рейстерді жүзеге асырған.
“Бортта экипаждың екі мүшесі мен бір жолаушы болды. Қаза болғандар мен зардап шеккендер жоқ”, – делінген хабарламада.
<a href="https://sputnik.kz/20220223/qyzylorda-oblysy-ushaq-ort-23026665.html#"></a>Индустрия және инфрақұрылымдық даму министрлігінің авиациялық апаттарды тергеу департаменті оқиғаның себебін зерттейтін болады.
Ұшақ “Тараз Жаңа Әлем” жеке әуе компаниясына тиесілі.

Қызылорда облысында ұшақ өртенді

<a href="https://kyzylorda-news.kz/">Kyzylorda-news.kz.</a> Ішкі істер министрлігі ведомство басшысы Ерлан Тұрғымбаевтың отставкаға кеткені туралы ақпаратты жоққа шығарды, деп хабарлады Polisia.kz.
<blockquote>
 “Ішкі істер министрі Ерлан Тұрғымбаевтың отставкаға кеткені туралы ақпарат шындыққа жанаспайды. Ведомство басшысы штаттық режимде жұмыс істеп жатыр”, – делінген хабарламада.
</blockquote>
Айта кетейік, бүгін әлеуметтік желіде ішкі істер министрі Ерлан Тұрғымбаевтың отставкаға кеткені туралы ақпарат тараған болатын.

Ерлан Тұрғымбаевтың отставкаға кеткені туралы ақпарат жалған

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова «BalaJan» ҚҚ Қамқоршылық кеңесінің төрағасы Ольга Шишигина, белгілі дәрігер, акушер-гинеколог Зәуреш Аманжолова мен «BalaJan» медицина қызметкерлері одағы» қоғамдық қорының Президенті және құрылтайшысы Эльнар Құрманғалиевамен кездесті.
Басқосу барысында облыс бойынша ана мен бала денсаулығын қорғау бағытында қолға алынған жұмыстар талқыланды. Аймақ басшысы ана мен бала мәселесіне ұдайы мән беру басты назарда екенін алға тартып, бірлескен жұмыстардың маңыздылығына тоқталды.
Айту керек, өңірде Дүниежүзілік денсаулық ұйымы ұсынған «Емізу практикасын қорғау, қолдау және ынталандыру» бағдарламасы қабылданды. Осы бағдарлама бойынша Қызылорда облысының медициналық ұйымдары республикалық деңгейде сертификациядан, ресертификациядан өтіп, халықаралық деңгейінде «Вавy–friendly hospitals. Балаға мейірімді қарым-қатынас ауруханасы» атағына ие болды.
Сондай-ақ, облыс бойынша 5 емдеу, алдын-алу ұйымы «Алтын тақта» номинациясымен марапатталды. Олар – облыстық Ана мен бала орталығы, көпбейінді облыстық балалар ауруханасы, Арал және Қазалы ауданаралық ауруханалары мен №3 қалалық емхана.
<img src="https://kyzylorda-news.kz/wp-content/uploads/2022/02/akim.jpg" alt="" />

Қызылорданың ана мен бала ұйымдары халықаралық «Балаға мейірімді аурухана» атағын алды

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалының төрағасы, облыс әкімі Гүлшара Әбдіқалықованың төрағалығымен облыстық партия филиалы саяси кеңесінің кезектен – тыс отырысы өтті. Кеңес мүшелері жиынға онлайн және офлайн форматта қатысты.
Өздеріңізге белгілі Ел Президенті, «Nur Otan» партиясының Төрағасы Қасым-Жомарт Тоқаев партия жұмысын жаңғырту бағытында үлкен міндеттер жүкетеген болатын. Осыған орай партия Төрағасымен 1 наурызда кезектен тыс XXII съезін шақыру туралы шешім қабылданды және онда партия жұмысын жаңғыртудың негізгі бағыттары айқындалмақ.
Жиында осы саяси шараға облыс атынан қатысатын делегаттарды сайлау туралы мәселе қаралды.
Филиал төрағасы Гүлшара Әбдіқалықова алдағы съезге облыстан делегаттарды сайлау өткен ХХІ съездегі секілді партия Жарғысына сәйкес, бастауыш партия ұйымдары жиналыстары мен аумақтық, облыстық филиалдар конференцияларында емес, бүгінгі Саяси кеңес отырысында сайланатындығын атап өтті.
Кеңес отырысында арнайы бөлінген квотаға сәйкес, партияның 1 наурызда өтетін кезектен-тыс XXII-ші съезіне Сыр өңірінен 18 азамат делегат болып сайланды. Съезд онлайн форматта өтетін болады.

«Nur Otan» партиясының съезіне  делегаттар сайланды

<a href="https://kyzylorda-news.kz/">Kyzylorda-news.kz.</a> Өңірімізге жұмыс сапарымен келген ҚР Парламент Мәжілісінің депутаты Балайым Кесебаева қаламыздағы «Атамекен» отбасылық үлгідегі балалар үйінің жағдайымен танысты.
Кездесу барысында халық қалаулысы Балайым Тұрғанбайқызы балалар ауылының тәрбиешілері мен балаларымен кездесіп, ұсыныстары мен пікірлерін тыңдады.
<blockquote>
 «Оқыту және тәрбиелеу үшін қажетті жағдайларды қамтамасыз ету арқылы білім беру бағдарламаларын игеруге жағдай жасау біздің басты міндетіміз. Осы орайда балаларымыз озық ойлы, білімді болсын деген ниетпен қазіргі таңда мемлекет тарапынан да, өңір тарапынан да барлық жағдай жасалып жатқанын байқап отырмын. Балалардың бос уақыттарын тиімді өткізу үшін түрлі үйірмелер де қарастырылған екен», – деді Балайым Тұрғанбайқызы.
</blockquote>
Айта кетейік, қазіргі таңда балалар тұратын 7 үйде 43 бала тәрбиеленуде. Отбасылық үлгідегі балалар үйінің тыныс-тіршілігімен танысқан фракция мүшесі ерекше ықыласын білдіріп, орталықтың жұмысына сәттілік тіледі.
<img src="https://kyzylorda-news.kz/wp-content/uploads/2022/02/274625606_1302273176942551_2808450726883543416_n.jpg" alt="" />

Халық қалаулысы балалар ауылының жай-күйімен танысты

&nbsp;<a href="https://kyzylorda-news.kz/">Kyzylorda-news.kz.</a> Қазгидромет 24-26 ақпан аралығындағы ауа райына болжам жасады.
Синоптиктер болжамына сәйкес, алдағы үш тәулікте ел аумағының оңтүстік жартысы әлі де ауқымды антициклон ықпалында болады. Соған байланысты жауын-шашын жаумайды.
Елдің солтүстік жартысында қар жауады, бұрқасын болып, 15-23 м/с дейін жел күшейеді.
Республика бойынша тұман, көктайғақ болады.Еліміздің солтүстігінде түнде 5-18 градус аяз, шығысында және орталығында 8-26 градус аяз, республиканың оңтүстігінде минус 5 градус, батысында 0-10 градус суық болады.

Синоптиктер алдағы үш күнге болжам жасады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы ҚАЖ департаментіне қарасты ЗК-169/1 тергеу изолияторында экстремизим және тероризм көзқарастары бойынша сотталған азаматтар қамауда отыр. Бұл азаматтарды дәстүрлі емес діни топтар өздерінің ықпалына түсріп, қазақ халқының аксиологиялық құндылықтарынан ажыратып, тарихы мен мәдениетінен, салт-дәстүрі мен әдеп-ғұрыптарынан және діні мен ділінен айыруға тырысты.
Мұндай дәстүрлі емес діни топтардың идеялогиясының шырмауына түскендердің, тарихи, мәдени және саяси тұрғыдан иммунитет қалыптастыру мақсатында, дін істері басқарамасының «Дін мәселелерін зерттеу орталығы» КММ бастығының орынбасары А.Боранбаев мекемеге келіп, жазасын өтеушілермен кездесу өткізді.
Ол адасқан жандарға, қазіргі таңда жастарымыздың басым көпшілігі «таза ислам» деген сөзге алданып,&nbsp; «жихад» деген ұғымды сылтау етіп, ел бірлігі мен діни тұтастыққа қауіп төндіретін айтып, саяси ойынның құрбаны болып кетпеу қажет екенін түсіндірді. Сонымен қатар, қазақ халқының ғасырлар бойына қалыптасқан діни-рухани көзқарасы мен мәдени мұраларын оқып үйреніп, алдағы уақытта дәстүрлі емес діни топтардың арбауына түспеуге шақырды. Дін істері басқарамасынан келген&nbsp; өкілімен әңгімелесу еркін форматта өткендіктен, жазасын өтеушілер&nbsp; өз ойларын ашық білдірді.
<blockquote>
 Алғаш діни сабақ ала бастағанымда, нағыз дін арабтарда, сол үшін тек қана арабтардан оқып білу керек.&nbsp; Шелпек тарату, құран бағыштауға болмайды, намаз оқымаған адам кәпір, оның затын тартып алуға болады деп үйретті. Ал, қазіргі&nbsp; Аралбек Жұбатқанұлымен өткізілген сұхбат арқылы, керісінше кешегі ата-бабамыз ұстанған тарихи сананың – бүгінгі саяси ұстанымның негізі екенін түсіндім – деді жазасын өтеуші.
</blockquote>

Жазасын өтеуші: Бұған дейін нағыз дін тек арабтарда деп ойладым

<a href="https://kyzylorda-news.kz/">Kyzylorda-news.kz.</a> Мәдениет және спорт министрлігінің ұйымдастыруымен 1 наурыз сағат 19.00-де Қазақстанның Халық әртісі Роза Бағланованың 100 жылдық мерейтойына арналған «ҚАЗАҚТЫҢ ҚАҺАРМАН ҚЫЗЫ» атты салтанатты концерт өтеді.
Концертте елімізге танымал Роза Рымбаева, Ренат Гайсин, Тамара Асар, Жұбаныш Жексен, Айгүл Қосанова және тағы да басқа шетелдік эстрада жұлдыздары өнер көрсетеді.
Өтетін орны «Qazaqstan» орталық концерт залы.
Билеттер Тикетон сайтында онлайн сатылады.

Роза Бағланованың 100 жылдық мерейтойына арналған салтанатты концерт өтеді

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Мәжілісінің депутаты Бақытбек Смағұл Қазалы ауданына іссапары кезінде «Жанқожа батыр» атындағы шекара бөлімшесіне барып, шекарашылардың тыныс-тіршілігімен танысты.
Елдің шетінде, желдің өтінде еліміздің тыныштығы мен қауіпсіздігін қалт жібермей күзетіп жатқан шекарашыларға алғысын айтып, қызметтеріне сәттілік тіледі.
Сондай-ақ, «Жанқожа батыр» атындағы шекара бөлімшесінің келісім шарт бойынша әскери қызметшісі Абзал Сисеновке Бауыржан Момышұлы атындағы «Батыр шапағаты» медалін табыстады.
Мұнан соң Жанқожа Нұрмұхаммедұлының мәңгілік тыныс тапқан мекеніне арнайы барып, халық батырына тағзым етіп, оның рухына бағыштап құран оқыды.
Қазақстан Республикасы Парламенті Мәжілісінің депутаты Бақытбек Смағұлдың Қазалы ауданына сапары кезінде аудан әкімінің орынбасары Дәурен Тілеумбетов, аудандық мәслихат депутаты Райымбек Бөлебаев, сондай-ақ, аудандық жастар ресурстық орталығының директоры Асылхан Дәрібаев пен аудандық «Жас сарбаз» ұйымының төрағасы Әлихан Есмағамбет бірге жүрді.
<img src="https://kyzylorda-news.kz/wp-content/uploads/2022/02/06.jpg" alt="" />
<img src="https://kyzylorda-news.kz/wp-content/uploads/2022/02/02-2.jpg" alt="" />

Парламент мәжілісінің депутаты шекарашылармен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің Шиелі аудандық полиция бөліміне 2 аудан тұрғыны арызданды.
Жәбірленушілердің айтуынша, белгісіз біреулер мал қораларынан 2 бас жылқы ұрлап кеткен. Оларға жалпы келтірілген шығын көлемі 1млн 300 теңгені құрады.
Жүргізілген жедел-іздестіру жұмыстарының нәтижесінде күдікті екі аудан тұрғыны анықталып, құрықталды. Қазіргі таңда олар уақытша ұстау абақтысына қамаққа алынды.
Аталған деректер бойынша Қазақстан Республикасы Қылмыстық кодексінің 188-1-бабының 3-бөлігінің 2-тармағына сәйкессотқа дейінгі тергеп-тексеру амалдары жүргізілуде.

Қазақстан және Қызылорда облысының жаңалықтары