<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы ҚР Үкіметі туралы қаулыға қол қойды, деп хабарлайды&nbsp;<a href="https://akorda.kz/kz/kazakstan-respublikasynyn-ukimeti-turaly-505149">Ақорданың</a>&nbsp;баспасөз қызметі.
Қазақстан Республикасының Үкіметі туралы
2022 жылғы 05 қаңтар Қазақстан Республикасы Конституциясының 70-бабына сәйкес ҚАУЛЫ ЕТЕМІН:
1. Қазақстан Республикасы Үкіметінің орнынан түсуі қабылдансын.
2. Қазақстан Республикасы Премьер-Министрі міндеттерін уақытша атқару Әлихан Асханұлы Смайыловқа жүктелсін.
3. Қазақстан Республикасы Үкіметінің мүшелері Үкіметтің жаңа құрамы бекітілгенге дейін өз міндеттерін атқаруды жалғастыра берсін.
4. Осы Жарлық қол қойылған күнінен бастап қолданысқа енгізіледі.
Қазақстан Республикасының Президенті Қ.Тоқаев
Нұр-Сұлтан, Ақорда, 2022 жылғы 5 қаңтар
№ 728

Президент Жарлығымен Үкімет таратылды

<a href="https://kyzylorda-news.kz/">Kyzylorda-news.kz.</a>&nbsp; Төтенше жағдайлар министрлігі ауа райының бұзылуына байланысты ел тұрғындарына ескерту жасады.
5 қаңтарда&nbsp;Атырау облысының&nbsp;солтүстігінде, шығысында және орталығында тұман, көктайғақ, жаяу бұрқасын болады.
Оңтүстік-батыстан жел соғады, облыстың солтүстік-батысында желдің күші – 15-20 м/с.
5 қаңтарда&nbsp;Маңғыстау облысының&nbsp;басым бөлігінде және Ақтау қаласында тұман, көктайғақ күтіледі. Солтүстік-батыстан жел соғады, күндіз облыстың батысында екпіні 15-20 м/с жетеді.
Ақтауда 5 қаңтар түнде тұман түсіп, көктайғақ болады. Солтүстік-батыстан жел соғады, күндіз қарқыны 15-18 м/с дейін күшейеді.
5 қаңтарда&nbsp;Павлодар облысында&nbsp;жолдарда көктайғақ, түнде облыстың оңтүстігінде тұман, көктайғақ күтіледі. Павлодарда 5 қаңтар жолдарда көктайғақ болады.
5 қаңтарда&nbsp;Батыс Қазақстан облысының&nbsp;солтүстігінде – тұман, көктайғақ, жаяу бұрқасын. Жел солтүстік-шығыстан соғады, түнде облыстың оңтүстігінде екпіні – 15-20 м/с.
Орал қаласында 5 қаңтар түнде жаяу бұрқасын, көктайғақ болады. Түнде және таңертең тұман.
5 қаңтар түнде және таңертең&nbsp;Түркістан облысының&nbsp;басым бөлігінде және облыс орталығында тұман түседі.
Осы күні&nbsp;Шымкент қаласында&nbsp;түнде және таңертең тұман түседі.
Күндіз 5 қаңтарда&nbsp;Шығыс Қазақстан облысының&nbsp;солтүстік-шығысында қалың қар жауады.
Облыстың батысында, солтүстігінде көктайғақ, жаяу бұрқасын болады. Оңтүстік-батыстан соққан желдің екпіні 15-20 м/с жетеді.
5 қаңтарда&nbsp;Қостанай облысының&nbsp;оңтүстігінде, батысында жаяу бұрқасын, тұман, көктайғақ күтіледі.
Оңтүстік-батыстан, оңтүстіктен жел соғады, жел жылдамдығы – күндіз облыстың оңтүстігінде, батысында 15-20 м/с.
5 қаңтарда&nbsp;Қарағанды облысының&nbsp;солтүстігінде, шығысында және Қарағанды қаласында жаяу бұрқасын соғады.
<blockquote>
 «Азаматтарды ауа райының өзгерістерін бақылауға шақырамыз. Дауылды ескерту туралы хабарламаларды тыңдап, қажетті сақтық шараларын сақтаңыздар. Қыс маусымында көлікпен алыс жолдарға шықпас бұрын ауа райы болжамын міндетті түрде зерделеген жөн. Егер қатты боран, бұрқасын болса, жол кептелісінде ұзақ тұрып қалуыңыз мүмкін. Тіпті жол-көлік оқиғасына да тап болуыңыз ықтимал. Егер қандай да бір елді мекенге шұғыл баруыңыз керек болса, діттеген жеріңізге кедергісіз жету үшін теміржол көлігін пайдалануға кеңес береміз. Төменде келтірілген қарапайым ұсынымдарды орындасаңыз, боран болған кезде және бораннан кейін аман қалуға көп септігін тигізеді» деп ескертеді министрлік.
</blockquote>

5 қаңтарға арналған ауа райы болжамы

Kyzylorda-news.kz. Маңғыстау облысында газ құны 50 теңгеге арзандайды.
Үкіметтік комиссия Ақтау қаласындағы Ынтымақ алаңына жиналған белсенділермен кездесті
Кездесуде Ақтау қаласының бастамашыл тобымен жүргізілген келіссөз барысында қабылданған шешімдер жарияланды. Атап айтқанда, «ҚазМұнайГаз» ҰК» АҚ әлеуметтік жауапкершілігі аясында Маңғыстау облысында сұйытылған газ құнын төмендету және литріне 50 теңге бағасын белгілеу туралы айтылды.
Сондай-ақ, алаңда болған адамдарды жауапкершілікке тартпау туралы кепілдік берілді.
Сондай-ақ, тараптар туындаған барлық мәселелерді сындарлы диалог аясында және қолданыстағы заңнама шеңберінде шешуге келісті.

Маңғыстауда газ бағасы 50 теңге болады

Kyzylorda-news.kz. 5 қаңтарда Мемлекет басшысы Қасым-Жомарт Тоқаев еліміздегі әлеуметтік-экономикалық жағдайға қатысты кеңес өткізеді. Бұл туралы Президенттің баспасөз хатшысы Берік Уәли Facebook-тегі парақшасында жазды.
<blockquote>
 «Ертең, 5 қаңтарда Мемлекет басшысы Қасым-Жомарт Тоқаев Үкімет мүшелерінің, Президент Әкімшілігі қызметкерлерінің және басқа да жауапты органдар өкілдерінің қатысумен еліміздегі әлеуметтік-экономикалық жағдайға қатысты кеңес өткізеді», делінген хабарламада.
</blockquote>

Қасым-Жомарт Тоқаев ертең еліміздегі әлеуметтік-экономикалық жағдайға қатысты кеңес өткізеді

<h4 id="kyzylordanewskzwwf20222020nbspstankzhttpsstankznbsp">Kyzylorda-news.kz. Дүниежүзілік жабайы табиғат қорының (WWF) климаттық бағдарламасының директоры Алексей Кокорин 2022 жыл бүкіл жер бетінде 2020 жылға қарағанда суық болады деп болжады, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.</h4>
Маманның айтуынша, бұл Тынық мұхитының оңтүстігінде суық судың бетіне көтерілуін тудыратын Ла-Нинья климаттық құбылысының дамуына байланысты болады. Бұл планетадағы орташа температураны төмендетуге әкеліп соғады.
Ғалым сондай-ақ температураның төмендеуі жаһандық жылынумен байланысты процестердің дамуына әсер етпейтінін атап өтті.
“Бұл тенденциялардың өзгеруін білдірмейді. Жай ғана табиғи процесс”, – деді&nbsp;ол.
<hr />
<hr />

2022 жылы жер бетінде суық болады: Ғалымдар болжам жасады

Kyzylorda-news.kz. Кеше, 3 қаңтарда, Qazaq Oil газ саудасына қатысты мәлімдеме жасады, деп хабарлады Sputnik Қазақстан.
Газға деген сұраныстың күрт артқанына қарамастан жанар-жағар май станциясы корпоративтік клиенттері алдында газды бекітілген бағамен талонмен және арнайы картамен сату бойынша міндеттемесін орындайды.
<blockquote>
 “Қор шектеулі болғандықтан жеке тұлғаларға газды бостауды белгілі бір меже орнатылуы мүмкін. Қорға қосымша газ жеткізілгеннен кейін бұл шаралар алынып тасталады. Газ қоры 10-12 қаңтар аралағында толықтырылады деп күтілген. Оның бағасы министрлік бекіткен литрі үшін 85-90 теңге шамасында болады”, – деп мәлімдеді компания.
</blockquote>
Компания мәліметінше, қаңтардың алғашқы күні өңірде газ тапшылығынан туындаған баға өсімі кезінде де Жаңаөзендегі Qazaq Oil жанар-жағар май желілерінде баға 65 теңге көлемінде болған. Ал басқа қалаларда 79 теңге шамасында болды және сату бойынша ешбір шектеу болған жоқ.

Маңғыстау облысындағы митинг: Qazaq Oil мәлімдеме жасады

Kyzylorda-news.kz. ҚР Парламент Мәжілісінің депутаттары Ақтау қаласының тұрғындарымен кездесті, деп хабарлайды ҚазАқпарат.
Мәжіліс депутаттары Самат Мұсабаев пен Еділ Жаңбыршин Ақтау тұрғындарымен кездесіп, сұйытылған газдың бағасына байланысты туындаған жағдайды талқылады.
<blockquote>
 «Бұл жерге сіздер үшін келіп тұрмыз. Сендердің жанайқайларыңды, мәселелеріңді, бәрін Үкіметке, Парламентке, әкімге, министрге жеткізуге міндеттіміз», – деді Самат Мұсабаев халықтың ортасына шығып.
</blockquote>
Оның айтуынша, сұйытылған мұнай газының бағасын Үкіметтік комиссия нақтылауы керек.
<blockquote>
 «Комиссия жұмысы әрі қарай жалғасады. Ашық отырыс болады, жабық отырыс болады. Соның бәріне қатысамыз, біз сіздермен әрдайым біргеміз. Бағаны түсіруге, әлі де түсе ме, 85 күйінде қала ма, сол тұрғыда жұмыс істейміз», – деді депутат.
</blockquote>

Халықпен біргеміз: Мәжіліс депутаттары ақтаулықтармен кездесті

Kyzylorda-news.kz. Қазақстандағы коронавирусқа қатысты 3 қаңтар 23:59-дағы эпидемиологиялық жағдай бойынша 413 адамның коронавируспен ауырғаны ПТР арқылы расталды.
Аймақтар бойынша: Нұр-Сұлтан қаласы – 75, Алматы қаласы – 65, Шымкент қаласы – 61, Ақмола облысы – 37, Ақтөбе облысы – 2, Алматы облысы – 10, Атырау облысы – 20, Шығыс Қазақстан облысы – 11, Жамбыл облысы – 3, Батыс Қазақстан облысы – 6, Қарағанды облысы – 38, Қостанай облысы – 8, Қызылорда облысы – 4, Маңғыстау облысы – 6, Павлодар облысы – 27, Солтүстік Қазақстан облысы – 27, Түркістан облысы – 13.
Жалпы ел бойынша ауырғандар саны 989 556.

Өткен тәулікте 4 қызылордалықтан коронавирус анықталды

Kyzylorda-news.kz. Қазгидромет 4 қаңтарға арналған ауа райы болжамын жариялады.
Қазақстан Республикасының басым бөлігінде солтүстік-батыс циклонының өтуіне байланысты Құбылмалы ауа райы сақталады, қар жауып, оңтүстік аймақтарда жауын-шашын, жаңбыр және қар түрінде болады.
Республиканың кей жерлерінде көктайғақ, тұман күтіледі.
Таңертең Қызыолорда облысының орталығында көктайғақ, солтүстігінде тұман күтіледі.

4 қаңтарға арналған ауа райы болжамы

Kyzylorda-news.kz. ҚР Премьер-Министрі Асқар Маминнің өкімімен Маңғыстау облысындағы әлеуметтік-экономикалық жағдайды қарастыру үшін Үкіметтік комиссия құрылды, деп хабарлайды primeminister.kz.
Мемлекет басшысының тапсырмасын орындау мақсатында Үкімет сұйытылған мұнай газының бағасын реттеу бойынша шаралар топтамасын іске асырады.
<blockquote>
 «Бәсекелестікті қорғау және дамыту агенттігі АЖҚС иелеріне қатысты бағалық сөз байласу бойынша тергеуді бастады. Қазіргі уақытта Маңғыстау облысының АЖҚС иелері бизнестің әлеуметтік жауапкершілігі аясында бастамашылық тәртіппен газ құнын литріне 120 теңгеден 85-90 теңгеге дейін төмендету туралы шешім қабылдады. Баға дәліздерін белгілеу арқылы бағаның ұзақ мерзімді тұрақтылығын қамтамасыз ету және газ бағасының алыпсатарлық көтерілуіне жол бермеудің жүйелі шаралары жүзеге асырылатын болады», делінген хабарламада.
</blockquote>
Үкімет, Маңғыстау облысының әкімдігі прокуратура органдарымен бірлесіп, қоғамдық тәртіпті бұзумен байланысты болған оқиғаны құқықтық бағалау бойынша шаралар қабылдайды.

Асқар Мамин: Президент тапсырмасы бойынша Үкімет Жаңаөзендегі жағдайға қатысты шаралар қабылдайды

Kyzylorda-news.kz. ҚР Президент Қасым-Жомарт Тоқаев Twitter-дегі парақшасында Жаңаөзендегі жағдайға қатысты жазба жариялады.
<blockquote>
 «Үкіметке Жаңаөзендегі жағдайды экономикалық тұрғыдан ескеріп, құқықтық жағынан тез арада қарастыруды тапсырдым. Шеруге шыққандар қоғамдық тәртіпті бұзбауы тиіс. Азаматтардың жергілікті және орталық билік органдарына талабын ашық айтуға құқығы бар, бірақ, бұл заңға, нақтырақ айтқанда, бейбіт шерулер туралы заңға сәйкес жүзеге асырылуы керек» делінген хабарламада.
</blockquote>
Айта кетейік, Жаңаөзен қаласының халқы газ бағасының көтерілуіне орай наразылық білдіруде.

Мемлекет басшысы Үкіметке Жаңаөзендегі жағдайды тез арада қарастыруды тапсырды

Kyzylorda-news.kz. Қазақстандық боксшы Қамшыбек Қоңқабаев (4-0, 3 КО) аса ауыр салмақта WBA Gold титулын жеңіп алып, Дүниежүзілік бокс қауымдастығының (WBA) рейтингінде төртінші сатыға көтерілді.
2021 жылдың желтоқсанында Қоңқабаев британдық Стивен Уордты (13-2, 4 КО) жеңіп, аса ауыр салмақтағы WBA Gold титулына ие болды.
Осыдан кейін қазақстандық WBA рейтингінде 9-шы орыннан 4-ші орынға көтерілді. Қазіргі уақытта рейтингтің үш көшбасшысы – Юниэл Дортикос (25-2, 23 КО), Алексей Егоров (11-0, 7 КО) және Баду Джек (25-3-3, 15 КО) бар.
Еске салайық, Қоңкабаев кәсіпқой рингте төрт жекпе-жек өткізіп, төрт рет жеңіске жетті.
<a href="https://massaget.kz/layfstayl/sport/67081/">Massaget.kz</a>

Қазақстан және Қызылорда облысының жаңалықтары