Kyzylorda-news.kz. Бүгін облыс әкімі Нұрлыбек Нәлібаев орталық стадионда өткен «Қайсар» мен «Жетісу» командаларының ойынына барып, жанкүйер болды. «Қайсар» «Жетісумен» тең түсіп, Премьер-лигаға шықты.Ойын аяқталғанан кейін белгілі футболшы, Сыр елінің мақтанышы Мақсат Байжановтың үлкен спортпен қоштасу рәсімі өтті. Шараға арнайы Қазақстан кәсіпқой футбол лигасының президенті Шох Рохус Рохусович, сала басшылары, Сыр спортының жанкүйерлері қатысты.Облыс әкімі Мақсат Байжановтың еңбек жолы жастарға үлгі екенін айтып, қайсарлықтарды Премьер-лигаға шығуымен құттықтады. Спорт жанашырлары үшін ақжолтай жаңалықты жеткізіп, жаңа стадион салу бастамасы қолға алынатынын айтты.<blockquote>«Ресейдің Краснодар қаласында былтырғы жылы бір жыл ішінде 10 мың орындық 12 миллион долларға жабық стадион салынған екен. Келесі жылы біз де сондай жаңа стадион құрылысын бастауға ниеттіміз. Бұл ұсынысты жерлестерім, ірі компаниялар мен кәсіпкерлер қолдайды деп сенемін.&nbsp; Бүгін Сыр спортының саңлағы, доп додасының дарабозы Мақсат Байжановтың үлкен спортпен қоштасу рәсіміне жиналып тұрмыз. Мақсаттың спорттық межесі өз мерейімен айшықтылады. Ол жеңісті де, жеңілісті де бастан кешірген, бірақ жеңісі үстем, көргені көп, түйгені мол тарланбоз жігіт. Байжановтың бабы ел біріншілігінде 500-ге жуық ойын өткізіп, 80-ге жуық гол соққан мергендігімен де көрінді. Сондай қысылтаяң шақта команда жауапкершілігін арқалаудың аманаты ауыр болады. Міне, Мақсаттың мықтылығы осынысымен озық тұр. Сол себепті жанкүйерлер оны құрметтейді, қаншама жас буын оған қарап бой түзеуге тырысады. Сыр спорты жасай берсін! Алға «Қайсар»! Алға Қазақстан!», - деді Н.Нәлібаев.</blockquote>Мақсат Байжанов кәсіби футболшы ретінде 2002 жылы «Қайсар» футбол клубынан бастап, Қазақстан Премьер-лигасының 7 клубында өнер көрсетті. Атап айтқанда, «Қайсар», «Ертіс», «Ақтөбе», «Локомотив», «Атырау», «Жетісу», «Шахтер» командаларында ойнады. Техникалық жағынан тәжірибелі ойыншы ретінде Қазақстан Ұлттық құрамасында 30 кездесу өткізді.Екі рет ел чемпионы, екі рет Қазақстан кубогының иегері болды. Чемпиондар &nbsp;және Еуропа лигасына қатысқан алғашқы қызылордалық футболшы екені де елеулі белесін білдіреді. Сондай-ақ Серік Жейлітбаев атындағы сыйлықтың иегері. &nbsp; <img src="https://knadmin.beoblood.kz/uploads/IMG_20221028_WA_0019_b643278449.jpg" alt="IMG-20221028-WA0019.jpg"><img src="https://knadmin.beoblood.kz/uploads/IMG_20221028_WA_0015_ffc6bc00bc.jpg" alt="IMG-20221028-WA0015.jpg"><img src="https://knadmin.beoblood.kz/uploads/IMG_20221028_WA_0018_782877e21e.jpg" alt="IMG-20221028-WA0018.jpg"><img src="https://knadmin.beoblood.kz/uploads/IMG_20221028_WA_0016_0f59ea29a0.jpg" alt="IMG-20221028-WA0016.jpg">

«Қайсар» Премьер-лигаға шықты

<a href="https://kyzylorda-news.kz/">Kyzylorda-news.kz.</a> Иесіз ит пен мысықтың қоғамға зияны – қазіргі таңда мемлекет үшін басты мәселелердің бірі болғаны сөзсіз. Бүгінде көше кезіп жүрген қаңғыбас ит пен мысық тұрғындар үшін қауіп тудырып отыр. Олар алдымен жұқпалы ауруларды тасымалдаушы болса, ал құтыру белгілері байқалғанда адамға агрессивті шабуылдайды. Мұның салдары адам өліміне алып келуі де мүмкін. Жалпы қаңғыбас ит пен мысық көбінесе асыраушысы жоқ болғаннан немесе иесін жоғалтып, адасып кетуден пайда болып жатады. Әрине мұндай иесіз жүрген ит-мысық әр жерді паналап, күл-қоқыстың арасында түрлі қалдықтармен қоректеніп, күн көреді. Осыдан кейін үй жануарының ағзасында түрлі жұқпалы аурулар туындайды.&nbsp;Соңғы уақытта қаңғыбас иттердің қатысуымен болып жатқан талай келеңсіз оқиғалардан әлеуметтік желі арқылы хабардармыз. Оның ішінде, әсіресе балалардың бұралқы иттен зардап шеккенін естіп, көріп жүрміз. Соның бірі жақында Арал ауданында 7 жасар оқушыны бұралқы ит қауып, салдарынан бала ауыр жарақат алған болатын. Абырой болғанда оқушы аман-есен. Бірақ алдағы уақытта мұндай келеңсіз жағдайдың қайталанбауына кім кепіл?!Иесіз ит-мысықтан қауіп көп«Жел тұрмаса, шөптің басы қимылдамайды» демекші, жергілікті халық тарапынан қала көшелерінде жүрген қаңғыбас ит пен мысықтың адам өміріне, оның ішінде бала өміріне қауіп төндіруі жайлы арыз-шағым көбейген. Көше кезген бұралқы иттер бас шаһардың орталық көшелерінде, Мерей және Наурыз мөлтек ауданы, Тасбөгет кентінде, сондай-ақ Шанхайдағы Тайманов көшесі мен сол жағалаудағы тұрғын үйлер маңында топтасып жүреді. Тұрғындар мектепке баратын балалары үшін уайымдап, аман-есен барып келуін тілеп, сабақ бітісімен баланың алдынан күтіп алуды жөн көретінін айтуда. Бала түгілі үлкен адамдардың да қаңғыбас иттерден жүріп-тұруы қиынға соққан.&nbsp;«Үйіміздің маңында иттер қаптап жүр. Адам жүре алмайды. Балалардың сабаққа баруы қиын. Жақында велосипедпен келе жатқан баламның аяғын ит тістеп алды. Абырой болғанда баламның денсаулығына зақым келмеді. Бұл туралы кімге шағымдансақ болады?» – дейді ит қапқан баланың анасы.Қаланың сол жағалауында тұратын тұрғындардың сөзінше, көпқабатты үйдің маңы да иесіз ит-мысыққа толған.&nbsp;«Бала-шағамыз аулада ойнайды, адам көп жүреді, кейде тіпті этажға кіре алмаймыз. Соған бір шара қолдансаңыздар» дейді қала тұрғындары.Иесін тапқанша ит-мысықты жоймайдыҚызылорда облысының ветеринария басқармасы мамандарының айтуынша, тұрғындардан түскен арыз-шағымдар бойынша жауапты мамандар тарапынан тиісті шаралар қабылданады. Сондай-ақ қаңғыбас иттердің санын реттеуді қамтамасыз ету бойынша Call-центр жұмыс жасап, арнайы бригадалар қызмет атқаруда.<blockquote>«Жануарларға жауапкершілікпен қарау туралы» Заңы бойынша біздің мекеме тарапынан иесіз ит-мысықты аулап, жою үшін қажетті барлық құралдар тәркіленді. Жаңа заңда қараусыз қалған ит-мысықты иесі табылғанша, 2 айға дейін ұстау көзделген. Бірақ бізде жануарларды уақытша ұстау пункті, жануарларға арналған оңалту орталығы секілді кешендер жоқ. Осы үлкен мәселеге айналып отыр. Тұрғындар тарапынан наразылық көбеюде. Әрине тұрғындардың қауіпсіздігі бірінші орында. Қазіргі күні мектеп, балабақша айналасы, адам көп шоғырланатын қоғамдық орындар басты назарға алынып, тиісті жұмыстар жалғасуда. Иесіз үй жануарлары адамға шабуыл жасап, өміріне қауіп төндірген жағдайда арыз-шағымдарын өңірлік ветеринарлық станцияаға хабарласып айта алады» дейді Ақниет Нұрланқызы.</blockquote>Жануарлар мен адамға ортақ жұқпалы құтыру, эхинококкоз және т.б аурудың алдын алу мақсатында 2021 жылы облыс бойынша 24 828 бас қаңғыбас ит мысықтар ауланып, жойылған. Бүгінгі таңда тұрғындардың өтініштері негізінде адам денсаулығына қауіп төндірген және агрессивті 4 492 бас ит ауланды.Жоғарыда айтып өткендей, облыста қаңғыбас және иесіз қалған үй жануарларына арналған арнайы уақытша ұстау орындары мен панажайлар жоқ. Осы мәселе бойынша алдағы уақытта бекітілген ережелерге сәйкес, панажайлардың құрылысын салу мен басқа да жұмыстар заңда белгіленген &nbsp;тәртіп бойынша атқарылмақ. Қазіргі таңда Шиелі ауданындағы бір бос тұрған ғимарат қаңғыбас және қараусыз қалған ит-мысықтарды қарапайым типтегі уақытша ұстау орны ретінде дайындалған. Сонымен қатар Қызылорда қаласында да жер телімі нақтыланып, Қызылорда қаласы әкімдігімен тиісті жұмыстар жүргізілуде.Әрине жоғарыда айтылған жұмыстардың шығынын өтеуге, сондай-ақ жаңа заңды толыққанды іске асыруға қыруар қаржы керегі айтпасақ та белгілі. Осы ретте айтылған мәселелер бойынша бюджеттен қаржы бөлуді басшылыққа алуға ұсыныс та жасалыпты. Алдағы уақытта қаржы мәселесі толықтай шешімін таппақ.Заң не дейді?Қазақстандықтардың қаңғыбас ит-мысықтарға деген көзқарасы екіге бөлінді. Бірінші тарап «иесіз үй жануарларынан келетін қауіп көп, сондықтан оларды аулап, атып болсын санын азайту керек» десе, келесісі «иесіз ит пен мысықты өлтіру жауыздық, мемлекет гуманизм қағидаларын сақтап, бұларға пана тауып беру керек» дейді.&nbsp;Әрине, қоршаған ортаны қорғау, жануарларға жанашырлық таныту адамзат үшін ортақ міндет екені түсінікті. Осы орайда Мемлекет басшысының бастамасымен елімізде «Жануарларға жауапкершілікпен қарау туралы» заң қабылданды. Енді дамыған елдер секілді бізде де жануарларға деген қөзқарас өзгереді. Яғни жаңа заң бойынша «ит-мысықтарды асырау және серуендету қағидалары, қаңғыбас иттер мен мысықтарды аулау және жою қағидалары деген сөздер» «үй жануарларын ұстау және серуендету қағидалары, жануарларды аулау, уақытша ұстау және жансыздандыру қағидалары» деген сөздермен ауысқан. Сол себепті қазіргі кезде облыста қаңғыбас иттер мен мысықтарды аулау және жою жұмыстары тоқтап тұр.Сонымен бірге жануарды азаптауға, қинауға, өлтіруге және төбелестіруге, ветеринарлық операцияларды наркозсыз жүргізуге жол берілмейді. Керісінше оларға дер кезінде көмек көрсетілуі керек. Ал адамдар осындай әрекеттерге барса, Әкімшілік құқық бұзушылық туралы кодекс бойынша 1000 айлық есептік көрсеткіш көлемінде айыппұл салынады немесе Қылмыстық кодекске сәйкес бір жылға бас бостандығынан айыруға дейін жазаланады.&nbsp;Үй жануарларын ұстау бойынша тиісті талаптар &nbsp;мен ережелер де бар. Олардың негізгілері мысалы, жануарды асырап, бағып күткен соң, ол жануар адамның жауапкершілігінде болады. Яғни жануардың қоршаған ортаға зиян келтіруіне жол бермеу, ветеринариялық-санитариялық қағидаларды сақтау, оларға уақытылы жағдай жасалуы тиіс.Түйін: «Иесіз ит-мысықты аяймыз деп жүргенде адамдардың қауіпсіздігіне кім кепіл болады?» – деген сұрақтың туындайтыны сөзсіз. Десе де, егесіз ит-мысықтың көбеюіне кейде тұрғындардың өздері де себепші. Үй жануарына жауапкершіліксіз қарап, қараусыз жіберетіндер көп. Ал оқыс оқиға орын алса, кінәліні іздейтініміз тағы бар. Сондықтан қала тұрғындары асыраған ит-мысықтарына аса жауапкершілікпен қарап, үй жануарларын ұстау және серуендету қағидаларын бұзбағаны абзал.&nbsp;Жандос Жазкен<img src="https://knadmin.beoblood.kz/uploads/Whats_App_Image_2022_11_04_at_15_08_02_1_cf40734197.jpeg" alt="WhatsApp Image 2022-11-04 at 15.08.02 (1).jpeg"><img src="https://knadmin.beoblood.kz/uploads/Whats_App_Image_2022_11_04_at_15_08_01_f36755c12f.jpeg" alt="WhatsApp Image 2022-11-04 at 15.08.01.jpeg"><img src="https://knadmin.beoblood.kz/uploads/Whats_App_Image_2022_11_04_at_15_08_00_82b07db05c.jpeg" alt="WhatsApp Image 2022-11-04 at 15.08.00.jpeg"><img src="https://knadmin.beoblood.kz/uploads/Whats_App_Image_2022_11_04_at_15_08_00_1_22adfc2ae3.jpeg" alt="WhatsApp Image 2022-11-04 at 15.08.00 (1).jpeg"><img src="https://knadmin.beoblood.kz/uploads/Whats_App_Image_2022_11_04_at_15_08_02_2_3017466f67.jpeg" alt="WhatsApp Image 2022-11-04 at 15.08.02 (2).jpeg"><img src="https://knadmin.beoblood.kz/uploads/Whats_App_Image_2022_11_04_at_15_08_01_1_7ada00b876.jpeg" alt="WhatsApp Image 2022-11-04 at 15.08.01 (1).jpeg"> &nbsp;

Қаңғыбас ит пен қараусыз мысық көбейді

<a href="https://kyzylorda-news.kz/">Kyzylorda-news.kz.</a> Қазақстан Республикасы Үкіметінің 1997 жылғы 4 маусымдағы қаулысымен "зейнетақы беру жөніндегі мемлекеттік орталық"республикалық мемлекеттік қазыналық кәсіпорны құрылды.Құрылым зейнетақы жинақтарын, әлеуметтік аударымдарды және әлеуметтік аударымдарды есепке алуды қамтамасыз ету мақсатында жасақталған еді. 2011 жылы ҚР Президентінің Жарлығымен «28 қазан – әлеуметтік қорғау жүйесі қызметкерлерінің күні» болып бекітілген болатын.Осыған орай бүгін «Азаматтарға арналған үкімет» &nbsp;мемлекеттік корпорациясы» КЕАҚ Қызылорда облысы бойынша филиалы ұжымы сала қызметкерлерінің мерекесін атап өтті. Мерекелік жиында сөз алған филиал директоры Аида Абибуллаева әлеуметтік қызметкер тек кәсіп иесі ғана емес, өзгенің мұң-мұқтажына бей-жай қарай алмайтын мейірлі жан екенін де айтып өтті.<blockquote>«Күн сайын зейнеткерлерге, жан жылуын күтетін қамкөңіл жандарға, көп балалы отбасыларға, табысы аз азаматтарға көмек қолын созып келесіздер.Ұдайы даму үстіндегі қоғамымызға Сіздердің қажырлы еңбектеріңіз қажет-ақ. Өздеріңіз жылдар бойы, әр күн сайын атқарып келе жатқан бұл жұмыс үлкен құрметке лайық», - деді филиал директоры Аида Ибрагимқызы.</blockquote>Сала ардагері Сұлтанбек Махамбетов те әлеуметтік сала қызметкерлері қоғам жанашырына айналу керек деген пікірін ортаға салып, мереке иелеріне өз тілегін жеткізді.&nbsp;Мерекелік жиында мәртәбелі қызметтерін мінсіз атқарған 24 қызметкер марапат биігінен көрінді. Оның ішінде Қазақстан Республикасы Еңбек және халықты әлеуметтік қорғау министрлігінің «Құрмет» грамотасымен 3 қызметкер, облыс әкімінің орынбасары Нұрымбет Сақтағановтың «Алғыс хатымен» 7 маман, «Мемлекеттік қызмет көрсету саласындағы қызметкерлердің жергілікті кәсіптік Одағы» Қоғамдық бірлестігінің төсбелгісімен 2 адам марапатталды. Сонымен қатар, Еңбек және әлеуметтік қорғау комитетінің Қызылорда облысы бойынша департамент басшысы Ертілеу Жалғасбаевтың «Алғыс хатын» 2 қызметкер, Мемлекеттік әлеуметтік сақтандыру қорының Қызылорда облысы бойынша филиалының басшысы Гүлсім Денееваның «Алғыс хатыг» 2 маман, «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалы директорының «Алғыс хатын» 7 маман иеленді.Айта кетейік, филиалдың әлеуметтік сала қызметкерлері облыс бойынша ай сайын 512 мың 263 төлем алушыға 21 млрдтеңгеден астам &nbsp;төлем төленуіне ықпал жасайды. Бүгінде мемлекеттік қызметтерді электронды түрде ұсыну бойынша үлкен жұмыстар жүргізілуде. Қазіргі күні барлық қызметтердің 54%-ы электрондық форматқа ауыстырылған.<img src="https://knadmin.beoblood.kz/uploads/Whats_App_Image_2022_10_28_at_15_02_47_9fb5dfe621.jpeg" alt="WhatsApp Image 2022-10-28 at 15.02.47.jpeg"><img src="https://knadmin.beoblood.kz/uploads/Whats_App_Image_2022_10_28_at_15_09_37_1_65d7fcf00a.jpeg" alt="WhatsApp Image 2022-10-28 at 15.09.37 (1).jpeg"><img src="https://knadmin.beoblood.kz/uploads/Whats_App_Image_2022_10_28_at_15_02_47_1_7778cefb25.jpeg" alt="WhatsApp Image 2022-10-28 at 15.02.47 (1).jpeg">

Әлеуметтік қорғау жүйесі  қызметкерлері құрметке бөленді

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Мұрат Ергешбаев еңбек ардагері, «Еңбек даңқы» орденінің иегері Бексұлу Синаева және мәдениет саласының ардагері, «Мәдениет саласының үздігі» төсбелгісінің иегері, Сырдария ауданның «Құрметті азаматы» Бақтиярова Алмагул Сайранқызының 75 &nbsp;жылдық &nbsp;мерейтойы қарсаңында құттықтады.Мерейтойлық қабылдау барысында аудан басшысы Мұрат Нәлхожаұлы өнегелі өмір иелерінің жүріп өткен жолы, атқарған еңбектері көпшілікке үлгі екенін айтып, игі тілектерін білдірді. Сонымен бірге, қос мерейтой иесіне аудан жұртшылығы атынан қазақы дәстүрмен иықтарына шапан жауып, құттықтау хат табыс етті.Шара &nbsp;барысында облыстық ардагерлер кеңесі төрағасының орынбасары Шәменов Өмірбек Мөрәліұлы мерейтой иелерін құттықтап, «Қызылорда облысының Құрметті ардагері» төсбелгісімен марапаттады.&nbsp;Сонымен қатар, мерейтой иелерінің замандастары аудандық ардагерлер кеңесінің төрағасы Келдібаев Мұса Алпысбайұлы, аудандық әйелдер кеңесінің төрайымы Жаналиева Ұлмекен Шанайқызы және аудандық мәслихат хатшысы Әжікенов Ержан Ертарғынұлы сөз сөйлеп, ғибратқа толы ғұмыр иелеріне құрмет көрсетті.Бексұлу Синаева жастайынан еңбекпен біте қайнасып &nbsp;еңбек жолын колхозда жұмысшы болудан бастап, одан әрі &nbsp;күріш егумен айналысты. Табанды еңбегінің арқасында &nbsp;1972 жылы өз алдына звено жетекшісі болды. Алға жетелеген &nbsp;мақсат, тынымсыз еңбегімен, көпке үлгі бола білді. Еңбегі еленіп Бексұлу апа &nbsp;1980-1985 жылдар аралығында Х-шы, &nbsp;1985-1990 жылдар аралығында ХI-ші шақырылған Қаз ССр жоғарғы советіне депудат болып сайланды. Депутат болған 10 жыл ішінде аудан экономикасы мен мәдениетін өркендеуіне үлкен үлес қосты. Туған жеріне, еліне қалтқысыз адал қызмет ете жүріп 1980 жылы III-ші дәрежелі «Еңбек даңқы» орденімен марапатталды.&nbsp;Алмагүл Сайранқызы ауданның мәдениет саласының дамуына айрықша үлес қосты. &nbsp;Алматы Жоғарғы партия мектебін бітірген. 1973 жылы Қызылөзек ауылдық Советі атқару комитетінің председателі, 1984 жылы Тереңөзек аудандық мәдениет бөлімінің меңгерушісі, 1987 жылы аудандық Советі атқару комитетінің секретары, 1988 жылы аудандық сақтандыру инспекциясының бастығы, 1997-2016 ж. Сырдария аудандық тарихи-өлкетану музейінің директоры қызметін абыроймен атқарған.Абыройлы қызмет атқара жүріп, Қазақстан Компартиясының XIV съезіне делегат болған. «Ерен еңбегі үшін» медальімен, облыс әкімінің және облыстық мәслихаттың «Құрмет грамотасымен», Қазақстан Республикасы Мәдениет министрлігінің шешімімен «Мәдениет саласының үздігі» төсбелгісімен марапатталған. Партияның сайлауалды штабын басқара жүріп жақсы атқарған жұмыстары үшін «Белсенді қызметі үшін» медалімен, бірнеше мәрте ҚР Президентінің «Алғыс хатын» иеленген.<figure class="image"><img src="https://knadmin.beoblood.kz/uploads/312802187_1234987530397470_7820701564506038329_n_3b89e50ab5.jpg" alt="312802187_1234987530397470_7820701564506038329_n.jpg"></figure><figure class="image"><img src="https://knadmin.beoblood.kz/uploads/311720420_1234991207063769_4878720352031085831_n_2b429e3a1e.jpg" alt="311720420_1234991207063769_4878720352031085831_n.jpg"></figure>

Елге сыйлы, өмірі-өнегелі, ерен еңбек иелері

<a href="https://kyzylorda-news.kz/">Kyzylorda-news.kz.</a> Қызылордада нейрохирургтар мен неврологтар науқасты инсульттан аман алып қалды.29 қазан - Дүниежүзілік инсультпен күрес күні. Инсульт жасарып барады. Сондай-ақ, инсультке күдікпен қайта түскен науқастар да аз емес.Қан қысымы 200-ге дейін, қатты бас ауруы, бас айналу, жүрек айну, сол қол мен аяқтың жансыздануы. Осындай белгілермен көпсалалы облыстық ауруханаға қала маңындағы Абай ауылының 47 жастағы тұрғыны Алуа Омарова түскен. Науқас шұғыл түрде ауруханаға жатқызылды.<blockquote>«Мен қан қысымының жоғарылауына байланысты есепте тұрмын. КТ, МРТ зерттеулері барысында «ми қан айналымының жедел бұзылуы» диагнозы қойылды. Емдеуден кейін денсаулығым біршама жақсарды. Дәрігерлердің арқасында екінші рет инсульттан аман алып қалды», – дейді Алуа Омарова.</blockquote>2020 жылы науқас жедел жәрдеммен инсультке күдікпен ауруханаға жеткізілді. Нейроинсульт бөлімшесінің меңгерушісі Рустем Баешов дәрігерлер тобымен шұғыл ота жасады.<blockquote>«Церебральды ангиография кезінде науқаста ми тамырларының қапшықты аневризмасы анықталды. Шұғыл түрде ота жасалды – аневризманы эмболизациялау. Бұл кезде сандағы артерия арқылы микроспиралдар енгізіліп, алшақтықты жауып, қан айналымы жүйесінен аневризманы эмболизациялайды. Содан кейін науқастың жағдайы айтарлықтай жақсарды. Ешқанда салдары жоқ», -деді дәрігер-невропатолог Әлия Тынышықбаева.</blockquote>Дәрігерлердің айтуынша, егер инсульт дер кезінде емделмесе, науқастың миына қан құйылып, комаға түсуі мүмкін. Көпсалалы облыстық аурухананың нейроинсульт бөлімінде жыл басынан бері 1 142 адам ем қабылдаған. Осы мақсаттарға Әлеуметтік медициналық сақтандыру қорынан 343,3 млн. теңге бөлінді.<figure class="image"><img src="https://knadmin.beoblood.kz/uploads/Whats_App_Image_2022_10_28_at_17_08_11_3252a6eaa0.jpeg" alt="WhatsApp Image 2022-10-28 at 17.08.11.jpeg"></figure>

Қызылордалық дәрігерлер науқасты инсульттан құтқарды

<a href="https://kyzylorda-news.kz/">Kyzylorda-news.kz.</a> Жалағаш ауданында кәсіп ашып, қолдан келетін іспен айналысамын дегендер қатары артқан. Өйткені шағын кәсіпкерлікке мемлекет тарапынан ұсынылып жатқан қолдауды аудан халқы тиімді пайдалып отыр десек болады.&nbsp;Ауданға қарасты Аққыр ауылдық округінің тұрғыны Майра Шайхының кәсіп ашуды жоспарлап жүргеніне бірнеше жылдың жүзі болыпты. Бұл елді мекенде жайылымдық жер мен мал азығы айтарлықтай мәселе болмағандықтан, төрт түліктің қай-қайсысын да түлетуге қолайлы. Сондықтан да ауыл тұрғыны бизнес жоспарын жүйелі түрде дайындап, мал шаруашылығында бақ сынауға бел буыпты.Ол өз жобасына ауылда ірі қара өсіріп, оның етін де, сүтін де нарыққа шығарып, пайда табуды арқау етіпті. Комиссия отырысында оның бұл жобасы бірауыздан қолдау тауып, ол мемлекеттік қолдау аясында қайтарымсыз 1 млн 225 200 теңге грантқа ие болды. Жоба авторы қолға қаражат тиісімен қорасын малға толтыратынын айтады.<blockquote>«Иә, шалғай ауылдың тұрғынымын. Бірақ ауылым алыста екен деп қарап жатуға тағы болмайды. Кәсіп ашуға бел буғаныма біршама уақыт болды. Жолдасым екеуміз ақылдаса келе осы мал шаруашылығын дұрыс деп шештік. Ебін тапқан адамға кәсіптің бұл түрінде де пайда көп. Бізде жайылымдық жер мәселе емес. Сондықтан ісіміз алдағы уақытта алға басады деп ойлаймын. Жолдасым да қолғабыс етемін деп отыр. Бұйыртса, отбасылық кәсіп бастап, оның көкжиегін кеңейтіп, жемісін бірге көреміз деп ойлаймын. Барлығы бала-шағамыздың несібесі. Бастысы осындай қолдау білдірген мемлекетке алғысым шексіз. Себебі біз екі қолға бір күрек таппай жүргенде жұмыссыз азаматтардан мемлекет өз қолдауымен кәсіпкер қалыптастырып отыр», – дейді Аққыр ауылының тұрғыны.</blockquote>Мемлекет тарапынан жасалып жатқан қолдауды пайдалынып, өз ісін дөңгелетуге ниеттілер қатарында Өмірбек Сәкен де бар. Бұған дейін кондитерлік өнім өндіруде әкесіне қолғабыс болған кент тұрғыны алдағы уақытта аудан орталығында бәліш пісіретін наубайхана ашқысы келеді екен. Сөзінше, қазір Жалағашта кондитерлік өнімнің бірнеше түрін өндіретін арнайы цехтар болғанымен, бәліш пісіретін бірде-бір наубайхана жоқ екен. Яғни жалағаштықтар тұтынып отырған өнімнің бұл түрі бізге көрші аудандардан және облыс орталығынан келетін көрінеді. Ауданда жоқ өнімді шығаруға бағытталған жобаны неге қолдамасқа. Оның үстіне жас та болса, оның бұл саладан айтарлықтай хабары бар. Комиссия мүшелерінің де назарын аударған жоба авторының басты қыры осы болды.<blockquote>«Өзім әлі жаспын, кәсіптің қай түрін болсын дөңгелнтуге шамам жетеді. Оның үстіне кондитерлік өнім өндіру өзіме жат емес. Бүгін жобам бір ауыздан қолдау тауыпты. Бұйыртса, тиісті қаражат қолыма тиісімен қажетті құрал-жабдықтарды алуға кірісемін. Көп ұзамай жалағаштықтар өз өңірінде әзірленген өнімді тұтынатын болады. Оған өзімнің цехым арқылы жағдай жасаймын. Егер кәсібім алға басып, оның көкжиегін кеңейткен жағдайда өзім секілді жұмыссыз азаматтарды жұмыспен қамтуға дайынмын», – дейді кент тұрғыны.</blockquote>Аламесек ауылдық округі Жаңадарияның бергі жағында орналасқан демесеңіз, бұл ауыл да аудан орталығынан шалғайда. Бастысы ауылда егін және мал шаруашылығы айтарлықтай дамыған. Елді мекен тұрғындарының да негізгі күнкөріс көзі осы қос салаға тікелей байланысты. Ауылда мал өсіріп, оны бордақылап, етін нарыққа шығаратындар жетерлік. Алайда сүт бағытында мал шаруашылығымен айналысып отырғандар жоқтың қасы. Ал жылқы өсіріп, саумал сататындар мүлде жоқ десе де болады.&nbsp; Есет батырлық Мақсұт Сейітовтың кәсіптің бұл түрін қолға алуға бел буғаны да сондықтан. Қазірдің өзінде жоба авторы өз қаражатына 2 құлынды байтал алып қойыпты. Енді қайтарымсыз грант арқылы олардың басын көбейтіп, несібесін кәсіптен көргісі келеді.<blockquote>«Біздің ауылда мал шаруашылығы айтарлықтай дамыған. Оны жоққа шығара алмаймын. Бірақ көбісі төрт түліктің тек етін сатумен айналысады. Ал оның сүт өніміне келгенде бізде кәсіптің бұл түрі кенжелеп қалған. Сондықтан мен өз ауылымда бие байлап, саумал сатумен айналыссам деймін. Қазірдің өзінде ауылдағы үлкен кісілер 18 шақырым қашықта орналасқан Жаңадарияға осы саумалды ішуге барады. Оларға саумалды бір сатып алып, жолға тағы қаражат жұмсаған тиімді емес. Ара-тұра ақсақалдар осы кәсіпті ауыл тұрғындары да қолға алса болады ғой дейтіні бар. Осы сөз менің кәсіп бастауыма үлкен себеп болды. Мал азығы мәселе емес. Тұтынушыларда жетерлік», – дейді ауыл тұрғыны.</blockquote>Айта кетейік, комиссия отырысында бас-аяғы 50 жоба таныстырылып, оның 20-ға жуығы қолдау тапты. Әрбір жоба авторына 1 млн 225 200 теңгеден қайтарымсыз қаражат үлестірілді.<img src="https://knadmin.beoblood.kz/uploads/20190203161810_50dafc5fdb.jpg" alt="20190203161810.jpg">

Ауылда кәсіп ашуға қолдау бар

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің түлегі, шахматшы Әсел Серікбай Италияның Сардиния қаласында өткен Әлем чемпионатының күміс жүлдегері атанды. Нәтижесінде елімізде тоғызыншы, облыста тұңғыш болып «гроссмейстер» атанды.Осы ретте Басқарма Төрағасы-Ректор Бейбіткүл Кәрімова Әсел Серікбайды қабылдап, жеңісімен құттықтады. Келелі кездесуде шахматшыға оқу орнының «Үздік түлек» төсбелгісін табыстап, алдағы додаларға сәттілік тіледі.&nbsp;Университет мақтанышы Әсел Серікбай 4 дүркін Әлем чемпионы атанып, Азия чемпионатында 7 мәрте жеңімпаз болды. Сондай-ақ, ел біріншілігінде 17 рет топ жарған.Өз кезегінде Әсел қолдау &nbsp;көрсеткен барша азаматтарға ризашылығын білдірді.&nbsp;<blockquote>«Оқу орнында спортты дамыту және жастардың салауатты өмір салтын қалыптастыру ерекше назарға алынған. Әрдайым спортшыларға қолдау көрсетіп, демеп келеді. Сондықтан, әрбір жеңісімнің артында ұстаздарымның тәрбиесі мен табанды еңбегімнің нәтижесі бар. Қорқыт ата атындағы Қызылорда университетінің түлегі болу үлкен мақтаныш», – деді Әсел Серікбай.</blockquote>Айта кетейік, қазіргі таңда университетте спорттың 13 түрінен спорт секциясы жұмыс жасайды. Іргелі оқу орнында 9-Әлем чемпионының, 27- Азия және 120-Қазақстан чемпионатының жеңімпазы мен жүлдегері білім алуда.<figure class="image image_resized" style="width:90.97%;"><img src="https://knadmin.beoblood.kz/uploads/P2044547_9efd6d9ba7.JPG" alt="P2044547.JPG"></figure>

Ректор Бейбіткүл Кәрімова Әсел Серікбайды қабылдады

<a href="https://kyzylorda-news.kz/">Kyzylorda-news.kz.</a> Арал – жарты әлемге балығымен аты шыққан тарихи мекен. Бүгінде теңізде өлкенің балығы әлемнің 10 еліне экспортталады. Қазіргі таңда мұнда 10 балық өңдеу зауыты жұмыс жасап, 31 бригададағы 700-ден аса балықшы су маржанын сүзумен айналысады.Адал еңбектің иелері саналатын балықшылар қауымы «Балықшылар слетінде» басқосты.&nbsp;Жиынға облыс әкімі Нұрлыбек Нәлібаев, ҚР Экология, геология және табиғи ресурстар министрлігі Балық шаруашылығы комитеті төрағасының орынбасары &nbsp;Алмас Асылбеков, мемлекет және қоғам қайраткері Құдайберген Саржанов, сала ардагерлері мен қызметкерлері қатысты.Облыс әкімі Нұрлыбек Нәлібаев аудан тұрғындарын Арал қаласының 95 жылдық мерейтойымен құттықтап, аймақ үшін балық шаруашылығының маңызын атап өтті.<blockquote>«Биыл айдынды өлке үшін ерекше жыл. Әлем таныған Арал қаласына 95 жыл толса, ашаршылық жылдары Поволжье тұрғындарына 14 вагон жіберген қайырымды іске 100 жыл толды. Теңіз дауылына желкенін жықпай, өмір соқпағына мойымаған ата бабаларымызды ерлігін де естен шығаруға болмайды. Еділ бойы мен оған жақын аумақтағы жұттан ашыққан жұртқа, сондай-ақ 7 миллионнан астам балаға көмек көрсеткен кешегі балықшыларымыздың еңбегі батырлықпен пара-пар. Арал өңірінің бүгінгі бет-бейнесінің қазіргідей кейіпке енуі - кешегі күнгі жанкешті еңбек еткен ерлердің, оның ішінде балықшылар қауымының құрышты да, қажырлы қызметінің жемісі. Дана халқымызда «Өткенді білмей, болашақты болжау мүмкін емес» деген тағылымды сөз бар. Осы ретте бұл ескерткіш біздің өткен тарихымызға елеулі еңбегі сіңген балықшы бабаларымызға құрмет және олардың бүгінгі ізбасарларына деген зор ілтипаттың үлгісі деп білемін», - деді Нұрлыбек Нәлібаев.</blockquote>Слетте облыс әкімі мемлекет және қоғам қайраткері, Қазақ Кеңестік Социалистік Республикасының Балық шаруашылығы министрі, Қызылорда облысының және Арал ауданының құрметті азаматы Құдайберген Саржановқа Президент Қасым-Жомарт Кемелұлы Тоқаевтың арнайы Алғыс хатын табыстады.<blockquote>«Құдайберген Саржанұлы аймақтың экологиялық проблемасын, Арал тағдырын жоғары мінберлерде көтеріп, балық шаруашылығын дамытуға ерекше үлес қосып келе жатқан ардақты азамат. Тоқсаныншы жылдары Теңіз жағалауынан ел үдере көшкен кезде Қапшағай аймағынан «Толқын» деген балықшы ауылын құрып, оған Арал балықшыларын көшірген бастамасын әлі күнге дейін жергілікті халық ерлікке теңейді. Сексеннің сеңгірінен асса да ата кәсіптен қол үзбей, «Қызыл» кітапқа енген Арал қаязы шабағын өсіріп, бағалы балық тұқымын қайта қалпына келтіру бағытында еңбек етіп келеді», - деді облыс әкімі.</blockquote>Өз кезегінде мемлекет және қоғам қайраткері Құдайберген Саржанов жерлестеріне алғыс білдіріп, биылғы слеттің балықшылардың өз ордасы Аралдың орталығында өтуінің символикалық мәні бар екенін жеткізді. ҚР ЭГТРМ Балық шаруашылығы комитеті төрағасының орынбасары Алмас Асылбеков Арал балықшыларын құттықтап, ізгі тілегін арнады.Салтанатты жиында балық шаруашылығына елеулі үлес қосқан бірқатар азаматтар құрметке бөленіп, марапатқа кенелді. Сондай-ақ, балықшы қауымның еселі еңбегін халыққа жеткізуде еңбек еткен облыстық "Сыр бойы" газетінің тілшісі Ержан Қожас марапатталды.Айта кетейік, Сыр өңірінде Еуропа нарығына шығуға мүмкіндік беретін еуропалық сапа стандартына растайтын белгісі бар төрт кәсіпорын жұмыс жасайды. Қазіргі таңда облыстағы балық өнімдерінің экспорт көлемі еселеп артып, биылғы жылдың 9 айында 3435 тонна өнім шет елге шығарылды.Өңірде балық шаруашылығын дамытудың 2021-2030 жылдарға арналған бағдарлама бекітіліп, Арал ауданына қатысты тауарлық балық өндірісін ұлғайту үшін 7 тауарлы көл тізімге енгізілді. Олар: Ақшатау-Сорғақ, Домалақ, Тұщы, Қаракөл, Алаша, Ақбілек және Шөмішкөл көлдері.<figure class="image"><img src="https://knadmin.beoblood.kz/uploads/313225547_417804390540811_1543154806292157949_n_9a54e8e5f0.jpg" alt="313225547_417804390540811_1543154806292157949_n.jpg"></figure><figure class="image"><img src="https://knadmin.beoblood.kz/uploads/312832753_417804430540807_4143512459246795867_n_79ae83c680.jpg" alt="312832753_417804430540807_4143512459246795867_n.jpg"></figure><figure class="image"><img src="https://knadmin.beoblood.kz/uploads/313211795_417804453874138_3194047232328194498_n_edb49fc004.jpg" alt="313211795_417804453874138_3194047232328194498_n.jpg"></figure><figure class="image"><img src="https://knadmin.beoblood.kz/uploads/313063499_417804440540806_4034685797229030617_n_2ca3230b95.jpg" alt="313063499_417804440540806_4034685797229030617_n.jpg"></figure><figure class="image"><img src="https://knadmin.beoblood.kz/uploads/313119318_417804357207481_941659939026427384_n_5d5602042f.jpg" alt="313119318_417804357207481_941659939026427384_n.jpg"></figure><figure class="image"><img src="https://knadmin.beoblood.kz/uploads/313213566_417804370540813_1896681196222329284_n_4ceaddab2d.jpg" alt="313213566_417804370540813_1896681196222329284_n.jpg"></figure>

 Нұрлыбек Нәлібаев: 7 млн-нан астам балаға көмек көрсеткен балықшылардың еңбегі батырлықпен пара-пар

<a href="https://kyzylorda-news.kz/">Kyzylorda-news.kz.</a> Қазақ детектив жанрының атасы атанған белгілі жазушы, Ұлы Отан соғысының ардагері Кемел Тоқаев атындағы V республикалық детектив шығармалар байқауының қорытынды шарасы Сыр өңірінде өтуде. Салтанатты шараға еліміздің түпкір-түпкірінен қаламгерлер қатысуда. Бұл туралы Өңірлік коммуникациялар қызметінің ақпарат алаңында өткен брифингте "Заң" медиа-корпорациясы" ЖШС директоры Досымбек Өтеғалиев мәлімдеді.<blockquote>««Заң» медиа-корпорациясы " ЖШС ұжымы детектив шығармалар байқауын 2018 жылдан бері ұйымдастырып келеді. Шараны өткізудегі басты мақсат кенжелеп қалған жанрды қайта жандандыру, детектив жазуға ынталылар қатарын арттыру. Бағыттың дұрыс, жоспардың оң екені байқаудың алғашқы жылынан-ақ аңғарылды», - деді Досымбек Өтеғалиев.</blockquote><blockquote>«Алғашқы жылы редакция қоржынына 72 шығарма түскен болатын. Биыл 106 шығарма байқауға қатысуда. Үміткерлер еңбегін сенатор Мұрат Бахтиярұлы, жазушы Серік Әбікенұлы, Қызылорда облыстық сотының Соттар әкімшісі Сағатбек Сүлеймен, Ә.Тәжібаев атындағы ғылыми-әмбебап кітапханасының директоры Нұрлыбек Мыңжас, "Заң" медиа-корпорациясы" ЖШС директоры Досымбек Өтеғалиев төрелік етті», - деді «Заң газетінің» бас редакторы, ұйымдастыру алқасының мүшесі Айнұр Сембаева.</blockquote>Сонымен қатар, конкурс жеңімпаздарының үздік шығармалары топтастырылған "Шытырман" жинағының тұсауы Ә.Тәжібаев атындағы ғылыми-әмбебап кітапханасында кесілді.<figure class="image"><img src="https://knadmin.beoblood.kz/uploads/313379303_1652850985110407_1482678545367476929_n_f1893464e2.jpg" alt="313379303_1652850985110407_1482678545367476929_n.jpg"></figure>

Сыр елінде детектив шығармалар байқауының қорытынды шарасы өтуде

<a href="https://kyzylorda-news.kz/">Kyzylorda-news.kz.</a> Кемел Тоқаев атындағы V республикалық детектив шығармалар байқауы өз мәресіне жетті. Бесінші рет өткізілген байқаудың басты мақсаты – кенжелеп қалған жанрды қайта жандандыру арқылы детектив жазуға ынталылар қатарын арттыру болып табылады. Осыған орай, бүгін Ә.Тәжібаев атындағы Қызылорда облыстық әмбебап ғылыми кітапханасында «Шытырман» деген атпен жарық көрген жинақтың тұсаукесер рәсімі өтті.Игі шараға облыс әкімінің орынбасары Нұрымбет Сақтағанов, «Заң» медиа-корпорациясы ЖШС директоры Досымбек Өтеғалиев және зиялы қауым өкілдері қатысты.Жиында облыс әкімінің орынбасары Нұрымбет Сақтағанов шытырман шығармалар байқауының Сыр елінде ұйымдастырылғанына қуанышты екенін жеткізіп, жаңа жинақ оқырмандардың көңілінен шығатынына тілек білдірді.<blockquote>«Шым-шытырық оқиғалардан құрылған детектив жанры бір қарағанда оңай болып көрінеді. Алайда, түсіне білген адамға бұл жанр өте күрделі екені белгілі. Бүгін Сыр елінде осы байқаудың қорытынды шарасы өтеді. Қаламынан тың туынды тудырған шығарма иелеріне сәттілік тілеймін», - деді облыс әкімінің орынбасары Нұрымбет Аманұлы.</blockquote>Өз кезегінде «Заң» медиа-корпорациясы ЖШС директоры Досымбек Өтеғалиев жаңа жинақтың мазмұнына тоқталып, республикалық байқауға атсалысқан азаматтарды марапаттады.<blockquote>«Бүгінде детектив жанрына қызығушылық танытып жатқан азаматтар мен қаламгерлер қатары артып келеді. Алдағы уақытта да дәстүрді бұзбай бұл байқауды әр өңірде ұйымдастыру жоспарлануда. Биылғы детективті шығармалар сайысына еліміздің түкпір-түкпірінен 106 туынды келді. Ал осы уақытқа дейінгі жеңімпаздардың шығармалары жинақталған «Шытырман» атты жаңа кітап бүгіннен бастап оқырман қауымға жол тартпақ. Қызықты оқиғалар халықтың оң бағасын алады деген сенімдемін», - деді Досымбек Қонысбекұлы.</blockquote>Айта кетейік, бүгін Достық үйінде республикалық детектив шығармалар байқауының жеңімпаздары анықталады.<figure class="image"><img src="https://knadmin.beoblood.kz/uploads/313347971_1652925591769613_4332809971208786322_n_551902d3d0.jpg" alt="313347971_1652925591769613_4332809971208786322_n.jpg"></figure><figure class="image"><img src="https://knadmin.beoblood.kz/uploads/313337591_1652925351769637_222247844660698718_n_b8a35d3a98.jpg" alt="313337591_1652925351769637_222247844660698718_n.jpg"></figure>

«Шытырман» атты жаңа жинақ оқырманға жол тартты

<a href="https://kyzylorda-news.kz/">Kyzylorda-news.kz.</a> Облыста төртінші мәрте өткізілген «SMART CITY KYZYLORDA HACKATHON 2022» атты IT жобалар байқауы өз мәресіне жетті. Аталмыш сайысқа IT саласына қызығушылығы бар 270 жас қатысып, ерекше деп танылған 100-ге жуық жобаны таныстырды. Байқауда «Әзірлеу», «Модельдеу», «Медиа&amp;Білім» атты үш бағытта іріктеу өткізілді. Бұл туралы Өңірлік коммуникациялар қызметінде өткен брифингте облыс әкімі аппаратының цифрлық технологиялар бөлімінің басшысы Сәбит Ибадулла хабарлады.<blockquote>«Байқаудың басты мақсаты – ерекше Start-Up жобалар мен IT саласына қызығушылығы бар нағыз таланттарды анықтау болып табылады. Сондай-ақ, «Smart city» концепциясы аясында ақпараттық технологиялар, инновациялық жобаларды және стартаптар саласына жастардың қызығушылығын арттыру және дамыту жұмыстары да басты назарымызда болды. «SMART CITY KYZYLORDA HACKATHON 2022» шарасы облыс әкімінің қолдауымен, облыс әкімі аппаратының Ақпараттық технологиялар орталығының және Қорқыт Ата атындағы Қызылорда университетінің ұйымдастыруымен өтті. Кіл мықтылар мен ізденімпаз жастар жиналған шараға облысымыздың барлық аудандарынан қатысушылар келді. Олардың арасында ІТ үйірме оқушылары, колледж, жоғары оқу орындарының студенттері мен мұғалімдер де бар. Байқау қорытындысы бойынша әр секциядан 3 қатысушы жеңіске лайық деп танылып, қаржылай сертификаттар табысталды. Сонымен қатар, Қорқыт Ата атындағы Қызылорда университеті 3 қатысушыға білім грантын табыстады. Алдағы уақытта «Pecha Kucha», «InnoFest» сынды IT жобалар фестивалін өткізу жоспарымызда бар», - деді Сәбит Ибадулла.</blockquote>Брифинг барысында «SMART CITY KYZYLORDA HACKATHON 2022» байқауына қатысушылар өздерінің жобаларын БАҚ өкілдеріне баяндап, ұйымдастырушыларға өз алғыстарын жеткізді.<img src="https://knadmin.beoblood.kz/uploads/313344446_1652871131775059_4408272134626092537_n_b6646d0599.jpg" alt="313344446_1652871131775059_4408272134626092537_n.jpg">

«Smart city Kyzylorda hackathon 2022» жобалар байқауы аяқталды

<a href="https://kyzylorda-news.kz/">Kyzylorda-news.kz.</a> Қызылорда облысының қоғамдық даму басқармасының «Қоғамдық келісім» КММ ұйымдастыруымен «Мың бала» республикалық мәдени-ағартушылық жобасының өңірлік кезеңінің қорытындысы болып өтті.&nbsp;«Жарқыра, жас дарын!» тақырыбында өткен облыстық байқауда Қызылорда қаласынан және аудан мектептерінен 8 қатысушы бақ сынады. Маңызы жоғары жобаны іске асыруда жыл басынан бері облыс көлемінде түрлі форматта іс-шаралар өткізілді. Дөңгелек үстел, шығармалар байқауы, ашық диктант, кездесулер, аудан мектептерінің жазғы тынығу лагерлерінде ұлттық және спорттық ойын түрлерінен жарыстар, байқаулар ұйымдастырылды. Жобаға тартылған 1000-нан аса жастар қазақстандық бірегейлік пен бірлікті нығайтудағы мемлекеттік тілдің маңыздылығын жете түсінді.Шарада «Қоғамдық келісім» КММ директордың міндетін атқарушы Айбек Дайрабай сөз сөйлеп, «Мың бала» жобасының маңыздылығын атап өтті.&nbsp;<blockquote>«Мың бала» жобасы еліміздегі түрлі ұлт өкілдеріне қазақ тілін үйретіп, халқымыздың әдет-ғұрпы мен салт-дәстүріне қызығушылығын оятып, еліміздің тарихымен таныстырып, болашақта туып-өскен Отанын құрметтеуге баулуды мақсат тұтады. Осындай игі жобаның атқарар маңызы орасан. Өз елінің тарихы мен тілін біліп өскен жеткіншек болашақта ел іргесінің бүтін болуы үшін қызмет істейтін азамат болып қалыптасатыны сөзсіз. Бұл жоба татулық пен бірліктің, ынтымақтың алтын бастауы. Олай болса бүгінгі қатысушыларға тек сәттілік тілеймін», - деді Айбек Дайрабай.</blockquote>Өңірлік кезеңде сайыскерлерге «Қоғамдық келісім» КММ бөлім басшысы Бауыржан Үсенбаев, №125 High school мектебінің оқытушысы Гүлнұр Дәрібаева, облыстық Қазақстан халқы ассамблеясы жанындағы «Ассамблея жастар» ұйымының төрайымы Елена Пак төрелік жасады.&nbsp;Бес кезеңнен тұрған тартысты байқауда бірінші «Таныстыру», екінші сұрақ-жауап «Aqyl battle», үшінші «Салт-дәстүр – сан ғасырлық саф мұра» қазақтың салт-дәстүрінен сахнада көрініс қою кезеңі болды. Төртінші «Сиқырлы ұяшықтар» кезеңінде қатысушылар ұяшық таңдау арқылы мақал-мәтелді жалғастырды. Ал бесінші соңғы кезең «Шығармашылық өнер», яғни өлең айту, билеу, көркемсөз оқу, музыкалық аспапта ойнау сынды өнерлерін көрсетті.&nbsp;Атап өту керек, байқауға қатысушылардың барлығы үлкен дайындықпен келген. Бұл байқауда олар өздерін сан қырынан танытып, қазақ тілін, мәдениеті мен салт-дәстүрін жетік меңгергендігін көрсетті.&nbsp;Байқау нәтижесінде жүлделі 1 орынды Сырдария ауданы №36 мектеп-лицейінің 6-шы сынып оқушысы Ярослав Лавров, 2 орынды «Мансап» мектебінің 7-сынып оқушысы Дария Эльвина, үшінші орынды №198 орта мектептің 10-сынып оқушысы Милена Пак иеленді. Жеңімпаздарға ақшалай сертификаттар, ал барлық қатысушыларға дипломдар табысталды.<figure class="image"><img src="https://knadmin.beoblood.kz/uploads/myn_bala1_69c1d182b5.jpg" alt="мын бала1.jpg"></figure><figure class="image"><img src="https://knadmin.beoblood.kz/uploads/myn_bala2_f1fcf7c2dc.jpg" alt="мын бала2.jpg"></figure>

Қазақстан және Қызылорда облысының жаңалықтары