<a href="https://kyzylorda-news.kz/">Kyzylorda-news.kz.</a> Биыл теңізді өлке Арал ауданы 95 жылдығын атап өтуде. Ауданның мерейтойына орай «Балықшылар монументі» ашылып, «Балықшылар аллеясы» қайта жаңғыртудан өтті. Арал ауданына барған облыс әкімі Нұрлыбек Нәлібаев балық шаруашылығының даму барысын суреттейтін нысандарды аралап, аудан тұрғындарын мерейлі мерекемен құттықтады.Алдымен аймақ басшысы мемлекет және қоғам қайраткері Құдайберген Саржановтың «Суреттер сыр шертеді» тарихи мұражайының жұмысымен танысты. Музей 2018 жылы жұмысын бастады, мұнда 500-ге жуық фотосурет пен тарихи жәдігер сақталуда.Әрі қарай облыс әкімі құқық қорғау органдары басшыларымен бірге жаңғыртылған «Балықшылар аллеясының» жұмысымен танысып, «Балықшылар монументін» салтанатты түрде ашу рәсіміне қатысты.​Мерекелік іс-шара «Арал антологиясы» жинағының тусаукесерінен басталды. Айдынды өлкенің тарихы мен даму барысын сипаттайтын бұл жинақ айдынды Арал тұрғындарының тұрмыс-тіршілігінен сыр шертеді.​Зиялы қауыммен кездесу барысында облыс әкімі Мемлекет басшысының қолдауымен Арал өңірінің жағдайын жақсарту, балық шаруашылығын дамытудың нақты жолдары іске асқанын тілге тиек етіп, теңізді өлкедегі өзекті мәселелер кезең-кезеңімен оңтайлы шешілуде деді.<blockquote>«Арал - тек еліміздің ғана емес, әлемнің назарындағы өңір. Тіршіліктің өзегі сумен байланысты болғандықтан су деңгейіне қатысты көптеген қиындықтар еңсерілді. Президентіміздің қолдауымен Көкарал бөгетіне де ерекше мән беріліп, жөндеу жұмыстарына қажетті қаржы бөлінуде. Бірнеше балық зауыттары ашылып, кезінде жоғалып кеткен балықтың түрлері қайта оралуда. Мәселен, Арал теңізінде тек бір камбала балығы ғана қалса, қазір 23 балық түрі қайта келді. Балық аулау көлемі 400 тоннадан 8 000 тоннаға дейін ұлғайды. 10-нан зауыт жұмыс жасап, балық өнімдері шетелге экспортталуда. Аралда тіршіліктің көзі мен балық пен мал шаруашылығы болғандықтан бұл бағыттағы жұмыстарға қолдау болады. Келешек ұрпаққа қажетті тарихи кітап та жарық көруде. Мұның бәрі киелі Арал жұртының игілікті ісі деп санаймын»,-деді Н.Нәлібаев.</blockquote>Жиынға қатысушылар «Балықшылар музейінің» жұмысымен танысты. Бұл мұражай 2012 жылы ашылған. Мұражайда түйе шана, ат шана, шығыр, көптеген кемелер мен қайықтардың экспонаттары қойылған. Әр кеменің сыртқы бетінде кеме капитандарынын аты-жөні жазылған. Бұл экспонаттар бұдан бірнеше жылдар бұрын қолданыста болған. Бірақ, 1962 жылы Арал теңізінің тартылуына байланысты порт жабылып, порттың маңайына спорт кешені, спорт алаңы салынып, көгалаңдырылып ашық аспан астындағы мұражайға айналды. 2021 жылы музей қайта жаңғыртылып, жаңа экспонаттармен толықты.Жаңғыртудан өткен "Балықшылар аллеясында" жаттығу алаңы, балалар спорттық ойын алаңы, субұрқақ, балықшылар мүсіні, балықшылар есімі жазылған тақта және вагон орнатылған.Салтанатты іс-шара «Поволжье тұрғындарына 14 вагон балық жіберілгеніне 100 жыл» театрландырылған қойылыммен аяқталды. Қойылымда жаппай ашаршылық пен қуаңышылықтын қиын-қыстау заманында Арал балықшылары аштықтан зардап шеккен Еділ аумағының тұрғындарына 14 вагон балық жолдап, миллиондаған халқын құтқару оқиғасы сахналанды.<img src="https://knadmin.beoblood.kz/uploads/313263705_417804337207483_6527766147743317928_n_c39a36ddc5.jpg" alt="313263705_417804337207483_6527766147743317928_n.jpg"><img src="https://knadmin.beoblood.kz/uploads/313119318_417804357207481_941659939026427384_n_57f3bc2164.jpg" alt="313119318_417804357207481_941659939026427384_n.jpg"><img src="https://knadmin.beoblood.kz/uploads/313211795_417804453874138_3194047232328194498_n_88cccf7f2a.jpg" alt="313211795_417804453874138_3194047232328194498_n.jpg"><img src="https://knadmin.beoblood.kz/uploads/313213566_417804370540813_1896681196222329284_n_076a7d3dcb.jpg" alt="313213566_417804370540813_1896681196222329284_n.jpg"><img src="https://knadmin.beoblood.kz/uploads/312752967_417804403874143_5055219749567366936_n_5a6d5e9b03.jpg" alt="312752967_417804403874143_5055219749567366936_n.jpg"><img src="https://knadmin.beoblood.kz/uploads/313063499_417804440540806_4034685797229030617_n_fb785aaba9.jpg" alt="313063499_417804440540806_4034685797229030617_n.jpg"><img src="https://knadmin.beoblood.kz/uploads/312519781_417804417207475_3031092771412239996_n_a93c41264d.jpg" alt="312519781_417804417207475_3031092771412239996_n.jpg"><img src="https://knadmin.beoblood.kz/uploads/312832753_417804430540807_4143512459246795867_n_b426ad709c.jpg" alt="312832753_417804430540807_4143512459246795867_n.jpg"><img src="https://knadmin.beoblood.kz/uploads/312847045_417803590540891_2700271327403201184_n_add819c88c.jpg" alt="312847045_417803590540891_2700271327403201184_n.jpg">

Арал ауданында «Балықшылар монументі» ашылды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев құқық қорғау органдары басшыларымен бірге Арал ауданына жұмыс сапарында «Көкарал» бөгетінің жұмысымен танысты. Сала мамандарымен пікірлесіп, бөгетті жөңдеу жұмыстарының барысын саралады.&nbsp;Аймақ басшысы Көкарал тек Арал өңіріне ғана емес, республика үшін өте маңызды нысан екенін алға тартып, Президент тапсырмасы аясында бөгетті жөндеу жұмыстары қолға алынғанын тілге тиек етті.<blockquote>«Мемлекет басшысы Кіші Аралды сақтап қалу бойынша шұғыл шаралар қабылдауды тапсырды. Осы орайда, республикалық бюджет есебінен «Көкарал бөгетін сақтап қалу және Сырдария өзенінің атырауын қалпына келтіру» жобасының жобалық сметалық құжаттамасы әзірленіп, биылғы жылдың тамыз айында мемлекеттік сараптаманың оң қорытындысы алынды. Ал, қыркүйек айында республикалық бюджеттік комиссияның отырысында Су ресурстары комитетінің бюджетін қайта бағыттау есебінен жобаны іске асыруды бастауға биыл 500 млн.теңге бөлінді. Сондықтан жұмысты сапалы деңгейде үйлестіріп, механикалық тазарту жұмыстарын жүргізу қажет», - деді Нұрлыбек Нәлібаев.</blockquote>Жоба-сметалық құжаттарда қаралған негізгі жұмыстардың бірі Солтүстік Арал теңізінің солтүстік бөлігінің тұздылығын азайту мақсатында Тұщы, Сарытерең, Қарашалаң-1, Қарашалаң-2 каналдарына механикалық тазарту жұмыстарын жүргізу басталды. Айту керек, Президент пәрмені негізінде бөгет мәселесі бұған дейін де Өзбекстан мен Қазақстан Парламенті Сенатында жан-жақты қаралып, бірлескен топ Көкаралға келіп, бөгеттің жағдайымен танысты.&nbsp;«Көкарал» бөгеті 2005 жылғы қараша айында пайдалануға берілген. Бөгеттің ұзындығы 13 км құрайды. Жоба құны 4,6 млрд. теңге. Су тоспасы салынған уақыттан бастап теңіздің құрғаған ұлтаны ауданы 870 шаршы метрді құрайтын сумен жабылды. Теңіздегі судың көлемі 11,5 текше метрге ұлғайды. Сондай-ақ, судың минералдылығы 23-тен 17 г/л дейін азайып, балықтардың жергілікті түрлерінің дамуы артты және бекіре тұқымдас балықтарды өсіруге қолайлы жағдай жасалды. Балық аулау көлемі 400 тоннадан 8 мың тоннаға дейін артты.&nbsp;Облыс әкімі белгіленген жұмысты уақытылы әрі &nbsp;сапалы аяқтауды міндеттеп, сала мамандарына бірқатар тапсырамалар берді.<img src="https://knadmin.beoblood.kz/uploads/313181858_417799540541296_1937087215564894438_n_ce113de882.jpg" alt="313181858_417799540541296_1937087215564894438_n.jpg"><img src="https://knadmin.beoblood.kz/uploads/313186689_417799567207960_5817028952151521267_n_a7e3d0c759.jpg" alt="313186689_417799567207960_5817028952151521267_n.jpg"><img src="https://knadmin.beoblood.kz/uploads/313285507_417799513874632_7027702456571938216_n_11618e3cc9.jpg" alt="313285507_417799513874632_7027702456571938216_n.jpg"><img src="https://knadmin.beoblood.kz/uploads/313225545_417799610541289_6496112751877201575_n_ab357d67a2.jpg" alt="313225545_417799610541289_6496112751877201575_n.jpg">

Облыс әкімі Нұрлыбек Нәлібаев «Көкарал» бөгетінің жағдайымен танысты

<a href="https://kyzylorda-news.kz/">Kyzylorda-news.kz.</a> Республика күніне орай ҚР Ғылым және жоғары білім министрлігі ұйымдастырған «Менің арманымдағы Қазақстан» атты эссе байқауының жеңімпаздары анықталды. Олардың қатарында Қорқыт ата атындағы Қызылорда университетінің 3-курс студенті Ердәулет Қалиев бар.Байқау жеңімпаздарына ҚР Ғылым және жоғары білім министрлігінің атынан дипломдар табысталды.<blockquote>«Эссе байқауы жастардың азаматтық сана-сезімін дамытуға, ел тағдырына қатысты сезімін және оның болашағы үшін жауапкершілікті тәрбиелеуге, шығармашылық әлеуетті жандандыруға, жастардың ұлттық сана-сезімін дамытуға бағытталған. Республика күні қарсаңында байқау жеңімпаздарын жоғары оқу орындарының ректорлары марапаттады. Ал сіздердің жұмыстарыңыз үздіктердің үздігі болып таңдалды. Марапаттарыңыз құтты болсын! Сіздерге сәттілік пен жетістіктер тілеймін!» – деді ҚР Ғылым және жоғары білім вице-министрі Қуаныш Ерғалиев.</blockquote>Айта кету керек, Ердәулет Қалиев – Қорқыт ата атындағы Қызылода университетіндегі «Журналистика» мамандығының студенті.Қоғамдық шараларға белсене қатысатын Ердәулет Сәрсенұлы осы кезге дейін XIV республикалық пәндік олимпиадада – ІІІ орын, Қызылорда облыстық қоғамдық даму басқармасының «Қоғамдық келісім» КММ ұйымдастырған үздік ғылыми жобалар байқауында – І орын, GoSkiLLz- әлеуметтік желілерге арналған сапалы контент өндіру мен нетворкингке ден қою тәсілдері семинар-тренинг аясында өткізілген байқауда жеңімпаз атанған.&nbsp; &nbsp;<figure class="image"><img src="https://knadmin.beoblood.kz/uploads/466b22b0_1b53_46fd_bde2_bd146a6149d4_fd6b47eba0.jpg" alt="466b22b0-1b53-46fd-bde2-bd146a6149d4.jpg"></figure>

«Менің арманымдағы Қазақстан» эссе байқауының жеңімпаздары марапатталды

<a href="https://kyzylorda-news.kz/">Kyzylorda-news.kz.</a> Қазақстанда 29-31 қазанда күн күрт салқындайды,&nbsp;деп хабарлайды «Қазгидромет»&nbsp;РМК орталығы.Синоптиктердің мәліметінше,батыс циклоны және онымен байланысты атмосфералық фронтальды бөліктер Қазақстан аумағының басым бөлігінде тұрақсыз ауа-райын сақтайды.<blockquote>«30 қазанда Қазақстанның оңтүстігіндегі, оңтүстік - шығысындағы таулы аудандарда-қатты жауын-шашын (жаңбыр, қар) болады. Республика бойынша желдің күшеюі, көктайғақ, тұман, батыста - жаяу бұрқасын болады деп болжанып отыр», - делінген хабарламада.</blockquote>

Демалыс күндері Қазақстанда қандай ауа райы күтілеуде?

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы Halyk Bank –пен бірлесіп, blockchain технологиясы арқылы жылжымайтын мүлікті кепілден шығару процесін жеңілдетті. Енді банк клиенттері мүлікті ХҚО-ға бармай-ақ кепілден алып тастай алады.&nbsp;Halyk Bank клиенттері мүліктен кепілді алу үшін Халыққа қызмет көрсету орталығына жүгінбеуіне болады. Бұл blockchain технологиясын енгізу арқылы жүзеге асырылады.<blockquote>«Азаматтар мүлікті кепілден шығару бойынша өтінімді «Halyk Homebank» мобильді қосымшасында рәсімдеп, төлем жасай алады. Жаңа сервис қызмет көрсету мерзімін үш күннен 5 минутқа дейін қысқартуға мүмкіндік береді. Яғни құжаттарды жинаумен әуреленіп, ХҚО-ға жүгінудің қажеттілігі жоқ», - деп атап өтті «Азаматтарға арналған үкімет» мемлекеттік корпорациясы Басқарма төрағасының орынбасары Асхат Ибраев.&nbsp;</blockquote>Айта кетейік, Blockchain технологиясының арқасында азаматтардың ХҚО қызметкерлерімен бетпе-бет байланысы да шектелді, бұл деректерді үшінші тұлғаға өткізудің жолын жояды.&nbsp;Жылжымайтын мүлікті кепілден шығару қызметі қазақстандықтар арасында ең жиі сұралатын қызметтердің бірі екенін жеткіземіз. 2022 жылдың 9 айында Қазақстанда 108 341 мүлік кепілден алынып тасталды.&nbsp;Биыл маусым айында Мемлекеттік корпорация «Отбасы банкімен» бірігіп, осыған ұқсас онлайн сервисті енгізген болатын. Бүгінде жүйенің көмегімен 600-ге жуық жылжымайтын мүлік кепілден шығарылды.&nbsp;Еске салайық, Мемлекеттік корпорацияның екінші деңгейлі банктермен ынтымақтастығы аясында азаматтар тұрғылықты жері бойынша тіркелу, автокөлікті қайта ресімдеу, ЖК куәлігін алу, жүргізуші куәлігін ауыстыру, мемлекеттік әлеуметтік жәрдемақы, туу туралы куәлік және басқа да қажетті құжаттарды үйден шықпай-ақ ала алады. &nbsp;

Азаматтарға арналған үкімет пен Halyk Bank мүлікті кепілден шығару бойынша электронды қызметті іске қосты

<a href="https://kyzylorda-news.kz/">Kyzylorda-news.kz.</a> ҚР Президентінің 2022 жылғы 03 наурыздағы №826 «Әкімдердің халықпен кездесулерін өткізу туралы» Жарлығына сәйкес Қармақшы ауданының әкімі Әділбек Ерсұлтановтың халықпен кездесуі Алдашбай Ахун ауылында жалғасты.Кездесуде аудан басшысы биылғы жылдың 9 айында атқарылған жұмыстарды баяндап, ауылда салынып жатқан құрылыс жұмыстары жайлы сөз қозғады.Оның ішінде биылғы жылы аталмыш ауылда су қабылдайтын құрылғыны қайта құру жобасы іске асырылып жатқандығын және жаңадан 100 орындық клуб үйін салу үшін жоба-сметалық құжаттары әзірлену үстінде екендігін жеткізді.Алдашбай Ахун ауылдық округі бойынша бүгінгі күнге тіркелген шағын және орта кәсіпкерлік субьектілері, ауыл шаруашылығы оның ішінде өзекті жайылымдық жерлер, жол, жарық мәселесі, ауылды көркейту көгалдандыру барысындағы абаттандыру жұмыстары және тұрғындардың әлеуметтік мәселелеріне жіті тоқталды.Сондай-ақ, жиында ауыл әкімі Н.Тоғызбаевтың атқарған жұмыстары туралы хабарламасы тыңдалып, тұрғындар тарапынан қойылған сұрақтарға аудан басшысы тұщымды жауаптарын берді.Жиын соңында аудан әкімі Әділбек Ерсұлтанов Алдашбай Ахун ауылындағы &nbsp;салынып жатқан су қабылдайтын құрылғының құрылыс барысын көрді.<figure class="image"><img src="https://knadmin.beoblood.kz/uploads/karmakshy3_f00483f30b.jpg" alt="кармакшы3.jpg"></figure>

Қармақшы: Алдашбай Ахун ауылында 100 орындық клуб салынады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының әкімі Нұрлыбек Нәлібаев Президенттің «Әкімдердің халықпен кездесулерін өткізу туралы» Жарлығы аясында құқық қорғау органдары басшыларымен бірге Арал ауданының тұрғындарымен жеке қабылдау өткізді.Аудандық Оқушылар үйінде өткен жеке қабылдауға облыстық сот төрағасы Әділхады Шығамбаев, облыс прокуроры Нұрлан Бижанов, Ұлттық қауіпсіздік комитетінің Қызылорда облысы және Байқоңыр қаласы бойынша департаменті бастығы Болат Қалмырзаев, облыстық полиция департаменті бастығы Мұхтар Қожабаев, облыстық экономикалық тергеп-тексеру департаментінің басшысы Бақыт Қайшыбеков келді. Сондай-ақ, Сыбайлас жемқорлыққа қарсы іс-қимыл агенттігінің облыстық департаменті басшысының бірінші орынбасары Асылхан Ашықов және мемлекеттік кірістер департаментінің басшысы Ғани Аманов пен төтенше жағдайлар департаменті бастығы Руслан Қайрақбаев қатысты.Ашықтық қағидасына негізделген қабылдауда жалпы саны 70-ке жуық азаматтың өтініші қаралды. Облыс әкіміне 30-ға жуық тұрғын өз сұрақтарымен келді. Жергілікті азаматтар тұрғын үй алу, жұмысқа орналасу, инфрақұрылым жүргізу, жол сапасына мән беру, сор көлдер мен каналдарды тазалау, балабақша, мектеп салу және субсидияға қатысты мәселелер көтерді.Ал, құқық қорғау органдарының басшыларына 40 азамат өз мәселесін жеткізіп, заң аясында тиісті түсіндірме алды.Аймақ басшысы мәселелерді сала мамандарымен бірге мұқият зерделеп, заңдылығына қарай шешім қабылданатынын жеткізді және жауапты басқарма басшыларына нақты тапсырма берді.Айта кетейік, бұған дейін аймақ басшысы Жаңақорған ауданында жеке қабылдау өткізіп, өзекті мәселелер реттілігіне қарай шешімін тапты.Сонымен қатар облыс әкімінің тапсырмасы аясында орынбасарлары мен құқық қорғау органдары басшыларының орынбасарлары әр ауданда бір күн бойы жеке қабылдаулар өткізді.Еске салу керек, облыс әкімі Нұрлыбек Нәлібаев өңір басшысы болып келген сәттен бері 21 рет қабылдау өткізіп, 200-ге жуық азаматтың мәселесін саралады.Облыс әкімі Нұрлыбек Нәлібаев Жарлық аясында М.Мақатаев көшесіндегі балықшылар аллеясында тұрғындармен кездесіп, сұрақтарына жауап берді.<img src="https://knadmin.beoblood.kz/uploads/312611508_417725217215395_1558123014978234313_n_fc4c1cadec.jpg" alt="312611508_417725217215395_1558123014978234313_n.jpg"><figure class="image"><img src="https://knadmin.beoblood.kz/uploads/312937513_417725023882081_8215103368453210095_n_b3e10c4eba.jpg" alt="312937513_417725023882081_8215103368453210095_n.jpg"></figure>

Арал ауданы: Жеке қабылдауға келген 70-ге жуық азаматтың мәселесі тыңдалды

<a href="https://kyzylorda-news.kz/">Kyzylorda-news.kz.</a> Биыл Жаңақорған ауданында жеке кәсіп ашамын деген тұрғындар қатары көбейген. Оған себеп бизнес бастауға ниетті жандарға мемлекет қаржылау қолдау көрсетіп жатыр. 1 225 200 теңге қайтарымсыз грант беріп, ісін ілгерілету үшін жақсы мүмкіндік сыйлады. Бағдарлама мақсаты кәсіп ашып, сол кәсібі арқылы әр адам өз-өзін жұмыспен қамтуы тиіс. Ең бастысы, ауданда жобасы жүйелі, қолдан іс келетін тұрғындар ғана грант алуға құқылы. Осы уақытқа дейін 3 лек бойынша комиссия үміткерлерді қабылдап, бизнес жоспарларын тыңдады.&nbsp;Ұлттық жоба шеңберінде бизнес идеяларды іске асыруға арналған қайтарымсыз грант мөлшері – 400 АЕК. 2021-2025 жылдарға арналған кәсіпкерлікті дамыту жөніндегі ұлттық жобаның жүйелі қолға алынуы, бұл қоғам тынысына да ерекше екпін беретін, ынталы азаматтарды еңбекпен қамту арқылы ел өмірін жақсартатын мемлекеттік қолдау. Қайтарымсыз грантқа бөлінген қаржы – шикізат пен материалдарды, техникаларды сатып алуға байланысты шығындарға пайдалынылады. Ал грант иегері атанғандар тиісті қаржы есептерін арнайы business.enbek порталы арқылы тапсырып отырады.Жаңақорған аудандық жұмыспен қамту бөлімі директоры Жаңабек Тұрлыбековтың айтуынша, еңбек нарығына іріктеуге бағытталған жұмыспен қамтудың белсенді шаралары – 2021-2025 жылдарға арналған кәсіпкерлікті дамытудың Ұлттық жобасы бойынша жаңа бизнес идеяларын жүзеге асыру бойынша 76 адамға мемлекеттік грант берілген. Бұл жыл басында берілген қаржы. Ал 1 млн 200 мың гранттың 3 легі өтіп, 285 тұрғынның жобасы қабылданған.<blockquote>«Бұл грантты алудың өзіндік тәртібі бар. Жыл басында құжатты тапсыру керек, қандай жобаларға басымдық берілетінін түсіндірдік. Сондықтан биыл комиссия қатал болғаны рас. Қазір 1 және 2-ші лекте жобаларын қорғағандар қаражаттарын алуда. Бұл бастамасы, бұйырса келер жылға жоспар ауқымды. Ең бастысы, аудандағы шағын кәсіпкерлік дамып, әлеуметтік сала артса болғаны. Қаржы мақсатты пайдаланылса игі», – деді бөлім директоры.</blockquote>Құжат тапсырғандардың көбінің бизнес жобасы талап сай емес екен. Мәселен, екінші лек бойынша 188 талапкердің құжаты қабылданса, соның жартысы ғана комиссиядан өте алған. Ал былтыр ауданда 673 адам 612 мыңнан қайтарымсыз несие алған. Көбі бір жылдан соң кәсібін жауып құтылған. Сала басшысы былтырғы жылы алған 673 адамның 13-інің алған қаржыны мақсатсыз жұмсауына байланысты ісі сотқа өтіп, қайтару жөнінде шара көрілгенін айтты. Грант қаржысын ала тұра кәсіптерін жауып тастаған азаматтармен келісім-шарт негізінде бір жылға дейін ғана мониторинг күші бар, сондықтан осы уақыт аралығында қадағалай алады екен.&nbsp;Былтыр грант беруде мал бордақылау кәсібіне 78 пайызға дейін басымдық берілгені, алдағы уақытта басымдықты біздің ауданда жоқ салаға беру керектігі ескертілді. Биылғы мақұлданған бизнес жоспарлардың ішінен жарқын жобалар да аз емес. Массаж жасау, майысқан шиналарды қайта қалпына келтіру сынды кәсіп ауданда некен саяқ. Әсіресе, үй тұрғызып жатқан тұрғындарға пенозол шығару ісі өте қажет. Қазір шатыр ішіне бұрынғыдай көбісі сабан салып, топырақ шығарғысы келмейді. Осы мақсатқа қажет материал сұранысқа ие. Сондықтан, ауданға аса қажетті өнім өндіруді осылай қолға алған әлдеқайда тиімді болар еді. Былтыр әжетхана қағазын шығарып, сабан өндіру өндірісі пайда болған еді. Сондай жобаларды келер жылы да көріп қалуымыз әбден мүмкін.Биылғы бизнес жоспардан байқағанымыздың басым бөлігі шлакаблок өндіру, кондитерлік өнім мен тігін цехын ашу. Биыл аудан бойынша 396 жобаға 484 млн теңге қаражат қаралып тұр екен. «Бизнестің жол картасы –2025» мемлекеттік бағдарламасының кәсіпкерліктің дамуына ықпалы тиді. Бағдарламаның ұлттық операторы – Ұлттық экономика министрлігі. Бағдарламасының негізгі мақсаты – қала және ауыл кәсіпкерлеріне қаржылай көмек беріп, жаңа жұмыс орындарын ашуға көмектесу, өңдеу өндірісін қолдау арқылы кәсіпорындардың экспорттық әлеуетін қалыптастыру. Осы көпсалалы бағдарламаның түпкі нәтижесі – 2025 жылға дейін елдің ішкі жалпы өніміндегі шағын және орта кәсіпкерлік үлесін 33,8 пайызға жеткізу.&nbsp; &nbsp;<img class="image_resized" style="width:66.85%;" src="https://knadmin.beoblood.kz/uploads/shagyn_biznes_1522988152_3468e4b37d.jpg" alt="shagyn-biznes_1522988152.jpg">

Кәсіп ашқанға қолдау көп

<a href="https://kyzylorda-news.kz/">Kyzylorda-news.kz.</a>&nbsp; Адам құқықтары жөніндегі уәкіл Эльвира Әзімованың өкімімен «Қазақстан Республикасындағы Адам құқықтары жөніндегі уәкіл туралы» Заңға сәйкес бірқатар облыстарда, сондай-ақ Астана, Алматы және Шымкент қалаларында омбудсменнің өкілдері тағайындалды, деп хабарлайды ҚР Адам құқықтары жөніндегі уәкілдің <a href="https://www.gov.kz/memleket/entities/ombudsman/press/news/details/448946?lang=kk">ресми сайты.</a>Ақмола, Ақтөбе, Шығыс Қазақстан, Қызылорда, Қарағанды, Қостанай, Солтүстік Қазақстан, Түркістан, Батыс Қазақстан облыстарында, Алматы, Астана және Шымкент қалаларында Адам құқықтары жөніндегі уәкілдің өкілдері жұмысын бастады.Сондай-ақ, Жамбыл, Павлодар, Атырау, Маңғыстау облыстарында және Жетісуда конкурстық іс-шаралар өтіп жатыр.Биыл Қазақстанның 17 өңірінде Уәкілдің өкілдігі жұмыс істейтін болады. Тағы 3 өңірде (Ұлытау, Абай және Алматы облыстары) өкілдіктер 2023 жылы тиісті рәсімдер аяқталғаннан кейін ашылады деп жоспарлануда.Өкілдер мемлекеттік қызметші болып табылады және «Мемлекеттік қызмет туралы» Қазақстан Республикасының Заңында белгіленген тәртіппен тағайындалды.Қазақстан Республикасындағы Адам құқықтары жөніндегі уәкіл өкілінің лауазымы Қазақстан аумағында адам және азаматтың құқықтары мен бостандықтарын мемлекеттік қорғаудың қосымша кепілдіктерін қамтамасыз ету, сондай-ақ уәкiлдiң атына ауылдық жерлерде тұратын азаматтардың құқықтарын қорғаудағы қол жетімділігі мақсатында құрылған.Адамның және азаматтың бұзылған құқықтары мен бостандықтарын қалпына келтіру, Қазақстан Республикасының нормативтік құқықтық актілерін жетілдіру, өңірдегі азаматтардың құқықтары мен бостандықтарын ынталандыру және ілгерілету мақсатында мемлекеттік билік органдарына, құқық қорғау және сот органдарына жүгіну жөнінде кең өкілеттіктер берілген.Өкілдерге Қазақстан Республикасының азаматтары және оның аумағында орналасқан шетелдіктер мен азаматтығы жоқ адамдар немесе олардың өкілдері жүгіне алады.Өкілдердің тізімі мен байланыс деректерімен <a href="https://www.gov.kz/memleket/entities/ombudsman/about/structure/448/1?lang=kk">сілтеме бойынша</a> таныса аласыз.

Өңірлерде Адам құқықтары жөніндегі уәкілдің өкілдері тағайындалды

<a href="https://kyzylorda-news.kz/">Kyzylorda-news.kz.</a> Сыр елінде өткен «Үздік әдіскер–2022» облыстық байқауында Жаңақорған аудандық білім беру бөлімінің әдіскері Ақниет Ераханқызы жеңімпаз атанды. Үнемі тынымсыз еңбек пен шығармашылық ізденіс үстінде жүретін Ақниет Ераханқызының аудандық білім бөлімінің әдіскері болып қызмет еткеніне бес жылдан асты. Барлық қажыр-қайратын, күш-жігерін ауданның білім саласын дамытуға арнаған жас маманның еңбегі еленіп, марапат биігінен көрінді.Ол 1996 жылы Жаңақорған ауданы, Жаңарық ауылында дүниеге келді. №167 жалпы орта мектебін ойдағыдай тәмәмдап, 2014-2018 жылдар аралығында Алматы қаласында Абай атындағы Қазақ Ұлттық педагогикалық университетінде «Математика» пәні бойынша білім алды. 2020-2022 жылдар аралығында Педагогика ғылымдарының магистрі дәрежесіне ие болып, еңбек жолын бастады. Әуелі туған жері Жаңарық ауылында №167 жалпы орта мектебінде математика пәні бойынша мұғалім болып, жас ұрпақты білімге баулыды. 2019 жылдан аудандық білім бөліміне математика және кітапхана әдіскері қызметіне ауысып, бүгінгі күнге дейін талмай еңбек етіп келеді. Міне, осылай тәлімгерлік қызметке кіріскеніне көп бола қоймаса да, білікті жастың жеткен жетістігі аз емес. Айталық, «Оқуға құштар мектеп» және «Дебаттық қозғалыстар» жобасы аясында қосымша жұмыстар атқара отырып, көптеген семинар, вебинар, байқаулар өткізіп отыруды да күн тәртібінен түсірген емес.Тәжірибелі маман өз ортасында жаңа қырынан танылды. Аудан бойынша «Оқушылар мен студент жастардың дебаттық қозғалысы» жалпыұлттық мәдени-білім беру жобасы мен «Ұшқыр ой» алаңы дебаттық клубтарының жұмысын жүзеге асыру мақсатында аудандық білім бөлімі жанынан барлық білім беру ұйымдарында дебаттық клубтар құрылып, 45 клубта 650 оқушы белсенді жұмыс атқаруда.<blockquote>«Алдыңғы буын аға әпкелеріміздің ізін жалғап келе жатырмын. Аудандық білім бөлімінде қызмет атқарып келемін. Осында өткен әр күнімде бүкіл ғұмырыма татитындай өмірлік азық алуымен келемін десем, артық болмас. Мұндай салмақты ойға келуіме бөлім басшысы Болат Мақсұтұлының үлесі зор. Ол кісінің жиі айтатын сөзі бар: «Көтере алмайтын шоқпарды беліңе байлама!» дейді. Бұл сөз үнемі санамда сайрап тұратыны соншалық, алдыма келген жұмысты бастамас бұрын, ой елегінен өткізуді үйрендім. Бұл менің бойымда жауапкершілік деген сапаны қалыптастыруға үлкен септігін тигізеді», – дейді жас маман.</blockquote>Сондай-ақ, Ақниеттен атқарып жүрген жұмыстарына да тоқтала кетуін сұрадық.<blockquote>«Өткен оқу жылында барлығы 48 іс-шара ұйымдастырылған болатын. Ауданымызда алғаш рет көш бастап, «Ұшқыр ой» пікірсайыс алаңы аясында «Дебат және біз» тақырыбында облыстық семинар өткізілді. Бұл шара арқылы біз тәжірибелі дебатерлердің жетекшілігімен біліктіліктерін жетілдіруіне, басқарушылық-ұйымдастырушылық жұмыстарды және турнирлерге дайындықты дұрыс, әрі тиімді ұйымдастыруды үйренулеріне қол жеткіздік. Семинар аясында аудандық білім бөлімінің бастамасымен арнайы «Debate club» сыныбы ашылды және аудандық білім бөлімі жанынан «Алтын ғасыр» дебат клубы құрылды. Клубта әр білім ошақтарында үздік деп танылған оқушылар дебат турниріне арнайы жабдықталган кабинетте машықтана алады», – деп көмейіндегі сөзді жүрекке жеткізе айтты.</blockquote> Ақниет Ераханқызының білімділігі мен біліктілігі көпке үлгі. Өз саласының білікті маманы, ұжым ықыласына бөленген кейіпкеріміз көпшілдігімен, еңбекқорлығымен, ізденімпаздығымен білім саласының белгілі тұлғасы боларына сенім мол. &nbsp;

Облыстық «Үздік әдіскер–2022» байқауының жеңімпазы анықталды

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаевтың Мемлекет басшысы Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес елді мекендегі тұрғындармен кездесулері жалғасуда.Мұхтар Әуесұлы Сарыкөл, Көларық және Арықбалық ауылдық округтеріне арнайы барып, халықтың ұсыныс-пікірлерін тыңдады. Еркін форматта өткен кездесуде аудан басшысы алдымен 9 айдың қорытындысы бойынша әлеуметтік-экономикалық көрсеткіштерге қысқаша тоқталып, алдағы жоспарларымен бөлісті.Аудан әкімінің халықпен кездесулерінде тұрғындар жеке мәселелерді емес, елді толғандырған ұсыныстар және ауылды көркейтуге байланысты ойларымен бөлісті. Мәселен, абайлық азаматтар елді мекен айналасындағы жайылымдық жерлерді суландырып, жеке азаматтардың қолындағы жерлерді Сарыкөл ауылдық округіне қайтару қажеттігін айтты. Сондай-ақ, ауылдағы электр желілері мен бағаналарын жаңалауды сұрады.Көларық ауылдық округінің тұрғындары ауданда атқарылып жатқан жұмыстарды оң бағалап, алдағы уақытта да игілікті істер жалғасын таба берсін деген тілектерін жеткізді.Ал, Арықбалық ауылдық округінде Қожас Медеубаев скважина қазу, Құлпыбай Құрманәлі апаттық жағдайдағы мектепті қайта салу мен елді мекенді газдандыру жұмыстарын тезірек бастау, Жетібай Қарасаев қоғамдық көлікті реттеу мен "Оң жаға" магистральді каналына су жіберу, Ақан Төлешов ауыл маңындағы шлюздерді жөндеу сияқты ұсыныстарын жеткізді. Тұрғындар тарапынан көтерілген әрбір мәселеге аудан әкімі Мұхтар Оразбаев жеке-жеке тоқталып, барлығына жауап берді. Кейбір мәселелерге байланысты тиісті бөлім мен мекеме-кәсіпорын басшылары да түсініктеме беріп, атқарылып жатқан жұмыстармен таныстырды.Кездесулерден соң аудан әкімі Мұхтар Оразбаев пен аудан прокуроры Дарын Әбіш тұрғындарды жеке мәселелері бойынша қабылдап, ұсыныс-пікірлерін тыңдады.Сондай-ақ, елді мекендердегі білім ордаларына арнайы барып, мектептердің жай-күйімен танысты. Халықпен кездесуге аудан прокуроры Дарын Әбіш, аудандық мәслихат хатшысы Бақытжан Жарылқап және бірқатар дербес бөлім мен мекеме-кәсіпорын басшылары қатысты.<figure class="image"><img src="https://knadmin.beoblood.kz/uploads/kazaly_6f5625a629.jpg" alt="казалы.jpg"></figure>

Мұхтар Оразбаев: Тұрғындар ұсынысы ескерусіз қалмайды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Әділбек Ерсұлтанов «Әкімдердің халықпен кездесулерін өткізу туралы» Қазақстан Республикасы Президентінің 2022 жылғы 3 наурыздағы №826 Жарлығына сәйкес &nbsp;аудан орталығынан алыс орналасқан Қуаңдария ауылдық округінің тұрғындарымен кездесті.&nbsp;Кездесу барысында аудан басшысы өңірдегі оң өзгерістер мен атқарылған жұмыстарға тоқталып, ауылдың жағдайы және халықтың тұрмыстық әл-ауқатын көтеру мәселесі жайлы сөз қозғады.Сондай-ақ, Қуаңдария ауылдық округі &nbsp;бойынша бүгінгі күнге дейін жүзеге асқан жобалар мен алдағы уақытта кезеңімен іске асатын жұмыс жоспарымен бөлісті.Соның бірі ең ауқымды жоба Қуаңдария ауылындағы 100 орындық клуб құрылысы. Мемлекеттік сатып алу қорытындысымен бүгінде бас мердгер «Ахат+ГС» ЖШС-гі құрылыс жұмыстарын жүргізіп келеді. Биылғы жылы құрылыс жұмыстары аяқталып, ауыл тұрғындарына пайдалануға беріледі деп күтілуде.Сонымен қатар, Қуандария ауылдық округіне қарасты бұлақ су ұңғымаларын мемлекеттік тіркеу, құжаттарын рәсімдеу үшін аудандық бюджеттен &nbsp;қаржы бөлінгендігін және мал шаруашылығын дамыту мақсатында «Бақанды» каналын мелиорациялық жөндеу жұмыстарына ЖСҚ әзірленуде екендігін &nbsp;жеткізді.Сонымен бірге ауыл әкімі А.Аймырзаев Қуаңдария ауылдық округі бойынша тиісінше атқарылған жұмыстарды тұрғындарға баяндады.Қуандария ауылдық округі бойынша, бүгінгі күнге тіркелген &nbsp;шағын және орта кәсіпкерлік субьектілері, ауыл шаруашылығы оның ішінде өзекті жайылымдық жерлер, жол, жарық мәселесі, ауылды көркейту көгалдандыру барысындағы абаттандыру жұмыстары және тұрғындардың әлеуметтік мәселелеріне жіті тоқталды.&nbsp;Кездесуден кейін аудан әкімі салынып жатқан &nbsp;Қуаңдария ауылындағы 100 орындық клуб құрылысының жұмысымен танысып, мердігерге &nbsp;сапалы жұмыстар жүргізуді және мерзімінен кешіктірмей аяқтауды тапсырды.<figure class="image"><img src="https://knadmin.beoblood.kz/uploads/karmakshy2_18e024d5b2.jpg" alt="кармакшы2.jpg"></figure><figure class="image"><img src="https://knadmin.beoblood.kz/uploads/karmakshy1_70124a45a4.jpg" alt="кармакшы1.jpg"></figure>

Қазақстан және Қызылорда облысының жаңалықтары