<a href="https://kyzylorda-news.kz/">Kyzylorda-news.kz.</a> Аралдықтардың аспалы көпір игілігін көрер күн алыс емес.
Қызылорда қаласынан кейінгі қала статусы бар аудан орталығында 40 мыңға жуық халық тұрады. Оның тең жартысынан астамы қаланы бөліп тұрған темір жолдың арғы бетінде, қалғаны бергі бетінде орналасқан. Әкімшілік орталықтар мен халыққа қызмет көрсету орындары орталық аймақта, яғни темір жолдың бір жақ беткейінен орын тепкен.
Бүгінгі күні көлік қатынасы бір ғана теміржол өткелі арқылы жүргізілуде. Бұл өткел жабылған кезде 2-2,5 шақырымға дейін автокөлік кептелісі пайда болып, елді мекендерден келетін көліктер мен жедел жәрдем, өрт сөндіру, құқық қорғау органдары секілді кезек күттірмейтін қызметтермен қоса, тұрғындарға да үлкен кедергі келтіруде.
Осы орайда, Арал қаласындағы темір жол үстінен аспалы көпір салу құрылысына техника-экономикалық негіздеме мен жоба-сметалық құжаттамасын әзірлеу үшін бюджеттен қаржы қаралып, қазіргі таңда бұл жұмыстар толықтай аяқталып, мемлекеттік сараптаманың оң қорытындысы алынды.
Жоба барысында көпірдің ұзындығы 940 метрді құрайтын болса, қосымша екі жағынан жаяу жүргіншілер жолы мен түнгі жарық шамдары және жақын жерде орналасқан тұрғындарға келеңсіз жағдай тудырмас үшін дыбыс басқыш құрал-жабдықтарымен қамтылатын болады.
Бүгінде жобаны қаржыландыру мақсатында тиісті салалық басқармалар мен министрліктерге бюджеттік өтінім тапсырылып, нәтижесі күтілуде.
<img src="https://kyzylorda-news.kz/wp-content/uploads/2022/08/aral-kopir.jpg" alt="" />

Арал қаласында аспалы көпір салынады

<a href="https://kyzylorda-news.kz/">Kyzylorda-news.kz.</a>&nbsp;Қазақстанда 1227 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 412,
Алматы қаласында – 119,
Алматы облысында – 54,
Жетісу облысында – 124,
Абай облысында – 88,
Батыс Қазақстан облысында – 4,
Қарағанды облысында – 327,
Ұлытау облысында – 2,
Қызылорда облысында – 27,
Маңғыстау облысында – 39,
Павлодар облысында – 14,
Түркістан облысында 17 адам бар.
Елімізде барлығы 1 345 689 тұрғын COVID-19-дан емделіп, сауығып шықты.

Covid-19: 27 қызылордалық індеттен айықты

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте коронавирус инфекциясын жұқтырған 1169 жағдай тіркелді, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 210,
Алматы қаласында – 95,
Шымкент қаласында – 11,
Ақмола облысында – 87,
Ақтөбе облысында – 57,
Алматы облысында – 10,
Жетісу облысында – 22,
Атырау облысында – 44,
Шығыс Қазақстан облысында – 28,
Абай облысында – 18,
Жамбыл облысында – 20,
Батыс Қазақстан облысында – 120,
Қарағанды облысында – 133,
Ұлытау облысында – 42,
Қостанай облысында – 72,
Қызылорда облысында – 10,
Маңғыстау облысында -29,
Павлодар облысында – 85,
Солтүстік Қазақстан облысында – 69,
Түркістан облысында 7 тұрғыннан анықталды.
Елімізде коронавирус инфекциясын жұқтырғандар саны 1 380 960 жетті.

Қызылордада өткен тәулікте 10 адам коронавирус жұқтырды

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 18 тамызға арналған ауа райы мәліметін таратты, деп хабарлайды Қазгидромет.
Кәсіпорын болжамына қарағанда, ауқымды Солтүстік Батыс антициклонының әсерінен Қазақстанның басым бөлігінде күн жауын-шашынсыз болады. Сонымен қатар температуралық фон ақырындап төмендей береді. Фронталды бөліктерге байланысты республикамыздың солтүстігінде, шығысында, орталығында жаңбыр жауып, найзағай ойнайды. Республика бойынша кей жерлерде жел күшейіп, еліміздің солтүстігінде, солтүстік-батысында, шығысында түнгі сағаттарда тұман түседі, түнде республиканың солтүстігінде, шығысында топырақ бетінде 2 градусқа дейін үсік жүреді.
Күндіз Маңғыстау облысының басым бөлігінде, Батыс Қазақстан облысының оңтүстігінде, Атырау облысының шығысында қатты ыстық болады.
Қызылорда облысының оңтүстігінде, Түркістан облысының шығысында, Атырау облысының батысында, Батыс Қазақстан Маңғыстау, Жетісу облыстарының оңтүстігінде, Алматы облысының шығысында, Жамбыл облысының оңтүстігінде, батысында, Абай облысының Бесқарағай ауданында төтенше өрт қаупі сақталады.

18 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысының әкімі Нұрлыбек Нәлібаев жұмыс сапарымен Сырдария және Жалағаш аудандарына барды. Бірқатар әлеуметтік, шаруашылық нысандардың жұмысын саралап, ауыл азаматтарымен жүздесті.
Алдымен өңір басшысы Сырдария ауданындағы Нағи Ілиясов ауылында болды. Қазақстанның Еңбек Ері Абзал Ералиевпен бірге ауыл ішіндегі жаңадан салынып жатқан «Еңбекшілер аллеясын» көрді. 
2250 халқы бар ауылда «Нұрлы жол» және «Ауыл – Ел бесігі» бағдарламалары аясында 126,3 млн. теңгеге ауылдық округінің кіреберіс жолына күрделі жөндеу жұмыстары жүргізілсе, 39,7 млн. теңгеге көпбалалы отбасыларға 3 тұрғын үй салынған. Сондай-ақ, 525,9 млн. теңге қаражатқа 11 көше қайта жаңғырды.
Ауылдың гүлденуіне қомақты үлес қосқан «Абзал және К» ТС-і жеке қаражаты есебінен ауылды абаттандыру және тұрғындарды әлеуметтік қамсыздандыру бағыттарына 797,2 млн. теңге қаржы бөлген. Айталық, 384 млн. теңгеге спорт кешенін салып, 137 млн. теңгеге ауылдық ғимарат жаңадан көтерді. Сондай-ақ, Ұлы Отан соғысында қаза тапқандарға арналған ескерткіш құрылысы жүргізілген.
Аймақ басшысы ауыл халқының тұрмыс сапасын көтеру басым бағыт екенін айтып, ауылда жүзеге асып жатқан жобаларды уақытылы әрі сапалы аяқтау қажет екенін алға тартты.
<blockquote>
 «Әрбір жоба халықтың игілігіне арнап жасалады. Оның шарапатын сол ауылдың тұрғындары сезінгендіктен, әрбір іс сапалы әрі уақытылы аяқталуы керек. Туған жерді, ауылды бірге көркейтуге тиіспіз. Ең бірінші кезектегі әлеуметтік мәселелерді шешсек, ауыл халқының тұрмыс сапасын жақсартамыз», – деді облыс әкімі.
</blockquote>
Облыс әкімінің жұмыс сапары Жалағаш ауданындағы «Таң» ауылында жалғасты. «ТАҢ ЛТД» серіктестігінің егіс алқабына барып, ауылшаруашылығы саласындағы әртараптандыру бағытында мамандармен пікір алмасты.
Ауылда мемлекеттік бағдарламалар арқылы 569,2 млн. теңгеге 14 көшенің орташа жөндеу, 333,2 млн. теңгеге мектепке күрделі жөңдеу жұмыстары жүргізіліп, 140 млн. теңгеге дәрігерлік амбулатория салынған.
Мұнан бөлек, «Таң ЛТД» ЖШС-і жеке қаражаты есебінен Таң елді мекенін абаттандыру және тұрғындарды әлеуметтік қамсыздандыру бағыттарына 701 млн. теңге қаржы бөлді. Яғни меценат азаматтың арқасында ауылда мешіт ғимараты жөңделіп, бөбекжай қайта жаңғыртылып, спорт кешені ғимаратының құрылысы жүрген. Сонымен бірге 150 млн. теңгеге ет өңдеу цехының құрылысы бастау алған.
Облыс әкімі өнім өндіру мәселесіне тоқталды. Сырттан келетін өнімдерге деген тәуелділікті төмендету үшін ауылдардың ауыл шаруашылық әлеуеті жоғары болуы керек. Бұл ретте шаруалар орақ түсу маусымына толықтай дайын.
<blockquote>
 «Өнімнің мол болғаны халықтың еңбегінің қайтқаны. Президенттің, Үкімет басшысының қолдауы негізінде биыл су көлемі былтырғы жылғыдан жоғары болды. Бірлескен келіссөздердің арқасында аймақта айтарлықтай қиыншылық туындамады. Келесі жылы да мол өнім алу үшін жерді алдын ала дайындап, егіс алқаптарына қажетті жұмысты осы кезден бастап анықтау қажет. Астықтың көлемі мол болып, қажеттілікті толық өтей алсақ, азық-түлік қауіпсіздігін тұрақты түрде ұстап тұра аламыз. Егін егуге икемі бар отбасыларға бос жерлерді табыстап, егін егу мәселесін де тапсырдым. Бақша дақылдарын өзіміз өндірсек, сырт өңірдің өнімдеріне деген сұранысты болдырмаймыз», – деді Нұрлыбек Нәлібаев.
</blockquote>
Биыл серіктестікте 25 мың тонна күріш өндіріледі деп жоспарланған. Тамыз айының үшінші онкүндігінде күрішке орақ түспек.
Айта кетейік, ауылда биылғы жылы спорт кешенін ұлғайту мақсатында 150 спортшыға арналған кешеннің іргетасы қалануда. Нысан 2023 жылы ел игілігіне берілмек.
<img src="https://kyzylorda-news.kz/wp-content/uploads/2022/08/299878063_365208015800449_7330315015674463705_n.jpg" alt="" />
<img src="https://kyzylorda-news.kz/wp-content/uploads/2022/08/299919370_365208079133776_1107487040529976900_n.jpg" alt="" />
<img src="https://kyzylorda-news.kz/wp-content/uploads/2022/08/299996062_365207985800452_870814228433576570_n.jpg" alt="" />
<img src="https://kyzylorda-news.kz/wp-content/uploads/2022/08/300048701_365207949133789_3667088057100688964_n.jpg" alt="" />
<img src="https://kyzylorda-news.kz/wp-content/uploads/2022/08/300083574_365208009133783_6910419910925383517_n.jpg" alt="" />
<img src="https://kyzylorda-news.kz/wp-content/uploads/2022/08/299881085_365208039133780_2954687908285045917_n.jpg" alt="" />

Нұрлыбек Нәлібаев ауылдық елді мекендерді аралап, егіс алқабында болды

<a href="https://kyzylorda-news.kz/">Kyzylorda-news.kz.</a>&nbsp;«AMANAT» партиясы Қызылорда облыстық филиалы «Баланы мектепке даярлайық» акциясына қолдау көрсетуге шақырды.
«AMANAT» партиясының бастамасымен биылғы жылдың 15-25 тамызы аралығында республика бойынша кең көлемде «Баланы мектепке даярлайық» акциясы бастау алды.
<blockquote>
 «Партияның «Бақытты отбасы» жобасы шеңберінде қолға алынып отырған акцияға партияның облыстық филиалы да өз үлесін қосуда. Осы жұмыстар аясында өңірде көмек алушылар мен жобаға демеуші ретінде қатысуға ниетті партияластарымыз бен жақтастардың тізімдері нақтыланды. Аталған жұмыстар жоспарға сәйкес басталып кетті», – делінген хабарламада.
</blockquote>
Мұнан бөлек бүгін партияның облыстық филиалы жанындағы Партиялық бақылау комиссиясы мен арнайы мониторингтік топтың бірлескен отырысы өтіп, акция аясында мектеп құрал-жабдықтарын сатумен айналысатын кәсіпкерлермен бағаны тұрақты ұстау және тауарлардың көпшілікке қол жетімділігін арттыру бойынша арнайы кездесу өтті.
Жиында мәселені оңтайлы шешуге қатысты түрлі ұсыныстар ортаға салынды.
Өз кезегінде акция аясындағы барлық шаралар партия филиалының бақылауында болып, мектеп жабдықтарының қол жетімділігін арттыру бойынша жұмыстар жалғасатын болады.
<img src="https://kyzylorda-news.kz/wp-content/uploads/2022/08/299828145_440136961485279_7591007382300809700_n.jpg" alt="" />
<img src="https://kyzylorda-news.kz/wp-content/uploads/2022/08/299653177_440137004818608_507980689075892485_n.jpg" alt="" />

«AMANAT» партиясының бастамасымен «Баланы мектепке даярлайық» акциясы бастау алды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында мұнай өнімдерін ұрлаған тұрғын сотталды.
Кәсіпкер 4 тонна дизель отынын құжатсыз өткізбек болған жерінде қолға түскен еді.
Тергеу барысында оның бұған дейін де құны 93 млн теңге болатын, 402 тонна жанармайды заңсыз сатқаны белгілі болды. Көлеңкелі бизнеспен айналысқан тұлғаның барлық заңсыз әрекеті дәлелденіп, сот үкімімен 2 жыл 8 ай мерзімге бас бостандығынан айырылды.
<blockquote>
 «Құрметті азаматтар! Мұнай және мұнай өнімдерін заңсыз тасымалдау, сатып алу, сату және сақтау фактілері анықталған жағдайда Агенттіктің сенім телефондарына және ҚМА аумақтық департаменттеріне хабарлауыңызды сұраймыз», – дейді ҚР Қаржылық мониторинг агенттігінің ресми өкілі Әлібек Әбділов.
</blockquote>
<a href="https://24.kz/kz/zha-aly-tar/o-am/item/559865-yzylorda-oblysynda-m-naj-rla-an-k-sipker-sottaldy">Хабар 24</a>

Қызылордада мұнай ұрлаған кәсіпкер сотталды

<a href="https://kyzylorda-news.kz/">Kyzylorda-news.kz.</a> “AMANAT” партиясы облыстық филиалы жанынан құрылған партиялық мониторинг және бақылау тобының мүшелері бүгін қаладағы бірқатар сауда орындарындағы азық-түлік өнімдерінің бағасына мониторинг жасады.
Бағамдау жұмыстарына өңірге жұмыс сапарымен келген Қазақстан Республикасы Парламенті Мәжілісінің депутаты, «AMANAT» партиясы депутаттық фракциясының мүшесі Ғалым Әміреев те қатысты.
Шара барысында тұрғындар көп тұтынатын азық-түлік өнімдері бағаларын шекті бағадан қымбаттатпау қажеттігі жөнінде түсіндірме жұмыстары жүргізіліп, баға негізсіз көтерілген жағдайда жергілікті атқарушы ограндар тарапынан тиісті жұмыстар жүргізілетіндігі ескертілді. 
Мониторинг барысында Ғалым Әміреев әлеуметтік маңызы бар өнімдердің бағасын тұрақтандыру бағытында ұсыныстарын айтты.
Соңғы төрт айдың ішінде азық түлік бағысына байланысты көптеген әңгіме болды. Соның ішінде қант бағасының күрт қымбаттауы халықты алаңдатты. Бүгін біз Байқоңыр әлеуметтік кәсіпкерлік корпорациясымен жыл аяғына дейін бағаны тұрақты ұстау мәселелсіне келістік. Әрине, жыл бойы бағаны тұрақты ұстауға тұрақтандыру қорындағы қаржы жетпейді. Сондықтан алдағы уақытта мұндай жағдайлар қайталанбас үшін баға өспей тұрып, қай азық-түлік бағасы көтерілуі мүмкін алдын ала мониторинг жасап отыру жөнінде ұсыныс айттық.
Мониторингтік топ сондай-ақ оқушылардың мектеп формалары, оқу құралдары мен кеңсе заттарының бағасын да бағамдап, кәсіпкерлерге көпшілікке қол жетімді етуді айтты.
Сонымен қатар мониторинг жүргізу барысында кәсіпкерлер тарапынан бағаны тұрақтандыру бағытындағы ұсыныс-пікірлері тыңдалып, назарға алынды.
Атап өту керек, қазіргі таңда әлеуметтік дүкен сөрелерінде әлеуметтік маңызы бар азық- түлік өнімдеріне тапшылық жоқ. Қант бағасы 444 тг көлемінде сатылуда.
<img src="https://kyzylorda-news.kz/wp-content/uploads/2022/08/299792537_441282308037411_5237980049437968966_n.jpg" alt="" />
<img src="https://kyzylorda-news.kz/wp-content/uploads/2022/08/299892867_441291594703149_4768356640839658758_n.jpg" alt="" />

Әлеуметтік азық-түлік өнімдерінің бағасына мониторинг жалғасып жатыр

<a href="https://kyzylorda-news.kz/">Kyzylorda-news.kz.</a> Қызылорда облысында кәсіп ашып, оны дамытып жатқан кәсіпкерлердің саны артып келеді.
Сол кәсіпкерлердің қатарында ұлттық нақышта отандық өнім өндіретін апалы-сіңілілі Жанар мен Шынар Прекеевалар да бар. Олар «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында 2019 жылы 5 млн. теңге несие алған болатын.
Қазіргі таңда тігін цехында замануи, сапалы, арнайы құрақ көрпелер, ұлттық өрнекпен безендірілген жастықтар, түрлі бесік жиынтықтары, дастархандар, тұсау-кесер жиынтықтары және басқа да ұлттық нақыштағы өнімдер шығады.
<blockquote>
 «Бүгінгі таңда Қазақстанда жеңіл өнеркәсіпті дамыту басым бағыттардың бірі. Өйткені бұл саланың әлеуметтік маңызы зор, халықты жұмыспен қамтуға үлес қосады. Цехқа 7 адамды жұмысқа алдық. «Даму» Қоры біздің идеяларымызды жүзеге асыруға және кеңейтуге әрдайым қолдау көрсетіп жүр», – деді апалы-сіңлілі Прекеевалар.
</blockquote>
Айт кетейік, кәсіпкер тұтынушылардың сұранысына ие болған өнімнің көлемін арттыру және цехты кеңейту мақсатында 2021 жылдың желтоқсан айында «Қарапайым заттар экономикасы» бағдарламасы аясында 6 пайыз жеңіл несиемен 14 млн. теңге алған.
<img src="https://kyzylorda-news.kz/wp-content/uploads/2022/08/besik.jpg" alt="" />

Кәсіпкер үшін мүмкіндік мол

<a href="https://kyzylorda-news.kz/">Kyzylorda-news.kz.</a> Бүгін Сыр өңірінің тарихы, мәдениетімен танысу ниетінде Оңтүстік Кореядан оқушылар мен студенттер келді. Оларды Кореяның тарих және мәдениет орталығының директоры Ли Гап Сон және Бас хатшы Чён Ген Вон бастап келді. Қазақ елінің тарихына қызығушылық танытқан 45 корей оқушысы мен студенті арнайы байқаудан іріктеліп өтті. Олар ең бірінші Достық үйіне келіп, онда этномәдени бірлестіктердің өкілдері және жастармен кездесті.
Қонақтарды Қызылорда облыстық қоғамдық даму басқармасының «Қоғамдық келісім» КММ директорының орынбасары Айбек Дайрабай, өңірлік корей этномәдени бірлестігінің орынбасарлары Денис Пак пен Елена Когай қарсы алды.
Кездесу модераторы Айбек Дайрабай Қызылорда мен Корея арасындағы үлкен дәрежедегі достықты, жан-жақты байланысты сөз етті.
<blockquote>
 «Қасиетті Сыр жері өз отанынан алшақ өмір сүріп жатқан корей халқына алтын бесік бола білді. Корейлер қай кезеңде болмасын аймақтың барлық саласында өзіндік қолтаңбаларын қалдырып келеді. Қазіргі таңда өңірде 10 мыңға жуық корей ұлтының өкілдері бар», – деді Айбек Дайрабай.
</blockquote>
Мұнан соң Кореядан келген делегация мүшелері Қызылорда қаласы және корей этномәдени бірлестігі туралы бейнесюжет тамашалады.
Өңірлік корей этномәдени бірлестігінің орынбасарлары Денис Пак пен Елена Когай сөз алды.
<blockquote>
 «Қиын жылдар кезеңінде қазақ халқының біздің ата-бабаларымызды ыстық ықыласпен қарсы алғанын алғыс сезіммен еске аламыз. Қазақ халқының дархандығының арқасында міне, корейлердің бесінші ұрпағы бірлігі жарасқан, келешегі кемел елде өмір сүріп келеміз. Екі ел арасындағы ынтымақ пен достықтың нәтижесінде игілікке толы ізгі жұмыстар өз жалғасын таба бермек», – деді Елена Когай.
</blockquote>
1937 жылы Қиыр Шығыстан жер аударылған корей халқымен бірге келген корей педагогикалық институтының негізінде Сыр өңірінде алғаш жоғарғы оқу орны ашылды. Содан бері білім, ғылым саласы бойынша екі ел арасы үзілген емес. Қазіргі уақытта Қорқыт ата атындағы Қызылорда университеті Оңтүстік Кореяның бірнеше жоғары оқу орындарымен тығыз әріптестік байланыстар орнатқан. Жыл сайын университетте корей күндері өткізіліп тұрады. Оқу орнында ағылшын және корей тілі мамандығы бойынша бірнеше студенттер білім алып жатқандығы туралы университеттің халықаралық қатынастар тобының жетекшісі Тимур Кенішбай айтып өтті.
Кездесуден соң делегация мүшелері Корей батырлары Хон Бом До мен Ге Бон У-дың мемориалдық кешеніне барып, гүл шоқтарын қойып, тағзым етті.
Содан соң Қорқыт ата атындағы университетке келіп, ондағы Корей бұрышы, корей тілі кабинетімен танысты.
<img src="https://kyzylorda-news.kz/wp-content/uploads/2022/08/299819852_3281036368882187_3876700727471533943_n.jpg" alt="" />
<img src="https://kyzylorda-news.kz/wp-content/uploads/2022/08/299678275_3281037058882118_771628135025397986_n.jpg" alt="" />

Корей жастары Сыр өңірінің тарихына қызығушылық танытуда

<a href="https://kyzylorda-news.kz/">Kyzylorda-news.kz.</a> Еліміздің солтүстік өңірлерінде түнде температура 2 градусқа дейін төмендейді.
Синоптиктер алдағы 3 күнге арналған ауар райы болжамын жариялады. Ертеңнен бастап орталық, шығыс және батыс аймақтарда күн суытып, жаңбыр жауады, кей жерлерде бұршақ түсуі мүмкін. Солтүстік, солтүстік-батыс, шығыс және орталық аймақтарда түнде +2,+10, күндіз +13,+18 градус шамасында болады. Республиканың қалған бөлігінде ауа райы жауын-шашынсыз. Батыс, оңтүстік және оңтүстік-шығыс аймақтарда күндіз ауа температурасы 30-35 градусқа дейін ыстық болады.

Алдағы күндерге арналған ауа райы болжамы

Kyzylorda-news.kz. Қармақшы аудандық мәслихаты «AMANAT» партиясы депутаттық фракциясының мүшесі С.Жумадьяров, Қармақшы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің Байқоңыр қаласы бойынша секторының маманы Н.Бекболатов пен Партиялық бақылау комиссияның мүшелері «Кедергісіз келешек» партиялық жобасы аясында Төретам кенті мен Ақай ауылдық округінде орналасқан қызмет көрсету мекемелері мен теміржол вокзалында мүмкіндігі шектеулі жандар үшін жасалған жағдайлармен танысты.
Мониторинг барысында мүмкіндігі шектеулі жандарға арналған автотұрақ, пандус, қызметкерлерді шақыру қоңырауы, бағыттаушы тактильді сары жолақтар, брайль әріптерімен жазылған тактильді ақпараттық тақташа, бағыттаушы белгілер, арнайы әжетхана болуы жайында түсіндірме жұмыстары жүргізілді. Сонымен қатар мекемеде мүмкіндігі шектеулі жандарға қызмет көрсететін касса, құжат тапсыру бұрышы секілді орындардың барлығы бекітілген талаптарға сәйкес болуы түсіндірілді.
Бүгінгі жүргізілген зерделеу жұмыстарының қорытындысына сәйкес мекеме басшыларына ескертулер жасалып, олқылықтарды тез арада ретке келтіру жұмыстары комиссия тарапынан партиялық бақылауға алынды.
<img src="https://kyzylorda-news.kz/wp-content/uploads/2022/08/fb_img_1660728817302.jpg" alt="" />
<img src="https://kyzylorda-news.kz/wp-content/uploads/2022/08/fb_img_1660728821342.jpg" alt="" />
<img src="https://kyzylorda-news.kz/wp-content/uploads/2022/08/fb_img_1660728996823.jpg" alt="" />

Қазақстан және Қызылорда облысының жаңалықтары