<a href="https://kyzylorda-news.kz/">Kyzylorda-news.kz.</a> Қаңтар оқиғасына байланысты арнайы жедел-тергеу топтары құрылды. Бұл туралы ҚР Ішкі істер министрі Марат Ахметжанов Мәжілістің жалпы отырысында айтты.
12 мыңнан астам азаматтан жауап алынды. Екі мыңнан астам сараптама тағайындалды. Ұрланған мүліктің көп бөлігі тәркіленді. Оның ішінде 12 автокөлік, 311 бірлік тұрмыстық техника, 188 зергерлік бұйым, 261 ұялы телефон, 16 млн теңге.
Қазір сотта 229 айыпталушыға қатысты іс қаралуда. 72 адам сотталды, оның ішінде 66 адамның бас бостандығы шектелді, бес адам бас бостандығынан айырылды. Бір адам қоғамдық жұмыстарға тартылды.

Қаңтар оқиғасына қатысты 12 мыңнан астам азаматтан жауап алынды

<a href="https://kyzylorda-news.kz/">Kyzylorda-news.kz.</a> Депутат сауалына ҚР Бас Прокуроры Берік Асылов жауап берді.
<blockquote>
 «ҰҚК экс-басшысы Кәрім Мәсімов және оның үш орынбасары, екі бөлімше бастығына қатысты бірнеше іс қозғалып, тергеліп жатыр. Атап айтсақ, мемлекетке опасыздық, билікті күшпен басып алу, билікті асыра пайдалану, пара алу іс бойынша қылмыстық іс тіркелді. Бұрынғы төраға мен орынбасарлары қазір қамауда. Олардың ісіне құқықтық бағаны сот береді. Алдын ала айтсақ, аталған қылмыстарға 17 жыл бас бостандығынан айыру қарастырылған. Тергеу әлі жалғасады», – деді Бас Прокурор.
</blockquote>

ҰҚК экс-басшысы Кәрім Мәсімовке қандай жаза беріледі?

<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2022 жылдың 1 наурызына дейінгі аралықта Қызылорда облысының тұрғындары әлеуметтік медициналық сақтандыру қорына 28,7 млрд. теңге аударды.
Оның 18,8 млрд. теңгесі (65,5%) жұмыс берушілердің аударымдары болса, қалған 9,9 млрд. теңге (34,5%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар Әлеуметтік медициналық сақтандыру қорына 28,7 млрд теңге аударды

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев қазақстандықтарды Амал мерекесімен құттықтады.
<blockquote>
 «Барша Қазақстан халқын Амал мерекесімен құттықтаймын. Ықылым заманнан бері бабаларымыз бұл күнді «Амал келді, жыл келді» деп ерекше қуанышпен қарсы алған. Дәстүр бойынша осы күні қыстан аман шыққан жұртымыз төс қағысып көріскен. Жыл мерекелі де берекелі болсын!»,-деп жазды Мемлекет башсысы өзінің Twitter-дегі парақшасында.
</blockquote>

Қасым-Жомарт Тоқаев қазақстандықтарды Амал мерекесімен құттықтады

<a href="https://kyzylorda-news.kz/">Kyzylorda-news.kz.</a> Қаңтар оқиғасы кезінде 3,5 мың құқық қорғау органдарының қызметкері жарақат алды. Бұл туралы Парламент Мәжілісінің жалпы отырысында ҚР Бас прокуроры Берік Асылов мәлімдеді.
<blockquote>
 «Тәртіпсіздік кезінде шабуыл жасағандардың саны бірнеше есе көп болуынан құқық қорғау органдарының қызметкерлері агрессияны тоқтата алмады. Өздеріңіз кадрлардан көргендей, 18-20 жастағы полицейлер мен сарбаздарды қатыгездікпен соққыға жықты. Күш құрылым қызметкерлері арасында 3,5 мыңға жуығы жарақат алды немесе сол күндері жарақаттанғандардың 80 пайызы құқық қорғау органдарына тиесілі», – Б. Асылов.
</blockquote>
Осы орайда сол кездің өзінде тәртіпсіздікке қатысқандарға күш қолданылмағанын айтты.
<blockquote>
 «Осы жағдайда полиция қызметкерлері, Ұлттық ұлан мен Қарулы Күштердің әскери қызметшілері соңына дейін зорлық-зомбылықты тежеуге тырысып, атыс қаруын қолданбады», – деді Бас прокурор.
</blockquote>
Оның сөзіне қарағанда, құқық қорғау органдарының қызметкерлері резеңке оқ пен көзден жас ағызатын газды және басқа да арнайы құралдарды пайдаланды.
<blockquote>
 «Мұны тәртіпсіздікке қатысқандар әлсіздік ретінде көріп, топтар жоғары екпінмен қызметкерлерге шабуыл жасады, яғни атыс қаруы мен басқа да заттарды қолданды», – деді Бас прокурор.
</blockquote>
<a href="https://www.inform.kz/kz/kantar-okigasy-kezinde-3-5-myn-kukyk-korgau-organdarynyn-kyzmetkeri-zharakat-aldy_a3910704">ҚазАқпарат</a>

Қаңтар оқиғасы: Құқық қорғау органдарындағы 3,5 мың қызметкер жарақат алды

<a href="https://kyzylorda-news.kz/">Kyzylorda-news.kz.</a> 2022 жылғы 1 сәуірден бастап Мемлекет басшысының халықтың әл – ауқатын арттыру жөніндегі тапсырмасын және Кәсіпкерлікті дамытудың 2021-2025 жылдарға арналған ұлттық жобасын іске асыру шеңберінде жаңа бизнес-идеяларды іске асыру үшін қайтарымсыз гранттар алудың бірінші легіне өтінімдер қабылдау басталады, деп хабарлайды ҚР Еңбек және халықты әлеуметтік қорғау министрлігінің баспасөз қызметі.
Өтінімдерді қабылдау «Business.enbek.kz» порталы арқылы онлайн режимінде жүзеге асырылады. 2019 грант беру жоспарланған, оның 1089-ы жастар үшін және 930-ы халықтың әлеуметтік осал топтары үшін.
Өтінімдерді қабылдау 10 жұмыс күніне созылады, содан кейін аудандық/қалалық комиссия берілген өтініштерді қарайды. Комиссия отырыстарында үміткерлер өздерінің бизнес-жобаларын таныстыратын болады. Өтінім берілген күн комиссияның шешіміне әсер етпейді.
Ағымдағы жылы өтінімдерді қабылдау 7 лек шеңберінде кезең-кезеңімен жүзеге асырылатын болады. Мұндай шешім азаматтардың «Бастау Бизнес» жобасы бойынша оқудан өтіп үлгеруі үшін қабылданды.
Гранттар бір рет беріледі. Бұл ретте, бизнес-жобасын комиссия қарау барысында мақұлдамаған үміткер келесі ағындардың біріне өтінімді қайта бере алады.
Биыл барлығы 20 мың грант бөлу жоспарлануда. Соның ішінде жастар мен халықтың әлеуметтік осал топтарынан шыққан адамдар үшін (атаулы әлеуметтік көмек алушылар; көпбалалы отбасы мүшелері – көпбалалы отбасылар бойынша жәрдемақы алушы және (немесе) оның жұбайы (зайыбы); оңтүстік өңірлерден солтүстікке қоныс аударушылар; қандастар; мүгедектігі бар балаларды тәрбиелеп отырған отбасы мүшелері; мүгедектігі бар адамдар) 10 мың грант беру көзделуде.
Нысаналы санаттарға сәйкес келуден басқа, үміткерлер мынадай критерийлердің біріне сәйкес келуі тиіс:
– халықты жұмыспен қамту орталығында тіркелген жұмыссыз азамат;
– Қазақстан Республикасының салық заңнамасына сәйкес бірыңғай жиынтық төлемді төлеуші;
– өтініш берген сәтте мәртебесін ресімдеу мерзімі 1 жылға дейінгі жеке кәсіпкер (оның ішінде қызметін тоқтатқан);
– жеке қосалқы шаруашылықпен айналысатын тұлға.
«Бастау Бизнес» жобасы бойынша кәсіпкерлік негіздеріне оқытуды аяқтау туралы қолданыстағы сертификаттың және оқыту барысында дайындалған бизнес-жоспардың болуы міндетті болып табылады.
Бұдан басқа, грант алуға үміткердің тұрғылықты жері бойынша кемінде 1 жыл тұрақты немесе уақытша тіркеуі болуы тиіс (қоныс аударушылар мен қандастарды қоспағанда).
Жұмыспен қамтуға жәрдемдесу шараларының қазіргі қатысушылары, сондай-ақ 12 ай бұрын жұмыспен қамтуға жәрдемдесу шараларына қатысуды өз еркімен, дәлелсіз себеппен тоқтатқан адамдар грантқа үміткер бола алмайды.
Өтінім беру үшін электрондық цифрлық қолтаңбаны (бұдан әрі – ЭЦҚ) пайдалана отырып, порталда тіркелу, өтініш нысанын толтыру және ЭЦҚ көмегімен қол қою қажет.
Интернетке немесе компьютерге қолжетімділік болмаған жағдайда, Халықты жұмыспен қамту орталықтарының өзіне-өзі қызмет көрсету аймақтарында, Халыққа қызмет көрсету орталықтарында, Кәсіпкерлерге қызмет көрсету орталықтарында өтінім беруге болады.
«Порталды өтінімдерді қабылдау бойынша бірыңғай терезе ретінде пайдалану мемлекеттік қолдау шараларын көрсету процесінде үміткерлер мен көрсетілетін қызметті берушілердің физикалық байланыстарын азайтуға ғана емес, сондай-ақ іріктеу және мемлекеттік қолдау шараларын тағайындау туралы шешім қабылдау сатыларында адами фактордың әсерін азайтуға мүмкіндік береді. Ал кірудің бірыңғай нүктесі және жеке кабинеттегі өтінімдердің мәртебесін қадағалау мүмкіндігі азаматтар үшін ашықтық пен қолжетімділікті қамтамасыз етеді», – деді ҚР Еңбекминінің Халықты жұмыспен қамту департаментінің директоры Руслан Тілеубаев.
Гранттарды үміткерлердің өтініштерін қарау жөніндегі комиссияның шешімі негізінде халықты жұмыспен қамту орталықтары беретін болады. Комиссия мүшелері бизнес-жоспарды келесі критерийлер бойынша бағалайды:
– бизнес-идеяның бәсекеге қабілеттілігі;
– өткізу нарықтарының пысықталуы;
– бизнес-жобаның қаржылық өміршеңдігі;
– кәсіпкерлік дағдылар деңгейі;
– жаңа жұмыс орындарын құру.
Шешім шығарылғаннан кейін порталдағы үміткердің жеке кабинетіне хабарлама жіберіледі. Комиссияның оң шешімі болған жағдайда үміткер тиісті хабарламаны алған сәттен бастап 3 жұмыс күні ішінде порталда банк деректемелері бар банк шотын ұсынуы тиіс.
Бұдан басқа, Порталда хабарлама алған сәттен бастап 3 жұмыс күні ішінде грант алушы Жеке кабинетте ЭЦҚ пайдалана отырып, шартқа қол қоюы тиіс.
Келесі ағындар бойынша өтінім беру күні алдын ала Порталда, БАҚ және әлеуметтік желілерде жарияланатын болады.
Қосымша ақпарат алу үшін тұрғылықты жері бойынша жұмыспен қамту орталықтарына жүгінуге болады.

Бизнес грантын алуға өтінімдер 1 сәуірден бастап арнайы порталда қабылданады

<a href="https://kyzylorda-news.kz/">Kyzylorda-news.kz.</a> Бүгін – Көрісу күні. Бұл ежелгі дәстүр Қазақстанның батыс өңірі мен Ресеймен шекаралас аймақтардағы қазақтардың арасында берік сақталған.
Бұл күнді Амал мерекесі деп те айтады. Халық қыстан аман-есен шыққанына, көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысады. Бір-біріне деген араздық, өкпе-ренішті ұмытып, амандық тілейді.&nbsp;
Көрісу – тек адамдардың бір-біріне амандасып, жақсылық тілейтін қауышу мерекесі ғана емес, сондай-ақ жасы үлкендерге ізет көрсетіп, ілтипат білдіретін дәстүрлі көрініс. Өйткені Көрісу салты бір күннің аясымен шектеліп қалмайды, жыл бойы жалғаса береді. Әлдеқандай себептермен 14 наурыз күні болмаған немесе сырт жақта жүрген кез келген адам ауылға жолы түскен бойда қариялардың қолын алып, сәлем беруге тиіс.

Бүгін &#8211; Көрісу күні

<a href="https://kyzylorda-news.kz/">Kyzylorda-news.kz.</a> Қазақстан үкіметі халық арасында «алдағы экономикалық проблемалар» туралы алыпқашпа әңгіменің күшейіп кетуіне байланысты ресми мәлімдеме жасады.
Бүгінде үкімет пен Ұлттық банк бірлескен іс-қимыл жоспарын іске асырып жатыр. Соның аясында экономикалық тұрақтылықты қамтамасыз етуге арналған сан алуан шаралар қарастырылған. Мәселен, мемлекеттік бюджет есебінен депозитке сыйақы аударуды көздейтін теңгедегі салымдарды қорғау бағдарламасы қолға алынды.
<blockquote>
 «Екінші деңгейлі банктерде 2022 жылдың 12 наурызындағы жағдай бойынша шамамен 15,3 триллион теңге немесе активтердің 40% құрайтын өтімділігі жоғары активтердің қоры бар. Еркін өтімділіктің болуы банктерге өз міндеттемелеріне уақытылы және толық көлемде қызмет көрсетуге мүмкіндік береді. Банктердің өтімділік бойынша пруденциялық нормативтері реттеушінің ең төменгі талаптарынан төрт еседен астам артық», – делінген ресми мәлімдемеде.
</blockquote>
Жеке тұлғалардың депозиттеріне мемлекет кепілдік береді. Осы жылдың қаңтарында халықтың теңгедегі жинақ депозиттері бойынша кепілдік сомасы 20 миллион теңгеге дейін, сондай-ақ әртүрлі депозиттерге кепілдік берудің ең жоғары жиынтық сомасы жоғарылады. Бұдан басқа, бағаның өсуін тежеу шаралары атқарылып жатыр.
<blockquote>
 «Жалпы, үкімет, Ұлттық банк және қаржы нарығын реттеу және дамыту агенттігі жағдайды бақылауда ұстап отыр. Бұл үшін күн сайын Дағдарысқа қарсы шаралар жөніндегі жедел штаб отырыстары өткізіледі. Оның шеңберінде экономикалық жағдайдың дамуының әртүрлі сценарийлері бойынша шешімдер пысықталады», – делінген хабарламада.
</blockquote>
Осы орайда үкімет халықты үрейге салынбауға және ресми ақпарат көздеріне ғана сенуге шақырды. Ал арандатушылық сипаттағы анық емес және жалған ақпарат таратқаны үшін жауапкершілік көзделгенін де еске салды.
<a href="https://sputnik.kz/20220314/ukimet-malimdeme-23489506.html">Sputnik.kz</a>

Үкімет халыққа мәлімдеме жасады

<a href="https://kyzylorda-news.kz/">Kyzylorda-news.kz.</a> Қазақстанда 211 адам коронавирус инфекциясынан жазылды, деп хабарлайды coronavirus2020.kz.
Нұр-Сұлтан қаласында – 0,
Алматы қаласында – 0,
Шымкент қаласында – 0,
Ақмола облысында – 15,
Ақтөбе облысында – 0,
Алматы облысында – 106,
Атырау облысында – 3,
Шығыс Қазақстан облысында – 15,
Жамбыл облысында – 2,
Батыс Қазақстан облысында – 2,
Қарағанды облысында – 19,
Қостанай облысында – 7,
Қызылорда облысында – 3,
Маңғыстау облысында – 0,
Павлодар облысында – 8,
Солтүстік Қазақстан облысында – 31,
Түркістан облысында – 0.
Елімізде барлығы 1 281 182 адам COVID-19-дан емделіп, сауығып шықты.

Қызылордада коронавируспен ауырғандар жоқ, жазылғандар бар

<a href="https://kyzylorda-news.kz/">Kyzylorda-news.kz.</a> Қазақстанның аумағының басым бөлігінде атмосфералық фронтальды бөліктердің өтуіне байланысты құбылмалы ауа райы күтіледі, деп хабарлайды Қазгидромет.
Жауын-шашын жауады, республиканың солтүстік жартысында көбінесе қар түрінде жаяу бұрқасынмен, оңтүстік жартысында жаңбыр түрінде, оңтүстік, оңтүстік-шығыстың және шығыстың таулы аудандарында қатты жауын-шашын болады.
Республика бойынша жел күшейіп, тұман, көктайғақ күтіледі. Еліміздің оңтүстігінде найзағай болады.
Қызылорда облысының солтүстігінде тұман түседі.

14 наурызға арналған ауа райы болжамы

Kyzylorda-news.kz. Қайрат Сатыбалдыұлы ұсталып, уақытша ұстау изоляторына қамалды. Бұл туралы <a href="https://m.facebook.com/story.php?story_fbid=516399166515636&id=100044366714072">QAZAQSTAN</a> ұлттық арнасының “Facebook” парақшасында жарияланды.
Сыбайлас жемқорлыққа қарсы қызмет лауазымдық өкілеттіктерін асыра пайдалану және «Қазақтелеком» АҚ-ның қаражатын аса ірі көлемде ұрлау фактілері бойынша қылмыстық істі тергеуде.
Аталған қылмыстарды жасады деген күдікпен Қайрат Сатыбалдыұлы ұсталып, уақытша ұстау изоляторына қамалды.
Қайрат Сатыбалдыұлының мемлекет қауіпсіздігіне нұқсан келтіретін басқа да қылмыстарға қатыстылығы тексерілуде.

Қайрат Сатыбалдыұлы уақытша ұстау изоляторына қамалды

Kyzylorda-news.kz. Қазақстандық спортшылардың Бейжіңдегі Паралимпиада ойындарында өнер көрсеткені үшін қанша табыс тапқаны белгілі болды, деп хабарлайды ҚазАқпарат.
Қазақстандықтар үшін келесі төлемдер белгіленген: алтын медаль үшін – 250 мың доллар, «күміс» үшін – 150 мың доллар, «қола» үшін – 75 мың доллар, төртінші орын – 30 мың доллар, бесінші орын – 10 мың доллар, алтыншы болғаны үшін – 5 мың доллар.
Биатлоншы Александр Герлиц үздік көрсеткішке қол жеткізіп, қола медаль иеленді. Сонымен қатар жеке жарыстарда ол үш рет бесінші (екі рет – шаңғы жарысында, бір рет – биатлонда) болды. Бұдан бөлек, Қазақстан командалық шаңғы эстафетасында (Александр Герлиц, Ербол Хамитов) бесінші орын алды.
Осылайша, жалпы алғанда қазақстандық спортшылар Бейжіңдегі Паралимпиадада 125 мың доллар табыс тапты.

Қазақстан және Қызылорда облысының жаңалықтары

Қаңтар оқиғасына қатысты 12 мыңнан астам азаматтан жауап алынды

ҰҚК экс-басшысы Кәрім Мәсімовке қандай жаза беріледі?

Қызылордалықтар Әлеуметтік медициналық сақтандыру қорына 28,7 млрд теңге аударды

Қасым-Жомарт Тоқаев қазақстандықтарды Амал мерекесімен құттықтады

Қаңтар оқиғасы: Құқық қорғау органдарындағы 3,5 мың қызметкер жарақат алды

Бизнес грантын алуға өтінімдер 1 сәуірден бастап арнайы порталда қабылданады

Бүгін – Көрісу күні

Үкімет халыққа мәлімдеме жасады

Қызылордада коронавируспен ауырғандар жоқ, жазылғандар бар

14 наурызға арналған ауа райы болжамы

Қайрат Сатыбалдыұлы уақытша ұстау изоляторына қамалды

Паралимпиада-2022: Қазақстандық спортшылар қанша табыс тапты

Қазақстан және Қызылорда облысының жаңалықтары

Қаңтар оқиғасына қатысты 12 мыңнан астам азаматтан жауап алынды

ҰҚК экс-басшысы Кәрім Мәсімовке қандай жаза беріледі?

Қызылордалықтар Әлеуметтік медициналық сақтандыру қорына 28,7 млрд теңге аударды

Қасым-Жомарт Тоқаев қазақстандықтарды Амал мерекесімен құттықтады

Қаңтар оқиғасы: Құқық қорғау органдарындағы 3,5 мың қызметкер жарақат алды

Бизнес грантын алуға өтінімдер 1 сәуірден бастап арнайы порталда қабылданады

Бүгін &#8211; Көрісу күні

Үкімет халыққа мәлімдеме жасады

Қызылордада коронавируспен ауырғандар жоқ, жазылғандар бар

14 наурызға арналған ауа райы болжамы

Қайрат Сатыбалдыұлы уақытша ұстау изоляторына қамалды

Паралимпиада-2022: Қазақстандық спортшылар қанша табыс тапты

Бүгін – Көрісу күні