<a href="https://kyzylorda-news.kz/">Kyzylorda-news.kz.</a> «AMANAT» партиясы Саяси менеджмент академиясы ауыл және ауылдық округ әкімдерін оқыту бағдарламасын жалғастыруда. 17-19 тамыз аралығында өңіріміздегі 20-ға жуық ауыл әкімі халықтың экономикалық белсенділігін арттыру саласындағы біліктілігін жетілдіру курстарынан өтеді.
Ауыл әкімдерінің “Табыстарды арттыру мақсатында халықтың экономикалық белсенділігін жоғарылату саласындағы басқарушының құзыреттілігін көтеру” семинарының оқыту бағдарламасы ауылдың әлеуметтік-экономикалық бейнесін анықтау үшін үй-үйді аралап ауданды скринингтен өткізіп, алынған ақпаратқа бастапқы талдау жүргізе алады, сонымен қатар ауылдың мамандануын және маркетингтік талдау жүргізумен бірге таңдап алынған бизнес-тауашаны тестілей алады. 
Өткізу тізбектерін құру, кооперативтер ұйымдастыру, бизнес-жобаларға қаржылық есеп-қисап та жүргізе алуы ауылдық округ әкімдерінің біліктілігін арттыруға ықпал етеді.
Аталған бастамаларды іске асырудың негізі “2025 жылға дейінгі халықтың табысын арттыру бағдарламасы” болып саналады.
Бұл бағдарламаның басым бағыттарының бірі: ауыл шаруашылығында жұмыспен қамтуды арттыру; туристік саладағы жұмыспен қамтуды ұлғайту және халықтың кірісін арттыру факторы ретінде кәсіпкерлік табыстың өсуін ынталандыру. Бұл бүгінгі таңда барлық деңгейдегі басшылардың алдында тұрған жоғары міндеттер.
Оқу семинарды партияның облыстық филиалының Атқарушы хатшысы Төрешова Ләйлә Бегалықызы ашып, семинардың мақсат міндеті мен одан күтілетін нәтижелер жайында тілге тиек етіп, білім алушыларға сәттілік тіледі.
<img src="https://kyzylorda-news.kz/wp-content/uploads/2022/08/300056800_441265661372409_4445478598579093403_n.jpg" alt="" />

Ауыл әкімдері «AMANAT» Саяси менеджмент академиясында оқуды жалғастыруда

<a href="https://kyzylorda-news.kz/">Kyzylorda-news.kz.</a> Бүгінде Қызылорда облысы бойынша табысына қарамастан мемлекеттік жәрдемақымен қамтамасыз етілген 32 мыңға жуық көпбалалы отбасы бар. Одан бөлек, 2020 жылы өзгерген жаңа тәсіл бойынша атаулы әлеуметтік көмек алушыларға да мемлекет тарапынан бірқатар жеңілдіктер қарастырылған. Бұл туралы өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов баяндады.
<blockquote>
 «2022 жылдың 3-тоқсанына Қызылорда облысы бойынша есептелген кедейлік шегінің мөлшері 27 339 теңгені құрады. Мемлекет көмекке мұқтаж адамдарға, әсіресе балалар мен көпбалалы отбасыларға көмектеседі. Еңбекке қабілетті азаматтар жұмыс істеуі керек. Атаулы әлеуметтік көмек алушы отбасындағы 1 жастан 18 жасқа дейінгі балаларға кепілді әлеуметтік топтамалар ұсынылады. Атап айтқанда, 1 жастан 6 жасқа дейінгі балалар азық-түлік жиынтығымен және гигиена заттарымен қамтамасыз етіледі. Ал 6 жастан 18 жасқа дейінгі балалар мектепте ыстық тамақпен, оқу құралдары мен мектеп формаларымен қамтамасыз етіледі, сонымен қатар, мектепке барып қайту жол шығындары өтеледі. Мемлекеттік атаулы әлеуметтік көмек көрсетуге 2022 жылға бюджеттен 5,1 млрд. теңге қаржы қаралған. 2022 жылдың 7 айында облыс бойынша 10 656 отбасына 2,9 млрд. теңгеге атаулы әлеуметтік көмек тағайындалып төленді», – деді Мейрамбек Жақсылықұлы.
</blockquote>
Басқарма басшысы орынбасарының айтуынша, аз қамтылған отбасыларындағы 1 жастан 6 жасқа дейінгі балаларды кепілдендірілген әлеуметтік топтамамен қамтамасыз етуге республикалық бюджеттен 1,2 млрд. теңге қаржы бөлінген. Бірінші тамыздағы жағдай бойынша 13 188 бала азық-түлік және гигиеналық топтамамен қамтамасыз етілген. Орта білім беру ұйымдарында білім алатын 6 539 балаға қоғамдық көлікте тегін жүруін қамтамасыз ету үшін тиісті қаражат төленген.
<img src="https://kyzylorda-news.kz/wp-content/uploads/2022/08/mejrambek.jpg" alt="" />

Қызылордада атаулы әлеуметтік көмек алушылар тиісті топтамамен қамтылып жатыр

<a href="https://kyzylorda-news.kz/">Kyzylorda-news.kz.</a> Қызылорда қаласында электронды білезікті үзген сотталғанға қатысты сотқа ұсыныс жолданды.
Қызылорда облысы бойынша ҚАЖ департаментінің аудандық, қалалық пробация есебінде тұратын 32 сотталғанға электронды білезік тағылған болатын.
Қызылорда қалалық пробация қызметінің есебіндегі А есімді сотталған ҚР ҚК-нің 188-бабының 3-бөлігі 3-тармағымен кінәлі деп танылып, сот үкімімен оған 3 жыл 6 айға бас бостандығынан шектеу жазасы тағайындалған. Жаза өтеуінің бүкіл мерзімі ішінде жыл сайын 100 сағаттан аспайтын мәжбүрлі еңбек тағайындалып, пробациялық бақылау белгіленген. Жуырда бұл сотталғанға қалалық пробация қызметімен электронды білезік тағылған. Электронды бақылау құрылғысы тағылса да ол сот жүктеген міндеттерді орындамай, жаза өтеу тәртібін бірнеше рет бұзып, мәжбүрлі еңбекті атқарудан бас тартқан. Пробация қызметкерлерімен төрт рет «ескерту» тәртіптік шарасы қолданылған.
<blockquote>
 «Бұл сотталған бас бостандығын шектеу түріндегі жазаны өтеу тәртібін бірнеше рет бұзған. Соттталған бұнымен тоқталмай, масаң күйде болып, электронды құрылғысын өздігінен үзіп тастаған. Сол мезетте пробация инспекторларының планшеттеріне сигнал келіп түскен. Жүргізілген тәрбиелік жұмыстардан еш нәтиже шығармаған сотталғанның іс-құжаттары жинақталып, бас бостандығының өтелмеген мерзімін дәл сол мерзімге бас бостандығынан айыру жазасына ауыстыру үшін сотқа ұсыныс жолданды»,- дейді әділет майоры Ж.Есмаханов.
</blockquote>
<img src="https://kyzylorda-news.kz/wp-content/uploads/2020/04/zhaza-sot-kaz.jpg" alt="" />

Қызылордада электронды білезікті үзген сотталғанға қатысты сотқа ұсыныс жолданды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қармақшы ауданындағы Тұрмағамбет ауылында 165 тұрғынды тұрақты жұмыспен қамтып отырған «Тұрмағамбет» ЖШС туралы айтпақпыз.
2004 жылы құрылған серіктестік негізі күріш егумен айналысады. Биылдың өзінде 1700 гектар жерге күріш еккен. Сондай-ақ, жаздық бидай, жоңышқа, мақсары да өсіреді.
Біздің сауалдарымызға жауап берген серіктестіктің қызметкері Бағдәулет Зайыров жоғарыда айтқан өнімдерден өзге макаронның 5 түрін, сүт өнімдерінің де түр-түрін әзірлейтіндерін жеткізді. Сонымен қатар, қоршауға арналған сетка шығаратын шағын цехтары да бар.
<blockquote>
 «Бізде сүт өнімдеріне сұраныс жоғары. Бір литрлік ыдыстармен есептегенде айына 3700 дана қатық, 500 дана кілегей, 1500 дана қаймақ дайындаймыз. Оларды Жосалы кенті мен Байқоңыр, Төретамға және Жалағаш аудандарына жібереміз. Оның үстіне жазда балмұздақ та жасаймыз. Оны сатпаймыз, ауыл балаларына тегін таратып береміз», – дейді «Тұрмағамбет» ЖШС өкілі Бағдәулет Зайыров.
</blockquote>
Ал макаронды серіктестік ауданның ішінде сатады. Әуелі жұмысшылардың сұранысынын толық қамтып, содан кейін барып дүкендерге орналастырады екен.
<blockquote>
 «Қазір мекемемізде 165 адам жұмыс істейді. Өнімдердің барлығын өзіміздің ауылдың тұрғындары, яғни серіктестіктің жұмысшылары шығарады. Сетка мен макарон өнімдерін шығарумен айналысатын мамандарымызды Шымкентте, ал сүт өнімдерін дайындайтындарды Алматы қаласында оқытып алдық, тәжірибеден өткіздік. Сапасына қатысты сын болған емес», – дейді Тұрмағамбет» ЖШС өкілі.
</blockquote>
«Тұрмағамбет» ЖШС алдағы уақытта пескоблок, газоблок шығаратын шағын цех ашуды жоспарлап отыр.
<blockquote>
 «Қазір Қызылорда облысындағы шағын және орта бизнес субъектілерінде жұмыспен қамтылған азаматтардың саны 104 мыңнан асты. Оның 6 447-сі биыл ашылған», – деді Кәсіпкерлер палатасының директоры Пірмұхаммед Сыздықов.
</blockquote>
Айта кету керек, статистикалық ақпарат бойынша, осы жылдың 1 шілдесіне дейін облыста тіркелген шағын және орта кәсіпкерлік субъектілерінің саны 59 023-ке жетті.
Ал кәсіпкердің өніміне қатысты сауалдарыңыз болса мына нөмірге хабарласа аласыздар: 8 705 723 50 90.
<img src="https://kyzylorda-news.kz/wp-content/uploads/2022/08/123-scaled.jpg" alt="" />

Қармақшылық кәсіпкер бір ауылдың 165 тұрғынын жұмыспен қамтып отыр

<a href="https://kyzylorda-news.kz/">Kyzylorda-news.kz.</a>&nbsp;Қазақта «Маңдайы терлемегеннің қазаны қайнамайды» деген жақсы сөз бар. Осы тәмсілді әрдайым естен шығармайтын Майдакөл ауылының тұрғыны, зейнеткер Алмасбек Ыбырайұлы балаларын ерте жастан еңбекке баулыған. Қазіргі таңда әке жолын қуған балалары да өзіне қолғабыс жасап жүр.
Жастайынан еңбекке ерте араласқан ақсақал зейнет демалысына шықса да қарап отырмайды. Жыл сайын ағайын-туыс және бала-шағасымен бірге ауыл іргесінен жер алып, бақша егеді.
Дихан ағамыз биыл да жылдағы дәстүрден жаңылмады. Ерте көктемнен бастап 8 гектар жерге бақша дақылдарын егіп, жаз бойы бел жазбай еңбек етті. Ерте көктемнен басталған тынымсыз тіршілік еш кеткен жоқ.
Бүгінде Алмасбек Нәукенің бақшасы жайқалып өсіп тұр. Арықтардың жиегінде піскен қауынның иісі мұрынды жарады. Бүгінде балаларынан артылған қауын-қарбызды аудан орталығына апарып, көтерме бағада өткізуде. Жазғы демалысқа Нұр-Сұлтан, Алматы қалаларынан келген немерелердің де қуанышында шек жоқ.
Алмасбек Нәуке қауын-қарбыздан бөлек, картоп, жуа, қызанақ, қияр сияқты дақылдарды да еккен. Осылайша қыстай бала-шағасы жейтін бақша дақылдары мен көкөністерді дайындайды. Жаз бойғы еткен адал еңбектің арқасында Алмасбек Ыбырайұлының отбасы бұлардың ешқайсысын сатып алмайды.
<blockquote>
 «Мен бақша егумен көп жылдан бері айналысып келемін. Биыл да інілерім және балаларыммен бірге бақшаны жыртқызып, қоршап алдық. Бақша егу табандылық пен еңбекқорлықты қажет етеді. Көріп тұрғаныңыздай жаз бойғы еңбегіміздің нәтижесі жаман емес. Қарбыз, қауын, қияр мен асқабақтың шығымы жақсы», – деді еңбек иесі бізбен әңгімесінде.
</blockquote>
<img src="https://kyzylorda-news.kz/wp-content/uploads/2022/08/299791134_3432017427019180_5414718221427953032_n.jpg" alt="" />
<img src="https://kyzylorda-news.kz/wp-content/uploads/2022/08/karbyz.jpg" alt="" />

Майдакөл ауылының тұрғыны 8 гектар жерге бақша дақылдарын екті

<a href="https://kyzylorda-news.kz/">Kyzylorda-news.kz.</a> Қызылорда облысында тағы бір ірі есірткі алқабы жойылды.
«Қарасора-2022» жедел-профилактикалық іс-шарасы барысында Қызылорда облысы полиция департаментінің Есірткі қылмысына қарсы іс-қимыл басқармасы мен Қызылорда облысы Ұлттық қауіпсіздік комитеті Шекара қызметінің қызметкерлері бірлесіп, Шиелі ауданы Тұрсынбай датқа ауылынан 30 шақырым жерде қалың шеңгел арасынан ірі есірткі алқабын анықтады.
Оқиға орнында 46-51 жас аралығындағы үш күдікті ұсталды. Тексеру кезінде жедел-тергеу тобы биіктігі 10 см болатын құрамында есірткі бар өсімдіктердің 2187 түбін анықтады. Қызылордалық полицейлер оқиға орнынан ірі есірткі алқабынан бөлек ұсталғандардың жеке заттарын, азық-түлік, сора өсіруге арналған арнайы жабдықтар, атап айтқанда, насос, палатка, мотор, шланга, күрек, кетпен тәркіледі.
Күдіктілер тамшылатып суару технологиясын қолданған. Үш күдікті де Шиелі аудандық полиция бөлімінің уақытша ұстау изоляторына қамауға алынды. Аталған дерек бойынша ҚР ҚК-нің 300-бабының 2-бөлігінің 1,3-тармақтарына (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) сәйкес, сотқа дейінгі тергеп-тексеру әрекеттері жүргізілуде.
<img src="https://kyzylorda-news.kz/wp-content/uploads/2022/08/220817111958910e.jpg" alt="" />

Шиеліде ірі есірткі алқабы анықталды (ВИДЕО)

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы әкімінің орынбасары Нұрымбет Сақтағановтың төрағалығымен облыс әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өткізілді.
Күн тәртібінде кәмелетке толмағандарға қарсы жасалған қылмыстар арасындағы зорлық-зомбылықтың алдын алу жұмыстары, демалыс кезеңінде балалар арасындағы өрт қауіпсіздігі мен су қауіпсіздігінің алдын алу шаралары жайында мәселелер қаралды.
Облыстық полиция департаменті, жергілікті полиция қызметі басқармасы басшысының орынбасары, полиция подполковнигі Б.Молдабеков кәмелетке толмағандар арасындағы құқық бұзушылықтың ахуалы, жыныстық қол сұғылмаушылық қылмыстарының алдын-алу профилактикалық іс-шаралардың іске асырылуы туралы өз баяндамасында кеңінен тоқталып өтті.
Одан соң балалардың жазғы демалыс кезеңінде өрт және су қауіпсіздігін бақылау бойынша облыстық төтенше жағдайлар департаменті мемлекеттік өрт бақылау басқармасының басшысы, полковник А. Оразбековтің, облыстық төтенше жағдайлар департаменті азаматтық қорғаныс басқармасының басшысы, полковник А.Тоғызбаевтың баяндамалары тыңдалды.
Жиын соңында отырыста қаралған мәселелерге орай комиссия мүшелері өздерінің ұсыныс-пікірлерін ортаға салды. Сонымен қатар комиссия төрағасы Нұрымбет Аманұлы кәмелетке толмаған жасөспірімдердің қауіпсіздігі, жат әдет-қылықтардын аулақ болуы, қажетті деңгейде білім мен тәрбие алуы, олардың құқықтарының қорғалуы жауапты мекемелердің ұдайы назарында болуы қажеттігін айтып, нақты тапсырмалар жүктеді.
<img src="https://kyzylorda-news.kz/wp-content/uploads/2022/08/299969564_1419872805182587_2617458192757173314_n.jpg" alt="" />
<img src="https://kyzylorda-news.kz/wp-content/uploads/2022/08/300166113_1419872888515912_2178049188362681848_n.jpg" alt="" />

Қызылордада кәмелетке толмағандардың істері және олардың құқықтарын қорғау жөніндегі комиссия отырысы өтті

<a href="https://kyzylorda-news.kz/ru/ekonomika-ru/hod-podgotovki-k-novomw-wchebnomw-godw-nahoditsja-pod-kontrolem-161900/"></a><a href="https://kyzylorda-news.kz/">Kyzylorda-news.kz.</a>**** *Қызылорда қаласының әкімі Асылбек Шаменовтың тұрғындармен кездесуі қалаға іргелес жатқан Қосшыңырау және Қарауылтөбе ауылдарында жалғасты. Қала әкімі алдымен Қосшыңырау елді мекенінде болып, халықтың талап-тілектерін тыңдады.*
Көтерілген өзекті мәселелердің бірі – ауылды көгілдір отынға қосу. Бұл жұмыстар бойынша жоба-сметалық құжаттары әзірленген. Мемлекеттік сараптаманың оң қорытындысы алынған. Енді құрылыс жұмыстарына 685,6 млн. теңге қажет. Қаражатты республикалық бюджеттен бөлу жөнінде жедел шаралар атқарылуда.
Кездесуде тұрғындар мектепті күрделі жөндеуден өткізу, дәрігерлік амбулатория салу қажеттілігі турасында сауалдарын жолдады. Қала әкімі аталған нысандар жөнінде нақты жұмыстардың қолға алынғандығын жеткізді.
Қарауылтөбе ауылында «Ауыл – ел бесігі» бағдарламасы аясында типтік үлгідегі 150 орындық клубтың құрылысы жүруде. Сәуір айында іргетасы қаланған жаңа мәдениет ошағын жыл аяғына дейін халық игілігіне пайдалануға беру жоспарланып отыр. Клуб үйінің салынуына ризашылығын білдірген тұрғындар қала әкіміне бірқатар ұсыныс-пікірлерін жеткізді. Қала басшысы Асылбек Шаменов көтерілген мәселелердің мүмкіндігінше тез шешілу жолдары қарастырылатынын айтты.
<img src="https://kyzylorda-news.kz/wp-content/uploads/2022/08/298977534_3158655354401201_8958019084310393331_n.jpg" alt="" />
<img src="https://kyzylorda-news.kz/wp-content/uploads/2022/08/299787816_3158655461067857_341159811444633708_n.jpg" alt="" />
<img src="https://kyzylorda-news.kz/wp-content/uploads/2022/08/299834313_3158655411067862_3674214742679224833_n.jpg" alt="" />

Қызылорда қаласының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> COVID-19 таралуына жол бермеу жөніндегі ведомствоаралық комиссия 16 тамыздағы эпидемиологиялық жағдайды жариялады. Өткен тәулікте коронавирус инфекциясын жұқтырған 1 104 жағдай тіркелді.
Оның ішінде:
Нұр-Сұлтан қаласында – 236,
Алматы қаласында – 88,
Шымкент қаласында – 11,
Ақмола облысында – 78,
Ақтөбе облысында – 61,
Алматы облысында – 6,
Жетісу облысында – 29,
Атырау облысында – 27,
Шығыс Қазақстан облысында – 31,
Абай облысында – 12,
Жамбыл облысында – 6,
Батыс Қазақстан облысында – 105,
Қарағанды облысында – 137,
Ұлытау облысында – 4,
Қостанай облысында – 85,
Қызылорда облысында – 27,
Маңғыстау облысында – 31,
Павлодар облысында – 71,
Солтүстік Қазақстан облысында – 49,
Түркістан облысында – 10.
Елімізде коронавирус инфекциясын жұқтырғандар саны 1 379 791 жетті.
Ал, 1 431 адам коронавирус инфекциясынан жазылып шықты. Елімізде барлығы 1 344 462 адам COVID-19-дан емделіп, сауығып шықты.

Қызылордада 27 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Синоптиктер 17 тамызға арналған ауа райы болжамын жариялады.
Қызылорда облысында күн ыстық, ауа температурасы +30+32 градусты көрсетеді. Облыс орталығында желдің жылдамдығы 9-14 м/с.

17 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;1 қыркүйек – Білім күніне небәрі екі апта уақыт қалды. Аймақта биыл 182 мың оқушы білім алмақ. Қызылорда облысының әкімі Нұрлыбек Нәлібаев жаңа оқу жылында балалар еш кедергісіз білім алуы қажет екенін алға тартты. Әсіресе, мектептердегі күрделі жөңдеу жұмыстарының уақытылы аяқталуын қатаң бақылауға алды. Бүгін аймақ басшысы бірқатар нысандарды аралап, атқарылған жұмыстарды көзбен көрді.
Биыл өңірдегі 6 мектепте күрделі жөңдеу жұмыстары жүруде. Бұл үшін бюджеттен 2,1 млрд. теңге қаржы бөлінген. №10 Ы.Алтынсарин атындағы мектепке барған облыс әкімі білім ордасының оқу процесіне әзірлігін бақылады. Аймақ басшысы жыл сайын апатты мектептерді жойып, жаңа мектептердің желісі көбейтуге басымдық берілетінін айтты.
<blockquote>
 «Оқушылардың қуанышына ештеңе жетпейді. Мектепке қомақты қаржы бөлінгендіктен, күрделі жөндеу жұмыстары өте сапалы орындалуы керек. Себебі оқу жылына білім беру нысандарының дайындығы Үкімет басшысының тікелей назарында. Демографиялық өсімнің нәтижесінде қалада ықшам аудандар көбейіп, мектептерде орын тапшылығы мәселесі туындағаны жасырын емес. Бұл ретте апатты жағдайдағы 4 мектептің екеуінің ғимаратын жаңа оқу жылында табыстаймыз. Тоқабай ауылындағы бір апатты мектеп мәселесін жеке инвестор арқылы шештік. Жерлесіміз, меценат азамат өз қаражаты есебінен 550 млн.теңгені құрайтын 100 орындық мектеп құрылысын бастады. Мұнан өзге, Қазалы ауданындағы тағы бір мектептің жобалық-сметалық құжаттары әзірленуде. Сондай-ақ, қала мектептеріндегі орын тапшылығын жою үшін 4 мектептің жанынан қосымша ғимарат салуға шешім қабылданды. Себебі жаңа мектеп салу қымбатқа түседі. Қазіргі таңда 600 және 375 орындық 2 мектептің жоба-сметалық құжаттары аяқталып, мердігер компаниялар бекітілуде. Ал, қалған 2 білім ұясының жобалық-сметалық құжаттамасы әзірленуде», – деді Нұрлыбек Нәлібаев.
</blockquote>
Өңір басшысы балалар жылына тарту ретінде демеушілер есебінен өңірде 80 спорттық ойын алаңы салынатынын жеткізді. Яғни Қызылорда қаласында 1 млрд. теңгеге 50-ге тарта, аудандарда 600 млн. теңгеге 30-дан астам спорттық-ойын алаңы бой көтереді. Мұнан бөлек, демеушілердің қолдауымен аймақта 45 млрд. теңгеге 391 жоба әзірленді. Ең бірінші кезекте ауыз су, электр жарығы, жол сапасы мен елді мекендерді газдандыру жұмыстары жүргізіледі. Бұл жобалар келесі жылдан бастап іске асырылады.
Әрі қарай облыс әкімі аймақтағы ірі өндіріс орны шыны зауытына да барды. Өткен жылдың желтоқсан айында зауыттың күйдіру пеші техникалық іске қосылған. Алайда, пешті қосу-реттеу барысында ақаулар анықталып, қажетті күйдіру қондырғысына тапсырыс беріліп, жеткізілді.
Аймақ басшысы Нұрлыбек Нәлібаевтың тапсырмасы негізінде зауытты іске қосу үшін биылғы жылдың 25 шілдесінде арнайы Штаб құрылғанын жеткізді. Мұндағы мақсат – зауытты іске қосу кезінде туындаған мәселелерді шұғыл түрде шешу.
Әкімдік өз құзыреті шегінде инженерлік инфрақұрылымды жеткізіп беруге жауапты. Осы ретте, зауытқа қажетті электрэнергия, байланыс желісі, автомобиль жолы, су және кәріз жүйелері жеткізілді. Сыртқы темір жол тұйығы құрылысы аяқталды. Енді кезекте екінші тараптар техникалық және авторлық бақылау өкілдерінің берген ескертулерін жою жұмыстарын жеделдетуі керек. Себебі газ келгеннен кейін, пешті қайта іске қосып, жағу үшін қабылдау актісін рәсімдеп, бітіруі қажет.
Өңір басшысы сала мамандарымен пікірлесіп, ауқымды зауытты іске қосу үшін қажетті шараларды жылдам қабылдау керек екендігін жеткізді.
<blockquote>
 «Шынын айтқанда, зауытты іске қосу процесі тым ұзап кетті. Бар мүмкіндікті пайдаланып, зауытты іске қосуымыз қажет. Бұған дейін уәде көп берілгенімен, нәтиже болмады. Халық асыға күтіп отыр. Сондықтан қалайда өндірісті аяқтауға тиіспіз. Аптасына екі рет штаб өткізіп, өзекті мәселелерді талқылау қажет. Бәрі де менің тікелей бақылауымда болады», – деді Нұрлыбек Нәлібаев.
</blockquote>
Айта кетейік, жоспар бойынша шыны зауытының бірінші өнімі қазан айында шығарылмақ.
<img src="https://kyzylorda-news.kz/wp-content/uploads/2022/08/img-20220816-wa0030.jpg" alt="" />
<img src="https://kyzylorda-news.kz/wp-content/uploads/2022/08/img-20220816-wa0070-1.jpg" alt="" />
<img src="https://kyzylorda-news.kz/wp-content/uploads/2022/08/img-20220816-wa0072-1.jpg" alt="" />
<img src="https://kyzylorda-news.kz/wp-content/uploads/2022/08/img-20220816-wa0071-1.jpg" alt="" />

Нұрлыбек Нәлібаев: Мектептердің күрделі жөндеу жұмыстары сапалы аяқталуы керек

*<a href="https://kyzylorda-news.kz/">Kyzylorda-news.kz.</a> Бүгін Премьер Министр Әлихан Смайловтың төрағалығымен Үкімет отырысы өтіп, оқу жылына дайындық барысы сараланды. Үкімет басшысы жаңа оқу жылына дайындық жұмыстары жоспарға сай жүргізілу қажет екенін айтты.*
Жиынға бірқатар министрлер мен онлайн режимде барлық өңірдің әкімдері қатысты.
Үкімет отырысынан кейін облыс әкімі Нұрлыбек Нәлібаев күн тәртібіндегі мәселе бойынша сала басшыларына арнайы тапсырмалар берді.
Аймақтағы 295 мемлекеттік, 16 жекеменшік мектепте 182 мың оқушы білім алмақ. Осы ретте, екі апатты мектептің (Арал №71, Жаңақорған №169) ғимараты жаңа оқу жылына тапсырылады. Биыл 1-сыныпқа 17 898 бала мектеп табалдырығын аттайды деп күтілуде.Аймақ басшысы жаңа оқу жылын бастауда еш кедергі болмау қажет екенін ескетті.
<blockquote>
 «Қала, аудан әкімдеріне жергілікті жердегі барлық мәселеге жауапты екендіктеріңізді тағы да бір еске саламын. Сабақ процесі еш кедергісіз басталуы керек.Көмекке мұқтаж отбасының балаларына қажетті барлық қолдау шараларын жүзеге асырыңыздар! Бұл тек басқарманың ғана емес, қала, аудан әкімдерінің де тікелей міндеті», – деді Нұрлыбек Нәлібаев.
</blockquote>
Сондай-ақ, білім саласындағы тағы бір көтерілген мәселе – оқулықтардың жеткізілуі. Нұрлыбек Машбекұлы бұл мәселеде мектеп оқушыларына тиісті берілетін кітаптарды үлестіру жұмыстарын ерте ұйымдастыруды тапсырды.
Сонымен қатар, биылғы жылы жалпыға міндетті оқу қоры аясында ҚР Үкіметінің қаулысына сәйкес тиісті көмек түрлерін алатын арнайы санаттағы 31 322 бала анықталды. Бұған жергілікті бюджеттен қажетті қаржы бөлінген.
<img src="https://kyzylorda-news.kz/wp-content/uploads/2022/08/fb_img_1660654237262.jpg" alt="" />
<img src="https://kyzylorda-news.kz/wp-content/uploads/2022/08/fb_img_1660654239787.jpg" alt="" />

Қазақстан және Қызылорда облысының жаңалықтары